जम्बूद्वीप का वर्णन

श्लोक 1 (bhagavata.5.16.1)

राजोवाच उक्तस्त्वया भूमण्डलायामविशेषो यावदादित्यस्तपति यत्र चासौ ज्योतिषां गणैश्चन्द्रमा वा सह दृश्यते ॥ १ ॥

rājovāca uktas tvayā bhū-maṇḍalāyāma-viśeṣo yāvad ādityas tapati yatra cāsau jyotiṣāṁ gaṇaiś candramā vā saha dṛśyate.

राजा ने कहा — आपने मुझे भू-मण्डल का सामान्य विस्तार बता दिया — कि वह वहाँ तक फैला है जहाँ तक सूर्य अपना ताप देता है, और जहाँ तक वह, नक्षत्र-समूहों और चन्द्रमा सहित, दिखाई देता है।

श्लोक 2 (bhagavata.5.16.2)

तत्रापि प्रियव्रतरथचरणपरिखातैः सप्तभिः सप्त सिन्धव उपक्लृप्ता यत एतस्याः सप्तद्वीपविशेषविकल्पस्त्वया भगवन् खलु सूचित एतदेवाखिलमहं मानतो लक्षणतश्च सर्वं विजिज्ञासामि ॥ २ ॥

tatrāpi priyavrata-ratha-caraṇa-parikhātaiḥ saptabhiḥ sapta sindhava upakḷptā yata etasyāḥ sapta-dvīpa-viśeṣa-vikalpas tvayā bhagavan khalu sūcita etad evākhilam ahaṁ mānato lakṣaṇataś ca sarvaṁ vi-jijñāsāmi.

वहाँ भी, प्रियव्रत के रथ-चक्र की सात लीकों (खाइयों) से सात समुद्रों की स्थापना हुई, जिनसे सप्त-द्वीपों में यह विशेष विभाजन उत्पन्न हुआ — इतना, हे भगवन्, आपने पहले ही संक्षेप में संकेत कर दिया है। अब मैं इस सबको, माप और लक्षण दोनों की दृष्टि से, विस्तार से जानना चाहता हूँ।

श्लोक 3 (bhagavata.5.16.3)

भगवतो गुणमये स्थूलरूप आवेशितं मनो ह्यगुणेऽपि सूक्ष्मतम आत्मज्योतिषि परे ब्रह्मणि भगवति वासुदेवाख्ये क्षममावेशितुं तदु हैतद् गुरोऽर्हस्यनुवर्णयितुमिति ॥ ३ ॥

bhagavato guṇamaye sthūla-rūpa āveśitaṁ mano hy aguṇe ’pi sūkṣmatama ātma-jyotiṣi pare brahmaṇi bhagavati vāsudevākhye kṣamam āveśituṁ tad u haitad guro ’rhasy anuvarṇayitum iti.

जब मन, गुणमय भगवान के स्थूल रूप में स्थिर होते हुए भी, उस गुणातीत, सूक्ष्मतम, स्वयं-प्रकाश परब्रह्म — वासुदेव नामक भगवान — में स्थिर होने योग्य हो जाता है, तब, हे गुरुदेव, आपको यह स्थूल रूप विस्तार से वर्णन करना ही चाहिए।

श्लोक 4 (bhagavata.5.16.4)

ऋषिरुवाच न वै महाराज भगवतो मायागुणविभूतेः काष्ठां मनसा वचसा वाधिगन्तुमलं विबुधायुषापि पुरुषस्तस्मात्प्राधान्येनैव भूगोलकविशेषं नामरूप मानलक्षणतो व्याख्यास्यामः ॥ ४ ॥

ṛṣir uvāca na vai mahārāja bhagavato māyā-guṇa-vibhūteḥ kāṣṭhāṁ manasā vacasā vādhigantum alaṁ vibudhāyuṣāpi puruṣas tasmāt prādhān-yenaiva bhū-golaka-viśeṣaṁ nāma-rūpa-māna-lakṣaṇato vyākhyāsyāmaḥ.

ऋषि ने कहा — हे महाराज, भगवान की माया-शक्ति की अभिव्यक्तियों की सीमा को, चाहे ब्रह्मा जैसी आयु ही क्यों न हो, कोई भी मन या वाणी से नहीं पा सकता। अतः मैं इस भू-गोल का, नाम, रूप, माप और लक्षण के अनुसार, केवल प्रमुख रूप से ही वर्णन करूँगा।

श्लोक 5 (bhagavata.5.16.5)

यो वायं द्वीपः कुवलयकमलकोशाभ्यन्तरकोशो नियुतयोजन विशालः समवर्तुलो यथा पुष्करपत्रम् ॥ ५ ॥

yo vāyaṁ dvīpaḥ kuvalaya-kamala-kośābhyantara-kośo niyuta-yojana-viśālaḥ samavartulo yathā puṣkara-patram.

यह जो द्वीप (जम्बूद्वीप) है, वह कुवलय-कमल की बाह्य पंखुड़ियों के भीतर स्थित सबसे भीतरी कोश है, दस लाख योजन विस्तृत, और कमल-पत्र के समान सर्वथा गोलाकार है।

श्लोक 6 (bhagavata.5.16.6)

यस्मिन्नव वर्षाणि नवयोजनसहस्रायामान्यष्टभिर्मर्यादागिरिभिः सुविभक्तानि भवन्ति ॥ ६ ॥

yasmin nava varṣāṇi nava-yojana-sahasrāyāmāny aṣṭabhir maryādā-giribhiḥ suvibhaktāni bhavanti.

इसमें नौ वर्ष (क्षेत्र) हैं, प्रत्येक नौ हजार योजन लंबा, जो आठ सीमा-पर्वतों द्वारा भली-भाँति विभाजित हैं।

श्लोक 7 (bhagavata.5.16.7)

एषां मध्ये इलावृतं नामाभ्यन्तरवर्षं यस्य नाभ्यामवस्थितः सर्वतः सौवर्णः कुलगिरिराजो मेरुर्द्वीपायामसमुन्नाहः कर्णिकाभूतः कुवलयकमलस्य मूर्धनि द्वात्रिंशत् सहस्रयोजनविततो मूले षोडशसहस्रं तावतान्तर्भूम्यां प्रविष्टः ॥ ७ ॥

eṣāṁ madhye ilāvṛtaṁ nāmābhyantara-varṣaṁ yasya nābhyām avasthitaḥ sarvataḥ sauvarṇaḥ kula-giri-rājo merur dvīpāyāma-samunnāhaḥ karṇikā-bhūtaḥ kuvalaya-kamalasya mūrdhani dvā-triṁśat sahasra-yojana-vitato mūle ṣoḍaśa-sahasraṁ tāvat āntar-bhūmyāṁ praviṣṭaḥ.

इनके मध्य में इलावृत नामक सबसे भीतरी वर्ष है, जिसकी नाभि में सुवर्णमय पर्वत-राज मेरु स्थित है, जिसकी ऊँचाई सम्पूर्ण द्वीप के विस्तार के बराबर है — मानो भू-मण्डल के कमल-कोश का कर्णिका (मध्य-भाग) हो। उसका शिखर बत्तीस हजार योजन विस्तृत है, और मूल में सोलह हजार, जो भूमि के भीतर धँसा हुआ है।

श्लोक 8 (bhagavata.5.16.8)

उत्तरोत्तरेणेलावृतं नीलः श्वेतः शृङ्गवानिति त्रयो रम्यकहिरण्मयकुरूणां वर्षाणां मर्यादागिरयः प्रागायता उभयतः क्षारोदावधयो द्विसहस्रपृथव एकैकशः पूर्वस्मात्पूर्वस्मादुत्तर उत्तरो दशांशाधिकांशेन दैर्घ्य एव ह्रसन्ति ॥ ८ ॥

uttarottareṇelāvṛtaṁ nīlaḥ śvetaḥ śṛṅgavān iti trayo ramyaka-hiraṇmaya-kurūṇāṁ varṣāṇāṁ maryādā-girayaḥ prāg-āyatā ubhayataḥ kṣārodāvadhayo dvi-sahasra-pṛthava ekaikaśaḥ pūrvasmāt pūrvasmād uttara uttaro daśāṁśādhikāṁśena dairghya eva hrasanti.

इलावृत के उत्तर में, क्रमशः और उत्तर की ओर, तीन पर्वत हैं — नील, श्वेत और शृंगवान् — जो रम्यक, हिरण्मय और कुरु वर्षों की सीमा बनाते हैं, पूर्व-पश्चिम फैले हुए, दोनों छोरों पर खारे समुद्र से घिरे हुए, प्रत्येक दो हजार योजन चौड़े; और प्रत्येक अगला पर्वत, उत्तर की ओर, पिछले से दसवें अंश जितना कम लंबा है।

श्लोक 9 (bhagavata.5.16.9)

एवं दक्षिणेनेलावृतं निषधो हेमकूटो हिमालय इति प्रागायता यथा नीलादयोऽयुतयोजनोत्सेधा हरिवर्षकिम्पुरुषभारतानां यथासङ्ख्यम् ॥ ९ ॥

evaṁ dakṣiṇenelāvṛtaṁ niṣadho hemakūṭo himālaya iti prāg-āyatā yathā nīlādayo ’yuta-yojanotsedhā hari-varṣa-kimpuruṣa-bhāratānāṁ yathā-saṅkhyam.

इसी प्रकार, इलावृत के दक्षिण में, और आगे दक्षिण की ओर, नील आदि के समान पूर्व-पश्चिम फैले हुए, निषध, हेमकूट और हिमालय पर्वत हैं, प्रत्येक दस हजार योजन ऊँचे, जो क्रमशः हरिवर्ष, किम्पुरुष-वर्ष और भारत-वर्ष की सीमा बनाते हैं।

श्लोक 10 (bhagavata.5.16.10)

तथैवेलावृतमपरेण पूर्वेण च माल्यवद्गन्धमादनावानीलनिषधायतौ द्विसहस्रं पप्रथतुः केतुमालभद्राश्वयोः सीमानं विदधाते ॥ १० ॥

tathaivelāvṛtam apareṇa pūrveṇa ca mālyavad-gandhamādanāv ānīla-niṣadhāyatau dvi-sahasraṁ paprathatuḥ ketumāla-bhadrāśvayoḥ sīmānaṁ vidadhāte.

इसी प्रकार, इलावृत के पश्चिम और पूर्व में मल्यवान् और गन्धमादन पर्वत हैं, प्रत्येक दो हजार योजन चौड़े, जो उत्तर में नील और दक्षिण में निषध तक फैले हुए हैं; ये केतुमाल और भद्राश्व वर्षों की सीमा बनाते हैं।

श्लोक 11 (bhagavata.5.16.11)

मन्दरो मेरुमन्दरः सुपार्श्वः कुमुद इत्ययुतयोजनविस्तारोन्नाहा मेरोश्चतुर्दिशमवष्टम्भगिरय उपक्लृप्ताः ॥ ११ ॥

mandaro merumandaraḥ supārśvaḥ kumuda ity ayuta-yojana-vistāronnāhā meroś catur-diśam avaṣṭambha-giraya upakḷptāḥ.

मन्दर, मेरुमन्दर, सुपार्श्व और कुमुद — ये, प्रत्येक दस हजार योजन चौड़े और ऊँचे, मेरु की चारों दिशाओं में चार आधार-पर्वतों के रूप में स्थापित हैं।

श्लोक 12 (bhagavata.5.16.12)

चतुर्ष्वेतेषु चूतजम्बूकदम्बन्यग्रोधाश्चत्वारः पादप प्रवराः पर्वतकेतव इवाधिसहस्रयोजनोन्नाहास्तावद् विटपविततयः शतयोजनपरिणाहाः ॥ १२ ॥

caturṣv eteṣu cūta-jambū-kadamba-nyagrodhāś catvāraḥ pādapa-pravarāḥ parvata-ketava ivādhi-sahasra-yojanonnāhās tāvad viṭapa-vitatayaḥ śata-yojana-pariṇāhāḥ.

इन चार पर्वतों पर, मानो पर्वत-ध्वजाओं के समान, चार श्रेष्ठ वृक्ष खड़े हैं — आम, जामुन, कदम्ब और बरगद — प्रत्येक ग्यारह सौ योजन ऊँचा, जिनकी फैली हुई शाखाएँ भी उतनी ही दूर तक जाती हैं, और सौ योजन परिधि में।

श्लोक 13 (bhagavata.5.16.13)

ह्रदाश्चत्वारः पयोमध्विक्षुरसमृष्टजला यदुपस्पर्शिन उपदेवगणा योगैश्वर्याणि स्वाभाविकानि भरतर्षभ धारयन्ति ॥ १३ ॥

hradāś catvāraḥ payo-madhv-ikṣurasa-mṛṣṭa-jalā yad-upasparśina upadeva-gaṇā yogaiśvaryāṇi svābhāvikāni bharatarṣabha dhārayanti.

हे भरतश्रेष्ठ, इन चार पर्वतों के बीच चार सरोवर हैं — दूध, मधु और ईख के रस से युक्त जल वाले — जिनका सेवन करने से उपदेव-गण अपनी स्वाभाविक योग-सिद्धियाँ धारण करते हैं।

श्लोक 14 (bhagavata.5.16.14)

देवोद्यानानि च भवन्ति चत्वारि नन्दनं चैत्ररथं वैभ्राजकं सर्वतोभद्रमिति ॥ १४ ॥

devodyānāni ca bhavanti catvāri nandanaṁ caitrarathaṁ vaibhrājakaṁ sarvatobhadram iti.

और चार दिव्य उद्यान भी हैं — नन्दन, चैत्ररथ, वैभ्राजक और सर्वतोभद्र।

श्लोक 15 (bhagavata.5.16.15)

येष्वमर परिवृढाः सह सुरललनाललामयूथपतय उपदेवगणैरुपगीयमानमहिमानः किल विहरन्ति ॥ १५ ॥

yeṣv amara-parivṛḍhāḥ saha sura-lalanā-lalāma-yūtha-pataya upadeva-gaṇair upagīyamāna-mahimānaḥ kila viharanti.

इन उद्यानों में अमरों में श्रेष्ठ जन, आभूषण-सदृश दिव्य अप्सराओं के समूहों सहित, स्वच्छन्द विहार करते हैं, और उपदेव-गण उनकी महिमा का गान करते रहते हैं।

श्लोक 16 (bhagavata.5.16.16)

मन्दरोत्सङ्ग एकादशशतयोजनोत्तुङ्गदेवचूतशिरसो गिरिशिखरस्थूलानि फलान्यमृतकल्पानि पतन्ति ॥ १६ ॥

mandarotsaṅga ekādaśa-śata-yojanottuṅga-devacūta-śiraso giri-śikhara-sthūlāni phalāny amṛta-kalpāni patanti.

मन्दर पर्वत की ढाल पर 'देवचूत' नामक आम्र-वृक्ष खड़ा है, ग्यारह सौ योजन ऊँचा, जिसके शिखर से पर्वत-शिखरों जैसे विशाल, अमृत-तुल्य फल गिरते हैं।

श्लोक 17 (bhagavata.5.16.17)

तेषां विशीर्यमाणानामतिमधुरसुरभिसुगन्धि बहुलारुणरसोदेनारुणोदा नाम नदी मन्दरगिरिशिखरान्निपतन्ती पूर्वेणेलावृतमुपप्लावयति ॥ १७ ॥

teṣāṁ viśīryamāṇānām ati-madhura-surabhi-sugandhi-bahulāruṇa-rasodenāruṇodā nāma nadī mandara-giri-śikharān nipatantī pūrveṇelāvṛtam upaplāvayati.

जैसे-जैसे ये फल फूटते हैं, उनका अत्यंत मीठा, सुगंधित, प्रचुर लाल रस, मन्दर पर्वत के शिखर से गिरता हुआ, अरुणोदा नामक नदी बन जाता है, जो इलावृत को उसकी पूर्वी दिशा में आप्लावित करती है।

श्लोक 18 (bhagavata.5.16.18)

यदुपजोषणाद्भवान्या अनुचरीणां पुण्यजनवधूनामवयवस्पर्शसुगन्धवातो दशयोजनं समन्तादनुवासयति ॥ १८ ॥

yad-upajoṣaṇād bhavānyā anucarīṇāṁ puṇya-jana-vadhūnām avayava-sparśa-sugandha-vāto daśa-yojanaṁ samantād anuvāsayati.

उसका सेवन करने से, भवानी की सेविका यक्ष-पत्नियों के अंगों के स्पर्श से उठने वाली सुगंधित वायु, चारों ओर दस योजन तक के क्षेत्र को सुवासित कर देती है।

श्लोक 19 (bhagavata.5.16.19)

एवं जम्बूफलानामत्युच्चनिपातविशीर्णानामनस्थिप्रायाणामिभकायनिभानां रसेन जम्बू नाम नदी मेरुमन्दरशिखरादयुतयोजनादवनितले निपतन्ती दक्षिणेनात्मानं यावदिलावृतमुपस्यन्दयति ॥ १९ ॥

evaṁ jambū-phalānām atyucca-nipāta-viśīrṇānām anasthi-prāyāṇām ibha-kāya-nibhānāṁ rasena jambū nāma nadī meru-mandara-śikharād ayuta-yojanād avani-tale nipatantī dakṣiṇenātmānaṁ yāvad ilāvṛtam upasyandayati.

इसी प्रकार, लगभग बीज-रहित, गजकाय-सम विशाल जामुन के फल, अत्यंत ऊँचाई से गिरने के कारण फट जाते हैं, और उनका रस जम्बू नामक नदी बन जाता है, जो मेरुमन्दर के शिखर से दस हजार योजन नीचे भूतल तक गिरकर, दक्षिण दिशा में बहकर स्वयं इलावृत को सींचती है।

श्लोक 20 (bhagavata.5.16.20)

तावदुभयोरपि रोधसोर्या मृत्तिका तद्रसेनानुविध्यमाना वाय्वर्कसंयोगविपाकेन सदामरलोकाभरणं जाम्बूनदं नाम सुवर्णं भवति ॥ २० ॥

tāvad ubhayor api rodhasor yā mṛttikā tad-rasenānuvidhyamānā vāyv-arka-saṁyoga-vipākena sadāmara-lokābharaṇaṁ jāmbū-nadaṁ nāma suvarṇaṁ bhavati.

उस नदी के दोनों तटों पर स्थित मिट्टी, उसके रस से भली-भाँति सिंचित होकर, वायु और सूर्य के संयुक्त प्रभाव से पककर, जाम्बूनद नामक स्वर्ण बन जाती है — जो अमरलोक का सनातन आभूषण है।

श्लोक 21 (bhagavata.5.16.21)

यदु ह वाव विबुधादयः सह युवतिभिर्मुकुटकटककटिसूत्राद्याभरणरूपेण खलु धारयन्ति ॥ २१ ॥

yad u ha vāva vibudhādayaḥ saha yuvatibhir mukuṭa-kaṭaka-kaṭi-sūtrādy-ābharaṇa-rūpeṇa khalu dhārayanti.

इसी स्वर्ण को देवता, अपनी युवा पत्नियों सहित, मुकुट, कंगन, करधनी आदि आभूषणों के रूप में धारण करते हैं।

श्लोक 22 (bhagavata.5.16.22)

यस्तु महाकदम्बः सुपार्श्वनिरूढो यास्तस्य कोटरेभ्यो विनिःसृताः पञ्चायामपरिणाहाः पञ्च मधुधाराः सुपार्श्वशिखरात्पतन्त्योऽपरेणात्मानमिलावृतमनुमोदयन्ति ॥ २२ ॥

yas tu mahā-kadambaḥ supārśva-nirūḍho yās tasya koṭarebhyo viniḥsṛtāḥ pañcāyāma-pariṇāhāḥ pañca madhu-dhārāḥ supārśva-śikharāt patantyo ’pareṇātmānam ilāvṛtam anumodayanti.

और सुपार्श्व पर्वत पर दृढ़ता से जमा हुआ महाकदम्ब वृक्ष है, जिसकी खोहों से पाँच मधु-धाराएँ निकलती हैं, प्रत्येक पाँच व्याम (बाँह-फैलाव) चौड़ी, जो सुपार्श्व के शिखर से गिरकर, पश्चिम दिशा से इलावृत को सर्वत्र आनन्दित करती हैं।

श्लोक 23 (bhagavata.5.16.23)

या ह्युपयुञ्जानानां मुखनिर्वासितो वायुः समन्ताच्छतयोजनमनुवासयति ॥ २३ ॥

yā hy upayuñjānānāṁ mukha-nirvāsito vāyuḥ samantāc chata-yojanam anuvāsayati.

और उसका सेवन करने वालों के मुख से निकलने वाली वायु, चारों ओर सौ योजन तक के क्षेत्र को सुगंधित कर देती है।

श्लोक 24 (bhagavata.5.16.24)

एवं कुमुदनिरूढो यः शतवल्शो नाम वटस्तस्य स्कन्धेभ्यो नीचीनाः पयोदधिमधुघृतगुडान्नाद्यम्बरशय्यासनाभरणादयः सर्व एव कामदुघा नदाः कुमुदाग्रात्पतन्तस्तमुत्तरेणेलावृतमुपयोजयन्ति ॥ २४ ॥

evaṁ kumuda-nirūḍho yaḥ śatavalśo nāma vaṭas tasya skandhebhyo nīcīnāḥ payo-dadhi-madhu-ghṛta-guḍānnādy-ambara-śayyāsanābharaṇādayaḥ sarva eva kāma-dughā nadāḥ kumudāgrāt patantas tam uttareṇelāvṛtam upayojayanti.

इसी प्रकार, कुमुद पर्वत पर 'शतवल्श' नामक बरगद का वृक्ष है, जिसकी नीचे लटकती शाखाओं से दूध, दही, मधु, घृत, गुड़, अन्न, वस्त्र, शय्या, आसन, आभूषण आदि सभी कामनाओं को पूर्ण करने वाली नदियाँ बहती हैं, जो कुमुद के शिखर से गिरकर इलावृत के उत्तरी भाग की सेवा करती हैं।

श्लोक 25 (bhagavata.5.16.25)

यानुपजुषाणानां न कदाचिदपि प्रजानां वलीपलितक्लमस्वेददौर्गन्ध्यजरामयमृत्युशीतोष्णवैवर्ण्योपसर्गादयस्तापविशेषा भवन्ति यावज्जीवं सुखं निरतिशयमेव ॥ २५ ॥

yān upajuṣāṇānāṁ na kadācid api prajānāṁ valī-palita-klama-sveda-daurgandhya-jarāmaya-mṛtyu-śītoṣṇa-vaivarṇyopasargādayas tāpa-viśeṣā bhavanti yāvaj jīvaṁ sukhaṁ niratiśayam eva.

इनका सेवन करने वाली प्रजा को झुर्रियाँ, सफेद बाल, थकान, पसीना, दुर्गंध, बुढ़ापा, रोग, मृत्यु, शीत, ताप, वर्णहीनता आदि इस प्रकार के कोई भी विशेष कष्ट कभी नहीं होते; वे अपने सम्पूर्ण जीवन में केवल असीम सुख ही जानते हैं।

श्लोक 26 (bhagavata.5.16.26)

कुरङ्गकुररकुसुम्भवैकङ्कत्रिकूटशिशिरपतङ्गरुचकनिषधशिनीवासकपिलशङ्खवैदूर्यजारुधिहंसऋषभनागकालञ्जरनारदादयो विंशतिगिरयो मेरोः कर्णिकाया इव केसरभूता मूलदेशे परित उपक्लृप्ताः ॥ २६ ॥

kuraṅga-kurara-kusumbha-vaikaṅka-trikūṭa-śiśira-pataṅga-rucaka-niṣadha-śinīvāsa-kapila-śaṅkha-vaidūrya-jārudhi-haṁsa-ṛṣabha-nāga-kālañjara-nāradādayo viṁśati-girayo meroḥ karṇikāyā iva kesara-bhūtā mūla-deśe parita upakḷptāḥ.

कुरंग, कुरर, कुसुम्भ, वैकंक, त्रिकूट, शिशिर, पतंग, रुचक, निषध, शिनीवास, कपिल, शंख, वैदूर्य, जारुधि, हंस, ऋषभ, नाग, कालंजर, नारद आदि — कुल बीस पर्वत — मेरु के मूल में, कमल के कर्णिका के चारों ओर केसर-तंतुओं के समान, चारों ओर व्यवस्थित हैं।

श्लोक 27 (bhagavata.5.16.27)

जठरदेवकूटौ मेरुं पूर्वेणाष्टादशयोजनसहस्रमुदगायतौ द्विसहस्रं पृथुतुङ्गौ भवतः । एवमपरेण पवनपारियात्रौ दक्षिणेन कैलासकरवीरौ प्रागायतावेवमुत्तरतस्त्रिशृङ्गमकरावष्टभिरेतैः परिसृतोऽग्निरिव परितश्चकास्ति काञ्चनगिरिः ॥ २७ ॥

jaṭhara-devakūṭau meruṁ pūrveṇāṣṭādaśa-yojana-sahasram udagāyatau dvi-sahasraṁ pṛthu-tuṅgau bhavataḥ; evam apareṇa pavana-pāriyātrau dakṣiṇena kailāsa-karavīrau prāg-āyatāv evam uttaratas triśṛṅga-makarāv aṣṭabhir etaiḥ parisṛto ’gnir iva paritaś cakāsti kāñcana-giriḥ.

मेरु के पूर्व में, उत्तर-दक्षिण फैले हुए, जठर और देवकूट पर्वत हैं, एक-दूसरे से अठारह हजार योजन दूर, प्रत्येक दो हजार योजन चौड़े और ऊँचे। इसी प्रकार पश्चिम में पवन और पारियात्र; दक्षिण में कैलास और करवीर, पूर्व-पश्चिम फैले हुए; तथा उत्तर में त्रिशृंग और मकर। इन आठों से चारों ओर घिरा हुआ यह स्वर्णमय पर्वत (मेरु) अग्नि के समान सब दिशाओं में देदीप्यमान होता है।

श्लोक 28 (bhagavata.5.16.28)

मेरोर्मूर्धनि भगवत आत्मयोनेर्मध्यत उपक्लृप्तां पुरीमयुतयोजनसाहस्रीं समचतुरस्रां शातकौम्भीं वदन्ति ॥ २८ ॥

meror mūrdhani bhagavata ātma-yoner madhyata upakḷptāṁ purīm ayuta-yojana-sāhasrīṁ sama-caturasrāṁ śātakaumbhīṁ vadanti.

मेरु के शिखर पर, मध्य में, स्वयंभू भगवान (ब्रह्मा) की नगरी स्थित है, ऐसा कहा जाता है — दस हजार योजन प्रति भुजा, पूर्णतः स्वर्णमय।

श्लोक 29 (bhagavata.5.16.29)

तामनुपरितो लोकपालानामष्टानां यथादिशं यथारूपं तुरीयमानेन पुरोऽष्टावुपक्लृप्ताः ॥ २९ ॥

tām anuparito loka-pālānām aṣṭānāṁ yathā-diśaṁ yathā-rūpaṁ turīya-mānena puro ’ṣṭāv upakḷptāḥ.

उसके चारों ओर, दिशानुसार और तदनुरूप आकार में, आठों लोकपालों की नगरियाँ स्थापित हैं, जो उसके माप की एक-चौथाई हैं।