राजा पुरंजन के चरित्र का वर्णन

श्लोक 1 (bhagavata.4.25.1)

मैत्रेय उवाच इति सन्दिश्य भगवान् बार्हिषदैरभिपूजितः । पश्यतां राजपुत्राणां तत्रैवान्तर्दधे हरः ॥ 25.1 ॥

maitreya uvāca iti sandiśya bhagavān bārhiṣadair abhipūjitaḥ paśyatāṁ rāja-putrāṇāṁ tatraivāntardadhe haraḥ

मैत्रेय ने कहा — इस प्रकार आदेश देकर, बर्हिषद-पुत्रों द्वारा पूजित भगवान शिव राजकुमारों के देखते-देखते वहीं अंतर्धान हो गए।

श्लोक 2 (bhagavata.4.25.2)

रुद्रगीतं भगवतः स्तोत्रं सर्वे प्रचेतसः । जपन्तस्ते तपस्तेपुर्वर्षाणामयुतं जले ॥ 25.2 ॥

rudra-gītaṁ bhagavataḥ stotraṁ sarve pracetasaḥ japantas te tapas tepur varṣāṇām ayutaṁ jale

तत्पश्चात् सभी प्रचेता भगवान शिव के उस स्तोत्र रुद्रगीत का जप करते हुए दस हज़ार वर्षों तक जल में तपस्या करते रहे।

श्लोक 3 (bhagavata.4.25.3)

प्राचीनबर्हिषं क्षत्तः कर्मस्वासक्तमानसम् । नारदोऽध्यात्मतत्त्वज्ञः कृपालुः प्रत्यबोधयत् ॥ 25.3 ॥

prācīnabarhiṣaṁ kṣattaḥ karmasv āsakta-mānasam nārado ’dhyātma-tattva-jñaḥ kṛpāluḥ pratyabodhayat

हे क्षत्तः, इस बीच अध्यात्म-तत्त्व के ज्ञाता कृपालु नारद मुनि ने कर्मों में आसक्त-मन राजा प्राचीनबर्हि को सन्मार्ग की ओर जगाया।

श्लोक 4 (bhagavata.4.25.4)

श्रेयस्त्वं कतमद्राजन् कर्मणात्मन ईहसे । दुःखहानिः सुखावाप्तिः श्रेयस्तन्नेह चेष्यते ॥ 25.4 ॥

śreyas tvaṁ katamad rājan karmaṇātmana īhase duḥkha-hāniḥ sukhāvāptiḥ śreyas tan neha ceṣyate

हे राजन्! तुम इन कर्मों के द्वारा अपने लिये कौन-सा कल्याण चाहते हो? दुःख की निवृत्ति और सुख की प्राप्ति ही यदि कल्याण है, तो वह इन कर्मों से सिद्ध नहीं होता।

श्लोक 5 (bhagavata.4.25.5)

राजोवाच न जानामि महाभाग परं कर्मापविद्धधीः । ब्रूहि मे विमलं ज्ञानं येन मुच्येय कर्मभिः ॥ 25.5 ॥

rājovāca na jānāmi mahā-bhāga paraṁ karmāpaviddha-dhīḥ brūhi me vimalaṁ jñānaṁ yena mucyeya karmabhiḥ

राजा ने कहा — हे महाभाग! कर्मों में उलझी हुई बुद्धि के कारण मैं परम कल्याण को नहीं जानता। मुझे वह निर्मल ज्ञान बताइये, जिससे मैं कर्मों से मुक्त हो सकूँ।

श्लोक 6 (bhagavata.4.25.6)

गृहेषु कूटधर्मेषु पुत्रदारधनार्थधीः । न परं विन्दते मूढो भ्राम्यन् संसारवर्त्मसु ॥ 25.6 ॥

gṛheṣu kūṭa-dharmeṣu putra-dāra-dhanārtha-dhīḥ na paraṁ vindate mūḍho bhrāmyan saṁsāra-vartmasu

पुत्र, पत्नी और धन में लिप्त बुद्धि वाला मूढ़ पुरुष, कूट-धर्म पर टिके गृहस्थ जीवन में उलझकर परम तत्त्व को नहीं पाता; वह केवल संसार के मार्गों में भटकता रहता है।

श्लोक 7 (bhagavata.4.25.7)

नारद उवाच भो भोः प्रजापते राजन् पशून् पश्य त्वयाध्वरे । संज्ञापिताञ्जीवसङ्घान्निर्घृणेन सहस्रशः ॥ 25.7 ॥

nārada uvāca bhoḥ bhoḥ prajāpate rājan paśūn paśya tvayādhvare saṁjñāpitāñ jīva-saṅghān nirghṛṇena sahasraśaḥ

नारद ने कहा — हे प्रजापते राजन्! देखो तो सही, तुमने अपने यज्ञों में निर्दयतापूर्वक सैकड़ों-हज़ारों पशुओं और जीव-समूहों का वध किया है।

श्लोक 8 (bhagavata.4.25.8)

एते त्वां सम्प्रतीक्षन्ते स्मरन्तो वैशसं तव । सम्परेतम् अयःकूटैश्छिन्दन्त्युत्थितमन्यवः ॥ 25.8 ॥

ete tvāṁ sampratīkṣante smaranto vaiśasaṁ tava samparetam ayaḥ-kūṭaiś chindanty utthita-manyavaḥ

वे सब जीव तुम्हारे प्रति की गई क्रूरता को स्मरण करते हुए तुम्हारी प्रतीक्षा कर रहे हैं; तुम्हारी मृत्यु होने पर वे क्रोध से भरकर अपने लौह-सींगों से तुम्हें बींध डालेंगे।

श्लोक 9 (bhagavata.4.25.9)

अत्र ते कथयिष्येऽमुमितिहासं पुरातनम् । पुरञ्जनस्य चरितं निबोध गदतो मम ॥ 25.9 ॥

atra te kathayiṣye ’mum itihāsaṁ purātanam purañjanasya caritaṁ nibodha gadato mama

इसी सन्दर्भ में मैं तुम्हें एक प्राचीन इतिहास सुनाऊँगा — राजा पुरंजन का चरित्र; मैं जो कह रहा हूँ, उसे ध्यानपूर्वक सुनो।

श्लोक 10 (bhagavata.4.25.10)

आसीत्पुरञ्जनो नाम राजा राजन् बृहच्छ्रवाः । तस्याविज्ञातनामासीत्सखाविज्ञातचेष्टितः ॥ 25.10 ॥

āsīt purañjano nāma rājā rājan bṛhac-chravāḥ tasyāvijñāta-nāmāsīt sakhāvijñāta-ceṣṭitaḥ

हे राजन्! पूर्वकाल में एक अत्यंत यशस्वी राजा थे, जिनका नाम पुरंजन था। उनका एक सखा था जिसका नाम अविज्ञात था, जिसकी चेष्टाओं को कोई नहीं जान पाता था।

श्लोक 11 (bhagavata.4.25.11)

सोऽन्वेषमाणः शरणं बभ्राम पृथिवीं प्रभुः । नानुरूपं यदाविन्ददभूत्स विमना इव ॥ 25.11 ॥

so ’nveṣamāṇaḥ śaraṇaṁ babhrāma pṛthivīṁ prabhuḥ nānurūpaṁ yadāvindad abhūt sa vimanā iva

वह प्रभावशाली राजा अपने रहने योग्य स्थान की खोज में समस्त पृथ्वी पर घूमता रहा; जब उसे अपने अनुकूल स्थान नहीं मिला, तो वह मानो उदास हो गया।

श्लोक 12 (bhagavata.4.25.12)

न साधु मेने ताः सर्वा भूतले यावतीः पुरः । कामान् कामयमानोऽसौ तस्य तस्योपपत्तये ॥ 25.12 ॥

na sādhu mene tāḥ sarvā bhūtale yāvatīḥ puraḥ kāmān kāmayamāno ’sau tasya tasyopapattaye

अपनी प्रत्येक इच्छा की पूर्ति चाहते हुए, उसने पृथ्वी पर जितने भी नगर थे, उनमें से किसी को भी संतोषजनक नहीं माना।

श्लोक 13 (bhagavata.4.25.13)

स एकदा हिमवतो दक्षिणेष्वथ सानुषु । ददर्श नवभिर्द्वार्भिः पुरं लक्षितलक्षणाम् ॥ 25.13 ॥

sa ekadā himavato dakṣiṇeṣv atha sānuṣu dadarśa navabhir dvārbhiḥ puraṁ lakṣita-lakṣaṇām

एक दिन हिमालय की दक्षिणी घाटियों में उसने नौ द्वारों वाला और समस्त शुभ लक्षणों से युक्त एक नगर देखा।

श्लोक 14 (bhagavata.4.25.14)

प्राकारोपवनाट्टालपरिखैरक्षतोरणैः । स्वर्णरौप्यायसैः शृङ्गैः सङ्कुलां सर्वतो गृहैः ॥ 25.14 ॥

prākāropavanāṭṭāla- parikhair akṣa-toraṇaiḥ svarṇa-raupyāyasaiḥ śṛṅgaiḥ saṅkulāṁ sarvato gṛhaiḥ

वह नगर चारदीवारी, उपवनों, अट्टालिकाओं और खाइयों से घिरा था, उसके तोरण-द्वार अक्षत थे, और वह चारों ओर स्वर्ण, रजत तथा लौह के शिखरों वाले भवनों से भरा हुआ था।

श्लोक 15 (bhagavata.4.25.15)

नीलस्फटिकवैदूर्यमुक्तामरकतारुणैः । क्लृप्तहर्म्यस्थलीं दीप्तां श्रिया भोगवतीमिव ॥ 25.15 ॥

nīla-sphaṭika-vaidūrya- muktā-marakatāruṇaiḥ kḷpta-harmya-sthalīṁ dīptāṁ śriyā bhogavatīm iva

उसके भवनों के फर्श नीलम, स्फटिक, वैदूर्य, मोती, मरकत और माणिक्य से जड़े हुए थे, और वह नगर भोगवती पुरी के समान अपनी श्री से देदीप्यमान था।

श्लोक 16 (bhagavata.4.25.16)

सभाचत्वररथ्याभिराक्रीडायतनापणैः । चैत्यध्वजपताकाभिर्युक्तां विद्रुमवेदिभिः ॥ 25.16 ॥

sabhā-catvara-rathyābhir ākrīḍāyatanāpaṇaiḥ caitya-dhvaja-patākābhir yuktāṁ vidruma-vedibhiḥ

वह नगर सभा-भवनों, चौराहों, गलियों, क्रीड़ा-स्थलों, आवासों और हाटों से सुसज्जित था, तथा चैत्य-ध्वजाओं, पताकाओं और मूँगे की वेदियों से युक्त था।

श्लोक 17 (bhagavata.4.25.17)

पुर्यास्तु बाह्योपवने दिव्यद्रुमलताकुले । नदद्विहङ्गालिकुलकोलाहलजलाशये ॥ 25.17 ॥

puryās tu bāhyopavane divya-druma-latākule nadad-vihaṅgāli-kula- kolāhala-jalāśaye

नगर के बाह्य उपवन में, जो दिव्य वृक्षों और लताओं से भरा था, एक जलाशय था जो पक्षियों के झुंडों तथा भ्रमरों के समूहों की कोलाहलध्वनि से गूँज रहा था।

श्लोक 18 (bhagavata.4.25.18)

हिमनिर्झरविप्रुष्मत्कुसुमाकरवायुना । चलत्प्रवालविटपनलिनीतटसम्पदि ॥ 25.18 ॥

hima-nirjhara-vipruṣmat- kusumākara-vāyunā calat-pravāla-viṭapa- nalinī-taṭa-sampadi

वहाँ, उस कमल-सरोवर के तटवर्ती वैभव में, हिम-निर्झरों की बूँदों को साथ लिए वसंत की वायु शाखाओं के कोमल अंकुरों को कँपा रही थी।

श्लोक 19 (bhagavata.4.25.19)

नानारण्यमृगव्रातैरनाबाधे मुनिव्रतैः । आहूतं मन्यते पान्थो यत्र कोकिलकूजितैः ॥ 25.19 ॥

nānāraṇya-mṛga-vrātair anābādhe muni-vrataiḥ āhūtaṁ manyate pāntho yatra kokila-kūjitaiḥ

वहाँ मुनियों के व्रत के समान अहिंसक विविध वनचरों के झुंड किसी को बाधा नहीं पहुँचाते थे, और वहाँ कोयलों की कूक सुनकर पथिक को ऐसा प्रतीत होता मानो उसे बुलाया जा रहा हो।

श्लोक 20 (bhagavata.4.25.20)

यदृच्छयागतां तत्र ददर्श प्रमदोत्तमाम् । भृत्यैर्दशभिरायान्तीमेकैकशतनायकैः ॥ 25.20 ॥

yadṛcchayāgatāṁ tatra dadarśa pramadottamām bhṛtyair daśabhir āyāntīm ekaika-śata-nāyakaiḥ

वहाँ उसने संयोगवश एक अत्यंत सुंदर युवती को आते देखा, जो दस सेवकों के साथ चली आ रही थी, और उनमें से प्रत्येक सेवक स्वयं सौ-सौ का अधिपति था।

श्लोक 21 (bhagavata.4.25.21)

पञ्चशीर्षाहिना गुप्तां प्रतीहारेण सर्वतः । अन्वेषमाणामृषभमप्रौढां कामरूपिणीम् ॥ 25.21 ॥

pañca-śīrṣāhinā guptāṁ pratīhāreṇa sarvataḥ anveṣamāṇām ṛṣabham aprauḍhāṁ kāma-rūpiṇīm

वह सब ओर से एक पाँच फणों वाले सर्प द्वारा द्वारपाल के रूप में सुरक्षित थी; यद्यपि अभी अल्पवयस्क थी और इच्छानुसार रूप धारण कर सकती थी, वह एक श्रेष्ठ पति की खोज में थी।

श्लोक 22 (bhagavata.4.25.22)

सुनासां सुदतीं बालां सुकपोलां वराननाम् । समविन्यस्तकर्णाभ्यां बिभ्रतीं कुण्डलश्रियम् ॥ 25.22 ॥

sunāsāṁ sudatīṁ bālāṁ sukapolāṁ varānanām sama-vinyasta-karṇābhyāṁ bibhratīṁ kuṇḍala-śriyam

उस युवती की नासिका सुंदर थी, दंतपंक्ति सुंदर थी, कपोल सुंदर थे और मुख अत्यंत सुंदर था; उसके सुडौल कानों में कुण्डलों की शोभा थी।

श्लोक 23 (bhagavata.4.25.23)

पिशङ्गनीवीं सुश्रोणीं श्यामां कनकमेखलाम् । पद्भ्यां क्वणद्भ्यां चलन्तीं नूपुरैर्देवतामिव ॥ 25.23 ॥

piśaṅga-nīvīṁ suśroṇīṁ śyāmāṁ kanaka-mekhalām padbhyāṁ kvaṇadbhyāṁ calantīṁ nūpurair devatām iva

उसका वस्त्र कटि पर पिंगल वर्ण की गाँठ से बँधा था, उसके नितम्ब सुंदर थे, वर्ण श्याम था और वह स्वर्ण-मेखला पहने थी; चलते समय उसके नूपुर पैरों में बज उठते थे, मानो वह कोई देवी हो।

श्लोक 24 (bhagavata.4.25.24)

स्तनौ व्यञ्जितकैशोरौ समवृत्तौ निरन्तरौ । वस्त्रान्तेन निगूहन्तीं व्रीडया गजगामिनीम् ॥ 25.24 ॥

stanau vyañjita-kaiśorau sama-vṛttau nirantarau vastrāntena nigūhantīṁ vrīḍayā gaja-gāminīm

उसके दोनों स्तन किशोरावस्था की परिपूर्णता को प्रकट करते हुए, समान रूप से गोल और परस्पर सटे हुए थे; गजगामिनी वह लज्जावश अपने वस्त्र के आँचल से उन्हें बार-बार ढँकने का प्रयास कर रही थी।

श्लोक 25 (bhagavata.4.25.25)

तामाह ललितं वीरः सव्रीडस्मितशोभनाम् । स्निग्धेनापाङ्गपुङ्खेन स्पृष्टः प्रेमोद्भ्रमद्भ्रुवा ॥ 25.25 ॥

tām āha lalitaṁ vīraḥ savrīḍa-smita-śobhanām snigdhenāpāṅga-puṅkhena spṛṣṭaḥ premodbhramad-bhruvā

उसकी स्नेहभरी तिरछी चितवन के बाणों से बिंधकर और प्रेम से काँपती हुई उसकी भौंहों से आहत होकर, वीर पुरंजन ने लज्जायुक्त मुस्कान से सुशोभित उस युवती को मृदु वचन कहे।

श्लोक 26 (bhagavata.4.25.26)

का त्वं कञ्जपलाशाक्षि कस्यासीह कुतः सति । इमामुप पुरीं भीरु किं चिकीर्षसि शंस मे ॥ 25.26 ॥

kā tvaṁ kañja-palāśākṣi kasyāsīha kutaḥ sati imām upa purīṁ bhīru kiṁ cikīrṣasi śaṁsa me

पुरंजन ने कहा — हे कमलदल-नयनी! तुम कौन हो, किसकी हो, और कहाँ से आई हो, हे साध्वी? हे भीरु! इस नगर के समीप आकर तुम क्या करना चाहती हो, मुझे बताओ।

श्लोक 27 (bhagavata.4.25.27)

क एतेऽनुपथा ये त एकादश महाभटाः । एता वा ललनाः सुभ्रु कोऽयं तेऽहिः पुरःसरः ॥ 25.27 ॥

ka ete ’nupathā ye ta ekādaśa mahā-bhaṭāḥ etā vā lalanāḥ subhru ko ’yaṁ te ’hiḥ puraḥ-saraḥ

तुम्हारे पीछे चलने वाले ये ग्यारह महान योद्धा कौन हैं? और, हे सुभ्रु! ये स्त्रियाँ कौन हैं, तथा तुम्हारे आगे-आगे चलने वाला यह सर्प कौन है?

श्लोक 28 (bhagavata.4.25.28)

त्वं ह्रीर्भवान्यस्यथ वाग्रमा पतिं विचिन्वती किं मुनिवद्रहो वने । त्वदङ्घ्रिकामाप्तसमस्तकामं क्व पद्मकोशः पतितः कराग्रात् ॥ 25.28 ॥

tvaṁ hrīr bhavāny asy atha vāg ramā patiṁ vicinvatī kiṁ munivad raho vane tvad-aṅghri-kāmāpta-samasta-kāmaṁ kva padma-kośaḥ patitaḥ karāgrāt

क्या तुम ह्री हो, या भवानी, या वाणी (सरस्वती), या रमा (लक्ष्मी), जो मुनि के समान इस निर्जन वन में अकेली पति की खोज कर रही हो? जिसे तुम्हारे चरणों की कामना होगी, वह समस्त कामनाओं को प्राप्त कर लेगा — पर कमल-कोश तुम्हारी अँगुलियों के अग्रभाग से कहाँ गिर गया?

श्लोक 29 (bhagavata.4.25.29)

नासां वरोर्वन्यतमा भुविस्पृक् पुरीमिमां वीरवरेण साकम् । अर्हस्यलङ्कर्तुमदभ्रकर्मणा लोकं परं श्रीरिव यज्ञपुंसा ॥ 25.29 ॥

nāsāṁ varorv anyatamā bhuvi-spṛk purīm imāṁ vīra-vareṇa sākam arhasy alaṅkartum adabhra-karmaṇā lokaṁ paraṁ śrīr iva yajña-puṁsā

हे सुंदरांगी! चूँकि तुम्हारे चरण भूमि का स्पर्श करते हैं, तुम इनमें से कोई नहीं हो — तुम इसी पृथ्वी की हो। इस वीरश्रेष्ठ के साथ मिलकर इस नगर को सुशोभित करो, जैसे श्री यज्ञपुरुष के साथ मिलकर परम लोक को सुशोभित करती हैं, मेरे महान कर्मों से।

श्लोक 30 (bhagavata.4.25.30)

यदेष मापाङ्गविखण्डितेन्द्रियं सव्रीडभावस्मितविभ्रमद्भ्रुवा । त्वयोपसृष्टो भगवान्मनोभवः प्रबाधतेऽथानुगृहाण शोभने ॥ 25.30 ॥

yad eṣa māpāṅga-vikhaṇḍitendriyaṁ savrīḍa-bhāva-smita-vibhramad-bhruvā tvayopasṛṣṭo bhagavān mano-bhavaḥ prabādhate ’thānugṛhāṇa śobhane

तुम्हारी तिरछी चितवन ने मेरी इन्द्रियों को छिन्न-भिन्न कर दिया है, और तुम्हारी लज्जामिश्रित मुस्कान तथा काँपती भौंहों से उद्दीप्त हुआ महान कामदेव अब मुझे व्यथित कर रहा है — हे शोभने! अब मुझ पर अनुग्रह करो।

श्लोक 31 (bhagavata.4.25.31)

त्वदाननं सुभ्रु सुतारलोचनं व्यालम्बिनीलालकवृन्दसंवृतम् । उन्नीय मे दर्शय वल्गुवाचकं यद्व्रीडया नाभिमुखं शुचिस्मिते ॥ 25.31 ॥

tvad-ānanaṁ subhru sutāra-locanaṁ vyālambi-nīlālaka-vṛnda-saṁvṛtam unnīya me darśaya valgu-vācakaṁ yad vrīḍayā nābhimukhaṁ śuci-smite

हे सुभ्रु! अपने उस मुख को, जो सुंदर उज्ज्वल नेत्रों वाला है, गिरती हुई काली अलकों के गुच्छों से घिरा है और मधुर वचन बोलता है, ऊपर उठाकर मुझे दिखाओ; हे पवित्र-हास्ययुक्त! तुम लज्जावश उसे मेरी ओर से फेरे हुए हो।

श्लोक 32 (bhagavata.4.25.32)

नारद उवाच इत्थं पुरञ्जनं नारी याचमानमधीरवत् । अभ्यनन्दत तं वीरं हसन्ती वीर मोहिता ॥ 25.32 ॥

nārada uvāca itthaṁ purañjanaṁ nārī yācamānam adhīravat abhyanandata taṁ vīraṁ hasantī vīra mohitā

नारद ने कहा — इस प्रकार अधीर होकर याचना करते हुए पुरंजन का, वह स्त्री स्वयं भी मोहित होकर मुस्कुराते हुए स्वागत करने लगी।

श्लोक 33 (bhagavata.4.25.33)

न विदाम वयं सम्यक्कर्तारं पुरुषर्षभ । आत्मनश्च परस्यापि गोत्रं नाम च यत्कृतम् ॥ 25.33 ॥

na vidāma vayaṁ samyak kartāraṁ puruṣarṣabha ātmanaś ca parasyāpi gotraṁ nāma ca yat-kṛtam

उस स्त्री ने कहा — हे पुरुषश्रेष्ठ! मैं ठीक-ठीक नहीं जानती कि मुझे किसने बनाया, और न ही मुझे अपना अथवा इन अन्य जनों का कुल और नाम ज्ञात है।

श्लोक 34 (bhagavata.4.25.34)

इहाद्य सन्तमात्मानं विदाम न ततः परम् । येनेयं निर्मिता वीर पुरी शरणमात्मनः ॥ 25.34 ॥

ihādya santam ātmānaṁ vidāma na tataḥ param yeneyaṁ nirmitā vīra purī śaraṇam ātmanaḥ

हम केवल इतना जानते हैं कि आज हम यहाँ विद्यमान हैं; इससे आगे हम कुछ नहीं जानते — हे वीर! यह भी नहीं कि किसने इस नगर को हमारे आश्रय के लिये बनाया।

श्लोक 35 (bhagavata.4.25.35)

एते सखायः सख्यो मे नरा नार्यश्च मानद । सुप्तायां मयि जागर्ति नागोऽयं पालयन् पुरीम् ॥ 25.35 ॥

ete sakhāyaḥ sakhyo me narā nāryaś ca mānada suptāyāṁ mayi jāgarti nāgo ’yaṁ pālayan purīm

हे मानद! ये सब पुरुष और स्त्रियाँ मेरे सखा-सखियाँ हैं; और जब मैं सो जाती हूँ, तब यह सर्प जागता रहकर नगर की रक्षा करता है।

श्लोक 36 (bhagavata.4.25.36)

दिष्ट्यागतोऽसि भद्रं ते ग्राम्यान् कामानभीप्ससे । उद्वहिष्यामि तांस्तेऽहं स्वबन्धुभिररिन्दम ॥ 25.36 ॥

diṣṭyāgato ’si bhadraṁ te grāmyān kāmān abhīpsase udvahiṣyāmi tāṁs te ’haṁ sva-bandhubhir arindama

सौभाग्य से तुम यहाँ आए हो — तुम्हारा कल्याण हो। हे अरिन्दम! तुम सांसारिक भोगों की कामना करते हो, तो मैं अपने बन्धुजनों सहित उन्हें तुम्हें प्राप्त कराऊँगी।

श्लोक 37 (bhagavata.4.25.37)

इमां त्वमधितिष्ठस्व पुरीं नवमुखीं विभो । मयोपनीतान् गृह्णानः कामभोगान् शतं समाः ॥ 25.37 ॥

imāṁ tvam adhitiṣṭhasva purīṁ nava-mukhīṁ vibho mayopanītān gṛhṇānaḥ kāma-bhogān śataṁ samāḥ

हे विभो! तुम इस नौ द्वारों वाले नगर पर शासन करो, और सौ वर्षों तक मेरे द्वारा लाए गए कामभोगों को ग्रहण करते रहो।

श्लोक 38 (bhagavata.4.25.38)

कं नु त्वदन्यं रमये ह्यरतिज्ञमकोविदम् । असम्परायाभिमुखमश्वस्तनविदं पशुम् ॥ 25.38 ॥

kaṁ nu tvad-anyaṁ ramaye hy arati-jñam akovidam asamparāyābhimukham aśvastana-vidaṁ paśum

तुम्हें छोड़कर और किसके साथ मैं रमण करूँ, जो रति के मर्म को न जानता हो, परलोक की ओर उन्मुख न हो, और पशु के समान आने वाले कल को भी न जानता हो?

श्लोक 39 (bhagavata.4.25.39)

धर्मो ह्यत्रार्थकामौ च प्रजानन्दोऽमृतं यशः । लोका विशोका विरजा यान्न केवलिनो विदुः ॥ 25.39 ॥

dharmo hy atrārtha-kāmau ca prajānando ’mṛtaṁ yaśaḥ lokā viśokā virajā yān na kevalino viduḥ

स्त्री ने आगे कहा — यहाँ गृहस्थ जीवन में धर्म, अर्थ और काम हैं, संतानों का आनंद है, अक्षय यश है, और शोकरहित निर्मल लोकों की प्राप्ति है — जिन्हें केवल आत्मा में लीन रहने वाले साधक कभी नहीं जान पाते।

श्लोक 40 (bhagavata.4.25.40)

पितृदेवर्षिमर्त्यानां भूतानामात्मनश्च ह । क्षेम्यं वदन्ति शरणं भवेऽस्मिन् यद्गृहाश्रमः ॥ 25.40 ॥

pitṛ-devarṣi-martyānāṁ bhūtānām ātmanaś ca ha kṣemyaṁ vadanti śaraṇaṁ bhave ’smin yad gṛhāśramaḥ

विद्वज्जन कहते हैं कि इस संसार में गृहस्थाश्रम ही वह आश्रय है, जो पितरों, देवताओं, ऋषियों, मनुष्यों, समस्त प्राणियों तथा स्वयं के लिये कल्याणकारी है।

श्लोक 41 (bhagavata.4.25.41)

का नाम वीर विख्यातं वदान्यं प्रियदर्शनम् । न वृणीत प्रियं प्राप्तं मादृशी त्वादृशं पतिम् ॥ 25.41 ॥

kā nāma vīra vikhyātaṁ vadānyaṁ priya-darśanam na vṛṇīta priyaṁ prāptaṁ mādṛśī tvādṛśaṁ patim

हे वीर! मेरे समान कौन-सी स्त्री, ऐसा प्रिय अवसर पाकर, तुम्हारे समान विख्यात, उदार और प्रियदर्शन पति को नहीं चुनेगी?

श्लोक 42 (bhagavata.4.25.42)

कस्या मनस्ते भुवि भोगिभोगयोः स्त्रिया न सज्जेद्भुजयोर्महाभुज । योऽनाथवर्गाधिमलं घृणोद्धत स्मितावलोकेन चरत्यपोहितुम् ॥ 25.42 ॥

kasyā manas te bhuvi bhogi-bhogayoḥ striyā na sajjed bhujayor mahā-bhuja yo ’nātha-vargādhim alaṁ ghṛṇoddhata- smitāvalokena caraty apohitum

हे महाभुज! कौन-सी स्त्री तुम्हारी सर्पकाय के समान भुजाओं पर अपना मन न अटका ले — तुम जो अपनी करुणा से प्रेरित होकर, अनाथ स्त्रियों के दुःख को अपनी गर्वीली किन्तु स्नेहिल मुस्कान से दूर करते हुए विचरते हो?

श्लोक 43 (bhagavata.4.25.43)

नारद उवाच इति तौ दम्पती तत्र समुद्य समयं मिथः । तां प्रविश्य पुरीं राजन्मुमुदाते शतं समाः ॥ 25.43 ॥

nārada uvāca iti tau dam-patī tatra samudya samayaṁ mithaḥ tāṁ praviśya purīṁ rājan mumudāte śataṁ samāḥ

नारद ने कहा — हे राजन्! इस प्रकार परस्पर वचनबद्ध होकर वे दोनों दम्पति उस नगर में प्रविष्ट होकर सौ वर्षों तक आनन्दपूर्वक रहे।

श्लोक 44 (bhagavata.4.25.44)

उपगीयमानो ललितं तत्र तत्र च गायकैः । क्रीडन् परिवृतः स्त्रीभिर्ह्रदिनीमाविशच्छुचौ ॥ 25.44 ॥

upagīyamāno lalitaṁ tatra tatra ca gāyakaiḥ krīḍan parivṛtaḥ strībhir hradinīm āviśac chucau

वह जहाँ-तहाँ गायकों द्वारा मधुर स्वर में गुणगान किया जाता, स्त्रियों से घिरा हुआ क्रीड़ा करता, और ग्रीष्म ऋतु में नदी के जल में प्रवेश करता था।

श्लोक 45 (bhagavata.4.25.45)

सप्तोपरि कृता द्वारः पुरस्तस्यास्तु द्वे अधः । पृथग्विषयगत्यर्थं तस्यां यः कश्चनेश्वरः ॥ 25.45 ॥

saptopari kṛtā dvāraḥ puras tasyās tu dve adhaḥ pṛthag-viṣaya-gaty-arthaṁ tasyāṁ yaḥ kaścaneśvaraḥ

उस नगर के सात द्वार ऊपर की ओर बने थे, और दो नीचे की ओर, जिससे उस नगर का जो भी अधिपति हो, वह उनके द्वारा भिन्न-भिन्न प्रदेशों में जा सके।

श्लोक 46 (bhagavata.4.25.46)

पञ्च द्वारस्तु पौरस्त्या दक्षिणैका तथोत्तरा । पश्चिमे द्वे अमूषां ते नामानि नृप वर्णये ॥ 25.46 ॥

pañca dvāras tu paurastyā dakṣiṇaikā tathottarā paścime dve amūṣāṁ te nāmāni nṛpa varṇaye

उनमें से पाँच द्वार पूर्व दिशा में थे, एक दक्षिण में और एक उत्तर में, तथा दो पश्चिम में थे; हे राजन्! अब मैं तुम्हें उन द्वारों के नाम बताता हूँ।

श्लोक 47 (bhagavata.4.25.47)

खद्योताविर्मुखी च प्राग्द्वारावेकत्र निर्मिते । विभ्राजितं जनपदं याति ताभ्यां द्युमत्सखः ॥ 25.47 ॥

khadyotāvirmukhī ca prāg dvārāv ekatra nirmite vibhrājitaṁ janapadaṁ yāti tābhyāṁ dyumat-sakhaḥ

खद्योता और आविर्मुखी नामक दो पूर्वी द्वार निकट-निकट बने थे; उनके द्वारा राजा अपने सखा द्युमान् के साथ विभ्राजित प्रदेश को जाता था।

श्लोक 48 (bhagavata.4.25.48)

नलिनी नालिनी च प्राग्द्वारावेकत्र निर्मिते । अवधूतसखस्ताभ्यां विषयं याति सौरभम् ॥ 25.48 ॥

nalinī nālinī ca prāg dvārāv ekatra nirmite avadhūta-sakhas tābhyāṁ viṣayaṁ yāti saurabham

नलिनी और नालिनी नामक दो पूर्वी द्वार भी निकट-निकट बने थे; उनके द्वारा राजा अपने सखा अवधूत के साथ सौरभ प्रदेश को जाता था।

श्लोक 49 (bhagavata.4.25.49)

मुख्या नाम पुरस्ताद् द्वास्तयापणबहूदनौ । विषयौ याति पुरराड्रसज्ञविपणान्वितः ॥ 25.49 ॥

mukhyā nāma purastād dvās tayāpaṇa-bahūdanau viṣayau yāti pura-rāḍ rasajña-vipaṇānvitaḥ

मुख्या नामक द्वार भी पूर्व दिशा में था; उसके द्वारा नगर का अधिपति अपने सखा रसज्ञ और विपण के साथ आपण तथा बहूदन नामक प्रदेशों को जाता था।

श्लोक 50 (bhagavata.4.25.50)

पितृहूर्नृप पुर्या द्वार्दक्षिणेन पुरञ्जनः । राष्ट्रं दक्षिणपञ्चालं याति श्रुतधरान्वितः ॥ 25.50 ॥

pitṛhūr nṛpa puryā dvār dakṣiṇena purañjanaḥ rāṣṭraṁ dakṣiṇa-pañcālaṁ yāti śrutadharānvitaḥ

हे राजन्! पितृहू नामक दक्षिण द्वार से पुरंजन अपने सखा श्रुतधर के साथ दक्षिण-पंचाल देश को जाता था।

श्लोक 51 (bhagavata.4.25.51)

देवहूर्नाम पुर्या द्वा उत्तरेण पुरञ्जनः । राष्ट्रमुत्तरपञ्चालं याति श्रुतधरान्वितः ॥ 25.51 ॥

devahūr nāma puryā dvā uttareṇa purañjanaḥ rāṣṭram uttara-pañcālaṁ yāti śrutadharānvitaḥ

नगर के उत्तरी द्वार, जिसका नाम देवहू था, से पुरंजन पुनः श्रुतधर के साथ उत्तर-पंचाल देश को जाता था।

श्लोक 52 (bhagavata.4.25.52)

आसुरी नाम पश्चाद् द्वास्तया याति पुरञ्जनः । ग्रामकं नाम विषयं दुर्मदेन समन्वितः ॥ 25.52 ॥

āsurī nāma paścād dvās tayā yāti purañjanaḥ grāmakaṁ nāma viṣayaṁ durmadena samanvitaḥ

आसुरी नामक पश्चिमी द्वार से पुरंजन अपने सखा दुर्मद के साथ ग्रामक नामक प्रदेश को जाता था।

श्लोक 53 (bhagavata.4.25.53)

निऋर्तिर्नाम पश्चाद् द्वास्तया याति पुरञ्जनः । वैशसं नाम विषयं लुब्धकेन समन्वितः ॥ 25.53 ॥

nirṛtir nāma paścād dvās tayā yāti purañjanaḥ vaiśasaṁ nāma viṣayaṁ lubdhakena samanvitaḥ

निऋति नामक दूसरे पश्चिमी द्वार से पुरंजन अपने सखा लुब्धक के साथ वैशस नामक प्रदेश को जाता था।

श्लोक 54 (bhagavata.4.25.54)

अन्धावमीषां पौराणां निर्वाक्पेशस्कृतावुभौ । अक्षण्वतामधिपतिस्ताभ्यां याति करोति च ॥ 25.54 ॥

andhāv amīṣāṁ paurāṇāṁ nirvāk-peśaskṛtāv ubhau akṣaṇvatām adhipatis tābhyāṁ yāti karoti ca

उस नगर के निवासियों में निर्वाक् और पेशस्कृत नामक दो अन्धे थे; यद्यपि वह नेत्रवानों का स्वामी था, फिर भी वह इन्हीं दोनों के साथ जाता-आता और अपने कार्य करता था।

श्लोक 55 (bhagavata.4.25.55)

स यर्ह्यन्तःपुरगतो विषूचीनसमन्वितः । मोहं प्रसादं हर्षं वा याति जायात्मजोद्भवम् ॥ 25.55 ॥

sa yarhy antaḥpura-gato viṣūcīna-samanvitaḥ mohaṁ prasādaṁ harṣaṁ vā yāti jāyātmajodbhavam

जब भी वह विषूचीन के साथ अंतःपुर में प्रवेश करता, तब उसे पत्नी और संतान से उत्पन्न होने वाला मोह, प्रसन्नता अथवा हर्ष प्राप्त होता था।

श्लोक 56 (bhagavata.4.25.56)

एवं कर्मसु संसक्तः कामात्मा वञ्चितोऽबुधः । महिषी यद्यदीहेत तत्तदेवान्ववर्तत ॥ 25.56 ॥

evaṁ karmasu saṁsaktaḥ kāmātmā vañcito ’budhaḥ mahiṣī yad yad īheta tat tad evānvavartata

इस प्रकार कर्मों में आसक्त, कामनाओं के वशीभूत और अज्ञानी वह राजा पूर्णतः ठगा गया; रानी जो-जो चाहती थी, वह उसी का अनुसरण करता था।

श्लोक 57 (bhagavata.4.25.57)

क्वचित्पिबन्त्यां पिबति मदिरां मदविह्वलः । अश्नन्त्यां क्वचिदश्नाति जक्षत्यां सह जक्षिति ॥ 25.57 ॥

kvacit pibantyāṁ pibati madirāṁ mada-vihvalaḥ aśnantyāṁ kvacid aśnāti jakṣatyāṁ saha jakṣiti

कभी जब वह पीती, तो वह भी मद में विह्वल होकर मदिरा पीता; कभी जब वह खाती, तो वह भी खाता; और जब वह चबाकर खाती, तो वह भी उसके साथ चबाकर खाता।

श्लोक 58 (bhagavata.4.25.58)

क्वचिद्गायति गायन्त्यां रुदत्यां रुदति क्वचित् । क्वचिद्धसन्त्यां हसति जल्पन्त्यामनु जल्पति ॥ 25.58 ॥

kvacid gāyati gāyantyāṁ rudatyāṁ rudati kvacit kvacid dhasantyāṁ hasati jalpantyām anu jalpati

कभी जब वह गाती, तो वह भी गाता; जब वह रोती, तो कभी वह भी रोता; जब वह हँसती, तो वह भी हँसता, और जब वह बड़बड़ाती, तो वह भी उसके पीछे बड़बड़ाता।

श्लोक 59 (bhagavata.4.25.59)

क्वचिद्धावति धावन्त्यां तिष्ठन्त्यामनु तिष्ठति । अनु शेते शयानायामन्वास्ते क्वचिदासतीम् ॥ 25.59 ॥

kvacid dhāvati dhāvantyāṁ tiṣṭhantyām anu tiṣṭhati anu śete śayānāyām anvāste kvacid āsatīm

कभी जब वह दौड़ती, तो वह भी दौड़ता; जब वह खड़ी होती, तो वह भी उसके पीछे खड़ा हो जाता; जब वह लेटती, तो वह भी उसके पीछे लेट जाता, और कभी जब वह बैठती, तो वह भी उसके निकट बैठ जाता।

श्लोक 60 (bhagavata.4.25.60)

क्वचिच्छृणोति शृण्वन्त्यां पश्यन्त्यामनु पश्यति । क्वचिज्जिघ्रति जिघ्रन्त्यां स्पृशन्त्यां स्पृशति क्वचित् ॥ 25.60 ॥

kvacic chṛṇoti śṛṇvantyāṁ paśyantyām anu paśyati kvacij jighrati jighrantyāṁ spṛśantyāṁ spṛśati kvacit

कभी जब वह सुनती, तो वह भी सुनता; जब वह देखती, तो वह भी उसके पीछे देखता; कभी जब वह किसी वस्तु को सूँघती, तो वह भी सूँघता, और जब वह किसी वस्तु का स्पर्श करती, तो कभी वह भी उसका स्पर्श करता।

श्लोक 61 (bhagavata.4.25.61)

क्वचिच्च शोचतीं जायामनुशोचति दीनवत् । अनु हृष्यति हृष्यन्त्यां मुदितामनु मोदते ॥ 25.61 ॥

kvacic ca śocatīṁ jāyām anu śocati dīnavat anu hṛṣyati hṛṣyantyāṁ muditām anu modate

और कभी जब उसकी पत्नी शोक करती, तो वह भी दीन के समान उसके पीछे शोक करता; जब वह हर्षित होती, तो वह भी उसके पीछे हर्षित होता, और जब वह प्रसन्न होती, तो वह भी उसके पीछे प्रसन्न होता।

श्लोक 62 (bhagavata.4.25.62)

विप्रलब्धो महिष्यैवं सर्वप्रकृतिवञ्चितः । नेच्छन्ननुकरोत्यज्ञः क्लैब्यात्क्रीडामृगो यथा ॥ 25.62 ॥

vipralabdho mahiṣyaivaṁ sarva-prakṛti-vañcitaḥ necchann anukaroty ajñaḥ klaibyāt krīḍā-mṛgo yathā

इस प्रकार रानी द्वारा ठगा जाकर, अपनी सम्पूर्ण प्रकृति से वंचित वह अज्ञानी राजा, न चाहते हुए भी, विवशतावश उसका अनुकरण करता रहा — मानो कोई क्रीड़ा-पशु हो।