महाराज पृथु और चार कुमारों का मिलन

श्लोक 1 (bhagavata.4.22.1)

मैत्रेय उवाच जनेषु प्रगृणत्स्वेवं पृथुं पृथुलविक्रमम् । तत्रोपजग्मुर्मुनयश्चत्वारः सूर्यवर्चसः ॥ १ ॥

maitreya uvāca janeṣu pragṛṇatsv evaṁ pṛthuṁ pṛthula-vikramam tatropajagmur munayaś catvāraḥ sūrya-varcasaḥ

मैत्रेय ने कहा — जब लोग इस प्रकार अत्यंत पराक्रमी पृथु की स्तुति कर रहे थे, तभी सूर्य के समान तेजस्वी चार मुनि वहाँ पधारे।

श्लोक 2 (bhagavata.4.22.2)

तांस्तु सिद्धेश्वरान् राजा व्योम्नोऽवतरतोऽर्चिषा । लोकानपापान् कुर्वाणान् सानुगोऽचष्ट लक्षितान् ॥ २ ॥

tāṁs tu siddheśvarān rājā vyomno ’vatarato ’rciṣā lokān apāpān kurvāṇān sānugo ’caṣṭa lakṣitān

उन सिद्धेश्वरों को, जो आकाश से उतरते हुए अपने तेज से लोकों को पापरहित कर रहे थे, राजा ने अपने अनुचरों सहित पहचान लिया।

श्लोक 3 (bhagavata.4.22.3)

तद्दर्शनोद्गतान् प्राणान् प्रत्यादित्सुरिवोत्थितः । ससदस्यानुगो वैन्य इन्द्रियेशो गुणानिव ॥ ३ ॥

tad-darśanodgatān prāṇān pratyāditsur ivotthitaḥ sa-sadasyānugo vainya indriyeśo guṇān iva

उनके दर्शन से मानो निकल पड़े अपने प्राणों को पुनः ग्रहण करने की इच्छा से, वेन-पुत्र सभासदों तथा अनुचरों सहित तत्काल उठ खड़े हुए, जैसे इन्द्रियों का स्वामी (मन) गुणों की ओर उठता है।

श्लोक 4 (bhagavata.4.22.4)

गौरवाद्यन्त्रितः सभ्यः प्रश्रयानतकन्धरः । विधिवत्पूजयां चक्रे गृहीताध्यर्हणासनान् ॥ ४ ॥

gauravād yantritaḥ sabhyaḥ praśrayānata-kandharaḥ vidhivat pūjayāṁ cakre gṛhītādhyarhaṇāsanān

आदरवश संयत, विनम्र, नम्रतापूर्वक झुकी हुई गर्दन वाले उस सभ्य राजा ने, उनके द्वारा सम्मानपूर्वक आसन ग्रहण किए जाने पर, विधिपूर्वक उनका पूजन किया।

श्लोक 5 (bhagavata.4.22.5)

तत्पादशौचसलिलैर्मार्जितालकबन्धनः । तत्र शीलवतां वृत्तमाचरन्मानयन्निव ॥ ५ ॥

tat-pāda-śauca-salilair mārjitālaka-bandhanaḥ tatra śīlavatāṁ vṛttam ācaran mānayann iva

उनके चरण धोने वाले जल से अपने बंधे हुए केशों को सींचकर, मानो उनका सम्मान करते हुए, उन्होंने शीलवानों के आचरण का पालन किया।

श्लोक 6 (bhagavata.4.22.6)

हाटकासन आसीनान् स्वधिष्ण्येष्विव पावकान् । श्रद्धासंयमसंयुक्तः प्रीतः प्राह भवाग्रजान् ॥ ६ ॥

hāṭakāsana āsīnān sva-dhiṣṇyeṣv iva pāvakān śraddhā-saṁyama-saṁyuktaḥ prītaḥ prāha bhavāgrajān

स्वर्ण-आसन पर बैठे, मानो अपने-अपने वेदी-स्थान में स्थित अग्नियों के समान, शिव के उन अग्रजों से, श्रद्धा और संयम से युक्त, प्रसन्नचित्त राजा ने कहा।

श्लोक 7 (bhagavata.4.22.7)

पृथुरुवाच अहो आचरितं किं मे मङ्गलं मङ्गलायनाः । यस्य वो दर्शनं ह्यासीद्दुर्दर्शानां च योगिभिः ॥ ७ ॥

pṛthur uvāca aho ācaritaṁ kiṁ me maṅgalaṁ maṅgalāyanāḥ yasya vo darśanaṁ hy āsīd durdarśānāṁ ca yogibhiḥ

पृथु ने कहा — आह! हे मंगल के आश्रय! मैंने कौन-सा मंगल-कर्म किया होगा, जिससे मुझे आप जैसों का दर्शन प्राप्त हुआ — जिनका दर्शन योगियों के लिए भी दुर्लभ है?

श्लोक 8 (bhagavata.4.22.8)

किं तस्य दुर्लभतरमिह लोके परत्र च । यस्य विप्राः प्रसीदन्ति शिवो विष्णुश्च सानुगः ॥ ८ ॥

kiṁ tasya durlabhataram iha loke paratra ca yasya viprāḥ prasīdanti śivo viṣṇuś ca sānugaḥ

जिस पर ब्राह्मण प्रसन्न होते हैं, तथा शिव और अपने अनुचरों सहित विष्णु भी प्रसन्न होते हैं, उसके लिए इस लोक अथवा परलोक में दुर्लभ ही क्या है?

श्लोक 9 (bhagavata.4.22.9)

नैव लक्षयते लोको लोकान् पर्यटतोऽपि यान् । यथा सर्वदृशं सर्व आत्मानं येऽस्य हेतवः ॥ ९ ॥

naiva lakṣayate loko lokān paryaṭato ’pi yān yathā sarva-dṛśaṁ sarva ātmānaṁ ye ’sya hetavaḥ

जैसे सबका दर्शक, सबका कारण-स्वरूप आत्मा किसी को दिखाई नहीं देता, वैसे ही लोकों में भ्रमण करते हुए भी आप जैसों को लोग पहचान नहीं पाते।

श्लोक 10 (bhagavata.4.22.10)

अधना अपि ते धन्याः साधवो गृहमेधिनः । यद्गृहा ह्यर्हवर्याम्बुतृणभूमीश्वरावराः ॥ १० ॥

adhanā api te dhanyāḥ sādhavo gṛha-medhinaḥ yad-gṛhā hy arha-varyāmbu- tṛṇa-bhūmīśvarāvarāḥ

निर्धन होकर भी वे गृहस्थ सज्जन धन्य हैं, जिनके घरों में श्रेष्ठ और सामान्य अतिथियों दोनों के लिए जल, तृण-आसन तथा भूमि उपलब्ध रहती है।

श्लोक 11 (bhagavata.4.22.11)

व्यालालयद्रुमा वै तेष्वरिक्ताखिलसम्पदः । यद्गृहास्तीर्थपादीयपादतीर्थविवर्जिताः ॥ ११ ॥

vyālālaya-drumā vai teṣv ariktākhila-sampadaḥ yad-gṛhās tīrtha-pādīya- pādatīrtha-vivarjitāḥ

इसके विपरीत, जिन घरों में तीर्थस्वरूप संतों के चरणों के तीर्थ-जल का अभाव है, वे घर, चाहे समस्त सम्पत्ति से परिपूर्ण भी हों, वास्तव में सर्पों के निवास-स्थान वृक्षों के समान हैं।

श्लोक 12 (bhagavata.4.22.12)

स्वागतं वो द्विजश्रेष्ठा यद्व्रतानि मुमुक्षवः । चरन्ति श्रद्धया धीरा बाला एव बृहन्ति च ॥ १२ ॥

svāgataṁ vo dvija-śreṣṭhā yad-vratāni mumukṣavaḥ caranti śraddhayā dhīrā bālā eva bṛhanti ca

हे द्विजश्रेष्ठो! आपका स्वागत है, जो मुमुक्षु होते हुए भी, धीर तथा महान् होकर, श्रद्धापूर्वक अपने व्रतों का पालन करते हुए भी, बालकों के समान ही आचरण करते हैं।

श्लोक 13 (bhagavata.4.22.13)

कच्चिन्नः कुशलं नाथा इन्द्रियार्थार्थवेदिनाम् । व्यसनावाप एतस्मिन्पतितानां स्वकर्मभिः ॥ १३ ॥

kaccin naḥ kuśalaṁ nāthā indriyārthārtha-vedinām vyasanāvāpa etasmin patitānāṁ sva-karmabhiḥ

हे नाथो! इन्द्रियों के विषयों को ही अर्थ समझने वाले, अपने ही कर्मों से इस संकट में पड़े हुए हम लोगों का कुछ कल्याण है क्या?

श्लोक 14 (bhagavata.4.22.14)

भवत्सु कुशलप्रश्न आत्मारामेषु नेष्यते । कुशलाकुशला यत्र न सन्ति मतिवृत्तयः ॥ १४ ॥

bhavatsu kuśala-praśna ātmārāmeṣu neṣyate kuśalākuśalā yatra na santi mati-vṛttayaḥ

आत्मा में रमण करने वाले आप लोगों से कुशल-क्षेम पूछना उचित नहीं, क्योंकि जहाँ शुभ-अशुभ की मानसिक वृत्तियाँ ही विद्यमान नहीं हैं।

श्लोक 15 (bhagavata.4.22.15)

तदहं कृतविश्रम्भः सुहृदो वस्तपस्विनाम् । सम्पृच्छे भव एतस्मिन् क्षेमः केनाञ्जसा भवेत् ॥ १५ ॥

tad ahaṁ kṛta-viśrambhaḥ suhṛdo vas tapasvinām sampṛcche bhava etasmin kṣemaḥ kenāñjasā bhavet

फिर भी, आप तपस्वियों को दुःखियों का सच्चा सुहृद मानकर विश्वासपूर्वक मैं यह पूछता हूँ — इस भव-चक्र में सहज ही किस साधन से कल्याण प्राप्त होता है?

श्लोक 16 (bhagavata.4.22.16)

व्यक्तमात्मवतामात्मा भगवानात्मभावनः । स्वानामनुग्रहायेमां सिद्धरूपी चरत्यजः ॥ १६ ॥

vyaktam ātmavatām ātmā bhagavān ātma-bhāvanaḥ svānām anugrahāyemāṁ siddha-rūpī caraty ajaḥ

निश्चय ही भगवान्, आत्मवानों की आत्मा तथा हितैषी, अजन्मा, अपनों पर अनुग्रह करने हेतु सिद्ध-रूप धारण कर इस लोक में विचरण करते हैं।

श्लोक 17 (bhagavata.4.22.17)

मैत्रेय उवाच पृथोस्तत्सूक्तमाकर्ण्य सारं सुष्ठु मितं मधु । स्मयमान इव प्रीत्या कुमारः प्रत्युवाच ह ॥ १७ ॥

maitreya uvāca pṛthos tat sūktam ākarṇya sāraṁ suṣṭhu mitaṁ madhu smayamāna iva prītyā kumāraḥ pratyuvāca ha

मैत्रेय ने कहा — पृथु के उस सारगर्भित, सुव्यवस्थित तथा मधुर सुभाषित को सुनकर, कुमार ने मानो प्रेमपूर्वक मुस्कुराते हुए इस प्रकार उत्तर दिया।

श्लोक 18 (bhagavata.4.22.18)

सनत्कुमार उवाच साधु पृष्टं महाराज सर्वभूतहितात्मना । भवता विदुषा चापि साधूनां मतिरीदृशी ॥ १८ ॥

sanat-kumāra uvāca sādhu pṛṣṭaṁ mahārāja sarva-bhūta-hitātmanā bhavatā viduṣā cāpi sādhūnāṁ matir īdṛśī

सनत्कुमार ने कहा — हे महाराज! सर्वभूतहितकारी हृदय वाले आपने भलीभाँति प्रश्न किया है; विद्वान होते हुए भी सज्जनों की ऐसी ही बुद्धि होती है।

श्लोक 19 (bhagavata.4.22.19)

सङ्गमः खलु साधूनामुभयेषां च सम्मतः । यत्सम्भाषणसम्प्रश्नः सर्वेषां वितनोति शम् ॥ १९ ॥

saṅgamaḥ khalu sādhūnām ubhayeṣāṁ ca sammataḥ yat-sambhāṣaṇa-sampraśnaḥ sarveṣāṁ vitanoti śam

साधुजनों का समागम निश्चय ही दोनों पक्षों के लिए हितकर होता है, क्योंकि उनका वार्तालाप तथा प्रश्नोत्तर सभी के लिए शांति का विस्तार करता है।

श्लोक 20 (bhagavata.4.22.20)

अस्त्येव राजन् भवतो मधुद्विषः पादारविन्दस्य गुणानुवादने । रतिर्दुरापा विधुनोति नैष्ठिकी कामं कषायं मलमन्तरात्मनः ॥ २० ॥

asty eva rājan bhavato madhudviṣaḥ pādāravindasya guṇānuvādane ratir durāpā vidhunoti naiṣṭhikī kāmaṁ kaṣāyaṁ malam antar-ātmanaḥ

हे राजन्! आपमें मधुसूदन के चरण-कमलों के गुण-वर्णन में वह दुर्लभ, नैष्ठिक रति पहले से ही विद्यमान है; और वही रति अंतरात्मा के मल-रूप काम को पूर्णतः धो देती है।

श्लोक 21 (bhagavata.4.22.21)

शास्त्रेष्वियानेव सुनिश्चितो नृणां क्षेमस्य सध्र्यग्विमृशेषु हेतुः । असङ्ग आत्मव्यतिरिक्त आत्मनि दृढा रतिर्ब्रह्मणि निर्गुणे च या ॥ २१ ॥

śāstreṣv iyān eva suniścito nṛṇāṁ kṣemasya sadhryag-vimṛśeṣu hetuḥ asaṅga ātma-vyatirikta ātmani dṛḍhā ratir brahmaṇi nirguṇe ca yā

शास्त्रों में, सम्यक् एवं समग्र विचार करने पर, मनुष्यों के कल्याण का यही एकमात्र निश्चित हेतु माना गया है — आत्मा से भिन्न (विषयों) के प्रति अनासक्ति, तथा गुणातीत ब्रह्म में दृढ़ रति।

श्लोक 22 (bhagavata.4.22.22)

सा श्रद्धया भगवद्धर्मचर्यया जिज्ञासयाध्यात्मिकयोगनिष्ठया । योगेश्वरोपासनया च नित्यं पुण्यश्रवःकथया पुण्यया च ॥ २२ ॥

sā śraddhayā bhagavad-dharma-caryayā jijñāsayādhyātmika-yoga-niṣṭhayā yogeśvaropāsanayā ca nityaṁ puṇya-śravaḥ-kathayā puṇyayā ca

वह भक्ति श्रद्धा से, भगवद्धर्म के आचरण से, जिज्ञासा से, आध्यात्मिक योग की निष्ठा से, योगेश्वर की नित्य उपासना से, तथा पुण्यमय पावन कथा-श्रवण से (बढ़ती है)।

श्लोक 23 (bhagavata.4.22.23)

अर्थेन्द्रियारामसगोष्ठ्यतृष्णया तत्सम्मतानामपरिग्रहेण च । विविक्तरुच्या परितोष आत्मनि विना हरेर्गुणपीयूषपानात् ॥ २३ ॥

arthendriyārāma-sagoṣṭhy-atṛṣṇayā tat-sammatānām aparigraheṇa ca vivikta-rucyā paritoṣa ātmani vinā harer guṇa-pīyūṣa-pānāt

— धन तथा इन्द्रिय-सुख में रमने वालों की संगति के प्रति उदासीनता से, उनके द्वारा अनुमोदित वस्तुओं के अपरिग्रह से, एकांत की रुचि से, तथा हरि के गुणों के अमृत-पान के बिना आत्मा में संतोष न मानने से (भी वह भक्ति बढ़ती है)।

श्लोक 24 (bhagavata.4.22.24)

अहिंसया पारमहंस्यचर्यया स्मृत्या मुकुन्दाचरिताग्र्यसीधुना । यमैरकामैर्नियमैश्चाप्यनिन्दया निरीहया द्वन्द्वतितिक्षया च ॥ २४ ॥

ahiṁsayā pāramahaṁsya-caryayā smṛtyā mukundācaritāgrya-sīdhunā yamair akāmair niyamaiś cāpy anindayā nirīhayā dvandva-titikṣayā ca

— अहिंसा से, परमहंसों के आचरण से, मुकुंद के चरित्र का सर्वोत्तम अमृत मानकर उसके स्मरण से, निष्काम यम-नियमों से, निंदा न करने से, निष्क्रियता से, तथा द्वंद्वों को सहन करने से भी (वह भक्ति बढ़ती है)।

श्लोक 25 (bhagavata.4.22.25)

हरेर्मुहुस्तत्परकर्णपूर गुणाभिधानेन विजृम्भमाणया । भक्त्या ह्यसङ्गः सदसत्यनात्मनि स्यान्निर्गुणे ब्रह्मणि चाञ्जसा रतिः ॥ २५ ॥

harer muhus tatpara-karṇa-pūra- guṇābhidhānena vijṛmbhamāṇayā bhaktyā hy asaṅgaḥ sad-asaty anātmani syān nirguṇe brahmaṇi cāñjasā ratiḥ

हरि के गुणों के बारंबार वर्णन से, जो उनके भक्तों के कानों का आभूषण है, बढ़ती हुई भक्ति के द्वारा, अनात्म वस्तु से — चाहे वह सत् प्रतीत हो या असत् — अनासक्ति उत्पन्न होती है, और गुणातीत ब्रह्म में सहज ही स्थायी रति प्राप्त होती है।

श्लोक 26 (bhagavata.4.22.26)

यदा रतिर्ब्रह्मणि नैष्ठिकी पुमा- नाचार्यवान् ज्ञानविरागरंहसा । दहत्यवीर्यं हृदयं जीवकोशं पञ्चात्मकं योनिमिवोत्थितोऽग्निः ॥ २६ ॥

yadā ratir brahmaṇi naiṣṭhikī pumān ācāryavān jñāna-virāga-raṁhasā dahaty avīryaṁ hṛdayaṁ jīva-kośaṁ pañcātmakaṁ yonim ivotthito ’gniḥ

जब पुरुष में ब्रह्म के प्रति नैष्ठिक रति उत्पन्न हो जाती है, तब गुरु से युक्त वह व्यक्ति ज्ञान और वैराग्य के वेग से, हृदय में स्थित जीव के दुर्बल, पंचतत्वमय कोश को उसी प्रकार जला डालता है, जैसे प्रज्वलित अग्नि अपने उद्गम-स्थान काष्ठ को ही जला देती है।

श्लोक 27 (bhagavata.4.22.27)

दग्धाशयो मुक्तसमस्ततद्गुणो नैवात्मनो बहिरन्तर्विचष्टे । परात्मनोर्यद्वयवधानं पुरस्तात् स्वप्ने यथा पुरुषस्तद्विनाशे ॥ २७ ॥

dagdhāśayo mukta-samasta-tad-guṇo naivātmano bahir antar vicaṣṭe parātmanor yad-vyavadhānaṁ purastāt svapne yathā puruṣas tad-vināśe

जिसकी मानसिक वासनाएँ जल चुकी हैं और जो उनके समस्त गुणों से मुक्त हो चुका है, वह आत्मा के भीतर-बाहर का भेद नहीं देखता; परमात्मा और जीवात्मा के बीच जो व्यवधान पहले था, वह उसी प्रकार नष्ट हो जाता है, जैसे स्वप्न में दिखने वाली वस्तु जागने पर नष्ट हो जाती है।

श्लोक 28 (bhagavata.4.22.28)

आत्मानमिन्द्रियार्थं च परं यदुभयोरपि । सत्याशय उपाधौ वै पुमान् पश्यति नान्यदा ॥ २८ ॥

ātmānam indriyārthaṁ ca paraṁ yad ubhayor api saty āśaya upādhau vai pumān paśyati nānyadā

केवल जब तक सत्य-बोध किसी उपाधि के आश्रित रहता है, तभी तक पुरुष आत्मा, इन्द्रिय-विषय तथा उन दोनों से परे (तत्त्व) को पृथक्-पृथक् देखता है, अन्यथा नहीं।

श्लोक 29 (bhagavata.4.22.29)

निमित्ते सति सर्वत्र जलादावपि पूरुषः । आत्मनश्च परस्यापि भिदां पश्यति नान्यदा ॥ २९ ॥

nimitte sati sarvatra jalādāv api pūruṣaḥ ātmanaś ca parasyāpi bhidāṁ paśyati nānyadā

जल आदि में भी जब कोई (विकृतिकारक) निमित्त उपस्थित होता है, तभी पुरुष अपने तथा परमात्मा के बीच भेद देखता है, अन्यथा नहीं।

श्लोक 30 (bhagavata.4.22.30)

इन्द्रियैर्विषयाकृष्टैराक्षिप्तं ध्यायतां मनः । चेतनां हरते बुद्धेः स्तम्बस्तोयमिव ह्रदात् ॥ ३० ॥

indriyair viṣayākṛṣṭair ākṣiptaṁ dhyāyatāṁ manaḥ cetanāṁ harate buddheḥ stambas toyam iva hradāt

विषयों की ओर आकृष्ट इन्द्रियों द्वारा ग्रस्त, उनका चिंतन करने वाला मन, बुद्धि की चेतना को उसी प्रकार हर लेता है, जैसे तिनकों का झुरमुट सरोवर से जल को सोख लेता है।

श्लोक 31 (bhagavata.4.22.31)

भ्रश्यत्यनुस्मृतिश्चित्तं ज्ञानभ्रंशः स्मृतिक्षये । तद्रोधं कवयः प्राहुरात्मापह्नवमात्मनः ॥ ३१ ॥

bhraśyaty anusmṛtiś cittaṁ jñāna-bhraṁśaḥ smṛti-kṣaye tad-rodhaṁ kavayaḥ prāhur ātmāpahnavam ātmanaḥ

स्मृति नष्ट होने पर चित्त भी नष्ट (भ्रष्ट) हो जाता है, और ज्ञान भी विनष्ट हो जाता है; बुद्धिमान इस अवरोध को आत्मा द्वारा आत्मा के ही निषेध की संज्ञा देते हैं।

श्लोक 32 (bhagavata.4.22.32)

नातः परतरो लोके पुंसः स्वार्थव्यतिक्रमः । यदध्यन्यस्य प्रेयस्त्वमात्मनः स्वव्यतिक्रमात् ॥ ३२ ॥

nātaḥ parataro loke puṁsaḥ svārtha-vyatikramaḥ yad-adhy anyasya preyastvam ātmanaḥ sva-vyatikramāt

इस संसार में पुरुष के स्वार्थ की इससे बड़ी क्षति और कुछ नहीं है, जितनी कि अपने ही (सच्चे) हित की उपेक्षा से अन्य वस्तुओं को आत्मा से भी अधिक प्रिय मान लेना।

श्लोक 33 (bhagavata.4.22.33)

अर्थेन्द्रियार्थाभिध्यानं सर्वार्थापह्नवो नृणाम् । भ्रंशितो ज्ञानविज्ञानाद्येनाविशति मुख्यताम् ॥ ३३ ॥

arthendriyārthābhidhyānaṁ sarvārthāpahnavo nṛṇām bhraṁśito jñāna-vijñānād yenāviśati mukhyatām

धन तथा इन्द्रिय-विषयों का निरंतर चिंतन मनुष्यों के समस्त वास्तविक हितों को नष्ट कर देता है; इससे ज्ञान तथा विज्ञान से भ्रष्ट होकर मनुष्य जड़ता (मूढ़ता) को प्राप्त हो जाता है।

श्लोक 34 (bhagavata.4.22.34)

न कुर्यात्कर्हिचित्सङ्गं तमस्तीव्रं तितीरिषुः । धर्मार्थकाममोक्षाणां यदत्यन्तविघातकम् ॥ ३४ ॥

na kuryāt karhicit saṅgaṁ tamas tīvraṁ titīriṣuḥ dharmārtha-kāma-mokṣāṇāṁ yad atyanta-vighātakam

जो इस घोर अंधकार को पार करना चाहता है, उसे कभी भी उस संगति को नहीं करना चाहिए, जो धर्म, अर्थ, काम और मोक्ष — इन सबका पूर्ण विनाश करने वाली है।

श्लोक 35 (bhagavata.4.22.35)

तत्रापि मोक्ष एवार्थ आत्यन्तिकतयेष्यते । त्रैवर्ग्योऽर्थो यतो नित्यं कृतान्तभयसंयुतः ॥ ३५ ॥

tatrāpi mokṣa evārtha ātyantikatayeṣyate traivargyo ’rtho yato nityaṁ kṛtānta-bhaya-saṁyutaḥ

इनमें भी मोक्ष ही परम पुरुषार्थ के रूप में वांछनीय है, क्योंकि त्रिवर्ग (धर्म, अर्थ, काम) रूपी प्रयोजन सदैव मृत्यु के भय से युक्त रहता है।

श्लोक 36 (bhagavata.4.22.36)

परेऽवरे च ये भावा गुणव्यतिकरादनु । न तेषां विद्यते क्षेममीशविध्वंसिताशिषाम् ॥ ३६ ॥

pare ’vare ca ye bhāvā guṇa-vyatikarād anu na teṣāṁ vidyate kṣemam īśa-vidhvaṁsitāśiṣām

गुणों के परस्पर व्यतिकर से उत्पन्न होने वाली जो उच्च और निम्न अवस्थाएँ हैं, उनका कोई स्थायी कल्याण नहीं है, क्योंकि उनके आशीर्वाद अंततः ईश्वर (काल) द्वारा नष्ट कर दिए जाते हैं।

श्लोक 37 (bhagavata.4.22.37)

तत्त्वं नरेन्द्र जगतामथ तस्थूषां च देहेन्द्रियासुधिषणात्मभिरावृतानाम् । यः क्षेत्रवित्तपतया हृदि विश्वगाविः प्रत्यक् चकास्ति भगवांस्तमवेहि सोऽस्मि ॥ ३७ ॥

tat tvaṁ narendra jagatām atha tasthūṣāṁ ca dehendriyāsu-dhiṣaṇātmabhir āvṛtānām yaḥ kṣetravit-tapatayā hṛdi viśvag āviḥ pratyak cakāsti bhagavāṁs tam avehi so ’smi

हे नरेन्द्र! शरीर, इन्द्रिय, प्राण तथा बुद्धि से आवृत, चराचर समस्त प्राणियों के हृदय में, क्षेत्रज्ञ-रूप में अपने ही तेज से सर्वत्र व्याप्त, प्रत्यक् रूप से प्रकाशित होने वाले उन भगवान् को — 'वह मैं ही हूँ' — ऐसा जानो।

श्लोक 38 (bhagavata.4.22.38)

यस्मिन्निदं सदसदात्मतया विभाति माया विवेकविधुति स्रजि वाहिबुद्धिः । तं नित्यमुक्तपरिशुद्धविशुद्धतत्त्वं प्रत्यूढकर्मकलिलप्रकृतिं प्रपद्ये ॥ ३८ ॥

yasminn idaṁ sad-asad-ātmatayā vibhāti māyā viveka-vidhuti sraji vāhi-buddhiḥ taṁ nitya-mukta-pariśuddha-viśuddha-tattvaṁ pratyūḍha-karma-kalila-prakṛtiṁ prapadye

जिनमें, विवेक-भ्रम के कारण, रस्सी में सर्प के भ्रम के समान, यह जगत् सत् और असत्, दोनों रूपों में प्रतीत होता है — उन नित्यमुक्त, परमशुद्ध, विशुद्ध-तत्त्व, तथा (मात्र आभासरूप से) कर्म-मल से युक्त प्रकृति वाले भगवान् की मैं शरण लेता हूँ।

श्लोक 39 (bhagavata.4.22.39)

यत्पादपङ्कजपलाशविलासभक्त्या कर्माशयं ग्रथितमुद्ग्रथयन्ति सन्तः । तद्वन्न रिक्तमतयो यतयोऽपि रुद्ध स्रोतोगणास्तमरणं भज वासुदेवम् ॥ ३९ ॥

yat-pāda-paṅkaja-palāśa-vilāsa-bhaktyā karmāśayaṁ grathitam udgrathayanti santaḥ tadvan na rikta-matayo yatayo ’pi ruddha- sroto-gaṇās tam araṇaṁ bhaja vāsudevam

उनके चरण-कमलों के पत्रों के प्रति आनंदमयी भक्ति द्वारा, संतजन कर्म-वासनाओं की उस गुत्थी को पूर्णतः खोल देते हैं — जो इन्द्रियों के समस्त स्रोतों को रोके हुए यतिजन भी, चित्तशून्य होकर भी, नहीं कर पाते। अतः उस वासुदेव की, जो एकमात्र शरण हैं, उपासना करो।

श्लोक 40 (bhagavata.4.22.40)

कृच्छ्रो महानिह भवार्णवमप्लवेशां षड्वर्गनक्रमसुखेन तितीर्षन्ति । तत्त्वं हरेर्भगवतो भजनीयमङ्घ्रिं कृत्वोडुपं व्यसनमुत्तर दुस्तरार्णम् ॥ ४० ॥

kṛcchro mahān iha bhavārṇavam aplaveśāṁ ṣaḍ-varga-nakram asukhena titīrṣanti tat tvaṁ harer bhagavato bhajanīyam aṅghriṁ kṛtvoḍupaṁ vyasanam uttara dustarārṇam

इस भव-सागर को, जो काम-क्रोध आदि षड्वर्गरूपी मगर से युक्त है, बिना नौका के पार करना चाहने वालों के लिए महान् कष्ट है। अतः आप भगवान् हरि के पूजनीय चरण-कमलों को ही नौका बनाकर, इस दुस्तर आपत्ति-सागर को पार कीजिए।

श्लोक 41 (bhagavata.4.22.41)

मैत्रेय उवाच स एवं ब्रह्मपुत्रेण कुमारेणात्ममेधसा । दर्शितात्मगतिः सम्यक्प्रशस्योवाच तं नृपः ॥ ४१ ॥

maitreya uvāca sa evaṁ brahma-putreṇa kumāreṇātma-medhasā darśitātma-gatiḥ samyak praśasyovāca taṁ nṛpaḥ

मैत्रेय ने कहा — इस प्रकार ब्रह्मा-पुत्र, आत्म-ज्ञानी कुमार द्वारा आत्म-गति भलीभाँति दिखाए जाने पर, राजा ने उनकी भूरि-भूरि प्रशंसा करते हुए उनसे कहा।

श्लोक 42 (bhagavata.4.22.42)

राजोवाच कृतो मेऽनुग्रहः पूर्वं हरिणार्तानुकम्पिना । तमापादयितुं ब्रह्मन् भगवन् यूयमागताः ॥ ४२ ॥

rājovāca kṛto me ’nugrahaḥ pūrvaṁ hariṇārtānukampinā tam āpādayituṁ brahman bhagavan yūyam āgatāḥ

राजा ने कहा — दुःखियों पर करुणा करने वाले हरि ने पहले ही मुझ पर अनुग्रह किया था; हे ब्रह्मन्, हे भगवन्! आप उसी को पूर्ण करने हेतु पधारे हैं।

श्लोक 43 (bhagavata.4.22.43)

निष्पादितश्च कार्त्स्न्येन भगवद्भिर्घृणालुभिः । साधूच्छिष्टं हि मे सर्वमात्मना सह किं ददे ॥ ४३ ॥

niṣpāditaś ca kārtsnyena bhagavadbhir ghṛṇālubhiḥ sādhūcchiṣṭaṁ hi me sarvam ātmanā saha kiṁ dade

और आप भगवद्रूप, दयालु जनों ने इसे पूर्णतः सम्पन्न कर दिया है। मेरे पास तो साधुओं का उच्छिष्ट (शेष) ही सब कुछ है — मैं अपनी आत्मा सहित आपको क्या दूँ?

श्लोक 44 (bhagavata.4.22.44)

प्राणा दाराः सुता ब्रह्मन् गृहाश्च सपरिच्छदाः । राज्यं बलं मही कोश इति सर्वं निवेदितम् ॥ ४४ ॥

prāṇā dārāḥ sutā brahman gṛhāś ca sa-paricchadāḥ rājyaṁ balaṁ mahī kośa iti sarvaṁ niveditam

हे ब्राह्मण! मेरे प्राण, पत्नी, पुत्र, घर तथा उसकी सामग्री, राज्य, सेना, पृथ्वी और कोश — यह सब कुछ पहले ही निवेदित कर दिया गया है।

श्लोक 45 (bhagavata.4.22.45)

सैनापत्यं च राज्यं च दण्डनेतृत्वमेव च । सर्व लोकाधिपत्यं च वेदशास्त्रविदर्हति ॥ ४५ ॥

sainā-patyaṁ ca rājyaṁ ca daṇḍa-netṛtvam eva ca sarva lokādhipatyaṁ ca veda-śāstra-vid arhati

सेनापतित्व, राज्य, दंडनायकत्व तथा समस्त लोकों का आधिपत्य — इन सबका अधिकारी तो वेदशास्त्रों का ज्ञाता ही होता है।

श्लोक 46 (bhagavata.4.22.46)

स्वमेव ब्राह्मणो भुङ्क्ते स्वं वस्ते स्वं ददाति च । तस्यैवानुग्रहेणान्नं भुञ्जते क्षत्रियादयः ॥ ४६ ॥

svam eva brāhmaṇo bhuṅkte svaṁ vaste svaṁ dadāti ca tasyaivānugraheṇānnaṁ bhuñjate kṣatriyādayaḥ

ब्राह्मण अपना ही उपभोग करता है, अपना ही धारण करता है, तथा अपना ही दान करता है; क्षत्रिय आदि तो उसी के अनुग्रह से अन्न ग्रहण करते हैं।

श्लोक 47 (bhagavata.4.22.47)

यैरीदृशी भगवतो गतिरात्मवाद एकान्ततो निगमिभिः प्रतिपादिता नः । तुष्यन्त्वदभ्रकरुणाः स्वकृतेन नित्यं को नाम तत्प्रतिकरोति विनोदपात्रम् ॥ ४७ ॥

yair īdṛśī bhagavato gatir ātma-vāda ekāntato nigamibhiḥ pratipāditā naḥ tuṣyantv adabhra-karuṇāḥ sva-kṛtena nityaṁ ko nāma tat pratikaroti vinoda-pātram

जिन वेदज्ञ महात्माओं ने भगवान् की तथा आत्मतत्त्व की ऐसी एकांतिक गति का हमें प्रतिपादन किया है, वे अपार करुणा वाले सदा अपने ही सुकृत्यों से संतुष्ट रहें — भला उनके उस उपकार का प्रतिकार, उनके मनोरंजन-मात्र (अल्प) पात्र कौन कर सकता है?

श्लोक 48 (bhagavata.4.22.48)

मैत्रेय उवाच त आत्मयोगपतय आदिराजेन पूजिताः । शीलं तदीयं शंसन्तः खेऽभवन्मिषतां नृणाम् ॥ ४८ ॥

maitreya uvāca ta ātma-yoga-pataya ādi-rājena pūjitāḥ śīlaṁ tadīyaṁ śaṁsantaḥ khe ’bhavan miṣatāṁ nṛṇām

मैत्रेय ने कहा — आत्मयोग के वे स्वामी, आदिराज द्वारा पूजित होकर, उनके शील की प्रशंसा करते हुए, देखते-देखते सबकी आँखों के सामने आकाश में उठ गए।

श्लोक 49 (bhagavata.4.22.49)

वैन्यस्तु धुर्यो महतां संस्थित्याध्यात्मशिक्षया । आप्तकाममिवात्मानं मेन आत्मन्यवस्थितः ॥ ४९ ॥

vainyas tu dhuryo mahatāṁ saṁsthityādhyātma-śikṣayā āpta-kāmam ivātmānaṁ mena ātmany avasthitaḥ

वेन-पुत्र, आध्यात्मिक शिक्षा में स्थिरता के कारण महापुरुषों में अग्रणी, आत्मा में स्थित रहते हुए अपने को मानो पूर्णकाम समझने लगे।

श्लोक 50 (bhagavata.4.22.50)

कर्माणि च यथाकालं यथादेशं यथाबलम् । यथोचितं यथावित्तमकरोद्ब्रह्मसात्कृतम् ॥ ५० ॥

karmāṇi ca yathā-kālaṁ yathā-deśaṁ yathā-balam yathocitaṁ yathā-vittam akarod brahma-sāt-kṛtam

उन्होंने अपने समस्त कर्म — काल, देश, बल तथा साधनों के अनुरूप, यथोचित रूप से — पूर्णतः ब्रह्म को अर्पित करते हुए किए।

श्लोक 51 (bhagavata.4.22.51)

फलं ब्रह्मणि संन्यस्य निर्विषङ्गः समाहितः । कर्माध्यक्षं च मन्वान आत्मानं प्रकृतेः परम् ॥ ५१ ॥

phalaṁ brahmaṇi sannyasya nirviṣaṅgaḥ samāhitaḥ karmādhyakṣaṁ ca manvāna ātmānaṁ prakṛteḥ param

कर्म के फल को ब्रह्म में समर्पित करके, अनासक्त तथा समाहित-चित्त होकर, वे आत्मा को प्रकृति से परे, कर्म का अध्यक्ष मानते रहे।

श्लोक 52 (bhagavata.4.22.52)

गृहेषु वर्तमानोऽपि स साम्राज्यश्रियान्वितः । नासज्जतेन्द्रियार्थेषु निरहंमतिरर्कवत् ॥ ५२ ॥

gṛheṣu vartamāno ’pi sa sāmrājya-śriyānvitaḥ nāsajjatendriyārtheṣu niraham-matir arkavat

गृहस्थ जीवन में रहते हुए भी, साम्राज्य की समृद्धि से युक्त होकर भी, अहंकार-रहित वे इन्द्रिय-विषयों में आसक्त नहीं होते थे, सूर्य के समान (अलिप्त)।

श्लोक 53 (bhagavata.4.22.53)

एवमध्यात्मयोगेन कर्माण्यनुसमाचरन् । पुत्रानुत्पादयामास पञ्चार्चिष्यात्मसम्मतान् ॥ ५३ ॥

evam adhyātma-yogena karmāṇy anusamācaran putrān utpādayām āsa pañcārciṣy ātma-sammatān

इस प्रकार अध्यात्म-योग द्वारा अपने कर्मों का पालन करते हुए, उन्होंने अपनी पत्नी अर्चि से अपने मन के अनुकूल पाँच पुत्र उत्पन्न किए।

श्लोक 54 (bhagavata.4.22.54)

विजिताश्वं धूम्रकेशं हर्यक्षं द्रविणं वृकम् । सर्वेषां लोकपालानां दधारैकः पृथुर्गुणान् ॥ ५४ ॥

vijitāśvaṁ dhūmrakeśaṁ haryakṣaṁ draviṇaṁ vṛkam sarveṣāṁ loka-pālānāṁ dadhāraikaḥ pṛthur guṇān

विजिताश्व, धूम्रकेश, हर्यक्ष, द्रविण तथा वृक — पृथु अकेले ही सभी लोकपालों के गुणों को धारण करते थे।

श्लोक 55 (bhagavata.4.22.55)

गोपीथाय जगत्सृष्टेः काले स्वे स्वेऽच्युतात्मकः । मनोवाग्वृत्तिभिः सौम्यैर्गुणैः संरञ्जयन् प्रजाः ॥ ५५ ॥

gopīthāya jagat-sṛṣṭeḥ kāle sve sve ’cyutātmakaḥ mano-vāg-vṛttibhiḥ saumyair guṇaiḥ saṁrañjayan prajāḥ

सृष्ट जगत् की रक्षा हेतु, अच्युत के साथ आत्मतादात्म्य रखते हुए, उन्होंने यथासमय अपने सौम्य मन, वाणी तथा आचरण के गुणों से प्रजा को प्रसन्न रखा।

श्लोक 56 (bhagavata.4.22.56)

राजेत्यधान्नामधेयं सोमराज इवापरः । सूर्यवद्विसृजन् गृह्णन् प्रतपंश्च भुवो वसु ॥ ५६ ॥

rājety adhān nāmadheyaṁ soma-rāja ivāparaḥ sūryavad visṛjan gṛhṇan pratapaṁś ca bhuvo vasu

वे 'राजा' नाम को साक्षात् सोमराज के समान धारण करते थे; तथा सूर्य के समान पृथ्वी के धन को उत्सर्जित करते, ग्रहण करते तथा तपाते थे।

श्लोक 57 (bhagavata.4.22.57)

दुर्धर्षस्तेजसेवाग्निर्महेन्द्र इव दुर्जयः । तितिक्षया धरित्रीव द्यौरिवाभीष्टदो नृणाम् ॥ ५७ ॥

durdharṣas tejasevāgnir mahendra iva durjayaḥ titikṣayā dharitrīva dyaur ivābhīṣṭa-do nṛṇām

तेज में अग्नि के समान अजेय, महेन्द्र के समान दुर्जय, सहनशीलता में पृथ्वी के समान, तथा मनुष्यों की अभीष्ट-पूर्ति में स्वर्ग के समान थे।

श्लोक 58 (bhagavata.4.22.58)

वर्षति स्म यथाकामं पर्जन्य इव तर्पयन् । समुद्र इव दुर्बोधः सत्त्वेनाचलराडिव ॥ ५८ ॥

varṣati sma yathā-kāmaṁ parjanya iva tarpayan samudra iva durbodhaḥ sattvenācala-rāḍ iva

वे वर्षा के समान इच्छानुसार बरसते हुए सबको तृप्त करते थे, समुद्र के समान अगाध थे, और स्थिरता में पर्वतराज के समान थे।

श्लोक 59 (bhagavata.4.22.59)

धर्मराडिव शिक्षायामाश्चर्ये हिमवानिव । कुवेर इव कोशाढ्यो गुप्तार्थो वरुणो यथा ॥ ५९ ॥

dharma-rāḍ iva śikṣāyām āścarye himavān iva kuvera iva kośāḍhyo guptārtho varuṇo yathā

शिक्षा में धर्मराज के समान, आश्चर्य में हिमालय के समान, कोश में कुबेर के समान समृद्ध, तथा गुप्त-रहस्य रखने में वरुण के समान थे।

श्लोक 60 (bhagavata.4.22.60)

मातरिश्वेव सर्वात्मा बलेन महसौजसा । अविषह्यतया देवो भगवान् भूतराडिव ॥ ६० ॥

mātariśveva sarvātmā balena mahasaujasā aviṣahyatayā devo bhagavān bhūta-rāḍ iva

बल, तेज तथा ओज में वायु के समान सर्वव्यापी, तथा अपनी असह्य शक्ति में भूतराज भगवान् (शिव) के समान थे।

श्लोक 61 (bhagavata.4.22.61)

कन्दर्प इव सौन्दर्ये मनस्वी मृगराडिव । वात्सल्ये मनुवन्नृणां प्रभुत्वे भगवानजः ॥ ६१ ॥

kandarpa iva saundarye manasvī mṛga-rāḍ iva vātsalye manuvan nṛṇāṁ prabhutve bhagavān ajaḥ

सौंदर्य में कामदेव के समान, मनस्वी होने में मृगराज के समान, मनुष्यों के प्रति वात्सल्य में मनु के समान, तथा प्रभुत्व में अजन्मा भगवान् ब्रह्मा के समान थे।

श्लोक 62 (bhagavata.4.22.62)

बृहस्पतिर्ब्रह्मवादे आत्मवत्त्वे स्वयं हरिः । भक्त्या गोगुरुविप्रेषु विष्वक्सेनानुवर्तिषु । ह्रिया प्रश्रयशीलाभ्यामात्मतुल्यः परोद्यमे ॥ ६२ ॥

bṛhaspatir brahma-vāde ātmavattve svayaṁ hariḥ bhaktyā go-guru-vipreṣu viṣvaksenānuvartiṣu hriyā praśraya-śīlābhyām ātma-tulyaḥ parodyame

ब्रह्म-विषयक वार्ता में बृहस्पति के समान, आत्मसंयम में स्वयं हरि के समान; गौ, गुरु तथा ब्राह्मणों के प्रति — विष्वक्सेन के अनुयायियों के प्रति — भक्ति में; लज्जा तथा विनम्र शील में; तथा परोपकार के उद्यम में वे स्वयं अपने ही समान थे।

श्लोक 63 (bhagavata.4.22.63)

कीर्त्योर्ध्वगीतया पुम्भिस्त्रैलोक्ये तत्र तत्र ह । प्रविष्टः कर्णरन्ध्रेषु स्त्रीणां रामः सतामिव ॥ ६३ ॥

kīrtyordhva-gītayā pumbhis trailokye tatra tatra ha praviṣṭaḥ karṇa-randhreṣu strīṇāṁ rāmaḥ satām iva

उनकी कीर्ति, जो त्रैलोक्य में यत्र-तत्र मनुष्यों द्वारा उच्च स्वर से गाई जाती थी, राम की भाँति ही, सज्जनों के मध्य स्त्रियों के कर्ण-छिद्रों में प्रविष्ट हो जाती थी।