Shiva Gita - Shiva's Teaching of Self-Knowledge to Rama

सूत उवाच । एवं श्रुत्वा कौसलेयस्तुष्टो मतिमतां वरः । पप्रच्छ गिरिजाकान्तं सुभगं मुक्तिलक्षणम् ॥१३-१॥

sūta uvāca | evaṃ śrutvā kausaleyastuṣṭo matimatāṃ varaḥ | papraccha girijākāntaṃ subhagaṃ muktilakṣaṇam ||13-1||

।।१३-१।। सूत बोले: यह सुन कर मतिमानों में श्रेष्ठ, कौसल्या के पुत्र राम प्रसन्न हुए, और गिरिजा के प्रिय शिव से मुक्ति के मंगलमय स्वरूप के विषय में पूछा।

श्रीराम उवाच । भगवन्करुणाविष्टहृदय त्वं प्रसीद मे । स्वरूपलक्षणं मुक्तेः प्रब्रूहि परमेश्वर ॥१३-२॥

śrīrāma uvāca | bhagavankaruṇāviṣṭahṛdaya tvaṃ prasīda me | svarūpalakṣaṇaṃ mukteḥ prabrūhi parameśvara ||13-2||

।।१३-२।। श्रीराम बोले: हे भगवन्, जिनका हृदय करुणा से आविष्ट है, आप मुझ पर प्रसन्न होइए। हे परमेश्वर, मुक्ति का स्वरूप-लक्षण मुझसे कहिए।

श्रीभगवानुवाच । सालोक्यमपि सारूप्यं सार्ष्ट्यं सायुज्यमेव च । कैवल्यं चेति तां विद्धि मुक्तिं राघव पञ्चधा ॥१३-३॥

śrībhagavānuvāca | sālokyamapi sārūpyaṃ sārṣṭyaṃ sāyujyameva ca | kaivalyaṃ ceti tāṃ viddhi muktiṃ rāghava pañcadhā ||13-3||

।।१३-३।। भगवान् बोले: सालोक्य, सारूप्य, सार्ष्ट्य, सायुज्य, और कैवल्य - हे राघव, मुक्ति को इन पाँच प्रकार की जानो।

मां पूजयति निष्कामः सर्वदा ज्ञानवर्जितः । स मे लोकं समासाद्य भुङ्क्ते भोगान्यथेप्सितान् ॥१३-४॥

māṃ pūjayati niṣkāmaḥ sarvadā jñānavarjitaḥ | sa me lokaṃ samāsādya bhuṅkte bhogānyathepsitān ||13-4||

।।१३-४।। जो सदा निष्काम भाव से, पर ज्ञान से रहित हो कर मुझे पूजता है, वह मेरे लोक को प्राप्त कर वहाँ इच्छानुसार भोगों का उपभोग करता है।

ज्ञात्वा मां पूजयेद्यस्तु सर्वकामविवर्जितः । मया समानरूपः सन्मम लोके महीयते ॥१३-५॥

jñātvā māṃ pūjayedyastu sarvakāmavivarjitaḥ | mayā samānarūpaḥ sanmama loke mahīyate ||13-5||

।।१३-५।। पर जो मुझे जान कर, सर्व कामनाओं से पूर्णतः रहित हो कर पूजता है, वह मेरे समान रूप को प्राप्त कर मेरे लोक में महिमामंडित होता है।

इष्टापूर्तादि कर्माणि मत्प्रीत्यै कुरुते तु यः । यत्करोति यदश्नाति यज्जुहोति ददाति यत् ॥१३-६॥

iṣṭāpūrtādi karmāṇi matprītyai kurute tu yaḥ | yatkaroti yadaśnāti yajjuhoti dadāti yat ||13-6||

।।१३-६।। पर जो इष्टापूर्त आदि कर्म मेरी प्रसन्नता के लिए करता है, वह जो कुछ करता है, खाता है, हवन करता है, या दान देता है,

यत्तपस्यति तत्सर्वं यः करोति मदर्पणम् । मल्लोके स श्रियं भुङ्क्ते मत्तुल्यं प्राभवं भजेत् ॥१३-७॥

yattapasyati tatsarvaṃ yaḥ karoti madarpaṇam | malloke sa śriyaṃ bhuṅkte mattulyaṃ prābhavaṃ bhajet ||13-7||

।।१३-७।। जो कुछ भी तप वह करता है, वह सब मुझे अर्पित करने वाला, मेरे लोक में ऐश्वर्य भोगता है, और मेरे समान प्रभुत्व प्राप्त करता है।

यस्तु शान्त्यादियुक्तः सन्मामात्मत्वेन पश्यति । स जायते परं ज्योतिरद्वैतं ब्रह्म केवलम् । आत्मस्वरूपावस्थानं मुक्तिरित्यभिधीयते ॥१३-८॥

yastu śāntyādiyuktaḥ sanmāmātmatvena paśyati | sa jāyate paraṃ jyotiradvaitaṃ brahma kevalam | ātmasvarūpāvasthānaṃ muktirityabhidhīyate ||13-8||

।।१३-८।। पर जो शान्ति आदि गुणों से युक्त हो कर मुझे अपने आत्मा के रूप में देखता है, वह परम ज्योति, अद्वैत ब्रह्म, केवल हो जाता है। अपने स्वरूप में स्थिति ही मुक्ति कही जाती है।

सत्यं ज्ञानमनन्तं सदानन्दं ब्रह्मकेवलम् । सर्वधर्मविहीनं च मनोवाचामगोचरम् ॥१३-९॥

satyaṃ jñānamanantaṃ sadānandaṃ brahmakevalam | sarvadharmavihīnaṃ ca manovācāmagocaram ||13-9||

।।१३-९।। सत्य, ज्ञान, अनन्त, सदा आनन्द, केवल ब्रह्म, सब गुणों से रहित, और मन-वाणी की पहुँच से परे।

सजातीयविजातीयपदार्थानामसंभवात् । अतस्तद्व्यतिरिक्तानामद्वैतमिति संज्ञितम् ॥१३-१०॥

sajātīyavijātīyapadārthānāmasaṃbhavāt | atastadvyatiriktānāmadvaitamiti saṃjñitam ||13-10||

।।१३-१०।। क्योंकि उसके सजातीय, विजातीय, या उससे भिन्न किसी पदार्थ की संभावना ही नहीं है, इसलिए वह अद्वैत कहा जाता है।

मत्वा रूपमिदं राम शुद्धं यदभिधीयते । मय्येव दृश्यते सर्वं जगत्स्थावरजङ्गमम् ॥१३-११॥

matvā rūpamidaṃ rāma śuddhaṃ yadabhidhīyate | mayyeva dṛśyate sarvaṃ jagatsthāvarajaṅgamam ||13-11||

।।१३-११।। हे राम, इस शुद्ध रूप को जान कर, चराचर सम्पूर्ण जगत् मुझमें ही देखा जाता है।

व्योम्नि गन्धर्वनगरं यथा दृष्टं न दृश्यते । अनाद्यविद्यया विश्वं सर्वं मय्येव कल्प्यते ॥१३-१२॥

vyomni gandharvanagaraṃ yathā dṛṣṭaṃ na dṛśyate | anādyavidyayā viśvaṃ sarvaṃ mayyeva kalpyate ||13-12||

।।१३-१२।। जैसे आकाश में गन्धर्वनगर दिखते हुए भी वास्तव में नहीं है, वैसे ही अनादि अविद्या से सम्पूर्ण विश्व मुझमें ही कल्पित होता है।

मम स्वरूपज्ञानेन यदाऽविद्या प्रणश्यति । तदैक एव वर्त्तेऽहं मनोवाचामगोचरः ॥१३-१३॥

mama svarūpajñānena yadā'vidyā praṇaśyati | tadaika eva vartte'haṃ manovācāmagocaraḥ ||13-13||

।।१३-१३।। जब मेरे स्वरूप के ज्ञान से अविद्या नष्ट हो जाती है, तब मैं ही अकेला शेष रहता हूँ, मन-वाणी की पहुँच से परे।

सदैव परमानन्दः स्वप्रकाशश्चिदात्मकः । न कालः पञ्चभूतानि न दिशो विदिशश्च न ॥१३-१४॥

sadaiva paramānandaḥ svaprakāśaścidātmakaḥ | na kālaḥ pañcabhūtāni na diśo vidiśaśca na ||13-14||

।।१३-१४।। सदा परमानन्द, स्वप्रकाश, चिदात्मक; न काल है, न पंचभूत हैं, न दिशाएँ हैं, न विदिशाएँ हैं।

मदन्यन्नास्ति यत्किञ्चित्तदा वर्त्तेऽहमेकलः ॥१३-१५॥

madanyannāsti yatkiñcittadā vartte'hamekalaḥ ||13-15||

।।१३-१५।। मुझसे भिन्न कुछ भी नहीं है। तब मैं अकेला, एकाकी, शेष रहता हूँ।

न संदृशे तिष्ठति मे स्वरूपं न चक्षुषा पश्यति मां तु कश्चित् । हृदा मनीषा मनसाभिक्लृप्तं ये मां विदुस्ते ह्यमृता भवन्ति ॥१३-१६॥

na saṃdṛśe tiṣṭhati me svarūpaṃ na cakṣuṣā paśyati māṃ tu kaścit | hṛdā manīṣā manasābhiklṛptaṃ ye māṃ viduste hyamṛtā bhavanti ||13-16||

।।१३-१६।। मेरा स्वरूप दृष्टि के दायरे में नहीं ठहरता; कोई भी मुझे आँख से नहीं देखता। हृदय, बुद्धि और मन से जिन्होंने मुझे जान लिया, वे ही अमर हो जाते हैं।

श्रीराम उवाच । कथं भगवतो ज्ञानं शुद्धं मर्त्यस्य जायते । तत्रोपायं हर ब्रूहि मयि तेऽनुग्रहो यदि ॥१३-१७॥

śrīrāma uvāca | kathaṃ bhagavato jñānaṃ śuddhaṃ martyasya jāyate | tatropāyaṃ hara brūhi mayi te'nugraho yadi ||13-17||

।।१३-१७।। श्रीराम बोले: भगवान् का शुद्ध ज्ञान एक नश्वर में कैसे उत्पन्न होता है? हे हर, यदि आपकी मुझ पर कृपा हो तो उसका उपाय बताइए।

श्रीभगवानुवाच । विरज्य सर्वभूयेभ्य आविरिंचिपदादपि । घृणां वितत्य सर्वत्र पुत्रमित्रादिकेष्वपि ॥१३-१८॥

śrībhagavānuvāca | virajya sarvabhūyebhya āviriṃcipadādapi | ghṛṇāṃ vitatya sarvatra putramitrādikeṣvapi ||13-18||

।।१३-१८।। भगवान् बोले: सम्पूर्ण अस्तित्व से, ब्रह्मा के पद तक भी, वैराग्य धारण कर, तथा सर्वत्र, अपने पुत्र-मित्र आदि के प्रति भी, करुणा फैला कर,

श्रद्धालुर्भक्तिमार्गेषु वेदान्तज्ञानलिप्सया । उपायनकरो भूत्वा गुरुं ब्रह्मविदं व्रजेत् ॥१३-१९॥

śraddhālurbhaktimārgeṣu vedāntajñānalipsayā | upāyanakaro bhūtvā guruṃ brahmavidaṃ vrajet ||13-19||

।।१३-१९।। भक्ति-मार्गों में श्रद्धावान्, वेदान्त-ज्ञान पाने की लालसा से, हाथ में उपायन ले कर, ब्रह्मविद् गुरु के पास जाना चाहिए।

सेवाभिः परितोष्यैनं चिरकालं समाहितः । सर्ववेदान्तवाक्यार्थं शृणुयात्सुसमाहितः ॥१३-२०॥

sevābhiḥ paritoṣyainaṃ cirakālaṃ samāhitaḥ | sarvavedāntavākyārthaṃ śṛṇuyātsusamāhitaḥ ||13-20||

।।१३-२०।। दीर्घकाल तक सेवाओं से गुरु को संतुष्ट कर, समाहित चित्त से, सम्पूर्ण वेदान्त-वाक्यों का अर्थ पूर्ण समाहित हो कर सुनना चाहिए।

सर्ववेदान्तवाक्यानां मयि तात्पर्यनिश्चयम् । श्रवणं नाम तत्प्राहुः सर्वे ते ब्रह्मवादिनः ॥१३-२१॥

sarvavedāntavākyānāṃ mayi tātparyaniścayam | śravaṇaṃ nāma tatprāhuḥ sarve te brahmavādinaḥ ||13-21||

।।१३-२१।। सम्पूर्ण वेदान्त-वाक्यों का तात्पर्य निश्चय रूप से मुझमें ही है, इसी को समस्त ब्रह्मवादी श्रवण कहते हैं।

लोहमण्यादिदृष्टान्तयुक्तिभिर्यद्विचिन्तनम् । तदेव मननं प्राहुर्वाक्यार्थस्योपबृंहणम् ॥१३-२२॥

lohamaṇyādidṛṣṭāntayuktibhiryadvicintanam | tadeva mananaṃ prāhurvākyārthasyopabṛṃhaṇam ||13-22||

।।१३-२२।। लोहा, मणि आदि दृष्टान्तों की युक्तियों से जो विचिन्तन किया जाता है, उसे ही मनन कहते हैं, जो वाक्यार्थ का उपबृंहण है।

निर्ममो निरहंकारः समः संगवर्जितः । सदा शान्त्यादियुक्तः सन्नात्मन्यात्मानमीक्षते ॥१३-२३॥

nirmamo nirahaṃkāraḥ samaḥ saṃgavarjitaḥ | sadā śāntyādiyuktaḥ sannātmanyātmānamīkṣate ||13-23||

।।१३-२३।। ममता रहित, अहंकार रहित, समभाव, संग-वर्जित, सदा शान्ति आदि गुणों से युक्त हो कर, आत्मा में ही आत्मा को देखता है।

यत्सदा ध्यानयोगेन तन्निदिध्यासनं स्मृतम् ॥१३-२४॥

yatsadā dhyānayogena tannididhyāsanaṃ smṛtam ||13-24||

।।१३-२४।। जो सदा ध्यानयोग से किया जाता है, वह निदिध्यासन कहलाता है।

सर्वकर्मक्षयवशात्साक्षात्कारोऽपि चात्मनः । कस्यचिज्जायते शीघ्रं चिरकालेन कस्यचित् ॥१३-२५॥

sarvakarmakṣayavaśātsākṣātkāro'pi cātmanaḥ | kasyacijjāyate śīghraṃ cirakālena kasyacit ||13-25||

।।१३-२५।। सभी संचित कर्मों के क्षय से आत्मा का साक्षात्कार भी होता है, किसी को शीघ्र, किसी को दीर्घकाल में।

कूटस्थानीह कर्माणि कोटिजन्मार्जितान्यपि । ज्ञानेनैव विनश्यन्ति न तु कर्मायुतैरपि ॥१३-२६॥

kūṭasthānīha karmāṇi koṭijanmārjitānyapi | jñānenaiva vinaśyanti na tu karmāyutairapi ||13-26||

।।१३-२६।। यहाँ संचित कर्म, करोड़ों जन्मों में अर्जित भी, ज्ञान से ही नष्ट होते हैं, दस हज़ार कर्मों से भी नहीं।

ज्ञानादूर्ध्वं तु यत्किञ्चित्पुण्यं वा पापमेव वा । क्रियते बहु वाल्पं वा न तेनायं विलिप्यते ॥१३-२७॥

jñānādūrdhvaṃ tu yatkiñcitpuṇyaṃ vā pāpameva vā | kriyate bahu vālpaṃ vā na tenāyaṃ vilipyate ||13-27||

।।१३-२७।। किन्तु ज्ञान के उदय के बाद जो भी पुण्य या पाप किया जाए, चाहे बहुत हो या थोड़ा, उससे यह लिप्त नहीं होता।

शरीरारम्भकं यत्तु प्रारब्धं कर्म जन्मिनः । तद्भोगेनैव नष्टं स्यान्न तु ज्ञानेन नश्यति ॥१३-२८॥

śarīrārambhakaṃ yattu prārabdhaṃ karma janminaḥ | tadbhogenaiva naṣṭaṃ syānna tu jñānena naśyati ||13-28||

।।१३-२८।। पर जो कर्म इस शरीर का आरंभक है, वह प्रारब्ध कर्म, वह भोग से ही नष्ट होता है, ज्ञान से नष्ट नहीं होता।

निर्मोहो निरहंकारो निर्लेपः संगवर्जितः । सर्वभूतेषु चात्मानं सर्वभूतानि चात्मनि । यः पश्यन्संचरत्येष जीवन्मुक्तोऽभिधीयते ॥१३-२९॥

nirmoho nirahaṃkāro nirlepaḥ saṃgavarjitaḥ | sarvabhūteṣu cātmānaṃ sarvabhūtāni cātmani | yaḥ paśyansaṃcaratyeṣa jīvanmukto'bhidhīyate ||13-29||

।।१३-२९।। मोह रहित, अहंकार रहित, निर्लेप, संग रहित, सब प्राणियों में अपने आत्मा को और अपने में सब प्राणियों को देखते हुए जो विचरण करता है, वही जीवन्मुक्त कहलाता है।

अहिनिर्ल्वयनी यद्वद्द्रष्टुः पूर्वं भयप्रदा । ततोऽस्य न भयं किंचित्तद्वद्द्रष्टुरयं जनः ॥१३-३०॥

ahinirlvayanī yadvaddraṣṭuḥ pūrvaṃ bhayapradā | tato'sya na bhayaṃ kiṃcittadvaddraṣṭurayaṃ janaḥ ||13-30||

।।१३-३०।। जैसे साँप की केंचुली, जो पहले देखने वाले को भयभीत करती थी, बाद में कोई भय नहीं देती, वैसे ही द्रष्टा के लिए यह संसार निर्भय हो जाता है।

यदा सर्वे प्रमुच्यन्ते कामा येऽस्य वशं गताः । अथ मर्त्योऽमृतो भवत्येतावदनुशासनम् ॥१३-३१॥

yadā sarve pramucyante kāmā ye'sya vaśaṃ gatāḥ | atha martyo'mṛto bhavatyetāvadanuśāsanam ||13-31||

।।१३-३१।। जब उसके हृदय में बसी सारी कामनाएँ मुक्त हो जाती हैं, तब मर्त्य अमर हो जाता है। बस इतना ही सम्पूर्ण उपदेश है।

मोक्षस्य न हि वासोऽस्ति न ग्रामान्तरमेव वा । अज्ञानहृदयग्रन्थिनाशो मोक्ष इति स्मृतः ॥१३-३२॥

mokṣasya na hi vāso'sti na grāmāntarameva vā | ajñānahṛdayagranthināśo mokṣa iti smṛtaḥ ||13-32||

।।१३-३२।। मुक्ति का न कोई निवास-स्थान है, न कोई और गाँव। हृदय की अज्ञान-ग्रन्थि का नाश ही मुक्ति कही जाती है।

वृक्षाग्रच्युतपादो यः स तदैव पतत्यधः । तद्वज्ज्ञानवतो मुक्तिर्जायते निश्चितापि तु ॥१३-३३॥

vṛkṣāgracyutapādo yaḥ sa tadaiva patatyadhaḥ | tadvajjñānavato muktirjāyate niścitāpi tu ||13-33||

।।१३-३३।। जिसका पैर वृक्ष के शिखर से फिसल जाए, वह उसी क्षण नीचे गिरता है। वैसे ही ज्ञानवान् की मुक्ति भी, निश्चित होने पर भी, उसी क्षण घटित होती है।

तीर्थं चाण्डालगेहे वा यदि वा नष्टचेतनः । परित्यजन्देहमिमं ज्ञानादेव विमुच्यते ॥१३-३४॥

tīrthaṃ cāṇḍālagehe vā yadi vā naṣṭacetanaḥ | parityajandehamimaṃ jñānādeva vimucyate ||13-34||

।।१३-३४।। चाहे तीर्थ में हो या चाण्डाल के घर में, चाहे चेतना खो चुका हो, इस देह को त्यागते हुए, ज्ञान से ही मुक्त हो जाता है।

संवीतो येन केनाश्नन्भक्ष्यं वाभक्ष्यमेव वा । शयानो यत्र कुत्रापि सर्वात्मा मुच्यतेऽत्र सः ॥१३-३५॥

saṃvīto yena kenāśnanbhakṣyaṃ vābhakṣyameva vā | śayāno yatra kutrāpi sarvātmā mucyate'tra saḥ ||13-35||

।।१३-३५।। जो भी वस्त्र पहने, जो भी खाद्य या अखाद्य खाए, जहाँ कहीं भी सोए, वह सर्वात्मा यहीं मुक्त होता है।

क्षीरादुद्धृतमाज्यं तत्क्षिप्तं पयसि तत्पुनः । न तेनैवैकतां याति संसारे ज्ञानवांस्तथा ॥१३-३६॥

kṣīrāduddhṛtamājyaṃ tatkṣiptaṃ payasi tatpunaḥ | na tenaivaikatāṃ yāti saṃsāre jñānavāṃstathā ||13-36||

।।१३-३६।। दूध से निकाला हुआ घी, दोबारा दूध में डाल दिया जाए तो भी, उससे एक नहीं होता। वैसे ही ज्ञानवान् संसार में फिर लीन नहीं होता।

नित्यं पठति योऽध्यायमिमं राम शृणोति वा । स मुच्यते देहबन्धादनायासेन राघव ॥१३-३७॥

nityaṃ paṭhati yo'dhyāyamimaṃ rāma śṛṇoti vā | sa mucyate dehabandhādanāyāsena rāghava ||13-37||

।।१३-३७।। हे राम, जो इस अध्याय को नित्य पढ़ता है, या सुनता है, वह देह-बन्धन से सहज ही मुक्त हो जाता है, हे राघव।

अतः संयतचित्तस्त्वं नित्यं पठ महीपते । अनायासेन तेनैव सर्वथा मोक्षमाप्स्यसि ॥१३-३८॥

ataḥ saṃyatacittastvaṃ nityaṃ paṭha mahīpate | anāyāsena tenaiva sarvathā mokṣamāpsyasi ||13-38||

।।१३-३८।। अतः हे महीपते, संयत चित्त से इसे नित्य पढ़ो। उससे ही, सहज रूप से, तुम सर्वथा मुक्ति प्राप्त करोगे।