समुद्रतट पर राम का विलाप

श्लोक 1 (yuddha.5.1)

सा तु नीलेन विधिवत्स्वारक्षा सुसमाहिता। सागरस्योत्तरे तीरे साधु सा विनिवेशिता॥ 5.1 ॥

sā tu nīlena vidhivat svārakṣā susamāhitā | sāgarasyottare tīre sādhu sā viniveśitā || 5.1 ||

वह सेना नील के द्वारा विधिपूर्वक भलीभाँति सुरक्षित होकर, समुद्र के उत्तरी तट पर सुव्यवस्थित रूप से टिका दी गई।

श्लोक 2 (yuddha.5.2)

मैन्दश्च द्विविदश्चोभौ तत्र वानरपुङ्गवौ। विचेरतुश्च तां सेनां रक्षार्थं सर्वतोदिशम्॥ 5.2 ॥

maindaśca dvividaścobhau tatra vānarapuṅgavau | viceratuśca tāṃ senāṃ rakṣārthaṃ sarvato diśam || 5.2 ||

वहाँ मैन्द और द्विविद, दोनों श्रेष्ठ वानर, उस सेना की रक्षा के लिए सब दिशाओं में घूमते रहे।

श्लोक 3 (yuddha.5.3)

निविष्टायां तु सेनायां तीरे नदनदीपतेः। पार्श्वस्थं लक्ष्मणं दृष्ट्वा रामो वचनमब्रवीत्॥ 5.3 ॥

niviṣṭāyāṃ tu senāyāṃ tīre nadanadīpateḥ | pārśvasthaṃ lakṣmaṇaṃ dṛṣṭvā rāmo vacanam abravīt || 5.3 ||

जब सेना समुद्र, अर्थात् नदों और नदियों के स्वामी, के तट पर टिक गई, तब समीप खड़े लक्ष्मण को देखकर राम ने यह वचन कहा।

श्लोक 4 (yuddha.5.4)

शोकश्च किल कालेन गच्छता ह्यपगच्छति। मम चापश्यतः कान्तामहन्यहनि वर्धते॥ 5.4 ॥

śokaśca kila kālena gacchatā hyapagacchati | mama cāpaśyataḥ kāntām ahany ahani vardhate || 5.4 ||

कहते हैं कि समय बीतने के साथ शोक भी दूर हो जाता है, किंतु अपनी प्रिया को न देख पाने के कारण मेरी पीड़ा दिन-प्रतिदिन बढ़ती ही जा रही है।

श्लोक 5 (yuddha.5.5)

न मे दुःखं प्रिया दूरे न मे दुःखं हृतेति च। एतदेवानुशोचामि वयोऽस्या ह्यतिवर्तते॥ 5.5 ॥

na me duḥkhaṃ priyā dūre na me duḥkhaṃ hṛteti ca | etad evānuśocāmi vayo'syā hy ativartate || 5.5 ||

मुझे इस बात का दुःख नहीं कि मेरी प्रिया दूर है, न इस बात का कि उसका हरण हुआ है - मुझे तो केवल इसी बात का शोक है कि उसकी अवस्था बीती जा रही है।

श्लोक 6 (yuddha.5.6)

वाहि वात यतः कान्ता तां स्पृष्ट्वा मामपि स्पृश। त्वयि मे गात्रसंस्पर्शश्चन्द्रे दृष्टिसमागमः॥ 5.6 ॥

vāhi vāta yataḥ kāntā tāṃ spṛṣṭvā mām api spṛśa | tvayi me gātrasaṃsparśaś candre dṛṣṭisamāgamaḥ || 5.6 ||

हे वायु! तू उस दिशा से बह जहाँ मेरी प्रिया है; उसे स्पर्श करके मुझे भी स्पर्श कर - तेरे द्वारा ही मुझे उसके अंगों का स्पर्श मिलेगा, और चंद्रमा के द्वारा ही हमारी दृष्टि का मिलन होगा।

श्लोक 7 (yuddha.5.7)

तन्मे दहति गात्राणि विषं पीतमिवाशये। हा नाथेति प्रिया सा मां ह्रियमाणा यदब्रवीत्॥ 5.7 ॥

tan me dahati gātrāṇi viṣaṃ pītam ivāśaye | hā nātheti priyā sā māṃ hriyamāṇā yad abravīt || 5.7 ||

जब मुझे यह स्मरण होता है कि हरी जाती हुई मेरी प्रिया ने 'हा नाथ!' कहकर पुकारा था, तो वह स्मृति मेरे अंगों को ऐसे जलाती है मानो विष पीकर पेट में बैठ गया हो।

श्लोक 8 (yuddha.5.8)

तद्वियोगेन्धनवता तच्चिन्ताविमलार्चिषा। रात्रिंदिवं शरीरं मे दह्यते मदनाग्निना॥ 5.8 ॥

tadviyogendhanavatā taccintāvimalārciṣā | rātriṃdivaṃ śarīraṃ me dahyate madanāgninā || 5.8 ||

उसके वियोगरूपी ईंधन से पोषित और उसके स्मरणरूपी निर्मल शिखाओं से प्रज्वलित, काम की अग्नि में मेरा शरीर रात-दिन जलता रहता है।

श्लोक 9 (yuddha.5.9)

अवगाह्यार्णवं स्वप्स्ये सौमित्रे भवता विना। एवं च प्रज्वलन् कामो न मा सुप्तं जले दहेत्॥ 5.9 ॥

avagāhyārṇavaṃ svapsye saumitre bhavatā vinā | evaṃ ca prajvalan kāmo na mā suptaṃ jale dahet || 5.9 ||

हे सौमित्र! मैं तुम्हारे बिना ही समुद्र में डूबकर सो जाऊँगा, जिससे यह प्रज्वलित काम जल में सोए हुए मुझे जला न सके।

श्लोक 10 (yuddha.5.10)

बह्वेतत् कामयानस्य शक्यमेतेन जीवितुम्। यदहं सा च वामोरुरेकां धरणिमाश्रितौ॥ 5.10 ॥

bahv etat kāmayānasya śakyam etena jīvitum | yad ahaṃ sā ca vāmorur ekāṃ dharaṇim āśritau || 5.10 ||

कामातुर मेरे लिए यही बहुत है, और इसी सहारे मैं जीवित रह सकता हूँ, कि मैं और वह सुंदर जंघाओं वाली सीता एक ही धरती का आश्रय लिए हुए हैं।

श्लोक 11 (yuddha.5.11)

केदारस्येवाकेदारः सोदकस्य निरूदकः। उपस्नेहेन जीवामि जीवन्तीं यच्छृणोमि ताम्॥ 5.11 ॥

kedārasyevākedāraḥ sodakasya nirūdakaḥ | upasnehena jīvāmi jīvantīṃ yac chṛṇomi tām || 5.11 ||

जैसे जलरहित खेत जल से भरे पास के खेत की नमी पाकर जीवित रह जाता है, वैसे ही मैं भी केवल यह सुनकर कि वह जीवित है, उसी स्नेह के सहारे जी रहा हूँ।

श्लोक 12 (yuddha.5.12)

कदा नु खलु सुश्रोणीं शतपत्रायतेक्षणाम्। विजित्य शत्रून् द्रक्ष्यामि सीतां स्फीतामिव श्रियम्॥ 5.12 ॥

kadā nu khalu suśroṇīṃ śatapatrāyatekṣaṇām | vijitya śatrūn drakṣyāmi sītāṃ sphītām iva śriyam || 5.12 ||

कब मैं शत्रुओं को जीतकर, सुंदर नितंबों वाली और शतदल कमल के समान विशाल नेत्रों वाली सीता को, समृद्ध राजलक्ष्मी के समान, देख सकूँगा?

श्लोक 13 (yuddha.5.13)

कदा सुचारुदन्तोष्ठं तस्याः पद्ममिवाननम्। ईषदुन्नाम्य पास्यामि रसायनमिवातुरः॥ 5.13 ॥

kadā sucārudantoṣṭhaṃ tasyāḥ padmam ivānanam | īṣad unnāmya pāsyāmi rasāyanam ivāturaḥ || 5.13 ||

कब मैं उसके सुंदर दाँतों और अधरों वाले, कमल के समान मुख को धीरे से ऊपर उठाकर, एक रोगी के समान अमृततुल्य रसायन की भाँति पान करूँगा?

श्लोक 14 (yuddha.5.14)

तौ तस्याः सहितौ पीनौ स्तनौ तालफलोपमौ। कदा न खलु सोत्कम्पौ श्लिष्यन्त्या मां भजिष्यतः॥ 5.14 ॥

tau tasyāḥ sahitau pīnau stanau tālaphalopamau | kadā na khalu sotkampau śliṣyantyā māṃ bhajiṣyataḥ || 5.14 ||

कब वह अपने ताड़फल के समान उन्नत और सटे हुए दोनों स्तनों से, कंपित होते हुए, मुझसे लिपटकर मिलेगी?

श्लोक 15 (yuddha.5.15)

सा नूनमसितापाङ्गी रक्षोमध्यगता सती। मन्नाथा नाथहीनेव त्रातारं नाधिगच्छति॥ 5.15 ॥

sā nūnam asitāpāṅgī rakṣomadhyagatā satī | mannāthā nāthahīneva trātāraṃ nādhigacchati || 5.15 ||

वह काले कोरों वाले नेत्रों की स्वामिनी, राक्षसों के बीच पड़ी हुई, मेरे रहते हुए भी मानो अनाथ के समान किसी रक्षक को नहीं पा रही।

श्लोक 16 (yuddha.5.16)

कथं जनकराजस्य दुहिता मम च प्रिया। राक्षसीमध्यगा शेते स्नुषा दशरथस्य च॥ 5.16 ॥

kathaṃ janakarājasya duhitā mama ca priyā | rākṣasīmadhyagā śete snuṣā daśarathasya ca || 5.16 ||

राजा जनक की पुत्री, मेरी प्रिया और दशरथ की पुत्रवधू - वह कैसे राक्षसियों के बीच सोती होगी?

श्लोक 17 (yuddha.5.17)

अविक्षोभ्याणि रक्षांसि सा विधूयोत्पतिष्यति। विधूय जलदान् नीलान् शशिलेखा शरत्स्विव॥ 5.17 ॥

avikṣobhyāṇi rakṣāṃsi sā vidhūyotpatiṣyati | vidhūya jaladān nīlān śaśilekhā śaratsv iva || 5.17 ||

वह उन अडिग राक्षसों को छिन्न-भिन्न कर बाहर निकल आएगी, जैसे शरद ऋतु में चंद्रकला काले बादलों को हटाकर निकल आती है।

श्लोक 18 (yuddha.5.18)

स्वभावतनुका नूनं शोकेनानशनेन च। भूयस्तनुतरा सीता देशकालविपर्ययात्॥ 5.18 ॥

svabhāvatanukā nūnaṃ śokenānaśanena ca | bhūyas tanutarā sītā deśakālaviparyayāt || 5.18 ||

स्वभाव से ही कृशांगी सीता, शोक से, अन्न त्याग से, और स्थान तथा समय की प्रतिकूलता से, अब निश्चय ही और भी दुबली हो गई होगी।

श्लोक 19 (yuddha.5.19)

कदा नु राक्षसेन्द्रस्य निधायोरसि सायकान्। सीतां प्रत्याहरिष्यामि शोकमुत्सृज्य मानसम्॥ 5.19 ॥

kadā nu rākṣasendrasya nidhāyorasi sāyakān | sītāṃ pratyāhariṣyāmi śokam utsṛjya mānasam || 5.19 ||

कब मैं राक्षसराज रावण की छाती में बाण गड़ाकर, अपने मन के शोक को त्यागकर, सीता को वापस ला सकूँगा?

श्लोक 20 (yuddha.5.20)

कदा नु खलु मे साध्वी सीतामरसुतोपमा। सोत्कण्ठा कण्ठमालम्ब्य मोक्ष्यत्यानन्दजं जलम्॥ 5.20 ॥

kadā nu khalu me sādhvī sītāmarasutopamā | sotkaṇṭhā kaṇṭham ālambya mokṣyaty ānandajaṃ jalam || 5.20 ||

कब मेरी सती-साध्वी सीता, जो किसी देवकन्या के समान है, उत्कंठित होकर मेरे कंठ का सहारा लेकर आनंद के आँसू बहाएगी?

श्लोक 21 (yuddha.5.21)

कदा शोकमिमं घोरं मैथिलीविप्रयोगजम्। सहसा विप्रमोक्ष्यामि वासः शुक्लेतरं यथा॥ 5.21 ॥

kadā śokam imaṃ ghoraṃ maithilīviprayogajam | sahasā vipramokṣyāmi vāsaḥ śukletaraṃ yathā || 5.21 ||

कब मैं मैथिली के वियोग से उत्पन्न इस भयंकर शोक को, ऐसे ही सहसा त्याग दूँगा, जैसे कोई मलिन वस्त्र को उतार फेंकता है?

श्लोक 22 (yuddha.5.22)

एवं विलपतस्तस्य तत्र रामस्य धीमतः। दिनक्षयान्मन्दवपुर्भास्करोऽस्तमुपागमत्॥ 5.22 ॥

evaṃ vilapatas tasya tatra rāmasya dhīmataḥ | dinakṣayān mandavapur bhāskaro'stam upāgamat || 5.22 ||

इस प्रकार वहाँ विलाप करते हुए बुद्धिमान राम के रहते, दिन का अंत होने से मंद पड़ता हुआ सूर्य अस्ताचल की ओर चला गया।

श्लोक 23 (yuddha.5.23)

आश्वासितो लक्ष्मणेन रामः संध्यामुपासत। स्मरन् कमलपत्राक्षीं सीतां शोकाकुलीकृतः॥ 5.23 ॥

āśvāsito lakṣmaṇena rāmaḥ sandhyām upāsata | smaran kamalapatrākṣīṃ sītāṃ śokākulīkṛtaḥ || 5.23 ||

लक्ष्मण द्वारा सांत्वना पाकर, कमलपत्र के समान नेत्रों वाली सीता का स्मरण करते हुए, शोकाकुल राम ने संध्योपासना की।