नारायण-कवच

श्लोक 1 (bhagavata.6.8.1)

श्रीराजोवाच यया गुप्तः सहस्राक्षः सवाहान् रिपुसैनिकान् । क्रीडन्निव विनिर्जित्य त्रिलोक्या बुभुजे श्रियम् ॥ 8.1 ॥

śrī-rājovāca yayā guptaḥ sahasrākṣaḥ savāhān ripu-sainikān krīḍann iva vinirjitya tri-lokyā bubhuje śriyam

राजा ने कहा — कृपया मुझे वह कवच बताइए, जिसकी रक्षा से सहस्राक्ष इन्द्र ने अपने शत्रु सैनिकों को उनके वाहनों सहित मानो क्रीड़ा करते हुए ही जीत लिया और तत्पश्चात् तीनों लोकों के ऐश्वर्य का उपभोग किया —

श्लोक 2 (bhagavata.6.8.2)

भगवंस्तन्ममाख्याहि वर्म नारायणात्मकम् । यथाततायिनः शत्रून्येन गुप्तोऽजयन्मृधे ॥ 8.2 ॥

bhagavaṁs tan mamākhyāhi varma nārāyaṇātmakam yathātatāyinaḥ śatrūn yena gupto ’jayan mṛdhe

— हे भगवन्, वह नारायणस्वरूप कवच मुझे बताइए, जिसे धारण करके इन्द्र ने शस्त्र उठाकर आए हुए शत्रुओं को भी युद्ध में जीत लिया था।

श्लोक 3 (bhagavata.6.8.3)

श्रीबादरायणिरुवाच वृतः पुरोहितस्त्वाष्ट्रो महेन्द्रायानुपृच्छते । नारायणाख्यं वर्माह तदिहैकमनाः शृणु ॥ 8.3 ॥

śrī-bādarāyaṇir uvāca vṛtaḥ purohitas tvāṣṭro mahendrāyānupṛcchate nārāyaṇākhyaṁ varmāha tad ihaika-manāḥ śṛṇu

श्री बादरायणि ने कहा — पुरोहित रूप में वृत त्वष्टापुत्र विश्वरूप से महेन्द्र के इस प्रकार पूछने पर, उन्होंने नारायण नामक कवच का वर्णन किया; हे राजन्, अब उसे एकाग्रचित्त होकर सुनो।

श्लोक 4 (bhagavata.6.8.4)

श्रीविश्वरूप उवाच धौताङ्घ्रिपाणिराचम्य सपवित्र उदङ्मुखः । कृतस्वाङ्गकरन्यासो मन्त्राभ्यां वाग्यतः शुचिः ॥ 8.4 ॥

śrī-viśvarūpa uvāca dhautāṅghri-pāṇir ācamya sapavitra udaṅ-mukhaḥ kṛta-svāṅga-kara-nyāso mantrābhyāṁ vāg-yataḥ śuciḥ

श्री विश्वरूप ने कहा — हाथ-पैर धोकर, आचमन कर, पवित्री धारण किए उत्तराभिमुख होकर, मौन और पवित्र रहते हुए दो मंत्रों द्वारा अपने अंगों और हाथों पर न्यास करना चाहिए।

श्लोक 5 (bhagavata.6.8.5)

नारायणपरं वर्म सन्नह्येद् भय आगते । पादयोर्जानुनोरूर्वोरुदरे हृद्यथोरसि ॥ 8.5 ॥

nārāyaṇa-paraṁ varma sannahyed bhaya āgate pādayor jānunor ūrvor udare hṛdy athorasi

भय आने पर नारायण के इस परम कवच को धारण करना चाहिए — पैरों पर, घुटनों पर, जंघाओं पर, उदर पर, हृदय पर तथा वक्षस्थल पर,

श्लोक 6 (bhagavata.6.8.6)

मुखे शिरस्यानुपूर्व्यादोंङ्कारादीनि विन्यसेत् । ॐ नमो नारायणायेति विपर्ययमथापि वा ॥ 8.6 ॥

mukhe śirasy ānupūrvyād oṁkārādīni vinyaset oṁ namo nārāyaṇāyeti viparyayam athāpi vā

तथा मुख और शिर पर क्रमशः ओंकार आदि अक्षरों का — अर्थात् "ॐ नमो नारायणाय" मंत्र का — या फिर विपरीत क्रम से भी न्यास करना चाहिए।

श्लोक 7 (bhagavata.6.8.7)

करन्यासं ततः कुर्याद् द्वादशाक्षरविद्यया । प्रणवादियकारान्तमङ्गुल्यङ्गुष्ठपर्वसु ॥ 8.7 ॥

kara-nyāsaṁ tataḥ kuryād dvādaśākṣara-vidyayā praṇavādi-ya-kārāntam aṅguly-aṅguṣṭha-parvasu

तत्पश्चात् द्वादशाक्षर मंत्र द्वारा — जो प्रणव से लेकर "य" अक्षर तक है — अंगुलियों और अंगूठे के पर्वों पर करन्यास करना चाहिए।

श्लोक 8 (bhagavata.6.8.8)

न्यसेद्धृदय ओंङ्कारं विकारमनु मूर्धनि । षकारं तु भ्रुवोर्मध्ये णकारं शिखया न्यसेत् ॥ 8.8 ॥

nyased dhṛdaya oṁkāraṁ vi-kāram anu mūrdhani ṣa-kāraṁ tu bhruvor madhye ṇa-kāraṁ śikhayā nyaset

हृदय पर ओंकार का, मस्तक पर "वि" अक्षर का, भौंहों के मध्य "ष" अक्षर का, तथा शिखा पर "ण" अक्षर का न्यास करना चाहिए।

श्लोक 9 (bhagavata.6.8.9)

वेकारं नेत्रयोर्युञ्ज्यान्नकारं सर्वसन्धिषु । मकारमस्त्रमुद्दिश्य मन्त्रमूर्तिर्भवेद् बुधः ॥ 8.9 ॥

ve-kāraṁ netrayor yuñjyān na-kāraṁ sarva-sandhiṣu ma-kāram astram uddiśya mantra-mūrtir bhaved budhaḥ

"वे" अक्षर को नेत्रों से युक्त करे और "न" अक्षर को शरीर के सभी संधिस्थानों पर लगाए, तथा "म" अक्षर को अस्त्र मानकर निर्दिष्ट करे — इस प्रकार बुद्धिमान् साधक मंत्र का साक्षात् स्वरूप बन जाता है।

श्लोक 10 (bhagavata.6.8.10)

सविसर्गं फडन्तं तत्सर्वदिक्षु विनिर्दिशेत् । ॐ विष्णवे नम इति ॥ 8.10 ॥

savisargaṁ phaḍ-antaṁ tat sarva-dikṣu vinirdiśet oṁ viṣṇave nama iti

विसर्ग सहित तथा "फट्" अन्त वाले उस "ॐ विष्णवे नमः" मंत्र को सभी दिशाओं में निर्दिष्ट करना चाहिए।

श्लोक 11 (bhagavata.6.8.11)

आत्मानं परमं ध्यायेद् ध्येयं षट्शक्तिभिर्युतम् । विद्यातेजस्तपोमूर्तिमिमं मन्त्रमुदाहरेत् ॥ 8.11 ॥

ātmānaṁ paramaṁ dhyāyed dhyeyaṁ ṣaṭ-śaktibhir yutam vidyā-tejas-tapo-mūrtim imaṁ mantram udāharet

तत्पश्चात् ध्यान के योग्य, छह ऐश्वर्यों से युक्त तथा विद्या, तेज एवं तप के साक्षात् स्वरूप उस परमात्मा का ध्यान करके इस मंत्र का उच्चारण करना चाहिए —

श्लोक 12 (bhagavata.6.8.12)

ॐ हरिर्विदध्यान्मम सर्वरक्षां न्यस्ताङ्घ्रिपद्मः पतगेन्द्रपृष्ठे । दरारिचर्मासिगदेषुचाप- पाशान् दधानोऽष्टगुणोऽष्टबाहुः ॥ 8.12 ॥

om harir vidadhyān mama sarva-rakṣāṁ nyastāṅghri-padmaḥ patagendra-pṛṣṭhe darāri-carmāsi-gadeṣu-cāpa- pāśān dadhāno ’ṣṭa-guṇo ’ṣṭa-bāhuḥ

ॐ, गरुड़राज की पीठ पर अपने चरणकमल टिकाए, अष्टविध ऐश्वर्य से संपन्न, आठ भुजाओं में शंख, चक्र, ढाल, खड्ग, गदा, बाण, धनुष और पाश धारण किए हुए भगवान् हरि मेरी सर्वतोभावेन रक्षा करें।

श्लोक 13 (bhagavata.6.8.13)

जलेषु मां रक्षतु मत्स्यमूर्ति- र्यादोगणेभ्यो वरुणस्य पाशात् । स्थलेषु मायावटुवामनोऽव्यात् त्रिविक्रमः खेऽवतु विश्वरूपः ॥ 8.13 ॥

jaleṣu māṁ rakṣatu matsya-mūrtir yādo-gaṇebhyo varuṇasya pāśāt sthaleṣu māyāvaṭu-vāmano vyāt trivikramaḥ khe vatu viśvarūpaḥ

जल में मत्स्यरूप भगवान् मुझे जलचरों तथा वरुण के पाश से बचाएँ; स्थल पर मायावी वामन मेरी रक्षा करें; तथा आकाश में त्रिविक्रम रूपधारी विश्वरूप मेरी रक्षा करें।

श्लोक 14 (bhagavata.6.8.14)

दुर्गेष्वटव्याजिमुखादिषु प्रभुः पायान्नृसिंहोऽसुरयूथपारिः । विमुञ्चतो यस्य महाट्टहासं दिशो विनेदुर्न्यपतंश्च गर्भाः ॥ 8.14 ॥

durgeṣv aṭavy-āji-mukhādiṣu prabhuḥ pāyān nṛsiṁho ’sura-yūthapāriḥ vimuñcato yasya mahāṭṭa-hāsaṁ diśo vinedur nyapataṁś ca garbhāḥ

वनों और युद्धभूमि जैसे दुर्गम स्थानों में असुरगणों के शत्रु प्रभु नृसिंह मेरी रक्षा करें — जिनके महान् अट्टहास से समस्त दिशाएँ गूँज उठीं और गर्भ गिर पड़े।

श्लोक 15 (bhagavata.6.8.15)

रक्षत्वसौ माध्वनि यज्ञकल्पः स्वदंष्ट्रयोन्नीतधरो वराहः । रामोऽद्रिकूटेष्वथ विप्रवासे सलक्ष्मणोऽव्याद् भरताग्रजोऽस्मान् ॥ 8.15 ॥

rakṣatv asau mādhvani yajña-kalpaḥ sva-daṁṣṭrayonnīta-dharo varāhaḥ rāmo ’dri-kūṭeṣv atha vipravāse salakṣmaṇo ’vyād bharatāgrajo ’smān

यज्ञस्वरूप वे वराह, जिन्होंने पृथ्वी को अपनी दाढ़ पर उठाया था, मार्ग में मेरी रक्षा करें; पर्वत-शिखरों पर परशुराम रक्षा करें; तथा परदेश में रहते समय भरत के अग्रज श्रीराम लक्ष्मण सहित हमारी रक्षा करें।

श्लोक 16 (bhagavata.6.8.16)

मामुग्रधर्मादखिलात्प्रमादा- न्नारायणः पातु नरश्च हासात् । दत्तस्त्वयोगादथ योगनाथः पायाद्गुणेशः कपिलः कर्मबन्धात् ॥ 8.16 ॥

mām ugra-dharmād akhilāt pramādān nārāyaṇaḥ pātu naraś ca hāsāt dattas tv ayogād atha yoga-nāthaḥ pāyād guṇeśaḥ kapilaḥ karma-bandhāt

नारायण मुझे समस्त उग्र कर्तव्यों तथा प्रमाद से बचाएँ, और नर मुझे अहंकार से बचाएँ; योगेश्वर दत्तात्रेय मुझे योगभ्रष्टता से बचाएँ; तथा गुणों के स्वामी कपिल मुझे कर्मबंधन से बचाएँ।

श्लोक 17 (bhagavata.6.8.17)

सनत्कुमारोऽवतु कामदेवा- द्धयशीर्षा मां पथि देवहेलनात् । देवर्षिवर्यः पुरुषार्चनान्तरात् कूर्मो हरिर्मां निरयादशेषात् ॥ 8.17 ॥

sanat-kumāro ’vatu kāmadevād dhayaśīrṣā māṁ pathi deva-helanāt devarṣi-varyaḥ puruṣārcanāntarāt kūrmo harir māṁ nirayād aśeṣāt

सनत्कुमार मुझे काम से बचाएँ; हयग्रीव मार्ग में देवताओं के अनादर से बचाएँ; देवर्षिश्रेष्ठ नारद भगवत्पूजा में हुई त्रुटियों से बचाएँ; तथा कूर्मरूप हरि मुझे समस्त नरकों से बचाएँ।

श्लोक 18 (bhagavata.6.8.18)

धन्वन्तरिर्भगवान् पात्वपथ्याद् द्वन्द्वाद् भयादृषभो निर्जितात्मा । यज्ञश्च लोकादवताज्जनान्ताद् बलो गणात् क्रोधवशादहीन्द्रः ॥ 8.18 ॥

dhanvantarir bhagavān pātv apathyād dvandvād bhayād ṛṣabho nirjitātmā yajñaś ca lokād avatāj janāntād balo gaṇāt krodha-vaśād ahīndraḥ

भगवान् धन्वंतरि मुझे अपथ्य भोजन से बचाएँ; जितेन्द्रिय ऋषभदेव मुझे द्वंद्वों के भय से बचाएँ; यज्ञ मुझे लोकनिन्दा से बचाएँ; तथा नागराज बलराम मुझे क्रोधवश उठे गणों से बचाएँ।

श्लोक 19 (bhagavata.6.8.19)

द्वैपायनो भगवानप्रबोधाद् बुद्धस्तु पाषण्डगणप्रमादात् । कल्किः कलेः कालमलात् प्रपातु धर्मावनायोरुकृतावतारः ॥ 8.19 ॥

dvaipāyano bhagavān aprabodhād buddhas tu pāṣaṇḍa-gaṇa-pramādāt kalkiḥ kaleḥ kāla-malāt prapātu dharmāvanāyoru-kṛtāvatāraḥ

भगवान् द्वैपायन (व्यास) मुझे अज्ञान से बचाएँ; बुद्ध मुझे पाखण्डियों के प्रमाद से बचाएँ; तथा धर्म-रक्षा हेतु महान् अवतार धारण करने वाले कल्कि मुझे कलियुग के मल से बचाएँ।

श्लोक 20 (bhagavata.6.8.20)

मां केशवो गदया प्रातरव्याद् गोविन्द आसङ्गवमात्तवेणुः । नारायणः प्राह्ण उदात्तशक्ति- र्मध्यन्दिने विष्णुररीन्द्रपाणिः ॥ 8.20 ॥

māṁ keśavo gadayā prātar avyād govinda āsaṅgavam ātta-veṇuḥ nārāyaṇaḥ prāhṇa udātta-śaktir madhyan-dine viṣṇur arīndra-pāṇiḥ

केशव अपनी गदा से प्रातःकाल मेरी रक्षा करें; बाँसुरी धारण किए गोविन्द मध्य प्रातः में रक्षा करें; उदात्त शक्तिशाली नारायण पूर्वाह्न में रक्षा करें; तथा शत्रुओं के विरुद्ध चक्र धारण किए विष्णु मध्याह्न में रक्षा करें।

श्लोक 21 (bhagavata.6.8.21)

देवोऽपराह्णे मधुहोग्रधन्वा सायं त्रिधामावतु माधवो माम् । दोषे हृषीकेश उतार्धरात्रे निशीथ एकोऽवतु पद्मनाभः ॥ 8.21 ॥

devo ’parāhṇe madhu-hogradhanvā sāyaṁ tri-dhāmāvatu mādhavo mām doṣe hṛṣīkeśa utārdha-rātre niśītha eko ’vatu padmanābhaḥ

भयंकर धनुषधारी मधुसूदन अपराह्न में रक्षा करें; त्रिलोकस्वरूप माधव संध्या समय रक्षा करें; ऋषिकेश रात्रि के प्रारंभ में और अर्धरात्रि में रक्षा करें; तथा गहन निशीथ में अकेले पद्मनाभ ही रक्षा करें।

श्लोक 22 (bhagavata.6.8.22)

श्रीवत्सधामापररात्र ईशः प्रत्यूष ईशोऽसिधरो जनार्दनः । दामोदरोऽव्यादनुसन्ध्यं प्रभाते विश्वेश्वरो भगवान् कालमूर्तिः ॥ 8.22 ॥

śrīvatsa-dhāmāpara-rātra īśaḥ pratyūṣa īśo ’si-dharo janārdanaḥ dāmodaro ’vyād anusandhyaṁ prabhāte viśveśvaro bhagavān kāla-mūrtiḥ

श्रीवत्स धारण करने वाले ईश्वर रात्रि के अंतिम भाग में रक्षा करें; खड्गधारी जनार्दन प्रत्यूष काल में रक्षा करें; दामोदर संध्याकाल में रक्षा करें; तथा कालस्वरूप भगवान् विश्वेश्वर प्रभात में रक्षा करें।

श्लोक 23 (bhagavata.6.8.23)

चक्रं युगान्तानलतिग्मनेमि भ्रमत् समन्ताद् भगवत्प्रयुक्तम् । दन्दग्धि दन्दग्ध्यरिसैन्यमाशु कक्षं यथा वातसखो हुताशः ॥ 8.23 ॥

cakraṁ yugāntānala-tigma-nemi bhramat samantād bhagavat-prayuktam dandagdhi dandagdhy ari-sainyam āśu kakṣaṁ yathā vāta-sakho hutāśaḥ

प्रलयकालीन अग्नि के समान तीक्ष्ण धार वाले, भगवान् द्वारा प्रेरित होकर सब ओर घूमने वाले हे चक्र, शत्रुसेना को शीघ्र भस्म कर दो, भस्म कर दो, जैसे वायु का सखा अग्नि सूखी घास को भस्म कर देता है।

श्लोक 24 (bhagavata.6.8.24)

गदेऽशनिस्पर्शनविस्फुलिङ्गे निष्पिण्ढि निष्पिण्ढ्यजितप्रियासि । कुष्माण्डवैनायकयक्षरक्षो- भूतग्रहांश्चूर्णय चूर्णयारीन् ॥ 8.24 ॥

gade ’śani-sparśana-visphuliṅge niṣpiṇḍhi niṣpiṇḍhy ajita-priyāsi kuṣmāṇḍa-vaināyaka-yakṣa-rakṣo- bhūta-grahāṁś cūrṇaya cūrṇayārīn

वज्र के समान चिंगारी बिखेरने वाली, अजित भगवान् की प्रिय हे गदा — कुचल दो, कुचल दो! कूष्माण्ड, विनायक, यक्ष, राक्षस, भूत तथा ग्रहरूपी शत्रुओं को चूर-चूर कर दो, चूर-चूर कर दो।

श्लोक 25 (bhagavata.6.8.25)

त्वं यातुधानप्रमथप्रेतमातृ- पिशाचविप्रग्रहघोरदृष्टीन् । दरेन्द्र विद्रावय कृष्णपूरितो भीमस्वनोऽरेर्हृदयानि कम्पयन् ॥ 8.25 ॥

tvaṁ yātudhāna-pramatha-preta-mātṛ- piśāca-vipragraha-ghora-dṛṣṭīn darendra vidrāvaya kṛṣṇa-pūrito bhīma-svano ’rer hṛdayāni kampayan

हे शंखराज, सदा कृष्ण के श्वास से परिपूर्ण, अपनी भयंकर ध्वनि से भयानक दृष्टि वाले यातुधानों, प्रमथों, प्रेतों, मातृगणों, पिशाचों तथा ब्रह्मराक्षसों को भगा दो और शत्रुओं के हृदय को कँपा दो।

श्लोक 26 (bhagavata.6.8.26)

त्वं तिग्मधारासिवरारिसैन्य- मीशप्रयुक्तो मम छिन्धि छिन्धि । चक्षूंषि चर्मञ्छतचन्द्र छादय द्विषामघोनां हर पापचक्षुषाम् ॥ 8.26 ॥

tvaṁ tigma-dhārāsi-varāri-sainyam īśa-prayukto mama chindhi chindhi cakṣūṁṣi carmañ chata-candra chādaya dviṣām aghonāṁ hara pāpa-cakṣuṣām

हे तीक्ष्ण धार वाले श्रेष्ठ खड्ग, भगवान् द्वारा प्रयुक्त होकर मेरे शत्रुओं की सेना को काट दो, काट दो। हे सौ चन्द्रमाओं से चिह्नित ढाल, पापी शत्रुओं की आँखों को ढक दो, उनकी दुष्ट दृष्टि को हर लो।

श्लोक 27 (bhagavata.6.8.27)

यन्नो भयं ग्रहेभ्योऽभूत् केतुभ्यो नृभ्य एव च । सरीसृपेभ्यो दंष्ट्रिभ्यो भूतेभ्योंहोभ्य एव च ॥ 8.27 ॥

yan no bhayaṁ grahebhyo ’bhūt ketubhyo nṛbhya eva ca sarīsṛpebhyo daṁṣṭribhyo bhūtebhyo ’ṁhobhya eva ca

ग्रहों से, केतुओं से, दुष्ट मनुष्यों से, सर्पों से, दाढ़ों वाले हिंसक पशुओं से, भूत-प्रेतों से, तथा अपने ही पापों से जो भी हमें भय हो —

श्लोक 28 (bhagavata.6.8.28)

सर्वाण्येतानि भगवन्नामरूपानुकीर्तनात् । प्रयान्तु सङ्क्षयं सद्यो ये नः श्रेयःप्रतीपकाः ॥ 8.28 ॥

sarvāṇy etāni bhagavan- nāma-rūpānukīrtanāt prayāntu saṅkṣayaṁ sadyo ye naḥ śreyaḥ-pratīpakāḥ

— वे सभी विघ्न, जो हमारे कल्याण के विरोधी हैं, भगवान् के नाम और रूप के निरंतर कीर्तन से तत्काल पूर्णतः नष्ट हो जाएँ।

श्लोक 29 (bhagavata.6.8.29)

गरुडो भगवान् स्तोत्रस्तोभश्छन्दोमयः प्रभुः । रक्षत्वशेषकृच्छ्रेभ्यो विष्वक्सेनः स्वनामभिः ॥ 8.29 ॥

garuḍo bhagavān stotra- stobhaś chandomayaḥ prabhuḥ rakṣatv aśeṣa-kṛcchrebhyo viṣvaksenaḥ sva-nāmabhiḥ

स्तोत्रों और छन्दों से निर्मित भगवान् गरुड़ हमें समस्त संकटों से बचाएँ; तथा विष्वक्सेन अपने नामों के बल से हमारी रक्षा करें।

श्लोक 30 (bhagavata.6.8.30)

सर्वापद्भ्यो हरेर्नामरूपयानायुधानि नः । बुद्धीन्द्रियमनःप्राणान् पान्तु पार्षदभूषणाः ॥ 8.30 ॥

sarvāpadbhyo harer nāma- rūpa-yānāyudhāni naḥ buddhīndriya-manaḥ-prāṇān pāntu pārṣada-bhūṣaṇāḥ

हरि के नाम, रूप, वाहन तथा आयुध — जो उनके पार्षदों के आभूषण हैं — हमारी बुद्धि, इन्द्रियों, मन तथा प्राणों की समस्त आपत्तियों से रक्षा करें।

श्लोक 31 (bhagavata.6.8.31)

यथा हि भगवानेव वस्तुतः सदसच्च यत् । सत्येनानेन नः सर्वे यान्तु नाशमुपद्रवाः ॥ 8.31 ॥

yathā hi bhagavān eva vastutaḥ sad asac ca yat satyenānena naḥ sarve yāntu nāśam upadravāḥ

जिस प्रकार जो कुछ भी सत् और असत् है, वह वस्तुतः स्वयं भगवान् ही हैं — इस सत्य के बल से हमारे समस्त उपद्रव नष्ट हो जाएँ।

श्लोक 32 (bhagavata.6.8.32)

यथैकात्म्यानुभावानां विकल्परहितः स्वयम् । भूषणायुधलिङ्गाख्या धत्ते शक्तीः स्वमायया ॥ 8.32 ॥

yathaikātmyānubhāvānāṁ vikalpa-rahitaḥ svayam bhūṣaṇāyudha-liṅgākhyā dhatte śaktīḥ sva-māyayā

जिस प्रकार अपने स्वरूप में अभेद तथा सर्वथा भेदरहित वे स्वयं ही अपनी माया से आभूषण, आयुध और चिह्न आदि नामों वाली शक्तियों को धारण करते हैं —

श्लोक 33 (bhagavata.6.8.33)

तेनैव सत्यमानेन सर्वज्ञो भगवान् हरिः । पातु सर्वैः स्वरूपैर्नः सदा सर्वत्र सर्वगः ॥ 8.33 ॥

tenaiva satya-mānena sarva-jño bhagavān hariḥ pātu sarvaiḥ svarūpair naḥ sadā sarvatra sarva-gaḥ

— उसी सत्य के बल से सर्वज्ञ, सर्वव्यापी भगवान् हरि अपने समस्त स्वरूपों द्वारा सदा और सर्वत्र हमारी रक्षा करें।

श्लोक 34 (bhagavata.6.8.34)

विदिक्षु दिक्षूर्ध्वमधः समन्ता- दन्तर्बहिर्भगवान्नारसिंहः । प्रहापयँल्लोकभयं स्वनेन स्वतेजसा ग्रस्तसमस्ततेजाः ॥ 8.34 ॥

vidikṣu dikṣūrdhvam adhaḥ samantād antar bahir bhagavān nārasiṁhaḥ prahāpayaḻ loka-bhayaṁ svanena sva-tejasā grasta-samasta-tejāḥ

दिशाओं और विदिशाओं में, ऊपर-नीचे, चारों ओर, भीतर-बाहर, अपने तेज से समस्त तेज को ग्रस लेने वाले भगवान् नृसिंह अपनी गर्जना से संसार के भय को दूर करते हुए हमारी रक्षा करें।

श्लोक 35 (bhagavata.6.8.35)

मघवन्निदमाख्यातं वर्म नारायणात्मकम् । विजेष्यसेऽञ्जसा येन दंशितोऽसुरयूथपान् ॥ 8.35 ॥

maghavann idam ākhyātaṁ varma nārāyaṇātmakam vijeṣyase ’ñjasā yena daṁśito ’sura-yūthapān

हे मघवन्, यह नारायणस्वरूप कवच तुम्हें बता दिया गया; इसे धारण करके तुम असुरसेनापतियों को सरलता से जीत लोगे।

श्लोक 36 (bhagavata.6.8.36)

एतद् धारयमाणस्तु यं यं पश्यति चक्षुषा । पदा वा संस्पृशेत् सद्यः साध्वसात् स विमुच्यते ॥ 8.36 ॥

etad dhārayamāṇas tu yaṁ yaṁ paśyati cakṣuṣā padā vā saṁspṛśet sadyaḥ sādhvasāt sa vimucyate

इस कवच को धारण करने वाला व्यक्ति जिस-जिस को भी अपनी दृष्टि से देखता है अथवा पैर से स्पर्श करता है, वह तत्काल ही समस्त भय से मुक्त हो जाता है।

श्लोक 37 (bhagavata.6.8.37)

न कुतश्चिद्भयं तस्य विद्यां धारयतो भवेत् । राजदस्युग्रहादिभ्यो व्याध्यादिभ्यश्च कर्हिचित् ॥ 8.37 ॥

na kutaścid bhayaṁ tasya vidyāṁ dhārayato bhavet rāja-dasyu-grahādibhyo vyādhy-ādibhyaś ca karhicit

इस विद्या को धारण करने वाले को कभी भी किसी प्रकार का भय नहीं होता — न राजा से, न चोर-डाकुओं से, न ग्रहों से, और न ही कभी रोग आदि से।

श्लोक 38 (bhagavata.6.8.38)

इमां विद्यां पुरा कश्चित्कौशिको धारयन् द्विजः । योगधारणया स्वाङ्गं जहौ स मरुधन्वनि ॥ 8.38 ॥

imāṁ vidyāṁ purā kaścit kauśiko dhārayan dvijaḥ yoga-dhāraṇayā svāṅgaṁ jahau sa maru-dhanvani

प्राचीन काल में कौशिक गोत्र का एक ब्राह्मण इस विद्या को धारण किए हुए था; उसने योगधारणा के बल से मरुस्थल में अपने शरीर का त्याग कर दिया।

श्लोक 39 (bhagavata.6.8.39)

तस्योपरि विमानेन गन्धर्वपतिरेकदा । ययौ चित्ररथः स्त्रीभिर्वृतो यत्र द्विजक्षयः ॥ 8.39 ॥

tasyopari vimānena gandharva-patir ekadā yayau citrarathaḥ strībhir vṛto yatra dvija-kṣayaḥ

उस ब्राह्मण के शरीर के ऊपर से एक दिन गन्धर्वराज चित्ररथ अपने विमान में स्त्रियों से घिरे हुए उसी स्थान पर गुजरे, जहाँ उस ब्राह्मण की मृत्यु हुई थी।

श्लोक 40 (bhagavata.6.8.40)

गगनान्न्यपतत् सद्यः सविमानो ह्यवाक् शिराः । स वालिखिल्यवचनादस्थीन्यादाय विस्मितः । प्रास्य प्राचीसरस्वत्यां स्नात्वा धाम स्वमन्वगात् ॥ 8.40 ॥

gaganān nyapatat sadyaḥ savimāno hy avāk-śirāḥ sa vālikhilya-vacanād asthīny ādāya vismitaḥ prāsya prācī-sarasvatyāṁ snātvā dhāma svam anvagāt

वह तत्काल अपने विमान सहित आकाश से सिर के बल गिर पड़ा; आश्चर्यचकित होकर उसने वालखिल्य ऋषियों के कहने पर उस ब्राह्मण की अस्थियाँ उठाईं, उन्हें पूर्ववाहिनी सरस्वती में प्रवाहित किया, स्नान किया, और तभी अपने धाम को लौटा।

श्लोक 41 (bhagavata.6.8.41)

श्रीशुक उवाच य इदं शृणुयात्काले यो धारयति चादृतः । तं नमस्यन्ति भूतानि मुच्यते सर्वतो भयात् ॥ 8.41 ॥

śrī-śuka uvāca ya idaṁ śṛṇuyāt kāle yo dhārayati cādṛtaḥ taṁ namasyanti bhūtāni mucyate sarvato bhayāt

श्री शुकदेव ने कहा — जो कोई भी इसे उचित समय पर सुनता है अथवा आदरपूर्वक धारण करता है, उसे समस्त प्राणी नमन करते हैं और वह सब प्रकार के भय से मुक्त हो जाता है।

श्लोक 42 (bhagavata.6.8.42)

एतां विद्यामधिगतो विश्वरूपाच्छतक्रतुः । त्रैलोक्यलक्ष्मीं बुभुजे विनिर्जित्य मृधेऽसुरान् ॥ 8.42 ॥

etāṁ vidyām adhigato viśvarūpāc chatakratuḥ trailokya-lakṣmīṁ bubhuje vinirjitya mṛdhe ’surān

विश्वरूप से यह विद्या प्राप्त कर शतक्रतु इन्द्र ने युद्ध में असुरों को जीतकर तीनों लोकों के ऐश्वर्य का उपभोग किया।