Description of Varnashrama-dharma

श्रीभगवानुवाच । वनं विविक्षुः पुत्रेषु भार्यां न्यस्य सहैव वा । वन एव वसेच्छान्तस्तृतीयं भागमायुषः ॥१८-१॥

śrī-bhagavān uvāca | vanaṁ vivikṣuḥ putreṣu bhāryāṁ nyasya sahaiva vā | vana eva vasec chāntas tṛtīyaṁ bhāgam āyuṣaḥ ||18-1||

।।५३८।। श्री भगवान् बोले: वन में प्रवेश की इच्छा रखने वाला अपनी पत्नी को पुत्रों को सौंपकर अथवा साथ लेकर, आयु के तृतीय भाग में वन में ही शान्तिपूर्वक निवास करे।

कन्दमूलफलैर्वन्यैर्मेध्यैर्वृत्तिं प्रकल्पयेत् । वसीत वल्कलं वासस्तृणपर्णाजिनानि च ॥१८-२॥

kanda-mūla-phalair vanyair medhyair vṛttiṁ prakalpayet | vasīta valkalaṁ vāsas tṛṇa-parṇājināni ca ||18-2||

।।५३९।। वन में उगे शुद्ध कन्द, मूल और फलों से जीविका चलाए, तथा वल्कल, या तृण, पर्ण और मृगचर्म वस्त्र के रूप में धारण करे।

केशरोमनखश्मश्रुमलानि बिभृयाद्दतः । न धावेदप्सु मज्जेत त्रिकालं स्थण्डिलेशयः ॥१८-३॥

keśa-roma-nakha-śmaśru-malāni bibhṛyād dataḥ | na dhāved apsu majjeta tri-kālaṁ sthaṇḍile-śayaḥ ||18-3||

।।५४०।। केश, रोम, नख, श्मश्रु और दाँतों की सफाई न करे, तीनों समय जल में स्नान करे, और भूमि पर शयन करे।

ग्रीष्मे तप्येत पञ्चाग्नीन् वर्षास्वासारषाड्जले । आकण्ठमग्नः शिशिर एवं वृत्तस्तपश्चरेत् ॥१८-४॥

grīṣme tapyeta pañcāgnīn varṣāsv āsāra-ṣāḍ jale | ākaṇṭha-magnaḥ śiśira evaṁ vṛttas tapaś caret ||18-4||

।।५४१।। ग्रीष्म में पंचाग्नि तप करे, वर्षा में मूसलधार वर्षा सहे, शिशिर में गले तक जल में डूबा रहे — इस प्रकार तप का आचरण करे।

अग्निपक्वं समश्नीयात्कालपक्वमथापि वा । उलूखलाश्मकुट्टो वा दन्तोलूखल एव वा ॥१८-५॥

agni-pakvaṁ samaśnīyāt kāla-pakvam athāpi vā | ulūkhalāśma-kuṭṭo vā dantolūkhala eva vā ||18-5||

।।५४२।। अग्नि से पके, या काल से पके, अथवा उलूखल-पत्थर से कुटे, अथवा केवल दाँतों से ही चबाए हुए भोजन का सेवन करे।

स्वयं सञ्चिनुयात्सर्वमात्मनो वृत्तिकारणम् । देशकालबलाभिज्ञो नाददीतान्यदाहृतम् ॥१८-६॥

svayaṁ sañcinuyāt sarvam ātmano vṛtti-kāraṇam | deśa-kāla-balābhijño nādadītānyadāhṛtam ||18-6||

।।५४३।। स्वयं अपनी वृत्ति हेतु सब कुछ संचय करे, देश, काल और बल को जानते हुए, तथा अन्य समय के लिए संचित सामग्री कभी ग्रहण न करे।

वन्यैश्चरुपुरोडाशैर्निर्वपेत्कालचोदितान् । न तु श्रौतेन पशुना मां यजेत वनाश्रमी ॥१८-७॥

vanyaiś caru-puroḍāśair nirvapet kāla-coditān | na tu śrautena paśunā māṁ yajeta vanāśramī ||18-7||

।।५४४।। वनाश्रमी वन्य अन्न से बने चरु और पुरोडाश द्वारा कालानुसार यज्ञ करे, परन्तु श्रौत पशुयज्ञ से मुझे कभी न पूजे।

अग्निहोत्रं च दर्शश्च पूर्णमासश्च पूर्ववत् । चातुर्मास्यानि च मुनेराम्नातानि च नैगमैः ॥१८-८॥

agni-hotraṁ ca darśaś ca paurṇamāsaś ca pūrva-vat | cātur-māsyāni ca muner āmnātāni ca naigamaiḥ ||18-8||

।।५४५।। अग्निहोत्र, दर्श और पूर्णमास यज्ञ पूर्ववत्, तथा चातुर्मास्य व्रत — ये सब मुनि के लिए वेदज्ञों द्वारा विहित हैं।

एवं चीर्णेन तपसा मुनिर्धमनिसन्ततः । मां तपोमयमाराध्य ऋषिलोकादुपैति माम् ॥१८-९॥

evaṁ cīrṇena tapasā munir dhamani-santataḥ | māṁ tapo-mayam ārādhya ṛṣi-lokād upaiti mām ||18-9||

।।५४६।। इस प्रकार तप करते हुए मुनि, जिसका शरीर इतना कृश हो गया कि नसें दिखाई देती हैं, तपोमय मुझको आराधकर, ऋषिलोक से परे मुझको प्राप्त करता है।

यस्त्वेतत्कृच्छ्रतश्चीर्णं तपो निःश्रेयसं महत् । कामायाल्पीयसे युञ्ज्याद्बालिशः कोऽपरस्ततः ॥१८-१०॥

yas tv etat kṛcchrataś cīrṇaṁ tapo niḥśreyasaṁ mahat | kāmāyālpīyase yuñjyād bāliśaḥ ko 'paras tataḥ ||18-10||

।।५४७।। जो इस अत्यन्त कठिनाई से किए गए, परम मोक्षदायक तप को तुच्छ कामना के लिए लगाता है, उससे बड़ा मूर्ख और कौन है?

यदासौ नियमेऽकल्पो जरया जातवेपथुः । आत्मन्यग्नीन् समारोप्य मच्चित्तोऽग्निं समाविशेत् ॥१८-११॥

yadāsau niyame 'kalpo jarayā jāta-vepathuḥ | ātmany agnīn samāropya mac-citto 'gniṁ samāviśet ||18-11||

।।५४८।। जब यह वानप्रस्थी वृद्धावस्था से कम्पित होकर नियम पालन में असमर्थ हो जाए, तब अग्नियों को अपने भीतर आरोपित करके, मुझमें चित्त लगाकर अग्नि में प्रवेश करे।

यदा कर्मविपाकेषु लोकेषु निरयात्मसु । विरागो जायते सम्यङ् न्यस्ताग्निः प्रव्रजेत्ततः ॥१८-१२॥

yadā karma-vipākeṣu lokeṣu nirayātmasu | virāgo jāyate samyaṅ nyastāgniḥ pravrajet tataḥ ||18-12||

।।५४९।। जब कर्म के फलस्वरूप प्राप्य समस्त लोकों के प्रति, उन्हें वस्तुतः नरकतुल्य समझकर, पूर्ण वैराग्य उत्पन्न हो जाए, तब अग्नि त्यागकर संन्यास ग्रहण करे।

इष्ट्वा यथोपदेशं मां दत्त्वा सर्वस्वमृत्विजे । अग्नीन् स्वप्राण आवेश्य निरपेक्षः परिव्रजेत् ॥१८-१३॥

iṣṭvā yathopadeśaṁ māṁ dattvā sarva-svam ṛtvije | agnīn sva-prāṇa āveśya nirapekṣaḥ parivrajet ||18-13||

।।५५०।। शास्त्रविधि के अनुसार मेरी आराधना करके, अपना सर्वस्व ऋत्विक् को देकर, अग्नियों को अपने प्राण में स्थापित करके, निरपेक्ष होकर संन्यासी बने।

विप्रस्य वै सन्न्यसतो देवा दारादिरूपिणः । विघ्नान् कुर्वन्त्ययं ह्यस्मानाक्रम्य समियात्परम् ॥१८-१४॥

viprasya vai sannyasato devā dārādi-rūpiṇaḥ | vighnān kurvanty ayaṁ hy asmān ākramya samiyāt param ||18-14||

।।५५१।। संन्यास लेते हुए ब्राह्मण के लिए, देवता यह सोचकर कि 'यह हमें पार करके परम पद को प्राप्त होगा,' पत्नी आदि के रूप में विघ्न उत्पन्न करते हैं।

बिभृयाच्चेन्मुनिर्वासः कौपीनाच्छादनं परम् । त्यक्तं न दण्डपात्राभ्यामन्यत्किञ्चिदनापदि ॥१८-१५॥

bibhṛyāc cen munir vāsaḥ kaupīnācchādanaṁ param | tyaktaṁ na daṇḍa-pātrābhyām anyat kiñcid anāpadi ||18-15||

।।५५२।। यदि मुनि वस्त्र धारण करे तो केवल कौपीन के ऊपर एक आवरण। संकटरहित अवस्था में दण्ड और पात्र के अतिरिक्त और कुछ भी न रखे।

दृष्टिपूतं न्यसेत्पादं वस्त्रपूतं पिबेज्जलम् । सत्यपूतां वदेद्वाचं मनःपूतं समाचरेत् ॥१८-१६॥

dṛṣṭi-pūtaṁ nyaset pādaṁ vastra-pūtaṁ pibej jalam | satya-pūtāṁ vaded vācaṁ manaḥ-pūtaṁ samācaret ||18-16||

।।५५३।। दृष्टि से शुद्ध किया हुआ पैर रखे, वस्त्र से छाना हुआ जल पीए, सत्य से शुद्ध वाणी बोले, और मन से शुद्ध किया हुआ आचरण करे।

मौनानीहानिलायामा दण्डा वाग्देहचेतसाम् । न ह्येते यस्य सन्त्यङ्ग वेणुभिर्न भवेद्यतिः ॥१८-१७॥

maunānīhānilāyāmā daṇḍā vāg-deha-cetasām | na hy ete yasya santy aṅga veṇubhir na bhaved yatiḥ ||18-17||

।।५५४।। मौन, अनीहा (कर्मफल की इच्छा से मुक्ति), प्राणायाम — ये वाणी, शरीर और मन के वास्तविक दण्ड हैं। हे उद्धव, जिसमें ये नहीं, वह मात्र वेणु-दण्ड धारण करने से यति नहीं बनता।

भिक्षां चतुर्षु वर्णेषु विगर्ह्यान् वर्जयंश्चरेत् । सप्तागारानसङ्कॢप्तांस्तुष्येल्लब्धेन तावता ॥१८-१८॥

bhikṣāṁ caturṣu varṇeṣu vigarhyān varjayaṁś caret | saptāgārān asaṅkḷptāṁs tuṣyel labdhena tāvatā ||18-18||

।।५५५।। चारों वर्णों में, निन्दित घरों को छोड़कर, बिना पूर्व-निश्चय के सात घरों में भिक्षा माँगे, और जो कुछ मिले उसी में संतुष्ट रहे।

बहिर्जलाशयं गत्वा तत्रोपस्पृश्य वाग्यतः । विभज्य पावितं शेषं भुञ्जीताशेषमाहृतम् ॥१८-१९॥

bahir jalāśayaṁ gatvā tatropaspṛśya vāg-yataḥ | vibhajya pāvitaṁ śeṣaṁ bhuñjītāśeṣam āhṛtam ||18-19||

।।५५६।। नगर से बाहर किसी जलाशय के पास जाकर, मौन रहकर, शुद्ध होकर, कुछ भाग बाँटकर, जो कुछ भिक्षा में लाया गया हो, उसे पूर्णतः खा ले, कुछ शेष न रखे।

एकश्चरेन्महीमेतां निःसङ्गः संयतेन्द्रियः । आत्मक्रीड आत्मरत आत्मवान् समदर्शनः ॥१८-२०॥

ekaś caren mahīm etāṁ niḥsaṅgaḥ saṁyatendriyaḥ | ātma-krīḍa ātma-rata ātma-vān sama-darśanaḥ ||18-20||

।।५५७।। इस पृथ्वी पर अकेला विचरे, आसक्तिरहित, इन्द्रियसंयमी, आत्मक्रीड़, आत्मरत, आत्मवान्, समदर्शी।

विविक्तक्षेमशरणो मद्भावविमलाशयः । आत्मानं चिन्तयेदेकमभेदेन मया मुनिः ॥१८-२१॥

vivikta-kṣema-śaraṇo mad-bhāva-vimalāśayaḥ | ātmānaṁ cintayed ekam abhedena mayā muniḥ ||18-21||

।।५५८।। एकान्त और सुरक्षित स्थान में आश्रय लेकर, मेरे भाव से विमल चित्त होकर, मुनि आत्मा को एक, मुझसे अभिन्न समझे।

अन्वीक्षेतात्मनो बन्धं मोक्षं च ज्ञाननिष्ठया । बन्ध इन्द्रियविक्षेपो मोक्ष एषां च संयमः ॥१८-२२॥

anvīkṣetātmano bandhaṁ mokṣaṁ ca jñāna-niṣṭhayā | bandha indriya-vikṣepo mokṣa eṣāṁ ca saṁyamaḥ ||18-22||

।।५५९।। स्थिर ज्ञाननिष्ठा से आत्मा के बन्ध और मोक्ष का सूक्ष्म परीक्षण करे। इन्द्रियों का बिखराव ही बन्ध है, और उन्हीं इन्द्रियों का संयम ही मोक्ष है।

तस्मान्नियम्य षड्वर्गं मद्भावेन चरेन्मुनिः । विरक्तः क्षुद्रकामेभ्यो लब्ध्वाऽऽत्मनि सुखं महत् ॥१८-२३॥

tasmān niyamya ṣaḍ-vargaṁ mad-bhāvena caren muniḥ | viraktaḥ kṣudra-kāmebhyo labdhvātmani sukhaṁ mahat ||18-23||

।।५६०।। अतः षड्वर्ग (पाँच इन्द्रियाँ और मन) को नियन्त्रित करके, मुनि मद्भाव से रहे, तुच्छ कामनाओं से विरक्त होकर, आत्मा में स्थित महान् सुख को प्राप्त करके।

पुरग्रामव्रजान्सार्थान् भिक्षार्थं प्रविशंश्चरेत् । पुण्यदेशसरिच्छैलवनाश्रमवतीं महीम् ॥ 18.24 ॥

pura-grāma-vrajān sārthān bhikṣārthaṁ praviśaṁś caret puṇya-deśa-saric-chaila- vanāśrama-vatīṁ mahīm

भिक्षा के लिए नगर, ग्राम और गोष्ठों में जाकर विचरण करे, तथा पवित्र प्रदेशों, नदियों, पर्वतों, वनों और आश्रमों से युक्त भूमि पर घूमे।

वानप्रस्थाश्रमपदेष्वभीक्ष्णं भैक्ष्यमाचरेत् । संसिध्यत्याश्वसम्मोहः शुद्धसत्त्वः शिलान्धसा ॥ 18.25 ॥

vānaprasthāśrama-padeṣv abhīkṣṇaṁ bhaikṣyam ācaret saṁsidhyaty āśv asammohaḥ śuddha-sattvaḥ śilāndhasā

वानप्रस्थ के आश्रम-स्थलों में निरन्तर भिक्षा मांगे; इस भिक्षान्न से जीने वाला शीघ्र ही मोह-रहित शुद्धसत्त्व होकर सिद्धि पाता है।

नैतद् वस्तुतया पश्येद् दृश्यमानं विनश्यति । असक्तचित्तो विरमेदिहामुत्र चिकीर्षितात् ॥ 18.26 ॥

naitad vastutayā paśyed dṛśyamānaṁ vinaśyati asakta-citto viramed ihāmutra-cikīrṣitāt

जो कुछ दिखाई देता है वह नष्ट होने वाला है, उसे वास्तविक वस्तु न समझे; आसक्ति-रहित चित्त से इस लोक और परलोक में जो कुछ करने की इच्छा हो, उससे विरत हो जाए।

यदेतदात्मनि जगन्मनोवाक्प्राणसंहतम् । सर्वं मायेति तर्केण स्वस्थस्त्यक्त्वा न तत् स्मरेत् ॥ 18.27 ॥

yad etad ātmani jagan mano-vāk-prāṇa-saṁhatam sarvaṁ māyeti tarkeṇa sva-sthas tyaktvā na tat smaret

मन, वाणी और प्राण से बने इस जगत् को, जो आत्मा में प्रतीत होता है, तर्क द्वारा सम्पूर्णतः माया जानकर, स्वस्थ रहकर उसे त्याग दे और फिर उसका स्मरण न करे।

ज्ञाननिष्ठो विरक्तो वा मद्भक्तो वानपेक्षकः । सलिङ्गानाश्रमांस्त्यक्त्वा चरेदविधिगोचरः ॥ 18.28 ॥

jñāna-niṣṭho virakto vā mad-bhakto vānapekṣakaḥ sa-liṅgān āśramāṁs tyaktvā cared avidhi-gocaraḥ

ज्ञाननिष्ठ अथवा विरक्त पुरुष, या मेरा भक्त जो मुक्ति की भी अपेक्षा नहीं रखता, बाह्य चिह्न और आश्रमों को त्यागकर विधि-निरपेक्ष होकर विचरे।

बुधो बालकवत् क्रीडेत् कुशलो जडवच्चरेत् । वदेदुन्मत्तवद् विद्वान् गोचर्यां नैगमश्चरेत् ॥ 18.29 ॥

budho bālaka-vat krīḍet kuśalo jaḍa-vac caret vaded unmatta-vad vidvān go-caryāṁ naigamaś caret

बुद्धिमान होकर बालक के समान क्रीड़ा करे, कुशल होकर जड़ के समान आचरण करे, विद्वान होकर उन्मत्त के समान बोले, और वेदज्ञ होकर स्वच्छन्द विचरण करे।

वेदवादरतो न स्यान्न पाषण्डी न हैतुकः । शुष्कवादविवादे न कञ्चित् पक्षं समाश्रयेत् ॥ 18.30 ॥

veda-vāda-rato na syān na pāṣaṇḍī na haitukaḥ śuṣka-vāda-vivāde na kañcit pakṣaṁ samāśrayet

वेदवाद (कर्मकाण्ड) में रत न हो, न पाखण्डी बने, न कुतर्की बने; निरर्थक वाद-विवाद में किसी पक्ष का आश्रय न ले।

नोद्विजेत जनाद् धीरो जनं चोद्वेजयेन्न तु । अतिवादांस्तितिक्षेत नावमन्येत कञ्चन । देहमुद्दिश्य पशुवद् वैरं कुर्यान्न केनचित् ॥ 18.31 ॥

nodvijeta janād dhīro janaṁ codvejayen na tu ati-vādāṁs titikṣeta nāvamanyeta kañcana deham uddiśya paśu-vad vairaṁ kuryān na kenacit

धीर पुरुष न किसी से भयभीत हो, न किसी को भयभीत करे; अपमानजनक वचन सहन करे, किसी का तिरस्कार न करे, और देह के निमित्त पशु के समान किसी से वैर न करे।

एक एव परो ह्यात्मा भूतेष्वात्मन्यवस्थितः । यथेन्दुरुदपात्रेषु भूतान्येकात्मकानि च ॥ 18.32 ॥

eka eva paro hy ātmā bhūteṣv ātmany avasthitaḥ yathendur uda-pātreṣu bhūtāny ekātmakāni ca

एक ही परम आत्मा समस्त प्राणियों में और अपनी आत्मा में स्थित है, जैसे एक ही चन्द्रमा जल से भरे अनेक पात्रों में प्रतिबिम्बित होता है, वैसे ही सब प्राणी एक ही आत्मा से युक्त हैं।

अलब्ध्वा न विषीदेत काले कालेऽशनं क्वचित् । लब्ध्वा न हृष्येद् धृतिमानुभयं दैवतन्त्रितम् ॥ 18.33 ॥

alabdhvā na viṣīdeta kāle kāle ’śanaṁ kvacit labdhvā na hṛṣyed dhṛtimān ubhayaṁ daiva-tantritam

समय पर भोजन न मिलने से खिन्न न हो, और मिलने पर हर्षित न हो; धैर्यवान पुरुष दोनों ही स्थितियों को दैव के अधीन समझे।

आहारार्थं समीहेत युक्तं तत् प्राणधारणम् । तत्त्वं विमृश्यते तेन तद् विज्ञाय विमुच्यते ॥ 18.34 ॥

āhārārthaṁ samīheta yuktaṁ tat-prāṇa-dhāraṇam tattvaṁ vimṛśyate tena tad vijñāya vimucyate

आहार के लिए उतना ही प्रयत्न करे जितना प्राण-धारण के लिए युक्त हो; इस प्रकार तत्त्व का चिन्तन होता है, और उसे जानकर मुक्ति मिलती है।

यदृच्छयोपपन्नान्नमद्याच्छ्रेष्ठमुतापरम् । तथा वासस्तथा शय्यां प्राप्तं प्राप्तं भजेन्मुनिः ॥ 18.35 ॥

yadṛcchayopapannānnam adyāc chreṣṭham utāparam tathā vāsas tathā śayyāṁ prāptaṁ prāptaṁ bhajen muniḥ

अनायास प्राप्त अन्न को खाए, चाहे वह उत्तम हो या साधारण; उसी प्रकार जैसा भी वस्त्र और शय्या मिले, मुनि उसी को स्वीकार करे।

शौचमाचमनं स्नानं न तु चोदनया चरेत् । अन्यांश्च नियमाञ्ज्ञानी यथाहं लीलयेश्वरः ॥ 18.36 ॥

śaucam ācamanaṁ snānaṁ na tu codanayā caret anyāṁś ca niyamāñ jñānī yathāhaṁ līlayeśvaraḥ

शौच, आचमन और स्नान — इन्हें विधि के दबाव से न करे; ज्ञानी पुरुष अन्य नियमों को भी उसी प्रकार करे जैसे मैं ईश्वर होते हुए भी लीला से करता हूं।

न हि तस्य विकल्पाख्या या च मद्वीक्षया हता । आदेहान्तात् क्वचित् ख्यातिस्ततः सम्पद्यते मया ॥ 18.37 ॥

na hi tasya vikalpākhyā yā ca mad-vīkṣayā hatā ā-dehāntāt kvacit khyātis tataḥ sampadyate mayā

मेरे दर्शन से नष्ट हुई भेद-बुद्धि उसमें फिर नहीं रहती; यदि शरीर के अन्त तक कभी वह पुनः दिखाई भी दे, तो भी उसके बाद वह मुझे ही प्राप्त होता है।

दुःखोदर्केषु कामेषु जातनिर्वेद आत्मवान् । अजिज्ञासितमद्धर्मो मुनिं गुरुमुपव्रजेत् ॥ 18.38 ॥

duḥkhodarkeṣu kāmeṣu jāta-nirveda ātmavān ajijñāsita-mad-dharmo muniṁ gurum upavrajet

दुःखान्त होने वाले भोगों से जिसमें वैराग्य उत्पन्न हो गया है, जो आत्मवान् है, किन्तु जिसने मेरी प्राप्ति के धर्म को अभी विशेष रूप से नहीं जाना, उसे किसी मुनि गुरु के पास जाना चाहिए।

तावत् परिचरेद् भक्तः श्रद्धावाननसूयकः । यावद् ब्रह्म विजानीयान्मामेव गुरुमादृतः ॥ 18.39 ॥

tāvat paricared bhaktaḥ śraddhāvān anasūyakaḥ yāvad brahma vijānīyān mām eva gurum ādṛtaḥ

भक्त श्रद्धावान और ईर्ष्यारहित होकर गुरु की, जो साक्षात् मेरा ही स्वरूप है, तब तक सेवा करता रहे जब तक वह ब्रह्म को न जान ले।

यस्त्वसंयतषड्वर्गः प्रचण्डेन्द्रियसारथिः । ज्ञानवैराग्यरहितस्त्रिदण्डमुपजीवति ॥ 18.40 ॥

yas tv asaṁyata-ṣaḍ-vargaḥ pracaṇḍendriya-sārathiḥ jñāna-vairāgya-rahitas tridaṇḍam upajīvati

जिसने अपने षड्वर्ग को वश में नहीं किया, जिसका सारथी उग्र इन्द्रियां हैं, जो ज्ञान और वैराग्य से रहित है, और केवल जीविका के लिए त्रिदण्ड धारण करता है —

सुरानात्मानमात्मस्थं निह्नुते मां च धर्महा । अविपक्वकषायोऽस्मादमुष्माच्च विहीयते ॥ 18.41 ॥

surān ātmānam ātma-sthaṁ nihnute māṁ ca dharma-hā avipakva-kaṣāyo ’smād amuṣmāc ca vihīyate

जो धर्मघाती देवताओं को, अपने आत्मस्थ स्वरूप को और मुझे भी छिपाता (नकारता) है, वह अपरिपक्व कषायवाला इस लोक और परलोक दोनों से भ्रष्ट हो जाता है।

भिक्षोर्धर्मः शमोऽहिंसा तप ईक्षा वनौकसः । गृहिणो भूतरक्षेज्या द्विजस्याचार्यसेवनम् ॥ 18.42 ॥

bhikṣor dharmaḥ śamo ’hiṁsā tapa īkṣā vanaukasaḥ gṛhiṇo bhūta-rakṣejyā dvijasyācārya-sevanam

भिक्षु का धर्म शम और अहिंसा है, वनवासी का धर्म तप और (आत्मा-अनात्मा का) विवेचन है, गृहस्थ का धर्म प्राणियों की रक्षा और यज्ञ है, तथा द्विज (ब्रह्मचारी) का धर्म आचार्य की सेवा है।

ब्रह्मचर्यं तपः शौचं सन्तोषो भूतसौहृदम् । गृहस्थस्याप्यृतौ गन्तुः सर्वेषां मदुपासनम् ॥ 18.43 ॥

brahmacaryaṁ tapaḥ śaucaṁ santoṣo bhūta-sauhṛdam gṛhasthasyāpy ṛtau gantuḥ sarveṣāṁ mad-upāsanam

ब्रह्मचर्य, तप, शौच, संतोष और प्राणियों के प्रति सौहार्द — तथा गृहस्थ के लिए भी, ऋतुकाल के अतिरिक्त, यह सब लागू है; और सभी के लिए मेरी उपासना अनिवार्य है।

इति मां यः स्वधर्मेण भजेन् नित्यमनन्यभाक् । सर्वभूतेषु मद्भावो मद्भक्तिं विन्दते दृढाम् ॥ 18.44 ॥

iti māṁ yaḥ sva-dharmeṇa bhajen nityam ananya-bhāk sarva-bhūteṣu mad-bhāvo mad-bhaktiṁ vindate dṛḍhām

इस प्रकार जो अपने स्वधर्म से अनन्यभाव से नित्य मेरा भजन करता है, और सब प्राणियों में मेरी भावना रखता है, वह मेरी दृढ़ भक्ति को प्राप्त करता है।

भक्त्योद्धवानपायिन्या सर्वलोकमहेश्वरम् । सर्वोत्पत्त्यप्ययं ब्रह्म कारणं मोपयाति सः ॥ 18.45 ॥

bhaktyoddhavānapāyinyā sarva-loka-maheśvaram sarvotpatty-apyayaṁ brahma kāraṇaṁ mopayāti saḥ

हे उद्धव! अटल भक्ति के द्वारा सब लोकों के महेश्वर, सबकी उत्पत्ति और लय के कारण, परब्रह्म — मुझे ही वह प्राप्त करता है।

इति स्वधर्मनिर्णिक्तसत्त्वो निर्ज्ञातमद्गतिः । ज्ञानविज्ञानसम्पन्नो नचिरात् समुपैति माम् ॥ 18.46 ॥

iti sva-dharma-nirṇikta- sattvo nirjñāta-mad-gatiḥ jñāna-vijñāna-sampanno na cirāt samupaiti mām

इस प्रकार अपने स्वधर्म से जिसका अन्तःकरण शुद्ध हो गया है, जिसने मेरी गति को भली-भांति जान लिया है, ज्ञान और विज्ञान से सम्पन्न वह पुरुष शीघ्र ही मुझे प्राप्त कर लेता है।

वर्णाश्रमवतां धर्म एष आचारलक्षणः । स एव मद्भक्तियुतो निःश्रेयसकरः परः ॥ 18.47 ॥

varṇāśramavatāṁ dharma eṣa ācāra-lakṣaṇaḥ sa eva mad-bhakti-yuto niḥśreyasa-karaḥ paraḥ

वर्णाश्रम के अनुयायियों का यह आचार-लक्षण धर्म है; वही धर्म जब मेरी भक्ति से युक्त हो जाता है, तब वह परम कल्याणकारी बनता है।

एतत्तेऽभिहितं साधो भवान् पृच्छति यच्च माम् । यथा स्वधर्मसंयुक्तो भक्तो मां समियात् परम् ॥ 18.48 ॥

etat te ’bhihitaṁ sādho bhavān pṛcchati yac ca mām yathā sva-dharma-saṁyukto bhakto māṁ samiyāt param

हे साधु! तुमने जो मुझसे पूछा था, वह मैंने तुम्हें बता दिया — जिससे स्वधर्म से युक्त भक्त मुझ परमेश्वर को प्राप्त कर सके।