देवताओं की शरणागति और ब्रह्मा-स्तुति

श्लोक 1 (bhagavata.8.5.1)

श्रीशुक उवाच राजन्नुदितमेतत् ते हरेः कर्माघनाशनम् । गजेन्द्रमोक्षणं पुण्यं रैवतं त्वन्तरं शृणु ॥ 5.1 ॥

śrī-śuka uvāca rājann uditam etat te hareḥ karmāgha-nāśanam gajendra-mokṣaṇaṁ puṇyaṁ raivataṁ tv antaraṁ śṛṇu

शुकदेव जी ने कहा — हे राजन्! मैंने आपसे हरि का यह पापनाशक, पवित्र गजेन्द्र-मोक्षण कर्म वर्णन किया। अब रैवत मन्वन्तर के विषय में सुनिए।

श्लोक 2 (bhagavata.8.5.2)

पञ्चमो रैवतो नाम मनुस्तामससोदरः । बलिविन्ध्यादयस्तस्य सुता हार्जुनपूर्वकाः ॥ 5.2 ॥

pañcamo raivato nāma manus tāmasa-sodaraḥ bali-vindhyādayas tasya sutā hārjuna-pūrvakāḥ

पंचम मनु रैवत, तामस के भ्राता थे; बलि, विन्ध्य आदि, अर्जुन प्रमुख, उनके पुत्र थे।

श्लोक 3 (bhagavata.8.5.3)

विभुरिन्द्रः सुरगणा राजन्भूतरयादयः । हिरण्यरोमा वेदशिरा ऊर्ध्वबाह्वादयो द्विजाः ॥ 5.3 ॥

vibhur indraḥ sura-gaṇā rājan bhūtarayādayaḥ hiraṇyaromā vedaśirā ūrdhvabāhv-ādayo dvijāḥ

हे राजन्! विभु इन्द्र थे; भूतरय आदि देवगण थे; तथा हिरण्यरोमा, वेदशिरा, ऊर्ध्वबाहु आदि ब्राह्मण थे।

श्लोक 4 (bhagavata.8.5.4)

पत्नी विकुण्ठा शुभ्रस्य वैकुण्ठैः सुरसत्तमैः । तयोः स्वकलया जज्ञे वैकुण्ठो भगवान्स्वयम् ॥ 5.4 ॥

patnī vikuṇṭhā śubhrasya vaikuṇṭhaiḥ sura-sattamaiḥ tayoḥ sva-kalayā jajñe vaikuṇṭho bhagavān svayam

शुभ्र की पत्नी विकुण्ठा थीं; उन दोनों से, वैकुण्ठ नामक श्रेष्ठ देवताओं सहित, स्वयं भगवान अपनी कला से वैकुण्ठ नाम से प्रकट हुए।

श्लोक 5 (bhagavata.8.5.5)

वैकुण्ठः कल्पितो येन लोको लोकनमस्कृतः । रमया प्रार्थ्यमानेन देव्या तत्प्रियकाम्यया ॥ 5.5 ॥

vaikuṇṭhaḥ kalpito yena loko loka-namaskṛtaḥ ramayā prārthyamānena devyā tat-priya-kāmyayā

जिनके द्वारा, देवी रमा (लक्ष्मी) की प्रार्थना पर, उन्हें प्रसन्न करने की इच्छा से, समस्त लोकों द्वारा वन्दनीय वैकुण्ठ-लोक की रचना की गई।

श्लोक 6 (bhagavata.8.5.6)

तस्यानुभावः कथितो गुणाश्च परमोदयाः । भौमान्रेणून्स विममे यो विष्णोर्वर्णयेद् गुणान् ॥ 5.6 ॥

tasyānubhāvaḥ kathito guṇāś ca paramodayāḥ bhaumān reṇūn sa vimame yo viṣṇor varṇayed guṇān

उनकी महिमा तथा परम उदात्त गुणों का वर्णन किया गया; जो पृथ्वी के धूलिकणों को गिन सके, वही विष्णु के गुणों को गिन सकता है।

श्लोक 7 (bhagavata.8.5.7)

षष्ठश्च चक्षुषः पुत्रश्चाक्षुषो नाम वै मनुः । पूरुपूरुषसुद्युम्नप्रमुखाश्चाक्षुषात्मजाः ॥ 5.7 ॥

ṣaṣṭhaś ca cakṣuṣaḥ putraś cākṣuṣo nāma vai manuḥ pūru-pūruṣa-sudyumna- pramukhāś cākṣuṣātmajāḥ

छठे मनु चक्षु के पुत्र चाक्षुष कहलाए; पूरु, पुरुष, सुद्युम्न आदि उनके पुत्र थे।

श्लोक 8 (bhagavata.8.5.8)

इन्द्रो मन्त्रद्रुमस्तत्र देवा आप्यादयो गणाः । मुनयस्तत्र वै राजन्हविष्मद्वीरकादयः ॥ 5.8 ॥

indro mantradrumas tatra devā āpyādayo gaṇāḥ munayas tatra vai rājan haviṣmad-vīrakādayaḥ

उस काल में मन्त्रद्रुम इन्द्र थे; आप्य आदि देवगण थे; तथा हे राजन्, हविष्मान्, वीरक आदि मुनि थे।

श्लोक 9 (bhagavata.8.5.9)

तत्रापि देवसम्भूत्यां वैराजस्याभवत् सुतः । अजितो नाम भगवानंशेन जगतः पतिः ॥ 5.9 ॥

tatrāpi devasambhūtyāṁ vairājasyābhavat sutaḥ ajito nāma bhagavān aṁśena jagataḥ patiḥ

उस मन्वन्तर में भी वैराज की पत्नी देवसम्भूति के गर्भ से जगत्पति भगवान अंश रूप में अजित नाम से पुत्र रूप में प्रकट हुए।

श्लोक 10 (bhagavata.8.5.10)

पयोधिं येन निर्मथ्य सुराणां साधिता सुधा । भ्रममाणोऽम्भसि धृतः कूर्मरूपेण मन्दरः ॥ 5.10 ॥

payodhiṁ yena nirmathya surāṇāṁ sādhitā sudhā bhramamāṇo ’mbhasi dhṛtaḥ kūrma-rūpeṇa mandaraḥ

जिन्होंने क्षीरसागर का मन्थन करके देवताओं के लिए अमृत उत्पन्न किया; जल में विचरण करते हुए, कच्छपरूप धारण कर उन्होंने मन्दराचल को धारण किया।

श्लोक 11 (bhagavata.8.5.11)

श्रीराजोवाच यथा भगवता ब्रह्मन्मथितः क्षीरसागरः । यदर्थं वा यतश्चाद्रिं दधाराम्बुचरात्मना ॥ 5.11 ॥

śrī-rājovāca yathā bhagavatā brahman mathitaḥ kṣīra-sāgaraḥ yad-arthaṁ vā yataś cādriṁ dadhārāmbucarātmanā

राजा ने कहा — हे ब्रह्मन्! भगवान ने क्षीरसागर का मन्थन किस प्रकार किया, किस उद्देश्य से किया, और जलचर-रूप धारण कर उन्होंने पर्वत को कैसे धारण किया?

श्लोक 12 (bhagavata.8.5.12)

यथामृतं सुरैः प्राप्तं किं चान्यदभवत् ततः । एतद् भगवतः कर्म वदस्व परमाद्भुतम् ॥ 5.12 ॥

yathāmṛtaṁ suraiḥ prāptaṁ kiṁ cānyad abhavat tataḥ etad bhagavataḥ karma vadasva paramādbhutam

देवताओं को अमृत किस प्रकार प्राप्त हुआ, और उससे और क्या-क्या उत्पन्न हुआ? भगवान के इस परम अद्भुत कर्म का वर्णन कीजिए।

श्लोक 13 (bhagavata.8.5.13)

त्वया सङ्कथ्यमानेन महिम्ना सात्वतां पतेः । नातितृप्यति मे चित्तं सुचिरं तापतापितम् ॥ 5.13 ॥

tvayā saṅkathyamānena mahimnā sātvatāṁ pateḥ nātitṛpyati me cittaṁ suciraṁ tāpa-tāpitam

आपके द्वारा वर्णित भक्तवत्सल प्रभु की महिमा से मेरा चिरकाल से त्रिविध तापों से संतप्त मन कभी तृप्त नहीं होता।

श्लोक 14 (bhagavata.8.5.14)

श्रीसूत उवाच सम्पृष्टो भगवानेवं द्वैपायनसुतो द्विजाः । अभिनन्द्य हरेर्वीर्यमभ्याचष्टुं प्रचक्रमे ॥ 5.14 ॥

śrī-sūta uvāca sampṛṣṭo bhagavān evaṁ dvaipāyana-suto dvijāḥ abhinandya harer vīryam abhyācaṣṭuṁ pracakrame

सूत जी ने कहा — हे विप्रगण! इस प्रकार प्रश्न पूछे जाने पर द्वैपायन-पुत्र भगवान शुकदेव ने राजा की प्रशंसा करते हुए हरि की शक्ति का वर्णन करना आरम्भ किया।

श्लोक 15 (bhagavata.8.5.15)

श्रीशुक उवाच यदा युद्धेऽसुरैर्देवा बध्यमानाः शितायुधैः । गतासवो निपतिता नोत्तिष्ठेरन्स्म भूरिशः ॥ 5.15 ॥

śrī-śuka uvāca yadā yuddhe ’surair devā badhyamānāḥ śitāyudhaiḥ gatāsavo nipatitā nottiṣṭheran sma bhūriśaḥ

शुकदेव जी ने कहा — जब युद्ध में असुरों के तीक्ष्ण अस्त्रों से आहत होकर देवगण बहुसंख्यक रूप से प्राणहीन होकर गिर पड़े और पुनः उठ न सके।

श्लोक 16 (bhagavata.8.5.16)

यदा दुर्वासः शापेन सेन्द्रा लोकास्त्रयो नृप । निःश्रीकाश्चाभवंस्तत्र नेशुरिज्यादयः क्रियाः ॥ 5.16 ॥

yadā durvāsaḥ śāpena sendrā lokās trayo nṛpa niḥśrīkāś cābhavaṁs tatra neśur ijyādayaḥ kriyāḥ

हे राजन्! जब दुर्वासा के शाप से इन्द्र सहित तीनों लोक श्रीहीन हो गए, तब वहाँ यज्ञ आदि क्रियाएँ भी निष्फल हो गईं।

श्लोक 17 (bhagavata.8.5.17)

निशाम्यैतत् सुरगणा महेन्द्रवरुणादयः । नाध्यगच्छन्स्वयं मन्त्रैर्मन्त्रयन्तो विनिश्चितम् ॥ 5.17 ॥

niśāmyaitat sura-gaṇā mahendra-varuṇādayaḥ nādhyagacchan svayaṁ mantrair mantrayanto viniścitam

यह सुनकर, महेन्द्र और वरुण आदि देवगण, आपस में परामर्श करते हुए भी, कोई निश्चित निर्णय नहीं ले सके।

श्लोक 18 (bhagavata.8.5.18)

ततो ब्रह्मसभां जग्मुर्मेरोर्मूर्धनि सर्वशः । सर्वं विज्ञापयां चक्रुः प्रणताः परमेष्ठिने ॥ 5.18 ॥

tato brahma-sabhāṁ jagmur meror mūrdhani sarvaśaḥ sarvaṁ vijñāpayāṁ cakruḥ praṇatāḥ parameṣṭhine

तब वे सब मेरु पर्वत के शिखर पर स्थित ब्रह्मा की सभा में गए, और परमेष्ठी ब्रह्मा को प्रणाम करके उन्हें सब कुछ निवेदन किया।

श्लोक 19 (bhagavata.8.5.19)

स विलोक्येन्द्रवाय्वादीन् निःसत्त्वान्विगतप्रभान् । लोकानमङ्गलप्रायानसुरानयथा विभुः ॥ 5.19 ॥

sa vilokyendra-vāyv-ādīn niḥsattvān vigata-prabhān lokān amaṅgala-prāyān asurān ayathā vibhuḥ

उन शक्तिशाली ब्रह्मा ने इन्द्र, वायु आदि को बलहीन और कान्तिहीन, लोकों को अमंगलमय तथा असुरों को अनुचित रूप से समृद्ध देखा।

श्लोक 20 (bhagavata.8.5.20)

समाहितेन मनसा संस्मरन्पुरुषं परम् । उवाचोत्फुल्लवदनो देवान्स भगवान्परः ॥ 5.20 ॥

samāhitena manasā saṁsmaran puruṣaṁ param uvācotphulla-vadano devān sa bhagavān paraḥ

स्थिर मन से परम पुरुष का स्मरण करते हुए, वे परम पूज्य ब्रह्मा प्रसन्न मुख होकर देवताओं से इस प्रकार बोले।

श्लोक 21 (bhagavata.8.5.21)

अहं भवो यूयमथोऽसुरादयो मनुष्यतिर्यग्द्रुमघर्मजातयः । यस्यावतारांशकलाविसर्जिता व्रजाम सर्वे शरणं तमव्ययम् ॥ 5.21 ॥

ahaṁ bhavo yūyam atho ’surādayo manuṣya-tiryag-druma-gharma-jātayaḥ yasyāvatārāṁśa-kalā-visarjitā vrajāma sarve śaraṇaṁ tam avyayam

मैं, शिव, तुम सब, तथा असुर आदि, मनुष्य, पशु, वृक्ष और स्वेदज प्राणी — ये सब उन्हीं के अवतार, अंश और कला द्वारा उत्पन्न हैं; आओ, हम सब उन अविनाशी की शरण में चलें।

श्लोक 22 (bhagavata.8.5.22)

न यस्य वध्यो न च रक्षणीयो नोपेक्षणीयादरणीयपक्षः । तथापि सर्गस्थितिसंयमार्थं धत्ते रजःसत्त्वतमांसि काले ॥ 5.22 ॥

na yasya vadhyo na ca rakṣaṇīyo nopekṣaṇīyādaraṇīya-pakṣaḥ tathāpi sarga-sthiti-saṁyamārthaṁ dhatte rajaḥ-sattva-tamāṁsi kāle

जिनके लिए न कोई वध्य है, न रक्षणीय, न उपेक्षणीय और न आदरणीय पक्ष है; फिर भी सृष्टि, स्थिति और संहार के लिए वे काल के अनुसार रज, सत्त्व और तम गुणों को धारण करते हैं।

श्लोक 23 (bhagavata.8.5.23)

अयं च तस्य स्थितिपालनक्षणः सत्त्वं जुषाणस्य भवाय देहिनाम् । तस्माद् व्रजामः शरणं जगद्गुरुं स्वानां स नो धास्यति शं सुरप्रियः ॥ 5.23 ॥

ayaṁ ca tasya sthiti-pālana-kṣaṇaḥ sattvaṁ juṣāṇasya bhavāya dehinām tasmād vrajāmaḥ śaraṇaṁ jagad-guruṁ svānāṁ sa no dhāsyati śaṁ sura-priyaḥ

यही वह क्षण है जब वे सत्त्वगुण धारण कर देहधारियों के कल्याण हेतु स्थिति-पालन करते हैं; अतः हम जगद्गुरु की शरण में चलें — देवप्रिय वे प्रभु अपने भक्तों को कल्याण प्रदान करेंगे।

श्लोक 24 (bhagavata.8.5.24)

श्रीशुक उवाच इत्याभाष्य सुरान्वेधाः सह देवैररिन्दम । अजितस्य पदं साक्षाज्जगाम तमसः परम् ॥ 5.24 ॥

śrī-śuka uvāca ity ābhāṣya surān vedhāḥ saha devair arindama ajitasya padaṁ sākṣāj jagāma tamasaḥ param

शुकदेव जी ने कहा — हे शत्रुदमन! देवताओं से इस प्रकार कहकर, ब्रह्मा देवताओं सहित साक्षात् उस अजित (भगवान विष्णु) के धाम को गए, जो अन्धकार (प्रकृति) से परे है।

श्लोक 25 (bhagavata.8.5.25)

तत्रादृष्टस्वरूपाय श्रुतपूर्वाय वै प्रभुः । स्तुतिमब्रूत दैवीभिर्गीर्भिस्त्ववहितेन्द्रियः ॥ 5.25 ॥

tatrādṛṣṭa-svarūpāya śruta-pūrvāya vai prabhuḥ stutim abrūta daivībhir gīrbhis tv avahitendriyaḥ

वहाँ जिनका स्वरूप उन्होंने कभी देखा नहीं था, केवल सुना ही था, उन्हीं प्रभु की, इन्द्रियों को पूर्णतः संयत करके, ब्रह्मा ने वैदिक वाणी में स्तुति की।

श्लोक 26 (bhagavata.8.5.26)

श्रीब्रह्मोवाच अविक्रियं सत्यमनन्तमाद्यं गुहाशयं निष्कलमप्रतर्क्यम् । मनोऽग्रयानं वचसानिरुक्तं नमामहे देववरं वरेण्यम् ॥ 5.26 ॥

śrī-brahmovāca avikriyaṁ satyam anantam ādyaṁ guhā-śayaṁ niṣkalam apratarkyam mano-’grayānaṁ vacasāniruktaṁ namāmahe deva-varaṁ vareṇyam

ब्रह्मा ने कहा — हम उन अविकारी, सत्यस्वरूप, अनन्त, आदि, हृदय-गुहा में निवास करने वाले, अंशरहित, तर्क से अगम्य, मन से भी अधिक वेगवान्, वाणी द्वारा अवर्णनीय, देवताओं में श्रेष्ठ तथा सर्वपूज्य भगवान को नमस्कार करते हैं।

श्लोक 27 (bhagavata.8.5.27)

विपश्चितं प्राणमनोधियात्मना- मर्थेन्द्रियाभासमनिद्रमव्रणम् । छायातपौ यत्र न गृध्रपक्षौ तमक्षरं खं त्रियुगं व्रजामहे ॥ 5.27 ॥

vipaścitaṁ prāṇa-mano-dhiyātmanām arthendriyābhāsam anidram avraṇam chāyātapau yatra na gṛdhra-pakṣau tam akṣaraṁ khaṁ tri-yugaṁ vrajāmahe

हम उन सर्वज्ञ, प्राण-मन-बुद्धि-आत्मा तथा विषय-इन्द्रियों के प्रकाशक, निद्रारहित, निर्दोष, जिनमें छाया-धूप अथवा शुभ-अशुभ रूपी दोनों पक्ष नहीं हैं, उन अक्षर, आकाशवत् व्यापक, त्रियुगावतार भगवान की शरण में जाते हैं।

श्लोक 28 (bhagavata.8.5.28)

अजस्य चक्रं त्वजयेर्यमाणं मनोमयं पञ्चदशारमाशु । त्रिनाभि विद्युच्चलमष्टनेमि यदक्षमाहुस्तमृतं प्रपद्ये ॥ 5.28 ॥

ajasya cakraṁ tv ajayeryamāṇaṁ manomayaṁ pañcadaśāram āśu tri-nābhi vidyuc-calam aṣṭa-nemi yad-akṣam āhus tam ṛtaṁ prapadye

मैं उस शाश्वत सत्य की शरण में जाता हूँ, जिन्हें उस अजन्मा (संसार-चक्र) की धुरी कहा जाता है — जो माया द्वारा वेगपूर्वक घुमाया जाता है, मनोमय है, पन्द्रह अरों वाला, तीन नाभियों वाला, विद्युत् के समान चंचल, आठ नेमियों वाला है।

श्लोक 29 (bhagavata.8.5.29)

य एकवर्णं तमसः परं त- दलोकमव्यक्तमनन्तपारम् । आसांचकारोपसुपर्णमेन- मुपासते योगरथेन धीराः ॥ 5.29 ॥

ya eka-varṇaṁ tamasaḥ paraṁ tad alokam avyaktam ananta-pāram āsāṁ cakāropasuparṇam enam upāsate yoga-rathena dhīrāḥ

जो एकवर्ण, अन्धकार से परे, अलौकिक, अव्यक्त तथा अनन्तपार हैं; योगरूपी रथ द्वारा धीर पुरुष गरुड़ पर आसीन उन्हीं की उपासना करते हैं।

श्लोक 30 (bhagavata.8.5.30)

न यस्य कश्चातितितर्ति मायां यया जनो मुह्यति वेद नार्थम् । तं निर्जितात्मात्मगुणं परेशं नमाम भूतेषु समं चरन्तम् ॥ 5.30 ॥

na yasya kaścātititarti māyāṁ yayā jano muhyati veda nārtham taṁ nirjitātmātma-guṇaṁ pareśaṁ namāma bhūteṣu samaṁ carantam

जिनकी माया को, जिससे मनुष्य मोहित होकर जीवन का वास्तविक अर्थ भूल जाता है, कोई भी पार नहीं कर सकता — हम उन परमेश्वर को नमस्कार करते हैं, जिन्होंने अपने ही गुणों पर पूर्ण विजय प्राप्त कर ली है और जो समस्त प्राणियों में समभाव से विचरण करते हैं।

श्लोक 31 (bhagavata.8.5.31)

इमे वयं यत्प्रिययैव तन्वा सत्त्वेन सृष्टा बहिरन्तराविः । गतिं न सूक्ष्मामृषयश्च विद्महे कुतोऽसुराद्या इतरप्रधानाः ॥ 5.31 ॥

ime vayaṁ yat-priyayaiva tanvā sattvena sṛṣṭā bahir-antar-āviḥ gatiṁ na sūkṣmām ṛṣayaś ca vidmahe kuto ’surādyā itara-pradhānāḥ

हम देवगण, जो उन्हीं के प्रिय सत्त्वमय स्वरूप से बाहर-भीतर प्रकट किए गए हैं, तथा ऋषिगण भी, उनकी सूक्ष्म गति को नहीं जानते — तो अन्य गुणों से युक्त असुर आदि भला कैसे जान सकते हैं?

श्लोक 32 (bhagavata.8.5.32)

पादौ महीयं स्वकृतैव यस्य चतुर्विधो यत्र हि भूतसर्गः । स वै महापूरुष आत्मतन्त्रः प्रसीदतां ब्रह्म महाविभूतिः ॥ 5.32 ॥

pādau mahīyaṁ sva-kṛtaiva yasya catur-vidho yatra hi bhūta-sargaḥ sa vai mahā-pūruṣa ātma-tantraḥ prasīdatāṁ brahma mahā-vibhūtiḥ

यह पृथ्वी स्वयं उन्हीं का चरण है, जिस पर चतुर्विध सृष्टि स्थित है; वे महापुरुष, स्वतन्त्र, महाविभूतिशाली ब्रह्म हम पर प्रसन्न हों।

श्लोक 33 (bhagavata.8.5.33)

अम्भस्तु यद्रेत उदारवीर्यं सिध्यन्ति जीवन्त्युत वर्धमानाः । लोकायतोऽथाखिललोकपालाः प्रसीदतां नः स महाविभूतिः ॥ 5.33 ॥

ambhas tu yad-reta udāra-vīryaṁ sidhyanti jīvanty uta vardhamānāḥ lokā yato ’thākhila-loka-pālāḥ prasīdatāṁ naḥ sa mahā-vibhūtiḥ

जल, जो उन्हीं का महाशक्तिशाली वीर्य है, जिससे समस्त लोक सिद्ध होते, जीवित रहते और बढ़ते हैं, तथा जिससे सभी लोकपाल उत्पन्न होते हैं — वे महाविभूतिशाली प्रभु हम पर प्रसन्न हों।

श्लोक 34 (bhagavata.8.5.34)

सोमं मनो यस्य समामनन्ति दिवौकसां यो बलमन्ध आयुः । ईशो नगानां प्रजनः प्रजानां प्रसीदतां नः स महाविभूतिः ॥ 5.34 ॥

somaṁ mano yasya samāmananti divaukasāṁ yo balam andha āyuḥ īśo nagānāṁ prajanaḥ prajānāṁ prasīdatāṁ naḥ sa mahā-vibhūtiḥ

जिन्हें विद्वान् सोम (चन्द्रमा) को उनका मन कहते हैं, जो देवताओं का बल, अन्न और आयु है, जो वनस्पतियों के स्वामी और प्रजाओं के जनक हैं — वे महाविभूतिशाली प्रभु हम पर प्रसन्न हों।

श्लोक 35 (bhagavata.8.5.35)

अग्निर्मुखं यस्य तु जातवेदा जातः क्रियाकाण्डनिमित्तजन्मा । अन्तःसमुद्रेऽनुपचन्स्वधातून् प्रसीदतां नः स महाविभूतिः ॥ 5.35 ॥

agnir mukhaṁ yasya tu jāta-vedā jātaḥ kriyā-kāṇḍa-nimitta-janmā antaḥ-samudre ’nupacan sva-dhātūn prasīdatāṁ naḥ sa mahā-vibhūtiḥ

अग्नि, जो कर्मकाण्ड के निमित्त उत्पन्न हुई और जो सर्वज्ञ है, उन्हीं का मुख है; वह समुद्र के भीतर भी अपने तत्त्वों को निरंतर पचाती रहती है — वे महाविभूतिशाली प्रभु हम पर प्रसन्न हों।

श्लोक 36 (bhagavata.8.5.36)

यच्चक्षुरासीत् तरणिर्देवयानं त्रयीमयो ब्रह्मण एष धिष्ण्यम् । द्वारं च मुक्तेरमृतं च मृत्युः प्रसीदतां नः स महाविभूतिः ॥ 5.36 ॥

yac-cakṣur āsīt taraṇir deva-yānaṁ trayīmayo brahmaṇa eṣa dhiṣṇyam dvāraṁ ca mukter amṛtaṁ ca mṛtyuḥ prasīdatāṁ naḥ sa mahā-vibhūtiḥ

सूर्य, जो उनका नेत्र है, देवयान मार्ग है, त्रयीमय है, ब्रह्म-उपासना का धिष्ण्य (स्थान) है, मुक्ति का द्वार है, तथा अमृत और मृत्यु दोनों भी है — वे महाविभूतिशाली प्रभु हम पर प्रसन्न हों।

श्लोक 37 (bhagavata.8.5.37)

प्राणादभूद् यस्य चराचराणां प्राणः सहो बलमोजश्च वायुः । अन्वास्म सम्राजमिवानुगा वयं प्रसीदतां नः स महाविभूतिः ॥ 5.37 ॥

prāṇād abhūd yasya carācarāṇāṁ prāṇaḥ saho balam ojaś ca vāyuḥ anvāsma samrājam ivānugā vayaṁ prasīdatāṁ naḥ sa mahā-vibhūtiḥ

जिनके प्राण से वायु उत्पन्न हुई, जो चराचर समस्त प्राणियों का प्राण, बल, सामर्थ्य तथा तेज है — हम भी उसी वायु का अनुसरण उसी प्रकार करते हैं जैसे अनुचर सम्राट का करते हैं — वे महाविभूतिशाली प्रभु हम पर प्रसन्न हों।

श्लोक 38 (bhagavata.8.5.38)

श्रोत्राद् दिशो यस्य हृदश्च खानि प्रजज्ञिरे खं पुरुषस्य नाभ्याः । प्राणेन्द्रियात्मासुशरीरकेतः प्रसीदतां नः स महाविभूतिः ॥ 5.38 ॥

śrotrād diśo yasya hṛdaś ca khāni prajajñire khaṁ puruṣasya nābhyāḥ prāṇendriyātmāsu-śarīra-ketaḥ prasīdatāṁ naḥ sa mahā-vibhūtiḥ

जिनके कानों से दिशाएँ, हृदय से शरीर के छिद्र, तथा नाभि से आकाश उत्पन्न हुआ, जो प्राण, इन्द्रिय, आत्मा, जीवन तथा शरीर के आधार हैं — वे महाविभूतिशाली प्रभु हम पर प्रसन्न हों।

श्लोक 39 (bhagavata.8.5.39)

बलान्महेन्द्रस्त्रिदशाः प्रसादा- न्मन्योर्गिरीशो धिषणाद् विरिञ्चः । खेम्यस्तुछन्दांस्यृषयो मेढ्रतः कः प्रसीदतां नः स महाविभूतिः ॥ 5.39 ॥

balān mahendras tri-daśāḥ prasādān manyor girīśo dhiṣaṇād viriñcaḥ khebhyas tu chandāṁsy ṛṣayo meḍhrataḥ kaḥ prasīdatāṁ naḥ sa mahā-vibhūtiḥ

जिनके बल से महेन्द्र, कृपा से त्रिदश देवगण, क्रोध से गिरीश शिव, बुद्धि से ब्रह्मा उत्पन्न हुए; तथा जिनके छिद्रों से छन्द और जननेन्द्रिय से ऋषि तथा प्रजापति उत्पन्न हुए — वे महाविभूतिशाली प्रभु हम पर प्रसन्न हों।

श्लोक 40 (bhagavata.8.5.40)

श्रीर्वक्षसः पितरश्छाययासन् धर्मः स्तनादितरः पृष्ठतोऽभूत् । द्यौर्यस्य शीर्ष्णोऽप्सरसो विहारात् प्रसीदतां नः स महाविभूतिः ॥ 5.40 ॥

śrīr vakṣasaḥ pitaraś chāyayāsan dharmaḥ stanād itaraḥ pṛṣṭhato ’bhūt dyaur yasya śīrṣṇo ’psaraso vihārāt prasīdatāṁ naḥ sa mahā-vibhūtiḥ

जिनके वक्षस्थल से लक्ष्मी, छाया से पितरगण, स्तन से धर्म तथा पीठ से अधर्म उत्पन्न हुआ; जिनके मस्तक से स्वर्ग तथा विहार-क्रीड़ा से अप्सराएँ उत्पन्न हुईं — वे महाविभूतिशाली प्रभु हम पर प्रसन्न हों।

श्लोक 41 (bhagavata.8.5.41)

विप्रो मुखाद् ब्रह्म च यस्य गुह्यं राजन्य आसीद् भुजयोर्बलं च । ऊर्वोर्विडोजोऽङ्घ्रिरवेदशूद्रौ प्रसीदतां नः स महाविभूतिः ॥ 5.41 ॥

vipro mukhād brahma ca yasya guhyaṁ rājanya āsīd bhujayor balaṁ ca ūrvor viḍ ojo ’ṅghrir aveda-śūdrau prasīdatāṁ naḥ sa mahā-vibhūtiḥ

जिनके मुख से ब्राह्मण तथा गुह्य ब्रह्मज्ञान, भुजाओं से क्षत्रिय तथा बल, जंघाओं से वैश्य तथा सामर्थ्य, और चरणों से वेदबाह्य शूद्र उत्पन्न हुए — वे महाविभूतिशाली प्रभु हम पर प्रसन्न हों।

श्लोक 42 (bhagavata.8.5.42)

लोभोऽधरात् प्रीतिरुपर्यभूद् द्युति- र्नस्तः पशव्यः स्पर्शेन कामः । भ्रुवोर्यमः पक्ष्मभवस्तु कालः प्रसीदतां नः स महाविभूतिः ॥ 5.42 ॥

lobho ’dharāt prītir upary abhūd dyutir nastaḥ paśavyaḥ sparśena kāmaḥ bhruvor yamaḥ pakṣma-bhavas tu kālaḥ prasīdatāṁ naḥ sa mahā-vibhūtiḥ

जिनके अधरोष्ठ से लोभ, ऊपरी ओष्ठ से प्रीति, नासिका से कान्ति तथा पशु-सुलभ वृत्तियाँ, स्पर्श से काम, भौंहों से यमराज, तथा पलकों से काल उत्पन्न हुआ — वे महाविभूतिशाली प्रभु हम पर प्रसन्न हों।

श्लोक 43 (bhagavata.8.5.43)

द्रव्यं वयः कर्म गुणान्विशेषं यद्योगमायाविहितान्वदन्ति । यद् दुर्विभाव्यं प्रबुधापबाधं प्रसीदतां नः स महाविभूतिः ॥ 5.43 ॥

dravyaṁ vayaḥ karma guṇān viśeṣaṁ yad-yoga-māyā-vihitān vadanti yad durvibhāvyaṁ prabudhāpabādhaṁ prasīdatāṁ naḥ sa mahā-vibhūtiḥ

द्रव्य, काल, कर्म, गुण तथा उनकी विविधता — इन सबको ज्ञानीजन उन्हीं की योगमाया द्वारा रचित बताते हैं; जो अत्यंत दुर्बोध हैं, तथापि जागृत ज्ञानियों द्वारा जिनका निवारण हो जाता है — वे महाविभूतिशाली प्रभु हम पर प्रसन्न हों।

श्लोक 44 (bhagavata.8.5.44)

नमोऽस्तु तस्मा उपशान्तशक्तये स्वाराज्यलाभप्रतिपूरितात्मने । गुणेषु मायारचितेषु वृत्तिभि- र्न सज्जमानाय नभस्वदूतये ॥ 5.44 ॥

namo ’stu tasmā upaśānta-śaktaye svārājya-lābha-pratipūritātmane guṇeṣu māyā-raciteṣu vṛttibhir na sajjamānāya nabhasvad-ūtaye

उन्हें नमस्कार, जिनकी शक्ति सदा शांत रहती है, जो अपने ही स्वराज्य-लाभ से सदा परिपूर्ण हैं, तथा जो माया-रचित गुणों में विचरण करते हुए भी वायु के समान उनसे कभी लिप्त नहीं होते।

श्लोक 45 (bhagavata.8.5.45)

स त्वं नो दर्शयात्मानमस्मत्करणगोचरम् । प्रपन्नानां दिदृक्षूणां सस्मितं ते मुखाम्बुजम् ॥ 5.45 ॥

sa tvaṁ no darśayātmānam asmat-karaṇa-gocaram prapannānāṁ didṛkṣūṇāṁ sasmitaṁ te mukhāmbujam

हे प्रभु! आप हम शरणागत, दर्शनाभिलाषी जनों को अपना वह स्वरूप, अपने मुस्कुराते हुए कमल-मुख को, हमारी इन्द्रियों के अनुभवगोचर होकर दिखाइए।

श्लोक 46 (bhagavata.8.5.46)

तैस्तैः स्वेच्छाभूतै रूपैः काले काले स्वयं विभो । कर्म दुर्विषहं यन्नो भगवांस्तत् करोति हि ॥ 5.46 ॥

tais taiḥ svecchā-bhūtai rūpaiḥ kāle kāle svayaṁ vibho karma durviṣahaṁ yan no bhagavāṁs tat karoti hi

हे विभो! अपनी इच्छा से धारण किए हुए उन-उन रूपों में, समय-समय पर, आप स्वयं हमारे लिए वह कार्य करते हैं जो हमसे सहन ही नहीं हो सकता।

श्लोक 47 (bhagavata.8.5.47)

क्लेशभूर्यल्पसाराणि कर्माणि विफलानि वा । देहिनां विषयार्तानां न तथैवार्पितं त्वयि ॥ 5.47 ॥

kleśa-bhūry-alpa-sārāṇi karmāṇi viphalāni vā dehināṁ viṣayārtānāṁ na tathaivārpitaṁ tvayi

विषयों से पीड़ित देहधारियों के कर्म अत्यधिक क्लेशयुक्त, अल्पसार अथवा निष्फल होते हैं — किन्तु आपको अर्पित कर्म ऐसे नहीं होते।

श्लोक 48 (bhagavata.8.5.48)

नावमः कर्मकल्पोऽपि विफलायेश्वरार्पितः । कल्पते पुरुषस्यैव स ह्यात्मा दयितो हितः ॥ 5.48 ॥

nāvamaḥ karma-kalpo ’pi viphalāyeśvarārpitaḥ kalpate puruṣasyaiva sa hy ātmā dayito hitaḥ

ईश्वर को अर्पित सबसे छोटा-सा कर्म भी कभी निष्फल नहीं होता; क्योंकि वे ही पुरुष के प्रिय आत्मा तथा वास्तविक हितैषी हैं।

श्लोक 49 (bhagavata.8.5.49)

यथा हि स्कन्धशाखानां तरोर्मूलावसेचनम् । एवमाराधनं विष्णोः सर्वेषामात्मनश्च हि ॥ 5.49 ॥

yathā hi skandha-śākhānāṁ taror mūlāvasecanam evam ārādhanaṁ viṣṇoḥ sarveṣām ātmanaś ca hi

जैसे वृक्ष की जड़ में जल सींचने से उसका तना और शाखाएँ सिंचित हो जाती हैं, वैसे ही विष्णु की आराधना से समस्त प्राणियों तथा स्वयं का भी कल्याण हो जाता है।

श्लोक 50 (bhagavata.8.5.50)

नमस्तुभ्यमनन्ताय दुर्वितर्क्यात्मकर्मणे । निर्गुणाय गुणेशाय सत्त्वस्थाय च साम्प्रतम् ॥ 5.50 ॥

namas tubhyam anantāya durvitarkyātma-karmaṇe nirguṇāya guṇeśāya sattva-sthāya ca sāmpratam

आपको नमस्कार, हे अनन्त! जिनके स्वरूप और कर्म तर्क से परे हैं; जो गुणातीत होते हुए भी गुणों के स्वामी हैं, तथा जो इस समय सत्त्वगुण में स्थित हैं।