व्यासोपदेश-वर्णन

श्लोक 1 (devibhagavatam.1.16.1)

व्यास उवाच । दृष्ट्वा तं विस्मितं देवं शयानं वटपत्रके । उवाच सस्मितं वाक्यं विष्णो किं विस्मितो ह्यसि ॥ 16.1 ॥

vyāsa uvāca dṛṣṭvā taṁ vismitaṁ devaṁ śayānaṁ vaṭapatrake uvāca sasmitaṁ vākyaṁ viṣṇo kiṁ vismito hyasi

व्यास ने कहा — वटपत्र पर शयन करते हुए विस्मित उस देव को देखकर, वे मुस्कुराते हुए बोलीं — 'हे विष्णो! आप क्यों विस्मित हैं?'

श्लोक 2 (devibhagavatam.1.16.2)

महाशक्त्याः प्रभावेण त्वं मां विस्मृतवान्पुरा । प्रभवे प्रलये जाते भूत्वा भूत्वा पुनः पुनः ॥ 16.2 ॥

mahāśaktyāḥ prabhāveṇa tvaṁ māṁ vismṛtavānpurā prabhave pralaye jāte bhūtvā bhūtvā punaḥ punaḥ

'महाशक्ति के प्रभाव से आप मुझे पहले ही भूल चुके हैं — सृष्टि और प्रलय होने पर बार-बार जन्म लेते हुए।'

श्लोक 3 (devibhagavatam.1.16.3)

निर्गुणा सा परा शक्तिः सगुणस्त्वं तथाप्यहम् । सात्त्विकी किल या शक्तिस्तां शक्तिं विद्धि मामिकाम् ॥ 16.3 ॥

nirguṇā sā parā śaktiḥ saguṇastvaṁ tathāpyaham sāttvikī kila yā śaktistāṁ śaktiṁ viddhi māmikām

'वह परा शक्ति निर्गुण है; आप सगुण हैं, और मैं भी वैसे ही; जो सात्त्विकी शक्ति है, मुझे वही शक्ति जानिए।'

श्लोक 4 (devibhagavatam.1.16.4)

त्वन्नाभिकमलाद्ब्रह्मा भविष्यति प्रजापतिः । स कर्ता सर्वलोकस्य रजोगुणसमन्वितः ॥ 16.4 ॥

tvannābhikamalādbrahmā bhaviṣyati prajāpatiḥ sa kartā sarvalokasya rajoguṇasamanvitaḥ

'आपके नाभि-कमल से ब्रह्मा, प्रजापति उत्पन्न होंगे; वे रजोगुण से युक्त होकर समस्त लोकों के रचयिता बनेंगे।'

श्लोक 5 (devibhagavatam.1.16.5)

स तदा तप आस्थाय प्राप्य शक्तिमनुत्तमाम् । रजसा रक्तवर्णञ्च करिष्यति जगत्त्रयम् ॥ 16.5 ॥

sa tadā tapa āsthāya prāpya śaktimanuttamām rajasā raktavarṇañca kariṣyati jagattrayam

'वे तब तप करके, अनुपम शक्ति को प्राप्त करके, रज से रक्तवर्ण होकर तीनों लोकों की रचना करेंगे।'

श्लोक 6 (devibhagavatam.1.16.6)

सगुणान्पञ्चभूतांश्च समुत्पाद्य महामतिः । इन्द्रियाणीन्द्रियेशांश्च मनःपूर्वान्समन्ततः ॥ 16.6 ॥

saguṇānpañcabhūtāṁśca samutpādya mahāmatiḥ indriyāṇīndriyeśāṁśca manaḥpūrvānsamantataḥ

'वे महाबुद्धिमान पंचमहाभूतों, इन्द्रियों तथा मन-आदि इन्द्रियेश्वरों को चारों ओर उत्पन्न करके,'

श्लोक 7 (devibhagavatam.1.16.7)

करिष्यति ततः सर्गं तेन कर्ता स उच्यते । विश्वस्यास्य महाभाग त्वं वै पालयिता तथा ॥ 16.7 ॥

kariṣyati tataḥ sargaṁ tena kartā sa ucyate viśvasyāsya mahābhāga tvaṁ vai pālayitā tathā

'— फिर सृष्टि करेंगे; इसीलिए उन्हें रचयिता कहा जाता है। हे महाभाग! आप इस विश्व के पालक होंगे।'

श्लोक 8 (devibhagavatam.1.16.8)

तद्भुवोर्मध्यदेशाच्च क्रोधाद्रुद्रो भविष्यति । तपः कृत्वा महाघोरं प्राप्य शक्तिं तु तामसीम् ॥ 16.8 ॥

tadbhuvormadhyadeśācca krodhādrudro bhaviṣyati tapaḥ kṛtvā mahāghoraṁ prāpya śaktiṁ tu tāmasīm

'और उनकी भौंहों के मध्य से क्रोधवश रुद्र उत्पन्न होंगे; अत्यंत भयंकर तप करके तामसी शक्ति को प्राप्त करके,'

श्लोक 9 (devibhagavatam.1.16.9)

कल्पान्ते सोऽपि संहर्ता भविष्यति महामते । तेनाहं त्वामुपायाता सात्त्विकीं त्वमवेहि माम् ॥ 16.9 ॥

kalpānte so'pi saṁhartā bhaviṣyati mahāmate tenāhaṁ tvāmupāyātā sāttvikīṁ tvamavehi mām

'— वे भी कल्प के अन्त में संहारक बनेंगे, हे महामते! इसीलिए मैं आपके पास आई हूँ; मुझे सात्त्विकी जानिए।'

श्लोक 10 (devibhagavatam.1.16.10)

स्थास्येऽहं त्वत्समीपस्था सदाहं मधुसूदन । हृदये ते कृतावासा भवामि सततं किल ॥ 16.10 ॥

sthāsye'haṁ tvatsamīpasthā sadāhaṁ madhusūdana hṛdaye te kṛtāvāsā bhavāmi satataṁ kila

'हे मधुसूदन! मैं सदा आपके समीप ही रहूँगी; मैं आपके हृदय में ही निरन्तर निवास करूँगी।'

श्लोक 11 (devibhagavatam.1.16.11)

विष्णुरुवाच । श्लोकस्यार्धं मया पूर्वं श्रुतं देवि स्फुटाक्षरम् । तत्केनोक्तं वरारोहे रहस्यं परमं शिवम् ॥ 16.11 ॥

viṣṇuruvāca ślokasyārdhaṁ mayā pūrvaṁ śrutaṁ devi sphuṭākṣaram tatkenoktaṁ varārohe rahasyaṁ paramaṁ śivam

विष्णु ने कहा — हे देवि! मैंने पहले वह अर्धश्लोक स्पष्ट अक्षरों में सुना था; हे वरारोहे! वह परम कल्याणकारी रहस्य किसने कहा था?

श्लोक 12 (devibhagavatam.1.16.12)

तन्मे ब्रूहि वरारोहे संशयोऽयं वरानने । निर्धनो हि यथा द्रव्यं तत्स्मरामि पुनः पुनः ॥ 16.12 ॥

tanme brūhi varārohe saṁśayo'yaṁ varānane nirdhano hi yathā dravyaṁ tatsmarāmi punaḥ punaḥ

हे वरारोहे! वह मुझे बताइए, हे वरानने! यही मेरा संशय है; जैसे निर्धन खोए हुए धन को बार-बार याद करता है, वैसे ही मैं उसे स्मरण करता हूँ।

श्लोक 13 (devibhagavatam.1.16.13)

व्यास उवाच । विष्णोस्तद्वचनं श्रुत्वा महालक्ष्मीः स्मितानना । उवाच परया प्रीत्या वचनं चारुहासिनी ॥ 16.13 ॥

vyāsa uvāca viṣṇostadvacanaṁ śrutvā mahālakṣmīḥ smitānanā uvāca parayā prītyā vacanaṁ cāruhāsinī

व्यास ने कहा — विष्णु का यह वचन सुनकर, मुस्कुराते मुख वाली महालक्ष्मी ने अत्यंत प्रीतिपूर्वक, मधुर हास्य के साथ यह वचन कहा —

श्लोक 14 (devibhagavatam.1.16.14)

महालक्ष्मीरुवाच । शृणु शौरे वचो मह्यं सगुणाहं चतुर्भुजा । मां जानासि न जानासि निर्गुणां सगुणालयाम् ॥ 16.14 ॥

mahālakṣmīruvāca śṛṇu śaure vaco mahyaṁ saguṇāhaṁ caturbhujā māṁ jānāsi na jānāsi nirguṇāṁ saguṇālayām

महालक्ष्मी ने कहा — हे शौरे! मेरा वचन सुनिए। मैं सगुणा हूँ, चतुर्भुज हूँ; आप मुझे जानते भी हैं और नहीं भी — मैं ही निर्गुणा हूँ, गुणों का आश्रय भी।

श्लोक 15 (devibhagavatam.1.16.15)

त्वं जानीहि महाभाग तया तत्प्रकटीकृतम् । पुण्यं भागवतं विद्धि वेदसारं शुभावहम् ॥ 16.15 ॥

tvaṁ jānīhi mahābhāga tayā tatprakaṭīkṛtam puṇyaṁ bhāgavataṁ viddhi vedasāraṁ śubhāvaham

हे महाभाग! जानिए कि यह उन्हीं (परा शक्ति) के द्वारा प्रकट किया गया है; इसे पवित्र भागवत, वेद का सार, कल्याणकारी जानिए।

श्लोक 16 (devibhagavatam.1.16.16)

कृपां च महतीं मन्ये देव्याः शत्रुनिषूदन । यया प्रोक्तं परं गुह्यं हिताय तव सुव्रत ॥ 16.16 ॥

kṛpāṁ ca mahatīṁ manye devyāḥ śatruniṣūdana yayā proktaṁ paraṁ guhyaṁ hitāya tava suvrata

हे शत्रुनिषूदन! मैं इसे देवी की महती कृपा मानती हूँ, कि उन्होंने आपके हित के लिए यह परम गुह्य बात कही, हे सुव्रत!

श्लोक 17 (devibhagavatam.1.16.17)

रक्षणीयं सदा चित्ते न विस्मार्यं कदाचन । सारं हि सर्वशास्त्राणां महाविद्याप्रकाशितम् ॥ 16.17 ॥

rakṣaṇīyaṁ sadā citte na vismāryaṁ kadācana sāraṁ hi sarvaśāstrāṇāṁ mahāvidyāprakāśitam

इसे सदा हृदय में सुरक्षित रखना चाहिए, कभी भी विस्मृत नहीं करना चाहिए; यह समस्त शास्त्रों का सार है, महाविद्या द्वारा प्रकाशित।

श्लोक 18 (devibhagavatam.1.16.18)

नातः परं वेदितव्यं वर्तते भुवनत्रये । प्रियोऽसि खलु देव्यास्त्वं तेन ते व्याहृतं वचः ॥ 16.18 ॥

nātaḥ paraṁ veditavyaṁ vartate bhuvanatraye priyo'si khalu devyāstvaṁ tena te vyāhṛtaṁ vacaḥ

तीनों लोकों में इससे बढ़कर जानने योग्य कुछ भी नहीं है; आप देवी के निश्चय ही प्रिय हैं, इसीलिए आपसे यह वचन कहा गया।

श्लोक 19 (devibhagavatam.1.16.19)

व्यास उवाच । इति श्रुत्वा वचो देव्या महालक्ष्याश्चतुर्भुजः । दधार हृदये नित्यं मत्वा मन्त्रमनुत्तमम् ॥ 16.19 ॥

vyāsa uvāca iti śrutvā vaco devyā mahālakṣyāścaturbhujaḥ dadhāra hṛdaye nityaṁ matvā mantramanuttamam

व्यास ने कहा — चतुर्भुज महालक्ष्मी देवी का यह वचन सुनकर, विष्णु ने उसे अनुपम मंत्र मानकर सदा अपने हृदय में धारण किया।

श्लोक 20 (devibhagavatam.1.16.20)

कालेन कियता तत्र तन्नाभिकमलोद्भवः । ब्रह्मा दैत्यभयात्त्रस्तो जगाम शरणं हरेः ॥ 16.20 ॥

kālena kiyatā tatra tannābhikamalodbhavaḥ brahmā daityabhayāttrasto jagāma śaraṇaṁ hareḥ

कुछ समय बाद, उनके नाभि-कमल से उत्पन्न ब्रह्मा, दैत्यों के भय से त्रस्त होकर हरि की शरण गए।

श्लोक 21 (devibhagavatam.1.16.21)

ततः कृत्वा महायुद्धं हत्वा तौ मधुकैटभौ । जजाप भगवान्विष्णुः श्लोकार्धं विशदाक्षरम् ॥ 16.21 ॥

tataḥ kṛtvā mahāyuddhaṁ hatvā tau madhukaiṭabhau jajāpa bhagavānviṣṇuḥ ślokārdhaṁ viśadākṣaram

तब महायुद्ध करके उन दोनों मधु-कैटभ का वध करके, भगवान विष्णु ने वह स्पष्ट अक्षरों वाला अर्धश्लोक जपा।

श्लोक 22 (devibhagavatam.1.16.22)

जपन्तं वासुदेवं च दृष्ट्वा देवः प्रजापतिः । पप्रच्छ परमप्रीतः कञ्जजः कमलापतिम् ॥ 16.22 ॥

japantaṁ vāsudevaṁ ca dṛṣṭvā devaḥ prajāpatiḥ papraccha paramaprītaḥ kañjajaḥ kamalāpatim

वासुदेव को जप करते देखकर देव प्रजापति, कमलजन्मा ब्रह्मा ने अत्यंत प्रसन्न होकर कमलापति (विष्णु) से पूछा —

श्लोक 23 (devibhagavatam.1.16.23)

किं त्वं जपसि देवेश त्वत्तः कोऽप्यधिकोऽस्ति वै । यत्कृत्वा पुण्डरीकाक्ष प्रीतोऽसि जगदीश्वर ॥ 16.23 ॥

kiṁ tvaṁ japasi deveśa tvattaḥ ko'pyadhiko'sti vai yatkṛtvā puṇḍarīkākṣa prīto'si jagadīśvara

'हे देवेश! आप क्या जप रहे हैं? क्या आपसे भी कोई श्रेष्ठ है, हे पुण्डरीकाक्ष! हे जगदीश्वर! जिससे आप इतने प्रसन्न हैं?'

श्लोक 24 (devibhagavatam.1.16.24)

हरिरुवाच । मयि त्वयि च या शक्तिः क्रियाकारणलक्षणा । विचारय महाभाग या सा भगवती शिवा ॥ 16.24 ॥

hariruvāca mayi tvayi ca yā śaktiḥ kriyākāraṇalakṣaṇā vicāraya mahābhāga yā sā bhagavatī śivā

हरि ने कहा — मुझमें और आपमें जो शक्ति है, क्रिया के कारणरूप — हे महाभाग! उसी पर विचार कीजिए, वह कल्याणमयी भगवती —

श्लोक 25 (devibhagavatam.1.16.25)

यस्याधारे जगत्सर्वं तिष्ठत्यत्र महार्णवे । साकारा या महाशक्तिरमेया च सनातनी ॥ 16.25 ॥

yasyādhāre jagatsarvaṁ tiṣṭhatyatra mahārṇave sākārā yā mahāśaktirameyā ca sanātanī

— जिनके आधार पर यह सम्पूर्ण जगत इस महासागर में स्थित है; वह साकार, अमेय, सनातनी महाशक्ति —

श्लोक 26 (devibhagavatam.1.16.26)

यया विसृज्यते विश्वं जगदेतच्चराचरम् । सैषा प्रसन्ना वरदा नृणां भवति मुक्तये ॥ 16.26 ॥

yayā visṛjyate viśvaṁ jagadetaccarācaram saiṣā prasannā varadā nṛṇāṁ bhavati muktaye

— जिनके द्वारा यह चराचर विश्व और जगत उत्पन्न होता है; प्रसन्न होकर वे ही वर देकर मनुष्यों की मुक्ति की कारण बनती हैं।

श्लोक 27 (devibhagavatam.1.16.27)

सा विद्या परमा मुक्तेर्हेतुभूता सनातनी । संसारबन्धहेतुश्च सैव सर्वेश्वरेश्वरी ॥ 16.27 ॥

sā vidyā paramā mukterhetubhūtā sanātanī saṁsārabandhahetuśca saiva sarveśvareśvarī

वे ही मुक्ति की सनातनी परम कारणरूप विद्या हैं; और वे ही संसार-बंधन की भी कारण हैं — वे ही सर्वेश्वरों की भी ईश्वरी हैं।

श्लोक 28 (devibhagavatam.1.16.28)

अहं त्वमखिलं विश्वं तस्याश्चिच्छक्तिसम्भवम् । विद्धि ब्रह्मन्न सन्देहः कर्तव्यः सर्वदानघ ॥ 16.28 ॥

ahaṁ tvamakhilaṁ viśvaṁ tasyāścicchaktisambhavam viddhi brahmanna sandehaḥ kartavyaḥ sarvadānagha

मैं, आप, और यह सम्पूर्ण विश्व — सब उन्हीं की चित्-शक्ति से उत्पन्न हैं; हे ब्रह्मन्! यह जानिए, इसमें कभी संशय मत कीजिए, हे निष्पाप!

श्लोक 29 (devibhagavatam.1.16.29)

श्लोकार्धेन तया प्रोक्तं तद्वै भागवतं किल । विस्तरो भविता तस्य द्वापरादौ युगे तथा ॥ 16.29 ॥

ślokārdhena tayā proktaṁ tadvai bhāgavataṁ kila vistaro bhavitā tasya dvāparādau yuge tathā

उन्होंने अर्धश्लोक में जो कहा, वही निश्चय ही भागवत है; उसका विस्तार द्वापर युग के आरम्भ में होगा।

श्लोक 30 (devibhagavatam.1.16.30)

व्यास उवाच । ब्रह्मणा सङ्गृहीतं च विष्णोस्तु नाभिपङ्कजे । नारदाय च तेनोक्तं पुत्रायामितबुद्धये ॥ 16.30 ॥

vyāsa uvāca brahmaṇā saṅgṛhītaṁ ca viṣṇostu nābhipaṅkaje nāradāya ca tenoktaṁ putrāyāmitabuddhaye

व्यास ने कहा — यह ब्रह्मा ने ग्रहण किया, जो विष्णु की नाभि-कमल से उत्पन्न हुए थे; और उन्होंने इसे अपने अमित बुद्धिमान पुत्र नारद को कहा।

श्लोक 31 (devibhagavatam.1.16.31)

नारदेन तथा मह्यं दत्तं हि मुनिना पुरा । मया कृतमिदं पूर्णं द्वादशस्कन्धविस्तरम् ॥ 16.31 ॥

nāradena tathā mahyaṁ dattaṁ hi muninā purā mayā kṛtamidaṁ pūrṇaṁ dvādaśaskandhavistaram

और उसी प्रकार मुनि नारद ने पूर्वकाल में यह मुझे प्रदान किया; मैंने ही इसे बारह स्कन्धों में विस्तारित करके पूर्ण किया है।

श्लोक 32 (devibhagavatam.1.16.32)

तत्पठस्व महाभाग पुराणं ब्रह्मसम्मितम् । पञ्चलक्षणयुक्तं च देव्याश्चरितमुत्तमम् ॥ 16.32 ॥

tatpaṭhasva mahābhāga purāṇaṁ brahmasammitam pañcalakṣaṇayuktaṁ ca devyāścaritamuttamam

हे महाभाग! उसी ब्रह्मतुल्य, पंचलक्षणयुक्त, देवी के उत्तम चरित्र वाले पुराण को पढ़ो।

श्लोक 33 (devibhagavatam.1.16.33)

तत्त्वज्ञानरसोपेतं सर्वेषामुत्तमोत्तमम् । धर्मशास्त्रसमं पुण्यं वेदार्थेनोपबृंहितम् ॥ 16.33 ॥

tattvajñānarasopetaṁ sarveṣāmuttamottamam dharmaśāstrasamaṁ puṇyaṁ vedārthenopabṛṁhitam

यह तत्त्वज्ञान-रस से युक्त, सबमें उत्तमोत्तम है; धर्मशास्त्र के समान पवित्र, वेदार्थ से समृद्ध है।

श्लोक 34 (devibhagavatam.1.16.34)

वृत्रासुरवधोपेतं नानाख्यानकथायुतम् । ब्रह्मविद्यानिधानं तु संसारार्णवतारकम् ॥ 16.34 ॥

vṛtrāsuravadhopetaṁ nānākhyānakathāyutam brahmavidyānidhānaṁ tu saṁsārārṇavatārakam

इसमें वृत्रासुर-वध का वृत्तांत भी है, नाना आख्यान-कथाओं से युक्त है; यह ब्रह्मविद्या का भण्डार तथा संसार-सागर से पार कराने वाला है।

श्लोक 35 (devibhagavatam.1.16.35)

गृहाण त्वं महाभाग योग्योऽसि मतिमत्तरः । पुण्यं भागवतं नाम पुराणं पुरुषर्षभ ॥ 16.35 ॥

gṛhāṇa tvaṁ mahābhāga yogyo'si matimattaraḥ puṇyaṁ bhāgavataṁ nāma purāṇaṁ puruṣarṣabha

हे महाभाग! हे पुरुषश्रेष्ठ! इसे ग्रहण करो, तुम इसके योग्य हो, अत्यंत बुद्धिमान हो — यह पवित्र भागवत नामक पुराण।

श्लोक 36 (devibhagavatam.1.16.36)

अष्टादशसहस्राणां श्लोकानां कुरु सङ्ग्रहम् । अज्ञाननाशनं दिव्यं ज्ञानभास्करबोधकम् ॥ 16.36 ॥

aṣṭādaśasahasrāṇāṁ ślokānāṁ kuru saṅgraham ajñānanāśanaṁ divyaṁ jñānabhāskarabodhakam

इसके अठारह हजार श्लोकों का संग्रह करो; यह अज्ञान का नाशक, दिव्य, ज्ञान-सूर्य को जगाने वाला है।

श्लोक 37 (devibhagavatam.1.16.37)

सुखदं शान्तिदं धन्यं दीर्घायुष्यकरं शिवम् । शृण्वतां पठतां चेदं पुत्रपौत्रविवर्धनम् ॥ 16.37 ॥

sukhadaṁ śāntidaṁ dhanyaṁ dīrghāyuṣyakaraṁ śivam śṛṇvatāṁ paṭhatāṁ cedaṁ putrapautravivardhanam

यह सुखदायी, शान्तिदायी, धन्य, दीर्घायु करने वाला, कल्याणकारी है; इसके श्रोताओं और पाठकों के पुत्र-पौत्रों में वृद्धि होती है।

श्लोक 38 (devibhagavatam.1.16.38)

शिष्योऽयं मम धर्मात्मा लोमहर्षणसम्भवः । पठिष्यति त्वया सार्धं पुराणीं संहितां शुभाम् ॥ 16.38 ॥

śiṣyo'yaṁ mama dharmātmā lomaharṣaṇasambhavaḥ paṭhiṣyati tvayā sārdhaṁ purāṇīṁ saṁhitāṁ śubhām

मेरा यह धर्मात्मा शिष्य, लोमहर्षण-पुत्र, तुम्हारे साथ इस शुभ पुराण-संहिता का अध्ययन करेगा।

श्लोक 39 (devibhagavatam.1.16.39)

सूत उवाच । इत्युक्तं तेन पुत्राय मह्यं च कथितं किल । मया गृहीतं तत्सर्वं पुराणं चातिविस्तरम् ॥ 16.39 ॥

sūta uvāca ityuktaṁ tena putrāya mahyaṁ ca kathitaṁ kila mayā gṛhītaṁ tatsarvaṁ purāṇaṁ cātivistaram

सूत ने कहा — व्यास ने अपने पुत्र से यह कहा, और मुझे भी यह बताया गया; मैंने वह सम्पूर्ण अत्यंत विस्तृत पुराण ग्रहण किया।

श्लोक 40 (devibhagavatam.1.16.40)

शुकोऽधीत्य पुराणं तु स्थितो व्यासाश्रमे शुभे । न लेभे शर्म धर्मात्मा ब्रह्मात्मज इवापरः ॥ 16.40 ॥

śuko'dhītya purāṇaṁ tu sthito vyāsāśrame śubhe na lebhe śarma dharmātmā brahmātmaja ivāparaḥ

पुराण पढ़कर शुक व्यास के शुभ आश्रम में रहे, परन्तु उन धर्मात्मा को शान्ति न मिली, जैसे किसी अन्य ब्रह्मपुत्र (नारद) को नहीं मिलती।

श्लोक 41 (devibhagavatam.1.16.41)

एकान्तसेवी विकलः स शून्य इव लक्ष्यते । नात्यन्तभोजनासक्तो नोपवासरतस्तथा ॥ 16.41 ॥

ekāntasevī vikalaḥ sa śūnya iva lakṣyate nātyantabhojanāsakto nopavāsaratastathā

वे एकांतवासी, विकल, मानो शून्य से प्रतीत होते थे; न तो अत्यधिक भोजन में आसक्त थे, न उपवास में ही रत।

श्लोक 42 (devibhagavatam.1.16.42)

चिन्ताविष्टं शुकं दृष्ट्वा व्यासः प्राह सुतं प्रति । किं पुत्र चिन्त्यते नित्यं कस्माद्व्यग्रोऽसि मानद ॥ 16.42 ॥

cintāviṣṭaṁ śukaṁ dṛṣṭvā vyāsaḥ prāha sutaṁ prati kiṁ putra cintyate nityaṁ kasmādvyagro'si mānada

चिन्तामग्न शुक को देखकर व्यास ने पुत्र से कहा — 'हे पुत्र! तुम सदा क्या सोचते रहते हो? हे मानद! क्यों व्याकुल हो?'

श्लोक 43 (devibhagavatam.1.16.43)

आस्से ध्यानपरो नित्यमृणग्रस्त इवाधनः । का चिन्ता वर्तते पुत्र मयि ताते तु तिष्ठति ॥ 16.43 ॥

āsse dhyānaparo nityamṛṇagrasta ivādhanaḥ kā cintā vartate putra mayi tāte tu tiṣṭhati

'तुम सदा ध्यानपरायण बैठे रहते हो, जैसे कोई ऋणग्रस्त निर्धन; हे पुत्र! जब तक पिता विद्यमान है, तुम्हें क्या चिन्ता है?'

श्लोक 44 (devibhagavatam.1.16.44)

सुखं भुङ्क्ष्व यथाकामं मुञ्च शोकं मनोगतम् । ज्ञानं चिन्तय शास्त्रोक्तं विज्ञाने च मतिं कुरु ॥ 16.44 ॥

sukhaṁ bhuṅkṣva yathākāmaṁ muñca śokaṁ manogatam jñānaṁ cintaya śāstroktaṁ vijñāne ca matiṁ kuru

'यथेच्छ सुख भोगो, मन की चिन्ता त्यागो; शास्त्रोक्त ज्ञान का चिन्तन करो, और विज्ञान में बुद्धि लगाओ।'

श्लोक 45 (devibhagavatam.1.16.45)

न चेन्मनसि ते शान्तिर्वचसा मम सुव्रत । गच्छ त्वं मिथिलां पुत्र पालितां जनकेन ह ॥ 16.45 ॥

na cenmanasi te śāntirvacasā mama suvrata gaccha tvaṁ mithilāṁ putra pālitāṁ janakena ha

'हे सुव्रत! यदि मेरे वचनों से तुम्हारे मन को शान्ति न मिले, तो हे पुत्र! जनक द्वारा शासित मिथिला नगरी को जाओ।'

श्लोक 46 (devibhagavatam.1.16.46)

स ते मोहं महाभाग नाशयिष्यति भूपतिः । जनको नाम धर्मात्मा विदेहः सत्यसागरः ॥ 16.46 ॥

sa te mohaṁ mahābhāga nāśayiṣyati bhūpatiḥ janako nāma dharmātmā videhaḥ satyasāgaraḥ

'हे महाभाग! वह राजा तुम्हारे मोह को नष्ट करेगा — धर्मात्मा जनक, विदेह-नरेश, सत्य के सागर।'

श्लोक 47 (devibhagavatam.1.16.47)

तं गत्वा नृपतिं पुत्र सन्देहं स्वं निवर्तय । वर्णाश्रमाणां धर्मांस्त्वं पृच्छ पुत्र यथातथम् ॥ 16.47 ॥

taṁ gatvā nṛpatiṁ putra sandehaṁ svaṁ nivartaya varṇāśramāṇāṁ dharmāṁstvaṁ pṛccha putra yathātatham

'हे पुत्र! उस राजा के पास जाकर अपना संशय दूर करो; हे पुत्र! वर्णाश्रमों के धर्मों के विषय में उनसे यथार्थ पूछो।'

श्लोक 48 (devibhagavatam.1.16.48)

जीवन्मुक्तः स राजर्षिर्बह्मज्ञानमतिः शुचिः । तथ्यवक्तातिशान्तश्च योगी योगप्रियः सदा ॥ 16.48 ॥

jīvanmuktaḥ sa rājarṣirbahmajñānamatiḥ śuciḥ tathyavaktātiśāntaśca yogī yogapriyaḥ sadā

'वह राजर्षि जीवन्मुक्त हैं, ब्रह्मज्ञान में स्थिर बुद्धि वाले, शुचि; सत्यवादी, अत्यंत शान्त, योगी, सदा योग-प्रिय हैं।'

श्लोक 49 (devibhagavatam.1.16.49)

सूत उवाच । तच्छ्रुत्वा वचनं तस्य व्यासस्यामिततेजसः । प्रत्युवाच महातेजाः शुकश्चारणिसम्भवः ॥ 16.49 ॥

sūta uvāca tacchrutvā vacanaṁ tasya vyāsasyāmitatejasaḥ pratyuvāca mahātejāḥ śukaścāraṇisambhavaḥ

सूत ने कहा — अमित तेजस्वी व्यास का यह वचन सुनकर, अरणि से उत्पन्न महातेजस्वी शुक ने उत्तर दिया —

श्लोक 50 (devibhagavatam.1.16.50)

दम्भोऽयं किल धर्मात्मन्भाति चित्ते ममाधुना । जीवन्मुक्तो विदेहश्च राज्यं शास्ति मुदान्वितः ॥ 16.50 ॥

dambho'yaṁ kila dharmātmanbhāti citte mamādhunā jīvanmukto videhaśca rājyaṁ śāsti mudānvitaḥ

'हे धर्मात्मन्! यह मुझे अभी छल-सा प्रतीत होता है — कि जीवन्मुक्त, विदेह-नरेश आनन्दपूर्वक राज्य का शासन करते हैं।'

श्लोक 51 (devibhagavatam.1.16.51)

वन्ध्यापुत्र इवाभाति राजासौ जनकः पितः । कुर्वन् राज्यं विदेहः किं सन्देहोऽयं ममाद्भुतः ॥ 16.51 ॥

vandhyāputra ivābhāti rājāsau janakaḥ pitaḥ kurvan rājyaṁ videhaḥ kiṁ sandeho'yaṁ mamādbhutaḥ

'हे पिता! वह राजा जनक बाँझ-पुत्र के समान प्रतीत होते हैं — विदेह होकर भी राज्य करना, यह मेरा अद्भुत संशय है।'

श्लोक 52 (devibhagavatam.1.16.52)

द्रष्टुमिच्छाम्यहं भूपं विदेहं नृपसत्तमम् । कथं तिष्ठति संसारे पद्मपत्रमिवाम्भसि ॥ 16.52 ॥

draṣṭumicchāmyahaṁ bhūpaṁ videhaṁ nṛpasattamam kathaṁ tiṣṭhati saṁsāre padmapatramivāmbhasi

'मैं उस श्रेष्ठ नरेश विदेह-भूप को देखना चाहता हूँ — वे संसार में जल में कमल-पत्र के समान कैसे रहते हैं।'

श्लोक 53 (devibhagavatam.1.16.53)

सन्देहोऽयं महांस्तात विदेहे परिवर्तते । मोक्षः किं वदतां श्रेष्ठ सौगतानामिवापरः ॥ 16.53 ॥

sandeho'yaṁ mahāṁstāta videhe parivartate mokṣaḥ kiṁ vadatāṁ śreṣṭha saugatānāmivāparaḥ

'हे तात! यह विदेह के विषय में मेरा महान संशय है — हे श्रेष्ठ वक्ता! क्या यह मोक्ष बौद्धों के मोक्ष जैसा कोई अन्य प्रकार है?'

श्लोक 54 (devibhagavatam.1.16.54)

कथं भुक्तमभुक्तं स्यादकृतं च कृतं कथम् । व्यवहारः कथं त्याज्य इन्द्रियाणां महामते ॥ 16.54 ॥

kathaṁ bhuktamabhuktaṁ syādakṛtaṁ ca kṛtaṁ katham vyavahāraḥ kathaṁ tyājya indriyāṇāṁ mahāmate

'भोगा हुआ अभोगा कैसे हो सकता है, और किया हुआ न किया कैसे हो सकता है? हे महामते! इन्द्रियों का व्यवहार कैसे त्यागा जा सकता है?'

श्लोक 55 (devibhagavatam.1.16.55)

माता पुत्रस्तथा भार्या भगिनी कुलटा तथा । भेदाभेदः कथं न स्याद्यद्येतन्मुक्तता कथम् ॥ 16.55 ॥

mātā putrastathā bhāryā bhaginī kulaṭā tathā bhedābhedaḥ kathaṁ na syādyadyetanmuktatā katham

'माता, पुत्र, पत्नी, बहन, तथा एक कुलटा स्त्री — इनमें भेदाभेद क्यों न हो? यदि यह मुक्तता है, तो वह कैसी है?'

श्लोक 56 (devibhagavatam.1.16.56)

कटु क्षारं तथा तीक्ष्णां कषायं मिष्टमेव च । रसना यदि जानाति भुङ्क्ते भोगाननुत्तमान् ॥ 16.56 ॥

kaṭu kṣāraṁ tathā tīkṣṇāṁ kaṣāyaṁ miṣṭameva ca rasanā yadi jānāti bhuṅkte bhogānanuttamān

'यदि रसना कड़वा, खारा, तीक्ष्ण, कषैला तथा मीठा जानती है, और अनुपम भोगों का भोग करती है —'

श्लोक 57 (devibhagavatam.1.16.57)

शीतोष्णुसुखदुःखादिपरिज्ञानं यदा भवेत् । मुक्तता कीदृशी तात सन्देहोऽयं ममाद्भुतः ॥ 16.57 ॥

śītoṣṇusukhaduḥkhādiparijñānaṁ yadā bhavet muktatā kīdṛśī tāta sandeho'yaṁ mamādbhutaḥ

'— जब शीत, उष्ण, सुख, दुःख आदि का पूर्ण ज्ञान बना रहता है, तो हे तात! मुक्तता कैसी? यह मेरा अद्भुत संशय है।'

श्लोक 58 (devibhagavatam.1.16.58)

शत्रुमित्रपरिज्ञानं वैरं प्रीतिकरं सदा । व्यवहारे परे तिष्ठन्कथं न कुरुते नृपः ॥ 16.58 ॥

śatrumitraparijñānaṁ vairaṁ prītikaraṁ sadā vyavahāre pare tiṣṭhankathaṁ na kurute nṛpaḥ

'यदि शत्रु-मित्र का पूर्ण ज्ञान बना रहता है, वैर और सदा प्रीतिकारी सम्बन्ध बना रहता है — तो व्यवहार में रहते हुए राजा उस भेद के अनुसार कार्य क्यों नहीं करता?'

श्लोक 59 (devibhagavatam.1.16.59)

चौरं वा तापसं वापि समानं मन्यते कथम् । असमा यदि बुद्धिः स्यान्मुक्तता तर्हि कीदृशी ॥ 16.59 ॥

cauraṁ vā tāpasaṁ vāpi samānaṁ manyate katham asamā yadi buddhiḥ syānmuktatā tarhi kīdṛśī

'वह चोर और तपस्वी को समान कैसे मानता है? यदि बुद्धि असमान ही बनी रहे, तो फिर मुक्तता कैसी?'

श्लोक 60 (devibhagavatam.1.16.60)

दृष्टपूर्वो न मे कश्चिज्जीवन्मुक्तश्च भूपतिः । शङ्केयं महती तात गृहे मुक्तः कथं नृपः ॥ 16.60 ॥

dṛṣṭapūrvo na me kaścijjīvanmuktaśca bhūpatiḥ śaṅkeyaṁ mahatī tāta gṛhe muktaḥ kathaṁ nṛpaḥ

'मैंने पहले कभी किसी जीवन्मुक्त राजा को नहीं देखा; हे तात! यह मेरा महान संदेह है — घर में रहते हुए राजा कैसे मुक्त हो सकता है?'

श्लोक 61 (devibhagavatam.1.16.61)

दिदृक्षा महती जाता श्रुत्वा तं भूपतिं तथा । सन्देहविनिवृत्त्यर्थं गच्छामि मिथिलां प्रति ॥ 16.61 ॥

didṛkṣā mahatī jātā śrutvā taṁ bhūpatiṁ tathā sandehavinivṛttyarthaṁ gacchāmi mithilāṁ prati

'उस राजा के विषय में सुनकर मुझे उन्हें देखने की महती इच्छा हुई है; अपने संशय को दूर करने के लिए मैं मिथिला जाता हूँ।'