वानर-सेना का प्रस्थान

श्लोक 1 (yuddha.4.1)

श्रुत्वा हनूमतो वाक्यं यथावदनुपूर्वशः। ततोऽब्रवीन्महातेजा रामः सत्यपराक्रमः॥ 4.1 ॥

śrutvā hanūmato vākyaṃ yathāvad anupūrvaśaḥ | tato'bravīn mahātejā rāmaḥ satyaparākramaḥ ||

हनुमान के वचन को क्रमबद्ध और यथावत सुनकर, महातेजस्वी और सत्यपराक्रमी राम ने तब कहा।

श्लोक 2 (yuddha.4.2)

यन्निवेदयसे लङ्कां पुरीं भीमस्य रक्षसः। क्षिप्रमेनां वधिष्यामि सत्यमेतद् ब्रवीमि ते॥ 4.2 ॥

yan nivedayase laṅkāṃ purīṃ bhīmasya rakṣasaḥ | kṣipram enāṃ vadhiṣyāmi satyam etad bravīmi te ||

"जिस लंका नगरी का, उस भयंकर राक्षस की, तुमने वर्णन किया है, उसे मैं शीघ्र ही नष्ट करूँगा - यह सत्य मैं तुमसे कहता हूँ।"

श्लोक 3 (yuddha.4.3)

अस्मिन् मुहूर्ते सुग्रीव प्रयाणमभिरोचय। युक्तो मुहूर्ते विजये प्राप्तो मध्यं दिवाकरः॥ 4.3 ॥

asmin muhūrte sugrīva prayāṇam abhirocaya | yukto muhūrte vijaye prāpto madhyaṃ divākaraḥ ||

"हे सुग्रीव! इसी मुहूर्त में प्रस्थान करना स्वीकार करो - यह विजय के लिए उपयुक्त मुहूर्त है, और सूर्य मध्याह्न पर पहुँच चुका है।"

श्लोक 4 (yuddha.4.4)

सीतां हृत्वा तु तद् यातु क्वासौ यास्यति जीवितः। सीता श्रुत्वाभियानं मे आशामेष्यति जीविते। जीवितान्तेऽमृतं स्पृष्ट्वा पीत्वामृतमिवातुरः॥ 4.4 ॥

sītāṃ hṛtvā tu tad yātu kvāsau yāsyati jīvitaḥ | sītā śrutvābhiyānaṃ me āśām eṣyati jīvite | jīvitānte'mṛtaṃ spṛṣṭvā pītvāmṛtam ivāturaḥ ||

"सीता का हरण करके वह जहाँ भी जाए, जीवित रहकर वह कहाँ जा सकेगा? मेरे प्रस्थान का समाचार सुनकर सीता को जीवन की आशा फिर से बँध जाएगी - जैसे मृत्यु के समीप पहुँचा हुआ रोगी अमृत को स्पर्श करके, अथवा पीकर, फिर से जी उठता है।"

श्लोक 5 (yuddha.4.5)

उत्तराफाल्गुनी ह्यद्य श्वस्तु हस्तेन योक्ष्यते। अभिप्रयाम सुग्रीव सर्वानीकसमावृताः॥ 4.5 ॥

uttarāphālgunī hy adya śvas tu hastena yokṣyate | abhiprayāma sugrīva sarvānīkasamāvṛtāḥ ||

"आज उत्तराफाल्गुनी नक्षत्र है, और कल यह हस्त नक्षत्र से युक्त होगा। हे सुग्रीव! समस्त सेना से घिरकर हम अभी प्रस्थान करें।"

श्लोक 6 (yuddha.4.6)

निमित्तानि च पश्यामि यानि प्रादुर्भवन्ति वै। निहत्य रावणं सीतामानयिष्यामि जानकीम्॥ 4.6 ॥

nimittāni ca paśyāmi yāni prādurbhavanti vai | nihatya rāvaṇaṃ sītām ānayiṣyāmi jānakīm ||

"जो शुभ शकुन मुझे दिखाई दे रहे हैं, उनसे मुझे प्रतीत होता है कि मैं रावण का वध करके जानकी सीता को वापस ले आऊँगा।"

श्लोक 7 (yuddha.4.7)

उपरिष्टाद्धि नयनं स्फुरमाणमिमं मम। विजयं समनुप्राप्तं शंसतीव मनोरथम्॥ 4.7 ॥

upariṣṭād dhi nayanaṃ sphuramāṇam imaṃ mama | vijayaṃ samanuprāptaṃ śaṃsatīva manoratham ||

"मेरी यह ऊपरी पलक फड़क रही है - मानो यह घोषणा कर रही हो कि मेरे मन की इच्छा, अर्थात् विजय, अब निकट आ पहुँची है।"

श्लोक 8 (yuddha.4.8)

ततो वानरराजेन लक्ष्मणेन सुपूजितः। उवाच रामो धर्मात्मा पुनरप्यर्थकोविदः॥ 4.8 ॥

tato vānararājena lakṣmaṇena supūjitaḥ | uvāca rāmo dharmātmā punar apy arthakovidaḥ ||

तब वानरराज (सुग्रीव) और लक्ष्मण द्वारा भलीभाँति सम्मानित, धर्मात्मा और अर्थ में निपुण राम ने पुनः कहा।

श्लोक 9 (yuddha.4.9)

अग्रे यातु बलस्यास्य नीलो मार्गमवेक्षितुम्। वृतः शतसहस्रेण वानराणां तरस्विनाम्॥ 4.9 ॥

agre yātu balasyāsya nīlo mārgam avekṣitum | vṛtaḥ śatasahasreṇa vānarāṇāṃ tarasvinām ||

"सेना के आगे नील, एक लाख वेगवान वानरों से घिरकर, मार्ग का निरीक्षण करने के लिए जाए।"

श्लोक 10 (yuddha.4.10)

फलमूलवता नील शीतकाननवारिणा। पथा मधुमता चाशु सेनां सेनापते नय॥ 4.10 ॥

phalamūlavatā nīla śītakānanavāriṇā | pathā madhumatā cāśu senāṃ senāpate naya ||

"हे नील! हे सेनापति! सेना को शीघ्र ही उस मार्ग से ले चलो, जो फल-मूल से युक्त हो, शीतल वन और जल से सम्पन्न हो, और मधु से भरपूर हो।"

श्लोक 11 (yuddha.4.11)

दूषयेयुर्दुरात्मानः पथि मूलफलोदकम्। राक्षसाः पथि रक्षेथास्तेभ्यस्त्वं नित्यमुद्यतः॥ 4.11 ॥

dūṣayeyur durātmānaḥ pathi mūlaphalodakam | rākṣasāḥ pathi rakṣethās tebhyas tvaṃ nityam udyataḥ ||

"मार्ग में दुष्ट राक्षस कहीं फल-मूल और जल को दूषित न कर दें - इसलिए तुम सदा सतर्क रहकर उनसे मार्ग की रक्षा करना।"

श्लोक 12 (yuddha.4.12)

निम्नेषु वनदुर्गेषु वनेषु च वनौकसः। अभिप्लुत्याभिपश्येयुः परेषां निहितं बलम्॥ 4.12 ॥

nimneṣu vanadurgeṣu vaneṣu ca vanaukasaḥ | abhiplutyābhipaśyeyuḥ pareṣāṃ nihitaṃ balam ||

"वनवासी वानर, निचले प्रदेशों, दुर्गम वनों और अन्य वनों में दौड़-दौड़कर देख लें कि कहीं शत्रु की सेना छिपी हुई तो नहीं है।"

श्लोक 13 (yuddha.4.13)

यत्तु फल्गु बलं किंचित् तदत्रैवोपपद्यताम्। एतद्धि कृत्यं घोरं नो विक्रमेण प्रयुज्यताम्॥ 4.13 ॥

yat tu phalgu balaṃ kiṃcit tad atraivopapadyatām | etaddhi kṛtyaṃ ghoraṃ no vikrameṇa prayujyatām ||

"जो भी सेना का दुर्बल भाग है, वह यहीं रह जाए। यह कार्य अत्यंत दुष्कर है, इसलिए इसमें केवल पराक्रमी वानर ही लगाए जाएँ।"

श्लोक 14 (yuddha.4.14)

सागरौघनिभं भीममग्रानीकं महाबलाः। कपिसिंहाः प्रकर्षन्तु शतशोऽथ सहस्रशः॥ 4.14 ॥

sāgaraughanibhaṃ bhīmam agrānīkaṃ mahābalāḥ | kapisiṃhāḥ prakarṣantu śataśo'tha sahasraśaḥ ||

"सिंह के समान पराक्रमी और महाबली वानर, सैकड़ों-हज़ारों की संख्या में, समुद्र की लहरों के समान भयंकर अग्रसेना का नेतृत्व करें।"

श्लोक 15 (yuddha.4.15)

गजश्च गिरिसंकाशो गवयश्च महाबलः। गवाक्षश्चाग्रतो यातु गवां दृप्त इवर्षभः॥ 4.15 ॥

gajaśca girisaṃkāśo gavayaśca mahābalaḥ | gavākṣaścāgrato yātu gavāṃ dṛpta ivarṣabhaḥ ||

"पर्वत के समान विशाल गज, महाबली गवय, और गवाक्ष - ये सब आगे-आगे चलें, जैसे गौओं के आगे मदमस्त वृषभ चलता है।"

श्लोक 16 (yuddha.4.16)

यातु वानरवाहिन्या वानरः प्लवतां पतिः। पालयन् दक्षिणं पार्श्वमृषभो वानरर्षभः॥ 4.16 ॥

yātu vānaravāhinyā vānaraḥ plavatāṃ patiḥ | pālayan dakṣiṇaṃ pārśvam ṛṣabho vānararṣabhaḥ ||

"वानर सेना के साथ ऋषभ नामक वानर, जो कूदने वालों का स्वामी और वानरों में श्रेष्ठ है, दाहिनी ओर की रक्षा करते हुए चले।"

श्लोक 17 (yuddha.4.17)

गन्धहस्तीव दुर्धर्षस्तरस्वी गन्धमादनः। यातु वानरवाहिन्याः सव्यं पार्श्वमधिष्ठितः॥ 4.17 ॥

gandhahastīva durdharṣas tarasvī gandhamādanaḥ | yātu vānaravāhinyāḥ savyaṃ pārśvam adhiṣṭhitaḥ ||

"मदमस्त गजराज के समान दुर्धर्ष और वेगवान गंधमादन, वानर सेना के बाईं ओर की स्थिति संभालते हुए चलें।"

श्लोक 18 (yuddha.4.18)

यास्यामि बलमध्येऽहं बलौघमभिहर्षयन्। अधिरुह्य हनूमन्तमैरावतमिवेश्वरः॥ 4.18 ॥

yāsyāmi balamadhye'haṃ balaugham abhiharṣayan | adhiruhya hanūmantam airāvatam iveśvaraḥ ||

"मैं हनुमान पर आरूढ़ होकर, जैसे इंद्र ऐरावत पर, सेना के मध्य में चलकर समस्त सेना को उत्साहित करूँगा।"

श्लोक 19 (yuddha.4.19)

अङ्गदेनैष संयातु लक्ष्मणश्चान्तकोपमः। सार्वभौमेन भूतेशो द्रविणाधिपतिर्यथा॥ 4.19 ॥

aṅgadenaiṣa saṃyātu lakṣmaṇaścāntakopamaḥ | sārvabhaumena bhūteśo draviṇādhipatir yathā ||

"यह लक्ष्मण, जो साक्षात यमराज के समान है, अंगद पर आरूढ़ होकर चले - जैसे प्राणियों के स्वामी और धन के अधिपति कुबेर सार्वभौम नामक गज पर चलते हैं।"

श्लोक 20 (yuddha.4.20)

जाम्बवांश्च सुषेणश्च वेगदर्शी च वानरः। ऋक्षराजो महाबाहुः कुक्षिं रक्षन्तु ते त्रयः॥ 4.20 ॥

jāmbavāṃśca suṣeṇaśca vegadarśī ca vānaraḥ | ṛkṣarājo mahābāhuḥ kukṣiṃ rakṣantu te trayaḥ ||

"महाबाहु ऋक्षराज जाम्बवान, सुषेण, और वेगदर्शी नामक वानर - ये तीनों सेना के मध्य भाग की रक्षा करें।"

श्लोक 21 (yuddha.4.21)

राघवस्य वचः श्रुत्वा सुग्रीवो वाहिनीपतिः। व्यादिदेश महावीर्यो वानरान् वानरर्षभः॥ 4.21 ॥

rāghavasya vacaḥ śrutvā sugrīvo vāhinīpatiḥ | vyādideśa mahāvīryo vānarān vānararṣabhaḥ ||

राघव के वचन सुनकर, सेनापति और महापराक्रमी वानरश्रेष्ठ सुग्रीव ने वानरों को आज्ञा दी।

श्लोक 22 (yuddha.4.22)

ते वानरगणाः सर्वे समुत्पत्य महौजसः। गुहाभ्यः शिखरेभ्यश्च आशु पुप्लुविरे तदा॥ 4.22 ॥

te vānaragaṇāḥ sarve samutpatya mahaujasaḥ | guhābhyaḥ śikharebhyaśca āśu pupluvire tadā ||

तब वे समस्त महातेजस्वी वानर-समूह, उछलकर, गुफाओं और पर्वत-शिखरों से शीघ्रता से कूद पड़े।

श्लोक 23 (yuddha.4.23)

ततो वानरराजेन लक्ष्मणेन च पूजितः। जगाम रामो धर्मात्मा ससैन्यो दक्षिणां दिशम्॥ 4.23 ॥

tato vānararājena lakṣmaṇena ca pūjitaḥ | jagāma rāmo dharmātmā sasainyo dakṣiṇāṃ diśam ||

तब वानरराज और लक्ष्मण द्वारा सम्मानित, धर्मात्मा राम अपनी सेना सहित दक्षिण दिशा की ओर चल पड़े।

श्लोक 24 (yuddha.4.24)

शतैः शतसहस्रैश्च कोटिभिश्चायुतैरपि। वारणाभैश्च हरिभिर्ययौ परिवृतस्तदा॥ 4.24 ॥

śataiḥ śatasahasraiśca koṭibhiścāyutairapi | vāraṇābhaiśca haribhir yayau parivṛtas tadā ||

तब वे सैकड़ों, लाखों, करोड़ों और अयुतों की संख्या में, गजों के समान विशाल वानरों से घिरे हुए आगे बढ़े।

श्लोक 25 (yuddha.4.25)

तं यान्तमनुयान्ती सा महती हरिवाहिनी। हृष्टाः प्रमुदिताः सर्वे सुग्रीवेणापि पालिताः॥ 4.25 ॥

taṃ yāntam anuyāntī sā mahatī harivāhinī | hṛṣṭāḥ pramuditāḥ sarve sugrīveṇāpi pālitāḥ ||

उस महान वानर सेना ने, सुग्रीव द्वारा संचालित होकर, हर्षित और आनंदित होकर, उनके पीछे-पीछे प्रस्थान किया।

श्लोक 26 (yuddha.4.26)

आप्लवन्तः प्लवन्तश्च गर्जन्तश्च प्लवंगमाः। क्ष्वेलन्तो निनदन्तश्च जग्मुर्वै दक्षिणां दिशम्॥ 4.26 ॥

āplavantaḥ plavantaśca garjantaśca plavaṃgamāḥ | kṣvelanto ninadantaśca jagmur vai dakṣiṇāṃ diśam ||

कूदते, उछलते, गरजते, चिल्लाते और गुँजाते हुए वे वानर दक्षिण दिशा की ओर बढ़ चले।

श्लोक 27 (yuddha.4.27)

भक्षयन्तः सुगन्धीनि मधूनि च फलानि च। उद्वहन्तो महावृक्षान् मञ्जरीपुञ्जधारिणः॥ 4.27 ॥

bhakṣayantaḥ sugandhīni madhūni ca phalāni ca | udvahanto mahāvṛkṣān mañjarīpuñjadhāriṇaḥ ||

वे सुगंधित मधु और फल खाते हुए, तथा मंजरियों के गुच्छों से लदे विशाल वृक्षों को उखाड़कर ले जाते हुए चलते रहे।

श्लोक 28 (yuddha.4.28)

अन्योन्यं सहसा दृप्ता निर्वहन्ति क्षिपन्ति च। पतन्तश्चोत्पतन्त्यन्ये पातयन्त्यपरे परान्॥ 4.28 ॥

anyonyaṃ sahasā dṛptā nirvahanti kṣipanti ca | patantaścotpatantyanye pātayantyapare parān ||

मदमस्त वानर एक-दूसरे को सहसा उठा ले जाते और फेंक देते; कुछ गिरते और कूदते, तो कुछ दूसरों को गिरा देते।

श्लोक 29 (yuddha.4.29)

रावणो नो निहन्तव्यः सर्वे च रजनीचराः। इति गर्जन्ति हरयो राघवस्य समीपतः॥ 4.29 ॥

rāvaṇo no nihantavyaḥ sarve ca rajanīcarāḥ | iti garjanti harayo rāghavasya samīpataḥ ||

"हमें रावण को और समस्त निशाचरों को मार डालना है!" - ऐसा गर्जन करते हुए वानर राघव के निकट चलते रहे।

श्लोक 30 (yuddha.4.30)

पुरस्तादृषभो नीलो वीरः कुमुद एव च। पन्थानं शोधयन्ति स्म वानरैर्बहुभिः सह॥ 4.30 ॥

purastād ṛṣabho nīlo vīraḥ kumuda eva ca | panthānaṃ śodhayanti sma vānarair bahubhiḥ saha ||

आगे-आगे ऋषभ, वीर नील, और कुमुद, अनेक वानरों के साथ मार्ग को साफ करते हुए चल रहे थे।

श्लोक 31 (yuddha.4.31)

मध्ये तु राजा सुग्रीवो रामो लक्ष्मण एव च। बलिभिर्बहुभिर्भीमैर्वृतः शत्रुनिबर्हणः॥ 4.31 ॥

madhye tu rājā sugrīvo rāmo lakṣmaṇa eva ca | balibhir bahubhir bhīmair vṛtaḥ śatrunibarhaṇaḥ ||

मध्य में राजा सुग्रीव, राम और लक्ष्मण थे, जो शत्रुओं का नाश करने वाले अनेक बलशाली और भयंकर वानरों से घिरे हुए थे।

श्लोक 32 (yuddha.4.32)

हरिः शतबलिर्वीरः कोटिभिर्दशभिर्वृतः। सर्वामेको ह्यवष्टभ्य ररक्ष हरिवाहिनीम्॥ 4.32 ॥

hariḥ śatabalir vīraḥ koṭibhir daśabhir vṛtaḥ | sarvām eko hy avaṣṭabhya rarakṣa harivāhinīm ||

शतबलि नामक वीर वानर, दस करोड़ वानरों से घिरा हुआ, अकेला ही समस्त वानर सेना को संभालते हुए उसकी रक्षा करता रहा।

श्लोक 33 (yuddha.4.33)

कोटीशतपरीवारः केसरी पनसो गजः। अर्कश्च बहुभिः पार्श्वमेकं तस्याभिरक्षति॥ 4.33 ॥

koṭīśataparīvāraḥ kesarī panaso gajaḥ | arkaśca bahubhiḥ pārśvam ekaṃ tasyābhirakṣati ||

सौ करोड़ के परिवार सहित केसरी, पनस, गज और अर्क, अनेक वानरों के साथ उस सेना के एक पार्श्व की रक्षा करते थे।

श्लोक 34 (yuddha.4.34)

सुषेणो जाम्बवांश्चैव ऋक्षैर्बहुभिरावृतौ। सुग्रीवं पुरतः कृत्वा जघनं संररक्षतुः॥ 4.34 ॥

suṣeṇo jāmbavāṃścaiva ṛkṣair bahubhir āvṛtau | sugrīvaṃ purataḥ kṛtvā jaghanaṃ saṃrarakṣatuḥ ||

सुषेण और जाम्बवान, अनेक भालुओं से घिरे हुए, सुग्रीव को आगे रखकर सेना के पिछले भाग की रक्षा करते रहे।

श्लोक 35 (yuddha.4.35)

तेषां सेनापतिर्वीरो नीलो वानरपुंगवः। सम्पतन् प्लवतां श्रेष्ठस्तद् बलं पर्यवारयत्॥ 4.35 ॥

teṣāṃ senāpatir vīro nīlo vānarapuṃgavaḥ | sampatan plavatāṃ śreṣṭhas tad balaṃ paryavārayat ||

उन सबका वीर सेनापति, वानरों में श्रेष्ठ नील, कूदते वानरों में सर्वोत्तम होकर, उस सारी सेना का चारों ओर से पर्यवेक्षण करता रहा।

श्लोक 36 (yuddha.4.36)

दरीमुखः प्रजङ्घश्च जम्भोऽथ रभसः कपिः। सर्वतश्च ययुर्वीरास्त्वरयन्तः प्लवंगमान्॥ 4.36 ॥

darīmukhaḥ prajaṅghaśca jambho'tha rabhasaḥ kapiḥ | sarvataśca yayur vīrās tvarayantaḥ plavaṃgamān ||

दरीमुख, प्रजंघ, जंभ और रभस नामक वानर वीर, चारों ओर घूमते हुए, वानरों को शीघ्रता के लिए प्रेरित करते चलते थे।

श्लोक 37 (yuddha.4.37)

एवं ते हरिशार्दूला गच्छन्ति बलदर्पिताः। अपश्यन्त गिरिश्रेष्ठं सह्यं गिरिशतायुतम्॥ 4.37 ॥

evaṃ te hariśārdūlā gacchanti baladarpitāḥ | apaśyanta giriśreṣṭhaṃ sahyaṃ giriśatāyutam ||

इस प्रकार बल के मद से उन्मत्त वे वानरश्रेष्ठ आगे बढ़ते गए, और उन्होंने सैकड़ों-हज़ारों पर्वतों में श्रेष्ठ सह्य पर्वत को देखा।

श्लोक 38 (yuddha.4.38)

सरांसि च सुफुल्लानि तटाकानि वराणि च। रामस्य शासनं ज्ञात्वा भीमकोपस्य भीतवत्॥ 4.38 ॥

sarāṃsi ca suphullāni taṭākāni varāṇi ca | rāmasya śāsanaṃ jñātvā bhīmakopasya bhītavat ||

सुंदर खिले हुए सरोवर और उत्तम तालाब भी, मानो उस भयंकर क्रोधी राम की आज्ञा को जानकर भयभीत हो गए हों।

श्लोक 39 (yuddha.4.39)

वर्जयन् नागराभ्याशांस्तथा जनपदानपि। सागरौघनिभं भीमं तद् वानरबलं महत्॥ 4.39 ॥

varjayan nāgarābhyāśāṃs tathā janapadān api | sāgaraughanibhaṃ bhīmaṃ tad vānarabalaṃ mahat ||

नगरों के निकटवर्ती क्षेत्रों तथा जनपदों को छोड़ते हुए, वह विशाल और भयंकर वानर सेना, समुद्र की बाढ़ के समान,

श्लोक 40 (yuddha.4.40)

निःससर्प महाघोरं भीमघोषमिवार्णवम्। तस्य दाशरथेः पार्श्वे शूरास्ते कपिकुञ्जराः॥ 4.40 ॥

niḥsasarpa mahāghoraṃ bhīmaghoṣam ivārṇavam | tasya dāśaratheḥ pārśve śūrāste kapikuñjarāḥ ||

अत्यंत भयंकर, समुद्र के गर्जन के समान भयानक ध्वनि करती हुई, आगे बढ़ती गई। उस दशरथपुत्र राम के निकट वे शूरवीर गजराज के समान वानर,

श्लोक 41 (yuddha.4.41)

तूर्णमापुप्लुवुः सर्वे सदश्वा इव चोदिताः। कपिभ्यामुह्यमानौ तौ शुशुभाते नरर्षभौ॥ 4.41 ॥

tūrṇam āpupluvuḥ sarve sadaśvā iva coditāḥ | kapibhyām uhyamānau tau śuśubhāte nararṣabhau ||

सब के सब वेगपूर्वक बढ़ते चले, मानो उत्तम अश्व चाबुक से प्रेरित हों। वे दोनों नरश्रेष्ठ, दो वानरों के कंधों पर उठाए जाकर सुशोभित हो रहे थे,

श्लोक 42 (yuddha.4.42)

महद्भ्यामिव संस्पृष्टौ ग्रहाभ्यां चन्द्रभास्करौ। ततो वानरराजेन लक्ष्मणेन सुपूजितः॥ 4.42 ॥

mahadbhyām iva saṃspṛṣṭau grahābhyāṃ candrabhāskarau | tato vānararājena lakṣmaṇena supūjitaḥ ||

जैसे सूर्य और चंद्रमा दो महान ग्रहों (बृहस्पति और शुक्र) के संयोग से सुशोभित होते हों। तब वानरराज और लक्ष्मण द्वारा भलीभाँति सम्मानित,

श्लोक 43 (yuddha.4.43)

जगाम रामो धर्मात्मा ससैन्यो दक्षिणां दिशम्। तमङ्गदगतो रामं लक्ष्मणः शुभया गिरा॥ 4.43 ॥

jagāma rāmo dharmātmā sasainyo dakṣiṇāṃ diśam | tam aṅgadagato rāmaṃ lakṣmaṇaḥ śubhayā girā ||

धर्मात्मा राम अपनी सेना सहित दक्षिण दिशा की ओर चल पड़े। अंगद पर आरूढ़ राम से लक्ष्मण ने शुभ वाणी में,

श्लोक 44 (yuddha.4.44)

उवाच परिपूर्णार्थं पूर्णार्थप्रतिभानवान्। हृतामवाप्य वैदेहीं क्षिप्रं हत्वा च रावणम्॥ 4.44 ॥

uvāca paripūrṇārthaṃ pūrṇārthapratibhānavān | hṛtām avāpya vaidehīṃ kṣipraṃ hatvā ca rāvaṇam ||

जो स्वयं परिपूर्ण अर्थवाला और प्रतिभासंपन्न था, यह पूर्णार्थयुक्त बात कही - "हरी गई वैदेही को शीघ्र ही रावण का वध करके प्राप्त करके,"

श्लोक 45 (yuddha.4.45)

समृद्धार्थः समृद्धार्थामयोध्यां प्रतियास्यसि। महान्ति च निमित्तानि दिवि भूमौ च राघव॥ 4.45 ॥

samṛddhārthaḥ samṛddhārthām ayodhyāṃ pratiyāsyasi | mahānti ca nimittāni divi bhūmau ca rāghava ||

"आप अपने प्रयोजन को सिद्ध कर, समृद्ध अयोध्या को पुनः प्राप्त करेंगे। हे राघव! आकाश में और पृथ्वी पर महान शुभ शकुन दिखाई दे रहे हैं।"

श्लोक 46 (yuddha.4.46)

शुभानि तव पश्यामि सर्वाण्येवार्थसिद्धये। अनुवाति शिवो वायुः सेनां मृदुहितः सुखः॥ 4.46 ॥

śubhāni tava paśyāmi sarvāṇy evārthasiddhaye | anuvāti śivo vāyuḥ senāṃ mṛduhitaḥ sukhaḥ ||

"मैं आपके लिए सर्वत्र शुभ शकुन देखता हूँ, जो सफलता की सूचना देते हैं। सेना के पीछे एक मंगलकारी, कोमल और सुखद वायु बह रही है।"

श्लोक 47 (yuddha.4.47)

पूर्णवल्गुस्वराश्चेमे प्रवदन्ति मृगद्विजाः। प्रसन्नाश्च दिशः सर्वा विमलश्च दिवाकरः॥ 4.47 ॥

pūrṇavalgusvarāśceme pravadanti mṛgadvijāḥ | prasannāśca diśaḥ sarvā vimalaśca divākaraḥ ||

"ये पशु-पक्षी मधुर और स्पष्ट स्वर में बोल रहे हैं, समस्त दिशाएँ प्रसन्न और निर्मल हैं, और सूर्य भी निर्मल है।"

श्लोक 48 (yuddha.4.48)

उशना च प्रसन्नार्चिरनु त्वां भार्गवो गतः। ब्रह्मराशिर्विशुद्धश्च शुद्धाश्च परमर्षयः। अर्चिष्मन्तः प्रकाशन्ते ध्रुवं सर्वे प्रदक्षिणम्॥ 4.48 ॥

uśanā ca prasannārcir anu tvāṃ bhārgavo gataḥ | brahmarāśir viśuddhaśca śuddhāśca paramarṣayaḥ | arciṣmantaḥ prakāśante dhruvaṃ sarve pradakṣiṇam ||

"उशना, अर्थात् भृगुनंदन शुक्र, अपनी निर्मल किरणों सहित आपके पीछे-पीछे चल रहा है। ध्रुवतारे का समूह पूर्णतः शुद्ध है, और समस्त परम ऋषिगण भी शुद्ध होकर प्रकाशमान हो, ध्रुव तारे की प्रदक्षिणा करते हुए चमक रहे हैं।"

श्लोक 49 (yuddha.4.49)

त्रिशङ्कुर्विमलो भाति राजर्षिः सपुरोहितः। पितामहः पुरोऽस्माकमिक्ष्वाकूणां महात्मनाम्॥ 4.49 ॥

triśaṅkur vimalo bhāti rājarṣiḥ sapurohitaḥ | pitāmahaḥ puro'smākam ikṣvākūṇāṃ mahātmanām ||

"राजर्षि त्रिशंकु, हमारे उन महात्मा इक्ष्वाकुवंशियों के पितामह, अपने पुरोहित सहित निर्मल होकर आगे शोभायमान हैं।"

श्लोक 50 (yuddha.4.50)

विमले च प्रकाशेते विशाखे निरुपद्रवे। नक्षत्रं परमस्माकमिक्ष्वाकूणां महात्मनाम्॥ 4.50 ॥

vimale ca prakāśete viśākhe nirupadrave | nakṣatraṃ param asmākam ikṣvākūṇāṃ mahātmanām ||

"विशाखा नक्षत्र, जो हम महात्मा इक्ष्वाकुवंशियों का प्रधान नक्षत्र है, निर्मल और विघ्नरहित होकर चमक रहा है।"

श्लोक 51 (yuddha.4.51)

नैर्ऋतं नैर्ऋतानां च नक्षत्रमतिपीड्यते। मूलो मूलवता स्पृष्टो धूप्यते धूमकेतुना॥ 4.51 ॥

nairṛtaṃ nairṛtānāṃ ca nakṣatram atipīḍyate | mūlo mūlavatā spṛṣṭo dhūpyate dhūmaketunā ||

"किंतु राक्षसों का नक्षत्र, मूल, अत्यंत पीड़ित हो रहा है - वह पुच्छलतारे (धूमकेतु) की पूँछ से स्पृष्ट होकर धूमिल हो रहा है।"

श्लोक 52 (yuddha.4.52)

सर्वं चैतद् विनाशाय राक्षसानामुपस्थितम्। काले कालगृहीतानां नक्षत्रं ग्रहपीडितम्॥ 4.52 ॥

sarvaṃ caitad vināśāya rākṣasānām upasthitam | kāle kālagṛhītānāṃ nakṣatraṃ grahapīḍitam ||

"यह सब कुछ राक्षसों के विनाश के लिए ही उपस्थित हुआ है - क्योंकि काल के वशीभूत हुए उनका नक्षत्र भी अंतिम समय में ग्रह से पीड़ित हो रहा है।"

श्लोक 53 (yuddha.4.53)

प्रसन्नाः सुरसाश्चापो वनानि फलवन्ति च। प्रवान्ति नाधिका गन्धा यथर्तुकुसुमा द्रुमाः॥ 4.53 ॥

prasannāḥ surasāścāpo vanāni phalavanti ca | pravānti nādhikā gandhā yathartukusumā drumāḥ ||

"जल स्वच्छ और सुस्वाद हैं, वन फलों से लदे हैं, हल्की-हल्की सुगंधित वायु बह रही है, और वृक्ष ऋतु के अनुसार पुष्पों से खिले हैं।"

श्लोक 54 (yuddha.4.54)

व्यूढानि कपिसैन्यानि प्रकाशन्तेऽधिकं प्रभो। देवानामिव सैन्यानि संग्रामे तारकामये। एवमार्य समीक्ष्यैतत् प्रीतो भवितुमर्हसि॥ 4.54 ॥

vyūḍhāni kapisainyāni prakāśante'dhikaṃ prabho | devānām iva sainyāni saṃgrāme tārakāmaye | evam ārya samīkṣyaitat prīto bhavitum arhasi ||

"हे प्रभो! ये व्यूह में सजी वानर सेनाएँ अत्यंत शोभायमान हो रही हैं, मानो तारकामय संग्राम में देवताओं की सेनाएँ हों। हे आर्य! इन सब को देखकर आप प्रसन्न हों।"

श्लोक 55 (yuddha.4.55)

इति भ्रातरमाश्वास्य हृष्टः सौमित्रिरब्रवीत्। अथावृत्य महीं कृत्स्नां जगाम हरिवाहिनी॥ 4.55 ॥

iti bhrātaram āśvāsya hṛṣṭaḥ saumitrir abravīt | athāvṛtya mahīṃ kṛtsnāṃ jagāma harivāhinī ||

इस प्रकार अपने भाई को सांत्वना देकर हर्षित सौमित्र (लक्ष्मण) ने यह कहा। तत्पश्चात वह वानर सेना, समस्त पृथ्वी को घेरते हुए, आगे बढ़ चली।

श्लोक 56 (yuddha.4.56)

ऋक्षवानरशार्दूलैर्नखद्रंष्ट्रायुधैरपि। कराग्रैश्चरणाग्रैश्च वानरैरुद्धतं रजः॥ 4.56 ॥

ṛkṣavānaraśārdūlair nakhadaṃṣṭrāyudhair api | karāgraiścaraṇāgraiśca vānarair uddhataṃ rajaḥ ||

नख और दाँतों को ही अपना शस्त्र मानने वाले उन श्रेष्ठ भालुओं और वानरों के हाथों तथा पैरों के अग्रभागों से धूल उठने लगी।

श्लोक 57 (yuddha.4.57)

भीममन्तर्दधे लोकं निवार्य सवितुः प्रभाम्। सपर्वतवनाकाशं दक्षिणां हरिवाहिनी॥ 4.57 ॥

bhīmam antardadhe lokaṃ nivārya savituḥ prabhām | saparvatavanākāśaṃ dakṣiṇāṃ harivāhinī ||

सूर्य की प्रभा को रोककर, वह वानर सेना पर्वत, वन और आकाश सहित समस्त दक्षिणी संसार को भयंकर रूप से ढक कर अदृश्य कर देती हुई चली।

श्लोक 58 (yuddha.4.58)

छादयन्ती ययौ भीमा द्यामिवाम्बुदसंततिः। उत्तरन्त्याश्च सेनायाः सततं बहुयोजनम्॥ 4.58 ॥

chādayantī yayau bhīmā dyām ivāmbudasaṃtatiḥ | uttarantyāśca senāyāḥ satataṃ bahuyojanam ||

वह भयंकर सेना, बादलों की पंक्ति के समान आकाश को ढकते हुए आगे बढ़ी; उस सेना का विस्तार निरंतर अनेक योजनों तक फैला रहा।

श्लोक 59 (yuddha.4.59)

नदीस्रोतांसि सर्वाणि सस्यन्दुर्विपरीतवत्। सरांसि विमलाम्भांसि द्रुमाकीर्णांश्च पर्वतान्॥ 4.59 ॥

nadīsrotāṃsi sarvāṇi sasyandur viparītavat | sarāṃsi vimalāmbhāṃsi drumākīrṇāṃśca parvatān ||

सभी नदियों की धाराएँ मानो उलटी दिशा में बहने लगीं। वह सेना निर्मल जलवाले सरोवरों और वृक्षों से आच्छादित पर्वतों को,

श्लोक 60 (yuddha.4.60)

समान् भूमिप्रदेशांश्च वनानि फलवन्ति च। मध्येन च समन्ताच्च तिर्यक् चाधश्च साविशत्॥ 4.60 ॥

samān bhūmipradeśāṃśca vanāni phalavanti ca | madhyena ca samantācca tiryak cādhaśca sāviśat ||

समतल भूभागों और फलों से लदे वनों को, बीच से, चारों ओर से, आड़े और नीचे से - सब ओर से भरती हुई पार करती गई।

श्लोक 61 (yuddha.4.61)

समावृत्य महीं कृत्स्नां जगाम महती चमूः। ते हृष्टवदनाः सर्वे जग्मुर्मारुतरंहसः॥ 4.61 ॥

samāvṛtya mahīṃ kṛtsnāṃ jagāma mahatī camūḥ | te hṛṣṭavadanāḥ sarve jagmur mārutaraṃhasaḥ ||

वह विशाल सेना समस्त पृथ्वी को घेरते हुए आगे बढ़ी; वे सब वानर प्रसन्न मुख से वायु के समान वेग से चलते रहे।

श्लोक 62 (yuddha.4.62)

हरयो राघवस्यार्थे समारोपितविक्रमाः। हर्षं वीर्यं बलोद्रेकान् दर्शयन्तः परस्परम्॥ 4.62 ॥

harayo rāghavasyārthe samāropitavikramāḥ | harṣaṃ vīryaṃ balodrekān darśayantaḥ parasparam ||

राघव के प्रयोजन के लिए अपना पराक्रम प्रकट करते हुए वे वानर एक-दूसरे को अपने हर्ष, बल और शक्ति की अधिकता दिखाते रहे।

श्लोक 63 (yuddha.4.63)

यौवनोत्सेकजाद् दर्पाद् विविधांश्चक्रुरध्वनि। तत्र केचिद् द्रुतं जग्मुरुत्पेतुश्च तथापरे॥ 4.63 ॥

yauvanotsekajād darpād vividhāṃś cakrur adhvani | tatra kecid drutaṃ jagmur utpetuśca tathāpare ||

यौवन के उन्माद से उत्पन्न घमंड में वे मार्ग में तरह-तरह की क्रीड़ाएँ करने लगे; कुछ तेज़ी से दौड़ने लगे तो कुछ उछलने लगे।

श्लोक 64 (yuddha.4.64)

केचित् किलकिलां चक्रुर्वानरा वनगोचराः। प्रास्फोटयंश्च पुच्छानि संनिजघ्नुः पदान्यपि॥ 4.64 ॥

kecit kilakilāṃ cakrur vānarā vanagocarāḥ | prāsphoṭayaṃśca pucchāni saṃnijaghnuḥ padāny api ||

कुछ वनवासी वानर किलकिलाहट करने लगे, कुछ अपनी पूँछें पटकने लगे, तो कुछ अपने पैरों को ज़ोर-ज़ोर से पटकने लगे।

श्लोक 65 (yuddha.4.65)

भुजान् विक्षिप्य शैलांश्च द्रुमानन्ये बभञ्जिरे। आरोहन्तश्च शृङ्गाणि गिरीणां गिरिगोचराः॥ 4.65 ॥

bhujān vikṣipya śailāṃśca drumān anye babhañjire | ārohantaśca śṛṅgāṇi girīṇāṃ girigocarāḥ ||

कुछ अपनी भुजाएँ फैलाकर पत्थरों और वृक्षों को तोड़ने लगे, तो कुछ पर्वतों में विचरने वाले वानर पर्वत-शिखरों पर चढ़ने लगे।

श्लोक 66 (yuddha.4.66)

महानादान् प्रमुञ्चन्ति क्ष्वेडामन्ये प्रचक्रिरे। ऊरुवेगैश्च ममृदुर्लताजालान्यनेकशः॥ 4.66 ॥

mahānādān pramuñcanti kṣveḍām anye pracakrire | ūruvegaiśca mamṛdur latājālāny anekaśaḥ ||

कुछ बड़ी दहाड़ें छोड़ने लगे, कुछ सिटकारी बजाने लगे, और कुछ अपनी जंघाओं के वेग से लताओं के जाल को कुचल डालते थे।

श्लोक 67 (yuddha.4.67)

जृम्भमाणाश्च विक्रान्ता विचिक्रीडुः शिलाद्रुमैः। ततः शतसहस्रैश्च कोटिभिश्च सहस्रशः॥ 4.67 ॥

jṛmbhamāṇāśca vikrāntā vicikrīḍuḥ śilādrumaiḥ | tataḥ śatasahasraiśca koṭibhiśca sahasraśaḥ ||

वे पराक्रमी वानर जम्हाई लेते और उछलते हुए पत्थरों तथा वृक्षों से खेलते रहे। फिर सैकड़ों, हज़ारों और करोड़ों की संख्या में,

श्लोक 68 (yuddha.4.68)

वानराणां सुघोराणां श्रीमत्परिवृता मही। सा स्म याति दिवारात्रं महती हरिवाहिनी॥ 4.68 ॥

vānarāṇāṃ sughorāṇāṃ śrīmatparivṛtā mahī | sā sma yāti divārātraṃ mahatī harivāhinī ||

उन अत्यंत भयंकर वानरों से घिरी हुई सुशोभित पृथ्वी पर, वह विशाल वानर सेना दिन-रात चलती रही।

श्लोक 69 (yuddha.4.69)

प्रहृष्टमुदिताः सर्वे सुग्रीवेणाभिपालिताः। वानरास्त्वरिता यान्ति सर्वे युद्धाभिनन्दिनः। प्रमोक्षयिषवः सीतां मुहूर्तं क्वापि नावसन्॥ 4.69 ॥

prahṛṣṭamuditāḥ sarve sugrīveṇābhipālitāḥ | vānarās tvaritā yānti sarve yuddhābhinandinaḥ | pramokṣayiṣavaḥ sītāṃ muhūrtaṃ kvāpi nāvasan ||

सभी वानर, अत्यंत हर्षित और आनंदित होकर, सुग्रीव द्वारा संचालित होते हुए, युद्ध की उत्कंठा से भरे हुए तीव्र गति से चलते रहे; सीता को मुक्त कराने की इच्छा से वे कहीं भी क्षण भर के लिए भी नहीं ठहरे।

श्लोक 70 (yuddha.4.70)

ततः पादपसम्बाधं नानावनसमायुतम्। सह्यपर्वतमासाद्य वानरास्ते समारुहन्॥ 4.70 ॥

tataḥ pādapasambādhaṃ nānāvanasamāyutam | sahyaparvatam āsādya vānarās te samāruhan ||

तब वे वानर, वृक्षों से सघन और अनेक वनों से युक्त सह्य पर्वत पर पहुँचकर, उस पर चढ़ने लगे।

श्लोक 71 (yuddha.4.71)

काननानि विचित्राणि नदीप्रस्रवणानि च। पश्यन्नपि ययौ रामः सह्यस्य मलयस्य च॥ 4.71 ॥

kānanāni vicitrāṇi nadīprasravaṇāni ca | paśyann api yayau rāmaḥ sahyasya malayasya ca ||

सह्य और मलय पर्वत के विचित्र वनों और नदी-झरनों को देखते हुए राम आगे बढ़ते गए।

श्लोक 72 (yuddha.4.72)

चम्पकांस्तिलकांश्चूतानशोकान् सिन्दुवारकान्। तिनिशान् करवीरांश्च भञ्जन्ति स्म प्लवंगमाः॥ 4.72 ॥

campakāṃs tilakāṃś cūtān aśokān sinduvārakān | tiniśān karavīrāṃśca bhañjanti sma plavaṃgamāḥ ||

वानर चंपा, तिलक, आम्र, अशोक, निर्गुण्डी, तिनिश और कनेर के वृक्षों को तोड़ते चलते थे।

श्लोक 73 (yuddha.4.73)

अङ्कोलांश्च करञ्जांश्च प्लक्षन्यग्रोधपादपान्। जम्बूकामलकान् नीपान् भञ्जन्ति स्म प्लवंगमाः॥ 4.73 ॥

aṅkolāṃśca karañjāṃśca plakṣanyagrodhapādapān | jambūkāmalakān nīpān bhañjanti sma plavaṃgamāḥ ||

वानर अंकोल, करंज, पाकड़, बरगद, जामुन, आँवला और कदंब के वृक्षों को भी तोड़ते चलते थे।

श्लोक 74 (yuddha.4.74)

प्रस्तरेषु च रम्येषु विविधाः काननद्रुमाः। वायुवेगप्रचलिताः पुष्पैरवकिरन्ति तान्॥ 4.74 ॥

prastareṣu ca ramyeṣu vividhāḥ kānanadrumāḥ | vāyuvegapracalitāḥ puṣpair avakiranti tān ||

रमणीय शिलाखंडों पर खड़े विभिन्न वन-वृक्ष, वायु के वेग से हिलते हुए, उन वानरों पर पुष्पों की वर्षा करते रहे।

श्लोक 75 (yuddha.4.75)

मारुतः सुखसंस्पर्शो वाति चन्दनशीतलः। षट्पदैरनुकूजद्भिर्वनेषु मधुगन्धिषु॥ 4.75 ॥

mārutaḥ sukhasaṃsparśo vāti candanaśītalaḥ | ṣaṭpadair anukūjadbhir vaneṣu madhugandhiṣu ||

चंदन के समान शीतल और सुखद स्पर्शवाली वायु उन मधुगंधित वनों में, गुँजार करते भ्रमरों के साथ, बहती रही।

श्लोक 76 (yuddha.4.76)

अधिकं शैलराजस्तु धातुभिस्तु विभूषितः। धातुभ्यः प्रसृतो रेणुर्वायुवेगेन घट्टितः॥ 4.76 ॥

adhikaṃ śailarājas tu dhātubhis tu vibhūṣitaḥ | dhātubhyaḥ prasṛto reṇur vāyuvegena ghaṭṭitaḥ ||

वह पर्वतराज खनिज-धातुओं से अत्यंत सुशोभित था, और वायु के वेग से उड़ती हुई धातुओं की रज,

श्लोक 77 (yuddha.4.77)

सुमहद्वानरानीकं छादयामास सर्वतः। गिरिप्रस्थेषु रम्येषु सर्वतः सम्प्रपुष्पिताः॥ 4.77 ॥

sumahad vānarānīkaṃ chādayāmāsa sarvataḥ | giriprastheṣu ramyeṣu sarvataḥ samprapuṣpitāḥ ||

सब ओर से उस विशाल वानर सेना को ढक रही थी। पर्वत के रमणीय पठारों पर सब ओर पूर्ण रूप से खिले हुए,

श्लोक 78 (yuddha.4.78)

केतक्यः सिन्दुवाराश्च वासन्त्यश्च मनोरमाः। माधव्यो गन्धपूर्णाश्च कुन्दगुल्माश्च पुष्पिताः॥ 4.78 ॥

ketakyaḥ sinduvārāśca vāsantyaśca manoramāḥ | mādhavyo gandhapūrṇāśca kundagulmāśca puṣpitāḥ ||

केतकी, निर्गुण्डी, मनोहर वासंती लताएँ, सुगंध से भरी माधवी लताएँ, और फूलों से लदी कुंद की झाड़ियाँ।

श्लोक 79 (yuddha.4.79)

चिरिबिल्वा मधूकाश्च वञ्जुला बकुलास्तथा। रञ्जकास्तिलकाश्चैव नागवृक्षाश्च पुष्पिताः॥ 4.79 ॥

ciribilvā madhūkāśca vañjulā bakulāstathā | rañjakās tilakāścaiva nāgavṛkṣāśca puṣpitāḥ ||

चिरबिल्व, महुआ, वंजुल, बकुल, रंजक, तिलक, और नागकेसर के वृक्ष भी पुष्पों से लदे हुए थे।

श्लोक 80 (yuddha.4.80)

चूताः पाटलिकाश्चैव कोविदाराश्च पुष्पिताः। मुचुलिन्दार्जुनाश्चैव शिंशपाः कुटजास्तथा॥ 4.80 ॥

cūtāḥ pāṭalikāścaiva kovidārāśca puṣpitāḥ | muculindārjunāścaiva śiṃśapāḥ kuṭajāstathā ||

आम, पाटल और कोविदार के वृक्ष भी पुष्पित थे, और मुचुलिंद, अर्जुन, शीशम तथा कुटज के वृक्ष भी।

श्लोक 81 (yuddha.4.81)

हिन्तालास्तिनिशाश्चैव चूर्णका नीपकास्तथा। नीलाशोकाश्च सरला अङ्कोलाः पद्मकास्तथा॥ 4.81 ॥

hintālās tiniśāścaiva cūrṇakā nīpakāstathā | nīlāśokāśca saralā aṅkolāḥ padmakāstathā ||

हिंताल, तिनिश, चूर्णक, नीपक, नीलाशोक, सरल, अंकोल और पद्मक के वृक्ष भी वहाँ खड़े थे।

श्लोक 82 (yuddha.4.82)

प्रीयमाणैः प्लवंगैस्तु सर्वे पर्याकुलीकृताः। वाप्यस्तस्मिन् गिरौ रम्याः पल्वलानि तथैव च॥ 4.82 ॥

prīyamāṇaiḥ plavaṃgais tu sarve paryākulīkṛtāḥ | vāpyas tasmin girau ramyāḥ palvalāni tathaiva ca ||

उस पर्वत पर स्थित सुंदर बावड़ियाँ और छोटे जलाशय भी, प्रसन्नचित्त वानरों से भरकर व्याकुल-से हो गए।

श्लोक 83 (yuddha.4.83)

चक्रवाकानुचरिताः कारण्डवनिषेविताः। प्लवैः क्रौञ्चैश्च संकीर्णा वराहमृगसेविताः॥ 4.83 ॥

cakravākānucaritāḥ kāraṇḍavaniṣevitāḥ | plavaiḥ krauñcaiśca saṃkīrṇā varāhamṛgasevitāḥ ||

वे जलाशय चक्रवाक पक्षियों से गुंजित, कारण्डव पक्षियों से सेवित, जलकाकों और क्रौंच पक्षियों से भरे हुए, तथा वराह और हिरणों द्वारा सेवित थे।

श्लोक 84 (yuddha.4.84)

ऋक्षैस्तरक्षुभिः सिंहैः शार्दूलैश्च भयावहैः। व्यालैश्च बहुभिर्भीमैः सेव्यमानाः समन्ततः॥ 4.84 ॥

ṛkṣais tarakṣubhiḥ siṃhaiḥ śārdūlaiśca bhayāvahaiḥ | vyālaiśca bahubhir bhīmaiḥ sevyamānāḥ samantataḥ ||

वे भालुओं, लकड़बग्घों, सिंहों, भयंकर व्याघ्रों, और अनेक भयानक सर्पों द्वारा भी चारों ओर से सेवित थे।

श्लोक 85 (yuddha.4.85)

पद्मैः सौगन्धिकैः फुल्लैः कुमुदैश्चोत्पलैस्तथा। वारिजैर्विविधैः पुष्पै रम्यास्तत्र जलाशयाः॥ 4.85 ॥

padmaiḥ saugandhikaiḥ phullaiḥ kumudaiścotpalais tathā | vārijair vividhaiḥ puṣpai ramyās tatra jalāśayāḥ ||

उन जलाशयों की शोभा खिले हुए कमलों, सुगंधित सौगंधिक कमलों, कुमुदों, कुमुदिनियों और विविध जलज पुष्पों से बढ़ गई थी।

श्लोक 86 (yuddha.4.86)

तस्य सानुषु कूजन्ति नानाद्विजगणास्तथा। स्नात्वा पीत्वोदकान्यत्र जले क्रीडन्ति वानराः॥ 4.86 ॥

tasya sānuṣu kūjanti nānādvijagaṇāstathā | snātvā pītvodakāny atra jale krīḍanti vānarāḥ ||

उस पर्वत की घाटियों में विभिन्न पक्षी-समूह कलरव कर रहे थे; वहाँ वानर स्नान करके, जल पीकर, जल में क्रीड़ा करने लगे।

श्लोक 87 (yuddha.4.87)

अन्योन्यं प्लावयन्ति स्म शैलमारुह्य वानराः। फलान्यमृतगन्धीनि मूलानि कुसुमानि च॥ 4.87 ॥

anyonyaṃ plāvayanti sma śailam āruhya vānarāḥ | phalāny amṛtagandhīni mūlāni kusumāni ca ||

पर्वत पर चढ़कर वानर एक-दूसरे पर जल उछालने लगे। अमृत के समान सुगंधित फलों, कंद-मूलों और पुष्पों को,

श्लोक 88 (yuddha.4.88)

बभञ्जुर्वानरास्तत्र पादपानां मदोत्कटाः। द्रोणमात्रप्रमाणानि लम्बमानानि वानराः॥ 4.88 ॥

babhañjur vānarās tatra pādapānāṃ madotkaṭāḥ | droṇamātrapramāṇāni lambamānāni vānarāḥ ||

मद से उन्मत्त वानर वहाँ, द्रोण के बराबर आकार के, लटकते हुए फलों को वृक्षों से तोड़ते रहे।

श्लोक 89 (yuddha.4.89)

ययुः पिबन्तः स्वस्थास्ते मधूनि मधुपिङ्गलाः। पादपानवभञ्जन्तो विकर्षन्तस्तथा लताः॥ 4.89 ॥

yayuḥ pibantaḥ svasthās te madhūni madhupiṅgalāḥ | pādapān avabhañjanto vikarṣantas tathā latāḥ ||

शहद के रंग जैसे पीले वे वानर, प्रसन्नचित्त होकर मधु पीते हुए, वृक्षों की डालियों को तोड़ते और लताओं को खींचते हुए आगे बढ़ते गए।

श्लोक 90 (yuddha.4.90)

विधमन्तो गिरिवरान् प्रययुः प्लवगर्षभाः। वृक्षेभ्योऽन्ये तु कपयो नदन्तो मधु दर्पिताः॥ 4.90 ॥

vidhamanto girivarān prayayuḥ plavagarṣabhāḥ | vṛkṣebhyo'nye tu kapayo nadanto madhu darpitāḥ ||

श्रेष्ठ वानर, उत्तम पर्वतों को मानो उड़ाते हुए आगे बढ़ते गए; कुछ अन्य वानर, मधु के मद से उन्मत्त होकर वृक्षों पर दहाड़ते रहे।

श्लोक 91 (yuddha.4.91)

अन्ये वृक्षान् प्रपद्यन्ते प्रपिबन्त्यपि चापरे। बभूव वसुधा तैस्तु सम्पूर्णा हरिपुङ्गवैः। यथा कमलकेदारैः पक्वैरिव वसुंधरा॥ 4.91 ॥

anye vṛkṣān prapadyante prapibanty api cāpare | babhūva vasudhā tais tu sampūrṇā haripuṅgavaiḥ | yathā kamalakedārair pakvair iva vasundharā ||

कुछ वृक्षों पर चढ़ जाते, तो कुछ मधु पीते रहते। उन श्रेष्ठ वानरों से समस्त पृथ्वी ऐसे भर गई, जैसे पके हुए कमल-क्यारियों से भरी हुई वसुंधरा हो।

श्लोक 92 (yuddha.4.92)

महेन्द्रमथ सम्प्राप्य रामो राजीवलोचनः। आरुरोह महाबाहुः शिखरं द्रुमभूषितम्॥ 4.92 ॥

mahendram atha samprāpya rāmo rājīvalocanaḥ | āruroha mahābāhuḥ śikharaṃ drumabhūṣitam ||

तब लोटस-नेत्रों वाले महाबाहु राम, महेन्द्र पर्वत पर पहुँचकर, वृक्षों से सुशोभित उसके शिखर पर चढ़ गए।

श्लोक 93 (yuddha.4.93)

ततः शिखरमारुह्य रामो दशरथात्मजः। कूर्ममीनसमाकीर्णमपश्यत् सलिलाशयम्॥ 4.93 ॥

tataḥ śikharam āruhya rāmo daśarathātmajaḥ | kūrmamīnasamākīrṇam apaśyat salilāśayam ||

शिखर पर चढ़कर दशरथनंदन राम ने कछुओं और मछलियों से भरे हुए विशाल जलाशय (समुद्र) को देखा।

श्लोक 94 (yuddha.4.94)

ते सह्यं समतिक्रम्य मलयं च महागिरिम्। आसेदुरानुपूर्व्येण समुद्रं भीमनिःस्वनम्॥ 4.94 ॥

te sahyaṃ samatikramya malayaṃ ca mahāgirim | āseduḥ ānupūrvyeṇa samudraṃ bhīmaniḥsvanam ||

सह्य और महापर्वत मलय को पार करके, वे क्रमशः उस समुद्र तक जा पहुँचे, जिसकी गर्जना भयंकर थी।

श्लोक 95 (yuddha.4.95)

अवरुह्य जगामाशु वेलावनमनुत्तमम्। रामो रमयतां श्रेष्ठः ससुग्रीवः सलक्ष्मणः॥ 4.95 ॥

avaruhya jagāmāśu velāvanam anuttamam | rāmo ramayatāṃ śreṣṭhaḥ sasugrīvaḥ salakṣmaṇaḥ ||

पर्वत से उतरकर, सुग्रीव और लक्ष्मण सहित, आनंद देने वालों में श्रेष्ठ राम शीघ्र ही उस अनुपम तटवर्ती वन में जा पहुँचे।

श्लोक 96 (yuddha.4.96)

अथ धौतोपलतलां तोयौघैः सहसोत्थितैः। वेलामासाद्य विपुलां रामो वचनमब्रवीत्॥ 4.96 ॥

atha dhautopalatalāṃ toyaughaiḥ sahasotthitaiḥ | velām āsādya vipulāṃ rāmo vacanam abravīt ||

तब उस विशाल तटभूमि पर पहुँचकर, जिसका पथरीला तल सहसा उठती हुई जल-लहरों से धुला हुआ था, राम ने यह वचन कहा।

श्लोक 97 (yuddha.4.97)

एते वयमनुप्राप्ताः सुग्रीव वरुणालयम्। इहेदानीं विचिन्ता सा या नः पूर्वमुपस्थिता॥ 4.97 ॥

ete vayam anuprāptāḥ sugrīva varuṇālayam | ihedānīṃ vicintā sā yā naḥ pūrvam upasthitā ||

"हे सुग्रीव! हम अब वरुण के इस निवास (समुद्र) तक पहुँच गए हैं। अब यहाँ हमें वही चिंता घेर रही है, जो पहले से हमारे सामने थी।"

श्लोक 98 (yuddha.4.98)

अतः परमतीरोऽयं सागरः सरितां पतिः। न चायमनुपायेन शक्यस्तरितुमर्णवः॥ 4.98 ॥

ataḥ param atīro'yaṃ sāgaraḥ saritāṃ patiḥ | na cāyam anupāyena śakyas taritum arṇavaḥ ||

"यह सागर, नदियों का स्वामी, इस पार से आगे अपार है, और बिना किसी उपाय के इस समुद्र को पार करना संभव नहीं है।"

श्लोक 99 (yuddha.4.99)

तदिहैव निवेशोऽस्तु मन्त्रः प्रस्तूयतामिह। यथेदं वानरबलं परं पारमवाप्नुयात्॥ 4.99 ॥

tad ihaiva niveśo'stu mantraḥ prastūyatām iha | yathedaṃ vānarabalaṃ paraṃ pāram avāpnuyāt ||

"अतः यहीं शिविर स्थापित हो, और यहीं यह विचार-विमर्श आरंभ किया जाए, कि यह वानर सेना किस प्रकार उस पार जा सके।"

श्लोक 100 (yuddha.4.100)

इतीव स महाबाहुः सीताहरणकर्शितः। रामः सागरमासाद्य वासमाज्ञापयत् तदा॥ 4.100 ॥

itīva sa mahābāhuḥ sītāharaṇakarśitaḥ | rāmaḥ sāgaram āsādya vāsam ājñāpayat tadā ||

इस प्रकार सीता-हरण से क्षीण हुए महाबाहु राम ने समुद्र-तट पर पहुँचकर तब सेना को वहीं ठहरने की आज्ञा दी।

श्लोक 101 (yuddha.4.101)

सर्वाः सेना निवेश्यन्तां वेलायां हरिपुङ्गव। सम्प्राप्तो मन्त्रकालो नः सागरस्येह लङ्घने॥ 4.101 ॥

sarvāḥ senā niveśyantāṃ velāyāṃ haripuṅgava | samprāpto mantrakālo naḥ sāgarasyeha laṅghane ||

"हे वानरश्रेष्ठ! सारी सेना इस तटभूमि पर ठहरा दी जाए। इस समुद्र को लांघने के विषय में विचार-विमर्श का समय अब आ पहुँचा है।"

श्लोक 102 (yuddha.4.102)

स्वां स्वां सेनां समुत्सृज्य मा च कश्चित् कुतो व्रजेत्। गच्छन्तु वानराः शूरा ज्ञेयं छन्नं भयं च नः॥ 4.102 ॥

svāṃ svāṃ senāṃ samutsṛjya mā ca kaścit kuto vrajet | gacchantu vānarāḥ śūrā jñeyaṃ channaṃ bhayaṃ ca naḥ ||

"कोई भी अपनी-अपनी टुकड़ी को छोड़कर कहीं इधर-उधर न जाए। शूरवीर वानर सावधान रहकर चलें - हमें छिपे हुए भय को भी जान लेना चाहिए।"

श्लोक 103 (yuddha.4.103)

रामस्य वचनं श्रुत्वा सुग्रीवः सहलक्ष्मणः। सेनां निवेशयत् तीरे सागरस्य द्रुमायुते॥ 4.103 ॥

rāmasya vacanaṃ śrutvā sugrīvaḥ sahalakṣmaṇaḥ | senāṃ niveśayat tīre sāgarasya drumāyute ||

राम के वचन सुनकर, लक्ष्मण सहित सुग्रीव ने वृक्षों से भरे हुए समुद्र-तट पर सेना को ठहरा दिया।

श्लोक 104 (yuddha.4.104)

विरराज समीपस्थं सागरस्य च तद् बलम्। मधुपाण्डुजलः श्रीमान् द्वितीय इव सागरः॥ 4.104 ॥

virarāja samīpasthaṃ sāgarasya ca tad balam | madhupāṇḍujalaḥ śrīmān dvitīya iva sāgaraḥ ||

समुद्र के निकट पड़ी हुई वह सेना ऐसे शोभायमान थी मानो शहद के समान पीले जल वाला एक दूसरा भव्य सागर हो।

श्लोक 105 (yuddha.4.105)

वेलावनमुपागम्य ततस्ते हरिपुङ्गवाः। निविष्टाश्च परं पारं काङ्क्षमाणा महोदधेः॥ 4.105 ॥

velāvanam upāgamya tatas te haripuṅgavāḥ | niviṣṭāśca paraṃ pāraṃ kāṅkṣamāṇā mahodadheḥ ||

तब वे श्रेष्ठ वानर तटवर्ती वन में पहुँचकर, महासागर के उस पार को पाने की कामना करते हुए, वहाँ बस गए।

श्लोक 106 (yuddha.4.106)

तेषां निविशमानानां सैन्यसंनाहनिःस्वनः। अन्तर्धाय महानादमर्णवस्य प्रशुश्रुवे॥ 4.106 ॥

teṣāṃ niviśamānānāṃ sainyasaṃnāhaniḥsvanaḥ | antardhāya mahānādam arṇavasya praśuśruve ||

उस शिविर में बसते हुए सैनिकों के शस्त्र-सज्जा के शोर ने समुद्र की महागर्जना को भी दबा दिया।

श्लोक 107 (yuddha.4.107)

सा वानराणां ध्वजिनी सुग्रीवेणाभिपालिता। त्रिधा निविष्टा महती रामस्यार्थपराभवत्॥ 4.107 ॥

sā vānarāṇāṃ dhvajinī sugrīveṇābhipālitā | tridhā niviṣṭā mahatī rāmasyārthaparābhavat ||

सुग्रीव द्वारा संरक्षित वह विशाल वानर-ध्वजिनी तीन भागों में विभक्त होकर बसी, और सर्वथा राम के प्रयोजन के प्रति समर्पित हो गई।

श्लोक 108 (yuddha.4.108)

सा महार्णवमासाद्य हृष्टा वानरवाहिनी। वायुवेगसमाधूतं पश्यमाना महार्णवम्॥ 4.108 ॥

sā mahārṇavam āsādya hṛṣṭā vānaravāhinī | vāyuvegasamādhūtaṃ paśyamānā mahārṇavam ||

उस महासागर तक पहुँचकर वह हर्षित वानर सेना, वायु के वेग से क्षुब्ध महासागर को देखती हुई,

श्लोक 109 (yuddha.4.109)

दूरपारमसम्बाधं रक्षोगणनिषेवितम्। पश्यन्तो वरुणावासं निषेदुर्हरियूथपाः॥ 4.109 ॥

dūrapāram asambādham rakṣogaṇaniṣevitam | paśyanto varuṇāvāsaṃ niṣedur hariyūthapāḥ ||

दूर तक फैले हुए, अपार, राक्षस-समूहों द्वारा बसे हुए, वरुण के उस निवास को देखते हुए वानर-सेनापति वहीं बैठ गए।

श्लोक 110 (yuddha.4.110)

चण्डनक्रग्राहघोरं क्षपादौ दिवसक्षये। हसन्तमिव फेनौघैर्नृत्यन्तमिव चोर्मिभिः॥ 4.110 ॥

caṇḍanakragrāhaghoraṃ kṣapādau divasakṣaye | hasantam iva phenaughair nṛtyantam iva cormibhiḥ ||

वह समुद्र, दिन के अंत और रात्रि के आरंभ में, भयंकर मगरमच्छों और जलजंतुओं से युक्त था, मानो अपने फेन-समूहों से हँस रहा हो और अपनी लहरों से नृत्य कर रहा हो।

श्लोक 111 (yuddha.4.111)

चन्द्रोदये समुद्भूतं प्रतिचन्द्रसमाकुलम्। चण्डानिलमहाग्राहैः कीर्णं तिमितिमिंगिलैः॥ 4.111 ॥

candrodaye samudbhūtaṃ praticandrasamākulam | caṇḍānilamahāgrāhaiḥ kīrṇaṃ timitimiṅgilaiḥ ||

चंद्रोदय होते ही वह समुद्र मानो असंख्य प्रतिचंद्रों से भर उठा, और प्रबल आँधियों, विशाल जलजंतुओं तथा तिमि-तिमिंगिल मछलियों से व्याप्त था।

श्लोक 112 (yuddha.4.112)

दीप्तभोगैरिवाकीर्णं भुजङ्गैर्वरुणालयम्। अवगाढं महासत्त्वैर्नानाशैलसमाकुलम्॥ 4.112 ॥

dīptabhogair ivākīrṇaṃ bhujaṅgair varuṇālayam | avagāḍhaṃ mahāsattvair nānāśailasamākulam ||

वरुण का वह निवास मानो चमकते हुए फणों वाले सर्पों से व्याप्त था, महाकाय जलजंतुओं से भरा हुआ था, और अनेक शैल-समूहों से युक्त था।

श्लोक 113 (yuddha.4.113)

सुदुर्गं दुर्गमार्गं तमगाधमसुरालयम्। मकरैर्नागभोगैश्च विगाढा वातलोलिताः। उत्पेतुश्च निपेतुश्च प्रहृष्टा जलराशयः॥ 4.113 ॥

sudurgaṃ durgamārgaṃ tam agādham asurālayam | makarair nāgabhogaiśca vigāḍhā vātalolitāḥ | utpetuśca nipetuśca prahṛṣṭā jalarāśayaḥ ||

वह दुर्गम, अगम्य मार्गवाला, अथाह असुरों का निवास था। मगरमच्छों और सर्पों के फणों से व्याप्त, वायु से हिलती हुई जलराशियाँ हर्षित होकर उठती और गिरती रहती थीं।

श्लोक 114 (yuddha.4.114)

अग्निचूर्णमिवाविद्धं भास्वराम्बुमहोरगम्। सुरारिनिलयं घोरं पातालविषयं सदा॥ 4.114 ॥

agnicūrṇam ivāviddham bhāsvarāmbumahoragam | surārinilayaṃ ghoraṃ pātālaviṣayaṃ sadā ||

वह मानो अग्नि-चूर्ण से बिखरा हुआ था, उसका जल चमकीले महासर्पों से युक्त था; वह देवशत्रुओं (असुरों) का निवास था, सदा भयंकर, और पाताल की सीमा तक फैला हुआ था।

श्लोक 115 (yuddha.4.115)

सागरं चाम्बरप्रख्यमम्बरं सागरोपमम्। सागरं चाम्बरं चेति निर्विशेषमदृश्यत॥ 4.115 ॥

sāgaraṃ cāmbaraprakhyam ambaraṃ sāgaropamam | sāgaraṃ cāmbaraṃ ceti nirviśeṣam adṛśyata ||

समुद्र आकाश के समान प्रतीत हो रहा था, और आकाश समुद्र के समान; समुद्र और आकाश दोनों में मानो कोई भेद ही नहीं दिखाई दे रहा था।

श्लोक 116 (yuddha.4.116)

सम्पृक्तं नभसाप्यम्भः सम्पृक्तं च नभोऽम्भसा। तादृग्रूपे स्म दृश्येते तारारत्नसमाकुले॥ 4.116 ॥

sampṛktaṃ nabhasāpy ambhaḥ sampṛktaṃ ca nabho'mbhasā | tādṛgrūpe sma dṛśyete tārāratnasamākule ||

जल आकाश से मिला हुआ था, और आकाश जल से; दोनों तारकरूपी रत्नों से भरे हुए एक जैसे ही दिखाई देते थे।

श्लोक 117 (yuddha.4.117)

समुत्पतितमेघस्य वीचिमालाकुलस्य च। विशेषो न द्वयोरासीत् सागरस्याम्बरस्य च॥ 4.117 ॥

samutpatitameghasya vīcimālākulasya ca | viśeṣo na dvayor āsīt sāgarasyāmbarasya ca ||

उमड़ते हुए बादलों वाले आकाश और तरंगों की मालाओं से व्याप्त समुद्र - दोनों में कोई अंतर नहीं रह गया था।

श्लोक 118 (yuddha.4.118)

अन्योन्यैरहताः सक्ताः सस्वनुर्भीमनिःस्वनाः। ऊर्मयः सिन्धुराजस्य महाभेर्य इवाम्बरे॥ 4.118 ॥

anyonyair āhatāḥ saktāḥ sasvanur bhīmaniḥsvanāḥ | ūrmayaḥ sindhurājasya mahābherya ivāmbare ||

परस्पर टकराती हुई और आपस में गुँथी हुई सिंधुराज (समुद्र) की लहरें भयंकर ध्वनि के साथ गरजती थीं, मानो आकाश में बड़े-बड़े नगाड़े बज रहे हों।

श्लोक 119 (yuddha.4.119)

रत्नौघजलसंनादं विषक्तमिव वायुना। उत्पतन्तमिव क्रुद्धं यादोगणसमाकुलम्॥ 4.119 ॥

ratnaughajalasaṃnādaṃ viṣaktam iva vāyunā | utpatantam iva kruddhaṃ yādogaṇasamākulam ||

रत्नों और जल की गर्जना से युक्त, मानो वायु से बंधा हुआ, क्रुद्ध होकर उछलता हुआ-सा, तथा जलजंतुओं के समूहों से भरा हुआ वह सागर था।

श्लोक 120 (yuddha.4.120)

ददृशुस्ते महात्मानो वाताहतजलाशयम्। अनिलोद्धूतमाकाशे प्रवलान्तमिवोर्मिभिः॥ 4.120 ॥

dadṛśus te mahātmānaḥ vātāhatajalāśayam | anilodūtam ākāśe pravalāntam ivormibhiḥ ||

उन महात्मा वानरों ने उस वायु से आहत जलाशय को देखा, जो मानो अपनी लहरों के द्वारा आकाश में उठकर बवंडर के समान प्रतीत हो रहा था।

श्लोक 121 (yuddha.4.121)

ततो विस्मयमापन्ना हरयो ददृशुः स्थिताः। भ्रान्तोर्मिजालसंनादं प्रलोलमिव सागरम्॥ 4.121 ॥

tato vismayam āpannā harayo dadṛśuḥ sthitāḥ | bhrāntormijālasaṃnādaṃ pralolam iva sāgaram ||

तब आश्चर्यचकित होकर वे वानर वहीं खड़े रहकर, भटकती हुई तरंगों के जाल की गर्जना से युक्त, मानो कंपित होते हुए उस सागर को देखते रहे।