इन्द्रजित् की मिथ्या विजय

श्लोक 1 (yuddha.46.1)

ततो द्यां पृथिवीं चैव वीक्षमाणा वनौकसः। ददृशुः संततौ बाणैर्भ्रातरौ रामलक्ष्मणौ ॥ 46.1 ॥

tato dyāṃ pṛthivīṃ caiva vīkṣamāṇā vanaukasaḥ| dadṛśuḥ saṃtatau bāṇairbhrātarau rāmalakṣmaṇau || 46.1 ||

तब आकाश और पृथ्वी दोनों की ओर देखते हुए वन के वानरों ने राम-लक्ष्मण दोनों भाइयों को बाणों से आच्छादित देखा।

श्लोक 2 (yuddha.46.2)

वृष्ट्वेवोपरते देवे कृतकर्मणि राक्षसे। आजगामाथ तं देशं ससुग्रीवो विभीषणः ॥ 46.2 ॥

vṛṣṭvevoparate deve kṛtakarmaṇi rākṣase| ājagāmātha taṃ deśaṃ sasugrīvo vibhīṣaṇaḥ || 46.2 ||

जैसे वर्षा करने के बाद इन्द्र देव विराम लेते हैं, वैसे ही अपना कार्य पूर्ण करके राक्षस (इन्द्रजित्) रुक गया; तब सुग्रीव सहित विभीषण उस स्थान पर आये।

श्लोक 3 (yuddha.46.3)

नीलश्च द्विविदो मैन्दः सुषेणः कुमुदोऽङ्गदः। तूर्णं हनुमता सार्धमन्वशोचन्त राघवौ ॥ 46.3 ॥

nīlaśca dvivido maindaḥ suṣeṇaḥ kumudo'ṅgadaḥ| tūrṇaṃ hanumatā sārdhamanvaśocanta rāghavau || 46.3 ||

नील, द्विविद, मैन्द, सुषेण, कुमुद और अंगद -- हनुमान के साथ ये सब तुरन्त राघव बन्धुओं के लिए शोक करने लगे।

श्लोक 4 (yuddha.46.4)

अचेष्टौ मन्दनिःश्वासौ शोणितेन परिप्लुतौ। शरजालाचितौ स्तब्धौ शयानौ शरतल्पगौ ॥ 46.4 ॥

aceṣṭau mandaniḥśvāsau śoṇitena pariplutau| śarajālācitau stabdhau śayānau śaratalpagau || 46.4 ||

वे निश्चेष्ट, धीमी साँस लेते हुए, रक्त से लथपथ, बाणों के जाल से आच्छादित, अकड़े हुए, बाणों की शय्या पर पड़े थे --

श्लोक 5 (yuddha.46.5)

निःश्वसन्तौ यथा सर्पौ निश्चेष्टौ मन्दविक्रमौ। रुधिरस्रावदिग्धाङ्गौ तपनीयाविव ध्वजौ ॥ 46.5 ॥

niḥśvasantau yathā sarpau niśceṣṭau mandavikramau| rudhirasrāvadigdhāṅgau tapanīyāviva dhvajau || 46.5 ||

-- सर्पों के समान फुफकारते हुए, निश्चेष्ट, क्षीण पराक्रम, बहते हुए रक्त से रँगे हुए अंगों वाले, मानो दो स्वर्णिम ध्वज हों --

श्लोक 6 (yuddha.46.6)

तौ वीरशयने वीरौ शयानौ मन्दचेष्टितौ। यूथपैः स्वैः परिवृतौ बाष्पव्याकुललोचनैः ॥ 46.6 ॥

tau vīraśayane vīrau śayānau mandaceṣṭitau| yūthapaiḥ svaiḥ parivṛtau bāṣpavyākulalocanaiḥ || 46.6 ||

-- वे दोनों वीर वीरोचित शय्या पर पड़े, उनकी चेष्टाएँ मन्द थीं, और अपने ही सेनापतियों से घिरे थे, जिनकी आँखें आँसुओं से व्याकुल थीं।

श्लोक 7 (yuddha.46.7)

राघवौ पतितौ दृष्ट्वा शरजालसमन्वितौ। बभूवुर्व्यथिताः सर्वे वानराः सविभीषणाः ॥ 46.7 ॥

rāghavau patitau dṛṣṭvā śarajālasamanvitau| babhūvurvyathitāḥ sarve vānarāḥ savibhīṣaṇāḥ || 46.7 ||

बाणों के जाल में जकड़े हुए राघव-बन्धुओं को गिरा हुआ देखकर विभीषण सहित सभी वानर व्यथित हो उठे।

श्लोक 8 (yuddha.46.8)

अन्तरिक्षं निरीक्षन्तो दिशः सर्वाश्च वानराः। न चैनं मायया छन्नं ददृशू रावणिं रणे ॥ 46.8 ॥

antarikṣaṃ nirīkṣanto diśaḥ sarvāśca vānarāḥ| na cainaṃ māyayā channaṃ dadṛśū rāvaṇiṃ raṇe || 46.8 ||

वानर आकाश और समस्त दिशाओं की ओर देखते रहे, परन्तु युद्धभूमि में माया से छिपे हुए रावणि (इन्द्रजित्) को वे देख न सके।

श्लोक 9 (yuddha.46.9)

तं तु मायाप्रतिच्छन्नं माययैव विभीषणः। वीक्षमाणो ददर्शाग्रे भ्रातुः पुत्रमवस्थितम्। तमप्रतिमकर्माणमप्रतिद्वन्द्वमाहवे ॥ 46.9 ॥

taṃ tu māyāpraticchannaṃ māyayaiva vibhīṣaṇaḥ| vīkṣamāṇo dadarśāgre bhrātuḥ putramavasthitam| tamapratimakarmāṇamapratidvandvamāhave || 46.9 ||

किन्तु विभीषण ने अपनी ही माया-दृष्टि से, माया में छिपे हुए उस भतीजे को अपने सामने खड़ा देख लिया -- वह अद्वितीय कर्मों वाला, युद्ध में अजेय वीर था --

श्लोक 10 (yuddha.46.10)

ददर्शान्तर्हितं वीरं वरदानाद् विभीषणः। तेजसा यशसा चैव विक्रमेण च संयुतः ॥ 46.10 ॥

dadarśāntarhitaṃ vīraṃ varadānād vibhīṣaṇaḥ| tejasā yaśasā caiva vikrameṇa ca saṃyutaḥ || 46.10 ||

-- विभीषण ने वर के प्रभाव से अदृश्य हुए उस वीर को देख लिया, जो तेज, यश और पराक्रम से सम्पन्न था।

श्लोक 11 (yuddha.46.11)

इन्द्रजित् त्वात्मनः कर्म तौ शयानौ समीक्ष्य च। उवाच परमप्रीतो हर्षयन् सर्वराक्षसान् ॥ 46.11 ॥

indrajit tvātmanaḥ karma tau śayānau samīkṣya ca| uvāca paramaprīto harṣayan sarvarākṣasān || 46.11 ||

इन्द्रजित् अपने ही पराक्रम के फल -- उन दोनों को पड़ा हुआ -- देखकर, अत्यन्त प्रसन्न होकर, समस्त राक्षसों को हर्षित करते हुए बोला --

श्लोक 12 (yuddha.46.12)

दूषणस्य च हन्तारौ खरस्य च महाबलौ। सादितौ मामकैर्बाणैर्भ्रातरौ रामलक्ष्मणौ ॥ 46.12 ॥

dūṣaṇasya ca hantārau kharasya ca mahābalau| sāditau māmakairbāṇairbhrātarau rāmalakṣmaṇau || 46.12 ||

“दूषण और खर के वधकर्ता, वे दोनों महाबली भाई राम और लक्ष्मण, मेरे बाणों से मार गिराए गए हैं।”

श्लोक 13 (yuddha.46.13)

नेमौ मोक्षयितुं शक्यावेतस्मादिषुबन्धनात्। सर्वैरपि समागम्य सर्षिसङ्घैः सुरासुरैः ॥ 46.13 ॥

nemau mokṣayituṃ śakyāvetasmādiṣubandhanāt| sarvairapi samāgamya sarṣisaṅghaiḥ surāsuraiḥ || 46.13 ||

“सम्पूर्ण देवता और असुर, ऋषिगणों सहित मिलकर भी, इन दोनों को इस बाण-बन्धन से मुक्त नहीं कर सकते।”

श्लोक 14 (yuddha.46.14)

यत्कृते चिन्तयानस्य शोकार्तस्य पितुर्मम। अस्पृष्ट्वा शयनं गात्रैस्त्रियामा याति शर्वरी ॥ 46.14 ॥

yatkṛte cintayānasya śokārtasya piturmama| aspṛṣṭvā śayanaṃ gātraistriyāmā yāti śarvarī || 46.14 ||

“जिनके कारण मेरे पिता, चिन्ता में डूबे और शोक से पीड़ित, रात्रि की तीनों प्रहरें बिना अपने अंगों से शय्या का स्पर्श किए बिताते थे --”

श्लोक 15 (yuddha.46.15)

कृत्स्नेयं यत्कृते लङ्का नदी वर्षास्विवाकुला। सोऽयं मूलहरोऽनर्थः सर्वेषां शमितो मया ॥ 46.15 ॥

kṛtsneyaṃ yatkṛte laṅkā nadī varṣāsvivākulā| so'yaṃ mūlaharo'narthaḥ sarveṣāṃ śamito mayā || 46.15 ||

“-- जिनके कारण यह सम्पूर्ण लंका वर्षा-ऋतु की नदी के समान क्षुब्ध हो उठी थी -- उस समस्त अनर्थ को, जो सबकी जड़ काट रहा था, मैंने शान्त कर दिया है।”

श्लोक 16 (yuddha.46.16)

रामस्य लक्ष्मणस्यैव सर्वेषां च वनौकसाम्। विक्रमा निष्फलाः सर्वे यथा शरदि तोयदाः ॥ 46.16 ॥

rāmasya lakṣmaṇasyaiva sarveṣāṃ ca vanaukasām| vikramā niṣphalāḥ sarve yathā śaradi toyadāḥ || 46.16 ||

“राम, लक्ष्मण और समस्त वनवासी वानरों का पराक्रम अब उसी प्रकार निष्फल हो गया है, जैसे शरद ऋतु में मेघ निष्फल हो जाते हैं।”

श्लोक 17 (yuddha.46.17)

एवमुक्त्वा तु तान् सर्वान् राक्षसान् परिपश्यतः। यूथपानपि तान् सर्वांस्ताडयत् स च रावणिः ॥ 46.17 ॥

evamuktvā tu tān sarvān rākṣasān paripaśyataḥ| yūthapānapi tān sarvāṃstāḍayat sa ca rāvaṇiḥ || 46.17 ||

इस प्रकार देखते हुए समस्त राक्षसों से कहकर, रावणि (इन्द्रजित्) ने उन सभी वानर-सेनापतियों पर भी प्रहार किया।

श्लोक 18 (yuddha.46.18)

नीलं नवभिराहत्य मैन्दं सद्विविदं तथा। त्रिभिस्त्रिभिरमित्रघ्नस्तताप परमेषुभिः ॥ 46.18 ॥

nīlaṃ navabhirāhatya maindaṃ sadvividaṃ tathā| tribhistribhiramitraghnastatāpa parameṣubhiḥ || 46.18 ||

शत्रुनाशक इन्द्रजित् ने नील पर नौ बाण चलाकर, फिर मैन्द और द्विविद को भी तीन-तीन उत्तम बाणों से पीड़ित किया।

श्लोक 19 (yuddha.46.19)

जाम्बवन्तं महेष्वासो विद्ध्वा बाणेन वक्षसि। हनूमतो वेगवतो विससर्ज शरान् दश ॥ 46.19 ॥

jāmbavantaṃ maheṣvāso vid‍dhvā bāṇena vakṣasi| hanūmato vegavato visasarja śarān daśa || 46.19 ||

उस महाधनुर्धर ने एक बाण से जाम्बवान के वक्षस्थल को बींध डाला, और वेगशाली हनुमान पर दस बाण छोड़े।

श्लोक 20 (yuddha.46.20)

गवाक्षं शरभं चैव तावप्यमितविक्रमौ। द्वाभ्यां द्वाभ्यां महावेगो विव्याध युधि रावणिः ॥ 46.20 ॥

gavākṣaṃ śarabhaṃ caiva tāvapyamitavikramau| dvābhyāṃ dvābhyāṃ mahāvego vivyādha yudhi rāvaṇiḥ || 46.20 ||

अत्यन्त वेगशाली रावणि ने युद्ध में असीम पराक्रमी गवाक्ष और शरभ को भी दो-दो बाणों से बींध डाला।

श्लोक 21 (yuddha.46.21)

गोलाङ्गूलेश्वरं चैव वालिपुत्रमथाङ्गदम्। विव्याध बहुभिर्बाणैस्त्वरमाणोऽथ रावणिः ॥ 46.21 ॥

golāṅgūleśvaraṃ caiva vāliputramathāṅgadam| vivyādha bahubhirbāṇaistvaramāṇo'tha rāvaṇiḥ || 46.21 ||

फिर वेग से बढ़ते हुए रावणि ने गोलांगूलों के स्वामी को और वालिपुत्र अंगद को भी अनेक बाणों से बींध दिया।

श्लोक 22 (yuddha.46.22)

तान् वानरवरान् भित्त्वा शरैरग्निशिखोपमैः। ननाद बलवांस्तत्र महासत्त्वः स रावणिः ॥ 46.22 ॥

tān vānaravarān bhittvā śarairagniśikhopamaiḥ| nanāda balavāṃstatra mahāsattvaḥ sa rāvaṇiḥ || 46.22 ||

उन श्रेष्ठ वानरों को अग्नि-शिखा के समान बाणों से बींधकर, वह बलवान महातेजस्वी रावणि वहाँ गरज उठा।

श्लोक 23 (yuddha.46.23)

तानर्दयित्वा बाणौघैस्त्रसयित्वा च वानरान्। प्रजहास महाबाहुर्वचनं चेदमब्रवीत् ॥ 46.23 ॥

tānardayitvā bāṇaughaistrasayitvā ca vānarān| prajahāsa mahābāhurvacanaṃ cedamabravīt || 46.23 ||

उन्हें बाणों की वर्षा से पीड़ित कर और वानरों को भयभीत कर, वह महाबाहु ज़ोर से हँस पड़ा और यह वचन बोला --

श्लोक 24 (yuddha.46.24)

शरबन्धेन घोरेण मया बद्धौ चमूमुखे। सहितौ भ्रातरावेतौ निशामयत राक्षसाः ॥ 46.24 ॥

śarabandhena ghoreṇa mayā baddhau camūmukhe| sahitau bhrātarāvetau niśāmayata rākṣasāḥ || 46.24 ||

“हे राक्षसो! देखो, सेना के अग्रभाग में, ये दोनों भाई एक साथ मेरे भयंकर बाण-बन्धन से बँधे पड़े हैं!”

श्लोक 25 (yuddha.46.25)

एवमुक्तास्तु ते सर्वे राक्षसाः कूटयोधिनः। परं विस्मयमापन्नाः कर्मणा तेन हर्षिताः ॥ 46.25 ॥

evamuktāstu te sarve rākṣasāḥ kūṭayodhinaḥ| paraṃ vismayamāpannāḥ karmaṇā tena harṣitāḥ || 46.25 ||

इस प्रकार कहे जाने पर छल-युद्ध में निपुण वे सभी राक्षस अत्यन्त विस्मित हुए और उस कार्य से हर्षित हो उठे।

श्लोक 26 (yuddha.46.26)

विनेदुश्च महानादान् सर्वे ते जलदोपमाः। हतो राम इति ज्ञात्वा रावणिं समपूजयन् ॥ 46.26 ॥

vineduśca mahānādān sarve te jaladopamāḥ| hato rāma iti jñātvā rāvaṇiṃ samapūjayan || 46.26 ||

मेघों के समान गर्जन करते हुए वे सब भारी शब्द करने लगे; और यह जानकर कि राम मारा गया, उन्होंने रावणि का सम्मान किया।

श्लोक 27 (yuddha.46.27)

निष्पन्दौ तु तदा दृष्ट्वा भ्रातरौ रामलक्ष्मणौ। वसुधायां निरुच्छ्वासौ हतावित्यन्वमन्यत ॥ 46.27 ॥

niṣpandau tu tadā dṛṣṭvā bhrātarau rāmalakṣmaṇau| vasudhāyāṃ nirucchvāsau hatāvityanvamanyata || 46.27 ||

राम और लक्ष्मण दोनों भाइयों को पृथ्वी पर निश्चेष्ट और साँस-रहित देखकर उसने उन्हें मृत मान लिया।

श्लोक 28 (yuddha.46.28)

हर्षेण तु समाविष्ट इन्द्रजित् समितिञ्जयः। प्रविवेश पुरीं लङ्कां हर्षयन् सर्वनैर्ऋतान् ॥ 46.28 ॥

harṣeṇa tu samāviṣṭa indrajit samitiñjayaḥ| praviveśa purīṃ laṅkāṃ harṣayan sarvanairṛtān || 46.28 ||

युद्ध-विजयी इन्द्रजित् हर्ष से भरकर, समस्त राक्षसों को आनन्दित करते हुए लंकापुरी में प्रविष्ट हुआ।

श्लोक 29 (yuddha.46.29)

रामलक्ष्मणयोर्दृष्ट्वा शरीरे सायकैश्चिते। सर्वाणि चाङ्गोपाङ्गानि सुग्रीवं भयमाविशत् ॥ 46.29 ॥

rāmalakṣmaṇayordṛṣṭvā śarīre sāyakaiścite| sarvāṇi cāṅgopāṅgāni sugrīvaṃ bhayamāviśat || 46.29 ||

राम और लक्ष्मण के शरीरों को, जिनके अंग-प्रत्यंग बाणों से आच्छादित थे, देखकर सुग्रीव में भय समा गया।

श्लोक 30 (yuddha.46.30)

तमुवाच परित्रस्तं वानरेन्द्रं विभीषणः। सबाष्पवदनं दीनं शोकव्याकुललोचनम् ॥ 46.30 ॥

tamuvāca paritrastaṃ vānarendraṃ vibhīṣaṇaḥ| sabāṣpavadanaṃ dīnaṃ śokavyākulalocanam || 46.30 ||

अत्यन्त भयभीत, आँसुओं से भरे मुख वाले, दीन और शोक से व्याकुल नेत्रों वाले उस वानरेन्द्र सुग्रीव से विभीषण बोले --

श्लोक 31 (yuddha.46.31)

अलं त्रासेन सुग्रीव बाष्पवेगो निगृह्यताम्। एवंप्रायाणि युद्धानि विजयो नास्ति नैष्ठिकः ॥ 46.31 ॥

alaṃ trāsena sugrīva bāṣpavego nigṛhyatām| evaṃprāyāṇi yuddhāni vijayo nāsti naiṣṭhikaḥ || 46.31 ||

“हे सुग्रीव! अब भय छोड़ो, अश्रुओं के इस वेग को रोको। युद्ध ऐसे ही होते हैं, विजय कभी निश्चित नहीं होती।”

श्लोक 32 (yuddha.46.32)

सभाग्यशेषतास्माकं यदि वीर भविष्यति। मोहमेतौ प्रहास्येते महात्मानौ महाबलौ ॥ 46.32 ॥

sabhāgyaśeṣatāsmākaṃ yadi vīra bhaviṣyati| mohametau prahāsyete mahātmānau mahābalau || 46.32 ||

“हे वीर! यदि हमारा कुछ भाग्य शेष है, तो ये दोनों महात्मा और महाबली शीघ्र ही इस मूर्च्छा को त्याग देंगे।”

श्लोक 33 (yuddha.46.33)

पर्यवस्थापयात्मानमनाथं मां च वानर। सत्यधर्माभिरक्तानां नास्ति मृत्युकृतं भयम् ॥ 46.33 ॥

paryavasthāpayātmānamanāthaṃ māṃ ca vānara| satyadharmābhiraktānāṃ nāsti mṛtyukṛtaṃ bhayam || 46.33 ||

“हे वानर! अपने आपको सम्भालो, और मुझे भी, जो अब सहायहीन हूँ। जो सत्य और धर्म में अनुरक्त हैं, उन्हें मृत्यु का भय नहीं होता।”

श्लोक 34 (yuddha.46.34)

एवमुक्त्वा ततस्तस्य जलक्लिन्नेन पाणिना। सुग्रीवस्य शुभे नेत्रे प्रममार्ज विभीषणः ॥ 46.34 ॥

evamuktvā tatastasya jalaklinnena pāṇinā| sugrīvasya śubhe netre pramamārja vibhīṣaṇaḥ || 46.34 ||

यह कहकर विभीषण ने जल से भीगे हुए हाथ से सुग्रीव के सुन्दर नेत्रों को पोंछा।

श्लोक 35 (yuddha.46.35)

ततः सलिलमादाय विद्यया परिजप्य च। सुग्रीवनेत्रे धर्मात्मा प्रममार्ज विभीषणः ॥ 46.35 ॥

tataḥ salilamādāya vidyayā parijapya ca| sugrīvanetre dharmātmā pramamārja vibhīṣaṇaḥ || 46.35 ||

फिर जल लेकर उसे मन्त्र से अभिमन्त्रित कर, धर्मात्मा विभीषण ने सुग्रीव के नेत्रों को पोंछा।

श्लोक 36 (yuddha.46.36)

विमृज्य वदनं तस्य कपिराजस्य धीमतः। अब्रवीत् कालसम्प्राप्तमसम्भ्रान्तमिदं वचः ॥ 46.36 ॥

vimṛjya vadanaṃ tasya kapirājasya dhīmataḥ| abravīt kālasamprāptamasambhrāntamidaṃ vacaḥ || 46.36 ||

उस बुद्धिमान वानरराज का मुख पोंछकर विभीषण ने अविचलित होकर यह समयोचित वचन कहा --

श्लोक 37 (yuddha.46.37)

न कालः कपिराजेन्द्र वैक्लव्यमवलम्बितुम्। अतिस्नेहोऽपि कालेऽस्मिन् मरणायोपकल्पते ॥ 46.37 ॥

na kālaḥ kapirājendra vaiklavyamavalambitum| atisneho'pi kāle'smin maraṇāyopakalpate || 46.37 ||

“हे कपिराजेन्द्र! यह समय व्याकुलता में डूबने का नहीं है। इस समय अत्यधिक स्नेह भी मृत्यु का कारण बन जाता है।”

श्लोक 38 (yuddha.46.38)

तस्मादुत्सृज्य वैक्लव्यं सर्वकार्यविनाशनम्। हितं रामपुरोगाणां सैन्यानामनुचिन्तय ॥ 46.38 ॥

tasmādutsṛjya vaiklavyaṃ sarvakāryavināśanam| hitaṃ rāmapurogāṇāṃ sainyānāmanucintaya || 46.38 ||

“अतः सभी कार्यों को नष्ट करने वाली इस व्याकुलता को त्याग कर, राम को आगे रखने वाली इस सेना के हित का विचार करो।”

श्लोक 39 (yuddha.46.39)

अथ वा रक्ष्यतां रामो यावत्संज्ञाविपर्ययः। लब्धसंज्ञौ हि काकुत्स्थौ भयं नौ व्यपनेष्यतः ॥ 46.39 ॥

atha vā rakṣyatāṃ rāmo yāvatsaṃjñāviparyayaḥ| labdhasaṃjñau hi kākutsthau bhayaṃ nau vyapaneṣyataḥ || 46.39 ||

“अथवा, जब तक होश न लौटे तब तक राम की रक्षा की जाए; क्योंकि होश में आते ही दोनों काकुत्स्थ हम दोनों के भय को अवश्य दूर कर देंगे।”

श्लोक 40 (yuddha.46.40)

नैतत् किंचन रामस्य न च रामो मुमूर्षति। नह्येनं हास्यते लक्ष्मीर्दुर्लभा या गतायुषाम् ॥ 46.40 ॥

naitat kiṃcana rāmasya na ca rāmo mumūrṣati| nahyenaṃ hāsyate lakṣmīrdurlabhā yā gatāyuṣām || 46.40 ||

“राम के लिए यह कुछ भी नहीं है, और राम मरने वाले नहीं हैं। जो कान्ति आयुक्षीण प्राणियों में दुर्लभ होती है, वह अभी तक उन्हें नहीं छोड़ी है।”

श्लोक 41 (yuddha.46.41)

तस्मादाश्वासयात्मानं बलं चाश्वासय स्वकम्। यावत् सैन्यानि सर्वाणि पुनः संस्थापयाम्यहम् ॥ 46.41 ॥

tasmādāśvāsayātmānaṃ balaṃ cāśvāsaya svakam| yāvat sainyāni sarvāṇi punaḥ saṃsthāpayāmyaham || 46.41 ||

“अतः तुम स्वयं को धैर्य दो, और अपनी सेना को भी धैर्य दो, जब तक मैं समस्त सेनाओं को पुनः व्यवस्थित करता हूँ।”

श्लोक 42 (yuddha.46.42)

एते हि फुल्लनयनास्त्रासादागतसाध्वसाः। कर्णे कर्णे प्रकथिता हरयो हरिसत्तम ॥ 46.42 ॥

ete hi phullanayanāstrāsādāgatasādhvasāḥ| karṇe karṇe prakathitā harayo harisattama || 46.42 ||

“हे वानरश्रेष्ठ! भय से चकित नेत्रों वाले और आतंकित ये वानर एक-दूसरे के कान में कानाफूसी कर रहे हैं।”

श्लोक 43 (yuddha.46.43)

मां तु दृष्ट्वा प्रधावन्तमनीकं सम्प्रहर्षितम्। त्यजन्तु हरयस्त्रासं भुक्तपूर्वामिव स्रजम् ॥ 46.43 ॥

māṃ tu dṛṣṭvā pradhāvantamanīkaṃ sampraharṣitam| tyajantu harayastrāsaṃ bhuktapūrvāmiva srajam || 46.43 ||

“किन्तु सेना को उत्साहित करने के लिए मुझे दौड़ते हुए देखकर, वानर अपने भय को उसी प्रकार त्याग दें जैसे कोई पहनी हुई माला त्याग देता है।”

श्लोक 44 (yuddha.46.44)

समाश्वास्य तु सुग्रीवं राक्षसेन्द्रो विभीषणः। विद्रुतं वानरानीकं तत् समाश्वासयत् पुनः ॥ 46.44 ॥

samāśvāsya tu sugrīvaṃ rākṣasendro vibhīṣaṇaḥ| vidrutaṃ vānarānīkaṃ tat samāśvāsayat punaḥ || 46.44 ||

इस प्रकार सुग्रीव को धैर्य बँधाकर राक्षसेन्द्र विभीषण ने भागी हुई वानर-सेना को भी पुनः आश्वस्त किया।

श्लोक 45 (yuddha.46.45)

इन्द्रजित् तु महामायः सर्वसैन्यसमावृतः। विवेश नगरीं लङ्कां पितरं चाभ्युपागमत् ॥ 46.45 ॥

indrajit tu mahāmāyaḥ sarvasainyasamāvṛtaḥ| viveśa nagarīṃ laṅkāṃ pitaraṃ cābhyupāgamat || 46.45 ||

इधर महामायावी इन्द्रजित् अपनी सम्पूर्ण सेना सहित लंकानगरी में प्रविष्ट होकर अपने पिता के पास गया।

श्लोक 46 (yuddha.46.46)

तत्र रावणमासाद्य अभिवाद्य कृताञ्जलिः। आचचक्षे प्रियं पित्रे निहतौ रामलक्ष्मणौ ॥ 46.46 ॥

tatra rāvaṇamāsādya abhivādya kṛtāñjaliḥ| ācacakṣe priyaṃ pitre nihatau rāmalakṣmaṇau || 46.46 ||

वहाँ रावण के पास पहुँचकर, हाथ जोड़कर प्रणाम करते हुए, उसने अपने पिता को यह प्रिय समाचार सुनाया कि राम और लक्ष्मण मारे जा चुके हैं।

श्लोक 47 (yuddha.46.47)

उत्पपात ततो हृष्टः पुत्रं च परिषस्वजे। रावणो रक्षसां मध्ये श्रुत्वा शत्रू निपातितौ ॥ 46.47 ॥

utpapāta tato hṛṣṭaḥ putraṃ ca pariṣasvaje| rāvaṇo rakṣasāṃ madhye śrutvā śatrū nipātitau || 46.47 ||

अपने शत्रुओं के मारे जाने का समाचार राक्षसों के बीच सुनकर, रावण हर्षित होकर उठ खड़ा हुआ और अपने पुत्र को गले लगा लिया।

श्लोक 48 (yuddha.46.48)

उपाघ्राय च तं मूर्ध्नि पप्रच्छ प्रीतमानसः। पृच्छते च यथावृत्तं पित्रे तस्मै न्यवेदयत् ॥ 46.48 ॥

upāghrāya ca taṃ mūrdhni papraccha prītamānasaḥ| pṛcchate ca yathāvṛttaṃ pitre tasmai nyavedayat || 46.48 ||

उसके मस्तक को सूँघकर, प्रसन्न हृदय से रावण ने उससे पूछताछ की; और अपने पूछते हुए पिता को इन्द्रजित् ने यथावत् सब कुछ बता दिया --

श्लोक 49 (yuddha.46.49)

यथा तौ शरबन्धेन निश्चेष्टौ निष्प्रभौ कृतौ ॥ 46.49 ॥

yathā tau śarabandhena niśceṣṭau niṣprabhau kṛtau || 46.49 ||

-- किस प्रकार उसने अपने बाण-बन्धन से उन दोनों को निश्चेष्ट और निस्तेज कर दिया था।

श्लोक 50 (yuddha.46.50)

स हर्षवेगानुगतान्तरात्मा। श्रुत्वा गिरं तस्य महारथस्य। जहौ ज्वरं दाशरथेः समुत्थं। प्रहृष्टवाचाभिननन्द पुत्रम् ॥ 46.50 ॥

sa harṣavegānugatāntarātmā| śrutvā giraṃ tasya mahārathasya| jahau jvaraṃ dāśaratheḥ samutthaṃ| prahṛṣṭavācābhinananda putram || 46.50 ||

उस महारथी के वचन सुनकर, हर्ष के वेग से भीतर तक आप्लावित होकर, रावण ने राम के कारण उत्पन्न अपनी उस ज्वर-वेदना को त्याग दिया, और प्रसन्न वाणी से अपने पुत्र की सराहना की।