भूमि-गीता

श्लोक 1 (bhagavata.12.3.1)

श्री शुक उवाचः दृष्ट्वात्मनि जये व्यग्रान् नृपान् हसति भूरियम् । अहो मा विजिगीषन्ति मृत्योः क्रीडनका नृपाः ॥ १ ॥

śrī-śuka uvāca dṛṣṭvātmani jaye vyagrān nṛpān hasati bhūr iyam aho mā vijigīṣanti mṛtyoḥ krīḍanakā nṛpāḥ

श्री शुक ने कहा — अपने ऊपर विजय पाने के लिए व्यग्र राजाओं को देखकर यह पृथ्वी हँस पड़ती है। वह कहती है — "अहो! मृत्यु के हाथों के खिलौने-मात्र ये राजा मुझे जीतना चाहते हैं!"

श्लोक 2 (bhagavata.12.3.2)

काम एष नरेन्द्राणां मोघः स्याद् विदुषामपि । येन फेनोपमे पिण्डे येऽतिविश्रम्भिता नृपाः ॥ २ ॥

kāma eṣa narendrāṇāṁ moghaḥ syād viduṣām api yena phenopame piṇḍe ye ’ti-viśrambhitā nṛpāḥ

"यह कामना विद्वान राजाओं के लिए भी व्यर्थ ही सिद्ध होती है, जिसके वशीभूत होकर वे फेन के समान क्षणभंगुर इस शरीर-पिंड पर अत्यधिक विश्वास कर बैठते हैं।"

श्लोक 3 (bhagavata.12.3.3)

पूर्वं निर्जित्य षड्वर्गं जेष्यामो राजमन्त्रिणः । ततः सचिवपौराप्तकरीन्द्रानस्य कण्टकान् ॥ ३ ॥

pūrvaṁ nirjitya ṣaḍ-vargaṁ jeṣyāmo rāja-mantriṇaḥ tataḥ saciva-paurāpta- karīndrān asya kaṇṭakān

"पहले षड्वर्ग (इन्द्रियों और मन) को जीतकर हम राजा और मंत्रीगण विजयी होंगे, फिर अपने ही मंत्रियों, नागरिकों, बन्धुजनों और गजपालकों के रूप में उपस्थित काँटों को दूर करेंगे —"

श्लोक 4 (bhagavata.12.3.4)

एवं क्रमेण जेष्यामः पृथ्वीं सागरमेखलाम् । इत्याशाबद्धहृदया न पश्यन्त्यन्तिकेऽन्तकम् ॥ ४ ॥

evaṁ krameṇa jeṣyāmaḥ pṛthvīṁ sāgara-mekhalām ity āśā-baddha-hṛdayā na paśyanty antike ’ntakam

"इस प्रकार क्रमशः हम सागर से घिरी इस पृथ्वी को जीत लेंगे" — ऐसी आशा में हृदय बाँधे हुए वे अपने पास ही खड़ी मृत्यु को नहीं देख पाते।

श्लोक 5 (bhagavata.12.3.5)

समुद्रावरणां जित्वा मां विशन्त्यब्धिमोजसा । कियदात्मजयस्यैतन्मुक्तिरात्मजये फलम् ॥ ५ ॥

samudrāvaraṇāṁ jitvā māṁ viśanty abdhim ojasā kiyad ātma-jayasyaitan muktir ātma-jaye phalam

"मुझे, सागर से घिरी हुई को, जीतकर वे बलपूर्वक समुद्र में भी प्रवेश करते हैं। यह आत्म-विजय का कितना छोटा-सा अंश है! आत्म-विजय का सच्चा फल तो मुक्ति है।"

श्लोक 6 (bhagavata.12.3.6)

यां विसृज्यैव मनवस्तत्सुताश्च कुरूद्वह । गता यथागतं युद्धे तां मां जेष्यन्त्यबुद्धयः ॥ ६ ॥

yāṁ visṛjyaiva manavas tat-sutāś ca kurūdvaha gatā yathāgataṁ yuddhe tāṁ māṁ jeṣyanty abuddhayaḥ

हे कुरुश्रेष्ठ, (पृथ्वी ने आगे कहा) — "मुझे त्यागकर मनु और उनके पुत्र भी युद्ध में उसी प्रकार असहाय होकर चले गए, जैसे वे आए थे; फिर भी ये अबुद्ध लोग मुझे जीतना चाहते हैं।"

श्लोक 7 (bhagavata.12.3.7)

मत्कृते पितृपुत्राणां भ्रातृणां चापि विग्रहः । जायते ह्यसतां राज्ये ममताबद्धचेतसाम् ॥ ७ ॥

mat-kṛte pitṛ-putrāṇāṁ bhrātṝṇāṁ cāpi vigrahaḥ jāyate hy asatāṁ rājye mamatā-baddha-cetasām

"मेरे ही लिए पिता-पुत्रों में और भाइयों में भी संघर्ष होता है — यह उन्हीं दुष्टों के राज्य में होता है, जिनका हृदय ममता से बँधा हुआ है।"

श्लोक 8 (bhagavata.12.3.8)

ममैवेयं मही कृत्स्ना न ते मूढेति वादिनः । स्पर्धमाना मिथो घ्नन्ति म्रियन्ते मत्कृते नृपाः ॥ ८ ॥

mamaiveyaṁ mahī kṛtsnā na te mūḍheti vādinaḥ spardhamānā mitho ghnanti mriyante mat-kṛte nṛpāḥ

"'यह सम्पूर्ण पृथ्वी मेरी ही है, तुम्हारी नहीं, हे मूर्ख!' — ऐसा कहते हुए, परस्पर स्पर्धा करते हुए, राजा एक-दूसरे को मारते हैं और मेरे ही लिए मर जाते हैं।"

श्लोक 9 (bhagavata.12.3.9)

श्रीशुक उवाच पृथुः पुरूरवा गाधिर्नहुषो भरतोऽर्जुनः । मान्धाता सगरो रामः खट्वाङ्गो धुन्धुहा रघुः ॥ ९ ॥

pṛthuḥ purūravā gādhir nahuṣo bharato ’rjunaḥ māndhātā sagaro rāmaḥ khaṭvāṅgo dhundhuhā raghuḥ

श्री शुक ने कहा — पृथु, पुरूरवा, गाधि, नहुष, भरत, अर्जुन (कार्तवीर्य), मान्धाता, सगर, राम, खट्वांग, धुन्धुहा, रघु —

श्लोक 10 (bhagavata.12.3.10)

तृणबिन्दुर्ययातिश्च शर्यातिः शन्तनुर्गयः । भगीरथः कुवलयाश्वः ककुत्स्थो नैषधो नृगः ॥ १० ॥

tṛṇabindur yayātiś ca śaryātiḥ śantanur gayaḥ bhagīrathaḥ kuvalayāśvaḥ kakutstho naiṣadho nṛgaḥ

तृणबिन्दु, ययाति, शर्याति, शन्तनु, गय, भगीरथ, कुवलयाश्व, ककुत्स्थ, नैषध (नल), नृग —

श्लोक 11 (bhagavata.12.3.11)

हिरण्यकशिपुर्वृत्रो रावणो लोकरावणः । नमुचिः शम्बरो भौमो हिरण्याक्षोऽथ तारकः ॥ ११ ॥

hiraṇyakaśipur vṛtro rāvaṇo loka-rāvaṇaḥ namuciḥ śambaro bhaumo hiraṇyākṣo ’tha tārakaḥ

हिरण्यकशिपु, वृत्र, समस्त लोक को रुलाने वाला रावण, नमुचि, शम्बर, भौम, हिरण्याक्ष, और तारक —

श्लोक 12 (bhagavata.12.3.12)

अन्ये च बहवो दैत्या राजानो ये महेश्वराः । सर्वे सर्वविदः शूराः सर्वे सर्वजितोऽजिताः ॥ १२ ॥

anye ca bahavo daityā rājāno ye maheśvarāḥ sarve sarva-vidaḥ śūrāḥ sarve sarva-jito ’jitāḥ

तथा अन्य अनेक दैत्य राजा भी, जो महान ऐश्वर्यशाली थे — सब सर्वज्ञ, सब शूरवीर, सब सबको जीतने वाले किन्तु स्वयं काल के हाथों अपराजित नहीं रह सके —

श्लोक 13 (bhagavata.12.3.13)

ममतां मय्यवर्तन्त कृत्वोच्चैर्मर्त्यधर्मिणः । कथावशेषाः कालेन ह्यकृतार्थाः कृता विभो ॥ १३ ॥

mamatāṁ mayy avartanta kṛtvoccair martya-dharmiṇaḥ kathāvaśeṣāḥ kālena hy akṛtārthāḥ kṛtā vibho

— इन सब मरणधर्मा जीवों ने मुझ पर उच्च स्वर में ममत्व जताया था, किन्तु हे विभो, काल ने उन्हें, अपने मनोरथ पूर्ण किए बिना ही, केवल कथा-मात्र बनाकर छोड़ दिया।

श्लोक 14 (bhagavata.12.3.14)

कथा इमास्ते कथिता महीयसां विताय लोकेषु यशः परेयुषाम् । विज्ञानवैराग्यविवक्षया विभो वचोविभूतीर्न तु पारमार्थ्यम् ॥ १४ ॥

kathā imās te kathitā mahīyasāṁ vitāya lokeṣu yaśaḥ pareyuṣām vijñāna-vairāgya-vivakṣayā vibho vaco-vibhūtīr na tu pāramārthyam

हे महाबली परीक्षित, मैंने तुम्हें इन महापुरुषों की, जो संसार में यश फैलाकर चले गए, ये कथाएँ इसलिए सुनाईं ताकि तुम्हें विज्ञान और वैराग्य का बोध हो सके। ऐसी कथाएँ वाणी का वैभव तो हैं, परन्तु स्वयं परम पुरुषार्थ नहीं हैं।

श्लोक 15 (bhagavata.12.3.15)

यस्तूत्तमःश्लोकगुणानुवादः सङ्गीयतेऽभीक्ष्णममङ्गलघ्नः । तमेव नित्यं शृणुयादभीक्ष्णं कृष्णेऽमलां भक्तिमभीप्समानः ॥ १५ ॥

yas tūttamaḥ-śloka-guṇānuvādaḥ saṅgīyate ’bhīkṣṇam amaṅgala-ghnaḥ tam eva nityaṁ śṛṇuyād abhīkṣṇaṁ kṛṣṇe ’malāṁ bhaktim abhīpsamānaḥ

किन्तु जो व्यक्ति कृष्ण के प्रति निर्मल भक्ति की कामना करता है, उसे तो निरन्तर, बारंबार, उत्तमःश्लोक भगवान के गुणों के उस अनुवाद-गान को ही सुनना चाहिए, जो समस्त अमंगल का नाश करता है।

श्लोक 16 (bhagavata.12.3.16)

श्रीराजोवाच केनोपायेन भगवन् कलेर्दोषान् कलौ जनाः । विधमिष्यन्त्युपचितांस्तन्मे ब्रूहि यथा मुने ॥ १६ ॥

śrī-rājovāca kenopāyena bhagavan kaler doṣān kalau janāḥ vidhamiṣyanty upacitāṁs tan me brūhi yathā mune

श्री राजा ने कहा — हे भगवन्, कलियुग में मनुष्य किस उपाय से कलि के संचित दोषों को दूर कर सकते हैं? हे मुनि, कृपया मुझे यह यथार्थ रूप से बताइए।

श्लोक 17 (bhagavata.12.3.17)

युगानि युगधर्मांश्च मानं प्रलयकल्पयोः । कालस्येश्वररूपस्य गतिं विष्णोर्महात्मनः ॥ १७ ॥

yugāni yuga-dharmāṁś ca mānaṁ pralaya-kalpayoḥ kālasyeśvara-rūpasya gatiṁ viṣṇor mahātmanaḥ

साथ ही युगों और उनके धर्मों का, प्रलय और कल्प के मान का, तथा ईश्वर-स्वरूप काल की — विष्णु महात्मा की — गति का भी वर्णन कीजिए।

श्लोक 18 (bhagavata.12.3.18)

श्रीशुक उवाच कृते प्रवर्तते धर्मश्चतुष्पात्तज्जनैर्धृतः । सत्यं दया तपो दानमिति पादा विभोर्नृप ॥ १८ ॥

śrī-śuka uvāca kṛte pravartate dharmaś catuṣ-pāt taj-janair dhṛtaḥ satyaṁ dayā tapo dānam iti pādā vibhor nṛpa

श्री शुक ने कहा — हे राजन्, सत्ययुग में धर्म अपने चारों चरणों सहित प्रवृत्त होता है, और उस युग के लोग उसे सुदृढ़ता से धारण करते हैं। उस बलवान धर्म के वे चार चरण हैं — सत्य, दया, तप और दान।

श्लोक 19 (bhagavata.12.3.19)

सन्तुष्टाः करुणा मैत्राः शान्ता दान्तास्तितिक्षवः । आत्मारामाः समदृशः प्रायशः श्रमणा जनाः ॥ १९ ॥

santuṣṭāḥ karuṇā maitrāḥ śāntā dāntās titikṣavaḥ ātmārāmāḥ sama-dṛśaḥ prāyaśaḥ śramaṇā janāḥ

उस युग के लोग प्रायः सन्तुष्ट, करुणामय, सबसे मैत्रीभाव रखने वाले, शान्त, संयमी, सहनशील, आत्मरत, समदर्शी और आध्यात्मिक साधना में तत्पर रहने वाले होते हैं।

श्लोक 20 (bhagavata.12.3.20)

त्रेतायां धर्मपादानां तुर्यांशो हीयते शनैः । अधर्मपादैरनृतहिंसासन्तोषविग्रहैः ॥ २० ॥

tretāyāṁ dharma-pādānāṁ turyāṁśo hīyate śanaiḥ adharma-pādair anṛta- hiṁṣāsantoṣa-vigrahaiḥ

त्रेतायुग में धर्म के चारों चरणों में से एक-एक चौथाई भाग धीरे-धीरे क्षीण हो जाता है — असत्य, हिंसा, असन्तोष और कलह — इन चार अधर्म के चरणों के कारण।

श्लोक 21 (bhagavata.12.3.21)

तदा क्रियातपोनिष्ठा नातिहिंस्रा न लम्पटाः । त्रैवर्गिकास्त्रयीवृद्धा वर्णा ब्रह्मोत्तरा नृप ॥ २१ ॥

tadā kriyā-tapo-niṣṭhā nāti-hiṁsrā na lampaṭāḥ trai-vargikās trayī-vṛddhā varṇā brahmottarā nṛpa

हे राजन्, तब लोग क्रियाकाण्ड और तप में निष्ठावान होते हैं, न अत्यधिक हिंसक और न ही अत्यधिक विषयासक्त; वे धर्म, अर्थ और काम — तीनों में प्रवृत्त और तीनों वेदों द्वारा समृद्ध रहते हैं, तथा वर्णों में ब्राह्मणों की प्रधानता बनी रहती है।

श्लोक 22 (bhagavata.12.3.22)

तपःसत्यदयादानेष्वर्धं ह्रस्वति द्वापरे । हिंसातुष्टयनृतद्वेषैर्धर्मस्याधर्मलक्षणैः ॥ २२ ॥

tapaḥ-satya-dayā-dāneṣv ardhaṁ hrasvati dvāpare hiṁsātuṣṭy-anṛta-dveṣair dharmasyādharma-lakṣaṇaiḥ

द्वापर में तप, सत्य, दया और दान — इन गुणों में से आधा भाग हिंसा, आत्म-लिप्त उदासीनता, असत्य और द्वेष के कारण, जो अधर्म के लक्षण हैं, क्षीण हो जाता है।

श्लोक 23 (bhagavata.12.3.23)

यशस्विनो महाशीलाः स्वाध्यायाध्ययने रताः । आढ्याः कुटुम्बिनो हृष्टा वर्णाः क्षत्रद्विजोत्तराः ॥ २३ ॥

yaśasvino mahā-śīlāḥ svādhyāyādhyayane ratāḥ āḍhyāḥ kuṭumbino hṛṣṭā varṇāḥ kṣatra-dvijottarāḥ

उस युग के लोग यशस्वी, महान चरित्र वाले, स्वाध्याय और अध्ययन में रत, धनाढ्य, कुटुम्बपरायण और प्रसन्नचित्त होते हैं; वर्णों में क्षत्रिय और ब्राह्मण प्रमुख रहते हैं।

श्लोक 24 (bhagavata.12.3.24)

कलौ तु धर्मपादानां तुर्यांशोऽधर्महेतुभिः । एधमानैः क्षीयमाणो ह्यन्ते सोऽपि विनङ्क्ष्यति ॥ २४ ॥

kalau tu dharma-pādānāṁ turyāṁśo ’dharma-hetubhiḥ edhamānaiḥ kṣīyamāṇo hy ante so ’pi vinaṅkṣyati

किन्तु कलियुग में धर्म के चारों चरणों में से केवल एक चौथाई ही शेष रहता है, और वह भी बढ़ते हुए अधर्म के कारणों से निरन्तर क्षीण होता जाता है, यहाँ तक कि अन्त में वह भी नष्ट हो जाएगा।

श्लोक 25 (bhagavata.12.3.25)

तस्मिन् लुब्धा दुराचारा निर्दयाः शुष्कवैरिणः । दुर्भगा भूरितर्षाश्च शूद्रदासोत्तराः प्रजाः ॥ २५ ॥

tasmin lubdhā durācārā nirdayāḥ śuṣka-vairiṇaḥ durbhagā bhūri-tarṣāś ca śūdra-dāsottarāḥ prajāḥ

उस युग में प्रजा लोभी, दुराचारी, निर्दय, बिना कारण वैर करने वाली, अभागी, अत्यधिक तृष्णा से युक्त, और प्रायः शूद्र तथा दास-तुल्य हो जाती है।

श्लोक 26 (bhagavata.12.3.26)

सत्त्वं रजस्तम इति दृश्यन्ते पुरुषे गुणाः । कालसञ्चोदितास्ते वै परिवर्तन्त आत्मनि ॥ २६ ॥

sattvaṁ rajas tama iti dṛśyante puruṣe guṇāḥ kāla-sañcoditās te vai parivartanta ātmani

सत्त्व, रज और तम — पुरुष में ये तीन गुण देखे जाते हैं। काल द्वारा प्रेरित होकर ये गुण ही मन में परिवर्तित होते रहते हैं।

श्लोक 27 (bhagavata.12.3.27)

प्रभवन्ति यदा सत्त्वे मनोबुद्धीन्द्रियाणि च । तदा कृतयुगं विद्याज्ज्ञाने तपसि यद् रुचिः ॥ २७ ॥

prabhavanti yadā sattve mano-buddhīndriyāṇi ca tadā kṛta-yugaṁ vidyāj jñāne tapasi yad ruciḥ

जब मन, बुद्धि और इन्द्रियाँ सत्त्व गुण में प्रधान हो जाती हैं, तब उसे सत्ययुग जानना चाहिए — उस समय लोगों की रुचि ज्ञान और तप में होती है।

श्लोक 28 (bhagavata.12.3.28)

यदा कर्मसु काम्येषु भक्तिर्यशसि देहिनाम् । तदा त्रेता रजोवृत्तिरिति जानीहि बुद्धिमन् ॥ २८ ॥

yadā karmasu kāmyeṣu bhaktir yaśasi dehinām tadā tretā rajo-vṛttir iti jānīhi buddhiman

हे बुद्धिमान, जब देहधारी लोग कामनामय कर्मों में लगे रहते हुए भी यश की चाह रखने लगें, तब उसे रजोगुण-प्रधान त्रेता जानो।

श्लोक 29 (bhagavata.12.3.29)

यदा लोभस्त्वसन्तोषो मानो दम्भोऽथ मत्सरः । कर्मणां चापि काम्यानां द्वापरं तद् रजस्तमः ॥ २९ ॥

yadā lobhas tv asantoṣo māno dambho ’tha matsaraḥ karmaṇāṁ cāpi kāmyānāṁ dvāparaṁ tad rajas-tamaḥ

जब लोभ, असन्तोष, अभिमान, पाखण्ड और ईर्ष्या — तथा कामनामय कर्मों की प्रवृत्ति — प्रधान हो जाए, तब वह द्वापर है, जो रज और तम के मिश्रण से युक्त है।

श्लोक 30 (bhagavata.12.3.30)

यदा मायानृतं तन्द्रा निद्रा हिंसा विषादनम् । शोकमोहौ भयं दैन्यं स कलिस्तामसः स्मृतः ॥ ३० ॥

yadā māyānṛtaṁ tandrā nidrā hiṁsā viṣādanam śoka-mohau bhayaṁ dainyaṁ sa kalis tāmasaḥ smṛtaḥ

जब माया, असत्य, आलस्य, निद्रा, हिंसा, विषाद, शोक, मोह, भय और दीनता प्रधान हों, वह तामसिक कलियुग कहलाता है।

श्लोक 31 (bhagavata.12.3.31)

तस्मात् क्षुद्रदृशो मर्त्याः क्षुद्रभाग्या महाशनाः । कामिनो वित्तहीनाश्च स्वैरिण्यश्च स्त्रियोऽसतीः ॥ ३१ ॥

tasmāt kṣudra-dṛśo martyāḥ kṣudra-bhāgyā mahāśanāḥ kāmino vitta-hīnāś ca svairiṇyaś ca striyo ’satīḥ

इसी कारण से कलियुग में मनुष्य संकीर्ण दृष्टि वाले, अभागे, अति-भोजी, कामी और निर्धन हो जाएँगे, तथा स्त्रियाँ असती होकर स्वच्छन्दतापूर्वक विचरण करेंगी।

श्लोक 32 (bhagavata.12.3.32)

दस्यूत्कृष्टा जनपदा वेदाः पाषण्डदूषिताः । राजानश्च प्रजाभक्षाः शिश्नोदरपरा द्विजाः ॥ ३२ ॥

dasyūtkṛṣṭā janapadā vedāḥ pāṣaṇḍa-dūṣitāḥ rājānaś ca prajā-bhakṣāḥ śiśnodara-parā dvijāḥ

नगर-ग्राम चोरों से भर जाएँगे, वेद पाखण्डियों द्वारा दूषित कर दिए जाएँगे, राजा प्रजा को निगलने वाले हो जाएँगे, और ब्राह्मण केवल जननेन्द्रिय और उदर के भोग में लीन रहेंगे।

श्लोक 33 (bhagavata.12.3.33)

अव्रता बटवोऽशौचा भिक्षवश्च कुटुम्बिनः । तपस्विनो ग्रामवासा न्यासिनोऽत्यर्थलोलुपाः ॥ ३३ ॥

avratā baṭavo ’śaucā bhikṣavaś ca kuṭumbinaḥ tapasvino grāma-vāsā nyāsino ’tyartha-lolupāḥ

ब्रह्मचारी व्रतहीन और अशुद्ध हो जाएँगे, भिक्षुक गृहस्थी बसाएँगे, तपस्वी गाँवों में निवास करेंगे, और संन्यासी धन के लोभी हो जाएँगे।

श्लोक 34 (bhagavata.12.3.34)

ह्रस्वकाया महाहारा भूर्यपत्या गतह्रियः । शश्वत्कटुकभाषिण्यश्चौर्यमायोरुसाहसाः ॥ ३४ ॥

hrasva-kāyā mahāhārā bhūry-apatyā gata-hriyaḥ śaśvat kaṭuka-bhāṣiṇyaś caurya-māyoru-sāhasāḥ

स्त्रियाँ शरीर से छोटी, अत्यधिक भोजन करने वाली, अनेक सन्तानों वाली और निर्लज्ज हो जाएँगी; वे सदा कटु वचन बोलेंगी और चोरी, छल तथा उद्दंडता से युक्त होंगी।

श्लोक 35 (bhagavata.12.3.35)

पणयिष्यन्ति वै क्षुद्राः किराटाः कूटकारिणः । अनापद्यपि मंस्यन्ते वार्तां साधु जुगुप्सिताम् ॥ ३५ ॥

paṇayiṣyanti vai kṣudrāḥ kirāṭāḥ kūṭa-kāriṇaḥ anāpady api maṁsyante vārtāṁ sādhu jugupsitām

क्षुद्र और छली व्यापारी छोटी-छोटी वस्तुओं का व्यापार करेंगे, और बिना किसी संकट के भी लोग निन्दनीय जीविका को भला मान बैठेंगे।

श्लोक 36 (bhagavata.12.3.36)

पतिं त्यक्ष्यन्ति निर्द्रव्यं भृत्या अप्यखिलोत्तमम् । भृत्यं विपन्नं पतयः कौलं गाश्चापयस्विनीः ॥ ३६ ॥

patiṁ tyakṣyanti nirdravyaṁ bhṛtyā apy akhilottamam bhṛtyaṁ vipannaṁ patayaḥ kaulaṁ gāś cāpayasvinīḥ

सेवक निर्धन हो चुके स्वामी को त्याग देंगे, चाहे वह सर्वोत्तम चरित्र वाला ही क्यों न हो; स्वामी विपत्तिग्रस्त सेवक को त्याग देंगे, चाहे वह पीढ़ियों से कुल में हो; और गौओं को दूध न देने पर त्याग दिया जाएगा।

श्लोक 37 (bhagavata.12.3.37)

पितृभ्रातृसुहृज्ज्ञातीन् हित्वा सौरतसौहृदाः । ननान्दृश्यालसंवादा दीनाः स्त्रैणाः कलौ नराः ॥ ३७ ॥

pitṛ-bhrātṛ-suhṛj-jñātīn hitvā saurata-sauhṛdāḥ nanāndṛ-śyāla-saṁvādā dīnāḥ straiṇāḥ kalau narāḥ

पिता, भाई, मित्र और स्वजनों को त्यागकर, केवल कामसम्बन्धी मित्रता रखने वाले, कलियुग के पुरुष दीन और स्त्रियों के वश में रहने वाले होंगे, तथा साले-सलहज के साथ ही अधिक संवाद करेंगे।

श्लोक 38 (bhagavata.12.3.38)

शूद्राः प्रतिग्रहीष्यन्ति तपोवेषोपजीविनः । धर्मं वक्ष्यन्त्यधर्मज्ञा अधिरुह्योत्तमासनम् ॥ ३८ ॥

śūdrāḥ pratigrahīṣyanti tapo-veṣopajīvinaḥ dharmaṁ vakṣyanty adharma-jñā adhiruhyottamāsanam

शूद्र-स्वभाव वाले लोग दान ग्रहण करेंगे और तपस्वी वेश धारण कर जीविका चलाएँगे; धर्म को न जानने वाले लोग ऊँचे आसन पर बैठकर धर्मोपदेश देंगे।

श्लोक 39 (bhagavata.12.3.39)

नित्यमुद्विग्नमनसो दुर्भिक्षकरकर्शिताः । निरन्ने भूतले राजननावृष्टिभयातुराः ॥ ३९ ॥

nityam udvigna-manaso durbhikṣa-kara-karśitāḥ niranne bhū-tale rājan anāvṛṣṭi-bhayāturāḥ

हे राजन्, प्रजा के मन सदा उद्विग्न रहेंगे, वे दुर्भिक्ष और भारी करों से क्षीण होंगे, तथा अन्नरहित पृथ्वी पर अनावृष्टि के भय से सदा पीड़ित रहेंगे।

श्लोक 40 (bhagavata.12.3.40)

वासोऽन्नपानशयनव्यवायस्नानभूषणैः । हीनाः पिशाचसन्दर्शा भविष्यन्ति कलौ प्रजाः ॥ ४० ॥

vāso-’nna-pāna-śayana- vyavāya-snāna-bhūṣaṇaiḥ hīnāḥ piśāca-sandarśā bhaviṣyanti kalau prajāḥ

वस्त्र, अन्न, जल, शय्या, सम्भोग, स्नान और आभूषण से वंचित होकर, कलियुग की प्रजा भूतों-जैसी दिखने लगेगी।

श्लोक 41 (bhagavata.12.3.41)

कलौ काकिणिकेऽप्यर्थे विगृह्य त्यक्तसौहृदाः । त्यक्ष्यन्ति च प्रियान् प्राणान् हनिष्यन्ति स्वकानपि ॥ ४१ ॥

kalau kākiṇike ’py arthe vigṛhya tyakta-sauhṛdāḥ tyakṣyanti ca priyān prāṇān haniṣyanti svakān api

कलियुग में लोग एक काकिणी (तुच्छ मूल्य) मात्र के लिए भी परस्पर विवाद करके मित्रता त्याग देंगे; वे अपने प्रिय प्राणों को भी त्यागने और अपने ही सम्बन्धियों को मार डालने को तैयार होंगे।

श्लोक 42 (bhagavata.12.3.42)

न रक्षिष्यन्ति मनुजाः स्थविरौ पितरावपि । पुत्रान् भार्यां च कुलजां क्षुद्राः शिश्नोदरंभराः ॥ ४२ ॥

na rakṣiṣyanti manujāḥ sthavirau pitarāv api putrān bhāryāṁ ca kula-jāṁ kṣudrāḥ śiśnodaraṁ-bharāḥ

क्षुद्र और केवल उदर तथा जननेन्द्रिय के भोग में लगे मनुष्य अपने वृद्ध माता-पिता, सन्तानों और कुलीन पत्नी की भी रक्षा नहीं करेंगे।

श्लोक 43 (bhagavata.12.3.43)

कलौ न राजन्जगतां परं गुरुं त्रिलोकनाथानतपादपङ्कजम् । प्रायेण मर्त्या भगवन्तमच्युतं यक्ष्यन्ति पाषण्डविभिन्नचेतसः ॥ ४३ ॥

kalau na rājan jagatāṁ paraṁ guruṁ tri-loka-nāthānata-pāda-paṅkajam prāyeṇa martyā bhagavantam acyutaṁ yakṣyanti pāṣaṇḍa-vibhinna-cetasaḥ

हे राजन्, कलियुग में पाखण्ड से विभ्रमित चित्त वाले मरणधर्मा मनुष्य प्रायः उन अच्युत भगवान की पूजा नहीं करेंगे, जो समस्त जगत के परम गुरु हैं और जिनके चरण-कमलों को त्रिलोक के स्वामी भी नमन करते हैं।

श्लोक 44 (bhagavata.12.3.44)

यन्नामधेयं म्रियमाण आतुरः पतन् स्खलन् वा विवशो गृणन् पुमान् । विमुक्तकर्मार्गल उत्तमां गतिं प्राप्नोति यक्ष्यन्ति न तं कलौ जनाः ॥ ४४ ॥

yan-nāmadheyaṁ mriyamāṇa āturaḥ patan skhalan vā vivaśo gṛṇan pumān vimukta-karmārgala uttamāṁ gatiṁ prāpnoti yakṣyanti na taṁ kalau janāḥ

मरणासन्न, व्याकुल, गिरता-लड़खड़ाता हुआ, अनजाने में भी यदि कोई पुरुष जिस नाम का उच्चारण करके अपने कर्मों की बेड़ी से मुक्त होकर परम गति को प्राप्त कर लेता है — कलियुग के लोग उस नाम की भी उपासना नहीं करेंगे।

श्लोक 45 (bhagavata.12.3.45)

पुंसां कलिकृतान् दोषान् द्रव्यदेशात्मसम्भवान् । सर्वान् हरति चित्तस्थो भगवान् पुरुषोत्तमः ॥ ४५ ॥

puṁsāṁ kali-kṛtān doṣān dravya-deśātma-sambhavān sarvān harati citta-stho bhagavān puruṣottamaḥ

मनुष्यों के द्रव्य, देश और स्वयं (आत्मा) से उत्पन्न कलि-कृत सभी दोषों को, चित्त में स्थित होकर, भगवान पुरुषोत्तम हर लेते हैं।

श्लोक 46 (bhagavata.12.3.46)

श्रुतः सङ्कीर्तितो ध्यातः पूजितश्चादृतोऽपि वा । नृणां धुनोति भगवान् हृत्स्थो जन्मायुताशुभम् ॥ ४६ ॥

śrutaḥ saṅkīrtito dhyātaḥ pūjitaś cādṛto ’pi vā nṛṇāṁ dhunoti bhagavān hṛt-stho janmāyutāśubham

श्रवण किए गए, संकीर्तित, ध्यान किए गए, पूजित अथवा केवल आदरपूर्वक स्मरण किए गए भगवान भी, हृदय में स्थित होकर, मनुष्यों के हज़ारों जन्मों के संचित अमंगल को दूर कर देते हैं।

श्लोक 47 (bhagavata.12.3.47)

यथा हेम्नि स्थितो वह्निर्दुर्वर्णं हन्ति धातुजम् । एवमात्मगतो विष्णुर्योगिनामशुभाशयम् ॥ ४७ ॥

yathā hemni sthito vahnir durvarṇaṁ hanti dhātu-jam evam ātma-gato viṣṇur yoginām aśubhāśayam

जैसे सोने में स्थित अग्नि उसमें मिली हुई अन्य धातु के मैल को जला डालती है, वैसे ही आत्मा में स्थित भगवान विष्णु योगियों के मन के अमंगल भाव को नष्ट कर देते हैं।

श्लोक 48 (bhagavata.12.3.48)

विद्यातपःप्राणनिरोधमैत्री- तीर्थाभिषेकव्रतदानजप्यैः । नात्यन्तशुद्धिं लभतेऽन्तरात्मा यथा हृदिस्थे भगवत्यनन्ते ॥ ४८ ॥

vidyā-tapaḥ-prāṇa-nirodha-maitrī- tīrthābhiṣeka-vrata-dāna-japyaiḥ nātyanta-śuddhiṁ labhate ’ntarātmā yathā hṛdi-sthe bhagavaty anante

विद्या, तप, प्राणायाम, सबसे मैत्री, तीर्थ-स्नान, व्रत, दान और जप — इन सबसे भी अन्तरात्मा को उतनी पूर्ण शुद्धि प्राप्त नहीं होती, जितनी अनन्त भगवान के हृदय में स्थित होने मात्र से प्राप्त होती है।

श्लोक 49 (bhagavata.12.3.49)

तस्मात् सर्वात्मना राजन् हृदिस्थं कुरु केशवम् । म्रियमाणो ह्यवहितस्ततो यासि परां गतिम् ॥ ४९ ॥

tasmāt sarvātmanā rājan hṛdi-sthaṁ kuru keśavam mriyamāṇo hy avahitas tato yāsi parāṁ gatim

इसलिए, हे राजन्, सम्पूर्ण मन से भगवान केशव को अपने हृदय में स्थापित करो। मृत्यु के समय इसी स्मरण में स्थिर रहकर तुम परम गति को प्राप्त होगे।

श्लोक 50 (bhagavata.12.3.50)

म्रियमाणैरभिध्येयो भगवान् परमेश्वरः । आत्मभावं नयत्यङ्ग सर्वात्मा सर्वसंश्रयः ॥ ५० ॥

mriyamāṇair abhidhyeyo bhagavān parameśvaraḥ ātma-bhāvaṁ nayaty aṅga sarvātmā sarva-saṁśrayaḥ

मरणासन्न जीवों द्वारा ध्यान किए जाने योग्य भगवान परमेश्वर ही सर्वात्मा और सबके आश्रय हैं; वे ही, हे प्रिय, मृत्यु के समय जीव को उसके सच्चे आत्म-स्वरूप की ओर ले जाते हैं।

श्लोक 51 (bhagavata.12.3.51)

कलेर्दोषनिधे राजन्नस्ति ह्येको महान् गुणः । कीर्तनादेव कृष्णस्य मुक्तसङ्गः परं व्रजेत् ॥ ५१ ॥

kaler doṣa-nidhe rājann asti hy eko mahān guṇaḥ kīrtanād eva kṛṣṇasya mukta-saṅgaḥ paraṁ vrajet

हे राजन्, कलियुग दोषों का सागर होते हुए भी उसमें एक महान गुण है — केवल कृष्ण-नाम के कीर्तन मात्र से मनुष्य समस्त बन्धनों से मुक्त होकर परमपद को प्राप्त कर लेता है।

श्लोक 52 (bhagavata.12.3.52)

कृते यद्ध्यायतो विष्णुं त्रेतायां यजतो मखैः । द्वापरे परिचर्यायां कलौ तद्धरिकीर्तनात् ॥ ५२ ॥

kṛte yad dhyāyato viṣṇuṁ tretāyāṁ yajato makhaiḥ dvāpare paricaryāyāṁ kalau tad dhari-kīrtanāt

सत्ययुग में विष्णु का ध्यान करने से, त्रेता में यज्ञों द्वारा उनकी पूजा करने से, और द्वापर में उनकी सेवा करने से जो फल प्राप्त होता था, वही फल कलियुग में केवल हरि-कीर्तन से प्राप्त हो जाता है।