सारण द्वारा वानर सेनापतियों का वर्णन (शेष)

श्लोक 1 (yuddha.27.1)

तांस्तु ते सम्प्रवक्ष्यामि प्रेक्षमाणस्य यूथपान् । राघवार्थे पराक्रान्ता ये न रक्षन्ति जीवितम् ॥ ६-२७-१ ॥

tāṃs tu te sampravakṣyāmi prekṣamāṇasya yūthapān | rāghavārthe parākrāntā ye na rakṣanti jīvitam || 6-27-1 ||

जब तुम देख ही रहे हो, तो मैं उन सेनापतियों के विषय में तुम्हें और बताता हूँ, जो राघव के हित के लिए अपने प्राणों की भी रक्षा नहीं करते।

श्लोक 2 (yuddha.27.2)

स्निग्धा यस्य बहुव्यामा दीर्घलाङ्गूलमाश्रिताः । ताम्राः पीताः सिताः श्वेताः प्रकीर्णा घोरकर्मणः ॥ ६-२७-२ ॥

snigdhā yasya bahuvyāmā dīrghalāṅgūlam āśritāḥ | tāmrāḥ pītāḥ sitāḥ śvetāḥ prakīrṇā ghorakarmaṇaḥ || 6-27-2 ||

जिसकी लंबी पूँछ पर अनेक हाथ लंबे, चिकने, ताम्र, पीत, धूसर और श्वेत बाल बिखरे हुए हैं -- वह भयंकर कर्म करने वाला वानर,

श्लोक 3 (yuddha.27.3)

प्रगृहीताः प्रकाशन्ते सूर्यस्येव मरीचयः । पृथिव्यां चानुकृष्यन्ते हरो नामैष यूथपः ॥ ६-२७-३ ॥

pragṛhītāḥ prakāśante sūryasyeva marīcayaḥ | pṛthivyāṃ cānukṛṣyante haro nāmaiṣa yūthapaḥ || 6-27-3 ||

जो उठे हुए सूर्य की किरणों के समान चमकते हैं और पृथ्वी पर घसीटे जाते हैं -- यह सेनापति हर नामक है।

श्लोक 4 (yuddha.27.4)

यं पृष्ठतोऽनुगच्छन्ति शतशोऽथ सहस्रशः । वृक्षानुद्यम्य सहसा लङ्कारोहणतत्पराः ॥ ६-२७-४ ॥

yaṃ pṛṣṭhato'nugacchanti śataśo'tha sahasraśaḥ | vṛkṣān udyamya sahasā laṅkārohaṇatatparāḥ || 6-27-4 ||

जिसके पीछे-पीछे सैकड़ों-हजारों वानर वृक्षों को उठाकर, लंका पर चढ़ने को उतावले होकर चलते हैं --

श्लोक 5 (yuddha.27.5)

यूथपा हरिराजस्य किंकराः समुपस्थिताः । नीलानिव महामेघांस्तिष्ठतो यांस्तु पश्यसि ॥ ६-२७-५ ॥

yūthapā hariRājasya kiṃkarāḥ samupasthitāḥ | nīlān iva mahāmeghāṃs tiṣṭhato yāṃs tu paśyasi || 6-27-5 ||

ये सेनापति वानरराज सुग्रीव के सेवक बनकर उपस्थित हैं। और जिन्हें तुम काले महामेघों के समान खड़े देखते हो,

श्लोक 6 (yuddha.27.6)

असिताञ्जनसंकाशान् युद्धे सत्यपराक्रमान् । असंख्येयाननिर्देश्यान् परं पारमिवोदधेः ॥ ६-२७-६ ॥

asitāñjanasaṃkāśān yuddhe satyaparākramān | asaṃkhyeyān anirdeśyān paraṃ pāram ivodadheḥ || 6-27-6 ||

काजल के समान काले, युद्ध में सचमुच पराक्रमी, असंख्य और अनिर्देश्य -- मानो समुद्र के उस पार जैसे अगम्य --

श्लोक 7 (yuddha.27.7)

पर्वतेषु च ये केचिद्विषमेषु नदीषु च । एते त्वामभिवर्तन्ते राजन्नृक्षाः सुदारुणाः ॥ ६-२७-७ ॥

parvateṣu ca ye kecid viṣameṣu nadīṣu ca | ete tvām abhivartante rājann ṛkṣāḥ sudāruṇāḥ || 6-27-7 ||

जो पर्वतों में, दुर्गम स्थानों में और नदियों के तट पर रहते हैं -- हे राजन्! ये अत्यन्त भयंकर भालू तुम्हारी ओर बढ़ रहे हैं।

श्लोक 8 (yuddha.27.8)

एषां मध्ये स्थितो राजन् भीमाक्षो भीमदर्शनः । पर्जन्य इव जीमूतैः समन्तात्परिवारितः ॥ ६-२७-८ ॥

eṣāṃ madhye sthito rājan bhīmākṣo bhīmadarśanaḥ | parjanya iva jīmūtaiḥ samantāt parivāritaḥ || 6-27-8 ||

हे राजन्! इनके बीच खड़ा हुआ, भयंकर नेत्रों और भयंकर रूप वाला, चारों ओर बादलों से घिरे पर्जन्य के समान,

श्लोक 9 (yuddha.27.9)

ऋक्षवन्तं गिरिश्रेष्ठमध्यास्ते नर्मदां पिबन् । सर्वर्क्षाणामधिपतिर्धूम्रो नामैष यूथपः ॥ ६-२७-९ ॥

ṛkṣavantaṃ giriśreṣṭham adhyāste narmadāṃ piban | sarvarkṣāṇām adhipatir dhūmro nāmaiṣa yūthapaḥ || 6-27-9 ||

और नर्मदा का जल पीते हुए ऋक्षवान् नामक श्रेष्ठ पर्वत पर निवास करने वाला, समस्त भालुओं का स्वामी यह सेनापति धूम्र नामक है।

श्लोक 10 (yuddha.27.10)

यवीयानस्य तु भ्राता पश्यैनं पर्वतोपमम् । भ्रात्रा समानो रूपेण विशिष्टस्तु पराक्रमे ॥ ६-२७-१० ॥

yavīyān asya tu bhrātā paśyainaṃ parvatopamam | bhrātrā samāno rūpeṇa viśiṣṭas tu parākrame || 6-27-10 ||

देखो, पर्वत के समान इस वानर को, जो धूम्र का छोटा भाई है; रूप में भाई के समान है, किन्तु पराक्रम में उससे भी विशिष्ट है।

श्लोक 11 (yuddha.27.11)

स एष जाम्बवान् नाम महायूथपयूथपः । प्रशान्तो गुरुवर्ती च सम्प्रहारेष्वमर्षणः ॥ ६-२७-११ ॥

sa eṣa jāmbavān nāma mahāyūthapayūthapaḥ | praśānto guruvartī ca samprahāreṣv amarṣaṇaḥ || 6-27-11 ||

यह वही जाम्बवान् नामक है, बड़े-बड़े सेनापतियों का भी सेनापति -- शान्त स्वभाव का, गुरुजनों के प्रति आदरशील, किन्तु युद्ध में असहनशील।

श्लोक 12 (yuddha.27.12)

एतेन साह्यं तु महत् कृतं शक्रस्य धीमता । देवासुरे जाम्बवता लब्धाश्च बहवो वराः ॥ ६-२७-१२ ॥

etena sāhyaṃ tu mahat kṛtaṃ śakrasya dhīmatā | devāsure jāmbavatā labdhāś ca bahavo varāḥ || 6-27-12 ||

इस बुद्धिमान् जाम्बवान् ने देवासुर संग्राम में इन्द्र की बड़ी सहायता की थी, और उसे अनेक वर भी प्राप्त हुए थे।

श्लोक 13 (yuddha.27.13)

आरुह्य पर्वताग्रेभ्यो महाभ्रविपुलाः शिलाः । मुञ्चन्ति विपुलाकारा न मृत्योरुद्विजन्ति च ॥ ६-२७-१३ ॥

āruhya parvatāgrebhyo mahābhravipulāḥ śilāḥ | muñcanti vipulākārā na mṛtyor udvijanti ca || 6-27-13 ||

इसके विशालकाय सैनिक पर्वत-शिखरों पर चढ़कर विशाल मेघ जैसी चट्टानें फेंकते हैं, और मृत्यु से भी विचलित नहीं होते।

श्लोक 14 (yuddha.27.14)

राक्षसानां च सदृशाः पिशाचानां च रोमशाः । एतस्य सैन्या बहवो विचरन्त्यमितौजसः ॥ ६-२७-१४ ॥

rākṣasānāṃ ca sadṛśāḥ piśācānāṃ ca romaśāḥ | etasya sainyā bahavo vicarantyamitaujasaḥ || 6-27-14 ||

उसके सैनिक राक्षसों और पिशाचों के समान रोमश तथा अपार तेजस्वी हैं, जो अनेकों की संख्या में विचरण करते हैं।

श्लोक 15 (yuddha.27.15)

यमेनमभिसंरब्धं प्लवमानमवस्थितम् । प्रेक्षन्ते वानराः सर्वे स्थितं यूथपयूथपम् ॥ ६-२७-१५ ॥

yam enam abhisaṃrabdhaṃ plavamānam avasthitam | prekṣante vānarāḥ sarve sthitaṃ yūthapayūthapam || 6-27-15 ||

जो उग्र होकर कभी छलाँग मारता, कभी स्थिर खड़ा होता है -- उस सेनापतियों के भी सेनापति को सब वानर देखते रहते हैं।

श्लोक 16 (yuddha.27.16)

एष राजन् सहस्राक्षं पर्युपास्ते हरीश्वरः । बलेन बलसंयुक्तो दम्भो नामैष यूथपः ॥ ६-२७-१६ ॥

eṣa rājan sahasrākṣaṃ paryupāste harīśvaraḥ | balena balasaṃyukto dambho nāmaiṣa yūthapaḥ || 6-27-16 ||

हे राजन्! यह वानर-नाथ सहस्राक्ष पर्वत पर निवास करता है; अपने बल से संयुक्त इस सेनापति का नाम दम्भ है।

श्लोक 17 (yuddha.27.17)

यः स्थितं योजने शैलं गच्छन् पार्श्वेन सेवते । ऊर्ध्वं तथैव कायेन गतः प्राप्नोति योजनम् ॥ ६-२७-१७ ॥

yaḥ sthitaṃ yojane śailaṃ gacchan pārśvena sevate | ūrdhvaṃ tathaiva kāyena gataḥ prāpnoti yojanam || 6-27-17 ||

जो चलते हुए एक योजन दूर स्थित पर्वत को अपने पार्श्व से छू लेता है, और उसी प्रकार ऊपर की ओर उठकर एक योजन की ऊँचाई तक अपनी काया से पहुँच जाता है,

श्लोक 18 (yuddha.27.18)

यस्मात्तु परमं रूपं चतुष्पात्सु न विद्यते । श्रुतः संनादनो नाम वानराणां पितामहः ॥ ६-२७-१८ ॥

yasmāt tu paramaṃ rūpaṃ catuṣpātsu na vidyate | śrutaḥ saṃnādano nāma vānarāṇāṃ pitāmahaḥ || 6-27-18 ||

जिससे बड़ा रूप किसी चतुष्पद प्राणी का नहीं है -- वह वानरों का पितामह, संनादन नाम से विख्यात है।

श्लोक 19 (yuddha.27.19)

येन युद्धं तदा दत्तं रणे शक्रस्य धीमता । पराजयश्च न प्राप्तः सोऽयं यूथपयूथपः ॥ ६-२७-१९ ॥

yena yuddhaṃ tadā dattaṃ raṇe śakrasya dhīmatā | parājayaś ca na prāptaḥ so'yaṃ yūthapayūthapaḥ || 6-27-19 ||

इस बुद्धिमान् ने ही उस समय समर में इन्द्र को युद्ध दिया था, और पराजय को प्राप्त नहीं हुआ -- यही सेनापतियों का सेनापति है।

श्लोक 20 (yuddha.27.20)

यस्य विक्रममाणस्य शक्रस्येव पराक्रमः । एष गन्धर्वकन्यायामुत्पन्नः कृष्णवर्त्मना ॥ ६-२७-२० ॥

yasya vikramamāṇasya śakrasyeva parākramaḥ | eṣa gandharvakanyāyām utpannaḥ kṛṣṇavartmanā || 6-27-20 ||

जिसका पराक्रम, चलते समय, इन्द्र के समान है -- यह एक गन्धर्व-कन्या से अग्नि के द्वारा उत्पन्न हुआ था,

श्लोक 21 (yuddha.27.21)

तदा देवासुरे युद्धे साह्यार्थं त्रिदिवौकसाम् । यत्र वैश्रवणो राजा जम्बूमुपनिषेवते ॥ ६-२७-२१ ॥

tadā devāsure yuddhe sāhyārthaṃ tridivaukasām | yatra vaiśravaṇo rājā jambūm upaniṣevate || 6-27-21 ||

उस समय देवासुर संग्राम में देवताओं की सहायता के लिए। जिस पर्वत पर राजा वैश्रवण जम्बू वृक्ष के नीचे बैठते हैं,

श्लोक 22 (yuddha.27.22)

यो राजा पर्वतेन्द्राणां बहुकिंनरसेविनाम् । विहारसुखदो नित्यं भ्रातुस्ते राक्षसाधिप ॥ ६-२७-२२ ॥

yo rājā parvatendrāṇāṃ bahukiṃnarasevinām | vihārasukhado nityaṃ bhrātus te rākṣasādhipa || 6-27-22 ||

हे राक्षसाधिप! जो पर्वतों का राजा है, अनेक किन्नरों से सेवित है, और तुम्हारे भाई (कुबेर) को सदा विहार-सुख देने वाला है,

श्लोक 23 (yuddha.27.23)

तत्रैष रमते श्रीमान् बलवान् वानरोत्तमः । युद्धेष्वकत्थनो नित्यं क्रथनो नाम यूथपः ॥ ६-२७-२३ ॥

tatraiṣa ramate śrīmān balavān vānarottamaḥ | yuddheṣv akatthano nityaṃ krathano nāma yūthapaḥ || 6-27-23 ||

वहीं यह श्रीमान्, बलवान्, श्रेष्ठ वानर विचरण करता है -- युद्ध में कभी डींग न हाँकने वाला यह सेनापति क्रथन नामक है।

श्लोक 24 (yuddha.27.24)

वृतः कोटिसहस्रेण हरीणां समवस्थितः । एषैवाशंसते लङ्कां स्वेनानीकेन मर्दितुम् ॥ ६-२७-२४ ॥

vṛtaḥ koṭisahasreṇa harīṇāṃ samavasthitaḥ | eṣaivāśaṃsate laṅkāṃ svenānīkena marditum || 6-27-24 ||

एक हजार करोड़ वानरों से घिरा हुआ खड़ा है; वह भी अपनी सेना से लंका को रौंद डालने की आशा रखता है।

श्लोक 25 (yuddha.27.25)

यो गङ्गामनुपर्येति त्रासयन् गजयूथपान् । हस्तिनां वानराणां च पूर्ववैरमनुस्मरन् ॥ ६-२७-२५ ॥

yo gaṅgām anuparyeti trāsayan gajayūthapān | hastināṃ vānarāṇāṃ ca pūrvavairam anusmaran || 6-27-25 ||

जो गंगा के तट पर विचरण करता हुआ हाथियों के झुण्डों को भयभीत करता है, हाथियों और वानरों के पुराने वैर का स्मरण करते हुए,

श्लोक 26 (yuddha.27.26)

एष यूथपतिर्नेता गर्जन् गिरिगुहाशयः । गजान् रोधयते वन्यानारुजंश्च महीरुहान् ॥ ६-२७-२६ ॥

eṣa yūthapatir netā garjan giriguhāśayaḥ | gajān rodhayate vanyān ārujaṃś ca mahīruhān || 6-27-26 ||

यह सेनापति और नेता, पर्वत-गुफाओं में रहने वाला, गरजता हुआ जंगली हाथियों को रोक देता है और बड़े-बड़े वृक्षों को उखाड़ देता है।

श्लोक 27 (yuddha.27.27)

हरीणां वाहिनीमुख्यो नदीं हैमवतीमनु । उशीरबीजमाश्रित्य मन्दरं पर्वतोत्तमम् ॥ ६-२७-२७ ॥

harīṇāṃ vāhinīmukhyo nadīṃ haimavatīm anu | uśīrabījam āśritya mandaraṃ parvatottamam || 6-27-27 ||

यह वानर-सेना का प्रमुख हिमालय से निकलने वाली नदी के किनारे, उशीरबीज पर्वत और मन्दराचल के सहारे,

श्लोक 28 (yuddha.27.28)

रमते वानरश्रेष्ठो दिवि शक्र इव स्वयम् । एनं शतसहस्राणां सहस्रमभिवर्तते ॥ ६-२७-२८ ॥

ramate vānaraśreṣṭho divi śakra iva svayam | enaṃ śatasahasrāṇāṃ sahasram abhivartate || 6-27-28 ||

स्वर्ग में इन्द्र के समान आनन्दित रहता है यह श्रेष्ठ वानर; इसके पीछे एक हजार लाख वानर चलते हैं,

श्लोक 29 (yuddha.27.29)

वीर्यविक्रमदृप्तानां नर्दतां बाहुशालिनाम् । स एष नेता चैतेषां वानराणां महात्मनाम् ॥ ६-२७-२९ ॥

vīryavikramadṛptānāṃ nardatāṃ bāhuśālinām | sa eṣa netā caiteṣāṃ vānarāṇāṃ mahātmanām || 6-27-29 ||

बल और पराक्रम पर गर्वित, गरजते हुए, बलिष्ठ भुजाओं वाले उन महात्मा वानरों का यही नेता है।

श्लोक 30 (yuddha.27.30)

स एष दुर्धरो राजन् प्रमाथी नाम यूथपः । वातेनेवोद्धतं मेघं यमेनमनुपश्यसि ॥ ६-२७-३० ॥

sa eṣa durdharo rājan pramāthī nāma yūthapaḥ | vātenevoddhataṃ meghaṃ yam enam anupaśyasi || 6-27-30 ||

हे राजन्! यह दुर्धर्ष सेनापति प्रमाथी नामक है -- जिसे तुम मानो पवन से उठाए गए मेघ के समान देख रहे हो,

श्लोक 31 (yuddha.27.31)

अनीकमपि संरब्धं वानराणां तरस्विनाम् । उद्धूतमरुणाभासं पवनेन समन्ततः ॥ ६-२७-३१ ॥

anīkam api saṃrabdhaṃ vānarāṇāṃ tarasvinām | uddhūtam aruṇābhāsaṃ pavanena samantataḥ || 6-27-31 ||

स्वयं क्रुद्ध, वेगवान् वानरों की सेना भी, जिससे चारों ओर पवन के द्वारा लाल-लाल धूल उठाई जा रही है,

श्लोक 32 (yuddha.27.32)

विवर्तमानं बहुशो यत्रैतद्बहुलं रजः । एतेऽसितमुखा घोरा गोलाङ्गूला महाबलाः ॥ ६-२७-३२ ॥

vivartamānaṃ bahuśo yatraitad bahulaṃ rajaḥ | ete'sitamukhā ghorā golāṅgūlā mahābalāḥ || 6-27-32 ||

जो बार-बार घूमती हुई भारी धूल के रूप में उठती है। ये काले मुखवाले, भयंकर, गोलांगूल जाति के महाबली वानर,

श्लोक 33 (yuddha.27.33)

शतं शतसहस्राणि दृष्ट्वा वै सेतुबन्धनम् । गोलाङ्गूलं महाराज गवाक्षं नाम यूथपम् ॥ ६-२७-३३ ॥

śataṃ śatasahasrāṇi dṛṣṭvā vai setubandhanam | golāṅgūlaṃ mahārāja gavākṣaṃ nāma yūthapam || 6-27-33 ||

सौ लाख की संख्या में, सेतु-बंधन को देखकर हे महाराज! अपने गोलांगूल सेनापति गवाक्ष नामक को घेरकर,

श्लोक 34 (yuddha.27.34)

परिवार्याभिनर्दन्ते लङ्कां मर्दितुमोजसा । भ्रमराचरिता यत्र सर्वकालफलद्रुमाः ॥ ६-२७-३४ ॥

parivāryābhinardante laṅkāṃ marditum ojasā | bhramarācaritā yatra sarvakālaphaladrumāḥ || 6-27-34 ||

और गरजते हुए अपने बल से लंका को रौंद डालने की इच्छा रखते हैं। जहाँ भौंरों से गुंजित, सब ऋतुओं में फल देने वाले वृक्ष हैं,

श्लोक 35 (yuddha.27.35)

यं सूर्यस्तुल्यवर्णाभमनुपर्येति पर्वतम् । यस्य भासा सदा भान्ति तद्वर्णा मृगपक्षिणः ॥ ६-२७-३५ ॥

yaṃ sūryas tulyavarṇābham anuparyeti parvatam | yasya bhāsā sadā bhānti tadvarṇā mṛgapakṣiṇaḥ || 6-27-35 ||

और जिसके चारों ओर सूर्य अपने ही समान वर्ण के इस पर्वत की परिक्रमा करता है, जिसकी आभा से वहाँ के पशु-पक्षी सदा उसी वर्ण में चमकते हैं,

श्लोक 36 (yuddha.27.36)

यस्य प्रस्थं महात्मानो न त्यजन्ति महर्षयः । सर्वकामफला वृक्षाः सदा फलसमन्विताः ॥ ६-२७-३६ ॥

yasya prasthaṃ mahātmāno na tyajanti maharṣayaḥ | sarvakāmaphalā vṛkṣāḥ sadā phalasamanvitāḥ || 6-27-36 ||

जिसके पठार को महान् ऋषि कभी नहीं छोड़ते, जहाँ मनोवांछित फल देने वाले वृक्ष सदा फलों से लदे रहते हैं,

श्लोक 37 (yuddha.27.37)

मधूनि च महार्हाणि यस्मिन् पर्वतसत्तमे । तत्रैष रमते राजन् रम्ये काञ्चनपर्वते ॥ ६-२७-३७ ॥

madhūni ca mahārhāṇi yasmin parvatasattame | tatraiṣa ramate rājan ramye kāñcanaparvate || 6-27-37 ||

और जिस उत्तम पर्वत पर बहुमूल्य मधु प्राप्त होता है -- हे राजन्! उसी सुरम्य काञ्चन पर्वत पर यह विचरण करता है,

श्लोक 38 (yuddha.27.38)

मुख्यो वानरमुख्यानां केसरी नाम यूथपः । षष्टिर्गिरिसहस्राणि रम्याः काञ्चनपर्वताः ॥ ६-२७-३८ ॥

mukhyo vānaramukhyānāṃ kesarī nāma yūthapaḥ | ṣaṣṭir girisahasrāṇi ramyāḥ kāñcanaparvatāḥ || 6-27-38 ||

यह वानर-प्रमुखों में मुख्य सेनापति केसरी नामक है। साठ हजार सुरम्य स्वर्ण-पर्वत हैं,

श्लोक 39 (yuddha.27.39)

तेषां मध्ये गिरिवरस्त्वमिवानघ रक्षसाम् । तत्रैके कपिलाः श्वेतास्ताम्रास्या मधुपिङ्गलाः ॥ ६-२७-३९ ॥

teṣāṃ madhye girivaras tvam ivānagha rakṣasām | tatraike kapilāḥ śvetās tāmrāsyā madhupiṅgalāḥ || 6-27-39 ||

हे निष्पाप! जैसे तुम राक्षसों में श्रेष्ठ हो, वैसे ही उनके बीच एक श्रेष्ठ पर्वत है। वहाँ कुछ वानर भूरे, कुछ श्वेत, कुछ ताम्रमुख और मधु के समान पीतवर्ण हैं,

श्लोक 40 (yuddha.27.40)

निवसन्त्यन्तिमगिरौ तीक्ष्णदंष्ट्रा नखायुधाः । सिंहा इव चतुर्दंष्ट्रा व्याघ्रा इव दुरासदाः ॥ ६-२७-४० ॥

nivasanty antimagirau tīkṣṇadaṃṣṭrā nakhāyudhāḥ | siṃhā iva caturdaṃṣṭrā vyāghrā iva durāsadāḥ || 6-27-40 ||

जो सुदूर पर्वत पर रहते हैं, तीक्ष्ण दाढ़ों और नखों को शस्त्र बनाए हुए, सिंह के समान चार दाढ़ों वाले, बाघ के समान दुर्दम्य हैं,

श्लोक 41 (yuddha.27.41)

सर्वे वैश्वानरसमा ज्वलदाशीविषोपमाः । सुदीर्घाञ्चितलाङ्गूला मत्तमातङ्गसंनिभाः ॥ ६-२७-४१ ॥

sarve vaiśvānarasamā jvaladāśīviṣopamāḥ | sudīrghāñcitalāṅgūlā mattamātaṅgasaṃnibhāḥ || 6-27-41 ||

सब अग्नि के समान तेजस्वी, फुफकारते हुए सर्पों के समान, बहुत लंबी घुमावदार पूँछों वाले, मत्त हाथियों के समान,

श्लोक 42 (yuddha.27.42)

महापर्वतसंकाशा महाजीमूतनिःस्वनाः । वृत्तपिङ्गलनेत्रा हि महाभीमगतिस्वनाः ॥ ६-२७-४२ ॥

mahāparvatasaṃkāśā mahājīmūtaniḥsvanāḥ | vṛttapiṅgalanetrā hi mahābhīmagatisvanāḥ || 6-27-42 ||

बड़े-बड़े पर्वतों के समान विशाल, महामेघ के समान गर्जने वाले, गोल पीली आँखों वाले, चलते समय भयंकर ध्वनि करने वाले हैं।

श्लोक 43 (yuddha.27.43)

मर्दयन्तीव ते सर्वे तस्थुर्लङ्कां समीक्ष्य ते । एष चैषामधिपतिर्मध्ये तिष्ठति वीर्यवान् ॥ ६-२७-४३ ॥

mardayantīva te sarve tasthur laṅkāṃ samīkṣya te | eṣa caiṣām adhipatir madhye tiṣṭhati vīryavān || 6-27-43 ||

वे सब मानो लंका को रौंद देने की मुद्रा में उसे निहारते हुए खड़े हैं। और यह पराक्रमी उनका अधिपति उनके बीच खड़ा है,

श्लोक 44 (yuddha.27.44)

जयार्थी नित्यमादित्यमुपतिष्ठति वीर्यवान् । नाम्ना पृथिव्यां विख्यातो राजन् शतबलीति यः ॥ ६-२७-४४ ॥

jayārthī nityam ādityam upatiṣṭhati vīryavān | nāmnā pṛthivyāṃ vikhyāto rājan śatabalīti yaḥ || 6-27-44 ||

विजय की कामना से वह पराक्रमी प्रतिदिन सूर्य की उपासना करता है; हे राजन्! यह पृथ्वी पर शतबली नाम से विख्यात है।

श्लोक 45 (yuddha.27.45)

एषैवाशंसते लङ्कां स्वेनानीकेन मर्दितुम् । विक्रान्तो बलवान् शूरः पौरुषे स्वे व्यवस्थितः ॥ ६-२७-४५ ॥

eṣaivāśaṃsate laṅkāṃ svenānīkena marditum | vikrānto balavān śūraḥ pauruṣe sve vyavasthitaḥ || 6-27-45 ||

वह भी अपनी सेना से लंका को रौंद डालने की आशा रखता है; वह पराक्रमी, बलवान् और शूर अपने पौरुष में सुदृढ़ है।

श्लोक 46 (yuddha.27.46)

रामप्रियार्थं प्राणानां दयां न कुरुते हरिः । गजो गवाक्षो गवयो नलो नीलश्च वानरः ॥ ६-२७-४६ ॥

rāmapriyārthaṃ prāṇānāṃ dayāṃ na kurute hariḥ | gajo gavākṣo gavayo nalo nīlaś ca vānaraḥ || 6-27-46 ||

राम को प्रिय करने के लिए यह वानर अपने प्राणों की भी परवाह नहीं करता। गज, गवाक्ष, गवय, नल और नील --

श्लोक 47 (yuddha.27.47)

एकैकमेव योधानां कोटिभिर्दशभिर्वृतः । तथान्ये वानरश्रेष्ठा विन्ध्यपर्वतवासिनः ॥ ६-२७-४७ ॥

ekaikam eva yodhānāṃ koṭibhir daśabhir vṛtaḥ | tathānye vānaraśreṣṭhā vindhyaparvatavāsinaḥ || 6-27-47 ||

इनमें से हर एक दस करोड़ योद्धाओं से घिरा हुआ है। इसके अतिरिक्त विन्ध्य पर्वत पर निवास करने वाले अन्य श्रेष्ठ वानर भी हैं,

श्लोक 48 (yuddha.27.48)

न शक्यन्ते बहुत्वात्तु संख्यातुं लघुविक्रमाः । सर्वे महाराज महाप्रभावाः सर्वे महाशैलनिकाशकायाः । सर्वे समर्थाः पृथिवीं क्षणेन कर्तुं प्रविध्वस्तविकीर्णशैलाम् ॥ ६-२७-४८ ॥

na śakyante bahutvāt tu saṃkhyātuṃ laghuvikramāḥ | sarve mahārāja mahāprabhāvāḥ sarve mahāśailanikāśakāyāḥ | sarve samarthāḥ pṛthivīṃ kṣaṇena kartuṃ pravidhvastavikīrṇaśailām || 6-27-48 ||

जो अपनी विशाल संख्या के कारण गिने नहीं जा सकते, यद्यपि वे स्वयं हलके-फुलके वेग वाले हैं। हे महाराज! ये सब अत्यन्त प्रभावशाली हैं, इनकी काया महापर्वतों जैसी है, और ये सब क्षणभर में पर्वतों को तोड़कर बिखेर कर पृथ्वी को समतल कर सकते हैं।