कृष्ण समस्त अवतारों के स्रोत हैं

श्लोक 1 (bhagavata.1.3.1)

सूत उवाच जगृहे पौरुषं रूपं भगवान्महदादिभिः । सम्भूतं षोडशकलमादौ लोकसिसृक्षया ॥ 3.1 ॥

sūta uvāca jagṛhe pauruṣaṁ rūpaṁ bhagavān mahad-ādibhiḥ sambhūtaṁ ṣoḍaśa-kalam ādau loka-sisṛkṣayā

सूत जी ने कहा — सृष्टि की रचना की इच्छा से भगवान ने आरम्भ में महत्तत्व आदि से युक्त, षोडश कलाओं से संपन्न पुरुष-रूप धारण किया।

श्लोक 2 (bhagavata.1.3.2)

यस्याम्भसि शयानस्य योगनिद्रां वितन्वतः । नाभिह्रदाम्बुजादासीद्ब्रह्मा विश्वसृजां पतिः ॥ 3.2 ॥

yasyāmbhasi śayānasya yoga-nidrāṁ vitanvataḥ nābhi-hradāmbujād āsīd brahmā viśva-sṛjāṁ patiḥ

जल में शयन करते हुए योगनिद्रा का विस्तार करने वाले उस पुरुष की नाभि-रूपी सरोवर के कमल से विश्व के समस्त सृष्टिकर्ताओं के स्वामी ब्रह्मा प्रकट हुए।

श्लोक 3 (bhagavata.1.3.3)

यस्यावयवसंस्थानैः कल्पितो लोकविस्तरः । तद्वै भगवतो रूपं विशुद्धं सत्त्वमूर्जितम् ॥ 3.3 ॥

yasyāvayava-saṁsthānaiḥ kalpito loka-vistaraḥ tad vai bhagavato rūpaṁ viśuddhaṁ sattvam ūrjitam

जिनके अंगों की संरचना से लोकों का विस्तार कल्पित किया गया है, वह भगवान का वही रूप है, जो विशुद्ध और प्रबल सत्त्वमय है।

श्लोक 4 (bhagavata.1.3.4)

पश्यन्त्यदो रूपमदभ्रचक्षुषा सहस्रपादोरुभुजाननाद्भुतम् । सहस्रमूर्धश्रवणाक्षिनासिकं सहस्रमौल्यम्बरकुण्डलोल्लसत् ॥ 3.4 ॥

paśyanty ado rūpam adabhra-cakṣuṣā sahasra-pādoru-bhujānanādbhutam sahasra-mūrdha-śravaṇākṣi-nāsikaṁ sahasra-mauly-ambara-kuṇḍalollasat

निर्मल दृष्टि वाले भक्तजन उस अद्भुत रूप का दर्शन करते हैं, जिसमें सहस्र पैर, जंघाएँ, भुजाएँ और मुख हैं; सहस्र सिर, कान, नेत्र और नासिकाएँ हैं; तथा जो सहस्र मुकुटों, वस्त्रों और कुण्डलों से देदीप्यमान है।

श्लोक 5 (bhagavata.1.3.5)

एतन्नानावताराणां निधानं बीजमव्ययम् । यस्यांशांशेन सृज्यन्ते देवतिर्यङ्नरादयः ॥ 3.5 ॥

etan nānāvatārāṇāṁ nidhānaṁ bījam avyayam yasyāṁśāṁśena sṛjyante deva-tiryaṅ-narādayaḥ

यह रूप अनेक अवतारों का आधार और अविनाशी बीज है, जिनके अंश के अंश मात्र से देवता, पशु-पक्षी, मनुष्य आदि की सृष्टि होती है।

श्लोक 6 (bhagavata.1.3.6)

स एव प्रथमं देवः कौमारं सर्गमाश्रितः । चचार दुश्चरं ब्रह्मा ब्रह्मचर्यमखण्डितम् ॥ 3.6 ॥

sa eva prathamaṁ devaḥ kaumāraṁ sargam āśritaḥ cacāra duścaraṁ brahmā brahmacaryam akhaṇḍitam

वे ही भगवान प्रथम अवतार में कौमार-सर्ग (सनकादि कुमारों) के रूप में, ब्रह्मचारी बनकर अखण्डित और अत्यंत कठिन ब्रह्मचर्य का पालन करते हुए विचरण करते रहे।

श्लोक 7 (bhagavata.1.3.7)

द्वितीयं तु भवायास्य रसातलगतां महीम् । उद्धरिष्यन्नुपादत्त यज्ञेशः सौकरं वपुः ॥ 3.7 ॥

dvitīyaṁ tu bhavāyāsya rasātala-gatāṁ mahīm uddhariṣyann upādatta yajñeśaḥ saukaraṁ vapuḥ

दूसरे अवतार में, इस पृथ्वी के कल्याण हेतु, रसातल में डूबी हुई पृथ्वी का उद्धार करने के लिए यज्ञेश्वर ने वराह-शरीर धारण किया।

श्लोक 8 (bhagavata.1.3.8)

तृतीयमृषिसर्गं वै देवर्षित्वमुपेत्य सः । तन्त्रं सात्वतमाचष्ट नैष्कर्म्यं कर्मणां यतः ॥ 3.8 ॥

tṛtīyam ṛṣi-sargaṁ vai devarṣitvam upetya saḥ tantraṁ sātvatam ācaṣṭa naiṣkarmyaṁ karmaṇāṁ yataḥ

तीसरे अवतार में देवर्षि (नारद) के रूप में ऋषि-वंश में जन्म लेकर उन्होंने सात्वत-तंत्र का उपदेश दिया, जिससे कर्म नैष्कर्म्य को प्राप्त होते हैं।

श्लोक 9 (bhagavata.1.3.9)

तुर्ये धर्मकलासर्गे नरनारायणावृषी । भूत्वात्मोपशमोपेतमकरोद्दुश्चरं तपः ॥ 3.9 ॥

turye dharma-kalā-sarge nara-nārāyaṇāv ṛṣī bhūtvātmopaśamopetam akarot duścaraṁ tapaḥ

चौथे अवतार में धर्म की कला से उत्पन्न होकर, नर और नारायण नामक दो ऋषियों के रूप में, आत्मसंयम से युक्त होकर उन्होंने अत्यंत कठोर तप किया।

श्लोक 10 (bhagavata.1.3.10)

पञ्चमः कपिलो नाम सिद्धेशः कालविप्लुतम् । प्रोवाचासुरये साङ्ख्यं तत्त्वग्रामविनिर्णयम् ॥ 3.10 ॥

pañcamaḥ kapilo nāma siddheśaḥ kāla-viplutam provācāsuraye sāṅkhyaṁ tattva-grāma-vinirṇayam

पाँचवें अवतार में सिद्धेश्वर कपिल ने, जो नाम से कपिल कहलाए, कालक्रम में लुप्त हो चुके तत्त्वों के निर्णायक सांख्य-शास्त्र का उपदेश आसुरि को दिया।

श्लोक 11 (bhagavata.1.3.11)

षष्ठमत्रेरपत्यत्वं वृतः प्राप्तोऽनसूयया । आन्वीक्षिकीमलर्काय प्रह्लादादिभ्य ऊचिवान् ॥ 3.11 ॥

ṣaṣṭham atrer apatyatvaṁ vṛtaḥ prāpto ’nasūyayā ānvīkṣikīm alarkāya prahlādādibhya ūcivān

छठे अवतार में अनसूया द्वारा वर माँगे जाने पर उनके पुत्र रूप में उत्पन्न होकर, उन्होंने अलर्क, प्रह्लाद आदि को आन्वीक्षिकी (आत्मविद्या) का उपदेश दिया।

श्लोक 12 (bhagavata.1.3.12)

ततः सप्तम आकूत्यां रुचेर्यज्ञोऽभ्यजायत । स यामाद्यैः सुरगणैरपात्स्वायम्भुवान्तरम् ॥ 3.12 ॥

tataḥ saptama ākūtyāṁ rucer yajño ’bhyajāyata sa yāmādyaiḥ sura-gaṇair apāt svāyambhuvāntaram

तत्पश्चात् सातवें अवतार में रुचि प्रजापति की पत्नी आकूति से यज्ञ नामक पुत्र उत्पन्न हुए; उन्होंने याम आदि देवगणों के साथ स्वायम्भुव मन्वन्तर की रक्षा की।

श्लोक 13 (bhagavata.1.3.13)

अष्टमे मेरुदेव्यां तु नाभेर्जात उरुक्रमः । दर्शयन् वर्त्म धीराणां सर्वाश्रमनमस्कृतम् ॥ 3.13 ॥

aṣṭame merudevyāṁ tu nābher jāta urukramaḥ darśayan vartma dhīrāṇāṁ sarvāśrama-namaskṛtam

आठवें अवतार में नाभि राजा की पत्नी मेरुदेवी से उत्पन्न होकर, महापराक्रमी ऋषभदेव ने धीर पुरुषों का वह मार्ग दिखाया, जिसे सभी आश्रमों द्वारा वन्दनीय माना जाता है।

श्लोक 14 (bhagavata.1.3.14)

ऋषिभिर्याचितो भेजे नवमं पार्थिवं वपुः । दुग्धेमामोषधीर्विप्रास्तेनायं स उशत्तमः ॥ 3.14 ॥

ṛṣibhir yācito bheje navamaṁ pārthivaṁ vapuḥ dugdhemām oṣadhīr viprās tenāyaṁ sa uśattamaḥ

हे विप्रो! ऋषियों की प्रार्थना पर नौवें अवतार में उन्होंने राजा (पृथु) का शरीर धारण किया और इस पृथ्वी से औषधियों का दोहन किया, जिससे यह अत्यंत सुंदर हो गई।

श्लोक 15 (bhagavata.1.3.15)

रूपं स जगृहे मात्स्यं चाक्षुषोदधिसम्प्लवे । नाव्यारोप्य महीमय्यामपाद्वैवस्वतं मनुम् ॥ 3.15 ॥

rūpaṁ sa jagṛhe mātsyaṁ cākṣuṣodadhi-samplave nāvy āropya mahī-mayyām apād vaivasvataṁ manum

चाक्षुष मन्वन्तर की प्रलय के समय उन्होंने मत्स्य-रूप धारण किया, और वैवस्वत मनु को पृथ्वीमय नौका पर बिठाकर उनकी रक्षा की।

श्लोक 16 (bhagavata.1.3.16)

सुरासुराणामुदधिं मथ्नतां मन्दराचलम् । दध्रे कमठरूपेण पृष्ठ एकादशे विभुः ॥ 3.16 ॥

surāsurāṇām udadhiṁ mathnatāṁ mandarācalam dadhre kamaṭha-rūpeṇa pṛṣṭha ekādaśe vibhuḥ

ग्यारहवें अवतार में सर्वव्यापी भगवान ने कच्छप-रूप धारण कर, समुद्र मंथन करते हुए देवताओं और असुरों के लिए मंदराचल पर्वत को अपनी पीठ पर धारण किया।

श्लोक 17 (bhagavata.1.3.17)

धान्वन्तरं द्वादशमं त्रयोदशममेव च । अपाययत्सुरानन्यान्मोहिन्या मोहयन् स्त्रिया ॥ 3.17 ॥

dhānvantaraṁ dvādaśamaṁ trayodaśamam eva ca apāyayat surān anyān mohinyā mohayan striyā

बारहवाँ अवतार धन्वन्तरि के रूप में हुआ, और तेरहवें अवतार में उन्होंने मोहिनी-रूपी स्त्री बनकर अन्य असुरों को मोहित कर, देवताओं को अमृत पान कराया।

श्लोक 18 (bhagavata.1.3.18)

चतुर्दशं नारसिंहं बिभ्रद्दैत्येन्द्रमूर्जितम् । ददार करजैरूरावेरकां कटकृद्यथा ॥ 3.18 ॥

caturdaśaṁ nārasiṁhaṁ bibhrad daityendram ūrjitam dadāra karajair ūrāv erakāṁ kaṭa-kṛd yathā

चौदहवें अवतार में नृसिंह-रूप धारण कर उन्होंने बलशाली दैत्यराज हिरण्यकशिपु को अपने नखों से जांघ पर उसी प्रकार चीर डाला, जैसे चटाई बुनने वाला सरकंडे को चीरता है।

श्लोक 19 (bhagavata.1.3.19)

पञ्चदशं वामनकं कृत्वागादध्वरं बलेः । पदत्रयं याचमानः प्रत्यादित्सुस्त्रिपिष्टपम् ॥ 3.19 ॥

pañcadaśaṁ vāmanakaṁ kṛtvāgād adhvaraṁ baleḥ pada-trayaṁ yācamānaḥ pratyāditsus tri-piṣṭapam

पंद्रहवें अवतार में वामन का रूप धारण कर वे बलि के यज्ञ में गए, और तीन पग भूमि माँगते हुए, वस्तुतः त्रिलोक को (देवताओं को) पुनः लौटाने की इच्छा रखते थे।

श्लोक 20 (bhagavata.1.3.20)

अवतारे षोडशमे पश्यन् ब्रह्मद्रुहो नृपान् । त्रिःसप्तकृत्वः कुपितो निःक्षत्रामकरोन्महीम् ॥ 3.20 ॥

avatāre ṣoḍaśame paśyan brahma-druho nṛpān triḥ-sapta-kṛtvaḥ kupito niḥ-kṣatrām akaron mahīm

सोलहवें अवतार में ब्राह्मणों के द्रोही राजाओं को देखकर क्रुद्ध होकर उन्होंने इक्कीस बार पृथ्वी को क्षत्रियों से रहित कर दिया।

श्लोक 21 (bhagavata.1.3.21)

ततः सप्तदशे जातः सत्यवत्यां पराशरात् । चक्रे वेदतरोः शाखा दृष्ट्वा पुंसोऽल्पमेधसः ॥ 3.21 ॥

tataḥ saptadaśe jātaḥ satyavatyāṁ parāśarāt cakre veda-taroḥ śākhā dṛṣṭvā puṁso ’lpa-medhasaḥ

तत्पश्चात् सत्रहवें अवतार में पराशर मुनि द्वारा सत्यवती के गर्भ से जन्म लेकर, मनुष्यों को अल्पबुद्धि देखकर उन्होंने वेदरूपी वृक्ष की अनेक शाखाएँ बनाईं।

श्लोक 22 (bhagavata.1.3.22)

नरदेवत्वमापन्नः सुरकार्यचिकीर्षया । समुद्रनिग्रहादीनि चक्रे वीर्याण्यतः परम् ॥ 3.22 ॥

nara-devatvam āpannaḥ sura-kārya-cikīrṣayā samudra-nigrahādīni cakre vīryāṇy ataḥ param

अठारहवें अवतार में मनुष्यों के राजा (श्रीराम) का रूप धारण कर, देवताओं का कार्य सिद्ध करने की इच्छा से उन्होंने समुद्र को वश में करने आदि पराक्रम किए।

श्लोक 23 (bhagavata.1.3.23)

एकोनविंशे विंशतिमे वृष्णिषु प्राप्य जन्मनी । रामकृष्णाविति भुवो भगवानहरद्भरम् ॥ 3.23 ॥

ekonaviṁśe viṁśatime vṛṣṇiṣu prāpya janmanī rāma-kṛṣṇāv iti bhuvo bhagavān aharad bharam

उन्नीसवें और बीसवें अवतार में वृष्णि-वंश में बलराम और कृष्ण के रूप में जन्म लेकर भगवान ने पृथ्वी का भार हरण किया।

श्लोक 24 (bhagavata.1.3.24)

ततः कलौ सम्प्रवृत्ते सम्मोहाय सुरद्विषाम् । बुद्धो नाम्नाञ्जनसुतः कीकटेषु भविष्यति ॥ 3.24 ॥

tataḥ kalau sampravṛtte sammohāya sura-dviṣām buddho nāmnāñjana-sutaḥ kīkaṭeṣu bhaviṣyati

तत्पश्चात् कलियुग के आरंभ होने पर देवद्रोहियों को मोहित करने के लिए वे कीकट देश में अंजना के पुत्र बुद्ध नाम से प्रकट होंगे।

श्लोक 25 (bhagavata.1.3.25)

अथासौ युगसन्ध्यायां दस्युप्रायेषु राजसु । जनिता विष्णुयशसो नाम्ना कल्किर्जगत्पतिः ॥ 3.25 ॥

athāsau yuga-sandhyāyāṁ dasyu-prāyeṣu rājasu janitā viṣṇu-yaśaso nāmnā kalkir jagat-patiḥ

फिर युग-संधि के समय, जब राजा प्रायः लुटेरे हो जाएँगे, तब जगत्पति भगवान विष्णुयश के पुत्र के रूप में कल्कि नाम से जन्म लेंगे।

श्लोक 26 (bhagavata.1.3.26)

अवतारा ह्यसङ्ख्येया हरेः सत्त्वनिधेर्द्विजाः । यथाविदासिनः कुल्याः सरसः स्युः सहस्रशः ॥ 3.26 ॥

avatārā hy asaṅkhyeyā hareḥ sattva-nidher dvijāḥ yathāvidāsinaḥ kulyāḥ sarasaḥ syuḥ sahasraśaḥ

हे द्विजो! सत्त्व के अक्षय भंडार हरि के अवतार असंख्य हैं, ठीक वैसे ही जैसे अक्षय सरोवर से सहस्रों नदियाँ अविरल प्रवाहित होती रहती हैं।

श्लोक 27 (bhagavata.1.3.27)

ऋषयो मनवो देवा मनुपुत्रा महौजसः । कलाः सर्वे हरेरेव सप्रजापतयः स्मृताः ॥ 3.27 ॥

ṛṣayo manavo devā manu-putrā mahaujasaḥ kalāḥ sarve harer eva saprajāpatayaḥ smṛtāḥ

ऋषिगण, मनु, देवता तथा महान तेजस्वी मनु-पुत्र — ये सभी, प्रजापतियों सहित, हरि के ही अंश माने गए हैं।

श्लोक 28 (bhagavata.1.3.28)

एते चांशकलाः पुंसः कृष्णस्तु भगवान् स्वयम् । इन्द्रारिव्याकुलं लोकं मृडयन्ति युगे युगे ॥ 3.28 ॥

ete cāṁśa-kalāḥ puṁsaḥ kṛṣṇas tu bhagavān svayam indrāri-vyākulaṁ lokaṁ mṛḍayanti yuge yuge

ये सब उस परम पुरुष के अंश और कलाएँ हैं, किन्तु कृष्ण स्वयं भगवान हैं। वे युग-युग में इन्द्र के शत्रुओं से व्याकुल संसार को सुख प्रदान करते हैं।

श्लोक 29 (bhagavata.1.3.29)

जन्म गुह्यं भगवतो य एतत्प्रयतो नरः । सायं प्रातर्गृणन् भक्त्या दुःखग्रामाद्विमुच्यते ॥ 3.29 ॥

janma guhyaṁ bhagavato ya etat prayato naraḥ sāyaṁ prātar gṛṇan bhaktyā duḥkha-grāmād vimucyate

जो साधनापूर्ण मनुष्य भगवान के इस गुह्य जन्म-वृत्तांत का प्रातः-सायं भक्तिपूर्वक पाठ करता है, वह समस्त दुखों के समूह से मुक्त हो जाता है।

श्लोक 30 (bhagavata.1.3.30)

एतद्रूपं भगवतो ह्यरूपस्य चिदात्मनः । मायागुणैर्विरचितं महदादिभिरात्मनि ॥ 3.30 ॥

etad rūpaṁ bhagavato hy arūpasya cid-ātmanaḥ māyā-guṇair viracitaṁ mahadādibhir ātmani

भगवान वस्तुतः अरूप तथा चिन्मय स्वरूप हैं; यह रूप उन्होंने अपने भीतर महत्तत्व आदि मायागुणों द्वारा रचा है।

श्लोक 31 (bhagavata.1.3.31)

यथा नभसि मेघौघो रेणुर्वा पार्थिवोऽनिले । एवं द्रष्टरि दृश्यत्वमारोपितमबुद्धिभिः ॥ 3.31 ॥

yathā nabhasi meghaugho reṇur vā pārthivo ’nile evaṁ draṣṭari dṛśyatvam āropitam abuddhibhiḥ

जिस प्रकार आकाश पर बादलों का समूह या वायु पर धूलिकण आरोपित किया जाता है, उसी प्रकार अज्ञानी जन दृश्यत्व को द्रष्टा (आत्मा) पर आरोपित कर देते हैं।

श्लोक 32 (bhagavata.1.3.32)

अतः परं यदव्यक्तमव्यूढगुणबृंहितम् । अदृष्टाश्रुतवस्तुत्वात्स जीवो यत्पुनर्भवः ॥ 3.32 ॥

ataḥ paraṁ yad avyaktam avyūḍha-guṇa-bṛṁhitam adṛṣṭāśruta-vastutvāt sa jīvo yat punar-bhavaḥ

इससे परे वह अव्यक्त तत्त्व है, जो अविकसित गुणों से समृद्ध है; अदृष्ट और अश्रुत वस्तु होने के कारण, वही जीव है, जिसके कारण पुनर्जन्म होता है।

श्लोक 33 (bhagavata.1.3.33)

यत्रेमे सदसद्रूपे प्रतिषिद्धे स्वसंविदा । अविद्ययात्मनि कृते इति तद्ब्रह्मदर्शनम् ॥ 3.33 ॥

yatreme sad-asad-rūpe pratiṣiddhe sva-saṁvidā avidyayātmani kṛte iti tad brahma-darśanam

जब अविद्या द्वारा आत्मा पर आरोपित ये सत् (स्थूल) और असत् (सूक्ष्म) दोनों रूप अपने ही स्वसंवेदन-ज्ञान से निषिद्ध हो जाते हैं, तभी वह ब्रह्मदर्शन कहलाता है।

श्लोक 34 (bhagavata.1.3.34)

यद्येषोपरता देवी माया वैशारदी मतिः । सम्पन्न एवेति विदुर्महिम्नि स्वे महीयते ॥ 3.34 ॥

yady eṣoparatā devī māyā vaiśāradī matiḥ sampanna eveti vidur mahimni sve mahīyate

जब यह दिव्य माया शांत हो जाती है और बुद्धि विशारद (परिपक्व) हो जाती है, तब ज्ञानीजन उसे सिद्ध हुआ मानते हैं, और वह अपनी ही महिमा में प्रतिष्ठित हो जाता है।

श्लोक 35 (bhagavata.1.3.35)

एवं जन्मानि कर्माणि ह्यकर्तुरजनस्य च । वर्णयन्ति स्म कवयो वेदगुह्यानि हृत्पतेः ॥ 3.35 ॥

evaṁ janmāni karmāṇi hy akartur ajanasya ca varṇayanti sma kavayo veda-guhyāni hṛt-pateḥ

इस प्रकार विद्वानजन उन अकर्ता और अजन्मा हृदयेश्वर भगवान के जन्मों और कर्मों का वर्णन करते हैं, जो वेदों में भी गुह्य माने गए हैं।

श्लोक 36 (bhagavata.1.3.36)

स वा इदं विश्वममोघलीलः सृजत्यवत्यत्ति न सज्जतेऽस्मिन् । भूतेषु चान्तर्हित आत्मतन्त्रः षाड्वर्गिकं जिघ्रति षड्गुणेशः ॥ 3.36 ॥

sa vā idaṁ viśvam amogha-līlaḥ sṛjaty avaty atti na sajjate ’smin bhūteṣu cāntarhita ātma-tantraḥ ṣāḍ-vargikaṁ jighrati ṣaḍ-guṇeśaḥ

वे ही, जिनकी लीला कभी निष्फल नहीं होती, इस विश्व की सृष्टि, पालन और संहार करते हैं, फिर भी इसमें आसक्त नहीं होते; सब प्राणियों में छिपे रहकर, स्वतंत्र तथा षड्गुणों के स्वामी वे षड्वर्ग (विषयों) का आस्वादन करते हैं।

श्लोक 37 (bhagavata.1.3.37)

न चास्य कश्चिन्निपुणेन धातु- रवैति जन्तुः कुमनीष ऊतीः । नामानि रूपाणि मनोवचोभिः सन्तन्वतो नटचर्यामिवाज्ञः ॥ 3.37 ॥

na cāsya kaścin nipuṇena dhātur avaiti jantuḥ kumanīṣa ūtīḥ nāmāni rūpāṇi mano-vacobhiḥ santanvato naṭa-caryām ivājñaḥ

उस विधाता की गतिविधियों को, जो मन और वाणी के द्वारा नामों और रूपों का विस्तार करते हुए एक नट के समान लीला करते हैं, कोई भी कुबुद्धि प्राणी अपने कुशल प्रयत्न से भी नहीं जान सकता।

श्लोक 38 (bhagavata.1.3.38)

स वेद धातुः पदवीं परस्य दुरन्तवीर्यस्य रथाङ्गपाणेः । योऽमायया सन्ततयानुवृत्त्या भजेत तत्पादसरोजगन्धम् ॥ 3.38 ॥

sa veda dhātuḥ padavīṁ parasya duranta-vīryasya rathāṅga-pāṇeḥ yo ’māyayā santatayānuvṛttyā bhajeta tat-pāda-saroja-gandham

जो व्यक्ति निष्कपट और अविच्छिन्न भक्ति से उन चक्रधारी, अनन्त पराक्रमी परम विधाता के चरण-कमलों की सुगंध का सेवन करता है, वही उनका मार्ग जान पाता है।

श्लोक 39 (bhagavata.1.3.39)

अथेह धन्या भगवन्त इत्थं यद्वासुदेवेऽखिललोकनाथे । कुर्वन्ति सर्वात्मकमात्मभावं न यत्र भूयः परिवर्त उग्रः ॥ 3.39 ॥

atheha dhanyā bhagavanta itthaṁ yad vāsudeve ’khila-loka-nāthe kurvanti sarvātmakam ātma-bhāvaṁ na yatra bhūyaḥ parivarta ugraḥ

इस लोक में वे भाग्यशाली महापुरुष धन्य हैं, जो समस्त लोकों के स्वामी वासुदेव के प्रति अपनी सम्पूर्ण आत्मभावना समर्पित कर देते हैं, जहाँ फिर उस भयंकर संसार-चक्र में लौटना नहीं होता।

श्लोक 40 (bhagavata.1.3.40)

इदं भागवतं नाम पुराणं ब्रह्मसम्मितम् । उत्तमश्लोकचरितं चकार भगवानृषिः । निःश्रेयसाय लोकस्य धन्यं स्वस्त्ययनं महत् ॥ 3.40 ॥

idaṁ bhāgavataṁ nāma purāṇaṁ brahma-sammitam uttama-śloka-caritaṁ cakāra bhagavān ṛṣiḥ niḥśreyasāya lokasya dhanyaṁ svasty-ayanaṁ mahat

इस भागवत नामक पुराण की, जो ब्रह्म (वेद) के समान है और जिसमें उत्तमश्लोक भगवान के चरित्र का वर्णन है, रचना भगवान ऋषि (वेदव्यास) ने की — जो लोक के परम कल्याण, धन्यता तथा महान मंगल का साधन है।

श्लोक 41 (bhagavata.1.3.41)

तदिदं ग्राहयामास सुतमात्मवतां वरम् । सर्ववेदेतिहासानां सारं सारं समुद्धृतम् ॥ 3.41 ॥

tad idaṁ grāhayām āsa sutam ātmavatāṁ varam sarva-vedetihāsānāṁ sāraṁ sāraṁ samuddhṛtam

समस्त वेदों और इतिहासों के सार में से भी सार निकालकर उन्होंने यह ग्रंथ आत्मज्ञानियों में श्रेष्ठ अपने पुत्र (शुकदेव) को ग्रहण कराया।

श्लोक 42 (bhagavata.1.3.42)

स तु संश्रावयामास महाराजं परीक्षितम् । प्रायोपविष्टं गङ्गायां परीतं परमर्षिभिः ॥ 3.42 ॥

sa tu saṁśrāvayām āsa mahārājaṁ parīkṣitam prāyopaviṣṭaṁ gaṅgāyāṁ parītaṁ paramarṣibhiḥ

उन्होंने (शुकदेव ने) इसे महाराज परीक्षित को सुनाया, जो गंगा तट पर प्रायोपवेशन (अन्न-जल त्याग) किए हुए, महर्षियों से घिरे बैठे थे।

श्लोक 43 (bhagavata.1.3.43)

कृष्णे स्वधामोपगते धर्मज्ञानादिभिः सह । कलौ नष्टदृशामेष पुराणार्कोऽधुनोदितः ॥ 3.43 ॥

kṛṣṇe sva-dhāmopagate dharma-jñānādibhiḥ saha kalau naṣṭa-dṛśām eṣa purāṇārko ’dhunoditaḥ

कृष्ण के धर्म, ज्ञान आदि सहित अपने धाम को पधार जाने पर, कलियुग में जिनकी दृष्टि नष्ट हो चुकी है, उनके लिए यह पुराण-रूपी सूर्य अब उदित हुआ है।

श्लोक 44 (bhagavata.1.3.44)

तत्र कीर्तयतो विप्रा विप्रर्षेर्भूरितेजसः । अहं चाध्यगमं तत्र निविष्टस्तदनुग्रहात् । सोऽहं वः श्रावयिष्यामि यथाधीतं यथामति ॥ 3.44 ॥

tatra kīrtayato viprā viprarṣer bhūri-tejasaḥ ahaṁ cādhyagamaṁ tatra niviṣṭas tad-anugrahāt so ’haṁ vaḥ śrāvayiṣyāmi yathādhītaṁ yathā-mati

हे विप्रो! वहाँ अत्यंत तेजस्वी विप्रर्षि (शुकदेव) के कीर्तन करते समय मैं भी वहीं बैठा उनकी कृपा से इसे सीख गया; अब वही मैं आपको, जैसा मैंने सीखा और जैसी मेरी बुद्धि है, वैसा ही सुनाऊँगा।