Bound and Liberated Souls

श्रीभगवानुवाच बद्धो मुक्त इति व्याख्या गुणतो मे न वस्तुतः । गुणस्य मायामूलत्वान्न मे मोक्षो न बन्धनम् ॥११-१॥

śrī-bhagavān uvāca baddho mukta iti vyākhyā guṇato me na vastutaḥ guṇasya māyā-mūlatvān na me mokṣo na bandhanam ||11-1||

।।२३९।। भगवान ने कहा: बद्ध और मुक्त, ये शब्द गुणों से उत्पन्न व्याख्याएँ हैं, मेरे विषय में वास्तविक तथ्य नहीं। चूँकि गुण स्वयं माया में जड़ित हैं, अतः मेरे लिए न तो मोक्ष है और न बंधन।

शोकमोहौ सुखं दुःखं देहापत्तिश्च मायया । स्वप्नो यथात्मनः ख्यातिः संसृतिर्न तु वास्तवी ॥११-२॥

śoka-mohau sukhaṁ duḥkhaṁ dehāpattiś ca māyayā svapno yathātmanaḥ khyātiḥ saṁsṛtir na tu vāstavī ||11-2||

।।२४०।। शोक, मोह, सुख, दुःख, और देह की प्राप्ति भी, सब माया के ही उत्पाद हैं। जैसे स्वप्न बुद्धि की एक कल्पना मात्र है और उसका अपना कोई सत्त्व नहीं, वैसे ही संसार भी अंततः वास्तविक नहीं है।

विद्याविद्ये मम तनू विद्ध्युद्धव शरीरिणाम् । मोक्षबन्धकरी आद्ये मायया मे विनिर्मिते ॥११-३॥

vidyāvidye mama tanū viddhy uddhava śarīriṇām mokṣa-bandha-karī ādye māyayā me vinirmite ||11-3||

।।२४१।। हे उद्धव, जानो कि ज्ञान और अज्ञान देहधारियों के लिए मेरी ही दो शक्तियाँ हैं, दो अनादि शक्तियाँ जो मेरी माया से उत्पन्न हैं, एक मुक्ति देने वाली और दूसरी बंधन देने वाली।

एकस्यैव ममांशस्य जीवस्यैव महामते । बन्धोऽस्याविद्ययानादिर्विद्यया च तथेतरः ॥११-४॥

ekasyaiva mamāṁśasya jīvasyaiva mahā-mate bandho ’syāvidyayānādir vidyayā ca tathetaraḥ ||11-4||

।।२४२।। हे महामते उद्धव, जीव कुछ और नहीं बल्कि मेरा ही अंश है। अज्ञान के कारण उसका बंधन अनादि है, और उसी प्रकार ज्ञान के कारण उसकी मुक्ति भी।

अथ बद्धस्य मुक्तस्य वैलक्षण्यं वदामि ते । विरुद्धधर्मिणोस्तात स्थितयोरेकधर्मिणि ॥११-५॥

atha baddhasya muktasya vailakṣaṇyaṁ vadāmi te viruddha-dharmiṇos tāta sthitayor eka-dharmiṇi ||11-5||

।।२४३।। अब, प्रिय उद्धव, मैं तुम्हें बद्ध और मुक्त के विशिष्ट लक्षण बताऊँगा, दो परस्पर विरोधी स्वभाव, जो फिर भी एक ही आधार में स्थित पाए जाते हैं।

सुपर्णावेतौ सदृशौ सखायौ यदृच्छयैतौ कृतनीडौ च वृक्षे । एकस्तयोः खादति पिप्पलान्न- मन्यो निरन्नोऽपि बलेन भूयान् ॥११-६॥

suparṇāv etau sadṛśau sakhāyau yadṛcchayaitau kṛta-nīḍau ca vṛkṣe ekas tayoḥ khādati pippalānnam anyo niranno ’pi balena bhūyān ||11-6||

।।२४४।। ये दो समान पक्षी, मित्र, संयोगवश एक ही वृक्ष पर घोंसला बना बैठे हैं। उनमें से एक उस वृक्ष के फल खाता है, जबकि दूसरा, कुछ न खाते हुए भी, अपने बल से महान बना रहता है।

आत्मानमन्यं च स वेद विद्वा- नपिप्पलादो न तु पिप्पलादः । योऽविद्यया युक् स तु नित्यबद्धो विद्यामयो यः स तु नित्यमुक्तः ॥११-७॥

ātmānam anyaṁ ca sa veda vidvān apippalādo na tu pippalādaḥ yo ’vidyayā yuk sa tu nitya-baddho vidyā-mayo yaḥ sa tu nitya-muktaḥ ||11-7||

।।२४५।। जो पक्षी नहीं खाता, वह सर्वज्ञ होने से स्वयं को और दूसरे को भी जानता है, पर खाने वाला पक्षी किसी को नहीं जानता। जो अज्ञान से जुड़ा है वह नित्यबद्ध है, और जो ज्ञानमय है वह नित्यमुक्त है।

देहस्थोऽपि न देहस्थो विद्वान् स्वप्नाद् यथोत्थितः । अदेहस्थोऽपि देहस्थः कुमतिः स्वप्नदृग् यथा ॥११-८॥

deha-stho ’pi na deha-stho vidvān svapnād yathotthitaḥ adeha-stho ’pi deha-sthaḥ kumatiḥ svapna-dṛg yathā ||11-8||

।।२४६।। देह में रहते हुए भी, ज्ञानी वास्तव में देह में स्थित नहीं है, ठीक जैसे कोई स्वप्न से जागा हुआ व्यक्ति। मूर्ख, वास्तव में देह में स्थित न होते हुए भी, देह में स्थित होने का अनुभव करता है, ठीक जैसे कोई स्वप्न देखता हुआ व्यक्ति।

इन्द्रियैरिन्द्रियार्थेषु गुणैरपि गुणेषु च । गृह्यमाणेष्वहं कुर्यान्न विद्वान् यस्त्वविक्रियः ॥११-९॥

indriyair indriyārtheṣu guṇair api guṇeṣu ca gṛhyamāṇeṣv ahaṁ kuryān na vidvān yas tv avikriyaḥ ||11-9||

।।२४७।। जब इंद्रियाँ अपने विषयों में और गुण गुणों में संलग्न होते हैं, तब ज्ञानी, जो इस से पूर्णतः अप्रभावित रहता है, कभी यह मिथ्या भाव न होने दे कि 'यह मैं कर रहा हूँ'।

दैवाधीने शरीरेऽस्मिन् गुणभाव्येन कर्मणा । वर्तमानोऽबुधस्तत्र कर्तास्मीति निबध्यते ॥११-१०॥

daivādhīne śarīre ’smin guṇa-bhāvyena karmaṇā vartamāno ’budhas tatra kartāsmīti nibadhyate ||11-10||

।।२४८।। इस शरीर में, जो प्रारब्ध के अधीन है, और गुणों से उत्पन्न कर्म के बीच, अबुध व्यक्ति यह सोच कर बंध जाता है कि 'मैं कर्ता हूँ'।

एवं विरक्तः शयन आसनाटनमज्जने । दर्शनस्पर्शनघ्राणभोजनश्रवणादिषु । न तथा बध्यते विद्वान् तत्र तत्रादयन् गुणान् ॥११-११॥

evaṁ viraktaḥ śayana āsanāṭana-majjane darśana-sparśana-ghrāṇa- bhojana-śravaṇādiṣu na tathā badhyate vidvān tatra tatrādayan guṇān ||11-11||

।।२४९।। इस प्रकार विरक्त, ज्ञानी लेटने, बैठने, चलने, स्नान करने, देखने, छूने, सूँघने, खाने, सुनने आदि सभी में संलग्न रहता है, हर क्रिया में गुणों का अनुभव करते हुए भी, वह उस प्रकार कभी बंधता नहीं जैसे साधारण व्यक्ति बंधता है।

प्रकृतिस्थोऽप्यसंसक्तो यथा खं सवितानिलः । वैशारद्येक्षयासङ्गशितया छिन्नसंशयः ॥११-१२॥

prakṛti-stho ’py asaṁsakto yathā khaṁ savitānilaḥ vaiśāradyekṣayāsaṅga- śitayā chinna-saṁśayaḥ ||11-12||

।।२५०।। प्रकृति में स्थित होते हुए भी वह पूर्णतः अनासक्त रहता है, ठीक जैसे आकाश, सूर्य और वायु उन सब से अस्पर्शित रहते हैं जिन्हें वे व्याप्त करते हैं। निपुणता से जन्मी और वैराग्य से तीक्ष्ण हुई दृष्टि से, उसके सारे संशय कट जाते हैं।

प्रतिबुद्ध इव स्वप्नान्नानात्वाद् विनिवर्तते ॥११-१३॥

pratibuddha iva svapnān nānātvād vinivartate ||11-13||

।।२५१।। जैसे स्वप्न से पूर्णतः जागा हुआ व्यक्ति उस स्वप्न में प्रतीत हुई हर वस्तु से मुड़ जाता है, वैसे ही वह व्यक्ति अनेकता के अनुभव से भी पूर्णतः मुड़ जाता है।

यस्य स्युर्वीतसङ्कल्पाः प्राणेन्द्रियमनोधियाम् । वृत्तयः स विनिर्मुक्तो देहस्थोऽपि हि तद्गुणैः ॥११-१४॥

yasya syur vīta-saṅkalpāḥ prāṇendriya-mano-dhiyām vṛttayaḥ sa vinirmukto deha-stho ’pi hi tad-guṇaiḥ ||11-14||

।।२५२।। जिस व्यक्ति की प्राण, इंद्रिय, मन और बुद्धि की वृत्तियाँ आत्मकेंद्रित इच्छा से पूर्णतः मुक्त हो जाती हैं, वह देह में स्थित रहते हुए भी उसके गुणों से पूर्णतः मुक्त है।

यस्यात्मा हिंस्यते हिंस्रैर्येन किञ्चिद् यदृच्छया । अर्च्यते वा क्वचित्तत्र न व्यतिक्रियते बुधः ॥११-१५॥

yasyātmā hiṁsyate hiṁsrair yena kiñcid yadṛcchayā arcyate vā kvacit tatra na vyatikriyate budhaḥ ||11-15||

।।२५३।। किसी का शरीर संयोगवश हिंसक लोगों या पशुओं द्वारा आक्रांत हो, या कहीं पूजा-सम्मान पाए, ज्ञानी इनमें से किसी से भी अपनी स्थिरता से डिगता नहीं।

न स्तुवीत न निन्देत कुर्वतः साध्वसाधु वा । वदतो गुणदोषाभ्यां वर्जितः समदृङ्मुनिः ॥११-१६॥

na stuvīta na nindeta kurvataḥ sādhv asādhu vā vadato guṇa-doṣābhyāṁ varjitaḥ sama-dṛṅ muniḥ ||11-16||

।।२५४।। ऐसा मुनि न किसी की भली-बुरी क्रिया की प्रशंसा करे, न निंदा। भले-बुरे गुणों से निर्णय करने से मुक्त, सच्चा मुनि समदृष्टि रखता है।

न कुर्यान्न वदेत् किञ्चिन्न ध्यायेत् साध्वसाधु वा । आत्मारामोऽनया वृत्त्या विचरेज्जडवन्मुनिः ॥११-१७॥

na kuryān na vadet kiñcin na dhyāyet sādhv asādhu vā ātmārāmo ’nayā vṛttyā vicarej jaḍa-van muniḥ ||11-17||

।।२५५।। शरीर-निर्वाह से परे, वह न कुछ करे, न बोले, और न भले-बुरे का चिंतन करे। आत्मा में रमण करते हुए, मुनि इसी प्रकार जीते हुए संसार में विचरण करे, दूसरों को साधारण, अविशिष्ट व्यक्ति जैसा लगते हुए।

शब्दब्रह्मणि निष्णातो न निष्णायात् परे यदि । श्रमस्तस्य श्रमफलो ह्यधेनुमिव रक्षतः ॥११-१८॥

śabda-brahmaṇi niṣṇāto na niṣṇāyāt pare yadi śramas tasya śrama-phalo hy adhenum iva rakṣataḥ ||11-18||

।।२५६।। यदि कोई वैदिक शब्द में पूर्ण निपुण हो कर भी परमात्मा में लीन न हो, तो उसका श्रम केवल श्रम का ही फल देता है, ठीक उस व्यक्ति की तरह जो ऐसी गाय की सेवा करता है जो कभी दूध नहीं देती।

गां दुग्धदोहामसतीं च भार्यां देहं पराधीनमसत्प्रजां च । वित्तं त्वतीर्थीकृतमङ्ग वाचं हीनां मया रक्षति दुःखदुःखी ॥११-१९॥

gāṁ dugdha-dohām asatīṁ ca bhāryāṁ dehaṁ parādhīnam asat-prajāṁ ca vittaṁ tv atīrthī-kṛtam aṅga vācaṁ hīnāṁ mayā rakṣati duḥkha-duḥkhī ||11-19||

।।२५७।। पूरी तरह दुही हुई गाय, कुलटा पत्नी, दूसरों के अधीन शरीर, अनुपयोगी संतान, अयोग्य को दिया धन, और मुझसे रहित वाणी, इन सब को पालने वाला व्यक्ति केवल दुःख पर दुःख भरता है।

यस्यां न मे पावनमङ्ग कर्म स्थित्युद्भवप्राणनिरोधमस्य । लीलावतारेप्सितजन्म वा स्याद् वन्ध्यां गिरं तां बिभृयान्न धीरः ॥११-२०॥

yasyāṁ na me pāvanam aṅga karma sthity-udbhava-prāṇa-nirodham asya līlāvatārepsita-janma vā syād vandhyāṁ giraṁ tāṁ bibhṛyān na dhīraḥ ||11-20||

।।२५८।। जिस वाणी या साहित्य में मेरे पवित्र करने वाले कार्य, इस जगत् की उत्पत्ति, स्थिति और संहार, अथवा मेरे लीला-अवतारों का वांछित जन्म न हों, वह वाणी वंध्या है। बुद्धिमान को ऐसी वंध्या वाणी को कभी संजोना नहीं चाहिए।

एवं जिज्ञासयापोह्य नानात्वभ्रममात्मनि । उपारमेत विरजं मनो मय्यर्प्य सर्वगे ॥११-२१॥

evaṁ jijñāsayāpohya nānātva-bhramam ātmani upārameta virajaṁ mano mayy arpya sarva-ge ||11-21||

।।२५९।। इस प्रकार जिज्ञासा द्वारा आत्मा में अनेकता के भ्रम को दूर कर, व्यक्ति को भौतिक उलझाव से विरत हो कर, विरज हो कर, अपने मन को सर्वव्यापी मुझ में अर्पित करना चाहिए।

यद्यनीशो धारयितुं मनो ब्रह्मणि निश्चलम् । मयि सर्वाणि कर्माणि निरपेक्षः समाचर ॥११-२२॥

yady anīśo dhārayituṁ mano brahmaṇi niścalam mayi sarvāṇi karmāṇi nirapekṣaḥ samācara ||11-22||

।।२६०।। यदि तुम मन को ब्रह्म में स्थिर रूप से बाँध नहीं पाते, तो अपने सभी कर्म मुझे अर्पित करते हुए, बिना किसी व्यक्तिगत अपेक्षा के, करो।

श्रद्धालुर्मत्कथाः शृण्वन् सुभद्रा लोकपावनीः । गायन्ननुस्मरन् कर्म जन्म चाभिनयन् मुहुः ॥११-२३॥

śraddhālur mat-kathāḥ śṛṇvan su-bhadrā loka-pāvanīḥ gāyann anusmaran karma janma cābhinayan muhuḥ ||11-23||

।।२६१।। श्रद्धावान व्यक्ति, मेरी इन कथाओं को सुन कर, जो सर्वथा मंगलकारी और लोक को पवित्र करने वाली हैं, फिर उन्हें गाते हुए, मेरे कार्यों का निरंतर स्मरण करते हुए, और मेरे जन्म को बार-बार अभिनीत करते हुए।

मदर्थे धर्मकामार्थानाचरन् मदपाश्रयः । लभते निश्चलां भक्तिं मय्युद्धव सनातने ॥११-२४॥

mad-arthe dharma-kāmārthān ācaran mad-apāśrayaḥ labhate niścalāṁ bhaktiṁ mayy uddhava sanātane ||11-24||

।।२६२।। धर्म, काम और अर्थ को भी मेरे ही लिए करते हुए, केवल मेरी ही शरण लेते हुए, ऐसा व्यक्ति मुझ शाश्वत में अटूट भक्ति प्राप्त करता है, हे उद्धव।

सत्सङ्गलब्धया भक्त्या मयि मां स उपासिता । स वै मे दर्शितं सद्भिरञ्जसा विन्दते पदम् ॥११-२५॥

sat-saṅga-labdhayā bhaktyā mayi māṁ sa upāsitā sa vai me darśitaṁ sadbhir añjasā vindate padam ||11-25||

।।२६३।। सज्जनों की संगति से प्राप्त भक्ति द्वारा, मुझ में एकाग्र हो कर मेरी उपासना करते हुए, ऐसा व्यक्ति उस पद को सहज ही प्राप्त कर लेता है जो स्वयं मेरे भक्तों द्वारा प्रकट किया जाता है।

श्रीउद्धव उवाच साधुस्तवोत्तमश्लोक मतः कीदृग्विधः प्रभो । भक्तिस्त्वय्युपयुज्येत कीदृशी सद्भिरादृता ॥११-२६॥

śrī-uddhava uvāca sādhus tavottama-śloka mataḥ kīdṛg-vidhaḥ prabho bhaktis tvayy upayujyeta kīdṛśī sadbhir ādṛtā ||11-26||

।।२६४।। श्री उद्धव ने कहा: हे उत्तमश्लोक प्रभु, आपकी दृष्टि में साधु कैसा होता है? आपको कौन-सी भक्ति अर्पित करने योग्य है, और सज्जनों द्वारा कैसी भक्ति सम्मानित है?

एतन्मे पुरुषाध्यक्ष लोकाध्यक्ष जगत्प्रभो । प्रणतायानुरक्ताय प्रपन्नाय च कथ्यताम् ॥११-२७॥

etan me puruṣādhyakṣa lokādhyakṣa jagat-prabho praṇatāyānuraktāya prapannāya ca kathyatām ||11-27||

।।२६५।। हे पुरुषाध्यक्ष, लोकाध्यक्ष, जगत्प्रभो, यह मुझे बताइए। मैं आपको नमित हूँ, आपसे प्रेम करता हूँ, और केवल आपकी शरण में हूँ, अतः यह उपदेश कहिए।

त्वं ब्रह्म परमं व्योम पुरुषः प्रकृतेः परः । अवतीर्णोऽसि भगवन् स्वेच्छोपात्तपृथग्वपुः ॥११-२८॥

tvaṁ brahma paramaṁ vyoma puruṣaḥ prakṛteḥ paraḥ avatīrno ’si bhagavan svecchopātta-pṛthag-vapuḥ ||11-28||

।।२६६।। आप स्वयं परम ब्रह्म हैं, आकाश की भाँति, प्रकृति से परे पुरुष। फिर भी, हे भगवन्, आप अपनी ही इच्छा से भिन्न-भिन्न रूप धारण कर इस जगत् में अवतीर्ण हुए हैं।

श्रीभगवानुवाच कृपालुरकृतद्रोहस्तितिक्षुः सर्वदेहिनाम् । सत्यसारोऽनवद्यात्मा समः सर्वोपकारकः ॥११-२९॥

śrī-bhagavān uvāca kṛpālur akṛta-drohas titikṣuḥ sarva-dehinām satya-sāro ’navadyātmā samaḥ sarvopakārakaḥ ||11-29||

।।२६७।। भगवान ने कहा: साधु कृपालु है, किसी को कष्ट नहीं देता, सभी देहधारियों के प्रति सहनशील है, सत्य ही जिसका बल है, जिसका स्वभाव निर्दोष है, समभावी है, और सबका उपकार करने वाला है।

कामैरहतधीर्दान्तो मृदुः शुचिरकिञ्चनः । अनीहो मितभुक् शान्तः स्थिरो मच्छरणो मुनिः ॥११-३०॥

kāmair ahata-dhīr dānto mṛduḥ śucir akiñcanaḥ anīho mita-bhuk śāntaḥ sthiro mac-charaṇo muniḥ ||11-30||

।।२६८।। साधु की बुद्धि कामनाओं से विचलित नहीं होती; वह संयमी, कोमल, सदा पवित्र, और परिग्रह-रहित है। वह अनावश्यक उद्यम से मुक्त, मिताहारी, शांत और स्थिर है, और केवल मुझे ही अपनी शरण मानता है।

अप्रमत्तो गभीरात्मा धृतिमाञ्जितषड्गुणः । अमानी मानदः कल्यो मैत्रः कारुणिकः कविः ॥११-३१॥

apramatto gabhīrātmā dhṛtimāñ jita-ṣaḍ-guṇaḥ amānī māna-daḥ kalyo maitraḥ kāruṇikaḥ kaviḥ ||11-31||

।।२६९।। साधु सावधान और असावधान कभी नहीं, अथाह गहराई वाला है, संकट में भी स्थिर रहता है, भूख, प्यास, शोक, मोह, बुढ़ापा और मृत्यु, इन छह पर विजय पा चुका है। वह स्वयं के लिए प्रतिष्ठा नहीं चाहता, फिर भी दूसरों को सम्मान देता है, दूसरों की चेतना जगाने में निपुण है, सबका सच्चा मित्र, अत्यंत करुणामय, और पूर्ण विद्वान है।

आज्ञायैवं गुणान् दोषान् मयादिष्टानपि स्वकान् । धर्मान् सन्त्यज्य यः सर्वान् मां भजेत स तु सत्तमः ॥११-३२॥

ājñāyaivaṁ guṇān doṣān mayādiṣṭān api svakān dharmān santyajya yaḥ sarvān māṁ bhajeta sa tu sattamaḥ ||11-32||

।।२७०।। मेरे द्वारा बताए गए अपने ही धर्मों के गुण-दोष को भली-भाँति समझ कर भी, जो व्यक्ति उन सब धर्मों को त्याग कर केवल मेरी उपासना करता है, वही वास्तव में साधुओं में सर्वश्रेष्ठ है।

ज्ञात्वाज्ञात्वाथ ये वै मां यावान् यश्चास्मि यादृशः । भजन्त्यनन्यभावेन ते मे भक्ततमा मताः ॥११-३३॥

jñātvājñātvātha ye vai māṁ yāvān yaś cāsmi yādṛśaḥ bhajanty ananya-bhāvena te me bhaktatamā matāḥ ||11-33||

।।२७१।। चाहे वे मुझे पूरी तरह जानें या न जानें कि मैं कितना महान हूँ, कौन हूँ, कैसा हूँ, जो लोग अनन्य भाव से मेरी उपासना करते हैं, वे मेरे द्वारा भक्तों में सर्वश्रेष्ठ माने जाते हैं।

मल्लिङ्गमद्भक्तजनदर्शनस्पर्शनार्चनम् । परिचर्या स्तुतिः प्रह्वगुणकर्मानुकीर्तनम् ॥११-३४॥

mal-liṅga-mad-bhakta-jana- darśana-sparśanārcanam paricaryā stutiḥ prahva- guṇa-karmānukīrtanam ||11-34||

।।२७२।। मेरी मूर्ति और मेरे भक्तों का दर्शन, स्पर्श और पूजन; उनकी सेवा; स्तुति-गान; प्रणाम; और मेरे गुणों तथा कार्यों का निरंतर कीर्तन।

मत्कथाश्रवणे श्रद्धा मदनुध्यानमुद्धव । सर्वलाभोपहरणं दास्येनात्मनिवेदनम् ॥११-३५॥

mat-kathā-śravaṇe śraddhā mad-anudhyānam uddhava sarva-lābhopaharaṇaṁ dāsyenātma-nivedanam ||11-35||

।।२७३।। मेरी कथाओं को श्रद्धा से सुनना; हे उद्धव, मेरा निरंतर ध्यान; जो कुछ प्राप्त हो उसे अर्पित करना; और दास-भाव से आत्म-निवेदन।

मज्जन्मकर्मकथनं मम पर्वानुमोदनम् । गीतताण्डववादित्रगोष्ठीभिर्मद्गृहोत्सवः ॥११-३६॥

maj-janma-karma-kathanaṁ mama parvānumodanam gīta-tāṇḍava-vāditra- goṣṭhībhir mad-gṛhotsavaḥ ||11-36||

।।२७४।। मेरे जन्म और कार्यों की चर्चा और कथा-वाचन; मेरे उत्सवों में सच्चा आनंद लेना; मेरे मंदिर में गीत, नृत्य, वाद्य और सत्संग द्वारा उत्सव मनाना।

यात्रा बलिविधानं च सर्ववार्षिकपर्वसु । वैदिकी तान्त्रिकी दीक्षा मदीयव्रतधारणम् ॥११-३७॥

yātrā bali-vidhānaṁ ca sarva-vārṣika-parvasu vaidikī tāntrikī dīkṣā madīya-vrata-dhāraṇam ||11-37||

।।२७५।। सभी वार्षिक पर्वों में तीर्थयात्रा और विधिपूर्वक भेंट अर्पण; वैदिक या तांत्रिक विधि से दीक्षा; और मुझसे संबंधित व्रतों का पालन।

ममार्चास्थापने श्रद्धा स्वतः संहत्य चोद्यमः । उद्यानोपवनाक्रीडपुरमन्दिरकर्मणि ॥११-३८॥

mamārcā-sthāpane śraddhā svataḥ saṁhatya codyamaḥ udyānopavanākrīḍa- pura-mandira-karmaṇi ||11-38||

।।२७६।। मेरी अर्चा-स्थापना में श्रद्धापूर्ण प्रयास; अकेले या मिल कर उद्यम; उद्यान, उपवन, क्रीड़ा-स्थल, नगर और मंदिरों के निर्माण में सहयोग।

सम्मार्जनोपलेपाभ्यां सेकमण्डलवर्तनैः । गृहशुश्रूषणं मह्यं दासवद् यदमायया ॥११-३९॥

sammārjanopalepābhyāṁ seka-maṇḍala-vartanaiḥ gṛha-śuśrūṣaṇaṁ mahyaṁ dāsa-vad yad amāyayā ||11-39||

।।२७७।। भली-भाँति झाड़ू लगा कर जल और गोबर से लीपना, सुगंधित जल छिड़कना, और मंडलों से सजाना, इस प्रकार मेरे मंदिर-घर की सेवा दास की भाँति, बिना किसी छल के करनी चाहिए।

अमानित्वमदम्भित्वं कृतस्यापरिकीर्तनम् । अपि दीपावलोकं मे नोपयुञ्ज्यान्निवेदितम् ॥११-४०॥

amānitvam adambhitvaṁ kṛtasyāparikīrtanam api dīpāvalokaṁ me nopayuñjyān niveditam ||11-40||

।।२७८।। मिथ्या प्रतिष्ठा की इच्छा से मुक्त, पाखंड से मुक्त, अपने ही भक्ति-कार्यों का बखान न करना। मेरे दीपक के प्रकाश तक को अन्य प्रयोजन में न लेना, और जो अर्पित हो चुका है उसे भी दोबारा प्रयोग में न लाना।

यद् यदिष्टतमं लोके यच्चातिप्रियमात्मनः । तत्तन्निवेदयेन्मह्यं तदानन्त्याय कल्पते ॥११-४१॥

yad yad iṣṭatamaṁ loke yac cāti-priyam ātmanaḥ tat tan nivedayen mahyaṁ tad ānantyāya kalpate ||11-41||

।।२७९।। संसार में जो भी सर्वाधिक प्रिय और वांछित हो, और जो व्यक्तिगत रूप से सबसे अधिक प्रिय हो, वही मुझे अर्पित करना चाहिए। ऐसा अर्पण ही अनंतता के, सच्ची अमरता के योग्य बनाता है।

सूर्योऽग्निर्ब्राह्मणा गावो वैष्णवः खं मरुज्जलम् । भूरात्मा सर्वभूतानि भद्र पूजापदानि मे ॥११-४२॥

sūryo ’gnir brāhmaṇā gāvo vaiṣṇavaḥ khaṁ maruj jalam bhūr ātmā sarva-bhūtāni bhadra pūjā-padāni me ||11-42||

।।२८०।। सूर्य, अग्नि, ब्राह्मण, गौ, वैष्णव, आकाश, वायु, जल, पृथ्वी, आत्मा, और सभी प्राणी, हे भद्र उद्धव, ये सब मेरी पूजा के स्थान हैं।

सूर्ये तु विद्यया त्रय्या हविषाग्नौ यजेत माम् । आतिथ्येन तु विप्राग्र्ये गोष्वङ्ग यवसादिना ॥११-४३॥

sūrye tu vidyayā trayyā haviṣāgnau yajeta mām ātithyena tu viprāgrye goṣv aṅga yavasādinā ||11-43||

।।२८१।। सूर्य में त्रयी विद्या द्वारा, अग्नि में घी की आहुति द्वारा, श्रेष्ठ ब्राह्मणों में आतिथ्य द्वारा, और गायों में, हे उद्धव, घास-चारे के अर्पण द्वारा मेरी उपासना करनी चाहिए।

वैष्णवे बन्धुसत्कृत्या हृदि खे ध्याननिष्ठया । वायौ मुख्यधिया तोये द्रव्यैस्तोयपुरःसरैः ॥११-४४॥

vaiṣṇave bandhu-sat-kṛtyā hṛdi khe dhyāna-niṣṭhayā vāyau mukhya-dhiyā toye dravyais toya-puraḥsaraiḥ ||11-44||

।।२८२।। वैष्णव में सत्कारपूर्ण मित्रता द्वारा; हृदय के भीतरी आकाश में स्थिर ध्यान द्वारा; वायु में उसे प्राणों का प्रमुख मान कर; और जल में, जल से आरंभ होने वाले अर्पणों द्वारा उपासना करनी चाहिए।

स्थण्डिले मन्त्रहृदयैर्भोगैरात्मानमात्मनि । क्षेत्रज्ञं सर्वभूतेषु समत्वेन यजेत माम् ॥११-४५॥

sthaṇḍile mantra-hṛdayair bhogair ātmānam ātmani kṣetra-jñaṁ sarva-bhūteṣu samatvena yajeta mām ||11-45||

।।२८३।। भूमि पर मंत्रों के हृदय-सार द्वारा; और भोगों द्वारा शरीर में स्थित आत्मा की उपासना; तथा सभी प्राणियों में समान रूप से विद्यमान क्षेत्रज्ञ को समभाव से देखते हुए, इस प्रकार मेरी उपासना करनी चाहिए।

धिष्ण्येष्वित्येषु मद्रूपं शङ्खचक्रगदाम्बुजैः । युक्तं चतुर्भुजं शान्तं ध्यायन्नर्चेत्समाहितः ॥११-४६॥

dhiṣṇyeṣv ity eṣu mad-rūpaṁ śaṅkha-cakra-gadāmbujaiḥ yuktaṁ catur-bhujaṁ śāntaṁ dhyāyann arcet samāhitaḥ ||11-46||

।।२८४।। इन सभी पूर्वोक्त स्थानों में, शंख, चक्र, गदा और पद्म से युक्त, चतुर्भुज, शांत मेरे रूप का ध्यान करते हुए, पूर्ण एकाग्रता से पूजा करनी चाहिए।

इष्टापूर्तेन मामेवं यो यजेत समाहितः । लभते मयि सद्भक्तिं मत्स्मृतिः साधुसेवया ॥११-४७॥

iṣṭā-pūrtena mām evaṁ yo yajeta samāhitaḥ labhate mayi sad-bhaktiṁ mat-smṛtiḥ sādhu-sevayā ||11-47||

।।२८५।। जो इस प्रकार, स्वार्थ के यज्ञों और परहित के कार्यों दोनों द्वारा, पूर्ण एकाग्रता से मेरी उपासना करता है, वह मुझ में अटूट भक्ति प्राप्त करता है। और सज्जनों की सेवा से मेरा स्मरण स्वतः होता है।

प्रायेण भक्तियोगेन सत्सङ्गेन विनोद्धव । नोपायो विद्यते सम्यक् प्रायणं हि सतामहम् ॥११-४८॥

prāyeṇa bhakti-yogena sat-saṅgena vinoddhava nopāyo vidyate samyak prāyaṇaṁ hi satām aham ||11-48||

।।२८६।। प्रायः, हे उद्धव, सत्संग से प्राप्त भक्तियोग के बिना कोई भी उपाय पूर्ण रूप से सफल नहीं होता। क्योंकि मैं ही सज्जनों का सच्चा आश्रय और गंतव्य हूँ।

अथैतत् परमं गुह्यं शृण्वतो यदुनन्दन । सुगोप्यमपि वक्ष्यामि त्वं मे भृत्यः सुहृत् सखा ॥११-४९॥

athaitat paramaṁ guhyaṁ śṛṇvato yadu-nandana su-gopyam api vakṣyāmi tvaṁ me bhṛtyaḥ suhṛt sakhā ||11-49||

।।२८७।। अब, हे यदुनंदन, तुम्हारे ध्यान से सुनने के कारण, मैं तुम्हें यह परम गोपनीय रहस्य कहूँगा, क्योंकि तुम मेरे दास, हितैषी और सखा हो।