धृतराष्ट्र का गृहत्याग

श्लोक 1 (bhagavata.1.13.1)

सूत उवाच विदुरस्तीर्थयात्रायां मैत्रेयादात्मनो गतिम् । ज्ञात्वागाद्धास्तिनपुरं तयावाप्तविवित्सितः ॥ १ ॥

sūta uvāca viduras tīrtha-yātrāyāṁ maitreyād ātmano gatim jñātvāgād dhāstinapuraṁ tayāvāpta-vivitsitaḥ

सूत ने कहा: विदुर ने तीर्थयात्रा के दौरान मैत्रेय से आत्मा की सच्ची गति को जानकर, अपनी जिज्ञासा को पूर्ण करते हुए हस्तिनापुर की ओर प्रस्थान किया।

श्लोक 2 (bhagavata.1.13.2)

यावतः कृतवान् प्रश्नान् क्षत्ता कौषारवाग्रतः । जातैकभक्तिर्गोविन्दे तेभ्यश्चोपरराम ह ॥ २ ॥

yāvataḥ kṛtavān praśnān kṣattā kauṣāravāgrataḥ jātaika-bhaktir govinde tebhyaś copararāma ha

क्षत्ता (विदुर) ने कौषारव (मैत्रेय) के समक्ष जितने भी प्रश्न किए थे, गोविंद में एकनिष्ठ भक्ति प्राप्त कर लेने पर उन्होंने उन्हें पूछना बंद कर दिया।

श्लोक 3 (bhagavata.1.13.3)

तं बन्धुमागतं दृष्ट्वा धर्मपुत्रः सहानुजः । धृतराष्ट्रो युयुत्सुश्च सूतः शारद्वतः पृथा ॥ ३ ॥

taṁ bandhum āgataṁ dṛṣṭvā dharma-putraḥ sahānujaḥ dhṛtarāṣṭro yuyutsuś ca sūtaḥ śāradvataḥ pṛthā

उस बंधु को आया हुआ देखकर, धर्मपुत्र (युधिष्ठिर) अपने छोटे भाइयों सहित, तथा धृतराष्ट्र, युयुत्सु, सूत (संजय), शारद्वत (कृपाचार्य), पृथा (कुंती) —

श्लोक 4 (bhagavata.1.13.4)

गान्धारी द्रौपदी ब्रह्मन् सुभद्रा चोत्तरा कृपी । अन्याश्च जामयः पाण्डोर्ज्ञातयः ससुताः स्त्रियः ॥ ४ ॥

gāndhārī draupadī brahman subhadrā cottarā kṛpī anyāś ca jāmayaḥ pāṇḍor jñātayaḥ sasutāḥ striyaḥ

— तथा गांधारी, द्रौपदी, हे ब्रह्मन्, सुभद्रा, उत्तरा, कृपी, और पांडवों की अन्य कुलस्त्रियाँ, अपने-अपने पुत्रों सहित —

श्लोक 5 (bhagavata.1.13.5)

प्रत्युज्जग्मुः प्रहर्षेण प्राणं तन्व इवागतम् । अभिसङ्गम्य विधिवत् परिष्वङ्गाभिवादनैः ॥ ५ ॥

pratyujjagmuḥ praharṣeṇa prāṇaṁ tanva ivāgatam abhisaṅgamya vidhivat pariṣvaṅgābhivādanaiḥ

— सब हर्षपूर्वक आगे बढ़े, मानो उनके शरीर में प्राण लौट आए हों, तथा विधिपूर्वक आलिंगन और अभिवादन से उनका स्वागत किया।

श्लोक 6 (bhagavata.1.13.6)

मुमुचुः प्रेमबाष्पौघं विरहौत्कण्ठ्यकातराः । राजा तमर्हयाञ्चक्रे कृतासनपरिग्रहम् ॥ ६ ॥

mumucuḥ prema-bāṣpaughaṁ virahautkaṇṭhya-kātarāḥ rājā tam arhayāṁ cakre kṛtāsana-parigraham

विरह की व्याकुलता से पीड़ित होकर उन्होंने प्रेम-अश्रुओं की धारा बहाई। राजा ने आसन ग्रहण कराकर उनका यथोचित सम्मान किया।

श्लोक 7 (bhagavata.1.13.7)

तं भुक्तवन्तं विश्रान्तमासीनं सुखमासने । प्रश्रयावनतो राजा प्राह तेषां च शृण्वताम् ॥ ७ ॥

taṁ bhuktavantaṁ viśrāntam āsīnaṁ sukham āsane praśrayāvanato rājā prāha teṣāṁ ca śṛṇvatām

जब वे भोजन कर और विश्राम कर सुखपूर्वक आसन पर बैठ गए, तब राजा ने विनम्रतापूर्वक झुककर उनसे बात की, और अन्य सब सुनते रहे।

श्लोक 8 (bhagavata.1.13.8)

युधिष्ठिर उवाच अपि स्मरथ नो युष्मत्पक्षच्छायासमेधितान् । विपद्गणाद्विषाग्न्यादेर्मोचिता यत्समातृकाः ॥ ८ ॥

yudhiṣṭhira uvāca api smaratha no yuṣmat- pakṣa-cchāyā-samedhitān vipad-gaṇād viṣāgnyāder mocitā yat samātṛkāḥ

युधिष्ठिर ने कहा: क्या आपको स्मरण है — हम, जो आपके पक्ष की छाया में पले-बढ़े, और हमारी माता, जिन्हें आपने विष, अग्नि आदि विपत्तियों की शृंखला से बचाया?

श्लोक 9 (bhagavata.1.13.9)

कया वृत्त्या वर्तितं वश्चरद्भिः क्षितिमण्डलम् । तीर्थानि क्षेत्रमुख्यानि सेवितानीह भूतले ॥ ९ ॥

kayā vṛttyā vartitaṁ vaś caradbhiḥ kṣiti-maṇḍalam tīrthāni kṣetra-mukhyāni sevitānīha bhūtale

पृथ्वी-मंडल में विचरण करते हुए आपने अपनी जीविका किस प्रकार चलाई? इस भूतल पर आपने कौन-कौन से प्रमुख तीर्थ-स्थलों की सेवा की?

श्लोक 10 (bhagavata.1.13.10)

भवद्विधा भागवतास्तीर्थभूताः स्वयं विभो । तीर्थीकुर्वन्ति तीर्थानि स्वान्तःस्थेन गदाभृता ॥ १० ॥

bhavad-vidhā bhāgavatās tīrtha-bhūtāḥ svayaṁ vibho tīrthī-kurvanti tīrthāni svāntaḥ-sthena gadābhṛtā

हे विभो, आप जैसे भागवत स्वयं तीर्थस्वरूप हैं; अपने अंतःकरण में गदाधर को धारण किए हुए, आप जहाँ भी जाते हैं उसे तीर्थ बना देते हैं।

श्लोक 11 (bhagavata.1.13.11)

अपि नः सुहृदस्तात बान्धवाः कृष्णदेवताः । दृष्टाः श्रुता वा यदवः स्वपुर्यां सुखमासते ॥ ११ ॥

api naḥ suhṛdas tāta bāndhavāḥ kṛṣṇa-devatāḥ dṛṣṭāḥ śrutā vā yadavaḥ sva-puryāṁ sukham āsate

और, हे तात, हमारे सुहृद-बांधव, कृष्ण-भक्त यदुगण — क्या आपने उन्हें देखा या उनके विषय में सुना? क्या वे अपनी नगरी में सुखपूर्वक निवास कर रहे हैं?

श्लोक 12 (bhagavata.1.13.12)

इत्युक्तो धर्मराजेन सर्वं तत् समवर्णयत् । यथानुभूतं क्रमशो विना यदुकुलक्षयम् ॥ १२ ॥

ity ukto dharma-rājena sarvaṁ tat samavarṇayat yathānubhūtaṁ kramaśo vinā yadu-kula-kṣayam

इस प्रकार धर्मराज द्वारा पूछे जाने पर, उन्होंने अपने अनुभव के अनुसार क्रमशः सब कुछ वर्णन किया — केवल यदुवंश के विनाश को छोड़कर।

श्लोक 13 (bhagavata.1.13.13)

नन्वप्रियं दुर्विषहं नृणां स्वयमुपस्थितम् । नावेदयत् सकरुणो दुःखितान् द्रष्टुमक्षमः ॥ १३ ॥

nanv apriyaṁ durviṣahaṁ nṛṇāṁ svayam upasthitam nāvedayat sakaruṇo duḥkhitān draṣṭum akṣamaḥ

क्योंकि वह घटना, जो मनुष्यों के लिए अप्रिय और असह्य थी और स्वयं ही घटित हो चुकी थी, करुणावश उन्होंने प्रकट न की — वे उन्हें दुःखी देखने में असमर्थ थे।

श्लोक 14 (bhagavata.1.13.14)

कञ्चित्कालमथावात्सीत्सत्कृतो देववत्सुखम् । भ्रातुर्ज्येष्ठस्य श्रेयस्कृत्सर्वेषां सुखमावहन् ॥ १४ ॥

kañcit kālam athāvātsīt sat-kṛto devavat sukham bhrātur jyeṣṭhasya śreyas-kṛt sarveṣāṁ sukham āvahan

कुछ काल तक वे वहाँ देवतुल्य सम्मानित और सुखपूर्वक रहे, अपने ज्येष्ठ भ्राता (धृतराष्ट्र) के कल्याण हेतु प्रयत्नशील रहते हुए, सबको सुख पहुँचाते रहे।

श्लोक 15 (bhagavata.1.13.15)

अबिभ्रदर्यमा दण्डं यथावदघकारिषु । यावद्दधार शूद्रत्वं शापाद्वर्षशतं यमः ॥ १५ ॥

abibhrad aryamā daṇḍaṁ yathāvad agha-kāriṣu yāvad dadhāra śūdratvaṁ śāpād varṣa-śataṁ yamaḥ

जब तक यम शाप के कारण सौ वर्षों तक शूद्र-रूप धारण किए रहे, तब तक अर्यमा ने पापियों के विरुद्ध यथोचित दंड-भार वहन किया।

श्लोक 16 (bhagavata.1.13.16)

युधिष्ठिरो लब्धराज्यो दृष्ट्वा पौत्रं कुलन्धरम् । भ्रातृभिर्लोकपालाभैर्मुमुदे परया श्रिया ॥ १६ ॥

yudhiṣṭhiro labdha-rājyo dṛṣṭvā pautraṁ kulan-dharam bhrātṛbhir loka-pālābhair mumude parayā śriyā

राज्य पुनः प्राप्त कर और वंशधर पौत्र को देखकर, युधिष्ठिर अपने भाइयों के साथ — जो लोकपालों के समान थे — परम ऐश्वर्य में अत्यंत आनंदित हुए।

श्लोक 17 (bhagavata.1.13.17)

एवं गृहेषु सक्तानां प्रमत्तानां तदीहया । अत्यक्रामदविज्ञातः कालः परमदुस्तरः ॥ १७ ॥

evaṁ gṛheṣu saktānāṁ pramattānāṁ tad-īhayā atyakrāmad avijñātaḥ kālaḥ parama-dustaraḥ

इस प्रकार गृहस्थी में आसक्त, उसी की चिंता में डूबे हुए लोगों के लिए, अगोचर तथा अत्यंत दुस्तर काल अनजाने ही बीत गया।

श्लोक 18 (bhagavata.1.13.18)

विदुरस्तदभिप्रेत्य धृतराष्ट्रमभाषत । राजन्निर्गम्यतां शीघ्रं पश्येदं भयमागतम् ॥ १८ ॥

viduras tad abhipretya dhṛtarāṣṭram abhāṣata rājan nirgamyatāṁ śīghraṁ paśyedaṁ bhayam āgatam

यह जानकर विदुर ने धृतराष्ट्र से कहा: हे राजन्, शीघ्र यहाँ से निकल जाइए — देखिए, यह भय आ पहुँचा है।

श्लोक 19 (bhagavata.1.13.19)

प्रतिक्रिया न यस्येह कुतश्चित्कर्हिचित्प्रभो । स एष भगवान् कालः सर्वेषां नः समागतः ॥ १९ ॥

pratikriyā na yasyeha kutaścit karhicit prabho sa eṣa bhagavān kālaḥ sarveṣāṁ naḥ samāgataḥ

हे प्रभो, यह वह है जिसका कहीं भी, कभी भी कोई प्रतिकार नहीं — यह साक्षात् वह भगवान ही हैं, जो काल के रूप में हम सब पर आ पहुँचे हैं।

श्लोक 20 (bhagavata.1.13.20)

येन चैवाभिपन्नोऽयं प्राणैः प्रियतमैरपि । जनः सद्यो वियुज्येत किमुतान्यैर्धनादिभिः ॥ २० ॥

yena caivābhipanno ’yaṁ prāṇaiḥ priyatamair api janaḥ sadyo viyujyeta kim utānyair dhanādibhiḥ

जिससे आक्रांत होकर मनुष्य अपने प्रियतम प्राणों से भी तत्क्षण वियुक्त हो जाता है — फिर धन आदि अन्य वस्तुओं की तो बात ही क्या?

श्लोक 21 (bhagavata.1.13.21)

पितृभ्रातृसुहृत्पुत्रा हतास्ते विगतं वयम् । आत्मा च जरया ग्रस्तः परगेहमुपाससे ॥ २१ ॥

pitṛ-bhrātṛ-suhṛt-putrā hatās te vigataṁ vayam ātmā ca jarayā grastaḥ para-geham upāsase

आपके पिता, भाई, सुहृद और पुत्र सब मारे जा चुके हैं; आपकी आयु भी व्यतीत हो चुकी है; और आप स्वयं जरा से ग्रस्त होकर पराए घर में रह रहे हैं।

श्लोक 22 (bhagavata.1.13.22)

अन्धः पुरैव वधिरो मन्दप्रज्ञाश्च साम्प्रतम् । विशीर्णदन्तो मन्दाग्निः सरागः कफमुद्वहन् ॥ २२ ॥

andhaḥ puraiva vadhiro manda-prajñāś ca sāmprataṁ viśīrṇa-danto mandāgniḥ sarāgaḥ kapham udvahan

पहले से नेत्रहीन, अब बधिर भी हो चले हैं; स्मृति क्षीण हो गई है, दाँत टूट चुके हैं, जठराग्नि मंद पड़ गई है, रोगग्रस्त होकर आप कफ निकाल रहे हैं —

श्लोक 23 (bhagavata.1.13.23)

अहो महीयसी जन्तोर्जीविताशा यथा भवान् । भीमापवर्जितं पिण्डमादत्ते गृहपालवत् ॥ २३ ॥

aho mahīyasī jantor jīvitāśā yathā bhavān bhīmāpavarjitaṁ piṇḍam ādatte gṛha-pālavat

अहो! प्राणी की जिजीविषा कितनी प्रबल है — कि आप, गृह-रक्षक कुत्ते के समान, भीम द्वारा फेंके गए अन्न को ग्रहण करते हैं।

श्लोक 24 (bhagavata.1.13.24)

अग्निर्निसृष्टो दत्तश्च गरो दाराश्च दूषिताः । हृतं क्षेत्रं धनं येषां तद्दत्तैरसुभिः कियत् ॥ २४ ॥

agnir nisṛṣṭo dattaś ca garo dārāś ca dūṣitāḥ hṛtaṁ kṣetraṁ dhanaṁ yeṣāṁ tad-dattair asubhiḥ kiyat

अग्नि लगाई गई, विष दिया गया, उनकी पत्नी का अपमान किया गया, उनकी भूमि और धन छीना गया — फिर उन्हीं के दिए हुए अन्न से जीवित रहने का क्या अर्थ?

श्लोक 25 (bhagavata.1.13.25)

तस्यापि तव देहोऽयं कृपणस्य जिजीविषोः । परैत्यनिच्छतो जीर्णो जरया वाससी इव ॥ २५ ॥

tasyāpi tava deho ’yaṁ kṛpaṇasya jijīviṣoḥ paraity anicchato jīrṇo jarayā vāsasī iva

आपका यह शरीर भी, हे कृपण, जीवित रहने की इच्छा रखते हुए भी, अनिच्छापूर्वक ही नष्ट हो जाएगा — जैसे जीर्ण वस्त्र आयु से घिसकर गिर जाता है।

श्लोक 26 (bhagavata.1.13.26)

गतस्वार्थमिमं देहं विरक्तो मुक्तबन्धनः । अविज्ञातगतिर्जह्यात् स वै धीर उदाहृतः ॥ २६ ॥

gata-svārtham imaṁ dehaṁ virakto mukta-bandhanaḥ avijñāta-gatir jahyāt sa vai dhīra udāhṛtaḥ

वही धीर पुरुष कहलाता है जो विरक्त होकर, समस्त बंधनों से मुक्त होकर, इस शरीर को — जिसका स्वार्थ पूर्ण हो चुका — बिना किसी को बताए त्याग देता है।

श्लोक 27 (bhagavata.1.13.27)

यः स्वकात्परतो वेह जातनिर्वेद आत्मवान् । हृदि कृत्वा हरिं गेहात्प्रव्रजेत्स नरोत्तमः ॥ २७ ॥

yaḥ svakāt parato veha jāta-nirveda ātmavān hṛdi kṛtvā hariṁ gehāt pravrajet sa narottamaḥ

जो स्वयं अथवा दूसरों से जानकर वैराग्य को प्राप्त होता है, और हरि को हृदय में धारण कर घर से निकल पड़ता है — वही मनुष्यों में श्रेष्ठ है।

श्लोक 28 (bhagavata.1.13.28)

अथोदीचीं दिशं यातु स्वैरज्ञातगतिर्भवान् । इतोऽर्वाक्प्रायशः कालः पुंसां गुणविकर्षणः ॥ २८ ॥

athodīcīṁ diśaṁ yātu svair ajñāta-gatir bhavān ito ’rvāk prāyaśaḥ kālaḥ puṁsāṁ guṇa-vikarṣaṇaḥ

अतः अब आप उत्तर दिशा की ओर, अपने बल पर, बिना किसी को अपना मार्ग बताए, प्रस्थान करें — क्योंकि आगे आने वाला समय, बीते समय से भी अधिक, मनुष्यों के गुणों को क्षीण करने वाला है।

श्लोक 29 (bhagavata.1.13.29)

एवं राजा विदुरेणानुजेन प्रज्ञाचक्षुर्बोधित आजमीढः । छित्त्वा स्वेषु स्नेहपाशान्द्रढिम्नो निश्चक्राम भ्रातृसन्दर्शिताध्वा ॥ २९ ॥

evaṁ rājā vidureṇānujena prajñā-cakṣur bodhita ājamīḍhaḥ chittvā sveṣu sneha-pāśān draḍhimno niścakrāma bhrātṛ-sandarśitādhvā

इस प्रकार अजमीढ़-वंशी राजा, जिनका नेत्र प्रज्ञा ही था, अपने अनुज विदुर द्वारा जागृत होकर, अपनों के प्रति स्नेह के बंधनों को दृढ़ता से काटकर, भाई द्वारा दिखाए गए मार्ग पर निकल पड़े।

श्लोक 30 (bhagavata.1.13.30)

पतिं प्रयान्तं सुबलस्य पुत्री पतिव्रता चानुजगाम साध्वी । हिमालयं न्यस्तदण्डप्रहर्षं मनस्विनामिव सत्सम्प्रहारः ॥ ३० ॥

patiṁ prayāntaṁ subalasya putrī pati-vratā cānujagāma sādhvī himālayaṁ nyasta-daṇḍa-praharṣaṁ manasvinām iva sat samprahāraḥ

सुबल की पुत्री, पतिव्रता साध्वी (गांधारी), अपने पति के पीछे-पीछे हिमालय की ओर चल पड़ीं — वह पर्वत जो दंड-त्यागी संन्यासियों को उतना ही प्रिय है जितना दृढ़चित्त पुरुषों को सच्चा संघर्ष।

श्लोक 31 (bhagavata.1.13.31)

अजातशत्रुः कृतमैत्रो हुताग्नि- र्विप्रान्नत्वा तिलगोभूमिरुक्मैः । गृहं प्रविष्टो गुरुवन्दनाय न चापश्यत्पितरौ सौबलीं च ॥ ३१ ॥

ajāta-śatruḥ kṛta-maitro hutāgnir viprān natvā tila-go-bhūmi-rukmaiḥ gṛhaṁ praviṣṭo guru-vandanāya na cāpaśyat pitarau saubalīṁ ca

अजातशत्रु (युधिष्ठिर) प्रातःकालीन नित्यकर्म और हवन संपन्न कर, ब्राह्मणों को प्रणाम कर तिल, गौ, भूमि और स्वर्ण से सम्मानित कर, गुरुजनों के अभिवादन हेतु अंतःपुर में प्रविष्ट हुए — किंतु वहाँ न तो अपने चाचाओं को, न सुबलपुत्री (गांधारी) को पाया।

श्लोक 32 (bhagavata.1.13.32)

तत्र सञ्जयमासीनं पप्रच्छोद्विग्नमानसः । गावल्गणे क्व नस्तातो वृद्धो हीनश्च नेत्रयोः ॥ ३२ ॥

tatra sañjayam āsīnaṁ papracchodvigna-mānasaḥ gāvalgaṇe kva nas tāto vṛddho hīnaś ca netrayoḥ

वहाँ अत्यंत उद्विग्न मन से बैठे संजय से उन्होंने पूछा: हे गावल्गणि, हमारे नेत्रहीन वृद्ध चाचा कहाँ हैं?

श्लोक 33 (bhagavata.1.13.33)

अम्बा च हतपुत्रार्ता पितृव्यः क्व गतः सुहृत् । अपि मय्यकृतप्रज्ञे हतबन्धुः स भार्यया । आशंसमानः शमलं गङ्गायां दुःखितोऽपतत् ॥ ३३ ॥

ambā ca hata-putrārtā pitṛvyaḥ kva gataḥ suhṛt api mayy akṛta-prajñe hata-bandhuḥ sa bhāryayā āśaṁsamānaḥ śamalaṁ gaṅgāyāṁ duḥkhito ’patat

और अपने मृत पुत्रों के शोक में डूबी माता (गांधारी) — हमारे सुहृद चाचा कहाँ गए? क्या उन्होंने, मुझे अपने बंधुओं के नाश का कारण मानते हुए, दुःखी होकर अपनी पत्नी सहित गंगा में समा जाने का विचार कर लिया?

श्लोक 34 (bhagavata.1.13.34)

पितर्युपरते पाण्डौ सर्वान्नः सुहृदः शिशून् । अरक्षतां व्यसनतः पितृव्यौ क्व गतावितः ॥ ३४ ॥

pitary uparate pāṇḍau sarvān naḥ suhṛdaḥ śiśūn arakṣatāṁ vyasanataḥ pitṛvyau kva gatāv itaḥ

जब हमारे पिता पांडु का देहांत हो गया, तब इन दोनों चाचाओं ने हम सब बालकों की, अपने सुहृदों की, समस्त विपत्तियों से रक्षा की — वे यहाँ से कहाँ चले गए?

श्लोक 35 (bhagavata.1.13.35)

सूत उवाच कृपया स्नेडहवैक्लव्यात्सूतो विरहकर्शितः । आत्मेश्वरमचक्षाणो न प्रत्याहातिपीडितः ॥ ३५ ॥

sūta uvāca kṛpayā sneha-vaiklavyāt sūto viraha-karśitaḥ ātmeśvaram acakṣāṇo na pratyāhātipīḍitaḥ

सूत ने कहा: करुणा और स्नेह की व्याकुलता से, अपने स्वामी को न देख पाने के विरह से कृश हुए संजय अत्यंत पीड़ित होकर उत्तर न दे सके।

श्लोक 36 (bhagavata.1.13.36)

विमृज्याश्रूणि पाणिभ्यां विष्टभ्यात्मानमात्मना । अजातशत्रुं प्रत्यूचे प्रभोः पादावनुस्मरन् ॥ ३६ ॥

vimṛjyāśrūṇi pāṇibhyāṁ viṣṭabhyātmānam ātmanā ajāta-śatruṁ pratyūce prabhoḥ pādāv anusmaran

अपने हाथों से आँसू पोंछकर, स्वयं को धैर्य से संभालकर, तथा अपने स्वामी के चरणों का स्मरण करते हुए, उन्होंने अजातशत्रु को उत्तर दिया।

श्लोक 37 (bhagavata.1.13.37)

सञ्जय उवाच नाहं वेद व्यवसितं पित्रोर्वः कुलनन्दन । गान्धार्या वा महाबाहो मुषितोऽस्मि महात्मभिः ॥ ३७ ॥

sañjaya uvāca nāhaṁ veda vyavasitaṁ pitror vaḥ kula-nandana gāndhāryā vā mahā-bāho muṣito ’smi mahātmabhiḥ

संजय ने कहा: हे कुलनंदन, मुझे आपके दोनों वृद्धजनों का निश्चय ज्ञात नहीं है, न ही गांधारी का, हे महाबाहो — मैं इन महात्माओं द्वारा छला गया हूँ।

श्लोक 38 (bhagavata.1.13.38)

अथाजगाम भगवान् नारदः सहतुम्बुरुः । प्रत्युत्थायाभिवाद्याह सानुजोऽभ्यर्चयन्मुनिम् ॥ ३८ ॥

athājagāma bhagavān nāradaḥ saha-tumburuḥ pratyutthāyābhivādyāha sānujo ’bhyarcayan munim

तभी भगवान नारद तुंबुरु सहित वहाँ आ पहुँचे; उठकर, अभिवादन करते हुए, अपने अनुजों सहित युधिष्ठिर ने उस मुनि की पूजा की।

श्लोक 39 (bhagavata.1.13.39)

युधिष्ठिर उवाच नाहं वेद गतिं पित्रोर्भगवन् क्व गतावितः । अम्बा वा हतपुत्रार्ता क्व गता च तपस्विनी ॥ ३९ ॥

yudhiṣṭhira uvāca nāhaṁ veda gatiṁ pitror bhagavan kva gatāv itaḥ ambā vā hata-putrārtā kva gatā ca tapasvinī

युधिष्ठिर ने कहा: हे भगवन्, मुझे नहीं पता कि मेरे दोनों चाचा यहाँ से कहाँ चले गए, और मेरी तपस्विनी माता, जो अपने मृत पुत्रों के शोक में डूबी हैं, कहाँ गई हैं।

श्लोक 40 (bhagavata.1.13.40)

कर्णधार इवापारे भगवान् पारदर्शकः । अथाबभाषे भगवान् नारदो मुनिसत्तमः ॥ ४० ॥

karṇadhāra ivāpāre bhagavān pāra-darśakaḥ athābabhāṣe bhagavān nārado muni-sattamaḥ

"आप ही अपार सागर में कर्णधार के समान, पार देखने वाले हैं।" इस प्रकार संबोधित किए जाने पर मुनिश्रेष्ठ भगवान नारद बोलने लगे।

श्लोक 41 (bhagavata.1.13.41)

नारद उवाच मा कञ्चन शुचो राजन् यदीश्वरवशं जगत् । लोकाः सपाला यस्येमे वहन्ति बलिमीशितुः । स संयुनक्ति भूतानि स एव वियुनक्ति च ॥ ४१ ॥

nārada uvāca mā kañcana śuco rājan yad īśvara-vaśaṁ jagat lokāḥ sapālā yasyeme vahanti balim īśituḥ sa saṁyunakti bhūtāni sa eva viyunakti ca

नारद ने कहा: हे राजन्, किसी के लिए भी शोक न करें, क्योंकि यह जगत ईश्वर के अधीन है; लोकपालों सहित समस्त लोक उस ईश्वर को कर चुकाते हैं — वही प्राणियों को जोड़ता है, और वही उन्हें विलग भी करता है।

श्लोक 42 (bhagavata.1.13.42)

यथा गावो नसि प्रोतास्तन्त्यां बद्धाश्च दामभिः । वाक्तन्त्यां नामभिर्बद्धा वहन्ति बलिमीशितुः ॥ ४२ ॥

yathā gāvo nasi protās tantyāṁ baddhāś ca dāmabhiḥ vāk-tantyāṁ nāmabhir baddhā vahanti balim īśituḥ

जैसे गौएँ नाक में रस्सी पिरोकर बाँधी जाती हैं, वैसे ही मनुष्य अपने-अपने नामों की वाक्-रस्सी से बंधे हुए उस ईश्वर को कर चुकाते हैं।

श्लोक 43 (bhagavata.1.13.43)

यथा क्रीडोपस्कराणां संयोगविगमाविह । इच्छया क्रीडितुः स्यातां तथैवेशेच्छया नृणाम् ॥ ४३ ॥

yathā krīḍopaskarāṇāṁ saṁyoga-vigamāv iha icchayā krīḍituḥ syātāṁ tathaiveśecchayā nṛṇām

जैसे खेल की वस्तुओं का मिलना और बिछुड़ना खेलने वाले की इच्छा से होता है, वैसे ही मनुष्यों का मिलन और वियोग ईश्वर की इच्छा से होता है।

श्लोक 44 (bhagavata.1.13.44)

यन्मन्यसे ध्रुवं लोकमध्रुवं वा न चोभयम् । सर्वथा न हि शोच्यास्ते स्नेहादन्यत्र मोहजात् ॥ ४४ ॥

yan manyase dhruvaṁ lokam adhruvaṁ vā na cobhayam sarvathā na hi śocyās te snehād anyatra mohajāt

आप इस लोक को नित्य मानें, या अनित्य, या दोनों में से कुछ भी न मानें — किसी भी दशा में यहाँ शोक करने योग्य कुछ भी नहीं है, केवल मोहजनित स्नेह के अतिरिक्त।

श्लोक 45 (bhagavata.1.13.45)

तस्माज्जह्यङ्ग वैक्लव्यमज्ञानकृतमात्मनः । कथं त्वनाथाः कृपणा वर्तेरंस्ते च मां विना ॥ ४५ ॥

tasmāj jahy aṅga vaiklavyam ajñāna-kṛtam ātmanaḥ kathaṁ tv anāthāḥ kṛpaṇā varteraṁs te ca māṁ vinā

अतः, हे वत्स, अपने इस विक्षोभ को त्यागिए, जो आत्मा के अज्ञान से उपजा है। आप सोच रहे हैं कि वे अनाथ, दीन-हीन, मेरे बिना कैसे रह पाएँगे?

श्लोक 46 (bhagavata.1.13.46)

कालकर्मगुणाधीनो देहोऽयं पाञ्चभौतिकः । कथमन्यांस्तु गोपायेत्सर्पग्रस्तो यथा परम् ॥ ४६ ॥

kāla-karma-guṇādhīno deho ’yaṁ pāñca-bhautikaḥ katham anyāṁs tu gopāyet sarpa-grasto yathā param

यह पंचभौतिक शरीर स्वयं ही काल, कर्म और गुणों के अधीन है — फिर यह औरों की रक्षा कैसे कर सकता है, जबकि यह स्वयं सर्प द्वारा ग्रस्त प्राणी के समान है?

श्लोक 47 (bhagavata.1.13.47)

अहस्तानि सहस्तानामपदानि चतुष्पदाम् । फल्गूनि तत्र महतां जीवो जीवस्य जीवनम् ॥ ४७ ॥

ahastāni sahastānām apadāni catuṣ-padām phalgūni tatra mahatāṁ jīvo jīvasya jīvanam

हस्तरहित हाथ वालों के, पादरहित चौपायों के, तथा दुर्बल बलवानों के लिए भोज्य हैं — संसार का यही नियम है: एक जीव दूसरे जीव का जीवन-आधार है।

श्लोक 48 (bhagavata.1.13.48)

तदिदं भगवान् राजन्नेक आत्मात्मनां स्वदृक् । अन्तरोऽनन्तरो भाति पश्य तं माययोरुधा ॥ ४८ ॥

tad idaṁ bhagavān rājann eka ātmātmanāṁ sva-dṛk antaro ’nantaro bhāti paśya taṁ māyayorudhā

यही भगवान, हे राजन्, समस्त आत्माओं के एक आत्मा, स्वयं-दृष्टा, भीतर और बाहर दोनों रूपों में प्रतीत होते हैं — उन्हें अपनी माया से बहुधा प्रकट होते हुए देखिए।

श्लोक 49 (bhagavata.1.13.49)

सोऽयमद्य महाराज भगवान् भूतभावनः । कालरूपोऽवतीर्णोऽस्यामभावाय सुरद्विषाम् ॥ ४९ ॥

so ’yam adya mahārāja bhagavān bhūta-bhāvanaḥ kāla-rūpo ’vatīrṇo ’syām abhāvāya sura-dviṣām

यही भगवान, हे महाराज, समस्त प्राणियों के पालनकर्ता, कालरूप धारण कर अब इस पृथ्वी पर देवद्वेषियों के विनाश हेतु अवतरित हुए हैं।

श्लोक 50 (bhagavata.1.13.50)

निष्पादितं देवकृत्यमवशेषं प्रतीक्षते । तावद् यूयमवेक्षध्वं भवेद् यावदिहेश्वरः ॥ ५० ॥

niṣpāditaṁ deva-kṛtyam avaśeṣaṁ pratīkṣate tāvad yūyam avekṣadhvaṁ bhaved yāvad iheśvaraḥ

देवताओं का कार्य संपन्न कर वे अब शेष की प्रतीक्षा कर रहे हैं। अतः जब तक ईश्वर यहाँ हैं, तब तक आप प्रतीक्षा करें।

श्लोक 51 (bhagavata.1.13.51)

धृतराष्ट्रः सह भ्रात्रा गान्धार्या च स्वभार्यया । दक्षिणेन हिमवत ऋषीणामाश्रमं गतः ॥ ५१ ॥

dhṛtarāṣṭraḥ saha bhrātrā gāndhāryā ca sva-bhāryayā dakṣiṇena himavata ṛṣīṇām āśramaṁ gataḥ

धृतराष्ट्र अपने भाई (विदुर) और अपनी पत्नी गांधारी सहित हिमालय के दक्षिण भाग में स्थित ऋषियों के आश्रम को चले गए हैं।

श्लोक 52 (bhagavata.1.13.52)

स्रोतोभिः सप्तभिर्या वै स्वर्धुनी सप्तधा व्यधात् । सप्तानां प्रीतये नाना सप्तस्रोतः प्रचक्षते ॥ ५२ ॥

srotobhiḥ saptabhir yā vai svardhunī saptadhā vyadhāt saptānāṁ prītaye nānā sapta-srotaḥ pracakṣate

जिस स्थान पर स्वर्धुनी (गंगा) ने सप्तर्षियों की प्रसन्नता हेतु स्वयं को सात धाराओं में विभक्त किया, वह विविध रूप से 'सप्तस्रोत' कहलाता है।

श्लोक 53 (bhagavata.1.13.53)

स्नात्वानुसवनं तस्मिन्हुत्वा चाग्नीन्यथाविधि । अब्भक्ष उपशान्तात्मा स आस्ते विगतैषणः ॥ ५३ ॥

snātvānusavanaṁ tasmin hutvā cāgnīn yathā-vidhi ab-bhakṣa upaśāntātmā sa āste vigataiṣaṇaḥ

वहाँ त्रिकाल स्नान करते हुए, विधिपूर्वक अग्नि में हवन करते हुए, केवल जल पर निर्वाह करते हुए, शांतचित्त वे समस्त कामनाओं से रहित होकर वहाँ निवास कर रहे हैं।

श्लोक 54 (bhagavata.1.13.54)

जितासनो जितश्वासः प्रत्याहृतषडिन्द्रियः । हरिभावनया ध्वस्तरजःसत्त्वतमोमलः ॥ ५४ ॥

jitāsano jita-śvāsaḥ pratyāhṛta-ṣaḍ-indriyaḥ hari-bhāvanayā dhvasta- rajaḥ-sattva-tamo-malaḥ

आसन-विजयी, श्वास-विजयी, छहों इंद्रियों को समेटे हुए, हरि के ध्यान से उन्होंने रज, सत्त्व और तम के मल को धो डाला है।

श्लोक 55 (bhagavata.1.13.55)

विज्ञानात्मनि संयोज्य क्षेत्रज्ञे प्रविलाप्य तम् । ब्रह्मण्यात्मानमाधारे घटाम्बरमिवाम्बरे ॥ ५५ ॥

vijñānātmani saṁyojya kṣetrajñe pravilāpya tam brahmaṇy ātmānam ādhāre ghaṭāmbaram ivāmbare

अपनी आत्मा को विज्ञानमय आत्मा में संयुक्त करके, फिर उसे क्षेत्रज्ञ में विलीन करके, अंत में आत्मा को ब्रह्म में — उसके आधार में — इस प्रकार लीन कर देंगे, जैसे घट का आकाश महाकाश में मिल जाता है।

श्लोक 56 (bhagavata.1.13.56)

ध्वस्तमायागुणोदर्को निरुद्धकरणाशयः । निवर्तिताखिलाहार आस्ते स्थाणुरिवाचलः । तस्यान्तरायो मैवाभूः सन्न्यस्ताखिलकर्मणः ॥ ५६ ॥

dhvasta-māyā-guṇodarko niruddha-karaṇāśayaḥ nivartitākhilāhāra āste sthāṇur ivācalaḥ tasyāntarāyo maivābhūḥ sannyastākhila-karmaṇaḥ

माया के गुणों के फल नष्ट हो जाने पर, मन और इंद्रियों की क्रियाएँ रुक जाने पर, सर्व आहार त्यागकर, वे स्थाणु के समान अचल बने रहेंगे; समस्त कर्मों के संन्यासी उन्हें अब कोई विघ्न न हो।

श्लोक 57 (bhagavata.1.13.57)

स वा अद्यतनाद् राजन् परतः पञ्चमेऽहनि । कलेवरं हास्यति स्वं तच्च भस्मीभविष्यति ॥ ५७ ॥

sa vā adyatanād rājan parataḥ pañcame ’hani kalevaraṁ hāsyati svaṁ tac ca bhasmī-bhaviṣyati

हे राजन्, वे आज से पाँचवें दिन अपने इस शरीर को त्याग देंगे; और वह भस्म हो जाएगा।

श्लोक 58 (bhagavata.1.13.58)

दह्यमानेऽग्निभिर्देहे पत्युः पत्नी सहोटजे । बहिः स्थिता पतिं साध्वी तमग्निमनु वेक्ष्यति ॥ ५८ ॥

dahyamāne ’gnibhir dehe patyuḥ patnī sahoṭaje bahiḥ sthitā patiṁ sādhvī tam agnim anu vekṣyati

जब पति का शरीर कुटिया सहित अग्नि में जल रहा होगा, तब बाहर खड़ी वह साध्वी पत्नी उस अग्नि को देखकर अपने पति का अनुसरण करेंगी।

श्लोक 59 (bhagavata.1.13.59)

विदुरस्तु तदाश्चर्यं निशाम्य कुरुनन्दन । हर्षशोकयुतस्तस्माद् गन्ता तीर्थनिषेवकः ॥ ५९ ॥

viduras tu tad āścaryaṁ niśāmya kuru-nandana harṣa-śoka-yutas tasmād gantā tīrtha-niṣevakaḥ

हे कुरुनंदन, विदुर उस अद्भुत दृश्य को देखकर, हर्ष और शोक दोनों से युक्त होकर, वहाँ से प्रस्थान कर पुनः तीर्थाटन में लग जाएँगे।

श्लोक 60 (bhagavata.1.13.60)

इत्युक्त्वाथारुहत् स्वर्गं नारदः सहतुम्बुरुः । युधिष्ठिरो वचस्तस्य हृदि कृत्वाजहाच्छुचः ॥ ६० ॥

ity uktvāthāruhat svargaṁ nāradaḥ saha-tumburuḥ yudhiṣṭhiro vacas tasya hṛdi kṛtvājahāc chucaḥ

इस प्रकार कहकर नारद तुंबुरु सहित स्वर्गलोक को चले गए; और युधिष्ठिर उनके वचनों को हृदय में धारण कर अपने शोक से मुक्त हो गए।