लक्ष्मण का निकुम्भिला-प्रस्थान

श्लोक 1 (yuddha.85.1)

तत्तस्य वचनं श्रुत्वा राघवः शोककश्मितः। नोपधारयते व्यक्तं यदुक्तं तेन रक्षसा॥ 85.1 ॥

tattasya vacanaṃ śrutvā rāghavaḥ śokakaśmitaḥ | nopadhārayate vyaktaṃ yaduktaṃ tena rakṣasā || 85.1 ||

विभीषण के उन वचनों को सुनकर शोक से क्षीण राघव उस राक्षस ने जो कहा था, उसे स्पष्ट रूप से समझ नहीं सके।

श्लोक 2 (yuddha.85.2)

ततो धैर्यमवष्टभ्य रामः परपुरंजयः। विभीषणमुपासीनमुवाच कपिसंनिधौ॥ 85.2 ॥

tato dhairyamavaṣṭabhya rāmaḥ parapuraṃjayaḥ | vibhīṣaṇamupāsīnamuvāca kapisaṃnidhau || 85.2 ||

तब शत्रुओं के नगर जीतने वाले राम ने धैर्य धारण कर, वानरों के समक्ष बैठे हुए विभीषण से कहा।

श्लोक 3 (yuddha.85.3)

नैरृताधिपते वाक्यं यदुक्तं ते विभीषण। भूयस्तच्छ्रोतुमिच्छामि ब्रूहि यत्ते विवक्षितम्॥ 85.3 ॥

nairṛtādhipate vākyaṃ yaduktaṃ te vibhīṣaṇa | bhūyastacchrotumicchāmi brūhi yatte vivakṣitam || 85.3 ||

"हे राक्षसाधिपते विभीषण! तुमने जो कहा है, उसे मैं फिर से सुनना चाहता हूँ; जो कुछ तुम कहना चाहते हो, वह मुझे बताओ।

श्लोक 4 (yuddha.85.4)

राघवस्य वचः श्रुत्वा वाक्यं वाक्यविशारदः। यत्तत्पुनरिदं वाक्यं बभाषेऽथ विभीषणः॥ 85.4 ॥

rāghavasya vacaḥ śrutvā vākyaṃ vākyaviśāradaḥ | yattatpunaridaṃ vākyaṃ babhāṣe'tha vibhīṣaṇaḥ || 85.4 ||

राघव के वचन सुनकर वाक्य-कुशल विभीषण ने पुनः वही बात इस प्रकार कही।

श्लोक 5 (yuddha.85.5)

यथाज्ञप्तं महाबाहो त्वया गुल्मनिवेशनम्। तत्तथानुष्ठितं वीर त्वद्वाक्यसमनन्तरम्॥ 85.5 ॥

yathājñaptaṃ mahābāho tvayā gulmaniveśanam | tattathānuṣṭhitaṃ vīra tvadvākyasamanantaram || 85.5 ||

"हे महाबाहु वीर! जैसा तुमने आदेश दिया था, वैसी ही सेना की व्यूह-रचना तुम्हारे आदेश के तुरंत बाद कर दी गई।

श्लोक 6 (yuddha.85.6)

तान्यनीकानि सर्वाणि विभक्तानि समन्ततः। विन्यस्ता यूथपाश्चैव यथान्यायं विभागशः॥ 85.6 ॥

tānyanīkāni sarvāṇi vibhaktāni samantataḥ | vinyastā yūthapāścaiva yathānyāyaṃ vibhāgaśaḥ || 85.6 ||

"वे सभी सेनाएँ चारों ओर विभाजित की जा चुकी हैं, और यूथपतियों को भी उनके पद के अनुसार यथोचित नियुक्त किया जा चुका है।

श्लोक 7 (yuddha.85.7)

भूयस्तु मम विज्ञाप्यं तच्छृणुष्व महाप्रभो। त्वय्यकारणसन्तप्ते सन्तप्तहृदया वयम्॥ 85.7 ॥

bhūyastu mama vijñāpyaṃ tacchṛṇuṣva mahāprabho | tvayyakāraṇasantapte santaptahṛdayā vayam || 85.7 ||

"हे महाप्रभो! मुझे आपसे कुछ और भी निवेदन करना है, सुनिए। आपके निष्कारण संतप्त होने से हमारे हृदय भी दुःखी हैं।

श्लोक 8 (yuddha.85.8)

त्यज राजन्निमं शोकं मिथ्यासंतापमागतम्। तदियं त्यज्यतां चिन्ता शत्रुहर्षविवर्धिनी॥ 85.8 ॥

tyaja rājannimaṃ śokaṃ mithyāsaṃtāpamāgatam | tadiyaṃ tyajyatāṃ cintā śatruharṣavivardhinī || 85.8 ||

"हे राजन्! इस मिथ्या शोक-संताप को त्याग दीजिए; और यह चिंता, जो शत्रुओं के हर्ष को बढ़ाती है, इसे भी त्याग दीजिए।

श्लोक 9 (yuddha.85.9)

उद्यमः क्रियतां वीर हर्षः समुपसेव्यताम्। प्राप्तव्या यदि ते सीता हन्तव्याश्च निशाचराः॥ 85.9 ॥

udyamaḥ kriyatāṃ vīra harṣaḥ samupasevyatām | prāptavyā yadi te sītā hantavyāśca niśācarāḥ || 85.9 ||

"हे वीर! उद्यम करो और हर्ष का आश्रय लो — यदि तुम्हें सीता को पाना है और निशाचरों का वध करना है।

श्लोक 10 (yuddha.85.10)

रघुनन्दन वक्ष्यामि श्रूयतां मे हितं वचः। साध्वयं यातु सौमित्रिर्बलेन महता वृतः॥ 85.10 ॥

raghunandana vakṣyāmi śrūyatāṃ me hitaṃ vacaḥ | sādhvayaṃ yātu saumitrirbalena mahatā vṛtaḥ || 85.10 ||

"हे रघुनन्दन! मैं कहता हूँ, मेरा हितकर वचन सुनिए: यह सौमित्र विशाल सेना सहित शीघ्र प्रस्थान करे,

श्लोक 11 (yuddha.85.11)

निकुम्भिलायां संप्राप्तं हन्तुं रावणिमाहवे। धनुर्मण्डलनिर्मुक्तैराशीविषविषोपमैः॥ 85.11 ॥

nikumbhilāyāṃ saṃprāptaṃ hantuṃ rāvaṇimāhave | dhanurmaṇḍalanirmuktairāśīviṣaviṣopamaiḥ || 85.11 ||

—और उस निकुम्भिला पहुँचे हुए रावणि (इन्द्रजित्) का युद्ध में वध करे, अपने धनुष-मंडल से छूटे हुए सर्प-विष के समान भयंकर बाणों से।

श्लोक 12 (yuddha.85.12)

तेन वीरेण तपसा वरदानात्स्वयंभुवः। अस्त्रं ब्रह्मशिरः प्राप्तं कामगाश्च तुरंगमाः॥ 85.12 ॥

tena vīreṇa tapasā varadānātsvayaṃbhuvaḥ | astraṃ brahmaśiraḥ prāptaṃ kāmagāśca turaṃgamāḥ || 85.12 ||

"उस वीर इन्द्रजित् ने अपनी तपस्या से और स्वयंभू ब्रह्मा के वरदान से ब्रह्मशिर नामक अस्त्र और इच्छानुसार चलने वाले घोड़े प्राप्त किए हैं।

श्लोक 13 (yuddha.85.13)

स एष सह सैन्येन प्राप्तः किल निकुम्भिलाम्। यद्युत्तिष्ठेत्कृतं कर्म हतान्सर्वांश्च विद्धि नः॥ 85.13 ॥

sa eṣa saha sainyena prāptaḥ kila nikumbhilām | yadyuttiṣṭhetkṛtaṃ karma hatānsarvāṃśca viddhi naḥ || 85.13 ||

"वही इन्द्रजित् अपनी सेना सहित निकुम्भिला पहुँच चुका है, ऐसा सुना है; यदि उसने अपना यज्ञ पूर्ण करके प्रस्थान किया, तो जान लीजिए, हम सब मारे गए समझो।

श्लोक 14 (yuddha.85.14)

निकुम्भिलामसंप्राप्तमहुताग्निं च यो रिपुः। त्वामातायिनं हन्यादिन्द्रशत्रो स ते वधः॥ 85.14 ॥

nikumbhilāmasaṃprāptamahutāgniṃ ca yo ripuḥ | tvāmātāyinaṃ hanyādindraśatro sa te vadhaḥ || 85.14 ||

'हे इन्द्रशत्रु! जो शत्रु तुम्हें निकुम्भिला पहुँचने या अग्नि में आहुति देने से पहले ही, धनुष चढ़ाए हुए मार गिराए, वही तुम्हारे वध का कारण बनेगा।'

श्लोक 15 (yuddha.85.15)

वरो दत्तो महाबाहो सर्वलोकेश्वरेण वै। इत्येवं विहितो राजन्वधस्तस्यैष धीमतः॥ 85.15 ॥

varo datto mahābāho sarvalokeśvareṇa vai | ityevaṃ vihito rājanvadhastasyaiṣa dhīmataḥ || 85.15 ||

"हे महाबाहो! सर्वलोकेश्वर ब्रह्मा ने यही वर दिया था; हे राजन्! इस प्रकार उस बुद्धिमान् इन्द्रजित् के वध की विधि पहले से ही निश्चित है।

श्लोक 16 (yuddha.85.16)

वधायेन्द्रजितो राम संदिशस्व महाबल। हते तस्मिन् हतं विद्धि रावणं ससुहृद्गणम्॥ 85.16 ॥

vadhāyendrajito rāma saṃdiśasva mahābala | hate tasmin hataṃ viddhi rāvaṇaṃ sasuhṛdgaṇam || 85.16 ||

"हे महाबल राम! इन्द्रजित् के वध के लिए आज्ञा दीजिए; उसके मारे जाने पर जान लीजिए कि रावण भी अपने सभी सुहृदों सहित मारा गया।"

श्लोक 17 (yuddha.85.17)

विभीषणवचः श्रुत्वा रामो वाक्यमथाब्रवीत्। जानामि तस्य रौद्रस्य मायां सत्यपराक्रम॥ 85.17 ॥

vibhīṣaṇavacaḥ śrutvā rāmo vākyamathābravīt | jānāmi tasya raudrasya māyāṃ satyaparākrama || 85.17 ||

विभीषण के वचन सुनकर राम ने कहा: "हे सत्यपराक्रमी विभीषण! मैं उस भयंकर इन्द्रजित् की माया को जानता हूँ।

श्लोक 18 (yuddha.85.18)

स हि ब्रह्मस्त्रवित्प्राज्ञो महामायो महाबलः। करोत्यसम्ज्ञान् संग्रामे देवान्सवरुणानपि॥ 85.18 ॥

sa hi brahmastravitprājño mahāmāyo mahābalaḥ | karotyasamjñān saṃgrāme devānsavaruṇānapi || 85.18 ||

"वह ब्रह्मास्त्र का ज्ञाता, बुद्धिमान, महामायावी और महाबली है — वह युद्ध में वरुण सहित देवताओं को भी अचेत कर सकता है।

श्लोक 19 (yuddha.85.19)

तस्यान्तरिक्षे चरतः सरथस्य महायशः। न गतिर्ज्ञायते वीर सूर्यस्येवाभ्रसंप्लवे॥ 85.19 ॥

tasyāntarikṣe carataḥ sarathasya mahāyaśaḥ | na gatirjñāyate vīra sūryasyevābhrasaṃplave || 85.19 ||

"हे यशस्वी वीर! जब वह आकाश में अपने रथ पर विचरण करता है, तब उसकी गति वैसे ही ज्ञात नहीं होती, जैसे बादलों के बीच सूर्य की गति नहीं दिखाई देती।

श्लोक 20 (yuddha.85.20)

राघवस्तु रिपोर्ज्ञत्वा मायावीर्यं दुरात्मनः। लक्ष्मणं कीर्तिसंपन्नमिदं वचनमब्रवीत्॥ 85.20 ॥

rāghavastu riporjñatvā māyāvīryaṃ durātmanaḥ | lakṣmaṇaṃ kīrtisaṃpannamidaṃ vacanamabravīt || 85.20 ||

तब राघव ने उस दुरात्मा शत्रु की माया-शक्ति को जानकर, यशस्वी लक्ष्मण से यह वचन कहा।

श्लोक 21 (yuddha.85.21)

यद्वानरेन्द्रस्य बलं तेन सर्वेण संवृतः। हनूमत्प्रमुखैश्चैव यूथपैः सह लक्ष्मण॥ 85.21 ॥

yadvānarendrasya balaṃ tena sarveṇa saṃvṛtaḥ | hanūmatpramukhaiścaiva yūthapaiḥ saha lakṣmaṇa || 85.21 ||

"हे लक्ष्मण! वानरराज सुग्रीव की सम्पूर्ण सेना और हनुमान् आदि यूथपतियों से घिरे हुए,

श्लोक 22 (yuddha.85.22)

जाम्बवेनार्क्षपतिना सहसैन्येन संवृतः। जहि तं राक्षससुतं मायाबलसमन्वितम्॥ 85.22 ॥

jāmbavenārkṣapatinā sahasainyena saṃvṛtaḥ | jahi taṃ rākṣasasutaṃ māyābalasamanvitam || 85.22 ||

—और भालुओं के राजा जाम्बवान् की सेना सहित, तुम माया-बल से युक्त उस राक्षसपुत्र का वध करो।

श्लोक 23 (yuddha.85.23)

अयं त्वां सचिवैः सार्धं महात्मा रजनीचरः। अभिज्ञस्तस्य मायानां पृष्ठतोऽनुगमिष्यति॥ 85.23 ॥

ayaṃ tvāṃ sacivaiḥ sārdhaṃ mahātmā rajanīcaraḥ | abhijñastasya māyānāṃ pṛṣṭhato'nugamiṣyati || 85.23 ||

"यह महात्मा निशाचर विभीषण, जो उसकी सभी मायाओं को जानता है, अपने मंत्रियों के साथ तुम्हारे पीछे-पीछे चलेगा।"

श्लोक 24 (yuddha.85.24)

राघवस्य वचः श्रुत्वा लक्ष्मणः सविभीषणः। जग्राह कार्मुकश्रेष्ठमत्यद्भुतपराक्रमः॥ 85.24 ॥

rāghavasya vacaḥ śrutvā lakṣmaṇaḥ savibhīṣaṇaḥ | jagrāha kārmukaśreṣṭhamatyadbhutaparākramaḥ || 85.24 ||

राघव के वचन सुनकर अद्भुत पराक्रमी लक्ष्मण ने विभीषण के साथ अपना श्रेष्ठ धनुष उठा लिया।

श्लोक 25 (yuddha.85.25)

संनद्धः कवची खड्गी सशरो वामचापभृत्। रामपादावुपस्पृश्य हृष्टः सौमित्रिरब्रवीत्॥ 85.25 ॥

saṃnaddhaḥ kavacī khaḍgī saśaro vāmacāpabhṛt | rāmapādāvupaspṛśya hṛṣṭaḥ saumitrirabravīt || 85.25 ||

कवच धारण किए, तलवार और बाणों सहित, बायें हाथ में धनुष लिए, सौमित्र ने प्रसन्न होकर राम के चरण स्पर्श किए और कहा—

श्लोक 26 (yuddha.85.26)

अद्य मत्कार्मुकोन्मुक्ताः शरा निर्भिद्य रावणिम्। लङ्कामभिपतिष्यन्ति हंसाः पुष्करिणीमिव॥ 85.26 ॥

adya matkārmukonmuktāḥ śarā nirbhidya rāvaṇim | laṅkāmabhipatiṣyanti haṃsāḥ puṣkariṇīmiva || 85.26 ||

"आज मेरे धनुष से छूटे बाण रावणि को भेदकर उसी प्रकार लंका पर गिरेंगे, जैसे हंस किसी कमल-सरोवर पर उतरते हैं।

श्लोक 27 (yuddha.85.27)

अद्यैव तस्य रौद्रस्य शरीरं मामकाः शराः। विधमिष्यन्ति भित्त्वा तं महाचापगुणच्युताः॥ 85.27 ॥

adyaiva tasya raudrasya śarīraṃ māmakāḥ śarāḥ | vidhamiṣyanti bhittvā taṃ mahācāpaguṇacyutāḥ || 85.27 ||

"आज ही मेरे इस विशाल धनुष की प्रत्यंचा से छूटे बाण उस भयंकर इन्द्रजित् के शरीर को भेदकर छिन्न-भिन्न कर देंगे।"

श्लोक 28 (yuddha.85.28)

एवमुक्त्वा तु वचनम् द्युतिमान् भ्रातुरग्रतः। स रावणिवधाकाङ्क्षी लक्ष्मणस्त्वरितं ययौ॥ 85.28 ॥

evamuktvā tu vacanam dyutimān bhrāturagrataḥ | sa rāvaṇivadhākāṅkṣī lakṣmaṇastvaritaṃ yayau || 85.28 ||

भाई के समक्ष यह कहकर तेजस्वी लक्ष्मण, रावणि के वध की इच्छा से शीघ्र ही चल पड़े।

श्लोक 29 (yuddha.85.29)

सोऽभिवाद्य गुरोः पादौ कृत्वा चापि प्रदक्षिणं। निकुम्भिलामभिययौ चैत्यं रावणिपालितम्॥ 85.29 ॥

so'bhivādya guroḥ pādau kṛtvā cāpi pradakṣiṇaṃ | nikumbhilāmabhiyayau caityaṃ rāvaṇipālitam || 85.29 ||

बड़े भाई के चरणों को नमस्कार कर और उनकी प्रदक्षिणा करके, लक्ष्मण रावणि द्वारा रक्षित निकुम्भिला-चैत्य की ओर चल पड़े।

श्लोक 30 (yuddha.85.30)

विभीषणेन सहितो राजपुत्रः प्रतापवान्। कृतस्वस्त्ययनो भ्रात्रा लक्ष्मणस्त्वरितो ययौ॥ 85.30 ॥

vibhīṣaṇena sahito rājaputraḥ pratāpavān | kṛtasvastyayano bhrātrā lakṣmaṇastvarito yayau || 85.30 ||

प्रतापी राजकुमार लक्ष्मण, भाई से आशीर्वाद पाकर विभीषण के साथ शीघ्रता से चल पड़े।

श्लोक 31 (yuddha.85.31)

वानराणाम् सहस्रैस्तु हनुमान् बहुभिर्वृतः। विभीषणश्च सामात्यो तदा लक्ष्मणमन्वगात्॥ 85.31 ॥

vānarāṇām sahasraistu hanumān bahubhirvṛtaḥ | vibhīṣaṇaśca sāmātyo tadā lakṣmaṇamanvagāt || 85.31 ||

तब हनुमान् हजारों वानरों के साथ, और विभीषण अपने मंत्रियों सहित, लक्ष्मण के पीछे-पीछे चले।

श्लोक 32 (yuddha.85.32)

महता हरिसैन्येन सवेगमभिसंवृतः। ऋक्षराजबलं चैव ददर्श पथि विष्ठितम्॥ 85.32 ॥

mahatā harisainyena savegamabhisaṃvṛtaḥ | ṛkṣarājabalaṃ caiva dadarśa pathi viṣṭhitam || 85.32 ||

विशाल वानर-सेना से वेगपूर्वक घिरे हुए लक्ष्मण ने मार्ग में खड़ी हुई भालू-सेना को भी देखा।

श्लोक 33 (yuddha.85.33)

स गत्वा दूरमध्वानं सौमित्रिर्मित्रनन्दनः। राक्षसेन्द्रबलं दूरादपश्यद्व्यूहमाश्रितम्॥ 85.33 ॥

sa gatvā dūramadhvānaṃ saumitrirmitranandanaḥ | rākṣasendrabalaṃ dūrādapaśyadvyūhamāśritam || 85.33 ||

बहुत दूर तक चलकर, मित्रों को प्रिय सौमित्र ने दूर से ही व्यूह-रचना में खड़ी राक्षस-सेना को देखा।

श्लोक 34 (yuddha.85.34)

स तं प्राप्य धनुष्पाणिर्मायायोगमरिंदमः। तस्थौ ब्रह्मविधानेन विजेतुं रघुनन्दनः॥ 85.34 ॥

sa taṃ prāpya dhanuṣpāṇirmāyāyogamariṃdamaḥ | tasthau brahmavidhānena vijetuṃ raghunandanaḥ || 85.34 ||

वहाँ पहुँचकर, धनुष हाथ में लिए, वह शत्रुदमन रघुनन्दन उस मायावी इन्द्रजित् को ब्रह्मा की विधि के अनुसार जीतने के लिए खड़ा हो गया।

श्लोक 35 (yuddha.85.35)

विभीषणेन सहितो राजपुत्रः प्रतापवान्। अङ्गदेन च वीरेण तथानिलसुतेन च॥ 85.35 ॥

vibhīṣaṇena sahito rājaputraḥ pratāpavān | aṅgadena ca vīreṇa tathānilasutena ca || 85.35 ||

वह प्रतापी राजकुमार विभीषण, वीर अंगद और पवनपुत्र हनुमान् के साथ वहाँ खड़ा रहा।

श्लोक 36 (yuddha.85.36)

विविधममलशस्त्रभास्वरं तद् ध्वजगहनं गहनं महारथैश्च। प्रतिभयतममप्रमेयवेगं तिमिरमिव द्विषतां बलं विवेश॥ 85.36 ॥

vividhamamalaśastrabhāsvaraṃ tad dhvajagahanaṃ gahanaṃ mahārathaiśca | pratibhayatamamaprameyavegaṃ timiramiva dviṣatāṃ balaṃ viveśa || 85.36 ||

और वह शत्रु-सेना में प्रविष्ट हो गया — जो विविध प्रकार की, निर्मल शस्त्रों से चमकती, ध्वजाओं से सघन, महारथों से भरी, अत्यंत भयंकर और अपार वेग वाली थी — मानो अंधकार में प्रवेश कर रहा हो।