नारद का वसुदेव को उपदेश: निमि और नवयोगेन्द्र

श्लोक 1 (bhagavata.11.2.1)

श्रीशुक उवाच गोविन्दभुजगुप्तायां द्वारवत्यां कुरूद्वह । अवात्सीन्नारदोऽभीक्ष्णं कृष्णोपासनलालसः ॥ 2.1 ॥

śrī-śuka uvāca govinda-bhuja-guptāyāṁ dvāravatyāṁ kurūdvaha avātsīn nārado ’bhīkṣṇaṁ kṛṣṇopāsana-lālasaḥ

श्री शुक ने कहा — हे कुरुश्रेष्ठ! कृष्ण की उपासना के लिए सदैव लालायित नारद, गोविन्द की भुजाओं से रक्षित द्वारका नगरी में बार-बार निवास करते थे।

श्लोक 2 (bhagavata.11.2.2)

को नु राजन्निन्द्रियवान् मुकुन्दचरणाम्बुजम् । न भजेत् सर्वतोमृत्युरुपास्यममरोत्तमैः ॥ 2.2 ॥

ko nu rājann indriyavān mukunda-caraṇāmbujam na bhajet sarvato-mṛtyur upāsyam amarottamaiḥ

हे राजन्! समस्त दिशाओं से मृत्यु से घिरे हुए, इन्द्रिययुक्त प्राणियों में ऐसा कौन है जो मुकुन्द के उन चरण-कमलों की उपासना न करे, जो श्रेष्ठ अमरों द्वारा भी उपास्य हैं?

श्लोक 3 (bhagavata.11.2.3)

तमेकदा तु देवर्षिं वसुदेवो गृहागतम् । अर्चितं सुखमासीनमभिवाद्येदमब्रवीत् ॥ 2.3 ॥

tam ekadā tu devarṣiṁ vasudevo gṛhāgatam arcitaṁ sukham āsīnam abhivādyedam abravīt

एक दिन देवर्षि नारद के अपने घर पधारने पर वसुदेव ने उनकी पूजा की, उन्हें सुखपूर्वक आसन पर बिठाया, प्रणाम करके यह कहा।

श्लोक 4 (bhagavata.11.2.4)

श्रीवसुदेव उवाच भगवन् भवतो यात्रा स्वस्तये सर्वदेहिनाम् । कृपणानां यथा पित्रोरुत्तमश्लोकवर्त्मनाम् ॥ 2.4 ॥

śrī-vasudeva uvāca bhagavan bhavato yātrā svastaye sarva-dehinām kṛpaṇānāṁ yathā pitror uttama-śloka-vartmanām

श्री वसुदेव ने कहा — हे भगवन्! आपका आगमन, पिता के समान, सभी देहधारियों के कल्याण के लिए होता है — दीन-हीन जनों के लिए भी और उत्तमश्लोक के मार्ग पर स्थित जनों के लिए भी।

श्लोक 5 (bhagavata.11.2.5)

भूतानां देवचरितं दुःखाय च सुखाय च । सुखायैव हि साधूनां त्वादृशामच्युतात्मनाम् ॥ 2.5 ॥

bhūtānāṁ deva-caritaṁ duḥkhāya ca sukhāya ca sukhāyaiva hi sādhūnāṁ tvādṛśām acyutātmanām

देवताओं का आचरण प्राणियों के लिए कभी दुःख और कभी सुख का कारण बनता है; किन्तु आप-जैसे साधुओं का आचरण, जिन्होंने अच्युत को ही अपना आत्मा बना लिया है, केवल सुख ही देता है।

श्लोक 6 (bhagavata.11.2.6)

भजन्ति ये यथा देवान् देवा अपि तथैव तान् । छायेव कर्मसचिवाः साधवो दीनवत्सलाः ॥ 2.6 ॥

bhajanti ye yathā devān devā api tathaiva tān chāyeva karma-sacivāḥ sādhavo dīna-vatsalāḥ

जो जैसे देवताओं को भजते हैं, देवता भी उनके साथ वैसा ही व्यवहार करते हैं — क्योंकि वे तो, छाया के समान, कर्म के अनुचर हैं; किन्तु साधुजन तो दीनों पर सचमुच वत्सल होते हैं।

श्लोक 7 (bhagavata.11.2.7)

ब्रह्मंस्तथापि पृच्छामो धर्मान् भागवतांस्तव । यान् श्रुत्वा श्रद्धया मर्त्यो मुच्यते सर्वतोभयात् ॥ 2.7 ॥

brahmaṁs tathāpi pṛcchāmo dharmān bhāgavatāṁs tava yān śrutvā śraddhayā martyo mucyate sarvato bhayāt

फिर भी, हे ब्रह्मन्! मैं आपसे उन भागवत-धर्मों के विषय में पूछता हूँ, जिन्हें श्रद्धापूर्वक सुनकर मरणधर्मा मनुष्य समस्त भय से मुक्त हो जाता है।

श्लोक 8 (bhagavata.11.2.8)

अहं किल पुरानन्तं प्रजार्थो भुवि मुक्तिदम् । अपूजयं न मोक्षाय मोहितो देवमायया ॥ 2.8 ॥

ahaṁ kila purānantaṁ prajārtho bhuvi mukti-dam apūjayaṁ na mokṣāya mohito deva-māyayā

बहुत पहले इस पृथ्वी पर, भगवान की माया से मोहित होकर, मैंने मुक्ति देने वाले अनन्त भगवान की उपासना की थी — परन्तु मोक्ष के लिए नहीं, केवल संतान की कामना से।

श्लोक 9 (bhagavata.11.2.9)

यथा विचित्रव्यसनाद् भवद्भिर्विश्वतोभयात् । मुच्येम ह्यञ्जसैवाद्धा तथा नः शाधि सुव्रत ॥ 2.9 ॥

yathā vicitra-vyasanād bhavadbhir viśvato-bhayāt mucyema hy añjasaivāddhā tathā naḥ śādhi su-vrata

हे सुव्रत! आप हमें ऐसा उपदेश दीजिए, जिससे हम आपके द्वारा इस विविध संकटों और चारों ओर से भयग्रस्त संसार से सुगमता से और सीधे मुक्त हो सकें।

श्लोक 10 (bhagavata.11.2.10)

श्रीशुक उवाच राजन्नेवं कृतप्रश्नो वसुदेवेन धीमता । प्रीतस्तमाह देवर्षिर्हरेः संस्मारितो गुणैः ॥ 2.10 ॥

śrī-śuka uvāca rājann evaṁ kṛta-praśno vasudevena dhīmatā prītas tam āha devarṣir hareḥ saṁsmārito guṇaiḥ

श्री शुक ने कहा — हे राजन्! बुद्धिमान वसुदेव द्वारा इस प्रकार पूछे जाने पर, हरि के गुणों का स्मरण हो आने से प्रसन्न हुए देवर्षि ने उनसे कहा।

श्लोक 11 (bhagavata.11.2.11)

श्रीनारद उवाच सम्यगेतद् व्यवसितं भवता सात्वतर्षभ । यत् पृच्छसे भागवतान् धर्मांस्त्वं विश्वभावनान् ॥ 2.11 ॥

śrī-nārada uvāca samyag etad vyavasitaṁ bhavatā sātvatarṣabha yat pṛcchase bhāgavatān dharmāṁs tvaṁ viśva-bhāvanān

श्री नारद ने कहा — हे सात्वतश्रेष्ठ! आपने यह भलीभाँति निश्चय किया है कि आप उन भागवत-धर्मों के विषय में पूछ रहे हैं, जो समस्त विश्व को पवित्र करने वाले हैं।

श्लोक 12 (bhagavata.11.2.12)

श्रुतोऽनुपठितो ध्यात आदृतो वानुमोदितः । सद्यः पुनाति सद्धर्मो देव विश्वद्रुहोऽपि हि ॥ 2.12 ॥

śruto ’nupaṭhito dhyāta ādṛto vānumoditaḥ sadyaḥ punāti sad-dharmo deva-viśva-druho ’pi hi

यह सद्धर्म — चाहे सुना जाए, फिर कहा जाए, ध्यान किया जाए, श्रद्धापूर्वक स्वीकार किया जाए, अथवा दूसरे द्वारा किए जाने पर केवल अनुमोदित ही किया जाए — देवताओं और संसार से द्वेष रखने वाले को भी तत्काल पवित्र कर देता है।

श्लोक 13 (bhagavata.11.2.13)

त्वया परमकल्याणः पुण्यश्रवणकीर्तनः । स्मारितो भगवानद्य देवो नारायणो मम ॥ 2.13 ॥

tvayā parama-kalyāṇaḥ puṇya-śravaṇa-kīrtanaḥ smārito bhagavān adya devo nārāyaṇo mama

आज आपके द्वारा मुझे अपने भगवान का स्मरण हो आया — परम कल्याणकारी देव नारायण, जिनका श्रवण और कीर्तन ही परम पुण्यदायी है।

श्लोक 14 (bhagavata.11.2.14)

अत्राप्युदाहरन्तीममितिहासं पुरातनम् । आर्षभाणां च संवादं विदेहस्य महात्मनः ॥ 2.14 ॥

atrāpy udāharantīmam itihāsaṁ purātanam ārṣabhāṇāṁ ca saṁvādaṁ videhasya mahātmanaḥ

इस विषय में भी लोग इस प्राचीन इतिहास का उदाहरण देते हैं — ऋषभ-पुत्रों तथा महात्मा विदेह (राजा निमि) के बीच हुए संवाद का।

श्लोक 15 (bhagavata.11.2.15)

प्रियव्रतो नाम सुतो मनोः स्वायम्भुवस्य यः । तस्याग्नीध्रस्ततो नाभिऋर्षभस्तत्सुतः स्मृतः ॥ 2.15 ॥

priyavrato nāma suto manoḥ svāyambhuvasya yaḥ tasyāgnīdhras tato nābhir ṛṣabhas tat-sutaḥ smṛtaḥ

स्वायम्भुव मनु के प्रियव्रत नामक पुत्र थे; उनके पुत्र अग्नीध्र थे; उनसे नाभि हुए, जिनके पुत्र ऋषभ के नाम से स्मरण किए जाते हैं।

श्लोक 16 (bhagavata.11.2.16)

तमाहुर्वासुदेवांशं मोक्षधर्मविवक्षया । अवतीर्णं सुतशतं तस्यासीद् ब्रह्मपारगम् ॥ 2.16 ॥

tam āhur vāsudevāṁśaṁ mokṣa-dharma-vivakṣayā avatīrṇaṁ suta-śataṁ tasyāsīd brahma-pāragam

उन्हें वासुदेव के अंश के रूप में मोक्ष-धर्म का उपदेश देने हेतु अवतरित हुआ बताया जाता है; उनके सौ पुत्र थे, जो सभी वेदों के पारंगत विद्वान थे।

श्लोक 17 (bhagavata.11.2.17)

तेषां वै भरतो ज्येष्ठो नारायणपरायणः । विख्यातं वर्षमेतद् यन्नाम्ना भारतमद्भुतम् ॥ 2.17 ॥

teṣāṁ vai bharato jyeṣṭho nārāyaṇa-parāyaṇaḥ vikhyātaṁ varṣam etad yan- nāmnā bhāratam adbhutam

उनमें ज्येष्ठ भरत नारायण के प्रति पूर्णतः समर्पित थे; उन्हीं के नाम से यह अद्भुत भूमि भारतवर्ष के नाम से विख्यात हुई।

श्लोक 18 (bhagavata.11.2.18)

स भुक्तभोगां त्यक्त्वेमां निर्गतस्तपसा हरिम् । उपासीनस्तत्पदवीं लेभे वै जन्मभिस्त्रिभिः ॥ 2.18 ॥

sa bhukta-bhogāṁ tyaktvemāṁ nirgatas tapasā harim upāsīnas tat-padavīṁ lebhe vai janmabhis tribhiḥ

भोगे हुए सुखों वाली इस पृथ्वी को त्यागकर, घर से निकलकर तप द्वारा हरि की उपासना करते हुए, उन्होंने तीन जन्मों के पश्चात् उनके परम पद को प्राप्त किया।

श्लोक 19 (bhagavata.11.2.19)

तेषां नव नवद्वीपपतयोऽस्य समन्ततः । कर्मतन्त्रप्रणेतार एकाशीतिर्द्विजातयः ॥ 2.19 ॥

teṣāṁ nava nava-dvīpa- patayo ’sya samantataḥ karma-tantra-praṇetāra ekāśītir dvijātayaḥ

उनमें से नौ इस भूमि के नौ द्वीपों के चारों ओर के स्वामी बने; और इक्यासी द्विज कर्मकाण्ड के प्रवर्तक ब्राह्मण बने।

श्लोक 20 (bhagavata.11.2.20)

नवाभवन् महाभागा मुनयो ह्यर्थशंसिनः । श्रमणा वातरसना आत्मविद्याविशारदाः ॥ 2.20 ॥

navābhavan mahā-bhāgā munayo hy artha-śaṁsinaḥ śramaṇā vāta-rasanā ātma-vidyā-viśāradāḥ

और नौ पुत्र परम भाग्यशाली मुनि हुए, जो परमार्थ का प्रवचन करने वाले, कठोर साधना में रत, दिगम्बर (वायु ही जिनका वस्त्र था) तथा आत्मविद्या में निपुण थे।

श्लोक 21 (bhagavata.11.2.21)

कविर्हविरन्तरीक्षः प्रबुद्धः पिप्पलायनः । आविर्होत्रोऽथ द्रुमिलश्चमसः करभाजनः ॥ 2.21 ॥

kavir havir antarīkṣaḥ prabuddhaḥ pippalāyanaḥ āvirhotro ’tha drumilaś camasaḥ karabhājanaḥ

कवि, हवि, अन्तरीक्ष, प्रबुद्ध, पिप्पलायन, आविर्होत्र, द्रुमिल, चमस और करभाजन — ये उनके नाम थे।

श्लोक 22 (bhagavata.11.2.22)

त एते भगवद्रूपं विश्वं सदसदात्मकम् । आत्मनोऽव्यतिरेकेण पश्यन्तो व्यचरन् महीम् ॥ 2.22 ॥

ta ete bhagavad-rūpaṁ viśvaṁ sad-asad-ātmakam ātmano ’vyatirekeṇa paśyanto vyacaran mahīm

ये सभी इस समस्त स्थूल-सूक्ष्मात्मक विश्व को भगवान का ही रूप और आत्मा से अभिन्न देखते हुए पृथ्वी पर विचरण करते थे।

श्लोक 23 (bhagavata.11.2.23)

अव्याहतेष्टगतयः सुरसिद्धसाध्य- गन्धर्वयक्षनरकिन्नरनागलोकान् । मुक्ताश्चरन्ति मुनिचारणभूतनाथ- विद्याधरद्विजगवां भुवनानि कामम् ॥ 2.23 ॥

avyāhateṣṭa-gatayaḥ sura-siddha-sādhya- gandharva-yakṣa-nara-kinnara-nāga-lokān muktāś caranti muni-cāraṇa-bhūtanātha- vidyādhara-dvija-gavāṁ bhuvanāni kāmam

मुक्त होकर वे अबाध गति से जहाँ चाहते वहाँ विचरण करते हुए देवताओं, सिद्धों, साध्यों, गन्धर्वों, यक्षों, मनुष्यों, किन्नरों और नागों के लोकों में, तथा इच्छानुसार मुनियों, चारणों, शिव के गणों, विद्याधरों, ब्राह्मणों और गौओं के लोकों में भी भ्रमण करते थे।

श्लोक 24 (bhagavata.11.2.24)

त एकदा निमेः सत्रमुपजग्मुर्यदृच्छया । वितायमानमृषिभिरजनाभे महात्मनः ॥ 2.24 ॥

ta ekadā nimeḥ satram upajagmur yadṛcchayā vitāyamānam ṛṣibhir ajanābhe mahātmanaḥ

एक बार यूँ ही विचरण करते हुए वे उस अजनाभ-भूमि में पहुँचे, जहाँ महात्मा निमि का यज्ञ ऋषियों द्वारा सम्पन्न किया जा रहा था।

श्लोक 25 (bhagavata.11.2.25)

तान् दृष्ट्वा सूर्यसङ्काशान् महाभागवतान् नृप । यजमानोऽग्नयो विप्राः सर्व एवोपतस्थिरे ॥ 2.25 ॥

tān dṛṣṭvā sūrya-saṅkāśān mahā-bhāgavatān nṛpa yajamāno ’gnayo viprāḥ sarva evopatasthire

हे राजन्! सूर्य के समान तेजस्वी उन महाभागवतों को देखकर यजमान, अग्नियाँ और ब्राह्मण — सभी सम्मान में खड़े हो गए।

श्लोक 26 (bhagavata.11.2.26)

विदेहस्तानभिप्रेत्य नारायणपरायणान् । प्रीतः सम्पूजयां चक्रे आसनस्थान् यथार्हतः ॥ 2.26 ॥

videhas tān abhipretya nārāyaṇa-parāyaṇān prītaḥ sampūjayāṁ cakre āsana-sthān yathārhataḥ

उन्हें नारायण के परायण भक्त पहचानकर राजा विदेह ने प्रसन्न होकर आसन पर बैठे हुए उनका यथोचित पूजन किया।

श्लोक 27 (bhagavata.11.2.27)

तान् रोचमानान् स्वरुचा ब्रह्मपुत्रोपमान् नव । पप्रच्छ परमप्रीतः प्रश्रयावनतो नृपः ॥ 2.27 ॥

tān rocamānān sva-rucā brahma-putropamān nava papraccha parama-prītaḥ praśrayāvanato nṛpaḥ

अत्यंत प्रसन्न होकर, विनम्रतापूर्वक झुके हुए राजा ने अपने ही तेज से चमकते और ब्रह्मा के पुत्रों के समान प्रतीत होते उन नौ ऋषियों से प्रश्न किया।

श्लोक 28 (bhagavata.11.2.28)

श्रीविदेह उवाच मन्ये भगवतः साक्षात् पार्षदान् वो मधुद्विषः । विष्णोर्भूतानि लोकानां पावनाय चरन्ति हि ॥ 2.28 ॥

śrī-videha uvāca manye bhagavataḥ sākṣāt pārṣadān vo madhu-dvisaḥ viṣṇor bhūtāni lokānāṁ pāvanāya caranti hi

श्री विदेह ने कहा — मैं आप सबको मधुसूदन भगवान के साक्षात् पार्षद मानता हूँ; निश्चय ही विष्णु के सेवक लोकों को पवित्र करने के लिए ही विचरण करते हैं।

श्लोक 29 (bhagavata.11.2.29)

दुर्लभो मानुषो देहो देहिनां क्षणभङ्गुरः । तत्रापि दुर्लभं मन्ये वैकुण्ठप्रियदर्शनम् ॥ 2.29 ॥

durlabho mānuṣo deho dehināṁ kṣaṇa-bhaṅguraḥ tatrāpi durlabhaṁ manye vaikuṇṭha-priya-darśanam

देहधारियों के लिए मनुष्य-देह अत्यंत दुर्लभ है और क्षणभंगुर भी; और मैं मानता हूँ कि उस देह को पाकर भी वैकुण्ठपति के प्रिय भक्तों का दर्शन उससे भी दुर्लभ है।

श्लोक 30 (bhagavata.11.2.30)

अत आत्यन्तिकं क्षेमं पृच्छामो भवतोऽनघाः । संसारेऽस्मिन् क्षणार्धोऽपि सत्सङ्गः शेवधिर्नृणाम् ॥ 2.30 ॥

ata ātyantikaṁ kṣemaṁ pṛcchāmo bhavato ’naghāḥ saṁsāre ’smin kṣaṇārdho ’pi sat-saṅgaḥ śevadhir nṛṇām

अतः, हे निष्पाप ऋषियो! मैं आपसे परम कल्याण के विषय में पूछता हूँ; क्योंकि इस संसार में आधे क्षण का भी सत्संग मनुष्यों के लिए एक कोष के समान है।

श्लोक 31 (bhagavata.11.2.31)

धर्मान् भागवतान् ब्रूत यदि नः श्रुतये क्षमम् । यैः प्रसन्नः प्रपन्नाय दास्यत्यात्मानमप्यजः ॥ 2.31 ॥

dharmān bhāgavatān brūta yadi naḥ śrutaye kṣamam yaiḥ prasannaḥ prapannāya dāsyaty ātmānam apy ajaḥ

यदि आप मुझे सुनने योग्य समझें, तो मुझे भागवत-धर्मों के विषय में बताइए, जिनसे प्रसन्न होकर अजन्मा भगवान शरणागत को अपना आप ही दे देते हैं।

श्लोक 32 (bhagavata.11.2.32)

श्रीनारद उवाच एवं ते निमिना पृष्टा वसुदेव महत्तमाः । प्रतिपूज्याब्रुवन् प्रीत्या ससदस्यर्त्विजं नृपम् ॥ 2.32 ॥

śrī-nārada uvāca evaṁ te niminā pṛṣṭā vasudeva mahattamāḥ pratipūjyābruvan prītyā sa-sadasyartvijaṁ nṛpam

श्री नारद ने कहा — हे वसुदेव! निमि द्वारा इस प्रकार पूछे जाने पर वे महापुरुष उनका सम्मान करते हुए सभासदों और ऋत्विजों सहित राजा से स्नेहपूर्वक बोले।

श्लोक 33 (bhagavata.11.2.33)

श्रीकविरुवाच मन्येऽकुतश्चिद्भयमच्युतस्य पादाम्बुजोपासनमत्र नित्यम् । उद्विग्नबुद्धेरसदात्मभावाद् विश्वात्मना यत्र निवर्तते भीः ॥ 2.33 ॥

śrī-kavir uvāca manye ’kutaścid-bhayam acyutasya pādāmbujopāsanam atra nityam udvigna-buddher asad-ātma-bhāvād viśvātmanā yatra nivartate bhīḥ

श्री कवि ने कहा — मेरी दृष्टि में इस संसार में अच्युत के चरण-कमलों की नित्य उपासना ही सर्वथा निर्भयता है; क्योंकि जिसकी बुद्धि असत् को आत्मा मानने से व्याकुल है, उसका भय इसी उपासना में पूर्णतः शांत हो जाता है।

श्लोक 34 (bhagavata.11.2.34)

ये वै भगवता प्रोक्ता उपाया ह्यात्मलब्धये । अञ्जः पुंसामविदुषां विद्धि भागवतान् हि तान् ॥ 2.34 ॥

ye vai bhagavatā proktā upāyā hy ātma-labdhaye añjaḥ puṁsām aviduṣāṁ viddhi bhāgavatān hi tān

जान लीजिए कि भगवान द्वारा स्वयं बताए गए वे साधन, जिनसे अज्ञानी पुरुष भी सुगमता से आत्मा को प्राप्त कर सकते हैं, भागवत-धर्म कहलाते हैं।

श्लोक 35 (bhagavata.11.2.35)

यानास्थाय नरो राजन् न प्रमाद्येत कर्हिचित् । धावन् निमील्य वा नेत्रे न स्खलेन्न पतेदिह ॥ 2.35 ॥

yān āsthāya naro rājan na pramādyeta karhicit dhāvan nimīlya vā netre na skhalen na pated iha

हे राजन्! इन साधनों का आश्रय लेकर मनुष्य कभी भ्रमित नहीं होता; वह नेत्र मूँदकर दौड़ने पर भी इस मार्ग में न तो लड़खड़ाता है और न गिरता है।

श्लोक 36 (bhagavata.11.2.36)

कायेन वाचा मनसेन्द्रियैर्वा बुद्ध्यात्मना वानुसृतस्वभावात् । करोति यद् यत् सकलं परस्मै नारायणायेति समर्पयेत्तत् ॥ 2.36 ॥

kāyena vācā manasendriyair vā buddhyātmanā vānusṛta-svabhāvāt karoti yad yat sakalaṁ parasmai nārāyaṇāyeti samarpayet tat

शरीर, वाणी, मन, इन्द्रियों, बुद्धि अथवा शुद्ध चित्त से, अपनी प्रकृति के अनुसार जो कुछ भी किया जाए, वह सब यह सोचकर परमेश्वर को समर्पित कर देना चाहिए कि "यह नारायण के लिए है।"

श्लोक 37 (bhagavata.11.2.37)

भयं द्वितीयाभिनिवेशतः स्या- दीशादपेतस्य विपर्ययोऽस्मृतिः । तन्माययातो बुध आभजेत्तं भक्त्यैकयेशं गुरुदेवतात्मा ॥ 2.37 ॥

bhayaṁ dvitīyābhiniveśataḥ syād īśād apetasya viparyayo ’smṛtiḥ tan-māyayāto budha ābhajet taṁ bhaktyaikayeśaṁ guru-devatātmā

भय द्वैत में आसक्ति से उत्पन्न होता है; ईश्वर से विमुख हुए के लिए यही उनकी माया द्वारा भ्रम और विस्मृति बन जाता है। अतः बुद्धिमान पुरुष को चाहिए कि गुरु को ही अपना देवता और आत्मा मानकर एकनिष्ठ भक्ति से उस ईश्वर की उपासना करे।

श्लोक 38 (bhagavata.11.2.38)

अविद्यमानोऽप्यवभाति हि द्वयो ध्यातुर्धिया स्वप्नमनोरथौ यथा । तत् कर्मसङ्कल्पविकल्पकं मनो बुधो निरुन्ध्यादभयं ततः स्यात् ॥ 2.38 ॥

avidyamāno ’py avabhāti hi dvayo dhyātur dhiyā svapna-manorathau yathā tat karma-saṅkalpa-vikalpakaṁ mano budho nirundhyād abhayaṁ tataḥ syāt

जैसे स्वप्न अथवा मनोरथ चिन्तन करने वाले की बुद्धि को यथार्थ प्रतीत होता है, यद्यपि वह वस्तुतः नहीं है, वैसे ही यह द्वैत भी, अविद्यमान होते हुए भी, प्रतीत होता है। अतः बुद्धिमान पुरुष को उस मन का निरोध करना चाहिए, जो कर्म के प्रति संकल्प-विकल्प करता है; तभी निर्भयता प्राप्त होती है।

श्लोक 39 (bhagavata.11.2.39)

शृण्वन् सुभद्राणि रथाङ्गपाणे- र्जन्मानि कर्माणि च यानि लोके । गीतानि नामानि तदर्थकानि गायन् विलज्जो विचरेदसङ्गः ॥ 2.39 ॥

śṛṇvan su-bhadrāṇi rathāṅga-pāṇer janmāni karmāṇi ca yāni loke gītāni nāmāni tad-arthakāni gāyan vilajjo vicared asaṅgaḥ

संसार में गाए जाने वाले, चक्रधारी भगवान के परम मंगलमय जन्मों और कर्मों को सुनते हुए, तथा उनका अर्थ प्रकट करने वाले नामों का गान करते हुए, मनुष्य को निर्लज्ज होकर और अनासक्त होकर विचरण करना चाहिए।

श्लोक 40 (bhagavata.11.2.40)

एवंव्रतः स्वप्रियनामकीर्त्या जातानुरागो द्रुतचित्त उच्चैः । हसत्यथो रोदिति रौति गाय- त्युन्मादवन्नृत्यति लोकबाह्यः ॥ 2.40 ॥

evaṁ-vrataḥ sva-priya-nāma-kīrtyā jātānurāgo druta-citta uccaiḥ hasaty atho roditi rauti gāyaty unmāda-van nṛtyati loka-bāhyaḥ

इस प्रकार व्रतधारी होकर, अपने प्रिय नाम के कीर्तन से अनुराग जगने पर और चित्त द्रवित होने पर, वह ऊँचे स्वर में कभी हँसता है, कभी रोता है, कभी चिल्लाता है, कभी गाता है, और लोक-लाज छोड़कर उन्मत्त के समान नाचता है।

श्लोक 41 (bhagavata.11.2.41)

खं वायुमग्निं सलिलं महीं च ज्योतींषि सत्त्वानि दिशो द्रुमादीन् । सरित्समुद्रांश्च हरेः शरीरं यत् किंच भूतं प्रणमेदनन्यः ॥ 2.41 ॥

khaṁ vāyum agniṁ salilaṁ mahīṁ ca jyotīṁṣi sattvāni diśo drumādīn sarit-samudrāṁś ca hareḥ śarīraṁ yat kiṁ ca bhūtaṁ praṇamed ananyaḥ

आकाश, वायु, अग्नि, जल, पृथ्वी, ज्योतिर्गण, समस्त प्राणी, दिशाएँ, वृक्षादि, नदियाँ और समुद्र — यह सब हरि का ही शरीर है; अतः किसी को भी उनसे भिन्न न मानते हुए जो कुछ भी विद्यमान है, उसे प्रणाम करना चाहिए।

श्लोक 42 (bhagavata.11.2.42)

भक्तिः परेशानुभवो विरक्ति- रन्यत्र चैष त्रिक एककालः । प्रपद्यमानस्य यथाश्नतः स्यु- स्तुष्टिः पुष्टिः क्षुदपायोऽनुघासम् ॥ 2.42 ॥

bhaktiḥ pareśānubhavo viraktir anyatra caiṣa trika eka-kālaḥ prapadyamānasya yathāśnataḥ syus tuṣṭiḥ puṣṭiḥ kṣud-apāyo ’nu-ghāsam

भक्ति, परमेश्वर का साक्षात् अनुभव, और अन्य सब से वैराग्य — ये तीनों शरणागत के लिए एक साथ उत्पन्न होते हैं, जैसे भोजन करने वाले को प्रत्येक ग्रास के साथ तृप्ति, पुष्टि और क्षुधा-निवृत्ति एक साथ प्राप्त होती है।

श्लोक 43 (bhagavata.11.2.43)

इत्यच्युताङ्घ्रि भजतोऽनुवृत्त्या भक्तिर्विरक्तिर्भगवत्प्रबोधः । भवन्ति वै भागवतस्य राजं- स्ततः परां शान्तिमुपैति साक्षात् ॥ 2.43 ॥

ity acyutāṅghriṁ bhajato ’nuvṛttyā bhaktir viraktir bhagavat-prabodhaḥ bhavanti vai bhāgavatasya rājaṁs tataḥ parāṁ śāntim upaiti sākṣāt

हे राजन्! इस प्रकार निरंतर अभ्यास से अच्युत के चरणों की उपासना करने वाले भक्त में भक्ति, वैराग्य और भगवद्-ज्ञान उत्पन्न होते हैं; और इनसे वह साक्षात् परम शांति को प्राप्त होता है।

श्लोक 44 (bhagavata.11.2.44)

श्रीराजोवाच अथ भागवतं ब्रूत यद्धर्मो यादृशो नृणाम् । यथा चरति यद् ब्रूते यैर्लिङ्गैर्भगवत्प्रियः ॥ 2.44 ॥

śrī-rājovāca atha bhāgavataṁ brūta yad-dharmo yādṛśo nṛṇām yathācarati yad brūte yair liṅgair bhagavat-priyaḥ

राजा ने कहा — अब मुझे भक्त के विषय में बताइए — उसका धर्म क्या है, वह मनुष्यों में किस प्रकार का होता है, वह कैसे आचरण करता है, क्या बोलता है, और किन लक्षणों से वह भगवान का प्रिय पहचाना जाता है।

श्लोक 45 (bhagavata.11.2.45)

श्रीहविरुवाच सर्वभूतेषु यः पश्येद् भगवद्भावमात्मनः । भूतानि भगवत्यात्मन्येष भागवतोत्तमः ॥ 2.45 ॥

śrī-havir uvāca sarva-bhūteṣu yaḥ paśyed bhagavad-bhāvam ātmanaḥ bhūtāni bhagavaty ātmany eṣa bhāgavatottamaḥ

श्री हवि ने कहा — जो समस्त प्राणियों में आत्मस्वरूप भगवान की भावना को देखता है, और समस्त प्राणियों को आत्मरूप भगवान में देखता है, वही उत्तम भागवत है।

श्लोक 46 (bhagavata.11.2.46)

ईश्वरे तदधीनेषु बालिशेषु द्विषत्सु च । प्रेममैत्रीकृपोपेक्षा यः करोति स मध्यमः ॥ 2.46 ॥

īśvare tad-adhīneṣu bāliśeṣu dviṣatsu ca prema-maitrī-kṛpopekṣā yaḥ karoti sa madhyamaḥ

जो ईश्वर के प्रति प्रेम, उनके अधीन भक्तों के प्रति मैत्री, अबोध जनों के प्रति करुणा और द्वेष रखने वालों के प्रति उपेक्षा रखता है, वह मध्यम भक्त है।

श्लोक 47 (bhagavata.11.2.47)

अर्चायामेव हरये पूजां यः श्रद्धयेहते । न तद्भक्तेषु चान्येषु स भक्तः प्राकृतः स्मृतः ॥ 2.47 ॥

arcāyām eva haraye pūjāṁ yaḥ śraddhayehate na tad-bhakteṣu cānyeṣu sa bhaktaḥ prākṛtaḥ smṛtaḥ

जो केवल हरि की अर्चा-विग्रह की पूजा में श्रद्धापूर्वक प्रयत्नशील रहता है, किन्तु उनके भक्तों तथा अन्य जनों के प्रति नहीं, वह प्राकृत भक्त कहलाता है।

श्लोक 48 (bhagavata.11.2.48)

गृहीत्वापीन्द्रियैरर्थान्यो न द्वेष्टि न हृष्यति । विष्णोर्मायामिदं पश्यन्स वै भागवतोत्तमः ॥ 2.48 ॥

gṛhītvāpīndriyair arthān yo na dveṣṭi na hṛṣyati viṣṇor māyām idaṁ paśyan sa vai bhāgavatottamaḥ

जो इन्द्रियों से विषयों को ग्रहण करते हुए भी न द्वेष करता है और न हर्षित होता है, इस समस्त सृष्टि को विष्णु की माया समझते हुए, वही सचमुच उत्तम भागवत है।

श्लोक 49 (bhagavata.11.2.49)

देहेन्द्रियप्राणमनोधियां यो जन्माप्ययक्षुद्भयतर्षकृच्छ्रैः । संसारधर्मैरविमुह्यमानः स्मृत्या हरेर्भागवतप्रधानः ॥ 2.49 ॥

dehendriya-prāṇa-mano-dhiyāṁ yo janmāpyaya-kṣud-bhaya-tarṣa-kṛcchraiḥ saṁsāra-dharmair avimuhyamānaḥ smṛtyā harer bhāgavata-pradhānaḥ

जो हरि के स्मरण के बल पर शरीर, इन्द्रियों, प्राण, मन और बुद्धि से जुड़े जन्म-नाश, क्षुधा, भय, तृषा और कष्ट रूपी सांसारिक धर्मों से कभी मोहित नहीं होता, वह भागवतों में प्रधान है।

श्लोक 50 (bhagavata.11.2.50)

न कामकर्मबीजानां यस्य चेतसि सम्भवः । वासुदेवैकनिलयः स वै भागवतोत्तमः ॥ 2.50 ॥

na kāma-karma-bījānāṁ yasya cetasi sambhavaḥ vāsudevaika-nilayaḥ sa vai bhāgavatottamaḥ

जिसके मन में काम और कर्म के बीज कभी उत्पन्न ही नहीं होते, जो केवल वासुदेव को ही अपना एकमात्र आश्रय मानता है, वही सचमुच उत्तम भागवत है।

श्लोक 51 (bhagavata.11.2.51)

न यस्य जन्मकर्मभ्यां न वर्णाश्रमजातिभिः । सज्जतेऽस्मिन्नहंभावो देहे वै स हरेः प्रियः ॥ 2.51 ॥

na yasya janma-karmabhyāṁ na varṇāśrama-jātibhiḥ sajjate ’sminn ahaṁ-bhāvo dehe vai sa hareḥ priyaḥ

जिसके इस देह में जन्म, कर्म, वर्ण अथवा आश्रम के कारण अहंभाव कभी नहीं चिपकता, वही सचमुच हरि का प्रिय है।

श्लोक 52 (bhagavata.11.2.52)

न यस्य स्वः पर इति वित्तेष्वात्मनि वा भिदा । सर्वभूतसमः शान्तः स वै भागवतोत्तमः ॥ 2.52 ॥

na yasya svaḥ para iti vitteṣv ātmani vā bhidā sarva-bhūta-samaḥ śāntaḥ sa vai bhāgavatottamaḥ

जिसे धन अथवा शरीर के विषय में "यह मेरा है, यह पराया है" — ऐसा भेद नहीं रहता, जो समस्त प्राणियों के प्रति समभाव और शांत है, वही सचमुच उत्तम भागवत है।

श्लोक 53 (bhagavata.11.2.53)

त्रिभुवनविभवहेतवेऽप्यकुण्ठ- स्मृतिरजितात्मसुरादिभिर्विमृग्यात् । न चलति भगवत्पदारविन्दा- ल्लवनिमिषार्धमपि यः स वैष्णवाग्य्रः ॥ 2.53 ॥

tri-bhuvana-vibhava-hetave ’py akuṇṭha- smṛtir ajitātma-surādibhir vimṛgyāt na calati bhagavat-padāravindāl lava-nimiṣārdham api yaḥ sa vaiṣṇavāgryaḥ

जिसका स्मरण त्रिलोक के ऐश्वर्य की प्राप्ति के लिए भी भंग नहीं होता — जिस ऐश्वर्य को अजित-आत्मा देवता आदि भी खोजते हैं — और जो भगवान के चरण-कमलों से आधे क्षण के लिए भी विचलित नहीं होता, वही वैष्णवों में अग्रणी है।

श्लोक 54 (bhagavata.11.2.54)

भगवत उरुविक्रमाङ्घ्रिशाखा- नखमणिचन्द्रिकया निरस्ततापे । हृदि कथमुपसीदतां पुनः स प्रभवति चन्द्र इवोदितेऽर्कतापः ॥ 2.54 ॥

bhagavata uru-vikramāṅghri-śākhā- nakha-maṇi-candrikayā nirasta-tāpe hṛdi katham upasīdatāṁ punaḥ sa prabhavati candra ivodite ’rka-tāpaḥ

भगवान के महान् पराक्रमी चरणों की अंगुलियों के नखों रूपी मणियों की चांदनी से जिनके हृदय का ताप दूर हो चुका है, उनके हृदय में वह ताप पुनः कैसे प्रभावी हो सकता है — जैसे चन्द्रोदय होने पर सूर्य का ताप नहीं रहता?

श्लोक 55 (bhagavata.11.2.55)

विसृजति हृदयं न यस्य साक्षा- द्धरिरवशाभिहितोऽप्यघौघनाशः । प्रणयरसनया धृताङ्घ्रिपद्मः स भवति भागवतप्रधान उक्तः ॥ 2.55 ॥

visṛjati hṛdayaṁ na yasya sākṣād dharir avaśābhihito ’py aghaugha-nāśaḥ praṇaya-rasanayā dhṛtāṅghri-padmaḥ sa bhavati bhāgavata-pradhāna uktaḥ

जिसका हृदय साक्षात् हरि, जो अनजाने में पुकारे जाने पर भी पापों के समूह का नाश कर देते हैं, कभी नहीं छोड़ते — क्योंकि प्रेम की डोरी से उनके चरण-कमल बँधे रहते हैं — वही भागवतों में प्रधान कहा गया है।