हनुमान का युद्ध और इन्द्रजित् का दर्शन

श्लोक 1 (yuddha.86.1)

अथ तस्यामवस्थायां लक्ष्मणं रावणानुजः। परेषामहितं वाक्यमर्थसाधकमब्रवीत् ॥ 86.1 ॥

atha tasyāmavasthāyāṃ lakṣmaṇaṃ rāvaṇānujaḥ| pareṣāmahitaṃ vākyamarthasādhakamabravīt || 86.1 ||

उस अवस्था में रावण के छोटे भाई विभीषण ने लक्ष्मण से ऐसे वचन कहे, जो शत्रुओं के लिए अहितकर थे और उनका प्रयोजन सिद्ध करने वाले थे।

श्लोक 2 (yuddha.86.2)

यदेतद् राक्षसानीकं मेघश्यामं विलोक्यते। एतदायोध्यतां शीघ्रं कपिभिश्च शिलायुधैः ॥ 86.2 ॥

yadetad rākṣasānīkaṃ meghaśyāmaṃ vilokyate| etadāyodhyatāṃ śīghraṃ kapibhiśca śilāyudhaiḥ || 86.2 ||

"बादल के समान श्याम वर्ण की यह जो राक्षस-सेना दिखाई दे रही है, इसे शीघ्र ही शिला रूपी अस्त्रों से सुसज्जित वानरों द्वारा युद्ध में उलझा दिया जाए।"

श्लोक 3 (yuddha.86.3)

तस्यानीकस्य महतो भेदने यत लक्ष्मण। राक्षसेन्द्रसुतोऽप्यत्र भिन्ने दृश्यो भविष्यति ॥ 86.3 ॥

tasyānīkasya mahato bhedane yata lakṣmaṇa| rākṣasendrasuto'pyatra bhinne dṛśyo bhaviṣyati || 86.3 ||

"हे लक्ष्मण! इस विशाल सेना को छिन्न-भिन्न करने का प्रयत्न करो। इसके छिन्न होते ही इन्द्रजित् भी यहाँ दिखाई पड़ जाएगा।"

श्लोक 4 (yuddha.86.4)

स त्वमिन्द्राशनिप्रख्यैः शरैरवकिरन् परान्। अभिद्रवाशु यावद् वै नैतत् कर्म समाप्यते ॥ 86.4 ॥

sa tvamindrāśaniprakhyaiḥ śarairavakiran parān| abhidravāśu yāvad vai naitat karma samāpyate || 86.4 ||

"अतः जब तक इन्द्रजित् का यह यज्ञ-कर्म पूर्ण न हो, तब तक इन्द्र के वज्र के समान बाणों की वर्षा करते हुए तुम शीघ्र शत्रुओं पर टूट पड़ो।"

श्लोक 5 (yuddha.86.5)

जहि वीर दुरात्मानं मायापरमधार्मिकम्। रावणिं क्रूरकर्माणं सर्वलोकभयावहम् ॥ 86.5 ॥

jahi vīra durātmānaṃ māyāparamadhārmikam| rāvaṇiṃ krūrakarmāṇaṃ sarvalokabhayāvaham || 86.5 ||

"हे वीर! उस दुरात्मा, मायावी, अधर्मी, क्रूरकर्मा और समस्त लोकों को भयभीत करने वाले रावणपुत्र इन्द्रजित् का वध करो।"

श्लोक 6 (yuddha.86.6)

विभीषणवचः श्रुत्वा लक्ष्मणः शुभलक्षणः। ववर्ष शरवर्षेण राक्षसेन्द्रसुतं प्रति ॥ 86.6 ॥

vibhīṣaṇavacaḥ śrutvā lakṣmaṇaḥ śubhalakṣaṇaḥ| vavarṣa śaravarṣeṇa rākṣasendrasutaṃ prati || 86.6 ||

विभीषण के इन वचनों को सुनकर शुभ लक्षणों वाले लक्ष्मण ने इन्द्रजित् की ओर बाणों की वर्षा कर दी।

श्लोक 7 (yuddha.86.7)

ऋक्षाः शाखामृगाश्चैव द्रुमप्रवरयोधिनः। अभ्यधावन्त सहितास्तदनीकमवस्थितम् ॥ 86.7 ॥

ṛkṣāḥ śākhāmṛgāścaiva drumapravarayodhinaḥ| abhyadhāvanta sahitāstadanīkamavasthitam || 86.7 ||

भालू और वृक्षों को शस्त्र बनाकर लड़ने वाले श्रेष्ठ वानर सब मिलकर उस खड़ी हुई सेना पर टूट पड़े।

श्लोक 8 (yuddha.86.8)

राक्षसाश्च शितैर्बाणैरसिभिः शक्तितोमरैः। अभ्यवर्तन्त समरे कपिसैन्यजिघांसवः ॥ 86.8 ॥

rākṣasāśca śitairbāṇairasibhiḥ śaktitomaraiḥ| abhyavartanta samare kapisainyajighāṃsavaḥ || 86.8 ||

और राक्षस भी वानर-सेना का वध करने की इच्छा से युद्ध में तीक्ष्ण बाणों, तलवारों, शक्तियों और तोमरों के साथ उनके सम्मुख आ डटे।

श्लोक 9 (yuddha.86.9)

स सम्प्रहारस्तुमुलः संजज्ञे कपिरक्षसाम्। शब्देन महता लङ्कां नादयन् वै समन्ततः ॥ 86.9 ॥

sa samprahārastumulaḥ saṃjajñe kapirakṣasām| śabdena mahatā laṅkāṃ nādayan vai samantataḥ || 86.9 ||

वानरों और राक्षसों के बीच वह घमासान संग्राम छिड़ गया, जिसकी भीषण गर्जना से लंका चारों ओर से गूँज उठी।

श्लोक 10 (yuddha.86.10)

शस्त्रैश्च विविधाकारैः शितैर्बाणैश्च पादपैः। उद्यतैर्गिरिशृङ्गैश्च घोरैराकाशमावृतम् ॥ 86.10 ॥

śastraiśca vividhākāraiḥ śitairbāṇaiśca pādapaiḥ| udyatairgiriśṛṅgaiśca ghorairākāśamāvṛtam || 86.10 ||

नाना प्रकार के शस्त्रों, तीक्ष्ण बाणों, वृक्षों और ऊपर उठाए गए भयंकर पर्वत-शिखरों से आकाश आच्छादित हो गया।

श्लोक 11 (yuddha.86.11)

राक्षसा वानरेन्द्रेषु विकृताननबाहवः। निवेशयन्तः शस्त्राणि चक्रुस्ते सुमहद्भयम् ॥ 86.11 ॥

rākṣasā vānarendreṣu vikṛtānanabāhavaḥ| niveśayantaḥ śastrāṇi cakruste sumahadbhayam || 86.11 ||

विकृत मुख और भुजाओं वाले राक्षस वानरों पर शस्त्र चलाते हुए अत्यंत भय उत्पन्न करने लगे।

श्लोक 12 (yuddha.86.12)

तथैव सकलैर्वृक्षैर्गिरिशृङ्गैश्च वानराः। अभिजघ्नुर्निजघ्नुश्च समरे सर्वराक्षसान् ॥ 86.12 ॥

tathaiva sakalairvṛkṣairgiriśṛṅgaiśca vānarāḥ| abhijaghnurnijaghnuśca samare sarvarākṣasān || 86.12 ||

उसी प्रकार वानर भी नाना प्रकार के वृक्षों और पर्वत-शिखरों से युद्ध में समस्त राक्षसों पर प्रहार करके उन्हें मारने लगे।

श्लोक 13 (yuddha.86.13)

ऋक्षवानरमुख्यैश्च महाकायैर्महाबलैः। रक्षसां युध्यमानानां महद्भयमजायत ॥ 86.13 ॥

ṛkṣavānaramukhyaiśca mahākāyairmahābalaiḥ| rakṣasāṃ yudhyamānānāṃ mahadbhayamajāyata || 86.13 ||

विशाल शरीर वाले महाबली भालू और वानरों के उन प्रमुख वीरों से युद्ध करते हुए राक्षसों के मन में महान भय उत्पन्न हो गया।

श्लोक 14 (yuddha.86.14)

स्वमनीकं विषण्णं तु श्रुत्वा शत्रुभिरर्दितम्। उदतिष्ठत दुर्धर्षः स कर्मण्यननुष्ठिते ॥ 86.14 ॥

svamanīkaṃ viṣaṇṇaṃ tu śrutvā śatrubhirarditam| udatiṣṭhata durdharṣaḥ sa karmaṇyananuṣṭhite || 86.14 ||

अपनी सेना को शत्रुओं से पीड़ित और विषाद में डूबी सुनकर वह दुर्धर्ष इन्द्रजित् अपने यज्ञ-कर्म को अधूरा छोड़कर उठ खड़ा हुआ।

श्लोक 15 (yuddha.86.15)

वृक्षान्धकारान्निर्गत्य जातक्रोधः स रावणिः। आरुरोह रथं सज्जं पूर्वयुक्तं सुसंयतम् ॥ 86.15 ॥

vṛkṣāndhakārānnirgatya jātakrodhaḥ sa rāvaṇiḥ| āruroha rathaṃ sajjaṃ pūrvayuktaṃ susaṃyatam || 86.15 ||

वृक्षों की उस अन्धकारमयी छाया से बाहर निकलकर क्रोध से भरे रावणपुत्र इन्द्रजित् ने पहले से ही सुसज्जित और सुदृढ़ जुते हुए अपने रथ पर आरोहण किया।

श्लोक 16 (yuddha.86.16)

स भीमकार्मुकशरः कृष्णाञ्जनचयोपमः। रक्तास्यनयनो भीमो बभौ मृत्युरिवान्तकः ॥ 86.16 ॥

sa bhīmakārmukaśaraḥ kṛṣṇāñjanacayopamaḥ| raktāsyanayano bhīmo babhau mṛtyurivāntakaḥ || 86.16 ||

भयंकर धनुष-बाण धारण किए हुए, काजल के ढेर के समान श्याम वर्ण, लाल मुख और नेत्रों वाला वह भयानक इन्द्रजित् साक्षात् मृत्युरूपी अन्तक के समान शोभायमान हो रहा था।

श्लोक 17 (yuddha.86.17)

दृष्ट्वैव तु रथस्थं तं पर्यवर्तत तद् बलम्। रक्षसां भीमवेगानां लक्ष्मणेन युयुत्सताम् ॥ 86.17 ॥

dṛṣṭvaiva tu rathasthaṃ taṃ paryavartata tad balam| rakṣasāṃ bhīmavegānāṃ lakṣmaṇena yuyutsatām || 86.17 ||

उसे रथ पर आरूढ़ देखते ही भीषण वेग वाली वह राक्षस-सेना पुनः लक्ष्मण से युद्ध करने की इच्छा से घूम पड़ी।

श्लोक 18 (yuddha.86.18)

तस्मिंस्तु काले हनुमानरुजत् स दुरासदम्। धरणीधरसंकाशो महावृक्षमरिंदमः ॥ 86.18 ॥

tasmiṃstu kāle hanumānarujat sa durāsadam| dharaṇīdharasaṃkāśo mahāvṛkṣamariṃdamaḥ || 86.18 ||

उसी समय शत्रुओं के दमनकर्ता, पर्वत के समान विशालकाय हनुमान ने एक अत्यंत विशाल और दुर्लभ वृक्ष को उखाड़ लिया,

श्लोक 19 (yuddha.86.19)

स राक्षसानां तत् सैन्यं कालाग्निरिव निर्दहन्। चकार बहुभिर्वृक्षैर्निःसंज्ञं युधि वानरः ॥ 86.19 ॥

sa rākṣasānāṃ tat sainyaṃ kālāgniriva nirdahan| cakāra bahubhirvṛkṣairniḥsaṃjñaṃ yudhi vānaraḥ || 86.19 ||

और प्रलयकालीन अग्नि के समान उस राक्षस-सेना को भस्म करते हुए उस वानर ने अनेक वृक्षों के प्रहार से युद्धभूमि में उसे मूर्च्छित कर डाला।

श्लोक 20 (yuddha.86.20)

विध्वंसयन्तं तरसा दृष्ट्वैव पवनात्मजम्। राक्षसानां सहस्राणि हनूमन्तमवाकिरन् ॥ 86.20 ॥

vidhvaṃsayantaṃ tarasā dṛṣṭvaiva pavanātmajam| rākṣasānāṃ sahasrāṇi hanūmantamavākiran || 86.20 ||

पवनपुत्र हनुमान को इस प्रकार वेगपूर्वक उनका विनाश करते देखकर हजारों राक्षसों ने हनुमान पर शस्त्रों की वर्षा कर दी।

श्लोक 21 (yuddha.86.21)

शितशूलधराः शूलैरसिभिश्चासिपाणयः। शक्तिहस्ताश्च शक्तीभिः पट्टिशैः पट्टिशायुधाः ॥ 86.21 ॥

śitaśūladharāḥ śūlairasibhiścāsipāṇayaḥ| śaktihastāśca śaktībhiḥ paṭṭiśaiḥ paṭṭiśāyudhāḥ || 86.21 ||

तीक्ष्ण भाले धारण करने वाले भालों से, तलवार हाथ में लिए हुए तलवारों से, शक्ति धारण करने वाले शक्तियों से और पट्टिश धारण करने वाले पट्टिशों से उस पर प्रहार करने लगे;

श्लोक 22 (yuddha.86.22)

परिघैश्च गदाभिश्च कुन्तैश्च शुभदर्शनैः। शतशश्च शतघ्नीभिरायसैरपि मुद्गरैः ॥ 86.22 ॥

parighaiśca gadābhiśca kuntaiśca śubhadarśanaiḥ| śataśaśca śataghnībhirāyasairapi muda‍garaiḥ || 86.22 ||

परिघों, गदाओं, सुन्दर दिखने वाले भालों से तथा सैकड़ों की संख्या में शतघ्नियों और लोहे के मुद्गरों से भी;

श्लोक 23 (yuddha.86.23)

घोरैः परशुभिश्चैव भिन्दिपालैश्च राक्षसाः। मुष्टिभिर्वज्रकल्पैश्च तलैरशनिसंनिभैः ॥ 86.23 ॥

ghoraiḥ paraśubhiścaiva bhindipālaiśca rākṣasāḥ| muṣṭibhirvajrakalpaiśca talairaśanisaṃnibhaiḥ || 86.23 ||

उन राक्षसों ने भयंकर फरसों, भिंडिपालों, वज्र के समान मुष्टिप्रहारों और वज्रपात के समान थप्पड़ों से भी उस पर आघात किया;

श्लोक 24 (yuddha.86.24)

अभिजघ्नुः समासाद्य समन्तात् पर्वतोपमम्। तेषामपि च संक्रुद्धश्चकार कदनं महत् ॥ 86.24 ॥

abhijaghnuḥ samāsādya samantāt parvatopamam| teṣāmapi ca saṃkruddhaścakāra kadanaṃ mahat || 86.24 ||

इस प्रकार पर्वत के समान खड़े हनुमान पर वे चारों ओर से टूट पड़े। किन्तु क्रुद्ध होकर हनुमान ने भी उनका महान संहार कर डाला।

श्लोक 25 (yuddha.86.25)

स ददर्श कपिश्रेष्ठमचलोपममिन्द्रजित्। सूदमानमसंत्रस्तममित्रान् पवनात्मजम् ॥ 86.25 ॥

sa dadarśa kapiśreṣṭhamacalopamamindrajit| sūdamānamasaṃtrastamamitrān pavanātmajam || 86.25 ||

तब इन्द्रजित् ने पर्वत के समान उस वानरश्रेष्ठ पवनपुत्र हनुमान को निर्भय होकर शत्रुओं का संहार करते देखा।

श्लोक 26 (yuddha.86.26)

स सारथिमुवाचेदं याहि यत्रैष वानरः। क्षयमेव हि नः कुर्याद् राक्षसानामुपेक्षितः ॥ 86.26 ॥

sa sārathimuvācedaṃ yāhi yatraiṣa vānaraḥ| kṣayameva hi naḥ kuryād rākṣasānāmupekṣitaḥ || 86.26 ||

उसने अपने सारथि से कहा, "जहाँ यह वानर है, वहीं रथ ले चलो; यदि इसकी उपेक्षा की गई तो यह अवश्य ही हमारे राक्षसों का विनाश कर डालेगा।"

श्लोक 27 (yuddha.86.27)

इत्युक्तः सारथिस्तेन ययौ यत्र स मारुतिः। वहन् परमदुर्धर्षं स्थितमिन्द्रजितं रथे ॥ 86.27 ॥

ityuktaḥ sārathistena yayau yatra sa mārutiḥ| vahan paramadurdharṣaṃ sthitamindrajitaṃ rathe || 86.27 ||

इस प्रकार आदेश पाकर सारथि रथ में बैठे उस परम दुर्धर्ष इन्द्रजित् को लेकर उसी स्थान की ओर चला जहाँ हनुमान खड़े थे।

श्लोक 28 (yuddha.86.28)

सोऽभ्युपेत्य शरान् खड्गान् पट्टिशांश्च परश्वधान्। अभ्यवर्षत दुर्धर्षः कपिमूर्धनि राक्षसः ॥ 86.28 ॥

so'bhyupetya śarān khaḍgān paṭṭiśāṃśca paraśvadhān| abhyavarṣata durdharṣaḥ kapimūrdhani rākṣasaḥ || 86.28 ||

समीप पहुँचकर उस दुर्धर्ष राक्षस इन्द्रजित् ने हनुमान के सिर पर बाणों, खड्गों, पट्टिशों और फरसों की वर्षा कर दी।

श्लोक 29 (yuddha.86.29)

तानि शस्त्राणि घोराणि प्रतिगृह्य स मारुतिः। रोषेण महताविष्टो वाक्यं चेदमुवाच ह ॥ 86.29 ॥

tāni śastrāṇi ghorāṇi pratigṛhya sa mārutiḥ| roṣeṇa mahatāviṣṭo vākyaṃ cedamuvāca ha || 86.29 ||

उन भयंकर शस्त्रों को सहते हुए महान क्रोध से भरे हनुमान ने यह वचन कहा:

श्लोक 30 (yuddha.86.30)

युध्यस्व यदि शूरोऽसि रावणात्मज दुर्मते। वायुपुत्रं समासाद्य न जीवन् प्रतियास्यसि ॥ 86.30 ॥

yudhyasva yadi śūro'si rāvaṇātmaja durmate| vāyuputraṃ samāsādya na jīvan pratiyāsyasi || 86.30 ||

"हे दुर्बुद्धि रावणपुत्र! यदि तू सचमुच शूरवीर है तो युद्ध कर; वायुपुत्र के सम्मुख आकर तू जीवित नहीं लौट सकेगा।"

श्लोक 31 (yuddha.86.31)

बाहुभ्यां सम्प्रयुध्यस्व यदि मे द्वन्द्वमाहवे। वेगं सहस्व दुर्बुद्धे ततस्त्वं रक्षसां वरः ॥ 86.31 ॥

bāhubhyāṃ samprayudhyasva yadi me dvandvamāhave| vegaṃ sahasva durbuddhe tatastvaṃ rakṣasāṃ varaḥ || 86.31 ||

"हे मूढ़! यदि तू मुझसे द्वंद्व-युद्ध करना चाहता है तो भुजाओं से युद्ध कर, रणभूमि में मेरे वेग को सह ले, तभी तू राक्षसों में श्रेष्ठ कहलाएगा।"

श्लोक 32 (yuddha.86.32)

हनूमन्तं जिघांसन्तं समुद्यतशरासनम्। रावणात्मजमाचष्टे लक्ष्मणाय विभीषणः ॥ 86.32 ॥

hanūmantaṃ jighāṃsantaṃ samudyataśarāsanam| rāvaṇātmajamācaṣṭe lakṣmaṇāya vibhīṣaṇaḥ || 86.32 ||

तब विभीषण ने धनुष उठाए हुए हनुमान का वध करने के लिए उद्यत रावणपुत्र इन्द्रजित् को लक्ष्मण को दिखलाया।

श्लोक 33 (yuddha.86.33)

यः स वासवनिर्जेता रावणस्यात्मसम्भवः। स एष रथमास्थाय हनूमन्तं जिघांसति ॥ 86.33 ॥

yaḥ sa vāsavanirjetā rāvaṇasyātmasambhavaḥ| sa eṣa rathamāsthāya hanūmantaṃ jighāṃsati || 86.33 ||

"रावण का यह पुत्र इन्द्रजित्, जिसने स्वयं इन्द्र को भी जीत लिया था, वही रथ पर बैठकर अब हनुमान का वध करना चाहता है।"

श्लोक 34 (yuddha.86.34)

तमप्रतिमसंस्थानैः शरैः शत्रुनिवारणैः। जीवितान्तकरैर्घोरैः सौमित्रे रावणिं जहि ॥ 86.34 ॥

tamapratimasaṃsthānaiḥ śaraiḥ śatrunivāraṇaiḥ| jīvitāntakarairghoraiḥ saumitre rāvaṇiṃ jahi || 86.34 ||

"हे सौमित्रे! अपने अनुपम, शत्रु का निवारण करने वाले और प्राण लेने वाले भयंकर बाणों से इस इन्द्रजित् का वध करो।"

श्लोक 35 (yuddha.86.35)

इत्येवमुक्तस्तु तदा महात्मा विभीषणेनारिविभीषणेन। ददर्श तं पर्वतसंनिकाशं रथस्थितं भीमबलं दुरासदम् ॥ 86.35 ॥

ityevamuktastu tadā mahātmā vibhīṣaṇenārivibhīṣaṇena| dadarśa taṃ parvatasaṃnikāśaṃ rathasthitaṃ bhīmabalaṃ durāsadam || 86.35 ||

शत्रुओं के लिए भयस्वरूप विभीषण के इस प्रकार कहने पर महात्मा लक्ष्मण ने पर्वत के समान विशाल, रथ पर बैठे, अत्यंत बलशाली और दुर्धर्ष उस इन्द्रजित् को देखा।