The Lord's Divine Glories

श्रीउद्धव उवाच त्वं ब्रह्म परमं साक्षादनाद्यन्तमपावृतम् । सर्वेषामपि भावानां त्राणस्थित्यप्ययोद्भवः ॥१६-१॥

śrī-uddhava uvāca tvaṁ brahma paramaṁ sākṣād anādy-antam apāvṛtam | sarveṣām api bhāvānāṁ trāṇa-sthity-apyayodbhavaḥ ||16-1||

।।४३६।। उद्धव ने कहा: आप साक्षात् परब्रह्म हैं, अनादि-अनन्त, अनावृत। आप ही समस्त भावों के रक्षक, स्थिति, प्रलय और उद्गम हैं।

उच्चावचेषु भूतेषु दुर्ज्ञेयमकृतात्मभिः । उपासते त्वां भगवन्यथातथ्येन ब्राह्मणाः ॥१६-२॥

uccāvaceṣu bhūteṣu durjñeyam akṛtātmabhiḥ | upāsate tvāṁ bhagavan yāthā-tathyena brāhmaṇāḥ ||16-2||

।।४३७।। ऊँच-नीच सब प्राणियों में आपको पहचानना अशुद्ध-आत्मा वालों के लिए कठिन है, पर सच्चे ब्राह्मण, हे भगवन्, यथातथ्य रूप से आपकी उपासना करते हैं।

येषु येषु च भूतेषु भक्त्या त्वां परमर्षयः । उपासीनाः प्रपद्यन्ते संसिद्धिं तद्वदस्व मे ॥१६-३॥

yeṣu yeṣu ca bhūteṣu bhaktyā tvāṁ paramarṣayaḥ | upāsīnāḥ prapadyante saṁsiddhiṁ tad vadasva me ||16-3||

।।४३८।। हे प्रभु, महर्षिजन जिन-जिन रूपों में भक्तिपूर्वक आपकी उपासना कर सिद्धि प्राप्त करते हैं, वह मुझसे कहिए।

गूढश्चरसि भूतात्मा भूतानां भूतभावन । न त्वां पश्यन्ति भूतानि पश्यन्तं मोहितानि ते ॥१६-४॥

gūḍhaś carasi bhūtātmā bhūtānāṁ bhūta-bhāvana | na tvāṁ paśyanti bhūtāni paśyantaṁ mohitāni te ||16-4||

।।४३९।। हे भूतभावन, आप सब प्राणियों में छिपे हुए भूतात्मा रूप में विचरण करते हैं। आपके द्वारा मोहित होकर, प्राणी आपको नहीं देख पाते, जबकि आप उन्हें सदा देखते रहते हैं।

याः काश्च भूमौ दिवि वै रसायां विभूतयो दिक्षु महाविभूते । ता मह्यमाख्याह्यनुभावितास्ते नमामि ते तीर्थपदाङ्घ्रिपद्मम् ॥१६-५॥

yāḥ kāś ca bhūmau divi vai rasāyāṁ vibhūtayo dikṣu mahā-vibhūte | tā mahyam ākhyāhy anubhāvitās te namāmi te tīrtha-padāṅghri-padmam ||16-5||

।।४४०।। हे महाविभूते, पृथ्वी, स्वर्ग, पाताल और दिशाओं में जो भी विभूतियाँ आपने प्रकट की हैं, वे मुझसे कहिए। मैं आपके उन चरण-कमलों को नमन करता हूँ जो स्वयं समस्त तीर्थों के उद्गम हैं।

श्रीभगवानुवाच एवमेतदहं पृष्टः प्रश्नं प्रश्नविदां वर । युयुत्सुना विनशने सपत्नैरर्जुनेन वै ॥१६-६॥

śrī-bhagavān uvāca evam etad ahaṁ pṛṣṭaḥ praśnaṁ praśna-vidāṁ vara | yuyutsunā vinaśane sapatnair arjunena vai ||16-6||

।।४४१।। भगवान ने कहा: हे प्रश्न-विदों में श्रेष्ठ, मुझसे यही प्रश्न, अपने शत्रुओं से युद्ध की इच्छा रखते हुए, विनाश-स्थल में अर्जुन ने भी पूछा था।

ज्ञात्वा ज्ञातिवधं गर्ह्यमधर्मं राज्यहेतुकम् । ततो निवृत्तो हन्ताहं हतोऽयमिति लौकिकः ॥१६-७॥

jñātvā jñāti-vadhaṁ garhyam adharmaṁ rājya-hetukam | tato nivṛtto hantāhaṁ hato ’yam iti laukikaḥ ||16-7||

।।४४२।। स्वजनों की हत्या को निन्दनीय, राज्य-लोभ से प्रेरित अधर्म जानकर, अर्जुन युद्ध से विरत हो गए, यह लौकिक विचार करते हुए कि मैं हन्ता हूँ और यह हत होगा।

स तदा पुरुषव्याघ्रो युक्त्या मे प्रतिबोधितः । अभ्यभाषत मामेवं यथा त्वं रणमूर्धनि ॥१६-८॥

sa tadā puruṣa-vyāghro yuktyā me pratibodhitaḥ | abhyabhāṣata mām evaṁ yathā tvaṁ raṇa-mūrdhani ||16-8||

।।४४३।। तब वह पुरुष-व्याघ्र मेरे तर्क से प्रबुद्ध होकर, रणभूमि के अग्रभाग में, ठीक वैसे ही मुझसे बोला जैसे अब तुम बोल रहे हो।

अहमात्मोद्धवामीषां भूतानां सुहृदीश्वरः । अहं सर्वाणि भूतानि तेषां स्थित्युद्भवाप्ययः ॥१६-९॥

aham ātmoddhavāmīṣāṁ bhūtānāṁ suhṛd īśvaraḥ | aham sarvāṇi bhūtāni teṣāṁ sthity-udbhavāpyayaḥ ||16-9||

।।४४४।। हे उद्धव, मैं इन सब प्राणियों का आत्मा, सुहृद और ईश्वर हूँ। मैं ही ये सब प्राणी हूँ, और मैं ही उनकी स्थिति, उद्भव और लय हूँ।

अहं गतिर्गतिमतां कालः कलयतामहम् । गुणानां चाप्यहं साम्यं गुणिन्यौत्पत्तिको गुणः ॥१६-१०॥

ahaṁ gatir gatimatāṁ kālaḥ kalayatām aham | guṇānāṁ cāpy ahaṁ sāmyaṁ guṇiny autpattiko guṇaḥ ||16-10||

।।४४५।। मैं प्रगति चाहने वालों की गति हूँ, और गणना करने वालों में काल हूँ। मैं गुणों की साम्यावस्था हूँ, और गुणी में स्वाभाविक गुण भी मैं ही हूँ।

गुणिनामप्यहं सूत्रं महतां च महानहम् । सूक्ष्माणामप्यहं जीवो दुर्जयानामहं मनः ॥१६-११॥

guṇinām apy ahaṁ sūtraṁ mahatāṁ ca mahān aham | sūkṣmāṇām apy ahaṁ jīvo durjayānām ahaṁ manaḥ ||16-11||

।।४४६।। गुणवानों में सूत्रतत्त्व मैं हूँ, महानों में महत्तत्त्व मैं हूँ। सूक्ष्मों में जीव मैं हूँ, और दुर्जयों में मन मैं हूँ।

हिरण्यगर्भो वेदानां मन्त्राणां प्रणवस्त्रिवृत् । अक्षराणामकारोऽस्मि पदानि च्छन्दसामहम् ॥१६-१२॥

hiraṇyagarbho vedānāṁ mantrāṇāṁ praṇavas tri-vṛt | akṣarāṇām a-kāro ’smi padāni cchandasām aham ||16-12||

।।४४७।। वेदों में हिरण्यगर्भ ब्रह्मा मैं हूँ, मंत्रों में त्रिवृत् प्रणव मैं हूँ। अक्षरों में अकार मैं हूँ, और छन्दों में गायत्री मैं हूँ।

इन्द्रोऽहं सर्वदेवानां वसूनामस्मि हव्यवाट् । आदित्यानामहं विष्णू रुद्राणां नीललोहितः ॥१६-१३॥

indro ’haṁ sarva-devānāṁ vasūnām asmi havya-vāṭ | ādityānām ahaṁ viṣṇū rudrāṇāṁ nīla-lohitaḥ ||16-13||

।।४४८।। सब देवों में इन्द्र मैं हूँ, वसुओं में हव्यवाट् अग्नि मैं हूँ। आदित्यों में विष्णु मैं हूँ, और रुद्रों में नीललोहित शिव मैं हूँ।

ब्रह्मर्षीणां भृगुरहं राजर्षीणामहं मनुः । देवर्षीणां नारदोऽहं हविर्धान्यस्मि धेनुषु ॥१६-१४॥

brahmarṣīṇāṁ bhṛgur ahaṁ rājarṣīṇām ahaṁ manuḥ | devarṣīṇāṁ nārado ’haṁ havirdhāny asmi dhenuṣu ||16-14||

।।४४९।। ब्रह्मर्षियों में भृगु मैं हूँ, राजर्षियों में मनु मैं हूँ। देवर्षियों में नारद मैं हूँ, और गायों में हविर्धानी कामधेनु मैं हूँ।

सिद्धेश्वराणां कपिलः सुपर्णोऽहं पतत्रिणाम् । प्रजापतीनां दक्षोऽहं पितॄणामहमर्यमा ॥१६-१५॥

siddheśvarāṇāṁ kapilaḥ suparṇo ’haṁ patatriṇām | prajāpatīnāṁ dakṣo ’haṁ pitṝṇām aham aryamā ||16-15||

।।४५०।। सिद्धेश्वरों में कपिल मैं हूँ, पक्षियों में गरुड़ मैं हूँ। प्रजापतियों में दक्ष मैं हूँ, और पितरों में अर्यमा मैं हूँ।

मां विद्ध्युद्धव दैत्यानां प्रह्लादमसुरेश्वरम् । सोमं नक्षत्रौषधीनां धनेशं यक्षरक्षसाम् ॥१६-१६॥

māṁ viddhy uddhava daityānāṁ prahlādam asureśvaram | somaṁ nakṣatrauṣadhīnāṁ dhaneśaṁ yakṣa-rakṣasām ||16-16||

।।४५१।। हे उद्धव, दैत्यों में मुझे प्रह्लाद, असुरेश्वर जानो। नक्षत्रों और औषधियों में सोम, और यक्ष-राक्षसों में धनेश कुबेर जानो।

ऐरावतं गजेन्द्राणां यादसां वरुणं प्रभुम् । तपतां द्युमतां सूर्यं मनुष्याणां च भूपतिम् ॥१६-१७॥

airāvataṁ gajendrāṇāṁ yādasāṁ varuṇaṁ prabhum | tapatāṁ dyumatāṁ sūryaṁ manuṣyāṇāṁ ca bhū-patim ||16-17||

।।४५२।। गजराजों में ऐरावत मैं हूँ, जलचरों में वरुण प्रभु मैं हूँ। तपने और चमकने वालों में सूर्य, और मनुष्यों में राजा मैं हूँ।

उच्चैःश्रवास्तुरङ्गाणां धातूनामस्मि काञ्चनम् । यमः संयमतां चाहं सर्पाणामस्मि वासुकिः ॥१६-१८॥

uccaiḥśravās turaṅgāṇāṁ dhātūnām asmi kāñcanam | yamaḥ saṁyamatāṁ cāham sarpāṇām asmi vāsukiḥ ||16-18||

।।४५३।। घोड़ों में उच्चैःश्रवा मैं हूँ, धातुओं में सोना मैं हूँ। संयम करने वालों में यम मैं हूँ, और सर्पों में वासुकि मैं हूँ।

नागेन्द्राणामनन्तोऽहं मृगेन्द्रः शृङ्गिदंष्ट्रिणाम् । आश्रमाणामहं तुर्यो वर्णानां प्रथमोऽनघ ॥१६-१९॥

nāgendrāṇām ananto ’haṁ mṛgendraḥ śṛṅgi-daṁṣṭriṇām | āśramāṇām ahaṁ turyo varṇānāṁ prathamo ’nagha ||16-19||

।।४५४।। हे अनघ, नागेन्द्रों में अनन्त मैं हूँ, शृंगी-दंष्ट्रियों में सिंह मैं हूँ। आश्रमों में चतुर्थ संन्यास, और वर्णों में प्रथम ब्राह्मण मैं हूँ।

तीर्थानां स्रोतसां गङ्गा समुद्रः सरसामहम् । आयुधानां धनुरहं त्रिपुरघ्नो धनुष्मताम् ॥१६-२०॥

tīrthānāṁ srotasāṁ gaṅgā samudraḥ sarasām aham | āyudhānāṁ dhanur ahaṁ tripura-ghno dhanuṣmatām ||16-20||

।।४५५।। तीर्थों और स्रोतों में गंगा मैं हूँ, सरोवरों में समुद्र मैं हूँ। आयुधों में धनुष मैं हूँ, और धनुर्धरों में त्रिपुरघ्न शिव मैं हूँ।

धिष्ण्यानामस्म्यहं मेरुर्गहनानां हिमालयः । वनस्पतीनामश्वत्थ ओषधीनामहं यवः ॥१६-२१॥

dhiṣṇyānām asmy ahaṁ merur gahanānāṁ himālayaḥ | vanaspatīnām aśvattha oṣadhīnām ahaṁ yavaḥ ||16-21||

।।४५६।। धिष्ण्यों में मेरु मैं हूँ, गहनों में हिमालय मैं हूँ। वनस्पतियों में अश्वत्थ, और औषधियों में जौ मैं हूँ।

पुरोधसां वसिष्ठोऽहं ब्रह्मिष्ठानां बृहस्पतिः । स्कन्दोऽहं सर्वसेनान्यामग्रण्यां भगवानजः ॥१६-२२॥

purodhasāṁ vasiṣṭho ’haṁ brahmiṣṭhānāṁ bṛhaspatiḥ | skando ’haṁ sarva-senānyām agraṇyāṁ bhagavān ajaḥ ||16-22||

।।४५७।। पुरोधाओं में वसिष्ठ मैं हूँ, ब्रह्मिष्ठों में बृहस्पति मैं हूँ। सब सेनानायकों में स्कन्द मैं हूँ, और अग्रणियों में भगवान ब्रह्मा मैं हूँ।

यज्ञानां ब्रह्मयज्ञोऽहं व्रतानामविहिंसनम् । वाय्वग्न्यर्काम्बुवागात्मा शुचीनामप्यहं शुचिः ॥१६-२३॥

yajñānāṁ brahma-yajño ’haṁ vratānām avihiṁsanam | vāyv-agny-arkāmbu-vāg-ātmā śucīnām apy ahaṁ śuciḥ ||16-23||

।।४५८।। यज्ञों में ब्रह्मयज्ञ मैं हूँ, व्रतों में अहिंसा मैं हूँ। वायु, अग्नि, सूर्य, जल और वाणी रूप में, शुचियों में शुचि भी मैं ही हूँ।

योगानामात्मसंरोधो मन्त्रोऽस्मि विजिगीषताम् । आन्वीक्षिकी कौशलानां विकल्पः ख्यातिवादिनाम् ॥१६-२४॥

yogānām ātma-saṁrodho mantro ’smi vijigīṣatām | ānvīkṣikī kauśalānāṁ vikalpaḥ khyāti-vādinām ||16-24||

।।४५९।। योगों में आत्मसंरोध समाधि मैं हूँ, विजय चाहने वालों में मंत्र मैं हूँ। कुशलताओं में आन्वीक्षिकी, और ख्यातिवादियों में विकल्प मैं हूँ।

स्त्रीणां तु शतरूपाहं पुंसां स्वायम्भुवो मनुः । नारायणो मुनीनां च कुमारो ब्रह्मचारिणाम् ॥१६-२५॥

strīṇāṁ tu śatarūpāhaṁ puṁsāṁ svāyambhuvo manuḥ | nārāyaṇo munīnāṁ ca kumāro brahmacāriṇām ||16-25||

।।४६०।। स्त्रियों में शतरूपा मैं हूँ, पुरुषों में स्वायम्भुव मनु मैं हूँ। मुनियों में नारायण, और ब्रह्मचारियों में सनत्कुमार मैं हूँ।

धर्माणामस्मि सन्न्यासः क्षेमाणामबहिर्मतिः । गुह्यानां सुनृतं मौनं मिथुनानामजस्त्वहम् ॥१६-२६॥

dharmāṇām asmi sannyāsaḥ kṣemāṇām abahir-matiḥ | guhyānāṁ su-nṛtaṁ maunaṁ mithunānām ajas tv aham ||16-26||

।।४६१।। धर्मों में संन्यास मैं हूँ, क्षेमों में अबहिर्मति मैं हूँ। गुह्यों में सुनृत और मौन, और मिथुनों में अज ब्रह्मा मैं हूँ।

संवत्सरोऽस्म्यनिमिषामृतूनां मधुमाधवौ । मासानां मार्गशीर्षोऽहं नक्षत्राणां तथाभिजित् ॥१६-२७॥

saṁvatsaro ’smy animiṣām ṛtūnāṁ madhu-mādhavau | māsānāṁ mārgaśīrṣo ’haṁ nakṣatrāṇāṁ tathābhijit ||16-27||

।।४६२।। अनिमिषों में संवत्सर मैं हूँ, ऋतुओं में मधु-माधव वसंत मैं हूँ। मासों में मार्गशीर्ष, और नक्षत्रों में अभिजित मैं हूँ।

अहं युगानां च कृतं धीराणां देवलोऽसितः । द्वैपायनोऽस्मि व्यासानां कवीनां काव्य आत्मवान् ॥१६-२८॥

ahaṁ yugānāṁ ca kṛtaṁ dhīrāṇāṁ devalo ’sitaḥ | dvaipāyano ’smi vyāsānāṁ kavīnāṁ kāvya ātmavān ||16-28||

।।४६३।। युगों में सत्ययुग मैं हूँ, धीरों में देवल-असित मैं हूँ। व्यासों में द्वैपायन, और कवियों में आत्मवान् शुक्राचार्य मैं हूँ।

वासुदेवो भगवतां त्वं तु भागवतेष्वहम् । किम्पुरुषाणां हनुमान् विद्याधराणां सुदर्शनः ॥१६-२९॥

vāsudevo bhagavatāṁ tvaṁ tu bhāgavateṣv aham | kimpuruṣāṇāṁ hanumān vidyādharāṇāṁ sudarśanaḥ ||16-29||

।।४६४।। भगवानों में वासुदेव मैं हूँ, और भक्तों में, हे उद्धव, तुम्हीं मैं हूँ। किम्पुरुषों में हनुमान, और विद्याधरों में सुदर्शन मैं हूँ।

रत्नानां पद्मरागोऽस्मि पद्मकोशः सुपेशसाम् । कुशोऽस्मि दर्भजातीनां गव्यमाज्यं हविःष्वहम् ॥१६-३०॥

ratnānāṁ padma-rāgo ’smi padma-kośaḥ su-peśasām | kuśo ’smi darbha-jātīnāṁ gavyam ājyaṁ haviḥṣv aham ||16-30||

।।४६५।। रत्नों में पद्मराग मैं हूँ, सुपेशों में पद्मकोश मैं हूँ। दर्भ-जातियों में कुश, और हवियों में गव्य आज्य मैं हूँ।

व्यवसायिनामहं लक्ष्मीः कितवानां छलग्रहः । तितिक्षास्मि तितिक्षूणां सत्त्वं सत्त्ववतामहम् ॥१६-३१॥

vyavasāyinām ahaṁ lakṣmīḥ kitavānāṁ chala-grahaḥ | titikṣāsmi titikṣūṇāṁ sattvaṁ sattvavatām aham ||16-31||

।।४६६।। व्यवसायियों में लक्ष्मी मैं हूँ, छली लोगों में छल-ग्रहण मैं हूँ। तितिक्षुओं में तितिक्षा, और सत्त्ववानों में सत्त्व मैं हूँ।

ओजः सहो बलवतां कर्माहं विद्धि सात्वताम् । सात्वतां नवमूर्तीनामादिमूर्तिरहं परा ॥१६-३२॥

ojaḥ saho balavatāṁ karmāhaṁ viddhi sātvatām | sātvatāṁ nava-mūrtīnām ādi-mūrtir ahaṁ parā ||16-32||

।।४६७।। बलवानों में ओज-सह मैं हूँ, सात्वतों में उनकी कर्म-भक्ति मुझे जानो। सात्वतों की नौ मूर्तियों में आदि-मूर्ति, परा, मैं हूँ।

विश्वावसुः पूर्वचित्तिर्गन्धर्वाप्सरसामहम् । भूधराणामहं स्थैर्यं गन्धमात्रमहं भुवः ॥१६-३३॥

viśvāvasuḥ pūrvacittir gandharvāpsarasām aham | bhūdharāṇām ahaṁ sthairyaṁ gandha-mātram ahaṁ bhuvaḥ ||16-33||

।।४६८।। गन्धर्वों में विश्वावसु, अप्सराओं में पूर्वचित्ति मैं हूँ। पर्वतों में स्थैर्य, और पृथ्वी की गन्धमात्रा मैं हूँ।

अपां रसश्च परमस्तेजिष्ठानां विभावसुः । प्रभा सूर्येन्दुतारणां शब्दोऽहं नभसः परः ॥१६-३४॥

apāṁ rasaś ca paramas tejiṣṭhānāṁ vibhāvasuḥ | prabhā sūryendu-tārāṇāṁ śabdo ’haṁ nabhasaḥ paraḥ ||16-34||

।।४६९।। जल का परम रस मैं हूँ, तेजस्वियों में सूर्य मैं हूँ। सूर्य-चंद्र-तारों की प्रभा, और आकाश का पर शब्द मैं हूँ।

ब्रह्मण्यानां बलिरहं वीराणामहमर्जुनः । भूतानां स्थितिरुत्पत्तिरहं वै प्रतिसङ्क्रमः ॥१६-३५॥

brahmaṇyānāṁ balir ahaṁ vīrāṇām aham arjunaḥ | bhūtānāṁ sthitir utpattir ahaṁ vai pratisaṅkramaḥ ||16-35||

।।४७०।। ब्रह्मण्यों में बलि मैं हूँ, वीरों में अर्जुन मैं हूँ। भूतों की स्थिति, उत्पत्ति और प्रतिसंक्रम, सब मैं ही हूँ।

गत्युक्त्युत्सर्गोपादानमानन्दस्पर्शलक्षणम् । आस्वादश्रुत्यवघ्राणमहं सर्वेन्द्रियेन्द्रियम् ॥१६-३६॥

gaty-ukty-utsargopādānam ānanda-sparśa-lakṣanam | āsvāda-śruty-avaghrāṇam ahaṁ sarvendriyendriyam ||16-36||

।।४७१।। गति, वाणी, उत्सर्ग, ग्रहण, आनंद, स्पर्श, दर्शन, स्वाद, श्रवण, घ्राण, इन सब इन्द्रियों की इन्द्रिय-शक्ति मैं ही हूँ।

पृथिवी वायुराकाश आपो ज्योतिरहं महान् । विकारः पुरुषोऽव्यक्तं रजः सत्त्वं तमः परम् । अहमेतत्प्रसङ्ख्यानं ज्ञानं तत्त्वविनिश्चयः ॥१६-३७॥

pṛthivī vāyur ākāśa āpo jyotir ahaṁ mahān | vikāraḥ puruṣo ’vyaktaṁ rajaḥ sattvaṁ tamaḥ param | aham etat prasaṅkhyānaṁ jñānaṁ tattva-viniścayaḥ ||16-37||

।।४७२।। पृथ्वी, वायु, आकाश, जल, ज्योति, महत्, विकार, पुरुष, अव्यक्त, रज, सत्त्व, तम और उनसे परे, यह सब गणना, ज्ञान और तत्त्व-निश्चय भी मैं ही हूँ।

मयेश्वरेण जीवेन गुणेन गुणिना विना । सर्वात्मनापि सर्वेण न भावो विद्यते क्वचित् ॥१६-३८॥

mayeśvareṇa jīvena guṇena guṇinā vinā | sarvātmanāpi sarveṇa na bhāvo vidyate kvacit ||16-38||

।।४७३।। मुझ ईश्वर, जीव, गुण और गुणी के बिना, सर्वात्मा और सर्व रूप मुझ बिना, कहीं भी कोई अस्तित्व नहीं है।

सङ्ख्यानं परमाणूनां कालेन क्रियते मया । न तथा मे विभूतीनां सृजतोऽण्डानि कोटिशः ॥१६-३९॥

saṅkhyānaṁ paramāṇūnāṁ kālena kriyate mayā | na tathā me vibhūtīnāṁ sṛjato ’ṇḍāni koṭiśaḥ ||16-39||

।।४७४।। परमाणुओं की गणना काल से मुझसे हो सकती है, पर मेरी विभूतियों की नहीं, क्योंकि मैं करोड़ों ब्रह्माण्ड सृजन कर रहा हूँ।

तेजः श्रीः कीर्तिरैश्वर्यं ह्रीस्त्यागः सौभगं भगः । वीर्यं तितिक्षा विज्ञानं यत्र यत्र स मेंऽशकः ॥१६-४०॥

tejaḥ śrīḥ kīrtir aiśvaryaṁ hrīs tyāgaḥ saubhagaṁ bhagaḥ | vīryaṁ titikṣā vijñānaṁ yatra yatra sa me ’ṁśakaḥ ||16-40||

।।४७५।। तेज, श्री, कीर्ति, ऐश्वर्य, ह्री, त्याग, सौभाग्य, भग, वीर्य, तितिक्षा, विज्ञान, जहाँ-जहाँ भी हो, वह मेरा ही अंश है।

एताः ते कीर्तिताः सर्वाः सङ्क्षेपेण विभूतयः । मनोविकारा एवैते यथा वाचाभिधीयते ॥१६-४१॥

etās te kīrtitāḥ sarvāḥ saṅkṣepeṇa vibhūtayaḥ | mano-vikārā evaite yathā vācābhidhīyate ||16-41||

।।४७६।। इस प्रकार मैंने ये सब विभूतियाँ संक्षेप में तुम्हें कहीं। ये सब वस्तुतः मन के विकार हैं, जैसे वाणी से कहे जाते हैं।

वाचं यच्छ मनो यच्छ प्राणान्यच्छेन्द्रियाणि च । आत्मानमात्मना यच्छ न भूयः कल्पसेऽध्वने ॥१६-४२॥

vācaṁ yaccha mano yaccha prāṇān yacchedriyāṇi ca | ātmānam ātmanā yaccha na bhūyaḥ kalpase ’dhvane ||16-42||

।।४७७।। वाणी को वश में करो, मन को वश में करो, प्राणों और इन्द्रियों को वश में करो। बुद्धि से बुद्धि को वश में करो, तब तुम पुनः इस मार्ग पर नहीं गिरोगे।

यो वै वाङ्मनसी सम्यगसंयच्छन्धिया यतिः । तस्य व्रतं तपो दानं स्रवत्यामघटाम्बुवत् ॥१६-४३॥

yo vai vāṅ-manasī samyag asaṁyacchan dhiyā yatiḥ | tasya vrataṁ tapo dānaṁ sravaty āma-ghaṭāmbu-vat ||16-43||

।।४७८।। जो यति वाणी और मन को बुद्धि से भली-भाँति वश में नहीं करता, उसका व्रत, तप और दान कच्चे घड़े के जल की भाँति बह जाता है।

तस्माद्वचो मनः प्राणान् नियच्छेन्मत्परायणः । मद्भक्तियुक्तया बुद्ध्या ततः परिसमाप्यते ॥१६-४४॥

tasmād vaco manaḥ prāṇān niyacchen mat-parāyaṇaḥ | mad-bhakti-yuktayā buddhyā tataḥ parisamāpyate ||16-44||

।।४७९।। इसलिए मत्परायण होकर वाणी, मन और प्राणों को वश में करो। मेरी भक्ति से युक्त बुद्धि द्वारा ही जीवन का प्रयोजन पूर्णतः सिद्ध होता है।