Shiva Gita - Shiva's Teaching of Self-Knowledge to Rama

सूत उवाच ॥ एवमुक्त्वा मुनिश्रेष्ठ गते तस्मिन्निजाश्रमम् । अथ रामगिरौ रामस्तस्मिन्गोदावरीतटे ॥४-१॥

sūta uvāca || evamuktvā muniśreṣṭha gate tasminnijāśramam | atha rāmagirau rāmastasmingodāvarītaṭe ||4-1||

।।४-१।। सूत बोले: ऐसा कहकर जब वे मुनिश्रेष्ठ अपने आश्रम को चले गए, तब राम गोदावरी के उस तट पर रामगिरि में रहे।

शिवलिङ्गं प्रतिष्ठाप्य कृत्वा दीक्षां यथाविधि । भूतिभूषितसर्वाङ्गो रुद्राक्षाभरणैर्युतः ॥४-२॥

śivaliṅgaṃ pratiṣṭhāpya kṛtvā dīkṣāṃ yathāvidhi | bhūtibhūṣitasarvāṅgo rudrākṣābharaṇairyutaḥ ||4-2||

।।४-२।। शिवलिंग की स्थापना करके, विधिपूर्वक दीक्षा लेकर, समस्त अंगों में भस्म से सुशोभित और रुद्राक्ष के आभूषणों से युक्त होकर...

अभिषिच्य जलैः पुण्यैर्गौतमीसिन्धुसंभवैः । अर्चयित्वा वन्यपुष्पैस्तद्वद्वन्यफलैरपि ॥४-३॥

abhiṣicya jalaiḥ puṇyairgautamīsindhusaṃbhavaiḥ | arcayitvā vanyapuṣpaistadvadvanyaphalairapi ||4-3||

।।४-३।। गौतमी नदी के पवित्र जल से अभिषेक करके, वन्य पुष्पों और वन्य फलों से पूजा करके...

भस्मच्छन्नो भस्मशायी व्याघ्रचर्मासने स्थितः । नाम्नां सहस्रं प्रजपन्नक्तंदिवमनन्यधीः ॥४-४॥

bhasmacchanno bhasmaśāyī vyāghracarmāsane sthitaḥ | nāmnāṃ sahasraṃ prajapannaktaṃdivamananyadhīḥ ||4-4||

।।४-४।। भस्म से आच्छादित, भस्म पर सोते हुए, व्याघ्रचर्म के आसन पर स्थित, रात-दिन सहस्रनाम का जप करते हुए, अनन्यचित्त से...

मासमेकं फलाहारो मासं पर्णाशनः स्थितः । मासमेकं जलाहारो मासं च पवनाशनः ॥४-५॥

māsamekaṃ phalāhāro māsaṃ parṇāśanaḥ sthitaḥ | māsamekaṃ jalāhāro māsaṃ ca pavanāśanaḥ ||4-5||

।।४-५।। एक मास फलाहार, एक मास पर्णाशन, एक मास जलाहार, और एक मास वायु का ही आहार करते हुए।

शान्तो दान्तः प्रसन्नात्मा ध्यायन्नेवं महेश्वरम् । हृत्पङ्कजे समासीनमुमादेहार्धधारिणम् ॥४-६॥

śānto dāntaḥ prasannātmā dhyāyannevaṃ maheśvaram | hṛtpaṅkaje samāsīnamumādehārdhadhāriṇam ||4-6||

।।४-६।। शांत, दांत, प्रसन्नात्मा होकर, महेश्वर का ध्यान करते हुए, हृदयकमल में विराजमान, उमा को अपने आधे शरीर में धारण करने वाले...

चतुर्भुजं त्रिनयनं विद्युत्पिङ्गजटाधरम् । कोटिसूर्यप्रतीकाशं चन्द्रकोटिसुशीतलम् ॥४-७॥

caturbhujaṃ trinayanaṃ vidyutpiṅgajaṭādharam | koṭisūryapratīkāśaṃ candrakoṭisuśītalam ||4-7||

।।४-७।। चार भुजाओं वाले, तीन नेत्रों वाले, बिजली के समान पिंगल जटाओं को धारण करने वाले, करोड़ों सूर्यों के समान तेजस्वी, करोड़ों चंद्रमाओं के समान शीतल।

सर्वाभरणसंयुक्तं नागयज्ञोपवीतिनम् । व्याघ्रचर्माम्बरधरं वरदाभयधारिणम् ॥४-८॥

sarvābharaṇasaṃyuktaṃ nāgayajñopavītinam | vyāghracarmāmbaradharaṃ varadābhayadhāriṇam ||4-8||

।।४-८।। सर्व आभूषणों से युक्त, नाग को यज्ञोपवीत बनाए हुए, व्याघ्रचर्म वस्त्र धारण किए, वरद और अभय मुद्रा धारण करने वाले।

व्याघ्रचर्मोत्तरीयं च सुरासुरनमस्कृतम् । पञ्चवक्त्रं चन्द्रमौलिं त्रिशूलडमरूधरम् ॥४-९॥

vyāghracarmottarīyaṃ ca surāsuranamaskṛtam | pañcavaktraṃ candramauliṃ triśūlaḍamarūdharam ||4-9||

।।४-९।। व्याघ्रचर्म का उत्तरीय धारण किए, देव-दानवों द्वारा नमस्कृत, पंचमुख, चंद्रमौलि, त्रिशूल और डमरू धारण किए हुए।

नित्यं च शाश्वतं शुद्धं ध्रुवमक्षरमव्ययम् । एवं नित्यं प्रजपतो गतं मासचतुष्टयम् ॥४-१०॥

nityaṃ ca śāśvataṃ śuddhaṃ dhruvamakṣaramavyayam | evaṃ nityaṃ prajapato gataṃ māsacatuṣṭayam ||4-10||

।।४-१०।। नित्य, शाश्वत, शुद्ध, ध्रुव, अक्षर, अव्यय, इस प्रकार नित्य जप करते हुए चार मास बीत गए।

अथ जातो महानादः प्रलयाम्बुदभीषणः । समुद्रमथनोद्भूतमन्दरावनिभृद्ध्वनिः ॥४-११॥

atha jāto mahānādaḥ pralayāmbudabhīṣaṇaḥ | samudramathanodbhūtamandarāvanibhṛddhvaniḥ ||4-11||

।।४-११।। तब एक महान नाद उत्पन्न हुआ, प्रलय के मेघों के समान भीषण, समुद्रमंथन के समय मंदराचल से उत्पन्न ध्वनि के समान।

रुद्रबाणाग्निसंदीप्तभ्रश्यत्त्रिपुरविभ्रमः । तमाकर्ण्याथ संभ्रान्तो यावत्पश्यति पुष्करम् ॥४-१२॥

rudrabāṇāgnisaṃdīptabhraśyattripuravibhramaḥ | tamākarṇyātha saṃbhrānto yāvatpaśyati puṣkaram ||4-12||

।।४-१२।। रुद्र के बाणाग्नि से प्रज्वलित त्रिपुर के गिरने के समान वह ध्वनि सुनकर, विस्मित होकर, जैसे ही वे आकाश की ओर देखते हैं...

तावदेवो महातेजो समस्यासीत्पुरो द्विजाः । तेजसा तेन संभ्रान्तो नापश्यत्स दिशो दश ॥ १३॥

tāvadevo mahātejo samasyāsītpuro dvijāḥ | tejasā tena saṁbhrānto nāpaśyatsa diśo daśa || 13||

।।4.13।। हे ब्राह्मणो, उसी क्षण अत्यंत तेजस्वी कोई सत्ता उसके सामने प्रकट हो गई। उस तेज से विमोहित हो कर वह दसों दिशाओं को भी नहीं देख सका।

अन्धीकृतेक्षणस्तूर्णं मोहं यातो नृपात्मजः । विचिन्त्य तर्कयामास दैत्यमायां द्विजेश्वराः ॥ १४॥

andhīkṛtekṣaṇastūrṇaṁ mohaṁ yāto nṛpātmajaḥ | vicintya tarkayāmāsa daityamāyāṁ dvijeśvarāḥ || 14||

।।4.14।। दृष्टि अंधी हो जाने से राजकुमार शीघ्र मोहित हो गए। फिर विचार करके, हे द्विजश्रेष्ठो, उन्होंने सोचा कि यह किसी दैत्य की माया है।

अथोत्थाय महावीरः सज्जं कृत्वा स्वकं धनुः । अविध्यन्निशितैर्बाणैर्दिव्यास्त्रैरभिमन्त्रितैः ॥ १५॥

athotthāya mahāvīraḥ sajjaṁ kṛtvā svakaṁ dhanuḥ | avidhyanniśitairbāṇairdivyāstrairabhimantritaiḥ || 15||

।।4.15।। तब महावीर राम उठ खड़े हुए, अपना धनुष सँभाला, और मंत्रों से अभिमंत्रित दिव्यास्त्रों के तीक्ष्ण बाण छोड़े।

आग्नेयं वारुणं सौम्यं मोहनं सौरपार्वतम् । विष्णुचक्रं महाचक्रं कालचक्रं च वैष्णवम् ॥ १६॥

āgneyaṁ vāruṇaṁ saumyaṁ mohanaṁ saurapārvatam | viṣṇucakraṁ mahācakraṁ kālacakraṁ ca vaiṣṇavam || 16||

।।4.16।। आग्नेय, वारुण, सौम्य, मोहन, सौरपार्वत अस्त्र, विष्णुचक्र, महाचक्र, कालचक्र और वैष्णव अस्त्र।

रौद्रं पाशुपतं ब्राह्मं कौबेरं कुलिशानिलम् । भार्गवादिबहून्यस्त्राण्ययं प्रायुङ्क्त राघवः ॥ १७॥

raudraṁ pāśupataṁ brāhmaṁ kauberaṁ kuliśānilam | bhārgavādibahūnyastrāṇyayaṁ prāyuṅkta rāghavaḥ || 17||

।।4.17।। रौद्र, पाशुपत, ब्राह्म, कौबेर, कुलिशानिल तथा भार्गव आदि अनेक अस्त्र, इन सबको राघव ने चलाया।

तस्मिंस्तेजसि शस्त्राणि चास्त्रान्यस्य महीपतेः । विलीनानि महाभ्रस्य करका इव नीरधौ ॥ १८॥

tasmiṁstejasi śastrāṇi cāstrānyasya mahīpateḥ | vilīnāni mahābhrasya karakā iva nīradhau || 18||

।।4.18।। उस तेज में उस राजा के सारे शस्त्र और अस्त्र इस तरह विलीन हो गए जैसे बड़े बादल के ओले समुद्र में जा कर गल जाते हैं।

ततः क्षणेन जज्वाल धनुस्तस्य करच्च्युतम् । तूणीरं चाङ्गुलित्राणं गोधिकापि महीपते ॥ १९॥

tataḥ kṣaṇena jajvāla dhanustasya karaccyutam | tūṇīraṁ cāṅgulitrāṇaṁ godhikāpi mahīpate || 19||

।।4.19।। फिर क्षणभर में उसका हाथ से गिरा हुआ धनुष जल उठा, और हे राजन्, तूणीर, अँगुलित्राण तथा गोधिका भी जल गए।

तद्दृष्ट्वा लक्ष्मणो भीतः पपात भुवि मूर्च्छितः । अथाकिञ्चित्करो रामो जानुभ्यामवनिं गतः ॥ २०॥

taddṛṣṭvā lakṣmaṇo bhītaḥ papāta bhuvi mūrcchitaḥ | athākiñcitkaro rāmo jānubhyāmavaniṁ gataḥ || 20||

।।4.20।। यह देख कर लक्ष्मण भयभीत हो कर मूर्च्छित हो कर भूमि पर गिर पड़े। और राम, अब कुछ भी करने में असमर्थ, दोनों घुटनों के बल पृथ्वी पर बैठ गए।

मीलिताक्षो भयाविष्टः शंकरं शरणं गतः । स्वरेणाप्युच्चरन्नुच्चैः शंभोर्नामसहस्रकम् ॥ २१॥

mīlitākṣo bhayāviṣṭaḥ śaṁkaraṁ śaraṇaṁ gataḥ | svareṇāpyuccarannuccaiḥ śaṁbhornāmasahasrakam || 21||

।।4.21।। आँखें मूँदे, भय से आविष्ट, उसने शंकर की शरण ली, और टूटती हुई आवाज़ में भी ऊँचे स्वर से शम्भु के सहस्रनाम का पाठ करने लगे।

शिवं च दण्डवद्भूमौ प्रणनाम पुनः पुनः । पुनश्च पूर्ववच्चासीच्छब्दो दिङ्मण्डलं ग्रसन् ॥ २२॥

śivaṁ ca daṇḍavadbhūmau praṇanāma punaḥ punaḥ | punaśca pūrvavaccāsīcchabdo diṅmaṇḍalaṁ grasan || 22||

।।4.22।। वह शिव को बार-बार दण्ड की भाँति भूमि पर प्रणाम करने लगे। और फिर, पहले की तरह, वही ध्वनि दिशाओं के पूरे मण्डल को निगलती हुई बनी रही।

चचाल वसुधा घोरं पर्वताश्च चकम्पिरे । ततः क्षणेन शीतांशुशीतलं तेज आपतत् ॥ २३॥

cacāla vasudhā ghoraṁ parvatāśca cakampire | tataḥ kṣaṇena śītāṁśuśītalaṁ teja āpatat || 23||

।।4.23।। पृथ्वी भयंकर रूप से काँप उठी और पर्वत हिल गए। फिर क्षणभर में चन्द्रमा के समान शीतल एक तेज उतर आया।

उन्मीलिताक्षो रामस्तु यावदेतत्प्रपश्यति । तावद्ददर्श वृषभं सर्वालंकारसंयुतम् ॥ २४॥

unmīlitākṣo rāmastu yāvadetatprapaśyati | tāvaddadarśa vṛṣabhaṁ sarvālaṁkārasaṁyutam || 24||

।।4.24।। आँखें खोल कर देखने लगते ही राम को हर आभूषण से सुसज्जित एक वृषभ (बैल) दिखाई दिया।

पीयूषमथनोद्भूतनवनीतस्य पिण्डवत् । प्रोतस्वर्णं मरकतच्छायशृङ्गद्वयान्वितम् ॥ २५॥

pīyūṣamathanodbhūtanavanītasya piṇḍavat | protasvarṇaṁ marakatacchāyaśṛṅgadvayānvitam || 25||

।।4.25।। अमृत-मंथन से उत्पन्न मक्खन के पिण्ड के समान, स्वर्ण से जड़ा हुआ, उसके दोनों सींग पन्ने की आभा लिए हुए थे।

नीलरत्नेक्षणं ह्रस्वकण्ठकम्बलभूषितम् । रत्नपल्याणसंयुक्तं निबद्धं श्वेतचामरैः ॥ २६॥

nīlaratnekṣaṇaṁ hrasvakaṇṭhakambalabhūṣitam | ratnapalyāṇasaṁyuktaṁ nibaddhaṁ śvetacāmaraiḥ || 26||

।।4.26।। उसकी आँखें नीलमणि के समान थीं, गले पर एक छोटा जड़ाऊ आवरण शोभित था, रत्नजड़ित काठी लगी थी, और श्वेत चँवरों से घिरा था।

घण्टिकाघर्घरीशब्दैः पूरयन्तं दिशो दश । तत्रासीनं महादेवं शुद्धस्फटिकविग्रहम् ॥ २७॥

ghaṇṭikāghargharīśabdaiḥ pūrayantaṁ diśo daśa | tatrāsīnaṁ mahādevaṁ śuddhasphaṭikavigraham || 27||

।।4.27।। घंटिकाओं और घर्घरी की ध्वनि से दसों दिशाओं को भरते हुए, वहाँ बैठे महादेव को देखा, जिनका रूप शुद्ध स्फटिक-सा था।

कोटिसूर्यप्रतीकाशं कोटिशीतांशुशीतलम्। व्याघ्रचर्माम्बरधरं नागयज्ञोपवीतिनम् ॥ २८॥

koṭisūryapratīkāśaṁ koṭiśītāṁśuśītalam| vyāghracarmāmbaradharaṁ nāgayajñopavītinam || 28||

।।4.28।। करोड़ों सूर्यों के समान तेजस्वी, फिर भी करोड़ों चन्द्रमाओं के समान शीतल, वे व्याघ्रचर्म धारण किए और सर्प को यज्ञोपवीत के रूप में पहने थे।

सर्वालंकारसंयुक्तं विद्युत्पिङ्गजटाधरम् । नीलकण्ठं व्याघ्रचर्मोत्तरीयं चन्द्रशेखरम् ॥ २९॥

sarvālaṁkārasaṁyuktaṁ vidyutpiṅgajaṭādharam | nīlakaṇṭhaṁ vyāghracarmottarīyaṁ candraśekharam || 29||

।।4.29।। हर आभूषण से सुसज्जित, बिजली के समान तांबे रंग की जटाएँ धारण किए, नीलकण्ठ, व्याघ्रचर्म को उत्तरीय के रूप में पहने और मस्तक पर चन्द्रमा धारण किए हुए थे।

नानाविधायुधोद्भासिदशबाहुं त्रिलोचनम् । युवानं पुरुषश्रेष्ठं सच्चिदानन्दविग्रहम् ॥ ३०॥

nānāvidhāyudhodbhāsidaśabāhuṁ trilocanam | yuvānaṁ puruṣaśreṣṭhaṁ saccidānandavigraham || 30||

।।4.30।। दस भुजाओं वाले, त्रिनेत्र, विविध शस्त्रों से चमकते हुए, वे युवा थे, सर्वश्रेष्ठ पुरुष, उनका रूप ही सच्चिदानन्द था।

तत्रैव च सुखासीनां पूर्णचन्द्रनिभाननाम् । नीलेन्दीवरदामाभामुद्यन्मरकतप्रभाम् ॥ ३१॥

tatraiva ca sukhāsīnāṁ pūrṇacandranibhānanām | nīlendīvaradāmābhāmudyanmarakataprabhām || 31||

।।4.31।। और वहीं सुखपूर्वक बैठी हुई, पूर्णचन्द्र के समान मुखवाली, नीले कमलों की माला-सी आभावाली, उदित पन्ने की-सी प्रभावाली।

मुक्ताभरणसंयुक्तां रात्रिं ताराञ्चितामिव । विन्ध्यक्षितिधरोत्तुङ्गकुचभारभरालसाम् ॥ ३२॥

muktābharaṇasaṁyuktāṁ rātriṁ tārāñcitāmiva | vindhyakṣitidharottuṅgakucabhārabharālasām || 32||

।।4.32।। मुक्ता के आभूषणों से सुसज्जित, तारों से जड़ी रात्रि के समान, विन्ध्य पर्वत की ऊँचाई के समान भार से आलस्ययुक्त।

सदसत्संशयाविष्टमध्यदेशान्तराम्बराम् । दिव्याभरणसंयुक्तां दिव्यगन्धानुलेपनाम् ॥ ३३॥

sadasatsaṁśayāviṣṭamadhyadeśāntarāmbarām | divyābharaṇasaṁyuktāṁ divyagandhānulepanām || 33||

।।4.33।। उसकी कमर इतनी क्षीण थी कि यह संशय होता था कि वह है भी या नहीं; दिव्य वस्त्र पहने, दिव्य आभूषणों से सुसज्जित, दिव्य सुगन्ध से अनुलिप्त।

दिव्यमाल्याम्बरधरां नीलेन्दीवरलोचनाम् । अलकोद्भासिवदनां ताम्बूलग्रासशोभिताम् ॥ ३४॥

divyamālyāmbaradharāṁ nīlendīvaralocanām | alakodbhāsivadanāṁ tāmbūlagrāsaśobhitām || 34||

।।4.34।। दिव्य माला और वस्त्र धारण किए, नीलकमल के समान नेत्रों वाली, घुँघराले बालों से चमकते मुखवाली, ताम्बूल से शोभित।

शिवालिङ्गनसंजातपुलकोद्भासिविग्रहाम् । सच्चिदानन्दरूपाढ्यां जगन्मातरमम्बिकाम् ॥ ३५॥

śivāliṅganasaṁjātapulakodbhāsivigrahām | saccidānandarūpāḍhyāṁ jaganmātaramambikām || 35||

।।4.35।। शिव के आलिंगन से उत्पन्न रोमांच से चमकते शरीरवाली, सच्चिदानन्द रूप से समृद्ध, जगन्माता अम्बिका।

सौन्दर्यसारसंदोहां ददर्श रघुनन्दनः । स्वस्ववाहनसंयुक्तान्नानायुधलसत्करान् ॥ ३६॥

saundaryasārasaṁdohāṁ dadarśa raghunandanaḥ | svasvavāhanasaṁyuktānnānāyudhalasatkarān || 36||

।।4.36।। रघुनन्दन राम ने उसे देखा, सौन्दर्य के सम्पूर्ण सार को, और साथ ही अपने-अपने वाहन से युक्त, विविध शस्त्रों से चमकते हाथोंवाले दिक्पालों को भी।

बृहद्रथन्तरादीनि सामानि परिगायतः । स्वस्वकान्तासमायुक्तान्दिक्पालान्परितः स्थितान् ॥ ३७॥

bṛhadrathantarādīni sāmāni parigāyataḥ | svasvakāntāsamāyuktāndikpālānparitaḥ sthitān || 37||

।।4.37।। बृहत्, रथन्तर आदि सामगान गाते हुए, दिक्पाल अपनी-अपनी प्रिय पत्नियों के साथ चारों ओर खड़े थे।

अग्रगं गरुडारूढं शंखचक्रगदाधरम् । कालाम्बुदप्रतीकाशं विद्युत्कान्त्या श्रिया युतम् ॥ ३८॥

agragaṁ garuḍārūḍhaṁ śaṁkhacakragadādharam | kālāmbudapratīkāśaṁ vidyutkāntyā śriyā yutam || 38||

।।4.38।। सबसे आगे, गरुड़ पर आरूढ़, शंख-चक्र-गदा धारण किए, वर्षा के बादल के समान श्याम, बिजली की-सी कान्ति से युक्त।

जपन्तमेकमनसा रुद्राध्यायं जनार्दनम् । पश्चाच्चतुर्मुखं देवं ब्रह्माणं हंसवाहनम् ॥ ३९॥

japantamekamanasā rudrādhyāyaṁ janārdanam | paścāccaturmukhaṁ devaṁ brahmāṇaṁ haṁsavāhanam || 39||

।।4.39।। एकाग्रचित्त हो कर रुद्राध्याय का जप करते जनार्दन; और उनके पीछे चतुर्मुख ब्रह्मा, जिनका वाहन हंस है।

चतुर्वक्त्रैश्चतुर्वेदरुद्रसूक्तैर्महेश्वरम् । स्तुवन्तं भारतीयुक्तं दीर्घकूर्चं जटाधरम् ॥ ४०॥

caturvaktraiścaturvedarudrasūktairmaheśvaram | stuvantaṁ bhāratīyuktaṁ dīrghakūrcaṁ jaṭādharam || 40||

।।4.40।। अपने चार मुखों से, दीर्घ दाढ़ी और जटाओं वाले, भारती (सरस्वती) के साथ, वे चारों वेदों के रुद्र-सूक्तों से महेश्वर की स्तुति करने लगे।

अथर्वशिरसा देवं स्तुवन्तं मुनिमण्डलम् । गङ्गादितटिनीयुक्तमम्बुधिं नीलविग्रहम् ॥ ४१॥

atharvaśirasā devaṁ stuvantaṁ munimaṇḍalam | gaṅgāditaṭinīyuktamambudhiṁ nīlavigraham || 41||

।।4.41।। ऋषियों का समूह अथर्वशिरस् से देव की स्तुति करने लगा; और गंगा आदि नदियों से युक्त, नीलवर्ण समुद्र भी वहाँ उपस्थित था।

श्वेताश्वतरमन्त्रेण स्तुवन्तं गिरिजापतिम् । अनन्तादिमहानागान्कैलासगिरिसन्निभान् ॥ ४२॥

śvetāśvataramantreṇa stuvantaṁ girijāpatim | anantādimahānāgānkailāsagirisannibhān || 42||

।।4.42।। श्वेताश्वतर मंत्र से गिरिजापति की स्तुति करते हुए; और अनन्त आदि महानाग, कैलास पर्वत के समान विशाल, वहाँ उपस्थित थे।

कैवल्योपनिषत्पाठान्मणिरत्नविभूषितान् । सुवर्णवेत्रहस्ताढ्यं नन्दिनं पुरतः स्थितम् ॥ ४३॥

kaivalyopaniṣatpāṭhānmaṇiratnavibhūṣitān | suvarṇavetrahastāḍhyaṁ nandinaṁ purataḥ sthitam || 43||

।।4.43।। कुछ ऋषि कैवल्य उपनिषद् के पाठ का उच्चारण कर रहे थे, रत्नों से सुशोभित; और नन्दी सामने खड़े थे, स्वर्ण दण्ड हाथ में लिए हुए।

दक्षिणे मूषकारूढं गणेशं पर्वतोपमम् । मयूरवाहनारूढमुत्तरे षण्मुखं तथा ॥ ४४॥

dakṣiṇe mūṣakārūḍhaṁ gaṇeśaṁ parvatopamam | mayūravāhanārūḍhamuttare ṣaṇmukhaṁ tathā || 44||

।।4.44।। दाहिनी ओर पर्वत के समान विशाल गणेश, मूषक पर आरूढ़; और बाईं ओर उसी तरह षण्मुख कार्तिकेय, मयूर पर आरूढ़।

महाकालं च चण्डेशं पार्श्वयोर्भीषणाकृतिम् । कालाग्निरुद्रं दूरस्थं ज्वलद्दावाग्निसन्निभम् ॥ ४५॥

mahākālaṁ ca caṇḍeśaṁ pārśvayorbhīṣaṇākṛtim | kālāgnirudraṁ dūrasthaṁ jvaladdāvāgnisannibham || 45||

।।4.45।। दोनों ओर महाकाल और चण्डेश खड़े थे, भयंकर रूप वाले; और दूर खड़े कालाग्निरुद्र, धधकती दावाग्नि के समान।

त्रिपादं कुटिलाकारं नटद्भृङ्गिरिटिं पुरः । नानाविकारवदनान्कोटिशः प्रमथाधिपान् ॥ ४६॥

tripādaṁ kuṭilākāraṁ naṭadbhṛṅgiriṭiṁ puraḥ | nānāvikāravadanānkoṭiśaḥ pramathādhipān || 46||

।।4.46।। तीन पैरोंवाले, टेढ़े शरीरवाले भृंगिरिटि सामने नृत्य कर रहे थे; और करोड़ों प्रमथगणों के अधिपति, विविध विकृत मुखोंवाले।

नानावाहनसंयुक्तं परितो मातृमण्डलम् । पञ्चाक्षरीजपासक्तान्सिद्धविद्याधरादिकान् ॥ ४७॥

nānāvāhanasaṁyuktaṁ parito mātṛmaṇḍalam | pañcākṣarījapāsaktānsiddhavidyādharādikān || 47||

।।4.47।। चारों ओर मातृमण्डल था, अपने-अपने वाहनों से युक्त; और सिद्ध, विद्याधर आदि पंचाक्षरी मंत्र के जप में लीन थे।

दिव्यरुद्रकगीतानि गायत्किन्नरवृन्दकम् । तत्र त्रैयम्बकं मन्त्रं जपद्द्विजकदम्बकम् ॥ ४८॥

divyarudrakagītāni gāyatkinnaravṛndakam | tatra traiyambakaṁ mantraṁ japaddvijakadambakam || 48||

।।4.48।। वहाँ किन्नरों का समूह दिव्य रुद्र-गीत गा रहा था; और ब्राह्मणों का एक समूह त्र्यम्बक मंत्र का जप कर रहा था।

गायन्तं वीणया गीतं नृत्यन्तं नारदं दिवि । नृत्यतो नाट्यनृत्येन रम्भादीनप्सरोगणान् ॥ ४९॥

gāyantaṁ vīṇayā gītaṁ nṛtyantaṁ nāradaṁ divi | nṛtyato nāṭyanṛtyena rambhādīnapsarogaṇān || 49||

।।4.49।। नारद वीणा से गीत गाते और आकाश में नृत्य करते; और रम्भा आदि अप्सराओं के समूह नाट्य-नृत्य से नृत्य कर रहे थे।

गायच्चित्ररथादीनां गन्धर्वाणां कदम्बकम् । कम्बलाश्वतरौ शंभुकर्णभूषणतां गतौ ॥ ५०॥

gāyaccitrarathādīnāṁ gandharvāṇāṁ kadambakam | kambalāśvatarau śaṁbhukarṇabhūṣaṇatāṁ gatau || 50||

।।4.50।। चित्ररथ आदि गन्धर्वों का समूह गा रहा था; और कम्बल और अश्वतर नामक दो नागराज शम्भु के कर्णाभूषण बने हुए थे।

गायन्तौ पन्नगौ गीतं कपालं कम्बलं तथा । एवं देवसभां दृष्ट्वा कृतार्थो रघुनन्दनः ॥ ५१॥

gāyantau pannagau gītaṁ kapālaṁ kambalaṁ tathā | evaṁ devasabhāṁ dṛṣṭvā kṛtārtho raghunandanaḥ || 51||

।।4.51।। कपाल और कम्बल नामक दोनों सर्प गीत गा रहे थे; इस देवसभा को देख कर रघुनन्दन कृतार्थ हो गए।

हर्षगद्गदया वाचा स्तुवन्देवं महेश्वरम् । दिव्यनामसहस्रेण प्रणनाम पुनः पुनः ॥ ५२॥

harṣagadgadayā vācā stuvandevaṁ maheśvaram | divyanāmasahasreṇa praṇanāma punaḥ punaḥ || 52||

।।4.52।। हर्ष से गद्गद वाणी में महेश्वर की स्तुति करते हुए, दिव्य सहस्रनाम से वे बार-बार प्रणाम करने लगे।