जनकोपदेश-वर्णन

श्लोक 1 (devibhagavatam.1.18.1)

सूत उवाच । श्रुत्वा तमागतं राजा मन्त्रिभिः सहितः शुचिः । पुरः पुरोहितं कृत्वा गुरुपुत्रं समभ्यगात् ॥ 18.1 ॥

sūta uvāca śrutvā tamāgataṁ rājā mantribhiḥ sahitaḥ śuciḥ puraḥ purohitaṁ kṛtvā guruputraṁ samabhyagāt

सूत ने कहा — उनके आगमन को सुनकर, पवित्र राजा मंत्रियों सहित, पुरोहित को आगे करके गुरु-पुत्र से मिलने गए।

श्लोक 2 (devibhagavatam.1.18.2)

कृत्वार्हणां नृपः सम्यग्दत्तासनमनुत्तमम् । पप्रच्छ कुशलं गां च विनिवेद्य पयस्विनीम् ॥ 18.2 ॥

kṛtvārhaṇāṁ nṛpaḥ samyagdattāsanamanuttamam papraccha kuśalaṁ gāṁ ca vinivedya payasvinīm

राजा ने विधिपूर्वक अर्घ्य देकर, उत्तम आसन देकर, कुशल-क्षेम पूछा, और एक दुधारू गाय भेंट की।

श्लोक 3 (devibhagavatam.1.18.3)

स च तां नृपपूजां वै प्रत्यगृह्णाद्यथाविधि । पप्रच्छ कुशलं राज्ञे स्वं निवेद्य निरामयम् ॥ 18.3 ॥

sa ca tāṁ nṛpapūjāṁ vai pratyagṛhṇādyathāvidhi papraccha kuśalaṁ rājñe svaṁ nivedya nirāmayam

उन्होंने भी विधिपूर्वक वह राजसत्कार स्वीकार किया, और राजा का कुशल-क्षेम पूछते हुए अपनी निरामयता बताई।

श्लोक 4 (devibhagavatam.1.18.4)

कृत्वा कुशलसम्प्रश्नमुपविष्टं सुखासने । शुक व्याससुतं शान्तं पर्यपृच्छत पार्थिवः ॥ 18.4 ॥

kṛtvā kuśalasampraśnamupaviṣṭaṁ sukhāsane śuka vyāsasutaṁ śāntaṁ paryapṛcchata pārthivaḥ

कुशल-प्रश्न के पश्चात, सुखासन पर बैठे शान्त शुक, व्यास-पुत्र से राजा ने पूछा —

श्लोक 5 (devibhagavatam.1.18.5)

किं निमित्तं महाभाग निःस्पृहस्य च मां प्रति । जातं ह्यागमनं ब्रूहि कार्यं तन्मुनिसत्तम ॥ 18.5 ॥

kiṁ nimittaṁ mahābhāga niḥspṛhasya ca māṁ prati jātaṁ hyāgamanaṁ brūhi kāryaṁ tanmunisattama

'हे महाभाग! आप निःस्पृह होते हुए भी मेरे पास किस कारण आए हैं? हे मुनिश्रेष्ठ! बताइए, आपका क्या प्रयोजन है?'

श्लोक 6 (devibhagavatam.1.18.6)

शुक उवाच । व्यासेनोक्तो महाराज कुरु दारपरिग्रहम् । सर्वेषामाश्रमाणां च गृहस्थाश्रम उत्तमः ॥ 18.6 ॥

śuka uvāca vyāsenokto mahārāja kuru dāraparigraham sarveṣāmāśramāṇāṁ ca gṛhasthāśrama uttamaḥ

शुक ने कहा — हे महाराज! व्यास ने मुझसे कहा 'पत्नी ग्रहण करो'; सभी आश्रमों में गृहस्थाश्रम सबसे उत्तम है, ऐसा उन्होंने कहा।

श्लोक 7 (devibhagavatam.1.18.7)

मया नाङ्गीकृतं वाक्यं मत्त्वा बन्धं गुरोरपि । न बन्धोऽस्तीति तेनोक्तो नाहं तत्कृतवान्पुनः ॥ 18.7 ॥

mayā nāṅgīkṛtaṁ vākyaṁ mattvā bandhaṁ gurorapi na bandho'stīti tenokto nāhaṁ tatkṛtavānpunaḥ

मैंने उनकी बात को बंधन मानकर स्वीकार नहीं किया, यद्यपि वह मेरे गुरु की ही बात थी; उन्होंने कहा — 'कोई बंधन नहीं है' — फिर भी मैंने वैसा नहीं किया।

श्लोक 8 (devibhagavatam.1.18.8)

इति सन्दिग्धमनसं मत्वा स मुनिसत्तमः । उवाच वचनं तथ्यं मिथिलां गच्छ मा शुचः ॥ 18.8 ॥

iti sandigdhamanasaṁ matvā sa munisattamaḥ uvāca vacanaṁ tathyaṁ mithilāṁ gaccha mā śucaḥ

मेरे मन को संशययुक्त देखकर उन मुनिश्रेष्ठ ने यह सत्य वचन कहा — 'मिथिला जाओ, शोक मत करो।'

श्लोक 9 (devibhagavatam.1.18.9)

याज्योऽस्ति जनकस्तत्र जीवन्मुक्तो नराधिपः । विदेहो लोकविदितः पाति राज्यमकण्टकम् ॥ 18.9 ॥

yājyo'sti janakastatra jīvanmukto narādhipaḥ videho lokaviditaḥ pāti rājyamakaṇṭakam

'वहाँ जनक हैं, जिनसे परामर्श करना चाहिए — जीवन्मुक्त नरेश; विदेह-नरेश, लोकविख्यात, वे कण्टकरहित राज्य का पालन करते हैं।'

श्लोक 10 (devibhagavatam.1.18.10)

कुर्वन् राज्यं तथा राजा मायापाशैर्न बध्यते । त्वं बिभेषि कथं पुत्र वनवृत्तिः परन्तप ॥ 18.10 ॥

kurvan rājyaṁ tathā rājā māyāpāśairna badhyate tvaṁ bibheṣi kathaṁ putra vanavṛttiḥ parantapa

'वह राजा राज्य करते हुए भी माया-पाशों से नहीं बँधते। हे पुत्र! वनवासी वृत्ति से तुम क्यों डरते हो, हे परन्तप?'

श्लोक 11 (devibhagavatam.1.18.11)

पश्य तं नृपशार्दूलं त्यज मोहं मनोगतम् । कुरु दारान्महाभाग पृच्छ वा भूपतिं च तम् ॥ 18.11 ॥

paśya taṁ nṛpaśārdūlaṁ tyaja mohaṁ manogatam kuru dārānmahābhāga pṛccha vā bhūpatiṁ ca tam

'उस नृपश्रेष्ठ को देखो, मन का मोह त्यागो; हे महाभाग! पत्नी ग्रहण करो, या पहले उस राजा से प्रश्न करो।'

श्लोक 12 (devibhagavatam.1.18.12)

सन्देहं ते मनोजातं कथयिष्यति पार्थिवः । तच्छ्रुत्वा वचनं तस्य मामेहि तरसा सुत ॥ 18.12 ॥

sandehaṁ te manojātaṁ kathayiṣyati pārthivaḥ tacchrutvā vacanaṁ tasya māmehi tarasā suta

'वह राजा तुम्हारे मन में उठे संशय को दूर करेगा; उनका वचन सुनकर, हे पुत्र! शीघ्र मेरे पास आना।'

श्लोक 13 (devibhagavatam.1.18.13)

सम्प्राप्तोऽहं महाराज त्वत्पुरे च तदाज्ञया । मोक्षकामोऽस्मि राजेन्द्र ब्रूहि कृत्यं ममानघ ॥ 18.13 ॥

samprāpto'haṁ mahārāja tvatpure ca tadājñayā mokṣakāmo'smi rājendra brūhi kṛtyaṁ mamānagha

हे महाराज! उन्हीं की आज्ञा से मैं आपकी नगरी में आया हूँ; हे राजेन्द्र! मैं मोक्ष चाहता हूँ, हे निष्पाप! मुझे बताइए मुझे क्या करना चाहिए।

श्लोक 14 (devibhagavatam.1.18.14)

तपस्तीर्थव्रतेज्याश्च स्वाध्यायस्तीर्थसेवनम् । ज्ञानं वा वद राजेन्द्र मोक्षं प्रति च कारणम् ॥ 18.14 ॥

tapastīrthavratejyāśca svādhyāyastīrthasevanam jñānaṁ vā vada rājendra mokṣaṁ prati ca kāraṇam

हे राजेन्द्र! मुझे बताइए मोक्ष का कारण क्या है — तप, तीर्थ, व्रत, यज्ञ, स्वाध्याय, तीर्थ-सेवन, अथवा ज्ञान?

श्लोक 15 (devibhagavatam.1.18.15)

जनक उवाच । शृणु विप्रेण कर्तव्यं मोक्षमार्गाश्रितेन यत् । उपनीतो वसेदादौ वेदाभ्यासाय वै गुरौ ॥ 18.15 ॥

janaka uvāca śṛṇu vipreṇa kartavyaṁ mokṣamārgāśritena yat upanīto vasedādau vedābhyāsāya vai gurau

जनक ने कहा — सुनिए, मोक्षमार्ग के आश्रित ब्राह्मण को क्या करना चाहिए — पहले उपनयन संस्कार होकर उसे वेदाभ्यास के लिए गुरु के पास निवास करना चाहिए।

श्लोक 16 (devibhagavatam.1.18.16)

अधीत्य वेदवेदान्तान्दत्त्वा च गुरुदक्षिणाम् । समावृत्तस्तु गार्हस्थ्ये सदारो निवसेन्मुनिः ॥ 18.16 ॥

adhītya vedavedāntāndattvā ca gurudakṣiṇām samāvṛttastu gārhasthye sadāro nivasenmuniḥ

वेद-वेदान्त पढ़कर तथा गुरु-दक्षिणा देकर, वह मुनि लौटकर पत्नी सहित गृहस्थाश्रम में निवास करे।

श्लोक 17 (devibhagavatam.1.18.17)

न्यायवृत्तिस्तु सन्तोषी निराशी गतकल्मषः । अग्निहोत्रादिकर्माणि कुर्वाणः सत्यवाक्शुचिः ॥ 18.17 ॥

nyāyavṛttistu santoṣī nirāśī gatakalmaṣaḥ agnihotrādikarmāṇi kurvāṇaḥ satyavākśuciḥ

न्यायपूर्वक जीविका, संतुष्ट, अत्यधिक आशारहित, पापरहित, अग्निहोत्र आदि कर्मों को करते हुए, सत्यवादी, शुचि —

श्लोक 18 (devibhagavatam.1.18.18)

पुत्रं पौत्रं समासाद्य वानप्रस्थाश्रमे वसेत् । तपसा षड्रिपूञ्जित्वा भार्यां पुत्रे निवेश्य च ॥ 18.18 ॥

putraṁ pautraṁ samāsādya vānaprasthāśrame vaset tapasā ṣaḍripūñjitvā bhāryāṁ putre niveśya ca

— पुत्र-पौत्र प्राप्त करके वह वानप्रस्थाश्रम में निवास करे, तप से छहों शत्रुओं को जीतकर तथा पत्नी को पुत्र के पास छोड़कर।

श्लोक 19 (devibhagavatam.1.18.19)

सर्वानग्नीन्यथान्यायमात्मन्यारोप्य धर्मवित् । वसेत्तुर्याश्रमे श्रान्तः शुद्धे वैराग्यसम्भवे ॥ 18.19 ॥

sarvānagnīnyathānyāyamātmanyāropya dharmavit vasetturyāśrame śrāntaḥ śuddhe vairāgyasambhave

वह धर्मज्ञ, समस्त अग्नियों को विधिपूर्वक अपने ही आत्मा में स्थापित करके, शुद्ध वैराग्य उत्पन्न होने पर, थककर चतुर्थाश्रम (संन्यास) में निवास करे।

श्लोक 20 (devibhagavatam.1.18.20)

विरक्तस्याधिकारोऽस्ति संन्यासे नान्यथा क्वचित् । वेदवाक्यमिदं तथ्यं नान्यथेति मतिर्मम ॥ 18.20 ॥

viraktasyādhikāro'sti saṁnyāse nānyathā kvacit vedavākyamidaṁ tathyaṁ nānyatheti matirmama

संन्यास का अधिकार विरक्त पुरुष को ही है, अन्यथा कभी नहीं; यह वेद-वचन सत्य है, अन्यथा नहीं — ऐसा मेरा मत है।

श्लोक 21 (devibhagavatam.1.18.21)

शुकाष्टचत्वारिशद्वै संस्कारा वेदबोधिताः । चत्वारिंशद्गृहस्थस्य प्रोक्तास्तत्र महात्मभिः ॥ 18.21 ॥

śukāṣṭacatvāriśadvai saṁskārā vedabodhitāḥ catvāriṁśadgṛhasthasya proktāstatra mahātmabhiḥ

हे शुक! वेद में अड़तालीस संस्कार बताए गए हैं; उनमें से चालीस महात्माओं द्वारा गृहस्थ के लिए कहे गए हैं।

श्लोक 22 (devibhagavatam.1.18.22)

अष्टौ च मुक्तिकामस्य प्रोक्ताः शमदमादयः । आश्रमादाश्रमं गच्छेदिति शिष्टानुशासनम् ॥ 18.22 ॥

aṣṭau ca muktikāmasya proktāḥ śamadamādayaḥ āśramādāśramaṁ gacchediti śiṣṭānuśāsanam

और आठ मुमुक्षु के लिए बताए गए हैं — शम, दम आदि; 'एक आश्रम से दूसरे आश्रम में जाना चाहिए' — यह शिष्टजनों का अनुशासन है।

श्लोक 23 (devibhagavatam.1.18.23)

शुक उवाच । उत्पन्ने हृदि वैराग्ये ज्ञानविज्ञानसम्भवे । अवश्यमेव वस्तव्यमाश्रमेषु वनेषु वा ॥ 18.23 ॥

śuka uvāca utpanne hṛdi vairāgye jñānavijñānasambhave avaśyameva vastavyamāśrameṣu vaneṣu vā

शुक ने कहा — हृदय में वैराग्य उत्पन्न हो जाने पर, ज्ञान-विज्ञान की उत्पत्ति हो जाने पर, क्या फिर भी क्रमशः आश्रमों में या वनों में ही रहना अनिवार्य है?

श्लोक 24 (devibhagavatam.1.18.24)

जनक उवाच । इन्द्रियाणि बलिष्ठानि न नियुक्तानि मानद । अपक्वस्य प्रकुर्वन्ति विकारांस्ताननेकशः ॥ 18.24 ॥

janaka uvāca indriyāṇi baliṣṭhāni na niyuktāni mānada apakvasya prakurvanti vikārāṁstānanekaśaḥ

जनक ने कहा — हे मानद! इन्द्रियाँ अत्यंत बलवान हैं; यदि नियंत्रित न हों, तो अपरिपक्व व्यक्ति में वे नाना प्रकार के विकार उत्पन्न कर देती हैं।

श्लोक 25 (devibhagavatam.1.18.25)

भोजनेच्छां सुखेच्छां च शय्येच्छामात्मजस्य च । यती भूत्वा कथं कुर्याद्विकारे समुपस्थिते ॥ 18.25 ॥

bhojanecchāṁ sukhecchāṁ ca śayyecchāmātmajasya ca yatī bhūtvā kathaṁ kuryādvikāre samupasthite

यति बनकर भी वह भोजन की इच्छा, सुख की इच्छा, शय्या की इच्छा तथा संतान की इच्छा पर, विकार उपस्थित होने पर, कैसे कार्य करे?

श्लोक 26 (devibhagavatam.1.18.26)

दुर्जरं वासनाजालं न शान्तिमुपयाति वै । अतस्तच्छमनार्थाय क्रमेण च परित्यजेत् ॥ 18.26 ॥

durjaraṁ vāsanājālaṁ na śāntimupayāti vai atastacchamanārthāya krameṇa ca parityajet

वासनाओं का जाल दुर्जर है, वह सहसा शान्त नहीं होता; इसलिए उसे शान्त करने के लिए क्रमशः ही त्याग करना चाहिए।

श्लोक 27 (devibhagavatam.1.18.27)

ऊर्ध्वं सुप्तः पतत्येव न शयानः पतत्यधः । परिव्रज्य परिभ्रष्टो न मार्गं लभते पुनः ॥ 18.27 ॥

ūrdhvaṁ suptaḥ patatyeva na śayānaḥ patatyadhaḥ parivrajya paribhraṣṭo na mārgaṁ labhate punaḥ

खड़े-खड़े सोने वाला अवश्य गिरता है, लेटकर सोने वाला नहीं गिरता; परिव्राजक बनकर पथभ्रष्ट हुआ व्यक्ति फिर से मार्ग नहीं पाता।

श्लोक 28 (devibhagavatam.1.18.28)

यथा पिपीलिका मूलाच्छाखायामधिरोहति । शनैः शनैः फलं याति सुखेन पदगामिनी ॥ 18.28 ॥

yathā pipīlikā mūlācchākhāyāmadhirohati śanaiḥ śanaiḥ phalaṁ yāti sukhena padagāminī

जैसे चींटी मूल से शाखा तक धीरे-धीरे चढ़ती है, पग-पग बढ़ते हुए सुखपूर्वक फल तक पहुँचती है,

श्लोक 29 (devibhagavatam.1.18.29)

विहङ्गस्तरसा याति विघ्नशङ्कामुदस्य वै । श्रान्तो भवति विश्रम्य सुखं याति पिपीलिका ॥ 18.29 ॥

vihaṅgastarasā yāti vighnaśaṅkāmudasya vai śrānto bhavati viśramya sukhaṁ yāti pipīlikā

पक्षी वेगपूर्वक विघ्न की आशंका को दूर करते हुए उड़ता है, परन्तु थक जाता है; विश्राम करते हुए चींटी सुखपूर्वक पहुँच जाती है।

श्लोक 30 (devibhagavatam.1.18.30)

मनस्तु प्रबलं काममजेयमकृतात्मभिः । अतः क्रमेण जेतव्यमाश्रमानुक्रमेण च ॥ 18.30 ॥

manastu prabalaṁ kāmamajeyamakṛtātmabhiḥ ataḥ krameṇa jetavyamāśramānukrameṇa ca

मन निश्चय ही अत्यंत प्रबल है, असिद्ध आत्मा वालों के लिए अजेय है; इसलिए इसे क्रमशः ही, आश्रम-क्रम के अनुसार जीतना चाहिए।

श्लोक 31 (devibhagavatam.1.18.31)

गृहस्थाश्रमसंस्थोऽपि शान्तः सुमतिरात्मवान् । न च हृष्येन्न च तपेल्लाभालाभे समो भवेत् ॥ 18.31 ॥

gṛhasthāśramasaṁstho'pi śāntaḥ sumatirātmavān na ca hṛṣyenna ca tapellābhālābhe samo bhavet

गृहस्थाश्रम में रहते हुए भी जो शान्त, सुबुद्धि, आत्मवान है, वह न हर्षित होता है, न संतप्त होता है — वह लाभ-अलाभ में समान रहता है।

श्लोक 32 (devibhagavatam.1.18.32)

विहतं कर्म कुर्वाणस्त्यजंश्चिन्तान्वितं च यत् । आत्मलाभेन सन्तुष्टो मुच्यते नात्र संशयः ॥ 18.32 ॥

vihataṁ karma kurvāṇastyajaṁścintānvitaṁ ca yat ātmalābhena santuṣṭo mucyate nātra saṁśayaḥ

विहित कर्म करते हुए, चिन्तायुक्त जो कुछ भी हो उसे त्यागते हुए, आत्मलाभ से संतुष्ट व्यक्ति निःसंदेह मुक्त हो जाता है।

श्लोक 33 (devibhagavatam.1.18.33)

पश्याहं राज्यसंस्थोऽपि जीवन्मुक्तो यथानघ । विचरामि यथाकामं न मे किञ्चित्प्रजायते ॥ 18.33 ॥

paśyāhaṁ rājyasaṁstho'pi jīvanmukto yathānagha vicarāmi yathākāmaṁ na me kiñcitprajāyate

हे निष्पाप! देखो, मैं राज्य में रहते हुए भी जीवन्मुक्त हूँ; यथेच्छ विचरण करता हूँ, मुझे कुछ भी बाधित नहीं करता।

श्लोक 34 (devibhagavatam.1.18.34)

भुञ्जानो विविधान्भोगान्कुर्वन्कार्याण्यनेकशः । भविष्यामि यथाहं त्वं तथा मुक्तो भवानघ ॥ 18.34 ॥

bhuñjāno vividhānbhogānkurvankāryāṇyanekaśaḥ bhaviṣyāmi yathāhaṁ tvaṁ tathā mukto bhavānagha

नाना भोगों को भोगते हुए, अनेक कार्य करते हुए भी, जैसा मैं हूँ, वैसे ही तुम भी, हे निष्पाप! मुक्त हो जाओ।

श्लोक 35 (devibhagavatam.1.18.35)

कथ्यते खलु यद्दृश्यमदृश्यं बध्यते कुतः । दृश्यानि पञ्चभूतानि गुणास्तेषां तथा पुनः ॥ 18.35 ॥

kathyate khalu yaddṛśyamadṛśyaṁ badhyate kutaḥ dṛśyāni pañcabhūtāni guṇāsteṣāṁ tathā punaḥ

जो दृश्य कहा जाता है, वह दृश्य ही है — अदृश्य कैसे बंधता है? पंचमहाभूत दृश्य हैं, और उसी प्रकार उनके गुण भी।

श्लोक 36 (devibhagavatam.1.18.36)

आत्मा गम्योऽनुमानेन प्रत्यक्षो न कदाचन । स कथं बध्यते ब्रह्मन्निर्विकारो निरञ्जनः ॥ 18.36 ॥

ātmā gamyo'numānena pratyakṣo na kadācana sa kathaṁ badhyate brahmannirvikāro nirañjanaḥ

आत्मा केवल अनुमान से जानी जाती है, वह कभी भी प्रत्यक्ष नहीं है; हे ब्रह्मन्! विकाररहित, निर्मल वह कैसे बंधती है?

श्लोक 37 (devibhagavatam.1.18.37)

मनस्तु सुखदुःखानां महतां कारणं द्विज । जाते तु निर्मले ह्यस्मिन्सर्वं भवति निर्मलम् ॥ 18.37 ॥

manastu sukhaduḥkhānāṁ mahatāṁ kāraṇaṁ dvija jāte tu nirmale hyasminsarvaṁ bhavati nirmalam

हे द्विज! सुख-दुःख का महान कारण तो मन ही है; यह निर्मल हो जाने पर सब कुछ निर्मल हो जाता है।

श्लोक 38 (devibhagavatam.1.18.38)

भ्रमन्सर्वेषु तीर्थेषु स्नात्वा स्नात्वा पुनः पुनः । निर्मलं न मनो यावत्तावत्सर्वं निरर्थकम् ॥ 18.38 ॥

bhramansarveṣu tīrtheṣu snātvā snātvā punaḥ punaḥ nirmalaṁ na mano yāvattāvatsarvaṁ nirarthakam

समस्त तीर्थों में भटककर बार-बार स्नान करने पर भी, जब तक मन निर्मल नहीं होता, तब तक सब कुछ निरर्थक है।

श्लोक 39 (devibhagavatam.1.18.39)

न देहो न च जीवात्मा नेन्द्रियाणि परन्तप । मन एव मनुष्याणां कारणं बन्धमोक्षयोः ॥ 18.39 ॥

na deho na ca jīvātmā nendriyāṇi parantapa mana eva manuṣyāṇāṁ kāraṇaṁ bandhamokṣayoḥ

हे परन्तप! न देह, न जीवात्मा, न इन्द्रियाँ — मन ही मनुष्यों के बंधन और मोक्ष का कारण है।

श्लोक 40 (devibhagavatam.1.18.40)

शुद्धो मुक्तः सदैवात्मा न वै बध्येत कर्हिचित् । बन्धमोक्षौ मनःसंस्थौ तस्मिञ्छान्ते प्रशाम्यति ॥ 18.40 ॥

śuddho muktaḥ sadaivātmā na vai badhyeta karhicit bandhamokṣau manaḥsaṁsthau tasmiñchānte praśāmyati

आत्मा सदा शुद्ध और मुक्त है, वह कभी भी नहीं बंधती; बंधन और मोक्ष मन में ही स्थित हैं, वह शान्त होने पर सब कुछ शान्त हो जाता है।

श्लोक 41 (devibhagavatam.1.18.41)

शत्रुर्मित्रमुदासीनो भेदाः सर्वे मनोगताः । एकात्मत्वे कथं भेदः सम्भवेद्द्वैतदर्शनात् ॥ 18.41 ॥

śatrurmitramudāsīno bhedāḥ sarve manogatāḥ ekātmatve kathaṁ bhedaḥ sambhaveddvaitadarśanāt

शत्रु, मित्र, उदासीन — ये सभी भेद मन में ही स्थित हैं; एकात्मता में भेद कैसे हो, यदि द्वैत-दर्शन से न हो?

श्लोक 42 (devibhagavatam.1.18.42)

जीवो ब्रह्म सदैवाहं नात्र कार्या विचारणा । भेदबुद्धिस्तु संसारे वर्तमाना प्रवर्तते ॥ 18.42 ॥

jīvo brahma sadaivāhaṁ nātra kāryā vicāraṇā bhedabuddhistu saṁsāre vartamānā pravartate

'जीव सदा ब्रह्म ही है, मैं वही हूँ' — इसमें कोई विचार नहीं करना चाहिए; भेद-बुद्धि तो संसार में विद्यमान अज्ञान से ही प्रवृत्त होती है।

श्लोक 43 (devibhagavatam.1.18.43)

अविद्येयं महाभाग विद्या चैतन्निवर्तनम् । विद्याविद्ये च विज्ञेये सर्वदैव विचक्षणैः ॥ 18.43 ॥

avidyeyaṁ mahābhāga vidyā caitannivartanam vidyāvidye ca vijñeye sarvadaiva vicakṣaṇaiḥ

हे महाभाग! यही अविद्या है, और विद्या इसी की निवृत्ति है; विद्या और अविद्या दोनों को विवेकी पुरुषों को सदा जानना चाहिए।

श्लोक 44 (devibhagavatam.1.18.44)

विनातपं हि छायाया ज्ञायते च कथं सुखम् । अविद्यया विना तद्वत्कथं विद्यां च वेत्ति वै ॥ 18.44 ॥

vinātapaṁ hi chāyāyā jñāyate ca kathaṁ sukham avidyayā vinā tadvatkathaṁ vidyāṁ ca vetti vai

बिना धूप के छाया का सुख कैसे जाना जाता है? उसी प्रकार अविद्या के बिना विद्या को भी कोई कैसे जान सकता है?

श्लोक 45 (devibhagavatam.1.18.45)

गुणा गुणेषु वर्तन्ते भूतानि च तथैव च । इन्द्रियाणीन्द्रियार्थेषु को दोषस्तत्र चात्मनः ॥ 18.45 ॥

guṇā guṇeṣu vartante bhūtāni ca tathaiva ca indriyāṇīndriyārtheṣu ko doṣastatra cātmanaḥ

गुण गुणों में ही रहते हैं, तथा भूत भी भूतों में; इन्द्रियाँ इन्द्रिय-विषयों में — इसमें आत्मा का क्या दोष है?

श्लोक 46 (devibhagavatam.1.18.46)

मर्यादा सर्वरक्षार्थं कृता वेदेषु सर्वशः । अन्यथा धर्मनाशः स्यात्सौगतानामिवानघ ॥ 18.46 ॥

maryādā sarvarakṣārthaṁ kṛtā vedeṣu sarvaśaḥ anyathā dharmanāśaḥ syātsaugatānāmivānagha

सबकी रक्षा के लिए वेदों में सर्वत्र मर्यादाएँ बनाई गई हैं; अन्यथा, हे निष्पाप! बौद्धों के समान धर्म का ही नाश हो जाता।

श्लोक 47 (devibhagavatam.1.18.47)

धर्मनाशे विनष्टः स्याद्वर्णाचारोऽतिवर्तितः । अतो वेदप्रदिष्टेन मार्गेण गच्छतां शुभम् ॥ 18.47 ॥

dharmanāśe vinaṣṭaḥ syādvarṇācāro'tivartitaḥ ato vedapradiṣṭena mārgeṇa gacchatāṁ śubham

धर्म के नाश होने पर वर्णाचार लांघा जाकर नष्ट हो जाएगा; इसलिए वेद द्वारा दिखाए मार्ग से चलने वालों का कल्याण होता है।

श्लोक 48 (devibhagavatam.1.18.48)

शुक उवाच । सन्देहो वर्तते राजन्न निवर्तति मे क्वचित् । भवता कथितं यत्तच्छृण्वतो मे नराधिप ॥ 18.48 ॥

śuka uvāca sandeho vartate rājanna nivartati me kvacit bhavatā kathitaṁ yattacchṛṇvato me narādhipa

शुक ने कहा — हे राजन्! फिर भी मेरा संशय दूर नहीं होता, हे नराधिप! आपकी बात सुनते हुए भी वह बना ही रहता है।

श्लोक 49 (devibhagavatam.1.18.49)

वेदधर्मेषु हिंसा स्यादधर्मबहुला हि सा । कथं मुक्तिप्रदो धर्मो वेदोक्तो बत भूपते ॥ 18.49 ॥

vedadharmeṣu hiṁsā syādadharmabahulā hi sā kathaṁ muktiprado dharmo vedokto bata bhūpate

वेद-धर्मों में हिंसा है, और वह बहुत अधर्ममय है; तो हे भूपते! वेदोक्त धर्म मोक्ष कैसे दे सकता है?

श्लोक 50 (devibhagavatam.1.18.50)

प्रत्यक्षेण त्वनाचारः सोमपानं नराधिप । पशूनां हिंसनं तद्वद्भक्षणं चामिषस्य च ॥ 18.50 ॥

pratyakṣeṇa tvanācāraḥ somapānaṁ narādhipa paśūnāṁ hiṁsanaṁ tadvadbhakṣaṇaṁ cāmiṣasya ca

हे नराधिप! सोमपान का अनाचार प्रत्यक्ष है, तथा उसी प्रकार पशुओं की हिंसा तथा मांस-भक्षण भी।

श्लोक 51 (devibhagavatam.1.18.51)

सौत्रामणौ तथा प्रोक्तः प्रत्यक्षेण सुराग्रहः । द्यूतक्रीडा तथा प्रोक्ता व्रतानि विविधानि च ॥ 18.51 ॥

sautrāmaṇau tathā proktaḥ pratyakṣeṇa surāgrahaḥ dyūtakrīḍā tathā proktā vratāni vividhāni ca

सौत्रामणि यज्ञ में भी सुरापान का प्रत्यक्ष विधान कहा गया है; द्यूत-क्रीड़ा भी तथा नाना प्रकार के व्रत भी कहे गए हैं।

श्लोक 52 (devibhagavatam.1.18.52)

श्रूयते स्म पुरा ह्यासीच्छशबिन्दुर्नृपोत्तमः । यज्वा धर्मपरो नित्यं वदान्यः सत्यसागरः ॥ 18.52 ॥

śrūyate sma purā hyāsīcchaśabindurnṛpottamaḥ yajvā dharmaparo nityaṁ vadānyaḥ satyasāgaraḥ

सुना जाता है कि पूर्वकाल में शशबिन्दु नामक श्रेष्ठ राजा थे — यज्ञकर्ता, सदा धर्मपरायण, उदार, सत्य के सागर,

श्लोक 53 (devibhagavatam.1.18.53)

गोप्ता च धर्मसेतूनां शास्ता चोत्पथगामिनाम् । यज्ञाश्च विहितास्तेन बहवो भूरिदक्षिणाः ॥ 18.53 ॥

goptā ca dharmasetūnāṁ śāstā cotpathagāminām yajñāśca vihitāstena bahavo bhūridakṣiṇāḥ

धर्म-सेतुओं के रक्षक तथा उन्मार्गगामियों के शासक; उन्होंने अनेक ऐसे यज्ञ किए जिनमें भारी दक्षिणा दी गई —

श्लोक 54 (devibhagavatam.1.18.54)

चर्मणां पर्वतो जातो विन्ध्याचलसमः पुनः । मेघाम्बुप्लावनाज्जाता नदी चर्मण्वती शुभा ॥ 18.54 ॥

carmaṇāṁ parvato jāto vindhyācalasamaḥ punaḥ meghāmbuplāvanājjātā nadī carmaṇvatī śubhā

— इतने कि खालों का एक पर्वत बन गया, विंध्याचल के समान; और मेघ-जल के प्रवाह से चर्मण्वती नामक शुभ नदी उत्पन्न हुई।

श्लोक 55 (devibhagavatam.1.18.55)

सोऽपि राजा दिवं यातः कीर्तिरस्याचला भुवि । एवं धर्मेषु वेदेषु न मे बुद्धिः प्रवर्तते ॥ 18.55 ॥

so'pi rājā divaṁ yātaḥ kīrtirasyācalā bhuvi evaṁ dharmeṣu vedeṣu na me buddhiḥ pravartate

वह राजा भी स्वर्ग गए, और उनकी कीर्ति पृथ्वी पर अचल है; फिर भी वेद के धर्मों के विषय में मेरी बुद्धि स्थिर नहीं होती।

श्लोक 56 (devibhagavatam.1.18.56)

स्त्रीसङ्गेन सदा भोगे सुखमाप्नोति मानवः । अलाभे दुःखमत्यन्तं जीवन्मुक्तः कथं भवेत् ॥ 18.56 ॥

strīsaṅgena sadā bhoge sukhamāpnoti mānavaḥ alābhe duḥkhamatyantaṁ jīvanmuktaḥ kathaṁ bhavet

स्त्री-संग से भोग में मनुष्य सदा सुख पाता है; उसके अभाव में अत्यंत दुःख होता है — तो जीवन्मुक्त कैसे हो सकता है?

श्लोक 57 (devibhagavatam.1.18.57)

जनक उवाच । हिंसा यज्ञेषु प्रत्यक्षा साहिंसा परिकीर्तिता । उपाधियोगतो हिंसा नान्यथेति विनिर्णयः ॥ 18.57 ॥

janaka uvāca hiṁsā yajñeṣu pratyakṣā sāhiṁsā parikīrtitā upādhiyogato hiṁsā nānyatheti vinirṇayaḥ

जनक ने कहा — यज्ञों में जो हिंसा प्रत्यक्ष दिखती है, वह अहिंसा ही कही गई है; उपाधि (स्वार्थ-भाव) के योग से ही हिंसा होती है, अन्यथा नहीं — यही निर्णय है।

श्लोक 58 (devibhagavatam.1.18.58)

यथा चेन्धनसंयोगादग्नौ धूमः प्रवर्तते । तद्वियोगात्तथा तस्मिन्निर्धूमत्वं विभाति वै ॥ 18.58 ॥

yathā cendhanasaṁyogādagnau dhūmaḥ pravartate tadviyogāttathā tasminnirdhūmatvaṁ vibhāti vai

जैसे ईंधन के संयोग से अग्नि में धुआँ उत्पन्न होता है, वैसे ही उसके वियोग से उसमें निर्धूमता प्रकट होती है।

श्लोक 59 (devibhagavatam.1.18.59)

अहिंसां च तथा विद्धि वेदोक्तां मुनिसत्तम । रागिणां सापि हिंसैव निःस्पृहाणां न सा मता ॥ 18.59 ॥

ahiṁsāṁ ca tathā viddhi vedoktāṁ munisattama rāgiṇāṁ sāpi hiṁsaiva niḥspṛhāṇāṁ na sā matā

हे मुनिश्रेष्ठ! वेदोक्त अहिंसा को उसी प्रकार जानिए — रागियों के लिए वह भी हिंसा ही है, निःस्पृह के लिए वह हिंसा नहीं मानी गई।

श्लोक 60 (devibhagavatam.1.18.60)

अरागेण च यत्कर्म तथाहङ्कारवर्जितम् । अकृतं वेदविद्वांसः प्रवदन्ति मनीषिणः ॥ 18.60 ॥

arāgeṇa ca yatkarma tathāhaṅkāravarjitam akṛtaṁ vedavidvāṁsaḥ pravadanti manīṣiṇaḥ

जो कर्म राग-रहित तथा अहंकार-रहित होकर किया जाता है, उसे वेदविद्वान मनीषी लोग 'अकृत' (न किया हुआ) कहते हैं।

श्लोक 61 (devibhagavatam.1.18.61)

गृहस्थानां तु हिंसैव या यज्ञे द्विजसत्तम । अरागेण च यत्कर्म तथाहङ्कारवर्जितम् ॥ 18.61 ॥

gṛhasthānāṁ tu hiṁsaiva yā yajñe dvijasattama arāgeṇa ca yatkarma tathāhaṅkāravarjitam

हे द्विजसत्तम! गृहस्थों की यज्ञ में जो हिंसा है, वह भी राग-रहित तथा अहंकार-रहित होकर की जाने पर —

श्लोक 62 (devibhagavatam.1.18.62)

साहिंसैव महाभाग मुमुक्षूणां जितात्मनाम् ॥ 18.62 ॥

sāhiṁsaiva mahābhāga mumukṣūṇāṁ jitātmanām

— हे महाभाग! जितात्मा मुमुक्षुओं के लिए वह अहिंसा ही है।