अधोलोक

श्लोक 1 (bhagavata.5.24.1)

श्रीशुक उवाच अधस्तात्सवितुर्योजनायुते स्वर्भानुर्नक्षत्रवच्चरतीत्येके योऽसावमरत्वं ग्रहत्वं चालभत भगवदनुकम्पया स्वयमसुरापसदः सैंहिकेयो ह्यतदर्हस्तस्य तात जन्म कर्माणि चोपरिष्टाद्वक्ष्यामः ॥ १ ॥

śrī-śuka uvāca adhastāt savitur yojanāyute svarbhānur nakṣatravac caratīty eke yo ’sāv amaratvaṁ grahatvaṁ cālabhata bhagavad-anukampayā svayam asurāpasadaḥ saiṁhikeyo hy atad-arhas tasya tāta janma karmāṇi copariṣṭād vakṣyāmaḥ.

श्री शुकदेव जी ने कहा — सूर्य के नीचे दस हजार योजन पर स्वर्भानु (राहु) नक्षत्र के समान गति करता है, ऐसा कुछ कहते हैं; असुरों में सबसे नीच, सिंहिका का पुत्र, अयोग्य होते हुए भी, जिसने भगवान की कृपा से अमरत्व और ग्रहत्व प्राप्त किया — उसका जन्म और कर्म, हे तात, मैं आगे बताऊँगा।

श्लोक 2 (bhagavata.5.24.2)

यददस्तरणेर्मण्डलं प्रतपतस्तद्विस्तरतो योजनायुतमाचक्षते द्वादशसहस्रं सोमस्य त्रयोदशसहस्रं राहोर्यः पर्वणि तद्व्यवधानकृद्वैरानुबन्धः सूर्याचन्द्रमसावभिधावति ॥ २ ॥

yad adas taraṇer maṇḍalaṁ pratapatas tad vistarato yojanāyutam ācakṣate dvādaśa-sahasraṁ somasya trayodaśa-sahasraṁ rāhor yaḥ parvaṇi tad-vyavadhāna-kṛd vairānubandhaḥ sūryā-candramasāv abhidhāvati.

तपने वाला वह सूर्य-मण्डल दस हजार योजन का, चन्द्रमा का मण्डल बारह हजार योजन का, और राहु का तेरह हजार योजन का बताया जाता है; पर्व के दिनों में वैर के कारण, उनके आच्छादन का कारण बनने वाला राहु, सूर्य और चन्द्रमा दोनों का पीछा करता है।

श्लोक 3 (bhagavata.5.24.3)

तन्निशम्योभयत्रापि भगवता रक्षणाय प्रयुक्तं सुदर्शनं नाम भागवतं दयितमस्त्रं तत्तेजसा दुर्विषहं मुहुः परिवर्तमानमभ्यवस्थितो मुहूर्तमुद्विजमानश्चकितहृदय आरादेव निवर्तते तदुपरागमिति वदन्ति लोकाः ॥ ३ ॥

tan niśamyobhayatrāpi bhagavatā rakṣaṇāya prayuktaṁ sudarśanaṁ nāma bhāgavataṁ dayitam astraṁ tat tejasā durviṣahaṁ muhuḥ parivartamānam abhyavasthito muhūrtam udvijamānaś cakita-hṛdaya ārād eva nivartate tad uparāgam iti vadanti lokāḥ.

यह सुनकर भगवान दोनों की रक्षा के लिए अपना प्रिय, भक्त-स्वरूप सुदर्शन नामक अस्त्र प्रयोग करते हैं; उसके बार-बार घूमते हुए तेज को सहन न कर पाने के कारण, क्षणभर ठहरकर, भयभीत, कम्पित हृदय वाला राहु समीप पहुँचने से पहले ही लौट जाता है; लोग उसी को ग्रहण कहते हैं।

श्लोक 4 (bhagavata.5.24.4)

ततोऽधस्तात्सिद्धचारणविद्याधराणां सदनानि तावन्मात्र एव ॥ ४ ॥

tato ’dhastāt siddha-cāraṇa-vidyādharāṇāṁ sadanāni tāvan mātra eva.

उससे नीचे उतनी ही दूरी पर सिद्ध, चारण और विद्याधरों के निवास-स्थान हैं।

श्लोक 5 (bhagavata.5.24.5)

ततोऽधस्ताद्यक्षरक्षः पिशाचप्रेतभूतगणानां विहाराजिरमन्तरिक्षं यावद्वायुः प्रवाति यावन्मेघा उपलभ्यन्ते ॥ ५ ॥

tato ’dhastād yakṣa-rakṣaḥ-piśāca-preta-bhūta-gaṇānāṁ vihārājiram antarikṣaṁ yāvad vāyuḥ pravāti yāvan meghā upalabhyante.

उससे नीचे यक्ष, राक्षस, पिशाच, प्रेत और भूतगणों की क्रीड़ा-भूमि है — अन्तरिक्ष, जो वहाँ तक फैला है जहाँ तक वायु बहती है और बादल पाए जाते हैं।

श्लोक 6 (bhagavata.5.24.6)

ततोऽधस्ताच्छतयोजनान्तर इयं पृथिवी यावद्धंसभासश्येनसुपर्णादयः पतत्त्रिप्रवरा उत्पतन्तीति ॥ ६ ॥

tato ’dhastāc chata-yojanāntara iyaṁ pṛthivī yāvad dhaṁsa-bhāsa-śyena-suparṇādayaḥ patattri-pravarā utpatantīti.

उससे नीचे सौ योजन की दूरी पर यह पृथ्वी है, जो वहाँ तक फैली है जहाँ तक हंस, बाज, गरुड़ आदि श्रेष्ठ पक्षी उड़ान भरते हैं।

श्लोक 7 (bhagavata.5.24.7)

उपवर्णितं भूमेर्यथासन्निवेशावस्थानमवनेरप्यधस्तात् सप्त भूविवरा एकैकशो योजनायुतान्तरेणायामविस्तारेणोपक्लृप्ता अतलं वितलं सुतलं तलातलं महातलं रसातलं पातालमिति ॥ ७ ॥

upavarṇitaṁ bhūmer yathā-sanniveśāvasthānam avaner apy adhastāt sapta bhū-vivarā ekaikaśo yojanāyutāntareṇāyāma-vistāreṇopakḷptā atalaṁ vitalaṁ sutalaṁ talātalaṁ mahātalaṁ rasātalaṁ pātālam iti.

पृथ्वी की स्थिति का विन्यास बताया जा चुका है; पृथ्वी के नीचे भी सात भू-विवर हैं, जो प्रत्येक दस हजार योजन के अंतराल पर, लंबाई-चौड़ाई में समान रूप से स्थित हैं — अतल, वितल, सुतल, तलातल, महातल, रसातल और पाताल।

श्लोक 8 (bhagavata.5.24.8)

एतेषु हि बिलस्वर्गेषु स्वर्गादप्यधिककामभोगैश्वर्यानन्दभूतिविभूतिभिः सुसमृद्धभवनोद्यानाक्रीडविहारेषु दैत्यदानवकाद्रवेया नित्यप्रमुदितानुरक्तकलत्रापत्यबन्धुसुहृदनुचरा गृहपतय ईश्वरादप्यप्रतिहतकामा मायाविनोदा निवसन्ति ॥ ८ ॥

eteṣu hi bila-svargeṣu svargād apy adhika-kāma-bhogaiśvaryānanda-bhūti-vibhūtibhiḥ susamṛddha-bhavanodyānākrīḍa-vihāreṣu daitya-dānava-kādraveyā nitya-pramuditānurakta-kalatrāpatya-bandhu-suhṛd-anucarā gṛha-pataya īśvarād apy apratihata-kāmā māyā-vinodā nivasanti.

इन बिल-स्वर्गों में, स्वर्ग से भी अधिक कामना, भोग, ऐश्वर्य, आनंद और समृद्धि से सम्पन्न भवनों, उद्यानों और क्रीड़ा-स्थलों में दैत्य, दानव और कद्रु-पुत्र नाग गृहस्थ के रूप में निवास करते हैं — सदा प्रसन्न, अपनी पत्नियों, संतानों, बन्धुओं, मित्रों और अनुचरों से अनुरक्त, इन्द्र से भी अबाधित कामना वाले, माया में रमण करने वाले।

श्लोक 9 (bhagavata.5.24.9)

येषु महाराज मयेन मायाविना विनिर्मिताः पुरो नानामणिप्रवरप्रवेकविरचितविचित्रभवनप्राकारगोपुरसभाचैत्यचत्वरायतनादिभिर्नागासुरमिथुनपारावतशुकसारिकाकीर्णकृत्रिमभूमिभिर्विवरेश्वरगृहोत्तमैः समलङ्कृताश्चकासति ॥ ९ ॥

yeṣu mahārāja mayena māyāvinā vinirmitāḥ puro nānā-maṇi-pravara-praveka-viracita-vicitra-bhavana-prākāra-gopura-sabhā-caitya-catvarāyatanādibhir nāgāsura-mithuna-pārāvata-śuka-sārikākīrṇa-kṛtrima-bhūmibhir vivareśvara-gṛhottamaiḥ samalaṅkṛtāś cakāsati.

हे महाराज! इनमें मायावी दानव मय ने अनेक बहुमूल्य रत्नों से रचित अद्भुत भवनों, प्राकारों, तोरणों, सभा-भवनों, चैत्यों, चौराहों और मन्दिरों से सुशोभित नगर बनाए हैं, जिनकी कृत्रिम भूमि नाग-असुर युगलों, कबूतरों, तोतों और मैनाओं से भरी है — ये नगर उन बिलों के स्वामियों के उत्तम गृहों से सुशोभित, चमकते रहते हैं।

श्लोक 10 (bhagavata.5.24.10)

उद्यानानि चातितरां मनइन्द्रियानन्दिभिः कुसुमफलस्तबकसुभगकिसलयावनतरुचिरविटपविटपिनां लताङ्गालिङ्गितानां श्रीभिः समिथुनविविधविहङ्गमजलाशयानाममलजलपूर्णानां झषकुलोल्लङ्घनक्षुभितनीरनीरजकुमुदकुवलयकह्लारनीलोत्पल लोहितशतपत्रादिवनेषुकृतनिकेतनानामेकविहाराकुलमधुरविविधस्वनादिभिरिन्द्रि-योत्सवैरमरलोकश्रियमतिशयितानि ॥ १० ॥

udyānāni cātitarāṁ mana-indriyānandibhiḥ kusuma-phala-stabaka-subhaga-kisalayāvanata-rucira-viṭapa-viṭapināṁ latāṅgāliṅgitānāṁ śrībhiḥ samithuna-vividha-vihaṅgama-jalāśayānām amala-jala-pūrṇānāṁ jhaṣakulollaṅghana-kṣubhita-nīra-nīraja-kumuda-kuva-laya-kahlāra-nīlotpala-lohita-śatapatrādi-vaneṣu kṛta-niketanānām eka-vihārākula-madhura-vividha-svanādibhir indriyotsavair amara-loka-śriyam atiśayitāni.

और वहाँ के उद्यान मन और इन्द्रियों को अत्यंत आनन्दित करने वाले हैं — जिनके वृक्षों की शाखाएँ फूलों, फलों और कोमल पल्लवों के गुच्छों से सुन्दर और लताओं से आलिंगित होकर झुकी हुई हैं; जिनके स्वच्छ जल से भरे सरोवर विविध जल-पक्षियों के जोड़ों से भरे हैं, तथा कमल, कुमुद, कह्लार और नीलोत्पल की झाड़ियों के बीच उछलती मछलियों से क्षुब्ध रहते हैं — ये उद्यान, मधुर, विविध कलरव से सदा गुंजायमान, ऐसे इन्द्रिय-उत्सवों से देवलोक की शोभा को भी मात करते हैं।

श्लोक 11 (bhagavata.5.24.11)

यत्र ह वाव न भयमहोरात्रादिभिः कालविभागैरुपलक्ष्यते ॥ ११ ॥

yatra ha vāva na bhayam aho-rātrādibhiḥ kāla-vibhāgair upalakṣyate.

वहाँ दिन-रात आदि कालविभागों से किसी प्रकार का भय अनुभव नहीं होता।

श्लोक 12 (bhagavata.5.24.12)

यत्र हि महाहिप्रवरशिरोमणयः सर्वं तमः प्रबाधन्ते ॥ १२ ॥

yatra hi mahāhi-pravara-śiro-maṇayaḥ sarvaṁ tamaḥ prabādhante.

क्योंकि वहाँ महान् सर्पों के फणों पर स्थित श्रेष्ठ मणियाँ समस्त अंधकार को दूर कर देती हैं।

श्लोक 13 (bhagavata.5.24.13)

न वा एतेषु वसतां दिव्यौषधिरसरसायनान्नपानस्नानादिभिराधयो व्याधयो वलीपलितजरादयश्च देहवैवर्ण्यदौर्गन्ध्यस्वेदक्लमग्लानिरिति वयोऽवस्थाश्च भवन्ति ॥ १३ ॥

na vā eteṣu vasatāṁ divyauṣadhi-rasa-rasāyanānna-pāna-snānādibhir ādhayo vyādhayo valī-palita-jarādayaś ca deha-vaivarṇya-daurgandhya-sveda-klama-glānir iti vayo ’vasthāś ca bhavanti.

वहाँ निवास करने वालों को दिव्य औषधियों के रस, रसायन, अन्न, पान और स्नान आदि के कारण मानसिक व्याधियाँ, रोग, झुर्रियाँ, बाल पकना, बुढ़ापा तथा शरीर की विवर्णता, दुर्गन्ध, स्वेद, थकान और ग्लानि जैसी वृद्धावस्था की अवस्थाएँ नहीं होतीं।

श्लोक 14 (bhagavata.5.24.14)

न हि तेषां कल्याणानां प्रभवति कुतश्चन मृत्युर्विना भगवत्तेजसश्चक्रापदेशात् ॥ १४ ॥

na hi teṣāṁ kalyāṇānāṁ prabhavati kutaścana mṛtyur vinā bhagavat-tejasaś cakrāpadeśāt.

उन कल्याणकारी प्राणियों को किसी भी स्रोत से मृत्यु का भय नहीं होता, केवल भगवान के चक्र नामक तेज को छोड़कर।

श्लोक 15 (bhagavata.5.24.15)

यस्मिन् प्रविष्टेऽसुरवधूनां प्रायः पुंसवनानि भयादेव स्रवन्ति पतन्ति च ॥ १५ ॥

yasmin praviṣṭe ’sura-vadhūnāṁ prāyaḥ puṁsavanāni bhayād eva sravanti patanti ca.

जब यह चक्र वहाँ प्रवेश करता है, तब असुरों की पत्नियों के गर्भ प्रायः भय के कारण ही स्रवित होकर गिर जाते हैं।

श्लोक 16 (bhagavata.5.24.16)

अथातले मयपुत्रोऽसुरो बलो निवसति येन ह वा इह सृष्टाः षण्णवतिर्मायाः काश्चनाद्यापि मायाविनो धारयन्ति यस्य च जृम्भमाणस्य मुखतस्त्रयः स्त्रीगणा उदपद्यन्त स्वैरिण्यः कामिन्यः पुंश्चल्य इति या वै बिलायनं प्रविष्टं पुरुषं रसेन हाटकाख्येन साधयित्वा स्वविलासावलोकनानुरागस्मितसंलापोपगूहनादिभिः स्वैरं किल रमयन्ति यस्मिन्नुपयुक्ते पुरुष ईश्वरोऽहं सिद्धोऽहमित्ययुतमहागजबलमात्मानमभिमन्यमानः कत्थते मदान्ध इव ॥ १६ ॥

athātale maya-putro ’suro balo nivasati yena ha vā iha sṛṣṭāḥ ṣaṇ-ṇavatir māyāḥ kāścanādyāpi māyāvino dhārayanti yasya ca jṛmbhamāṇasya mukhatas trayaḥ strī-gaṇā udapadyanta svairiṇyaḥ kāminyaḥ puṁścalya iti yā vai bilāyanaṁ praviṣṭaṁ puruṣaṁ rasena hāṭakākhyena sādhayitvā sva-vilāsāvalokanānurāga-smita-saṁlāpopagūhanādibhiḥ svairaṁ kila ramayanti yasminn upayukte puruṣa īśvaro ’haṁ siddho ’ham ity ayuta-mahā-gaja-balam ātmānam abhimanyamānaḥ katthate madāndha iva.

अब अतल में मय-पुत्र बल नामक असुर निवास करता है, जिसने यहाँ छियानबे प्रकार की माया रचीं, जिनमें से कुछ को कपटी साधक आज भी धारण करते हैं; और जिसके जँभाई लेते समय मुख से तीन प्रकार की स्त्रियाँ — स्वैरिणी, कामिनी और पुंश्चली — उत्पन्न हुईं, जो उस बिल में प्रवेश करने वाले पुरुष को हाटक नामक मदिरा से वश में कर, अपने विलासपूर्ण अवलोकन, प्रेमपूर्ण मुस्कान, वार्तालाप और आलिंगन आदि से स्वच्छन्दतापूर्वक रमाती हैं; और वह पुरुष उसका सेवन करने पर स्वयं को दस हजार बड़े हाथियों के बल के समान मानते हुए, मद से अंधा होकर 'मैं ईश्वर हूँ, मैं सिद्ध हूँ' कहकर डींग मारता है।

श्लोक 17 (bhagavata.5.24.17)

ततोऽधस्ताद्वितले हरो भगवान् हाटकेश्वरः स्वपार्षदभूतगणावृतः प्रजापतिसर्गोपबृंहणाय भवो भवान्या सह मिथुनीभूत आस्ते यतः प्रवृत्ता सरित्प्रवरा हाटकी नाम भवयोर्वीर्येण यत्र चित्रभानुर्मातरिश्वना समिध्यमान ओजसा पिबति तन्निष्ठ्यूतं हाटकाख्यं सुवर्णं भूषणेनासुरेन्द्रावरोधेषु पुरुषाः सह पुरुषीभिर्धारयन्ति ॥ १७ ॥

tato ’dhastād vitale haro bhagavān hāṭakeśvaraḥ sva-pārṣada-bhūta-gaṇāvṛtaḥ prajāpati-sargopabṛṁhaṇāya bhavo bhavānyā saha mithunī-bhūta āste yataḥ pravṛttā sarit-pravarā hāṭakī nāma bhavayor vīryeṇa yatra citrabhānur mātariśvanā samidhyamāna ojasā pibati tan niṣṭhyūtaṁ hāṭakākhyaṁ suvarṇaṁ bhūṣaṇenāsurendrāvarodheṣu puruṣāḥ saha puruṣībhir dhārayanti.

उससे नीचे वितल में भगवान हर, जो हाटकेश्वर नाम से जाने जाते हैं, अपने पार्षद भूतगणों से घिरे हुए, प्रजापति की सृष्टि की वृद्धि के लिए भवानी के साथ संयुक्त रहते हैं; उन दोनों के संयोग से हाटकी नामक श्रेष्ठ नदी बहती है, जिसे वायु के वेग से प्रज्वलित अग्नि पीकर अपने तेज से थूक देती है, वही निकला हुआ द्रव्य हाटक नामक स्वर्ण बन जाता है, जिससे असुरेन्द्रों के अन्तःपुरों में पुरुष अपनी स्त्रियों सहित अपने को सुशोभित करते हैं।

श्लोक 18 (bhagavata.5.24.18)

ततोऽधस्तात्सुतले उदारश्रवाः पुण्यश्लोको विरोचनात्मजो बलिर्भगवता महेन्द्रस्य प्रियं चिकीर्षमाणेनादितेर्लब्धकायो भूत्वा वटुवामनरूपेण पराक्षिप्तलोकत्रयो भगवदनुकम्पयैव पुनः प्रवेशित इन्द्रादिष्वविद्यमानया सुसमृद्धया श्रियाभिजुष्टः स्वधर्मेणाराधयंस्तमेव भगवन्तमाराधनीयमपगतसाध्वस आस्तेऽधुनापि ॥ १८ ॥

tato ’dhastāt sutale udāra-śravāḥ puṇya-śloko virocanātmajo balir bhagavatā mahendrasya priyaṁ cikīrṣamāṇenāditer labdha-kāyo bhūtvā vaṭu-vāmana-rūpeṇa parākṣipta-loka-trayo bhagavad-anukampayaiva punaḥ praveśita indrādiṣv avidyamānayā susamṛddhayā śriyābhijuṣṭaḥ sva-dharmeṇārādhayaṁs tam eva bhagavantam ārādhanīyam apagata-sādhvasa āste ’dhunāpi.

उससे नीचे सुतल में विरोचन-पुत्र बलि निवास करते हैं, जो अपनी उदारता के लिए विख्यात, पुण्यश्लोक हैं — जिन्हें भगवान ने महेन्द्र को प्रसन्न करने की इच्छा से अदिति से देह प्राप्त कर वटु-वामन रूप धारण कर तीनों लोकों से वंचित कर दिया था, वे भगवान की कृपा से ही पुनः प्रतिष्ठित हुए, इन्द्र आदि से भी अधिक समृद्ध ऐश्वर्य से युक्त हुए, और आज भी निर्भय होकर अपने धर्म द्वारा उन्हीं आराधनीय भगवान की आराधना करते हुए वहाँ विराजमान हैं।

श्लोक 19 (bhagavata.5.24.19)

नो एवैतत्साक्षात्कारो भूमिदानस्य यत्तद्भगवत्यशेषजीवनिकायानां जीवभूतात्मभूते परमात्मनि वासुदेवे तीर्थतमे पात्र उपपन्ने परया श्रद्धया परमादरसमाहितमनसा सम्प्रतिपादितस्य साक्षादपवर्गद्वारस्य यद्बिलनिलयैश्वर्यम् ॥ १९ ॥

no evaitat sākṣātkāro bhūmi-dānasya yat tad bhagavaty aśeṣa-jīva-nikāyānāṁ jīva-bhūtātma-bhūte paramātmani vāsudeve tīrthatame pātra upapanne parayā śraddhayā paramādara-samāhita-manasā sampratipāditasya sākṣād apavarga-dvārasya yad bila-nilayaiśvaryam.

यह ऐश्वर्य केवल भूमि-दान का साक्षात् फल नहीं समझा जाना चाहिए — यह तो उस अपवर्ग के साक्षात् द्वार-स्वरूप, समस्त जीव-समूहों के जीवात्मा-स्वरूप, तीर्थों में श्रेष्ठ पात्र, भगवान वासुदेव को परम श्रद्धा और परमादर से समाहित मन से समर्पित करने का फल है।

श्लोक 20 (bhagavata.5.24.20)

यस्य ह वाव क्षुतपतनप्रस्खलनादिषु विवशः सकृन्नामाभिगृणन् पुरुषः कर्मबन्धनमञ्जसा विधुनोति यस्य हैव प्रतिबाधनं मुमुक्षवोऽन्यथैवोपलभन्ते ॥ २० ॥

yasya ha vāva kṣuta-patana-praskhalanādiṣu vivaśaḥ sakṛn nāmābhigṛṇan puruṣaḥ karma-bandhanam añjasā vidhunoti yasya haiva pratibādhanaṁ mumukṣavo ’nyathaivopalabhante.

जो पुरुष छींकते, गिरते, लड़खड़ाते समय अनजाने में भी एक बार भगवन्नाम का उच्चारण कर देता है, वह सरलता से कर्म-बन्धन से मुक्त हो जाता है; मुमुक्षु जन उसी बन्धन को अन्य साधनों से ही कठिनाई से काट पाते हैं।

श्लोक 21 (bhagavata.5.24.21)

तद्भक्तानामात्मवतां सर्वेषामात्मन्यात्मद आत्मतयैव ॥ २१ ॥

tad bhaktānām ātmavatāṁ sarveṣām ātmany ātmada ātmatayaiva.

अपने समस्त भक्तों, आत्मवानों को, वे प्रभु अपने-अपने आत्मभाव के अनुसार स्वयं को ही प्रदान कर देते हैं।

श्लोक 22 (bhagavata.5.24.22)

न वै भगवान्नूनममुष्यानुजग्राह यदुत पुनरात्मानुस्मृतिमोषणं मायामयभोगैश्वर्यमेवातनुतेति ॥ २२ ॥

na vai bhagavān nūnam amuṣyānujagrāha yad uta punar ātmānusmṛti-moṣaṇaṁ māyāmaya-bhogaiśvaryam evātanuteti.

भगवान ने वास्तव में इस पुरुष (बलि) पर अनुग्रह उस रूप में नहीं किया कि उसे पुनः वह मायामय भोग और ऐश्वर्य दे दिया, जो आत्म-स्मृति को हर लेने वाला है।

श्लोक 23 (bhagavata.5.24.23)

यत्तद्भगवतानधिगतान्योपायेन याच्ञाच्छलेनापहृतस्वशरीरावशेषितलोकत्रयो वरुणपाशैश्च सम्प्रतिमुक्तो गिरिदर्यां चापविद्ध इति होवाच ॥ २३ ॥

yat tad bhagavatānadhigatānyopāyena yācñā-cchalenāpahṛta-sva-śarīrāvaśeṣita-loka-trayo varuṇa-pāśaiś ca sampratimukto giri-daryāṁ cāpaviddha iti hovāca.

जिस ऐश्वर्य को भगवान ने, अन्य कोई उपाय न पाकर, याचना के बहाने से छीन लिया, केवल शरीर मात्र शेष रखकर तीनों लोकों को हर लिया, और फिर वरुण-पाश से बाँधकर पर्वत की गुफा में डाल दिया — तब उन्होंने यह कहा।

श्लोक 24 (bhagavata.5.24.24)

नूनं बतायं भगवानर्थेषु न निष्णातो योऽसाविन्द्रो यस्य सचिवो मन्त्राय वृत एकान्ततो बृहस्पतिस्तमतिहाय स्वयमुपेन्द्रेणात्मानमयाचतात्मनश्चाशिषो नो एव तद्दास्यमतिगम्भीरवयसः कालस्य मन्वन्तरपरिवृत्तं कियल्लोकत्रयमिदम् ॥ २४ ॥

nūnaṁ batāyaṁ bhagavān artheṣu na niṣṇāto yo ’sāv indro yasya sacivo mantrāya vṛta ekāntato bṛhaspatis tam atihāya svayam upendreṇātmānam ayācatātmanaś cāśiṣo no eva tad-dāsyam ati-gambhīra-vayasaḥ kālasya manvantara-parivṛttaṁ kiyal loka-trayam idam.

अवश्य ही यह इन्द्र अर्थों में कुशल नहीं है, जिसका एकमात्र मन्त्री बृहस्पति है; उसे छोड़कर, स्वयं उपेन्द्र (वामन) ने मुझसे याचना की — अपने लिए नहीं, केवल मुझे अपनी कृपा दिलाने के लिए; अत्यंत गम्भीर काल के मन्वन्तर-परिवर्तन में यह त्रिलोक्य कितना तुच्छ है!

श्लोक 25 (bhagavata.5.24.25)

यस्यानुदास्यमेवास्मत्पितामहः किल वव्रे न तु स्वपित्र्यं यदुताकुतोभयं पदं दीयमानं भगवतः परमिति भगवतोपरते खलु स्वपितरि ॥ २५ ॥

yasyānudāsyam evāsmat-pitāmahaḥ kila vavre na tu sva-pitryaṁ yad utākutobhayaṁ padaṁ dīyamānaṁ bhagavataḥ param iti bhagavatoparate khalu sva-pitari.

मेरे पितामह (प्रह्लाद) ने तो केवल उनकी सेवा ही चुनी, अपने पिता का राज्य भी नहीं — जब स्वयं भगवान ने उनके पिता की मृत्यु पर वह अभय पद भी प्रदान करना चाहा, तब भी उन्होंने उसे अस्वीकार कर दिया।

श्लोक 26 (bhagavata.5.24.26)

तस्य महानुभावस्यानुपथममृजितकषायः को वास्मद्विधः परिहीणभगवदनुग्रह उपजिगमिषतीति ॥ २६ ॥

tasya mahānubhāvasyānupatham amṛjita-kaṣāyaḥ ko vāsmad-vidhaḥ parihīṇa-bhagavad-anugraha upajigamiṣatīti.

उस महात्मा के मार्ग का अनुसरण, जिनकी कषाय अभी शुद्ध नहीं हुई है, तथा जो भगवद्-अनुग्रह से रहित हैं, हम जैसे लोग भला कैसे कर सकते हैं?

श्लोक 27 (bhagavata.5.24.27)

तस्यानुचरितमुपरिष्टाद्विस्तरिष्यते यस्य भगवान् स्वयमखिलजगद्गुरुर्नारायणो द्वारि गदापाणिरवतिष्ठते निजजनानुकम्पितहृदयो येनाङ्गुष्ठेन पदा दशकन्धरो योजनायुतायुतं दिग्विजय उच्चाटितः ॥ २७ ॥

tasyānucaritam upariṣṭād vistariṣyate yasya bhagavān svayam akhila-jagad-gurur nārāyaṇo dvāri gadā-pāṇir avatiṣṭhate nija-janānukampita-hṛdayo yenāṅguṣṭhena padā daśa-kandharo yojanāyutāyutaṁ dig-vijaya uccāṭitaḥ.

उनका (बलि का) चरित्र आगे विस्तार से बताया जाएगा, जिनके द्वार पर स्वयं समस्त जगत् के गुरु भगवान नारायण, अपने भक्त पर करुणा से द्रवित हृदय लिए, गदा हाथ में लिए आज भी खड़े रहते हैं — जिन्होंने अपने पैर के अंगूठे मात्र से दिग्विजय करने आए दशकंधर रावण को दस हजार गुणा दस हजार योजन दूर फेंक दिया था।

श्लोक 28 (bhagavata.5.24.28)

ततोऽधस्तात्तलातले मयो नाम दानवेन्द्रस्त्रिपुराधिपतिर्भगवता पुरारिणा त्रिलोकीशं चिकीर्षुणा निर्दग्धस्वपुरत्रयस्तत्प्रसादाल्लब्धपदो मायाविनामाचार्यो महादेवेन परिरक्षितो विगतसुदर्शनभयो महीयते ॥ २८ ॥

tato ’dhastāt talātale mayo nāma dānavendras tri-purādhipatir bhagavatā purāriṇā tri-lokī-śaṁ cikīrṣuṇā nirdagdha-sva-pura-trayas tat-prasādāl labdha-pado māyāvinām ācāryo mahādevena parirakṣito vigata-sudarśana-bhayo mahīyate.

उससे नीचे तलातल में दानवेन्द्र मय निवास करता है, जो त्रिपुर का अधिपति है — जिसकी तीनों नगरियों को त्रिलोकी का स्वामी बनने की इच्छा वाले भगवान पुरारि (शिव) ने भस्म कर दिया था, किन्तु फिर उनकी कृपा से उसे पुनः प्राप्त हो गईं; मायावियों का आचार्य, महादेव द्वारा सुरक्षित, वह सुदर्शन के भय से मुक्त होकर महिमामय जीवन व्यतीत करता है।

श्लोक 29 (bhagavata.5.24.29)

ततोऽधस्तान्महातले काद्रवेयाणां सर्पाणां नैकशिरसां क्रोधवशो नाम गणः कुहकतक्षककालियसुषेणादिप्रधाना महाभोगवन्तः पतत्त्रिराजाधिपतेः पुरुषवाहादनवरतमुद्विजमानाः स्वकलत्रापत्यसुहृत्कुटुम्बसङ्गेन क्वचित्प्रमत्ता विहरन्ति ॥ २९ ॥

tato ’dhastān mahātale kādraveyāṇāṁ sarpāṇāṁ naika-śirasāṁ krodhavaśo nāma gaṇaḥ kuhaka-takṣaka-kāliya-suṣeṇādi-pradhānā mahā-bhogavantaḥ patattri-rājādhipateḥ puruṣa-vāhād anavaratam udvijamānāḥ sva-kalatrāpatya-suhṛt-kuṭumba-saṅgena kvacit pramattā viharanti.

उससे नीचे महातल में कद्रु-पुत्र, बहु-फणों वाले सर्पों का क्रोधवश नामक कुल निवास करता है, जिनमें कुहक, तक्षक, कालिय और सुषेण प्रमुख हैं — महाकाय, पक्षिराज गरुड़ के वाहन से सतत भयभीत, फिर भी कभी-कभी असावधान होकर अपनी पत्नियों, संतानों, मित्रों और कुटुम्बियों के साथ विहार करते हैं।

श्लोक 30 (bhagavata.5.24.30)

ततोऽधस्ताद्रसातले दैतेया दानवाः पणयो नाम निवातकवचाः कालेया हिरण्यपुरवासिन इति विबुधप्रत्यनीका उत्पत्त्या महौजसो महासाहसिनो भगवतः सकललोकानुभावस्य हरेरेव तेजसा प्रतिहतबलावलेपा बिलेशया इव वसन्ति ये वै सरमयेन्द्रदूत्या वाग्भिर्मन्त्रवर्णाभिरिन्द्राद्बिभ्यति ॥ ३० ॥

tato ’dhastād rasātale daiteyā dānavāḥ paṇayo nāma nivāta-kavacāḥ kāleyā hiraṇya-puravāsina iti vibudha-pratyanīkā utpattyā mahaujaso mahā-sāhasino bhagavataḥ sakala-lokānubhāvasya harer eva tejasā pratihata-balāvalepā bileśayā iva vasanti ye vai saramayendra-dūtyā vāgbhir mantra-varṇābhir indrād bibhyati.

उससे नीचे रसातल में पणि, निवातकवच, कालेय और हिरण्यपुरवासी नामक दैत्य-दानव निवास करते हैं — देवताओं के शत्रु, जन्म से ही महाबली और दुःसाहसी, जिनका बल-गर्व सम्पूर्ण लोकों के अनुभव-स्वरूप भगवान हरि के तेज से ही टूट चुका है, वे सर्पों के समान बिलों में रहते हैं; इन्द्र की दूती सरमा के मन्त्र-वचनों को सुनकर वे इन्द्र से भयभीत हो जाते हैं।

श्लोक 31 (bhagavata.5.24.31)

ततोऽधस्तात्पाताले नागलोकपतयो वासुकिप्रमुखाः शङ्खकुलिकमहाशङ्खश्वेतधनञ्जयधृतराष्ट्रशङ्खचूडकम्बलाश्वतरदेवदत्तादयो महाभोगिनो महामर्षा निवसन्ति येषामु ह वै पञ्चसप्तदशशतसहस्रशीर्षाणां फणासु विरचिता महामणयो रोचिष्णवः पातालविवरतिमिरनिकरं स्वरोचिषा विधमन्ति ॥ ३१ ॥

tato ’dhastāt pātāle nāga-loka-patayo vāsuki-pramukhāḥ śaṅkha-kulika-mahāśaṅkha-śveta-dhanañjaya-dhṛtarāṣṭra-śaṅkhacūḍa-kambalāśvatara-devadattādayo mahā-bhogino mahāmarṣā nivasanti yeṣām u ha vai pañca-sapta-daśa-śata-sahasra-śīrṣāṇāṁ phaṇāsu viracitā mahā-maṇayo rociṣṇavaḥ pātāla-vivara-timira-nikaraṁ sva-rociṣā vidhamanti.

उससे नीचे पाताल में वासुकि प्रमुख नागलोक के स्वामी — शंख, कुलिक, महाशंख, श्वेत, धनंजय, धृतराष्ट्र, शंखचूड़, कम्बल, अश्वतर, देवदत्त आदि — महाकाय, महाक्रोधी निवास करते हैं; जिनके पाँच, सात, दस, सौ अथवा हजार फणों पर स्थित महान् चमकते मणियाँ अपने ही तेज से पाताल के बिलों के अंधकार-समूह को दूर कर देती हैं।