व्यास द्वारा गृहस्थ-धर्म का वर्णन

श्लोक 1 (devibhagavatam.1.14.1)

सूत उवाच । दृष्ट्वा तामसितापाङ्गीं व्यासश्चिन्तापरोऽभवत् । किं करोमि न मे योग्या देवकन्येयमप्सराः ॥ 14.1 ॥

sūta uvāca dṛṣṭvā tāmasitāpāṅgīṁ vyāsaścintāparo'bhavat kiṁ karomi na me yogyā devakanyeyamapsarāḥ

सूत ने कहा — उस श्यामनयना को देखकर व्यास चिन्तामग्न हो गए — 'मैं क्या करूँ? यह देवकन्या अप्सरा मेरे योग्य नहीं है।'

श्लोक 2 (devibhagavatam.1.14.2)

एवं चिन्तयमानं तु दृष्ट्वा व्यासं तदाप्सराः । भयभीता हि सञ्जाता शापं मा विसृजेदयम् ॥ 14.2 ॥

evaṁ cintayamānaṁ tu dṛṣṭvā vyāsaṁ tadāpsarāḥ bhayabhītā hi sañjātā śāpaṁ mā visṛjedayam

इस प्रकार चिन्तामग्न व्यास को देखकर वह अप्सरा भयभीत हो गई — 'कहीं यह मुझे शाप न दे दें।'

श्लोक 3 (devibhagavatam.1.14.3)

सा कृत्वाथ शुकीरूपं निर्गता भयविह्वला । कृष्णस्तु विस्मयं प्राप्तो विहङ्गीं तां विलोकयन् ॥ 14.3 ॥

sā kṛtvātha śukīrūpaṁ nirgatā bhayavihvalā kṛṣṇastu vismayaṁ prāpto vihaṅgīṁ tāṁ vilokayan

वह भयविह्वल होकर तोतेदार रूप धारण करके वहाँ से निकल गई; कृष्ण (व्यास) उस पक्षिणी को देखकर विस्मित हो गए।

श्लोक 4 (devibhagavatam.1.14.4)

कामस्तु देहे व्यासस्य दर्शनादेव सङ्गतः । मनोऽतिविस्मितं जातं सर्वगात्रेषु विस्मितः ॥ 14.4 ॥

kāmastu dehe vyāsasya darśanādeva saṅgataḥ mano'tivismitaṁ jātaṁ sarvagātreṣu vismitaḥ

उसे देखने मात्र से ही व्यास के शरीर में काम-भाव जाग उठा; उनका मन अत्यंत विस्मित हो गया, वे सर्वांग में चकित हो उठे।

श्लोक 5 (devibhagavatam.1.14.5)

स तु धैर्येण महता निगह्णन्मानसं मुनिः । न शशाक नियन्तुं च स व्यासः प्रसृतं मनः ॥ 14.5 ॥

sa tu dhairyeṇa mahatā nigahṇanmānasaṁ muniḥ na śaśāka niyantuṁ ca sa vyāsaḥ prasṛtaṁ manaḥ

वे मुनि महान धैर्य से मन को रोकते रहे, फिर भी वे अपने बहिर्गामी मन को नियंत्रित नहीं कर सके।

श्लोक 6 (devibhagavatam.1.14.6)

बहुशो गृह्यमाणं च घृताच्या मोहितं मनः । भावित्वान्नैव विधृतं व्यासस्यामिततेजसः ॥ 14.6 ॥

bahuśo gṛhyamāṇaṁ ca ghṛtācyā mohitaṁ manaḥ bhāvitvānnaiva vidhṛtaṁ vyāsasyāmitatejasaḥ

घृताची के कारण बार-बार पकड़ में आते, मोहित मन को, अमित तेजस्वी व्यास भी उस भावदशा के कारण किसी प्रकार रोक नहीं पाए।

श्लोक 7 (devibhagavatam.1.14.7)

मन्धनं कुर्वतस्तस्य मुनेरग्निचिकीर्षया । अरण्यामेव सहसा तस्य शुक्रमथापतत् ॥ 14.7 ॥

mandhanaṁ kurvatastasya muneragnicikīrṣayā araṇyāmeva sahasā tasya śukramathāpatat

अग्नि उत्पन्न करने की इच्छा से मंथन करते हुए उस मुनि का वीर्य वहीं अरणि पर सहसा गिर पड़ा।

श्लोक 8 (devibhagavatam.1.14.8)

सोऽविचिन्त्य तथा पातं ममन्थारणिमेव च । तस्माच्छुकः समुद्भूतो व्यासाकृतिमनोहरः ॥ 14.8 ॥

so'vicintya tathā pātaṁ mamanthāraṇimeva ca tasmācchukaḥ samudbhūto vyāsākṛtimanoharaḥ

उस पतन पर बिना विचार किए ही उन्होंने अरणि का मंथन जारी रखा; उसी से व्यास के समान ही मनोहर आकृति वाले शुक उत्पन्न हुए।

श्लोक 9 (devibhagavatam.1.14.9)

विस्मयं जनयन्बालः सञ्जातस्तदरण्यजः । यथाध्वरे समिद्धोऽग्निर्भाति हव्येन दीप्तिमान् ॥ 14.9 ॥

vismayaṁ janayanbālaḥ sañjātastadaraṇyajaḥ yathādhvare samiddho'gnirbhāti havyena dīptimān

उस अरणि से उत्पन्न वह बालक आश्चर्य उत्पन्न करता हुआ प्रकट हुआ — जैसे यज्ञ में प्रज्वलित अग्नि हवि से देदीप्यमान होकर सुशोभित होती है।

श्लोक 10 (devibhagavatam.1.14.10)

व्यासस्तु सुतमालोक्य विस्मयं परमं गतः । किमेतदिति सञ्चिन्त्य वरदानाच्छिवस्य वै ॥ 14.10 ॥

vyāsastu sutamālokya vismayaṁ paramaṁ gataḥ kimetaditi sañcintya varadānācchivasya vai

पुत्र को देखकर व्यास परम विस्मय को प्राप्त हुए; 'यह क्या है?' — यह सोचते हुए उन्हें समझ आया कि यह शिव के वरदान से हुआ है।

श्लोक 11 (devibhagavatam.1.14.11)

तेजोरूपी शुको जातोऽप्यरणीगर्भसम्भवः । द्वितीयोऽग्निरिवात्यर्थं दीप्यमानः स्वतेजसा ॥ 14.11 ॥

tejorūpī śuko jāto'pyaraṇīgarbhasambhavaḥ dvitīyo'gnirivātyarthaṁ dīpyamānaḥ svatejasā

अरणि-गर्भ से उत्पन्न, तेजोरूपी शुक द्वितीय अग्नि के समान अपने ही तेज से अत्यंत देदीप्यमान होकर उत्पन्न हुए।

श्लोक 12 (devibhagavatam.1.14.12)

विलोकयामास तदा व्यासस्तु मुदितं सुतम् । दिव्येन तेजसा युक्तं गार्हपत्यमिवापरम् ॥ 14.12 ॥

vilokayāmāsa tadā vyāsastu muditaṁ sutam divyena tejasā yuktaṁ gārhapatyamivāparam

तब व्यास ने अपने आनन्दित पुत्र को देखा, जो दिव्य तेज से युक्त था, मानो एक अन्य गार्हपत्य अग्नि हो।

श्लोक 13 (devibhagavatam.1.14.13)

गङ्गान्तः स्नापयामास समागत्य गिरेस्तदा । पुष्पवृष्टिस्तु खाज्जाता शिशोरुपरि तापसाः ॥ 14.13 ॥

gaṅgāntaḥ snāpayāmāsa samāgatya girestadā puṣpavṛṣṭistu khājjātā śiśorupari tāpasāḥ

पर्वत से उतरकर उन्होंने उसे गंगा में स्नान कराया; हे तपस्वियो! तब आकाश से उस शिशु पर पुष्पवृष्टि हुई।

श्लोक 14 (devibhagavatam.1.14.14)

जातकर्मादिकं चक्रे व्यासस्तस्य महात्मनः । देवदुन्दुभयो नेदुर्ननृतुश्चाप्सरोगणाः ॥ 14.14 ॥

jātakarmādikaṁ cakre vyāsastasya mahātmanaḥ devadundubhayo nedurnanṛtuścāpsarogaṇāḥ

व्यास ने उस महात्मा का जातकर्म आदि संस्कार सम्पन्न किया; देवताओं के दुन्दुभि बज उठे, और अप्सरा-गण नृत्य करने लगे।

श्लोक 15 (devibhagavatam.1.14.15)

जगुर्गन्धर्वपतयो मुदितास्ते दिदृक्षवः । विश्वावसुर्नारदश्च तुम्बुरुः शुकसम्भवे ॥ 14.15 ॥

jagurgandharvapatayo muditāste didṛkṣavaḥ viśvāvasurnāradaśca tumburuḥ śukasambhave

गंधर्वपति गाने लगे, आनन्दित होकर देखने की इच्छा से विश्वावसु, नारद तथा तुम्बुरु शुक के जन्म पर उपस्थित हुए।

श्लोक 16 (devibhagavatam.1.14.16)

तुष्टुवुर्मुदिताः सर्वे देवा विद्याधरास्तथा । दृष्ट्वा व्याससुतं दिव्यमरणीगर्भसम्भवम् ॥ 14.16 ॥

tuṣṭuvurmuditāḥ sarve devā vidyādharāstathā dṛṣṭvā vyāsasutaṁ divyamaraṇīgarbhasambhavam

अरणि-गर्भ से जन्मे व्यास के इस दिव्य पुत्र को देखकर सभी देवगण तथा विद्याधर भी आनन्दित होकर उसकी स्तुति करने लगे।

श्लोक 17 (devibhagavatam.1.14.17)

अन्तरिक्षात्पपातोर्व्यां दण्डः कृष्णाजिनं शुभम् । कमण्डलुस्तथा दिव्यः शुकस्यार्थे द्विजोत्तमाः ॥ 14.17 ॥

antarikṣātpapātorvyāṁ daṇḍaḥ kṛṣṇājinaṁ śubham kamaṇḍalustathā divyaḥ śukasyārthe dvijottamāḥ

हे द्विजोत्तमो! शुक के लिए आकाश से पृथ्वी पर एक दण्ड, शुभ कृष्णाजिन, तथा एक दिव्य कमण्डलु गिरा।

श्लोक 18 (devibhagavatam.1.14.18)

सद्यः स ववृधे बालो जातमात्रोऽतिदीप्तिमान् । तस्योपनयनं चक्रे व्यासो विद्याविधानवित् ॥ 14.18 ॥

sadyaḥ sa vavṛdhe bālo jātamātro'tidīptimān tasyopanayanaṁ cakre vyāso vidyāvidhānavit

जन्मते ही अत्यंत देदीप्यमान वह बालक तुरन्त बड़ा हो गया; विद्या-विधान के ज्ञाता व्यास ने उसका उपनयन संस्कार किया।

श्लोक 19 (devibhagavatam.1.14.19)

उत्पन्नमात्रं तं वेदाः सरहस्याः ससङ्ग्रहाः । उपतस्थुर्महात्मानं यथास्य पितरं तथा ॥ 14.19 ॥

utpannamātraṁ taṁ vedāḥ sarahasyāḥ sasaṅgrahāḥ upatasthurmahātmānaṁ yathāsya pitaraṁ tathā

उत्पन्न होते ही रहस्यों और संग्रहों सहित वेद उस महात्मा की उसी प्रकार उपासना करने लगे, जैसे उनके पिता की करते थे।

श्लोक 20 (devibhagavatam.1.14.20)

यतो दृष्टं शुकीरूपं घृताच्याः सम्भवे तदा । शुकेति नाम पुत्रस्य चकार मुनिसत्तमः ॥ 14.20 ॥

yato dṛṣṭaṁ śukīrūpaṁ ghṛtācyāḥ sambhave tadā śuketi nāma putrasya cakāra munisattamaḥ

चूँकि उसकी उत्पत्ति के समय घृताची का तोतेदार-रूप देखा गया था, इसलिए उस मुनिश्रेष्ठ ने पुत्र का नाम 'शुक' रखा।

श्लोक 21 (devibhagavatam.1.14.21)

बृहस्पतिमुपाध्यायं कृत्वा व्याससुतस्तदा । व्रतानि ब्रह्मचर्यस्य चकार विधिपूर्वकम् ॥ 14.21 ॥

bṛhaspatimupādhyāyaṁ kṛtvā vyāsasutastadā vratāni brahmacaryasya cakāra vidhipūrvakam

तब व्यास-पुत्र ने बृहस्पति को उपाध्याय बनाकर विधिपूर्वक ब्रह्मचर्य के व्रतों का पालन किया।

श्लोक 22 (devibhagavatam.1.14.22)

सोऽधीत्य निखिलान्वेदान् सरहस्यान्ससङ्ग्रहान् । धर्मशास्त्राणि सर्वाणि कृत्वा गुरुकुले शुकः ॥ 14.22 ॥

so'dhītya nikhilānvedān sarahasyānsasaṅgrahān dharmaśāstrāṇi sarvāṇi kṛtvā gurukule śukaḥ

गुरुकुल में रहकर शुक ने रहस्यों और संग्रहों सहित समस्त वेदों तथा सभी धर्मशास्त्रों का अध्ययन किया,

श्लोक 23 (devibhagavatam.1.14.23)

गुरवे दक्षिणां दत्त्वा समावृत्तो मुनिस्तदा । आजगाम पितुः पार्श्वं कृष्णद्वैपायनस्य च ॥ 14.23 ॥

gurave dakṣiṇāṁ dattvā samāvṛtto munistadā ājagāma pituḥ pārśvaṁ kṛṣṇadvaipāyanasya ca

गुरु को दक्षिणा देकर वे मुनि तब लौटे, और अपने पिता कृष्णद्वैपायन के पास पहुँचे।

श्लोक 24 (devibhagavatam.1.14.24)

दृष्ट्वा व्यासः शुकं प्राप्तं प्रेम्णोत्थाय ससम्भ्रमः । आलिलिङ्ग मुहुर्घ्राणं मूर्ध्नि तस्य चकार ह ॥ 14.24 ॥

dṛṣṭvā vyāsaḥ śukaṁ prāptaṁ premṇotthāya sasambhramaḥ āliliṅga muhurghrāṇaṁ mūrdhni tasya cakāra ha

शुक को आया देखकर व्यास प्रेमवश उठ खड़े हुए और बार-बार उसका आलिंगन करके उसके मस्तक को अपने मस्तक से स्पर्श किया।

श्लोक 25 (devibhagavatam.1.14.25)

पप्रच्छ कुशलं व्यासस्तथा चाध्ययनं शुचि । आश्वास्य स्थापयामास शुकं तत्राश्रमे शुभे ॥ 14.25 ॥

papraccha kuśalaṁ vyāsastathā cādhyayanaṁ śuci āśvāsya sthāpayāmāsa śukaṁ tatrāśrame śubhe

व्यास ने उसका कुशल-क्षेम तथा उसके पवित्र अध्ययन के विषय में पूछा; आश्वस्त करके उन्होंने शुक को उस शुभ आश्रम में बसाया।

श्लोक 26 (devibhagavatam.1.14.26)

दारकर्म ततो व्यासः शुकस्य पर्यचिन्तयत् । कन्यां मुनिसुतां कान्तामपृच्छदतिवेगवान् ॥ 14.26 ॥

dārakarma tato vyāsaḥ śukasya paryacintayat kanyāṁ munisutāṁ kāntāmapṛcchadativegavān

तब व्यास ने शुक के विवाह के विषय में विचार किया; अत्यंत उत्सुकतापूर्वक उन्होंने किसी मुनि की सुंदर पुत्री कन्या के विषय में पूछताछ की।

श्लोक 27 (devibhagavatam.1.14.27)

शुकं प्राह सुतं व्यासो वेदोऽधीतस्त्वयानघ । धर्मशास्त्राणि सर्वाणि कुरु भार्यां महामते ॥ 14.27 ॥

śukaṁ prāha sutaṁ vyāso vedo'dhītastvayānagha dharmaśāstrāṇi sarvāṇi kuru bhāryāṁ mahāmate

व्यास ने पुत्र शुक से कहा — 'हे निष्पाप! तुमने वेद पढ़ लिया, समस्त धर्मशास्त्र भी; हे महामते! अब पत्नी ग्रहण करो।'

श्लोक 28 (devibhagavatam.1.14.28)

गार्हस्थ्यं च समासाद्य यज देवान्पितॄनथ । ऋणान्मोचय मां पुत्र प्राप्य दारान्मनोरमान् ॥ 14.28 ॥

gārhasthyaṁ ca samāsādya yaja devānpitṝnatha ṛṇānmocaya māṁ putra prāpya dārānmanoramān

'गार्हस्थ्य को प्राप्त करके देवों और पितरों का यजन करो; हे पुत्र! मनोहर पत्नी पाकर मुझे ऋणों से मुक्त करो।'

श्लोक 29 (devibhagavatam.1.14.29)

अपुत्रस्य गतिर्नास्ति स्वर्गो नैव च नैव च । तस्मात्पुत्र महाभाग कुरुष्वाद्य गृहाश्रमम् ॥ 14.29 ॥

aputrasya gatirnāsti svargo naiva ca naiva ca tasmātputra mahābhāga kuruṣvādya gṛhāśramam

'पुत्रहीन की कोई सद्गति नहीं होती — न स्वर्ग, कदापि नहीं, कदापि नहीं; इसलिए हे पुत्र! हे महाभाग! आज गृहस्थाश्रम ग्रहण करो।'

श्लोक 30 (devibhagavatam.1.14.30)

कृत्वा गृहाश्रमं पुत्र सुखिनं कुरु मां शुक । आशा मे महती पुत्र पूरयस्व महामते ॥ 14.30 ॥

kṛtvā gṛhāśramaṁ putra sukhinaṁ kuru māṁ śuka āśā me mahatī putra pūrayasva mahāmate

'हे शुक! गृहस्थाश्रम अपनाकर मुझे सुखी बनाओ; हे पुत्र! मेरी बड़ी आशा है, हे महामते! उसे पूर्ण करो।'

श्लोक 31 (devibhagavatam.1.14.31)

तपस्तप्त्वा महाघोरं प्राप्तोऽसि त्वमयोनिजः । देवरूपी महाप्राज्ञ पाहि मां पितरं शुक ॥ 14.31 ॥

tapastaptvā mahāghoraṁ prāpto'si tvamayonijaḥ devarūpī mahāprājña pāhi māṁ pitaraṁ śuka

'सौ वर्षों तक महाघोर तप करके, हे शुक! तुम अयोनिज, देवरूपधारी, महाप्राज्ञ पुत्र के रूप में मुझे प्राप्त हुए; मुझ पिता की रक्षा करो।'

श्लोक 32 (devibhagavatam.1.14.32)

सूत उवाच । इति वादिनमभ्याशे प्राप्तः प्राह शुकस्तदा । विरक्तः सोऽतिरक्तं तं साक्षात्पितरमात्मनः ॥ 14.32 ॥

sūta uvāca iti vādinamabhyāśe prāptaḥ prāha śukastadā viraktaḥ so'tiraktaṁ taṁ sākṣātpitaramātmanaḥ

सूत ने कहा — इस प्रकार कहते हुए, अत्यंत आसक्त उस पिता के समक्ष खड़े, विरक्त शुक ने साक्षात् अपने पिता से कहा —

श्लोक 33 (devibhagavatam.1.14.33)

शुक उवाच । किं त्वं वदसि धर्मज्ञ वेदव्यास महामते । तत्त्वेन शाधि शिष्यं मां त्वदाज्ञां करवाण्यलम् ॥ 14.33 ॥

śuka uvāca kiṁ tvaṁ vadasi dharmajña vedavyāsa mahāmate tattvena śādhi śiṣyaṁ māṁ tvadājñāṁ karavāṇyalam

शुक ने कहा — हे धर्मज्ञ! हे वेदव्यास! हे महामते! आप यह क्या कह रहे हैं? मुझे अपने शिष्य को तत्त्वतः शिक्षा दीजिए, मैं आपकी आज्ञा पूर्णरूप से पालन करूँगा।

श्लोक 34 (devibhagavatam.1.14.34)

व्यास उवाच । त्वदर्थे यत्तपस्तप्तं मया पुत्र शतं समाः । प्राप्तस्त्वं चातिदुःखेन शिवस्याराधनेन च ॥ 14.34 ॥

vyāsa uvāca tvadarthe yattapastaptaṁ mayā putra śataṁ samāḥ prāptastvaṁ cātiduḥkhena śivasyārādhanena ca

व्यास ने कहा — हे पुत्र! तुम्हारे लिए मैंने सौ वर्षों तक तप किया; और तुम अत्यंत कष्ट से तथा शिव की आराधना से प्राप्त हुए।

श्लोक 35 (devibhagavatam.1.14.35)

ददामि तव वित्तं तु प्रार्थयित्वाथ भूपतिम् । सुखं भुङ्क्ष्व महाप्राज्ञ प्राप्य यौवनमुत्तमम् ॥ 14.35 ॥

dadāmi tava vittaṁ tu prārthayitvātha bhūpatim sukhaṁ bhuṅkṣva mahāprājña prāpya yauvanamuttamam

किसी राजा से प्रार्थना करके मैं तुम्हें धन दूँगा; हे महाप्राज्ञ! श्रेष्ठ यौवन को प्राप्त करके सुख भोगो।

श्लोक 36 (devibhagavatam.1.14.36)

शुक उवाच । किं सुखं मानुषे लोके ब्रूहि तात निरामयम् । दुःखविद्धं सुखं प्राज्ञा न वदन्ति सुखं किल ॥ 14.36 ॥

śuka uvāca kiṁ sukhaṁ mānuṣe loke brūhi tāta nirāmayam duḥkhaviddhaṁ sukhaṁ prājñā na vadanti sukhaṁ kila

शुक ने कहा — हे तात! मुझे बताइए, मनुष्य-लोक में निरामय सुख क्या है? दुःख से बिंधा सुख — बुद्धिमान उसे सुख नहीं कहते।

श्लोक 37 (devibhagavatam.1.14.37)

स्त्रियं कृत्वा महाभाग भवामि तद्वशानुगः । सुखं किं परतन्त्रस्य स्त्रीजितस्य विशेषतः ॥ 14.37 ॥

striyaṁ kṛtvā mahābhāga bhavāmi tadvaśānugaḥ sukhaṁ kiṁ paratantrasya strījitasya viśeṣataḥ

'हे महाभाग! स्त्री ग्रहण करके मैं उसके वश में हो जाऊँगा; पराधीन का, विशेषतः स्त्री से जीते हुए का, क्या सुख?'

श्लोक 38 (devibhagavatam.1.14.38)

कदाचिदपि मुच्येत लोहकाष्ठादियन्त्रितः । पुत्रदारैर्निबद्धस्तु न विमुच्येत कर्हिचित् ॥ 14.38 ॥

kadācidapi mucyeta lohakāṣṭhādiyantritaḥ putradārairnibaddhastu na vimucyeta karhicit

'लोहे और लकड़ी आदि से बँधा हुआ कभी न कभी मुक्त हो सकता है; परन्तु पुत्र-पत्नी से बँधा हुआ कभी मुक्त नहीं हो पाता।'

श्लोक 39 (devibhagavatam.1.14.39)

विण्मूत्रसम्भवो देहो नारीणां तन्मयस्तथा । कः प्रीतिं तत्र विप्रेन्द्र विबुधः कर्तुमिच्छति ॥ 14.39 ॥

viṇmūtrasambhavo deho nārīṇāṁ tanmayastathā kaḥ prītiṁ tatra viprendra vibudhaḥ kartumicchati

'स्त्रियों का शरीर विष्ठा-मूत्र से उत्पन्न तथा उसी से बना है; हे विप्रेन्द्र! उसमें कौन बुद्धिमान प्रीति करना चाहेगा?'

श्लोक 40 (devibhagavatam.1.14.40)

अयोनिजोऽहं विप्रर्षे योनौ मे कीदृशी मतिः । न वाञ्छाम्यहमग्रेऽपि योनावेव समुद्भवम् ॥ 14.40 ॥

ayonijo'haṁ viprarṣe yonau me kīdṛśī matiḥ na vāñchāmyahamagre'pi yonāveva samudbhavam

'हे विप्रर्षे! मैं अयोनिज हूँ, मुझे योनि के प्रति कैसी बुद्धि हो? मैं आगे भी योनि के द्वारा जन्म नहीं चाहता।'

श्लोक 41 (devibhagavatam.1.14.41)

विट्सुखं किमु वाञ्छामि त्यक्त्वाऽऽत्मसुखमद्भुतम् । आत्मारामश्च भूयोऽपि न भवत्यतिलोलुपः ॥ 14.41 ॥

viṭsukhaṁ kimu vāñchāmi tyaktvā''tmasukhamadbhutam ātmārāmaśca bhūyo'pi na bhavatyatilolupaḥ

'अपने अद्भुत आत्म-सुख को त्यागकर मैं मल के सुख की कामना क्यों करूँ? आत्मारामी अत्यंत लोलुप कभी नहीं होता।'

श्लोक 42 (devibhagavatam.1.14.42)

प्रथमं पठिता वेदा मया विस्तारिताश्च ते । हिंसामयास्ते पतिताः कर्ममार्गप्रवर्तकाः ॥ 14.42 ॥

prathamaṁ paṭhitā vedā mayā vistāritāśca te hiṁsāmayāste patitāḥ karmamārgapravartakāḥ

'मैंने पहले वेद पढ़े और उन्हें विस्तार से समझाया भी; परन्तु वे हिंसामय, पतनशील तथा कर्ममार्ग को प्रवृत्त करने वाले हैं।'

श्लोक 43 (devibhagavatam.1.14.43)

बृहस्पतिर्गुरुः प्राप्तः सोऽपि मग्नो गृहार्णवे । अविद्याग्रस्तहृदयः कथं तारयितुं क्षमः ॥ 14.43 ॥

bṛhaspatirguruḥ prāptaḥ so'pi magno gṛhārṇave avidyāgrastahṛdayaḥ kathaṁ tārayituṁ kṣamaḥ

'गुरु के रूप में मुझे बृहस्पति मिले, परन्तु वे स्वयं गृहस्थी के सागर में डूबे हुए हैं, अविद्या से ग्रस्त हृदय वाले — वे मुझे कैसे तार सकते हैं?'

श्लोक 44 (devibhagavatam.1.14.44)

रोगग्रस्तो यथा वैद्यः पररोगचिकित्सकः । तथा गुरुर्मुमुक्षोर्मे गृहस्थोऽयं विडम्बना ॥ 14.44 ॥

rogagrasto yathā vaidyaḥ pararogacikitsakaḥ tathā gururmumukṣorme gṛhastho'yaṁ viḍambanā

'जैसे रोगग्रस्त वैद्य दूसरे के रोग का चिकित्सक नहीं हो सकता, वैसे ही मुमुक्षु के लिए यह गृहस्थ गुरु एक उपहास मात्र है।'

श्लोक 45 (devibhagavatam.1.14.45)

कृत्वा प्रणामं गुरवे त्वत्समीपमुपागतः । त्राहि मां तत्त्वबोधेन भीतं संसारसर्पतः ॥ 14.45 ॥

kṛtvā praṇāmaṁ gurave tvatsamīpamupāgataḥ trāhi māṁ tattvabodhena bhītaṁ saṁsārasarpataḥ

'गुरु को प्रणाम करके मैं आपके पास आया हूँ; संसार-सर्प से भयभीत मुझे तत्त्वज्ञान से बचाइए।'

श्लोक 46 (devibhagavatam.1.14.46)

संसारेऽस्मिन्महाघोरे भ्रमणं नभचक्रवत् । न च विश्रमणं क्यापि सूर्यस्येव दिवानिशि ॥ 14.46 ॥

saṁsāre'sminmahāghore bhramaṇaṁ nabhacakravat na ca viśramaṇaṁ kyāpi sūryasyeva divāniśi

'इस अत्यंत भयंकर संसार में आकाश-चक्र के समान निरन्तर भ्रमण होता रहता है, दिन-रात सूर्य के समान इसमें कहीं भी विश्राम नहीं है।'

श्लोक 47 (devibhagavatam.1.14.47)

किं सुखं तात संसारे निजतत्त्वविचारणात् । मूढानां सुखबुद्धिस्तु विट्सु कीटसुखं यथा ॥ 14.47 ॥

kiṁ sukhaṁ tāta saṁsāre nijatattvavicāraṇāt mūḍhānāṁ sukhabuddhistu viṭsu kīṭasukhaṁ yathā

'हे तात! अपने तत्त्व के विचार के आगे संसार में क्या सुख है? मूर्खों की सुख-बुद्धि तो मल में कीट के सुख के समान है।'

श्लोक 48 (devibhagavatam.1.14.48)

अधीत्य वेदशास्त्राणि संसारे रागिणश्च ये । तेभ्यः परो न मूर्खोऽस्ति सधर्मा श्वाश्वसूकरैः ॥ 14.48 ॥

adhītya vedaśāstrāṇi saṁsāre rāgiṇaśca ye tebhyaḥ paro na mūrkho'sti sadharmā śvāśvasūkaraiḥ

'जो वेद-शास्त्रों को पढ़कर भी संसार में आसक्त रहते हैं, उनसे बढ़कर मूर्ख कोई नहीं — वे कुत्ते, घोड़े और सुअर के समान ही धर्म वाले हैं।'

श्लोक 49 (devibhagavatam.1.14.49)

मानुष्यं दुर्लभं प्राप्य वेदशास्त्राण्यधीत्य च । बध्यते यदि संसारे को विमुच्येत मानवः ॥ 14.49 ॥

mānuṣyaṁ durlabhaṁ prāpya vedaśāstrāṇyadhītya ca badhyate yadi saṁsāre ko vimucyeta mānavaḥ

'दुर्लभ मनुष्य-जन्म पाकर तथा वेद-शास्त्र पढ़कर भी यदि कोई संसार में बंधा रहे, तो कौन मनुष्य कभी मुक्त हो सकेगा?'

श्लोक 50 (devibhagavatam.1.14.50)

नातः परतरं लोके क्वचिदाश्चर्यमद्भुतम् । पुत्रदारगृहासक्तः पण्डितः परिगीयते ॥ 14.50 ॥

nātaḥ parataraṁ loke kvacidāścaryamadbhutam putradāragṛhāsaktaḥ paṇḍitaḥ parigīyate

'इससे बढ़कर आश्चर्य संसार में कहीं नहीं है — कि पुत्र, पत्नी और घर में आसक्त व्यक्ति भी पण्डित कहलाता है।'

श्लोक 51 (devibhagavatam.1.14.51)

न बाध्यते यः संसारे नरो मायागुणैस्त्रिभिः । स विद्वान्स च मेधावी शास्त्रपारं गतो हि सः ॥ 14.51 ॥

na bādhyate yaḥ saṁsāre naro māyāguṇaistribhiḥ sa vidvānsa ca medhāvī śāstrapāraṁ gato hi saḥ

'जो पुरुष माया के तीनों गुणों से इस संसार में बाधित नहीं होता, वही विद्वान है, वही बुद्धिमान है, वही शास्त्रों के पार पहुँचा है।'

श्लोक 52 (devibhagavatam.1.14.52)

किं वृथाध्ययनेनात्र दृढबन्धकरेण च । पठितव्यं तदेवाशु मोचयेद्भवबन्धनात् ॥ 14.52 ॥

kiṁ vṛthādhyayanenātra dṛḍhabandhakareṇa ca paṭhitavyaṁ tadevāśu mocayedbhavabandhanāt

'जो केवल दृढ़ बंधन उत्पन्न करने वाला हो, ऐसे व्यर्थ अध्ययन से क्या लाभ? वही पढ़ना चाहिए जो शीघ्र ही संसार-बंधन से मुक्त कर दे।'

श्लोक 53 (devibhagavatam.1.14.53)

गह्णाति पुरुषं यस्माद्गृहं तेन प्रकीर्तितम् । क्व सुखं बन्धनागारे तेन भीतोऽस्म्यहं पितः ॥ 14.53 ॥

gahṇāti puruṣaṁ yasmādgṛhaṁ tena prakīrtitam kva sukhaṁ bandhanāgāre tena bhīto'smyahaṁ pitaḥ

'चूँकि यह मनुष्य को जकड़ लेता है, इसीलिए इसे गृह कहा गया है; बंदीगृह में क्या सुख? हे पिता! इसीलिए मैं भयभीत हूँ।'

श्लोक 54 (devibhagavatam.1.14.54)

येऽबुधा मन्दमतयो विधिना मुषिताश्च ये । ते प्राप्य मानुषं जन्म पुनर्बन्धं विशन्त्युत ॥ 14.54 ॥

ye'budhā mandamatayo vidhinā muṣitāśca ye te prāpya mānuṣaṁ janma punarbandhaṁ viśantyuta

'जो अज्ञानी, मंदबुद्धि, भाग्य द्वारा ठगे गए हैं, वे मनुष्य-जन्म पाकर भी पुनः बंधन में प्रवेश कर जाते हैं।'

श्लोक 55 (devibhagavatam.1.14.55)

व्यास उवाच । न गृहं बन्धनागारं बन्धने न च कारणम् । मनसा यो विनिर्मुक्तो गृहस्थोऽपि विमुच्यते ॥ 14.55 ॥

vyāsa uvāca na gṛhaṁ bandhanāgāraṁ bandhane na ca kāraṇam manasā yo vinirmukto gṛhastho'pi vimucyate

व्यास ने कहा — घर न तो बंदीगृह है, न बंधन का कारण है; जो मन से मुक्त है, वह गृहस्थ रहते हुए भी मुक्त ही रहता है।

श्लोक 56 (devibhagavatam.1.14.56)

न्यायागतधनः कुर्वन्वेदोक्तं विधिवत्क्रमात् । गृहस्थोऽपि विमुच्येत श्राद्धकृत्सत्यवाक् शुचिः ॥ 14.56 ॥

nyāyāgatadhanaḥ kurvanvedoktaṁ vidhivatkramāt gṛhastho'pi vimucyeta śrāddhakṛtsatyavāk śuciḥ

न्यायपूर्वक अर्जित धन से, वेदोक्त कार्य विधिपूर्वक क्रमशः करते हुए, श्राद्धकर्ता, सत्यवादी तथा शुचि गृहस्थ भी मुक्त हो सकता है।

श्लोक 57 (devibhagavatam.1.14.57)

ब्रह्मचारी यतिश्चैव वानप्रस्थो व्रतस्थितः । गृहस्थं समुपासन्ते मध्याह्नातिक्रमे सदा ॥ 14.57 ॥

brahmacārī yatiścaiva vānaprastho vratasthitaḥ gṛhasthaṁ samupāsante madhyāhnātikrame sadā

ब्रह्मचारी, यति, तथा व्रतस्थ वानप्रस्थ — ये सब सदा मध्याह्न के बाद गृहस्थ की ही उपासना करते हैं।

श्लोक 58 (devibhagavatam.1.14.58)

श्रद्धया चान्नदानेन वाचा सूनृतया तथा । उपकुर्वन्ति धर्मस्था गृहाश्रमनिवासिनः ॥ 14.58 ॥

śraddhayā cānnadānena vācā sūnṛtayā tathā upakurvanti dharmasthā gṛhāśramanivāsinaḥ

श्रद्धा से, अन्नदान से, तथा प्रिय वाणी से धर्मस्थ गृहाश्रम-निवासी सबकी सहायता करते हैं।

श्लोक 59 (devibhagavatam.1.14.59)

गृहाश्रमात्परो धर्मो न दृष्टो न च वै श्रुतः । वसिष्ठादिभिराचार्यैर्ज्ञानिभिः समुपाश्रितः ॥ 14.59 ॥

gṛhāśramātparo dharmo na dṛṣṭo na ca vai śrutaḥ vasiṣṭhādibhirācāryairjñānibhiḥ samupāśritaḥ

गृहस्थाश्रम से बढ़कर कोई धर्म न कभी देखा गया है, न कभी सुना गया है; वसिष्ठ आदि ज्ञानी आचार्यों ने भी इसी का आश्रय लिया है।

श्लोक 60 (devibhagavatam.1.14.60)

किमसाध्यं महाभाग वेदोक्तानि च कुर्वतः । स्वर्गं मोक्षं च सज्जन्म यद्यद्वाञ्छति तद्भवेत् ॥ 14.60 ॥

kimasādhyaṁ mahābhāga vedoktāni ca kurvataḥ svargaṁ mokṣaṁ ca sajjanma yadyadvāñchati tadbhavet

हे महाभाग! वेदोक्त कर्म करने वाले के लिए क्या असाध्य है? स्वर्ग, मोक्ष, तथा सद्जन्म — जो भी वह चाहे, वह प्राप्त हो जाता है।

श्लोक 61 (devibhagavatam.1.14.61)

आश्रमादाश्रमं गच्छेदिति धर्मविदो विदुः । तस्मादग्निं समाधाय कुरु कर्माण्यतन्द्रितः ॥ 14.61 ॥

āśramādāśramaṁ gacchediti dharmavido viduḥ tasmādagniṁ samādhāya kuru karmāṇyatandritaḥ

'एक आश्रम से दूसरे आश्रम में जाना चाहिए' — ऐसा धर्मज्ञों ने कहा है; इसलिए अग्नि स्थापित करके तत्परतापूर्वक कर्म करो।

श्लोक 62 (devibhagavatam.1.14.62)

देवान्पितॄन्मनुष्यांश्च सन्तर्प्य विधिवत्सुत । पुत्रमुत्पाद्य धर्मज्ञ संयोज्य च गृहाश्रमे ॥ 14.62 ॥

devānpitṝnmanuṣyāṁśca santarpya vidhivatsuta putramutpādya dharmajña saṁyojya ca gṛhāśrame

हे पुत्र! हे धर्मज्ञ! देवों, पितरों और मनुष्यों को विधिपूर्वक तृप्त करके, पुत्र उत्पन्न करके, गृहाश्रम में संलग्न होकर —

श्लोक 63 (devibhagavatam.1.14.63)

त्यक्त्वागृहं वनं गत्वा कर्तासि व्रतमुत्तमम् । वानप्रस्थाश्रमं कृत्वा संन्यासं च ततः परम् ॥ 14.63 ॥

tyaktvāgṛhaṁ vanaṁ gatvā kartāsi vratamuttamam vānaprasthāśramaṁ kṛtvā saṁnyāsaṁ ca tataḥ param

— फिर घर त्यागकर वन जाकर तुम श्रेष्ठ व्रत ग्रहण करना; वानप्रस्थाश्रम लेकर फिर उसके बाद संन्यास लेना।

श्लोक 64 (devibhagavatam.1.14.64)

इन्द्रियाणि महाभाग मादकानि सुनिश्चितम् । अदारस्य दुरन्तानि पञ्चैव मनसा सह ॥ 14.64 ॥

indriyāṇi mahābhāga mādakāni suniścitam adārasya durantāni pañcaiva manasā saha

हे महाभाग! इन्द्रियाँ निश्चय ही मादक हैं; पत्नीरहित व्यक्ति के लिए मन सहित ये पाँचों इन्द्रियाँ अनन्त प्रभाव वाली हो जाती हैं।

श्लोक 65 (devibhagavatam.1.14.65)

तस्माद्दारान्प्रकुर्वीत तज्जयाय महामते । वार्धके तप आतिष्ठेदिति शास्त्रोदितं वचः ॥ 14.65 ॥

tasmāddārānprakurvīta tajjayāya mahāmate vārdhake tapa ātiṣṭhediti śāstroditaṁ vacaḥ

इसलिए, हे महामते! उन्हें जीतने के लिए पत्नी ग्रहण करनी चाहिए; 'वृद्धावस्था में तप करना चाहिए' — यह शास्त्रोक्त वचन है।

श्लोक 66 (devibhagavatam.1.14.66)

विश्वामित्रो महाभाग तपः कृत्वातिदुश्चरम् । त्रीणि वर्षसहस्राणि निराहारो जितेन्द्रियः ॥ 14.66 ॥

viśvāmitro mahābhāga tapaḥ kṛtvātiduścaram trīṇi varṣasahasrāṇi nirāhāro jitendriyaḥ

हे महाभाग! विश्वामित्र ने अत्यंत दुष्कर तप किया — तीन हजार वर्षों तक निराहार, जितेन्द्रिय रहकर,

श्लोक 67 (devibhagavatam.1.14.67)

मोहितश्च महातेजा वने मेनकया स्थितः । शकुन्तला समुत्पन्ना पुत्री तद्वीर्यजा शुभा ॥ 14.67 ॥

mohitaśca mahātejā vane menakayā sthitaḥ śakuntalā samutpannā putrī tadvīryajā śubhā

— फिर भी वह महातेजस्वी वन में मेनका से मोहित हो गया; उसी के वीर्य से शुभा पुत्री शकुन्तला उत्पन्न हुई।

श्लोक 68 (devibhagavatam.1.14.68)

दृष्ट्वा दाशसुतां कालीं पिता मम पराशरः । कामबाणार्दितः कन्यां तां जग्राहोडुपे स्थितः ॥ 14.68 ॥

dṛṣṭvā dāśasutāṁ kālīṁ pitā mama parāśaraḥ kāmabāṇārditaḥ kanyāṁ tāṁ jagrāhoḍupe sthitaḥ

मेरे ही पिता पराशर ने धीवर-कन्या श्यामवर्णा को देखकर, कामबाण से पीड़ित होकर, नाव में खड़े-खड़े ही उस कन्या को ग्रहण कर लिया था।

श्लोक 69 (devibhagavatam.1.14.69)

ब्रह्मापि स्वसुतां दृष्ट्वा पञ्चबाणप्रपीडितः । धावमानश्च रुद्रेण मूर्च्छितश्च निवारितः ॥ 14.69 ॥

brahmāpi svasutāṁ dṛṣṭvā pañcabāṇaprapīḍitaḥ dhāvamānaśca rudreṇa mūrcchitaśca nivāritaḥ

ब्रह्मा भी अपनी ही पुत्री को देखकर पंचबाणों से पीड़ित हो गए, और उसके पीछे दौड़े, यहाँ तक कि रुद्र द्वारा रोके जाने पर मूर्च्छित हो गए।

श्लोक 70 (devibhagavatam.1.14.70)

तस्मात्त्वमपि कल्याण कुरु मे वचनं हितम् । कुलजां कन्यकां वृत्वा वेदमार्गं समाश्रय ॥ 14.70 ॥

tasmāttvamapi kalyāṇa kuru me vacanaṁ hitam kulajāṁ kanyakāṁ vṛtvā vedamārgaṁ samāśraya

इसलिए, हे कल्याण! तुम भी मेरे इस हितकारी वचन का पालन करो; किसी कुलीन कन्या को वरण करके वेद-मार्ग का आश्रय लो।