गायत्रीमन्त्रकवचवर्णनम्

श्लोक 1 (devibhagavatam.12.3.1)

नारद उवाच । स्वामिन्सर्वजगन्नाथ संशयोऽस्ति मम प्रभो । चतुःषष्टिकलाभिज्ञ पातकाद्योगविद्वर

nārada uvāca svāminsarvajagannātha saṁśayo'sti mama prabho catuḥṣaṣṭikalābhijña pātakādyogavidvara

नारद जी ने कहा — हे स्वामिन्! हे सर्वजगन्नाथ! हे प्रभो! हे चौंसठ कलाओं के ज्ञाता! हे योगविदों में श्रेष्ठ! मुझे एक संशय है।

श्लोक 2 (devibhagavatam.12.3.2)

मुच्यते केन पुण्येन ब्रह्मरूपः कथं भवेत् । देहश्च देवतारूपो मन्त्ररूपो विशेषतः

mucyate kena puṇyena brahmarūpaḥ kathaṁ bhavet dehaśca devatārūpo mantrarūpo viśeṣataḥ

किस पुण्य से मनुष्य पाप से मुक्त होता है, तथा वह ब्रह्मस्वरूप कैसे बनता है, और उसका शरीर विशेष रूप से देवतारूप और मन्त्ररूप कैसे होता है?

श्लोक 3 (devibhagavatam.12.3.3)

कर्म तच्छ्रोतुमिच्छामि न्यासं च विधिपूर्वकम् । ऋषिश्छन्दोऽधिदैवं च ध्यानं च विधिवद्विभो

karma tacchrotumicchāmi nyāsaṁ ca vidhipūrvakam ṛṣiśchando'dhidaivaṁ ca dhyānaṁ ca vidhivadvibho

हे विभो! मैं वह कर्म, विधिपूर्वक न्यास, ऋषि, छन्द, अधिदेवता तथा विधिवत् ध्यान — यह सब सुनना चाहता हूँ।

श्लोक 4 (devibhagavatam.12.3.4)

श्रीनारायण उवाच । अस्त्येकं परमं गुह्यं गायत्रीकवचं तथा । पठनाद्धारणान्मर्त्यः सर्वपापैः प्रमुच्यते

śrīnārāyaṇa uvāca astyekaṁ paramaṁ guhyaṁ gāyatrīkavacaṁ tathā paṭhanāddhāraṇānmartyaḥ sarvapāpaiḥ pramucyate

श्री नारायण ने कहा — एक परम गुह्य गायत्री-कवच है; उसके पठन और धारण से मनुष्य समस्त पापों से मुक्त हो जाता है।

श्लोक 5 (devibhagavatam.12.3.5)

सर्वान्कामानवाप्नोति देवीरूपश्च जायते । गायत्रीकवचस्यास्य ब्रह्मविष्णुमहेश्वराः

sarvānkāmānavāpnoti devīrūpaśca jāyate gāyatrīkavacasyāsya brahmaviṣṇumaheśvarāḥ

वह सब कामनाओं को प्राप्त कर लेता है और देवीस्वरूप हो जाता है। इस गायत्री-कवच के ब्रह्मा, विष्णु और महेश्वर —

श्लोक 6 (devibhagavatam.12.3.6)

ऋषयो ऋग्यजुःसामाथर्वश्छन्दांसि नारद । ब्रह्मरूपा देवतोक्ता गायत्री परमा कला

ṛṣayo ṛgyajuḥsāmātharvaśchandāṁsi nārada brahmarūpā devatoktā gāyatrī paramā kalā

हे नारद! ये ऋषि हैं; ऋक्, यजुः, साम और अथर्व इसके छन्द हैं; इसकी देवता ब्रह्मरूपा कही गई है, और गायत्री इसकी परम कला है।

श्लोक 7 (devibhagavatam.12.3.7)

तद्बीजं भर्ग इत्येषा शक्तिरुक्ता मनीषिभिः । कीलकं च धियः प्रोक्तं मोक्षार्थे विनियोजनम्

tadbījaṁ bharga ityeṣā śaktiruktā manīṣibhiḥ kīlakaṁ ca dhiyaḥ proktaṁ mokṣārthe viniyojanam

'भर्गः' इसका बीज है, तथा यह इसकी शक्ति विद्वानों द्वारा कही गई है; 'धियः' इसका कीलक कहा गया है; इसका प्रयोग मोक्ष की प्राप्ति के लिए है।

श्लोक 8 (devibhagavatam.12.3.8)

चतुर्भिर्हृदयं प्रोक्तं त्रिभिर्वर्णेः शिरः स्मृतम् । चतुर्भिः स्याच्छिखा पश्चात् त्रिभिस्तु कवचं स्मृतम्

caturbhirhṛdayaṁ proktaṁ tribhirvarṇeḥ śiraḥ smṛtam caturbhiḥ syācchikhā paścāt tribhistu kavacaṁ smṛtam

चार अक्षरों से हृदय कहा गया है, तीन अक्षरों से शिर स्मरण किया गया है; फिर चार अक्षरों से शिखा होती है, और तीन अक्षरों से कवच स्मरण किया गया है।

श्लोक 9 (devibhagavatam.12.3.9)

चतुर्भिर्नेत्रमुद्दिष्टं चतुर्भिः स्यात्तदस्त्रकम् । अथ ध्यानं प्रवक्ष्यामि साधकाभीष्टदायकम्

caturbhirnetramuddiṣṭaṁ caturbhiḥ syāttadastrakam atha dhyānaṁ pravakṣyāmi sādhakābhīṣṭadāyakam

चार अक्षरों से नेत्र निर्दिष्ट है, और चार अक्षरों से अस्त्र होता है। अब मैं साधक की अभीष्ट कामना देने वाला ध्यान कहता हूँ।

श्लोक 10 (devibhagavatam.12.3.10)

मुक्ताविद्रुमहेमनीलधवलच्छायैर्मुखैस्त्रीक्षणै- र्युक्तामिन्दुनिबद्धरत्नमुकुटां तत्त्वार्थवर्णात्मिकाम् । गायत्रीं वरदाभयाङ्कुशकशाः शुभ्रं कपालं गुणं शङ्खं चक्रमथारविन्दयुगलं हस्तैर्वहन्तीं भजे

muktāvidrumahemanīladhavalacchāyairmukhaistrīkṣaṇai- ryuktāmindunibaddharatnamukuṭāṁ tattvārthavarṇātmikām gāyatrīṁ varadābhayāṅkuśakaśāḥ śubhraṁ kapālaṁ guṇaṁ śaṅkhaṁ cakramathāravindayugalaṁ hastairvahantīṁ bhaje

मोती, मूँगे, स्वर्ण, नीलमणि और श्वेत रंग की आभा वाले, तीन नेत्रों से युक्त मुखों वाली, चन्द्रमा से जड़े रत्नमुकुट धारण करने वाली, तत्त्वों के अर्थस्वरूप वर्णों से बनी उस गायत्री देवी को मैं भजता हूँ, जो वरदमुद्रा, अभयमुद्रा, अंकुश और चाबुक, श्वेत कपाल, जपमाला, शंख, चक्र तथा दो कमलों को अपने हाथों में धारण करती हैं।

श्लोक 11 (devibhagavatam.12.3.11)

गायत्री पूर्वतः पातु सावित्री पातु दक्षिणे । ब्रह्मसन्ध्या तु मे पश्चादुत्तरायां सरस्वती

gāyatrī pūrvataḥ pātu sāvitrī pātu dakṣiṇe brahmasandhyā tu me paścāduttarāyāṁ sarasvatī

पूर्व दिशा से गायत्री मेरी रक्षा करें, दक्षिण से सावित्री रक्षा करें; पश्चिम से ब्रह्मसन्ध्या और उत्तर दिशा से सरस्वती मेरी रक्षा करें।

श्लोक 12 (devibhagavatam.12.3.12)

पार्वती मे दिशं रक्षेत्पावकीं जलशायिनी । यातुधानी दिशं रक्षेद्यातुधानभयङ्करी

pārvatī me diśaṁ rakṣetpāvakīṁ jalaśāyinī yātudhānī diśaṁ rakṣedyātudhānabhayaṅkarī

अग्नि-दिशा (आग्नेय) में पार्वती मेरी रक्षा करें, तथा जलशायिनी और यातुधानों को भय देने वाली यातुधानी अन्य दिशा की रक्षा करें।

श्लोक 13 (devibhagavatam.12.3.13)

पावमानी दिशं रक्षेत्पवमानविलासिनी । दिशं रौद्री च मे पातु रुद्राणी रुद्ररूपिणी

pāvamānī diśaṁ rakṣetpavamānavilāsinī diśaṁ raudrī ca me pātu rudrāṇī rudrarūpiṇī

पवन में विलास करने वाली पावमानी मेरी दिशा की रक्षा करें, तथा रुद्र के ही रूप वाली रौद्री रुद्राणी मेरी दिशा की रक्षा करें।

श्लोक 14 (devibhagavatam.12.3.14)

ऊर्ध्वं ब्रह्माणी मे रक्षेदधस्ताद्वैष्णवी तथा । एवं दश दिशो रक्षेत्सर्वाङ्गं भुवनेश्वरी

ūrdhvaṁ brahmāṇī me rakṣedadhastādvaiṣṇavī tathā evaṁ daśa diśo rakṣetsarvāṅgaṁ bhuvaneśvarī

ऊपर से ब्रह्माणी मेरी रक्षा करें, और उसी प्रकार नीचे से वैष्णवी। इस प्रकार दसों दिशाओं की रक्षा हो, और भुवनेश्वरी मेरे सम्पूर्ण अंग की रक्षा करें।

श्लोक 15 (devibhagavatam.12.3.15)

तत्पदं पातु मे पादौ जङ्घे मे सवितुः पदम् । वरेण्यं कटिदेशे तु नाभिं भर्गस्तथैव च

tatpadaṁ pātu me pādau jaṅghe me savituḥ padam vareṇyaṁ kaṭideśe tu nābhiṁ bhargastathaiva ca

'तत्' पद मेरे दोनों पैरों की रक्षा करे, 'सवितुः' पद मेरी दोनों पिंडलियों की; 'वरेण्यं' कमर-प्रदेश की, और उसी प्रकार 'भर्गः' नाभि की रक्षा करे।

श्लोक 16 (devibhagavatam.12.3.16)

देवस्य मे तद्धृदयं धीमहीति च गल्लयोः । धियः पदं च मे नेत्रे यः पदं मे ललाटकम्

devasya me taddhṛdayaṁ dhīmahīti ca gallayoḥ dhiyaḥ padaṁ ca me netre yaḥ padaṁ me lalāṭakam

'देवस्य' मेरे हृदय की रक्षा करे, और 'धीमहि' दोनों गालों की; 'धियः' पद मेरे दोनों नेत्रों की, और 'यः' पद मेरे ललाट की रक्षा करे।

श्लोक 17 (devibhagavatam.12.3.17)

नः पातु मे पदं मूर्ध्नि शिखायां मे प्रचोदयात् । तत्पदं पातु मूर्धानं सकारः पातु भालकम्

naḥ pātu me padaṁ mūrdhni śikhāyāṁ me pracodayāt tatpadaṁ pātu mūrdhānaṁ sakāraḥ pātu bhālakam

'नः' पद मेरे मस्तक की रक्षा करे, 'प्रचोदयात्' मेरी शिखा की; 'तत्' अक्षर मेरे मस्तक की रक्षा करे, और 'स' अक्षर मेरे भाल की रक्षा करे।

श्लोक 18 (devibhagavatam.12.3.18)

चक्षुषी तु विकारार्णस्तुकारस्तु कपोलयोः । नासापुटं वकारार्णो रेकारस्तु मुखे तथा

cakṣuṣī tu vikārārṇastukārastu kapolayoḥ nāsāpuṭaṁ vakārārṇo rekārastu mukhe tathā

'वि' अक्षर मेरे दोनों नेत्रों की रक्षा करे, और 'तु' दोनों कपोलों की; 'व' अक्षर मेरी नासिका की, और उसी प्रकार 'रे' मेरे मुख की रक्षा करे।

श्लोक 19 (devibhagavatam.12.3.19)

णिकार ऊर्ध्वमोष्ठं तु यकारस्त्वधरोष्ठकम् । आस्यमध्ये भकारार्णो र्गोकारश्चिबुके तथा

ṇikāra ūrdhvamoṣṭhaṁ tu yakārastvadharoṣṭhakam āsyamadhye bhakārārṇo rgokāraścibuke tathā

'णि' अक्षर मेरे ऊपरी होंठ की रक्षा करे, और 'य' निचले होंठ की; 'भ' अक्षर मुख के मध्य भाग की, और उसी प्रकार 'र्गो' ठुड्डी की रक्षा करे।

श्लोक 20 (devibhagavatam.12.3.20)

देकारः कण्ठदेशे तु वकारः स्कन्धदेशकम् । स्यकारो दक्षिणं हस्तं धीकारो वामहस्तकम्

dekāraḥ kaṇṭhadeśe tu vakāraḥ skandhadeśakam syakāro dakṣiṇaṁ hastaṁ dhīkāro vāmahastakam

'दे' अक्षर मेरे कण्ठ-प्रदेश की रक्षा करे, और 'व' दोनों कन्धों की; 'स्य' मेरे दाहिने हाथ की, और 'धी' बाएँ हाथ की रक्षा करे।

श्लोक 21 (devibhagavatam.12.3.21)

मकारो हृदयं रक्षेद्धिकार उदरे तथा । धिकारो नाभिदेशे तु योकारस्तु कटिं तथा

makāro hṛdayaṁ rakṣeddhikāra udare tathā dhikāro nābhideśe tu yokārastu kaṭiṁ tathā

'म' अक्षर मेरे हृदय की रक्षा करे, और उसी प्रकार 'हि' उदर की; 'धि' मेरी नाभि की, और उसी प्रकार 'यो' कमर की रक्षा करे।

श्लोक 22 (devibhagavatam.12.3.22)

गुह्यं रक्षतु योकार ऊरू द्वौ नः पदाक्षरम् । प्रकारो जानुनी रक्षेच्चोकारो जङ्घदेशकम्

guhyaṁ rakṣatu yokāra ūrū dvau naḥ padākṣaram prakāro jānunī rakṣeccokāro jaṅghadeśakam

'यो' अक्षर मेरे गुह्य अंग की रक्षा करे, और 'नः' पदाक्षर दोनों जंघाओं की; 'प्र' दोनों घुटनों की, और 'चो' दोनों पिंडलियों की रक्षा करे।

श्लोक 23 (devibhagavatam.12.3.23)

दकारं गुल्फदेशे तु यकारः पदयुग्मकम् । तकारव्यञ्जनं चैव सर्वाङ्गं मे सदावतु

dakāraṁ gulphadeśe tu yakāraḥ padayugmakam takāravyañjanaṁ caiva sarvāṅgaṁ me sadāvatu

'द' अक्षर मेरे टखनों की रक्षा करे, और 'य' दोनों पैरों की; तथा 'त' व्यञ्जन सदा मेरे सम्पूर्ण अंग की रक्षा करे।

श्लोक 24 (devibhagavatam.12.3.24)

इदं तु कवचं दिव्यं बाधाशतविनाशनम् । चतुःषष्टिकलाविद्यादायकं मोक्षकारकम्

idaṁ tu kavacaṁ divyaṁ bādhāśatavināśanam catuḥṣaṣṭikalāvidyādāyakaṁ mokṣakārakam

यह दिव्य कवच सैकड़ों बाधाओं का नाश करने वाला है; यह चौंसठ कलाओं की विद्या देने वाला और मोक्ष प्रदान करने वाला है।

श्लोक 25 (devibhagavatam.12.3.25)

मुच्यते सर्वपापेभ्यः परं ब्रह्माधिगच्छति । पठनाच्छ्रवणाद्वापि गोसहस्रफलं लभेत्

mucyate sarvapāpebhyaḥ paraṁ brahmādhigacchati paṭhanācchravaṇādvāpi gosahasraphalaṁ labhet

मनुष्य समस्त पापों से मुक्त होकर परब्रह्म को प्राप्त कर लेता है; इसके पठन अथवा श्रवण मात्र से ही सहस्र गौओं के दान का फल प्राप्त हो जाता है।