रात्रि-युद्ध और नागपाश-बन्धन

श्लोक 1 (yuddha.44.1)

युध्यतामेव तेषां तु तदा वानररक्षसाम्। रविरस्तं गतो रात्रिः प्रवृत्ता प्राणहारिणी ॥ 44.1 ॥

yudhyatāmeva teṣāṃ tu tadā vānararakṣasām| ravirastaṃ gato rātriḥ pravṛttā prāṇahāriṇī || 44.1 ||

उन वानरों और राक्षसों के युद्धरत रहते हुए ही सूर्य अस्त हो गया, और प्राणहारिणी रात्रि आरम्भ हो गई।

श्लोक 2 (yuddha.44.2)

अन्योन्यं बद्धवैराणां घोराणं जयमिच्छताम्। सम्प्रवृत्तं निशायुद्धं तदा वानररक्षसाम् ॥ 44.2 ॥

anyonyaṃ baddhavairāṇāṃ ghorāṇaṃ jayamicchatām| sampravṛttaṃ niśāyuddhaṃ tadā vānararakṣasām || 44.2 ||

विजय की कामना करने वाले, परस्पर बद्धवैर उन भयंकर वानरों और राक्षसों के बीच तब रात्रि-युद्ध छिड़ गया।

श्लोक 3 (yuddha.44.3)

राक्षसोऽसीति हरयो वानरोऽसीति राक्षसाः। अन्योन्यं समरे जघ्नुस्तस्मिंस्तमसि दारुणे ॥ 44.3 ॥

rākṣaso'sīti harayo vānaro'sīti rākṣasāḥ| anyonyaṃ samare jaghnustasmiṃstamasi dāruṇe || 44.3 ||

"तू राक्षस है" कहकर वानर, और "तू वानर है" कहकर राक्षस — उस भयंकर अंधकार में परस्पर एक-दूसरे को मारने लगे।

श्लोक 4 (yuddha.44.4)

हत दारय चैहीति कथं विद्रवसीति च। एवं सुतुमुलः शब्दस्तस्मिन् सैन्ये तु शुश्रुवे ॥ 44.4 ॥

hata dāraya caihīti kathaṃ vidravasīti ca| evaṃ sutumulaḥ śabdastasmin sainye tu śuśruve || 44.4 ||

"मार डालो, चीर डालो, यहाँ आओ, क्यों भाग रहे हो" — इस प्रकार उस सेना में अत्यन्त कोलाहलपूर्ण शब्द सुनाई देने लगा।

श्लोक 5 (yuddha.44.5)

कालाः काञ्चनसंनाहास्तस्मिंस्तमसि राक्षसाः। सम्प्रदृश्यन्त शैलेन्द्रा दीप्तौषधिवना इव ॥ 44.5 ॥

kālāḥ kāñcanasaṃnāhāstasmiṃstamasi rākṣasāḥ| sampradṛśyanta śailendrā dīptauṣadhivanā iva || 44.5 ||

उस अंधकार में स्वर्ण-कवचों में सज्जित काले वर्ण के राक्षस, प्रज्वलित औषधियों वाले पर्वतों के समान दिखाई देने लगे।

श्लोक 6 (yuddha.44.6)

तस्मिंस्तमसि दुष्पारे राक्षसाः क्रोधमूर्च्छिताः। परिपेतुर्महावेगा भक्षयन्तः प्लवङ्गमान् ॥ 44.6 ॥

tasmiṃstamasi duṣpāre rākṣasāḥ krodhamūrcchitāḥ| paripeturmahāvegā bhakṣayantaḥ plavaṅgamān || 44.6 ||

उस दुष्पार अंधकार में क्रोध से मूर्च्छित राक्षस, महावेग से इधर-उधर टूट पड़े और वानरों को निगलने लगे।

श्लोक 7 (yuddha.44.7)

ते हयान् काञ्चनापीडान् ध्वजांश्चाशीविषोपमान्। आप्लुत्य दशनैस्तीक्ष्णैर्भीमकोपा व्यदारयन् ॥ 44.7 ॥

te hayān kāñcanāpīḍān dhvajāṃścāśīviṣopamān| āplutya daśanaistīkṣṇairbhīmakopā vyadārayan || 44.7 ||

स्वर्ण-आभूषित घोड़ों और सर्प-सम ध्वजाओं वाले उन घोड़ों को वे तीक्ष्ण दाँतों से कूदकर, अत्यन्त क्रुद्ध होकर चीर डालते थे।

श्लोक 8 (yuddha.44.8)

वानरा बलिनो युद्धेऽक्षोभयन् राक्षसीं चमूम्। कुञ्जरान् कुञ्जरारोहान् पताकाध्वजिनो रथान् ॥ 44.8 ॥

vānarā balino yuddhe'kṣobhayan rākṣasīṃ camūm| kuñjarān kuñjarārohān patākādhvajino rathān || 44.8 ||

बलवान वानर युद्ध में राक्षस-सेना को विचलित कर रहे थे — हाथियों को, महावतों को, पताका-ध्वजा वाले रथों को —

श्लोक 9 (yuddha.44.9)

चकर्षुश्च ददंशुश्च दशनैः क्रोधमूर्च्छिताः। लक्ष्मणश्चापि रामश्च शरैराशीविषोपमैः ॥ 44.9 ॥

cakarṣuśca dadaṃśuśca daśanaiḥ krodhamūrcchitāḥ| lakṣmaṇaścāpi rāmaśca śarairāśīviṣopamaiḥ || 44.9 ||

— वे उन्हें खींचकर क्रोध से मूर्च्छित होकर दाँतों से काट रहे थे; और लक्ष्मण तथा राम भी सर्प-सम बाणों से —

श्लोक 10 (yuddha.44.10)

दृश्यादृश्यानि रक्षांसि प्रवराणि निजघ्नतुः। तुरंगखुरविध्वस्तं रथनेमिसमुत्थितम् ॥ 44.10 ॥

dṛśyādṛśyāni rakṣāṃsi pravarāṇi nijaghnatuḥ| turaṃgakhuravidhvastaṃ rathanemisamutthitam || 44.10 ||

— दिखते-अनदिखते श्रेष्ठ राक्षसों का संहार कर रहे थे। घोड़ों के खुरों से उड़ी हुई और रथ-चक्रों से उठी हुई धूल —

श्लोक 11 (yuddha.44.11)

रुरोध कर्णनेत्राणि युध्यतां धरणीरजः। वर्तमाने तथा घोरे संग्रामे लोमहर्षणे ॥ 44.11 ॥

rurodha karṇanetrāṇi yudhyatāṃ dharaṇīrajaḥ| vartamāne tathā ghore saṃgrāme lomaharṣaṇe || 44.11 ||

— युद्धरत सैनिकों के कान और आँखों को अवरुद्ध कर रही थी। इस प्रकार उस घोर, रोमांचकारी संग्राम के चलते —

श्लोक 12 (yuddha.44.12)

रुधिरौघा महाघोरा नद्यस्तत्र विसुस्रुवुः। ततो भेरीमृदङ्गानां पणवानां च निःस्वनः ॥ 44.12 ॥

rudhiraughā mahāghorā nadyastatra visusruvuḥ| tato bherīmṛdaṅgānāṃ paṇavānāṃ ca niḥsvanaḥ || 44.12 ||

— वहाँ रक्त की भयंकर नदियाँ बहने लगीं। तत्पश्चात् भेरी, मृदंग और पणवों की ध्वनि —

श्लोक 13 (yuddha.44.13)

शङ्खनेमिस्वनोन्मिश्रः सम्बभूवाद्भुतोपमः। हतानां स्तनमानानां राक्षसानां च निःस्वनः ॥ 44.13 ॥

śaṅkhanemisvanonmiśraḥ sambabhūvādbhutopamaḥ| hatānāṃ stanamānānāṃ rākṣasānāṃ ca niḥsvanaḥ || 44.13 ||

— शंख और रथ-चक्रों की ध्वनि से मिलकर अद्भुत रूप धारण कर गई; और मारे गए, कराहते हुए राक्षसों की आवाज़ें —

श्लोक 14 (yuddha.44.14)

शस्तानां वानराणां च सम्बभूवात्र दारुणः। हतैर्वानरमुख्यैश्च शक्तिशूलपरश्वधैः ॥ 44.14 ॥

śastānāṃ vānarāṇāṃ ca sambabhūvātra dāruṇaḥ| hatairvānaramukhyaiśca śaktiśūlaparaśvadhaiḥ || 44.14 ||

— तथा घायल वानरों की आवाज़ें अत्यन्त भयंकर हो गईं। शक्ति, त्रिशूल और परशुओं से मारे गए श्रेष्ठ वानरों तथा —

श्लोक 15 (yuddha.44.15)

निहतैः पर्वताकारै राक्षसैः कामरूपिभिः। शस्त्रपुष्पोपहारा च तत्रासीद् युद्धमेदिनी ॥ 44.15 ॥

nihataiḥ parvatākārai rākṣasaiḥ kāmarūpibhiḥ| śastrapuṣpopahārā ca tatrāsīd yuddhamedinī || 44.15 ||

— इच्छानुसार रूप धारण करने वाले पर्वताकार राक्षसों से घिरी हुई वह युद्धभूमि शस्त्रों के पुष्पों से सजी हुई-सी दिखती थी।

श्लोक 16 (yuddha.44.16)

दुर्ज्ञेया दुर्निवेशा च शोणितास्त्रावकर्दमा। सा बभूव निशा घोरा हरिराक्षसहारिणी ॥ 44.16 ॥

durjñeyā durniveśā ca śoṇitāstrāvakardamā| sā babhūva niśā ghorā harirākṣasahāriṇī || 44.16 ||

दुर्ज्ञेय, दुर्गम, रक्त और शस्त्रों के कीचड़ से भरी हुई वह भयंकर रात्रि वानरों और राक्षसों दोनों का ही हरण करने वाली बन गई।

श्लोक 17 (yuddha.44.17)

कालरात्रीव भूतानां सर्वेषां दुरतिक्रमा। ततस्ते राक्षसास्तत्र तस्मिंस्तमसि दारुणे ॥ 44.17 ॥

kālarātrīva bhūtānāṃ sarveṣāṃ duratikramā| tataste rākṣasāstatra tasmiṃstamasi dāruṇe || 44.17 ||

वह सबके लिए दुर्लंघ्य, प्राणियों की काल-रात्रि के समान बन गई। उस भयंकर अंधकार में वे राक्षस —

श्लोक 18 (yuddha.44.18)

राममेवाभ्यवर्तन्त संहृष्टाः शरवृष्टिभिः। तेषामापततां शब्दः क्रुद्धानामपि गर्जताम् ॥ 44.18 ॥

rāmamevābhyavartanta saṃhṛṣṭāḥ śaravṛṣṭibhiḥ| teṣāmāpatatāṃ śabdaḥ kruddhānāmapi garjatām || 44.18 ||

— हर्षित होकर बाणों की वर्षा करते हुए राम की ओर ही दौड़ पड़े। उनके आक्रमण करने का शब्द, क्रोधित होकर गरजते हुए —

श्लोक 19 (yuddha.44.19)

उद्वर्त इव सप्तानां समुद्राणामभूत् स्वनः। तेषां रामः शरैः षड्भिः षड् जघान निशाचरान् ॥ 44.19 ॥

udvarta iva saptānāṃ samudrāṇāmabhūt svanaḥ| teṣāṃ rāmaḥ śaraiḥ ṣaḍbhiḥ ṣaḍ jaghāna niśācarān || 44.19 ||

— सप्त सागरों के उमड़ने के समान गूँज उठा। राम ने उनमें से छह बाणों से छह निशाचरों को —

श्लोक 20 (yuddha.44.20)

निमेषान्तरमात्रेण शरैरग्निशिखोपमैः। यज्ञशत्रुश्च दुर्धर्षो महापार्श्वमहोदरौ ॥ 44.20 ॥

nimeṣāntaramātreṇa śarairagniśikhopamaiḥ| yajñaśatruśca durdharṣo mahāpārśvamahodarau || 44.20 ||

— पलक झपकते ही अग्नि-शिखा के समान भयंकर बाणों से मार डाला। दुर्जेय यज्ञशत्रु, महापार्श्व, महोदर —

श्लोक 21 (yuddha.44.21)

वज्रदंष्ट्रो महाकायस्तौ चोभौ शुकसारणौ। ते तु रामेण बाणौघैः सर्वमर्मसु ताडिताः ॥ 44.21 ॥

vajradaṃṣṭro mahākāyastau cobhau śukasāraṇau| te tu rāmeṇa bāṇaughaiḥ sarvamarmasu tāḍitāḥ || 44.21 ||

— विशालकाय वज्रदंष्ट्र, तथा शुक और सारण दोनों — वे सब राम के बाण-समूहों से सर्वांग घायल हो गए।

श्लोक 22 (yuddha.44.22)

युद्धादपसृतास्तत्र सावशेषायुषोऽभवन्। निमेषान्तरमात्रेण घोरैरग्निशिखोपमैः ॥ 44.22 ॥

yuddhādapasṛtāstatra sāvaśeṣāyuṣo'bhavan| nimeṣāntaramātreṇa ghorairagniśikhopamaiḥ || 44.22 ||

वे युद्ध से पीछे हट गए, शेष प्राणों के सहारे ही जीवित रह गए। महारथी राम ने पलक झपकते ही, अग्नि-शिखा के समान भयंकर बाणों से —

श्लोक 23 (yuddha.44.23)

दिशश्चकार विमलाः प्रदिशश्च महारथः। ये त्वन्ये राक्षसा वीरा रामस्याभिमुखे स्थिताः ॥ 44.23 ॥

diśaścakāra vimalāḥ pradiśaśca mahārathaḥ| ye tvanye rākṣasā vīrā rāmasyābhimukhe sthitāḥ || 44.23 ||

— दिशाओं और उपदिशाओं को निर्मल कर डाला। जो अन्य वीर राक्षस राम के सम्मुख डटे रहे —

श्लोक 24 (yuddha.44.24)

तेऽपि नष्टाः समासाद्य पतङ्गा इव पावकम्। सुवर्णपुङ्खैर्विशिखैः सम्पतद्भिः समन्ततः ॥ 44.24 ॥

te'pi naṣṭāḥ samāsādya pataṅgā iva pāvakam| suvarṇapuṅkhairviśikhaiḥ sampatadbhiḥ samantataḥ || 44.24 ||

— वे भी, अग्नि में पतंगों की भाँति, नष्ट हो गए — सुवर्ण-पंखों वाले, चारों ओर से गिरते हुए बाणों से।

श्लोक 25 (yuddha.44.25)

बभूव रजनी चित्रा खद्योतैरिव शारदी। राक्षसानां च निनदैर्भेरीणां चैव निःस्वनैः ॥ 44.25 ॥

babhūva rajanī citrā khadyotairiva śāradī| rākṣasānāṃ ca ninadairbherīṇāṃ caiva niḥsvanaiḥ || 44.25 ||

वह रात्रि जुगनुओं से जगमगाती शरद्-ऋतु की रात्रि के समान विचित्र हो गई — राक्षसों की चीत्कारों और भेरियों की ध्वनि से।

श्लोक 26 (yuddha.44.26)

सा बभूव निशा घोरा भूयो घोरतराभवत्। तेन शब्देन महता प्रवृद्धेन समन्ततः ॥ 44.26 ॥

sā babhūva niśā ghorā bhūyo ghoratarābhavat| tena śabdena mahatā pravṛddhena samantataḥ || 44.26 ||

वह भयंकर रात्रि उत्तरोत्तर और भी भयंकर होती चली गई। उस चारों ओर बढ़ते हुए महान् शब्द से —

श्लोक 27 (yuddha.44.27)

त्रिकूटः कंदराकीर्णः प्रव्याहरदिवाचलः। गोलाङ्गूला महाकायास्तमसा तुल्यवर्चसः ॥ 44.27 ॥

trikūṭaḥ kaṃdarākīrṇaḥ pravyāharadivācalaḥ| golāṅgūlā mahākāyāstamasā tulyavarcasaḥ || 44.27 ||

— त्रिकूट पर्वत, जो गुफाओं से भरा था, मानो प्रतिध्वनि करता हुआ पहाड़ जैसा प्रतीत होने लगा। विशालकाय, अंधकार जैसे तेजस्वी गोलांगूल वानर —

श्लोक 28 (yuddha.44.28)

सम्परिष्वज्य बाहुभ्यां भक्षयन् रजनीचरान्। अङ्गदस्तु रणे शत्रून् निहन्तुं समुपस्थितः ॥ 44.28 ॥

sampariṣvajya bāhubhyāṃ bhakṣayan rajanīcarān| aṅgadastu raṇe śatrūn nihantuṃ samupasthitaḥ || 44.28 ||

— अपनी भुजाओं से आलिंगन कर-करके निशाचरों को खा जाने लगे। इसी बीच अंगद रणभूमि में शत्रुओं का संहार करने के लिए आगे बढ़ा —

श्लोक 29 (yuddha.44.29)

रावणिं निजघानाशु सारथिं च हयानपि। इन्द्रजित् तु रथं त्यक्त्वा हताश्वो हतसारथिः ॥ 44.29 ॥

rāvaṇiṃ nijaghānāśu sārathiṃ ca hayānapi| indrajit tu rathaṃ tyaktvā hatāśvo hatasārathiḥ || 44.29 ||

— और तुरन्त रावणि (इन्द्रजित्) के सारथि और घोड़ों को भी मार डाला। इन्द्रजित् ने अपना रथ त्यागकर, घोड़े और सारथि दोनों खोकर —

श्लोक 30 (yuddha.44.30)

अङ्गदेन महाकायस्तत्रैवान्तरधीयत। तत् कर्म वालिपुत्रस्य सर्वे देवाः सहर्षिभिः ॥ 44.30 ॥

aṅgadena mahākāyastatraivāntaradhīyata| tat karma vāliputrasya sarve devāḥ saharṣibhiḥ || 44.30 ||

— वालि-पुत्र के भय से वहीं अन्तर्धान हो गया। ऋषियों-सहित समस्त देवताओं ने वालि-पुत्र के उस पराक्रम की —

श्लोक 31 (yuddha.44.31)

तुष्टुवुः पूजनार्हस्य तौ चोभौ रामलक्ष्मणौ। प्रभावं सर्वभूतानि विदुरिन्द्रजितो युधि ॥ 44.31 ॥

tuṣṭuvuḥ pūjanārhasya tau cobhau rāmalakṣmaṇau| prabhāvaṃ sarvabhūtāni vidurindrajito yudhi || 44.31 ||

— स्तुति की, जो पूजा के योग्य था, और राम-लक्ष्मण दोनों भी इन्द्रजित् के युद्ध में प्रभाव को समस्त प्राणियों में जानते थे।

श्लोक 32 (yuddha.44.32)

ततस्ते तं महात्मानं दृष्ट्वा तुष्टाः प्रधर्षितम्। ततः प्रहृष्टाः कपयः ससुग्रीवविभीषणाः ॥ 44.32 ॥

tataste taṃ mahātmānaṃ dṛṣṭvā tuṣṭāḥ pradharṣitam| tataḥ prahṛṣṭāḥ kapayaḥ sasugrīvavibhīṣaṇāḥ || 44.32 ||

तत्पश्चात् उस पराजित महात्मा को देखकर वे संतुष्ट हुए; तब सुग्रीव और विभीषण सहित प्रसन्न वानर —

श्लोक 33 (yuddha.44.33)

साधुसाध्विति नेदुश्च दृष्ट्वा शत्रुं पराजितम्। इन्द्रजित् तु तदानेन निर्जितो भीमकर्मणा ॥ 44.33 ॥

sādhusādhviti neduśca dṛṣṭvā śatruṃ parājitam| indrajit tu tadānena nirjito bhīmakarmaṇā || 44.33 ||

— उस पराजित शत्रु को देखकर "साधु, साधु" कहकर जय-जयकार करने लगे। भीषण कर्मी इन्द्रजित् इस प्रकार वालि-पुत्र से पराजित होकर —

श्लोक 34 (yuddha.44.34)

संयुगे वालिपुत्रेण क्रोधं चक्रे सुदारुणम्। सोऽन्तर्धानगतः पापो रावणी रणकर्शितः ॥ 44.34 ॥

saṃyuge vāliputreṇa krodhaṃ cakre sudāruṇam| so'ntardhānagataḥ pāpo rāvaṇī raṇakarśitaḥ || 44.34 ||

— युद्ध में अत्यन्त भीषण क्रोध से भर गया। रणक्लिष्ट, पापी रावणि तब अन्तर्धान होकर छिप गया —

श्लोक 35 (yuddha.44.35)

ब्रह्मदत्तवरो वीरो रावणिः क्रोधमूर्च्छितः। अदृश्यो निशितान् बाणान् मुमोचाशनिवर्चसः ॥ 44.35 ॥

brahmadattavaro vīro rāvaṇiḥ krodhamūrcchitaḥ| adṛśyo niśitān bāṇān mumocāśanivarcasaḥ || 44.35 ||

— ब्रह्मा से वरदान पाया हुआ वीर रावणि, क्रोध से मूर्च्छित होकर, अदृश्य रहते हुए भयंकर, वज्र-सम तेज वाले बाण छोड़ने लगा —

श्लोक 36 (yuddha.44.36)

रामं च लक्ष्मणं चैव घोरैर्नागमयैः शरैः। बिभेद समरे क्रुद्धः सर्वगात्रेषु राक्षसः ॥ 44.36 ॥

rāmaṃ ca lakṣmaṇaṃ caiva ghorairnāgamayaiḥ śaraiḥ| bibheda samare kruddhaḥ sarvagātreṣu rākṣasaḥ || 44.36 ||

— राम और लक्ष्मण दोनों पर घोर सर्प-सम बाणों की वर्षा करते हुए; क्रुद्ध वह राक्षस युद्ध में उनके समस्त अंगों को बींध गया।

श्लोक 37 (yuddha.44.37)

मायया संवृतस्तत्र मोहयन् राघवौ युधि। अदृश्यः सर्वभूतानां कूटयोधी निशाचरः ॥ 44.37 ॥

māyayā saṃvṛtastatra mohayan rāghavau yudhi| adṛśyaḥ sarvabhūtānāṃ kūṭayodhī niśācaraḥ || 44.37 ||

वह माया से आवृत रहकर, युद्ध में राघव-द्वय को मोहित करता हुआ, समस्त प्राणियों को अदृश्य वह छलयोद्धा निशाचर —

श्लोक 38 (yuddha.44.38)

बबन्ध शरबन्धेन भ्रातरौ रामलक्ष्मणौ। तौ तेन पुरुषव्याघ्रौ क्रुद्धेनाशीविषैः शरैः ॥ 44.38 ॥

babandha śarabandhena bhrātarau rāmalakṣmaṇau| tau tena puruṣavyāghrau kruddhenāśīviṣaiḥ śaraiḥ || 44.38 ||

— सर्पविष के समान बाणों से क्रुद्ध होकर उन दोनों पुरुष-सिंह भ्राताओं, राम-लक्ष्मण को शर-बन्धन से बाँध गया।

श्लोक 39 (yuddha.44.39)

सहसाभिहतौ वीरौ तदा प्रेक्षन्त वानराः। प्रकाशरूपस्तु यदा न शक्तस्तौ बाधितुं राक्षसराजपुत्रः। मायां प्रयोक्तुं समुपाजगाम बबन्ध तौ राजसुतौ दुरात्मा ॥ 44.39 ॥

sahasābhihatau vīrau tadā prekṣanta vānarāḥ| prakāśarūpastu yadā na śaktastau bādhituṃ rākṣasarājaputraḥ| māyāṃ prayoktuṃ samupājagāma babandha tau rājasutau durātmā || 44.39 ||

उस समय वानर अचानक ही उन दोनों वीरों को इस प्रकार आहत देखकर देखते रह गए; जब वह प्रत्यक्ष रूप में उन्हें रोकने में समर्थ न हो सका, तब उस दुरात्मा राक्षसराजपुत्र ने माया का प्रयोग करके ही उन दोनों राजकुमारों को बाँध डाला।