हनुमान द्वारा लंका का वर्णन

श्लोक 1 (yuddha.3.1)

सुग्रीवस्य वचः श्रुत्वा हेतुमत् परमार्थवत्। प्रतिजग्राह काकुत्स्थो हनूमन्तमथाब्रवीत् ॥ 3.1 ॥

sugrīvasya vacaḥ śrutvā hetumat paramārthavat | pratijagrāha kākutstho hanūmantamathābravīt || 3.1 ||

सुग्रीव के युक्तियुक्त और अत्यंत सारगर्भित वचन सुनकर, काकुत्स्थ राम ने उन्हें स्वीकार किया और फिर हनुमान से कहा।

श्लोक 2 (yuddha.3.2)

तपसा सेतुबन्धेन सागरोच्छोषणेन च। सर्वथापि समर्थोऽस्मि सागरस्यास्य लङ्घने ॥ 3.2 ॥

tapasā setubandhena sāgarocchoṣaṇena ca | sarvathāpi samartho'smi sāgarasyāsya laṅghane || 3.2 ||

तप से, सेतु बांधकर, अथवा सागर को सुखाकर -- मैं हर प्रकार से इस समुद्र को लांघने में समर्थ हूँ।

श्लोक 3 (yuddha.3.3)

कति दुर्गाणि दुर्गाया लङ्कायास्तद् ब्रवीष्व मे। ज्ञातुमिच्छामि तत् सर्वं दर्शनादिव वानर ॥ 3.3 ॥

kati durgāṇi durgāyā laṅkāyāstad bravīṣva me | jñātumicchāmi tat sarvaṃ darśanādiva vānara || 3.3 ||

हे वानर! दुर्गम लंका के कितने ही किले हैं, वह मुझे बताओ; मैं यह सब ऐसे जानना चाहता हूँ मानो प्रत्यक्ष देख रहा होऊँ।

श्लोक 4 (yuddha.3.4)

बलस्य परिमाणं च द्वारदुर्गक्रियामपि। गुप्तिकर्म च लङ्काया रक्षसां सदनानि च ॥ 3.4 ॥

balasya parimāṇaṃ ca dvāradurgakriyāmapi | guptikarma ca laṅkāyā rakṣasāṃ sadanāni ca || 3.4 ||

सेना का परिमाण, द्वारों के दुर्गीकरण की विधि, लंका की सुरक्षा-व्यवस्था तथा राक्षसों के भवन --

श्लोक 5 (yuddha.3.5)

यथासुखं यथावच्च लङ्कायामसि दृष्टवान्। सर्वमाचक्ष्व तत्त्वेन सर्वथा कुशलो ह्यसि ॥ 3.5 ॥

yathāsukhaṃ yathāvacca laṅkāyāmasi dṛṣṭavān | sarvamācakṣva tattvena sarvathā kuśalo hyasi || 3.5 ||

-- लंका में तुमने जो कुछ भी सुगमता और यथार्थता से देखा है, वह सब यथातथ्य मुझे बताओ, क्योंकि तुम हर प्रकार से कुशल हो।

श्लोक 6 (yuddha.3.6)

श्रुत्वा रामस्य वचनं हनूमान् मारुतात्मजः। वाक्यं वाक्यविदां श्रेष्ठो रामं पुनरथाब्रवीत् ॥ 3.6 ॥

śrutvā rāmasya vacanaṃ hanūmān mārutātmajaḥ | vākyaṃ vākyavidāṃ śreṣṭho rāmaṃ punarathābravīt || 3.6 ||

राम के वचन सुनकर, वाणी के ज्ञाताओं में श्रेष्ठ, पवनपुत्र हनुमान ने राम से पुनः यह वचन कहा।

श्लोक 7 (yuddha.3.7)

श्रूयतां सर्वमाख्यास्ये दुर्गकर्म विधानतः। गुप्ता पुरी यथा लङ्का रक्षिता च यथा बलैः ॥ 3.7 ॥

śrūyatāṃ sarvamākhyāsye durgakarma vidhānataḥ | guptā purī yathā laṅkā rakṣitā ca yathā balaiḥ || 3.7 ||

सुना जाए, मैं सब कुछ बताता हूँ -- लंका नगरी दुर्ग-निर्माण की विधियों से किस प्रकार सुरक्षित है, और सेनाओं द्वारा किस प्रकार रक्षित है।

श्लोक 8 (yuddha.3.8)

राक्षसाश्च यथा स्निग्धा रावणस्य च तेजसा। परां समृद्धिं लङ्कायाः सागरस्य च भीमताम् ॥ 3.8 ॥

rākṣasāśca yathā snigdhā rāvaṇasya ca tejasā | parāṃ samṛddhiṃ laṅkāyāḥ sāgarasya ca bhīmatām || 3.8 ||

राक्षस अपने राजा रावण के तेज से किस प्रकार स्नेहयुक्त एवं समर्पित हैं, लंका की परम समृद्धि, तथा सागर की भयंकरता --

श्लोक 9 (yuddha.3.9)

विभागं च बलौघस्य निर्देशं वाहनस्य च। एवमुक्त्वा कपिश्रेष्ठः कथयामास तत्त्वतः ॥ 3.9 ॥

vibhāgaṃ ca balaughasya nirdeśaṃ vāhanasya ca | evamuktvā kapiśreṣṭhaḥ kathayāmāsa tattvataḥ || 3.9 ||

-- सेना-समूह का विभाजन, तथा वाहनों का विवरण -- ऐसा कहकर वानरश्रेष्ठ हनुमान ने यथार्थ रूप से वर्णन करना आरंभ किया।

श्लोक 10 (yuddha.3.10)

हृष्टप्रमुदिता लङ्का मत्तद्विपसमाकुला। महती रथसम्पूर्णा रक्षोगणनिषेविता ॥ 3.10 ॥

hṛṣṭapramuditā laṅkā mattadvipasamākulā | mahatī rathasampūrṇā rakṣogaṇaniṣevitā || 3.10 ||

विशाल लंका नगरी हर्ष और उल्लास से भरी है, मदमस्त हाथियों से भरी हुई, रथों से परिपूर्ण, तथा राक्षस-समूहों द्वारा बसाई हुई है।

श्लोक 11 (yuddha.3.11)

दृढबद्धकपाटानि महापरिघवन्ति च। चत्वारि विपुलान्यस्या द्वाराणि सुमहान्ति च ॥ 3.11 ॥

dṛḍhabaddhakapāṭāni mahāparighavanti ca | catvāri vipulānyasyā dvārāṇi sumahānti ca || 3.11 ||

इसके चार विशाल और विस्तृत द्वार हैं, जो दृढ़ता से बंद किए हुए कपाटों और बड़े-बड़े अर्गलों से युक्त हैं।

श्लोक 12 (yuddha.3.12)

तत्रेषूपलयन्त्राणि बलवन्ति महान्ति च। आगतं प्रतिसैन्यं तैस्तत्र प्रतिनिवार्यते ॥ 3.12 ॥

tatreṣūpalayantrāṇi balavanti mahānti ca | āgataṃ pratisainyaṃ taistatra pratinivāryate || 3.12 ||

वहाँ शक्तिशाली और विशाल पत्थर तथा बाण फेंकने वाले यंत्र लगे हैं, जिनसे आने वाली शत्रु-सेना को वहीं रोक दिया जाता है।

श्लोक 13 (yuddha.3.13)

द्वारेषु संस्कृता भीमाः कालायसमयाः शिताः। शतशो रचिता वीरैः शतघ्न्यो रक्षसां गणैः ॥ 3.13 ॥

dvāreṣu saṃskṛtā bhīmāḥ kālāyasamayāḥ śitāḥ | śataśo racitā vīraiḥ śataghnyo rakṣasāṃ gaṇaiḥ || 3.13 ||

द्वारों पर भयंकर, काले लोहे से बनी, तीक्ष्ण धार वाली सैकड़ों शतघ्नियाँ राक्षस-वीरों के समूहों द्वारा तैयार करके रखी गई हैं।

श्लोक 14 (yuddha.3.14)

सौवर्णस्तु महांस्तस्याः प्राकारो दुष्प्रधर्षणः। मणिविद्रुमवैदूर्यमुक्ताविरचितान्तरः ॥ 3.14 ॥

sauvarṇastu mahāṃstasyāḥ prākāro duṣpradharṣaṇaḥ | maṇividrumavaidūryamuktāvirachitāntaraḥ || 3.14 ||

उस लंका के चारों ओर एक विशाल स्वर्णिम प्राचीर है, जिसे भेदना अत्यंत कठिन है, तथा जो बीच-बीच में मणि, मूंगे, वैदूर्य और मोतियों से जड़ी हुई है।

श्लोक 15 (yuddha.3.15)

सर्वतश्च महाभीमाः शीततोया महाशुभाः। अगाधा ग्राहवत्यश्च परिखा मीनसेविताः ॥ 3.15 ॥

sarvataśca mahābhīmāḥ śītatoyā mahāśubhāḥ | agādhā grāhavatyaśca parikhā mīnasevitāḥ || 3.15 ||

उसके चारों ओर अत्यंत भयंकर, शीतल जल से भरी, परम सुंदर, अथाह, मगरमच्छों से युक्त और मछलियों से भरी हुई खाइयाँ हैं।

श्लोक 16 (yuddha.3.16)

द्वारेषु तासां चत्वारः संक्रमाः परमायताः। यन्त्रैरुपेता बहुभिर्महद्भिर्गृहपङ्क्तिभिः ॥ 3.16 ॥

dvāreṣu tāsāṃ catvāraḥ saṃkramāḥ paramāyatāḥ | yantrairupetā bahubhirmahadbhirgṛhapaṅktibhiḥ || 3.16 ||

उन खाइयों के द्वारों पर चार अत्यंत विस्तृत पुल हैं, जो अनेक यंत्रों तथा विशाल भवनों की पंक्तियों से युक्त हैं।

श्लोक 17 (yuddha.3.17)

त्रायन्ते संक्रमास्तत्र परसैन्यागते सति। यन्त्रैस्तैरवकीर्यन्ते परिखासु समन्ततः ॥ 3.17 ॥

trāyante saṃkramāstatra parasainyāgate sati | yantraistairavakīryante parikhāsu samantataḥ || 3.17 ||

शत्रु-सेना के आने पर वे पुल उन यंत्रों से सुरक्षा करते हैं, और उन्हीं यंत्रों द्वारा शत्रु-सैनिक चारों ओर से खाइयों में गिरा दिए जाते हैं।

श्लोक 18 (yuddha.3.18)

एकस्त्वकम्प्यो बलवान् संक्रमः सुमहादृढः। काञ्चनैर्बहुभिः स्तम्भैर्वेदिकाभिश्च शोभितः ॥ 3.18 ॥

ekastvakampyo balavān saṃkramaḥ sumahādṛḍhaḥ | kāñcanairbahubhiḥ stambhairvedikābhiśca śobhitaḥ || 3.18 ||

एक पुल अडिग, बलशाली और अत्यंत सुदृढ़ है, जो अनेक स्वर्ण-स्तंभों और वेदिकाओं से सुशोभित है।

श्लोक 19 (yuddha.3.19)

स्वयं प्रकृतिमापन्नो युयुत्सू राम रावणः। उत्थितश्चाप्रमत्तश्च बलानामनुदर्शने ॥ 3.19 ॥

svayaṃ prakṛtimāpanno yuyutsū rāma rāvaṇaḥ | utthitaścāpramattaśca balānāmanudarśane || 3.19 ||

हे राम! युद्ध की इच्छा रखने वाला रावण, राजनीति के समस्त साधनों से युक्त होकर, सेनाओं का निरीक्षण करने में स्वयं सदा सजग और सावधान रहता है।

श्लोक 20 (yuddha.3.20)

लङ्का पुनर्निरालम्बा देवदुर्गा भयावहा। नादेयं पार्वतं वान्यं कृत्रिमं च चतुर्विधम् ॥ 3.20 ॥

laṅkā punarnirālambā devadurgā bhayāvahā | nādeyaṃ pārvataṃ vānyaṃ kṛtrimaṃ ca caturvidham || 3.20 ||

लंका, इसके अतिरिक्त, अजेय है, देवताओं की दुर्ग के समान भयावह है; उसकी चतुर्विध सुरक्षा है -- जल से, पर्वत से, वन से, और कृत्रिम साधनों से।

श्लोक 21 (yuddha.3.21)

स्थिता पारे समुद्रस्य दूरपारस्य राघव। नौपथश्चापि नास्त्यत्र निरुद्देशश्च सर्वतः ॥ 3.21 ॥

sthitā pāre samudrasya dūrapārasya rāghava | naupathaścāpi nāstyatra niruddeśaśca sarvataḥ || 3.21 ||

हे राघव! वह उस दूर-पार वाले समुद्र के उस पार स्थित है; यहाँ कोई नौका-मार्ग भी नहीं है, और चारों ओर कोई रास्ता ज्ञात भी नहीं है।

श्लोक 22 (yuddha.3.22)

शैलाग्रे रचिता दुर्गा सा पूर्देवपुरोपमा। वाजिवारणसम्पूर्णा लङ्का परमदुर्जया ॥ 3.22 ॥

śailāgre racitā durgā sā pūrdevapuropamā | vājivāraṇasampūrṇā laṅkā paramadurjayā || 3.22 ||

वह नगरी एक पर्वत-शिखर पर बसाई गई दुर्ग है, देवपुरी के समान, घोड़ों और हाथियों से परिपूर्ण, तथा अत्यंत दुर्जेय है।

श्लोक 23 (yuddha.3.23)

परिखाश्च शतघ्न्यश्च यन्त्राणि विविधानि च। शोभयन्ति पुरीं लङ्कां रावणस्य दुरात्मनः ॥ 3.23 ॥

parikhāśca śataghnyaśca yantrāṇi vividhāni ca | śobhayanti purīṃ laṅkāṃ rāvaṇasya durātmanaḥ || 3.23 ||

खाइयाँ, शतघ्नियाँ, तथा नाना प्रकार के यंत्र -- ये सब दुरात्मा रावण की उस लंकापुरी की शोभा बढ़ाते हैं।

श्लोक 24 (yuddha.3.24)

अयुतं रक्षसामत्र पूर्वद्वारं समाश्रितम्। शूलहस्ता दुराधर्षाः सर्वे खड्गाग्रयोधिनः ॥ 3.24 ॥

ayutaṃ rakṣasāmatra pūrvadvāraṃ samāśritam | śūlahastā durādharṣāḥ sarve khaḍgāgrayodhinaḥ || 3.24 ||

यहाँ पूर्वी द्वार पर दस हजार राक्षस तैनात हैं, सभी हाथों में त्रिशूल लिए, दुर्जेय, तथा तलवारों से युद्ध करने में निपुण।

श्लोक 25 (yuddha.3.25)

नियुतं रक्षसामत्र दक्षिणद्वारमाश्रितम्। चतुरङ्गेण सैन्येन योधास्तत्राप्यनुत्तमाः ॥ 3.25 ॥

niyutaṃ rakṣasāmatra dakṣiṇadvāramāśritam | caturaṅgeṇa sainyena yodhāstatrāpyanuttamāḥ || 3.25 ||

यहाँ दक्षिणी द्वार पर एक लाख राक्षस तैनात हैं, चतुरंगिणी सेना के साथ; वहाँ भी योद्धा अनुपम हैं।

श्लोक 26 (yuddha.3.26)

प्रयुतं रक्षसामत्र पश्चिमद्वारमाश्रितम्। चर्मखड्गधराः सर्वे तथा सर्वास्त्रकोविदाः ॥ 3.26 ॥

prayutaṃ rakṣasāmatra paścimadvāramāśritam | carmakhaḍgadharāḥ sarve tathā sarvāstrakovidāḥ || 3.26 ||

यहाँ पश्चिमी द्वार पर दस लाख राक्षस तैनात हैं, सभी ढाल और तलवार धारण किए हुए, तथा समस्त अस्त्रों में निपुण।

श्लोक 27 (yuddha.3.27)

न्यर्बुदं रक्षसामत्र उत्तरद्वारमाश्रितम्। रथिनश्चाश्ववाहाश्च कुलपुत्राः सुपूजिताः ॥ 3.27 ॥

nyarbudaṃ rakṣasāmatra uttaradvāramāśritam | rathinaścāśvavāhāśca kulaputrāḥ supūjitāḥ || 3.27 ||

यहाँ उत्तरी द्वार पर दस करोड़ राक्षस तैनात हैं, रथी और अश्वारोही, उच्चकुल में उत्पन्न तथा अत्यंत सम्मानित।

श्लोक 28 (yuddha.3.28)

शतशोऽथ सहस्राणि मध्यमं स्कन्धमाश्रिताः। यातुधाना दुराधर्षाः साग्रकोटिश्च रक्षसाम् ॥ 3.28 ॥

śataśo'tha sahasrāṇi madhyamaṃ skandhamāśritāḥ | yātudhānā durādharṣāḥ sāgrakoṭiśca rakṣasām || 3.28 ||

इसके अतिरिक्त, मध्य भाग में सैकड़ों-हजारों दुर्जेय राक्षस तैनात हैं, जिनकी कुल संख्या एक करोड़ से भी अधिक है।

श्लोक 29 (yuddha.3.29)

ते मया संक्रमा भग्नाः परिखाश्चावपूरिताः। दग्धा च नगरी लङ्का प्राकाराश्चावसादिताः। बलैकदेशः क्षपितो राक्षसानां महात्मनाम् ॥ 3.29 ॥

te mayā saṃkramā bhagnāḥ parikhāścāvapūritāḥ | dagdhā ca nagarī laṅkā prākārāścāvasāditāḥ | balaikadeśaḥ kṣapito rākṣasānāṃ mahātmanām || 3.29 ||

वे पुल मेरे द्वारा तोड़ दिए गए और खाइयाँ पाट दी गईं; लंका नगरी को मैंने जला दिया और उसके प्राकार गिरा दिए; उन महाकाय राक्षसों की सेना का एक भाग भी मैंने नष्ट कर दिया।

श्लोक 30 (yuddha.3.30)

येन केन तु मार्गेण तराम वरुणालयम्। हतेति नगरी लङ्का वानरैरुपधार्यताम् ॥ 3.30 ॥

yena kena tu mārgeṇa tarāma varuṇālayam | hateti nagarī laṅkā vānarairupadhāryatām || 3.30 ||

किसी भी उपाय से हम इस सागर को पार करें; तब वानरों द्वारा यह मान लिया जाए कि लंका नगरी नष्ट हो चुकी है।

श्लोक 31 (yuddha.3.31)

अङ्गदो द्विविदो मैन्दो जाम्बवान् पनसो नलः। नीलः सेनापतिश्चैव बलशेषेण किं तव ॥ 3.31 ॥

aṅgado dvivido maindo jāmbavān panaso nalaḥ | nīlaḥ senāpatiścaiva balaśeṣeṇa kiṃ tava || 3.31 ||

अंगद, द्विविद, मैन्द, जाम्बवान, पनस, नल, तथा सेनापति नील -- इतने ही पर्याप्त हैं; शेष सेना से तुम्हें क्या प्रयोजन?

श्लोक 32 (yuddha.3.32)

प्लवमाना हि गत्वा तां रावणस्य महापुरीम्। सपर्वतवनां भित्त्वा सखातां च सतोरणाम्। सप्राकारां सभवनामानयिष्यन्ति राघव ॥ 3.32 ॥

plavamānā hi gatvā tāṃ rāvaṇasya mahāpurīm | saparvatavanāṃ bhittvā sakhātāṃ ca satoraṇām | saprākārāṃ sabhavanāmānayiṣyanti rāghava || 3.32 ||

हे राघव! ये उछल-उछलकर रावण की उस महानगरी तक पहुँचकर, पर्वतों और वनों सहित, खाइयों और तोरणों सहित, प्राकारों और भवनों सहित उसे भेदकर, सीता को तुम्हारे पास ले आएंगे।

श्लोक 33 (yuddha.3.33)

एवमाज्ञापय क्षिप्रं बलानां सर्वसंग्रहम्। मुहूर्तेन तु युक्तेन प्रस्थानमभिरोचय ॥ 3.33 ॥

evamājñāpaya kṣipraṃ balānāṃ sarvasaṃgraham | muhūrtena tu yuktena prasthānamabhirocaya || 3.33 ||

अतः शीघ्र ही सेनाओं को पूर्ण रूप से एकत्र करने की आज्ञा दो, और शुभ मुहूर्त में प्रस्थान करने का निश्चय करो।