The Mystic Perfections of Yoga

श्रीभगवानुवाच जितेन्द्रियस्य युक्तस्य जितश्वासस्य योगिनः । मयि धारयतश्चेत उपतिष्ठन्ति सिद्धयः ॥ ११-१५-१ ॥

śrī-bhagavān uvāca jitendriyasya yuktasya jita-śvāsasya yoginaḥ mayi dhārayataś ceta upatiṣṭhanti siddhayaḥ ||11-15-1||

।।४००।। भगवान ने कहा: जितेन्द्रिय, युक्तचित्त, जितश्वास योगी, जिसका चित्त मुझमें स्थिर है, उसके सामने सिद्धियाँ स्वयं उपस्थित हो जाती हैं।

श्रीउद्धव उवाच कया धारणया कास्वित् कथं वा सिद्धिरच्युत । कति वा सिद्धयो ब्रूहि योगिनां सिद्धिदो भवान् ॥ ११-१५-२ ॥

śrī-uddhava uvāca kayā dhāraṇayā kā svit kathaṁ vā siddhir acyuta kati vā siddhayo brūhi yogināṁ siddhi-do bhavān ||11-15-2||

।।४०१।। श्री उद्धव ने कहा: हे अच्युत, कौन सी धारणा से कौन सी सिद्धि किस प्रकार प्राप्त होती है? सिद्धियाँ कुल कितनी हैं? कृपया बताइए, क्योंकि आप ही योगियों को सिद्धि देने वाले हैं।

श्रीभगवानुवाच सिद्धयोऽष्टादश प्रोक्ता धारणा योगपारगैः । तासामष्टौ मत्प्रधाना दशैव गुणहेतवः ॥ ११-१५-३ ॥

śrī-bhagavān uvāca siddhayo ’ṣṭādaśa proktā dhāraṇā yoga-pāra-gaiḥ tāsām aṣṭau mat-pradhānā daśaiva guṇa-hetavaḥ ||11-15-3||

।।४०२।। भगवान ने कहा: योग के पारगामी आचार्यों ने अठारह सिद्धियों और उनकी धारणाओं का वर्णन किया है। इनमें से आठ का मूल स्रोत मैं हूँ, और ठीक दस सत्त्वगुण से उत्पन्न होती हैं।

अणिमा महिमा मूर्तेर्लघिमा प्राप्तिरिन्द्रियैः । प्राकाम्यं श्रुतदृष्टेषु शक्तिप्रेरणमीशिता ॥१५-४॥

aṇimā mahimā mūrter laghimā prāptir indriyaiḥ | prākāmyaṁ śruta-dṛṣṭeṣu śakti-preraṇam īśitā ||15-4||

।।४०३।। अणिमा, शरीर का सूक्ष्मतम से भी सूक्ष्म हो जाना; महिमा, महानतम से भी महान हो जाना; लघिमा, हल्केपन में सर्वाधिक हल्का हो जाना; प्राप्ति, इन्द्रियों द्वारा इच्छित वस्तु पा लेना; प्राकाम्य, सुने या देखे हुए किसी भी भोग को भोग लेना; शक्तिप्रेरण, सूक्ष्म शक्तियों का संचालन; और ईशिता, नियन्त्रण की शक्ति।

गुणेष्वसङ्गो वशिता यत्कामस्तदवस्यति । एता मे सिद्धयः सौम्य अष्टावौत्पत्तिका मताः ॥१५-५॥

guṇeṣv asaṅgo vaśitā yat-kāmas tad avasyati | etā me siddhayaḥ saumya aṣṭāv autpattikā matāḥ ||15-5||

।।४०४।। वशिता है गुणों के बीच रहते हुए भी उनसे अबद्ध रहना, और जो चाहा जाए उसे पूर्णतः पा लेना कामावसायिता है। हे सौम्य उद्धव, ये आठों मेरी स्वाभाविक सिद्धियाँ मानी गई हैं।

अनूर्मिमत्त्वं देहेऽस्मिन् दूरश्रवणदर्शनम् । मनोजवः कामरूपं परकायप्रवेशनम् ॥१५-६॥

anūrmimattvaṁ dehe ’smin dūra-śravaṇa-darśanam | mano-javaḥ kāma-rūpaṁ para-kāya-praveśanam ||15-6||

।।४०५।। इस शरीर में भूख-प्यास आदि उर्मियों से मुक्ति; दूर की वस्तुओं को सुनना और देखना; मन के वेग से गति करना; इच्छानुसार कोई भी रूप धारण करना; दूसरे के शरीर में प्रवेश करना।

स्वच्छन्दमृत्युर्देवानां सहक्रीडानुदर्शनम् । यथासङ्कल्पसंसिद्धिराज्ञाप्रतिहता गतिः ॥१५-७॥

svacchanda-mṛtyur devānāṁ saha-krīḍānudarśanam | yathā-saṅkalpa-saṁsiddhir ājñāpratihatā gatiḥ ||15-7||

।।४०६।। अपनी इच्छा से ही मृत्यु प्राप्त करना; देवताओं की अप्सराओं संग क्रीड़ा को देख सकना; जो संकल्प किया जाए उसकी पूर्ण सिद्धि; और वह आज्ञा जिसका पालन कोई नहीं रोक सकता।

त्रिकालज्ञत्वमद्वन्द्वं परचित्ताद्यभिज्ञता । अग्न्यर्काम्बुविषादीनां प्रतिष्टम्भोऽपराजयः ॥१५-८॥

tri-kāla-jñatvam advandvaṁ para-cittādy-abhijñatā | agny-arkāmbu-viṣādīnāṁ pratiṣṭambho ’parājayaḥ ||15-8||

।।४०७।। भूत, वर्तमान और भविष्य का ज्ञान; शीत-उष्ण जैसे द्वन्द्वों से मुक्ति; दूसरों के मन को जान लेना; अग्नि, सूर्य, जल, विष आदि के प्रभाव को रोक सकना; और किसी से भी पराजित न होना।

एताश्चोद्देशतः प्रोक्ता योगधारणसिद्धयः । यया धारणया या स्याद् यथा वा स्यान्निबोध मे ॥१५-९॥

etāś coddeśataḥ proktā yoga-dhāraṇa-siddhayaḥ | yayā dhāraṇayā yā syād yathā vā syān nibodha me ||15-9||

।।४०८।। ये योग-धारणा की सिद्धियाँ केवल संक्षेप में गिनाई गई हैं। अब मुझसे यह सुनो कि किस धारणा से कौन-सी सिद्धि किस प्रकार प्राप्त होती है।

भूतसूक्ष्मात्मनि मयि तन्मात्रं धारयेन्मनः । अणिमानमवाप्नोति तन्मात्रोपासको मम ॥१५-१०॥

bhūta-sūkṣmātmani mayi tan-mātraṁ dhārayen manaḥ | aṇimānam avāpnoti tan-mātropāsako mama ||15-10||

।।४०९।। जो मुझ में, भूतों की सूक्ष्म तन्मात्रा के रूप में, मन को स्थिर करके उसी तन्मात्रा की उपासना करता है, वह अणिमा सिद्धि पाता है।

महत्तत्त्वात्मनि मयि यथासंस्थं मनो दधत् । महिमानमवाप्नोति भूतानां च पृथक् पृथक् ॥१५-११॥

mahat-tattvātmani mayi yathā-saṁsthaṁ mano dadhat | mahimānam avāpnoti bhūtānāṁ ca pṛthak pṛthak ||15-11||

।।४१०।। जो अपने मन को यथार्थ रूप में मुझ महत्तत्त्व में स्थिर करता है, वह महिमा सिद्धि पाता है, और क्रमशः प्रत्येक तत्त्व की भी।

परमाणुमये चित्तं भूतानां मयि रञ्जयन् । कालसूक्ष्मार्थतां योगी लघिमानमवाप्नुयात् ॥१५-१२॥

paramāṇu-maye cittaṁ bhūtānāṁ mayi rañjayan | kāla-sūkṣmārthatāṁ yogī laghimānam avāpnuyāt ||15-12||

।।४११।। भूतों के परमाणु-रूप मुझ में मन को लगाकर, काल की सूक्ष्मतम अवस्था को जान कर, योगी लघिमा सिद्धि पाता है।

धारयन्मय्यहन्तत्त्वे मनो वैकारिकेऽखिलम् । सर्वेन्द्रियाणामात्मत्वं प्राप्तिं प्राप्नोति मन्मनाः ॥१५-१३॥

dhārayan mayy ahaṁ-tattve mano vaikārike ’khilam | sarvendriyāṇām ātmatvaṁ prāptiṁ prāpnoti man-manāḥ ||15-13||

।।४१२।। सात्त्विक अहंतत्त्व में मुझ पर मन को पूर्णतः स्थिर कर, मुझमें मन लगाने वाला योगी सब प्राणियों की इन्द्रियों पर स्वामित्व, अर्थात प्राप्ति सिद्धि, पाता है।

महत्यात्मनि यः सूत्रे धारयेन्मयि मानसम् । प्राकाम्यं पारमेष्ठ्यं मे विन्दतेऽव्यक्तजन्मनः ॥१५-१४॥

mahaty ātmani yaḥ sūtre dhārayen mayi mānasam | prākāmyaṁ pārameṣṭhyaṁ me vindate ’vyakta-janmanaḥ ||15-14||

।।४१३।। जो महत्तत्त्व में सूत्ररूप में व्याप्त परमात्मा मुझमें मन स्थिर करता है, वह मुझसे, जिसका जन्म अव्यक्त है, सर्वोत्तम प्राकाम्य सिद्धि पाता है।

विष्णौ त्र्यधीश्वरे चित्तं धारयेत्कालविग्रहे । स ईशित्वमवाप्नोति क्षेत्रज्ञक्षेत्रचोदनाम् ॥१५-१५॥

viṣṇau try-adhīśvare cittaṁ dhārayet kāla-vigrahe | sa īśitvam avāpnoti kṣetrajña-kṣetra-codanām ||15-15||

।।४१४।। जो त्रिगुणाधीश्वर विष्णु में, काल के रूप में, चित्त स्थिर करता है, वह क्षेत्रज्ञ और क्षेत्र दोनों को प्रेरित करने की शक्ति, ईशित्व, पाता है।

नारायणे तुरीयाख्ये भगवच्छब्दशब्दिते । मनो मय्यादधद्योगी मद्धर्मा वशितामियात् ॥१५-१६॥

nārāyaṇe turīyākhye bhagavac-chabda-śabdite | mano mayy ādadhad yogī mad-dharmā vaśitām iyāt ||15-16||

।।४१५।। जो योगी अपने मन को मुझमें, चतुर्थ कहे जाने वाले, भगवान् शब्द से विशेष रूप से जाने जाने वाले नारायण में स्थिर करता है, वह मेरे स्वभाव से युक्त होकर वशिता सिद्धि पाता है।

निर्गुणे ब्रह्मणि मयि धारयन्विशदं मनः । परमानन्दमाप्नोति यत्र कामोऽवसीयते ॥१५-१७॥

nirguṇe brahmaṇi mayi dhārayan viśadaṁ manaḥ | paramānandam āpnoti yatra kāmo ’vasīyate ||15-17||

।।४१६।। निर्गुण ब्रह्म मुझमें एक निर्मल, स्वच्छ मन को स्थिर करके, वह परम आनंद पाता है जहाँ समस्त इच्छा पूर्णतः शांत हो जाती है।

श्वेतद्वीपपतौ चित्तं शुद्धे धर्ममये मयि । धारयञ्छ्वेततां याति षडूर्मिरहितो नरः ॥१५-१८॥

śvetadvīpa-patau cittaṁ śuddhe dharma-maye mayi | dhārayañ chvetatāṁ yāti ṣaḍ-ūrmi-rahito naraḥ ||15-18||

।।४१७।। श्वेतद्वीप के स्वामी, शुद्ध, धर्ममय मुझमें चित्त स्थिर कर, मनुष्य उस निर्मल अवस्था को पाता है, षड़ूर्मियों से मुक्त होकर।

मय्याकाशात्मनि प्राणे मनसा घोषमुद्वहन् । तत्रोपलब्धा भूतानां हंसो वाचः शृणोत्यसौ ॥१५-१९॥

mayy ākāśātmani prāṇe manasā ghoṣam udvahan | tatropalabdhā bhūtānāṁ haṁso vācaḥ śṛṇoty asau ||15-19||

।।४१८।। आकाश और प्राण रूप मुझमें मन को उस निनादमय शब्द पर टिकाकर, वह शुद्ध हंस-आत्मा वहाँ प्रतीत होने वाली सब प्राणियों की वाणी सुन लेता है।

चक्षुस्त्वष्टरि संयोज्य त्वष्टारमपि चक्षुषि । मां तत्र मनसा ध्यायन् विश्वं पश्यति दूरतः ॥१५-२०॥

cakṣus tvaṣṭari saṁyojya tvaṣṭāram api cakṣuṣi | māṁ tatra manasā dhyāyan viśvaṁ paśyati dūrataḥ ||15-20||

।।४१९।। अपनी दृष्टि को सूर्य में और सूर्य को अपनी आँख में मिलाकर, वहाँ मन से मेरा ध्यान करते हुए, वह दूर की समस्त वस्तुओं को देख लेता है।

मनो मयि सुसंयोज्य देहं तदनुवायुना । मद्धारणानुभावेन तत्रात्मा यत्र वै मनः ॥१५-२१॥

mano mayi su-saṁyojya dehaṁ tad-anuvāyunā | mad-dhāraṇānubhāvena tatrātmā yatra vai manaḥ ||15-21||

।।४२०।। मन को मुझमें पूर्णतः लगाकर, और उसके पीछे चलने वाली वायु द्वारा शरीर को भी, मेरी धारणा के प्रभाव से, योगी का शरीर वहीं पहुँचता है जहाँ मन जाता है।

यदा मन उपादाय यद्यद्रूपं बुभूषति । तत्तद्भवेन्मनोरूपं मद्योगबलमाश्रयः ॥१५-२२॥

yadā mana upādāya yad yad rūpaṁ bubhūṣati | tat tad bhaven mano-rūpaṁ mad-yoga-balam āśrayaḥ ||15-22||

।।४२१।। जब योगी मन लगाकर जो रूप चाहता है, मेरी अचिन्त्य योगशक्ति के आश्रय से, वही रूप मन के अनुसार प्रकट हो जाता है।

परकायं विशन्सिद्ध आत्मानं तत्र भावयेत् । पिण्डं हित्वा विशेत्प्राणो वायुभूतः षडङ्घ्रिवत् ॥१५-२३॥

para-kāyaṁ viśan siddha ātmānaṁ tatra bhāvayet | piṇḍaṁ hitvā viśet prāṇo vāyu-bhūtaḥ ṣaḍaṅghri-vat ||15-23||

।।४२२।। दूसरे शरीर में प्रवेश चाहने वाला सिद्ध योगी पहले स्वयं को वहाँ स्थित मान ले, फिर अपने स्थूल शरीर को त्याग कर, वायु बनकर, भ्रमर की भाँति, प्राण से प्रवेश करे।

पार्ष्ण्यापीड्य गुदं प्राणं हृदुरःकण्ठमूर्धसु । आरोप्य ब्रह्मरन्ध्रेण ब्रह्म नीत्वोत्सृजेत्तनुम् ॥१५-२४॥

pārṣṇyāpīḍya gudaṁ prāṇaṁ hṛd-uraḥ-kaṇṭha-mūrdhasu | āropya brahma-randhreṇa brahma nītvotsṛjet tanum ||15-24||

।।४२३।। एड़ी से गुदा को दबाकर, प्राण को हृदय, वक्ष, कंठ और मस्तक से होते हुए ब्रह्मरन्ध्र से ऊपर उठाकर, ब्रह्म की ओर ले जाकर, योगी शरीर त्याग देता है।

विहरिष्यन्सुराक्रीडे मत्स्थं सत्त्वं विभावयेत् । विमानेनोपतिष्ठन्ति सत्त्ववृत्तीः सुरस्त्रियः ॥१५-२५॥

vihariṣyan surākrīḍe mat-sthaṁ sattvaṁ vibhāvayet | vimānenopatiṣṭhanti sattva-vṛttīḥ sura-striyaḥ ||15-25||

।।४२४।। देवताओं के क्रीड़ा-उद्यानों में विहार चाहने वाला मुझमें स्थित शुद्ध सत्त्व का ध्यान करे, तब सत्त्व से उत्पन्न देवांगनाएँ विमान से उसके पास आती हैं।

यथा सङ्कल्पयेद्बुद्ध्या यदा वा मत्परः पुमान् । मयि सत्ये मनो युञ्जंस्तथा तत्समुपाश्नुते ॥१५-२६॥

yathā saṅkalpayed buddhyā yadā vā mat-paraḥ pumān | mayi satye mano yuñjaṁs tathā tat samupāśnute ||15-26||

।।४२५।। मुझमें अनुरक्त पुरुष बुद्धि से जैसा संकल्प करता है, मुझ सत्यस्वरूप में मन लगाकर, वह ठीक वैसा ही पा लेता है।

यो वै मद्भावमापन्न ईशितुर्वशितुः पुमान् । कुतश्चिन्न विहन्येत तस्य चाज्ञा यथा मम ॥१५-२७॥

yo vai mad-bhāvam āpanna īśitur vaśituḥ pumān | kutaścin na vihanyeta tasya cājñā yathā mama ||15-27||

।।४२६।। जो मेरे स्वरूप, ईश्वर और नियंता के भाव को सचमुच प्राप्त कर चुका है, वह कहीं भी विफल नहीं होता; उसकी आज्ञा भी, मेरी ही भाँति, अबाध रहती है।

मद्भक्त्या शुद्धसत्त्वस्य योगिनो धारणाविदः । तस्य त्रैकालिकी बुद्धिर्जन्ममृत्यूपबृंहिता ॥१५-२८॥

mad-bhaktyā śuddha-sattvasya yogino dhāraṇā-vidaḥ | tasya trai-kālikī buddhir janma-mṛtyūpabṛṁhitā ||15-28||

।।४२७।। मेरी भक्ति से जिसका अस्तित्व शुद्ध हो चुका है, ऐसे धारणा-विद् योगी की बुद्धि त्रिकाल-व्यापी हो जाती है, सब प्राणियों के जन्म-मृत्यु सहित।

अग्न्यादिभिर्न हन्येत मुनेर्योगमयं वपुः । मद्योगशान्तचित्तस्य यादसामुदकं यथा ॥१५-२९॥

agny-ādibhir na hanyeta muner yoga-mayaṁ vapuḥ | mad-yoga-śānta-cittasya yādasām udakaṁ yathā ||15-29||

।।४२८।। जिसका मन मेरे योग से शांत हो चुका है, ऐसे यौगिक सिद्ध मुनि का शरीर अग्नि आदि से नहीं कट सकता, जैसे जल जलचरों को हानि नहीं पहुँचाता।

मद्विभूतीरभिध्यायन् श्रीवत्सास्त्रविभूषिताः । ध्वजातपत्रव्यजनैः स भवेदपराजितः ॥१५-३०॥

mad-vibhūtīr abhidhyāyan śrīvatsāstra-vibhūṣitāḥ | dhvajātapatra-vyajanaiḥ sa bhaved aparājitaḥ ||15-30||

।।४२९।। श्रीवत्स-चिह्न और दिव्य अस्त्रों से सुशोभित, ध्वज-छत्र-चँवर से युक्त मेरे विभूति-अवतारों का ध्यान करते हुए, भक्त अजेय हो जाता है।

उपासकस्य मामेवं योगधारणया मुनेः । सिद्धयः पूर्वकथिता उपतिष्ठन्त्यशेषतः ॥१५-३१॥

upāsakasya mām evaṁ yoga-dhāraṇayā muneḥ | siddhayaḥ pūrva-kathitā upatiṣṭhanty aśeṣataḥ ||15-31||

।।४३०।। इस प्रकार योग-धारणा द्वारा मेरी उपासना करने वाले मुनि को पूर्वोक्त सभी सिद्धियाँ पूर्णतः, बिना किसी अपवाद के, प्राप्त होती हैं।

जितेन्द्रियस्य दान्तस्य जितश्वासात्मनो मुनेः । मद्धारणां धारयतः का सा सिद्धिः सुदुर्लभा ॥१५-३२॥

jitendriyasya dāntasya jita-śvāsātmano muneḥ | mad-dhāraṇāṁ dhārayataḥ kā sā siddhiḥ su-durlabhā ||15-32||

।।४३१।। जितेन्द्रिय, दान्त, जित-श्वास और जित-मन ऐसे मुनि के लिए, जो मेरी धारणा करता है, कौन-सी सिद्धि दुर्लभ रह जाती है?

अन्तरायान्वदन्त्येता युञ्जतो योगमुत्तमम् । मया सम्पद्यमानस्य कालक्षपणहेतवः ॥१५-३३॥

antarāyān vadanty etā yuñjato yogam uttamam | mayā sampadyamānasya kāla-kṣapaṇa-hetavaḥ ||15-33||

।।४३२।। जो सर्वोत्तम योग साधते हुए मुझमें पूर्ण सिद्धि की ओर बढ़ रहा है, उसके लिए ये सिद्धियाँ ही अन्तराय कही गई हैं, केवल काल-क्षय के कारण।

जन्मौषधितपोमन्त्रैर्यावतीरिह सिद्धयः । योगेनाप्नोति ताः सर्वा नान्यैर्योगगतिं व्रजेत् ॥१५-३४॥

janmauṣadhi-tapo-mantrair yāvatīr iha siddhayaḥ | yogenāpnoti tāḥ sarvā nānyair yoga-gatiṁ vrajet ||15-34||

।।४३३।। जन्म, औषधि, तप या मंत्र से इस लोक में जितनी भी सिद्धियाँ हैं, वे सब योग से भी मिल जाती हैं, परन्तु योग की वास्तविक गति अन्य किसी साधन से प्राप्त नहीं होती।

सर्वासामपि सिद्धीनां हेतुः पतिरहं प्रभुः । अहं योगस्य सांख्यस्य धर्मस्य ब्रह्मवादिनाम् ॥१५-३५॥

sarvāsām api siddhīnāṁ hetuḥ patir ahaṁ prabhuḥ | ahaṁ yogasya sāṅkhyasya dharmasya brahma-vādinām ||15-35||

।।४३४।। समस्त सिद्धियों का हेतु, स्वामी और प्रभु मैं ही हूँ। मैं ही योग, सांख्य, धर्म और ब्रह्मवादियों का भी स्रोत हूँ।

अहमात्मान्तरो बाह्योऽनावृतः सर्वदेहिनाम् । यथा भूतानि भूतेषु बहिरन्तः स्वयं तथा ॥१५-३६॥

aham ātmāntaro bāhyo ’nāvṛtaḥ sarva-dehinām | yathā bhūtāni bhūteṣu bahir antaḥ svayaṁ tathā ||15-36||

।।४३५।। मैं सब देहधारियों के भीतर अन्तरात्मा हूँ और बाहर भी अनावृत हूँ, ठीक जैसे भूत तत्त्व प्राणियों के भीतर और बाहर दोनों ओर स्वयं विद्यमान रहते हैं।