पराशक्तेराविर्भाववर्णनम्

श्लोक 1 (devibhagavatam.12.8.1)

जनमेजय उवाच । भगवन्सर्वधर्मज्ञ सर्वशास्त्रवतांवर । द्विजातीनां तु सर्वेषां शक्त्युपास्तिः श्रुतीरिता

janamejaya uvāca bhagavansarvadharmajña sarvaśāstravatāṁvara dvijātīnāṁ tu sarveṣāṁ śaktyupāstiḥ śrutīritā

जनमेजय ने कहा — हे भगवन्! हे सर्वधर्मज्ञ! हे सर्वशास्त्र-विदों में श्रेष्ठ! श्रुतियों ने सभी द्विजों के लिए शक्ति की उपासना बताई है।

श्लोक 2 (devibhagavatam.12.8.2)

सन्ध्याकालत्रयेऽन्यस्मिन् काले नित्यतया विभो । तां विहाय द्विजाः कस्माद्गृह्णीयुश्चान्यदेवताः

sandhyākālatraye'nyasmin kāle nityatayā vibho tāṁ vihāya dvijāḥ kasmādgṛhṇīyuścānyadevatāḥ

हे विभो! तीनों सन्ध्या-कालों में तथा अन्य समय में भी नित्य उपास्य उस (गायत्री) को छोड़कर द्विज अन्य देवताओं को क्यों ग्रहण करते हैं?

श्लोक 3 (devibhagavatam.12.8.3)

दृश्यन्ते वैष्णवाः केचिद्गाणपत्यास्तथापरे । कापालिकाश्चीनमार्गरता वल्कलधारिणः

dṛśyante vaiṣṇavāḥ kecidgāṇapatyāstathāpare kāpālikāścīnamārgaratā valkaladhāriṇaḥ

कोई वैष्णव, कोई गाणपत्य, कोई चीन-मार्ग में रत कापालिक, वल्कल धारण करने वाले,

श्लोक 4 (devibhagavatam.12.8.4)

दिगम्बरास्तथा बौद्धाश्चार्वार्का एवमादयः । दृश्यन्ते बहवो लोके वेदश्रद्धाविवर्जिताः

digambarāstathā bauddhāścārvārkā evamādayaḥ dṛśyante bahavo loke vedaśraddhāvivarjitāḥ

दिगम्बर, बौद्ध, चार्वाक आदि — ऐसे अनेक लोग संसार में वेद-श्रद्धा से रहित दिखाई देते हैं।

श्लोक 5 (devibhagavatam.12.8.5)

किमत्र कारणं ब्रह्मंस्तद्भवान् वक्तुमर्हति । बुद्धिमन्तः पण्डिताश्च नानातर्कविचक्षणाः

kimatra kāraṇaṁ brahmaṁstadbhavān vaktumarhati buddhimantaḥ paṇḍitāśca nānātarkavicakṣaṇāḥ

हे ब्रह्मन्! इसका क्या कारण है, यह आप कहने योग्य हैं। बुद्धिमान्, पण्डित तथा नाना तर्कों में निपुण लोग भी —

श्लोक 6 (devibhagavatam.12.8.6)

अपि सन्त्येव वेदेषु श्रद्धया तु विवर्जिताः । न हि कश्चित्स्वकल्याणं बुद्ध्या हातुमिहेच्छति

api santyeva vedeṣu śraddhayā tu vivarjitāḥ na hi kaścitsvakalyāṇaṁ buddhyā hātumihecchati

वेदों में श्रद्धा से रहित पाए जाते हैं; परन्तु कोई भी बुद्धिपूर्वक अपने कल्याण को त्यागना नहीं चाहता।

श्लोक 7 (devibhagavatam.12.8.7)

किमत्र कारणं तस्माद्वद वेदविदांवर । मणिद्वीपस्य महिमा वर्णितो भवता पुरा

kimatra kāraṇaṁ tasmādvada vedavidāṁvara maṇidvīpasya mahimā varṇito bhavatā purā

तो इसका क्या कारण है, हे वेदविदों में श्रेष्ठ, कहिए। आपने पहले मणिद्वीप की महिमा का वर्णन किया था —

श्लोक 8 (devibhagavatam.12.8.8)

कीदृक् तदस्ति यद्देव्याः परं स्थानं महत्तरम् । तच्चापि वद भक्ताय श्रद्दधानाय मेऽनघ

kīdṛk tadasti yaddevyāḥ paraṁ sthānaṁ mahattaram taccāpi vada bhaktāya śraddadhānāya me'nagha

देवी का वह परम और महत्तर स्थान कैसा है? हे निष्पाप! अपने भक्त और श्रद्धावान् मुझे वह भी कहिए।

श्लोक 9 (devibhagavatam.12.8.9)

प्रसन्नास्तु वदन्त्येव गुरवो गुह्यमप्युत । सूत उवाच । इति राज्ञो वचः श्रुत्वा भगवान् बादरायणः

prasannāstu vadantyeva guravo guhyamapyuta sūta uvāca iti rājño vacaḥ śrutvā bhagavān bādarāyaṇaḥ

प्रसन्न गुरु गुह्य बात भी कह देते हैं। सूत जी ने कहा — राजा की यह बात सुनकर भगवान् बादरायण (व्यास) ने,

श्लोक 10 (devibhagavatam.12.8.10)

निजगाद ततः सर्वं क्रमेणैव मुनीश्वराः । यच्छ्रुत्वा तु द्विजातीनां वेदश्रद्धा विवर्धते

nijagāda tataḥ sarvaṁ krameṇaiva munīśvarāḥ yacchrutvā tu dvijātīnāṁ vedaśraddhā vivardhate

हे मुनीश्वरो! तब क्रमशः वह सब कहा, जिसे सुनकर द्विजों की वेद-श्रद्धा बढ़ती है।

श्लोक 11 (devibhagavatam.12.8.11)

व्यास उवाच । सम्यक्पृष्टं त्वया राजन् समये समयोचितम् । वुद्धिमानसि वेदेषु श्रद्धावांश्चैव लक्ष्यसे

vyāsa uvāca samyakpṛṣṭaṁ tvayā rājan samaye samayocitam vuddhimānasi vedeṣu śraddhāvāṁścaiva lakṣyase

व्यास जी ने कहा — हे राजन्! तुमने समयोचित सुन्दर प्रश्न पूछा है; तुम बुद्धिमान् और वेदों में श्रद्धावान् प्रतीत होते हो।

श्लोक 12 (devibhagavatam.12.8.12)

पूर्वं मदोद्धता दैत्या देवैर्युद्धं तु चक्रिरे । शतवर्षं महाराज महाविस्मयकारकम्

pūrvaṁ madoddhatā daityā devairyuddhaṁ tu cakrire śatavarṣaṁ mahārāja mahāvismayakārakam

हे महाराज! पहले मद से उद्धत दैत्यों ने देवों से सौ वर्ष तक महान् आश्चर्यकारी युद्ध किया।

श्लोक 13 (devibhagavatam.12.8.13)

नानाशस्त्रप्रहरणं नानामायाविचित्रितम् । जगत्क्षयकरं नूनं तेषां युद्धमभून्नृप

nānāśastrapraharaṇaṁ nānāmāyāvicitritam jagatkṣayakaraṁ nūnaṁ teṣāṁ yuddhamabhūnnṛpa

हे राजन्! नाना शस्त्रों के प्रहार से, नाना मायाओं से विचित्र, वह युद्ध निश्चय ही जगत् का नाश करने वाला हुआ।

श्लोक 14 (devibhagavatam.12.8.14)

पराशक्तिकृपावेशाद्देवैर्दैत्या जिता युधि । भुवं स्वर्गं परित्यज्य गताः पातालवेश्मनि

parāśaktikṛpāveśāddevairdaityā jitā yudhi bhuvaṁ svargaṁ parityajya gatāḥ pātālaveśmani

परा शक्ति की कृपा के प्रवेश से देवों ने युद्ध में दैत्यों को जीत लिया; वे भूलोक और स्वर्ग को छोड़कर पाताल-निवास को चले गए।

श्लोक 15 (devibhagavatam.12.8.15)

ततः प्रहर्षिता देवाः स्वपराक्रमवर्णनम् । चक्रुः परस्परं मोहात्साभिमानाः समन्ततः

tataḥ praharṣitā devāḥ svaparākramavarṇanam cakruḥ parasparaṁ mohātsābhimānāḥ samantataḥ

तब अत्यन्त प्रसन्न देव मोहवश अभिमान से युक्त होकर आपस में अपने-अपने पराक्रम का वर्णन करने लगे।

श्लोक 16 (devibhagavatam.12.8.16)

जयोऽस्माकं कुतो न स्यादस्माकं महिमा यतः । सर्वोत्तरः कुत्र दैत्याः पामरा निष्पराक्रमाः

jayo'smākaṁ kuto na syādasmākaṁ mahimā yataḥ sarvottaraḥ kutra daityāḥ pāmarā niṣparākramāḥ

'हमारी विजय क्यों न हो, जबकि हमारी महिमा ऐसी है? दैत्य कहाँ, जो पामर और पराक्रमहीन हैं?'

श्लोक 17 (devibhagavatam.12.8.17)

सृष्टिस्थितिक्षयकरा वयं सर्वे यशस्विनः । अस्मदग्रे पामराणां दैत्यानां चैव का कथा

sṛṣṭisthitikṣayakarā vayaṁ sarve yaśasvinaḥ asmadagre pāmarāṇāṁ daityānāṁ caiva kā kathā

'सृष्टि, स्थिति और संहार करने वाले हम सब यशस्वी हैं; हमारे आगे उन पामर दैत्यों की क्या बिसात?'

श्लोक 18 (devibhagavatam.12.8.18)

पराशक्तिप्रभावं ते न ज्ञात्वा मोहमागताः । तेषामनुग्रहं कर्तुं तदैव जगदम्बिका

parāśaktiprabhāvaṁ te na jñātvā mohamāgatāḥ teṣāmanugrahaṁ kartuṁ tadaiva jagadambikā

परा शक्ति के प्रभाव को न जानकर वे मोह को प्राप्त हुए। तब उन पर अनुग्रह करने के लिए जगदम्बिका उसी क्षण —

श्लोक 19 (devibhagavatam.12.8.19)

प्रादुरासीत्कृपापूर्णा यक्षरूपेण भूमिप । कोटिसूर्यप्रतीकाशं चन्द्रकोटिसुशीतलम्

prādurāsītkṛpāpūrṇā yakṣarūpeṇa bhūmipa koṭisūryapratīkāśaṁ candrakoṭisuśītalam

हे भूमिप! कृपा से पूर्ण होकर यक्ष के रूप में प्रकट हुईं — करोड़ों सूर्यों के समान तेजस्वी, करोड़ों चन्द्रमाओं के समान अत्यन्त शीतल,

श्लोक 20 (devibhagavatam.12.8.20)

विद्युत्कोटिसमानाभं हस्तपादादिवर्जितम् । अदृष्टपूर्वं तद्दृष्ट्वा तेजः परमसुन्दरम्

vidyutkoṭisamānābhaṁ hastapādādivarjitam adṛṣṭapūrvaṁ taddṛṣṭvā tejaḥ paramasundaram

करोड़ों बिजलियों के समान आभा वाला, हाथ-पैर आदि से रहित। उस अपूर्व, अत्यन्त सुन्दर तेज को देखकर,

श्लोक 21 (devibhagavatam.12.8.21)

सविस्मयास्तदा प्रोचुः किमिदं किमिदं त्विति । दैत्यानां चेष्टितं किं वा माया कापि महीयसी

savismayāstadā procuḥ kimidaṁ kimidaṁ tviti daityānāṁ ceṣṭitaṁ kiṁ vā māyā kāpi mahīyasī

वे आश्चर्यचकित होकर कहने लगे — 'यह क्या है, यह क्या है? क्या यह दैत्यों की कोई चेष्टा है, अथवा कोई महती माया है,

श्लोक 22 (devibhagavatam.12.8.22)

केनचिन्निर्मिता वाथ देवानां स्मयकारिणी । सम्भूय ते तदा सर्वे विचारं चक्रुरुत्तमम्

kenacinnirmitā vātha devānāṁ smayakāriṇī sambhūya te tadā sarve vicāraṁ cakruruttamam

किसी के द्वारा देवों को चकित करने के लिए बनाई गई?' तब वे सब मिलकर उत्तम विचार करने लगे।

श्लोक 23 (devibhagavatam.12.8.23)

यक्षस्य निकटे गत्वा प्रष्टव्यं कस्त्वमित्यपि । बलाबलं ततो ज्ञात्वा कर्तव्या तु प्रतिक्रिया

yakṣasya nikaṭe gatvā praṣṭavyaṁ kastvamityapi balābalaṁ tato jñātvā kartavyā tu pratikriyā

'यक्ष के निकट जाकर पूछना चाहिए — तुम कौन हो? फिर उसका बल-अबल जानकर ही उचित प्रतिक्रिया करनी चाहिए।'

श्लोक 24 (devibhagavatam.12.8.24)

ततो वह्निं समाहूय प्रोवाचेन्द्रः सुराधिपः । गच्छ वह्ने त्वमस्माकं यतोऽसि मुखमुत्तमम्

tato vahniṁ samāhūya provācendraḥ surādhipaḥ gaccha vahne tvamasmākaṁ yato'si mukhamuttamam

तब सुराधिप इन्द्र ने अग्नि को बुलाकर कहा — 'हे अग्नि! तुम जाओ, क्योंकि तुम हमारे श्रेष्ठ मुख हो,

श्लोक 25 (devibhagavatam.12.8.25)

ततो गत्वा तु जानीहि किमिदं यक्षमित्यपि । सहस्राक्षवचः श्रुत्वा स्वपराक्रमगर्भितम्

tato gatvā tu jānīhi kimidaṁ yakṣamityapi sahasrākṣavacaḥ śrutvā svaparākramagarbhitam

वहाँ जाकर जान लो कि यह यक्ष क्या है।' अपने पराक्रम से भरे सहस्राक्ष (इन्द्र) के वचन सुनकर,

श्लोक 26 (devibhagavatam.12.8.26)

वेगात्स निर्गतो वह्निर्ययौ यक्षस्य सन्निधौ । तदा प्रोवाच यक्षस्तं त्वं कोऽसीति हुताशनम्

vegātsa nirgato vahniryayau yakṣasya sannidhau tadā provāca yakṣastaṁ tvaṁ ko'sīti hutāśanam

वह अग्नि वेग से निकलकर यक्ष के समीप गया। तब यक्ष ने उस हुताशन (अग्नि) से कहा — 'तुम कौन हो?'

श्लोक 27 (devibhagavatam.12.8.27)

वीर्यं च त्वयि किं यत्तद्वद सर्वं ममाग्रतः । अग्निरस्मि तथा जातवेदा अस्मीति सोऽब्रवीत्

vīryaṁ ca tvayi kiṁ yattadvada sarvaṁ mamāgrataḥ agnirasmi tathā jātavedā asmīti so'bravīt

'तुझमें क्या शक्ति है, वह सब मुझसे कहो।' अग्नि ने कहा — 'मैं अग्नि हूँ, और मैं जातवेदा भी हूँ।'

श्लोक 28 (devibhagavatam.12.8.28)

सर्वस्य दहने शक्तिर्मयि विश्वस्य तिष्ठति । तदा यक्षं परं तेजस्तदग्रे निदधौ तृणम्

sarvasya dahane śaktirmayi viśvasya tiṣṭhati tadā yakṣaṁ paraṁ tejastadagre nidadhau tṛṇam

'सम्पूर्ण विश्व को जलाने की शक्ति मुझमें स्थित है।' तब यक्ष ने, उस परम तेज ने, उसके आगे एक तिनका रख दिया।

श्लोक 29 (devibhagavatam.12.8.29)

दहैनं यदि ते शक्तिर्विश्वस्य दहनेऽस्ति हि । तदा सर्वबलेनैवाकरोद्यत्नं हुताशनः

dahainaṁ yadi te śaktirviśvasya dahane'sti hi tadā sarvabalenaivākarodyatnaṁ hutāśanaḥ

'यदि तुझमें विश्व को जलाने की शक्ति है, तो इसे जला।' तब अग्नि ने अपने सम्पूर्ण बल से प्रयत्न किया।

श्लोक 30 (devibhagavatam.12.8.30)

न शशाक तृणं दग्धुं लज्जितोऽगात्सुरान्प्रति । पृष्टे देवैस्तु वृत्तान्ते सर्वं प्रोवाच हव्यभुक्

na śaśāka tṛṇaṁ dagdhuṁ lajjito'gātsurānprati pṛṣṭe devaistu vṛttānte sarvaṁ provāca havyabhuk

वह तिनके को भी नहीं जला सका, और लज्जित होकर देवों के पास लौटा। देवों के पूछने पर हव्यभुक् (अग्नि) ने सारा वृत्तान्त कहा —

श्लोक 31 (devibhagavatam.12.8.31)

वृथाभिमानो ह्यस्माकं सर्वेशत्वादिके सुराः । ततस्तु वृत्रहा वायुं समाहूयेदमब्रवीत्

vṛthābhimāno hyasmākaṁ sarveśatvādike surāḥ tatastu vṛtrahā vāyuṁ samāhūyedamabravīt

'हे सुरो! सर्वेश्वरत्व आदि का हमारा अभिमान व्यर्थ था।' तब वृत्रहा (इन्द्र) ने वायु को बुलाकर यह कहा —

श्लोक 32 (devibhagavatam.12.8.32)

त्वयि प्रोतं जगत्सर्वं त्वच्चेष्टाभिस्तु चेष्टितम् । त्वं प्राणरूपः सर्वेषां सर्वशक्तिविधारकः

tvayi protaṁ jagatsarvaṁ tvacceṣṭābhistu ceṣṭitam tvaṁ prāṇarūpaḥ sarveṣāṁ sarvaśaktividhārakaḥ

'तुझमें सम्पूर्ण जगत् गुँथा हुआ है, तेरी ही चेष्टाओं से यह चेष्टित होता है; तू सबका प्राणस्वरूप, सब शक्तियों का धारक है।'

श्लोक 33 (devibhagavatam.12.8.33)

त्वमेव गत्वा जानीहि किमिदं यक्षमित्यपि । नान्यः कोऽपि समर्थोऽस्ति ज्ञातुं यक्षं परं महः

tvameva gatvā jānīhi kimidaṁ yakṣamityapi nānyaḥ ko'pi samartho'sti jñātuṁ yakṣaṁ paraṁ mahaḥ

'तू स्वयं जाकर जान कि यह यक्ष क्या है; इस परम तेज वाले यक्ष को जानने में कोई और समर्थ नहीं है।'

श्लोक 34 (devibhagavatam.12.8.34)

सहस्राक्षवचः श्रुत्वा गुणगौरवगुम्फितम् । साभिमानो जगामाशु यत्र यक्षं विराजते

sahasrākṣavacaḥ śrutvā guṇagauravagumphitam sābhimāno jagāmāśu yatra yakṣaṁ virājate

अपने गुणों की गरिमा से भरे सहस्राक्ष के वचन सुनकर वह अभिमानपूर्वक शीघ्र ही वहाँ गया, जहाँ यक्ष विराजमान था।

श्लोक 35 (devibhagavatam.12.8.35)

यक्षं दृष्ट्वा ततो वायुं प्रोवाच मृदुभाषया । कोऽसि त्वं त्वयि का शक्तिर्वद सर्वं ममाग्रतः

yakṣaṁ dṛṣṭvā tato vāyuṁ provāca mṛdubhāṣayā ko'si tvaṁ tvayi kā śaktirvada sarvaṁ mamāgrataḥ

यक्ष को देखकर उसने मृदु वाणी से वायु से कहा — 'तू कौन है, तुझमें क्या शक्ति है, सब मुझसे कह।'

श्लोक 36 (devibhagavatam.12.8.36)

ततो यक्षवचः श्रुत्वा गर्वेण मरुदब्रवीत् । मातरिश्वाहमस्मीति वायुरस्मीति चाब्रवीत्

tato yakṣavacaḥ śrutvā garveṇa marudabravīt mātariśvāhamasmīti vāyurasmīti cābravīt

तब यक्ष के वचन सुनकर वायु ने गर्व से कहा — 'मैं मातरिश्वा हूँ,' और 'मैं वायु हूँ' भी कहा।

श्लोक 37 (devibhagavatam.12.8.37)

वीर्यं तु मयि सर्वस्य चालने ग्रहणेऽस्ति हि । मच्चेष्टया जगत्सर्वं सर्वव्यापारवद्भवेत्

vīryaṁ tu mayi sarvasya cālane grahaṇe'sti hi macceṣṭayā jagatsarvaṁ sarvavyāpāravadbhavet

'सबको हिलाने और ग्रहण करने की शक्ति मुझमें है; मेरी ही चेष्टा से सम्पूर्ण जगत् सब व्यापार करता है।'

श्लोक 38 (devibhagavatam.12.8.38)

इति श्रुत्वा वायुवाणीं निजगाद परं महः । तृणमेतत्तवाग्रे यत्तच्चालय यथेप्सितम्

iti śrutvā vāyuvāṇīṁ nijagāda paraṁ mahaḥ tṛṇametattavāgre yattaccālaya yathepsitam

वायु की यह वाणी सुनकर उस परम तेज ने कहा — 'तेरे सामने यह तिनका है, इसे जैसे चाहे हिला।'

श्लोक 39 (devibhagavatam.12.8.39)

नोचेद्गर्वं विहायैनं लज्जितो गच्छ वासवम् । श्रुत्वा यक्षवचो वायुः सर्वशक्तिसमन्वितः

nocedgarvaṁ vihāyainaṁ lajjito gaccha vāsavam śrutvā yakṣavaco vāyuḥ sarvaśaktisamanvitaḥ

'अन्यथा गर्व त्यागकर लज्जित होकर वासव के पास लौट जा।' यक्ष के वचन सुनकर सर्वशक्तिसम्पन्न वायु ने,

श्लोक 40 (devibhagavatam.12.8.40)

उद्योगमकरोत्तच्च स्वस्थानान्न चचाल ह । लज्जितोऽगाद्देवपार्श्वे हित्वा गर्वं स चानिलः

udyogamakarottacca svasthānānna cacāla ha lajjito'gāddevapārśve hitvā garvaṁ sa cānilaḥ

प्रयत्न किया, परन्तु वह अपने स्थान से भी नहीं हिला। वह अनिल (वायु) गर्व त्यागकर लज्जित होकर देवों के पास लौटा।

श्लोक 41 (devibhagavatam.12.8.41)

वृत्तान्तमवदत्सर्वं गर्वनिर्वापकारणम् । नैतंज्ञातुं समर्थाः स्म मिथ्यागर्वाभिमानिनः

vṛttāntamavadatsarvaṁ garvanirvāpakāraṇam naitaṁjñātuṁ samarthāḥ sma mithyāgarvābhimāninaḥ

उसने अपने गर्व के शमन का सारा वृत्तान्त कहा — 'मिथ्या गर्व और अभिमान से युक्त हम इसे जानने में समर्थ नहीं हो सके।'

श्लोक 42 (devibhagavatam.12.8.42)

अलौकिकं भाति यक्षं तेजः परमदारुणम् । ततः सर्वे सुरगणाः सहस्राक्षं समूचिरे

alaukikaṁ bhāti yakṣaṁ tejaḥ paramadāruṇam tataḥ sarve suragaṇāḥ sahasrākṣaṁ samūcire

'यह यक्ष अलौकिक और परम भयंकर तेज से सुशोभित है।' तब सभी देवगणों ने सहस्राक्ष (इन्द्र) से कहा —

श्लोक 43 (devibhagavatam.12.8.43)

देवराडसि यस्मात्त्वं यक्षं जानीहि तत्त्वतः । तत इन्द्रो महागर्वात्तद्यक्षं समुपाद्रवत्

devarāḍasi yasmāttvaṁ yakṣaṁ jānīhi tattvataḥ tata indro mahāgarvāttadyakṣaṁ samupādravat

'चूँकि तुम देवराज हो, तुम स्वयं यक्ष को तत्त्वतः जानो।' तब इन्द्र महागर्व से उस यक्ष के पास दौड़ा।

श्लोक 44 (devibhagavatam.12.8.44)

प्राद्रवच्च परं तेजो यक्षरूपं परात्परम् । अन्तर्धानं ततः प्राप तद्यक्षं वासवाग्रतः

prādravacca paraṁ tejo yakṣarūpaṁ parātparam antardhānaṁ tataḥ prāpa tadyakṣaṁ vāsavāgrataḥ

परन्तु वह परम तेज, वह यक्षरूप, परात्पर, भाग गया; वह यक्ष वासव के सामने से अन्तर्धान हो गया।

श्लोक 45 (devibhagavatam.12.8.45)

अतीव लज्जितो जातो वासवो देवराडपि । यक्षसम्भाषणाभावाल्लघुत्वं प्राप चेतसि

atīva lajjito jāto vāsavo devarāḍapi yakṣasambhāṣaṇābhāvāllaghutvaṁ prāpa cetasi

देवराज वासव अत्यन्त लज्जित हुए; यक्ष से बातचीत न हो पाने के कारण उनके मन में लघुता का भाव आया।

श्लोक 46 (devibhagavatam.12.8.46)

अतः परं न गन्तव्यं मया तु सुरसंसदि । किं मया तत्र वक्तव्यं स्वलघुत्वं सुरान्प्रति

ataḥ paraṁ na gantavyaṁ mayā tu surasaṁsadi kiṁ mayā tatra vaktavyaṁ svalaghutvaṁ surānprati

'अब मुझे देव-सभा में नहीं जाना चाहिए; वहाँ देवों के सामने अपनी लघुता के अतिरिक्त मैं क्या कहूँगा?'

श्लोक 47 (devibhagavatam.12.8.47)

देहत्यागो वरस्तस्मान्मानो हि महतां धनम् । माने नष्टे जीवितं तु मृतितुल्यं न संशयः

dehatyāgo varastasmānmāno hi mahatāṁ dhanam māne naṣṭe jīvitaṁ tu mṛtitulyaṁ na saṁśayaḥ

'इससे तो देह त्याग देना ही श्रेष्ठ है; क्योंकि मान ही महापुरुषों का धन है। मान नष्ट होने पर जीवन भी मृत्यु के समान ही है, इसमें सन्देह नहीं।'

श्लोक 48 (devibhagavatam.12.8.48)

इति निश्चित्य तत्रैव गर्वं हित्वा सुरेश्वरः । चरित्रमीदृशं यस्य तमेव शरणं गतः

iti niścitya tatraiva garvaṁ hitvā sureśvaraḥ caritramīdṛśaṁ yasya tameva śaraṇaṁ gataḥ

ऐसा निश्चय करके देवेश्वर ने वहीं गर्व त्यागकर, जिसका ऐसा चरित्र था, उसी की शरण ली।

श्लोक 49 (devibhagavatam.12.8.49)

तस्मिन्नेव क्षणे जाता व्योमवाणी नभस्तले । मायाबीजं सहस्राक्ष जप तेन सुखी भव

tasminneva kṣaṇe jātā vyomavāṇī nabhastale māyābījaṁ sahasrākṣa japa tena sukhī bhava

उसी क्षण आकाश में एक आकाशवाणी हुई — 'हे सहस्राक्ष! माया-बीज का जप करो, उससे सुखी होओगे।'

श्लोक 50 (devibhagavatam.12.8.50)

ततो जजाप परमं मायाबीजं परात्परम् । लक्षवर्षं निराहारो ध्यानमीलितलोचनः

tato jajāpa paramaṁ māyābījaṁ parātparam lakṣavarṣaṁ nirāhāro dhyānamīlitalocanaḥ

तब उसने निराहार रहकर, ध्यान में नेत्र मूँदकर, एक लाख वर्ष तक उस परात्पर माया-बीज का जप किया।

श्लोक 51 (devibhagavatam.12.8.51)

अकस्माच्चैत्रमासीयनवम्यां मध्यगे रवौ । तदेवाविरभूत्तेजस्तस्मिन्नेव स्थले पुनः

akasmāccaitramāsīyanavamyāṁ madhyage ravau tadevāvirabhūttejastasminneva sthale punaḥ

अचानक चैत्र मास की नवमी को, सूर्य के मध्याह्न में होने पर, उसी स्थान पर पुनः वही तेज प्रकट हुआ।

श्लोक 52 (devibhagavatam.12.8.52)

तेजोमण्डलमध्ये तु कुमारीं नवयौवनाम् । भास्वज्जपाप्रसूनाभां बालकोटिरविप्रभाम्

tejomaṇḍalamadhye tu kumārīṁ navayauvanām bhāsvajjapāprasūnābhāṁ bālakoṭiraviprabhām

उस तेजोमण्डल के मध्य में नव-यौवना कुमारी को — जपाकुसुम के समान चमकती, करोड़ों उदीयमान सूर्यों की आभा वाली,

श्लोक 53 (devibhagavatam.12.8.53)

बालशीतांशमुकुटां वस्त्रान्तर्व्यञ्जितस्तनीम् । चतुर्भिर्वरहस्तैस्तु वरपाशाङ्कुशाभयान्

bālaśītāṁśamukuṭāṁ vastrāntarvyañjitastanīm caturbhirvarahastaistu varapāśāṅkuśābhayān

नवीन शीतल चन्द्रमा का मुकुट धारण करने वाली, वस्त्र के भीतर से झलकते स्तनों वाली, चार श्रेष्ठ हाथों में वरमुद्रा, पाश, अंकुश और अभयमुद्रा धारण करने वाली,

श्लोक 54 (devibhagavatam.12.8.54)

दधानां रमणीयाङ्गीं कोमलाङ्गलतां शिवाम् । भक्तकल्पद्रुमामम्बां नानाभूषणभूषिताम्

dadhānāṁ ramaṇīyāṅgīṁ komalāṅgalatāṁ śivām bhaktakalpadrumāmambāṁ nānābhūṣaṇabhūṣitām

मनोहर अंगों वाली, कोमल लता जैसे शरीर वाली शिवा, भक्तों की कल्पवृक्ष रूपा माता, अनेक आभूषणों से विभूषित,

श्लोक 55 (devibhagavatam.12.8.55)

त्रिनेत्रां मल्लिकामालाकबरीजूटशोभिताम् । चतुर्दिक्षु चतुर्वेदैर्मूर्तिमद्भिरभिष्टुताम्

trinetrāṁ mallikāmālākabarījūṭaśobhitām caturdikṣu caturvedairmūrtimadbhirabhiṣṭutām

तीन नेत्रों वाली, मल्लिका-माला से सुशोभित जूड़े वाली, चारों दिशाओं में मूर्तिमान चारों वेदों द्वारा स्तुत,

श्लोक 56 (devibhagavatam.12.8.56)

दन्तच्छटाभिरभितः पद्मरागीकृतक्षमाम् । प्रसन्तस्मेरवदनां कोटिकन्दर्पसुन्दराम्

dantacchaṭābhirabhitaḥ padmarāgīkṛtakṣamām prasantasmeravadanāṁ koṭikandarpasundarām

जिनकी दन्त-पंक्ति की आभा से चारों ओर की भूमि पद्मराग-मणि जैसी हो जाती थी, प्रसन्न मुस्कुराते मुख वाली, करोड़ों कामदेवों से भी सुन्दर,

श्लोक 57 (devibhagavatam.12.8.57)

रक्ताम्बरपरीधानां रक्तचन्दनचर्चिताम् । उमाभिधानां पुरतो देवीं हैमवतीं शिवाम्

raktāmbaraparīdhānāṁ raktacandanacarcitām umābhidhānāṁ purato devīṁ haimavatīṁ śivām

लाल वस्त्र धारण करने वाली, लाल चन्दन से लिप्त — उमा नाम वाली, हिमवान्-पुत्री, कल्याणी उस देवी को,

श्लोक 58 (devibhagavatam.12.8.58)

निर्व्याजकरुणामूर्तिं सर्वकारणकारणाम् । ददर्श वासवस्तत्र प्रेमगद्गदितान्तरः

nirvyājakaruṇāmūrtiṁ sarvakāraṇakāraṇām dadarśa vāsavastatra premagadgaditāntaraḥ

निष्कपट करुणा की साक्षात् मूर्ति, सम्पूर्ण कारणों की भी कारण — वासव ने वहाँ देखा, उनका हृदय प्रेम से गद्गद हो गया,

श्लोक 59 (devibhagavatam.12.8.59)

प्रेमाश्रुपूर्णनयनो रोमाञ्चिततनुस्ततः । दण्डवत्प्रणनामाथ पादयोर्जगदीशितुः

premāśrupūrṇanayano romāñcitatanustataḥ daṇḍavatpraṇanāmātha pādayorjagadīśituḥ

नेत्र प्रेमाश्रुओं से भर गए, शरीर रोमांचित हो गया; तब उन्होंने जगदीश्वरी के चरणों में दण्डवत् प्रणाम किया।

श्लोक 60 (devibhagavatam.12.8.60)

तुष्टाव विविधैः स्तोत्रैर्भक्तिसन्नतकन्धरः । उवाच परमप्रीतः किमिदं यक्षमित्यपि

tuṣṭāva vividhaiḥ stotrairbhaktisannatakandharaḥ uvāca paramaprītaḥ kimidaṁ yakṣamityapi

भक्ति से नत ग्रीवा होकर विविध स्तोत्रों से उनकी स्तुति की; परम प्रसन्न होकर पूछा — 'यह यक्ष क्या था,'

श्लोक 61 (devibhagavatam.12.8.61)

प्रादुर्भूतं च कस्मात्तद्वद सर्वं सुशोभने । इति तस्य वचः श्रुत्वा प्रोवाच करुणार्णवा

prādurbhūtaṁ ca kasmāttadvada sarvaṁ suśobhane iti tasya vacaḥ śrutvā provāca karuṇārṇavā

'और वह क्यों प्रकट हुआ, हे सुशोभने! मुझसे यह सब कहिए।' उसका यह वचन सुनकर करुणा की सागर देवी ने कहा —

श्लोक 62 (devibhagavatam.12.8.62)

रूपं मदीयं ब्रह्मैतत्सर्वकारणकारणम् । मायाधिष्ठानभूतं तु सर्वसाक्षि निरामयम्

rūpaṁ madīyaṁ brahmaitatsarvakāraṇakāraṇam māyādhiṣṭhānabhūtaṁ tu sarvasākṣi nirāmayam

'वह रूप मेरा ही था — यह ब्रह्म, सम्पूर्ण कारणों का कारण, माया का आधार-भूत, सबका साक्षी, निरामय।'

श्लोक 63 (devibhagavatam.12.8.63)

सर्वे वेदा यत्पदमामनन्ति तपांसि सर्वाणि च यद्वदन्ति । यदिच्छन्तो ब्रह्मचर्यं चरन्ति तत्ते पदं सङ्ग्रहेण ब्रवीमि

sarve vedā yatpadamāmananti tapāṁsi sarvāṇi ca yadvadanti yadicchanto brahmacaryaṁ caranti tatte padaṁ saṅgraheṇa bravīmi

'जिस पद को सभी वेद बताते हैं, जिसे सभी तप कहते हैं, जिसकी इच्छा से लोग ब्रह्मचर्य का पालन करते हैं — वही पद मैं तुम्हें संक्षेप में बताती हूँ।'

श्लोक 64 (devibhagavatam.12.8.64)

ओमित्येकाक्षरं ब्रह्म तदेवाहुश्च ह्रींमयम् । द्वे बीजे मम मन्त्रौ स्तो मुख्यत्वेन सुरोत्तम

omityekākṣaraṁ brahma tadevāhuśca hrīṁmayam dve bīje mama mantrau sto mukhyatvena surottama

'ॐ यह एकाक्षर ब्रह्म है, और उसे ही ह्रींमय भी कहते हैं। हे सुरोत्तम! ये दोनों बीज ही मुख्यतः मेरे मन्त्र हैं।'

श्लोक 65 (devibhagavatam.12.8.65)

भागद्वयवती यस्मात्सृजामि सकलं जगत् । तत्रैकभागः सम्प्रोक्तः सच्चिदानन्दनामकः

bhāgadvayavatī yasmātsṛjāmi sakalaṁ jagat tatraikabhāgaḥ samproktaḥ saccidānandanāmakaḥ

'चूँकि मैं दो भागों वाली हूँ, इसी से मैं सम्पूर्ण जगत् की सृष्टि करती हूँ। उनमें एक भाग सच्चिदानन्द नाम वाला कहा गया है,'

श्लोक 66 (devibhagavatam.12.8.66)

मायाप्रकृतिसंज्ञस्तु द्वितीयो भाग ईरितः । सा च माया परा शक्तिः शक्तिमत्यहमीश्वरी

māyāprakṛtisaṁjñastu dvitīyo bhāga īritaḥ sā ca māyā parā śaktiḥ śaktimatyahamīśvarī

'और दूसरा भाग माया अथवा प्रकृति नाम वाला कहा गया है। वह माया ही मेरी परा शक्ति है — मैं ही उस शक्ति की स्वामिनी ईश्वरी हूँ।'

श्लोक 67 (devibhagavatam.12.8.67)

चन्द्रस्य चन्द्रिकेवेयं ममाभिन्नत्वमागता । साम्यावस्थात्मिका चैषा माया मम सुरोत्तम

candrasya candrikeveyaṁ mamābhinnatvamāgatā sāmyāvasthātmikā caiṣā māyā mama surottama

'जैसे चन्द्रमा की चन्द्रिका, वैसे ही यह माया मुझसे अभिन्न हो गई है। हे सुरोत्तम! यह मेरी माया साम्यावस्था-स्वरूपा है।'

श्लोक 68 (devibhagavatam.12.8.68)

प्रलये सर्वजगतो मदभिन्नैव तिष्ठति । प्राणिकर्मपरीपाकवशतः पुनरेव हि

pralaye sarvajagato madabhinnaiva tiṣṭhati prāṇikarmaparīpākavaśataḥ punareva hi

'प्रलय में यह सम्पूर्ण जगत् मुझसे अभिन्न होकर ही स्थित रहती है; और फिर प्राणियों के कर्मों के परिपाक के वशीभूत होकर,'

श्लोक 69 (devibhagavatam.12.8.69)

रूपं तदेवमव्यक्तं व्यक्तीभावमुपैति च । अन्तर्मुखा तु यावस्था सा मायेत्यभिधीयते

rūpaṁ tadevamavyaktaṁ vyaktībhāvamupaiti ca antarmukhā tu yāvasthā sā māyetyabhidhīyate

'वही अव्यक्त रूप व्यक्त भाव को प्राप्त होता है। जो अन्तर्मुखी अवस्था है, वह माया कहलाती है,'

श्लोक 70 (devibhagavatam.12.8.70)

बहिर्मुखा तु या माया तमःशब्देन सोच्यते । बहिर्मुखात्तमोरूपाज्जायते सत्त्वसम्भवः

bahirmukhā tu yā māyā tamaḥśabdena socyate bahirmukhāttamorūpājjāyate sattvasambhavaḥ

'और जो बहिर्मुखी माया है, वह तमः शब्द से कही जाती है। बहिर्मुखी तमोरूप से ही सत्त्व का उद्भव होता है,'

श्लोक 71 (devibhagavatam.12.8.71)

रजोगुणस्तदैव स्यात्सर्गादौ सुरसत्तम । गुणत्रयात्मकाः प्रोक्ता ब्रह्मविष्णुमहेश्वराः

rajoguṇastadaiva syātsargādau surasattama guṇatrayātmakāḥ proktā brahmaviṣṇumaheśvarāḥ

'और उसी समय, हे श्रेष्ठ सुर! सृष्टि के आरम्भ में रजोगुण भी उत्पन्न होता है। ब्रह्मा, विष्णु, महेश्वर — ये तीनों गुणों से युक्त कहे गए हैं।'

श्लोक 72 (devibhagavatam.12.8.72)

रजोगुणाधिको ब्रह्मा विष्णुः सत्त्वाधिको भवेत् । तमोगुणाधिको रुद्रः सर्वकारणरूपधृक्

rajoguṇādhiko brahmā viṣṇuḥ sattvādhiko bhavet tamoguṇādhiko rudraḥ sarvakāraṇarūpadhṛk

'ब्रह्मा में रजोगुण अधिक है, विष्णु में सत्त्वगुण अधिक है, तथा सम्पूर्ण कारणों के रूप को धारण करने वाले रुद्र में तमोगुण अधिक है।'

श्लोक 73 (devibhagavatam.12.8.73)

स्थूलदेहो भवेद्ब्रह्मा लिङ्गदेहो हरिः स्मृतः । रुद्रस्तु कारणो देहस्तुरीया त्वहमेव हि

sthūladeho bhavedbrahmā liṅgadeho hariḥ smṛtaḥ rudrastu kāraṇo dehasturīyā tvahameva hi

'ब्रह्मा स्थूल देह हैं, विष्णु सूक्ष्म (लिंग) देह कहे गए हैं; रुद्र कारण देह हैं, और तुरीय-स्वरूप मैं ही हूँ।'

श्लोक 74 (devibhagavatam.12.8.74)

साम्यावस्था तु या प्रोक्ता सर्वान्तर्यामिरूपिणी । अत ऊर्ध्वं परं ब्रह्म मद्रूपं रूपवर्जितम्

sāmyāvasthā tu yā proktā sarvāntaryāmirūpiṇī ata ūrdhvaṁ paraṁ brahma madrūpaṁ rūpavarjitam

'जो साम्यावस्था कही गई है, वह सब में अन्तर्यामी रूप वाली है। उससे भी ऊपर परब्रह्म है, जो रूप-रहित मेरा ही स्वरूप है।'

श्लोक 75 (devibhagavatam.12.8.75)

निर्गुणं सगुणं चेति द्विधा मद्रूपमुच्यते । निर्गुणं मायया हीनं सगुणं मायया युतम्

nirguṇaṁ saguṇaṁ ceti dvidhā madrūpamucyate nirguṇaṁ māyayā hīnaṁ saguṇaṁ māyayā yutam

'निर्गुण और सगुण — इस प्रकार मेरा स्वरूप दो प्रकार का कहा जाता है। निर्गुण माया से रहित है, सगुण माया से युक्त है।'

श्लोक 76 (devibhagavatam.12.8.76)

साहं सर्वं जगत्सृष्ट्वा तदन्तः सम्प्रविश्य च । प्रेरयाम्यनिशं जीवं यथाकर्म यथाश्रुतम्

sāhaṁ sarvaṁ jagatsṛṣṭvā tadantaḥ sampraviśya ca prerayāmyaniśaṁ jīvaṁ yathākarma yathāśrutam

'मैं ही सम्पूर्ण जगत् की सृष्टि करके उसके भीतर प्रविष्ट होकर प्रत्येक जीव को उसके कर्म और शास्त्र के अनुसार निरन्तर प्रेरित करती हूँ।'

श्लोक 77 (devibhagavatam.12.8.77)

सृष्टिस्थितितिरोधाने प्रेरयाम्यहमेव हि । ब्रह्माणं च तथा विष्णुं रुद्रं वै कारणात्मकम्

sṛṣṭisthititirodhāne prerayāmyahameva hi brahmāṇaṁ ca tathā viṣṇuṁ rudraṁ vai kāraṇātmakam

'सृष्टि, स्थिति और संहार में मैं ही ब्रह्मा, विष्णु और कारण-स्वरूप रुद्र को प्रेरित करती हूँ।'

श्लोक 78 (devibhagavatam.12.8.78)

मद्भयाद्वाति पवनो भीत्या सूर्यश्च गच्छति । इन्द्राग्निमृत्यवस्तद्वत्साहं सर्वोत्तमा स्मृता

madbhayādvāti pavano bhītyā sūryaśca gacchati indrāgnimṛtyavastadvatsāhaṁ sarvottamā smṛtā

'मेरे ही भय से वायु बहता है, भय से सूर्य गति करता है; इसी प्रकार इन्द्र, अग्नि और मृत्यु भी — इसलिए मैं ही सर्वोत्तम कही गई हूँ।'

श्लोक 79 (devibhagavatam.12.8.79)

मत्प्रसादाद्भवद्भिस्तु जयो लब्धोऽस्ति सर्वथा । युष्मानहं नर्तयामि काष्ठपुत्तलिकोपमान्

matprasādādbhavadbhistu jayo labdho'sti sarvathā yuṣmānahaṁ nartayāmi kāṣṭhaputtalikopamān

'मेरे ही प्रसाद से तुम सबको हर प्रकार से विजय प्राप्त हुई है। मैं तुम सबको काठ की पुतलियों के समान नचाती हूँ।'

श्लोक 80 (devibhagavatam.12.8.80)

कदाचिद्देवविजयं दैत्यानां विजयं क्वचित् । स्वतन्त्रा स्वेच्छया सर्वं कुर्वे कर्मानुरोधतः

kadāciddevavijayaṁ daityānāṁ vijayaṁ kvacit svatantrā svecchayā sarvaṁ kurve karmānurodhataḥ

'कभी देवों की विजय, तो कभी दैत्यों की विजय — स्वतन्त्र होकर मैं अपनी इच्छा से, कर्मों के अनुसार, यह सब करती हूँ।'

श्लोक 81 (devibhagavatam.12.8.81)

तां मां सर्वात्मिकां यूयं विस्मृत्य निजगर्वतः । अहङ्कारावृतात्मानो मोहमाप्ता दुरन्तकम्

tāṁ māṁ sarvātmikāṁ yūyaṁ vismṛtya nijagarvataḥ ahaṅkārāvṛtātmāno mohamāptā durantakam

'मुझ सर्वात्मिका को भूलकर तुम अपने ही गर्व से, अहंकार से आवृत आत्मा होकर, इस भयानक मोह को प्राप्त हुए थे।'

श्लोक 82 (devibhagavatam.12.8.82)

अनुग्रहं ततः कर्तुं युष्मद्देहादनुत्तमम् । निःसृतं सहसा तेजो मदीयं यक्षमित्यपि

anugrahaṁ tataḥ kartuṁ yuṣmaddehādanuttamam niḥsṛtaṁ sahasā tejo madīyaṁ yakṣamityapi

'इसीलिए तुम पर अनुग्रह करने के लिए मेरा वह अनुपम तेज सहसा तुम्हारे शरीरों से परे प्रकट होकर उस यक्ष के रूप में निकला।'

श्लोक 83 (devibhagavatam.12.8.83)

अतः परं सर्वभावैर्हित्वा गर्वं तु देहजम् । मामेव शरणं यात सच्चिदानन्दरूपिणीम्

ataḥ paraṁ sarvabhāvairhitvā garvaṁ tu dehajam māmeva śaraṇaṁ yāta saccidānandarūpiṇīm

'अब इसके आगे देह से उत्पन्न गर्व को सब भावों से त्यागकर, सच्चिदानन्द-स्वरूपा मुझ में ही शरण लो।'

श्लोक 84 (devibhagavatam.12.8.84)

व्यास उवाच । इत्युक्त्या च महादेवी मूलप्रकृतिरीश्वरी । अन्तर्धानं गता सद्यो भक्त्या देवैरभिष्टुता

vyāsa uvāca ityuktyā ca mahādevī mūlaprakṛtirīśvarī antardhānaṁ gatā sadyo bhaktyā devairabhiṣṭutā

व्यास जी ने कहा — इस प्रकार कहकर मूलप्रकृति ईश्वरी महादेवी देवों द्वारा भक्तिपूर्वक स्तुत होकर तत्काल अन्तर्धान हो गईं।

श्लोक 85 (devibhagavatam.12.8.85)

ततः सर्वे स्वगर्वं तु विहाय पदपङ्कजम् । सम्यगाराधयामासुर्भगवत्याः परात्परम्

tataḥ sarve svagarvaṁ tu vihāya padapaṅkajam samyagārādhayāmāsurbhagavatyāḥ parātparam

फिर सब देवों ने अपना गर्व त्यागकर भगवती के परात्पर चरण-कमलों की भली-भाँति आराधना की।

श्लोक 86 (devibhagavatam.12.8.86)

त्रिसन्ध्यं सर्वदा सर्वे गायत्रीजपतत्पराः । यज्ञभागादिभिः सर्वे देवीं नित्यं सिषेविरे

trisandhyaṁ sarvadā sarve gāyatrījapatatparāḥ yajñabhāgādibhiḥ sarve devīṁ nityaṁ siṣevire

त्रिसन्ध्या सदा सभी गायत्री-जप में तत्पर रहते हुए, यज्ञ-भाग आदि से सभी देवों ने देवी की नित्य सेवा की।

श्लोक 87 (devibhagavatam.12.8.87)

एवं सत्ययुगे सर्वे गायत्रीजपतत्पराः । तारहृल्लेखयोश्चापि जपे निष्णातमानसाः

evaṁ satyayuge sarve gāyatrījapatatparāḥ tārahṛllekhayoścāpi jape niṣṇātamānasāḥ

इस प्रकार सत्ययुग में सभी गायत्री-जप में तत्पर थे, तार (ॐ) और हृल्लेखा (ह्रीं) के जप में भी उनका मन निष्णात था।

श्लोक 88 (devibhagavatam.12.8.88)

न विष्णूपासना नित्या वेदेनोक्ता तु कुत्रचित् । न विष्णुदीक्षा नित्यास्ति शिवस्यापि तथैव च

na viṣṇūpāsanā nityā vedenoktā tu kutracit na viṣṇudīkṣā nityāsti śivasyāpi tathaiva ca

वेद ने कहीं भी विष्णु की उपासना को नित्य नहीं बताया; न ही विष्णु की दीक्षा नित्य है, और इसी प्रकार शिव की भी नहीं।

श्लोक 89 (devibhagavatam.12.8.89)

गायत्र्युपासना नित्या सर्ववेदैः समीरिता । यया विना त्वधःपातो ब्राह्मणस्यास्ति सर्वथा

gāyatryupāsanā nityā sarvavedaiḥ samīritā yayā vinā tvadhaḥpāto brāhmaṇasyāsti sarvathā

गायत्री की उपासना ही सभी वेदों द्वारा नित्य कही गई है, जिसके बिना ब्राह्मण का सर्वथा पतन हो जाता है।

श्लोक 90 (devibhagavatam.12.8.90)

तावता कृतकृत्यत्वं नान्यापेक्षा द्विजस्य हि । गायत्रीमात्रनिष्णातो द्विजो मोक्षमवाप्नुयात्

tāvatā kṛtakṛtyatvaṁ nānyāpekṣā dvijasya hi gāyatrīmātraniṣṇāto dvijo mokṣamavāpnuyāt

उसी से द्विज की कृतकृत्यता हो जाती है, उसे किसी और की अपेक्षा नहीं होती; केवल गायत्री में निष्णात द्विज ही मोक्ष प्राप्त कर लेता है।

श्लोक 91 (devibhagavatam.12.8.91)

कुर्यादन्यन्न वा कुर्यादिति प्राह मनुः स्वयम् । विहाय तां तु गायत्रीं विष्णूपास्तिपरायणः

kuryādanyanna vā kuryāditi prāha manuḥ svayam vihāya tāṁ tu gāyatrīṁ viṣṇūpāstiparāyaṇaḥ

'चाहे और कर्म करे या न करे' — यह स्वयं मनु ने कहा है। परन्तु जो उस गायत्री को छोड़कर केवल विष्णु की उपासना में तत्पर रहता है,

श्लोक 92 (devibhagavatam.12.8.92)

शिवोपास्तिरतो विप्रो नरकं याति सर्वथा । तस्मादाद्ययुगे राजन् गायत्रीजपतत्पराः । देवीपदाम्बुजरता आसन्सर्वे द्विजोत्तमाः

śivopāstirato vipro narakaṁ yāti sarvathā tasmādādyayuge rājan gāyatrījapatatparāḥ devīpadāmbujaratā āsansarve dvijottamāḥ

अथवा जो विप्र केवल शिव-उपासना में रत रहता है, वह सर्वथा नरक को जाता है। इसीलिए, हे राजन्! प्रथम युग में गायत्री-जप में तत्पर, देवी के चरण-कमलों में अनुरक्त सभी श्रेष्ठ द्विज थे।