Lord Krishna's Instructions on the Process of Deity Worship

श्रीउद्धव उवाच क्रियायोगं समाचक्ष्व भवदाराधनं प्रभो । यस्मात्त्वां ये यथार्चन्ति सात्वताः सात्वतर्षभ ॥ १ ॥

śrīuddhava uvāca kriyā-yogaṁ samācakṣva bhavad-ārādhanaṁ prabho | yasmāt tvāṁ ye yathārcanti sātvatāḥ sātvatarṣabha || 1 ||

।।९३३।। उद्धव बोले: हे प्रभु, मुझे क्रियायोग समझाइए, आपकी पूजा, जिससे आपके भक्त उचित रूप से आपकी पूजा करते हैं, हे सात्वतों में श्रेष्ठ।

एतद् वदन्ति मुनयो मुहुर्निःश्रेयसं नृणाम् । नारदो भगवान् व्यास आचार्योऽङ्गिरसः सुतः ॥ २ ॥

etad vadanti munayo muhur niḥśreyasaṁ nṛṇām | nārado bhagavān vyāsa ācāryo 'ṅgirasaḥ sutaḥ || 2 ||

।।९३४।। ऋषि बार-बार इसे मनुष्यों के लिए परम कल्याण कहते हैं, नारद, प्रतिष्ठित व्यास, और मेरे गुरु, अंगिरा के पुत्र।

निःसृतं ते मुखाम्भोजाद् यदाह भगवानजः । पुत्रेभ्यो भृगुमुख्येभ्यो देव्यै च भगवान् भवः ॥ ३ ॥

niḥsṛtaṁ te mukhāmbhojād yad āha bhagavān ajaḥ | putrebhyo bhṛgu-mukhyebhyo devyai ca bhagavān bhavaḥ || 3 ||

।।९३५।। यह आपके ही कमल-मुख से निकला, जो ब्रह्मा ने अपने पुत्रों को भृगु-प्रमुखों को सिखाया, और भगवान शिव ने देवी को सिखाया।

एतद् वै सर्ववर्णानामाश्रमाणां च सम्मतम् । श्रेयसामुत्तमं मन्ये स्त्रीशूद्राणां च मानद ॥ ४ ॥

etad vai sarva-varṇānām āśramāṇāṁ ca sammatam | śreyasām uttamaṁ manye strī-śūdrāṇāṁ ca māna-da || 4 ||

।।९३६।। यह सभी वर्णों और आश्रमों द्वारा स्वीकृत है; मैं इसे सर्वोच्च लाभ मानता हूँ, स्त्रियों और शूद्रों के लिए भी, हे मानद।

एतत् कमलपत्राक्ष कर्मबन्धविमोचनम् । भक्ताय चानुरक्ताय ब्रूहि विश्वेश्वरेश्वर ॥ ५ ॥

etat kamala-patrākṣa karma-bandha-vimocanam | bhaktāya cānuraktāya brūhi viśveśvareśvara || 5 ||

।।९३७।। हे कमल-नेत्र, कर्म के बंधन से इस मुक्ति के साधन को अपने भक्त और अनुरक्त सेवक को समझाइए, हे विश्वेश्वरों के ईश्वर।

श्रीभगवानुवाच न ह्यन्तोऽनन्तपारस्य कर्मकाण्डस्य चोद्धव । सङ्क्षिप्तं वर्णयिष्यामि यथावदनुपूर्वशः ॥ ६ ॥

śrī-bhagavān uvāca na hy anto 'nantapārasya karmakāṇḍasya coddhava | saṅkṣiptaṁ varṇayiṣyāmi yathāvadanupūrvaśaḥ || 6 ||

।।९३८।। भगवान बोले: हे उद्धव, कर्मकांड-विधानों के अनंत सागर का सचमुच कोई अंत नहीं है। मैं इसे संक्षेप में पर सही क्रम में वर्णित करूँगा।

वैदिकस्तान्त्रिको मिश्र इति मे त्रिविधो मखः । त्रयाणामीप्सितेनैव विधिना मां समर्चरेत् ॥ ७ ॥

vaidikas tāntriko miśra iti me tri-vidho makhaḥ | trayāṇām īpsitenaiva vidhinā māṁ samarcaret || 7 ||

।।९३९।। मेरी पूजा तीन प्रकार की है: वैदिक, तांत्रिक, और मिश्रित। इन तीनों में से जिस विधि की इच्छा हो उससे मेरी पूजा करनी चाहिए।

यदा स्वनिगमेनोक्तं द्विजत्वं प्राप्य पूरुषः । यथा यजेत मां भक्त्या श्रद्धया तन्निबोध मे ॥ ८ ॥

yadā sva-nigamenoktaṁ dvijatvaṁ prāpya pūruṣaḥ | yathā yajeta māṁ bhaktyā śraddhayā tan nibodha me || 8 ||

।।९४०।। जब कोई व्यक्ति अपने ही शास्त्र में निर्धारित द्विजत्व प्राप्त कर लेता है, तो मुझसे सुनो कि उसे भक्ति और श्रद्धा से मेरी पूजा कैसे करनी चाहिए।

अर्चायां स्थण्डिलेऽग्नौ वा सूर्ये वाप्सु हृदि द्विजः । द्रव्येण भक्तियुक्तोऽर्चेत् स्वगुरुं माममायया ॥ ९ ॥

arcāyāṁ sthaṇḍile 'gnau vā sūrye vāpsu hṛdi dvijaḥ | dravyeṇa bhaktiyukto'rcet svaguruṁ māmamāyayā || 9 ||

।।९४१।। द्विज को भक्ति से युक्त, बिना छल के, उचित सामग्री से अपने गुरु, मुझको, पूजना चाहिए — चाहे प्रतिमा में, ज़मीन के चित्र में, अग्नि में, सूर्य में, जल में, या हृदय में।

पूर्वं स्नानं प्रकुर्वीत धौतदन्तोऽङ्गशुद्धये । उभयैरपि च स्नानं मन्त्रैर्मृद्ग्रहणादिना ॥ १० ॥

pūrvaṁ snānaṁ prakurvīta dhauta-danto 'ṅgaśuddhaye | ubhayairapi ca snānaṁ mantrairmṛdgrahaṇādinā || 10 ||

।।९४२।। पहले, दाँत साफ़ कर के, उसे शारीरिक शुद्धि के लिए स्नान करना चाहिए। स्नान मंत्रों और मिट्टी लेने आदि दोनों से किया जाना चाहिए।

सन्ध्योपास्त्यादिकर्माणि वेदेनाचोदितानि मे । पूजां तैः कल्पयेत् सम्यक् सङ्कल्पः कर्मपावनीम् ॥ ११ ॥

sandhyopāstyādi-karmāṇi vedenācoditāni me | pūjāṁ taiḥ kalpayet samyak saṅkalpaḥ karma-pāvanīm || 11 ||

।।९४३।। संध्या-उपासना जैसे नित्य कर्म, जो वेद द्वारा मेरे लिए निर्धारित हैं — इनके ज़रिए उचित रूप से पूजा की व्यवस्था करनी चाहिए, कर्म को शुद्ध करने वाले संकल्प से शुरू करते हुए।

शैली दारुमयी लौही लेप्या लेख्या च सैकती । मनोमयी मणिमयी प्रतिमाष्टविधा स्मृता ॥ १२ ॥

śailī dāru-mayī lauhī lepyā lekhyā ca saikatī | mano-mayī maṇi-mayī pratimāṣṭa-vidhā smṛtā || 12 ||

।।९४४।। देव-प्रतिमा आठ प्रकार की मानी जाती है: पत्थर की, लकड़ी की, धातु की, ढली हुई, चित्रित, रेत की, मन से बनी, और रत्नों की।

चलाचलेति द्विविधा प्रतिष्ठा जीवमन्दिरम् । उद्वासावाहने न स्तः स्थिरायामुद्धवार्चने ॥ १३ ॥

calācaleti dvi-vidhā pratiṣṭhā jīva-mandiram | udvāsāvāhane na staḥ sthirāyām uddhavārcane || 13 ||

।।९४५।। प्रतिष्ठित प्रतिमा दो प्रकार की है — गतिशील और स्थिर — दोनों दिव्य उपस्थिति के निवास। स्थिर रूप के लिए विसर्जन और आवाहन नहीं है।

अस्थिरायां विकल्पः स्यात् स्थण्डिले तु भवेद् द्वयम् । स्नपनं त्वविलेप्यायामन्यत्र परिमार्जनम् ॥ १४ ॥

asthirāyāṁ vikalpaḥ syāt sthaṇḍile tu bhaved dvayam | snapanaṁ tv avilepyāyām anyatra parimārjanam || 14 ||

।।९४६।। गतिशील रूप के लिए विकल्प है; ज़मीन-वेदी के लिए दोनों होते हैं। बिना-चित्रित प्रतिमा पर स्नान लागू होता है, अन्यत्र केवल पोंछना।

द्रव्यैः प्रसिद्धैर्मद्यागः प्रतिमादिष्वमायिनः । भक्तस्य च यथालब्धैर्हृदि भावेन चैव हि ॥ १५ ॥

dravyaiḥ prasiddhair mad-yāgaḥ pratimādiṣv amāyinaḥ | bhaktasya ca yathā-labdhair hṛdi bhāvena caiva hi || 15 ||

।।९४७।। सच्चे भक्त के लिए, प्रतिमा आदि में मेरी पूजा निर्धारित सामग्री से, या जो उपलब्ध हो उससे, और सबसे ऊपर हृदय के भाव से की जाती है।

स्नानालङ्करणं प्रेष्ठमर्चायामेव तूद्धव । स्थण्डिले तत्त्वविन्यासो वह्नावाज्यप्लुतं हविः ॥ १६ ॥

snānālaṅkaraṇaṁ preṣṭham arcāyām eva tūddhava | sthaṇḍile tattva-vinyāso vahnāv ājya-plutaṁ haviḥ || 16 ||

।।९४८।। हे उद्धव, ढली या तराशी प्रतिमा के लिए स्नान और श्रृंगार सबसे प्रिय हैं; ज़मीन-वेदी के लिए दिव्य तत्वों की स्थापना; अग्नि के लिए घी में भिगोई आहुतियाँ।

सूर्ये चाभ्यर्हणं प्रेष्ठं सलिले सलिलादिभिः । श्रद्धयोपाहृतं प्रेष्ठं भक्तेन मम वार्यपि ॥ १७ ॥

sūrye cābhyarhaṇaṁ preṣṭhaṁ salile salilādibhiḥ | śraddhayopāhṛtaṁ preṣṭhaṁ bhaktena mama vāry api || 17 ||

।।९४९।। सूर्य के लिए आदरपूर्ण चढ़ावा सबसे प्रिय है; जल के लिए जल का ही चढ़ावा। पर भक्त द्वारा श्रद्धा से लाया गया कुछ भी — चाहे मात्र जल ही क्यों न हो — मुझे सबसे प्रिय है।

भूर्यप्यभक्तोपाहृतं न मे तोषाय कल्पते । गन्धो धूपः सुमनसो दीपोऽन्नाद्यं च किं पुनः ॥ १८ ॥

bhūry apy abhaktopāhṛtaṁ na me toṣāya kalpate | gandho dhūpaḥ sumanaso dīpo 'nnādyaṁ ca kiṁ punaḥ || 18 ||

।।९५०।। बिना भक्ति के लाई गई प्रचुरता भी मुझे प्रसन्न नहीं करती। तो फिर मात्र सुगंध, धूप, फूल, दीपक और भोजन से क्या?

शुचिः सम्भृतसम्भारः प्राग्दर्भैः कल्पितासनः । आसीनः प्रागुदग् वार्चेदर्चायां त्वथ सम्मुखः ॥ १९ ॥

śuciḥ sambhṛta-sambhāraḥ prāg-darbhaiḥ kalpitāsanaḥ | āsīnaḥ prāg udag vārced arcāyāṁ tv atha sammukhaḥ || 19 ||

।।९५१।। शुद्ध हो कर, सामग्री इकट्ठा कर के, दर्भ-घास के आसन पर बैठ कर, पूर्व या उत्तर की ओर, या सीधे प्रतिमा की ओर मुख कर के, पूजा करनी चाहिए।

कृतन्यासः कृतन्यासां मदर्चां पाणिना मृजेत् । कलशं प्रोक्षणीयं च यथावदुपसाधयेत् ॥ २० ॥

kṛta-nyāsaḥ kṛta-nyāsāṁ mad-arcāṁ pāṇinā mṛjet | kalaśaṁ prokṣaṇīyaṁ ca yathāvad upasādhayet || 20 ||

।।९५२।। स्वयं पर न्यास कर के, उस प्रतिमा को, जिस पर भी न्यास किया गया है, हाथ से साफ़ करना चाहिए। जल-कलश और छिड़कने के जल को उचित रूप से तैयार करना चाहिए।

तदद्भिर्देवयजनं द्रव्याण्यात्मानमेव च । प्रोक्ष्य पात्राणि त्रीण्यद्भिस्तैस्तैर्द्रव्यैश्च साधयेत् ॥ २१ ॥

tad-adbhir deva-yajanaṁ dravyāṇy ātmānam eva ca | prokṣya pātrāṇi trīṇy adbhis tais tair dravyaiś ca sādhayet || 21 ||

।।९५३।। उस जल से पूजा-स्थान, सामग्री, और स्वयं को छिड़कना चाहिए। तीन पात्रों को जल से छिड़क कर उन्हें उनकी संबंधित सामग्री के साथ तैयार करना चाहिए।

पाद्यार्घ्याचमनीयार्थं त्रीणि पात्राणि देशिकः । हृदा शीर्ष्णाथ शिखया गायत्र्या चाभिमन्त्रयेत् ॥ २२ ॥

pādyārghyācamanīyārthaṁ trīṇi pātrāṇi deśikaḥ | hṛdā śīrṣṇātha śikhayā gāyatryā cābhimantrayet || 22 ||

।।९५४।। चरण-जल, चढ़ावा-जल, और चुस्की के जल के लिए, पुजारी को हृदय-मंत्र, शीश-मंत्र, शिखा-मंत्र और गायत्री से तीन पात्रों को पवित्र करना चाहिए।

पिण्डे वाय्वग्निसंशुद्धे हृत्पद्मस्थां परां मम । अण्वीं जीवकलां ध्यायेन्नादान्ते सिद्धभाविताम् ॥ २३ ॥

piṇḍe vāyv-agni-saṁśuddhe hṛt-padma-sthāṁ parāṁ mama | aṇvīṁ jīva-kalāṁ dhyāyen nādānte siddha-bhāvitām || 23 ||

।।९५५।। वायु और अग्नि से शुद्ध किए गए शरीर में, हृदय-कमल में बैठे मेरे सूक्ष्म अंश, जीव-कण को, नाद के अंत में, चिंतन से सिद्ध, ध्याना चाहिए।

तयात्मभूतया पिण्डे व्याप्ते सम्पूज्य तन्मयः । आवाह्यार्चादिषु स्थाप्य न्यस्ताङ्गं मां प्रपूजयेत् ॥ २४ ॥

tayātma-bhūtayā piṇḍe vyāpte sampūjya tan-mayaḥ | āvāhyārcādiṣu sthāpya nyastāṅgaṁ māṁ prapūjayet || 24 ||

।।९५६।। उस अपनी बनी हुई, शरीर में व्याप्त उपस्थिति की पूजा कर के, उसमें लीन हो कर, मुझे आवाहित करना चाहिए और, प्रतिमा में स्थापित कर, अंगों को पवित्र कर, मेरी पूर्ण पूजा करनी चाहिए।

पाद्योपस्पर्शार्हणादीनुपचारान् प्रकल्पयेत् । धर्मादिभिश्च नवभिः कल्पयित्वासनं मम ॥ २५ ॥

pādyopasparśārhaṇādīn upacārān prakalpayet | dharmādibhiś ca navabhiḥ kalpayitvāsanaṁ mama || 25 ||

।।९५७।। धर्म और अन्य नौ द्वारा सुसज्जित मेरे आसन की कल्पना कर के, चरण-जल, चुस्की-जल, चढ़ावा-जल आदि की व्यवस्था करनी चाहिए।

पद्ममष्टदलं तत्र कर्णिकाकेसरोज्ज्वलम् । उभाभ्यां वेदतन्त्राभ्यां मह्यं तूभयसिद्धये ॥ २६ ॥

padmam aṣṭa-dalaṁ tatra karṇikā-kesarojjvalam | ubhābhyāṁ veda-tantrābhyāṁ mahyaṁ tūbhaya-siddhaye || 26 ||

।।९५८।। वहाँ आठ पंखुड़ियों वाला कमल, अपनी कर्णिका में केसरिया रेशों से चमकता हुआ, कल्पना करे, और वेद और तंत्र दोनों विधियों से मुझे पूजे, दोनों की प्राप्ति के लिए।

सुदर्शनं पाञ्चजन्यं गदासीषुधनुर्हलान् । मुषलं कौस्तुभं मालां श्रीवत्सं चानुपूजयेत् ॥ २७ ॥

sudarśanaṁ pāñcajanyaṁ gadāsīṣu-dhanur-halān | muṣalaṁ kaustubhaṁ mālāṁ śrīvatsaṁ cānupūjayet || 27 ||

।।९५९।। सुदर्शन चक्र, पांचजन्य शंख, गदा, तलवार, बाण, धनुष और हल, मूसल, कौस्तुभ रत्न, माला, और श्रीवत्स चिह्न की भी पूजा करनी चाहिए।

नन्दं सुनन्दं गरुडं प्रचण्डं चण्डमेव च । महाबलं बलं चैव कुमुदं कुमुदेक्षणम् ॥ २८ ॥

nandaṁ sunandaṁ garuḍaṁ pracaṇḍaṁ caṇḍam eva ca | mahābalaṁ balaṁ caiva kumudaṁ kumudekṣaṇam || 28 ||

।।९६०।। नंद, सुनंद, गरुड़, प्रचंड, चंड, महाबल, बल, कुमुद, और कुमुदेक्षण की भी पूजा करनी चाहिए।

दुर्गां विनायकं व्यासं विष्वक्सेनं गुरून्सुरान् । स्वे स्वे स्थाने त्वभिमुखान् पूजयेत् प्रोक्षणादिभिः ॥२७-२९॥

durgāṁ vināyakaṁ vyāsaṁ viṣvaksenaṁ gurūn surān sve sve sthāne tv abhimukhān pūjayet prokṣaṇādibhiḥ ||27-29||

।।९६१।। शुद्धिकारक जल के छिड़काव जैसे उपचारों से दुर्गा, विनायक, व्यास, विष्वक्सेन, अपने गुरुजनों और विभिन्न देवताओं की पूजा करनी चाहिए, प्रत्येक को अपने-अपने उचित स्थान पर, सभी को देव-प्रतिमा की ओर मुख किए हुए।

चन्दनोशीरकर्पूरकुङ्कुमागुरुवासितैः । सलिलैः स्नापयेन्मन्त्रैर्नित्यदा विभवे सति ॥२७-३०॥

candanośīra-karpūra- kuṅkumāguru-vāsitaiḥ salilaiḥ snāpayen mantrair nityadā vibhave sati ||27-30||

।।९६२।। पूजक को प्रतिदिन देव-प्रतिमा को स्नान कराना चाहिए, अपने साधनों के अनुसार यथासंभव वैभवपूर्ण ढंग से, चंदन, उशीर मूल, कर्पूर, कुंकुम और अगुरु से सुगंधित जल से।

स्वर्णघर्मानुवाकेन महापुरुषविद्यया । पौरुषेणापि सूक्तेन सामभी राजनादिभिः ॥२७-३१॥

svarṇa-gharmānuvākena mahāpuruṣa-vidyayā pauruṣeṇāpi sūktena sāmabhī rājanādibhiḥ ||27-31||

।।९६३।। उसे स्वर्णघर्म नामक अनुवाक, महापुरुष-विद्या, पुरुष-सूक्त, तथा साम वेद के राजन और रोहिण्य जैसे गीतों का भी पाठ करना चाहिए।

वस्त्रोपवीताभरणपत्रस्रग्गन्धलेपनैः । अलङ्कुर्वीत सप्रेम मद्भक्तो मां यथोचितम् ॥२७-३२॥

vastropavītābharaṇa- patra-srag-gandha-lepanaiḥ alaṅkurvīta sa-prema mad-bhakto māṁ yathocitam ||27-32||

।।९६४।। मेरा भक्त तब प्रेमपूर्वक मुझे वस्त्र, यज्ञोपवीत, विविध आभूषण, तिलक के चिह्न और मालाओं से सजाए, और सुगंधित तेलों से मेरे शरीर का अभ्यंजन करे, सब कुछ उचित रीति से।

पाद्यमाचमनीयं च गन्धं सुमनसोऽक्षतान् । धूपदीपोपहार्याणि दद्यान्मे श्रद्धयार्चकः ॥२७-३३॥

pādyam ācamanīyaṁ ca gandhaṁ sumanaso ’kṣatān dhūpa-dīpopahāryāṇi dadyān me śraddhayārcakaḥ ||27-33||

।।९६५।। पूजक श्रद्धापूर्वक मुझे पैर और मुख धोने के लिए जल, सुगंधित तेल, फूल और अखंडित अन्न, साथ ही धूप, दीप और अन्य पूजा-सामग्री अर्पित करे।

गुडपायससर्पींषि शष्कुल्यापूपमोदकान् । संयावदधिसूपांश्च नैवेद्यं सति कल्पयेत् ॥२७-३४॥

guḍa-pāyasa-sarpīṁṣi śaṣkuly-āpūpa-modakān saṁyāva-dadhi-sūpāṁś ca naivedyaṁ sati kalpayet ||27-34||

।।९६६।। अपनी सामर्थ्य के अनुसार, भक्त को मेरे लिए मिश्री, खीर, घी, चावल के आटे की टिक्कियाँ, विविध मीठी टिक्कियाँ, नारियल-शक्कर के मोदक, घी-दूध से बने गेहूँ के केक, दही, सब्जी के सूप और अन्य स्वादिष्ट भोजन अर्पित करने की व्यवस्था करनी चाहिए।

अभ्यङ्गोन्मर्दनादर्शदन्तधावाभिषेचनम् । अन्नाद्यगीतनृत्यानि पर्वणि स्युरुतान्वहम् ॥२७-३५॥

abhyaṅgonmardanādarśa- danta-dhāvābhiṣecanam annādya-gīta-nṛtyāni parvaṇi syur utānv-aham ||27-35||

।।९६७।। विशेष अवसरों पर, और यदि संभव हो तो प्रतिदिन, देव-प्रतिमा को उबटन से मालिश करानी चाहिए, दर्पण दिखाना चाहिए, दंत-शुद्धि के लिए एक छड़ी अर्पित करनी चाहिए, पंचामृत से स्नान कराना चाहिए, सब प्रकार के समृद्ध भोजन देने चाहिए, और गीत-नृत्य से मनोरंजन करना चाहिए।

विधिना विहिते कुण्डे मेखलागर्तवेदिभिः । अग्निमाधाय परितः समूहेत् पाणिनोदितम् ॥२७-३६॥

vidhinā vihite kuṇḍe mekhalā-garta-vedibhiḥ agnim ādhāya paritaḥ samūhet pāṇinoditam ||27-36||

।।९६८।। शास्त्रोक्त नियमों के अनुसार बने यज्ञ-मंडप में भक्त को यज्ञोपवीत, यज्ञ-कुंड और वेदी सहित अग्नि-यज्ञ करना चाहिए, और अपने ही हाथों से एकत्रित लकड़ी से यज्ञाग्नि को प्रज्वलित करना चाहिए।

परिस्तीर्याथ पर्युक्षेदन्वाधाय यथाविधि । प्रोक्षण्यासाद्य द्रव्याणि प्रोक्ष्याग्नौ भावयेत माम् ॥२७-३७॥

paristīryātha paryukṣed anvādhāya yathā-vidhi prokṣaṇyāsādya dravyāṇi prokṣyāgnau bhāvayeta mām ||27-37||

।।९६९।। भूमि पर कुश बिछाकर और जल छिड़ककर, विधिपूर्वक अन्वाधान संस्कार करना चाहिए, फिर अर्पण की वस्तुओं को सजाकर प्रोक्षणी के जल से पवित्र करना चाहिए, और तत्पश्चात पूजक को अग्नि के भीतर मेरा ध्यान करना चाहिए।

तप्तजाम्बूनदप्रख्यं शङ्खचक्रगदाम्बुजैः । लसच्चतुर्भुजं शान्तं पद्मकिञ्जल्कवाससम् ॥२७-३८॥

tapta-jāmbūnada-prakhyaṁ śaṅkha-cakra-gadāmbujaiḥ lasac-catur-bhujaṁ śāntaṁ padma-kiñjalka-vāsasam ||27-38||

।।९७०।। बुद्धिमान भक्त को उस भगवद्रूप का ध्यान करना चाहिए जिसका रंग तपे हुए सोने जैसा है, जिसकी चार देदीप्यमान भुजाएँ शंख, चक्र, गदा और कमल धारण करती हैं, जो सदा शांत है, और जो कमल के भीतरी रेशों के रंग का वस्त्र पहने हुए है।

स्फुरत्किरीटकटककटिसूत्रवराङ्गदम् । श्रीवत्सवक्षसं भ्राजत्कौस्तुभं वनमालिनम् ॥२७-३९॥

sphurat-kirīṭa-kaṭaka kaṭi-sūtra-varāṅgadam śrīvatsa-vakṣasaṁ bhrājat- kaustubhaṁ vana-mālinam ||27-39||

।।९७१।। उनका मुकुट, कंगन, कटि-सूत्र और सुंदर बाजूबंद देदीप्यमान हैं। उनके वक्षस्थल पर श्रीवत्स का चिह्न है, साथ ही चमकता हुआ कौस्तुभ मणि, और वे वनमाला पहने हैं।

ध्यायन्नभ्यर्च्य दारूणि हविषाभिघृतानि च । प्रास्याज्यभागावाघारौ दत्त्वा चाज्यप्लुतं हविः ॥२७-४०॥

dhyāyann abhyarcya dārūṇi haviṣābhighṛtāni ca prāsyājya-bhāgāv āghārau dattvā cājya-plutaṁ haviḥ ||27-40||

।।९७२।। इस प्रकार ध्यान करते हुए और भगवान की पूजा करके, भक्त को घी में डूबी सूखी लकड़ी के टुकड़े लेकर अग्नि में डालने चाहिए, और घी से सिक्त दो निर्धारित भागों के अर्पण द्वारा आघार-अर्पण करना चाहिए।

जुहुयान्मूलमन्त्रेण षोडशर्चावदानतः । धर्मादिभ्यो यथान्यायं मन्त्रैः स्विष्टिकृतं बुधः ॥२७-४१॥

juhuyān mūla-mantreṇa ṣoḍaśarcāvadānataḥ dharmādibhyo yathā-nyāyaṁ mantraiḥ sviṣṭi-kṛtaṁ budhaḥ ||27-41||

।।९७३।। घी से सिक्त हवि अर्पित करने के बाद, बुद्धिमान भक्त को मूल-मंत्र से षोडश-ऋचा पुरुष-सूक्त द्वारा अग्नि में आहुति देनी चाहिए, और यथोचित क्रम में उपयुक्त मंत्रों के साथ धर्म आदि देवताओं को स्विष्टिकृत अर्पण करना चाहिए।

अभ्यर्च्याथ नमस्कृत्य पार्षदेभ्यो बलिं हरेत् । मूलमन्त्रं जपेद् ब्रह्म स्मरन्नारायणात्मकम् ॥२७-४२॥

abhyarcyātha namaskṛtya pārṣadebhyo baliṁ haret mūla-mantraṁ japed brahma smaran nārāyaṇātmakam ||27-42||

।।९७४।। इस प्रकार यज्ञाग्नि में भगवान की पूजा करके, भक्त को भगवान के निजी पार्षदों को प्रणाम करना चाहिए और उन्हें अर्पण देना चाहिए, फिर परम सत्य को नारायण, परम पुरुष के रूप में स्मरण करते हुए धीरे-धीरे मूल-मंत्र का जप करना चाहिए।

दत्त्वाचमनमुच्छेषं विष्वक्सेनाय कल्पयेत् । मुखवासं सुरभिमत् ताम्बूलाद्यमथार्हयेत् ॥२७-४३॥

dattvācamanam uccheṣaṁ viṣvaksenāya kalpayet mukha-vāsaṁ surabhimat tāmbūlādyam athārhayet ||27-43||

।।९७५।। एक बार फिर उसे देव-प्रतिमा को मुख धोने के लिए जल अर्पित करना चाहिए, फिर भगवान के भोजन का शेष विष्वक्सेन को देना चाहिए, और तत्पश्चात देव-प्रतिमा को सुगंधित मुख-वास और तैयार पान अर्पित करना चाहिए।

उपगायन् गृणन् नृत्यन् कर्माण्यभिनयन् मम । मत्कथाः श्रावयन् शृण्वन् मुहूर्तं क्षणिको भवेत् ॥२७-४४॥

upagāyan gṛṇan nṛtyan karmāṇy abhinayan mama mat-kathāḥ śrāvayan śṛṇvan muhūrtaṁ kṣaṇiko bhavet ||27-44||

।।९७६।। दूसरों के साथ गाते हुए, ऊँची आवाज़ में कीर्तन करते हुए, नृत्य करते हुए, मेरी दिव्य लीलाओं का अभिनय करते हुए, और मेरी कथाएँ सुनते-सुनाते हुए, भक्त को कुछ समय के लिए पूरी तरह इस उत्सव में लीन हो जाना चाहिए।

स्तवैरुच्चावचैः स्तोत्रैः पौराणैः प्राकृतैरपि । स्तुत्वा प्रसीद भगवन्निति वन्देत दण्डवत् ॥२७-४५॥

stavair uccāvacaiḥ stotraiḥ paurāṇaiḥ prākṛtair api stutvā prasīda bhagavann iti vandeta daṇḍa-vat ||27-45||

।।९७७।। भक्त को पुराणों, अन्य प्राचीन शास्त्रों और सामान्य परंपरा से लिए गए सभी प्रकार के स्तोत्रों और प्रार्थनाओं से भगवान को श्रद्धांजलि अर्पित करनी चाहिए, और 'हे प्रभु, मुझ पर कृपा करें' प्रार्थना करते हुए दंड की तरह भूमि पर लेटकर प्रणाम करना चाहिए।

शिरो मत्पादयोः कृत्वा बाहुभ्यां च परस्परम् । प्रपन्नं पाहि मामीश भीतं मृत्युग्रहार्णवात् ॥२७-४६॥

śiro mat-pādayoḥ kṛtvā bāhubhyāṁ ca parasparam prapannaṁ pāhi mām īśa bhītaṁ mṛtyu-grahārṇavāt ||27-46||

।।९७८।। देव-प्रतिमा के चरणों में सिर रखकर, उसे फिर हाथ जोड़कर भगवान के सामने खड़ा होना चाहिए और प्रार्थना करनी चाहिए, 'हे मेरे प्रभु, मुझ शरणागत की रक्षा करें। मैं इस भवसागर से अत्यंत भयभीत हूँ, मानो मृत्यु के मुख में खड़ा हूँ।'

इति शेषां मया दत्तां शिरस्याधाय सादरम् । उद्वासयेच्चेदुद्वास्यं ज्योतिर्ज्योतिषि तत् पुनः ॥२७-४७॥

iti śeṣāṁ mayā dattāṁ śirasy ādhāya sādaram udvāsayec ced udvāsyaṁ jyotir jyotiṣi tat punaḥ ||27-47||

।।९७९।। इस प्रकार प्रार्थना करते हुए, भक्त को श्रद्धापूर्वक मेरे द्वारा दिए गए शेष को अपने सिर पर रखना चाहिए, और यदि वह विशेष देव-प्रतिमा पूजा के अंत में विसर्जित की जाने वाली है, तो यह तब करना चाहिए, भक्त देव-प्रतिमा के तेज को अपने हृदय-कमल के तेज में पुनः लौटाते हुए।

अर्चादिषु यदा यत्र श्रद्धा मां तत्र चार्चयेत् । सर्वभूतेष्वात्मनि च सर्वात्माहमवस्थितः ॥२७-४८॥

arcādiṣu yadā yatra śraddhā māṁ tatra cārcayet sarva-bhūteṣv ātmani ca sarvātmāham avasthitaḥ ||27-48||

।।९८०।। जब भी किसी की मुझमें श्रद्धा उत्पन्न हो, चाहे देव-प्रतिमा के रूप में हो या अन्य प्रामाणिक रूपों में, उसे उसी रूप में मेरी पूजा करनी चाहिए, क्योंकि मैं सभी सृजित प्राणियों के भीतर और साथ ही अपने मूल रूप में पृथक भी विद्यमान हूँ, क्योंकि मैं सबका परम आत्मा हूँ।

एवं क्रियायोगपथैः पुमान् वैदिकतान्त्रिकैः । अर्चन्नुभयतः सिद्धिं मत्तो विन्दत्यभीप्सिताम् ॥२७-४९॥

evaṁ kriyā-yoga-pathaiḥ pumān vaidika-tāntrikaiḥ arcann ubhayataḥ siddhiṁ matto vindaty abhīpsitām ||27-49||

।।९८१।। वेदों और तंत्रों में निर्दिष्ट विभिन्न विधियों से मेरी पूजा करके, व्यक्ति मुझसे अपनी वांछित सिद्धि प्राप्त करता है, इस जीवन में भी और परलोक में भी।

मदर्चां सम्प्रतिष्ठाप्य मन्दिरं कारयेद् दृढम् । पुष्पोद्यानानि रम्याणि पूजायात्रोत्सवाश्रितान् ॥२७-५०॥

mad-arcāṁ sampratiṣṭhāpya mandiraṁ kārayed dṛḍham puṣpodyānāni ramyāṇi pūjā-yātrotsavāśritān ||27-50||

।।९८२।। भक्त को ठोस मंदिर बनाकर, सुंदर उद्यानों सहित, मेरी देव-प्रतिमा को और अधिक स्थापित करना चाहिए, और ये उद्यान नियमित दैनिक पूजा, देव-यात्राओं और उत्सव-समारोहों के लिए फूल प्रदान करने हेतु समर्पित होने चाहिए।

पूजादीनां प्रवाहार्थं महापर्वस्वथान्वहम् । क्षेत्रापणपुरग्रामान् दत्त्वा मत्सार्ष्टितामियात् ॥२७-५१॥

pūjādīnāṁ pravāhārthaṁ mahā-parvasv athānv-aham kṣetrāpaṇa-pura-grāmān dattvā mat-sārṣṭitām iyāt ||27-51||

।।९८३।। जो देव-प्रतिमा को भूमि, बाज़ार, नगर या गाँवों का उपहार देता है, ताकि देव-प्रतिमा की नियमित दैनिक पूजा और विशेष उत्सव निर्बाध रूप से चलते रहें, वह मेरे समान ऐश्वर्य प्राप्त करता है।

प्रतिष्ठया सार्वभौमं सद्मना भुवनत्रयम् । पूजादिना ब्रह्मलोकं त्रिभिर्मत्साम्यतामियात् ॥२७-५२॥

pratiṣṭhayā sārvabhaumaṁ sadmanā bhuvana-trayam pūjādinā brahma-lokaṁ tribhir mat-sāmyatām iyāt ||27-52||

।।९८४।। भगवान की देव-प्रतिमा की स्थापना करने से व्यक्ति सम्पूर्ण पृथ्वी का राजा बनता है, मंदिर बनाने से तीनों लोकों का शासक बनता है, देव-प्रतिमा की पूजा और सेवा करने से ब्रह्मलोक प्राप्त करता है, और इन तीनों कार्यों को करने से मेरे समान दिव्य रूप प्राप्त करता है।

मामेव नैरपेक्ष्येण भक्तियोगेन विन्दति । भक्तियोगं स लभत एवं यः पूजयेत माम् ॥२७-५३॥

mām eva nairapekṣyeṇa bhakti-yogena vindati bhakti-yogaṁ sa labhata evaṁ yaḥ pūjayeta mām ||27-53||

।।९८५।। परंतु जो केवल फलों की परवाह किए बिना भक्ति-सेवा में संलग्न रहता है, वह सीधे मुझे प्राप्त करता है। इस प्रकार जो कोई भी मेरे द्वारा वर्णित विधि के अनुसार मेरी पूजा करता है, वह अंततः मेरी शुद्ध भक्ति-सेवा प्राप्त करेगा।

यः स्वदत्तां परैर्दत्तां हरेत सुरविप्रयोः । वृत्तिं स जायते विड्भुग् वर्षाणामयुतायुतम् ॥२७-५४॥

yaḥ sva-dattāṁ parair dattāṁ hareta sura-viprayoḥ vṛttiṁ sa jāyate viḍ-bhug varṣāṇām ayutāyutam ||27-54||

।।९८६।। जो कोई भी देवताओं या ब्राह्मणों की संपत्ति चुराता है, चाहे वह मूलतः स्वयं द्वारा दी गई हो या किसी अन्य द्वारा, उसे दस करोड़ वर्षों तक विष्ठा के कीड़े के रूप में जीना पड़ता है।

कर्तुश्च सारथेर्हेतोरनुमोदितुरेव च । कर्मणां भागिनः प्रेत्य भूयो भूयसि तत् फलम् ॥२७-५५॥

kartuś ca sārather hetor anumoditur eva ca karmaṇāṁ bhāginaḥ pretya bhūyo bhūyasi tat-phalam ||27-55||

।।९८७।। न केवल चोरी करने वाला, बल्कि जो उसकी सहायता करता है, उकसाता है, या केवल उसका समर्थन करता है, उसे भी अगले जीवन में परिणाम भोगना पड़ता है, प्रत्येक को अपनी भागीदारी की मात्रा के अनुसार आनुपातिक प्रतिक्रिया।