दैत्यराज हिरण्यकशिपु

श्लोक 1 (bhagavata.7.2.1)

श्रीनारद उवाच भ्रातर्येवं विनिहते हरिणा क्रोडमूर्तिना । हिरण्यकशिपू राजन् पर्यतप्यद्रुषा शुचा ॥ १ ॥

śrī-nārada uvāca bhrātary evaṁ vinihate hariṇā kroḍa-mūrtinā hiraṇyakaśipū rājan paryatapyad ruṣā śucā

श्रीनारद ने कहा — हे राजन्! जब वराह-रूपधारी हरि द्वारा भाई इस प्रकार मारा गया, तब हिरण्यकशिपु क्रोध और शोक से संतप्त हो उठा।

श्लोक 2 (bhagavata.7.2.2)

आह चेदं रुषा पूर्णः सन्दष्टदशनच्छदः । कोपोज्ज्वलद्भ्यां चक्षुर्भ्यां निरीक्षन् धूम्रमम्बरम् ॥ २ ॥

āha cedaṁ ruṣā pūrṇaḥ sandaṣṭa-daśana-cchadaḥ kopojjvaladbhyāṁ cakṣurbhyāṁ nirīkṣan dhūmram ambaram

क्रोध से भरकर, अपने होंठ काटते हुए, तथा क्रोध से जलती हुई आँखों से धूमिल आकाश की ओर देखते हुए, उसने यह कहा।

श्लोक 3 (bhagavata.7.2.3)

करालदंष्ट्रोग्रदृष्टया दुष्प्रेक्ष्यभ्रुकुटीमुखः । शूलमुद्यम्य सदसि दानवानिदमब्रवीत् ॥ ३ ॥

karāla-daṁṣṭrogra-dṛṣṭyā duṣprekṣya-bhrukuṭī-mukhaḥ śūlam udyamya sadasi dānavān idam abravīt

भयानक दाढ़ों और उग्र दृष्टि से, तथा देखने में भी असह्य भौंहों वाले मुख से, त्रिशूल उठाकर उसने सभा में दानवों से यह कहा।

श्लोक 4 (bhagavata.7.2.4)

भो भो दानवदैतेया द्विमूर्धंस्त्र्यक्ष शम्बर । शतबाहो हयग्रीव नमुचे पाक इल्वल ॥ ४ ॥

bho bho dānava-daiteyā dvimūrdhaṁs tryakṣa śambara śatabāho hayagrīva namuce pāka ilvala

हे दानवो और दैत्यो! हे द्विमूर्धन्, त्र्यक्ष, शम्बर, शतबाहु, हयग्रीव, नमुचि, पाक, इल्वल!

श्लोक 5 (bhagavata.7.2.5)

विप्रचित्ते मम वचः पुलोमन् शकुनादयः । शृणुतानन्तरं सर्वे क्रियतामाशु मा चिरम् ॥ ५ ॥

vipracitte mama vacaḥ puloman śakunādayaḥ śṛṇutānantaraṁ sarve kriyatām āśu mā ciram

हे विप्रचित्ति, पुलोमा, शकुनि आदि! तुम सब मेरी बात तुरंत सुनो, और बिना विलंब किए शीघ्र ही उसे कार्यरूप में लाओ।

श्लोक 6 (bhagavata.7.2.6)

सपत्नैर्घातितः क्षुद्रैर्भ्राता मे दयितः सुहृत् । पार्ष्णिग्राहेण हरिणा समेनाप्युपधावनैः ॥ ६ ॥

sapatnair ghātitaḥ kṣudrair bhrātā me dayitaḥ suhṛt pārṣṇi-grāheṇa hariṇā samenāpy upadhāvanaiḥ

मेरे तुच्छ शत्रुओं ने, पीछे से आघात करने वाले हरि की सहायता से, जो कि पूजा-सेवा से प्रसन्न होकर समभावी होते हुए भी उनका पक्ष लेने लगे, मेरे प्रिय भाई सुहृद को मरवा डाला।

श्लोक 7 (bhagavata.7.2.7)

तस्य त्यक्तस्वभावस्य घृणेर्मायावनौकसः । भजन्तं भजमानस्य बालस्येवास्थिरात्मनः ॥ ७ ॥

tasya tyakta-svabhāvasya ghṛṇer māyā-vanaukasaḥ bhajantaṁ bhajamānasya bālasyevāsthirātmanaḥ

उस दयालु कहलाने वाले भगवान ने अपना स्वाभाविक समभाव त्यागकर, माया से वन में निवास करते हुए, अस्थिर बालक के समान अपने भजन करने वालों का ही पक्ष लिया।

श्लोक 8 (bhagavata.7.2.8)

मच्छूलभिन्नग्रीवस्य भूरिणा रुधिरेण वै । असृक्प्रियं तर्पयिष्ये भ्रातरं मे गतव्यथः ॥ ८ ॥

mac-chūla-bhinna-grīvasya bhūriṇā rudhireṇa vai asṛk-priyaṁ tarpayiṣye bhrātaraṁ me gata-vyathaḥ

मेरे त्रिशूल से जिसका कंठ छिन्न होगा, उसके प्रचुर रक्त से मैं रक्तप्रिय अपने भाई को तृप्त करूँगा, और तभी मेरी व्यथा शांत होगी।

श्लोक 9 (bhagavata.7.2.9)

तस्मिन् कूटेऽहिते नष्टे कृत्तमूले वनस्पतौ । विटपा इव शुष्यन्ति विष्णुप्राणा दिवौकसः ॥ ९ ॥

tasmin kūṭe ’hite naṣṭe kṛtta-mūle vanas-patau viṭapā iva śuṣyanti viṣṇu-prāṇā divaukasaḥ

जैसे वृक्ष की जड़ कट जाने पर उसकी शाखाएँ सूख जाती हैं, वैसे ही उस कपटी शत्रु विष्णु के नष्ट होते ही, जिनके प्राण ही विष्णु हैं, वे देवता स्वयं सूख जाएँगे।

श्लोक 10 (bhagavata.7.2.10)

तावद्यात भुवं यूयं ब्रह्मक्षत्रसमेधिताम् । सूदयध्वं तपोयज्ञस्वाध्यायव्रतदानिनः ॥ १० ॥

tāvad yāta bhuvaṁ yūyaṁ brahma-kṣatra-samedhitām sūdayadhvaṁ tapo-yajña- svādhyāya-vrata-dāninaḥ

तब तक तुम सब उस पृथ्वी पर जाओ, जो ब्राह्मण और क्षत्रिय संस्कृति से समृद्ध है, और तप, यज्ञ, स्वाध्याय, व्रत और दान करने वालों का संहार करो।

श्लोक 11 (bhagavata.7.2.11)

विष्णुर्द्विजक्रियामूलो यज्ञो धर्ममयः पुमान् । देवर्षिपितृभूतानां धर्मस्य च परायणम् ॥ ११ ॥

viṣṇur dvija-kriyā-mūlo yajño dharmamayaḥ pumān devarṣi-pitṛ-bhūtānāṁ dharmasya ca parāyaṇam

विष्णु ब्राह्मणों के कर्मकाण्ड के मूल में हैं, वे स्वयं धर्ममय यज्ञपुरुष हैं, और देवता, ऋषि, पितर तथा सम्पूर्ण धर्म के परम आश्रय हैं।

श्लोक 12 (bhagavata.7.2.12)

यत्र यत्र द्विजा गावो वेदा वर्णाश्रमक्रियाः । तं तं जनपदं यात सन्दीपयत वृश्चत ॥ १२ ॥

yatra yatra dvijā gāvo vedā varṇāśrama-kriyāḥ taṁ taṁ janapadaṁ yāta sandīpayata vṛścata

जहाँ-जहाँ ब्राह्मण, गौएँ, वेद और वर्णाश्रम की क्रियाएँ हों, उस-उस देश में जाओ, उसे जलाओ और काट डालो।

श्लोक 13 (bhagavata.7.2.13)

इति ते भर्तृनिर्देशमादाय शिरसादृताः । तथा प्रजानां कदनं विदधुः कदनप्रियाः ॥ १३ ॥

iti te bhartṛ-nirdeśam ādāya śirasādṛtāḥ tathā prajānāṁ kadanaṁ vidadhuḥ kadana-priyāḥ

हिंसा में रुचि रखने वाले वे दानव अपने स्वामी के इस आदेश को आदरपूर्वक सिर चढ़ाकर, प्रजा का उसी प्रकार संहार करने लगे।

श्लोक 14 (bhagavata.7.2.14)

पुरग्रामव्रजोद्यानक्षेत्रारामाश्रमाकरान् । खेटखर्वटघोषांश्च ददहुः पत्तनानि च ॥ १४ ॥

pura-grāma-vrajodyāna- kṣetrārāmāśramākarān kheṭa-kharvaṭa-ghoṣāṁś ca dadahuḥ pattanāni ca

उन्होंने नगर, ग्राम, गोशाला, उद्यान, खेत, बाग, आश्रम, खान, कस्बे, पहाड़ी बस्तियाँ, गोपग्राम और राजधानियों तक को जला डाला।

श्लोक 15 (bhagavata.7.2.15)

केचित्खनित्रैर्बिभिदुः सेतुप्राकारगोपुरान् । आजीव्यांश्चिच्छिदुर्वृक्षान् केचित्परशुपाणयः । प्रादहन् शरणान्येके प्रजानां ज्वलितोल्मुकैः ॥ १५ ॥

kecit khanitrair bibhiduḥ setu-prākāra-gopurān ājīvyāṁś cicchidur vṛkṣān kecit paraśu-pāṇayaḥ prādahañ śaraṇāny eke prajānāṁ jvalitolmukaiḥ

कुछ ने खुदाई के औजारों से पुल, दीवारें और नगर-द्वार तोड़ डाले; कुछ ने कुल्हाड़ी हाथ में लेकर जीविका के वृक्षों को काट डाला; और कुछ ने जलती हुई मशालों से प्रजा के घरों को जला दिया।

श्लोक 16 (bhagavata.7.2.16)

एवं विप्रकृते लोके दैत्येन्द्रानुचरैर्मुहुः । दिवं देवाः परित्यज्य भुवि चेरुरलक्षिताः ॥ १६ ॥

evaṁ viprakṛte loke daityendrānucarair muhuḥ divaṁ devāḥ parityajya bhuvi cerur alakṣitāḥ

इस प्रकार दैत्यराज के अनुचरों द्वारा बार-बार पीड़ित होने पर, देवता स्वर्ग को छोड़कर पृथ्वी पर अलक्षित रूप से विचरण करने लगे।

श्लोक 17 (bhagavata.7.2.17)

हिरण्यकशिपुर्भ्रातुः सम्परेतस्य दुःखितः । कृत्वा कटोदकादीनि भ्रातृपुत्रानसान्त्वयत् ॥ १७ ॥

hiraṇyakaśipur bhrātuḥ samparetasya duḥkhitaḥ kṛtvā kaṭodakādīni bhrātṛ-putrān asāntvayat

अपने मृत भाई के लिए शोकाकुल हिरण्यकशिपु ने कटोदक आदि अंत्येष्टि क्रियाएँ पूर्ण कर, अपने भतीजों को सांत्वना दी।

श्लोक 18 (bhagavata.7.2.18)

शकुनिं शम्बरं धृष्टिं भूतसन्तापनं वृकम् । कालनाभं महानाभं हरिश्मश्रुमथोत्कचम् ॥ १८ ॥

śakuniṁ śambaraṁ dhṛṣṭiṁ bhūtasantāpanaṁ vṛkam kālanābhaṁ mahānābhaṁ hariśmaśrum athotkacam

शकुनि, शम्बर, धृष्टि, भूतसंतापन, वृक, कालनाभ, महानाभ, हरिश्मश्रु और उत्कच — इन भतीजों को...

श्लोक 19 (bhagavata.7.2.19)

तन्मातरं रुषाभानुं दितिं च जननीं गिरा । श्लक्ष्णया देशकालज्ञ इदमाह जनेश्वर ॥ १९ ॥

tan-mātaraṁ ruṣābhānuṁ ditiṁ ca jananīṁ girā ślakṣṇayā deśa-kāla-jña idam āha janeśvara

...तथा उनकी माता रुषाभानु और अपनी माता दिति को भी, देश-काल का ज्ञाता वह प्रजापति मधुर वाणी से यह कहने लगा।

श्लोक 20 (bhagavata.7.2.20)

श्रीहिरण्यकशिपुरुवाच अम्बाम्ब हे वधूः पुत्रा वीरं मार्हथ शोचितुम् । रिपोरभिमुखे श्लाघ्यः शूराणां वध ईप्सितः ॥ २० ॥

śrī-hiraṇyakaśipur uvāca ambāmba he vadhūḥ putrā vīraṁ mārhatha śocitum ripor abhimukhe ślāghyaḥ śūrāṇāṁ vadha īpsitaḥ

श्रीहिरण्यकशिपु ने कहा — हे माता, हे भाभी, हे भतीजो! तुम सब इस वीर के लिए शोक मत करो; शूरवीरों के लिए शत्रु के सम्मुख मृत्यु तो गौरव और अभीष्ट ही है।

श्लोक 21 (bhagavata.7.2.21)

भूतानामिह संवासः प्रपायामिव सुव्रते । दैवेनैकत्र नीतानामुन्नीतानां स्वकर्मभिः ॥ २१ ॥

bhūtānām iha saṁvāsaḥ prapāyām iva suvrate daivenaikatra nītānām unnītānāṁ sva-karmabhiḥ

हे व्रतशीले माता! जैसे प्याऊ पर आए हुए यात्री दैव-योग से एकत्र होकर फिर अपने-अपने कर्मों के अनुसार अलग-अलग दिशाओं में चले जाते हैं, वैसे ही प्राणियों का यहाँ साथ रहना है।

श्लोक 22 (bhagavata.7.2.22)

नित्य आत्माव्ययः शुद्धः सर्वगः सर्ववित्परः । धत्तेऽसावात्मनो लिङ्गं मायया विसृजन्गुणान् ॥ २२ ॥

nitya ātmāvyayaḥ śuddhaḥ sarvagaḥ sarva-vit paraḥ dhatte ’sāv ātmano liṅgaṁ māyayā visṛjan guṇān

आत्मा नित्य, अविनाशी, शुद्ध, सर्वव्यापी, सर्वज्ञ और परम है; वही माया से गुणों की रचना करते हुए अपने लिए लिंग-शरीर धारण करता प्रतीत होता है।

श्लोक 23 (bhagavata.7.2.23)

यथाम्भसा प्रचलता तरवोऽपि चला इव । चक्षुषा भ्राम्यमाणेन दृश्यते चलतीव भूः ॥ २३ ॥

yathāmbhasā pracalatā taravo ’pi calā iva cakṣuṣā bhrāmyamāṇena dṛśyate calatīva bhūḥ

जैसे बहते हुए जल में प्रतिबिंबित वृक्ष भी हिलते हुए दिखाई देते हैं, और जैसे घूमती हुई आँख से पृथ्वी भी घूमती हुई दिखाई पड़ती है,

श्लोक 24 (bhagavata.7.2.24)

एवं गुणैर्भ्राम्यमाणे मनस्यविकलः पुमान् । याति तत्साम्यतां भद्रे ह्यलिङ्गो लिङ्गवानिव ॥ २४ ॥

evaṁ guṇair bhrāmyamāṇe manasy avikalaḥ pumān yāti tat-sāmyatāṁ bhadre hy aliṅgo liṅgavān iva

वैसे ही हे कल्याणी! गुणों से मन के घूमने पर, अविकारी आत्मा भी मानो उसी के अनुरूप हो जाता है, और शरीर-रहित होते हुए भी शरीरधारी-सा प्रतीत होने लगता है।

श्लोक 25 (bhagavata.7.2.25)

एष आत्मविपर्यासो ह्यलिङ्गे लिङ्गभावना । एष प्रियाप्रियैर्योगो वियोगः कर्मसंसृतिः ॥ २५ ॥

eṣa ātma-viparyāso hy aliṅge liṅga-bhāvanā eṣa priyāpriyair yogo viyogaḥ karma-saṁsṛtiḥ

यही आत्मा का विपर्यास है — शरीर-रहित में शरीर की कल्पना करना; और यही प्रिय-अप्रिय व्यक्तियों से संयोग-वियोग है, जिससे कर्म-संसार चलता रहता है।

श्लोक 26 (bhagavata.7.2.26)

सम्भवश्च विनाशश्च शोकश्च विविधः स्मृतः । अविवेकश्च चिन्ता च विवेकास्मृतिरेव च ॥ २६ ॥

sambhavaś ca vināśaś ca śokaś ca vividhaḥ smṛtaḥ avivekaś ca cintā ca vivekāsmṛtir eva ca

इसी से जन्म, नाश, नाना प्रकार का शोक, अविवेक, चिंता, तथा विवेक की विस्मृति — ये सब उत्पन्न होते कहे गए हैं।

श्लोक 27 (bhagavata.7.2.27)

अत्राप्युदाहरन्तीममितिहासं पुरातनम् । यमस्य प्रेतबन्धूनां संवादं तं निबोधत ॥ २७ ॥

atrāpy udāharantīmam itihāsaṁ purātanam yamasya preta-bandhūnāṁ saṁvādaṁ taṁ nibodhata

इस विषय में एक प्राचीन इतिहास का उदाहरण दिया जाता है — यमराज और एक मृतक के बंधुओं के बीच हुए संवाद को सुनो।

श्लोक 28 (bhagavata.7.2.28)

उशीनरेष्वभूद्राजा सुयज्ञ इति विश्रुतः । सपत्नैर्निहतो युद्धे ज्ञातयस्तमुपासत ॥ २८ ॥

uśīnareṣv abhūd rājā suyajña iti viśrutaḥ sapatnair nihato yuddhe jñātayas tam upāsata

उशीनर देश में सुयज्ञ नामक विख्यात राजा हुआ। जब वह युद्ध में शत्रुओं द्वारा मारा गया, तब उसके बंधुजन उसके पास बैठ गए।

श्लोक 29 (bhagavata.7.2.29)

विशीर्णरत्नकवचं विभ्रष्टाभरणस्रजम् । शरनिर्भिन्नहृदयं शयानमसृगाविलम् ॥ २९ ॥

viśīrṇa-ratna-kavacaṁ vibhraṣṭābharaṇa-srajam śara-nirbhinna-hṛdayaṁ śayānam asṛg-āvilam

उसका रत्नजड़ित कवच बिखर गया था, आभूषण और मालाएँ गिर चुकी थीं, हृदय बाणों से बिंधा हुआ था, और वह रक्त से लथपथ पड़ा था।

श्लोक 30 (bhagavata.7.2.30)

प्रकीर्णकेशं ध्वस्ताक्षं रभसा दष्टदच्छदम् । रजःकुण्ठमुखाम्भोजं छिन्नायुधभुजं मृधे ॥ ३० ॥

prakīrṇa-keśaṁ dhvastākṣaṁ rabhasā daṣṭa-dacchadam rajaḥ-kuṇṭha-mukhāmbhojaṁ chinnāyudha-bhujaṁ mṛdhe

उसके केश बिखरे हुए थे, आँखें निस्तेज थीं, आवेश में उसने अपने होंठ काट लिए थे, धूल से उसका मुखकमल धूमिल हो गया था, और युद्धभूमि में उसकी शस्त्रधारी भुजाएँ कटी पड़ी थीं।

श्लोक 31 (bhagavata.7.2.31)

उशीनरेन्द्रं विधिना तथा कृतं पतिं महिष्यः प्रसमीक्ष्य दुःखिताः । हताः स्म नाथेति करैरुरो भृशं घ्नन्त्यो मुहुस्तत्पदयोरुपापतन् ॥ ३१ ॥

uśīnarendraṁ vidhinā tathā kṛtaṁ patiṁ mahiṣyaḥ prasamīkṣya duḥkhitāḥ hatāḥ sma nātheti karair uro bhṛśaṁ ghnantyo muhus tat-padayor upāpatan

उशीनर के राजा को विधाता द्वारा इस दशा में लाया देखकर, उनकी रानियाँ दुःखी होकर "हे नाथ! हम मारी गईं" कहते हुए बार-बार हाथों से अपनी छाती पीटती हुईं उनके चरणों पर गिर पड़ीं।

श्लोक 32 (bhagavata.7.2.32)

रुदत्य उच्चैर्दयिताङ्घ्रिपङ्कजं सिञ्चन्त्य अस्रैः कुचकुङ्कुमारुणैः । विस्रस्तकेशाभरणाः शुचं नृणां सृजन्त्य आक्रन्दनया विलेपिरे ॥ ३२ ॥

rudatya uccair dayitāṅghri-paṅkajaṁ siñcantya asraiḥ kuca-kuṅkumāruṇaiḥ visrasta-keśābharaṇāḥ śucaṁ nṛṇāṁ sṛjantya ākrandanayā vilepire

ऊँचे स्वर में रोती हुई उन रानियों के आँसू, स्तनों के केसर से लाल होकर, प्रिय पति के चरणकमलों को सींचने लगे। उनके केश और आभूषण बिखरे हुए थे, और उनके करुण विलाप से अन्य लोगों के हृदय में भी शोक उमड़ आया।

श्लोक 33 (bhagavata.7.2.33)

अहो विधात्राकरुणेन नः प्रभो भवान् प्रणीतो दृगगोचरां दशाम् । उशीनराणामसि वृत्तिदः पुरा कृतोऽधुना येन शुचां विवर्धनः ॥ ३३ ॥

aho vidhātrākaruṇena naḥ prabho bhavān praṇīto dṛg-agocarāṁ daśām uśīnarāṇām asi vṛttidaḥ purā kṛto ’dhunā yena śucāṁ vivardhanaḥ

हाय हे स्वामी! निर्दय विधाता ने आपको हमारी दृष्टि से परे उस दशा में पहुँचा दिया है। आप ही पहले उशीनरवासियों की आजीविका के आधार थे, और अब वही आप हमारे शोक को बढ़ाने वाले बन गए हैं।

श्लोक 34 (bhagavata.7.2.34)

त्वया कृतज्ञेन वयं महीपते कथं विना स्याम सुहृत्तमेन ते । तत्रानुयानं तव वीर पादयोः शुश्रूषतीनां दिश यत्र यास्यसि ॥ ३४ ॥

tvayā kṛtajñena vayaṁ mahī-pate kathaṁ vinā syāma suhṛttamena te tatrānuyānaṁ tava vīra pādayoḥ śuśrūṣatīnāṁ diśa yatra yāsyasi

हे पृथ्वीपति! आप कृतज्ञ और हमारे परम सुहृद थे, आपके बिना हम कैसे रहेंगी? हे वीर! आप जहाँ भी जाएँगे, वहीं आपके चरणों की सेवा करने वाली हमें भी साथ ले चलिए।

श्लोक 35 (bhagavata.7.2.35)

एवं विलपतीनां वै परिगृह्य मृतं पतिम् । अनिच्छतीनां निर्हारमर्कोऽस्तं सन्न्यवर्तत ॥ ३५ ॥

evaṁ vilapatīnāṁ vai parigṛhya mṛtaṁ patim anicchatīnāṁ nirhāram arko ’staṁ sannyavartata

इस प्रकार विलाप करती हुई और मृत पति के शरीर को गोद में लिए, उसे ले जाने देने को अनिच्छुक उन रानियों के बीच, सूर्य अस्ताचल की ओर ढलने लगा।

श्लोक 36 (bhagavata.7.2.36)

तत्र ह प्रेतबन्धूनामाश्रुत्य परिदेवितम् । आह तान् बालको भूत्वा यमः स्वयमुपागतः ॥ ३६ ॥

tatra ha preta-bandhūnām āśrutya paridevitam āha tān bālako bhūtvā yamaḥ svayam upāgataḥ

मृतक के बंधुओं का वह विलाप सुनकर, यमराज स्वयं बालक का रूप धारण करके वहाँ आए और उनसे यह कहने लगे।

श्लोक 37 (bhagavata.7.2.37)

श्रीयम उवाच अहो अमीषां वयसाधिकानां विपश्यतां लोकविधिं विमोहः । यत्रागतस्तत्र गतं मनुष्यं स्वयं सधर्मा अपि शोचन्त्यपार्थम् ॥ ३७ ॥

śrī-yama uvāca aho amīṣāṁ vayasādhikānāṁ vipaśyatāṁ loka-vidhiṁ vimohaḥ yatrāgatas tatra gataṁ manuṣyaṁ svayaṁ sadharmā api śocanty apārtham

श्रीयम ने कहा — अहो! कितना आश्चर्य है कि आयु में मुझसे बड़े ये लोग, संसार के इस नियम को स्वयं देखते हुए भी, मोहग्रस्त हैं। जहाँ से आया, वहीं लौट गया मनुष्य — फिर भी वे स्वयं भी उसी धर्म के अधीन होते हुए व्यर्थ ही शोक करते हैं।

श्लोक 38 (bhagavata.7.2.38)

अहो वयं धन्यतमा यदत्र त्यक्ताः पितृभ्यां न विचिन्तयामः । अभक्ष्यमाणा अबला वृकादिभिः स रक्षिता रक्षति यो हि गर्भे ॥ ३८ ॥

aho vayaṁ dhanyatamā yad atra tyaktāḥ pitṛbhyāṁ na vicintayāmaḥ abhakṣyamāṇā abalā vṛkādibhiḥ sa rakṣitā rakṣati yo hi garbhe

अहो! हम कितने धन्य हैं कि माता-पिता द्वारा त्यागे जाने पर भी हम चिंता नहीं करते; निर्बल होते हुए भी भेड़िए आदि से बचे रहते हैं — क्योंकि जिसने गर्भ में हमारी रक्षा की, वही अब भी रक्षा कर रहे हैं।

श्लोक 39 (bhagavata.7.2.39)

य इच्छयेशः सृजतीदमव्ययो य एव रक्षत्यवलुम्पते च यः । तस्याबलाः क्रीडनमाहुरीशितु- श्चराचरं निग्रहसङ्ग्रहे प्रभुः ॥ ३९ ॥

ya icchayeśaḥ sṛjatīdam avyayo ya eva rakṣaty avalumpate ca yaḥ tasyābalāḥ krīḍanam āhur īśituś carācaraṁ nigraha-saṅgrahe prabhuḥ

हे अबलाओ! जो अविनाशी ईश्वर अपनी इच्छा से इस जगत की रचना करते हैं, वे ही इसकी रक्षा और संहार भी करते हैं। यह चराचर जगत उन प्रभु का, जो ग्रहण और त्याग दोनों में समर्थ हैं, केवल एक खिलौना मात्र है।

श्लोक 40 (bhagavata.7.2.40)

पथि च्युतं तिष्ठति दिष्टरक्षितं गृहे स्थितं तद्विहतं विनश्यति । जीवत्यनाथोऽपि तदीक्षितो वने गृहेऽभिगुप्तोऽस्य हतो न जीवति ॥ ४० ॥

pathi cyutaṁ tiṣṭhati diṣṭa-rakṣitaṁ gṛhe sthitaṁ tad-vihataṁ vinaśyati jīvaty anātho ’pi tad-īkṣito vane gṛhe ’bhigupto ’sya hato na jīvati

मार्ग में गिरी हुई वस्तु भी भाग्य द्वारा रक्षित रहकर बनी रहती है, जबकि घर में रखी वस्तु भी उनके विमुख होने पर नष्ट हो जाती है। जिसकी वे रक्षा करते हैं, वह अनाथ होकर वन में भी जीवित रहता है, और जिसकी वे रक्षा नहीं करते, वह घर में सुरक्षित होते हुए भी नहीं बचता।

श्लोक 41 (bhagavata.7.2.41)

भूतानि तैस्तैर्निजयोनिकर्मभि- र्भवन्ति काले न भवन्ति सर्वशः । न तत्र हात्मा प्रकृतावपि स्थित- स्तस्या गुणैरन्यतमो हि बध्यते ॥ ४१ ॥

bhūtāni tais tair nija-yoni-karmabhir bhavanti kāle na bhavanti sarvaśaḥ na tatra hātmā prakṛtāv api sthitas tasyā guṇair anyatamo hi badhyate

प्राणी अपने-अपने योनि-कर्मों के अनुसार समय पर उत्पन्न होते और समय पर पूर्णतः नष्ट भी हो जाते हैं; परंतु आत्मा प्रकृति में स्थित होते हुए भी वहाँ नहीं है, वह प्रकृति के गुणों में से किसी से भी नहीं बंधता।

श्लोक 42 (bhagavata.7.2.42)

इदं शरीरं पुरुषस्य मोहजं यथा पृथग्भौतिकमीयते गृहम् । यथौदकैः पार्थिवतैजसैर्जनः कालेन जातो विकृतो विनश्यति ॥ ४२ ॥

idaṁ śarīraṁ puruṣasya mohajaṁ yathā pṛthag bhautikam īyate gṛham yathaudakaiḥ pārthiva-taijasair janaḥ kālena jāto vikṛto vinaśyati

जैसे कोई मनुष्य अपने से भिन्न भौतिक घर को अपना मानता है, वैसे ही यह शरीर मोहवश पुरुष का माना जाता है। जल, पृथ्वी और अग्नि से बना यह शरीर काल के प्रभाव से उत्पन्न होकर, विकृत होकर, अंततः नष्ट हो जाता है।

श्लोक 43 (bhagavata.7.2.43)

यथानलो दारुषु भिन्न ईयते यथानिलो देहगतः पृथक् स्थितः । यथा नभः सर्वगतं न सज्जते तथा पुमान् सर्वगुणाश्रयः परः ॥ ४३ ॥

yathānalo dāruṣu bhinna īyate yathānilo deha-gataḥ pṛthak sthitaḥ yathā nabhaḥ sarva-gataṁ na sajjate tathā pumān sarva-guṇāśrayaḥ paraḥ

जैसे लकड़ी में स्थित अग्नि उससे भिन्न जानी जाती है, जैसे शरीर में स्थित वायु उससे पृथक् रहती है, और जैसे सर्वव्यापी आकाश किसी से लिप्त नहीं होता — वैसे ही सर्वगुणों का आश्रयस्वरूप परम पुरुष भी शरीर से पृथक् ही रहता है।

श्लोक 44 (bhagavata.7.2.44)

सुयज्ञो नन्वयं शेते मूढा यमनुशोचथ । यः श्रोता योऽनुवक्तेह स न दृश्येत कर्हिचित् ॥ ४४ ॥

suyajño nanv ayaṁ śete mūḍhā yam anuśocatha yaḥ śrotā yo ’nuvakteha sa na dṛśyeta karhicit

हे मूर्खो! जिस सुयज्ञ के लिए तुम शोक कर रहे हो, वह तो अब भी यहीं पड़ा है। सुनने और उत्तर देने वाला जो वास्तविक व्यक्ति था, वही कभी दिखाई नहीं दिया।

श्लोक 45 (bhagavata.7.2.45)

न श्रोता नानुवक्तायं मुख्योऽप्यत्र महानसुः । यस्त्विहेन्द्रियवानात्मा स चान्यः प्राणदेहयोः ॥ ४५ ॥

na śrotā nānuvaktāyaṁ mukhyo ’py atra mahān asuḥ yas tv ihendriyavān ātmā sa cānyaḥ prāṇa-dehayoḥ

शरीर में स्थित प्रधान प्राण भी न तो सुनने वाला है और न उत्तर देने वाला; इंद्रियों से युक्त आत्मा भी प्राण और देह दोनों से भिन्न ही है।

श्लोक 46 (bhagavata.7.2.46)

भूतेन्द्रियमनोलिङ्गान् देहानुच्चावचान् विभुः । भजत्युत्सृजति ह्यन्यस्तच्चापि स्वेन तेजसा ॥ ४६ ॥

bhūtendriya-mano-liṅgān dehān uccāvacān vibhuḥ bhajaty utsṛjati hy anyas tac cāpi svena tejasā

भूत, इंद्रिय और मन के चिह्नों से युक्त उच्च और नीच शरीरों को वह सर्वव्यापी आत्मा, स्वयं उनसे भिन्न होते हुए भी, अपने ही तेज से ग्रहण करता और त्यागता है।

श्लोक 47 (bhagavata.7.2.47)

यावल्लिङ्गान्वितो ह्यात्मा तावत्कर्मनिबन्धनम् । ततो विपर्ययः क्लेशो मायायोगोऽनुवर्तते ॥ ४७ ॥

yāval liṅgānvito hy ātmā tāvat karma-nibandhanam tato viparyayaḥ kleśo māyā-yogo ’nuvartate

जब तक आत्मा सूक्ष्म शरीर से युक्त रहता है, तब तक वह कर्मों से बंधा रहता है; और इसी से विपर्यास, क्लेश और माया का संबंध निरंतर बना रहता है।

श्लोक 48 (bhagavata.7.2.48)

वितथाभिनिवेशोऽयं यद्गुणेष्वर्थदृग्वचः । यथा मनोरथः स्वप्नः सर्वमैन्द्रियकं मृषा ॥ ४८ ॥

vitathābhiniveśo ’yaṁ yad guṇeṣv artha-dṛg-vacaḥ yathā manorathaḥ svapnaḥ sarvam aindriyakaṁ mṛṣā

गुणों में सत्य वस्तु की दृष्टि रखना और उसी के अनुसार बोलना, यह सब मिथ्या आग्रह है — जैसे दिवास्वप्न या रात्रि का स्वप्न मिथ्या है, वैसे ही इंद्रियों से जाना गया सब कुछ मिथ्या ही है।

श्लोक 49 (bhagavata.7.2.49)

अथ नित्यमनित्यं वा नेह शोचन्ति तद्विदः । नान्यथा शक्यते कर्तुं स्वभावः शोचतामिति ॥ ४९ ॥

atha nityam anityaṁ vā neha śocanti tad-vidaḥ nānyathā śakyate kartuṁ sva-bhāvaḥ śocatām iti

इसलिए जो नित्य और अनित्य दोनों के ज्ञाता हैं, वे यहाँ शोक नहीं करते; और शोक करने वालों के स्वभाव को इसके अतिरिक्त अन्यथा बदला भी नहीं जा सकता।

श्लोक 50 (bhagavata.7.2.50)

लुब्धको विपिने कश्चित्पक्षिणां निर्मितोऽन्तकः । वितत्य जालं विदधे तत्र तत्र प्रलोभयन् ॥ ५० ॥

lubdhako vipine kaścit pakṣiṇāṁ nirmito ’ntakaḥ vitatya jālaṁ vidadhe tatra tatra pralobhayan

वन में एक बहेलिया था, जो मानो पक्षियों के लिए साक्षात् मृत्यु ही बनाया गया था। वह जाल फैलाकर, जहाँ-तहाँ लोभ दिखाकर, पक्षियों को फँसाता था।

श्लोक 51 (bhagavata.7.2.51)

कुलिङ्गमिथुनं तत्र विचरत्समदृश्यत । तयोः कुलिङ्गी सहसा लुब्धकेन प्रलोभिता ॥ ५१ ॥

kuliṅga-mithunaṁ tatra vicarat samadṛśyata tayoḥ kuliṅgī sahasā lubdhakena pralobhitā

वहाँ विचरण करता हुआ एक कुलिंग पक्षी-युगल दिखाई दिया। उन दोनों में से मादा कुलिंगी अचानक बहेलिए के प्रलोभन में फँस गई।

श्लोक 52 (bhagavata.7.2.52)

सासज्जत सिचस्तन्त्र्यां महिष्यः कालयन्त्रिता । कुलिङ्गस्तां तथापन्नां निरीक्ष्य भृशदुःखितः । स्नेहादकल्पः कृपणः कृपणां पर्यदेवयत् ॥ ५२ ॥

sāsajjata sicas tantryāṁ mahiṣyaḥ kāla-yantritā kuliṅgas tāṁ tathāpannāṁ nirīkṣya bhṛśa-duḥkhitaḥ snehād akalpaḥ kṛpaṇaḥ kṛpaṇāṁ paryadevayat

हे रानियो! वह काल के वश में पड़ी कुलिंगी जाल की डोरी में फँस गई। अपनी उस दुर्दशाग्रस्त पत्नी को देखकर बेचारा कुलिंग अत्यंत दुःखी हो गया, और स्नेह के कारण असहाय वह दीन पक्षी अपनी दीन पत्नी के लिए विलाप करने लगा।

श्लोक 53 (bhagavata.7.2.53)

अहो अकरुणो देवः स्त्रियाकरुणया विभुः । कृपणं मामनुशोचन्त्या दीनया किं करिष्यति ॥ ५३ ॥

aho akaruṇo devaḥ striyākaruṇayā vibhuḥ kṛpaṇaṁ mām anuśocantyā dīnayā kiṁ kariṣyati

हाय! कितना निर्दय है यह विधाता, जो सर्वसमर्थ होते हुए भी इस दयनीय स्त्री के प्रति करुणाहीन है। यह दीन पत्नी, जो मुझ अभागे के लिए शोक कर रही है, इसका विधाता क्या करेगा?

श्लोक 54 (bhagavata.7.2.54)

कामं नयतु मां देवः किमर्धेनात्मनो हि मे । दीनेन जीवता दुःखमनेन विधुरायुषा ॥ ५४ ॥

kāmaṁ nayatu māṁ devaḥ kim ardhenātmano hi me dīnena jīvatā duḥkham anena vidhurāyuṣā

भले ही विधाता मुझे भी ले जाए! अपने आधे शरीर के बिना, इस दीन और वियोग-आयु से जीते रहने का दुःख उठाकर मुझे क्या लाभ है?

श्लोक 55 (bhagavata.7.2.55)

कथं त्वजातपक्षांस्तान् मातृहीनान् बिभर्म्यहम् । मन्दभाग्याः प्रतीक्षन्ते नीडे मे मातरं प्रजाः ॥ ५५ ॥

kathaṁ tv ajāta-pakṣāṁs tān mātṛ-hīnān bibharmy aham manda-bhāgyāḥ pratīkṣante nīḍe me mātaraṁ prajāḥ

बिना पंख उगे, माता-विहीन उन बच्चों का मैं कैसे पालन करूँगा? वे अभागे बच्चे घोंसले में अपनी माता की प्रतीक्षा कर रहे हैं।

श्लोक 56 (bhagavata.7.2.56)

एवं कुलिङ्गं विलपन्तमारात् प्रियावियोगातुरमश्रुकण्ठम् । स एव तं शाकुनिकः शरेण विव्याध कालप्रहितो विलीनः ॥ ५६ ॥

evaṁ kuliṅgaṁ vilapantam ārāt priyā-viyogāturam aśru-kaṇṭham sa eva taṁ śākunikaḥ śareṇa vivyādha kāla-prahito vilīnaḥ

इस प्रकार प्रिया-वियोग से व्याकुल, अश्रुपूरित कण्ठ से विलाप करते हुए उस कुलिंग को, काल द्वारा प्रेरित वही छिपा हुआ बहेलिया दूर से ही बाण मारकर बींध डाला।

श्लोक 57 (bhagavata.7.2.57)

एवं यूयमपश्यन्त्य आत्मापायमबुद्धयः । नैनं प्राप्स्यथ शोचन्त्यः पतिं वर्षशतैरपि ॥ ५७ ॥

evaṁ yūyam apaśyantya ātmāpāyam abuddhayaḥ nainaṁ prāpsyatha śocantyaḥ patiṁ varṣa-śatair api

इसी प्रकार तुम भी अपने ही विनाश को न देखने वाली अबुद्ध हो; सौ वर्षों तक शोक करने पर भी तुम अपने पति को वापस नहीं पा सकोगी।

श्लोक 58 (bhagavata.7.2.58)

श्रीहिरण्यकशिपुरुवाच बाल एवं प्रवदति सर्वे विस्मितचेतसः । ज्ञातयो मेनिरे सर्वमनित्यमयथोत्थितम् ॥ ५८ ॥

śrī-hiraṇyakaśipur uvāca bāla evaṁ pravadati sarve vismita-cetasaḥ jñātayo menire sarvam anityam ayathotthitam

श्रीहिरण्यकशिपु ने कहा — उस बालक के इस प्रकार बोलने पर सभी बंधुजन विस्मित हो गए, और उन्होंने समझ लिया कि जो कुछ भी अकस्मात् उत्पन्न होता है, वह सब अनित्य ही है।

श्लोक 59 (bhagavata.7.2.59)

यम एतदुपाख्याय तत्रैवान्तरधीयत । ज्ञातयोऽहि सुयज्ञस्य चक्रुर्यत्साम्परायिकम् ॥ ५९ ॥

yama etad upākhyāya tatraivāntaradhīyata jñātayo hi suyajñasya cakrur yat sāmparāyikam

यह उपदेश देकर यम वहीं अंतर्धान हो गए। तत्पश्चात् सुयज्ञ के बंधुजनों ने उसके परलोक-संबंधी अंत्येष्टि कर्म संपन्न किए।

श्लोक 60 (bhagavata.7.2.60)

अतः शोचत मा यूयं परं चात्मानमेव वा । क आत्मा कः परो वात्र स्वीयः पारक्य एव वा । स्वपराभिनिवेशेन विनाज्ञानेन देहिनाम् ॥ ६० ॥

ataḥ śocata mā yūyaṁ paraṁ cātmānam eva vā ka ātmā kaḥ paro vātra svīyaḥ pārakya eva vā sva-parābhiniveśena vinājñānena dehinām

अतः तुम न तो दूसरों के लिए शोक करो और न अपने लिए। यहाँ कौन अपना है, कौन पराया? कौन स्वकीय है, कौन परकीय? यह भेद तो देहधारियों में केवल अज्ञान के कारण स्व-पर के मिथ्या आग्रह से उत्पन्न होता है।

श्लोक 61 (bhagavata.7.2.61)

श्रीनारद उवाच इति दैत्यपतेर्वाक्यं दितिराकर्ण्य सस्नुषा । पुत्रशोकं क्षणात्त्यक्त्वा तत्त्वे चित्तमधारयत् ॥ ६१ ॥

śrī-nārada uvāca iti daitya-pater vākyaṁ ditir ākarṇya sasnuṣā putra-śokaṁ kṣaṇāt tyaktvā tattve cittam adhārayat

श्रीनारद ने कहा — दैत्यराज के इस वचन को अपनी पुत्रवधू सहित सुनकर, दिति ने क्षणभर में ही पुत्र-शोक त्याग दिया और अपने चित्त को तत्त्वज्ञान में स्थिर कर लिया।