हयग्रीव-अवतार-कथन

श्लोक 1 (devibhagavatam.1.5.1)

ऋषय ऊचुः । सूतास्माकं मनः कामं मग्नं संशयसागरे । यथोक्तं महदाश्चर्यं जगद्विस्मयकारकम् ॥ 5.1 ॥

ṛṣaya ūcuḥ sūtāsmākaṁ manaḥ kāmaṁ magnaṁ saṁśayasāgare yathoktaṁ mahadāścaryaṁ jagadvismayakārakam

ऋषियों ने कहा — हे सूत! आपने जो महान, जगत को चकित करने वाला आश्चर्य बताया, उससे हमारा मन संशय के सागर में डूब गया है।

श्लोक 2 (devibhagavatam.1.5.2)

यन्मूर्धा माधवस्यापि गतो देहात्पुनः परम् । हयग्रीवस्ततो जातः सर्वकर्ता जनार्दनः ॥ 5.2 ॥

yanmūrdhā mādhavasyāpi gato dehātpunaḥ param hayagrīvastato jātaḥ sarvakartā janārdanaḥ

कि माधव का सिर भी देह से अलग होकर चला गया, और तत्पश्चात हयग्रीव, सर्वकर्ता जनार्दन, प्रकट हुए —

श्लोक 3 (devibhagavatam.1.5.3)

वेदोऽपि स्तौति यं देवं देवाः सर्वे यदाश्रयाः । आदिदेवो जगन्नाथः सर्वकारणकारणः ॥ 5.3 ॥

vedo'pi stauti yaṁ devaṁ devāḥ sarve yadāśrayāḥ ādidevo jagannāthaḥ sarvakāraṇakāraṇaḥ

— जिस देव की वेद भी स्तुति करते हैं, जिनके आश्रित सभी देवगण हैं, वह आदिदेव, जगन्नाथ, समस्त कारणों के कारण —

श्लोक 4 (devibhagavatam.1.5.4)

तस्यापि वदनं छिन्नं दैवयोगात्कथं तदा । तत्सर्वं कथयाशु त्वं विस्तरेण महामते ॥ 5.4 ॥

tasyāpi vadanaṁ chinnaṁ daivayogātkathaṁ tadā tatsarvaṁ kathayāśu tvaṁ vistareṇa mahāmate

— उनका भी मुख किसी दैवयोग से कैसे कट गया? हे महामते! वह सब हमें विस्तारपूर्वक शीघ्र बताइए।

श्लोक 5 (devibhagavatam.1.5.5)

सूत उवाच । शृण्वन्तु मुनयः सर्वे सावधानाः समन्ततः । चरितं देवदेवस्य विष्णोः परमतेजसः ॥ 5.5 ॥

sūta uvāca śṛṇvantu munayaḥ sarve sāvadhānāḥ samantataḥ caritaṁ devadevasya viṣṇoḥ paramatejasaḥ

सूत ने कहा — हे मुनिगण! चारों ओर सावधान होकर सुनिए, परम तेजस्वी देवाधिदेव विष्णु का यह चरित्र।

श्लोक 6 (devibhagavatam.1.5.6)

कदाचिद्दारुणं युद्धं कृत्वा देवः सनातनः । दशवर्षसहस्राणि परिश्रान्तो जनार्दनः ॥ 5.6 ॥

kadāciddāruṇaṁ yuddhaṁ kṛtvā devaḥ sanātanaḥ daśavarṣasahasrāṇi pariśrānto janārdanaḥ

एक बार भीषण युद्ध करके सनातन देव जनार्दन दस हजार वर्षों तक युद्ध करने से थक गए।

श्लोक 7 (devibhagavatam.1.5.7)

समे देशे शुभे स्थाने कृत्वा पद्मासनं विभुः । अवलम्ब्य धनुः सज्यं कण्ठदेशे धरास्थितम् ॥ 5.7 ॥

same deśe śubhe sthāne kṛtvā padmāsanaṁ vibhuḥ avalambya dhanuḥ sajyaṁ kaṇṭhadeśe dharāsthitam

एक समतल, शुभ स्थान में पद्मासन लगाकर, प्रभु ने अपने प्रत्यंचायुक्त धनुष का सहारा लिया, जिसका निचला भाग भूमि पर टिका था, कंठ के पास —

श्लोक 8 (devibhagavatam.1.5.8)

दत्त्वा भारं धनुष्कोट्यां निद्रामाप रमापतिः । श्रान्तत्वाद्दैवयोगाच्च जातस्तत्रातिनिद्रितः ॥ 5.8 ॥

dattvā bhāraṁ dhanuṣkoṭyāṁ nidrāmāpa ramāpatiḥ śrāntatvāddaivayogācca jātastatrātinidritaḥ

— अपना भार धनुष के अग्रभाग पर देकर, रमापति निद्रामग्न हो गए; थकान और दैवयोग से वे वहीं अत्यंत गहरी नींद में सो गए।

श्लोक 9 (devibhagavatam.1.5.9)

तदा कालेन कियता देवाः सर्वे सवासवाः । ब्रह्मेशसहिताः सर्वे यज्ञं कर्तुं समुद्यताः ॥ 5.9 ॥

tadā kālena kiyatā devāḥ sarve savāsavāḥ brahmeśasahitāḥ sarve yajñaṁ kartuṁ samudyatāḥ

तब कुछ समय बाद इन्द्र सहित समस्त देवगण, ब्रह्मा और शिव के साथ, यज्ञ करने के लिए तत्पर हुए।

श्लोक 10 (devibhagavatam.1.5.10)

गताः सर्वेऽथ वैकुण्ठं द्रष्टुं देवं जनार्दनम् । देवकार्यार्थसिद्।ह्ध्यर्थं मखानामधिपं प्रभुम् ॥ 5.10 ॥

gatāḥ sarve'tha vaikuṇṭhaṁ draṣṭuṁ devaṁ janārdanam devakāryārthasid|hdhyarthaṁ makhānāmadhipaṁ prabhum

देवकार्य की सिद्धि हेतु, यज्ञों के अधिपति प्रभु, देव जनार्दन के दर्शन के लिए सभी वैकुण्ठ गए।

श्लोक 11 (devibhagavatam.1.5.11)

अदृष्ट्वा तं तदा तत्र ज्ञानदृष्ट्या विलोक्य ते । यत्रास्ते भगवान् विष्णुर्जग्मुस्तत्र तदा सुराः ॥ 5.11 ॥

adṛṣṭvā taṁ tadā tatra jñānadṛṣṭyā vilokya te yatrāste bhagavān viṣṇurjagmustatra tadā surāḥ

उन्हें वहाँ न देखकर, ज्ञान-दृष्टि से देखते हुए, देवगण उस स्थान पर गए जहाँ भगवान विष्णु स्थित थे।

श्लोक 12 (devibhagavatam.1.5.12)

ददृशुस्ते तदेशानं योगनिद्रावशं गतम् । विचेतनं विभुं विष्णुं तत्रासाञ्चक्रिरे सुराः ॥ 5.12 ॥

dadṛśuste tadeśānaṁ yoganidrāvaśaṁ gatam vicetanaṁ vibhuṁ viṣṇuṁ tatrāsāñcakrire surāḥ

उन्होंने देखा कि वे ईश योगनिद्रा के वशीभूत, अचेत पड़े हुए हैं; देवगण वहीं खड़े हो गए।

श्लोक 13 (devibhagavatam.1.5.13)

स्थितेषु सर्वदेवेषु निद्रासुप्ते जगत्पतौ । चिन्तामापुः सुराः सर्वे ब्रह्मरुद्रपुरोगमाः ॥ 5.13 ॥

sthiteṣu sarvadeveṣu nidrāsupte jagatpatau cintāmāpuḥ surāḥ sarve brahmarudrapurogamāḥ

जब सभी देव खड़े थे और जगत्पति निद्रामग्न थे, तब ब्रह्मा-रुद्र सहित समस्त देवगण चिन्तित हो गए।

श्लोक 14 (devibhagavatam.1.5.14)

तानुवाच ततः शक्रः किं कर्तव्यं सुरोत्तमाः । निद्राभङ्गः कथं कार्यश्चिन्तयन्तु सुरोत्तमाः ॥ 5.14 ॥

tānuvāca tataḥ śakraḥ kiṁ kartavyaṁ surottamāḥ nidrābhaṅgaḥ kathaṁ kāryaścintayantu surottamāḥ

तब इन्द्र ने उनसे कहा — 'हे देवश्रेष्ठो! क्या करना चाहिए? यह निद्रा कैसे भंग हो? देवश्रेष्ठ इस पर विचार करें।'

श्लोक 15 (devibhagavatam.1.5.15)

तमुवाच तदा शम्भुर्निद्राभङ्गेऽस्ति दूषणम् । कार्यं चैव प्रकर्तव्यं यज्ञस्य सुरसत्तमाः ॥ 5.15 ॥

tamuvāca tadā śambhurnidrābhaṅge'sti dūṣaṇam kāryaṁ caiva prakartavyaṁ yajñasya surasattamāḥ

तब शम्भु ने उनसे कहा — 'निद्रा भंग करने में दोष है, फिर भी, हे देवसत्तमो! यज्ञ का कार्य तो अवश्य सम्पन्न करना ही होगा।'

श्लोक 16 (devibhagavatam.1.5.16)

उत्पादिता तदा वम्री ब्रह्मणा परमेष्ठिना । तया भक्षयितुं तत्र धनुषोऽग्रं धरास्थितम् ॥ 5.16 ॥

utpāditā tadā vamrī brahmaṇā parameṣṭhinā tayā bhakṣayituṁ tatra dhanuṣo'graṁ dharāsthitam

तब परमेष्ठी ब्रह्मा ने एक चींटी उत्पन्न की, ताकि वह वहाँ भूमि पर टिके धनुष के अग्रभाग को कुतर सके।

श्लोक 17 (devibhagavatam.1.5.17)

भक्षितेऽग्रे तदा निम्नं गमिष्यति शरासनम् । तदा निद्राविमुक्तोऽसौ देवदेवो भविष्यति ॥ 5.17 ॥

bhakṣite'gre tadā nimnaṁ gamiṣyati śarāsanam tadā nidrāvimukto'sau devadevo bhaviṣyati

'अग्रभाग कट जाने पर धनुष नीचे झुक जाएगा; तब वह देवाधिदेव निद्रा से मुक्त हो जाएँगे।'

श्लोक 18 (devibhagavatam.1.5.18)

देवकार्यं तदा सर्वं भविष्यति न संशयः । स वम्रीं सन्दिदेशाथ देवदेवः सनातनः ॥ 5.18 ॥

devakāryaṁ tadā sarvaṁ bhaviṣyati na saṁśayaḥ sa vamrīṁ sandideśātha devadevaḥ sanātanaḥ

'तब देवकार्य निःसंदेह पूर्णतः सम्पन्न हो जाएगा।' इस प्रकार सनातन देवाधिदेव ब्रह्मा ने उस चींटी को आदेश दिया।

श्लोक 19 (devibhagavatam.1.5.19)

तमुवाच तदा वम्री देवदेवस्य मापतेः । निद्राभङ्गः कथं कार्यो देवस्य जगतां गुरोः ॥ 5.19 ॥

tamuvāca tadā vamrī devadevasya māpateḥ nidrābhaṅgaḥ kathaṁ kāryo devasya jagatāṁ guroḥ

तब चींटी ने उनसे कहा — 'रमापति, जगद्गुरु देवाधिदेव की निद्रा इस प्रकार कैसे भंग की जाए?'

श्लोक 20 (devibhagavatam.1.5.20)

निद्राभङ्गः कथाच्छेदो दम्पत्योः प्रीतिभेदनम् । शिशुमातृविभेदश्च ब्रह्महत्यासमं स्मृतम् ॥ 5.20 ॥

nidrābhaṅgaḥ kathācchedo dampatyoḥ prītibhedanam śiśumātṛvibhedaśca brahmahatyāsamaṁ smṛtam

'निद्रा भंग करना, कथा को बीच में काटना, दम्पति के प्रेम को तोड़ना, और शिशु को माता से अलग करना — ये ब्रह्महत्या के समान कहे गए हैं।'

श्लोक 21 (devibhagavatam.1.5.21)

तत्कथं देवदेवस्य करोमि सुखनाशनम् । किं फलं भक्षणाद्देव येन पापं करोम्यहम् ॥ 5.21 ॥

tatkathaṁ devadevasya karomi sukhanāśanam kiṁ phalaṁ bhakṣaṇāddeva yena pāpaṁ karomyaham

'तो मैं देवाधिदेव के सुख का नाश कैसे करूँ? हे देव! इस कतरने से मुझे क्या फल मिलेगा, जिससे मैं पाप करूँ?'

श्लोक 22 (devibhagavatam.1.5.22)

सर्वः स्वार्थवशो लोकः कुरुते पातकं किल । तस्मादहं करिष्यामि स्वार्थमेव प्रभक्षणम् ॥ 5.22 ॥

sarvaḥ svārthavaśo lokaḥ kurute pātakaṁ kila tasmādahaṁ kariṣyāmi svārthameva prabhakṣaṇam

'संसार में सभी प्राणी स्वार्थवश ही पाप करते हैं; अतः मैं भी केवल अपने स्वार्थ के लिए ही यह कतरने का कार्य करूँगी।'

श्लोक 23 (devibhagavatam.1.5.23)

ब्रह्मोवाच । तव भागं करिष्यामो मखमध्ये यथा शृणु । तेन त्वं कुरु कार्यं नो विष्णुं बोधय माचिरम् ॥ 5.23 ॥

brahmovāca tava bhāgaṁ kariṣyāmo makhamadhye yathā śṛṇu tena tvaṁ kuru kāryaṁ no viṣṇuṁ bodhaya māciram

ब्रह्मा ने कहा — 'सुनो, यज्ञ के भीतर ही हम तुम्हारा भाग निर्धारित करेंगे; इसके बदले तुम हमारा यह कार्य करो — बिना विलम्ब विष्णु को जगाओ।'

श्लोक 24 (devibhagavatam.1.5.24)

होमकर्मणि पार्श्वे च हविर्दानात्पतिष्यति । तत्ते भागं विजानीहि कुरु कार्यं त्वरान्विता ॥ 5.24 ॥

homakarmaṇi pārśve ca havirdānātpatiṣyati tatte bhāgaṁ vijānīhi kuru kāryaṁ tvarānvitā

'होम-कर्म के समय पार्श्व में हवि के अंश से जो गिरेगा, वही तुम्हारा भाग जानो; शीघ्रता से यह कार्य करो।'

श्लोक 25 (devibhagavatam.1.5.25)

सूत उवाच । इत्युक्ता ब्रह्मणा वम्री धनुषोऽग्रं त्वरान्विता । चखाद संस्थितं भूमौ विमुक्ता ज्या तदाभवत् ॥ 5.25 ॥

sūta uvāca ityuktā brahmaṇā vamrī dhanuṣo'graṁ tvarānvitā cakhāda saṁsthitaṁ bhūmau vimuktā jyā tadābhavat

सूत ने कहा — ब्रह्मा द्वारा इस प्रकार कहे जाने पर चींटी ने शीघ्रता से भूमि पर टिके धनुष के अग्रभाग को कुतर दिया, और प्रत्यंचा तत्काल मुक्त हो गई।

श्लोक 26 (devibhagavatam.1.5.26)

प्रत्यञ्जायां विमुक्तायां मुक्ता कोटिस्तथोत्तरा । शब्दः समभवद्घोरस्तेन त्रस्ताः सुरास्तदा ॥ 5.26 ॥

pratyañjāyāṁ vimuktāyāṁ muktā koṭistathottarā śabdaḥ samabhavadghorastena trastāḥ surāstadā

प्रत्यंचा के मुक्त होते ही ऊपरी सिरा भी अत्यंत वेग से मुक्त हुआ; उससे भयंकर शब्द उत्पन्न हुआ, जिससे देवगण भयभीत हो गए।

श्लोक 27 (devibhagavatam.1.5.27)

ब्रह्माण्डं क्षुभितं सर्वं वसुधा कम्पिता तदा । समुद्राश्च समुद्विग्नास्त्रेसुश्च जलजन्तवः ॥ 5.27 ॥

brahmāṇḍaṁ kṣubhitaṁ sarvaṁ vasudhā kampitā tadā samudrāśca samudvignāstresuśca jalajantavaḥ

समस्त ब्रह्माण्ड क्षुब्ध हो गया, पृथ्वी काँपने लगी, समुद्र उद्विग्न हो गए, तथा जलचर प्राणी भयभीत हो गए।

श्लोक 28 (devibhagavatam.1.5.28)

ववुर्वातास्तथा चोग्राः पर्वताश्च चकम्पिरे । उल्कापाता महोत्पाता बभूवुर्दुःखशंसिनः ॥ 5.28 ॥

vavurvātāstathā cogrāḥ parvatāśca cakampire ulkāpātā mahotpātā babhūvurduḥkhaśaṁsinaḥ

भयंकर वायु चलने लगी, पर्वत काँप उठे; उल्कापात और महाउत्पात होने लगे, जो दुःख के सूचक थे।

श्लोक 29 (devibhagavatam.1.5.29)

दिशो घोरतराश्चासन्सूर्योऽप्यस्तङ्गतोऽभवत् । चिन्तामापुः सुराः सर्वे किं भविष्यति दुर्दिने ॥ 5.29 ॥

diśo ghoratarāścāsansūryo'pyastaṅgato'bhavat cintāmāpuḥ surāḥ sarve kiṁ bhaviṣyati durdine

दिशाएँ अत्यंत भयंकर हो गईं, सूर्य भी मानो अस्त हो गया; समस्त देवगण चिन्तित हो गए — इस दुर्दिन में क्या होने वाला है?

श्लोक 30 (devibhagavatam.1.5.30)

एवं चिन्तयतां तेषां मूर्धा विष्णोः सकुण्डलः । गतः समुकुटः क्वापि देवदेवस्य तापसाः ॥ 5.30 ॥

evaṁ cintayatāṁ teṣāṁ mūrdhā viṣṇoḥ sakuṇḍalaḥ gataḥ samukuṭaḥ kvāpi devadevasya tāpasāḥ

हे तपस्वियो! उनके इस प्रकार चिन्तित होते हुए, विष्णु का सिर कुण्डलों और मुकुट सहित न जाने कहाँ चला गया।

श्लोक 31 (devibhagavatam.1.5.31)

अन्धकारे तदा घोरे शान्ते ब्रह्महरौ तदा । शिरोहीनं शरीरं तु ददृशाते विलक्षणम् ॥ 5.31 ॥

andhakāre tadā ghore śānte brahmaharau tadā śirohīnaṁ śarīraṁ tu dadṛśāte vilakṣaṇam

तब उस घोर अन्धकार में, ब्रह्मा और हर के शान्त हो जाने पर, उन दोनों ने वह विलक्षण, सिररहित शरीर देखा।

श्लोक 32 (devibhagavatam.1.5.32)

दृष्ट्वा कबन्धं विष्णोस्ते विस्मिताः सुरसत्तमाः । चिन्तासागरमग्नाश्च रुरुदुः शोककर्शिताः ॥ 5.32 ॥

dṛṣṭvā kabandhaṁ viṣṇoste vismitāḥ surasattamāḥ cintāsāgaramagnāśca ruruduḥ śokakarśitāḥ

विष्णु के धड़ को देखकर वे देवश्रेष्ठ विस्मित हो गए, और चिन्ता-सागर में डूबकर शोक से क्षीण होकर रोने लगे।

श्लोक 33 (devibhagavatam.1.5.33)

हा नाथ किं प्रभो जातमत्यद्भुतममानुषम् । वैशसं सर्वदेवानां देवदेव सनातन ॥ 5.33 ॥

hā nātha kiṁ prabho jātamatyadbhutamamānuṣam vaiśasaṁ sarvadevānāṁ devadeva sanātana

'हाय नाथ! हे प्रभो! यह कैसा अत्यंत अद्भुत, अमानवीय अनर्थ हुआ! हे सनातन देवाधिदेव! यह तो समस्त देवों का विनाश है।'

श्लोक 34 (devibhagavatam.1.5.34)

मायेयं कस्य देवस्य यया तेऽद्य शिरो हृतम् । अच्छेद्यस्त्वमभेद्योऽसि अप्रदाह्योऽसि सर्वदा ॥ 5.34 ॥

māyeyaṁ kasya devasya yayā te'dya śiro hṛtam acchedyastvamabhedyo'si apradāhyo'si sarvadā

'यह किस देव की माया है, जिसने आज आपका सिर हर लिया? आप तो अच्छेद्य हैं, अभेद्य हैं, सदा अदाह्य हैं!'

श्लोक 35 (devibhagavatam.1.5.35)

एवं गते त्वयि विभो मरिष्यन्ति च देवताः । कीदृशस्त्वयि नः स्नेहः स्वार्थेनैव रुदामहे ॥ 5.35 ॥

evaṁ gate tvayi vibho mariṣyanti ca devatāḥ kīdṛśastvayi naḥ snehaḥ svārthenaiva rudāmahe

'हे विभो! आपके इस प्रकार चले जाने पर तो देवगण भी मर जाएँगे। हमारा आपसे कैसा स्नेह है — हम तो केवल अपने स्वार्थ से ही रो रहे हैं!'

श्लोक 36 (devibhagavatam.1.5.36)

नायं विघ्नः कृतो दैत्यैर्न यक्षैर्न च राक्षसैः । देवैरेव कृतः कस्य दूषणं च रमापते ॥ 5.36 ॥

nāyaṁ vighnaḥ kṛto daityairna yakṣairna ca rākṣasaiḥ devaireva kṛtaḥ kasya dūṣaṇaṁ ca ramāpate

'यह विघ्न न दैत्यों ने किया, न यक्षों ने, न राक्षसों ने — यह तो देवों ने ही किया है; हे रमापते! अब किसे दोष दें?'

श्लोक 37 (devibhagavatam.1.5.37)

पराधीनाः सुराः सर्वे किं कुर्मः क्व व्रजाम च । शरणं नैव देवेश सुराणां मूढचेतसाम् ॥ 5.37 ॥

parādhīnāḥ surāḥ sarve kiṁ kurmaḥ kva vrajāma ca śaraṇaṁ naiva deveśa surāṇāṁ mūḍhacetasām

'सभी देव पराधीन हैं; हम क्या करें, कहाँ जाएँ? हे देवेश! भ्रमित चित्त वाले हम देवों के लिए कोई शरण नहीं है।'

श्लोक 38 (devibhagavatam.1.5.38)

न चैषा सात्त्विकी माया राजसी न च तामसी । यया छिन्नं शिरस्तेऽद्य मायेशस्य जगद्गुरोः ॥ 5.38 ॥

na caiṣā sāttvikī māyā rājasī na ca tāmasī yayā chinnaṁ śiraste'dya māyeśasya jagadguroḥ

'यह माया भी न सात्त्विकी है, न राजसी, न तामसी — जिससे, हे मायेश! हे जगद्गुरु! आपका सिर आज कट गया।'

श्लोक 39 (devibhagavatam.1.5.39)

क्रन्दमानांस्तदा दृष्ट्वा देवाञ्छिवपुरोगमान् । बृहस्पतिस्तदोवाच शमयन्वेदवित्तमः ॥ 5.39 ॥

krandamānāṁstadā dṛṣṭvā devāñchivapurogamān bṛhaspatistadovāca śamayanvedavittamaḥ

शिव के नेतृत्व वाले देवों को इस प्रकार रोते देखकर, वेदज्ञों में श्रेष्ठ बृहस्पति ने उन्हें सांत्वना देते हुए कहा —

श्लोक 40 (devibhagavatam.1.5.40)

रुदितेन महाभागाः क्रन्दितेन तथापि किम् । उपायश्चात्र कर्तव्यः सर्वथा बुद्धिगोचरः ॥ 5.40 ॥

ruditena mahābhāgāḥ kranditena tathāpi kim upāyaścātra kartavyaḥ sarvathā buddhigocaraḥ

'हे महाभागो! रोने-विलाप करने से भी क्या लाभ? यहाँ बुद्धिगम्य कोई उपाय ही करना चाहिए।'

श्लोक 41 (devibhagavatam.1.5.41)

दैवं पुरुषकारश्च देवेश सदृशावुभौ । उपायश्च विधातव्यो दैवात्फलति सर्वथा ॥ 5.41 ॥

daivaṁ puruṣakāraśca deveśa sadṛśāvubhau upāyaśca vidhātavyo daivātphalati sarvathā

'हे देवेश! दैव और पुरुषार्थ दोनों समान हैं; उपाय तो अवश्य करना ही चाहिए, फल सर्वदा दैव से ही मिलता है।'

श्लोक 42 (devibhagavatam.1.5.42)

इन्द्र उवाच । दैवमेव परं मन्ये धिक्पौरुषमनर्थकम् । विष्णोरपि शिरश्छिन्नं सुराणां चैव पश्यताम् ॥ 5.42 ॥

indra uvāca daivameva paraṁ manye dhikpauruṣamanarthakam viṣṇorapi śiraśchinnaṁ surāṇāṁ caiva paśyatām

इन्द्र ने कहा — 'मैं दैव को ही सर्वोपरि मानता हूँ; पुरुषार्थ को धिक्कार है, वह व्यर्थ है — देवों के देखते-देखते विष्णु का भी सिर कट गया।'

श्लोक 43 (devibhagavatam.1.5.43)

ब्रह्मोवाच । अवश्यमेव भोक्तव्यं कालेनापादितं च यत् । शुभं वाप्यशुभं वापि दैवं कोऽतिक्रमेत्पुनः ॥ 5.43 ॥

brahmovāca avaśyameva bhoktavyaṁ kālenāpāditaṁ ca yat śubhaṁ vāpyaśubhaṁ vāpi daivaṁ ko'tikrametpunaḥ

ब्रह्मा ने कहा — 'जो कुछ काल द्वारा घटित होता है, शुभ हो या अशुभ, उसे अवश्य ही भोगना पड़ता है; दैव को फिर कौन लांघ सकता है?'

श्लोक 44 (devibhagavatam.1.5.44)

देहवान्सुखदुःखानां भोक्ता नैवात्र संशयः । यथा कालवशात्कृत्तं शिरो मे शम्भुना पुरा ॥ 5.44 ॥

dehavānsukhaduḥkhānāṁ bhoktā naivātra saṁśayaḥ yathā kālavaśātkṛttaṁ śiro me śambhunā purā

'देहधारी सुख-दुःख का भोक्ता अवश्य होता है, इसमें कोई संशय नहीं; जैसे पूर्वकाल में शम्भु द्वारा काल के वशीभूत होकर मेरा भी सिर काट दिया गया था,'

श्लोक 45 (devibhagavatam.1.5.45)

तथैव लिङ्गपातश्च महादेवस्य शापतः । तथैवाद्य हरेर्मूर्धा पतितो लवणाम्भसि ॥ 5.45 ॥

tathaiva liṅgapātaśca mahādevasya śāpataḥ tathaivādya harermūrdhā patito lavaṇāmbhasi

'और जैसे शाप से महादेव का लिंग भी गिरा था — उसी प्रकार आज हरि का सिर भी लवण-सागर में गिरा है।'

श्लोक 46 (devibhagavatam.1.5.46)

सहस्रभगसम्प्राप्तिर्दुःखं चैव शचीपतेः । स्वर्गाद्भ्रंशस्तथा वासः कमले मानसे सरे ॥ 5.46 ॥

sahasrabhagasamprāptirduḥkhaṁ caiva śacīpateḥ svargādbhraṁśastathā vāsaḥ kamale mānase sare

'सहस्र-भग की प्राप्ति ही शचीपति (इन्द्र) का दुःख था; और स्वर्ग से पतन तथा मानस-सरोवर के कमल में निवास भी।'

श्लोक 47 (devibhagavatam.1.5.47)

एते दुःखस्य भोक्तारः केन दुःखं न भुज्यते । संसारेऽस्मिन्महाभागास्तस्माच्छोकं त्यजन्तु वै ॥ 5.47 ॥

ete duḥkhasya bhoktāraḥ kena duḥkhaṁ na bhujyate saṁsāre'sminmahābhāgāstasmācchokaṁ tyajantu vai

'ये सब दुःख के भोक्ता रहे हैं — इस संसार में किसके द्वारा दुःख नहीं भोगा जाता? हे महाभागो! अतः शोक त्याग दो।'

श्लोक 48 (devibhagavatam.1.5.48)

चिन्तयन्तु महामायां विद्यादेवीं सनातनीम् । सा विधास्यति नः कार्यं निर्गुणा प्रकृतिः परा ॥ 5.48 ॥

cintayantu mahāmāyāṁ vidyādevīṁ sanātanīm sā vidhāsyati naḥ kāryaṁ nirguṇā prakṛtiḥ parā

'सनातनी विद्या-देवी महामाया का चिन्तन करो; वे परा, निर्गुण प्रकृति ही हमारा कार्य सम्पन्न करेंगी।'

श्लोक 49 (devibhagavatam.1.5.49)

ब्रह्मविद्यां जगद्धात्रीं सर्वेषां जननीं तथा । यया सर्वमिदं व्याप्तं त्रैलोक्यं सचराचरम् ॥ 5.49 ॥

brahmavidyāṁ jagaddhātrīṁ sarveṣāṁ jananīṁ tathā yayā sarvamidaṁ vyāptaṁ trailokyaṁ sacarācaram

'ब्रह्मविद्या, जगत की धात्री, सबकी जननी — जिनसे यह सम्पूर्ण त्रैलोक्य, चराचर सहित, व्याप्त है।'

श्लोक 50 (devibhagavatam.1.5.50)

सूत उवाच । इत्युक्त्वा वै सुरान्वेधा निगमानादिदेश ह । देहयुक्तान्स्थितानग्रे सुरकार्यार्थसिद्धये ॥ 5.50 ॥

sūta uvāca ityuktvā vai surānvedhā nigamānādideśa ha dehayuktānsthitānagre surakāryārthasiddhaye

सूत ने कहा — देवों से इस प्रकार कहकर, ब्रह्मा ने देवकार्य की सिद्धि के लिए अपने समक्ष खड़े देहधारी वेदों को आदेश दिया।

श्लोक 51 (devibhagavatam.1.5.51)

ब्रह्मोवाच । स्तुवन्तु परमां देवीं ब्रह्मविद्यां सनातनीम् । गूढाङ्गीं च महामायां सर्वकार्यार्थसाधनीम् ॥ 5.51 ॥

brahmovāca stuvantu paramāṁ devīṁ brahmavidyāṁ sanātanīm gūḍhāṅgīṁ ca mahāmāyāṁ sarvakāryārthasādhanīm

ब्रह्मा ने कहा — 'सनातनी ब्रह्मविद्या, गूढ़ रूप वाली सर्वकार्यसाधिका महामाया, उस परम देवी की स्तुति करो।'

श्लोक 52 (devibhagavatam.1.5.52)

तच्छ्रुत्वा वचनं तस्य वेदाः सर्वाङ्गसुन्दराः । तुष्टुवुर्ज्ञानगम्यां तां महामायां जगत्स्थिताम् ॥ 5.52 ॥

tacchrutvā vacanaṁ tasya vedāḥ sarvāṅgasundarāḥ tuṣṭuvurjñānagamyāṁ tāṁ mahāmāyāṁ jagatsthitām

उनका यह वचन सुनकर, सर्वांगसुंदर वेदों ने जगत में स्थित, ज्ञानगम्य उस महामाया की स्तुति की।

श्लोक 53 (devibhagavatam.1.5.53)

वेदा ऊचुः । नमो देवि महामाये विश्वोत्पत्तिकरे शिवे । निर्गुणे सर्वभूतेशि मातः शङ्करकामदे ॥ 5.53 ॥

vedā ūcuḥ namo devi mahāmāye viśvotpattikare śive nirguṇe sarvabhūteśi mātaḥ śaṅkarakāmade

वेदों ने कहा — हे महामाया देवि! विश्व की उत्पत्तिकारिणी, कल्याणमयी, निर्गुणा, सर्वभूतेश्वरी, हे माता! शंकर की प्रिय — आपको नमस्कार है।

श्लोक 54 (devibhagavatam.1.5.54)

त्वं भूमिः सर्वभूतानां प्राणाः प्राणवतां तथा । धीः श्रीः कान्तिः क्षमा शान्तिः श्रद्धा मेधा धृतिः स्मृतिः ॥ 5.54 ॥

tvaṁ bhūmiḥ sarvabhūtānāṁ prāṇāḥ prāṇavatāṁ tathā dhīḥ śrīḥ kāntiḥ kṣamā śāntiḥ śraddhā medhā dhṛtiḥ smṛtiḥ

आप ही समस्त प्राणियों की भूमि हैं, और प्राणवानों के प्राण भी; आप ही बुद्धि, श्री, कान्ति, क्षमा, शान्ति, श्रद्धा, मेधा, धृति और स्मृति हैं।

श्लोक 55 (devibhagavatam.1.5.55)

त्वमुद्गीथेऽर्धमात्रासि गायत्री व्याहृतिस्तथा । जया च विजया धात्री लज्जा कीर्तिः स्पृहा दया ॥ 5.55 ॥

tvamudgīthe'rdhamātrāsi gāyatrī vyāhṛtistathā jayā ca vijayā dhātrī lajjā kīrtiḥ spṛhā dayā

आप उद्गीथ में अर्धमात्रा हैं, गायत्री हैं, तथा व्याहृतियाँ भी; आप जया, विजया, धात्री, लज्जा, कीर्ति, स्पृहा और दया हैं।

श्लोक 56 (devibhagavatam.1.5.56)

त्वां संस्तुमोऽम्ब भुवनत्रयसंविधान\- दक्षां दयारसयुतां जननीं जनानाम् । विद्यां शिवां सकललोकहितां वरेण्यां वाग्बीजवासनिपुणां भवनाशकर्त्रीम् ॥ 5.56 ॥

tvāṁ saṁstumo'mba bhuvanatrayasaṁvidhāna\- dakṣāṁ dayārasayutāṁ jananīṁ janānām vidyāṁ śivāṁ sakalalokahitāṁ vareṇyāṁ vāgbījavāsanipuṇāṁ bhavanāśakartrīm

हे माता! हम आपकी स्तुति करते हैं — त्रिभुवन की व्यवस्था में दक्ष, दया-रस से पूर्ण, प्राणियों की जननी, कल्याणमयी विद्या, समस्त लोकों की हितकारिणी, वरणीय, वाक्-बीज में निपुण, संसार का नाश करने वाली।

श्लोक 57 (devibhagavatam.1.5.57)

ब्रह्मा हरः शौरिसहस्रनेत्र\- वाग्वह्निसूर्या भुवनाधिनाथाः । ते त्वत्कृताः सन्ति ततो न मुख्या माता यतस्त्वं स्थिरजङ्गमानाम् ॥ 5.57 ॥

brahmā haraḥ śaurisahasranetra\- vāgvahnisūryā bhuvanādhināthāḥ te tvatkṛtāḥ santi tato na mukhyā mātā yatastvaṁ sthirajaṅgamānām

ब्रह्मा, हर, शौरि (विष्णु), सहस्रनेत्र (इन्द्र), वाणी, अग्नि, सूर्य — ये लोकाधिनाथ भी आपके ही द्वारा रचे गए हैं, अतः वे प्रमुख नहीं हैं; क्योंकि आप ही स्थावर-जंगम की जननी हैं।

श्लोक 58 (devibhagavatam.1.5.58)

सकलभुवनमेतत्कर्तुकामा यदा त्वं सृजसि जननि देवान्विष्णुरुद्राजमुख्यान् । स्थितिलयजननं तैः कारयस्येकरूपा न खलु तव कथञ्चिद्देवि संसारलेशः ॥ 5.58 ॥

sakalabhuvanametatkartukāmā yadā tvaṁ sṛjasi janani devānviṣṇurudrājamukhyān sthitilayajananaṁ taiḥ kārayasyekarūpā na khalu tava kathañciddevi saṁsāraleśaḥ

हे जननी! जब आप इस सम्पूर्ण भुवन की रचना करना चाहती हैं, तब आप ही विष्णु, रुद्र, अज (ब्रह्मा) आदि प्रमुख देवों को रचती हैं; एकरूपा होकर भी उनसे स्थिति, प्रलय और उत्पत्ति कराती हैं; और हे देवि! फिर भी संसार का लेशमात्र भी आपको स्पर्श नहीं करता।

श्लोक 59 (devibhagavatam.1.5.59)

न ते रूपं वेत्तुं सकलभुवने कोऽपि निपुणो न नाम्नां सङ्ख्यां ते कथितुमिह योग्योऽस्ति पुरुषः । यदल्पं कीलालं कलयितुमशक्तः स तु नरः कथं पारावाराकलनचतुरः स्यादृतमतिः ॥ 5.59 ॥

na te rūpaṁ vettuṁ sakalabhuvane ko'pi nipuṇo na nāmnāṁ saṅkhyāṁ te kathitumiha yogyo'sti puruṣaḥ yadalpaṁ kīlālaṁ kalayitumaśaktaḥ sa tu naraḥ kathaṁ pārāvārākalanacaturaḥ syādṛtamatiḥ

समस्त भुवन में आपके स्वरूप को जानने में कोई भी निपुण नहीं है, न ही यहाँ कोई पुरुष आपके नामों की गणना कहने योग्य है; जो पुरुष एक छोटे जलकुण्ड को भी मापने में असमर्थ है, वह समुद्र को नापने में कैसे चतुर हो सकता है, चाहे उसकी बुद्धि कितनी ही सूक्ष्म क्यों न हो?

श्लोक 60 (devibhagavatam.1.5.60)

न देवानां मध्ये भगवति तवानन्तविभवं विजानात्येकोऽपि त्वमिह भुवनैकासि जननी । कथं मिथ्या विश्वं सकलमपि चैका रचयसि प्रमाणं त्वेतस्मिन्निगमवचनं देवि विहितम् ॥ 5.60 ॥

na devānāṁ madhye bhagavati tavānantavibhavaṁ vijānātyeko'pi tvamiha bhuvanaikāsi jananī kathaṁ mithyā viśvaṁ sakalamapi caikā racayasi pramāṇaṁ tvetasminnigamavacanaṁ devi vihitam

हे भगवति! देवों में से भी कोई एक भी आपके अनन्त वैभव को नहीं जानता; आप ही यहाँ भुवन की एकमात्र जननी हैं। हे देवि! एक होकर आप यह सम्पूर्ण विश्व मिथ्या रूप में कैसे रचती हैं — इसमें वेद-वचन ही प्रमाण माना गया है।

श्लोक 61 (devibhagavatam.1.5.61)

निरीहैवासि त्वं निखिलजगतां कारणमहो चरित्रं ते चित्रं भगवति मनो नो व्यथयति । कथङ्कारं वाच्यः सकलनिगमागोचरगुण\- प्रभावः स्वं यस्मात्स्वयमपि न जानासि परमम् ॥ 5.61 ॥

nirīhaivāsi tvaṁ nikhilajagatāṁ kāraṇamaho caritraṁ te citraṁ bhagavati mano no vyathayati kathaṅkāraṁ vācyaḥ sakalanigamāgocaraguṇa\- prabhāvaḥ svaṁ yasmātsvayamapi na jānāsi paramam

आप निरीह होकर भी समस्त जगतों के कारण हैं — हे भगवति! आपका यह विचित्र चरित्र हमारे मन को व्यथित करता है। समस्त निगमों की पहुँच से परे आपके गुणों के प्रभाव का वर्णन कैसे किया जाए, जब आप स्वयं भी अपने परम स्वरूप को नहीं जानतीं?

श्लोक 62 (devibhagavatam.1.5.62)

न किं जानासि त्वं जननि मधुजिन्मौलिपतनम् ॥ शिवे किं वा ज्ञात्वा विविदिषसि शक्तिं मधुजितः । हरेः किं वा मातर्दुरितततिरेषा बलवती ॥ भवत्याः पादाब्जे भजननिपुणे क्वास्ति दुरितम् ॥ 5.62 ॥

na kiṁ jānāsi tvaṁ janani madhujinmaulipatanam śive kiṁ vā jñātvā vividiṣasi śaktiṁ madhujitaḥ hareḥ kiṁ vā mātarduritatatireṣā balavatī bhavatyāḥ pādābje bhajananipuṇe kvāsti duritam

हे जननी! क्या आप मधु के विजेता के मस्तक-पतन को नहीं जानतीं? हे शिवे! या जानकर भी मधुजित् की शक्ति परखना चाहती हैं? हे माता! क्या हरि पर आया यह संकट इतना बलवान है — जबकि आपके चरण-कमल की भक्ति में निपुण के लिए कहाँ कोई संकट है?

श्लोक 63 (devibhagavatam.1.5.63)

उपेक्षा किं चेयं तव सुरसमूहेऽतिविषमा ॥ हरेर्मूर्ध्नो नाशो मतमिह महाश्चर्यजनकम् । महद्दुःखं मातस्त्वमसि जननच्छेदकुशला ॥ न जानीमो मौलेर्विघटनविलम्बः कथमभूत् ॥ 5.63 ॥

upekṣā kiṁ ceyaṁ tava surasamūhe'tiviṣamā harermūrdhno nāśo matamiha mahāścaryajanakam mahadduḥkhaṁ mātastvamasi jananacchedakuśalā na jānīmo maulervighaṭanavilambaḥ kathamabhūt

क्या देवसमूह के प्रति आपकी यह अत्यंत कठोर उपेक्षा है? हरि के सिर का नष्ट होना हमारे लिए महान आश्चर्य का विषय है। हे माता! यह हमारा बड़ा दुःख है — आप तो जन्म को समाप्त करने में कुशल हैं; हम नहीं जानते कि मुकुट के गिरने में यह विलम्ब कैसे हुआ।

श्लोक 64 (devibhagavatam.1.5.64)

ज्ञात्वा दोषं सकलसुरतापादितं देवि चित्ते किं वा विष्णावमरजनितं दुष्कृतं पातितं ते । विष्णोर्वा किं समरजनितः कोऽपि गर्वोऽतिवेगा\- च्छेत्तुं मातस्तव विलसितं नैव विद्मोऽत्र भावम् ॥ 5.64 ॥

jñātvā doṣaṁ sakalasuratāpāditaṁ devi citte kiṁ vā viṣṇāvamarajanitaṁ duṣkṛtaṁ pātitaṁ te viṣṇorvā kiṁ samarajanitaḥ ko'pi garvo'tivegā\- cchettuṁ mātastava vilasitaṁ naiva vidmo'tra bhāvam

हे देवि! क्या आपने चित्त में समस्त देवों द्वारा किए किसी दोष को जानकर यह किया? या विष्णु में देवों द्वारा उत्पन्न किसी दुष्कृत्य का फल उन्हीं पर पड़ा है? या युद्ध से उत्पन्न विष्णु का कोई अत्यंत तीव्र गर्व था, जिसे काटने के लिए, हे माता! आपकी यह लीला हुई — हम इसका भाव नहीं जानते।

श्लोक 65 (devibhagavatam.1.5.65)

किं वा दैत्यैः समरविजितैस्तीर्थदेशे सुरम्ये घोरं तप्त्वा भगवति वरं लब्धवद्भिर्भवत्याः । अन्तर्धानं गमितमधुना विष्णुशीर्षं भवानि द्रष्टुं किं वा विगतशिरसं वासुदेवं विनोदः ॥ 5.65 ॥

kiṁ vā daityaiḥ samaravijitaistīrthadeśe suramye ghoraṁ taptvā bhagavati varaṁ labdhavadbhirbhavatyāḥ antardhānaṁ gamitamadhunā viṣṇuśīrṣaṁ bhavāni draṣṭuṁ kiṁ vā vigataśirasaṁ vāsudevaṁ vinodaḥ

या युद्ध में विजित दैत्यों ने किसी सुरम्य तीर्थ में घोर तप करके आपसे कोई वर प्राप्त किया, जिससे अभी विष्णु का सिर अंतर्धान हो गया? या, हे भवानि! यह केवल आपकी लीला है, वासुदेव को सिररहित देखने का विनोद?

श्लोक 66 (devibhagavatam.1.5.66)

सिन्धोः पुत्र्यां रोषिता किं त्वमाद्ये कस्मादेनां प्रेक्षसे नाथहीनाम् । क्षन्तव्यस्ते स्वांशजातापराधो व्युत्थाप्यैनं मोदिता मां कुरुष्व ॥ 5.66 ॥

sindhoḥ putryāṁ roṣitā kiṁ tvamādye kasmādenāṁ prekṣase nāthahīnām kṣantavyaste svāṁśajātāparādho vyutthāpyainaṁ moditā māṁ kuruṣva

हे आद्ये! क्या आप सिन्धु-पुत्री (लक्ष्मी) से रुष्ट हैं? आप उन्हें नाथहीन देखकर क्यों देखती हैं? आपके ही अंश से उत्पन्न इस अपराध को आपको ही क्षमा करना चाहिए; उन्हें फिर से उठाकर मुझे प्रसन्न कीजिए।

श्लोक 67 (devibhagavatam.1.5.67)

एते सुरास्त्वां सततं नमन्ति कार्येषु मुख्याः प्रथितप्रभावाः । शोकार्णवात्तारय देवि देवा\- नुत्थाप्य देवं सकलाधिनाथम् ॥ 5.67 ॥

ete surāstvāṁ satataṁ namanti kāryeṣu mukhyāḥ prathitaprabhāvāḥ śokārṇavāttāraya devi devā\- nutthāpya devaṁ sakalādhinātham

ये देवगण, अपने कार्यों में प्रमुख, प्रसिद्ध प्रभाव वाले, सदा आपको नमस्कार करते हैं; हे देवि! देव-देव को पुनः उठाकर, देवों को इस शोक-सागर से तार दीजिए।

श्लोक 68 (devibhagavatam.1.5.68)

मूर्धा गतः क्वाम्ब हरेर्न विद्मो नान्योऽस्त्युपायः खलु जीवनेऽद्य । यथा सुधा जीवनकर्मदक्षा तथा जगज्जीवितदासि देवि ॥ 5.68 ॥

mūrdhā gataḥ kvāmba harerna vidmo nānyo'styupāyaḥ khalu jīvane'dya yathā sudhā jīvanakarmadakṣā tathā jagajjīvitadāsi devi

हे माता! हरि का सिर कहाँ चला गया, हम नहीं जानते; आज जीवन के लिए इसके अतिरिक्त कोई अन्य उपाय नहीं है। जैसे अमृत जीवन देने में दक्ष है, वैसे ही, हे देवि! आप ही जगत को जीवन देने वाली हैं।

श्लोक 69 (devibhagavatam.1.5.69)

सूत उवाच । एवं स्तुता तदा देवी गुणातीता महेश्वरी । प्रसन्ना परमा माया वेदैः साङ्गैश्च सामगैः ॥ 5.69 ॥

sūta uvāca evaṁ stutā tadā devī guṇātītā maheśvarī prasannā paramā māyā vedaiḥ sāṅgaiśca sāmagaiḥ

सूत ने कहा — इस प्रकार अंगसहित वेदों तथा सामगायकों द्वारा स्तुति की जाने पर, गुणातीत, महेश्वरी, परम माया वह देवी प्रसन्न हो गईं।

श्लोक 70 (devibhagavatam.1.5.70)

तानुवाच तदा वाणी चाकाशस्थाशरीरिणी । देवान्प्रति सुखैः शब्दैर्जनानन्दकरी शुभा ॥ 5.70 ॥

tānuvāca tadā vāṇī cākāśasthāśarīriṇī devānprati sukhaiḥ śabdairjanānandakarī śubhā

तब आकाश में स्थित, अशरीरी, कल्याणमयी वाणी ने देवों को आनन्दित करने वाले मधुर शब्दों में कहा —

श्लोक 71 (devibhagavatam.1.5.71)

मा कुरुध्वं सुराश्चिन्तां स्वस्थास्तिष्ठन्तु चामराः । स्तुताहं निगमैः कामं सन्तुष्टास्मि न संशयः ॥ 5.71 ॥

mā kurudhvaṁ surāścintāṁ svasthāstiṣṭhantu cāmarāḥ stutāhaṁ nigamaiḥ kāmaṁ santuṣṭāsmi na saṁśayaḥ

'हे देवो! चिन्ता मत करो, अमरगण स्वस्थ रहें; वेदों ने मेरी भलीभाँति स्तुति की है, मैं निःसंदेह पूर्णतः संतुष्ट हूँ।'

श्लोक 72 (devibhagavatam.1.5.72)

यः पुमान्मानुषे लोके स्तौत्येतां मामकीं स्तुतिम् । पतिष्यति सदा भक्त्या सर्वान्कामानवाप्नुयात् ॥ 5.72 ॥

yaḥ pumānmānuṣe loke stautyetāṁ māmakīṁ stutim patiṣyati sadā bhaktyā sarvānkāmānavāpnuyāt

'जो मनुष्य इस लोक में मेरी इस स्तुति का पाठ करेगा, वह सदा भक्तिपूर्वक पढ़ते हुए समस्त कामनाओं को प्राप्त करेगा।'

श्लोक 73 (devibhagavatam.1.5.73)

शृणोति वा स्तोत्रमिदं मदीयं भक्त्या त्रिकालं सततं नरो यः । विमुक्तदुःखः स भवेत्सुखी च वेदोक्तमेतन्ननु वेदतुल्यम् ॥ 5.73 ॥

śṛṇoti vā stotramidaṁ madīyaṁ bhaktyā trikālaṁ satataṁ naro yaḥ vimuktaduḥkhaḥ sa bhavetsukhī ca vedoktametannanu vedatulyam

'अथवा जो मनुष्य भक्तिपूर्वक निरन्तर त्रिकाल इस मेरी स्तुति को सुनता है, वह दुःखों से मुक्त होकर सुखी होगा — यह वेदोक्त बात वेद के समान ही है।'

श्लोक 74 (devibhagavatam.1.5.74)

शृण्वन्तु कारणं चाद्य यद्गतं वदनं हरेः । अकारणं कथं कार्यं संसारेऽत्र भविष्यति ॥ 5.74 ॥

śṛṇvantu kāraṇaṁ cādya yadgataṁ vadanaṁ hareḥ akāraṇaṁ kathaṁ kāryaṁ saṁsāre'tra bhaviṣyati

'अब सुनो, हरि का सिर किस कारण गया — इस संसार में बिना कारण कोई कार्य कैसे हो सकता है?'

श्लोक 75 (devibhagavatam.1.5.75)

उदधेस्तनयां विष्णुः संस्थितामन्तिके प्रियाम् । जहास वदनं वीक्ष्य तस्यास्तत्र मनोरमम् ॥ 5.75 ॥

udadhestanayāṁ viṣṇuḥ saṁsthitāmantike priyām jahāsa vadanaṁ vīkṣya tasyāstatra manoramam

विष्णु ने समुद्र-पुत्री लक्ष्मी को, जो अपने पास बैठी थीं, उनका मनोहर मुख देखकर हँस दिया।

श्लोक 76 (devibhagavatam.1.5.76)

तया ज्ञातं हरिर्नूनं कथं मां हसति प्रभुः । विरूपं हरिणा दृष्टं मुखं मे केन हेतुना ॥ 5.76 ॥

tayā jñātaṁ harirnūnaṁ kathaṁ māṁ hasati prabhuḥ virūpaṁ hariṇā dṛṣṭaṁ mukhaṁ me kena hetunā

उन्होंने सोचा — 'निश्चय ही प्रभु हरि मुझ पर हँस रहे हैं, किस कारण? क्या हरि ने मेरे मुख में कोई विरूपता देखी है?'

श्लोक 77 (devibhagavatam.1.5.77)

विनापि कारणेनाद्य कथं हास्यस्य सम्भवः । सपत्नीव कृता तेन मन्येऽन्या वरवर्णिनी ॥ 5.77 ॥

vināpi kāraṇenādya kathaṁ hāsyasya sambhavaḥ sapatnīva kṛtā tena manye'nyā varavarṇinī

'बिना किसी कारण के आज हँसी कैसे सम्भव है? मुझे लगता है, उन्होंने किसी अन्य सुंदरी को मेरी सौत बना लिया है।'

श्लोक 78 (devibhagavatam.1.5.78)

ततः कोपयुता जाता महालक्ष्मी तमोगुणा । तामसी तु तदा शक्तिस्तस्या देहे समाविशत् ॥ 5.78 ॥

tataḥ kopayutā jātā mahālakṣmī tamoguṇā tāmasī tu tadā śaktistasyā dehe samāviśat

तब महालक्ष्मी क्रोध से भर उठीं, तमोगुण से युक्त हो गईं; उस समय तामसी शक्ति उनके शरीर में प्रविष्ट हो गई।

श्लोक 79 (devibhagavatam.1.5.79)

केनचित्कालयोगेन देवकार्यार्थसिद्धये । प्रविष्टा तामसी शक्तिस्तस्या देहेऽतिदारुणा ॥ 5.79 ॥

kenacitkālayogena devakāryārthasiddhaye praviṣṭā tāmasī śaktistasyā dehe'tidāruṇā

किसी कालयोग से, देवकार्य की सिद्धि के लिए, वह अत्यंत भयंकर तामसी शक्ति उनके शरीर में प्रविष्ट हुई।

श्लोक 80 (devibhagavatam.1.5.80)

तामस्याविष्टदेहा सा चुकोपातिशयं तदा । शनकैः समुवाचेदमिदं पततु ते शिरः ॥ 5.80 ॥

tāmasyāviṣṭadehā sā cukopātiśayaṁ tadā śanakaiḥ samuvācedamidaṁ patatu te śiraḥ

तामसी शक्ति से आविष्ट होकर वे अत्यंत क्रोधित हो गईं, और धीरे से यह वचन बोलीं — 'तुम्हारा सिर गिर जाए!'

श्लोक 81 (devibhagavatam.1.5.81)

स्त्रीस्वभावाच्च भावित्वात्कालयोगाद्विनिर्गतः । अविचार्य तदा दत्तः शापः स्वसुखनाशनः ॥ 5.81 ॥

strīsvabhāvācca bhāvitvātkālayogādvinirgataḥ avicārya tadā dattaḥ śāpaḥ svasukhanāśanaḥ

स्त्री-स्वभाव के कारण और उस काल के प्रभाव से, बिना विचारे ही यह शाप दे दिया गया, जो उनके अपने ही सुख का नाश करने वाला था।

श्लोक 82 (devibhagavatam.1.5.82)

सपत्नीसम्भवं दुःखं वैधव्यादधिकं त्विति । विचिन्त्य मनसेत्युक्तं तामसीशक्तियोगतः ॥ 5.82 ॥

sapatnīsambhavaṁ duḥkhaṁ vaidhavyādadhikaṁ tviti vicintya manasetyuktaṁ tāmasīśaktiyogataḥ

'सौत से उत्पन्न दुःख वैधव्य से भी अधिक है' — ऐसा मन में सोचकर तामसी शक्ति के प्रभाव से यह वचन कहा गया।

श्लोक 83 (devibhagavatam.1.5.83)

अनृतं साहसं माया मूर्खत्वमतिलोभता । अशौचं निर्दयत्वं च स्त्रीणां दोषाः स्वभावजाः ॥ 5.83 ॥

anṛtaṁ sāhasaṁ māyā mūrkhatvamatilobhatā aśaucaṁ nirdayatvaṁ ca strīṇāṁ doṣāḥ svabhāvajāḥ

असत्य, दुःसाहस, माया, मूर्खता, अत्यधिक लोभ, अशौच और निर्दयता — ये स्त्रियों के स्वभावजन्य दोष हैं।

श्लोक 84 (devibhagavatam.1.5.84)

सशीर्षं वासुदेवं तं करोम्यद्य यथा पुरा । शिरोऽस्य शापयोगेन निमग्नं लवणाम्बुधौ ॥ 5.84 ॥

saśīrṣaṁ vāsudevaṁ taṁ karomyadya yathā purā śiro'sya śāpayogena nimagnaṁ lavaṇāmbudhau

'मैं आज वासुदेव को पूर्ववत् सिरयुक्त कर दूँगी' — इसी बीच शाप के प्रभाव से उनका सिर लवण-सागर में डूब चुका था।

श्लोक 85 (devibhagavatam.1.5.85)

अन्यच्च कारणं किञ्चिद्वर्तते सुरसत्तमाः । भवतां च महत्कार्यं भविष्यति न संशयः ॥ 5.85 ॥

anyacca kāraṇaṁ kiñcidvartate surasattamāḥ bhavatāṁ ca mahatkāryaṁ bhaviṣyati na saṁśayaḥ

हे देवश्रेष्ठो! इसमें एक अन्य कारण भी विद्यमान है; और तुम्हारा वह महान कार्य भी निःसंदेह सम्पन्न होगा।

श्लोक 86 (devibhagavatam.1.5.86)

पुरा दैत्यो महाबाहुर्हयग्रीवोऽतिविश्रुतः । तपश्चक्रे सरस्वत्यास्तीरे परमदारुणम् ॥ 5.86 ॥

purā daityo mahābāhurhayagrīvo'tiviśrutaḥ tapaścakre sarasvatyāstīre paramadāruṇam

पूर्वकाल में हयग्रीव नामक अत्यंत प्रसिद्ध, महाबाहु दैत्य ने सरस्वती के तट पर परम भयंकर तप किया।

श्लोक 87 (devibhagavatam.1.5.87)

जपन्नेकाक्षरं मन्त्रं मायाबीजात्मकं मम । निराहारो जितात्मा च सर्वभोगविवर्जितः ॥ 5.87 ॥

japannekākṣaraṁ mantraṁ māyābījātmakaṁ mama nirāhāro jitātmā ca sarvabhogavivarjitaḥ

वह मेरे मायाबीज-रूप एकाक्षर मंत्र का जप करता रहा, निराहार, जितेन्द्रिय तथा समस्त भोगों से रहित होकर।

श्लोक 88 (devibhagavatam.1.5.88)

ध्यायन्मां तामसीं शक्तिं सर्वभूषणभूषिताम् । एवं वर्षसहस्रं च तपश्चक्रेऽतिदारुणम् ॥ 5.88 ॥

dhyāyanmāṁ tāmasīṁ śaktiṁ sarvabhūṣaṇabhūṣitām evaṁ varṣasahasraṁ ca tapaścakre'tidāruṇam

समस्त आभूषणों से भूषित, तामसी शक्तिरूपा मेरा ध्यान करते हुए उसने इस प्रकार एक हजार वर्षों तक अत्यंत भयंकर तप किया।

श्लोक 89 (devibhagavatam.1.5.89)

तदाहं तामसं रूपं कृत्वा तत्र समागता । दर्शने पुरतस्तस्य ध्यातं तत्तेन यादृशम् ॥ 5.89 ॥

tadāhaṁ tāmasaṁ rūpaṁ kṛtvā tatra samāgatā darśane puratastasya dhyātaṁ tattena yādṛśam

तब मैं तामसी रूप धारण करके वहाँ आई, उसके सामने उसी रूप में प्रकट हुई जिसका उसने ध्यान किया था।

श्लोक 90 (devibhagavatam.1.5.90)

सिंहोपरि स्थिता तत्र तमवोचं दयान्विता । वरं ब्रूहि महाभाग ददामि तव सुव्रत ॥ 5.90 ॥

siṁhopari sthitā tatra tamavocaṁ dayānvitā varaṁ brūhi mahābhāga dadāmi tava suvrata

सिंह पर बैठी हुई, दयायुक्त होकर मैंने उससे कहा — 'हे महाभाग! वर माँगो, हे सुव्रत! मैं तुम्हें प्रदान करती हूँ।'

श्लोक 91 (devibhagavatam.1.5.91)

इति श्रुत्वा वचो देव्या दानवः प्रेमपूरितः । प्रदक्षिणां प्रणामं च चकार त्वरितस्तदा ॥ 5.91 ॥

iti śrutvā vaco devyā dānavaḥ premapūritaḥ pradakṣiṇāṁ praṇāmaṁ ca cakāra tvaritastadā

देवी का यह वचन सुनकर वह दानव प्रेम से भर उठा, और तुरन्त उसने प्रदक्षिणा तथा प्रणाम किया।

श्लोक 92 (devibhagavatam.1.5.92)

दृष्ट्वा रूपं मदीयं स प्रेमोस्फुल्लविलोचनः । हर्षाश्रुपूर्णनयनस्तुष्टाव स च मां तदा ॥ 5.92 ॥

dṛṣṭvā rūpaṁ madīyaṁ sa premosphullavilocanaḥ harṣāśrupūrṇanayanastuṣṭāva sa ca māṁ tadā

मेरा रूप देखकर, प्रेम से खिले हुए नेत्रों वाला वह हर्ष के आँसुओं से भरे नेत्रों सहित तब मेरी स्तुति करने लगा।

श्लोक 93 (devibhagavatam.1.5.93)

हयग्रीव उवाच । नमो देव्यै महामाये सृष्टिस्थित्यन्तकारिणि । भक्तानुग्रहचतुरे कामदे मोक्षदे शिवे ॥ 5.93 ॥

hayagrīva uvāca namo devyai mahāmāye sṛṣṭisthityantakāriṇi bhaktānugrahacature kāmade mokṣade śive

हयग्रीव ने कहा — सृष्टि-स्थिति-संहार करने वाली, भक्तों पर अनुग्रह करने में कुशल, कामप्रदा, मोक्षप्रदा, कल्याणमयी महामाया देवी को नमस्कार है।

श्लोक 94 (devibhagavatam.1.5.94)

धराम्बुतेजःपवनखपञ्चानां च कारणम् । त्वं गन्धरसरूपाणां कारणं स्पर्शशब्दयोः ॥ 5.94 ॥

dharāmbutejaḥpavanakhapañcānāṁ ca kāraṇam tvaṁ gandharasarūpāṇāṁ kāraṇaṁ sparśaśabdayoḥ

आप ही पृथ्वी, जल, तेज, वायु और आकाश — इन पाँचों के कारण हैं; आप ही गन्ध-रस के रूपों तथा स्पर्श-शब्द के कारण हैं।

श्लोक 95 (devibhagavatam.1.5.95)

घ्राणं च रसना चक्षुस्त्वक्श्रोत्रमिन्द्रियाणि च । कर्मेन्द्रियाणि चान्यानि त्वत्तः सर्वं महेश्वरि ॥ 5.95 ॥

ghrāṇaṁ ca rasanā cakṣustvakśrotramindriyāṇi ca karmendriyāṇi cānyāni tvattaḥ sarvaṁ maheśvari

घ्राण, रसना, नेत्र, त्वचा, श्रोत्र — ये इन्द्रियाँ, तथा अन्य कर्मेन्द्रियाँ भी — हे महेश्वरि! ये सब आपसे ही उत्पन्न हैं।

श्लोक 96 (devibhagavatam.1.5.96)

देव्युवाच । किं तेऽभीष्टं वरं ब्रूहि वाञ्छितं यद्ददामि तत् । परितुष्टास्मि भक्त्या ते तपसा चाद्भुतेन च ॥ 5.96 ॥

devyuvāca kiṁ te'bhīṣṭaṁ varaṁ brūhi vāñchitaṁ yaddadāmi tat parituṣṭāsmi bhaktyā te tapasā cādbhutena ca

देवी ने कहा — तुम्हें कौन-सा वर अभीष्ट है, कहो; जो चाहो, वह मैं देती हूँ। तुम्हारी भक्ति और अद्भुत तप से मैं परम संतुष्ट हूँ।

श्लोक 97 (devibhagavatam.1.5.97)

हयग्रीव उवाच । यथा मे मरणं मातर्न भवेत्तत्तथा कुरु । भवेयममरो योगी तथाजेयः सुरासुरैः ॥ 5.97 ॥

hayagrīva uvāca yathā me maraṇaṁ mātarna bhavettattathā kuru bhaveyamamaro yogī tathājeyaḥ surāsuraiḥ

हयग्रीव ने कहा — हे माता! ऐसा कीजिए कि मेरी मृत्यु न हो; मैं अमर योगी हो जाऊँ और देव-दानवों द्वारा अजेय हो जाऊँ।

श्लोक 98 (devibhagavatam.1.5.98)

देव्युवाच । जातस्य हि ध्रुवं मृत्युर्ध्रुवं जन्म मृतस्य च । मर्यादा चेदृशी लोके भवेच्च कथमन्यथा ॥ 5.98 ॥

devyuvāca jātasya hi dhruvaṁ mṛtyurdhruvaṁ janma mṛtasya ca maryādā cedṛśī loke bhavecca kathamanyathā

देवी ने कहा — जो जन्मा है उसकी मृत्यु निश्चित है, और जो मरा है उसका पुनर्जन्म भी निश्चित है; लोक में ऐसी ही मर्यादा है, वह अन्यथा कैसे हो सकती है?

श्लोक 99 (devibhagavatam.1.5.99)

एवं त्वं निश्चयं कृत्वा मरणे राक्षसोत्तम । वरं वरय चेष्टं ते विचार्य मनसा किल ॥ 5.99 ॥

evaṁ tvaṁ niścayaṁ kṛtvā maraṇe rākṣasottama varaṁ varaya ceṣṭaṁ te vicārya manasā kila

हे राक्षसश्रेष्ठ! इस प्रकार मृत्यु के विषय में निश्चय करके, मन में भलीभाँति विचारकर अपना अभीष्ट वर माँगो।

श्लोक 100 (devibhagavatam.1.5.100)

हयग्रीव उवाच । हयग्रीवाच्च मे मृत्युर्नान्यस्माज्जगदम्बिके । इति मे वाञ्छितं कामं पूरयस्व मनोगतम् ॥ 5.100 ॥

hayagrīva uvāca hayagrīvācca me mṛtyurnānyasmājjagadambike iti me vāñchitaṁ kāmaṁ pūrayasva manogatam

हयग्रीव ने कहा — हे जगदम्बिके! मेरी मृत्यु हयग्रीव के अतिरिक्त किसी अन्य से न हो; मेरी हृदयस्थ यह अभीष्ट कामना पूर्ण कीजिए।

श्लोक 101 (devibhagavatam.1.5.101)

देव्युवाच । गृहं गच्छ महाभाग कुरु राज्यं यथासुखम् । हयग्रीवादृते मृत्युर्न ते नूनं भविष्यति ॥ 5.101 ॥

devyuvāca gṛhaṁ gaccha mahābhāga kuru rājyaṁ yathāsukham hayagrīvādṛte mṛtyurna te nūnaṁ bhaviṣyati

देवी ने कहा — हे महाभाग! घर जाओ, सुखपूर्वक राज्य करो; हयग्रीव के अतिरिक्त निश्चय ही तुम्हारी मृत्यु नहीं होगी।

श्लोक 102 (devibhagavatam.1.5.102)

इति दत्त्वा वरं तस्मा अन्तर्धानं गता तथा । मुदं परमिकां प्राप्य सोऽपि स्वभवनं गतः ॥ 5.102 ॥

iti dattvā varaṁ tasmā antardhānaṁ gatā tathā mudaṁ paramikāṁ prāpya so'pi svabhavanaṁ gataḥ

उसे इस प्रकार वर देकर देवी अन्तर्धान हो गईं; और वह भी परम आनन्द प्राप्त कर अपने भवन को चला गया।

श्लोक 103 (devibhagavatam.1.5.103)

स पीडयति दुष्टात्मा मुनीन् वेदांश्च सर्वशः । न कोऽपि विद्यते तस्य हन्ताद्य भुवनत्रये ॥ 5.103 ॥

sa pīḍayati duṣṭātmā munīn vedāṁśca sarvaśaḥ na ko'pi vidyate tasya hantādya bhuvanatraye

वह दुरात्मा अब मुनियों तथा वेदों को हर प्रकार से पीड़ित कर रहा है; आज तीनों लोकों में उसका वध करने वाला कोई भी नहीं है।

श्लोक 104 (devibhagavatam.1.5.104)

तस्माच्छीर्षं हयस्यास्य समुद्धृत्य मनोहरम् । देहेऽत्र विशिरोविष्णोस्त्वष्टा संयोजयिष्यति ॥ 5.104 ॥

tasmācchīrṣaṁ hayasyāsya samuddhṛtya manoharam dehe'tra viśiroviṣṇostvaṣṭā saṁyojayiṣyati

अतः इस मनोहर अश्व का सिर लेकर, त्वष्टा उसे यहाँ विष्णु के सिररहित शरीर से जोड़ देंगे।

श्लोक 105 (devibhagavatam.1.5.105)

हयग्रीवोऽथ भगवान्हनिष्यति तमासुरम् । पापिष्ठं दानवं क्रूरं देवानां हितकाम्यया ॥ 5.105 ॥

hayagrīvo'tha bhagavānhaniṣyati tamāsuram pāpiṣṭhaṁ dānavaṁ krūraṁ devānāṁ hitakāmyayā

तब भगवान हयग्रीव देवों के हित की कामना से उस पापिष्ठ, क्रूर दानव असुर का वध करेंगे।

श्लोक 106 (devibhagavatam.1.5.106)

सूत उवाच । एवं सुरांस्तदाभाष्य शर्वाणी विरराम ह । देवास्तदातिसन्तुष्टास्तमूचुर्देवशिल्पिनम् ॥ 5.106 ॥

sūta uvāca evaṁ surāṁstadābhāṣya śarvāṇī virarāma ha devāstadātisantuṣṭāstamūcurdevaśilpinam

सूत ने कहा — इस प्रकार देवों से कहकर शर्वाणी मौन हो गईं; तब अत्यंत प्रसन्न देवों ने देवशिल्पी (त्वष्टा) से कहा —

श्लोक 107 (devibhagavatam.1.5.107)

देवा ऊचुः । कुरु कार्यं सुराणां वै विष्णोः शीर्षाभियोजनम् । दानवप्रवरं दैत्यं हयग्रीवो हनिष्यति ॥ 5.107 ॥

devā ūcuḥ kuru kāryaṁ surāṇāṁ vai viṣṇoḥ śīrṣābhiyojanam dānavapravaraṁ daityaṁ hayagrīvo haniṣyati

देवों ने कहा — देवों का यह कार्य करो — विष्णु के सिर को जोड़ना; तब हयग्रीव उस दानवश्रेष्ठ दैत्य का वध करेगा।

श्लोक 108 (devibhagavatam.1.5.108)

सूत उवाच । इति श्रुत्वा वचस्तेषां त्वष्टा चातित्वरान्वितः । वाजिशीर्षं चकर्ताशु खड्गेन सुरसन्निधौ ॥ 5.108 ॥

sūta uvāca iti śrutvā vacasteṣāṁ tvaṣṭā cātitvarānvitaḥ vājiśīrṣaṁ cakartāśu khaḍgena surasannidhau

सूत ने कहा — उनके वचन सुनकर त्वष्टा ने अत्यंत शीघ्रता से देवों के समक्ष तलवार से एक अश्व का सिर काट दिया।

श्लोक 109 (devibhagavatam.1.5.109)

विष्णोः शरीरे तेनाशु योजितं वाजिमस्तकम् । हयग्रीवो हरिर्जातो महामायाप्रसादतः ॥ 5.109 ॥

viṣṇoḥ śarīre tenāśu yojitaṁ vājimastakam hayagrīvo harirjāto mahāmāyāprasādataḥ

उस अश्व-मस्तक को उन्होंने शीघ्र ही विष्णु के शरीर से जोड़ दिया; और महामाया की कृपा से हरि हयग्रीव हो गए।

श्लोक 110 (devibhagavatam.1.5.110)

कियता तेन कालेन दानवो मददर्पितः । निहतस्तरसा सङ्ख्ये देवानां रिपुरोजसा ॥ 5.110 ॥

kiyatā tena kālena dānavo madadarpitaḥ nihatastarasā saṅkhye devānāṁ ripurojasā

कुछ समय बाद ही मद से गर्वित वह देवों का शत्रु दानव, उसी महाशक्ति के वेग से युद्ध में शीघ्र मार डाला गया।

श्लोक 111 (devibhagavatam.1.5.111)

य इदं शुभमाख्यानं शृण्वन्ति भुवि मानवाः । सर्वदुःखविनिर्मुक्तास्ते भवन्ति न संशयः ॥ 5.111 ॥

ya idaṁ śubhamākhyānaṁ śṛṇvanti bhuvi mānavāḥ sarvaduḥkhavinirmuktāste bhavanti na saṁśayaḥ

जो मनुष्य पृथ्वी पर इस शुभ आख्यान को सुनते हैं, वे निःसंदेह समस्त दुःखों से मुक्त हो जाते हैं।

श्लोक 112 (devibhagavatam.1.5.112)

महामायाचरित्रञ्च पवित्रं पापनाशनम् । पठतां शृण्वतां चैव सर्वसम्पत्तिकारकम् ॥ 5.112 ॥

mahāmāyācaritrañca pavitraṁ pāpanāśanam paṭhatāṁ śṛṇvatāṁ caiva sarvasampattikārakam

महामाया का यह पवित्र, पापनाशक चरित्र, पढ़ने और सुनने वालों को समस्त सम्पत्ति प्रदान करने वाला है।