पुरूरवा-उर्वशी-चरित्र-वर्णन

श्लोक 1 (devibhagavatam.1.13.1)

सूत उवाच । सुद्युने तु दिवं याते राज्यं चक्रे पुरूरवाः । सगुणश्च सुरूपश्च प्रजारञ्जनतत्परः ॥ 13.1 ॥

sūta uvāca sudyune tu divaṁ yāte rājyaṁ cakre purūravāḥ saguṇaśca surūpaśca prajārañjanatatparaḥ

सूत ने कहा — सुद्युम्न के स्वर्गवासी होने पर पुरूरवा ने राज्य किया; वे गुणवान, सुंदर तथा प्रजा को प्रसन्न रखने में तत्पर थे।

श्लोक 2 (devibhagavatam.1.13.2)

प्रतिष्ठाने पुरे रम्ये राज्यं सर्वनमस्कृतम् । चकार सर्वधर्मज्ञः प्रजारक्षणतत्परः ॥ 13.2 ॥

pratiṣṭhāne pure ramye rājyaṁ sarvanamaskṛtam cakāra sarvadharmajñaḥ prajārakṣaṇatatparaḥ

उन समस्त-धर्मज्ञ, प्रजा-रक्षण में तत्पर राजा ने रमणीय प्रतिष्ठान नगर में सर्वसम्मानित राज्य किया।

श्लोक 3 (devibhagavatam.1.13.3)

मन्त्रः सुगुप्तस्तस्यासीत्परत्राभिज्ञता तथा । सदैवोत्साहशक्तिश्च प्रभुशक्तिस्तथोत्तमा ॥ 13.3 ॥

mantraḥ suguptastasyāsītparatrābhijñatā tathā sadaivotsāhaśaktiśca prabhuśaktistathottamā

उनकी नीति सुगुप्त थी, तथा उन्हें अन्य राज्यों की भी जानकारी थी; उनमें सदा उत्साह-शक्ति तथा उत्तम प्रभु-शक्ति भी विद्यमान थी।

श्लोक 4 (devibhagavatam.1.13.4)

सामदानादयः सर्वे वशगास्तस्य भूपतेः । वर्णाश्रमान्स्वधर्मस्थान्कुर्वन् राज्यं शशास ह ॥ 13.4 ॥

sāmadānādayaḥ sarve vaśagāstasya bhūpateḥ varṇāśramānsvadharmasthānkurvan rājyaṁ śaśāsa ha

साम, दान आदि सभी उपाय उस राजा के वश में थे; वर्णाश्रमों को अपने-अपने धर्म में स्थिर रखते हुए उन्होंने राज्य का शासन किया।

श्लोक 5 (devibhagavatam.1.13.5)

यज्ञांश्च विविधांश्चक्रे स राजा बहुदक्षिणान् । दानानि च पवित्राणि ददावथ नराधिपः ॥ 13.5 ॥

yajñāṁśca vividhāṁścakre sa rājā bahudakṣiṇān dānāni ca pavitrāṇi dadāvatha narādhipaḥ

उस राजा ने बहुत दक्षिणा वाले नाना यज्ञ किए, और उस नराधिप ने पवित्र दान भी दिए।

श्लोक 6 (devibhagavatam.1.13.6)

तस्य रूपगुणौदार्यशीलद्रविणविक्रमान् । श्रुत्वोर्वशी वशीभूता चकमे तं नराधिपम् ॥ 13.6 ॥

tasya rūpaguṇaudāryaśīladraviṇavikramān śrutvorvaśī vaśībhūtā cakame taṁ narādhipam

उनके रूप, गुण, उदारता, शील, धन और पराक्रम को सुनकर उर्वशी उनके वश में हो गई और उस नराधिप पर मोहित हो गई।

श्लोक 7 (devibhagavatam.1.13.7)

ब्रह्मशापाभितप्ता सा मानुषं लोकमास्थिता । गुणिनं तं नृपं मत्वा वरयामास मानिनी ॥ 13.7 ॥

brahmaśāpābhitaptā sā mānuṣaṁ lokamāsthitā guṇinaṁ taṁ nṛpaṁ matvā varayāmāsa māninī

ब्रह्मा के शाप से संतप्त होकर वह मनुष्य-लोक में आ बसी थी; उस गुणवान राजा को उपयुक्त मानकर, अभिमानिनी उर्वशी ने उन्हें अपने पति के रूप में वरण किया।

श्लोक 8 (devibhagavatam.1.13.8)

समयं चेदृशं कृत्वा स्थिता तत्र वराङ्गना । एतावुरणकौ राजन्न्यस्तौ रक्षस्व मानद ॥ 13.8 ॥

samayaṁ cedṛśaṁ kṛtvā sthitā tatra varāṅganā etāvuraṇakau rājannyastau rakṣasva mānada

ऐसी शर्त रखकर वह सुंदरी वहीं ठहर गई — 'हे राजन्! ये दो मेमने आपको सौंपे जाते हैं, हे मानद! इनकी रक्षा कीजिए।'

श्लोक 9 (devibhagavatam.1.13.9)

घृतं मे भक्षणं नित्यं नान्यत्किञ्चिन्नृपाशनम् । नेक्षे त्वां च महाराज नग्नमन्यत्र मैथुनात् ॥ 13.9 ॥

ghṛtaṁ me bhakṣaṇaṁ nityaṁ nānyatkiñcinnṛpāśanam nekṣe tvāṁ ca mahārāja nagnamanyatra maithunāt

'मेरा भोजन सदा केवल घी होगा, अन्य कुछ नहीं; और हे महाराज! मैथुन के अतिरिक्त कभी भी मैं आपको नग्न नहीं देखूँगी।'

श्लोक 10 (devibhagavatam.1.13.10)

भाषाबन्धस्त्वयं राजन् यदि भग्नो भविष्यति । तदा त्यक्त्वा गमिष्यामि सत्यमेतद्ब्रवीम्यहम् ॥ 13.10 ॥

bhāṣābandhastvayaṁ rājan yadi bhagno bhaviṣyati tadā tyaktvā gamiṣyāmi satyametadbravīmyaham

'हे राजन्! यदि यह वचन-बद्धता कभी टूट जाए, तो मैं आपको त्यागकर चली जाऊँगी — यह मैं सत्य कहती हूँ।'

श्लोक 11 (devibhagavatam.1.13.11)

अङ्गीकृतं च तद्राज्ञा कामिन्या भाषितं तु यत् । स्थिता भाषणबन्धेन शापानुगहकाम्यया ॥ 13.11 ॥

aṅgīkṛtaṁ ca tadrājñā kāminyā bhāṣitaṁ tu yat sthitā bhāṣaṇabandhena śāpānugahakāmyayā

उस प्रिया द्वारा कही गई बात को राजा ने स्वीकार कर लिया; वह उस वचन-बद्धता में रहकर शाप के अनुगमन की इच्छा से वहीं रुकी।

श्लोक 12 (devibhagavatam.1.13.12)

रेमे तदा स भूपालो लीनो वर्षगणान्बहून् । धर्मकर्मादिकं त्यक्त्वा चोर्वश्या मदमोहितः ॥ 13.12 ॥

reme tadā sa bhūpālo līno varṣagaṇānbahūn dharmakarmādikaṁ tyaktvā corvaśyā madamohitaḥ

वह राजा तब उर्वशी के मद में मोहित होकर, धर्म-कर्म आदि सब त्यागकर, अनेक वर्षों तक उसी में लीन होकर रमण करता रहा।

श्लोक 13 (devibhagavatam.1.13.13)

एकचित्तस्तु सञ्जातस्तन्मनस्को महीपतिः । न शशाक तया हीनः क्षणमप्यतिमोहितः ॥ 13.13 ॥

ekacittastu sañjātastanmanasko mahīpatiḥ na śaśāka tayā hīnaḥ kṣaṇamapyatimohitaḥ

वह राजा एकचित्त होकर पूर्णतः उसी के विचार में डूब गया; अत्यंत मोहित होकर वह उससे क्षणभर भी अलग नहीं रह पाता था।

श्लोक 14 (devibhagavatam.1.13.14)

एवं वर्षगणान्ते तु स्वर्गस्थः पाकशासनः । उर्वशीं नागतां दृष्ट्वा गन्धर्वानाह देवराट् ॥ 13.14 ॥

evaṁ varṣagaṇānte tu svargasthaḥ pākaśāsanaḥ urvaśīṁ nāgatāṁ dṛṣṭvā gandharvānāha devarāṭ

इस प्रकार अनेक वर्ष बीतने पर, स्वर्ग में पाकशासन इन्द्र ने उर्वशी को न लौटा हुआ देखकर, देवराज ने गंधर्वों से कहा —

श्लोक 15 (devibhagavatam.1.13.15)

उर्वशीमानयध्वं भो गन्धर्वाः सर्व एव हि । हृत्वोरणौ गृहात्तस्य भूपतेः समये किल ॥ 13.15 ॥

urvaśīmānayadhvaṁ bho gandharvāḥ sarva eva hi hṛtvoraṇau gṛhāttasya bhūpateḥ samaye kila

'हे गंधर्वो! तुम सब उर्वशी को ले आओ; समय आने पर उस राजा के घर से उन दोनों मेमनों को चुरा लो।'

श्लोक 16 (devibhagavatam.1.13.16)

उर्वशीरहितं स्थानं मदीयं नातिशोभते । येन केनाप्युपायेन तामानयत कामिनीम् ॥ 13.16 ॥

urvaśīrahitaṁ sthānaṁ madīyaṁ nātiśobhate yena kenāpyupāyena tāmānayata kāminīm

'उर्वशी के बिना मेरा स्थान अच्छा नहीं लगता; जिस किसी भी उपाय से उस प्रिया को ले आओ।'

श्लोक 17 (devibhagavatam.1.13.17)

इत्युक्तास्तेऽथ गन्धर्वा विश्वावसुपुरोगमाः । ततो गत्वा महागाढे तमसि प्रत्युपस्थिते ॥ 13.17 ॥

ityuktāste'tha gandharvā viśvāvasupurogamāḥ tato gatvā mahāgāḍhe tamasi pratyupasthite

इस प्रकार आदेश पाकर विश्वावसु के नेतृत्व वाले वे गंधर्व वहाँ गए; तब घोर अन्धकार छा जाने पर —

श्लोक 18 (devibhagavatam.1.13.18)

जह्रुस्तावुरणौ देवा रममाणं विलोक्य तम् । चक्रन्दतुस्तदा तौ तु ह्रियमाणौ विहायसा ॥ 13.18 ॥

jahrustāvuraṇau devā ramamāṇaṁ vilokya tam cakrandatustadā tau tu hriyamāṇau vihāyasā

— उन देवगणों ने रमण में लीन राजा को देखकर उन दोनों मेमनों को चुरा लिया; आकाश-मार्ग से ले जाए जाते हुए वे दोनों तब चिल्लाने लगे।

श्लोक 19 (devibhagavatam.1.13.19)

उर्वशी तदुपाकर्ण्य क्रन्दितं सुतयोरिव । कुपितोवाच राजानं समयोऽयं कृतो मया ॥ 13.19 ॥

urvaśī tadupākarṇya kranditaṁ sutayoriva kupitovāca rājānaṁ samayo'yaṁ kṛto mayā

उर्वशी ने उस रुदन को अपने ही पुत्रों के समान सुनकर क्रोधित होकर राजा से कहा — 'यह वही शर्त है जो मैंने रखी थी —'

श्लोक 20 (devibhagavatam.1.13.20)

नष्टाहं तव विश्वासाद्धृतौ चोरैर्ममोरणौ । राजन्पुत्रसमावेतौ त्वं किं शेषे स्त्रिया समः ॥ 13.20 ॥

naṣṭāhaṁ tava viśvāsāddhṛtau corairmamoraṇau rājanputrasamāvetau tvaṁ kiṁ śeṣe striyā samaḥ

'— आपके विश्वास के कारण ही मैं नष्ट हो गई, मेरे दोनों मेमने चोरों द्वारा हर लिए गए, हे राजन्, जो मुझे पुत्रों के समान प्रिय थे; और आप स्त्री के समान चुपचाप पड़े हैं?'

श्लोक 21 (devibhagavatam.1.13.21)

हतास्म्यहं कुनाथेन नपुंसा वीरमानिना । उरणौ मे गतौ चाद्य सदा प्राणप्रियौ मम ॥ 13.21 ॥

hatāsmyahaṁ kunāthena napuṁsā vīramāninā uraṇau me gatau cādya sadā prāṇapriyau mama

'मैं नष्ट हो गई — मुझे मिला है एक कुनाथ, नपुंसक, फिर भी अपने को वीर मानने वाला! मेरे दोनों प्राणप्रिय मेमने आज चले गए।'

श्लोक 22 (devibhagavatam.1.13.22)

एवं विलप्यमानां तां दृष्ट्वा राजा विमोहितः । नग्न एव ययौ तूर्णं पृष्ठतः पृथिवीपतिः ॥ 13.22 ॥

evaṁ vilapyamānāṁ tāṁ dṛṣṭvā rājā vimohitaḥ nagna eva yayau tūrṇaṁ pṛṣṭhataḥ pṛthivīpatiḥ

उसे इस प्रकार विलाप करते देखकर, अत्यंत मोहित राजा नग्न ही तुरन्त उनके पीछे दौड़ पड़े।

श्लोक 23 (devibhagavatam.1.13.23)

विद्युत्प्रकाशिता तत्र गन्धर्वैर्नृपवेश्मनि । नग्नभूतस्तया दृष्टो भूपतिर्गन्तुकामया ॥ 13.23 ॥

vidyutprakāśitā tatra gandharvairnṛpaveśmani nagnabhūtastayā dṛṣṭo bhūpatirgantukāmayā

वहाँ गंधर्वों ने राजमहल में बिजली चमका दी, जिससे जाने को उत्सुक उस स्त्री ने राजा को नग्न देख लिया।

श्लोक 24 (devibhagavatam.1.13.24)

त्यक्त्वोरणौ गताः सर्वे गन्धर्वाः पथि पार्थिवः । नग्नो जग्राह तौ श्रान्तो जगाम स्वगृहं प्रति ॥ 13.24 ॥

tyaktvoraṇau gatāḥ sarve gandharvāḥ pathi pārthivaḥ nagno jagrāha tau śrānto jagāma svagṛhaṁ prati

मेमनों को मार्ग में छोड़कर सभी गंधर्व चले गए; नग्न राजा ने थककर उन्हें उठाया और अपने घर की ओर चले।

श्लोक 25 (devibhagavatam.1.13.25)

तदोर्वशीं गतां दृष्ट्वा विललापातिदुःखितः । नग्नं वीक्ष्य पतिं नारी गता सा वरवर्णिनी ॥ 13.25 ॥

tadorvaśīṁ gatāṁ dṛṣṭvā vilalāpātiduḥkhitaḥ nagnaṁ vīkṣya patiṁ nārī gatā sā varavarṇinī

फिर उर्वशी को चली गई देखकर वे अत्यंत दुःखी होकर विलाप करने लगे; क्योंकि उस सुंदरी ने अपने पति को नग्न देख लिया था, इसलिए वह चली गई थी।

श्लोक 26 (devibhagavatam.1.13.26)

क्रन्दन्स देशदेशेषु बभ्राम नृपतिः स्वयम् । तच्चित्तो विह्वलः शोचन्विवशः काममोहितः ॥ 13.26 ॥

krandansa deśadeśeṣu babhrāma nṛpatiḥ svayam taccitto vihvalaḥ śocanvivaśaḥ kāmamohitaḥ

रोता हुआ वह राजा स्वयं देश-देश में भटकने लगा, उसी में मन लगाए, विह्वल, शोक करता, विवश, काम से मोहित।

श्लोक 27 (devibhagavatam.1.13.27)

भ्रमन्वै सकलां पृथ्वीं कुरुक्षेत्रे ददर्श ताम् । दृष्ट्वा संहृष्टवदनः प्राह सूक्तं नृपोत्तमः ॥ 13.27 ॥

bhramanvai sakalāṁ pṛthvīṁ kurukṣetre dadarśa tām dṛṣṭvā saṁhṛṣṭavadanaḥ prāha sūktaṁ nṛpottamaḥ

इस प्रकार सम्पूर्ण पृथ्वी पर भटकते हुए उन्होंने कुरुक्षेत्र में उसे देखा; देखकर, हर्षित मुख वाले उस श्रेष्ठ राजा ने ये सुंदर वचन कहे —

श्लोक 28 (devibhagavatam.1.13.28)

अये जाये तिष्ठ तिष्ठ घोरे न त्यक्तुमर्हसि । मां त्वं त्वन्मनसं कान्तं वशगं चाप्यनागसम् ॥ 13.28 ॥

aye jāye tiṣṭha tiṣṭha ghore na tyaktumarhasi māṁ tvaṁ tvanmanasaṁ kāntaṁ vaśagaṁ cāpyanāgasam

'हे प्रिये! ठहरो, ठहरो, हे भयंकरे! मुझे त्यागना तुम्हें उचित नहीं है — मुझे, जो तुम्हारे मन का ही अनुगामी, वशीभूत तथा निरपराध हूँ।'

श्लोक 29 (devibhagavatam.1.13.29)

स देहोऽयं पतत्यत्र देवि दूरं हृतस्त्वया । खादन्त्येनं वृकाः काकास्त्वया त्यक्तं वरोरु यत् ॥ 13.29 ॥

sa deho'yaṁ patatyatra devi dūraṁ hṛtastvayā khādantyenaṁ vṛkāḥ kākāstvayā tyaktaṁ varoru yat

'हे देवि! यह मेरा शरीर यहीं गिर जाएगा, तुमसे दूर किया हुआ; हे वरोरु! तुम्हारे त्यागे हुए इसे भेड़िये और कौवे खा जाएँगे।'

श्लोक 30 (devibhagavatam.1.13.30)

एवं विलपमानं तं राजानं प्राह चोर्वशी । दुःखितं कृपणं श्रान्तं कामार्तं विवशं भृशम् ॥ 13.30 ॥

evaṁ vilapamānaṁ taṁ rājānaṁ prāha corvaśī duḥkhitaṁ kṛpaṇaṁ śrāntaṁ kāmārtaṁ vivaśaṁ bhṛśam

इस प्रकार विलाप करते हुए, दुःखी, दीन, थके, कामपीड़ित, अत्यंत विवश उस राजा से उर्वशी ने कहा —

श्लोक 31 (devibhagavatam.1.13.31)

उर्वश्युवाच । मूर्खोऽसि नृपशार्दूल ज्ञानं कुत्र गतं तव । क्वापि सख्यं न च स्त्रीणां वृकाणामिव पार्थिव ॥ 13.31 ॥

urvaśyuvāca mūrkho'si nṛpaśārdūla jñānaṁ kutra gataṁ tava kvāpi sakhyaṁ na ca strīṇāṁ vṛkāṇāmiva pārthiva

उर्वशी ने कहा — हे नृपश्रेष्ठ! आप मूर्ख हैं, आपका ज्ञान कहाँ चला गया? हे राजन्! स्त्रियों से कभी सच्ची मित्रता नहीं होती, जैसे भेड़ियों से नहीं होती।

श्लोक 32 (devibhagavatam.1.13.32)

न विश्वासो हि कर्तव्यः स्त्रीषु चौरेषु पार्थिवैः । गृहं गच्छ सुखं भुङ्क्ष्व मा विषादे मनः कृथाः ॥ 13.32 ॥

na viśvāso hi kartavyaḥ strīṣu caureṣu pārthivaiḥ gṛhaṁ gaccha sukhaṁ bhuṅkṣva mā viṣāde manaḥ kṛthāḥ

राजाओं को स्त्रियों और चोरों पर कभी विश्वास नहीं करना चाहिए; घर जाइए, सुख भोगिए, विषाद में मन मत लगाइए।

श्लोक 33 (devibhagavatam.1.13.33)

इत्येवं बोधितो राजा न विवेदातिमोहितः । दुःखं च परमं प्राप्तः स्वैरिणीस्नेहयन्त्रितः ॥ 13.33 ॥

ityevaṁ bodhito rājā na vivedātimohitaḥ duḥkhaṁ ca paramaṁ prāptaḥ svairiṇīsnehayantritaḥ

इस प्रकार समझाए जाने पर भी अत्यंत मोहित राजा कुछ नहीं समझे, और उस चंचल स्त्री के स्नेह में बँधकर परम दुःख को प्राप्त हुए।

श्लोक 34 (devibhagavatam.1.13.34)

सूत उवाच । इति सर्वं समाख्यातमुर्वशीचरितं महत् । वेदे विस्तरितं चैतत्सङ्क्षेपात्कथितं मया ॥ 13.34 ॥

sūta uvāca iti sarvaṁ samākhyātamurvaśīcaritaṁ mahat vede vistaritaṁ caitatsaṅkṣepātkathitaṁ mayā

सूत ने कहा — इस प्रकार यह सम्पूर्ण महान उर्वशी-चरित्र कहा गया; यह वेद में विस्तार से वर्णित है, मैंने इसे संक्षेप में कहा है।