विभीषण का भेद-उद्घाटन

श्लोक 1 (yuddha.84.1)

राममाश्वासयाने तु लक्ष्मणे भ्रातृवत्सले। निक्षिप्य गुल्मान्स्वस्थाने तत्रागच्छद्विभीषणः॥ 84.1 ॥

rāmamāśvāsayāne tu lakṣmaṇe bhrātṛvatsale | nikṣipya gulmānsvasthāne tatrāgacchadvibhīṣaṇaḥ || 84.1 ||

जब भ्रातृवत्सल लक्ष्मण राम को सांत्वना दे रहे थे, तब विभीषण अपनी सेना की टुकड़ियों को यथास्थान नियुक्त करके वहाँ आ पहुँचे।

श्लोक 2 (yuddha.84.2)

नानाप्रहरणैर्वीरैश्चतुर्भिः सचिवैर्वृतः। नीलाञ्जनचयाकारैर्मातङ्गैरिव यूथपः॥ 84.2 ॥

nānāpraharaṇairvīraiścaturbhiḥ sacivairvṛtaḥ | nīlāñjanacayākārairmātaṅgairiva yūthapaḥ || 84.2 ||

विभिन्न प्रकार के शस्त्रों से सुसज्जित चार वीर मंत्रियों से घिरे, काजल के ढेर के समान श्यामवर्ण, यूथपति गजराजों के समान वे—

श्लोक 3 (yuddha.84.3)

सोऽभिगम्य महात्मानं राघवं शोकलालसं। वानरांश्चैव ददृशे बाष्पपर्याकुलेक्षणान्॥ 84.3 ॥

so'bhigamya mahātmānaṃ rāghavaṃ śokalālasam | vānarāṃścaiva dadṛśe bāṣpaparyākulekṣaṇān || 84.3 ||

—वह विभीषण शोकमग्न महात्मा राघव के पास पहुँचा और उसने वानरों को भी आँसुओं से भरी आँखों वाला देखा।

श्लोक 4 (yuddha.84.4)

राघवं च महात्मानमिक्ष्वाकुकुलनन्दनम्। ददर्श मोहमापन्नं लक्ष्मणस्याङ्कमाश्रितम्॥ 84.4 ॥

rāghavaṃ ca mahātmānamikṣvākukulanandanam | dadarśa mohamāpannaṃ lakṣmaṇasyāṅkamāśritam || 84.4 ||

उसने इक्ष्वाकुकुल के आनंददायक महात्मा राघव को मूर्च्छित होकर लक्ष्मण की गोद में पड़ा हुआ देखा।

श्लोक 5 (yuddha.84.5)

व्रीडितं शोकसन्तप्तं दृष्ट्वा रामं विभीषणः। अन्तर्दुःखेन दीनात्मा किमेतदिति सोऽब्रवीत्॥ 84.5 ॥

vrīḍitaṃ śokasantaptaṃ dṛṣṭvā rāmaṃ vibhīṣaṇaḥ | antarduḥkhena dīnātmā kimetaditi so'bravīt || 84.5 ||

शोक से संतप्त और लज्जित राम को देखकर विभीषण का हृदय भीतर ही भीतर दुःखी हो उठा और उसने पूछा, "यह क्या हुआ?"

श्लोक 6 (yuddha.84.6)

विभीषण मुखं दृष्ट्वा सुग्रीवं तांश्च वानरान्। उवाच लक्ष्मणो वाक्यमिदं बाष्पपरिप्लुतः॥ 84.6 ॥

vibhīṣaṇa mukhaṃ dṛṣṭvā sugrīvaṃ tāṃśca vānarān | uvāca lakṣmaṇo vākyamidaṃ bāṣpapariplutaḥ || 84.6 ||

विभीषण के मुख, सुग्रीव और उन वानरों की ओर देखकर, आँसुओं से भीगे हुए लक्ष्मण ने यह वचन कहा।

श्लोक 7 (yuddha.84.7)

हतामिन्द्रजिता सीतामिह श्रुत्वैव राघवः। हनूमद्वचनात्सौम्य ततो मोहमुपागतः॥ 84.7 ॥

hatāmindrajitā sītāmiha śrutvaiva rāghavaḥ | hanūmadvacanātsaumya tato mohamupāgataḥ || 84.7 ||

"हे सौम्य! हनुमान् के मुख से यह सुनते ही कि सीता को इन्द्रजित् ने मार डाला है, राघव मूर्च्छित हो गए।

श्लोक 8 (yuddha.84.8)

कथयन्तं तु सौमित्रिं संनिवार्य विभीषणः। पुष्कलार्थमिदं वाक्यं विसंज्ञं राममब्रवीत्॥ 84.8 ॥

kathayantaṃ tu saumitriṃ saṃnivārya vibhīṣaṇaḥ | puṣkalārthamidaṃ vākyaṃ visaṃjñaṃ rāmamabravīt || 84.8 ||

इस प्रकार कहते हुए सौमित्र को रोककर विभीषण ने मूर्च्छित राम से यह अर्थपूर्ण वचन कहा।

श्लोक 9 (yuddha.84.9)

मनुजेन्द्रार्तरूपेण यदुक्तस्त्वं हनूमता। तदयुक्तमहं मन्ये सागरस्येव शोषणम्॥ 84.9 ॥

manujendrārtarūpeṇa yaduktastvaṃ hanūmatā | tadayuktamahaṃ manye sāgarasyeva śoṣaṇam || 84.9 ||

"हे नरेश्वर! व्याकुल हनुमान् ने आपसे जो कहा है, उसे मैं समुद्र के सूख जाने के समान असंभव मानता हूँ।

श्लोक 10 (yuddha.84.10)

अभिप्रायं तु जानामि रावणस्य दुरात्मनः। सीतां प्रति महाबाहो न च घातं करिष्यति॥ 84.10 ॥

abhiprāyaṃ tu jānāmi rāvaṇasya durātmanaḥ | sītāṃ prati mahābāho na ca ghātaṃ kariṣyati || 84.10 ||

"हे महाबाहो! मैं दुरात्मा रावण का अभिप्राय जानता हूँ; वह सीता के प्रति कभी हिंसा नहीं करेगा।

श्लोक 11 (yuddha.84.11)

याच्यमानः सुबहुशो मया हितचिकीर्षुणा। वैदेहीमुत्सृजस्वेति न च तत्कृतवान्वचः॥ 84.11 ॥

yācyamānaḥ subahuśo mayā hitacikīrṣuṇā | vaidehīmutsṛjasveti na ca tatkṛtavānvacaḥ || 84.11 ||

"मैंने उसके हित की कामना से उससे बार-बार विनती की कि वैदेही को छोड़ दे, किंतु उसने मेरी वह बात कभी नहीं मानी।

श्लोक 12 (yuddha.84.12)

नैव साम्ना न भेदेन न दानेन कुतो युधा। सा द्रष्टुमपि शक्येत नैव चान्येन केन चित्॥ 84.12 ॥

naiva sāmnā na bhedena na dānena kuto yudhā | sā draṣṭumapi śakyeta naiva cānyena kena cit || 84.12 ||

"उसे न तो साम से, न भेद से, न दान से, और युद्ध से तो कदापि नहीं — न ही किसी अन्य उपाय से देखा जा सकता है।

श्लोक 13 (yuddha.84.13)

वानरान्मोहयित्वा तु प्रतियातः स राक्षसः। मायामयीं महाबाहो तां विद्धि जनकात्मजाम्॥ 84.13 ॥

vānarānmohayitvā tu pratiyātaḥ sa rākṣasaḥ | māyāmayīṃ mahābāho tāṃ viddhi janakātmajām || 84.13 ||

"उस राक्षस ने वानरों को भ्रमित करके अपना काम पूरा किया और लौट गया; हे महाबाहो! जान लो कि वह जनकपुत्री केवल मायामयी थी।

श्लोक 14 (yuddha.84.14)

चैत्यं निकुम्भिलामद्य प्राप्य होमं करिष्यति। हुतवानुपयातो हि देवैरपि सवासवैः॥ 84.14 ॥

caityaṃ nikumbhilāmadya prāpya homaṃ kariṣyati | hutavānupayāto hi devairapi savāsavaiḥ || 84.14 ||

"आज ही उस चैत्य निकुम्भिला में पहुँचकर वह हवन करेगा; और आहुति पूर्ण करके लौटने पर वह—

श्लोक 15 (yuddha.84.15)

दुराधर्षो भवत्येष संग्रामे रावणात्मजः। तेन मोहयता नूनमेषा माया प्रयोजिता॥ 84.15 ॥

durādharṣo bhavatyeṣa saṃgrāme rāvaṇātmajaḥ | tena mohayatā nūnameṣā māyā prayojitā || 84.15 ||

—युद्ध में इन्द्र सहित देवताओं के लिए भी अजेय, यह रावणपुत्र। निश्चय ही उसने हमें भ्रमित करने के लिए यह माया रची,

श्लोक 16 (yuddha.84.16)

विघ्नमन्विच्छता तत्र वानराणां पराक्रमे। ससैन्यास्तत्र गच्छामो यावत्तन्न समाप्यते॥ 84.16 ॥

vighnamanvicchatā tatra vānarāṇāṃ parākrame | sasainyāstatra gacchāmo yāvattanna samāpyate || 84.16 ||

—इस आशा में कि वानरों के पराक्रम से कोई विघ्न उत्पन्न हो जाए। उस यज्ञ के पूर्ण होने से पहले ही हम सेना सहित वहाँ चलें।

श्लोक 17 (yuddha.84.17)

त्यजैनं नरशार्दूल मिथ्या संतापमागतम्। सीदते हि बलं सर्वं दृष्ट्वा त्वां शोककर्शितम्॥ 84.17 ॥

tyajainaṃ naraśārdūla mithyā saṃtāpamāgatam | sīdate hi balaṃ sarvaṃ dṛṣṭvā tvāṃ śokakarśitam || 84.17 ||

"हे नरश्रेष्ठ! इस मिथ्या शोक को त्याग दो, जो तुम पर आ पड़ा है; तुम्हें शोक से क्षीण देखकर सारी सेना विषाद में डूबी जा रही है।

श्लोक 18 (yuddha.84.18)

इह त्वं स्वस्थहृदयस्तिष्ठ सत्त्वसमुच्छ्रितः। लक्ष्मणं प्रेषयास्माभिः सह सैन्यानुकर्षिभिः॥ 84.18 ॥

iha tvaṃ svasthahṛdayastiṣṭha sattvasamucchritaḥ | lakṣmaṇaṃ preṣayāsmābhiḥ saha sainyānukarṣibhiḥ || 84.18 ||

"तुम स्वयं यहीं स्थिर हृदय और उन्नत साहस के साथ रहो; सेना जुटाने वाले हम लोगों के साथ लक्ष्मण को भेज दो।"

श्लोक 19 (yuddha.84.19)

एष तं नरशार्दूलो रावणिं निशितैः शरैः। त्याजयिष्यति तत्कर्म ततो वध्यो भविष्यति॥ 84.19 ॥

eṣa taṃ naraśārdūlo rāvaṇiṃ niśitaiḥ śaraiḥ | tyājayiṣyati tatkarma tato vadhyo bhaviṣyati || 84.19 ||

"यह नरश्रेष्ठ लक्ष्मण अपने तीक्ष्ण बाणों से इन्द्रजित् को उस यज्ञ-कर्म को छोड़ने पर विवश कर देगा; तब वह वध के योग्य हो जाएगा।

श्लोक 20 (yuddha.84.20)

तस्यैते निशितास्तीक्ष्णाः पत्रिपत्राङ्गवाजिनः। पतत्रिण इवासौम्याः शराः पास्यन्ति शोणितम्॥ 84.20 ॥

tasyaite niśitāstīkṣṇāḥ patripatrāṅgavājinaḥ | patatriṇa ivāsaumyāḥ śarāḥ pāsyanti śoṇitam || 84.20 ||

"उसके ये तीक्ष्ण, प्रचंड, पक्षी के पंखों के समान वेगवान बाण उसका रक्त पी लेंगे, मानो अशुभ पक्षी हों।

श्लोक 21 (yuddha.84.21)

तत्सन्दिश महाबाहो लक्ष्मणं शुभलक्षणम्। राक्षसस्य विनाशाय वज्रं वज्रधरो यथा॥ 84.21 ॥

tatsandiśa mahābāho lakṣmaṇaṃ śubhalakṣaṇam | rākṣasasya vināśāya vajraṃ vajradharo yathā || 84.21 ||

"इसलिए हे महाबाहो! शुभलक्षण लक्ष्मण को उस राक्षस के विनाश के लिए भेज दो — जैसे वज्रधर इन्द्र वज्र को भेजता है।

श्लोक 22 (yuddha.84.22)

मनुजवर न कालविप्रकर्षो रिपुनिधनं प्रति यत्क्षमोऽद्य कर्तुम्। त्वमतिसृज रिपोर्वधाय वज्रं दिविजरिपोर्मथने यथा महेन्द्रः॥ 84.22 ॥

manujavara na kālaviprakarṣo ripunidhanaṃ prati yatkṣamo'dya kartum | tvamatisṛja riporvadhāya vajraṃ divijaripormathane yathā mahendraḥ || 84.22 ||

"हे नरश्रेष्ठ! अब शत्रु के विनाश में और विलंब करना उचित नहीं है; जैसे महेंद्र ने असुरों की नगरी के विनाश में वज्र का प्रयोग किया था, वैसे ही तुम शत्रु-वध के लिए वज्र को छोड़ दो।"

श्लोक 23 (yuddha.84.23)

समाप्तकर्मा हि स राक्षसेन्द्रो भवत्यदृश्यः समरे सुरासुरैः। युयुत्सता तेन समाप्तकर्मणा भवेत्सुराणामपि संशयो महान्॥ 84.23 ॥

samāptakarmā hi sa rākṣasendro bhavatyadṛśyaḥ samare surāsuraiḥ | yuyutsatā tena samāptakarmaṇā bhavetsurāṇāmapi saṃśayo mahān || 84.23 ||

"क्योंकि वह यज्ञ पूर्ण करके यह राक्षसराज युद्ध में देवताओं और असुरों दोनों के लिए भी अदृश्य हो जाता है; और यदि वह यज्ञ पूर्ण करके युद्ध की इच्छा से आ जाए, तो देवताओं को भी बड़ा भय होगा।"