ध्रुव महाराज का वन-गमन

श्लोक 1 (bhagavata.4.8.1)

मैत्रेय उवाच सनकाद्या नारदश्च ऋभुर्हंसोऽरुणिर्यतिः । नैते गृहान् ब्रह्मसुता ह्यावसन्नूर्ध्वरेतसः ॥ १ ॥

maitreya uvāca sanakādyā nāradaś ca ṛbhur haṁso ’ruṇir yatiḥ naite gṛhān brahma-sutā hy āvasann ūrdhva-retasaḥ

श्री मैत्रेय जी ने कहा — सनक आदि, तथा नारद, ऋभु, हंस, अरुणि और यति — ब्रह्मा जी के ये पुत्र जन्म से ही ऊर्ध्वरेता (नैष्ठिक ब्रह्मचारी) थे, अतः इन्होंने कभी गृहस्थ जीवन धारण नहीं किया।

श्लोक 2 (bhagavata.4.8.2)

मृषाधर्मस्य भार्यासीद्दम्भं मायां च शत्रुहन् । असूत मिथुनं तत्तु निऋर्तिर्जगृहेऽप्रजः ॥ २ ॥

mṛṣādharmasya bhāryāsīd dambhaṁ māyāṁ ca śatru-han asūta mithunaṁ tat tu nirṛtir jagṛhe ’prajaḥ

हे शत्रुहन्ता! अधर्म की पत्नी का नाम मृषा (असत्य) था; उनके संयोग से दम्भ और माया नामक जुड़वाँ संतानें उत्पन्न हुईं, जिन्हें निःसंतान निऋति ने अपना लिया।

श्लोक 3 (bhagavata.4.8.3)

तयोः समभवल्लोभो निकृतिश्च महामते । ताभ्यां क्रोधश्च हिंसा च यद्दुरुक्तिः स्वसा कलिः ॥ ३ ॥

tayoḥ samabhaval lobho nikṛtiś ca mahā-mate tābhyāṁ krodhaś ca hiṁsā ca yad duruktiḥ svasā kaliḥ

हे महामते! उन दम्भ और माया से लोभ और निकृति उत्पन्न हुए; तथा उनसे क्रोध और हिंसा उत्पन्न हुए, जिनकी संतान कलि और उसकी बहन दुरुक्ति (कटु वाणी) हुई।

श्लोक 4 (bhagavata.4.8.4)

दुरुक्तौ कलिराधत्त भयं मृत्युं च सत्तम । तयोश्च मिथुनं जज्ञे यातना निरयस्तथा ॥ ४ ॥

duruktau kalir ādhatta bhayaṁ mṛtyuṁ ca sattama tayoś ca mithunaṁ jajñe yātanā nirayas tathā

हे सत्तम! दुरुक्ति में कलि ने भय और मृत्यु को उत्पन्न किया; और उन दोनों से यातना और नरक नामक जुड़वाँ संतानें उत्पन्न हुईं।

श्लोक 5 (bhagavata.4.8.5)

सङ्ग्रहेण मयाख्यातः प्रतिसर्गस्तवानघ । त्रिः श्रुत्वैतत्पुमान् पुण्यं विधुनोत्यात्मनो मलम् ॥ ५ ॥

saṅgraheṇa mayākhyātaḥ pratisargas tavānagha triḥ śrutvaitat pumān puṇyaṁ vidhunoty ātmano malam

हे निष्पाप! मैंने तुम्हें यह गौण सृष्टि संक्षेप में बताई; जो मनुष्य इसे तीन बार सुनता है, वह पवित्र हो जाता है और अपनी आत्मा की मलिनता को धो डालता है।

श्लोक 6 (bhagavata.4.8.6)

अथातः कीर्तये वंशं पुण्यकीर्तेः कुरूद्वह । स्वायम्भुवस्यापि मनोर्हरेरंशांशजन्मनः ॥ ६ ॥

athātaḥ kīrtaye vaṁśaṁ puṇya-kīrteḥ kurūdvaha svāyambhuvasyāpi manor harer aṁśāṁśa-janmanaḥ

हे कुरुश्रेष्ठ! अब मैं तुम्हें उस पवित्र-कीर्ति स्वायंभुव मनु के वंश का वर्णन सुनाता हूँ, जो भगवान हरि के अंश के भी अंश से उत्पन्न हुए थे।

श्लोक 7 (bhagavata.4.8.7)

प्रियव्रतोत्तानपादौ शतरूपापतेः सुतौ । वासुदेवस्य कलया रक्षायां जगतः स्थितौ ॥ ७ ॥

priyavratottānapādau śatarūpā-pateḥ sutau vāsudevasya kalayā rakṣāyāṁ jagataḥ sthitau

शतरूपा के पति (मनु) के दोनों पुत्र प्रियव्रत और उत्तानपाद, स्वयं भगवान वासुदेव के अंश से उत्पन्न होने के कारण, जगत की रक्षा के लिए सुयोग्य रूप से स्थापित थे।

श्लोक 8 (bhagavata.4.8.8)

जाये उत्तानपादस्य सुनीतिः सुरुचिस्तयोः । सुरुचिः प्रेयसी पत्युर्नेतरा यत्सुतो ध्रुवः ॥ ८ ॥

jāye uttānapādasya sunītiḥ surucis tayoḥ suruciḥ preyasī patyur netarā yat-suto dhruvaḥ

उत्तानपाद की दो पत्नियाँ थीं — सुनीति और सुरुचि। उन दोनों में सुरुचि अपने पति को अधिक प्रिय थी, जबकि दूसरी, जिसका पुत्र ध्रुव था, उतनी प्रिय नहीं थी।

श्लोक 9 (bhagavata.4.8.9)

एकदा सुरुचेः पुत्रमङ्कमारोप्य लालयन् । उत्तमं नारुरुक्षन्तं ध्रुवं राजाभ्यनन्दत ॥ ९ ॥

ekadā suruceḥ putram aṅkam āropya lālayan uttamaṁ nārurukṣantaṁ dhruvaṁ rājābhyanandata

एक दिन राजा सुरुचि के पुत्र उत्तम को गोद में बिठाकर दुलार रहे थे, तभी ध्रुव भी गोद में चढ़ने का प्रयास करने लगे, किन्तु राजा ने उनका स्वागत नहीं किया।

श्लोक 10 (bhagavata.4.8.10)

तथा चिकीर्षमाणं तं सपत्न्यास्तनयं ध्रुवम् । सुरुचिः शृण्वतो राज्ञः सेर्ष्यमाहातिगर्विता ॥ १० ॥

tathā cikīrṣamāṇaṁ taṁ sapatnyās tanayaṁ dhruvam suruciḥ śṛṇvato rājñaḥ serṣyam āhātigarvitā

अपनी सौत के पुत्र ध्रुव को इस प्रकार गोद में चढ़ने का प्रयास करते देखकर, अभिमान और ईर्ष्या से भरी सुरुचि, राजा के सुनते हुए ही ऊँचे स्वर में कटु वचन बोलने लगी।

श्लोक 11 (bhagavata.4.8.11)

न वत्स नृपतेर्धिष्ण्यं भवानारोढुमर्हति । न गृहीतो मया यत्त्वं कुक्षावपि नृपात्मजः ॥ ११ ॥

na vatsa nṛpater dhiṣṇyaṁ bhavān āroḍhum arhati na gṛhīto mayā yat tvaṁ kukṣāv api nṛpātmajaḥ

[सुरुचि ने कहा —] हे वत्स! तुम राजा के आसन पर बैठने के अधिकारी नहीं हो, क्योंकि यद्यपि तुम राजपुत्र हो, तथापि तुम मेरे गर्भ से उत्पन्न नहीं हुए।

श्लोक 12 (bhagavata.4.8.12)

बालोऽसि बत नात्मानमन्यस्त्रीगर्भसम्भृतम् । नूनं वेद भवान् यस्य दुर्लभेऽर्थे मनोरथः ॥ १२ ॥

bālo ’si bata nātmānam anya-strī-garbha-sambhṛtam nūnaṁ veda bhavān yasya durlabhe ’rthe manorathaḥ

हाय! तुम अभी बालक हो, और यह नहीं जानते कि तुम किसी अन्य स्त्री के गर्भ से उत्पन्न हुए हो; निश्चय ही इसीलिए तुम एक दुर्लभ वस्तु की कामना कर रहे हो।

श्लोक 13 (bhagavata.4.8.13)

तपसाराध्य पुरुषं तस्यैवानुग्रहेण मे । गर्भे त्वं साधयात्मानं यदीच्छसि नृपासनम् ॥ १३ ॥

tapasārādhya puruṣaṁ tasyaivānugraheṇa me garbhe tvaṁ sādhayātmānaṁ yadīcchasi nṛpāsanam

यदि तुम सचमुच राजसिंहासन की कामना रखते हो, तो तपस्या द्वारा परम पुरुष की आराधना करो, और उन्हीं की कृपा से मेरे गर्भ में जन्म लेकर ही तुम अपना यह प्रयोजन सिद्ध कर सकते हो।

श्लोक 14 (bhagavata.4.8.14)

मैत्रेय उवाच मातुः सपत्न्याः स दुरुक्तिविद्धः श्वसन् रुषा दण्डहतो यथाहिः । हित्वा मिषन्तं पितरं सन्नवाचं जगाम मातुः प्ररुदन् सकाशम् ॥ १४ ॥

maitreya uvāca mātuḥ sapatnyāḥ sa durukti-viddhaḥ śvasan ruṣā daṇḍa-hato yathāhiḥ hitvā miṣantaṁ pitaraṁ sanna-vācaṁ jagāma mātuḥ prarudan sakāśam

श्री मैत्रेय जी ने कहा — अपनी सौतेली माता के कटु वचनों से घायल, तथा लाठी से मारे गए सर्प के समान क्रोध से साँस लेते हुए, अपने पिता को मौन देखकर, ध्रुव उन्हें छोड़कर रोते हुए अपनी माता के पास चले गए।

श्लोक 15 (bhagavata.4.8.15)

तं निःश्वसन्तं स्फुरिताधरोष्ठं सुनीतिरुत्सङ्ग उदूह्य बालम् । निशम्य तत्पौरमुखान्नितान्तं सा विव्यथे यद्गदितं सपत्न्या ॥ १५ ॥

taṁ niḥśvasantaṁ sphuritādharoṣṭhaṁ sunītir utsaṅga udūhya bālam niśamya tat-paura-mukhān nitāntaṁ sā vivyathe yad gaditaṁ sapatnyā

सुनीति ने काँपते होंठों और गहरी साँसें लेते हुए अपने पुत्र को गोद में उठा लिया; और जब उसने राजमहल के सेवकों के मुख से सौत द्वारा कहे गए वे वचन विस्तार से सुने, तो वह भी अत्यंत दुखी हो गई।

श्लोक 16 (bhagavata.4.8.16)

सोत्सृज्य धैर्यं विललाप शोक दावाग्निना दावलतेव बाला । वाक्यं सपत्न्याः स्मरती सरोज श्रिया दृशा बाष्पकलामुवाह ॥ १६ ॥

sotsṛjya dhairyaṁ vilalāpa śoka- dāvāgninā dāva-lateva bālā vākyaṁ sapatnyāḥ smaratī saroja- śriyā dṛśā bāṣpa-kalām uvāha

धैर्य खोकर वह युवती शोक की दावाग्नि से जलती हुई वन-लता के समान विलाप करने लगी; अपनी सौत के वचनों का स्मरण करते हुए उसके कमल-सम नेत्रों से अश्रु बहने लगे, और वह इस प्रकार बोली।

श्लोक 17 (bhagavata.4.8.17)

दीर्घं श्वसन्ती वृजिनस्य पार- मपश्यती बालकमाह बाला । मामङ्गलं तात परेषु मंस्था भुङ्क्ते जनो यत्परदुःखदस्तत् ॥ १७ ॥

dīrghaṁ śvasantī vṛjinasya pāram apaśyatī bālakam āha bālā māmaṅgalaṁ tāta pareṣu maṁsthā bhuṅkte jano yat para-duḥkhadas tat

गहरी साँस लेते हुए, और इस विपत्ति का कोई अंत न देखकर, उस युवती माता ने अपने बालक से कहा — हे वत्स! दूसरों के लिए कभी अमंगल की कामना मत करना, क्योंकि जो व्यक्ति दूसरों को दुःख देता है, वह स्वयं भी वही दुःख भोगता है।

श्लोक 18 (bhagavata.4.8.18)

सत्यं सुरुच्याभिहितं भवान्मे यद्दुर्भगाया उदरे गृहीतः । स्तन्येन वृद्धश्च विलज्जते यां भार्येति वा वोढुमिडस्पतिर्माम् ॥ १८ ॥

satyaṁ surucyābhihitaṁ bhavān me yad durbhagāyā udare gṛhītaḥ stanyena vṛddhaś ca vilajjate yāṁ bhāryeti vā voḍhum iḍaspatir mām

सुरुचि ने तुम्हारे विषय में जो कहा, वह सत्य ही है — तुम एक अभागी स्त्री के गर्भ से उत्पन्न होकर उसी के दूध से पले हो; क्योंकि इडस्पति (तुम्हारे पिता) स्वयं मुझे अपनी पत्नी स्वीकार करने में भी लज्जा अनुभव करते हैं।

श्लोक 19 (bhagavata.4.8.19)

आतिष्ठ तत्तात विमत्सरस्त्वम् उक्तं समात्रापि यदव्यलीकम् । आराधयाधोक्षजपादपद्मं यदीच्छसेऽध्यासनमुत्तमो यथा ॥ १९ ॥

ātiṣṭha tat tāta vimatsaras tvam uktaṁ samātrāpi yad avyalīkam ārādhayādhokṣaja-pāda-padmaṁ yadīcchase ’dhyāsanam uttamo yathā

अतः हे वत्स! ईर्ष्या को त्यागकर तुम्हारी सौतेली माता द्वारा कहे गए इस सत्य वचन का पालन करो — यदि तुम उत्तम के समान श्रेष्ठ पद प्राप्त करना चाहते हो, तो अधोक्षज (भगवान) के चरण-कमलों की आराधना करो।

श्लोक 20 (bhagavata.4.8.20)

यस्याङ्घ्रि पद्मं परिचर्य विश्व विभावनायात्तगुणाभिपत्तेः । अजोऽध्यतिष्ठत्खलु पारमेष्ठ्यं पदं जितात्मश्वसनाभिवन्द्यम् ॥ २० ॥

yasyāṅghri-padmaṁ paricarya viśva- vibhāvanāyātta-guṇābhipatteḥ ajo ’dhyatiṣṭhat khalu pārameṣṭhyaṁ padaṁ jitātma-śvasanābhivandyam

जिन (भगवान) के चरण-कमलों की सेवा करके अजन्मा ब्रह्मा जी ने विश्व-सृजन के योग्य गुण प्राप्त किए, और उस परमेष्ठी पद को प्राप्त हुए, जिसकी वंदना मन तथा श्वास पर विजय प्राप्त किए हुए योगीजन भी करते हैं —

श्लोक 21 (bhagavata.4.8.21)

तथा मनुर्वो भगवान् पितामहो यमेकमत्या पुरुदक्षिणैर्मखैः । इष्ट्वाभिपेदे दुरवापमन्यतो भौमं सुखं दिव्यमथापवर्ग्यम् ॥ २१ ॥

tathā manur vo bhagavān pitāmaho yam eka-matyā puru-dakṣiṇair makhaiḥ iṣṭvābhipede duravāpam anyato bhaumaṁ sukhaṁ divyam athāpavargyam

— और उसी प्रकार तुम्हारे प्रपितामह, आदरणीय मनु ने भी उन्हीं भगवान की अनन्य भक्ति से, विपुल दक्षिणा वाले यज्ञों द्वारा आराधना करके, भौतिक सुख, दिव्य सुख और अंततः मोक्ष — जो अन्यत्र किसी भी उपाय से प्राप्त नहीं हो सकते — प्राप्त किए।

श्लोक 22 (bhagavata.4.8.22)

तमेव वत्साश्रय भृत्यवत्सलं मुमुक्षुभिर्मृग्यपदाब्जपद्धतिम् । अनन्यभावे निजधर्मभाविते मनस्यवस्थाप्य भजस्व पूरुषम् ॥ २२ ॥

tam eva vatsāśraya bhṛtya-vatsalaṁ mumukṣubhir mṛgya-padābja-paddhatim ananya-bhāve nija-dharma-bhāvite manasy avasthāpya bhajasva pūruṣam

हे वत्स! उन्हीं परम पुरुष की शरण लो, जो अपने सेवकों के प्रति अत्यंत वत्सल हैं, जिनके चरण-कमलों को मुमुक्षुजन खोजते हैं; अपने ही धर्म के पालन से शुद्ध हुए मन में उन्हें अनन्य भाव से स्थापित करके उनकी आराधना करो।

श्लोक 23 (bhagavata.4.8.23)

नान्यं ततः पद्मपलाशलोचनाद् दुःखच्छिदं ते मृगयामि कञ्चन । यो मृग्यते हस्तगृहीतपद्मया श्रियेतरैरङ्ग विमृग्यमाणया ॥ २३ ॥

nānyaṁ tataḥ padma-palāśa-locanād duḥkha-cchidaṁ te mṛgayāmi kañcana yo mṛgyate hasta-gṛhīta-padmayā śriyetarair aṅga vimṛgyamāṇayā

हे वत्स! उन कमल-नेत्र भगवान के अतिरिक्त मुझे तुम्हारे दुःख को दूर करने वाला अन्य कोई नहीं दिखाई देता — जिन्हें हाथ में कमल लिए स्वयं लक्ष्मी जी ढूँढती हैं, तथा जिन्हें अन्य लोग भी उन्हीं लक्ष्मी जी के माध्यम से खोजते हैं।

श्लोक 24 (bhagavata.4.8.24)

मैत्रेय उवाच एवं सञ्जल्पितं मातुराकर्ण्यार्थागमं वचः । सन्नियम्यात्मनात्मानं निश्चक्राम पितुः पुरात् ॥ २४ ॥

maitreya uvāca evaṁ sañjalpitaṁ mātur ākarṇyārthāgamaṁ vacaḥ sanniyamyātmanātmānaṁ niścakrāma pituḥ purāt

श्री मैत्रेय जी ने कहा — अपनी माता के इन सारगर्भित वचनों को सुनकर, ध्रुव ने अपने आपको दृढ़ संकल्प से स्थिर करके अपने पिता की नगरी को त्याग दिया।

श्लोक 25 (bhagavata.4.8.25)

नारदस्तदुपाकर्ण्य ज्ञात्वा तस्य चिकीर्षितम् । स्पृष्ट्वा मूर्धन्यघघ्नेन पाणिना प्राह विस्मितः ॥ २५ ॥

nāradas tad upākarṇya jñātvā tasya cikīrṣitam spṛṣṭvā mūrdhany agha-ghnena pāṇinā prāha vismitaḥ

नारद जी यह सुनकर तथा बालक के मनोरथ को जानकर विस्मित हो उठे; अपने पाप-नाशक हाथ से ध्रुव के मस्तक का स्पर्श करते हुए वे उससे बोले।

श्लोक 26 (bhagavata.4.8.26)

अहो तेजः क्षत्रियाणां मानभङ्गममृष्यताम् । बालोऽप्ययं हृदा धत्ते यत्समातुरसद्वचः ॥ २६ ॥

aho tejaḥ kṣatriyāṇāṁ māna-bhaṅgam amṛṣyatām bālo ’py ayaṁ hṛdā dhatte yat samātur asad-vacaḥ

[नारद जी ने सोचा —] अहो! क्षत्रियों का तेज कितना प्रबल है, कि वे अपने सम्मान के तनिक भी भंग को सहन नहीं कर पाते! यह बालक होते हुए भी अपनी सौतेली माता के कटु वचनों को इतनी गहराई से हृदय में धारण किए हुए है।

श्लोक 27 (bhagavata.4.8.27)

नारद उवाच नाधुनाप्यवमानं ते सम्मानं वापि पुत्रक । लक्षयामः कुमारस्य सक्तस्य क्रीडनादिषु ॥ २७ ॥

nārada uvāca nādhunāpy avamānaṁ te sammānaṁ vāpi putraka lakṣayāmaḥ kumārasya saktasya krīḍanādiṣu

नारद जी ने कहा — हे पुत्र! खेल-कूद आदि में लगे हुए तुम्हारी इस अवस्था में तो हम किसी बालक में इस प्रकार अपमान अथवा सम्मान का बोध होने की अपेक्षा नहीं रखते।

श्लोक 28 (bhagavata.4.8.28)

विकल्पे विद्यमानेऽपि न ह्यसन्तोषहेतवः । पुंसो मोहमृते भिन्ना यल्लोके निजकर्मभिः ॥ २८ ॥

vikalpe vidyamāne ’pi na hy asantoṣa-hetavaḥ puṁso moham ṛte bhinnā yal loke nija-karmabhiḥ

यद्यपि संसार में इस प्रकार के भेद विद्यमान हैं, तथापि मोहवश ही वे किसी बुद्धिमान व्यक्ति के लिए असंतोष का कारण बनते हैं — क्योंकि ऐसी विविध परिस्थितियाँ तो अपने ही पूर्व कर्मों से उत्पन्न होती हैं।

श्लोक 29 (bhagavata.4.8.29)

परितुष्येत्ततस्तात तावन्मात्रेण पूरुषः । दैवोपसादितं यावद्वीक्ष्येश्वरगतिं बुधः ॥ २९ ॥

parituṣyet tatas tāta tāvan-mātreṇa pūruṣaḥ daivopasāditaṁ yāvad vīkṣyeśvara-gatiṁ budhaḥ

अतः हे तात! बुद्धिमान पुरुष, यह जानकर कि जो कुछ भी प्राप्त होता है वह दैव द्वारा ही व्यवस्थित होता है, तथा ईश्वर की गति को समझकर, जितना भी प्राप्त हो, उतने में ही संतुष्ट रहना चाहिए।

श्लोक 30 (bhagavata.4.8.30)

अथ मात्रोपदिष्टेन योगेनावरुरुत्ससि । यत्प्रसादं स वै पुंसां दुराराध्यो मतो मम ॥ ३० ॥

atha mātropadiṣṭena yogenāvarurutsasi yat-prasādaṁ sa vai puṁsāṁ durārādhyo mato mama

फिर भी, माता द्वारा उपदिष्ट योग-साधना का पालन करके तुम उन (भगवान) की कृपा प्राप्त करना चाहते हो, जिन्हें साधारण मनुष्यों के लिए प्रसन्न करना, मेरी दृष्टि में, अत्यंत कठिन है।

श्लोक 31 (bhagavata.4.8.31)

मुनयः पदवीं यस्य निःसङ्गेनोरुजन्मभिः । न विदुर्मृगयन्तोऽपि तीव्रयोगसमाधिना ॥ ३१ ॥

munayaḥ padavīṁ yasya niḥsaṅgenoru-janmabhiḥ na vidur mṛgayanto ’pi tīvra-yoga-samādhinā

यहाँ तक कि अनेक जन्मों तक अनासक्त रहकर, तीव्र योग-समाधि द्वारा खोजते हुए भी मुनिजन उनके मार्ग को नहीं जान पाते।

श्लोक 32 (bhagavata.4.8.32)

अतो निवर्ततामेष निर्बन्धस्तव निष्फलः । यतिष्यति भवान् काले श्रेयसां समुपस्थिते ॥ ३२ ॥

ato nivartatām eṣa nirbandhas tava niṣphalaḥ yatiṣyati bhavān kāle śreyasāṁ samupasthite

अतः इस निष्फल हठ को त्याग दो; जब उचित समय आए और श्रेयस्कर साधनों का अवसर स्वयं उपस्थित हो, तब तुम प्रयास करना।

श्लोक 33 (bhagavata.4.8.33)

यस्य यद्दैवविहितं स तेन सुखदुःखयोः । आत्मानं तोषयन्देही तमसः पारमृच्छति ॥ ३३ ॥

yasya yad daiva-vihitaṁ sa tena sukha-duḥkhayoḥ ātmānaṁ toṣayan dehī tamasaḥ pāram ṛcchati

जो देहधारी अपने भाग्य द्वारा निर्धारित सुख और दुःख दोनों में ही अपने आपको संतुष्ट रखता है, वह अज्ञान के अंधकार को पार कर जाता है।

श्लोक 34 (bhagavata.4.8.34)

गुणाधिकान्मुदं लिप्सेदनुक्रोशं गुणाधमात् । मैत्रीं समानादन्विच्छेन्न तापैरभिभूयते ॥ ३४ ॥

guṇādhikān mudaṁ lipsed anukrośaṁ guṇādhamāt maitrīṁ samānād anvicchen na tāpair abhibhūyate

अपने से अधिक गुणवान के प्रति हर्ष, अपने से न्यून गुणवान के प्रति करुणा, और अपने समान के प्रति मित्रता का भाव रखना चाहिए; इस प्रकार मनुष्य त्रिविध तापों से कभी अभिभूत नहीं होता।

श्लोक 35 (bhagavata.4.8.35)

ध्रुव उवाच सोऽयं शमो भगवता सुखदुःखहतात्मनाम् । दर्शितः कृपया पुंसां दुर्दर्शोऽस्मद्विधैस्तु यः ॥ ३५ ॥

dhruva uvāca so ’yaṁ śamo bhagavatā sukha-duḥkha-hatātmanām darśitaḥ kṛpayā puṁsāṁ durdarśo ’smad-vidhais tu yaḥ

ध्रुव ने कहा — हे भगवन्! सुख-दुःख से पीड़ित प्राणियों के लिए आपने कृपापूर्वक जो यह शांति-मार्ग दिखाया है, वह मुझ-जैसे व्यक्ति के लिए वास्तव में अत्यंत दुर्लभ है।

श्लोक 36 (bhagavata.4.8.36)

अथापि मेऽविनीतस्य क्षात्त्रं घोरमुपेयुषः । सुरुच्या दुर्वचोबाणैर्न भिन्ने श्रयते हृदि ॥ ३६ ॥

athāpi me ’vinītasya kṣāttraṁ ghoram upeyuṣaḥ surucyā durvaco-bāṇair na bhinne śrayate hṛdi

फिर भी मेरा हृदय, सुरुचि के कटु वचन-बाणों से घायल तथा क्षत्रिय-स्वभाव के अनुरूप उग्रता से युक्त होकर, आपके इस सुंदर उपदेश को अखंड रूप से ग्रहण नहीं कर पा रहा है — इस उद्दंडता के लिए मुझे क्षमा करें।

श्लोक 37 (bhagavata.4.8.37)

पदं त्रिभुवनोत्कृष्टं जिगीषोः साधु वर्त्म मे । ब्रूह्यस्मत्पितृभिर्ब्रह्मन्नन्यैरप्यनधिष्ठितम् ॥ ३७ ॥

padaṁ tri-bhuvanotkṛṣṭaṁ jigīṣoḥ sādhu vartma me brūhy asmat-pitṛbhir brahmann anyair apy anadhiṣṭhitam

हे ब्राह्मण! मैं तीनों लोकों में सबसे श्रेष्ठ उस पद को जीतना चाहता हूँ, जिसे मेरे पिता-पितामहों ने भी, और अन्य किसी ने भी, अब तक प्राप्त नहीं किया है। कृपया मुझे उसे प्राप्त करने का सच्चा मार्ग बताइए।

श्लोक 38 (bhagavata.4.8.38)

नूनं भवान्भगवतो योऽङ्गजः परमेष्ठिनः । वितुदन्नटते वीणां हिताय जगतोऽर्कवत् ॥ ३८ ॥

nūnaṁ bhavān bhagavato yo ’ṅgajaḥ parameṣṭhinaḥ vitudann aṭate vīṇāṁ hitāya jagato ’rkavat

आप निश्चय ही परम पूज्य भगवान ब्रह्मा के सुयोग्य पुत्र हैं, और सूर्य के समान संसार के कल्याण के लिए वीणा बजाते हुए विचरण करते हैं।

श्लोक 39 (bhagavata.4.8.39)

मैत्रेय उवाच इत्युदाहृतमाकर्ण्य भगवान्नारदस्तदा । प्रीतः प्रत्याह तं बालं सद्वाक्यमनुकम्पया ॥ ३९ ॥

maitreya uvāca ity udāhṛtam ākarṇya bhagavān nāradas tadā prītaḥ pratyāha taṁ bālaṁ sad-vākyam anukampayā

श्री मैत्रेय जी ने कहा — इस सारगर्भित उत्तर को सुनकर भगवान नारद अत्यंत प्रसन्न हुए, और करुणावश उस बालक से ये उत्तम वचन कहने लगे।

श्लोक 40 (bhagavata.4.8.40)

नारद उवाच जनन्याभिहितः पन्थाः स वै निःश्रेयसस्य ते । भगवान् वासुदेवस्तं भज तं प्रवणात्मना ॥ ४० ॥

nārada uvāca jananyābhihitaḥ panthāḥ sa vai niḥśreyasasya te bhagavān vāsudevas taṁ bhaja taṁ pravaṇātmanā

नारद जी ने कहा — तुम्हारी माता ने जो मार्ग तुम्हें बताया है, वही वास्तव में तुम्हारे परम कल्याण का मार्ग है; तुम अपने चित्त को सर्वथा उन्हीं की ओर झुकाकर भगवान वासुदेव की आराधना करो।

श्लोक 41 (bhagavata.4.8.41)

धर्मार्थकाममोक्षाख्यं य इच्छेच्छ्रेय आत्मनः । एकं ह्येव हरेस्तत्र कारणं पादसेवनम् ॥ ४१ ॥

dharmārtha-kāma-mokṣākhyaṁ ya icchec chreya ātmanaḥ ekaṁ hy eva hares tatra kāraṇaṁ pāda-sevanam

जो कोई अपने लिए धर्म, अर्थ, काम और मोक्ष नामक चार पुरुषार्थों की कामना रखता है, उसे यह जानना चाहिए कि इनकी प्राप्ति का एकमात्र कारण भगवान हरि के चरणों की सेवा ही है।

श्लोक 42 (bhagavata.4.8.42)

तत्तात गच्छ भद्रं ते यमुनायास्तटं शुचि । पुण्यं मधुवनं यत्र सान्निध्यं नित्यदा हरेः ॥ ४२ ॥

tat tāta gaccha bhadraṁ te yamunāyās taṭaṁ śuci puṇyaṁ madhuvanaṁ yatra sānnidhyaṁ nityadā hareḥ

अतः हे वत्स! तुम्हारा कल्याण हो — यमुना के उस पवित्र तट पर जाओ, उस पुण्य मधुवन में, जहाँ भगवान हरि का सान्निध्य सदैव बना रहता है।

श्लोक 43 (bhagavata.4.8.43)

स्नात्वानुसवनं तस्मिन् कालिन्द्याः सलिले शिवे । कृत्वोचितानि निवसन्नात्मनः कल्पितासनः ॥ ४३ ॥

snātvānusavanaṁ tasmin kālindyāḥ salile śive kṛtvocitāni nivasann ātmanaḥ kalpitāsanaḥ

वहाँ कालिन्दी (यमुना) के उस मंगलमय जल में दिन में तीन बार स्नान करते हुए, तथा आवश्यक कृत्य सम्पन्न करते हुए, अपने लिए तैयार किए गए आसन पर बैठकर वहीं निवास करो।

श्लोक 44 (bhagavata.4.8.44)

प्राणायामेन त्रिवृता प्राणेन्द्रियमनोमलम् । शनैर्व्युदस्याभिध्यायेन्मनसा गुरुणा गुरुम् ॥ ४४ ॥

prāṇāyāmena tri-vṛtā prāṇendriya-mano-malam śanair vyudasyābhidhyāyen manasā guruṇā gurum

त्रिविध प्राणायाम द्वारा प्राण, इन्द्रियों और मन की मलिनता को धीरे-धीरे दूर करते हुए, अपने स्थिर मन से उन गुरुतम भगवान का ध्यान करो।

श्लोक 45 (bhagavata.4.8.45)

प्रसादाभिमुखं शश्वत्प्रसन्नवदनेक्षणम् । सुनासं सुभ्रुवं चारुकपोलं सुरसुन्दरम् ॥ ४५ ॥

prasādābhimukhaṁ śaśvat prasanna-vadanekṣaṇam sunāsaṁ subhruvaṁ cāru- kapolaṁ sura-sundaram

[उस स्वरूप का ध्यान करो जो] सदैव कृपा प्रदान करने को उन्मुख है, जिसका मुख और नेत्र सदा प्रसन्न रहते हैं, जिसकी नासिका सुंदर, भौंहें मनोहर और कपोल रमणीय हैं, तथा जो देवताओं से भी अधिक सुंदर है।

श्लोक 46 (bhagavata.4.8.46)

तरुणं रमणीयाङ्गमरुणोष्ठेक्षणाधरम् । प्रणताश्रयणं नृम्णं शरण्यं करुणार्णवम् ॥ ४६ ॥

taruṇaṁ ramaṇīyāṅgam aruṇoṣṭhekṣaṇādharam praṇatāśrayaṇaṁ nṛmṇaṁ śaraṇyaṁ karuṇārṇavam

[उस स्वरूप का ध्यान करो जो] सदा तरुण है, मनोहर अंगों वाला है, जिसके नेत्र और अधर अरुण वर्ण के हैं, जो शरणागतों का आश्रय है, उदार है, शरण लेने योग्य है, तथा करुणा का सागर है।

श्लोक 47 (bhagavata.4.8.47)

श्रीवत्साङ्कं घनश्यामं पुरुषं वनमालिनम् । शङ्खचक्रगदापद्मैरभिव्यक्तचतुर्भुजम् ॥ ४७ ॥

śrīvatsāṅkaṁ ghana-śyāmaṁ puruṣaṁ vana-mālinam śaṅkha-cakra-gadā-padmair abhivyakta-caturbhujam

[उस पुरुष का ध्यान करो जो] श्रीवत्स चिह्न से युक्त है, सघन मेघ के समान श्याम वर्ण है, वनमाला धारण किए हुए है, तथा जिसकी चतुर्भुज मूर्ति शंख, चक्र, गदा और पद्म से सुशोभित है।

श्लोक 48 (bhagavata.4.8.48)

किरीटिनं कुण्डलिनं केयूरवलयान्वितम् । कौस्तुभाभरणग्रीवं पीतकौशेयवाससम् ॥ ४८ ॥

kirīṭinaṁ kuṇḍalinaṁ keyūra-valayānvitam kaustubhābharaṇa-grīvaṁ pīta-kauśeya-vāsasam

[उनका ध्यान करो जो] मुकुट, कुण्डल, केयूर तथा कंकण धारण किए हुए हैं, जिनके कण्ठ में कौस्तुभ मणि सुशोभित है, तथा जो पीत रेशमी वस्त्र धारण किए हुए हैं।

श्लोक 49 (bhagavata.4.8.49)

काञ्चीकलापपर्यस्तं लसत्काञ्चननूपुरम् । दर्शनीयतमं शान्तं मनोनयनवर्धनम् ॥ ४९ ॥

kāñcī-kalāpa-paryastaṁ lasat-kāñcana-nūpuram darśanīyatamaṁ śāntaṁ mano-nayana-vardhanam

[उनका ध्यान करो जो] रत्नमय करधनी से सुशोभित कटि प्रदेश वाले हैं, जिनके चरणों में चमकते स्वर्ण-नूपुर हैं — जो सबसे अधिक दर्शनीय, शांत, तथा मन और नेत्रों को आनंदित करने वाले हैं।

श्लोक 50 (bhagavata.4.8.50)

पद्भ्यां नखमणिश्रेण्या विलसद्भ्यां समर्चताम् । हृत्पद्मकर्णिकाधिष्ण्यमाक्रम्यात्मन्यवस्थितम् ॥ ५० ॥

padbhyāṁ nakha-maṇi-śreṇyā vilasadbhyāṁ samarcatām hṛt-padma-karṇikā-dhiṣṇyam ākramyātmany avasthitam

[उनका ध्यान करो जो] अपने रत्नमय नखों की पंक्ति से देदीप्यमान चरणों से भक्तों द्वारा पूजित हैं, तथा जो उनके हृदय-कमल की कर्णिका पर आसन ग्रहण करके आत्मा में सदा स्थित रहते हैं।

श्लोक 51 (bhagavata.4.8.51)

स्मयमानमभिध्यायेत्सानुरागावलोकनम् । नियतेनैकभूतेन मनसा वरदर्षभम् ॥ ५१ ॥

smayamānam abhidhyāyet sānurāgāvalokanam niyatenaika-bhūtena manasā varadarṣabham

संयमित तथा एकाग्र मन से, स्नेहपूर्ण दृष्टि से देखते हुए, मुस्कुराते हुए उन वरदाताओं में श्रेष्ठ भगवान का ध्यान करना चाहिए।

श्लोक 52 (bhagavata.4.8.52)

एवं भगवतो रूपं सुभद्रं ध्यायतो मनः । निर्वृत्या परया तूर्णं सम्पन्नं न निवर्तते ॥ ५२ ॥

evaṁ bhagavato rūpaṁ subhadraṁ dhyāyato manaḥ nirvṛtyā parayā tūrṇaṁ sampannaṁ na nivartate

इस प्रकार भगवान के सदा मंगलमय स्वरूप का ध्यान करने वाले पुरुष का मन शीघ्र ही परम आनंद को प्राप्त हो जाता है, और उसे प्राप्त करके फिर कभी विचलित नहीं होता।

श्लोक 53 (bhagavata.4.8.53)

जपश्च परमो गुह्यः श्रूयतां मे नृपात्मज । यं सप्तरात्रं प्रपठन्पुमान् पश्यति खेचरान् ॥ ५३ ॥

japaś ca paramo guhyaḥ śrūyatāṁ me nṛpātmaja yaṁ sapta-rātraṁ prapaṭhan pumān paśyati khecarān

हे नृपपुत्र! अब मुझसे परम गोपनीय जप-मंत्र सुनो; जिसे सात रात्रियों तक श्रद्धापूर्वक जपने से मनुष्य आकाश में विचरण करने वाले प्राणियों को भी देख पाता है।

श्लोक 54 (bhagavata.4.8.54)

ॐ नमो भगवते वासुदेवाय । मन्त्रेणानेन देवस्य कुर्याद् द्रव्यमयीं बुधः । सपर्यां विविधैर्द्रव्यैर्देशकालविभागवित् ॥ ५४ ॥

oṁ namo bhagavate vāsudevāya mantreṇānena devasya kuryād dravyamayīṁ budhaḥ saparyāṁ vividhair dravyair deśa-kāla-vibhāgavit

"ॐ नमो भगवते वासुदेवाय" — इस मंत्र के साथ, देश-काल के भेद को जानने वाला बुद्धिमान व्यक्ति विविध द्रव्यों द्वारा भगवान की भौतिक पूजा-अर्चना करे।

श्लोक 55 (bhagavata.4.8.55)

सलिलैः शुचिभिर्माल्यैर्वन्यैर्मूलफलादिभिः । शस्ताङ्कुरांशुकैश्चार्चेत्तुलस्या प्रियया प्रभुम् ॥ ५५ ॥

salilaiḥ śucibhir mālyair vanyair mūla-phalādibhiḥ śastāṅkurāṁśukaiś cārcet tulasyā priyayā prabhum

शुद्ध जल, मालाओं, वन के मूल-फलों, कोमल अंकुरों तथा वल्कल-वस्त्र से, तथा सबसे बढ़कर उन्हें अत्यंत प्रिय तुलसीदल से भगवान की आराधना करनी चाहिए।

श्लोक 56 (bhagavata.4.8.56)

लब्ध्वा द्रव्यमयीमर्चां क्षित्यम्ब्वादिषु वार्चयेत् । आभृतात्मा मुनिः शान्तो यतवाङ्मितवन्यभुक् ॥ ५६ ॥

labdhvā dravyamayīm arcāṁ kṣity-ambv-ādiṣu vārcayet ābhṛtātmā muniḥ śānto yata-vāṅ mita-vanya-bhuk

यदि भौतिक प्रतिमा उपलब्ध न हो, तो पृथ्वी, जल आदि तत्त्वों में ही भगवान की आराधना करे। आत्मसंयमी, शांत, वाणी में संयमित मुनि केवल जीवन-निर्वाह हेतु आवश्यक वन्य फलादि का ही आहार करे।

श्लोक 57 (bhagavata.4.8.57)

स्वेच्छावतारचरितैरचिन्त्यनिजमायया । करिष्यत्युत्तमश्लोकस्तद् ध्यायेद्धृदयङ्गमम् ॥ ५७ ॥

svecchāvatāra-caritair acintya-nija-māyayā kariṣyaty uttamaślokas tad dhyāyed dhṛdayaṅ-gamam

उत्तमश्लोक (सुयश-गान से पूजित भगवान) अपनी अचिन्त्य निजी माया से जो स्वेच्छापूर्ण अवतार-लीलाएँ करते हैं, उनका भी हृदयस्पर्शी ध्यान करना चाहिए।

श्लोक 58 (bhagavata.4.8.58)

परिचर्या भगवतो यावत्यः पूर्वसेविताः । ता मन्त्रहृदयेनैव प्रयुञ्ज्यान्मन्त्रमूर्तये ॥ ५८ ॥

paricaryā bhagavato yāvatyaḥ pūrva-sevitāḥ tā mantra-hṛdayenaiva prayuñjyān mantra-mūrtaye

भगवान की जो-जो सेवाएँ पूर्व भक्तों द्वारा की गई हैं, उन्हें उसी प्रकार सम्पन्न करे, अथवा यदि यह संभव न हो तो मंत्र-स्वरूप उन भगवान को मंत्र के हृदय-भाव द्वारा ही मानसिक रूप से अर्पित करे।

श्लोक 59 (bhagavata.4.8.59)

एवं कायेन मनसा वचसा च मनोगतम् । परिचर्यमाणो भगवान् भक्तिमत्परिचर्यया ॥ ५९ ॥

evaṁ kāyena manasā vacasā ca mano-gatam paricaryamāṇo bhagavān bhaktimat-paricaryayā

इस प्रकार शरीर, मन और वाणी से, तथा हृदय में भक्तिपूर्ण सेवा-भाव से सेवित हुए भगवान —

श्लोक 60 (bhagavata.4.8.60)

पुंसाममायिनां सम्यग्भजतां भाववर्धनः । श्रेयो दिशत्यभिमतं यद्धर्मादिषु देहिनाम् ॥ ६० ॥

puṁsām amāyināṁ samyag bhajatāṁ bhāva-vardhanaḥ śreyo diśaty abhimataṁ yad dharmādiṣu dehinām

— जो निष्कपट भाव से पूर्ण भक्ति करने वाले सरल-हृदय जनों की भक्ति को सदा बढ़ाते हैं, देहधारियों को धर्म आदि में जिस भी वांछित फल की इच्छा हो, वह प्रदान करते हैं।

श्लोक 61 (bhagavata.4.8.61)

विरक्तश्चेन्द्रियरतौ भक्तियोगेन भूयसा । तं निरन्तरभावेन भजेताद्धा विमुक्तये ॥ ६१ ॥

viraktaś cendriya-ratau bhakti-yogena bhūyasā taṁ nirantara-bhāvena bhajetāddhā vimuktaye

यदि कोई इन्द्रिय-सुख से वस्तुतः विरक्त हो, तो उसे गहन भक्तियोग द्वारा, अखंड भाव से, मुक्ति की प्राप्ति हेतु ही उन भगवान की आराधना करनी चाहिए।

श्लोक 62 (bhagavata.4.8.62)

इत्युक्तस्तं परिक्रम्य प्रणम्य च नृपार्भकः । ययौ मधुवनं पुण्यं हरेश्चरणचर्चितम् ॥ ६२ ॥

ity uktas taṁ parikramya praṇamya ca nṛpārbhakaḥ yayau madhuvanaṁ puṇyaṁ hareś caraṇa-carcitam

इस प्रकार उपदेश पाकर राजकुमार ध्रुव ने नारद जी की परिक्रमा करके तथा उन्हें प्रणाम करके उस पुण्य मधुवन की ओर प्रस्थान किया, जो स्वयं भगवान हरि के चरण-चिह्नों से सुशोभित था।

श्लोक 63 (bhagavata.4.8.63)

तपोवनं गते तस्मिन्प्रविष्टोऽन्तःपुरं मुनिः । अर्हितार्हणको राज्ञा सुखासीन उवाच तम् ॥ ६३ ॥

tapo-vanaṁ gate tasmin praviṣṭo ’ntaḥ-puraṁ muniḥ arhitārhaṇako rājñā sukhāsīna uvāca tam

ध्रुव के उस तपोवन में चले जाने के पश्चात्, मुनि नारद राजा के अंतःपुर में गए, जहाँ राजा द्वारा यथोचित सम्मान पाकर वे सुखपूर्वक आसीन होकर उनसे इस प्रकार बोले।

श्लोक 64 (bhagavata.4.8.64)

नारद उवाच राजन् किं ध्यायसे दीर्घं मुखेन परिशुष्यता । किं वा न रिष्यते कामो धर्मो वार्थेन संयुतः ॥ ६४ ॥

nārada uvāca rājan kiṁ dhyāyase dīrghaṁ mukhena pariśuṣyatā kiṁ vā na riṣyate kāmo dharmo vārthena saṁyutaḥ

नारद जी ने कहा — हे राजन्! तुम्हारा मुख इतना मुरझाया हुआ क्यों है, और तुम इतने गहन चिंतन में क्यों डूबे हो? क्या तुम्हारे धर्म, अर्थ अथवा काम में कोई बाधा उत्पन्न हुई है?

श्लोक 65 (bhagavata.4.8.65)

राजोवाच सुतो मे बालको ब्रह्मन् स्त्रैणेनाकरुणात्मना । निर्वासितः पञ्चवर्षः सह मात्रा महान्कविः ॥ ६५ ॥

rājovāca suto me bālako brahman straiṇenākaruṇātmanā nirvāsitaḥ pañca-varṣaḥ saha mātrā mahān kaviḥ

राजा ने कहा — हे ब्राह्मण! स्त्री के वशीभूत, दयाहीन बने मुझ जैसे व्यक्ति ने अपने ही पुत्र को, जो केवल पाँच वर्ष का बालक होते हुए भी महान ज्ञानी है, उसकी माता सहित निर्वासित कर दिया है।

श्लोक 66 (bhagavata.4.8.66)

अप्यनाथं वने ब्रह्मन्मा स्मादन्त्यर्भकं वृकाः । श्रान्तं शयानं क्षुधितं परिम्लानमुखाम्बुजम् ॥ ६६ ॥

apy anāthaṁ vane brahman mā smādanty arbhakaṁ vṛkāḥ śrāntaṁ śayānaṁ kṣudhitaṁ parimlāna-mukhāmbujam

हे ब्राह्मण! मुझे भय है कि कहीं वन में असहाय, थके-हारे, भूखे, कुम्हलाए कमल-सम मुख वाले उस सोए हुए बालक को भेड़िए न खा गए हों।

श्लोक 67 (bhagavata.4.8.67)

अहो मे बत दौरात्म्यं स्त्रीजितस्योपधारय । योऽङ्कं प्रेम्णारुरुक्षन्तं नाभ्यनन्दमसत्तमः ॥ ६७ ॥

aho me bata daurātmyaṁ strī-jitasyopadhāraya yo ’ṅkaṁ premṇārurukṣantaṁ nābhyanandam asattamaḥ

हाय! मेरी कैसी नीचता है — स्त्री के इतने वश में हुए मुझ अधम ने, जब मेरा ही पुत्र प्रेमवश मेरी गोद में चढ़ना चाहता था, तब भी मैंने उसका स्वागत तक नहीं किया!

श्लोक 68 (bhagavata.4.8.68)

नारद उवाच मा मा शुचः स्वतनयं देवगुप्तं विशाम्पते । तत्प्रभावमविज्ञाय प्रावृङ्क्ते यद्यशो जगत् ॥ ६८ ॥

nārada uvāca mā mā śucaḥ sva-tanayaṁ deva-guptaṁ viśāmpate tat-prabhāvam avijñāya prāvṛṅkte yad-yaśo jagat

नारद जी ने कहा — हे विशांपते! अपने पुत्र के लिए तनिक भी शोक न करो — वह स्वयं भगवान द्वारा सुरक्षित है। यद्यपि तुम उसके प्रभाव को नहीं जानते, तथापि उसकी कीर्ति सम्पूर्ण संसार में पहले ही फैल चुकी है।

श्लोक 69 (bhagavata.4.8.69)

सुदुष्करं कर्म कृत्वा लोकपालैरपि प्रभुः । ऐष्यत्यचिरतो राजन् यशो विपुलयंस्तव ॥ ६९ ॥

suduṣkaraṁ karma kṛtvā loka-pālair api prabhuḥ aiṣyaty acirato rājan yaśo vipulayaṁs tava

हे राजन्! यह समर्थ बालक, लोकपालों के लिए भी दुष्कर ऐसा कार्य सम्पन्न करके, शीघ्र ही वापस लौटेगा, और इस प्रकार तुम्हारी कीर्ति को भी विशाल रूप से बढ़ाएगा।

श्लोक 70 (bhagavata.4.8.70)

मैत्रेय उवाच इति देवर्षिणा प्रोक्तं विश्रुत्य जगतीपतिः । राजलक्ष्मीमनादृत्य पुत्रमेवान्वचिन्तयत् ॥ ७० ॥

maitreya uvāca iti devarṣiṇā proktaṁ viśrutya jagatī-patiḥ rāja-lakṣmīm anādṛtya putram evānvacintayat

श्री मैत्रेय जी ने कहा — देवर्षि नारद के इन वचनों को सुनकर पृथ्वीपति (उत्तानपाद) राज्य-वैभव की भी परवाह किए बिना केवल अपने पुत्र का ही चिंतन करने लगे।

श्लोक 71 (bhagavata.4.8.71)

तत्राभिषिक्तः प्रयतस्तामुपोष्य विभावरीम् । समाहितः पर्यचरदृष्यादेशेन पूरुषम् ॥ ७१ ॥

tatrābhiṣiktaḥ prayatas tām upoṣya vibhāvarīm samāhitaḥ paryacarad ṛṣy-ādeśena pūruṣam

वहाँ स्नान और शुद्धिकरण करके तथा उस रात्रि में उपवास रखकर, संयमित एवं एकाग्रचित्त ध्रुव ने ऋषि (नारद) के निर्देशानुसार परम पुरुष की आराधना आरम्भ की।

श्लोक 72 (bhagavata.4.8.72)

त्रिरात्रान्ते त्रिरात्रान्ते कपित्थबदराशनः । आत्मवृत्त्यनुसारेण मासं निन्येऽर्चयन्हरिम् ॥ ७२ ॥

tri-rātrānte tri-rātrānte kapittha-badarāśanaḥ ātma-vṛtty-anusāreṇa māsaṁ ninye ’rcayan harim

प्रथम मास में, तीन-तीन रात्रियों के अंतराल में केवल कैथ और बेर फलों का आहार करते हुए, अपने शरीर-निर्वाह मात्र के लिए भोजन करते हुए, उन्होंने वह मास भगवान हरि की आराधना में व्यतीत किया।

श्लोक 73 (bhagavata.4.8.73)

द्वितीयं च तथा मासं षष्ठे षष्ठेऽर्भको दिने । तृणपर्णादिभिः शीर्णैः कृतान्नोऽभ्यर्चयन्विभुम् ॥ ७३ ॥

dvitīyaṁ ca tathā māsaṁ ṣaṣṭhe ṣaṣṭhe ’rbhako dine tṛṇa-parṇādibhiḥ śīrṇaiḥ kṛtānno ’bhyarcayan vibhum

द्वितीय मास में वह बालक प्रत्येक छठे दिन ही आहार करता, और वह भी केवल सूखी घास और पत्तों से बना भोजन — इस प्रकार वह सर्वशक्तिमान भगवान की आराधना करता रहा।

श्लोक 74 (bhagavata.4.8.74)

तृतीयं चानयन्मासं नवमे नवमेऽहनि । अब्भक्ष उत्तमश्लोकमुपाधावत्समाधिना ॥ ७४ ॥

tṛtīyaṁ cānayan māsaṁ navame navame ’hani ab-bhakṣa uttamaślokam upādhāvat samādhinā

तृतीय मास में वह प्रत्येक नौवें दिन केवल जल पीकर अपने दिन व्यतीत करता, और गहन समाधि में उत्तमश्लोक भगवान की आराधना करता रहा।

श्लोक 75 (bhagavata.4.8.75)

चतुर्थमपि वै मासं द्वादशे द्वादशेऽहनि । वायुभक्षो जितश्वासो ध्यायन्देवमधारयत् ॥ ७५ ॥

caturtham api vai māsaṁ dvādaśe dvādaśe ’hani vāyu-bhakṣo jita-śvāso dhyāyan devam adhārayat

चतुर्थ मास में भी, अपने श्वास पर पूर्ण विजय पाकर, वह केवल वायु का आहार करता, वह भी प्रत्येक बारहवें दिन, और भगवान का ध्यान करते हुए अपने चित्त को स्थिर रखता रहा।

श्लोक 76 (bhagavata.4.8.76)

पञ्चमे मास्यनुप्राप्ते जितश्वासो नृपात्मजः । ध्यायन् ब्रह्म पदैकेन तस्थौ स्थाणुरिवाचलः ॥ ७६ ॥

pañcame māsy anuprāpte jita-śvāso nṛpātmajaḥ dhyāyan brahma padaikena tasthau sthāṇur ivācalaḥ

पाँचवें मास में पहुँचकर, अपने श्वास पर पूर्ण नियंत्रण प्राप्त कर चुके उस राजकुमार ने एक पैर पर स्थिर स्तम्भ के समान खड़े होकर परब्रह्म का ध्यान करना आरम्भ किया।

श्लोक 77 (bhagavata.4.8.77)

सर्वतो मन आकृष्य हृदि भूतेन्द्रियाशयम् । ध्यायन्भगवतो रूपं नाद्राक्षीत्किञ्चनापरम् ॥ ७७ ॥

sarvato mana ākṛṣya hṛdi bhūtendriyāśayam dhyāyan bhagavato rūpaṁ nādrākṣīt kiñcanāparam

अपने मन को सभी दिशाओं से समेटकर, इन्द्रियों और भूतों के आश्रयस्थान सहित हृदय में स्थिर करके, तथा भगवान के स्वरूप का ध्यान करते हुए, वह अन्य कुछ भी नहीं देख पाता था।

श्लोक 78 (bhagavata.4.8.78)

आधारं महदादीनां प्रधानपुरुषेश्वरम् । ब्रह्म धारयमाणस्य त्रयो लोकाश्चकम्पिरे ॥ ७८ ॥

ādhāraṁ mahad-ādīnāṁ pradhāna-puruṣeśvaram brahma dhārayamāṇasya trayo lokāś cakampire

महत्तत्व आदि के आधारभूत, तथा प्रकृति और पुरुष दोनों के परम नियन्ता उस ब्रह्म को अपने चित्त में धारण किए हुए उस बालक के कारण तीनों लोक कम्पित होने लगे।

श्लोक 79 (bhagavata.4.8.79)

यदैकपादेन स पार्थिवार्भक स्तस्थौ तदङ्गुष्ठनिपीडिता मही । ननाम तत्रार्धमिभेन्द्रधिष्ठिता तरीव सव्येतरतः पदे पदे ॥ ७९ ॥

yadaika-pādena sa pārthivārbhakas tasthau tad-aṅguṣṭha-nipīḍitā mahī nanāma tatrārdham ibhendra-dhiṣṭhitā tarīva savyetarataḥ pade pade

जब वह राजकुमार एक पैर पर स्थिर खड़ा था, तब उसके अंगूठे के दबाव से दबी हुई पृथ्वी उसी प्रकार झुक गई, जैसे गजराज को ले जाती हुई नाव उसके हर पग से डगमगाती है।

श्लोक 80 (bhagavata.4.8.80)

तस्मिन्नभिध्यायति विश्वमात्मनो द्वारं निरुध्यासुमनन्यया धिया । लोका निरुच्छ्वासनिपीडिता भृशं सलोकपालाः शरणं ययुर्हरिम् ॥ ८० ॥

tasminn abhidhyāyati viśvam ātmano dvāraṁ nirudhyāsum ananyayā dhiyā lokā nirucchvāsa-nipīḍitā bhṛśaṁ sa-loka-pālāḥ śaraṇaṁ yayur harim

जब वह अनन्य बुद्धि से ध्यानमग्न होकर अपने प्राणों के द्वार को अवरुद्ध किए हुए था, तब सम्पूर्ण विश्व का श्वास अत्यंत अवरुद्ध हो गया, जिससे लोकपालों सहित सभी देवगण भगवान हरि की शरण में गए।

श्लोक 81 (bhagavata.4.8.81)

देवा ऊचुः नैवं विदामो भगवन् प्राणरोधं चराचरस्याखिलसत्त्वधाम्नः । विधेहि तन्नो वृजिनाद्विमोक्षं प्राप्ता वयं त्वां शरणं शरण्यम् ॥ ८१ ॥

devā ūcuḥ naivaṁ vidāmo bhagavan prāṇa-rodhaṁ carācarasyākhila-sattva-dhāmnaḥ vidhehi tan no vṛjinād vimokṣaṁ prāptā vayaṁ tvāṁ śaraṇaṁ śaraṇyam

देवताओं ने कहा — हे भगवन्! समस्त चराचर प्राणियों के, जो आपमें ही आश्रय पाते हैं, प्राणों के इस प्रकार अवरुद्ध होने का अनुभव हमें पहले कभी नहीं हुआ। कृपया हमें इस विपत्ति से मुक्त कीजिए — हम शरणदाता आपकी ही शरण में आए हैं।

श्लोक 82 (bhagavata.4.8.82)

श्रीभगवानुवाच मा भैष्ट बालं तपसो दुरत्यया- न्निवर्तयिष्ये प्रतियात स्वधाम । यतो हि वः प्राणनिरोध आसी- दौत्तानपादिर्मयि सङ्गतात्मा ॥ ८२ ॥

śrī-bhagavān uvāca mā bhaiṣṭa bālaṁ tapaso duratyayān nivartayiṣye pratiyāta sva-dhāma yato hi vaḥ prāṇa-nirodha āsīd auttānapādir mayi saṅgatātmā

श्री भगवान ने कहा — भयभीत न हो। मैं स्वयं इस बालक को इसकी दुर्जय तपस्या से निवृत्त कर दूँगा; अब तुम अपने-अपने धाम को लौट जाओ। यह जो तुम्हारे प्राणों का अवरोध हुआ है, वह उत्तानपाद के पुत्र (ध्रुव) के कारण ही हुआ है, जिसका चित्त मुझमें पूर्णतः लीन है।