राजा नाभि और मेरुदेवी के गर्भ में ऋषभदेव का अवतरण

श्लोक 1 (bhagavata.5.3.1)

श्रीशुक उवाच नाभिरपत्यकामोऽप्रजया मेरुदेव्या भगवन्तं यज्ञपुरुषमवहितात्मायजत ॥ १ ॥

śrī-śuka uvāca nābhir apatya-kāmo ’prajayā merudevyā bhagavantaṁ yajña-puruṣam avahitātmāyajata.

श्रीशुकदेव ने कहा — सन्तान की कामना से राजा नाभि ने अपनी निःसन्तान पत्नी मेरुदेवी के साथ एकाग्रचित्त होकर यज्ञपुरुष भगवान विष्णु का यजन किया।

श्लोक 2 (bhagavata.5.3.2)

तस्य ह वाव श्रद्धया विशुद्धभावेन यजतः प्रवर्ग्येषु प्रचरत्सु द्रव्यदेशकालमन्त्रर्त्विग्दक्षिणाविधानयोगोपपत्त्या दुरधिगमोऽपि भगवान् भागवतवात्सल्यतया सुप्रतीक आत्मानमपराजितं निजजनाभिप्रेतार्थविधित्सया गृहीतहृदयो हृदयङ्गमं मनोनयनानन्दनावयवाभिराममाविश्चकार ॥ २ ॥

tasya ha vāva śraddhayā viśuddha-bhāvena yajataḥ pravargyeṣu pracaratsu dravya-deśa-kāla-mantrartvig-dakṣiṇā-vidhāna-yogopapattyā duradhigamo ’pi bhagavān bhāgavata-vātsalyatayā supratīka ātmānam aparājitaṁ nija-janābhipretārtha-vidhitsayā gṛhīta-hṛdayo hṛdayaṅgamaṁ mano-nayanānandanāvayavābhirāmam āviścakāra.

जब वे श्रद्धापूर्वक शुद्ध भाव से यज्ञ कर रहे थे और प्रवर्ग्य आदि यज्ञ-कर्म चल रहे थे, तब यद्यपि भगवान को समुचित द्रव्य, देश, काल, मन्त्र, ऋत्विक् और दक्षिणा के विधान-योग से भी प्राप्त करना दुर्लभ है, तथापि अपने भक्तों के प्रति वात्सल्य के कारण, सुन्दर स्वरूप वाले वे अजेय भगवान, अपने भक्त की अभीष्ट कामना पूर्ण करने की इच्छा से हृदय में द्रवित होकर, हृदयग्राही, मन-नेत्रों को आनन्दित करने वाले तथा सुन्दर अंगों से युक्त अपने साक्षात् स्वरूप में प्रकट हो गए।

श्लोक 3 (bhagavata.5.3.3)

अथ ह तमाविष्कृतभुजयुगलद्वयं हिरण्मयं पुरुषविशेषं कपिशकौशेयाम्बरधरमुरसि विलसच्छ्रीवत्सललामं दरवरवनरुहवनमालाच्छूर्यमृतमणिगदादिभिरुपलक्षितं स्फुटकिरणप्रवरमुकुटकुण्डलकटककटिसूत्रहारकेयूरनूपुराद्यङ्गभूषणविभूषितमृत्विक् सदस्यगृहपतयोऽधना इवोत्तमधनमुपलभ्य सबहुमानमर्हणेनावनतशीर्षाण उपतस्थुः ॥ ३ ॥

atha ha tam āviṣkṛta-bhuja-yugala-dvayaṁ hiraṇmayaṁ puruṣa-viśeṣaṁ kapiśa-kauśeyāmbara-dharam urasi vilasac-chrīvatsa-lalāmaṁ daravara-vanaruha-vana-mālācchūry-amṛta-maṇi-gadādibhir upalakṣitaṁ sphuṭa-kiraṇa-pravara-mukuṭa-kuṇḍala-kaṭaka-kaṭi-sūtra-hāra-keyūra-nūpurādy-aṅga-bhūṣaṇa-vibhūṣitam ṛtvik-sadasya-gṛha-patayo ’dhanā ivottama-dhanam upalabhya sabahu-mānam arhaṇenāvanata-śīrṣāṇa upatasthuḥ.

तब उन्होंने अपनी चार भुजाओं वाले, स्वर्ण-सदृश कान्तिवाले, विशिष्ट पुरुष-रूप को प्रकट किया, जो पीले रेशमी वस्त्र धारण किए, वक्षस्थल पर देदीप्यमान श्रीवत्स-चिह्न से सुशोभित, शंख, कमल, चक्र, गदा तथा वनमाला और कौस्तुभ-मणि से युक्त, तथा देदीप्यमान किरणों वाले उत्तम मुकुट, कुण्डल, कंकण, करधनी, हार, बाजूबन्द, नूपुर आदि आभूषणों से अलंकृत था। उन्हें प्रत्यक्ष देखकर ऋत्विक्गण, सभासद तथा गृहपति (राजा नाभि) ऐसे प्रसन्न हुए मानो कोई निर्धन पुरुष अचानक महान धन पा जाए, और उन्होंने बड़े आदरपूर्वक सिर झुकाकर अर्घ्यादि से उनकी उपासना की।

श्लोक 4 (bhagavata.5.3.4)

ऋत्विज ऊचुः अर्हसि मुहुरर्हत्तमार्हणमस्माकमनुपथानां नमो नम इत्येतावत्सदुपशिक्षितं कोऽर्हति पुमान् प्रकृतिगुणव्यतिकरमतिरनीश ईश्वरस्य परस्य प्रकृतिपुरुषयोरर्वाक्तनाभिर्नामरूपाकृतिभी रूपनिरूपणम् ॥ ४ ॥

ṛtvija ūcuḥ arhasi muhur arhattamārhaṇam asmākam anupathānāṁ namo nama ity etāvat sad-upaśikṣitaṁ ko ’rhati pumān prakṛti-guṇa-vyatikara-matir anīśa īśvarasya parasya prakṛti-puruṣayor arvāktanābhir nāma-rūpākṛtibhī rūpa-nirūpaṇam

ऋत्विजों ने कहा — हे परम पूज्य! आप बार-बार हमारी पूजा स्वीकार करने योग्य हैं; हम तो आपके अनुगामी मात्र हैं, और हमें बस इतना ही सिखाया गया है कि बार-बार आपको नमस्कार करें। प्रकृति के गुणों के परस्पर मिश्रण में उलझी बुद्धि वाला, स्वयं अनीश्वर कौन-सा पुरुष प्रकृति और पुरुष दोनों से परे परमेश्वर के स्वरूप का निरूपण उन नाम-रूप-आकृतियों के आधार पर करने योग्य हो सकता है, जो उनसे नीचे के तत्त्वों से लिए गए हों?

श्लोक 5 (bhagavata.5.3.5)

सकलजननिकायवृजिननिरसनशिवतमप्रवरगुणगणैकदेशकथनादृते ॥ ५ ॥

sakala-jana-nikāya-vṛjina-nirasana-śivatama-pravara-guṇa-gaṇaika-deśa-kathanād ṛte.

यह तो केवल आपके उन परम मंगलमय एवं श्रेष्ठ गुणों के एक अंश का ही वर्णन कर सकते हैं, जो समस्त प्राणी-समुदाय के पापों का नाश करने वाले हैं।

श्लोक 6 (bhagavata.5.3.6)

परिजनानुरागविरचितशबलसंशब्दसलिलसितकिसलयतुलसिकादूर्वाङ्कुरैरपि सम्भृतया सपर्यया किल परम परितुष्यसि ॥ ६ ॥

parijanānurāga-viracita-śabala-saṁśabda-salila-sita-kisalaya-tulasikā-dūrvāṅkurair api sambhṛtayā saparyayā kila parama parituṣyasi.

हे परमेश्वर! आप तो अपने परिजनों के प्रेम से गद्गद वाणी में, जल, श्वेत कोंपलों, तुलसीदल और दूर्वांकुर मात्र से संपन्न सरल पूजा से भी परम सन्तुष्ट हो जाते हैं।

श्लोक 7 (bhagavata.5.3.7)

अथानयापि न भवत इज्ययोरुभारभरया समुचितमर्थमिहोपलभामहे ॥ ७ ॥

athānayāpi na bhavata ijyayoru-bhāra-bharayā samucitam artham ihopalabhāmahe.

फिर भी, इस बड़े भार वाले यज्ञ-अनुष्ठान से भी हम आपके योग्य कोई समुचित प्रतिफल यहाँ प्राप्त करते नहीं दिखते।

श्लोक 8 (bhagavata.5.3.8)

आत्मन एवानुसवनमञ्जसाव्यतिरेकेण बोभूयमानाशेषपुरुषार्थस्वरूपस्य किन्तु नाथाशिष आशासानानामेतदभिसंराधनमात्रं भवितुमर्हति ॥ ८ ॥

ātmana evānusavanam añjasāvyatirekeṇa bobhūyamānāśeṣa-puruṣārtha-svarūpasya kintu nāthāśiṣa āśāsānānām etad abhisaṁrādhana-mātraṁ bhavitum arhati.

क्योंकि आप स्वयं ही अनन्त पुरुषार्थों के साक्षात् स्वरूप हैं, जो अपने-आप में क्षण-प्रतिक्षण अखण्ड रूप से बढ़ते रहते हैं; परन्तु हे नाथ! यह यज्ञ तो हम जैसे आशा रखने वालों के लिए केवल आपको सन्तुष्ट करने का एक साधन-मात्र हो सकता है।

श्लोक 9 (bhagavata.5.3.9)

तद्यथा बालिशानां स्वयमात्मनः श्रेयः परमविदुषां परमपरमपुरुष प्रकर्षकरुणया स्वमहिमानं चापवर्गाख्यमुपकल्पयिष्यन् स्वयं नापचित एवेतरवदिहोपलक्षितः ॥ ९ ॥

tad yathā bāliśānāṁ svayam ātmanaḥ śreyaḥ param aviduṣāṁ parama-parama-puruṣa prakarṣa-karuṇayā sva-mahimānaṁ cāpavargākhyam upakalpayiṣyan svayaṁ nāpacita evetaravad ihopalakṣitaḥ.

हे परम-परम पुरुष! हम बालकों के समान अपने ही सर्वोच्च कल्याण से अनभिज्ञ हैं। आप स्वयं ही, अपनी असीम करुणा से, अपनी उस महिमा को — जो मुक्ति कहलाती है — हमें प्रदान करने के लिए यहाँ प्रकट हुए हैं; अन्यथा हम जैसे अज्ञानियों द्वारा तो आपकी पूजा में कोई त्रुटि ही रह जाती, फिर भी आपने इसे किसी सामान्य पूजा की भाँति ही ग्रहण कर लिया।

श्लोक 10 (bhagavata.5.3.10)

अथायमेव वरो ह्यर्हत्तम यर्हि बर्हिषि राजर्षेर्वरदर्षभो भवान्निजपुरुषेक्षणविषय आसीत् ॥ १० ॥

athāyam eva varo hy arhattama yarhi barhiṣi rājarṣer varadarṣabho bhavān nija-puruṣekṣaṇa-viṣaya āsīt.

हे परम पूज्य! सबसे बड़े वरदाता आप, इस राजर्षि (नाभि) के यज्ञमण्डप में स्वयं हमारे नेत्रों के विषय बने — यही हमारे लिए सबसे बड़ा वरदान है।

श्लोक 11 (bhagavata.5.3.11)

असङ्गनिशितज्ञानानलविधूताशेषमलानां भवत्स्वभावानामात्मारामाणां मुनीनामनवरतपरिगुणितगुणगण परममङ्गलायनगुणगणकथनोऽसि ॥ ११ ॥

asaṅga-niśita-jñānānala-vidhūtāśeṣa-malānāṁ bhavat-svabhāvānām ātmārāmāṇāṁ munīnām anavarata-pariguṇita-guṇa-gaṇa parama-maṅgalāyana-guṇa-gaṇa-kathano ’si.

हे अनन्त गुण-समूहों वाले! जिन मुनियों ने वैराग्य के तीक्ष्ण ज्ञान-अग्नि से अपने समस्त मल जला डाले हैं, जो आपके ही स्वभाव को प्राप्त हो चुके हैं और आत्मा में ही रमण करते हैं, वे भी निरन्तर आपके गुणों का ही कीर्तन करते रहते हैं — क्योंकि आप ही समस्त परम मंगल के आश्रय-स्वरूप गुण-समूह हैं।

श्लोक 12 (bhagavata.5.3.12)

अथ कथञ्चित्स्खलनक्षुत्पतनजृम्भणदुरवस्थानादिषु विवशानां नः स्मरणाय ज्वरमरणदशायामपि सकलकश्मलनिरसनानि तव गुणकृतनामधेयानि वचनगोचराणि भवन्तु ॥ १२ ॥

atha kathañcit skhalana-kṣut-patana-jṛmbhaṇa-duravasthānādiṣu vivaśānāṁ naḥ smaraṇāya jvara-maraṇa-daśāyām api sakala-kaśmala-nirasanāni tava guṇa-kṛta-nāmadheyāni vacana-gocarāṇi bhavantu.

हम पर कभी लड़खड़ाने, भूख लगने, गिर पड़ने, जँभाई लेने या किसी विषम परिस्थिति में असहाय होने का, अथवा ज्वरग्रस्त मृत्यु के समय भी, आपका स्मरण बना रहे — इसी हेतु आपके गुणों से रचे गए आपके नाम, जो समस्त पापों का नाश करने वाले हैं, सदा हमारी वाणी पर बने रहें।

श्लोक 13 (bhagavata.5.3.13)

किञ्चायं राजर्षिरपत्यकामः प्रजां भवादृशीमाशासान ईश्वरमाशिषां स्वर्गापवर्गयोरपि भवन्तमुपधावति प्रजायामर्थप्रत्ययो धनदमिवाधनः फलीकरणम् ॥ १३ ॥

kiñcāyaṁ rājarṣir apatya-kāmaḥ prajāṁ bhavādṛśīm āśāsāna īśvaram āśiṣāṁ svargāpavargayor api bhavantam upadhāvati prajāyām artha-pratyayo dhanadam ivādhanaḥ phalīkaraṇam.

और यह राजर्षि नाभि, सन्तान की कामना से आपके ही समान पुत्र की आशा रखते हुए, स्वर्ग और मोक्ष के भी स्वामी आप के पास आए हैं — यह तो वैसा ही है जैसे कोई निर्धन धनपति के पास केवल फल-मात्र की याचना करने चला जाए, जबकि वह उससे कहीं अधिक देने में समर्थ हो।

श्लोक 14 (bhagavata.5.3.14)

को वा इह तेऽपराजितोऽपराजितया माययानवसितपदव्यानावृतमतिर्विषयविषरयानावृतप्रकृतिरनुपासितमहच्चरणः ॥ १४ ॥

ko vā iha te ’parājito ’parājitayā māyayānavasita-padavyānāvṛta-matir viṣaya-viṣa-rayānāvṛta-prakṛtir anupāsita-mahac-caraṇaḥ.

भला इस संसार में ऐसा कौन है, जो महापुरुषों के चरणों की उपासना किए बिना आपकी उस अजेय माया से, जिसका मार्ग समझ में ही नहीं आता, पराजित न हुआ हो — जिसकी बुद्धि आवृत न हुई हो, और जिसका स्वभाव विषय-रूपी विष के प्रवाह से ढका न गया हो?

श्लोक 15 (bhagavata.5.3.15)

यदु ह वाव तव पुनरदभ्रकर्तरिह समाहूतस्तत्रार्थधियां मन्दानां नस्तद्यद्देवहेलनं देवदेवार्हसि साम्येन सर्वान् प्रतिवोढुमविदुषाम् ॥ १५ ॥

yad u ha vāva tava punar adabhra-kartar iha samāhūtas tatrārtha-dhiyāṁ mandānāṁ nas tad yad deva-helanaṁ deva-devārhasi sāmyena sarvān prativoḍhum aviduṣām.

हे अद्भुत कर्मों वाले! फिर भी, हमने अल्पबुद्धि होकर, स्वार्थ-सिद्धि के लिए ही आपको यहाँ इस यज्ञ में आमन्त्रित किया है — यह भी तो आपका अपमान ही है। अतः हे देवाधिदेव! अज्ञानी हम सब पर समभाव रखते हुए हमारा यह अपराध क्षमा करने योग्य आप ही हैं।

श्लोक 16 (bhagavata.5.3.16)

श्रीशुक उवाच इति निगदेनाभिष्टूयमानो भगवाननिमिषर्षभो वर्षधराभिवादिताभिवन्दितचरणः सदयमिदमाह ॥ १६ ॥

śrī-śuka uvāca iti nigadenābhiṣṭūyamāno bhagavān animiṣarṣabho varṣa-dharābhivāditābhivandita-caraṇaḥ sadayam idam āha.

श्रीशुकदेव ने कहा — इस प्रकार गद्य-वाणी में स्तुति किए जाते हुए, तथा उस भूमि के अधिपति (राजा नाभि) द्वारा जिनके चरणों की वन्दना की गई थी, वे देवताओं में श्रेष्ठ भगवान करुणापूर्वक इस प्रकार बोले।

श्लोक 17 (bhagavata.5.3.17)

श्रीभगवानुवाच अहो बताहमृषयो भवद्भिरवितथगीर्भिर्वरमसुलभमभियाचितो यदमुष्यात्मजो मया सदृशो भूयादिति ममाहमेवाभिरूपः कैवल्यादथापि ब्रह्मवादो न मृषा भवितुमर्हति ममैव हि मुखं यद् द्विजदेवकुलम् ॥ १७ ॥

śrī-bhagavān uvāca aho batāham ṛṣayo bhavadbhir avitatha-gīrbhir varam asulabham abhiyācito yad amuṣyātmajo mayā sadṛśo bhūyād iti mamāham evābhirūpaḥ kaivalyād athāpi brahma-vādo na mṛṣā bhavitum arhati mamaiva hi mukhaṁ yad dvija-deva-kulam.

श्रीभगवान ने कहा — हे ऋषियो! आपने सत्यवचनों से मुझसे यह अत्यन्त दुर्लभ वर माँगा है कि इनका पुत्र मेरे समान हो — किन्तु मैं तो अद्वितीय होने के कारण स्वयं ही अपने समान हूँ। फिर भी, ब्राह्मणों का वचन मिथ्या नहीं हो सकता, क्योंकि द्विजदेवों का यह कुल तो साक्षात् मेरा ही मुख है।

श्लोक 18 (bhagavata.5.3.18)

तत आग्नीध्रीयेंऽशकलयावतरिष्याम्यात्मतुल्यमनुपलभमानः ॥ १८ ॥

tata āgnīdhrīye ’ṁśa-kalayāvatariṣyāmy ātma-tulyam anupalabhamānaḥ.

अतः, अपने समान किसी अन्य को न पाकर, मैं स्वयं ही अपने अंश-कला से आग्नीध्र के पुत्र (नाभि) के यहाँ अवतरित होऊँगा।

श्लोक 19 (bhagavata.5.3.19)

श्रीशुक उवाच इति निशामयन्त्या मेरुदेव्याः पतिमभिधायान्तर्दधे भगवान् ॥ १९ ॥

śrī-śuka uvāca iti niśāmayantyā merudevyāḥ patim abhidhāyāntardadhe bhagavān.

श्रीशुकदेव ने कहा — यह कहकर, मेरुदेवी के पति (राजा नाभि) को सम्बोधित करते हुए, तथा यह सब सुनती हुई मेरुदेवी के समक्ष ही, भगवान अन्तर्धान हो गए।

श्लोक 20 (bhagavata.5.3.20)

बर्हिषि तस्मिन्नेव विष्णुदत्त भगवान् परमर्षिभिः प्रसादितो नाभेः प्रियचिकीर्षया तदवरोधायने मेरुदेव्यां धर्मान्दर्शयितुकामो वातरशनानां श्रमणानामृषीणामूर्ध्वमन्थिनां शुक्लया तनुवावततार ॥ २० ॥

barhiṣi tasminn eva viṣṇudatta bhagavān paramarṣibhiḥ prasādito nābheḥ priya-cikīrṣayā tad-avarodhāyane merudevyāṁ dharmān darśayitu-kāmo vāta-raśanānāṁ śramaṇānām ṛṣīṇām ūrdhva-manthināṁ śuklayā tanuvāvatatāra.

हे विष्णुदत्त (परीक्षित)! उसी यज्ञमण्डप में महर्षियों द्वारा प्रसन्न किए गए भगवान ने, राजा नाभि को प्रसन्न करने की इच्छा से तथा वात-रशना (दिगम्बर) श्रमणों, ऋषियों और ऊर्ध्वरेता मुनियों के धर्म को साक्षात् दिखलाने की कामना से, उनकी पत्नी मेरुदेवी के गर्भ में अपने शुद्ध, त्रिगुणातीत स्वरूप में अवतार लिया।