सुद्युम्न-स्तुति

श्लोक 1 (devibhagavatam.1.12.1)

सूत उवाच । ततः पुरूरवा जज्ञे इलायां कथयामि वः । बुधपुत्रोऽतिधर्मात्मा यज्ञकृद्दानतत्परः ॥ 12.1 ॥

sūta uvāca tataḥ purūravā jajñe ilāyāṁ kathayāmi vaḥ budhaputro'tidharmātmā yajñakṛddānatatparaḥ

सूत ने कहा — तब इला से पुरूरवा उत्पन्न हुए; उनकी कथा मैं आपसे कहता हूँ — वे बुध के पुत्र, अत्यंत धर्मात्मा, यज्ञकर्ता तथा दान में तत्पर थे।

श्लोक 2 (devibhagavatam.1.12.2)

सुद्युम्नो नाम भूपालः सत्यवादी जितेन्द्रियः । सैन्धवं हयमारुह्य चचार मृगयां वने ॥ 12.2 ॥

sudyumno nāma bhūpālaḥ satyavādī jitendriyaḥ saindhavaṁ hayamāruhya cacāra mṛgayāṁ vane

सुद्युम्न नामक एक भूपाल थे, सत्यवादी, जितेन्द्रिय; वे सैन्धव अश्व पर सवार होकर वन में मृगया करने निकले।

श्लोक 3 (devibhagavatam.1.12.3)

युतः कतिपयामात्यैर्दर्शितश्चारुकुण्डलः । धनुराजगवं बद्ध्वा बाणसङ्घं तथाद्भुतम् ॥ 12.3 ॥

yutaḥ katipayāmātyairdarśitaścārukuṇḍalaḥ dhanurājagavaṁ baddhvā bāṇasaṅghaṁ tathādbhutam

कुछ मंत्रियों के साथ, सुंदर कुण्डलों से सुशोभित, गोवृषभ-शृंग के धनुष को बाँधकर तथा अद्भुत बाण-समूह के साथ —

श्लोक 4 (devibhagavatam.1.12.4)

स भ्रमंस्तद्वनोद्देशे हन्यमानो रुरून्मृगान् । शशांश्च सूकरांश्चैव खड्गांश्च गवयांस्तथा ॥ 12.4 ॥

sa bhramaṁstadvanoddeśe hanyamāno rurūnmṛgān śaśāṁśca sūkarāṁścaiva khaḍgāṁśca gavayāṁstathā

वे उस वन-प्रदेश में विचरण करते हुए मृग, खरगोश, वराह, गैंडे तथा गवय (जंगली बैल) को मारते रहे,

श्लोक 5 (devibhagavatam.1.12.5)

शरभान्महिषांश्चैव साम्भरान्वनकुक्कुटान् । निघ्नन्मेध्यान् पशून् राजा कुमारवनमाविशत् ॥ 12.5 ॥

śarabhānmahiṣāṁścaiva sāmbharānvanakukkuṭān nighnanmedhyān paśūn rājā kumāravanamāviśat

शरभ, भैंसे, सांभर तथा वनकुक्कुट को मारते हुए — इस प्रकार पवित्र पशुओं का वध करते हुए राजा कुमार-वन में प्रविष्ट हुए।

श्लोक 6 (devibhagavatam.1.12.6)

मेरोरधस्तले दिव्यं मन्दारद्रुमराजितम् । अशोकलतिकाकीर्णं बकुलैरधिवासितम् ॥ 12.6 ॥

meroradhastale divyaṁ mandāradrumarājitam aśokalatikākīrṇaṁ bakulairadhivāsitam

मेरु के तलहटी में वह दिव्य वन मंदार वृक्षों से सुशोभित, अशोक-लताओं से भरा, बकुल-पुष्पों से सुगन्धित था —

श्लोक 7 (devibhagavatam.1.12.7)

सालैस्तालैस्तमालैश्च चम्पकैः पनसैस्तथा । आम्रैर्नीपैर्मधूकैश्च माधवीमण्डपावृतम् ॥ 12.7 ॥

sālaistālaistamālaiśca campakaiḥ panasaistathā āmrairnīpairmadhūkaiśca mādhavīmaṇḍapāvṛtam

साल, ताल, तमाल, चम्पा, कटहल, आम, नीप और महुआ के वृक्षों से युक्त, माधवी-लता के मण्डपों से घिरा हुआ —

श्लोक 8 (devibhagavatam.1.12.8)

दाडिमैर्नारिकेलैश्च कदलीखण्डमण्डितम् । यूथिकामालतीकुन्दपुष्पवल्लीसमावृतम् ॥ 12.8 ॥

dāḍimairnārikelaiśca kadalīkhaṇḍamaṇḍitam yūthikāmālatīkundapuṣpavallīsamāvṛtam

अनार और नारियल के वृक्षों तथा केले के झुरमुटों से सुशोभित, यूथिका, मालती और कुंद पुष्पों की लताओं से आच्छादित —

श्लोक 9 (devibhagavatam.1.12.9)

हंसकारण्डवाकीर्णं कीचकध्वनिनादितम् । भ्रमरालिरुतारामं वनं सर्वसुखावहम् ॥ 12.9 ॥

haṁsakāraṇḍavākīrṇaṁ kīcakadhvanināditam bhramarālirutārāmaṁ vanaṁ sarvasukhāvaham

हंस और कारण्डव पक्षियों से भरा, बाँस की सरसराहट से गुंजित, भ्रमरों की पंक्तियों के गुंजार से मुखरित — वह वन सर्वसुखदायी था।

श्लोक 10 (devibhagavatam.1.12.10)

दृष्ट्वा प्रमुदितो राजा सुद्युम्नः सेवकैर्वृतः । वृक्षान्सुपुष्पितान्वीक्ष्य कोकिलारावमण्डितान् ॥ 12.10 ॥

dṛṣṭvā pramudito rājā sudyumnaḥ sevakairvṛtaḥ vṛkṣānsupuṣpitānvīkṣya kokilārāvamaṇḍitān

इसे देखकर सेवकों से घिरे राजा सुद्युम्न अत्यंत प्रसन्न हुए; कोयलों की कूक से सुशोभित, सुंदर पुष्पों से लदे वृक्षों को देखते हुए —

श्लोक 11 (devibhagavatam.1.12.11)

प्रविष्टस्तत्र राजर्षिः स्त्रीत्वमाप क्षणात्ततः । अश्वोऽपि वडवा जातश्चिन्ताविष्टः स भूपतिः ॥ 12.11 ॥

praviṣṭastatra rājarṣiḥ strītvamāpa kṣaṇāttataḥ aśvo'pi vaḍavā jātaścintāviṣṭaḥ sa bhūpatiḥ

उस राजर्षि ने वहाँ प्रवेश किया, और उसी क्षण वे स्त्रीत्व को प्राप्त हो गए; उनका अश्व भी घोड़ी बन गया, और वह राजा चिन्तामग्न हो गए।

श्लोक 12 (devibhagavatam.1.12.12)

किमेतदिति चिन्तार्तश्चिन्त्यमानः पुनः पुनः । दुःखं बहुतरं प्राप्तः सुद्युम्नो लज्जयान्वितः ॥ 12.12 ॥

kimetaditi cintārtaścintyamānaḥ punaḥ punaḥ duḥkhaṁ bahutaraṁ prāptaḥ sudyumno lajjayānvitaḥ

'यह क्या हुआ?' — इस चिन्ता से पीड़ित, बार-बार विचार करते हुए, सुद्युम्न लज्जा से युक्त होकर अत्यंत दुःखी हो गए।

श्लोक 13 (devibhagavatam.1.12.13)

किं करोमि कथं यामि गृहं स्त्रीभावसंयुतः । कथं राज्यं करिष्यामि केन वा वञ्चितो ह्यहम् ॥ 12.13 ॥

kiṁ karomi kathaṁ yāmi gṛhaṁ strībhāvasaṁyutaḥ kathaṁ rājyaṁ kariṣyāmi kena vā vañcito hyaham

'अब मैं क्या करूँ? स्त्री-रूप धारण करके घर कैसे जाऊँ? राज्य कैसे करूँगा? किसने मुझे इस प्रकार छला है?'

श्लोक 14 (devibhagavatam.1.12.14)

ऋषय ऊचुः । सूताश्चर्यमिदं प्रोक्तं त्वया यल्लोमहर्षण । सुद्युम्नः स्त्रीत्वमापन्नो भूपतिर्देवसन्निभः ॥ 12.14 ॥

ṛṣaya ūcuḥ sūtāścaryamidaṁ proktaṁ tvayā yallomaharṣaṇa sudyumnaḥ strītvamāpanno bhūpatirdevasannibhaḥ

ऋषियों ने कहा — हे लोमहर्षण-पुत्र सूत! आपने यह जो आश्चर्य कहा — कि देवतुल्य राजा सुद्युम्न स्त्रीत्व को प्राप्त हो गए —

श्लोक 15 (devibhagavatam.1.12.15)

किं तत्कारणमाचक्ष्व वने तत्र मनोहरे । किं कृतं तेन राज्ञा च विस्तरं वद सुव्रत ॥ 12.15 ॥

kiṁ tatkāraṇamācakṣva vane tatra manohare kiṁ kṛtaṁ tena rājñā ca vistaraṁ vada suvrata

— उस मनोहर वन में इसका क्या कारण था, बताइए; हे सुव्रत! उस राजा ने क्या किया, विस्तार से कहिए।

श्लोक 16 (devibhagavatam.1.12.16)

सूत उवाच । एकदा गिरिशं द्रष्टुमृषयः सनकादयः । दिशो वितिमिराभासाः कुर्वन्तः समुपागमन् ॥ 12.16 ॥

sūta uvāca ekadā giriśaṁ draṣṭumṛṣayaḥ sanakādayaḥ diśo vitimirābhāsāḥ kurvantaḥ samupāgaman

सूत ने कहा — एक बार सनक आदि ऋषि गिरीश (शिव) के दर्शन के लिए, दिशाओं के अंधकार को प्रकाशित करते हुए, वहाँ आए।

श्लोक 17 (devibhagavatam.1.12.17)

तस्मिंश्च समये तत्र शङ्करः प्रमदायुतः । क्रीडासक्तो महादेवो विवस्त्रा कामिनी शिवा ॥ 12.17 ॥

tasmiṁśca samaye tatra śaṅkaraḥ pramadāyutaḥ krīḍāsakto mahādevo vivastrā kāminī śivā

उसी समय वहाँ शंकर अपनी प्रिया के साथ थे; महादेव क्रीड़ा में लीन थे, और उनकी प्रिया कल्याणमयी शिवा वस्त्ररहित थीं।

श्लोक 18 (devibhagavatam.1.12.18)

उत्सङ्गे संस्थिता भर्तू रममाणा मनोरमा । तान्विलोक्याम्बिका देवी विवस्त्रा व्रीडिता भृशम् ॥ 12.18 ॥

utsaṅge saṁsthitā bhartū ramamāṇā manoramā tānvilokyāmbikā devī vivastrā vrīḍitā bhṛśam

अपने पति की गोद में बैठी, मनोहर, रमण करती हुई उन्हें देखकर, वस्त्ररहित अम्बिका देवी अत्यंत लज्जित हो गईं।

श्लोक 19 (devibhagavatam.1.12.19)

भर्तुरङ्कात्समुत्थाय वस्त्रमादाय पर्यधात् । लज्जाविष्टा स्थिता तत्र वेपमानातिमानिनी ॥ 12.19 ॥

bharturaṅkātsamutthāya vastramādāya paryadhāt lajjāviṣṭā sthitā tatra vepamānātimāninī

पति की गोद से उठकर उन्होंने वस्त्र लेकर धारण किया; लज्जा से युक्त वे वहाँ काँपती हुई, अत्यंत गरिमामयी खड़ी रहीं।

श्लोक 20 (devibhagavatam.1.12.20)

ऋषयोऽपि तयोर्वीक्ष्य प्रसङ्गं रममाणयोः । परिवृत्य ययुस्तूर्णं नरनारायणाश्रमम् ॥ 12.20 ॥

ṛṣayo'pi tayorvīkṣya prasaṅgaṁ ramamāṇayoḥ parivṛtya yayustūrṇaṁ naranārāyaṇāśramam

उन दोनों को रमण करते देखकर ऋषिगण भी मुड़कर तुरन्त नर-नारायण के आश्रम की ओर चले गए।

श्लोक 21 (devibhagavatam.1.12.21)

ह्रीयुतां कामिनीं वीक्ष्य प्रोवाच भगवान्हरः । कथं लज्जातुरासि त्वं सुखं ते प्रकरोम्यहम् ॥ 12.21 ॥

hrīyutāṁ kāminīṁ vīkṣya provāca bhagavānharaḥ kathaṁ lajjāturāsi tvaṁ sukhaṁ te prakaromyaham

अपनी प्रिया को इतनी लज्जित देखकर भगवान हर ने कहा — 'तुम इतनी लज्जित क्यों हो? मैं तुम्हें सुख दूँगा।'

श्लोक 22 (devibhagavatam.1.12.22)

अद्यप्रभृति यो मोहात्पुमान्कोऽपि वरानने । वनं च प्रविशेदेतत्स वै योषिद्भविष्यति ॥ 12.22 ॥

adyaprabhṛti yo mohātpumānko'pi varānane vanaṁ ca praviśedetatsa vai yoṣidbhaviṣyati

'हे वरानने! आज से जो भी पुरुष मोहवश इस वन में प्रवेश करेगा, वह निश्चय ही स्त्री बन जाएगा।'

श्लोक 23 (devibhagavatam.1.12.23)

इति शप्तं वनं तेन ये जानन्ति जनाः क्वचित् । वर्जयन्तीह ते कामं वनं दोषसमृद्धिमत् ॥ 12.23 ॥

iti śaptaṁ vanaṁ tena ye jānanti janāḥ kvacit varjayantīha te kāmaṁ vanaṁ doṣasamṛddhimat

इस प्रकार उनके द्वारा शापित उस वन को जो भी लोग कहीं जानते हैं, वे इस दोषसमृद्ध वन को सहज ही त्याग देते हैं।

श्लोक 24 (devibhagavatam.1.12.24)

सुद्युम्नस्तु तदज्ञानात्प्रविष्टः सचिवैः सह । तथैव स्त्रीत्वमापन्नस्तैः सहेति न संशयः ॥ 12.24 ॥

sudyumnastu tadajñānātpraviṣṭaḥ sacivaiḥ saha tathaiva strītvamāpannastaiḥ saheti na saṁśayaḥ

परन्तु सुद्युम्न इस बात से अनजान होकर अपने मंत्रियों सहित उसमें प्रविष्ट हो गए, और उन्हीं के साथ उसी प्रकार स्त्रीत्व को प्राप्त हो गए, इसमें कोई संशय नहीं।

श्लोक 25 (devibhagavatam.1.12.25)

चिन्ताविष्टः स राजर्षिर्न जगाम गृहं ह्रिया । विचचार बहिस्तस्माद्वनदेशादितस्ततः ॥ 12.25 ॥

cintāviṣṭaḥ sa rājarṣirna jagāma gṛhaṁ hriyā vicacāra bahistasmādvanadeśāditastataḥ

चिन्तामग्न वे राजर्षि लज्जावश घर नहीं गए, बल्कि उस वन-प्रदेश से दूर इधर-उधर भटकते रहे।

श्लोक 26 (devibhagavatam.1.12.26)

इलेति नाम सम्प्राप्तं स्त्रीत्वे तेन महात्मना । विचरंस्तत्र सम्प्राप्तो बुधः सोमसुतो युवा ॥ 12.26 ॥

ileti nāma samprāptaṁ strītve tena mahātmanā vicaraṁstatra samprāpto budhaḥ somasuto yuvā

स्त्रीरूप में उस महात्मा को 'इला' नाम प्राप्त हुआ; वहाँ भटकते हुए उन्हें सोम-पुत्र युवा बुध मिले।

श्लोक 27 (devibhagavatam.1.12.27)

स्त्रीभिः परिवृतां तां तु दृष्ट्वा कान्तां मनोरमाम् । हावभावकलायुक्तां चकमे भगवाम्बुधः ॥ 12.27 ॥

strībhiḥ parivṛtāṁ tāṁ tu dṛṣṭvā kāntāṁ manoramām hāvabhāvakalāyuktāṁ cakame bhagavāmbudhaḥ

स्त्रियों से घिरी उस मनोहर सुंदरी को, भाव-भंगिमाओं की कला से युक्त देखकर, भगवान बुध उस पर मोहित हो गए।

श्लोक 28 (devibhagavatam.1.12.28)

सापि तं चकमे कान्तं बुधं सोमसुतं पतिम् । संयोगस्तत्र सञ्जातस्तयोः प्रेम्णा परस्परम् ॥ 12.28 ॥

sāpi taṁ cakame kāntaṁ budhaṁ somasutaṁ patim saṁyogastatra sañjātastayoḥ premṇā parasparam

वह भी उस सुंदर सोम-पुत्र बुध को अपने पति के रूप में चाहने लगी; उन दोनों का वहाँ परस्पर प्रेमपूर्वक मिलन हुआ।

श्लोक 29 (devibhagavatam.1.12.29)

स तस्यां जनयामास पुरूरवसमात्मजम् । इलायां सोमपुत्रस्तु चक्रवर्तिनमुत्तमम् ॥ 12.29 ॥

sa tasyāṁ janayāmāsa purūravasamātmajam ilāyāṁ somaputrastu cakravartinamuttamam

उन्होंने इला में एक पुत्र उत्पन्न किया — सोम-पुत्र (बुध) से उत्पन्न पुरूरवा नामक श्रेष्ठ चक्रवर्ती।

श्लोक 30 (devibhagavatam.1.12.30)

सा प्रासूत सुतं बाला चिन्ताविष्टा वने स्थिता । सस्मार स्वकुलाचार्यं वसिष्ठं मुनिसत्तमम् ॥ 12.30 ॥

sā prāsūta sutaṁ bālā cintāviṣṭā vane sthitā sasmāra svakulācāryaṁ vasiṣṭhaṁ munisattamam

उस बाला ने वन में रहते हुए, चिन्तामग्न होकर पुत्र को जन्म दिया; उसने अपने कुलाचार्य मुनिश्रेष्ठ वसिष्ठ का स्मरण किया।

श्लोक 31 (devibhagavatam.1.12.31)

स तदास्य दशां दृष्ट्वा सुद्युम्नस्य कृपान्वितः । अतोषयन्महादेवं शङ्करं लोकशङ्करम् ॥ 12.31 ॥

sa tadāsya daśāṁ dṛṣṭvā sudyumnasya kṛpānvitaḥ atoṣayanmahādevaṁ śaṅkaraṁ lokaśaṅkaram

वे तब सुद्युम्न की दशा देखकर करुणायुक्त हो गए, और लोक के कल्याणकारी महादेव शंकर को संतुष्ट किया।

श्लोक 32 (devibhagavatam.1.12.32)

तस्मै स भगवांस्तुष्टः प्रददौ वाञ्छितं वरम् । वसिष्ठः प्रार्थयामास पुंस्त्वं राज्ञः प्रियस्य च ॥ 12.32 ॥

tasmai sa bhagavāṁstuṣṭaḥ pradadau vāñchitaṁ varam vasiṣṭhaḥ prārthayāmāsa puṁstvaṁ rājñaḥ priyasya ca

उन प्रसन्न भगवान ने उन्हें अभीष्ट वर प्रदान किया; वसिष्ठ ने अपने प्रिय राजा के लिए पुंस्त्व की प्रार्थना की।

श्लोक 33 (devibhagavatam.1.12.33)

शङ्करस्तु निजां वाचमृतां कुर्वन्नुवाच ह । मासं पुमांस्तु भविता मासं स्त्री भूपतिः किल ॥ 12.33 ॥

śaṅkarastu nijāṁ vācamṛtāṁ kurvannuvāca ha māsaṁ pumāṁstu bhavitā māsaṁ strī bhūpatiḥ kila

शंकर ने अपने ही वचन (पूर्व शाप) को सत्य करते हुए कहा — 'यह राजा एक मास पुरुष, तथा एक मास स्त्री होगा।'

श्लोक 34 (devibhagavatam.1.12.34)

इत्थं प्राप्य वरं राजा जगाम स्वगृहं पुनः । चक्रे राज्यं स धर्मात्मा वसिष्ठस्याप्यनुग्रहात् ॥ 12.34 ॥

itthaṁ prāpya varaṁ rājā jagāma svagṛhaṁ punaḥ cakre rājyaṁ sa dharmātmā vasiṣṭhasyāpyanugrahāt

इस प्रकार वर पाकर राजा पुनः अपने घर लौट गए; वसिष्ठ की कृपा से भी उस धर्मात्मा ने राज्य किया।

श्लोक 35 (devibhagavatam.1.12.35)

स्त्रीत्वे तिष्ठति हर्म्येषु पुंस्त्वे राज्यं प्रशास्ति च । प्रजास्तस्मिन्समुद्विग्ना नाभ्यनन्दन्महीपतिम् ॥ 12.35 ॥

strītve tiṣṭhati harmyeṣu puṁstve rājyaṁ praśāsti ca prajāstasminsamudvignā nābhyanandanmahīpatim

स्त्रीत्व में वे महल में रहते, पुंस्त्व में राज्य का शासन करते; इससे प्रजा उद्विग्न रहती, वे राजा से पूर्णतः प्रसन्न नहीं थे।

श्लोक 36 (devibhagavatam.1.12.36)

काले तु यौवनं प्राप्तः पुत्रः पुरूरवास्तदा । प्रतिष्ठां नृपतिस्तस्मै दत्त्वा राज्यं वनं ययौ ॥ 12.36 ॥

kāle tu yauvanaṁ prāptaḥ putraḥ purūravāstadā pratiṣṭhāṁ nṛpatistasmai dattvā rājyaṁ vanaṁ yayau

समय आने पर पुत्र पुरूरवा युवावस्था को प्राप्त हुए; राजा ने उन्हें राज्य की प्रतिष्ठा सौंपकर वन को प्रस्थान किया।

श्लोक 37 (devibhagavatam.1.12.37)

गत्वा तस्मिन्वने रम्ये नानाद्रुमसमाकुले । नारदान्मन्त्रमासाद्य नवाक्षरमनुत्तमम् ॥ 12.37 ॥

gatvā tasminvane ramye nānādrumasamākule nāradānmantramāsādya navākṣaramanuttamam

उस रमणीय, नाना वृक्षों से भरे वन में जाकर उन्होंने नारद से अनुपम नवाक्षर मंत्र प्राप्त किया।

श्लोक 38 (devibhagavatam.1.12.38)

जजाप मन्त्रमत्यर्थं प्रेमपूरितमानसः । परितुष्टा तदा देवी सगुणा तारिणी शिवा ॥ 12.38 ॥

jajāpa mantramatyarthaṁ premapūritamānasaḥ parituṣṭā tadā devī saguṇā tāriṇī śivā

प्रेम से परिपूर्ण मन से उन्होंने उस मंत्र का अत्यंत जप किया; तब सगुणा, तारिणी, कल्याणमयी देवी प्रसन्न हो गईं।

श्लोक 39 (devibhagavatam.1.12.39)

सिंहारूढा स्थिता चाग्रे दिव्यरूपा मनोरमा । वारुणीपानसम्मत्ता मदाघूर्णितलोचना ॥ 12.39 ॥

siṁhārūḍhā sthitā cāgre divyarūpā manoramā vāruṇīpānasammattā madāghūrṇitalocanā

वे सिंह पर आरूढ़ होकर उनके सामने खड़ी हुईं, दिव्यरूपा, मनोहर, वारुणी-पान से उन्मत्त जैसी, मद से घूमते नेत्रों वाली।

श्लोक 40 (devibhagavatam.1.12.40)

दृष्ट्वा तां दिव्यरूपां च प्रेमाकुलितलोचनः । प्रणम्य शिरसा प्रीत्या तुष्टाव जगदम्बिकाम् ॥ 12.40 ॥

dṛṣṭvā tāṁ divyarūpāṁ ca premākulitalocanaḥ praṇamya śirasā prītyā tuṣṭāva jagadambikām

उस दिव्यरूपा को देखकर, प्रेम से व्याकुल नेत्रों वाले उन्होंने प्रीतिपूर्वक सिर झुकाकर प्रणाम किया और जगदम्बिका की स्तुति की।

श्लोक 41 (devibhagavatam.1.12.41)

इलोवाच । दिव्यं च ते भगवति प्रथितं स्वरूपं दृष्टं मया सकललोकहितानुरूपम् । वन्दे त्वदङ्घ्रिकमलं सुरसङ्घसेव्यं कामप्रदं जननि चापि विमुक्तिदं च ॥ 12.41 ॥

ilovāca divyaṁ ca te bhagavati prathitaṁ svarūpaṁ dṛṣṭaṁ mayā sakalalokahitānurūpam vande tvadaṅghrikamalaṁ surasaṅghasevyaṁ kāmapradaṁ janani cāpi vimuktidaṁ ca

इला ने कहा — हे भगवति! मैंने आपका दिव्य, प्रसिद्ध स्वरूप देखा है, जो समस्त लोकों के हित के अनुरूप है; मैं आपके उन चरण-कमलों को नमस्कार करता हूँ, जो देव-समूह द्वारा सेवित हैं, कामप्रद हैं, हे जननी! तथा मुक्ति भी देने वाले हैं।

श्लोक 42 (devibhagavatam.1.12.42)

को वेत्ति तेऽम्ब भुवि मर्त्यतनुर्निकामं मुह्यन्ति यत्र मुनयश्च सुराश्च सर्वे । ऐश्वर्यमेतदखिलं कृपणे दयां च दृष्ट्वैव देवि सकलं किल विस्मयो मे ॥ 12.42 ॥

ko vetti te'mba bhuvi martyatanurnikāmaṁ muhyanti yatra munayaśca surāśca sarve aiśvaryametadakhilaṁ kṛpaṇe dayāṁ ca dṛṣṭvaiva devi sakalaṁ kila vismayo me

हे माता! पृथ्वी पर मरणधर्मा शरीर वाला ऐसा कौन है जो आपको पूर्णतः जानता है? जहाँ मुनि और सभी देव भी मोहित हो जाते हैं। हे देवि! इस समस्त ऐश्वर्य और दीनों पर आपकी दया को देखकर ही मुझे अत्यंत विस्मय होता है।

श्लोक 43 (devibhagavatam.1.12.43)

शम्भुर्हरिः कमलजो मघवा रविश्च वित्तेशवह्निवरुणाः पवनश्च सोमः । जानन्ति नैव वसवोऽपि हि ते प्रभावं बुध्येत्कथं तव गुणानगुणो मनुष्यः ॥ 12.43 ॥

śambhurhariḥ kamalajo maghavā raviśca vitteśavahnivaruṇāḥ pavanaśca somaḥ jānanti naiva vasavo'pi hi te prabhāvaṁ budhyetkathaṁ tava guṇānaguṇo manuṣyaḥ

शम्भु, हरि, कमलजन्मा (ब्रह्मा), मघवा और सूर्य; कुबेर, अग्नि और वरुण; वायु और सोम — यहाँ तक कि वसुगण भी आपके प्रभाव को नहीं जानते — फिर एक गुणहीन मनुष्य आपके गुणों को कैसे समझ सकता है?

श्लोक 44 (devibhagavatam.1.12.44)

जानाति विष्णुरमितद्युतिरम्ब साक्षा\- त्त्वां सात्त्विकीमुदधिजां सकलार्थदां च । को राजसीं हर उमां किल तामसीं त्वां वेदाम्बिके न तु पुनः खलु निर्गुणां त्वाम् ॥ 12.44 ॥

jānāti viṣṇuramitadyutiramba sākṣā\- ttvāṁ sāttvikīmudadhijāṁ sakalārthadāṁ ca ko rājasīṁ hara umāṁ kila tāmasīṁ tvāṁ vedāmbike na tu punaḥ khalu nirguṇāṁ tvām

अमित द्युतिशाली विष्णु आपको साक्षात् सात्त्विकी, समुद्रजाता, सर्वार्थदायिनी के रूप में जानते हैं; हर आपको राजसी उमा के रूप में; कोई आपको तामसी जानता है — परन्तु, हे अम्बिके! निर्गुणा रूप में आपको कोई भी नहीं जानता।

श्लोक 45 (devibhagavatam.1.12.45)

क्वाहं सुमन्दमतिरप्रतिमप्रभावः क्वायं तवातिनिपुणो मयि सुप्रसादः । जाने भवानि चरितं करुणासमेतं यत्सेवकांश्च दयसे त्वयि भावयुक्तान् ॥ 12.45 ॥

kvāhaṁ sumandamatirapratimaprabhāvaḥ kvāyaṁ tavātinipuṇo mayi suprasādaḥ jāne bhavāni caritaṁ karuṇāsametaṁ yatsevakāṁśca dayase tvayi bhāvayuktān

कहाँ मैं इतनी मन्दबुद्धि, और कहाँ आपकी यह अनुपम अनुकम्पा मुझ पर, हे अप्रतिम प्रभावशालिनी! मैं भवानी के इस करुणायुक्त चरित्र को जानता हूँ, कि आप भाव से युक्त अपने सेवकों पर दया करती हैं।

श्लोक 46 (devibhagavatam.1.12.46)

वृत्तस्त्वया हरिरसौ वनजेशयापि नैवाचरत्यपि मुदं मधुसूदनश्च । पादौ तवादिपुरुषः किल पावकेन कृत्वा करोति च करेण शुभौ पवित्रौ ॥ 12.46 ॥

vṛttastvayā harirasau vanajeśayāpi naivācaratyapi mudaṁ madhusūdanaśca pādau tavādipuruṣaḥ kila pāvakena kṛtvā karoti ca kareṇa śubhau pavitrau

वह हरि, जो जल में शयन करने वाले तथा मधुसूदन भी हैं, आपके अधीन होकर ही रहते हैं और स्वयं आनन्दित भी नहीं होते; वह आदिपुरुष स्वयं अपने हाथों से, अग्नि द्वारा शुद्ध करके, आपके शुभ, पवित्र चरणों का स्पर्श करते हैं।

श्लोक 47 (devibhagavatam.1.12.47)

वाञ्छत्यहो हरिरशोक इवातिकामं पादाहतिं प्रमुदितः पुरुषः पुराणः । तां त्वं करोषि रुषिता प्रणतं च पादे दृष्ट्वा पतिं सकलदेवनुतं स्मरार्तम् ॥ 12.47 ॥

vāñchatyaho hariraśoka ivātikāmaṁ pādāhatiṁ pramuditaḥ puruṣaḥ purāṇaḥ tāṁ tvaṁ karoṣi ruṣitā praṇataṁ ca pāde dṛṣṭvā patiṁ sakaladevanutaṁ smarārtam

आश्चर्य है — वह पुराण पुरुष हरि अशोक वृक्ष के समान अत्यंत उत्कण्ठा से आपके चरण-आघात की कामना करता है; और आप, क्रुद्ध होकर, समस्त देवों से स्तुत, काम-पीड़ित अपने पति को प्रणत देखकर उसे अपने पैर से मारती हैं।

श्लोक 48 (devibhagavatam.1.12.48)

वक्षःस्थले वससि देवि सदैव तस्य पर्यङ्कवत्सुचरिते विपुलेऽतिशान्ते । सौदामिनीव सुघने सुविभूषिते च किं ते न वाहनमसौ जगदीश्वरोऽपि ॥ 12.48 ॥

vakṣaḥsthale vasasi devi sadaiva tasya paryaṅkavatsucarite vipule'tiśānte saudāminīva sughane suvibhūṣite ca kiṁ te na vāhanamasau jagadīśvaro'pi

हे देवि! आप उसके विशाल, अत्यंत शान्त, सुचरित वक्षस्थल पर सदा शय्या के समान निवास करती हैं — जैसे सघन, सुसज्जित मेघ पर बिजली; क्या वह जगदीश्वर भी आपका वाहन नहीं है?

श्लोक 49 (devibhagavatam.1.12.49)

त्वं चेज्जहासि मधुसूदनमम्ब कोपा\- न्नैवार्चितोऽपि स भवेत्किल शक्तिहीनः । प्रत्यक्षमेव पुरुषं स्वजनास्त्वजन्ति शान्तं श्रियोज्झितमतीव गुणैर्वियुक्तम् ॥ 12.49 ॥

tvaṁ cejjahāsi madhusūdanamamba kopā\- nnaivārcito'pi sa bhavetkila śaktihīnaḥ pratyakṣameva puruṣaṁ svajanāstvajanti śāntaṁ śriyojjhitamatīva guṇairviyuktam

हे माता! यदि आप क्रोधवश मधुसूदन को त्याग दें, तो वे पूजित होकर भी निश्चय ही शक्तिहीन हो जाएँगे; क्योंकि अपने ही स्वजन उस पुरुष को त्याग देते हैं जो शान्त, श्रीहीन तथा गुणों से पूर्णतः रहित हो जाता है।

श्लोक 50 (devibhagavatam.1.12.50)

ब्रह्मादयः सुरगणा न तु किं युवत्यो ये त्वत्पदाम्बुजमहर्निशमाश्रयन्ति । मन्ये त्वयैव विहिताः खलु ते पुमांसः किं वर्णयामि तव शक्तिमनन्तवीर्ये ॥ 12.50 ॥

brahmādayaḥ suragaṇā na tu kiṁ yuvatyo ye tvatpadāmbujamaharniśamāśrayanti manye tvayaiva vihitāḥ khalu te pumāṁsaḥ kiṁ varṇayāmi tava śaktimanantavīrye

क्या ब्रह्मा आदि देवगण उन युवतियों के समान नहीं हैं, जो दिन-रात आपके चरण-कमल का आश्रय लेते हैं? मुझे लगता है, वे पुरुष भी आपके ही द्वारा बनाए गए हैं; अनन्त वीर्यशालिनी! आपकी शक्ति का मैं कैसे वर्णन करूँ?

श्लोक 51 (devibhagavatam.1.12.51)

त्वं नापुमान्न च पुमानिति मे विकल्पो याकासि देवि सगुणा ननु निर्गुणा वा । तां त्वां नमामि सततं किल भावयुक्तो वाञ्छामि भक्तिमचलां त्वयि मातरं तु ॥ 12.51 ॥

tvaṁ nāpumānna ca pumāniti me vikalpo yākāsi devi saguṇā nanu nirguṇā vā tāṁ tvāṁ namāmi satataṁ kila bhāvayukto vāñchāmi bhaktimacalāṁ tvayi mātaraṁ tu

'आप न अपुरुष हैं, न पुरुष' — मेरा यही संशय है, हे देवि! चाहे आप सगुणा हों या निर्गुणा — उन आप ही को मैं सदा भावयुक्त होकर नमस्कार करता हूँ; मैं आपमें, हे माता! अचल भक्ति की कामना करता हूँ।

श्लोक 52 (devibhagavatam.1.12.52)

सूत उवाच । इति स्तुत्वा महीपालो जगाम शरणं तदा । परितुष्टा ददौ देवी तत्र सायुज्यमात्मनि ॥ 12.52 ॥

sūta uvāca iti stutvā mahīpālo jagāma śaraṇaṁ tadā parituṣṭā dadau devī tatra sāyujyamātmani

सूत ने कहा — इस प्रकार स्तुति करके राजा तब उनकी शरण में गया; परम संतुष्ट देवी ने वहाँ उसे अपने स्वरूप में सायुज्य प्रदान किया।

श्लोक 53 (devibhagavatam.1.12.53)

सुद्युम्नस्तु ततः प्राप पदं परमकं स्थिरम् । तस्या देव्याः प्रसादेन मुनीनामपि दुर्लभम् ॥ 12.53 ॥

sudyumnastu tataḥ prāpa padaṁ paramakaṁ sthiram tasyā devyāḥ prasādena munīnāmapi durlabham

सुद्युम्न ने तब उस देवी की कृपा से वह परम स्थिर पद प्राप्त किया, जो मुनियों के लिए भी दुर्लभ है।