राजा प्रियव्रत के वंशजों की महिमा

श्लोक 1 (bhagavata.5.15.1)

श्रीशुक उवाच भरतस्यात्मजः सुमतिर्नामाभिहितो यमु ह वाव केचित्पाखण्डिन ऋषभपदवीमनुवर्तमानं चानार्या अवेदसमाम्नातां देवतां स्वमनीषया पापीयस्या कलौ कल्पयिष्यन्ति ॥ १ ॥

śrī-śuka uvāca bharatasyātmajaḥ sumatir nāmābhihito yam u ha vāva kecit pākhaṇḍina ṛṣabha-padavīm anuvartamānaṁ cānāryā aveda-samāmnātāṁ devatāṁ sva-manīṣayā pāpīyasyā kalau kalpayiṣyanti.

श्रीशुक ने कहा — भरत के पुत्र का नाम सुमति था, जिन्होंने ऋषभ के ही मार्ग का अनुसरण किया; किन्तु कलियुग में कुछ पाखण्डी, वेद द्वारा अस्वीकृत अनार्य लोग, अपनी ही अत्यंत पापपूर्ण कल्पना से उन्हें एक देवता के रूप में गढ़ लेंगे।

श्लोक 2 (bhagavata.5.15.2)

तस्माद्वृद्धसेनायां देवताजिन्नाम पुत्रोऽभवत् ॥ २ ॥

tasmād vṛddhasenāyāṁ devatājin-nāma putro ’bhavat.

उनसे, वृद्धसेना के गर्भ से, देवताजित् नामक पुत्र उत्पन्न हुआ।

श्लोक 3 (bhagavata.5.15.3)

अथासुर्यां तत्तनयो देवद्युम्नस्ततो धेनुमत्यां सुतः परमेष्ठी तस्य सुवर्चलायां प्रतीह उपजातः ॥ ३ ॥

athāsuryāṁ tat-tanayo devadyumnas tato dhenumatyāṁ sutaḥ parameṣṭhī tasya suvarcalāyāṁ pratīha upajātaḥ.

फिर, असुरी के गर्भ से उनका पुत्र देवद्युम्न हुआ; उनसे, धेनुमती के गर्भ से, पुत्र परमेष्ठी हुए; और उनसे, सुवर्चला के गर्भ से, प्रतीह उत्पन्न हुए।

श्लोक 4 (bhagavata.5.15.4)

य आत्मविद्यामाख्याय स्वयं संशुद्धो महापुरुषमनुसस्मार ॥ ४ ॥

ya ātma-vidyām ākhyāya svayaṁ saṁśuddho mahā-puruṣam anusasmāra.

उन्होंने स्वयं आत्मविद्या का उपदेश देकर, स्वयं शुद्ध होकर, महापुरुष का सतत स्मरण किया।

श्लोक 5 (bhagavata.5.15.5)

प्रतीहात्सुवर्चलायां प्रतिहर्त्रादयस्त्रय आसन्निज्याकोविदाः सूनवः प्रतिहर्तुः स्तुत्यामजभूमानावजनिषाताम् ॥ ५ ॥

pratīhāt suvarcalāyāṁ pratihartrādayas traya āsann ijyā-kovidāḥ sūnavaḥ pratihartuḥ stutyām aja-bhūmānāv ajaniṣātām.

प्रतीह से, सुवर्चला के गर्भ से, यज्ञ-कर्म में कुशल तीन पुत्र उत्पन्न हुए; और प्रतिहर्ता से, उनकी पत्नी स्तुति के गर्भ से, अज और भूम नामक दो पुत्र उत्पन्न हुए।

श्लोक 6 (bhagavata.5.15.6)

भूम्न ऋषिकुल्यायामुद्गीथस्ततः प्रस्तावो देवकुल्यायां प्रस्तावान्नियुत्सायां हृदयज आसीद्विभुर्विभो रत्यां च पृथुषेणस्तस्मान्नक्त आकूत्यां जज्ञे नक्ताद्द्रुतिपुत्रो गयो राजर्षिप्रवर उदारश्रवा अजायत साक्षाद्भगवतो विष्णोर्जगद्रिरक्षिषया गृहीतसत्त्वस्य कलाऽऽत्मवत्त्वादिलक्षणेन महापुरुषतां प्राप्तः ॥ ६ ॥

bhūmna ṛṣikulyāyām udgīthas tataḥ prastāvo devakulyāyāṁ prastāvān niyutsāyāṁ hṛdayaja āsīd vibhur vibho ratyāṁ ca pṛthuṣeṇas tasmān nakta ākūtyāṁ jajñe naktād druti-putro gayo rājarṣi-pravara udāra-śravā ajāyata sākṣād bhagavato viṣṇor jagad-rirakṣiṣayā gṛhīta-sattvasya kalātmavattvādi-lakṣaṇena mahā-puruṣatāṁ prāptaḥ.

भूम से, ऋषिकुल्या के गर्भ से, उद्गीथ उत्पन्न हुए; फिर देवकुल्या से प्रस्ताव; प्रस्ताव से, नियुत्सा के गर्भ से, विभु उत्पन्न हुए; उनसे, रति के गर्भ से, पृथुषेण; उनसे, आकूति के गर्भ से, नक्त उत्पन्न हुए; और नक्त से, द्रुति के गर्भ से, राजर्षियों में श्रेष्ठ, दूर-दूर तक विख्यात गय उत्पन्न हुए — जिन्होंने विश्व की रक्षा की इच्छा से साक्षात् भगवान विष्णु के अंशरूप में, शुद्ध आत्मभाव आदि गुणों से युक्त होकर, महापुरुष का पद प्राप्त किया।

श्लोक 7 (bhagavata.5.15.7)

स वै स्वधर्मेण प्रजापालन पोषणप्रीणनोपलालनानुशासनलक्षणेनेज्यादिना च भगवति महापुरुषे परावरे ब्रह्मणि सर्वात्मनार्पितपरमार्थलक्षणेन ब्रह्मविच्चरणानुसेवयाऽऽपादितभगवद्भक्तियोगेन चाभीक्ष्णशः परिभावितातिशुद्ध मतिरुपरतानात्म्य आत्मनि स्वयमुपलभ्यमानब्रह्मात्मानुभवोऽपि निरभिमान एवावनिमजूगुपत् ॥ ७ ॥

sa vai sva-dharmeṇa prajā-pālana-poṣaṇa-prīṇanopalālanānuśāsana-lakṣaṇenejyādinā ca bhagavati mahā-puruṣe parāvare brahmaṇi sarvātmanārpita-paramārtha-lakṣaṇena brahmavic-caraṇānusevayāpādita-bhagavad-bhakti-yogena cābhīkṣṇaśaḥ paribhāvitāti-śuddha-matir uparatānātmya ātmani svayam upalabhyamāna-brahmātmānubhavo ’pi nirabhimāna evāvanim ajūgupat.

अपने ही राज-धर्म से — जो प्रजा की रक्षा, पोषण, तुष्टि, दुलार और अनुशासन में प्रकट होता है — तथा यज्ञ आदि से; और भगवान, उस महापुरुष, परब्रह्म एवं अन्तर्यामी में, अपने परम कल्याण के सर्वात्मना समर्पण द्वारा, ब्रह्मवेत्ताओं के चरणों की विनम्र सेवा द्वारा सम्पन्न भक्ति-योग से — निरंतर मनन के द्वारा अत्यंत शुद्ध हुई बुद्धि लिए, देहाभिमान से मुक्त होकर, स्वयं आत्मा में ब्रह्म-अनुभव करते हुए भी, वे सर्वथा अभिमानरहित ही रहते हुए, पृथ्वी की रक्षा करते रहे।

श्लोक 8 (bhagavata.5.15.8)

तस्येमां गाथां पाण्डवेय पुराविद उपगायन्ति ॥ ८ ॥

tasyemāṁ gāthāṁ pāṇḍaveya purāvida upagāyanti.

हे पाण्डव-वंशज, गय के विषय में प्राचीन ऋषिगण यह आख्यान गाते हैं।

श्लोक 9 (bhagavata.5.15.9)

गयं नृपः कः प्रतियाति कर्मभि-र्यज्वाभिमानी बहुविद्धर्मगोप्ता । समागतश्रीः सदसस्पतिः सतांसत्सेवकोऽन्यो भगवत्कलामृते ॥ ९ ॥

gayaṁ nṛpaḥ kaḥ pratiyāti karmabhir yajvābhimānī bahuvid dharma-goptā samāgata-śrīḥ sadasas-patiḥ satāṁ sat-sevako ’nyo bhagavat-kalām ṛte

गय के समान कर्मों में कौन-सा राजा उनकी बराबरी कर सकता है — यज्ञकर्ता, गरिमामय, बहुज्ञ, धर्म-रक्षक, जिनके पास लक्ष्मी स्वयं आईं, सभा के अधिपति, संतों के सेवक — भगवान के अंशस्वरूप के अतिरिक्त कौन ऐसा हो सकता है?

श्लोक 10 (bhagavata.5.15.10)

यमभ्यषिञ्चन् परया मुदा सतीः सत्याशिषो दक्षकन्याः सरिद्भिः । यस्य प्रजानां दुदुहे धराशिषो निराशिषो गुणवत्सस्नुतोधाः ॥ १० ॥

yam abhyaṣiñcan parayā mudā satīḥ satyāśiṣo dakṣa-kanyāḥ saridbhiḥ yasya prajānāṁ duduhe dharāśiṣo nirāśiṣo guṇa-vatsa-snutodhāḥ

दक्ष की सती-साध्वी कन्याएँ, जिनके आशीर्वाद सदा सफल होते थे, नदियों के जल से परम हर्ष के साथ उनका अभिषेक करती थीं; और पृथ्वी, उनके गुणों को देखकर, बिना किसी कामना के भी, अपनी संतान के समान प्रजा के लिए गुणवती गौ के समान दूध बहाती थी।

श्लोक 11 (bhagavata.5.15.11)

छन्दांस्यकामस्य च यस्य कामान्दुदूहुराजह्रुरथो बलिं नृपाः । प्रत्यञ्चिता युधि धर्मेण विप्रायदाशिषां षष्ठमंशं परेत्य ॥ ११ ॥

chandāṁsy akāmasya ca yasya kāmān dudūhur ājahrur atho baliṁ nṛpāḥ pratyañcitā yudhi dharmeṇa viprā yadāśiṣāṁ ṣaṣṭham aṁśaṁ paretya

वेद-मंत्र स्वयं, यद्यपि वे कुछ नहीं चाहते थे, उन्हें उनकी इच्छाएँ प्रदान करते; राजा उन्हें भेंट लाते; तथा धर्मपूर्वक युद्ध में सामना करने पर, ब्राह्मण उन्हें, मृत्यु के पश्चात्, अपने पुण्य का षष्ठांश प्रदान करते।

श्लोक 12 (bhagavata.5.15.12)

यस्याध्वरे भगवानध्वरात्मामघोनि माद्यत्युरुसोमपीथे । श्रद्धाविशुद्धाचलभक्तियोग-समर्पितेज्याफलमाजहार ॥ १२ ॥

yasyādhvare bhagavān adhvarātmā maghoni mādyaty uru-soma-pīthe śraddhā-viśuddhācala-bhakti-yoga- samarpitejyā-phalam ājahāra

जिनके यज्ञ में स्वयं भगवान, यज्ञस्वरूप स्वयं, उस विशाल सोम-पान से मानो उन्मत्त हो उठते थे — श्रद्धा, शुद्धता और अचल भक्ति-योग से समर्पित आराधना के फल द्वारा वहाँ खिंचे चले आते थे।

श्लोक 13 (bhagavata.5.15.13)

यत्प्रीणनाद्बर्हिषि देवतिर्यङ्-मनुष्यवीरुत्तृणमाविरिञ्चात् । प्रीयेत सद्यः स ह विश्वजीवःप्रीतः स्वयं प्रीतिमगाद्गयस्य ॥ १३ ॥

yat-prīṇanād barhiṣi deva-tiryaṅ- manuṣya-vīrut-tṛṇam āviriñcāt prīyeta sadyaḥ sa ha viśva-jīvaḥ prītaḥ svayaṁ prītim agād gayasya

जिनकी प्रसन्नता से देवता, पशु-पक्षी, मनुष्य, वनस्पति और तिनके तक, यहाँ तक कि ब्रह्मा भी प्रसन्न हो जाते हैं — वे, सम्पूर्ण विश्व के प्राण, सदा स्वयं-तृप्त होते हुए भी, गय की तुष्टि से स्वयं नए सिरे से प्रसन्न हो उठे।

श्लोक 14 (bhagavata.5.15.14)

गयाद्गयन्त्यां चित्ररथः सुगतिरवरोधन इति त्रयः पुत्रा बभूवुश्चित्ररथादूर्णायां सम्राडजनिष्ट ॥ १४ ॥

gayād gayantyāṁ citrarathaḥ sugatir avarodhana iti trayaḥ putrā babhūvuś citrarathād ūrṇāyāṁ samrāḍ ajaniṣṭa.

गय से, गयन्ती के गर्भ से, चित्ररथ, सुगति और अवरोधन नामक तीन पुत्र उत्पन्न हुए। चित्ररथ से, ऊर्णा के गर्भ से, सम्राट् उत्पन्न हुए।

श्लोक 15 (bhagavata.5.15.15)

तत उत्कलायां मरीचिर्मरीचेर्बिन्दुमत्यां बिन्दुमानुदपद्यत तस्मात्सरघायां मधुर्नामाभवन्मधोः सुमनसि वीरव्रतस्ततो भोजायां मन्थुप्रमन्थू जज्ञाते मन्थोः सत्यायां भौवनस्ततो दूषणायां त्वष्टाजनिष्ट त्वष्टुर्विरोचनायां विरजो विरजस्य शतजित्प्रवरं पुत्रशतं कन्या च विषूच्यां किल जातम् ॥ १५ ॥

tata utkalāyāṁ marīcir marīcer bindumatyāṁ bindum ānudapadyata tasmāt saraghāyāṁ madhur nāmābhavan madhoḥ sumanasi vīravratas tato bhojāyāṁ manthu-pramanthū jajñāte manthoḥ satyāyāṁ bhauvanas tato dūṣaṇāyāṁ tvaṣṭājaniṣṭa tvaṣṭur virocanāyāṁ virajo virajasya śatajit-pravaraṁ putra-śataṁ kanyā ca viṣūcyāṁ kila jātam.

फिर, उत्कला के गर्भ से, सम्राट् से मरीचि उत्पन्न हुए; मरीचि से, बिन्दुमती के गर्भ से, बिन्दु उत्पन्न हुए; उनसे, सरघा के गर्भ से, मधु नामक पुत्र हुआ; मधु से, सुमना के गर्भ से, वीरव्रत हुए; उनसे, भोजा के गर्भ से, मन्थु और प्रमन्थु दो पुत्र उत्पन्न हुए; मन्थु से, सत्या के गर्भ से, भौवन हुए; उनसे, दूषणा के गर्भ से, त्वष्टा उत्पन्न हुए; त्वष्टा से, विरोचना के गर्भ से, विरज उत्पन्न हुए; और विरज से, विषूची के गर्भ से, शतजित् प्रमुख सौ पुत्र और एक कन्या उत्पन्न हुए।

श्लोक 16 (bhagavata.5.15.16)

तत्रायं श्लोकः प्रैयव्रतं वंशमिमं विरजश्चरमोद्भवः । अकरोदत्यलं कीर्त्या विष्णुः सुरगणं यथा ॥ १६ ॥

tatrāyaṁ ślokaḥ — praiyavrataṁ vaṁśam imaṁ virajaś caramodbhavaḥ akarod aty-alaṁ kīrtyā viṣṇuḥ sura-gaṇaṁ yathā

इस विषय में यह श्लोक है — 'प्रियव्रत के इस वंश को, विरज ने, जो इसके अंतिम पुत्र हैं, अपनी कीर्ति से अत्यंत सुशोभित कर दिया — जैसे विष्णु देवताओं के समूह को सुशोभित करते हैं।'