भगवान कृष्ण का द्वारका-प्रस्थान

श्लोक 1 (bhagavata.1.10.1)

शौनक उवाच हत्वा स्वरिक्थस्पृध आततायिनो युधिष्ठिरो धर्मभृतां वरिष्ठः । सहानुजैः प्रत्यवरुद्धभोजनः कथं प्रवृत्तः किमकारषीत्ततः ॥ १ ॥

śaunaka uvāca hatvā svariktha-spṛdha ātatāyino yudhiṣṭhiro dharma-bhṛtāṁ variṣṭhaḥ sahānujaiḥ pratyavaruddha-bhojanaḥ kathaṁ pravṛttaḥ kim akāraṣīt tataḥ

शौनक ने कहा: अपने उत्तराधिकार को हड़पने की इच्छा रखने वाले शत्रुओं का वध करने के पश्चात्, धर्मपालकों में श्रेष्ठ युधिष्ठिर ने अपने छोटे भाइयों सहित किस प्रकार राज्य किया — वे जिनका भोजन (सुख-भोग) शोकवश अवरुद्ध हो गया था? उन्होंने आगे कैसे आचरण किया, और तत्पश्चात् क्या किया?

श्लोक 2 (bhagavata.1.10.2)

सूत उवाच वंशं कुरोर्वंशदवाग्निनिर्हृतं संरोहयित्वा भवभावनो हरिः । निवेशयित्वा निजराज्य ईश्वरो युधिष्ठिरं प्रीतमना बभूव ह ॥ २ ॥

sūta uvāca vaṁśaṁ kuror vaṁśa-davāgni-nirhṛtaṁ saṁrohayitvā bhava-bhāvano hariḥ niveśayitvā nija-rājya īśvaro yudhiṣṭhiraṁ prīta-manā babhūva ha

सूत ने कहा: समस्त सत्ता के पालनकर्ता हरि ने, कुरुवंश को — जो दावाग्नि से जले हुए वन के समान नष्ट हो चुका था — पुनः पल्लवित करके, और युधिष्ठिर को उनके अपने राज्य में सुदृढ़ रूप से स्थापित करके, प्रसन्नचित्त हो गए।

श्लोक 3 (bhagavata.1.10.3)

निशम्य भीष्मोक्तमथाच्युतोक्तं प्रवृत्तविज्ञानविधूतविभ्रमः । शशास गामिन्द्र इवाजिताश्रयः परिध्युपान्तामनुजानुवर्तितः ॥ ३ ॥

niśamya bhīṣmoktam athācyutoktaṁ pravṛtta-vijñāna-vidhūta-vibhramaḥ śaśāsa gām indra ivājitāśrayaḥ paridhyupāntām anujānuvartitaḥ

भीष्म और अच्युत (कृष्ण) द्वारा कहे गए वचनों को सुनकर, युधिष्ठिर का समस्त भ्रम सच्चे ज्ञान के उदय से दूर हो गया। वे अजित (कृष्ण) की शरण में, इन्द्र के समान, समुद्र-वलयित पृथ्वी पर, अपने छोटे भाइयों के साथ राज्य करने लगे।

श्लोक 4 (bhagavata.1.10.4)

कामं ववर्ष पर्जन्यः सर्वकामदुघा मही । सिषिचुः स्म व्रजान् गावः पयसोधस्वतीर्मुदा ॥ ४ ॥

kāmaṁ vavarṣa parjanyaḥ sarva-kāma-dughā mahī siṣicuḥ sma vrajān gāvaḥ payasodhasvatīr mudā

मेघों ने यथेच्छ वर्षा की, और पृथ्वी ने समस्त कामनाओं को पूर्ण करते हुए प्रचुर उपज दी। गौएँ अपने भरे हुए स्तनों से आनंदपूर्वक अपने बाड़ों को दूध से सींचने लगीं।

श्लोक 5 (bhagavata.1.10.5)

नद्यः समुद्रा गिरयः सवनस्पतिवीरुधः । फलन्त्योषधयः सर्वाः काममन्वृतु तस्य वै ॥ ५ ॥

nadyaḥ samudrā girayaḥ savanaspati-vīrudhaḥ phalanty oṣadhayaḥ sarvāḥ kāmam anvṛtu tasya vai

नदियाँ, समुद्र, पर्वत, वनस्पतियाँ और लताएँ, तथा समस्त औषधियाँ — सभी ने प्रत्येक ऋतु में उनकी (युधिष्ठिर की) इच्छा के अनुरूप फल दिए।

श्लोक 6 (bhagavata.1.10.6)

नाधयो व्याधयः क्लेशा दैवभूतात्महेतवः । अजातशत्रावभवन् जन्तूनां राज्ञि कर्हिचित् ॥ ६ ॥

nādhayo vyādhayaḥ kleśā daiva-bhūtātma-hetavaḥ ajāta-śatrāv abhavan jantūnāṁ rājñi karhicit

जब तक अजातशत्रु (युधिष्ठिर) राजा थे, प्राणियों को कभी भी मानसिक पीड़ा, रोग, अथवा दैव, अन्य प्राणियों या अपने शरीर-मन से उत्पन्न कष्ट नहीं सताते थे।

श्लोक 7 (bhagavata.1.10.7)

उषित्वा हास्तिनपुरे मासान् कतिपयान् हरिः । सुहृदां च विशोकाय स्वसुश्च प्रियकाम्यया ॥ ७ ॥

uṣitvā hāstinapure māsān katipayān hariḥ suhṛdāṁ ca viśokāya svasuś ca priya-kāmyayā

हरि कुछ महीनों तक हस्तिनापुर में रहे — अपने स्वजनों के शोक को दूर करने और अपनी बहन (सुभद्रा) को प्रसन्न करने की इच्छा से।

श्लोक 8 (bhagavata.1.10.8)

आमन्त्र्य चाभ्यनुज्ञातः परिष्वज्याभिवाद्य तम् । आरुरोह रथं कैश्चित्परिष्वक्तोऽभिवादितः ॥ ८ ॥

āmantrya cābhyanujñātaḥ pariṣvajyābhivādya tam āruroha rathaṁ kaiścit pariṣvakto ’bhivāditaḥ

आज्ञा माँगकर और अनुमति पाकर, राजा (युधिष्ठिर) का आलिंगन कर और उन्हें प्रणाम करके, कृष्ण रथ पर आरूढ़ हुए — कुछ जनों द्वारा आलिंगित और अभिवादित होते हुए।

श्लोक 9 (bhagavata.1.10.9)

सुभद्रा द्रौपदी कुन्ती विराटतनया तथा । गान्धारी धृतराष्ट्रश्च युयुत्सुर्गौतमो यमौ ॥ ९ ॥

subhadrā draupadī kuntī virāṭa-tanayā tathā gāndhārī dhṛtarāṣṭraś ca yuyutsur gautamo yamau

सुभद्रा, द्रौपदी, कुन्ती, तथा विराट-पुत्री उत्तरा; गांधारी, धृतराष्ट्र, युयुत्सु, गौतम (कृपाचार्य), और नकुल-सहदेव —

श्लोक 10 (bhagavata.1.10.10)

वृकोदरश्च धौम्यश्च स्त्रियो मत्स्यसुतादयः । न सेहिरे विमुह्यन्तो विरहं शार्ङ्गधन्वनः ॥ १० ॥

vṛkodaraś ca dhaumyaś ca striyo matsya-sutādayaḥ na sehire vimuhyanto virahaṁ śārṅga-dhanvanaḥ

—और वृकोदर (भीम), धौम्य, तथा मत्स्यपुत्री (उत्तरा) आदि स्त्रियाँ — वे सब मोहग्रस्त होकर शार्ङ्गधनुर्धारी (कृष्ण) के विरह को सहन न कर सके।

श्लोक 11 (bhagavata.1.10.11)

सत्सङ्गान्मुक्तदुःसङ्गो हातुं नोत्सहते बुधः । कीर्त्यमानं यशो यस्य सकृदाकर्ण्य रोचनम् ॥ ११ ॥

sat-saṅgān mukta-duḥsaṅgo hātuṁ notsahate budhaḥ kīrtyamānaṁ yaśo yasya sakṛd ākarṇya rocanam

सत्संग से दुःसंग से मुक्त हुआ बुद्धिमान पुरुष, जिस पुरुष के यश को एक बार सुनकर भी छोड़ने की इच्छा नहीं करता — इतना मनोहर है वह कीर्तिगान।

श्लोक 12 (bhagavata.1.10.12)

तस्मिन्न्यस्तधियः पार्थाः सहेरन् विरहं कथम् । दर्शनस्पर्शसंलापशयनासनभोजनैः ॥ १२ ॥

tasmin nyasta-dhiyaḥ pārthāḥ saheran virahaṁ katham darśana-sparśa-saṁlāpa- śayanāsana-bhojanaiḥ

फिर पृथापुत्र (पाण्डव), जिनका मन उन्हीं में लीन था, उनके दर्शन, स्पर्श, वार्तालाप, तथा साथ सोने, बैठने और भोजन करने के पश्चात् उनके वियोग को कैसे सहन कर सकते थे?

श्लोक 13 (bhagavata.1.10.13)

सर्वे तेऽनिमिषैरक्षैस्तमनुद्रुतचेतसः । वीक्षन्तः स्नेहसम्बद्धा विचेलुस्तत्र तत्र ह ॥ १३ ॥

sarve te ’nimiṣair akṣais tam anu druta-cetasaḥ vīkṣantaḥ sneha-sambaddhā vicelus tatra tatra ha

वे सब अपलक नेत्रों से, उनके पीछे दौड़ते हुए चित्त से, स्नेह से बंधे हुए उन्हें निहारते हुए, इधर-उधर भटकने लगे।

श्लोक 14 (bhagavata.1.10.14)

न्यरुन्धन्नुद्गलद्बाष्पमौत्कण्ठ्याद्देवकीसुते । निर्यात्यगारान्नोऽभद्रमिति स्याद्बान्धवस्त्रियः ॥ १४ ॥

nyarundhann udgalad bāṣpam autkaṇṭhyād devakī-sute niryāty agārān no ’bhadram iti syād bāndhava-striyaḥ

देवकीनन्दन के प्रति उत्कण्ठा से उमड़ते हुए आँसुओं को रोकते हुए, कुल की स्त्रियाँ यह सोचकर कि 'यदि हम घर से बाहर निकलें तो अशुभ न हो जाए', अपने को रोके रहीं।

श्लोक 15 (bhagavata.1.10.15)

मृदङ्गशङ्खभेर्यश्च वीणापणवगोमुखाः । धुन्धुर्यानकघण्टाद्या नेदुर्दुन्दुभयस्तथा ॥ १५ ॥

mṛdaṅga-śaṅkha-bheryaś ca vīṇā-paṇava-gomukhāḥ dhundhury-ānaka-ghaṇṭādyā nedur dundubhayas tathā

मृदंग, शंख, भेरी, वीणा, पणव, गोमुख, धुन्धुरी, आनक, घंटा आदि, तथा दुन्दुभि — सभी बज उठे।

श्लोक 16 (bhagavata.1.10.16)

प्रासादशिखरारूढाः कुरुनार्यो दिदृक्षया । ववृषुः कुसुमैः कृष्णं प्रेमव्रीडास्मितेक्षणाः ॥ १६ ॥

prāsāda-śikharārūḍhāḥ kuru-nāryo didṛkṣayā vavṛṣuḥ kusumaiḥ kṛṣṇaṁ prema-vrīḍā-smitekṣaṇāḥ

उन्हें देखने की इच्छा से कुरुकुल की स्त्रियाँ महल की छतों पर चढ़ गईं और प्रेम व लज्जा से मुस्कराते हुए नेत्रों से कृष्ण पर पुष्पों की वर्षा करने लगीं।

श्लोक 17 (bhagavata.1.10.17)

सितातपत्रं जग्राह मुक्तादामविभूषितम् । रत्नदण्डं गुडाकेशः प्रियः प्रियतमस्य ह ॥ १७ ॥

sitātapatraṁ jagrāha muktādāma-vibhūṣitam ratna-daṇḍaṁ guḍākeśaḥ priyaḥ priyatamasya ha

गुडाकेश (अर्जुन), जो प्रियतम के प्रिय थे, ने मोतियों की माला से सुसज्जित तथा रत्नजड़ित हत्थे वाला श्वेत छत्र उठाया।

श्लोक 18 (bhagavata.1.10.18)

उद्धवः सात्यकिश्चैव व्यजने परमाद्भुते । विकीर्यमाणः कुसुमै रेजे मधुपतिः पथि ॥ १८ ॥

uddhavaḥ sātyakiś caiva vyajane paramādbhute vikīryamāṇaḥ kusumai reje madhu-patiḥ pathi

उद्धव और सात्यकि दोनों उन्हें अत्यंत अद्भुत चामरों से पंखा झलने लगे; पुष्पों से आच्छादित मधुपति (कृष्ण) मार्ग में देदीप्यमान हो उठे।

श्लोक 19 (bhagavata.1.10.19)

अश्रूयन्ताशिषः सत्यास्तत्र तत्र द्विजेरिताः । नानुरूपानुरूपाश्च निर्गुणस्य गुणात्मनः ॥ १९ ॥

aśrūyantāśiṣaḥ satyās tatra tatra dvijeritāḥ nānurūpānurūpāś ca nirguṇasya guṇātmanaḥ

यत्र-तत्र ब्राह्मणों द्वारा उच्चारित सच्चे आशीर्वचन सुनाई दे रहे थे — कुछ उन पर उपयुक्त प्रतीत होते, कुछ अनुपयुक्त, क्योंकि वे गुणातीत होते हुए भी समस्त गुणों के स्वरूप हैं।

श्लोक 20 (bhagavata.1.10.20)

अन्योन्यमासीत्सञ्जल्प उत्तमश्लोकचेतसाम् । कौरवेन्द्रपुरस्त्रीणां सर्वश्रुतिमनोहरः ॥ २० ॥

anyonyam āsīt sañjalpa uttama-śloka-cetasām kauravendra-pura-strīṇāṁ sarva-śruti-mano-haraḥ

कौरव-राजधानी की स्त्रियों में, जिनका चित्त उत्तमश्लोक (कृष्ण) में लीन था, परस्पर ऐसी बातचीत होने लगी जो प्रत्येक कान के लिए सर्वाधिक मनोहर थी।

श्लोक 21 (bhagavata.1.10.21)

स वै किलायं पुरुषः पुरातनो य एक आसीदविशेष आत्मनि । अग्रे गुणेभ्यो जगदात्मनीश्वरे निमीलितात्मन्निशि सुप्तशक्तिषु ॥ २१ ॥

sa vai kilāyaṁ puruṣaḥ purātano ya eka āsīd aviśeṣa ātmani agre guṇebhyo jagad-ātmanīśvare nimīlitātman niśi supta-śaktiṣu

यही वह सनातन पुरुष हैं — जो गुणों की उत्पत्ति से पूर्व, जगत के आत्मस्वरूप ईश्वर में, अकेले ही अभिन्न रूप से विद्यमान थे, जब समस्त शक्तियाँ रात्रि में सोयी हुई-सी, मानो नेत्र मूँदे हुई थीं।

श्लोक 22 (bhagavata.1.10.22)

स एव भूयो निजवीर्यचोदितां स्वजीवमायां प्रकृतिं सिसृक्षतीम् । अनामरूपात्मनि रूपनामनी विधित्समानोऽनुससार शास्त्रकृत् ॥ २२ ॥

sa eva bhūyo nija-vīrya-coditāṁ sva-jīva-māyāṁ prakṛtiṁ sisṛkṣatīm anāma-rūpātmani rūpa-nāmanī vidhitsamāno ’nusasāra śāstra-kṛt

वही पुरुष पुनः अपनी शक्ति से प्रेरित होकर, जीवों की उत्पत्ति की इच्छुक अपनी माया-प्रकृति में प्रविष्ट हुए, और नाम-रूपरहित तत्त्व को नाम व रूप प्रदान करने की इच्छा से, शास्त्रों के रचयिता वे स्वयं उसके पीछे-पीछे चले।

श्लोक 23 (bhagavata.1.10.23)

स वा अयं यत्पदमत्र सूरयो जितेन्द्रिया निर्जितमातरिश्वनः । पश्यन्ति भक्त्युत्कलितामलात्मना नन्वेष सत्त्वं परिमार्ष्टुमर्हति ॥ २३ ॥

sa vā ayaṁ yat padam atra sūrayo jitendriyā nirjita-mātariśvanaḥ paśyanti bhakty-utkalitāmalātmanā nanv eṣa sattvaṁ parimārṣṭum arhati

यही वे हैं जिनके पद को यहाँ जितेन्द्रिय, प्राण-विजयी मुनि, भक्ति से विकसित निर्मल हृदय से देखते हैं — निश्चय ही यही हमारे अस्तित्व को शुद्ध करने योग्य हैं।

श्लोक 24 (bhagavata.1.10.24)

स वा अयं सख्यनुगीतसत्कथो वेदेषु गुह्येषु च गुह्यवादिभिः । य एक ईशो जगदात्मलीलया सृजत्यवत्यत्ति न तत्र सज्जते ॥ २४ ॥

sa vā ayaṁ sakhy anugīta-sat-katho vedeṣu guhyeṣu ca guhya-vādibhiḥ ya eka īśo jagad-ātma-līlayā sṛjaty avaty atti na tatra sajjate

यही वे हैं, हे सखी, जिनकी सच्ची कथाएँ गुह्यवेदों में रहस्यवेत्ताओं द्वारा गाई जाती हैं — जो अकेले ईश्वर, जगत के आत्मस्वरूप होते हुए, अपनी लीला से सृजन, पालन और संहार करते हैं, तथापि उसमें आसक्त नहीं होते।

श्लोक 25 (bhagavata.1.10.25)

यदा ह्यधर्मेण तमोधियो नृपा जीवन्ति तत्रैष हि सत्त्वतः किल । धत्ते भगं सत्यमृतं दयां यशो भवाय रूपाणि दधद्युगे युगे ॥ २५ ॥

yadā hy adharmeṇa tamo-dhiyo nṛpā jīvanti tatraiṣa hi sattvataḥ kila dhatte bhagaṁ satyam ṛtaṁ dayāṁ yaśo bhavāya rūpāṇi dadhad yuge yuge

जब तमोबुद्धि राजा अधर्म से जीवन बिताने लगते हैं, तब सत्त्व से प्रेरित होकर वे ही ऐश्वर्य, सत्य, ऋत, दया और यश धारण करते हुए, संसार के कल्याण हेतु युग-युग में विविध रूप धारण करते हैं।

श्लोक 26 (bhagavata.1.10.26)

अहो अलं श्लाघ्यतमं यदोः कुल- महो अलं पुण्यतमं मधोर्वनम् । यदेष पुंसामृषभः श्रियः पतिः स्वजन्मना चङ्क्रमणेन चाञ्चति ॥ २६ ॥

aho alaṁ ślāghyatamaṁ yadoḥ kulam aho alaṁ puṇyatamaṁ madhor vanam yad eṣa puṁsām ṛṣabhaḥ śriyaḥ patiḥ sva-janmanā caṅkramaṇena cāñcati

अहो! कैसा प्रशंसनीय है यदुवंश! अहो! कैसा परम पुण्यमय है मधुवन! क्योंकि पुरुषों में श्रेष्ठ, लक्ष्मीपति, अपने जन्म और अपने बाल्य-विचरण से इसे सुशोभित करते हैं।

श्लोक 27 (bhagavata.1.10.27)

अहो बत स्वर्यशसस्तिरस्करी कुशस्थली पुण्ययशस्करी भुवः । पश्यन्ति नित्यं यदनुग्रहेषितं स्मितावलोकं स्वपतिं स्म यत्प्रजाः ॥ २७ ॥

aho bata svar-yaśasas tiraskarī kuśasthalī puṇya-yaśaskarī bhuvaḥ paśyanti nityaṁ yad anugraheṣitaṁ smitāvalokaṁ sva-patiṁ sma yat-prajāḥ

अहो! कुशस्थली (द्वारका) ने स्वर्ग की कीर्ति को भी मानो तिरस्कृत कर दिया है और पृथ्वी को पुण्ययश प्रदान करने वाली बन गई है — क्योंकि उसकी प्रजा सदैव अपने स्वामी के अनुग्रहयुक्त, मुस्कराते हुए दृष्टिपात को निहारती है।

श्लोक 28 (bhagavata.1.10.28)

नूनं व्रतस्नानहुतादिनेश्वरः समर्चितो ह्यस्य गृहीतपाणिभिः । पिबन्ति याः सख्यधरामृतं मुहु- र्व्रजस्त्रियः सम्मुमुहुर्यदाशयाः ॥ २८ ॥

nūnaṁ vrata-snāna-hutādineśvaraḥ samarcito hy asya gṛhīta-pāṇibhiḥ pibanti yāḥ sakhy adharāmṛtaṁ muhur vraja-striyaḥ sammumuhur yad-āśayāḥ

निश्चय ही, हे सखी, जिन स्त्रियों का पाणिग्रहण उन्होंने किया है, उन्होंने व्रत, स्नान, हवन आदि द्वारा उन्हें आराधा होगा — क्योंकि वे बार-बार उनके अधरामृत का पान करती हैं, जिसकी मात्र कामना से व्रज की स्त्रियाँ मूर्च्छित हो जाती थीं।

श्लोक 29 (bhagavata.1.10.29)

या वीर्यशुल्केन हृताः स्वयंवरे प्रमथ्य चैद्यप्रमुखान् हि शुष्मिणः । प्रद्युम्नसाम्बाम्बसुतादयोऽपरा याश्चाहृता भौमवधे सहस्रशः ॥ २९ ॥

yā vīrya-śulkena hṛtāḥ svayaṁvare pramathya caidya-pramukhān hi śuṣmiṇaḥ pradyumna-sāmbāmba-sutādayo ’parā yāś cāhṛtā bhauma-vadhe sahasraśaḥ

जो स्वयंवर में पराक्रम को ही शुल्क बनाकर, शिशुपाल आदि बलशाली राजाओं को परास्त करके प्राप्त की गईं; तथा प्रद्युम्न, साम्ब, अम्बा आदि की माताएँ; और जो भौमासुर के वध के समय सहस्रों की संख्या में लाई गईं —

श्लोक 30 (bhagavata.1.10.30)

एताः परं स्त्रीत्वमपास्तपेशलं निरस्तशौचं बत साधु कुर्वते । यासां गृहात्पुष्करलोचनः पति- र्न जात्वपैत्याहृतिभिर्हृदि स्पृशन् ॥ ३० ॥

etāḥ paraṁ strītvam apāstapeśalaṁ nirasta-śaucaṁ bata sādhu kurvate yāsāṁ gṛhāt puṣkara-locanaḥ patir na jātv apaity āhṛtibhir hṛdi spṛśan

ये स्त्रियाँ उस स्त्रीत्व को भी, जिसकी शोभा व शुचिता सामान्य दृष्टि से खो चुकी प्रतीत होती है, सचमुच धन्य बना देती हैं — क्योंकि पद्मलोचन उनका पति कभी भी उनके घर से दूर नहीं जाता, और अपने उपहारों से सदैव उनका हृदय स्पर्श करता रहता है।

श्लोक 31 (bhagavata.1.10.31)

एवंविधा गदन्तीनां स गिरः पुरयोषिताम् । निरीक्षणेनाभिनन्दन् सस्मितेन ययौ हरिः ॥ ३१ ॥

evaṁvidhā gadantīnāṁ sa giraḥ pura-yoṣitām nirīkṣaṇenābhinandan sasmitena yayau hariḥ

नगर की स्त्रियाँ जब इस प्रकार की बातें कर रही थीं, तब हरि अपनी दृष्टि से उनका अभिनन्दन करते हुए, मुस्कराते हुए, आगे बढ़ गए।

श्लोक 32 (bhagavata.1.10.32)

अजातशत्रुः पृतनां गोपीथाय मधुद्विषः । परेभ्यः शङ्कितः स्नेहात्प्रायुङ्क्त चतुरङ्गिणीम् ॥ ३२ ॥

ajāta-śatruḥ pṛtanāṁ gopīthāya madhu-dviṣaḥ parebhyaḥ śaṅkitaḥ snehāt prāyuṅkta catur-aṅgiṇīm

अजातशत्रु (युधिष्ठिर) ने, स्नेहवश शत्रुओं की आशंका से, मधुद्वेषी (कृष्ण) की रक्षा हेतु चतुरंगिणी सेना (गज, रथ, अश्व, पदाति) को साथ भेजा।

श्लोक 33 (bhagavata.1.10.33)

अथ दूरागतान् शौरिः कौरवान् विरहातुरान् । सन्निवर्त्य दृढं स्निग्धान् प्रायात्स्वनगरीं प्रियैः ॥ ३३ ॥

atha dūrāgatān śauriḥ kauravān virahāturān sannivartya dṛḍhaṁ snigdhān prāyāt sva-nagarīṁ priyaiḥ

तब शौरि (कृष्ण) ने, विरह से व्याकुल तथा गहन स्नेह से युक्त कौरवों को — जो दूर तक साथ आए थे — दृढ़तापूर्वक लौटा दिया, और अपने प्रियजनों सहित अपनी नगरी की ओर प्रस्थान किया।

श्लोक 34 (bhagavata.1.10.34)

कुरुजाङ्गलपाञ्चालान् शूरसेनान् सयामुनान् । ब्रह्मावर्तं कुरुक्षेत्रं मत्स्यान् सारस्वतानथ ॥ ३४ ॥

kuru-jāṅgala-pāñcālān śūrasenān sayāmunān brahmāvartaṁ kurukṣetraṁ matsyān sārasvatān atha

वे कुरुजांगल, पांचाल, यमुना-तटवर्ती शूरसेन प्रदेश, ब्रह्मावर्त, कुरुक्षेत्र, मत्स्य, तथा तदुपरांत सारस्वत प्रदेश से होकर आगे बढ़े,

श्लोक 35 (bhagavata.1.10.35)

मरुधन्वमतिक्रम्य सौवीराभीरयोः परान् । आनर्तान् भार्गवोपागाच्छ्रान्तवाहो मनाग्विभुः ॥ ३५ ॥

maru-dhanvam atikramya sauvīrābhīrayoḥ parān ānartān bhārgavopāgāc chrāntavāho manāg vibhuḥ

मरुभूमि को, तथा सौवीर और आभीर प्रदेशों के दूरस्थ भागों को पार करके, हे भार्गव (शौनक), सर्वशक्तिमान प्रभु कुछ थके हुए अश्वों सहित आनर्त (द्वारका-प्रदेश) पहुँचे।

श्लोक 36 (bhagavata.1.10.36)

तत्र तत्र ह तत्रत्यैर्हरिः प्रत्युद्यतार्हणः । सायं भेजे दिशं पश्चाद्गविष्ठो गां गतस्तदा ॥ ३६ ॥

tatra tatra ha tatratyair hariḥ pratyudyatārhaṇaḥ sāyaṁ bheje diśaṁ paścād gaviṣṭho gāṁ gatas tadā

मार्ग में जहाँ-तहाँ, वहाँ के निवासी हरि का अर्घ्य लेकर स्वागत करते; और प्रत्येक संध्या, जब सूर्य पश्चिम दिशा में अस्त होकर पृथ्वी पर उतरता, तब वे भी पश्चिम दिशा की ओर मुड़कर विश्राम करते।