विष्णु-प्रबोध

श्लोक 1 (devibhagavatam.1.7.1)

सूत उवाच । तौ वीक्ष्य बलिनौ ब्रह्मा तदोपायानचिन्तयत् । सामदानभिदादींश्च युद्धान्तान्सर्वतन्त्रवित् ॥ 7.1 ॥

sūta uvāca tau vīkṣya balinau brahmā tadopāyānacintayat sāmadānabhidādīṁśca yuddhāntānsarvatantravit

सूत ने कहा — उन दोनों बलशाली दानवों को देखकर, समस्त नीति-तंत्रों के ज्ञाता ब्रह्मा ने साम, दान, भेद आदि से लेकर युद्ध तक के उपायों पर विचार किया।

श्लोक 2 (devibhagavatam.1.7.2)

न जानेऽहं बलं नूनमेतयोर्वा यथातथम् । अज्ञाते तु बले कामं नैव युद्धं प्रशस्यते ॥ 7.2 ॥

na jāne'haṁ balaṁ nūnametayorvā yathātatham ajñāte tu bale kāmaṁ naiva yuddhaṁ praśasyate

'मैं वास्तव में इन दोनों के बल को यथार्थतः नहीं जानता; और बल को जाने बिना युद्ध करना कदापि उचित नहीं माना जाता।'

श्लोक 3 (devibhagavatam.1.7.3)

स्तुतिं करोमि चेदद्य दुष्टयोर्मदमत्तयोः । प्रकाशितं भवेन्नूनं निर्बलत्वं मया स्वयम् ॥ 7.3 ॥

stutiṁ karomi cedadya duṣṭayormadamattayoḥ prakāśitaṁ bhavennūnaṁ nirbalatvaṁ mayā svayam

'यदि मैं आज मद में उन्मत्त इन दोनों दुष्टों की स्तुति करूँ, तो निश्चय ही मेरी अपनी निर्बलता स्वयं ही प्रकट हो जाएगी।'

श्लोक 4 (devibhagavatam.1.7.4)

वधिष्यति तदैकोऽपि निर्बलत्वे प्रकाशिते । दानं नैवाद्य योग्यं वा भेदः कार्यो मया कथम् ॥ 7.4 ॥

vadhiṣyati tadaiko'pi nirbalatve prakāśite dānaṁ naivādya yogyaṁ vā bhedaḥ kāryo mayā katham

'निर्बलता प्रकट होने पर तब इनमें से एक भी मुझे मार डालेगा। दान भी अब उचित नहीं है, और भेद मैं कैसे उत्पन्न करूँ?'

श्लोक 5 (devibhagavatam.1.7.5)

विष्णुं प्रबोधयाम्यद्य शेषे सुप्तं जनार्दनम् । चतुर्भुजं महावीर्यं दुःखहा स भविष्यति ॥ 7.5 ॥

viṣṇuṁ prabodhayāmyadya śeṣe suptaṁ janārdanam caturbhujaṁ mahāvīryaṁ duḥkhahā sa bhaviṣyati

'मैं अब शेषशायी सुप्त जनार्दन विष्णु को जगाता हूँ; वे चतुर्भुज, महापराक्रमी इस दुःख के नाशक होंगे।'

श्लोक 6 (devibhagavatam.1.7.6)

इति सञ्चिन्त्य मनसा पद्मनालगतोऽब्जजः । जगाम शरणं विष्णुं मनसा दुःखनाशकम् ॥ 7.6 ॥

iti sañcintya manasā padmanālagato'bjajaḥ jagāma śaraṇaṁ viṣṇuṁ manasā duḥkhanāśakam

इस प्रकार मन में विचार करके कमल-नाल पर स्थित ब्रह्मा दुःख के नाशक विष्णु की मन-ही-मन शरण में गए।

श्लोक 7 (devibhagavatam.1.7.7)

तुष्टाव बोधनार्थं तं शुभैः सम्बोधनैर्हरिम् । नारायणं जगन्नाथं निस्पन्दं योगनिद्रया ॥ 7.7 ॥

tuṣṭāva bodhanārthaṁ taṁ śubhaiḥ sambodhanairharim nārāyaṇaṁ jagannāthaṁ nispandaṁ yoganidrayā

उन्हें जगाने के लिए उन्होंने शुभ सम्बोधनों से हरि, नारायण, जगन्नाथ की स्तुति की, जो योगनिद्रा से स्पंदनरहित पड़े थे।

श्लोक 8 (devibhagavatam.1.7.8)

ब्रह्मोवाच । दीननाथ हरे विष्णो वामनोत्तिष्ठ माधव । भक्तार्तिहृद्धृषीकेश सर्वावास जगत्पते ॥ 7.8 ॥

brahmovāca dīnanātha hare viṣṇo vāmanottiṣṭha mādhava bhaktārtihṛddhṛṣīkeśa sarvāvāsa jagatpate

ब्रह्मा ने कहा — हे दीननाथ! हे हरे! हे विष्णो! हे वामन! हे माधव! उठिए; हे भक्तों की पीड़ा हरने वाले हृषीकेश! हे सर्वाश्रय जगत्पते!

श्लोक 9 (devibhagavatam.1.7.9)

अन्तर्यामिन्नमेयात्मन्वासुदेव जगत्पते । दुष्टारिनाशनैकाग्रचित्त चक्रगदाधर ॥ 7.9 ॥

antaryāminnameyātmanvāsudeva jagatpate duṣṭārināśanaikāgracitta cakragadādhara

हे अन्तर्यामिन्! हे अमेय आत्मा! हे वासुदेव! हे जगत्पते! हे दुष्ट शत्रुओं के नाश में एकाग्रचित्त! हे चक्रगदाधर!

श्लोक 10 (devibhagavatam.1.7.10)

सर्वज्ञ सर्वलोकेश सर्वशक्तिसमन्वित । उत्तिष्ठोत्तिष्ठ देवेश दुःखनाशन पाहि माम् ॥ 7.10 ॥

sarvajña sarvalokeśa sarvaśaktisamanvita uttiṣṭhottiṣṭha deveśa duḥkhanāśana pāhi mām

हे सर्वज्ञ! हे सर्वलोकेश! हे सर्वशक्तिसंपन्न! उठिए, उठिए, हे देवेश! हे दुःखनाशन! मेरी रक्षा कीजिए।

श्लोक 11 (devibhagavatam.1.7.11)

विश्वम्भर विशालाक्ष पुण्यश्रवणकीर्तन । जगद्योने निराकार सर्गस्थित्यन्तकारक ॥ 7.11 ॥

viśvambhara viśālākṣa puṇyaśravaṇakīrtana jagadyone nirākāra sargasthityantakāraka

हे विश्वंभर! हे विशालाक्ष! जिनका श्रवण-कीर्तन पुण्यदायक है; हे जगत् के उद्गम! हे निराकार! हे सृष्टि-स्थिति-प्रलय के कर्ता!

श्लोक 12 (devibhagavatam.1.7.12)

इमौ दैत्यौ महाराज हन्तुकामौ मदोद्धतौ । न जानास्यखिलाधार कथं मां सङ्कटे गतम् ॥ 7.12 ॥

imau daityau mahārāja hantukāmau madoddhatau na jānāsyakhilādhāra kathaṁ māṁ saṅkaṭe gatam

हे महाराज! ये दोनों मदोन्मत्त दैत्य मुझे मारना चाहते हैं; हे सबके आधार! क्या आप नहीं जानते कि मैं कैसे संकट में पड़ा हूँ?

श्लोक 13 (devibhagavatam.1.7.13)

उपेक्षसेऽतिदुःखार्तं यदि मां शरणं गतम् । पालकत्वं महाविष्णो निराधारं भवेत्ततः ॥ 7.13 ॥

upekṣase'tiduḥkhārtaṁ yadi māṁ śaraṇaṁ gatam pālakatvaṁ mahāviṣṇo nirādhāraṁ bhavettataḥ

यदि आप अत्यंत दुःखी होकर आपकी शरण में आए मेरी उपेक्षा करें, तो हे महाविष्णो! आपका रक्षक-पद ही निराधार हो जाएगा।

श्लोक 14 (devibhagavatam.1.7.14)

एवं स्तुतोऽपि भगवान् न बुबोध यदा हरिः । योगनिद्रासमाक्रान्तस्तदा ब्रह्मा ह्यचिन्तयत् ॥ 7.14 ॥

evaṁ stuto'pi bhagavān na bubodha yadā hariḥ yoganidrāsamākrāntastadā brahmā hyacintayat

इस प्रकार स्तुति किए जाने पर भी जब भगवान हरि योगनिद्रा से आक्रान्त होने के कारण नहीं जागे, तब ब्रह्मा ने विचार किया —

श्लोक 15 (devibhagavatam.1.7.15)

नूनं शक्तिसमाक्रान्तो विष्णुर्निद्रावशं गतः । जजागार न धर्मात्मा किं करोम्यद्य दुःखितः ॥ 7.15 ॥

nūnaṁ śaktisamākrānto viṣṇurnidrāvaśaṁ gataḥ jajāgāra na dharmātmā kiṁ karomyadya duḥkhitaḥ

'निश्चय ही विष्णु किसी शक्ति से आक्रान्त होकर निद्रा के वशीभूत हो गए हैं; वह धर्मात्मा नहीं जागे — अब मैं दुःखी होकर क्या करूँ?'

श्लोक 16 (devibhagavatam.1.7.16)

हन्तुकामावुभौ प्राप्तौ दानवौ मदगर्वितौ । किं करोमि क्व गच्छामि नास्ति मे शरणं क्वचित् ॥ 7.16 ॥

hantukāmāvubhau prāptau dānavau madagarvitau kiṁ karomi kva gacchāmi nāsti me śaraṇaṁ kvacit

'ये दोनों मदोन्मत्त दानव मुझे मारने आए हैं; मैं क्या करूँ, कहाँ जाऊँ? मेरी कहीं कोई शरण नहीं है।'

श्लोक 17 (devibhagavatam.1.7.17)

इति सञ्चिन्त्य मनसा निश्चयं प्रतिपद्य च । तुष्टाव योगनिद्रां तामेकाग्रहृदयस्थितः ॥ 7.17 ॥

iti sañcintya manasā niścayaṁ pratipadya ca tuṣṭāva yoganidrāṁ tāmekāgrahṛdayasthitaḥ

इस प्रकार मन में विचार करके तथा निश्चय पर पहुँचकर, वे एकाग्रहृदय होकर उस योगनिद्रा की स्तुति करने लगे।

श्लोक 18 (devibhagavatam.1.7.18)

विचार्य मनसाप्येवं शक्तिर्मे रक्षणे क्षमा । यया ह्यचेतनो विष्णुः कृतोऽस्ति स्पन्दवर्जितः ॥ 7.18 ॥

vicārya manasāpyevaṁ śaktirme rakṣaṇe kṣamā yayā hyacetano viṣṇuḥ kṛto'sti spandavarjitaḥ

मन में यह विचार करके — 'वही शक्ति मेरी रक्षा में समर्थ है, जिसने स्वयं विष्णु को भी अचेत और स्पंदनरहित कर दिया है' —

श्लोक 19 (devibhagavatam.1.7.19)

व्यसुर्यथा न जानाति गुणाच्छब्दादिकानिह । तथा हरिर्न जानाति निद्रामीलितलोचनः ॥ 7.19 ॥

vyasuryathā na jānāti guṇācchabdādikāniha tathā harirna jānāti nidrāmīlitalocanaḥ

'जैसे प्राणरहित शरीर यहाँ शब्द आदि गुणों को नहीं जानता, वैसे ही निद्रा से मुँदे नेत्रों वाले हरि भी कुछ नहीं जानते।'

श्लोक 20 (devibhagavatam.1.7.20)

न जहाति यतो निद्रां बहुधा संस्तुतोऽप्यसौ । मन्ये नास्य वशे निद्रा निद्रयायं वशीकृतः ॥ 7.20 ॥

na jahāti yato nidrāṁ bahudhā saṁstuto'pyasau manye nāsya vaśe nidrā nidrayāyaṁ vaśīkṛtaḥ

'चूँकि इतनी बार स्तुति किए जाने पर भी वे निद्रा नहीं छोड़ रहे हैं, इसलिए मुझे लगता है कि निद्रा उनके वश में नहीं, बल्कि वे स्वयं निद्रा के वश में हैं।'

श्लोक 21 (devibhagavatam.1.7.21)

यो यस्य वशमापन्तः स तस्य किङ्करः किल । तस्माच्च योगनिद्रेयं स्वामिनी मापतेर्हरेः ॥ 7.21 ॥

yo yasya vaśamāpantaḥ sa tasya kiṅkaraḥ kila tasmācca yoganidreyaṁ svāminī māpaterhareḥ

'जो जिसके वश में पड़ जाता है, वह निश्चय ही उसका सेवक होता है; इसलिए यह योगनिद्रा ही रमापति हरि की स्वामिनी है।'

श्लोक 22 (devibhagavatam.1.7.22)

सिन्धुजाया अपि वशे यया स्वामी वशीकृतः । नूनं जगदिदं सर्वं भगवत्या वशीकृतम् ॥ 7.22 ॥

sindhujāyā api vaśe yayā svāmī vaśīkṛtaḥ nūnaṁ jagadidaṁ sarvaṁ bhagavatyā vaśīkṛtam

'जिसके कारण स्वामी वशीभूत हुए हैं, वह सिन्धु-कन्या (लक्ष्मी) भी उन्हीं के वश में है; निश्चय ही यह सम्पूर्ण जगत उन्हीं भगवती के वश में है।'

श्लोक 23 (devibhagavatam.1.7.23)

अहं विष्णुस्तथा शम्भुः सावित्री च रमाप्युमा । सर्वे वयं वशे यस्या नात्र किञ्चिद्विचारणा ॥ 7.23 ॥

ahaṁ viṣṇustathā śambhuḥ sāvitrī ca ramāpyumā sarve vayaṁ vaśe yasyā nātra kiñcidvicāraṇā

'मैं विष्णु, वैसे ही शम्भु, सावित्री, रमा और उमा भी — हम सब उन्हीं के वश में हैं, इसमें कोई भी संशय नहीं है।'

श्लोक 24 (devibhagavatam.1.7.24)

हरिरप्यवशः शेते यथान्यः प्राकृतो जनः । ययाभिभूतः का वार्ता किलान्येषां महात्मनाम् ॥ 7.24 ॥

harirapyavaśaḥ śete yathānyaḥ prākṛto janaḥ yayābhibhūtaḥ kā vārtā kilānyeṣāṁ mahātmanām

'हरि भी अन्य साधारण प्राणी के समान वशहीन होकर सो रहे हैं; जिनके द्वारा वे अभिभूत हो गए, अन्य महात्माओं की तो बात ही क्या?'

श्लोक 25 (devibhagavatam.1.7.25)

स्तौम्यद्य योगनिद्रां वै यया मुक्तो जनार्दनः । घटयिष्यति युद्धे च वासुदेवः सनातनः ॥ 7.25 ॥

staumyadya yoganidrāṁ vai yayā mukto janārdanaḥ ghaṭayiṣyati yuddhe ca vāsudevaḥ sanātanaḥ

'मैं अब उस योगनिद्रा की स्तुति करता हूँ, जिससे मुक्त होकर सनातन वासुदेव जनार्दन युद्ध में प्रवृत्त होंगे।'

श्लोक 26 (devibhagavatam.1.7.26)

इति कृत्वा मतिं ब्रह्मा पद्मनालस्थितस्तदा । तुष्टाव योगनिद्रां तां विष्णोरङ्गेषु संस्थिताम् ॥ 7.26 ॥

iti kṛtvā matiṁ brahmā padmanālasthitastadā tuṣṭāva yoganidrāṁ tāṁ viṣṇoraṅgeṣu saṁsthitām

यह विचार करके ब्रह्मा कमल-नाल पर स्थित होकर विष्णु के अंगों में स्थित उस योगनिद्रा की स्तुति करने लगे।

श्लोक 27 (devibhagavatam.1.7.27)

ब्रह्मोवाच । देवि त्वमस्य जगतः किल कारणं हि ज्ञातं मया सकलवेदवचोभिरम्ब । यद्विष्णुरप्यखिललोकविवेककर्ता निद्रावशं च गमितः पुरुषोत्तमोऽद्य ॥ 7.27 ॥

brahmovāca devi tvamasya jagataḥ kila kāraṇaṁ hi jñātaṁ mayā sakalavedavacobhiramba yadviṣṇurapyakhilalokavivekakartā nidrāvaśaṁ ca gamitaḥ puruṣottamo'dya

ब्रह्मा ने कहा — हे देवि माता! समस्त वेद-वचनों से मैंने जाना है कि आप ही इस जगत के कारण हैं; क्योंकि समस्त लोकों के विवेककर्ता विष्णु, वह पुरुषोत्तम भी, आज निद्रा के वशीभूत कर दिए गए हैं।

श्लोक 28 (devibhagavatam.1.7.28)

को वेद ते जननि मोहविलासलीलां मूढोऽस्म्यहं हरिरयं विवशश्च शेते । ईदृक्तया सकलभूतमनोनिवासे विद्वत्तमो विबुधकोटिषु निर्गुणायाः ॥ 7.28 ॥

ko veda te janani mohavilāsalīlāṁ mūḍho'smyahaṁ harirayaṁ vivaśaśca śete īdṛktayā sakalabhūtamanonivāse vidvattamo vibudhakoṭiṣu nirguṇāyāḥ

हे जननी! आपकी मोह-विलास-लीला को कौन जानता है? मैं मूर्ख हूँ, यह हरि भी विवश होकर सो रहे हैं; समस्त प्राणियों के मन में निवास करने वाली, गुणों से परे आपके विषय में करोड़ों विद्वानों में भी सर्वश्रेष्ठ विद्वान कौन है?

श्लोक 29 (devibhagavatam.1.7.29)

साङ्ख्या वदन्ति पुरुषं प्रकृतिं च यां तां चैतन्यभावरहितां जगतश्च कर्त्रीम् । किं तादृशासि कथमत्र जगन्निवास\- श्चैतन्यताविरहितो विहितस्त्वयाद्य ॥ 7.29 ॥

sāṅkhyā vadanti puruṣaṁ prakṛtiṁ ca yāṁ tāṁ caitanyabhāvarahitāṁ jagataśca kartrīm kiṁ tādṛśāsi kathamatra jagannivāsa\- ścaitanyatāvirahito vihitastvayādya

सांख्यवादी पुरुष की, तथा चैतन्यरहित परन्तु जगत की रचयित्री उस प्रकृति की चर्चा करते हैं — क्या आप वैसी ही हैं? फिर आज जगत के निवासी (विष्णु) को आपने चैतन्यरहित कैसे बना दिया?

श्लोक 30 (devibhagavatam.1.7.30)

नाट्यं तनोषि सगुणा विविधप्रकारं नो वेत्ति कोऽपि तव कृत्यविधानयोगम् । ध्यायन्ति यां मुनिगणा नियतं त्रिकालं सन्ध्येति नाम परिकल्प्य गुणान् भवानि ॥ 7.30 ॥

nāṭyaṁ tanoṣi saguṇā vividhaprakāraṁ no vetti ko'pi tava kṛtyavidhānayogam dhyāyanti yāṁ munigaṇā niyataṁ trikālaṁ sandhyeti nāma parikalpya guṇān bhavāni

गुणसहित होकर आप नाना प्रकार का यह नाट्य विस्तार करती हैं; आपके इस कर्म-विधान के रहस्य को कोई नहीं जानता — जिनका मुनिगण नित्य त्रिकाल 'संध्या' नाम और गुणों की कल्पना करके ध्यान करते हैं, हे भवानी!

श्लोक 31 (devibhagavatam.1.7.31)

बुद्धिर्हि बोधकरणा जगतां सदा त्वं श्रीश्चासि देवि सततं सुखदा सुराणाम् । कीर्तिस्तथा मतिधृती किल कान्तिरेव श्रद्धा रतिश्च सकलेषु जनेषु मातः ॥ 7.31 ॥

buddhirhi bodhakaraṇā jagatāṁ sadā tvaṁ śrīścāsi devi satataṁ sukhadā surāṇām kīrtistathā matidhṛtī kila kāntireva śraddhā ratiśca sakaleṣu janeṣu mātaḥ

आप ही सदा जगत को बोध कराने वाली बुद्धि हैं, हे देवि! आप ही देवों को सदा सुख देने वाली श्री हैं; आप ही कीर्ति, मति, धृति, कान्ति, श्रद्धा तथा प्राणिमात्र में स्नेह हैं, हे माता!

श्लोक 32 (devibhagavatam.1.7.32)

नातः परं किल वितर्कशतैः प्रमाणं प्राप्तं मया यदिह दुःखगतिं गतेन । त्वं चात्र सर्वजगतां जननीति सत्यं निद्रालुतां वितरता हरिणात्र दृष्टम् ॥ 7.32 ॥

nātaḥ paraṁ kila vitarkaśataiḥ pramāṇaṁ prāptaṁ mayā yadiha duḥkhagatiṁ gatena tvaṁ cātra sarvajagatāṁ jananīti satyaṁ nidrālutāṁ vitaratā hariṇātra dṛṣṭam

इस दुःखद अवस्था को प्राप्त हुए मैंने सैकड़ों तर्कों से भी इससे बढ़कर कोई प्रमाण नहीं पाया; परन्तु यह सत्य कि आप ही समस्त जगतों की जननी हैं, वह स्वयं हरि ने ही निद्राग्रस्त होकर प्रत्यक्ष दिखा दिया है।

श्लोक 33 (devibhagavatam.1.7.33)

त्वं देवि वेदविदुषामपि दुर्विभाव्या वेदोऽपि नूनमखिलार्थतया न वेद । यस्मात्त्वदुद्भवमसौ श्रुतिराप्नुवाना प्रत्यक्षमेव सकलं तव कार्यमेतत् ॥ 7.33 ॥

tvaṁ devi vedaviduṣāmapi durvibhāvyā vedo'pi nūnamakhilārthatayā na veda yasmāttvadudbhavamasau śrutirāpnuvānā pratyakṣameva sakalaṁ tava kāryametat

हे देवि! आप वेदज्ञों के लिए भी दुर्विभाव्य हैं; वेद भी निश्चय ही आपको पूर्णतः नहीं जानता, क्योंकि वह श्रुति भी आप ही से उत्पन्न है — यह सब आपके कार्य का प्रत्यक्ष प्रमाण है।

श्लोक 34 (devibhagavatam.1.7.34)

कस्ते चरित्रमखिलं भुवि वेद धीमा\- न्नाहं हरिर्न च भवो न सुरास्तथान्ये । ज्ञातुं क्षमाश्च मुनयो न ममात्मजाश्च दुर्वाच्य एव महिमा तव सर्वलोके ॥ 7.34 ॥

kaste caritramakhilaṁ bhuvi veda dhīmā\- nnāhaṁ harirna ca bhavo na surāstathānye jñātuṁ kṣamāśca munayo na mamātmajāśca durvācya eva mahimā tava sarvaloke

पृथ्वी पर कौन बुद्धिमान आपके सम्पूर्ण चरित्र को जानता है? न मैं, न हरि, न भव (शिव), न ही अन्य देवगण; न मुनिगण उसे जानने में समर्थ हैं, न मेरे पुत्र — हे माता! सम्पूर्ण जगत में आपकी महिमा निश्चय ही अवर्णनीय है।

श्लोक 35 (devibhagavatam.1.7.35)

यज्ञेषु देवि यदि नाम न ते वदन्ति स्वाहेति वेदविदुषो हवने कृतेऽपि । न प्राप्नुवन्ति सततं मखभागधेयं देवास्त्वमेव विबुधेष्वपि वृत्तिदासि ॥ 7.35 ॥

yajñeṣu devi yadi nāma na te vadanti svāheti vedaviduṣo havane kṛte'pi na prāpnuvanti satataṁ makhabhāgadheyaṁ devāstvameva vibudheṣvapi vṛttidāsi

हे देवि! यज्ञों में यदि वेदज्ञ हवन करते हुए भी 'स्वाहा' के साथ आपका नाम न लें, तो देवगण सदा यज्ञ-भाग को प्राप्त नहीं करते; विद्वानों में भी आप ही आजीविका देने वाली हैं।

श्लोक 36 (devibhagavatam.1.7.36)

त्राता वयं भगवति प्रथमं त्वया वै देवारिसम्भवभयादधुना तथैव । भीतोऽस्मि देवि वरदे शरणं गतोऽस्मि घोरं निरीक्ष्य मधुना सह कैटभं च ॥ 7.36 ॥

trātā vayaṁ bhagavati prathamaṁ tvayā vai devārisambhavabhayādadhunā tathaiva bhīto'smi devi varade śaraṇaṁ gato'smi ghoraṁ nirīkṣya madhunā saha kaiṭabhaṁ ca

हे भगवति! पहले भी हम आपके द्वारा ही देव-शत्रुओं से उत्पन्न भय से रक्षित हुए थे, और अभी भी वैसे ही; हे वरदे देवि! मैं भयभीत होकर मधु-कैटभ की भयंकरता देखकर आपकी शरण में आया हूँ।

श्लोक 37 (devibhagavatam.1.7.37)

नो वेत्ति विष्णुरधुना मम दुःखमेत\- ज्जाने त्वयात्मविवशीकृतदेहयष्टिः । मुञ्चादिदेवमथवा जहि दानवेन्द्रौ यद्रोचते तव कुरुष्व महानुभावे ॥ 7.37 ॥

no vetti viṣṇuradhunā mama duḥkhameta\- jjāne tvayātmavivaśīkṛtadehayaṣṭiḥ muñcādidevamathavā jahi dānavendrau yadrocate tava kuruṣva mahānubhāve

विष्णु अभी मेरे इस दुःख को नहीं जानते — मैं जानता हूँ कि उनकी देह आपने ही विवश कर रखी है। या तो आदिदेव को मुक्त कीजिए, या इन दोनों दानवेन्द्रों का वध कीजिए — हे महानुभावे! जो आपको उचित लगे, वही कीजिए।

श्लोक 38 (devibhagavatam.1.7.38)

जानन्ति ये न तव देवि परं प्रभावं ध्यायन्ति ते हरिहरावपि मन्दचित्ताः । ज्ञातं मयाद्य जननि प्रकटं प्रमाणं यद्विष्णुरप्यतितरां विवशोऽथ शेते ॥ 7.38 ॥

jānanti ye na tava devi paraṁ prabhāvaṁ dhyāyanti te hariharāvapi mandacittāḥ jñātaṁ mayādya janani prakaṭaṁ pramāṇaṁ yadviṣṇurapyatitarāṁ vivaśo'tha śete

हे देवि! जो आपकी परम शक्ति को नहीं जानते और केवल हरि-हर का ही ध्यान करते हैं, वे मन्दबुद्धि हैं; हे माता! आज मैंने स्पष्ट प्रमाण जान लिया कि विष्णु भी पूर्णतः विवश होकर सो रहे हैं।

श्लोक 39 (devibhagavatam.1.7.39)

सिन्धूद्भवापि न हरिं प्रतिबोधितुं वै शक्ता पतिं तव वशानुगमद्य शक्त्या । मन्ये त्वया भगवति प्रसभं रमापि प्रस्वापिता न बुबुधे विवशीकृतेव ॥ 7.39 ॥

sindhūdbhavāpi na hariṁ pratibodhituṁ vai śaktā patiṁ tava vaśānugamadya śaktyā manye tvayā bhagavati prasabhaṁ ramāpi prasvāpitā na bubudhe vivaśīkṛteva

सिन्धु-पुत्री भी अपने पति हरि को जगाने में समर्थ नहीं है — वे भी आज आपकी शक्ति से आपके ही वश में आ गई हैं; हे भगवति! मुझे लगता है कि आपने रमा को भी बलपूर्वक सुला दिया है, और वे भी विवश होकर नहीं जाग रही हैं।

श्लोक 40 (devibhagavatam.1.7.40)

धन्यास्त एव भुवि भक्तिपरास्तवाङ्घ्रौ त्यक्त्वान्यदेवभजनं त्वयि लीनभावाः । कुर्वन्ति देवि भजनं सकलं निकामं ज्ञात्वा समस्तजननीं किल कामधेनुम् ॥ 7.40 ॥

dhanyāsta eva bhuvi bhaktiparāstavāṅghrau tyaktvānyadevabhajanaṁ tvayi līnabhāvāḥ kurvanti devi bhajanaṁ sakalaṁ nikāmaṁ jñātvā samastajananīṁ kila kāmadhenum

धन्य हैं वे ही, जो पृथ्वी पर आपके चरणों में भक्तिपरायण हैं, जो अन्य देवताओं की पूजा त्यागकर आप ही में लीन हो जाते हैं; हे देवि! वे समस्त जननी, कामधेनु के समान आपको जानकर सम्पूर्ण भक्ति सहज ही करते हैं।

श्लोक 41 (devibhagavatam.1.7.41)

धीकान्तिकीर्तिशुभवृत्तिगुणादयस्ते विष्णोर्गुणास्तु परिहृत्य गताः क्व चाद्य । बन्दीकृतो हरिरसौ ननु निद्रयात्र शक्त्या तवैव भगवत्यतिमानवत्याः ॥ 7.41 ॥

dhīkāntikīrtiśubhavṛttiguṇādayaste viṣṇorguṇāstu parihṛtya gatāḥ kva cādya bandīkṛto harirasau nanu nidrayātra śaktyā tavaiva bhagavatyatimānavatyāḥ

बुद्धि, कान्ति, कीर्ति, शुभ आचरण आदि गुण — जो विष्णु के भी गुण थे — वे आज कहाँ चले गए, उन्हें त्यागकर? निश्चय ही यह हरि आज निद्रा से बन्दी बना दिए गए हैं — हे अतिमानवती भगवति! केवल आपकी ही शक्ति से।

श्लोक 42 (devibhagavatam.1.7.42)

त्वं शक्तिरेव जगतामखिलप्रभावा त्वन्निर्मितं च सकलं खलु भावमात्रम् । त्वं क्रीडसे निजविनिर्मितमोहजाले नाट्ये यथा विहरते स्वकृते नटो वै ॥ 7.42 ॥

tvaṁ śaktireva jagatāmakhilaprabhāvā tvannirmitaṁ ca sakalaṁ khalu bhāvamātram tvaṁ krīḍase nijavinirmitamohajāle nāṭye yathā viharate svakṛte naṭo vai

आप ही जगतों की अनन्तप्रभाव शक्ति हैं; और सब कुछ, निश्चय ही, केवल आपके ही द्वारा रचा गया एक भाव-मात्र है। आप अपने ही रचे मोह-जाल में उसी प्रकार क्रीड़ा करती हैं, जैसे नट अपने ही बनाए नाट्य में विहार करता है।

श्लोक 43 (devibhagavatam.1.7.43)

विष्णुस्त्वया प्रकटितः प्रथमं युगादौ दत्ता च शक्तिरमला खलु पालनाय । त्रातं च सर्वमखिलं विवशीकृतोऽद्य यद्रोचते तव तथाम्ब करोषि नूनम् ॥ 7.43 ॥

viṣṇustvayā prakaṭitaḥ prathamaṁ yugādau dattā ca śaktiramalā khalu pālanāya trātaṁ ca sarvamakhilaṁ vivaśīkṛto'dya yadrocate tava tathāmba karoṣi nūnam

युगारम्भ में सर्वप्रथम विष्णु को आपने ही प्रकट किया, और रक्षा के लिए एक निर्मल शक्ति भी प्रदान की; और उसी से यह सम्पूर्ण जगत रक्षित हुआ — फिर भी आज वे विवश कर दिए गए हैं। हे माता! जो आपको भाए, वही आप निश्चय ही करती हैं।

श्लोक 44 (devibhagavatam.1.7.44)

सृष्ट्वात्र मां भगवति प्रविनाशितुं चे\- न्नेच्छास्ति ते कुरु दयां परिहृत्य मौनम् । कस्मादिमौ प्रकटितौ किल कालरूपौ यद्वा भवानि हसितुं नु किमिच्छसे माम् ॥ 7.44 ॥

sṛṣṭvātra māṁ bhagavati pravināśituṁ ce\- nnecchāsti te kuru dayāṁ parihṛtya maunam kasmādimau prakaṭitau kila kālarūpau yadvā bhavāni hasituṁ nu kimicchase mām

हे भगवति! यदि मुझे यहाँ रचकर अब नष्ट करने की आपकी इच्छा है, तो मौन त्यागकर मुझ पर दया कीजिए। ये दोनों काल-रूप क्यों प्रकट किए गए हैं? या, हे भवानी! क्या आप केवल मुझ पर हँसना चाहती हैं?

श्लोक 45 (devibhagavatam.1.7.45)

ज्ञातं मया तव विचेष्टितमद्भुतं वै कृत्वाखिलं जगदिदं रमसे स्वतन्त्रा । लीनं करोषि सकलं किल मां तथैव हन्तुं त्वमिच्छसि भवानि किमत्र चित्रम् ॥ 7.45 ॥

jñātaṁ mayā tava viceṣṭitamadbhutaṁ vai kṛtvākhilaṁ jagadidaṁ ramase svatantrā līnaṁ karoṣi sakalaṁ kila māṁ tathaiva hantuṁ tvamicchasi bhavāni kimatra citram

मैंने आपकी अद्भुत लीला जान ली है — यह सम्पूर्ण जगत रचकर आप स्वतंत्र होकर क्रीड़ा करती हैं; आप सब कुछ पुनः लीन कर देती हैं — क्या उसी प्रकार आप मुझे भी नष्ट करना चाहती हैं, हे भवानी? इसमें क्या आश्चर्य है?

श्लोक 46 (devibhagavatam.1.7.46)

कामं कुरुष्व वधमद्य ममैव मात\- र्दुःखं न मे मरणजं जगदम्बिकेऽत्र । कर्ता त्वयैव विहितः प्रथमं स चायं दैत्याहतोऽथ मृत इत्ययशो गरिष्ठम् ॥ 7.46 ॥

kāmaṁ kuruṣva vadhamadya mamaiva māta\- rduḥkhaṁ na me maraṇajaṁ jagadambike'tra kartā tvayaiva vihitaḥ prathamaṁ sa cāyaṁ daityāhato'tha mṛta ityayaśo gariṣṭham

हे माता! आज मुझ पर इच्छानुसार वध ही कीजिए, मुझे मृत्यु से कोई दुःख नहीं है, हे जगदम्बिके! परन्तु सृष्टि का कर्ता तो आपने ही पहले मुझे बनाया था — यदि कहा जाए कि 'यह दैत्य द्वारा मारा गया, मर गया', तो यह अत्यंत बड़ा अपयश होगा।

श्लोक 47 (devibhagavatam.1.7.47)

उत्तिष्ठ देवि कुरु रूपमिहाद्भुतं त्वं मां वा त्विमौ जहि यथेच्छसि बाललीले । नो चेत्प्रबोधय हरिं निहनेदिमौ य\- स्त्वत्साध्यमेतदखिलं किल कार्यजातम् ॥ 7.47 ॥

uttiṣṭha devi kuru rūpamihādbhutaṁ tvaṁ māṁ vā tvimau jahi yathecchasi bālalīle no cetprabodhaya hariṁ nihanedimau ya\- stvatsādhyametadakhilaṁ kila kāryajātam

उठिए, हे देवि! यहाँ अपना अद्भुत रूप धारण कीजिए; हे बाललीले! मुझे या इन दोनों को, जिसे चाहें, मार डालिए। अन्यथा हरि को जगाइए, जो इन दोनों का वध करेंगे — यह सम्पूर्ण कार्य केवल आपके ही द्वारा सिद्ध हो सकता है।

श्लोक 48 (devibhagavatam.1.7.48)

सूत उवाच । एवं स्तुता तदा देवी तामसी तत्र वेधसा । निःसृत्य हरिदेहात्तु संस्थिता पार्श्वतस्तदा ॥ 7.48 ॥

sūta uvāca evaṁ stutā tadā devī tāmasī tatra vedhasā niḥsṛtya haridehāttu saṁsthitā pārśvatastadā

सूत ने कहा — इस प्रकार विधाता द्वारा स्तुति किए जाने पर, वहाँ वह तामसी देवी हरि की देह से निकलकर उनके पार्श्व में स्थित हो गईं।

श्लोक 49 (devibhagavatam.1.7.49)

त्यक्त्वाङ्गानि च सर्वाणि विष्णोरतुलतेजसः । निर्गता योगनिद्रा सा नाशाय च तयोस्तदा ॥ 7.49 ॥

tyaktvāṅgāni ca sarvāṇi viṣṇoratulatejasaḥ nirgatā yoganidrā sā nāśāya ca tayostadā

अतुल तेजस्वी विष्णु के समस्त अंगों को छोड़कर वह योगनिद्रा तब उन दोनों (मधु-कैटभ) के नाश के लिए वहाँ से निकल गई।

श्लोक 50 (devibhagavatam.1.7.50)

विस्पन्दितशरीरोऽसौ यदा जातो जनार्दनः । धाता परमिकां प्राप्तो मुदं दृष्ट्वा हरिं ततः ॥ 7.50 ॥

vispanditaśarīro'sau yadā jāto janārdanaḥ dhātā paramikāṁ prāpto mudaṁ dṛṣṭvā hariṁ tataḥ

जब जनार्दन का शरीर स्पंदित होने लगा, तब विधाता (ब्रह्मा) हरि को जागते देखकर परम आनन्द को प्राप्त हुए।