देवताओं और असुरों के बीच युद्ध

श्लोक 1 (bhagavata.8.10.1)

श्रीशुक उवाच इति दानवदैतेया नाविन्दन्नमृतं नृप । युक्ताः कर्मणि यत्ताश्च वासुदेवपराङ्मुखाः ॥ 10.1 ॥

śrī-śuka uvāca iti dānava-daiteyā nāvindann amṛtaṁ nṛpa yuktāḥ karmaṇi yattāś ca vāsudeva-parāṅmukhāḥ

श्री शुकदेव जी ने कहा — हे राजन्, इस प्रकार दानव और दैत्य समुद्र-मंथन के कार्य में पूरी शक्ति और परिश्रम लगाते रहे, किन्तु भगवान वासुदेव से विमुख होने के कारण उन्हें अमृत नहीं मिल सका।

श्लोक 2 (bhagavata.8.10.2)

साधयित्वामृतं राजन्पाययित्वा स्वकान्सुरान् । पश्यतां सर्वभूतानां ययौ गरुडवाहनः ॥ 10.2 ॥

sādhayitvāmṛtaṁ rājan pāyayitvā svakān surān paśyatāṁ sarva-bhūtānāṁ yayau garuḍa-vāhanaḥ

हे राजन्, अमृत को सिद्ध करके तथा अपने भक्त देवताओं को उसका पान कराकर, गरुड़-वाहन भगवान समस्त प्राणियों के देखते-देखते वहाँ से चले गए।

श्लोक 3 (bhagavata.8.10.3)

सपत्नानां परामृद्धिं दृष्ट्वा ते दितिनन्दनाः । अमृष्यमाणा उत्पेतुर्देवान्प्रत्युद्यतायुधाः ॥ 10.3 ॥

sapatnānāṁ parām ṛddhiṁ dṛṣṭvā te diti-nandanāḥ amṛṣyamāṇā utpetur devān pratyudyatāyudhāḥ

अपने शत्रुओं की इस असाधारण समृद्धि को देखकर, दिति के वे पुत्र सहन न कर सके और शस्त्र उठाकर देवताओं पर टूट पड़े।

श्लोक 4 (bhagavata.8.10.4)

ततः सुरगणाः सर्वे सुधया पीतयैधिताः । प्रतिसंयुयुधुः शस्त्रैर्नारायणपदाश्रयाः ॥ 10.4 ॥

tataḥ sura-gaṇāḥ sarve sudhayā pītayaidhitāḥ pratisaṁyuyudhuḥ śastrair nārāyaṇa-padāśrayāḥ

तब अमृत-पान से बलशाली हुए तथा भगवान नारायण के चरणों की शरण में रहने वाले समस्त देवगण अपने शस्त्रों से प्रत्युत्तर में युद्ध करने लगे।

श्लोक 5 (bhagavata.8.10.5)

तत्र दैवासुरो नाम रणः परमदारुणः । रोधस्युदन्वतो राजंस्तुमुलो रोमहर्षणः ॥ 10.5 ॥

tatra daivāsuro nāma raṇaḥ parama-dāruṇaḥ rodhasy udanvato rājaṁs tumulo roma-harṣaṇaḥ

हे राजन्, वहाँ क्षीरसागर के तट पर देवताओं और असुरों के बीच 'दैवासुर' नामक अत्यंत भीषण और तुमुल संग्राम छिड़ गया, जिसका वर्णन सुनकर भी रोंगटे खड़े हो जाते हैं।

श्लोक 6 (bhagavata.8.10.6)

तत्रान्योन्यं सपत्नास्ते संरब्धमनसो रणे । समासाद्यासिभिर्बाणैर्निजघ्नुर्विविधायुधैः ॥ 10.6 ॥

tatrānyonyaṁ sapatnās te saṁrabdha-manaso raṇe samāsādyāsibhir bāṇair nijaghnur vividhāyudhaiḥ

वहाँ वे परस्पर शत्रु, क्रोध से उद्वेलित मन लिए हुए, एक-दूसरे के निकट आकर तलवारों, बाणों और विविध अन्य शस्त्रों से एक-दूसरे पर प्रहार करने लगे।

श्लोक 7 (bhagavata.8.10.7)

शङ्खतूर्यमृदङ्गानां भेरीडमरिणां महान् । हस्त्यश्वरथपत्तीनां नदतां निस्वनोऽभवत् ॥ 10.7 ॥

śaṅkha-tūrya-mṛdaṅgānāṁ bherī-ḍamariṇāṁ mahān hasty-aśva-ratha-pattīnāṁ nadatāṁ nisvano ’bhavat

शंख, तुरही, मृदंग, भेरी और डमरू की तथा गरजते हुए हाथियों, घोड़ों, रथों और पैदल सैनिकों की भारी ध्वनि गूँज उठी।

श्लोक 8 (bhagavata.8.10.8)

रथिनो रथिभिस्तत्र पत्तिभिः सह पत्तयः । हया हयैरिभाश्चेभैः समसज्जन्त संयुगे ॥ 10.8 ॥

rathino rathibhis tatra pattibhiḥ saha pattayaḥ hayā hayair ibhāś cebhaiḥ samasajjanta saṁyuge

वहाँ रथी रथियों से, पैदल सैनिक पैदल सैनिकों से, घुड़सवार घुड़सवारों से और हाथी-सवार हाथी-सवारों से — इस प्रकार समान योद्धा समान योद्धाओं से भिड़ गए।

श्लोक 9 (bhagavata.8.10.9)

उष्ट्रैः केचिदिभैः केचिदपरे युयुधुः खरैः । केचिद्गौरमुखैरृक्षैर्द्वीपिभिर्हरिभिर्भटाः ॥ 10.9 ॥

uṣṭraiḥ kecid ibhaiḥ kecid apare yuyudhuḥ kharaiḥ kecid gaura-mukhair ṛkṣair dvīpibhir haribhir bhaṭāḥ

कुछ योद्धा ऊँटों पर, कुछ हाथियों पर, कुछ गधों पर सवार होकर लड़े; कुछ श्वेत-मुख वाले भालुओं पर, कुछ चीतों पर तथा कुछ सिंहों पर सवार होकर युद्ध करने लगे।

श्लोक 10 (bhagavata.8.10.10)

गृध्रैः कङ्कैर्बकैरन्ये श्येनभासैस्तिमिङ्गिलैः । शरभैर्महिषैः खड्गैर्गोवृषैर्गवयारुणैः ॥ 10.10 ॥

gṛdhraiḥ kaṅkair bakair anye śyena-bhāsais timiṅgilaiḥ śarabhair mahiṣaiḥ khaḍgair go-vṛṣair gavayāruṇaiḥ

अन्य योद्धा गृद्धों, कंकों, बगुलों, बाजों, भासपक्षियों तथा तिमिंगिलों पर, कुछ शरभों, भैंसों, गैंडों तथा गौओं, बैलों, गवयों और अरुण-वर्ण पशुओं पर सवार होकर लड़े।

श्लोक 11 (bhagavata.8.10.11)

शिवाभिराखुभिः केचित् कृकलासैः शशैर्नरैः । बस्तैरेके कृष्णसारैर्हंसैरन्ये च सूकरैः ॥ 10.11 ॥

śivābhir ākhubhiḥ kecit kṛkalāsaiḥ śaśair naraiḥ bastair eke kṛṣṇa-sārair haṁsair anye ca sūkaraiḥ

कुछ सियारों, चूहों, गिरगिटों, खरगोशों और मनुष्यों पर सवार थे; कुछ बकरों और कृष्णसार मृगों पर, और कुछ अन्य हंसों तथा सूअरों पर सवार होकर लड़ रहे थे।

श्लोक 12 (bhagavata.8.10.12)

अन्ये जलस्थलखगैः सत्त्वैर्विकृतविग्रहैः । सेनयोरुभयो राजन्विविशुस्तेऽग्रतोऽग्रतः ॥ 10.12 ॥

anye jala-sthala-khagaiḥ sattvair vikṛta-vigrahaiḥ senayor ubhayo rājan viviśus te ’grato ’grataḥ

हे राजन्, इस प्रकार जल, स्थल और आकाश के विचित्र आकार वाले प्राणियों पर सवार होकर दोनों सेनाएँ आगे बढ़ती हुई एक-दूसरे के सामने आ डटीं।

श्लोक 13 (bhagavata.8.10.13)

चित्रध्वजपटै राजन्नातपत्रैः सितामलैः । महाधनैर्वज्रदण्डैर्व्यजनैर्बार्हचामरैः ॥ 10.13 ॥

citra-dhvaja-paṭai rājann ātapatraiḥ sitāmalaiḥ mahā-dhanair vajra-daṇḍair vyajanair bārha-cāmaraiḥ

हे राजन्, रंग-बिरंगी पताकाओं, हीरे की दण्डियों वाले श्वेत-निर्मल छत्रों, मयूर-पंख के पंखों तथा चँवरों से,

श्लोक 14 (bhagavata.8.10.14)

वातोद्धूतोत्तरोष्णीषैरर्चिर्भिर्वर्मभूषणैः । स्फुरद्भिर्विशदैः शस्त्रैः सुतरां सूर्यरश्मिभिः ॥ 10.14 ॥

vātoddhūtottaroṣṇīṣair arcirbhir varma-bhūṣaṇaiḥ sphuradbhir viśadaiḥ śastraiḥ sutarāṁ sūrya-raśmibhiḥ

हवा में लहराते हुए पगड़ी-वस्त्रों, कवचों और आभूषणों की चमक से, तथा सूर्य की किरणों में जगमगाते निर्मल शस्त्रों से,

श्लोक 15 (bhagavata.8.10.15)

देवदानववीराणां ध्वजिन्यौ पाण्डुनन्दन । रेजतुर्वीरमालाभिर्यादसामिव सागरौ ॥ 10.15 ॥

deva-dānava-vīrāṇāṁ dhvajinyau pāṇḍu-nandana rejatur vīra-mālābhir yādasām iva sāgarau

हे पाण्डु-नन्दन, देवताओं और दानवों की वीर-सेनाएँ वीरों की पंक्तियों से ऐसे सुशोभित हो रही थीं मानो जलचरों से भरे हुए दो समुद्र हों।

श्लोक 16 (bhagavata.8.10.16)

वैरोचनो बलिः सङ्ख्ये सोऽसुराणां चमूपतिः । यानं वैहायसं नाम कामगं मयनिर्मितम् ॥ 10.16 ॥

vairocano baliḥ saṅkhye so ’surāṇāṁ camū-patiḥ yānaṁ vaihāyasaṁ nāma kāma-gaṁ maya-nirmitam

विरोचन-पुत्र बलि, जो उस युद्ध में असुर-सेना के सेनापति थे, मय द्वारा निर्मित 'वैहायस' नामक इच्छानुसार गमन करने वाले विमान पर आरूढ़ थे।

श्लोक 17 (bhagavata.8.10.17)

सर्वसाङ्ग्रामिकोपेतं सर्वाश्चर्यमयं प्रभो । अप्रतर्क्यमनिर्देश्यं दृश्यमानमदर्शनम् ॥ 10.17 ॥

sarva-sāṅgrāmikopetaṁ sarvāścaryamayaṁ prabho apratarkyam anirdeśyaṁ dṛśyamānam adarśanam

हे प्रभु, वह विमान युद्ध की समस्त सामग्री से सुसज्जित तथा नाना आश्चर्यों से पूर्ण था — वह अकल्पनीय और अवर्णनीय था, कभी दिखाई देता तो कभी अदृश्य हो जाता था।

श्लोक 18 (bhagavata.8.10.18)

आस्थितस्तद् विमानाग्र्यं सर्वानीकाधिपैर्वृतः । बालव्यजनछत्राग्र्यै रेजे चन्द्र इवोदये ॥ 10.18 ॥

āsthitas tad vimānāgryaṁ sarvānīkādhipair vṛtaḥ bāla-vyajana-chatrāgryai reje candra ivodaye

उस उत्तम विमान पर बैठे हुए तथा अपनी समस्त सेनाओं के प्रधानों से घिरे हुए, श्रेष्ठ चँवर और छत्र से सुशोभित बलि उदय होते हुए चन्द्रमा के समान चमक रहे थे।

श्लोक 19 (bhagavata.8.10.19)

तस्यासन्सर्वतो यानैर्यूथानां पतयोऽसुराः । नमुचिः शम्बरो बाणो विप्रचित्तिरयोमुखः ॥ 10.19 ॥

tasyāsan sarvato yānair yūthānāṁ patayo ’surāḥ namuciḥ śambaro bāṇo vipracittir ayomukhaḥ

उसके चारों ओर अपने-अपने वाहनों पर सवार सेना-प्रमुख असुर थे — नमुचि, शम्बर, बाण, विप्रचित्ति, अयोमुख,

श्लोक 20 (bhagavata.8.10.20)

द्विमूर्धा कालनाभोऽथ प्रहेतिर्हेतिरिल्वलः । शकुनिर्भूतसन्तापो वज्रदंष्ट्रो विरोचनः ॥ 10.20 ॥

dvimūrdhā kālanābho ’tha prahetir hetir ilvalaḥ śakunir bhūtasantāpo vajradaṁṣṭro virocanaḥ

द्विमूर्धा, कालनाभ, प्रहेति, हेति, इल्वल, शकुनि, भूतसन्ताप, वज्रदंष्ट्र और विरोचन,

श्लोक 21 (bhagavata.8.10.21)

हयग्रीवः शङ्कुशिराः कपिलो मेघदुन्दुभिः । तारकश्चक्रदृक् शुम्भो निशुम्भो जम्भ उत्कलः ॥ 10.21 ॥

hayagrīvaḥ śaṅkuśirāḥ kapilo meghadundubhiḥ tārakaś cakradṛk śumbho niśumbho jambha utkalaḥ

हयग्रीव, शंकुशिरा, कपिल, मेघदुन्दुभि, तारक, चक्रदृक्, शुम्भ, निशुम्भ, जम्भ और उत्कल,

श्लोक 22 (bhagavata.8.10.22)

अरिष्टोऽरिष्टनेमिश्च मयश्च त्रिपुराधिपः । अन्ये पौलोमकालेया निवातकवचादयः ॥ 10.22 ॥

ariṣṭo ’riṣṭanemiś ca mayaś ca tripurādhipaḥ anye pauloma-kāleyā nivātakavacādayaḥ

अरिष्ट, अरिष्टनेमि, और त्रिपुर के स्वामी मय — तथा इनके अतिरिक्त पौलोम, कालेय और निवातकवच आदि अन्य असुर भी वहाँ उपस्थित थे।

श्लोक 23 (bhagavata.8.10.23)

अलब्धभागाः सोमस्य केवलं क्लेशभागिनः । सर्व एते रणमुखे बहुशो निर्जितामराः ॥ 10.23 ॥

alabdha-bhāgāḥ somasya kevalaṁ kleśa-bhāginaḥ sarva ete raṇa-mukhe bahuśo nirjitāmarāḥ

अमृत का भाग न पाकर केवल परिश्रम का ही फल पाने वाले ये सभी असुर, जो पूर्व में भी अनेक बार देवताओं से पराजित हो चुके थे, अब युद्ध के मोर्चे पर आ डटे।

श्लोक 24 (bhagavata.8.10.24)

सिंहनादान्विमुञ्चन्तः शङ्खान्दध्मुर्महारवान् । दृष्ट्वा सपत्नानुत्सिक्तान्बलभित् कुपितो भृशम् ॥ 10.24 ॥

siṁha-nādān vimuñcantaḥ śaṅkhān dadhmur mahā-ravān dṛṣṭvā sapatnān utsiktān balabhit kupito bhṛśam

वे सिंह-गर्जना करते हुए महाघोष से शंख फूँकने लगे। अपने उन उद्दण्ड शत्रुओं को देखकर वृत्रासुर-हन्ता इन्द्र अत्यंत क्रुद्ध हो उठे।

श्लोक 25 (bhagavata.8.10.25)

ऐरावतं दिक्करिणमारूढः शुशुभे स्वराट् । यथा स्रवत्प्रस्रवणमुदयाद्रिमहर्पतिः ॥ 10.25 ॥

airāvataṁ dik-kariṇam ārūḍhaḥ śuśubhe sva-rāṭ yathā sravat-prasravaṇam udayādrim ahar-patiḥ

दिशाओं के दिग्गज ऐरावत पर आरूढ़ स्वयं-प्रकाशी इन्द्र ऐसे सुशोभित हो रहे थे जैसे झरनों से युक्त उदयाचल पर्वत पर उदित होता हुआ सूर्य।

श्लोक 26 (bhagavata.8.10.26)

तस्यासन्सर्वतो देवा नानावाहध्वजायुधाः । लोकपालाः सहगणैर्वाय्वग्निवरुणादयः ॥ 10.26 ॥

tasyāsan sarvato devā nānā-vāha-dhvajāyudhāḥ lokapālāḥ saha-gaṇair vāyv-agni-varuṇādayaḥ

उनके चारों ओर विविध वाहनों, ध्वजाओं और शस्त्रों से सज्जित देवगण थे, तथा वायु, अग्नि, वरुण आदि लोकपाल भी अपने-अपने गणों सहित उपस्थित थे।

श्लोक 27 (bhagavata.8.10.27)

तेऽन्योन्यमभिसंसृत्य क्षिपन्तो मर्मभिर्मिथः । आह्वयन्तो विशन्तोऽग्रे युयुधुर्द्वन्द्वयोधिनः ॥ 10.27 ॥

te ’nyonyam abhisaṁsṛtya kṣipanto marmabhir mithaḥ āhvayanto viśanto ’gre yuyudhur dvandva-yodhinaḥ

वे एक-दूसरे के समीप आकर हृदय-वेधी वचनों से एक-दूसरे को उकसाने लगे, फिर ललकारते हुए आगे बढ़कर जोड़ी-जोड़ी में द्वन्द्व-युद्ध करने लगे।

श्लोक 28 (bhagavata.8.10.28)

युयोध बलिरिन्द्रेण तारकेण गुहोऽस्यत । वरुणो हेतिनायुध्यन्मित्रो राजन्प्रहेतिना ॥ 10.28 ॥

yuyodha balir indreṇa tārakeṇa guho ’syata varuṇo hetināyudhyan mitro rājan prahetinā

बलि इन्द्र से युद्ध करने लगे, कार्तिकेय तारक पर टूट पड़े, वरुण हेति से लड़े और हे राजन्, मित्र प्रहेति से भिड़ गए।

श्लोक 29 (bhagavata.8.10.29)

यमस्तु कालनाभेन विश्वकर्मा मयेन वै । शम्बरो युयुधे त्वष्ट्रा सवित्रा तु विरोचनः ॥ 10.29 ॥

yamas tu kālanābhena viśvakarmā mayena vai śambaro yuyudhe tvaṣṭrā savitrā tu virocanaḥ

यमराज कालनाभ से, विश्वकर्मा मय से, शम्बर त्वष्टा से और विरोचन सूर्यदेव से युद्ध करने लगे।

श्लोक 30 (bhagavata.8.10.30)

अपराजितेन नमुचिरश्विनौ वृषपर्वणा । सूर्यो बलिसुतैर्देवो बाणज्येष्ठैः शतेन च ॥ 10.30 ॥

aparājitena namucir aśvinau vṛṣaparvaṇā sūryo bali-sutair devo bāṇa-jyeṣṭhaiḥ śatena ca

नमुचि अपराजित से, वृषपर्वा दोनों अश्विनी-कुमारों से, तथा सूर्यदेव बाण-प्रधान बलि के सौ पुत्रों से लड़ने लगे।

श्लोक 31 (bhagavata.8.10.31)

राहुणा च तथा सोमः पुलोम्ना युयुधेऽनिलः । निशुम्भशुम्भयोर्देवी भद्रकाली तरस्विनी ॥ 10.31 ॥

rāhuṇā ca tathā somaḥ pulomnā yuyudhe ’nilaḥ niśumbha-śumbhayor devī bhadrakālī tarasvinī

चन्द्रमा राहु से, वायुदेव पुलोमा से युद्ध करने लगे, और अत्यंत वेगवती देवी भद्रकाली शुम्भ-निशुम्भ दोनों से भिड़ गईं।

श्लोक 32 (bhagavata.8.10.32)

वृषाकपिस्तु जम्भेन महिषेण विभावसुः । इल्वलः सह वातापिर्ब्रह्मपुत्रैररिन्दम ॥ 10.32 ॥

vṛṣākapis tu jambhena mahiṣeṇa vibhāvasuḥ ilvalaḥ saha vātāpir brahma-putrair arindama

हे शत्रुदमन, वृषाकपि (शिव) जम्भ से, विभावसु (अग्नि) महिष से युद्ध करने लगे, और इल्वल अपने भाई वातापि के साथ ब्रह्मा के पुत्रों से भिड़ गया।

श्लोक 33 (bhagavata.8.10.33)

कामदेवेन दुर्मर्ष उत्कलो मातृभिः सह । बृहस्पतिश्चोशनसा नरकेण शनैश्चरः ॥ 10.33 ॥

kāmadevena durmarṣa utkalo mātṛbhiḥ saha bṛhaspatiś cośanasā narakeṇa śanaiścaraḥ

दुर्मर्ष कामदेव से, उत्कल मातृका-देवियों से, बृहस्पति शुक्राचार्य से, और शनैश्चर नरकासुर से युद्ध करने लगे।

श्लोक 34 (bhagavata.8.10.34)

मरुतो निवातकवचैः कालेयैर्वसवोऽमराः । विश्वेदेवास्तु पौलोमै रुद्राः क्रोधवशैः सह ॥ 10.34 ॥

maruto nivātakavacaiḥ kāleyair vasavo ’marāḥ viśvedevās tu paulomai rudrāḥ krodhavaśaiḥ saha

मरुद्गण निवातकवचों से, वसुगण कालेयों से, विश्वेदेवगण पौलोमों से, और रुद्रगण क्रोधवश असुरों से युद्ध करने लगे।

श्लोक 35 (bhagavata.8.10.35)

त एवमाजावसुराः सुरेन्द्रा द्वन्द्वेन संहत्य च युध्यमानाः । अन्योन्यमासाद्य निजघ्नुरोजसा जिगीषवस्तीक्ष्णशरासितोमरैः ॥ 10.35 ॥

ta evam ājāv asurāḥ surendrā dvandvena saṁhatya ca yudhyamānāḥ anyonyam āsādya nijaghnur ojasā jigīṣavas tīkṣṇa-śarāsi-tomaraiḥ

इस प्रकार वे असुर और देवगण उस युद्धभूमि में जोड़ी-जोड़ी बनाकर तथा सामूहिक रूप से भी लड़ते हुए, विजय की कामना से भरकर तीक्ष्ण बाणों, तलवारों और भालों से एक-दूसरे पर बलपूर्वक प्रहार करने लगे।

श्लोक 36 (bhagavata.8.10.36)

भुशुण्डिभिश्चक्रगदर्ष्टिपट्टिशैः शक्त्युल्मुकैः प्रासपरश्वधैरपि । निस्त्रिंशभल्लैः परिघैः समुद्गरैः सभिन्दिपालैश्च शिरांसि चिच्छिदुः ॥ 10.36 ॥

bhuśuṇḍibhiś cakra-gadarṣṭi-paṭṭiśaiḥ śakty-ulmukaiḥ prāsa-paraśvadhair api nistriṁśa-bhallaiḥ parighaiḥ samudgaraiḥ sabhindipālaiś ca śirāṁsi cicchiduḥ

वे भुशुण्डि, चक्र, गदा, ऋष्टि, पट्टिश, शक्ति, उल्मुक, प्रास, फरसा, तलवार, भल्ल, परिघ, मुद्गर और भिन्दिपाल जैसे शस्त्रों से एक-दूसरे के सिर काटने लगे।

श्लोक 37 (bhagavata.8.10.37)

गजास्तुरङ्गाः सरथाः पदातयः सारोहवाहा विविधा विखण्डिताः । निकृत्तबाहूरुशिरोधराङ्घ्रय- श्छिन्नध्वजेष्वासतनुत्रभूषणाः ॥ 10.37 ॥

gajās turaṅgāḥ sarathāḥ padātayaḥ sāroha-vāhā vividhā vikhaṇḍitāḥ nikṛtta-bāhūru-śirodharāṅghrayaś chinna-dhvajeṣvāsa-tanutra-bhūṣaṇāḥ

हाथी, घोड़े, रथ और पैदल सैनिक, अपने सवारों सहित तथा विविध पशु-वाहन सभी छिन्न-भिन्न हो गए। भुजाएँ, जंघाएँ, गर्दनें और पैर कटकर बिखर गए, तथा ध्वजा, धनुष, कवच और आभूषण चूर-चूर हो गए।

श्लोक 38 (bhagavata.8.10.38)

तेषां पदाघातरथाङ्गचूर्णिता- दायोधनादुल्बण उत्थितस्तदा । रेणुर्दिशः खं द्युमणिं च छादयन् न्यवर्ततासृक् स्रुतिभिः परिप्लुतात् ॥ 10.38 ॥

teṣāṁ padāghāta-rathāṅga-cūrṇitād āyodhanād ulbaṇa utthitas tadā reṇur diśaḥ khaṁ dyumaṇiṁ ca chādayan nyavartatāsṛk-srutibhiḥ pariplutāt

उन सैनिकों के पदाघातों और रथ-चक्रों से चूर्णित हुए उस रणभूमि से घोर धूल उठकर दिशाओं, आकाश और सूर्य तक को ढक देने लगी, किन्तु जब वह भूमि रक्त की धाराओं से पूर्णत: भीग गई, तब वह धूल शान्त हो गई।

श्लोक 39 (bhagavata.8.10.39)

शिरोभिरुद्धूतकिरीटकुण्डलैः संरम्भदृग्भिः परिदष्टदच्छदैः । महाभुजैः साभरणैः सहायुधैः सा प्रास्तृता भूः करभोरुभिर्बभौ ॥ 10.39 ॥

śirobhir uddhūta-kirīṭa-kuṇḍalaiḥ saṁrambha-dṛgbhiḥ paridaṣṭa-dacchadaiḥ mahā-bhujaiḥ sābharaṇaiḥ sahāyudhaiḥ sā prāstṛtā bhūḥ karabhorubhir babhau

वह भूमि बिखरे मुकुटों और कुण्डलों सहित कटे सिरों से, जिनकी आँखें अब भी क्रोध से भरी और होंठ दाँतों से दबे हुए थे, आभूषणों और शस्त्रों सहित कटी भुजाओं से, तथा हाथी की सूँड़ जैसी जंघाओं से पटी पड़ी सुशोभित हो रही थी।

श्लोक 40 (bhagavata.8.10.40)

कबन्धास्तत्र चोत्पेतुः पतितस्वशिरोऽक्षिभिः । उद्यतायुधदोर्दण्डैराधावन्तो भटान् मृधे ॥ 10.40 ॥

kabandhās tatra cotpetuḥ patita-sva-śiro-’kṣibhiḥ udyatāyudha-dordaṇḍair ādhāvanto bhaṭān mṛdhe

वहाँ अनेक धड़ बिना सिर के भी उठ खड़े हुए, अपने गिरे हुए सिरों की आँखों से देखते हुए, हाथों में शस्त्र उठाए हुए, और शत्रु सैनिकों की ओर दौड़ पड़े।

श्लोक 41 (bhagavata.8.10.41)

बलिर्महेन्द्रं दशभिस्त्रिभिरैरावतं शरैः । चतुर्भिश्चतुरो वाहानेकेनारोहमार्च्छयत् ॥ 10.41 ॥

balir mahendraṁ daśabhis tribhir airāvataṁ śaraiḥ caturbhiś caturo vāhān ekenāroham ārcchayat

बलि ने दस बाणों से महेन्द्र पर, तीन बाणों से ऐरावत पर, चार बाणों से (ऐरावत के पैरों के) चार सहायक वाहनों पर, और एक बाण से उसके सारथी पर प्रहार किया।

श्लोक 42 (bhagavata.8.10.42)

स तानापततः शक्रस्तावद्भिः शीघ्रविक्रमः । चिच्छेद निशितैर्भल्लैरसम्प्राप्तान्हसन्निव ॥ 10.42 ॥

sa tān āpatataḥ śakras tāvadbhiḥ śīghra-vikramaḥ ciccheda niśitair bhallair asamprāptān hasann iva

तेज गति से पराक्रम दिखाने वाले इन्द्र ने उतने ही तीक्ष्ण भल्ल-बाणों से, मानो हँसते हुए, उन आते हुए बाणों को अपने पास पहुँचने से पहले ही काट डाला।

श्लोक 43 (bhagavata.8.10.43)

तस्य कर्मोत्तमं वीक्ष्य दुर्मर्षः शक्तिमाददे । तां ज्वलन्तीं महोल्काभां हस्तस्थामच्छिनद्धरिः ॥ 10.43 ॥

tasya karmottamaṁ vīkṣya durmarṣaḥ śaktim ādade tāṁ jvalantīṁ maholkābhāṁ hasta-sthām acchinad dhariḥ

इन्द्र के इस उत्कृष्ट कौशल को देखकर सहनशक्ति खोए हुए बलि ने प्रज्वलित उल्का के समान चमकती हुई एक शक्ति उठाई, किन्तु इन्द्र ने उसे बलि के हाथ में रहते हुए ही काट डाला।

श्लोक 44 (bhagavata.8.10.44)

ततः शूलं ततः प्रासं ततस्तोमरमृष्टयः । यद् यच्छस्त्रं समादद्यात्सर्वं तदच्छिनद् विभुः ॥ 10.44 ॥

tataḥ śūlaṁ tataḥ prāsaṁ tatas tomaram ṛṣṭayaḥ yad yac chastraṁ samādadyāt sarvaṁ tad acchinad vibhuḥ

फिर बलि ने बारी-बारी से त्रिशूल, प्रास, तोमर और ऋष्टि उठाए, किन्तु जो भी शस्त्र वह उठाता, महाबली इन्द्र उसे तुरन्त काट डालता।

श्लोक 45 (bhagavata.8.10.45)

ससर्जाथासुरीं मायामन्तर्धानगतोऽसुरः । ततः प्रादुरभूच्छैलः सुरानीकोपरि प्रभो ॥ 10.45 ॥

sasarjāthāsurīṁ māyām antardhāna-gato ’suraḥ tataḥ prādurabhūc chailaḥ surānīkopari prabho

हे प्रभो, तब उस असुर बलि ने अदृश्य होकर आसुरी माया का सहारा लिया, जिससे देवताओं की सेना के ऊपर एक विशाल पर्वत प्रकट हो गया।

श्लोक 46 (bhagavata.8.10.46)

ततो निपेतुस्तरवो दह्यमाना दवाग्निना । शिलाः सटङ्कशिखराश्चूर्णयन्त्यो द्विषद्बलम् ॥ 10.46 ॥

tato nipetus taravo dahyamānā davāgninā śilāḥ saṭaṅka-śikharāś cūrṇayantyo dviṣad-balam

उस पर्वत से दावानल में जलते हुए वृक्ष गिरने लगे, और नुकीले शिखरों वाली चट्टानें भी गिरकर शत्रु-सेना को चूर-चूर करने लगीं।

श्लोक 47 (bhagavata.8.10.47)

महोरगाः समुत्पेतुर्दन्दशूकाः सवृश्चिकाः । सिंहव्याघ्रवराहाश्च मर्दयन्तो महागजाः ॥ 10.47 ॥

mahoragāḥ samutpetur dandaśūkāḥ savṛścikāḥ siṁha-vyāghra-varāhāś ca mardayanto mahā-gajāḥ

विशाल सर्प, विषैले जीव, बिच्छू, सिंह, बाघ, सूअर और विशालकाय हाथी भी वहाँ प्रकट होकर सबको कुचलने लगे।

श्लोक 48 (bhagavata.8.10.48)

यातुधान्यश्च शतशः शूलहस्ता विवाससः । छिन्धि भिन्धीति वादिन्यस्तथा रक्षोगणाः प्रभो ॥ 10.48 ॥

yātudhānyaś ca śataśaḥ śūla-hastā vivāsasaḥ chindhi bhindhīti vādinyas tathā rakṣo-gaṇāḥ prabho

हे प्रभो, हाथों में त्रिशूल लिए हुए, नग्न, सैकड़ों राक्षसियाँ 'काटो, बेधो' चिल्लाती हुई तथा राक्षसों के समूह भी वहाँ प्रकट हो गए।

श्लोक 49 (bhagavata.8.10.49)

ततो महाघना व्योम्नि गम्भीरपरुषस्वनाः । अङ्गारान्मुमुचुर्वातैराहताः स्तनयित्नवः ॥ 10.49 ॥

tato mahā-ghanā vyomni gambhīra-paruṣa-svanāḥ aṅgārān mumucur vātair āhatāḥ stanayitnavaḥ

तब आकाश में गम्भीर और कर्कश गर्जना करते हुए विशाल बादल घिर आए, और तेज हवाओं से टकराकर वे धधकते अंगारे बरसाने लगे।

श्लोक 50 (bhagavata.8.10.50)

सृष्टो दैत्येन सुमहान्वह्निः श्वसनसारथिः । सांवर्तक इवात्युग्रो विबुधध्वजिनीमधाक् ॥ 10.50 ॥

sṛṣṭo daityena sumahān vahniḥ śvasana-sārathiḥ sāṁvartaka ivātyugro vibudha-dhvajinīm adhāk

उस दैत्य द्वारा उत्पन्न किया गया प्रचण्ड वायु से चलित विशाल अग्नि, प्रलयकालीन सांवर्तक अग्नि के समान भीषण होकर देवताओं की सेना को भस्म करने लगी।

श्लोक 51 (bhagavata.8.10.51)

ततः समुद्र उद्वेलः सर्वतः प्रत्यदृश्यत । प्रचण्डवातैरुद्धूततरङ्गावर्तभीषणः ॥ 10.51 ॥

tataḥ samudra udvelaḥ sarvataḥ pratyadṛśyata pracaṇḍa-vātair uddhūta- taraṅgāvarta-bhīṣaṇaḥ

तत्पश्चात् प्रचण्ड आँधियों से उठी लहरों और भँवरों से भयावह बना हुआ समुद्र मानो अपनी सीमाएँ तोड़कर चारों ओर उमड़ पड़ा हुआ दिखाई देने लगा।

श्लोक 52 (bhagavata.8.10.52)

एवं दैत्यैर्महामायैरलक्ष्यगतिभीरणे । सृज्यमानासु मायासु विषेदुः सुरसैनिकाः ॥ 10.52 ॥

evaṁ daityair mahā-māyair alakṣya-gatibhī raṇe sṛjyamānāsu māyāsu viṣeduḥ sura-sainikāḥ

इस प्रकार युद्ध में उन मायावी और अदृश्य-गति वाले दैत्यों द्वारा एक के बाद एक रची जा रही इन मायाओं से देवताओं की सेना विषाद में डूब गई।

श्लोक 53 (bhagavata.8.10.53)

न तत्प्रतिविधिं यत्र विदुरिन्द्रादयो नृप । ध्यातः प्रादुरभूत् तत्र भगवान्विश्वभावनः ॥ 10.53 ॥

na tat-pratividhiṁ yatra vidur indrādayo nṛpa dhyātaḥ prādurabhūt tatra bhagavān viśva-bhāvanaḥ

हे राजन्, जब इन्द्र आदि देवगण इसका कोई प्रतिकार न पा सके, तब उन्होंने विश्व के पालनकर्ता भगवान का ध्यान किया, और भगवान तत्काल वहाँ प्रकट हो गए।

श्लोक 54 (bhagavata.8.10.54)

ततः सुपर्णांसकृताङ्घ्रिपल्लवः पिशङ्गवासा नवकञ्जलोचनः । अदृश्यताष्टायुधबाहुरुल्लस- च्छ्रीकौस्तुभानर्घ्यकिरीटकुण्डलः ॥ 10.54 ॥

tataḥ suparṇāṁsa-kṛtāṅghri-pallavaḥ piśaṅga-vāsā nava-kañja-locanaḥ adṛśyatāṣṭāyudha-bāhur ullasac- chrī-kaustubhānarghya-kirīṭa-kuṇḍalaḥ

तब गरुड़ के कन्धों पर अपने कोमल चरण-कमल टिकाए हुए, पीताम्बर पहने, नवीन कमल-दल के समान नेत्रों वाले, आठों भुजाओं में शस्त्र धारण किए हुए, तथा देदीप्यमान श्री-कौस्तुभ मणि और अमूल्य मुकुट-कुण्डलों से सुशोभित भगवान वहाँ प्रकट हुए।

श्लोक 55 (bhagavata.8.10.55)

तस्मिन्प्रविष्टेऽसुरकूटकर्मजा माया विनेशुर्महिना महीयसः । स्वप्नो यथा हि प्रतिबोध आगते हरिस्मृतिः सर्वविपद्विमोक्षणम् ॥ 10.55 ॥

tasmin praviṣṭe ’sura-kūṭa-karmajā māyā vineśur mahinā mahīyasaḥ svapno yathā hi pratibodha āgate hari-smṛtiḥ sarva-vipad-vimokṣaṇam

जैसे जागने पर स्वप्न के सारे भय मिट जाते हैं, वैसे ही महामहिम भगवान के युद्धभूमि में प्रवेश करते ही असुरों की छलपूर्ण माया से उत्पन्न सारी विपत्तियाँ नष्ट हो गईं — क्योंकि भगवान का स्मरण मात्र ही समस्त विपत्तियों से मुक्ति दिला देता है।

श्लोक 56 (bhagavata.8.10.56)

दृष्ट्वा मृधे गरुडवाहमिभारिवाह आविध्य शूलमहिनोदथ कालनेमिः । तल्लीलया गरुडमूर्ध्नि पतद् गृहीत्वा तेनाहनन्नृप सवाहमरिं त्र्यधीशः ॥ 10.56 ॥

dṛṣṭvā mṛdhe garuḍa-vāham ibhāri-vāha āvidhya śūlam ahinod atha kālanemiḥ tal līlayā garuḍa-mūrdhni patad gṛhītvā tenāhanan nṛpa savāham ariṁ tryadhīśaḥ

हे राजन्, सिंह पर सवार कालनेमि ने जब युद्धभूमि में गरुड़ पर आरूढ़ भगवान को देखा, तो त्रिशूल घुमाकर गरुड़ के सिर पर फेंका। किन्तु त्रिलोकीनाथ भगवान ने गरुड़ के सिर पर गिरते हुए उस त्रिशूल को लीलापूर्वक पकड़ लिया, और उसी शस्त्र से अपने उस शत्रु को उसके वाहन सिंह सहित मार डाला।

श्लोक 57 (bhagavata.8.10.57)

माली सुमाल्यतिबलौ युधि पेततुर्य च्चक्रेण कृत्तशिरसावथ माल्यवांस्तम् । आहत्य तिग्मगदयाहनदण्डजेन्द्र तावच्छिरोऽच्छिनदरेर्नदतोऽरिणाद्यः ॥ 10.57 ॥

mālī sumāly atibalau yudhi petatur yac- cakreṇa kṛtta-śirasāv atha mālyavāṁs tam āhatya tigma-gadayāhanad aṇḍajendraṁ tāvac chiro ’cchinad arer nadato ’riṇādyaḥ

तत्पश्चात् अत्यंत बलशाली माली और सुमाली नामक असुर भगवान के चक्र से सिर कटकर युद्धभूमि में गिर पड़े। फिर माल्यवान नामक असुर तीक्ष्ण गदा से अण्डज-श्रेष्ठ गरुड़ पर प्रहार करते हुए सिंह के समान गरजने लगा, किन्तु आदिपुरुष भगवान ने उसी क्षण अपने उस शत्रु का भी सिर काट डाला।