अंगद द्वारा वानरों को पुनः प्रोत्साहन

श्लोक 1 (yuddha.66.1)

स लङ्घयित्वा प्राकारं गिरिकूटोपमो महान् । निर्ययौ नगरात्तूर्णं कुम्भकर्णो महाबलः ॥ 66.1 ॥

sa laṅghayitvā prākāraṃ girikūṭopamo mahān | niryayau nagarāttūrṇaṃ kumbhakarṇo mahābalaḥ || 66.1 ||

वह अत्यन्त बलवान् कुम्भकर्ण, पर्वत-शिखर के समान विशालकाय, प्राचीर को लांघकर वेगपूर्वक नगर से बाहर निकला।

श्लोक 2 (yuddha.66.2)

ननाद च महानादं समुद्रमभिनादयन् । विजयन्निव निर्घातान् विधमन्निव पर्वतान् ॥ 66.2 ॥

nanāda ca mahānādaṃ samudramabhinādayan | vijayanniva nirghātān vidhamanniva parvatān || 66.2 ||

उसने ऐसी भयंकर गर्जना की कि समुद्र भी गूँज उठा, मानो वह वज्रपात को भी परास्त कर रहा हो और पर्वतों को कँपा रहा हो।

श्लोक 3 (yuddha.66.3)

तमवध्यं मघवता यमेन वरुणेन च । प्रेक्ष्य भीमाक्षमायान्तं वानरा विप्रदुद्रुवुः ॥ 66.3 ॥

tamavadhyaṃ maghavatā yamena varuṇena ca | prekṣya bhīmākṣamāyāntaṃ vānarā vipradudruvuḥ || 66.3 ||

जिसे इन्द्र, यम अथवा वरुण भी वध नहीं कर सकते थे, उस भयानक नेत्रों वाले कुम्भकर्ण को आते देखकर वानर भाग खड़े हुए।

श्लोक 4 (yuddha.66.4)

तांस्तु विद्रवतो दृष्ट्वा वालिपुत्रोऽङ्गदोऽब्रवीत् । नलं नीलं गवाक्षं च कुमुदं च महाबलम् ॥ 66.4 ॥

tāṃstu vidravato dṛṣṭvā vāliputro'ṅgado'bravīt | nalaṃ nīlaṃ gavākṣaṃ ca kumudaṃ ca mahābalam || 66.4 ||

उन्हें भागते देखकर वालिपुत्र अंगद ने नल, नील, गवाक्ष और महाबली कुमुद से कहा।

श्लोक 5 (yuddha.66.5)

आत्मानमत्र विस्मृत्य वीर्याण्यभिजनानि च । क्व गच्छत भयत्रस्ताः प्राकृता हरयो यथा ॥ 66.5 ॥

ātmānamatra vismṛtya vīryāṇyabhijanāni ca | kva gacchata bhayatrastāḥ prākṛtā harayo yathā || 66.5 ||

"अपना पराक्रम और कुलीनता भूलकर, साधारण वानरों की भाँति भयभीत होकर तुम कहाँ भागे जा रहे हो?

श्लोक 6 (yuddha.66.6)

साधु सौम्या निवर्तध्वं किं प्राणान् परिरक्षथ । नालं युद्धाय वै रक्षो महतीयं विभीषिका ॥ 66.6 ॥

sādhu saumyā nivartadhvaṃ kiṃ prāṇān parirakṣatha | nālaṃ yuddhāya vai rakṣo mahatīyaṃ vibhīṣikā || 66.6 ||

हे सौम्यो! भली भाँति लौट आओ। तुम अपने प्राणों की इतनी रक्षा क्यों कर रहे हो? यह राक्षस युद्ध के योग्य नहीं है, यह तो केवल एक बड़ा भयावह खिलौना है।

श्लोक 7 (yuddha.66.7)

महतीमुत्थितामेनां राक्षसानां विभीषिकाम् । विक्रमाद्विधमिष्यामो निवर्तध्वं प्लवङ्गमाः ॥ 66.7 ॥

mahatīmutthitāmenāṃ rākṣasānāṃ vibhīṣikām | vikramādvidhamiṣyāmo nivartadhvaṃ plavaṅgamāḥ || 66.7 ||

राक्षसों द्वारा उठाई गई इस बड़ी भयावहता को हम अपने पराक्रम से नष्ट कर देंगे। लौट आओ, हे वानरो!"

श्लोक 8 (yuddha.66.8)

कृच्छ्रेण तु समाश्वस्य सङ्गम्य च ततस्ततः । वृक्षाद्रिहस्ता हरयः सम्प्रतस्थुः रणाजिरम् ॥ 66.8 ॥

kṛcchreṇa tu samāśvasya saṅgamya ca tatastataḥ | vṛkṣādrihastā harayaḥ sampratasthuḥ raṇājiram || 66.8 ||

बड़ी कठिनाई से धैर्य धारण कर और चारों ओर से एकत्र होकर, वानर वृक्ष और पर्वत-खण्ड हाथों में लिए पुनः रणभूमि की ओर चल पड़े।

श्लोक 9 (yuddha.66.9)

ते निवृत्य तु सङ्क्रुद्धाः कुम्भकर्णं वनौकसः । निजघ्नुः परमक्रुद्धाः समदा इव कुञ्जराः ॥ 66.9 ॥

te nivṛtya tu saṅkruddhāḥ kumbhakarṇaṃ vanaukasaḥ | nijaghnuḥ paramakruddhāḥ samadā iva kuñjarāḥ || 66.9 ||

वे वानर लौटकर अत्यन्त क्रोधित होकर, मदमत्त गजराजों के समान कुम्भकर्ण पर टूट पड़े।

श्लोक 10 (yuddha.66.10)

प्रांशुभिर्गिरिशृङ्गैश्च शिलाभिश्च महाबलाः । पादपैः पुष्पिताग्रैश्च हन्यमानो न कम्पते ॥ 66.10 ॥

prāṃśubhirgiriśṛṅgaiśca śilābhiśca mahābalāḥ | pādapaiḥ puṣpitāgraiśca hanyamāno na kampate || 66.10 ||

ऊँचे पर्वत-शिखरों, शिलाओं और पुष्पित वृक्षों से प्रहार किए जाने पर भी वह महाबली कुम्भकर्ण तनिक भी नहीं काँपा।

श्लोक 11 (yuddha.66.11)

तस्य गात्रेषु पतिता भिद्यन्ते शतशः शिलाः । पादपाः पुष्पिताग्राश्च भग्नाः पेतुर्महीतले ॥ 66.11 ॥

tasya gātreṣu patitā bhidyante śataśaḥ śilāḥ | pādapāḥ puṣpitāgrāśca bhagnāḥ peturmahītale || 66.11 ||

उसके अंगों पर गिरी सैकड़ों शिलाएँ चूर-चूर हो गईं, और पुष्पित वृक्ष टूटकर धरती पर जा गिरे।

श्लोक 12 (yuddha.66.12)

सोऽपि सैन्यानि सङ्क्रुद्धो वानराणां महौजसाम् । ममन्थ परमायत्तो वनान्यग्निरिवोत्थितः ॥ 66.12 ॥

so'pi sainyāni saṅkruddho vānarāṇāṃ mahaujasām | mamantha paramāyatto vanānyagnirivotthitaḥ || 66.12 ||

वह भी क्रोधित होकर उन महातेजस्वी वानर-सेनाओं को इस प्रकार मथने लगा जैसे प्रज्वलित अग्नि वनों को भस्म कर देती है।

श्लोक 13 (yuddha.66.13)

लोहितार्द्रास्तु बहवः शेरते वानरर्षभाः । निरस्ताः पतिता भूमौ ताम्रपुष्पा इव द्रुमाः ॥ 66.13 ॥

lohitārdrāstu bahavaḥ śerate vānararṣabhāḥ | nirastāḥ patitā bhūmau tāmrapuṣpā iva drumāḥ || 66.13 ||

रक्त से लथपथ अनेक श्रेष्ठ वानर धरती पर पड़े थे, मानो ताम्रवर्ण पुष्पों वाले वृक्ष टूटकर गिरे हों।

श्लोक 14 (yuddha.66.14)

लङ्घयन्तः प्रधावन्तो वानरा नावलोकयन् । केचित्समुद्रे पतिताः केचिद्गगनमाश्रिताः ॥ 66.14 ॥

laṅghayantaḥ pradhāvanto vānarā nāvalokayan | kecitsamudre patitāḥ kecidgaganamāśritāḥ || 66.14 ||

पीछे मुड़कर भी न देखते हुए वानर उछल-कूदकर भागने लगे; कोई समुद्र में जा गिरा तो कोई आकाश की ओर भाग गया।

श्लोक 15 (yuddha.66.15)

वध्यमानास्तु ते वीरा राक्षसेन बलीयसा । सागरं येन ते तीर्णाः पथा तेनैव दुद्रुवुः ॥ 66.15 ॥

vadhyamānāstu te vīrā rākṣasena balīyasā | sāgaraṃ yena te tīrṇāḥ pathā tenaiva dudruvuḥ || 66.15 ||

उस अत्यन्त बलशाली राक्षस द्वारा मारे जाते हुए वे वीर उसी मार्ग से भागे जिससे वे समुद्र पार करके आए थे।

श्लोक 16 (yuddha.66.16)

ते स्थलानि तथा निम्नं विषण्णवदना भयात् । ऋक्षा वृक्षान्समारूढाः केचित्पर्वतमाश्रिताः ॥ 66.16 ॥

te sthalāni tathā nimnaṃ viṣaṇṇavadanā bhayāt | ṛkṣā vṛkṣānsamārūḍhāḥ kecitparvatamāśritāḥ || 66.16 ||

भय से मुरझाए मुख वाले वे भालू समतल और निचले स्थानों में वृक्षों पर चढ़ गए, और कुछ वानर पर्वत की शरण में चले गए।

श्लोक 17 (yuddha.66.17)

ममज्जुरर्णवे केचिद्गुहाः केचित्समाश्रिताः । निषेदुः प्लवगाः केचित् केचिन्नैवावतस्थिरे ॥ 66.17 ॥

mamajjurarṇave kecidguhāḥ kecitsamāśritāḥ | niṣeduḥ plavagāḥ kecit kecinnaivāvatasthire || 66.17 ||

कोई समुद्र में डूब गया, कोई गुफाओं की शरण में गया, कोई वानर वहीं बैठ गया, तो कोई खड़ा भी न रह सका।

श्लोक 18 (yuddha.66.18)

केचिद्भूमौ निपतिताः केचित्सुप्ता मृता इव । तान्समीक्ष्याङ्गदो भग्नान्वानरानिदमब्रवीत् ॥ 66.18 ॥

kecidbhūmau nipatitāḥ kecitsuptā mṛtā iva | tānsamīkṣyāṅgado bhagnānvānarānidamabravīt || 66.18 ||

कोई भूमि पर गिर पड़ा, कोई मरे हुए के समान सो गया। उन्हें इस प्रकार भग्न देखकर अंगद ने यह वचन कहा।

श्लोक 19 (yuddha.66.19)

अवतिष्ठत युध्यामो निवर्तध्वं प्लवङ्गमाः । भग्नानां वो न पश्यामि परिगम्य महीमिमाम् ॥ 66.19 ॥

avatiṣṭhata yudhyāmo nivartadhvaṃ plavaṅgamāḥ | bhagnānāṃ vo na paśyāmi parigamya mahīmimām || 66.19 ||

"डटे रहो, युद्ध करें, लौट आओ, हे वानरो! भग्न होकर भागने वालों के लिए इस समूची पृथ्वी पर घूमने पर भी मुझे कोई स्थान नहीं दिखता।

श्लोक 20 (yuddha.66.20)

स्थानं सर्वे निवर्तध्वं किं प्राणान् परिरक्षथ । निरायुधानां द्रवतामसङ्गगतिपौरुषाः ॥ 66.20 ॥

sthānaṃ sarve nivartadhvaṃ kiṃ prāṇān parirakṣatha | nirāyudhānāṃ dravatāmasaṅgagatipauruṣāḥ || 66.20 ||

सब लोग लौट आओ, तुम अपने प्राणों की ही रक्षा क्यों कर रहे हो? हे निर्बाध गति और पराक्रम वाले वानरो, जो निःशस्त्र होकर भाग रहे हो —

श्लोक 21 (yuddha.66.21)

दारा ह्यपहसिष्यन्ति स वै घातस्तु जीवताम् । कुलेषु जाताः सर्वे स्म विस्तीर्णेषु महत्सु च ॥ 66.21 ॥

dārā hyapahasiṣyanti sa vai ghātastu jīvatām | kuleṣu jātāḥ sarve sma vistīrṇeṣu mahatsu ca || 66.21 ||

— तुम्हारी अपनी पत्नियाँ ही तुम पर हँसेंगी; ऐसी लज्जा सहकर जीवित रहना तो मृत्यु के समान ही है। हम सब महान् और विस्तृत कुलों में जन्मे हैं,

श्लोक 22 (yuddha.66.22)

क्व गच्छत भयत्रस्ताः प्राकृता हरयो यथा । अनार्याः खलु यद्भीतास्त्यक्त्वा वीर्यं प्रधावत ॥ 66.22 ॥

kva gacchata bhayatrastāḥ prākṛtā harayo yathā | anāryāḥ khalu yadbhītāstyaktvā vīryaṃ pradhāvata || 66.22 ||

— फिर भय से त्रस्त होकर साधारण वानरों की भाँति तुम कहाँ भाग रहे हो? अपना पराक्रम त्यागकर भागने वाले सचमुच अनार्य हैं।

श्लोक 23 (yuddha.66.23)

विकत्थनानि वो यानि यदा वै जनसंसदि । तानि वः क्व च गतानि सोदग्राणि महान्ति च ॥ 66.23 ॥

vikatthanāni vo yāni yadā vai janasaṃsadi | tāni vaḥ kva ca gatāni sodagrāṇi mahānti ca || 66.23 ||

सभा में जनसमूह के बीच तुमने जो गर्व-भरी बातें कही थीं, वे सब कहाँ चली गईं?

श्लोक 24 (yuddha.66.24)

भीरुप्रवादाः श्रूयन्ते यस्तु जीवति धिक्कृतः । मार्गः सत्पुरुषैर्जुष्टः सेव्यतां त्यज्यतां भयम् ॥ 66.24 ॥

bhīrupravādāḥ śrūyante yastu jīvati dhikkṛtaḥ | mārgaḥ satpuruṣairjuṣṭaḥ sevyatāṃ tyajyatāṃ bhayam || 66.24 ||

जो लांछित होकर भी जीवित रहता है, उसके विषय में कायरतापूर्ण बातें ही सुनने को मिलती हैं। सत्पुरुषों द्वारा अपनाया गया मार्ग ही अपनाया जाए, भय का त्याग किया जाए।

श्लोक 25 (yuddha.66.25)

शयामहे वा निहताः पृथिव्यामल्पजीविताः । प्राप्नुयामो ब्रह्मलोकं दुष्प्रापं च कुयोधिभिः ॥ 66.25 ॥

śayāmahe vā nihatāḥ pṛthivyāmalpajīvitāḥ | prāpnuyāmo brahmalokaṃ duṣprāpaṃ ca kuyodhibhiḥ || 66.25 ||

या तो हम अल्पजीवी होकर इस पृथ्वी पर मारे जाकर सो जाएँ और कायर योद्धाओं के लिए दुष्प्राप्य ब्रह्मलोक को प्राप्त करें,

श्लोक 26 (yuddha.66.26)

अवाप्नुयामः कीर्तिं वा निहत्वा शत्रुमाहवे । निहता वीरलोकस्य भोक्ष्यामो वसु वानराः ॥ 66.26 ॥

avāpnuyāmaḥ kīrtiṃ vā nihatvā śatrumāhave | nihatā vīralokasya bhokṣyāmo vasu vānarāḥ || 66.26 ||

या फिर युद्ध में शत्रु का वध करके यश प्राप्त करें। और यदि मारे भी गए तो, हे वानरो, हम वीरलोक के ऐश्वर्य का भोग करेंगे।

श्लोक 27 (yuddha.66.27)

न कुम्भकर्णः काकुत्स्थं दृष्ट्वा जीवन्गमिष्यति । दीप्यमानमिवासाद्य पतङ्गो ज्वलनं यथा ॥ 66.27 ॥

na kumbhakarṇaḥ kākutsthaṃ dṛṣṭvā jīvangamiṣyati | dīpyamānamivāsādya pataṅgo jvalanaṃ yathā || 66.27 ||

काकुत्स्थ (राम) को देखकर कुम्भकर्ण जीवित नहीं लौट सकेगा, जैसे पतंगा प्रज्वलित अग्नि के पास जाकर नष्ट हो जाता है।

श्लोक 28 (yuddha.66.28)

पलायनेन चोद्दिष्टाः प्राणान्रक्षामहे वयम् । एकेन बहवो भग्ना यशो नाशं गमिष्यति ॥ 66.28 ॥

palāyanena coddiṣṭāḥ prāṇānrakṣāmahe vayam | ekena bahavo bhagnā yaśo nāśaṃ gamiṣyati || 66.28 ||

भागकर कायर कहलाते हुए हम केवल अपने प्राण ही बचाएँगे, और एक ही राक्षस से इतने सारे वानरों के परास्त होने से हमारा यश सर्वथा नष्ट हो जाएगा।"

श्लोक 29 (yuddha.66.29)

एवं ब्रुवाणं तं शूरमङ्गदं कनकाङ्गदम् । द्रवमाणास्ततो वाक्यमूचुः शूरविगर्हितम् ॥ 66.29 ॥

evaṃ bruvāṇaṃ taṃ śūramaṅgadaṃ kanakāṅgadam | dravamāṇāstato vākyamūcuḥ śūravigarhitam || 66.29 ||

स्वर्ण-कङ्कणों से सुशोभित उस वीर अंगद के इस प्रकार कहने पर, भागते हुए वानरों ने वीरोचित निन्दनीय वचन कहे।

श्लोक 30 (yuddha.66.30)

कृतं नः कदनं घोरं कुम्भकर्णेन रक्षसा । न स्थानकालो गच्छामो दयितं जीवितं हि नः ॥ 66.30 ॥

kṛtaṃ naḥ kadanaṃ ghoraṃ kumbhakarṇena rakṣasā | na sthānakālo gacchāmo dayitaṃ jīvitaṃ hi naḥ || 66.30 ||

"राक्षस कुम्भकर्ण ने हमारा भयंकर संहार कर दिया है। अब खड़े रहने का समय नहीं है, चलो चलें; हमें तो अपना जीवन ही प्रिय है।"

श्लोक 31 (yuddha.66.31)

एतावदुक्त्वा वचनं सर्वे ते भेजिरे दिशः । भीमं भीमाक्षमायान्तं दृष्ट्वा वानरयूथपाः ॥ 66.31 ॥

etāvaduktvā vacanaṃ sarve te bhejire diśaḥ | bhīmaṃ bhīmākṣamāyāntaṃ dṛṣṭvā vānarayūthapāḥ || 66.31 ||

इतना कहकर, उस भयंकर और भयानक नेत्रों वाले कुम्भकर्ण को आते देखकर, वे सभी वानर-सेनापति दिशाओं में भाग गए।

श्लोक 32 (yuddha.66.32)

द्रवमाणास्तु ते वीरा अङ्गदेन बलीमुखाः । सान्त्वैश्च अनुमानैश्च ततः सर्वे निवर्तिताः ॥ 66.32 ॥

dravamāṇāstu te vīrā aṅgadena balīmukhāḥ | sāntvaiśca anumānaiśca tataḥ sarve nivartitāḥ || 66.32 ||

भागते हुए उन वीर वानरों को अंगद ने सांत्वना भरे वचनों और युक्तिसंगत तर्कों से लौटा लिया।

श्लोक 33 (yuddha.66.33)

प्रहर्षमुपनीताश्च वालिपुत्रेण धीमता । आज्ञाप्रतीक्षास्तस्थुश्च सर्वे वानरयूथपाः ॥ 66.33 ॥

praharṣamupanītāśca vāliputreṇa dhīmatā | ājñāpratīkṣāstasthuśca sarve vānarayūthapāḥ || 66.33 ||

बुद्धिमान् वालिपुत्र अंगद द्वारा प्रसन्नचित्त किए जाने पर, सभी वानर-सेनापति उसकी आज्ञा की प्रतीक्षा में खड़े हो गए।

श्लोक 34 (yuddha.66.34)

ऋषभशरभमैन्दधूम्रनीलाः कुमुदसुषेणगवाक्षरम्भताराः । द्विविदपनसवायुपुत्रमुख्याः त्वरिततराभिमुखं रणं प्रयाताः ॥ 66.34 ॥

ṛṣabhaśarabhamaindadhūmranīlāḥ kumudasuṣeṇagavākṣarambhatārāḥ | dvividapanasavāyuputramukhyāḥ tvaritatarābhimukhaṃ raṇaṃ prayātāḥ || 66.34 ||

ऋषभ, शरभ, मैन्द, धूम्र, नील, कुमुद, सुषेण, गवाक्ष, रम्भ और तार, तथा विशेष रूप से द्विविद, पनस और पवनपुत्र हनुमान् प्रमुख वानर, अत्यन्त वेग से युद्ध की ओर मुख करके चल पड़े।