ब्रह्मा जी द्वारा भगवान शिव को प्रसन्न करना

श्लोक 1 (bhagavata.4.6.1)

मैत्रेय उवाच अथ देवगणाः सर्वे रुद्रानीकैः पराजिताः । शूलपट्टिशनिस्त्रिंशगदापरिघमुद्गरैः ॥ १ ॥

maitreya uvāca atha deva-gaṇāḥ sarve rudrānīkaiḥ parājitāḥ śūla-paṭṭiśa-nistriṁśa- gadā-parigha-mudgaraiḥ

श्री मैत्रेय जी ने कहा — तत्पश्चात् त्रिशूल, पट्टिश, तलवार, गदा, परिघ और मुद्गर धारण किए हुए रुद्र की सेनाओं से पराजित होकर समस्त देवगण,

श्लोक 2 (bhagavata.4.6.2)

सञ्छिन्नभिन्नसर्वाङ्गाः सर्त्विक्सभ्या भयाकुलाः । स्वयम्भुवे नमस्कृत्य कार्त्स्न्येनैतन्न्यवेदयन् ॥ २ ॥

sañchinna-bhinna-sarvāṅgāḥ sartvik-sabhyā bhayākulāḥ svayambhuve namaskṛtya kārtsnyenaitan nyavedayan

— जिनके अंग-अंग छिन्न-भिन्न हो चुके थे, तथा ऋत्विजों और सभासदों सहित भय से व्याकुल होकर — स्वयंभू ब्रह्मा जी के पास गए, और उन्हें प्रणाम करके सम्पूर्ण घटना का विवरण निवेदित किया।

श्लोक 3 (bhagavata.4.6.3)

उपलभ्य पुरैवैतद्भगवानब्जसम्भवः । नारायणश्च विश्वात्मा न कस्याध्वरमीयतुः ॥ ३ ॥

upalabhya puraivaitad bhagavān abja-sambhavaḥ nārāyaṇaś ca viśvātmā na kasyādhvaram īyatuḥ

भगवान अब्जसम्भव (कमल से उत्पन्न ब्रह्मा) और विश्वात्मा भगवान नारायण को यह घटना पहले से ही ज्ञात थी, इसीलिए वे दोनों उस यज्ञ में सम्मिलित नहीं हुए थे।

श्लोक 4 (bhagavata.4.6.4)

तदाकर्ण्य विभुः प्राह तेजीयसि कृतागसि । क्षेमाय तत्र सा भूयान्न प्रायेण बुभूषताम् ॥ ४ ॥

tad ākarṇya vibhuḥ prāha tejīyasi kṛtāgasi kṣemāya tatra sā bhūyān na prāyeṇa bubhūṣatām

यह सुनकर प्रभावशाली ब्रह्मा जी ने कहा — जब किसी महाप्रभावी पुरुष के प्रति अपराध किया जाता है, तब उस यज्ञ से समृद्धि चाहने वालों का सामान्यतः कल्याण नहीं हो सकता।

श्लोक 5 (bhagavata.4.6.5)

अथापि यूयं कृतकिल्बिषा भवं ये बर्हिषो भागभाजं परादुः । प्रसादयध्वं परिशुद्धचेतसा क्षिप्रप्रसादं प्रगृहीताङ्घ्रिःपद्मम् ॥ ५ ॥

athāpi yūyaṁ kṛta-kilbiṣā bhavaṁ ye barhiṣo bhāga-bhājaṁ parāduḥ prasādayadhvaṁ pariśuddha-cetasā kṣipra-prasādaṁ pragṛhītāṅghri-padmam

फिर भी तुम सबने, जिन्होंने भव (शिव) को यज्ञ-भाग से वंचित किया, उनके प्रति अपराध किया है; अतः शुद्ध चित्त से जाकर उनके चरण-कमलों को पकड़कर उन्हें प्रसन्न करो, क्योंकि वे शीघ्र ही प्रसन्न हो जाते हैं।

श्लोक 6 (bhagavata.4.6.6)

आशासाना जीवितमध्वरस्य लोकः सपालः कुपिते न यस्मिन् । तमाशु देवं प्रियया विहीनं क्षमापयध्वं हृदि विद्धं दुरुक्तैः ॥ ६ ॥

āśāsānā jīvitam adhvarasya lokaḥ sa-pālaḥ kupite na yasmin tam āśu devaṁ priyayā vihīnaṁ kṣamāpayadhvaṁ hṛdi viddhaṁ duruktaiḥ

यदि वे क्रुद्ध हो जाएँ, तो लोकपालों सहित समस्त लोक भी उस यज्ञ के जीवित रहने की आशा नहीं कर सकते; अतः शीघ्र ही उन देव के पास जाओ, जो अभी-अभी अपनी प्रियतमा को खो चुके हैं और जिनका हृदय पहले से ही कटु वचनों से घायल है, और उनसे क्षमा माँगो।

श्लोक 7 (bhagavata.4.6.7)

नाहं न यज्ञो न च यूयमन्ये ये देहभाजो मुनयश्च तत्त्वम् । विदुः प्रमाणं बलवीर्ययोर्वा यस्यात्मतन्त्रस्य क उपायं विधित्सेत् ॥ ७ ॥

nāhaṁ na yajño na ca yūyam anye ye deha-bhājo munayaś ca tattvam viduḥ pramāṇaṁ bala-vīryayor vā yasyātma-tantrasya ka upāyaṁ vidhitset

न मैं, न साक्षात् यज्ञ, न तुम, और न ही अन्य कोई देहधारी अथवा मुनि उनके बल और पराक्रम की सीमा जानता है; ऐसे स्वतंत्र और आत्मनिर्भर पुरुष के विरुद्ध भला कौन कोई उपाय करने का साहस कर सकता है?

श्लोक 8 (bhagavata.4.6.8)

स इत्थमादिश्य सुरानजस्तु तैः समन्वितः पितृभिः सप्रजेशैः । ययौ स्वधिष्ण्यान्निलयं पुरद्विषः कैलासमद्रिप्रवरं प्रियं प्रभोः ॥ ८ ॥

sa ittham ādiśya surān ajas tu taiḥ samanvitaḥ pitṛbhiḥ sa-prajeśaiḥ yayau sva-dhiṣṇyān nilayaṁ pura-dviṣaḥ kailāsam adri-pravaraṁ priyaṁ prabhoḥ

इस प्रकार देवताओं को शिक्षा देकर अजन्मा ब्रह्मा जी पितरों और प्रजापतियों सहित उनके साथ अपने धाम से पुरद्विष् (त्रिपुरासुर के शत्रु शिव) के प्रिय निवास, पर्वतश्रेष्ठ कैलास की ओर चल पड़े।

श्लोक 9 (bhagavata.4.6.9)

जन्मौषधितपोमन्त्रयोगसिद्धैर्नरेतरैः । जुष्टं किन्नरगन्धर्वैरप्सरोभिर्वृतं सदा ॥ ९ ॥

janmauṣadhi-tapo-mantra- yoga-siddhair naretaraiḥ juṣṭaṁ kinnara-gandharvair apsarobhir vṛtaṁ sadā

वह धाम जन्म, औषधि, तप, मंत्र अथवा योग से सिद्धि प्राप्त मनुष्येतर प्राणियों से सेवित है, तथा सदैव किन्नरों, गंधर्वों और अप्सराओं से घिरा रहता है।

श्लोक 10 (bhagavata.4.6.10)

नानामणिमयैः शृङ्गैर्नानाधातुविचित्रितैः । नानाद्रुमलतागुल्मैर्नानामृगगणावृतैः ॥ १० ॥

nānā-maṇimayaiḥ śṛṅgair nānā-dhātu-vicitritaiḥ nānā-druma-latā-gulmair nānā-mṛga-gaṇāvṛtaiḥ

वह विविध रत्नों से बने और नाना धातुओं से चित्रित शिखरों से सुशोभित है, तथा विविध वृक्षों, लताओं और झाड़ियों से आच्छादित है, जो अनेक प्रकार के मृग-समूहों से भरे हुए हैं।

श्लोक 11 (bhagavata.4.6.11)

नानामलप्रस्रवणैर्नानाकन्दरसानुभिः । रमणं विहरन्तीनां रमणैः सिद्धयोषिताम् ॥ ११ ॥

nānāmala-prasravaṇair nānā-kandara-sānubhiḥ ramaṇaṁ viharantīnāṁ ramaṇaiḥ siddha-yoṣitām

वहाँ अनेक निर्मल झरने और अनेक गुफाएँ तथा पर्वत-श्रेणियाँ हैं, जहाँ सिद्ध पुरुषों की पत्नियाँ अपने प्रियतम पतियों के साथ आनन्दपूर्वक क्रीड़ा करती हैं।

श्लोक 12 (bhagavata.4.6.12)

मयूरकेकाभिरुतं मदान्धालिविमूर्च्छितम् । प्लावितै रक्तकण्ठानां कूजितैश्च पतत्त्रिणाम् ॥ १२ ॥

mayūra-kekābhirutaṁ madāndhāli-vimūrcchitam plāvitai rakta-kaṇṭhānāṁ kūjitaiś ca patattriṇām

वह मोरों की केका से गूँजता है, मधु से उन्मत्त भ्रमरों की गुंजार से भरा है, तथा लाल कण्ठ वाली कोयलों की मधुर कूक और अन्य पक्षियों के कलरव से गुंजायमान है।

श्लोक 13 (bhagavata.4.6.13)

आह्वयन्तमिवोद्धस्तैर्द्विजान् कामदुघैर्द्रुमैः । व्रजन्तमिव मातङ्गैर्गृणन्तमिव निर्झरैः ॥ १३ ॥

āhvayantam ivoddhastair dvijān kāma-dughair drumaiḥ vrajantam iva mātaṅgair gṛṇantam iva nirjharaiḥ

अपनी शाखाओं को हाथों की भाँति उठाए हुए कामधेनु-तुल्य वृक्षों से वह मानो पक्षियों को बुला रहा हो; गजों के समूहों के विचरण से वह मानो स्वयं चल रहा हो; और झरनों की ध्वनि से वह मानो स्वयं बोल रहा हो।

श्लोक 14 (bhagavata.4.6.14)

मन्दारैः पारिजातैश्च सरलैश्चोपशोभितम् । तमालैः शालतालैश्च कोविदारासनार्जुनैः ॥ १४ ॥

mandāraiḥ pārijātaiś ca saralaiś copaśobhitam tamālaiḥ śāla-tālaiś ca kovidārāsanārjunaiḥ

वह मन्दार, पारिजात और सरल वृक्षों से, तथा तमाल, शाल, ताल, कोविदार, असन और अर्जुन वृक्षों से सुशोभित है,

श्लोक 15 (bhagavata.4.6.15)

चूतैः कदम्बैर्नीपैश्च नागपुन्नागचम्पकैः । पाटलाशोकबकुलैः कुन्दैः कुरबकैरपि ॥ १५ ॥

cūtaiḥ kadambair nīpaiś ca nāga-punnāga-campakaiḥ pāṭalāśoka-bakulaiḥ kundaiḥ kurabakair api

और आम्र, कदम्ब, नीप, नाग, पुन्नाग तथा चम्पक वृक्षों से, और पाटल, अशोक, बकुल, कुन्द तथा कुरबक वृक्षों से भी सुशोभित है।

श्लोक 16 (bhagavata.4.6.16)

स्वर्णार्णशतपत्रैश्च वररेणुकजातिभिः । कुब्जकैर्मल्लिकाभिश्च माधवीभिश्च मण्डितम् ॥ १६ ॥

svarṇārṇa-śata-patraiś ca vara-reṇuka-jātibhiḥ kubjakair mallikābhiś ca mādhavībhiś ca maṇḍitam

वह स्वर्णिम शतपत्र कमलों, उत्तम रेणुका पुष्पों, तथा कुब्जक, मल्लिका और माधवी लताओं से भी सुसज्जित है।

श्लोक 17 (bhagavata.4.6.17)

पनसोदुम्बराश्वत्थप्लक्षन्यग्रोधहिङ्गुभिः । भूर्जैरोषधिभिः पूगै राजपूगैश्च जम्बुभिः ॥ १७ ॥

panasodumbarāśvattha- plakṣa-nyagrodha-hiṅgubhiḥ bhūrjair oṣadhibhiḥ pūgai rājapūgaiś ca jambubhiḥ

वहाँ कटहल, उदुम्बर, अश्वत्थ, प्लक्ष, न्यग्रोध और हिंगु वृक्ष भी हैं, तथा भोजपत्र, औषधीय वनस्पतियाँ, सुपारी, राजसुपारी और जामुन के वृक्ष भी हैं।

श्लोक 18 (bhagavata.4.6.18)

खर्जूराम्रातकाम्राद्यैः प्रियालमधुकेङ्गुदैः । द्रुमजातिभिरन्यैश्च राजितं वेणुकीचकैः ॥ १८ ॥

kharjūrāmrātakāmrādyaiḥ priyāla-madhukeṅgudaiḥ druma-jātibhir anyaiś ca rājitaṁ veṇu-kīcakaiḥ

वह खजूर, अम्रातक, आम्र आदि वृक्षों से, तथा प्रियाल, मधुक और इंगुद वृक्षों से, तथा अन्य विविध वृक्ष-जातियों से, और पतले बाँस तथा कीचक नरकुलों से भी सुशोभित है।

श्लोक 19 (bhagavata.4.6.19)

कुमुदोत्पलकह्लारशतपत्रवनर्द्धिभिः । नलिनीषु कलं कूजत्खगवृन्दोपशोभितम् ॥ १९ ॥

kumudotpala-kahlāra- śatapatra-vanarddhibhiḥ nalinīṣu kalaṁ kūjat- khaga-vṛndopaśobhitam

कमल-सरोवर कुमुद, उत्पल, कह्लार और शतपत्र कमलों से समृद्ध हैं, तथा उन पर मधुर स्वर से कूजते पक्षी-समूहों से और भी सुशोभित हैं।

श्लोक 20 (bhagavata.4.6.20)

मृगैः शाखामृगैः क्रोडैर्मृगेन्द्रैर्ऋ क्षशल्यकैः । गवयैः शरभैर्व्याघ्रै रुरुभिर्महिषादिभिः ॥ २० ॥

mṛgaiḥ śākhāmṛgaiḥ kroḍair mṛgendrair ṛkṣa-śalyakaiḥ gavayaiḥ śarabhair vyāghrai rurubhir mahiṣādibhiḥ

वहाँ मृग, वानर, वराह, सिंह, भालू, साही, गवय, शरभ, व्याघ्र, रुरु मृग, भैंसे तथा अन्य अनेक प्राणी स्वच्छन्द विचरण करते हैं।

श्लोक 21 (bhagavata.4.6.21)

कर्णान्त्रैकपदाश्वास्यैर्निर्जुष्टं वृकनाभिभिः । कदलीखण्डसंरुद्धनलिनीपुलिनश्रियम् ॥ २१ ॥

karṇāntraikapadāśvāsyair nirjuṣṭaṁ vṛka-nābhibhiḥ kadalī-khaṇḍa-saṁruddha- nalinī-pulina-śriyam

वह करणान्त्र, एकपद, अश्वास्य तथा कस्तूरी मृगों से भी सेवित है; तथा उसके कमल-तट, केले के वृक्षों के झुरमुटों से घिरे होने के कारण, अत्यंत मनोरम प्रतीत होते हैं।

श्लोक 22 (bhagavata.4.6.22)

पर्यस्तं नन्दया सत्याः स्नानपुण्यतरोदया । विलोक्य भूतेशगिरिं विबुधा विस्मयं ययुः ॥ २२ ॥

paryastaṁ nandayā satyāḥ snāna-puṇyatarodayā vilokya bhūteśa-giriṁ vibudhā vismayaṁ yayuḥ

नन्दा नदी से घिरे हुए, तथा सती जी द्वारा स्नान किए जाने के कारण विशेष पवित्रता प्राप्त उस भूतेश (शिव) के पर्वत को देखकर देवगण विस्मित हो उठे।

श्लोक 23 (bhagavata.4.6.23)

ददृशुस्तत्र ते रम्यामलकां नाम वै पुरीम् । वनं सौगन्धिकं चापि यत्र तन्नाम पङ्कजम् ॥ २३ ॥

dadṛśus tatra te ramyām alakāṁ nāma vai purīm vanaṁ saugandhikaṁ cāpi yatra tan-nāma paṅkajam

वहाँ उन्होंने अलका नामक सुरम्य नगरी को देखा, तथा सौगन्धिक नामक उस वन को भी देखा, जिसका नाम वहाँ उगने वाले सुगन्धित कमलों के कारण पड़ा था।

श्लोक 24 (bhagavata.4.6.24)

नन्दा चालकनन्दा च सरितौ बाह्यतः पुरः । तीर्थपादपदाम्भोजरजसातीव पावने ॥ २४ ॥

nandā cālakanandā ca saritau bāhyataḥ puraḥ tīrthapāda-padāmbhoja- rajasātīva pāvane

उस नगरी के बाहर नन्दा और अलकनन्दा — दो नदियाँ बहती हैं, जो तीर्थस्वरूप चरणों वाले भगवान के चरण-कमलों की रज से अत्यंत पवित्र हैं।

श्लोक 25 (bhagavata.4.6.25)

ययोः सुरस्त्रियः क्षत्तरवरुह्य स्वधिष्ण्यतः । क्रीडन्ति पुंसः सिञ्चन्त्यो विगाह्य रतिकर्शिताः ॥ २५ ॥

yayoḥ sura-striyaḥ kṣattar avaruhya sva-dhiṣṇyataḥ krīḍanti puṁsaḥ siñcantyo vigāhya rati-karśitāḥ

हे क्षत्तः! उन्हीं नदियों में देवांगनाएँ अपने विमानों से उतरकर, प्रणय-क्रीड़ा से थकी हुई, स्नान करती हुई अपने पतियों पर जल छिड़कते हुए क्रीड़ा करती हैं।

श्लोक 26 (bhagavata.4.6.26)

ययोस्तत्स्नानविभ्रष्टनवकुङ्कुमपिञ्जरम् । वितृषोऽपि पिबन्त्यम्भः पाययन्तो गजा गजीः ॥ २६ ॥

yayos tat-snāna-vibhraṣṭa- nava-kuṅkuma-piñjaram vitṛṣo ’pi pibanty ambhaḥ pāyayanto gajā gajīḥ

उन नदियों का जल, स्नान करते समय देवांगनाओं के शरीर से बहे ताजे कुंकुम से पीला हो जाता है, जिसे हाथी बिना प्यासे भी पीते हैं और अपनी हथिनियों को भी पिलाते हैं।

श्लोक 27 (bhagavata.4.6.27)

तारहेममहारत्नविमानशतसङ्कुलाम् । जुष्टां पुण्यजनस्त्रीभिर्यथा खं सतडिद्घनम् ॥ २७ ॥

tāra-hema-mahāratna- vimāna-śata-saṅkulām juṣṭāṁ puṇyajana-strībhir yathā khaṁ sataḍid-ghanam

वह प्रदेश मोती, स्वर्ण और महारत्नों से निर्मित सैकड़ों विमानों से भरा हुआ था, तथा पुण्यजनों की स्त्रियों से युक्त था, मानो बिजली की चमक से युक्त मेघाच्छादित आकाश हो।

श्लोक 28 (bhagavata.4.6.28)

हित्वा यक्षेश्वरपुरीं वनं सौगन्धिकं च तत् । द्रुमैः कामदुघैर्हृद्यं चित्रमाल्यफलच्छदैः ॥ २८ ॥

hitvā yakṣeśvara-purīṁ vanaṁ saugandhikaṁ ca tat drumaiḥ kāma-dughair hṛdyaṁ citra-mālya-phala-cchadaiḥ

यक्षेश्वर (कुबेर) की नगरी तथा उस सौगन्धिक वन को — जो अद्भुत पुष्पों, फलों और पत्तों वाले कामधेनु-तुल्य वृक्षों से मनोहर था — पीछे छोड़कर,

श्लोक 29 (bhagavata.4.6.29)

रक्तकण्ठखगानीकस्वरमण्डितषट्पदम् । कलहंसकुलप्रेष्ठं खरदण्डजलाशयम् ॥ २९ ॥

rakta-kaṇṭha-khagānīka- svara-maṇḍita-ṣaṭpadam kalahaṁsa-kula-preṣṭhaṁ kharadaṇḍa-jalāśayam

— जहाँ लाल कण्ठ वाले पक्षियों के समूहों का स्वर भ्रमरों की गुंजार से सुशोभित था, तथा दृढ़-नाल कमलों से युक्त सरोवर हंसों के समूहों के प्रिय स्थल थे —

श्लोक 30 (bhagavata.4.6.30)

वनकुञ्जरसङ्घृष्टहरिचन्दनवायुना । अधि पुण्यजनस्त्रीणां मुहुरुन्मथयन्मनः ॥ ३० ॥

vana-kuñjara-saṅghṛṣṭa- haricandana-vāyunā adhi puṇyajana-strīṇāṁ muhur unmathayan manaḥ

— तथा वन के गजों द्वारा रगड़े गए हरिचन्दन की सुगंध से युक्त वायु, जो पुण्यजनों की स्त्रियों के मन को बार-बार उद्वेलित कर रही थी —

श्लोक 31 (bhagavata.4.6.31)

वैदूर्यकृतसोपाना वाप्य उत्पलमालिनीः । प्राप्तं किम्पुरुषैर्दृष्ट्वा त आराद्ददृशुर्वटम् ॥ ३१ ॥

vaidūrya-kṛta-sopānā vāpya utpala-mālinīḥ prāptaṁ kimpuruṣair dṛṣṭvā ta ārād dadṛśur vaṭam

— तथा वैदूर्य-मणि की सीढ़ियों वाली, कमल-मालाओं से सुशोभित, किम्पुरुषों द्वारा सेवित बावड़ियों को देखते हुए, वे अंततः निकट पहुँचकर एक विशाल वटवृक्ष को देखने लगे।

श्लोक 32 (bhagavata.4.6.32)

स योजनशतोत्सेधः पादोनविटपायतः । पर्यक्कृताचलच्छायो निर्नीडस्तापवर्जितः ॥ ३२ ॥

sa yojana-śatotsedhaḥ pādona-viṭapāyataḥ paryak-kṛtācala-cchāyo nirnīḍas tāpa-varjitaḥ

वह वटवृक्ष सौ योजन ऊँचा था, उसकी शाखाएँ पचहत्तर योजन तक फैली हुई थीं, उसकी छाया सर्वत्र स्थिर थी, उसमें कोई पक्षी-नीड़ नहीं था, और वह ताप से पूर्णतः रहित था।

श्लोक 33 (bhagavata.4.6.33)

तस्मिन्महायोगमये मुमुक्षुशरणे सुराः । ददृशुः शिवमासीनं त्यक्तामर्षमिवान्तकम् ॥ ३३ ॥

tasmin mahā-yogamaye mumukṣu-śaraṇe surāḥ dadṛśuḥ śivam āsīnaṁ tyaktāmarṣam ivāntakam

वहाँ, महायोग से युक्त, मुमुक्षुओं के आश्रयस्वरूप उस वृक्ष के नीचे, देवताओं ने भगवान शिव को विराजमान देखा — काल के समान गंभीर, किन्तु अब मानो सारा क्रोध त्याग चुके।

श्लोक 34 (bhagavata.4.6.34)

सनन्दनाद्यैर्महासिद्धैः शान्तैः संशान्तविग्रहम् । उपास्यमानं सख्या च भर्त्रा गुह्यकरक्षसाम् ॥ ३४ ॥

sanandanādyair mahā-siddhaiḥ śāntaiḥ saṁśānta-vigraham upāsyamānaṁ sakhyā ca bhartrā guhyaka-rakṣasām

वे वहाँ पूर्णतः शांत स्वरूप में विराजमान थे, सनन्दन आदि शांत महासिद्धों द्वारा तथा गुह्यकों और राक्षसों के स्वामी अपने मित्र कुबेर द्वारा सेवित हो रहे थे।

श्लोक 35 (bhagavata.4.6.35)

विद्यातपोयोगपथमास्थितं तमधीश्वरम् । चरन्तं विश्वसुहृदं वात्सल्याल्लोकमङ्गलम् ॥ ३५ ॥

vidyā-tapo-yoga-patham āsthitaṁ tam adhīśvaram carantaṁ viśva-suhṛdaṁ vātsalyāl loka-maṅgalam

वे परम स्वामी, ज्ञान, तप और योग के मार्ग में सदा स्थित, विश्व के सच्चे सुहृद के रूप में विचरण करते हुए, अपनी वत्सलता से समस्त लोकों का कल्याण करने वाले थे।

श्लोक 36 (bhagavata.4.6.36)

लिङ्गं च तापसाभीष्टं भस्मदण्डजटाजिनम् । अङ्गेन सन्ध्याभ्ररुचा चन्द्रलेखां च बिभ्रतम् ॥ ३६ ॥

liṅgaṁ ca tāpasābhīṣṭaṁ bhasma-daṇḍa-jaṭājinam aṅgena sandhyābhra-rucā candra-lekhāṁ ca bibhratam

वे तपस्वियों को प्रिय उसी वेष में थे — भस्म-लेपित, दण्डधारी, जटाधारी, मृगचर्म पहने हुए — उनका शरीर संध्याकालीन मेघ के समान कान्तिमान था, और मस्तक पर चन्द्रकला विराजमान थी।

श्लोक 37 (bhagavata.4.6.37)

उपविष्टं दर्भमय्यां बृस्यां ब्रह्म सनातनम् । नारदाय प्रवोचन्तं पृच्छते शृण्वतां सताम् ॥ ३७ ॥

upaviṣṭaṁ darbhamayyāṁ bṛsyāṁ brahma sanātanam nāradāya pravocantaṁ pṛcchate śṛṇvatāṁ satām

कुश-निर्मित आसन पर विराजमान होकर वे प्रश्न करते हुए नारद जी को सनातन ब्रह्म का उपदेश दे रहे थे, तथा अन्य सज्जन भी ध्यानपूर्वक सुन रहे थे।

श्लोक 38 (bhagavata.4.6.38)

कृत्वोरौ दक्षिणे सव्यं पादपद्मं च जानुनि । बाहुं प्रकोष्ठेऽक्षमालाम् आसीनं तर्कमुद्रया ॥ ३८ ॥

kṛtvorau dakṣiṇe savyaṁ pāda-padmaṁ ca jānuni bāhuṁ prakoṣṭhe ’kṣa-mālām āsīnaṁ tarka-mudrayā

उस आसन में विराजमान वे अपने बाएँ चरण-कमल को दाहिनी जंघा पर रखे हुए, बाईं भुजा घुटने पर टिकाए हुए, कलाई में रुद्राक्ष-माला धारण किए, तथा हाथ को तर्क-मुद्रा में स्थित किए हुए थे —

श्लोक 39 (bhagavata.4.6.39)

तं ब्रह्मनिर्वाणसमाधिमाश्रितं व्युपाश्रितं गिरिशं योगकक्षाम् । सलोकपाला मुनयो मनूनाम् आद्यं मनुं प्राञ्जलयः प्रणेमुः ॥ ३९ ॥

taṁ brahma-nirvāṇa-samādhim āśritaṁ vyupāśritaṁ giriśaṁ yoga-kakṣām sa-loka-pālā munayo manūnām ādyaṁ manuṁ prāñjalayaḥ praṇemuḥ

— इस प्रकार ब्रह्म-साक्षात्कार की समाधि में स्थित, योगासन में विराजमान गिरीश (शिव) को लोकपालों, मुनियों और सर्वप्रथम मनु ने भी हाथ जोड़कर प्रणाम किया।

श्लोक 40 (bhagavata.4.6.40)

स तूपलभ्यागतमात्मयोनिं सुरासुरेशैरभिवन्दिताङ्घ्रिः । उत्थाय चक्रे शिरसाभिवन्दन- मर्हत्तमः कस्य यथैव विष्णुः ॥ ४० ॥

sa tūpalabhyāgatam ātma-yoniṁ surāsureśair abhivanditāṅghriḥ utthāya cakre śirasābhivandanam arhattamaḥ kasya yathaiva viṣṇuḥ

देवताओं और असुरों के स्वामियों द्वारा भी जिनके चरण वंदनीय हैं, ऐसे वे शिव, स्वयंभू ब्रह्मा को आते देखकर तत्काल उठ खड़े हुए और, स्वयं पूज्यतम होते हुए भी, अपना मस्तक झुकाकर उन्हें प्रणाम किया — ठीक वैसे ही जैसे भगवान विष्णु ने कश्यप मुनि को प्रणाम किया था।

श्लोक 41 (bhagavata.4.6.41)

तथापरे सिद्धगणा महर्षिभि- र्ये वै समन्तादनु नीललोहितम् । नमस्कृतः प्राह शशाङ्कशेखरं कृतप्रणामं प्रहसन्निवात्मभूः ॥ ४१ ॥

tathāpare siddha-gaṇā maharṣibhir ye vai samantād anu nīlalohitam namaskṛtaḥ prāha śaśāṅka-śekharaṁ kṛta-praṇāmaṁ prahasann ivātmabhūḥ

नीललोहित (शिव) के चारों ओर बैठे अन्य सिद्धगणों और महर्षियों ने भी ब्रह्मा जी को प्रणाम किया; और आत्मभू (ब्रह्मा जी) इस प्रकार सम्मानित होकर, अभी-अभी प्रणाम कर चुके शशांकशेखर (शिव) को मुस्कुराते हुए सम्बोधित करने लगे।

श्लोक 42 (bhagavata.4.6.42)

ब्रह्मोवाच जाने त्वामीशं विश्वस्य जगतो योनिबीजयोः । शक्तेः शिवस्य च परं यत्तद्ब्रह्म निरन्तरम् ॥ ४२ ॥

brahmovāca jāne tvām īśaṁ viśvasya jagato yoni-bījayoḥ śakteḥ śivasya ca paraṁ yat tad brahma nirantaram

श्री ब्रह्मा जी ने कहा — मैं आपको इस सम्पूर्ण विश्व का स्वामी जानता हूँ — शक्ति और शिव के रूप में इस सृष्टि की योनि और बीज दोनों, तथा इस सबसे परे स्थित उस अखण्ड परब्रह्म को भी।

श्लोक 43 (bhagavata.4.6.43)

त्वमेव भगवन्नेतच्छिवशक्त्योः स्वरूपयोः । विश्वं सृजसि पास्यत्सि क्रीडन्नूर्णपटो यथा ॥ ४३ ॥

tvam eva bhagavann etac chiva-śaktyoḥ svarūpayoḥ viśvaṁ sṛjasi pāsy atsi krīḍann ūrṇa-paṭo yathā

हे भगवन्! शिव और शक्ति — इन दोनों स्वरूपों के माध्यम से आप ही इस विश्व की सृष्टि, पालन और संहार करते हैं, ठीक वैसे ही जैसे मकड़ी क्रीड़ामात्र से अपना जाला बुनती, बनाए रखती और समेट लेती है।

श्लोक 44 (bhagavata.4.6.44)

त्वमेव धर्मार्थदुघाभिपत्तये दक्षेण सूत्रेण ससर्जिथाध्वरम् । त्वयैव लोकेऽवसिताश्च सेतवो यान्ब्राह्मणाः श्रद्दधते धृतव्रताः ॥ ४४ ॥

tvam eva dharmārtha-dughābhipattaye dakṣeṇa sūtreṇa sasarjithādhvaram tvayaiva loke ’vasitāś ca setavo yān brāhmaṇāḥ śraddadhate dhṛta-vratāḥ

यह आप ही थे जिन्होंने दक्ष के माध्यम से यज्ञ-संस्था की स्थापना की, ताकि धर्म और अर्थ के फल प्राप्त हो सकें; और यह आप ही हैं जिन्होंने इस लोक में उन मर्यादाओं को स्थापित किया, जिनका व्रतधारी ब्राह्मण श्रद्धापूर्वक पालन करते हैं।

श्लोक 45 (bhagavata.4.6.45)

त्वं कर्मणां मङ्गल मङ्गलानां कर्तुः स्वलोकं तनुषे स्वः परं वा । अमङ्गलानां च तमिस्रमुल्बणं विपर्ययः केन तदेव कस्यचित् ॥ ४५ ॥

tvaṁ karmaṇāṁ maṅgala maṅgalānāṁ kartuḥ sva-lokaṁ tanuṣe svaḥ paraṁ vā amaṅgalānāṁ ca tamisram ulbaṇaṁ viparyayaḥ kena tad eva kasyacit

हे मंगलमय! शुभ कर्म करने वालों को आप स्वर्गलोक अथवा उससे भी परम धाम प्रदान करते हैं; और अशुभ कर्म करने वालों को घोर अंधकार प्रदान करते हैं — किन्तु कभी-कभी किसी के लिए इसका ठीक विपरीत भी होते देखा जाता है। इसका कारण कोई नहीं जान सकता।

श्लोक 46 (bhagavata.4.6.46)

न वै सतां त्वच्चरणार्पितात्मनां भूतेषु सर्वेष्वभिपश्यतां तव । भूतानि चात्मन्यपृथग्दिदृक्षतां प्रायेण रोषोऽभिभवेद्यथा पशुम् ॥ ४६ ॥

na vai satāṁ tvac-caraṇārpitātmanāṁ bhūteṣu sarveṣv abhipaśyatāṁ tava bhūtāni cātmany apṛthag-didṛkṣatāṁ prāyeṇa roṣo ’bhibhaved yathā paśum

जिन साधु पुरुषों ने अपना सम्पूर्ण अस्तित्व आपके चरणों में समर्पित कर दिया है, जो समस्त प्राणियों में आपको ही देखते हैं, तथा जो सब भूतों को अपने आत्मा से अभिन्न देखते हैं, वे प्रायः पशु के समान क्रोध से अभिभूत नहीं होते।

श्लोक 47 (bhagavata.4.6.47)

पृथग्धियः कर्मदृशो दुराशयाः परोदयेनार्पितहृद्रुजोऽनिशम् । परान् दुरुक्तैर्वितुदन्त्यरुन्तुदा- स्तान्मावधीद्दैववधान्भवद्विधः ॥ ४७ ॥

pṛthag-dhiyaḥ karma-dṛśo durāśayāḥ parodayenārpita-hṛd-rujo ’niśam parān duruktair vitudanty aruntudās tān māvadhīd daiva-vadhān bhavad-vidhaḥ

जिनकी बुद्धि द्वैतभावयुक्त है, जो केवल कर्मफल देखते हैं, दुष्ट-हृदय हैं, जिनका हृदय दूसरों की उन्नति से निरंतर पीड़ित रहता है, तथा जो स्वयं कठोर वचनों से दूसरों को घायल करते हैं — ऐसे लोगों को विधाता ने पहले ही मार डाला है। आप-जैसे महापुरुष उन्हें पुनः न मारें।

श्लोक 48 (bhagavata.4.6.48)

यस्मिन्यदा पुष्करनाभमायया दुरन्तया स्पृष्टधियः पृथग्दृशः । कुर्वन्ति तत्र ह्यनुकम्पया कृपां न साधवो दैवबलात्कृते क्रमम् ॥ ४८ ॥

yasmin yadā puṣkara-nābha-māyayā durantayā spṛṣṭa-dhiyaḥ pṛthag-dṛśaḥ kurvanti tatra hy anukampayā kṛpāṁ na sādhavo daiva-balāt kṛte kramam

जब किसी का चित्त पुष्करनाभ (विष्णु) की दुर्लंघ्य माया से स्पर्शित होकर द्वैतभाव से युक्त हो जाता है और वह कोई अपराध कर बैठता है, तब साधुजन उस पर करुणा ही दिखाते हैं, क्योंकि वह अपराध भी अंततः उसी दैवी शक्ति द्वारा ही घटित हुआ है — वे उसके विरुद्ध कोई कदम नहीं उठाते।

श्लोक 49 (bhagavata.4.6.49)

भवांस्तु पुंसः परमस्य मायया दुरन्तयास्पृष्टमतिः समस्तदृक् । तया हतात्मस्वनुकर्मचेतः- स्वनुग्रहं कर्तुमिहार्हसि प्रभो ॥ ४९ ॥

bhavāṁs tu puṁsaḥ paramasya māyayā durantayāspṛṣṭa-matiḥ samasta-dṛk tayā hatātmasv anukarma-cetaḥsv anugrahaṁ kartum ihārhasi prabho

किन्तु आप, हे प्रभो, उसी दुर्लंघ्य माया से सर्वथा अस्पृष्ट रहते हैं और सबको समान दृष्टि से देखते हैं; अतः उन लोगों पर, जिनका चित्त उसी माया से अभिभूत होकर कर्मों में आसक्त है, अनुग्रह करना ही आपको शोभा देता है।

श्लोक 50 (bhagavata.4.6.50)

कुर्वध्वरस्योद्धरणं हतस्य भोः त्वयासमाप्तस्य मनो प्रजापतेः । न यत्र भागं तव भागिनो ददुः कुयाजिनो येन मखो निनीयते ॥ ५० ॥

kurv adhvarasyoddharaṇaṁ hatasya bhoḥ tvayāsamāptasya mano prajāpateḥ na yatra bhāgaṁ tava bhāgino daduḥ kuyājino yena makho ninīyate

हे प्रभो! अब आप इस प्रजापति के यज्ञ का उद्धार कीजिए, जिसे आपने नष्ट कर अधूरा छोड़ दिया है — क्योंकि यज्ञ की यह दुर्दशा उन कुयाजी पुरोहितों के अपराध से हुई, जिन्होंने आपका भाग आपको नहीं दिया।

श्लोक 51 (bhagavata.4.6.51)

जीवताद्यजमानोऽयं प्रपद्येताक्षिणी भगः । भृगोः श्मश्रूणि रोहन्तु पूष्णो दन्ताश्च पूर्ववत् ॥ ५१ ॥

jīvatād yajamāno ’yaṁ prapadyetākṣiṇī bhagaḥ bhṛgoḥ śmaśrūṇi rohantu pūṣṇo dantāś ca pūrvavat

यह यजमान (दक्ष) पुनः जीवित हो जाए; भग देवता को अपने नेत्र पुनः प्राप्त हों; भृगु की दाढ़ी पुनः उग आए; तथा पूषा के दाँत पूर्ववत् वापस आ जाएँ।

श्लोक 52 (bhagavata.4.6.52)

देवानां भग्नगात्राणामृत्विजां चायुधाश्मभिः । भवतानुगृहीतानामाशु मन्योऽस्त्वनातुरम् ॥ ५२ ॥

devānāṁ bhagna-gātrāṇām ṛtvijāṁ cāyudhāśmabhiḥ bhavatānugṛhītānām āśu manyo ’stv anāturam

हे मन्यो (शिव के क्रोध के साक्षात् स्वरूप)! शस्त्रों और पत्थरों से जिनके अंग टूट गए हैं, ऐसे देवताओं और ऋत्विजों को आपकी कृपा से शीघ्र ही यह पीड़ा दूर हो।

श्लोक 53 (bhagavata.4.6.53)

एष ते रुद्र भागोऽस्तु यदुच्छिष्टोऽध्वरस्य वै । यज्ञस्ते रुद्रभागेन कल्पतामद्य यज्ञहन् ॥ ५३ ॥

eṣa te rudra bhāgo ’stu yad-ucchiṣṭo ’dhvarasya vai yajñas te rudra bhāgena kalpatām adya yajña-han

हे रुद्र! इस यज्ञ का यह शेष भाग अब आपका ही हो; और हे यज्ञ के विनाशक! आपके ही भाग से आज यह यज्ञ पूर्ण हो।