Shiva Gita - Shiva's Teaching of Self-Knowledge to Rama

श्रीराम उवाच ॥ भगवन्नत्र जीवोऽसौ जन्तोर्देहेऽवतिष्ठते । जायते वा कुतो जीवः स्वरूपं चास्य किं वद ॥१०-१॥

śrīrāma uvāca || bhagavannatra jīvo'sau jantordehe'vatiṣṭhate | jāyate vā kuto jīvaḥ svarūpaṁ cāsya kiṁ vada ||10-1||

।।४४०।। श्रीराम ने कहा: हे भगवन्, क्या यह जीव प्राणी की देह में मात्र निवास करता है, या उत्पन्न होता है? कहाँ से? इसका स्वरूप क्या है, कहिए।

देहान्ते कुत्र वा याति गत्वा वा कुत्र तिष्ठति । कथमायाति वा देहं पुनर्नायाति वा वद ॥१०-२॥

dehānte kutra vā yāti gatvā vā kutra tiṣṭhati | kathamāyāti vā dehaṁ punarnāyāti vā vada ||10-2||

।।४४१।। देहान्त होने पर वह कहाँ जाता है? जा कर कहाँ रहता है? पुनः देह में कैसे आता है, या नहीं आता? कहिए।

श्रीभगवानुवाच ॥ साधु पृष्टं महाभाग गुह्याद्गुह्यतरं हि यत् । देवैरपि सुदुर्ज्ञेयमिन्द्राद्यैर्वा महर्षिभिः ॥१०-३॥

śrībhagavānuvāca || sādhu pṛṣṭaṁ mahābhāga guhyādguhyataraṁ hi yat | devairapi sudurjñeyamindrādyairvā maharṣibhiḥ ||10-3||

।।४४२।। श्रीभगवान् ने कहा: हे महाभाग, अच्छा पूछा। यह गुह्य से भी गुह्यतर है, देवों, इन्द्र आदि, या महर्षियों के लिए भी दुर्ज्ञेय है।

अन्यस्मै नैव वक्तव्यं मयापि रघुनन्दन । त्वद्भक्त्याहं परं प्रीतो वक्ष्याम्यवहितः श्रुणु ॥१०-४॥

anyasmai naiva vaktavyaṁ mayāpi raghunandana | tvadbhaktyāhaṁ paraṁ prīto vakṣyāmyavahitaḥ śruṇu ||10-4||

।।४४३।। हे रघुनन्दन, यह मुझसे भी अन्य किसी को नहीं कहा जाना चाहिए। तुम्हारी भक्ति से मैं अति प्रसन्न हूँ; कहूँगा, ध्यान से सुनो।

सत्यज्ञानात्मकोऽनन्तः परमानन्दविग्रहः । परमात्मा परंज्योतिरव्यक्तो व्यक्तकारणम् ॥१०-५॥

satyajñānātmako'nantaḥ paramānandavigrahaḥ | paramātmā paraṁjyotiravyakto vyaktakāraṇam ||10-5||

।।४४४।। मैं सत्य-ज्ञानस्वरूप, अनन्त, परमानन्द-विग्रह हूँ। परमात्मा, परंज्योति, अव्यक्त, और व्यक्त का कारण हूँ।

नित्यो विशुद्धः सर्वात्मा निर्लेपोऽहं निरञ्जनः । सर्वधर्मविहीनश्च न ग्राह्यो मनसापि च ॥१०-६॥

nityo viśuddhaḥ sarvātmā nirlepo'haṁ nirañjanaḥ | sarvadharmavihīnaśca na grāhyo manasāpi ca ||10-6||

।।४४५।। नित्य, विशुद्ध, सर्वात्मा, निर्लेप, निरञ्जन। सर्व धर्मों से रहित, मन से भी अग्राह्य।

नाहं सर्वेन्द्रियग्राह्यः सर्वेषां ग्राहको ह्यहम् । ज्ञाताहं सर्वलोकस्य मम ज्ञाता न विद्यते ॥१०-७॥

nāhaṁ sarvendriyagrāhyaḥ sarveṣāṁ grāhako hyaham | jñātāhaṁ sarvalokasya mama jñātā na vidyate ||10-7||

।।४४६।। मैं किसी भी इन्द्रिय द्वारा ग्राह्य नहीं, अपितु सबका ग्राहक हूँ। मैं सम्पूर्ण लोक का ज्ञाता हूँ, मेरा कोई ज्ञाता नहीं।

दूरः सर्वविकाराणां परिणामादिकस्य च ॥१०-८॥

dūraḥ sarvavikārāṇāṁ pariṇāmādikasya ca ||10-8||

।।४४७।। मैं सब विकारों और परिणाम आदि से दूर हूँ।

यतो वाचो निवर्तन्ते अप्राप्य मनसा सह । आनन्दं ब्रह्म मां ज्ञात्वा न बिभेति कुतश्चन ॥१०-९॥

yato vāco nivartante aprāpya manasā saha | ānandaṁ brahma māṁ jñātvā na bibheti kutaścana ||10-9||

।।४४८।। जिससे मन के साथ वाणी बिना पाए लौट आती है — उस आनन्दस्वरूप ब्रह्म मुझे जान कर मनुष्य कहीं से भी नहीं डरता।

यस्तु सर्वाणि भूतानि मय्येवेति प्रपश्यति । मां च सर्वेषु भूतेषु ततो न विजुगुप्सते ॥१०-१०॥

yastu sarvāṇi bhūtāni mayyeveti prapaśyati | māṁ ca sarveṣu bhūteṣu tato na vijugupsate ||10-10||

।।४४९।। जो सब भूतों को मुझमें ही और मुझको सब भूतों में देखता है, वह फिर किसी से घृणा नहीं करता।

यस्य सर्वाणि भूतानि ह्यात्मैवाभूद्विजानतः । को मोहस्तत्र कः शोक एकत्वमनुपश्यतः ॥१०-११॥

yasya sarvāṇi bhūtāni hyātmaivābhūdvijānataḥ | ko mohastatra kaḥ śoka ekatvamanupaśyataḥ ||10-11||

।।४५०।। जिस ज्ञानी के लिए सब भूत आत्मस्वरूप ही हो गए, उस एकत्व-दर्शी को फिर मोह क्या और शोक क्या?

एष सर्वेषु भूतेषु गूढात्मा न प्रकाशते । दृश्यते त्वग्र्यया बुद्ध्या सूक्ष्मया सूक्ष्मदर्शिभिः ॥१०-१२॥

eṣa sarveṣu bhūteṣu gūḍhātmā na prakāśate | dṛśyate tvagryayā buddhyā sūkṣmayā sūkṣmadarśibhiḥ ||10-12||

।।४५१।। यह गूढ़ आत्मा सब भूतों में प्रकट नहीं होता। सूक्ष्मदर्शियों द्वारा अग्र्य, सूक्ष्म बुद्धि से ही देखा जाता है।

अनाद्यविद्यया युक्तस्तथाप्येकोऽहमव्ययः । अव्याकृतब्रह्मरूपो जगत्कर्ताहमीश्वरः ॥१०-१३॥

anādyavidyayā yuktastathāpyeko'hamavyayaḥ | avyākṛtabrahmarūpo jagatkartāhamīśvaraḥ ||10-13||

।।४५२।। अनादि अविद्या से युक्त होते हुए भी मैं एक अव्यय हूँ। अव्याकृत ब्रह्मरूप में मैं ही जगत्कर्ता ईश्वर हूँ।

ज्ञानमात्रे यथा दृश्यमिदं स्वप्ने जगत्त्रयम् । तद्वन्मयि जगत्सर्वं दृश्यतेऽस्ति विलीयते ॥१०-१४॥

jñānamātre yathā dṛśyamidaṁ svapne jagattrayam | tadvanmayi jagatsarvaṁ dṛśyate'sti vilīyate ||10-14||

।।४५३।। जैसे स्वप्न में यह त्रिलोक ज्ञानमात्र में दिखता है, वैसे ही मुझमें सम्पूर्ण जगत् दिखता है, रहता है, और विलीन होता है।

नानाविद्यासमायुक्तो जीवत्वेन वसाम्यहम् । पञ्च कर्मेन्द्रियाण्येव पञ्च ज्ञानेन्द्रियाणि च ॥१०-१५॥

nānāvidyāsamāyukto jīvatvena vasāmyaham | pañca karmendriyāṇyeva pañca jñānendriyāṇi ca ||10-15||

।।४५४।। नाना अविद्याओं से युक्त हो कर मैं जीव रूप में रहता हूँ — पाँच कर्मेन्द्रियाँ और पाँच ज्ञानेन्द्रियाँ सहित।

मनो बुद्धिरहंकारश्चित्तं चेति चतुष्टयम् । वायवः पञ्चमिलिता यान्ति लिङ्गशरीरताम् ॥१०-१६॥

mano buddhirahaṁkāraścittaṁ ceti catuṣṭayam | vāyavaḥ pañcamilitā yānti liṅgaśarīratām ||10-16||

।।४५५।। मन, बुद्धि, अहंकार और चित्त — यह चतुष्टय; और पाँच वायु मिल कर लिङ्गशरीर बनते हैं।

तत्राविद्यासमायुक्तं चैतन्यं प्रतिबिम्बितम् । व्यावहारिकजीवस्तु क्षेत्रज्ञः पुरुषोऽपि च ॥१०-१७॥

tatrāvidyāsamāyuktaṃ caitanyaṃ pratibimbitam | vyāvahārikajīvastu kṣetrajñaḥ puruṣo'pi ca ||10-17||

।।४५६।। वहाँ, सूक्ष्म साधन में, अविद्या से युक्त चैतन्य प्रतिबिंबित होता है; यही प्रतिबिंब व्यावहारिक जीव है, जिसे क्षेत्रज्ञ और पुरुष भी कहा जाता है।

स एव जगतां भोक्तानाद्ययोः पुण्यपापयोः । इहामुत्र गती तस्य जाग्रत्स्वप्नादिभोक्तृता ॥१०-१८॥

sa eva jagatāṃ bhoktānādyayoḥ puṇyapāpayoḥ | ihāmutra gatī tasya jāgratsvapnādibhoktṛtā ||10-18||

।।४५७।। वह प्रतिबिंबित स्वयं ही अनादि पुण्य और पाप के फल का, इस लोक और परलोक के बीच गमन का, तथा जागृत-स्वप्न आदि अवस्थाओं के अनुभव का भोक्ता है।

यथा दर्पणकालिम्ना मलिनं दृश्यते मुखम् । तद्वदन्तःकरणगैर्दोषैरात्मापि दृश्यते ॥१०-१९॥

yathā darpaṇakālimnā malinaṃ dṛśyate mukham | tadvadantaḥkaraṇagairdoṣairātmāpi dṛśyate ||10-19||

।।४५८।। जैसे आईने के मैल से चेहरा गंदा दिखता है, वैसे ही अंतःकरण के दोषों से आत्मा भी दागदार दिखती है।

परस्पराध्यासवशात्स्यादन्तःकरणात्मनोः । एकीभावाभिमानेन परात्मा दुःखभागिव ॥१०-२०॥

parasparādhyāsavaśātsyādantaḥkaraṇātmanoḥ | ekībhāvābhimānena parātmā duḥkhabhāgiva ||10-20||

।।४५९।। अंतःकरण और आत्मा के परस्पर अध्यारोप के कारण, दोनों के एक होने के दंभ से, परमात्मा मानो दुख की भागी दिखती है।

मरुभूमौ जलत्वेन मध्याह्नार्कमरीचिकाः । दृश्यन्ते मूढचित्तस्य न ह्यार्द्रास्तापकारकाः ॥१०-२१॥

marubhūmau jalatvena madhyāhnārkamarīcikāḥ | dṛśyante mūḍhacittasya na hyārdrāstāpakārakāḥ ||10-21||

।।४६०।। मरुस्थल में दोपहर के सूर्य की किरणें भ्रमित मन वाले को जल जैसी दिखती हैं; पर वे न गीली हैं, न ताप दूर करती हैं।

तद्वदात्मापि निर्लेपो दृश्यते मूढचेतसाम् । स्वाविद्यात्मात्मदोषेण कर्तृत्वाधिकधर्मवान् ॥१०-२२॥

tadvadātmāpi nirlepo dṛśyate mūḍhacetasām | svāvidyātmātmadoṣeṇa kartṛtvādhikadharmavān ||10-22||

।।४६१।। वैसे ही आत्मा, निर्लेप होते हुए भी, अपनी अविद्या के दोष से भ्रमित बुद्धि वालों को कर्तापन आदि गुणों से युक्त दिखती है।

तत्र चान्नमये पिण्डे हृदि जीवोऽवतिष्ठते । आनखाग्रं व्याप्य देहं तद्ब्रुवेऽवहितः श्रुणु । सोऽयं तदभिधानेन मांसपिण्डो विराजते ॥१०-२३॥

tatra cānnamaye piṇḍe hṛdi jīvo'vatiṣṭhate | ānakhāgraṃ vyāpya dehaṃ tadbruve'vahitaḥ śruṇu | so'yaṃ tadabhidhānena māṃsapiṇḍo virājate ||10-23||

।।४६२।। वहाँ, अन्नमय पिंड में, जीव हृदय में बसता है, नाख़ूनों के अगले सिरे तक शरीर में व्याप्त हो कर; मैं यह कहता हूँ, ध्यान से सुनो: उसी नाम से यह मांसपिंड जीवित शरीर कहलाता है।

नाभेरूर्ध्वमधः कण्ठाद्व्याप्य तिष्ठति यः सदा । तस्य मध्येऽस्ति हृदयं सनालं पद्मकोशवत् ॥१०-२४॥

nābherūrdhvamadhaḥ kaṇṭhādvyāpya tiṣṭhati yaḥ sadā | tasya madhye'sti hṛdayaṃ sanālaṃ padmakośavat ||10-24||

।।४६३।। जो सदा नाभि के ऊपर और कंठ के नीचे व्याप्त हो कर स्थित रहता है, उसके बीच में डंठल सहित हृदय है, कमल-कली के समान।

अधोमुखं च तत्रास्ति सूक्ष्मं सुषिरमुत्तमम् । दहराकाशमित्युक्तं तत्र जीवोऽवतिष्ठते ॥१०-२५॥

adhomukhaṃ ca tatrāsti sūkṣmaṃ suṣiramuttamam | daharākāśamityuktaṃ tatra jīvo'vatiṣṭhate ||10-25||

।।४६४।। वहाँ, नीचे की ओर मुख किए, एक सूक्ष्म और उत्तम छिद्र है, जिसे दहराकाश कहा गया है; वहाँ जीव बसता है।

वालाग्रशतभागस्य शतधा कल्पितस्य च । भागो जीवः स विज्ञेयः स चानन्त्याय कल्पते ॥१०-२६॥

vālāgraśatabhāgasya śatadhā kalpitasya ca | bhāgo jīvaḥ sa vijñeyaḥ sa cānantyāya kalpate ||10-26||

।।४६५।। जीव को बाल के अगले सिरे के सौवें भाग के भी सौवें भाग जितना जानना चाहिए, और फिर भी वह अनंतता के लिए सक्षम है।

कदम्बकुसुमोद्बद्धकेसरा इव सर्वतः । प्रसृता हृदयान्नाड्यो याभिर्व्याप्तं शरीरकम् ॥१०-२७॥

kadambakusumodbaddhakesarā iva sarvataḥ | prasṛtā hṛdayānnāḍyo yābhirvyāptaṃ śarīrakam ||10-27||

।।४६६।। जैसे कदंब-पुष्प के चारों ओर बंधे केसर, वैसे ही हृदय से नाड़ियाँ हर दिशा में फैली हैं, जिनसे यह छोटा शरीर व्याप्त है।

हितं बलं प्रयच्छन्ति तस्मात्तेन हिताः स्मृताः । द्वासप्ततिसहस्रैस्ताः संख्याता योगवित्तमैः ॥१०-२८॥

hitaṃ balaṃ prayacchanti tasmāttena hitāḥ smṛtāḥ | dvāsaptatisahasraistāḥ saṃkhyātā yogavittamaiḥ ||10-28||

।।४६७।। वे हित और बल देती हैं, इसलिए 'हित' कही जाती हैं; योग के सर्वश्रेष्ठ ज्ञाताओं ने उन्हें बहत्तर हज़ार गिना है।

हृदयात्तास्तु निष्क्रान्ता यथार्काद्रश्मयस्तथा । एकोत्तरशतं तासु मुख्या विष्वग्विनिर्गतः ॥१०-२९॥

hṛdayāttāstu niṣkrāntā yathārkādraśmayastathā | ekottaraśataṃ tāsu mukhyā viṣvagvinirgataḥ ||10-29||

।।४६८।। वे हृदय से वैसे ही निकलती हैं जैसे सूर्य से किरणें; उनमें एक सौ एक प्रमुख हैं, जो सब दिशाओं में जाती हैं।

प्रतीन्द्रियं दश दश निर्गता विषयोन्मुखाः । नाड्यः शर्मादिहेतुत्वात् स्वप्नादिफलभुक्तये ॥१०-३०॥

pratīndriyaṃ daśa daśa nirgatā viṣayonmukhāḥ | nāḍyaḥ śarmādihetutvāt svapnādiphalabhuktaye ||10-30||

।।४६९।। हर इंद्रिय के लिए दस-दस नाड़ियाँ विषयों की ओर उन्मुख हो कर निकलती हैं; ये नाड़ियाँ सुख आदि की कारण होने से स्वप्न आदि के फल के भोग के लिए हैं।

वहन्त्यम्भो यथा नद्यो नाड्यः कर्मफलं तथा । अनन्तैकोर्ध्वगा नाडी मूर्धपर्यन्तमञ्जसा ॥१०-३१॥

vahantyambho yathā nadyo nāḍyaḥ karmaphalaṃ tathā | anantaikordhvagā nāḍī mūrdhaparyantamañjasā ||10-31||

।।४७०।। जैसे नदियाँ जल ढोती हैं, वैसे ही नाड़ियाँ कर्मफल ढोती हैं; एक अनंत, केवल ऊपर जाने वाली नाड़ी सीधे मस्तक-शीर्ष तक जाती है।

सुषुम्नेति मादिष्टा तया गच्छन्विमुच्यते । तयोपचितचैतन्यं जीवात्मानं विदुर्बुधाः ॥१०-३२॥

suṣumneti mādiṣṭā tayā gacchanvimucyate | tayopacitacaitanyaṃ jīvātmānaṃ vidurbudhāḥ ||10-32||

।।४७१।। वह नाड़ी, जिसे मैंने 'सुषुम्ना' सिखाया, उससे जाने वाला मुक्त होता है; उसी से बढ़ी हुई चेतना वाले को ज्ञानी लोग जीवात्मा जानते हैं।

यथा राहुरदृश्योऽपि दृश्यते चन्द्रमण्डले । तद्वत्सर्वगतोऽप्यात्मा लिङ्गदेहे हि दृश्यते ॥१०-३३॥

yathā rāhuradṛśyo'pi dṛśyate candramaṇḍale | tadvatsarvagato'pyātmā liṅgadehe hi dṛśyate ||10-33||

।।४७२।। जैसे राहु अदृश्य होते हुए भी चंद्रमंडल पर दिखता है, वैसे ही सर्वव्यापी आत्मा भी सूक्ष्म शरीर में दिखती है।

दृश्यमाने यथा कुंभे घटाकाशोऽपि दृश्यते । तद्वत्सर्वगतोऽप्यात्मा लिङ्गदेहे हि दृश्यते ॥१०-३४॥

dṛśyamāne yathā kuṃbhe ghaṭākāśo'pi dṛśyate | tadvatsarvagato'pyātmā liṅgadehe hi dṛśyate ||10-34||

।।४७३।। जैसे घड़े के दिखने पर घटाकाश भी दिखता है, वैसे ही सर्वव्यापी आत्मा भी सूक्ष्म शरीर में दिखती है।

निश्चलः परिपूर्णोऽपि गच्छतीत्युपचर्यते । जाग्रत्काले यथाज्ञेयमभिव्यक्तविशेषधीः ॥१०-३५॥

niścalaḥ paripūrṇo'pi gacchatītyupacaryate | jāgratkāle yathājñeyamabhivyaktaviśeṣadhīḥ ||10-35||

।।४७४।। अचल और परिपूर्ण होते हुए भी उसे 'जाता है' कहा जाता है, यह मात्र उपचार है; जागृत काल में उसे विशेष रूप से प्रकट बुद्धि वाला जानना चाहिए।

व्याप्नोति निष्क्रियः सर्वान् भानुर्दश दिशो यथा । नाडीभिर्वृत्तयो यान्ति लिङ्गदेहसमुद्भवाः ॥१०-३६॥

vyāpnoti niṣkriyaḥ sarvān bhānurdaśa diśo yathā | nāḍībhirvṛttayo yānti liṅgadehasamudbhavāḥ ||10-36||

।।४७५।। निष्क्रिय होते हुए भी वह सबको व्याप्त करता है, जैसे सूर्य दस दिशाओं को; सूक्ष्म शरीर से उत्पन्न वृत्तियाँ नाड़ियों से चलती हैं।

तत्तत्कर्मानुसारेण जाग्रद्भोगोपलब्धये । इदं लिङ्गशरीराख्यमामोक्षं न विनश्यति ॥१०-३७॥

tattatkarmānusāreṇa jāgradbhogopalabdhaye | idaṃ liṅgaśarīrākhyamāmokṣaṃ na vinaśyati ||10-37||

।।४७६।। उस-उस कर्म के अनुसार, जागृत भोग की प्राप्ति के लिए, यह लिंगशरीर नामक तत्व मोक्ष तक नष्ट नहीं होता।

आत्मज्ञानेन नष्टेऽस्मिन्साविद्ये स्वशरीरके । आत्मस्वरूपावस्थानं मुक्तिरित्यभिधीयते ॥१०-३८॥

ātmajñānena naṣṭe'sminsāvidye svaśarīrake | ātmasvarūpāvasthānaṃ muktirityabhidhīyate ||10-38||

।।४७७।। जब आत्मज्ञान से अविद्या सहित यह अपना शरीर नष्ट हो जाता है, तब अपने स्वरूप में स्थित रहना ही मुक्ति कहलाती है।

उत्पादिते घटे यद्वद्घटाकाशत्वमृच्छति । घटे नष्टे यथाकाशः स्वरूपेणावतिष्ठते ॥१०-३९॥

utpādite ghaṭe yadvadghaṭākāśatvamṛcchati | ghaṭe naṣṭe yathākāśaḥ svarūpeṇāvatiṣṭhate ||10-39||

।।४७८।। जैसे घड़ा बनने पर आकाश घटाकाश-भाव पाता है, घड़ा टूटने पर आकाश अपने स्वरूप में रह जाता है।

जाग्रत्कर्मक्षयवशात्स्वप्नभोग उपस्थिते । बोधावस्थां तिरोधाय देहाद्याश्रयलक्षणाम् ॥१०-४०॥

jāgratkarmakṣayavaśātsvapnabhoga upasthite | bodhāvasthāṃ tirodhāya dehādyāśrayalakṣaṇām ||10-40||

।।४७९।। जागृत कर्म के क्षय से जब स्वप्न-भोग उपस्थित होता है, तब देह आदि पर आश्रित जागृत अवस्था छिपा कर...

कर्मोद्भावितसंस्कारस्तत्र स्वप्नरिरंसया । अवस्थां च प्रयात्यन्यां मायावी चात्ममायया ॥१०-४१॥

karmodbhāvitasaṃskārastatra svapnariraṃsayā | avasthāṃ ca prayātyanyāṃ māyāvī cātmamāyayā ||10-41||

।।४८०।। कर्म से उत्पन्न संस्कार सहित, स्वप्न में रमते हुए, मायावी की तरह अपनी माया से एक अन्य अवस्था को प्राप्त होता है।

घटादिविषयान्सर्वान्बुद्ध्यादिकरणानि च । भूतानि कर्मवशतो वासनामात्रसंस्थितान् ॥१०-४२॥

ghaṭādiviṣayānsarvānbuddhyādikaraṇāni ca | bhūtāni karmavaśato vāsanāmātrasaṃsthitān ||10-42||

।।४८१।। घड़े आदि सब विषय, बुद्धि आदि साधन, और भूत, कर्म के वश से केवल वासना मात्र के रूप में स्थित रहते हैं।

एतान् पश्यन् स्वयंज्योतिः साक्ष्यात्मा व्यवतिष्ठते ॥१०-४३॥

etān paśyan svayaṃjyotiḥ sākṣyātmā vyavatiṣṭhate ||10-43||

।।४८२।। इन्हें देखता हुआ, स्वयं-प्रकाशित साक्षी-आत्मा दृढ़ता से स्थित रहता है।

अत्रान्तःकरणादीनां वासनाद्वासनात्मता । वासनामात्रसाक्षित्वं तेन तच्च परात्मनः ॥१०-४४॥

atrāntaḥkaraṇādīnāṃ vāsanādvāsanātmatā | vāsanāmātrasākṣitvaṃ tena tacca parātmanaḥ ||10-44||

।।४८३।। यहाँ अंतःकरण आदि की वासना से ही उनका वासनात्मक स्वभाव है; वासना मात्र की साक्षी-भावना, वह परमात्मा की ही है।

वासनाभिः प्रपञ्चोऽत्र दृश्यते कर्मचोदितः । जाग्रद्भूमौ यथा तद्वत्कर्तृकर्मक्रियात्मकः ॥१०-४५॥

vāsanābhiḥ prapañco'tra dṛśyate karmacoditaḥ | jāgradbhūmau yathā tadvatkartṛkarmakriyātmakaḥ ||10-45||

।।४८४।। यहाँ, कर्म से प्रेरित, वासनाओं द्वारा संसार दिखता है, जैसे जागृत भूमि में, वैसे ही कर्ता-कर्म-क्रियात्मक रूप से।

निःशेषबुद्धिसाक्ष्यात्मा स्वयमेव प्रकाशते । वासनामात्रसाक्षित्वं साक्षिणः स्वाप उच्यते ॥१०-४६॥

niḥśeṣabuddhisākṣyātmā svayameva prakāśate | vāsanāmātrasākṣitvaṃ sākṣiṇaḥ svāpa ucyate ||10-46||

।।४८५।। बुद्धि की समग्रता का साक्षी-आत्मा स्वयं ही चमकता है; साक्षी की केवल वासना-मात्र की साक्षी-भावना सुषुप्ति कहलाती है।

भूतजन्मनि यद्भूतं कर्म तद्वासनावशात् । नेदीयस्त्वाद्वयस्याद्ये स्वप्नं प्रायः प्रपश्यति ॥१०-४७॥

bhūtajanmani yadbhūtaṃ karma tadvāsanāvaśāt | nedīyastvādvayasyādye svapnaṃ prāyaḥ prapaśyati ||10-47||

।।४८६।। पूर्व जन्म में किए गए कर्म की वासना के कारण, नज़दीकी के कारण, जीवन की आरंभिक अवस्था में प्रायः स्वप्न देखा जाता है।

मध्ये वयसि कार्कश्यात्करणानामिहार्जितः । वीक्षते प्रायशः स्वप्नं वासनाकर्मणोर्वशात् ॥१०-४८॥

madhye vayasi kārkaśyātkaraṇānāmihārjitaḥ | vīkṣate prāyaśaḥ svapnaṃ vāsanākarmaṇorvaśāt ||10-48||

।।४८७।। जीवन के मध्य में, इंद्रियों के कठोर होने से, इस जन्म में अर्जित वासना और कर्म के वश से प्रायः स्वप्न देखा जाता है।

इयासुः परलोकं तु कर्मविद्यादिसंभृतम् । भाविनो जन्मनो रूपं स्वप्न आत्मा प्रपश्यति ॥१०-४९॥

iyāsuḥ paralokaṃ tu karmavidyādisaṃbhṛtam | bhāvino janmano rūpaṃ svapna ātmā prapaśyati ||10-49||

।।४८८।। कर्म-विद्या आदि से युक्त, परलोक जाने वाला, आने वाले जन्म का रूप स्वप्न में आत्मा के द्वारा देखता है।

यद्वत्प्रपतनाच्छ्येनः श्रान्तो गगनमण्डले । आकुञ्च्य पक्षौ यतते नीडे निलयनायनीः ॥१०-५०॥

yadvatprapatanācchyenaḥ śrānto gaganamaṇḍale | ākuñcya pakṣau yatate nīḍe nilayanāyanīḥ ||10-50||

।।४८९।। जैसे बाज़, आकाश में उड़ते-उड़ते थक कर, पंख समेट कर अपने घोंसले में बसने का प्रयास करता है...

एवं जाग्रत्स्वप्नभूमौ श्रान्त आत्माभिसंचरन् । आपीतकरणग्रामः कारणेनैति चैकताम् ॥१०-५१॥

evaṃ jāgratsvapnabhūmau śrānta ātmābhisaṃcaran | āpītakaraṇagrāmaḥ kāraṇenaiti caikatām ||10-51||

।।४९०।। वैसे ही जागृति और स्वप्न की भूमि में भटकता हुआ थका आत्मा, इंद्रिय-समूह को समेट कर, अपने कारण के साथ एकत्व को प्राप्त होता है।

नाडीमार्गैरिन्द्रियाणामाकृष्यादाय वासनाः । सर्वं ग्रसित्वा कार्यं च विज्ञानात्मा विलीयते ॥१०-५२॥

nāḍīmārgairindriyāṇāmākṛṣyādāya vāsanāḥ | sarvaṃ grasitvā kāryaṃ ca vijñānātmā vilīyate ||10-52||

।।४९१।। इंद्रियों के नाड़ी-मार्गों से वासनाओं को खींच कर, और सारे प्रभाव को निगल कर, विज्ञानात्मा विलीन हो जाता है।

ईश्वाराख्येऽव्याकृतेऽथ यथा सुखमयो भवेत् । कृत्स्नप्रपञ्चविलयस्तथा भवति चात्मनः ॥१०-५३॥

īśvārākhye'vyākṛte'tha yathā sukhamayo bhavet | kṛtsnaprapañcavilayastathā bhavati cātmanaḥ ||10-53||

।।४९२।। जैसे ईश्वर नामक अव्याक्रित में सब आनंदमय हो जाते हैं, वैसे ही आत्मा के लिए पूरे प्रपंच का विलय होता है।

योषितः काम्यमानायाः संभोगान्ते यथा सुखम् । स आनन्दमयोऽबाह्यो नान्तरः केवलस्तथा ॥१०-५४॥

yoṣitaḥ kāmyamānāyāḥ saṃbhogānte yathā sukham | sa ānandamayo'bāhyo nāntaraḥ kevalastathā ||10-54||

।।४९३।। जैसे इच्छित स्त्री के साथ संभोग के अंत में सुख होता है, वैसे ही वह आनंदमय, बाहर-भीतर के भेद रहित, अकेला रहता है।

प्राज्ञात्मानं समासाद्य विज्ञानात्मा तथैव सः । विज्ञानात्मा कारणात्मा तथा तिष्ठंस्तथापि सः ॥१०-५५॥

prājñātmānaṃ samāsādya vijñānātmā tathaiva saḥ | vijñānātmā kāraṇātmā tathā tiṣṭhaṃstathāpi saḥ ||10-55||

।।४९४।। प्राज्ञ-आत्मा को प्राप्त कर विज्ञानात्मा भी वही बन जाता है; कारण-आत्मा के रूप में स्थित होते हुए भी वह वही रहता है।

अविद्यासूक्ष्मवृत्त्यानुभवत्येव सुखं यथा । तथाहं सुखमस्वाप्सं नैव किञ्चिदवेदिषम् ॥१०-५६॥

avidyāsūkṣmavṛttyānubhavatyeva sukhaṃ yathā | tathāhaṃ sukhamasvāpsaṃ naiva kiñcidavediṣam ||10-56||

।।४९५।। जैसे अविद्या की सूक्ष्म वृत्ति से सुख का अनुभव होता है, वैसे ही बाद में कहा जाता है: 'मैं सुखपूर्वक सोया, मुझे कुछ पता न था'।

अज्ञानमपि साक्ष्यादि वृत्तिभिश्चानुभूयते । इत्येवं प्रत्यभिज्ञापि पश्चात्तस्योपजायते ॥१०-५७॥

ajñānamapi sākṣyādi vṛttibhiścānubhūyate | ityevaṃ pratyabhijñāpi paścāttasyopajāyate ||10-57||

।।४९६।। साक्षी आदि द्वारा अज्ञान भी वृत्तियों से अनुभव किया जाता है; इस प्रकार यह पहचान बाद में ही उत्पन्न होती है।

जाग्रत्स्वप्नसुषुप्त्याख्यमेवेहामुत्र लोकयोः । पश्चात्कर्मवशादेव विस्फुलिङ्गा यथानलात् । जायन्ते कारणादेव मनोबुद्ध्यादिकानि तु ॥१०-५८॥

jāgratsvapnasuṣuptyākhyamevehāmutra lokayoḥ | paścātkarmavaśādeva visphuliṅgā yathānalāt | jāyante kāraṇādeva manobuddhyādikāni tu ||10-58||

।।४९७।। जागृति, स्वप्न, सुषुप्ति नामक ये सब, इस लोक और परलोक में, बाद में कर्म के वश से, जैसे अग्नि से चिंगारियाँ, वैसे ही मन-बुद्धि आदि कारण से ही उत्पन्न होते हैं।

पयःपूर्णो घटो यद्वन्निमग्नः सलिलाशये । तैरेविद्धत आयाति विज्ञानात्मा तथैत्यजात् ॥१०-५९॥

payaḥpūrṇo ghaṭo yadvannimagnaḥ salilāśaye | taireviddhata āyāti vijñānātmā tathaityajāt ||10-59||

।।४९८।। जैसे जल से भरा घड़ा जलाशय में डूबा हुआ उसी जल से उठ आता है, वैसे ही विज्ञानात्मा अजन्मे से उठता है।

विज्ञानात्मा कारणात्मा तथा तिष्ठंस्तथापि सः । दृश्यते सत्सु तेष्वेव नष्टेष्वायात्यदृश्यताम् ॥१०-६०॥

vijñānātmā kāraṇātmā tathā tiṣṭhaṃstathāpi saḥ | dṛśyate satsu teṣveva naṣṭeṣvāyātyadṛśyatām ||10-60||

।।४९९।। विज्ञानात्मा कारण-आत्मा के रूप में स्थित होते हुए भी, वह उन साधनों के रहने पर ही दिखता है; उनके नष्ट होने पर अदृश्यता को प्राप्त होता है।

एकाकारोऽर्यमा तत्तत्कार्येष्विव परः पुमान् । कूटस्थो दृश्यते तद्वद्गच्छत्यागच्छतीव सः ॥१०-६१॥

ekākāro'ryamā tattatkāryeṣviva paraḥ pumān | kūṭastho dṛśyate tadvadgacchatyāgacchatīva saḥ ||10-61||

।।५००।। जैसे सूर्य एक ही रूप में अपने अलग-अलग प्रभावों में दिखता है, वैसे ही परम पुरुष; कूटस्थ होते हुए भी वह मानो जाता-आता प्रतीत होता है।

मोहमात्रान्तरायत्वात्सर्वं तस्योपपद्यते । देहाद्यतीत आत्मापि स्वयंज्योतिः स्वभावतः ॥१०-६२॥

mohamātrāntarāyatvātsarvaṃ tasyopapadyate | dehādyatīta ātmāpi svayaṃjyotiḥ svabhāvataḥ ||10-62||

।।५०१।। क्योंकि यह केवल मोह की बाधा के कारण है, इसलिए यह सब उसमें संभव है; देह आदि से परे आत्मा अपने स्वभाव से स्वयं-प्रकाशित है।

एवं जीवस्वरूपं ते प्रोक्तं दशरथात्मज ॥१०-६३॥

evaṃ jīvasvarūpaṃ te proktaṃ daśarathātmaja ||10-63||

।।५०२।। हे दशरथ-पुत्र, इस प्रकार जीव का सच्चा स्वरूप तुम्हें बताया गया।