अनंत भगवान की महिमा

श्लोक 1 (bhagavata.5.25.1)

श्रीशुक उवाच तस्य मूलदेशे त्रिंशद्योजनसहस्रान्तर आस्ते या वै कला भगवतस्तामसी समाख्यातानन्त इति सात्वतीया द्रष्टृदृश्ययोः सङ्कर्षणमहमित्यभिमानलक्षणं यं सङ्कर्षणमित्याचक्षते ॥ १ ॥

śrī-śuka uvāca tasya mūla-deśe triṁśad-yojana-sahasrāntara āste yā vai kalā bhagavatas tāmasī samākhyātānanta iti sātvatīyā draṣṭṛ-dṛśyayoḥ saṅkarṣaṇam aham ity abhimāna-lakṣaṇaṁ yaṁ saṅkarṣaṇam ity ācakṣate.

श्री शुकदेव जी ने कहा — उसके (पाताल के) मूल में, तीस हजार योजन की दूरी पर, भगवान का वह अंश निवास करता है, जिसे अनन्त, तामसी, सात्वत-वंशीय कहा जाता है, जिसे द्रष्टा और द‍ृश्य के बीच अहंकार-लक्षण 'मैं' के भाव से युक्त संकर्षण कहते हैं।

श्लोक 2 (bhagavata.5.25.2)

यस्येदं क्षितिमण्डलं भगवतोऽनन्तमूर्तेः सहस्रशिरस एकस्मिन्नेव शीर्षणि ध्रियमाणं सिद्धार्थ इव लक्ष्यते ॥ २ ॥

yasyedaṁ kṣiti-maṇḍalaṁ bhagavato ’nanta-mūrteḥ sahasra-śirasa ekasminn eva śīrṣaṇi dhriyamāṇaṁ siddhārtha iva lakṣyate.

सहस्र-मस्तक वाले भगवान अनन्तमूर्ति के एक ही मस्तक पर धारण किया गया यह सम्पूर्ण भूमण्डल एक सरसों के दाने के समान प्रतीत होता है।

श्लोक 3 (bhagavata.5.25.3)

यस्य ह वा इदं कालेनोपसञ्जिहीर्षतोऽमर्षविरचितरुचिरभ्रमद्भ्रुवोरन्तरेण साङ्कर्षणो नाम रुद्र एकादशव्यूहस्त्र्यक्षस्त्रिशिखं शूलमुत्तम्भयन्नुदतिष्ठत् ॥ ३ ॥

yasya ha vā idaṁ kālenopasañjihīrṣato ’marṣa-viracita-rucira-bhramad-bhruvor antareṇa sāṅkarṣaṇo nāma rudra ekādaśa-vyūhas try-akṣas tri-śikhaṁ śūlam uttambhayann udatiṣṭhat.

काल द्वारा इस सृष्टि को समेटने की इच्छा करते हुए उनकी क्रोध से बनी सुन्दर, कँपती भौंहों के मध्य से एकादश-व्यूह, त्रिनेत्र, त्रिशूल उठाए हुए संकर्षण नामक रुद्र प्रकट हुए।

श्लोक 4 (bhagavata.5.25.4)

यस्याङ्घ्रिकमलयुगलारुणविशदनखमणिषण्डमण्डलेष्वहिपतयः सह सात्वतर्षभैरेकान्तभक्तियोगेनावनमन्तः स्ववदनानि परिस्फुरत्कुण्डलप्रभामण्डितगण्डस्थलान्यतिमनोहराणि प्रमुदितमनसः खलु विलोकयन्ति ॥ ४ ॥

yasyāṅghri-kamala-yugalāruṇa-viśada-nakha-maṇi-ṣaṇḍa-maṇḍaleṣv ahi-patayaḥ saha sātvatarṣabhair ekānta-bhakti-yogenāvanamantaḥ sva-vadanāni parisphurat-kuṇḍala-prabhā-maṇḍita-gaṇḍa-sthalāny ati-manoharāṇi pramudita-manasaḥ khalu vilokayanti.

जिनके दोनों चरण-कमलों के अरुण, निर्मल, मणि-समान नखों के मण्डलों पर, नागराज सात्वत-श्रेष्ठों सहित अनन्य भक्ति-भाव से झुककर, चमकते कुण्डलों की आभा से सुशोभित कपोलों वाले अपने अत्यंत मनोहर मुखों को प्रसन्न मन से निहारते हैं।

श्लोक 5 (bhagavata.5.25.5)

यस्यैव हि नागराजकुमार्य आशिष आशासानाश्चार्वङ्गवलयविलसितविशद विपुलधवलसुभगरुचिरभुजरजतस्तम्भेष्वगुरुचन्दनकुङ्कुमपङ्कानुलेपेनावलिम्पमानास्तदभिमर्शनोन्मथितहृदयमकरध्वजावेशरुचिरललितस्मितास्तदनुरागमदमुदितमद् विघूर्णितारुणकरुणावलोकनयनवदनारविन्दं सव्रीडं किल विलोकयन्ति ॥ ५ ॥

yasyaiva hi nāga-rāja-kumārya āśiṣa āśāsānāś cārv-aṅga-valaya-vilasita-viśada-vipula-dhavala-subhaga-rucira-bhuja-rajata-stambheṣv aguru-candana-kuṅkuma-paṅkānulepenāvalimpamānās tad-abhimarśanonmathita-hṛdaya-makara-dhvajāveśa-rucira-lalita-smitās tad-anurāgamada-mudita-mada-vighūrṇitāruṇa-karuṇāvaloka-nayana-vadanāravindaṁ savrīḍaṁ kila vilokayanti.

जिनके नागराज-कुमारियाँ, उनका आशीर्वाद चाहती हुई, चाँदी के स्तम्भों के समान सुन्दर, विशाल, श्वेत, कान्तिमान, कंकणों से सुशोभित उनकी भुजाओं पर अगुरु, चन्दन और कुंकुम का लेप करती हुई, उस स्पर्श से जागृत कामदेव के भाव से हृदय व्याकुल होने पर सुन्दर मुस्कान बिखेरती हुई, लज्जा के साथ, प्रेम के मद से घूमती हुई अरुण, करुणा भरी आँखों वाले उनके मुखकमल को निहारती हैं।

श्लोक 6 (bhagavata.5.25.6)

स एव भगवाननन्तोऽनन्तगुणार्णव आदिदेव उपसंहृतामर्षरोषवेगो लोकानां स्वस्तय आस्ते ॥ ६ ॥

sa eva bhagavān ananto ’nanta-guṇārṇava ādi-deva upasaṁhṛtāmarṣa-roṣa-vego lokānāṁ svastaya āste.

वे ही भगवान अनन्त, अनन्त गुणों के समुद्र, आदिदेव, अपने क्रोध और असहनशीलता के वेग को समेटकर, समस्त लोकों के कल्याण के लिए विराजमान रहते हैं।

श्लोक 7 (bhagavata.5.25.7)

ध्यायमानः सुरासुरोरगसिद्धगन्धर्वविद्याधरमुनिगणैरनवरतमदमुदितविकृतविह्वललोचनः सुललितमुखरिकामृतेनाप्यायमानः स्वपार्षदविबुधयूथपतीनपरिम्लानरागनवतुलसिकामोदमध्वासवेन माद्यन्मधुकरव्रातमधुरगीतश्रियं वैजयन्तीं स्वां वनमालां नीलवासा एककुण्डलो हलककुदि कृतसुभगसुन्दरभुजो भगवान्महेन्द्रो वारणेन्द्र इव काञ्चनीं कक्षामुदारलीलो बिभर्ति ॥ ७ ॥

dhyāyamānaḥ surāsuroraga-siddha-gandharva-vidyādhara-muni-gaṇair anavarata-mada-mudita-vikṛta-vihvala-locanaḥ sulalita-mukharikāmṛtenāpyāyamānaḥ sva-pārṣada-vibudha-yūtha-patīn aparimlāna-rāga-nava-tulasikāmoda-madhv-āsavena mādyan madhukara-vrāta-madhura-gīta-śriyaṁ vaijayantīṁ svāṁ vanamālāṁ nīla-vāsā eka-kuṇḍalo hala-kakudi kṛta-subhaga-sundara-bhujo bhagavān mahendro vāraṇendra iva kāñcanīṁ kakṣām udāra-līlo bibharti.

देव, दानव, नाग, सिद्ध, गन्धर्व, विद्याधर और मुनियों के समूहों द्वारा ध्यान किए जाते हुए, आनन्द-मद से सतत विह्वल नेत्रों वाले, उनके सुललित मुख-वचनामृत से तृप्त होते हुए अपने पार्षद देव-गणों को प्रसन्न करने वाले भगवान, नित-नूतन तुलसी की सुगन्ध से मत्त भ्रमर-समूहों की मधुर गुंजार से सुशोभित अपनी वैजयन्ती वनमाला को उदार लीला से धारण करते हैं; नील वस्त्र पहने, एक ही कुण्डल धारण किए, हल को कंधे पर रखे सुन्दर भुजाओं वाले, महेन्द्र के समान गौरवर्ण भगवान गजराज के समान स्वर्णिम करधनी धारण करते हैं।

श्लोक 8 (bhagavata.5.25.8)

य एष एवमनुश्रुतो ध्यायमानो मुमुक्षूणामनादिकालकर्मवासनाग्रथितमविद्यामयं हृदयग्रन्थिं सत्त्वरजस्तमोमयमन्तर्हृदयं गत आशु निर्भिनत्ति तस्यानुभावान् भगवान् स्वायम्भुवो नारदः सह तुम्बुरुणा सभायां ब्रह्मणः संश्लोकयामास ॥ ८ ॥

ya eṣa evam anuśruto dhyāyamāno mumukṣūṇām anādi-kāla-karma-vāsanā-grathitam avidyāmayaṁ hṛdaya-granthiṁ sattva-rajas-tamomayam antar-hṛdayaṁ gata āśu nirbhinatti tasyānubhāvān bhagavān svāyambhuvo nāradaḥ saha tumburuṇā sabhāyāṁ brahmaṇaḥ saṁślokayām āsa.

इस प्रकार श्रवण और ध्यान किए जाने पर यह भगवान शीघ्र ही हृदय में प्रवेश कर, मुमुक्षुओं के हृदय की अनादि काल से कर्म-वासना द्वारा गाँठ बनी, सत्त्व-रज-तम से युक्त अविद्यामय ग्रन्थि को भेद देते हैं। स्वायम्भुव भगवान नारद ने तुम्बुरु सहित ब्रह्मा की सभा में उनकी महिमा का श्लोकों में गान किया है।

श्लोक 9 (bhagavata.5.25.9)

उत्पत्तिस्थितिलयहेतवोऽस्य कल्पाः सत्त्वाद्याः प्रकृतिगुणा यदीक्षयाऽऽसन्॒ । यद्रूपं ध्रुवमकृतं यदेकमात्मन् नानाधात्कथमु ह वेद तस्य वर्त्म ॥ ९ ॥

utpatti-sthiti-laya-hetavo ’sya kalpāḥ sattvādyāḥ prakṛti-guṇā yad-īkṣayāsan yad-rūpaṁ dhruvam akṛtaṁ yad ekam ātman nānādhāt katham u ha veda tasya vartma

जिनकी द‍ृष्टि मात्र से कल्प तथा सत्त्व आदि प्रकृति के गुण इस सृष्टि की उत्पत्ति, स्थिति और प्रलय के कारण बन जाते हैं; जिनका रूप नित्य, अकृत और एक है — नाना रूपों में बँटा हुआ कोई भला उनका मार्ग कैसे जान सकता है?

श्लोक 10 (bhagavata.5.25.10)

मूर्तिं नः पुरुकृपया बभार सत्त्वं संशुद्धं सदसदिदं विभाति तत्र । यल्लीलां मृगपतिराददेऽनवद्या- मादातुं स्वजनमनांस्युदारवीर्यः ॥ १० ॥

mūrtiṁ naḥ puru-kṛpayā babhāra sattvaṁ saṁśuddhaṁ sad-asad idaṁ vibhāti tatra yal-līlāṁ mṛga-patir ādade ’navadyām ādātuṁ svajana-manāṁsy udāra-vīryaḥ

अत्यंत करुणावश उन्होंने हमारे लिए शुद्ध सत्त्वमय रूप धारण किया, जिसमें यह सत्-असत् जगत् प्रकाशित होता है; उदार पराक्रम वाले उन्हीं भगवान ने अपने भक्तों के मन को जीतने के लिए मृगपति (नृसिंह) की निर्दोष लीला भी धारण की।

श्लोक 11 (bhagavata.5.25.11)

यन्नाम श्रुतमनुकीर्तयेदकस्मा- दार्तो वा यदि पतितः प्रलम्भनाद्वा । हन्त्यंहः सपदि नृणामशेषमन्यं कं शेषाद्भगवत आश्रयेन्मुमुक्षुः ॥ ११ ॥

yan-nāma śrutam anukīrtayed akasmād ārto vā yadi patitaḥ pralambhanād vā hanty aṁhaḥ sapadi nṛṇām aśeṣam anyaṁ kaṁ śeṣād bhagavata āśrayen mumukṣuḥ

जिनका सुना हुआ नाम, यदि कोई पीड़ित अथवा छल से गिरा हुआ पुरुष भी अनायास कीर्तन कर दे, तो तत्काल उसका तथा किसी अन्य का भी समस्त पाप नष्ट कर देता है — मुमुक्षु पुरुष शेष के अतिरिक्त और किसका आश्रय ले?

श्लोक 12 (bhagavata.5.25.12)

मूर्धन्यर्पितमणुवत्सहस्रमूर्ध्नो भूगोलं सगिरिसरित्समुद्रसत्त्वम् । आनन्त्यादनिमितविक्रमस्य भूम्नः को वीर्याण्यधिगणयेत्सहस्रजिह्वः ॥ १२ ॥

mūrdhany arpitam aṇuvat sahasra-mūrdhno bhū-golaṁ sagiri-sarit-samudra-sattvam ānantyād animita-vikramasya bhūmnaḥ ko vīryāṇy adhi gaṇayet sahasra-jihvaḥ

जिनके सहस्र मस्तकों में से एक ही मस्तक पर पर्वत, नदी, समुद्र और प्राणियों सहित यह भूगोल एक परमाणु के समान रखा हुआ प्रतीत होता है — उन अनन्त, अपरिमित पराक्रम वाले भगवान के गुणों को सहस्र जिह्वाओं वाला भी कौन गिन सकता है?

श्लोक 13 (bhagavata.5.25.13)

एवम्प्रभावो भगवाननन्तो दुरन्तवीर्योरुगुणानुभावः । मूले रसायाः स्थित आत्मतन्त्रो यो लीलया क्ष्मां स्थितये बिभर्ति ॥ १३ ॥

evam-prabhāvo bhagavān ananto duranta-vīryoru-guṇānubhāvaḥ mūle rasāyāḥ sthita ātma-tantro yo līlayā kṣmāṁ sthitaye bibharti

इस प्रकार अपरिमित पराक्रम और महान् गुणों वाले, आत्मतन्त्र भगवान अनन्त की महिमा है, जो रसातल के मूल में स्थित होकर लीला-मात्र से पृथ्वी को उसकी स्थिति में धारण किए हुए हैं।

श्लोक 14 (bhagavata.5.25.14)

एता ह्येवेह नृभिरुपगन्तव्या गतयो यथाकर्मविनिर्मिता यथोपदेशमनुवर्णिताः कामान् कामयमानैः ॥ १४ ॥

etā hy eveha nṛbhir upagantavyā gatayo yathā-karma-vinirmitā yathopadeśam anuvarṇitāḥ kāmān kāmayamānaiḥ.

ये ही वे गतियाँ हैं, जिन्हें कामनाओं की इच्छा करने वाले मनुष्यों को यहाँ अपने-अपने कर्मों के अनुसार प्राप्त करना पड़ता है, जिनका वर्णन उपदेश के अनुसार किया गया है।

श्लोक 15 (bhagavata.5.25.15)

एतावतीर्हि राजन् पुंसः प्रवृत्तिलक्षणस्य धर्मस्य विपाकगतय उच्चावचा विसदृशा यथाप्रश्नं व्याचख्ये किमन्यत्कथयाम इति ॥ १५ ॥

etāvatīr hi rājan puṁsaḥ pravṛtti-lakṣaṇasya dharmasya vipāka-gataya uccāvacā visadṛśā yathā-praśnaṁ vyācakhye kim anyat kathayāma iti.

हे राजन्! प्रवृत्ति-लक्षण धर्म के मनुष्य के लिए ये विविध, ऊँची-नीची, असमान परिणति-गतियाँ, आपके प्रश्न के अनुसार वर्णित की गई हैं — अब और क्या कहूँ?