राम का संहार-चक्र

श्लोक 1 (yuddha.93.1)

स प्रविश्य सभां राजा दीनः परमदुःखितः। निषसादासने मुख्ये सिंहः क्रुद्ध इव श्वसन् ॥ 93.1 ॥

sa praviśya sabhāṃ rājā dīnaḥ paramaduḥkhitaḥ| niṣasādāsane mukhye siṃhaḥ kruddha iva śvasan || 93.1 ||

वह दीन और अत्यंत दुःखी राजा सभा में प्रवेश कर, क्रुद्ध सिंह के समान श्वास लेते हुए अपने प्रमुख आसन पर बैठ गया।

श्लोक 2 (yuddha.93.2)

अब्रवीच्च स तान् सर्वान् बलमुख्यान् महाबलः। रावणः प्राञ्जलिर्वाक्यं पुत्रव्यसनकर्शितः ॥ 93.2 ॥

abravīcca sa tān sarvān balamukhyān mahābalaḥ| rāvaṇaḥ prāñjalirvākyaṃ putravyasanakarśitaḥ || 93.2 ||

और पुत्र की विपत्ति से क्षीण हुआ वह महाबली रावण हाथ जोड़कर उन सभी सेनापतियों से बोला।

श्लोक 3 (yuddha.93.3)

सर्वे भवन्तः सर्वेण हस्त्यश्वेन समावृताः। निर्यान्तु रथसङ्घैश्च पादातैश्चोपशोभिताः ॥ 93.3 ॥

sarve bhavantaḥ sarveṇa hastyaśvena samāvṛtāḥ| niryāntu rathasaṅghaiśca pādātaiścopaśobhitāḥ || 93.3 ||

"आप सब हाथी-घोड़ों की समस्त सेना से घिरे हुए, रथों के समूह और पैदल सैनिकों से सुशोभित होकर निकल पड़ो।"

श्लोक 4 (yuddha.93.4)

एकं रामं परिक्षिप्य समरे हन्तुमर्हथ। वर्षन्तः शरवर्षाणि प्रावृट्काल इवाम्बुदाः ॥ 93.4 ॥

ekaṃ rāmaṃ parikṣipya samare hantumarhatha| varṣantaḥ śaravarṣāṇi prāvṛṭkāla ivāmbudāḥ || 93.4 ||

"अकेले राम को घेरकर, वर्षाकाल के बादलों की भाँति बाणों की वर्षा करते हुए, उसे युद्ध में मार डालो।"

श्लोक 5 (yuddha.93.5)

अथवाहं शरैस्तीक्ष्णैर्भिन्नगात्रं महाहवे। भवद्भिः श्वो निहन्तास्मि रामं लोकस्य पश्यतः ॥ 93.5 ॥

athavāhaṃ śaraistīkṣṇairbhinnagātraṃ mahāhave| bhavadbhiḥ śvo nihantāsmi rāmaṃ lokasya paśyataḥ || 93.5 ||

"अथवा, महासमर में तुम्हारे तीक्ष्ण बाणों से उसका शरीर छिन्न-भिन्न होने पर, कल मैं स्वयं ही सारे संसार के देखते हुए राम का वध कर दूँगा।"

श्लोक 6 (yuddha.93.6)

इत्येतद् वाक्यमादाय राक्षसेन्द्रस्य राक्षसाः। निर्ययुस्ते रथैः शीघ्रैर्नानानीकैश्च संयुताः ॥ 93.6 ॥

ityetad vākyamādāya rākṣasendrasya rākṣasāḥ| niryayuste rathaiḥ śīghrairnānānīkaiśca saṃyutāḥ || 93.6 ||

राक्षसराज के इस वचन को शिरोधार्य कर वे राक्षस शीघ्रगामी रथों और विविध प्रकार की सेनाओं के साथ युद्ध के लिए निकल पड़े।

श्लोक 7 (yuddha.93.7)

परिघान् पट्टिशांश्चैव शरखड्गपरश्वधान्। शरीरान्तकरान् सर्वे चिक्षिपुर्वानरान् प्रति ॥ 93.7 ॥

parighān paṭṭiśāṃścaiva śarakhaḍgaparaśvadhān| śarīrāntakarān sarve cikṣipurvānarān prati || 93.7 ||

उन सबने लोहे के गदे, बरछे, बाण, तलवारें और फरसे—शरीर का अन्त कर देने वाले शस्त्र—वानरों पर फेंके।

श्लोक 8 (yuddha.93.8)

वानराश्च द्रुमान् शैलान् राक्षसान् प्रति चिक्षिपुः। स संग्रामो महाभीमः सूर्यस्योदयनं प्रति ॥ 93.8 ॥

vānarāśca drumān śailān rākṣasān prati cikṣipuḥ| sa saṃgrāmo mahābhīmaḥ sūryasyodayanaṃ prati || 93.8 ||

और वानरों ने वृक्ष और पर्वत-शिलाएँ राक्षसों पर फेंकीं। सूर्योदय के समय वह अत्यंत भयंकर संग्राम,

श्लोक 9 (yuddha.93.9)

रक्षसां वानराणां च तुमुलः समपद्यत। ते गदाभिश्च चित्राभिः प्रासैः खड्गैः परश्वधैः ॥ 93.9 ॥

rakṣasāṃ vānarāṇāṃ ca tumulaḥ samapadyata| te gadābhiśca citrābhiḥ prāsaiḥ khaḍgaiḥ paraśvadhaiḥ || 93.9 ||

राक्षसों और वानरों के बीच घमासान रूप धारण कर गया। सुसज्जित गदाओं, बरछों, तलवारों और फरसों से,

श्लोक 10 (yuddha.93.10)

अन्योन्यं समरे जघ्नुस्तदा वानरराक्षसाः। एवं प्रवृत्ते संग्रामे ह्यद्भुतं सुमहद्रजः ॥ 93.10 ॥

anyonyaṃ samare jaghnustadā vānararākṣasāḥ| evaṃ pravṛtte saṃgrāme hyadbhutaṃ sumahadrajaḥ || 93.10 ||

वानर और राक्षस उस युद्ध में परस्पर एक-दूसरे पर प्रहार करने लगे। इस प्रकार युद्ध चलते रहने पर वह विस्मयकारी विशाल धूल,

श्लोक 11 (yuddha.93.11)

रक्षसां वानराणां च शान्तं शोणितविस्रवैः। मातंगरथकूलाश्च शरमत्स्या ध्वजद्रुमाः ॥ 93.11 ॥

rakṣasāṃ vānarāṇāṃ ca śāntaṃ śoṇitavisravaiḥ| mātaṃgarathakūlāśca śaramatsyā dhvajadrumāḥ || 93.11 ||

राक्षसों और वानरों के रक्त-प्रवाह से ही शान्त हुई। हाथियों और रथों के तटों वाली, बाणरूपी मछलियों और ध्वजारूपी वृक्षों वाली,

श्लोक 12 (yuddha.93.12)

शरीरसंघाटवहाः प्रसस्रुः शोणितापगाः। ततस्ते वानराः सर्वे शोणितौघपरिप्लुताः ॥ 93.12 ॥

śarīrasaṃghāṭavahāḥ prasasruḥ śoṇitāpagāḥ| tataste vānarāḥ sarve śoṇitaughapariplutāḥ || 93.12 ||

शवों के समूहों को बहाती हुई वे रुधिर-नदियाँ बह चलीं। तब वे सभी वानर रक्त-प्रवाह से लथपथ होकर,

श्लोक 13 (yuddha.93.13)

ध्वजवर्मरथानश्वान् नानाप्रहरणानि च। आप्लुत्याप्लुत्य समरे वानरेन्द्रा बभञ्जिरे ॥ 93.13 ॥

dhvajavarmarathānaśvān nānāpraharaṇāni ca| āplutyāplutya samare vānarendrā babhañjire || 93.13 ||

युद्ध में बार-बार छलांगें लगाते हुए वानरराजों ने ध्वजाओं, कवचों, रथों, घोड़ों और नाना प्रकार के शस्त्रों को तोड़-फोड़ डाला।

श्लोक 14 (yuddha.93.14)

केशान् कर्णललाटं च नासिकाश्च प्लवंगमाः। रक्षसां दशनैस्तीक्ष्णैर्नखैश्चापि व्यकर्तयन् ॥ 93.14 ॥

keśān karṇalalāṭaṃ ca nāsikāśca plavaṃgamāḥ| rakṣasāṃ daśanaistīkṣṇairnakhaiścāpi vyakartayan || 93.14 ||

उन वानरों ने अपने तीक्ष्ण दाँतों और नखों से राक्षसों के बाल, कान, ललाट और नासिकाएँ नोच डालीं।

श्लोक 15 (yuddha.93.15)

एकैकं राक्षसं संख्ये शतं वानरपुंगवाः। अभ्यधावन्त फलिनं वृक्षं शकुनयो यथा ॥ 93.15 ॥

ekaikaṃ rākṣasaṃ saṃkhye śataṃ vānarapuṃgavāḥ| abhyadhāvanta phalinaṃ vṛkṣaṃ śakunayo yathā || 93.15 ||

युद्ध में एक-एक राक्षस पर सैकड़ों श्रेष्ठ वानर वैसे ही टूट पड़ते थे जैसे पक्षी फलों से लदे वृक्ष पर झपटते हैं।

श्लोक 16 (yuddha.93.16)

तदा गदाभिर्गुर्वीभिः प्रासैः खड्गैः परश्वधैः। निर्जघ्नुर्वानरान् घोरान् राक्षसाः पर्वतोपमाः ॥ 93.16 ॥

tadā gadābhirgurvībhiḥ prāsaiḥ khaḍgaiḥ paraśvadhaiḥ| nirjaghnurvānarān ghorān rākṣasāḥ parvatopamāḥ || 93.16 ||

तब पर्वत के समान विशालकाय वे राक्षस भी भारी गदाओं, बरछों, तलवारों और फरसों से भयंकर वानरों को मार गिराने लगे।

श्लोक 17 (yuddha.93.17)

राक्षसैर्वध्यमानानां वानराणां महाचमूः। शरण्यं शरणं याता रामं दशरथात्मजम् ॥ 93.17 ॥

rākṣasairvadhyamānānāṃ vānarāṇāṃ mahācamūḥ| śaraṇyaṃ śaraṇaṃ yātā rāmaṃ daśarathātmajam || 93.17 ||

राक्षसों द्वारा इस प्रकार मारे जाते हुए वानरों की उस विशाल सेना ने शरण देने वाले दशरथ-पुत्र राम की शरण ली।

श्लोक 18 (yuddha.93.18)

ततो रामो महातेजा धनुरादाय वीर्यवान्। प्रविश्य राक्षसं सैन्यं शरवर्षं ववर्ष च ॥ 93.18 ॥

tato rāmo mahātejā dhanurādāya vīryavān| praviśya rākṣasaṃ sainyaṃ śaravarṣaṃ vavarṣa ca || 93.18 ||

तब महातेजस्वी और पराक्रमी राम धनुष उठाकर राक्षस-सेना में घुस गए और बाणों की वर्षा करने लगे।

श्लोक 19 (yuddha.93.19)

प्रविष्टं तु तदा रामं मेघाः सूर्यमिवाम्बरे। नाधिजग्मुर्महाघोरा निर्दहन्तं शराग्निना ॥ 93.19 ॥

praviṣṭaṃ tu tadā rāmaṃ meghāḥ sūryamivāmbare| nādhijagmurmahāghorā nirdahantaṃ śarāgninā || 93.19 ||

किन्तु उन अत्यंत भयंकर राक्षसों की उस बाण-अग्नि से जलाते हुए सेना में घुसे राम के निकट पहुँचने की सामर्थ्य वैसे ही न रही जैसे बादल आकाश में सूर्य के निकट नहीं पहुँच पाते।

श्लोक 20 (yuddha.93.20)

कृतान्येव सुघोराणि रामेण रजनीचराः। रणे रामस्य ददृशुः कर्माण्यसुकराणि ते ॥ 93.20 ॥

kṛtānyeva sughorāṇi rāmeṇa rajanīcarāḥ| raṇe rāmasya dadṛśuḥ karmāṇyasukarāṇi te || 93.20 ||

वे निशाचर युद्ध में राम के उन अत्यंत भीषण और दुष्कर कर्मों को केवल हो चुका ही देख पाते थे।

श्लोक 21 (yuddha.93.21)

चालयन्तं महासैन्यं विधमन्तं महारथान्। ददृशुस्ते न वै रामं वातं वनगतं यथा ॥ 93.21 ॥

cālayantaṃ mahāsainyaṃ vidhamantaṃ mahārathān| dadṛśuste na vai rāmaṃ vātaṃ vanagataṃ yathā || 93.21 ||

विशाल सेना को कँपाते और महारथियों को उड़ाते हुए राम को वे वैसे ही नहीं देख पाते थे जैसे वन में चलती हवा को कोई नहीं देख पाता।

श्लोक 22 (yuddha.93.22)

छिन्नं भिन्नं शरैर्दग्धं प्रभग्नं शस्त्रपीडितम्। बलं रामेण ददृशुर्न रामं शीघ्रकारिणम् ॥ 93.22 ॥

chinnaṃ bhinnaṃ śarairdagdhaṃ prabhagnaṃ śastrapīḍitam| balaṃ rāmeṇa dadṛśurna rāmaṃ śīghrakāriṇam || 93.22 ||

वे केवल राम द्वारा छिन्न-भिन्न, बाणों से दग्ध, टूटी-फूटी और शस्त्रों से पीड़ित सेना को ही देख पाते थे, इतनी शीघ्रता से कर्म करने वाले राम को नहीं देख पाते थे।

श्लोक 23 (yuddha.93.23)

प्रहरन्तं शरीरेषु न ते पश्यन्ति राघवम्। इन्द्रियार्थेषु तिष्ठन्तं भूतात्मानमिव प्रजाः ॥ 93.23 ॥

praharantaṃ śarīreṣu na te paśyanti rāghavam| indriyārtheṣu tiṣṭhantaṃ bhūtātmānamiva prajāḥ || 93.23 ||

वे राघव को अपने शरीरों पर प्रहार करते हुए वैसे ही नहीं देख पाते थे जैसे प्राणी इन्द्रियों के विषयों में स्थित अपनी आत्मा को नहीं देख पाते।

श्लोक 24 (yuddha.93.24)

एष हन्ति गजानीकमेष हन्ति महारथान्। एष हन्ति शरैस्तीक्ष्णैः पदातीन् वाजिभिः सह ॥ 93.24 ॥

eṣa hanti gajānīkameṣa hanti mahārathān| eṣa hanti śaraistīkṣṇaiḥ padātīn vājibhiḥ saha || 93.24 ||

"यह देखो, यह गजसेना का वध कर रहा है! यह देखो, यह महारथियों को मार रहा है! यह देखो, यह अपने तीक्ष्ण बाणों से घुड़सवारों सहित पैदल सैनिकों को मार रहा है!"

श्लोक 25 (yuddha.93.25)

इति ते राक्षसाः सर्वे रामस्य सदृशान् रणे। अन्योन्यं कुपिता जघ्नुः सादृश्याद् राघवस्य तु ॥ 93.25 ॥

iti te rākṣasāḥ sarve rāmasya sadṛśān raṇe| anyonyaṃ kupitā jaghnuḥ sādṛśyād rāghavasya tu || 93.25 ||

ऐसा पुकारते हुए वे सभी राक्षस, क्रुद्ध होकर, राघव से समानता मात्र के कारण युद्ध में परस्पर एक-दूसरे को ही राम समझकर मारने लगे।

श्लोक 26 (yuddha.93.26)

न ते ददृशिरे रामं दहन्तमपि वाहिनीम्। मोहिताः परमास्त्रेण गान्धर्वेण महात्मना ॥ 93.26 ॥

na te dadṛśire rāmaṃ dahantamapi vāhinīm| mohitāḥ paramāstreṇa gāndharveṇa mahātmanā || 93.26 ||

महात्मा राम के परम गान्धर्वास्त्र से मोहित होकर वे उस सेना को जलाते हुए राम को भी नहीं देख पाते थे।

श्लोक 27 (yuddha.93.27)

ते तु रामसहस्राणि रणे पश्यन्ति राक्षसाः। पुनः पश्यन्ति काकुत्स्थमेकमेव महाहवे ॥ 93.27 ॥

te tu rāmasahasrāṇi raṇe paśyanti rākṣasāḥ| punaḥ paśyanti kākutsthamekameva mahāhave || 93.27 ||

वे राक्षस उस युद्ध में कभी हजारों राम देखते, तो कभी उस महासमर में एक ही काकुत्स्थ को देखते।

श्लोक 28 (yuddha.93.28)

भ्रमन्तीं काञ्चनीं कोटिं कार्मुकस्य महात्मनः। अलातचक्रप्रतिमां ददृशुस्ते न राघवम् ॥ 93.28 ॥

bhramantīṃ kāñcanīṃ koṭiṃ kārmukasya mahātmanaḥ| alātacakrapratimāṃ dadṛśuste na rāghavam || 93.28 ||

वे केवल उस महात्मा के धनुष के स्वर्णिम अग्रभाग को अलातचक्र के समान घूमता हुआ देख पाते थे, राघव को नहीं।

श्लोक 29 (yuddha.93.29)

शरीरनाभि सत्त्वार्चिः शरारं नेमिकार्मुकम्। ज्याघोषतलनिर्घोषं तेजोबुद्धिगुणप्रभम् ॥ 93.29 ॥

śarīranābhi sattvārciḥ śarāraṃ nemikārmukam| jyāghoṣatalanirghoṣaṃ tejobuddhiguṇaprabham || 93.29 ||

अपने शरीर को नाभि, अपने बल को ज्वाला, बाणों को अरे, धनुष को नेमि, प्रत्यंचा तथा ताल की गूँज को घर्घराहट, और अपने तेज, बुद्धि तथा गुणों को प्रकाश बनाकर,

श्लोक 30 (yuddha.93.30)

दिव्यास्त्रगुणपर्यन्तं निघ्नन्तं युधि राक्षसान्। ददृशू रामचक्रं तत् कालचक्रमिव प्रजाः ॥ 93.30 ॥

divyāstraguṇaparyantaṃ nighnantaṃ yudhi rākṣasān| dadṛśū rāmacakraṃ tat kālacakramiva prajāḥ || 93.30 ||

और दिव्यास्त्रों की शक्ति को धार बनाकर, युद्ध में राक्षसों का संहार करते हुए राम के उस चक्र को समस्त प्राणियों ने मानो साक्षात् कालचक्र के समान देखा।

श्लोक 31 (yuddha.93.31)

अनीकं दशसाहस्रं रथानां वातरंहसाम्। अष्टादश सहस्राणि कुञ्जराणां तरस्विनाम् ॥ 93.31 ॥

anīkaṃ daśasāhasraṃ rathānāṃ vātaraṃhasām| aṣṭādaśa sahasrāṇi kuñjarāṇāṃ tarasvinām || 93.31 ||

वायु के समान वेगवान् दस हजार रथ, अठारह हजार बलशाली हाथी,

श्लोक 32 (yuddha.93.32)

चतुर्दश सहस्राणि सारोहाणां च वाजिनाम्। पूर्णे शतसहस्रे द्वे राक्षसानां पदातिनाम् ॥ 93.32 ॥

caturdaśa sahasrāṇi sārohāṇāṃ ca vājinām| pūrṇe śatasahasre dve rākṣasānāṃ padātinām || 93.32 ||

सवारों सहित चौदह हजार घोड़े, और पूरे दो लाख पैदल राक्षस सैनिक—

श्लोक 33 (yuddha.93.33)

दिवसस्याष्टभागेन शरैरग्निशिखोपमैः। हतान्येकेन रामेण रक्षसां कामरूपिणाम् ॥ 93.33 ॥

divasasyāṣṭabhāgena śarairagniśikhopamaiḥ| hatānyekena rāmeṇa rakṣasāṃ kāmarūpiṇām || 93.33 ||

इस कामरूपधारी राक्षस-सेना को अग्नि-शिखा के समान बाणों से अकेले राम ने दिन के आठवें भाग में ही समाप्त कर दिया।

श्लोक 34 (yuddha.93.34)

ते हताश्वा हतरथाः शान्ता विमथितध्वजाः। अभिपेतुः पुरीं लङ्कां हतशेषा निशाचराः ॥ 93.34 ॥

te hatāśvā hatarathāḥ śāntā vimathitadhvajāḥ| abhipetuḥ purīṃ laṅkāṃ hataśeṣā niśācarāḥ || 93.34 ||

जिनके घोड़े मारे गए, रथ नष्ट हो गए, उत्साह टूट गया और ध्वज कुचल गए, वे बचे-खुचे निशाचर लंका नगरी की ओर भाग गए।

श्लोक 35 (yuddha.93.35)

हतैर्गजपदात्यश्वैस्तद् बभूव रणाजिरम्। आक्रीडभूमिः क्रुद्धस्य रुद्रस्येव महात्मनः ॥ 93.35 ॥

hatairgajapadātyaśvaistad babhūva raṇājiram| ākrīḍabhūmiḥ kruddhasya rudrasyeva mahātmanaḥ || 93.35 ||

मारे गए हाथियों, पैदल सैनिकों और घोड़ों से भरा वह रणक्षेत्र मानो महात्मा क्रुद्ध रुद्र की क्रीड़ा-भूमि जैसा बन गया।

श्लोक 36 (yuddha.93.36)

ततो देवाः सगन्धर्वाः सिद्धाश्च परमर्षयः। साधु साध्विति रामस्य तत् कर्म समपूजयन् ॥ 93.36 ॥

tato devāḥ sagandharvāḥ siddhāśca paramarṣayaḥ| sādhu sādhviti rāmasya tat karma samapūjayan || 93.36 ||

तब गन्धर्वों सहित देवताओं, सिद्धों और महर्षियों ने राम के उस कर्म की "साधु! साधु!" कहकर प्रशंसा की।

श्लोक 37 (yuddha.93.37)

अब्रवीच्च तदा रामः सुग्रीवं प्रत्यनन्तरम्। विभीषणं च धर्मात्मा हनूमन्तं च वानरम् ॥ 93.37 ॥

abravīcca tadā rāmaḥ sugrīvaṃ pratyanantaram| vibhīṣaṇaṃ ca dharmātmā hanūmantaṃ ca vānaram || 93.37 ||

तब धर्मात्मा राम ने अपने निकट खड़े सुग्रीव, विभीषण और वानर हनुमान से,

श्लोक 38 (yuddha.93.38)

जाम्बवन्तं हरिश्रेष्ठं मैन्दं द्विविदमेव च। एतदस्त्रबलं दिव्यं मम वा त्र्यम्बकस्य वा ॥ 93.38 ॥

jāmbavantaṃ hariśreṣṭhaṃ maindaṃ dvividameva ca| etadastrabalaṃ divyaṃ mama vā tryambakasya vā || 93.38 ||

और वानरश्रेष्ठ जाम्बवान्, मैन्द तथा द्विविद से कहा: "यह दिव्य अस्त्र-बल या तो मुझमें है, या फिर त्रिनेत्रधारी शिव में।"

श्लोक 39 (yuddha.93.39)

निहत्य तां राक्षसराजवाहिनीं रामस्तदा शक्रसमो महात्मा। अस्त्रेषु शस्त्रेषु जितक्लमश्च संस्तूयते देवगणैः प्रहृष्टैः ॥ 93.39 ॥

nihatya tāṃ rākṣasarājavāhinīṃ rāmastadā śakrasamo mahātmā| astreṣu śastreṣu jitaklamaśca saṃstūyate devagaṇaiḥ prahṛṣṭaiḥ || 93.39 ||

इस प्रकार राक्षसराज की उस सेना का संहार करने पर, इन्द्र-तुल्य महात्मा राम की, जो अस्त्र-शस्त्रों के प्रयोग में कभी न थकते थे, हर्षित देवगणों ने भूरि-भूरि प्रशंसा की।