लक्ष्मण का धर्म-विवेचन

श्लोक 1 (yuddha.83.1)

राघवश्चापि विपुलं तं राक्षसवनौकसाम्। श्रुत्वा सङ्ग्रामनिर्घोषं जाम्बवन्तमुवाच ह॥ 83.1 ॥

rāghavaścāpi vipulaṃ taṃ rākṣasavanaukasām | śrutvā saṅgrāmanirghoṣaṃ jāmbavantamuvāca ha || 83.1 ||

राघव ने राक्षसों और वानरों के बीच होने वाले उस भीषण युद्ध-कोलाहल को सुनकर जाम्बवान् से कहा।

श्लोक 2 (yuddha.83.2)

सौम्य नूनं हनुमता कृतं कर्म सुदुष्करम्। श्रूयते हि यथा भीमः सुमहानायुधस्वनः॥ 83.2 ॥

saumya nūnaṃ hanumatā kṛtaṃ karma suduṣkaram | śrūyate hi yathā bhīmaḥ sumahānāyudhasvanaḥ || 83.2 ||

"हे सौम्य! निश्चय ही हनुमान् ने कोई अत्यंत दुष्कर कार्य किया है, क्योंकि जैसी भयंकर और महान अस्त्र-शस्त्रों की ध्वनि सुनाई दे रही है, उससे यही प्रतीत होता है।

श्लोक 3 (yuddha.83.3)

तद्गच्छ कुरु साहाय्यं स्वबलेनाभिसंवृतः। क्षिप्रमृक्षपते तस्य कपिश्रेष्ठस्य युध्यतः॥ 83.3 ॥

tadgaccha kuru sāhāyyaṃ svabalenābhisaṃvṛtaḥ | kṣipramṛkṣapate tasya kapiśreṣṭhasya yudhyataḥ || 83.3 ||

इसलिए हे ऋक्षराज! तुम अपनी सेना सहित शीघ्र जाकर युद्धरत उस श्रेष्ठ वानर की सहायता करो।"

श्लोक 4 (yuddha.83.4)

ऋक्षराजस्तथेत्युक्त्वा स्वेनानीकेन संवृतः। आगच्छत्पश्चिमद्वारं हनूमान्यत्र वानरः॥ 83.4 ॥

ṛkṣarājastathetyuktvā svenānīkena saṃvṛtaḥ | āgacchatpaścimadvāraṃ hanūmānyatra vānaraḥ || 83.4 ||

"ऐसा ही हो," यह कहकर ऋक्षराज अपनी सेना सहित उस पश्चिमी द्वार पर आया, जहाँ वानर हनुमान् थे।

श्लोक 5 (yuddha.83.5)

अथायान्तं हनूमन्तं ददर्शर्क्षपतिः पथि। वानरैः कृतसङ्ग्रामैः श्वसद्भिरभिसंवृतम्॥ 83.5 ॥

athāyāntaṃ hanūmantaṃ dadarśarkṣapatiḥ pathi | vānaraiḥ kṛtasaṅgrāmaiḥ śvasadbhirabhisaṃvṛtam || 83.5 ||

तब मार्ग में ऋक्षराज ने देखा कि हनुमान् उन वानरों से घिरे हुए आ रहे हैं, जो युद्ध करके हाँफ रहे थे।

श्लोक 6 (yuddha.83.6)

दृष्ट्वा पथि हनूमांश्च तदृक्षबलमुद्यतम्। नीलमेघनिभं भीमं संनिवार्य न्यवर्तत॥ 83.6 ॥

dṛṣṭvā pathi hanūmāṃśca tadṛkṣabalamudyatam | nīlameghanibhaṃ bhīmaṃ saṃnivārya nyavartata || 83.6 ||

मार्ग में उस भयंकर, नील मेघ के समान दिखने वाली आगे बढ़ती हुई भालू-सेना को देखकर हनुमान् ने उसे रोककर वापस लौटा दिया।

श्लोक 7 (yuddha.83.7)

स तेन हरिसैन्येन संनिकर्षं महायशाः। शीघ्रमागम्य रामाय दुःखितो वाक्यमब्रवीत्॥ 83.7 ॥

sa tena harisainyena saṃnikarṣaṃ mahāyaśāḥ | śīghramāgamya rāmāya duḥkhito vākyamabravīt || 83.7 ||

तब वह अत्यंत यशस्वी हनुमान् उस सेना के साथ शीघ्र राम के पास पहुँचकर दुःखी होकर बोले।

श्लोक 8 (yuddha.83.8)

समरे युध्यमानानामस्माकं प्रेक्षतां च सः। जघान रुदतीं सीतामिन्द्रजिद्रावणात्मजः॥ 83.8 ॥

samare yudhyamānānāmasmākaṃ prekṣatāṃ ca saḥ | jaghāna rudatīṃ sītāmindrajidrāvaṇātmajaḥ || 83.8 ||

"हमारे युद्ध करते हुए और देखते-देखते ही, रावणपुत्र इन्द्रजित् ने रोती हुई सीता का वध कर दिया।

श्लोक 9 (yuddha.83.9)

उद्भ्रान्तचित्तस्तां दृष्ट्वा विषण्णोऽहमरिन्दम। तदहं भवतो वृत्तं विज्ञापयितुमागतः॥ 83.9 ॥

udbhrāntacittastāṃ dṛṣṭvā viṣaṇṇo'hamarindama | tadahaṃ bhavato vṛttaṃ vijñāpayitumāgataḥ || 83.9 ||

हे अरिन्दम! उसे देखकर मेरा चित्त व्याकुल हो गया और मैं शोकाकुल हो उठा; इसीलिए मैं आपको यह वृत्तान्त सुनाने आया हूँ।"

श्लोक 10 (yuddha.83.10)

तस्य तद्वचनं श्रुत्वा राघवः शोकमूर्छितः। निपपात तदा भूमौ छिन्नमूल इव द्रुमः॥ 83.10 ॥

tasya tadvacanaṃ śrutvā rāghavaḥ śokamūrchitaḥ | nipapāta tadā bhūmau chinnamūla iva drumaḥ || 83.10 ||

हनुमान् के इन वचनों को सुनकर राघव शोक से मूर्च्छित होकर तुरन्त पृथ्वी पर गिर पड़े, जैसे जड़ से कटा हुआ वृक्ष गिरता है।

श्लोक 11 (yuddha.83.11)

तं भूमौ देवसङ्काशं पतितं दृश्य राघवम्। अभिपेतुः समुत्पत्य सर्वतः कपिसत्तमाः॥ 83.11 ॥

taṃ bhūmau devasaṅkāśaṃ patitaṃ dṛśya rāghavam | abhipetuḥ samutpatya sarvataḥ kapisattamāḥ || 83.11 ||

देवता के समान तेजस्वी राघव को भूमि पर गिरा हुआ देखकर श्रेष्ठ वानर उछलकर चारों ओर से उनकी ओर दौड़ पड़े।

श्लोक 12 (yuddha.83.12)

असिञ्चन्सलिलैश्चैनं पद्मोत्पलसुगन्धिभिः। प्रदहन्तमसह्यं च सहसाग्निमिवोत्थितम्॥ 83.12 ॥

asiñcansalilaiścainaṃ padmotpalasugandhibhiḥ | pradahantamasahyaṃ ca sahasāgnimivotthitam || 83.12 ||

उन्होंने उन पर कमल और कुमुद की सुगंध वाला जल छिड़का, मानो सहसा भड़क उठी असह्य अग्नि को शांत कर रहे हों।

श्लोक 13 (yuddha.83.13)

तं लक्ष्मणोऽथ बाहुभ्यां परिष्वज्य सुदुःखितः। उवाच राममस्वस्थं वाक्यं हेत्वर्थसंहितम्॥ 83.13 ॥

taṃ lakṣmaṇo'tha bāhubhyāṃ pariṣvajya suduḥkhitaḥ | uvāca rāmamasvasthaṃ vākyaṃ hetvarthasaṃhitam || 83.13 ||

तब अत्यंत दुःखी लक्ष्मण ने दोनों भुजाओं से राम का आलिंगन किया और स्वस्थ न होने पर भी उनसे युक्तिसंगत वचन कहे।

श्लोक 14 (yuddha.83.14)

शुभे वर्त्मनि तिष्ठन्तं त्वामार्यविजितेन्द्रियम्। अनर्थेभ्यो न शक्नोति त्रातुं धर्मो निरर्थकः॥ 83.14 ॥

śubhe vartmani tiṣṭhantaṃ tvāmāryavijitendriyam | anarthebhyo na śaknoti trātuṃ dharmo nirarthakaḥ || 83.14 ||

"हे आर्य! तुम शुभ मार्ग पर स्थित और जितेन्द्रिय हो, फिर भी धर्म तुम्हें विपत्तियों से नहीं बचा सका — यह धर्म तो व्यर्थ ही जान पड़ता है।

श्लोक 15 (yuddha.83.15)

भूतानां स्थावराणां च जङ्गमानां च दर्शनम्। यथास्ति न तथा धर्मस्तेन नास्तीति मे मतिः॥ 83.15 ॥

bhūtānāṃ sthāvarāṇāṃ ca jaṅgamānāṃ ca darśanam | yathāsti na tathā dharmastena nāstīti me matiḥ || 83.15 ||

जैसे स्थावर और जंगम प्राणी स्पष्ट दिखाई देते हैं, वैसे धर्म दिखाई नहीं देता; इसलिए मेरा मत है कि धर्म का अस्तित्व ही नहीं है।

श्लोक 16 (yuddha.83.16)

यथैव स्थावरं व्यक्तं जङ्गमं च तथाविधम्। नायमर्थस्तथा युक्तस्त्वद्विधो न विपद्यते॥ 83.16 ॥

yathaiva sthāvaraṃ vyaktaṃ jaṅgamaṃ ca tathāvidham | nāyamarthastathā yuktastvadvidho na vipadyate || 83.16 ||

जैसे स्थावर और जंगम स्पष्ट प्रकट हैं, वैसे यह धर्म-तत्त्व सिद्ध नहीं है; अन्यथा तुम्हारे जैसे व्यक्ति की ऐसी दुर्गति कभी न होती।

श्लोक 17 (yuddha.83.17)

यद्यधर्मो भवेद्भूतो रावणो नरकं व्रजेत्। भवांश्च धर्मसंयुक्तो नैवं व्यसनमाप्नुयात्॥ 83.17 ॥

yadyadharmo bhavedbhūto rāvaṇo narakaṃ vrajet | bhavāṃśca dharmasaṃyukto naivaṃ vyasanamāpnuyāt || 83.17 ||

यदि अधर्म वास्तव में कोई शक्ति होता, तो रावण नरक को जाता; और धर्मपरायण तुम कभी ऐसी विपत्ति में न पड़ते।

श्लोक 18 (yuddha.83.18)

तस्य च व्यसनाभावाद्व्यसनं च गते त्वयि। धर्मो भवत्यधर्मश्च परस्परविरोधिनौ॥ 83.18 ॥

tasya ca vyasanābhāvādvyasanaṃ ca gate tvayi | dharmo bhavatyadharmaśca parasparavirodhinau || 83.18 ||

उसके लिए कोई विपत्ति नहीं आई, और तुम पर संकट आ पड़ा — मानो धर्म और अधर्म ने आपस में अपनी प्रकृति ही बदल ली हो।

श्लोक 19 (yuddha.83.19)

धर्मेणोपलभेद्धर्ममधर्मं चाप्यधर्मतः। यदि धर्मेण युज्येरन्नाधर्मः प्रतिष्ठतः॥ 83.19 ॥

dharmeṇopalabheddharmamadharmaṃ cāpyadharmataḥ | yadi dharmeṇa yujyerannādharmaḥ pratiṣṭhataḥ || 83.19 ||

"क्या धर्म का फल धर्म से ही मिलता है, और अधर्म का फल अधर्म से? यदि जिनमें अधर्म प्रतिष्ठित है वे अधर्म के फल से ही जुड़े रहें—

श्लोक 20 (yuddha.83.20)

न धर्मेण वियुज्येरन्नधर्मरुचयो जनाः। धर्मेण चरतां धर्मस्तथा चैषां फलं भवेत्॥ 83.20 ॥

na dharmeṇa viyujyerannadharmarucayo janāḥ | dharmeṇa caratāṃ dharmastathā caiṣāṃ phalaṃ bhavet || 83.20 ||

—और अधर्मरुचि लोग कभी धर्म के फल से वंचित न हों, तो जो धर्माचरण करते हैं उन्हें भी धर्म का वही फल मिलना चाहिए।

श्लोक 21 (yuddha.83.21)

यस्मादर्था विवर्धन्ते येष्वधर्मः प्रतिष्ठितः। क्लिश्यन्ते धर्मशीलाश्च तस्मादेतौ निरर्थकौ॥ 83.21 ॥

yasmādarthā vivardhante yeṣvadharmaḥ pratiṣṭhitaḥ | kliśyante dharmaśīlāśca tasmādetau nirarthakau || 83.21 ||

क्योंकि जिनमें अधर्म बसा है उनकी समृद्धि बढ़ती ही जाती है, और धर्मशील लोग कष्ट भोगते हैं, इसलिए ये दोनों — धर्म और अधर्म — निरर्थक प्रतीत होते हैं।

श्लोक 22 (yuddha.83.22)

वध्यन्ते पापकर्माणो यद्यधर्मेण राघव। वधकर्महतो धर्मः स हतः कं वधिष्यति॥ 83.22 ॥

vadhyante pāpakarmāṇo yadyadharmeṇa rāghava | vadhakarmahato dharmaḥ sa hataḥ kaṃ vadhiṣyati || 83.22 ||

हे राघव! यदि पापी लोग अपने ही अधर्म से मारे जाते हैं, तो वह अधर्म वध का कार्य करके स्वयं भी नष्ट हो जाता है — फिर वह किसको मारेगा?

श्लोक 23 (yuddha.83.23)

अथ वा विहितेनायं हन्यते हन्ति वा परम्। विधिरालिप्यते तेन न स पापेन कर्मणा॥ 83.23 ॥

atha vā vihitenāyaṃ hanyate hanti vā param | vidhirālipyate tena na sa pāpena karmaṇā || 83.23 ||

अथवा यदि कोई विहित विधि से किसी को मारता या मारा जाता है, तो उस पाप-कर्म का दोष उस विधि को ही लगता है, कर्ता को नहीं।

श्लोक 24 (yuddha.83.24)

अदृष्टप्रतिकारेण अव्यक्तेनासता सता। कथं शक्यं परं प्राप्तुं धर्मेणारिविकर्शन॥ 83.24 ॥

adṛṣṭapratikāreṇa avyaktenāsatā satā | kathaṃ śakyaṃ paraṃ prāptuṃ dharmeṇārivikarśana || 83.24 ||

हे अरिविकर्शन! जो धर्म कभी प्रत्युत्तर देता हुआ नहीं दिखा, जो अव्यक्त है, जो सत् और असत् दोनों जैसा प्रतीत होता है, उससे भला परम कल्याण कैसे प्राप्त हो सकता है?

श्लोक 25 (yuddha.83.25)

यदि सत्स्यात्सतां मुख्य नासत्स्यात्तव किं चन। त्वया यदीदृशं प्राप्तं तस्मात्सन्नोपपद्यते॥ 83.25 ॥

yadi satsyātsatāṃ mukhya nāsatsyāttava kiṃ cana | tvayā yadīdṛśaṃ prāptaṃ tasmātsannopapadyate || 83.25 ||

हे सतां श्रेष्ठ! यदि धर्म सचमुच होता, तो तुम पर कोई विपत्ति न आती; तुम पर जो ऐसी विपत्ति आई है, उससे सिद्ध होता है कि धर्म है ही नहीं।

श्लोक 26 (yuddha.83.26)

अथ वा दुर्बलः क्लीबो बलं धर्मोऽनुवर्तते। दुर्बलो हृतमर्यादो न सेव्य इति मे मतिः॥ 83.26 ॥

atha vā durbalaḥ klībo balaṃ dharmo'nuvartate | durbalo hṛtamaryādo na sevya iti me matiḥ || 83.26 ||

अथवा यदि धर्म दुर्बल और नपुंसक होकर बल के आगे झुक जाता है, तो मेरी राय में ऐसे शक्तिहीन, मर्यादाहीन धर्म का अनुसरण करना उचित नहीं।

श्लोक 27 (yuddha.83.27)

बलस्य यदि चेद्धर्मो गुणभूतः पराक्रमे। धर्ममुत्सृज्य वर्तस्व यथा धर्मे तथा बले॥ 83.27 ॥

balasya yadi ceddharmo guṇabhūtaḥ parākrame | dharmamutsṛjya vartasva yathā dharme tathā bale || 83.27 ||

यदि पराक्रम में धर्म बल का ही एक गुण मात्र है, तो जैसे अब तक तुमने धर्म का सहारा लिया, वैसे ही अब धर्म को छोड़कर बल का सहारा लो।

श्लोक 28 (yuddha.83.28)

अथ चेत्सत्यवचनं धर्मः किल परन्तप। अनृतस्त्वय्यकरुणः किं न बद्धस्त्वया पिता॥ 83.28 ॥

atha cetsatyavacanaṃ dharmaḥ kila parantapa | anṛtastvayyakaruṇaḥ kiṃ na baddhastvayā pitā || 83.28 ||

हे परन्तप! और यदि सत्य वचन बोलना ही धर्म है, तो क्या हमारे पिता, जो असत्यवादी और तुम्हारे प्रति निर्दय थे, स्वयं उसी सत्य से बंधे नहीं थे?

श्लोक 29 (yuddha.83.29)

यदि धर्मो भवेद्भूत अधर्मो वा परन्तप। न स्म हत्वा मुनिं वज्री कुर्यादिज्यां शतक्रतुः॥ 83.29 ॥

yadi dharmo bhavedbhūta adharmo vā parantapa | na sma hatvā muniṃ vajrī kuryādijyāṃ śatakratuḥ || 83.29 ||

हे परन्तप! यदि धर्म या अधर्म वास्तव में कोई ठोस वस्तु होते, तो वज्रधारी इन्द्र मुनि का वध करके यज्ञ कभी न करते।

श्लोक 30 (yuddha.83.30)

अधर्मसंश्रितो धर्मो विनाशयति राघव। सर्वमेतद्यथाकामं काकुत्स्थ कुरुते नरः॥ 83.30 ॥

adharmasaṃśrito dharmo vināśayati rāghava | sarvametadyathākāmaṃ kākutstha kurute naraḥ || 83.30 ||

हे राघव! धर्म जब अधर्म का सहारा लेता है, तभी शत्रु का विनाश करता है; हे काकुत्स्थ! मनुष्य सब कुछ अपनी इच्छा के अनुसार ही करता है।

श्लोक 31 (yuddha.83.31)

मम चेदं मतं तात धर्मोऽयमिति राघव। धर्ममूलं त्वया छिन्नं राज्यमुत्सृजता तदा॥ 83.31 ॥

mama cedaṃ mataṃ tāta dharmo'yamiti rāghava | dharmamūlaṃ tvayā chinnaṃ rājyamutsṛjatā tadā || 83.31 ||

हे तात राघव! मेरा तो यही मत है कि यही धर्म है — किन्तु जब तुमने राज्य त्याग दिया, तभी तुमने धर्म की जड़ ही काट दी।

श्लोक 32 (yuddha.83.32)

अर्थेभ्यो हि विवृद्धेभ्यः संवृद्धेभ्यस्ततस्ततः। क्रियाः सर्वाः प्रवर्तन्ते पर्वतेभ्य इवापगाः॥ 83.32 ॥

arthebhyo hi vivṛddhebhyaḥ saṃvṛddhebhyastatastataḥ | kriyāḥ sarvāḥ pravartante parvatebhya ivāpagāḥ || 83.32 ||

क्योंकि स्थान-स्थान से एकत्र और वर्धित धन से ही सभी कार्य सिद्ध होते हैं, जैसे पर्वतों से नदियाँ बहती हैं।

श्लोक 33 (yuddha.83.33)

अर्थेन हि वियुक्तस्य पुरुषस्याल्पतेजसः। व्युच्छिद्यन्ते क्रियाः सर्वा ग्रीष्मे कुसरितो यथा॥ 83.33 ॥

arthena hi viyuktasya puruṣasyālpatejasaḥ | vyucchidyante kriyāḥ sarvā grīṣme kusarito yathā || 83.33 ||

धन से रहित अल्पतेज पुरुष के सारे कार्य वैसे ही रुक जाते हैं, जैसे ग्रीष्म ऋतु में छोटी नदियाँ सूख जाती हैं।

श्लोक 34 (yuddha.83.34)

सोऽयमर्थं परित्यज्य सुखकामः सुखैधितः। पापमारभते कर्तुं तथा दोषः प्रवर्तते॥ 83.34 ॥

so'yamarthaṃ parityajya sukhakāmaḥ sukhaidhitaḥ | pāpamārabhate kartuṃ tathā doṣaḥ pravartate || 83.34 ||

सुखों में पला हुआ ऐसा मनुष्य सुख की चाह में धन को त्यागकर पाप करने लगता है, और उससे विनाश उत्पन्न होता है।

श्लोक 35 (yuddha.83.35)

यस्यार्थास्तस्य मित्राणि यस्यार्थास्तस्य बान्धवः। यस्यार्थाः स पुमांल्लोके यस्यार्थाः स च पण्डितः॥ 83.35 ॥

yasyārthāstasya mitrāṇi yasyārthāstasya bāndhavaḥ | yasyārthāḥ sa pumāṃlloke yasyārthāḥ sa ca paṇḍitaḥ || 83.35 ||

जिसके पास धन है उसके मित्र हैं, जिसके पास धन है उसके बंधु-बांधव हैं, जिसके पास धन है वही संसार में पुरुष कहलाता है, जिसके पास धन है वही पण्डित कहलाता है।

श्लोक 36 (yuddha.83.36)

यस्यार्थाः स च विक्रान्तो यस्यार्थाः स च बुद्धिमान्। यस्यार्थाः स महाभागो यस्यार्थाः स महागुणः॥ 83.36 ॥

yasyārthāḥ sa ca vikrānto yasyārthāḥ sa ca buddhimān | yasyārthāḥ sa mahābhāgo yasyārthāḥ sa mahāguṇaḥ || 83.36 ||

जिसके पास धन है वही पराक्रमी कहलाता है, जिसके पास धन है वही बुद्धिमान कहलाता है, जिसके पास धन है वही भाग्यशाली है, जिसके पास धन है वही गुणवान है।

श्लोक 37 (yuddha.83.37)

अर्थस्यैते परित्यागे दोषाः प्रव्याहृता मया। राज्यमुत्सृजता वीर येन बुद्धिस्त्वया कृता॥ 83.37 ॥

arthasyaite parityāge doṣāḥ pravyāhṛtā mayā | rājyamutsṛjatā vīra yena buddhistvayā kṛtā || 83.37 ||

हे वीर! धन त्यागने से होने वाले इन दोषों को मैंने तुम्हें बताया — जिस विचार से तुमने राज्य त्यागा था, वह मुझे ज्ञात नहीं था।

श्लोक 38 (yuddha.83.38)

यस्यार्था धर्मकामार्थास्तस्य सर्वं प्रदक्षिणम्। अधनेनार्थकामेन नार्थः शक्यो विचिन्वता॥ 83.38 ॥

yasyārthā dharmakāmārthāstasya sarvaṃ pradakṣiṇam | adhanenārthakāmena nārthaḥ śakyo vicinvatā || 83.38 ||

जिसके पास धन है उसे धर्म, काम और अर्थ सब सहज ही प्राप्त होते हैं; परन्तु निर्धन, धन का इच्छुक और उसकी खोज करने वाला व्यक्ति धन नहीं पा सकता।

श्लोक 39 (yuddha.83.39)

हर्षः कामश्च दर्पश्च धर्मः क्रोधः शमो दमः। अर्थादेतानि सर्वाणि प्रवर्तन्ते नराधिप॥ 83.39 ॥

harṣaḥ kāmaśca darpaśca dharmaḥ krodhaḥ śamo damaḥ | arthādetāni sarvāṇi pravartante narādhipa || 83.39 ||

हे राजन्! हर्ष, काम, दर्प, धर्म, क्रोध, शम और दम — ये सब धन से ही उत्पन्न होते हैं।

श्लोक 40 (yuddha.83.40)

येषां नश्यत्ययं लोकश्चरतां धर्मचारिणाम्। तेऽर्थास्त्वयि न दृश्यन्ते दुर्दिनेषु यथा ग्रहाः॥ 83.40 ॥

yeṣāṃ naśyatyayaṃ lokaścaratāṃ dharmacāriṇām | te'rthāstvayi na dṛśyante durdineṣu yathā grahāḥ || 83.40 ||

वे संपत्तियाँ, जिनके बिना धर्मपरायण पुरुषों का लौकिक जीवन भी नष्ट हो जाता है, तुममें कहीं दिखाई नहीं देतीं — जैसे बादलों भरे दिन में ग्रह दिखाई नहीं देते।

श्लोक 41 (yuddha.83.41)

त्वयि प्रव्रजिते वीर गुरोश् च वचने स्थिते। रक्षसापहृता भार्या प्राणैः प्रियतरा तव॥ 83.41 ॥

tvayi pravrajite vīra guroś ca vacane sthite | rakṣasāpahṛtā bhāryā prāṇaiḥ priyatarā tava || 83.41 ||

हे वीर! तुम पिता के वचन में स्थित रहकर वन को गए, और उधर उस राक्षस ने तुम्हारी प्राणों से भी प्रिय पत्नी को हर लिया।

श्लोक 42 (yuddha.83.42)

तदद्य विपुलं वीर दुःखमिन्द्रजिता कृतम्। कर्मणा व्यपनेष्यामि तस्मादुत्तिष्ठ राघव॥ 83.42 ॥

tadadya vipulaṃ vīra duḥkhamindrajitā kṛtam | karmaṇā vyapaneṣyāmi tasmāduttiṣṭha rāghava || 83.42 ||

हे वीर! इन्द्रजित् द्वारा दिया गया यह भारी दुःख मैं आज ही अपने पराक्रम से दूर कर दूँगा; इसलिए हे राघव, उठो!

श्लोक 43 (yuddha.83.43)

उत्तिष्ठ नरशार्दूल दीर्घबाहो धृतव्रत। किमात्मानं महात्मानं कृतात्मानं न बुध्यसे॥ 83.43 ॥

uttiṣṭha naraśārdūla dīrghabāho dhṛtavrata | kimātmānaṃ mahātmānaṃ kṛtātmānaṃ na budhyase || 83.43 ||

हे नरश्रेष्ठ! हे दीर्घबाहु! हे दृढ़व्रत! उठो! तुम अपनी उस महात्मा, संयमी आत्मा को क्यों नहीं पहचानते?

श्लोक 44 (yuddha.83.44)

अयमनघ तवोदितः प्रियार्थं जनकसुता निधनं निरीक्ष्य रुष्टः। सहयगजरथां सराक्षसेन्द्रां भृशमिषुभिर्विनिपातयामि लङ्काम्॥ 83.44 ॥

ayamanagha tavoditaḥ priyārthaṃ janakasutā nidhanaṃ nirīkṣya ruṣṭaḥ | sahayagajarathāṃ sarākṣasendrāṃ bhṛśamiṣubhirvinipātayāmi laṅkām || 83.44 ||

हे अनघ! जनकपुत्री की मृत्यु देखकर क्रुद्ध होकर मैं तुम्हारे प्रिय के लिए उठा हूँ: अपने बाणों से मैं हाथी, घोड़े, रथों और राक्षसराज सहित सम्पूर्ण लंका को नष्ट कर दूँगा।"