सत्यव्रत आख्यान वर्णन (द्वितीय भाग)

श्लोक 1 (devibhagavatam.3.11.1)

लोमश उवाच । न वेदाध्ययनं किञ्चिज्जानाति न जपं तथा । ध्यानं न देवतानाञ्च न चैवाराधनं तथा

lomaśa uvāca na vedādhyayanaṁ kiñcijjānāti na japaṁ tathā dhyānaṁ na devatānāñca na caivārādhanaṁ tathā

लोमश ने कहा — वह न वेदाध्ययन कुछ भी जानता था, न जप, न देवताओं का ध्यान और न ही उनकी आराधना जानता था।

श्लोक 2 (devibhagavatam.3.11.2)

नासनं वेद विप्रोऽसो प्राणायामं तथा पुनः । प्रत्याहारं तु नो वेद भूतशुद्धिञ्च कारणम्

nāsanaṁ veda vipro'so prāṇāyāmaṁ tathā punaḥ pratyāhāraṁ tu no veda bhūtaśuddhiñca kāraṇam

वह ब्राह्मण आसन नहीं जानता था, प्राणायाम भी नहीं; वह प्रत्याहार भी नहीं जानता था, न ही भूतशुद्धि नामक कारण को।

श्लोक 3 (devibhagavatam.3.11.3)

न मन्त्रकीलकं जाप्यं गायत्रीञ्च न वेद सः । शौचं स्नानविधिञ्चैव तथाचमनकं पुनः

na mantrakīlakaṁ jāpyaṁ gāyatrīñca na veda saḥ śaucaṁ snānavidhiñcaiva tathācamanakaṁ punaḥ

किसी मन्त्र का जप-योग्य कीलक भी नहीं जानता था, गायत्री भी नहीं; शौच, स्नान-विधि तथा आचमन भी नहीं जानता था।

श्लोक 4 (devibhagavatam.3.11.4)

प्राणाग्निहोत्रं नो वेद बलिदानं न चातिथिम् । न सन्ध्यां समिधो होमं विवेद च तथा मुनिः

prāṇāgnihotraṁ no veda balidānaṁ na cātithim na sandhyāṁ samidho homaṁ viveda ca tathā muniḥ

प्राणाग्निहोत्र, बलिदान और अतिथि-सत्कार भी नहीं जानता था; वह मुनि न सन्ध्या, न समिधाएँ और न होम ही जानता था।

श्लोक 5 (devibhagavatam.3.11.5)

सोऽकरोत्प्रातरुत्थाय यत्किञ्चिद्दन्तधावनम् । स्नानं च शूद्रवत्तत्र गङ्गायां मन्त्रवर्जितम्

so'karotprātarutthāya yatkiñciddantadhāvanam snānaṁ ca śūdravattatra gaṅgāyāṁ mantravarjitam

प्रातः उठकर वह केवल कुछ दन्त-धावन करता था, और वहाँ गंगा में शूद्र के समान बिना किसी मन्त्र के स्नान करता था।

श्लोक 6 (devibhagavatam.3.11.6)

फलान्यादाय वन्यानि मध्यान्हेऽपि यदृच्छया । भक्ष्याभक्ष्यपरिज्ञानं न जानाति शठस्तथा

phalānyādāya vanyāni madhyānhe'pi yadṛcchayā bhakṣyābhakṣyaparijñānaṁ na jānāti śaṭhastathā

मध्याह्न में जो भी मिल जाए, वह जंगली फल ले लेता था; वह शठ भक्ष्य-अभक्ष्य का विवेक भी नहीं जानता था।

श्लोक 7 (devibhagavatam.3.11.7)

सत्यं ब्रूते स्थितस्तत्र नानृतं वदते पुनः । जनैः सत्यतपा नाम कृतमस्य द्विजस्य वै

satyaṁ brūte sthitastatra nānṛtaṁ vadate punaḥ janaiḥ satyatapā nāma kṛtamasya dvijasya vai

वहाँ रहते हुए वह सत्य ही बोलता था, कभी असत्य नहीं बोलता था; लोगों ने उस ब्राह्मण का नाम 'सत्यतपा' रख दिया।

श्लोक 8 (devibhagavatam.3.11.8)

नाहितं कस्यचित्कुर्यान्न तथाऽविहितं क्वचित् । सुखं स्वपिति तत्रैव निर्भयश्चिन्तयन्निति

nāhitaṁ kasyacitkuryānna tathā'vihitaṁ kvacit sukhaṁ svapiti tatraiva nirbhayaścintayanniti

वह किसी का अहित नहीं करता था, न कहीं कोई अनुचित कार्य करता था; वहीं निर्भय होकर सुखपूर्वक सोता था, यह सोचते हुए —

श्लोक 9 (devibhagavatam.3.11.9)

कदा मे मरणं भावि दुःखं जीवामि कानने । जीवितं धिक्च मूर्खस्य तरसा मरणं ध्रुवम्

kadā me maraṇaṁ bhāvi duḥkhaṁ jīvāmi kānane jīvitaṁ dhikca mūrkhasya tarasā maraṇaṁ dhruvam

'मेरी मृत्यु कब होगी? मैं वन में दुःखपूर्वक जीता हूँ। मूर्ख के जीवन को धिक्कार है! मृत्यु तो शीघ्र ही निश्चित है।

श्लोक 10 (devibhagavatam.3.11.10)

दैवेनाहं कृतो मूर्खो नान्योऽत्र कारणं मम । प्राप्य चैवोत्तमं जन्म वृथा जातं ममाधुना

daivenāhaṁ kṛto mūrkho nānyo'tra kāraṇaṁ mama prāpya caivottamaṁ janma vṛthā jātaṁ mamādhunā

भाग्य ने मुझे मूर्ख बनाया, इसमें कोई अन्य कारण नहीं है; यह उत्तम मनुष्य-जन्म पाकर भी मेरा जीवन अब व्यर्थ हो गया।

श्लोक 11 (devibhagavatam.3.11.11)

यथा वन्ध्या सुरूपा च यथा वा निष्फलो द्रुमः । अदुग्धदोहा धेनुश्च तथाऽहं निष्फलः कृतः

yathā vandhyā surūpā ca yathā vā niṣphalo drumaḥ adugdhadohā dhenuśca tathā'haṁ niṣphalaḥ kṛtaḥ

जैसे सुन्दर होकर भी बाँझ स्त्री, अथवा जैसे निष्फल वृक्ष, अथवा जैसे दुहने पर भी दूध न देने वाली गाय — वैसे ही मुझे निष्फल बना दिया गया है।

श्लोक 12 (devibhagavatam.3.11.12)

किं नु निन्दाम्यहं दैवं नूनं कर्म ममेदृशम् । न दत्तं पुस्तकं कृत्वा ब्राह्मणाय महात्मने

kiṁ nu nindāmyahaṁ daivaṁ nūnaṁ karma mamedṛśam na dattaṁ pustakaṁ kṛtvā brāhmaṇāya mahātmane

फिर मैं भाग्य को क्यों दोष दूँ? निश्चय ही यह मेरा अपना ही ऐसा कर्म है — शायद मैंने किसी महात्मा ब्राह्मण को पुस्तक बनाकर नहीं दी होगी,

श्लोक 13 (devibhagavatam.3.11.13)

न वै विद्या मया दत्ता पूर्वजन्मनि निर्मला । तेनाहं कर्मयोगेन शठोऽस्मि च द्विजाधमः

na vai vidyā mayā dattā pūrvajanmani nirmalā tenāhaṁ karmayogena śaṭho'smi ca dvijādhamaḥ

अथवा पूर्वजन्म में मैंने निर्मल विद्या किसी को नहीं दी होगी; उसी कर्म-योग से मैं शठ और अधम ब्राह्मण बना हूँ।

श्लोक 14 (devibhagavatam.3.11.14)

न च तीर्थे तपस्तप्तं सेविता न च साधवः । न द्विजाः पूजिता द्रव्यैस्तेन जातोऽस्मि दुष्टधीः

na ca tīrthe tapastaptaṁ sevitā na ca sādhavaḥ na dvijāḥ pūjitā dravyaistena jāto'smi duṣṭadhīḥ

न तो तीर्थ में तप किया, न साधुओं की सेवा की, न ही द्रव्यों से ब्राह्मणों की पूजा की — इसीलिए मैं दुष्ट-बुद्धि होकर उत्पन्न हुआ हूँ।

श्लोक 15 (devibhagavatam.3.11.15)

वर्तन्ते मुनिपुत्राश्च वेदशास्त्रार्थपारगाः । अहं सुमूढः सञ्जातो दैवयोगेन केनचित्

vartante muniputrāśca vedaśāstrārthapāragāḥ ahaṁ sumūḍhaḥ sañjāto daivayogena kenacit

मुनियों के पुत्र वेद-शास्त्रों के अर्थ में पारंगत होकर विद्यमान हैं; मैं ही किसी दैवयोग से अत्यन्त मूढ़ बन गया।

श्लोक 16 (devibhagavatam.3.11.16)

न जानामि तपस्तप्तुं किं करोमि सुसाधनम् । मिथ्यायं मेऽत्र सङ्कल्पो न मे भाग्यं शुभं किल

na jānāmi tapastaptuṁ kiṁ karomi susādhanam mithyāyaṁ me'tra saṅkalpo na me bhāgyaṁ śubhaṁ kila

मुझे तप करना भी नहीं आता, कौन-सा उत्तम साधन करूँ? मेरा यह संकल्प व्यर्थ ही है, मेरा भाग्य वास्तव में शुभ नहीं है।

श्लोक 17 (devibhagavatam.3.11.17)

दैवमेव परं मन्ये धिक्पौरुषमनर्थकम् । वृथा श्रमकृतं कार्यं दैवाद्भवति सर्वथा

daivameva paraṁ manye dhikpauruṣamanarthakam vṛthā śramakṛtaṁ kāryaṁ daivādbhavati sarvathā

मैं भाग्य को ही सर्वोपरि मानता हूँ, व्यर्थ पुरुषार्थ को धिक्कार है! श्रमपूर्वक किया गया कार्य व्यर्थ जाता है — सब कुछ भाग्य से ही होता है।

श्लोक 18 (devibhagavatam.3.11.18)

ब्रह्मा विष्णुश्च रुद्रश्च शक्राद्याः किल देवताः । कालस्य वशगाः सर्वे कालो हि दुरतिक्रमः

brahmā viṣṇuśca rudraśca śakrādyāḥ kila devatāḥ kālasya vaśagāḥ sarve kālo hi duratikramaḥ

ब्रह्मा, विष्णु, रुद्र तथा इन्द्र आदि देवता भी निश्चय ही सब काल के वश में हैं; काल तो वास्तव में दुरतिक्रम्य है।'

श्लोक 19 (devibhagavatam.3.11.19)

एवंविधान्वितर्कांस्तु कुर्वाणोऽहर्निशं द्विजः । स्थितस्तत्राश्रमे तीरे जान्हव्याः पावने स्थले

evaṁvidhānvitarkāṁstu kurvāṇo'harniśaṁ dvijaḥ sthitastatrāśrame tīre jānhavyāḥ pāvane sthale

इस प्रकार के विचार दिन-रात करते हुए वह ब्राह्मण जाह्नवी के पावन तट पर उस आश्रम में रहा।

श्लोक 20 (devibhagavatam.3.11.20)

विरक्तः स तु सञ्जातः स्थितस्तत्राश्रमे द्विजः । कालातिवाहनं शान्तश्चकार विजने वने

viraktaḥ sa tu sañjātaḥ sthitastatrāśrame dvijaḥ kālātivāhanaṁ śāntaścakāra vijane vane

वह ब्राह्मण विरक्त होकर उस आश्रम में रहते हुए शान्तचित्त होकर उस निर्जन वन में समय व्यतीत करता रहा।

श्लोक 21 (devibhagavatam.3.11.21)

एवं स्थितस्य तु वने विमलोदके वै वर्षाणि तत्र नवपञ्च गतानि कामम् । नाराधनं न च जपं न विवेद मन्त्रं कालातिवाहनमसौ कृतवान् वने वै

evaṁ sthitasya tu vane vimalodake vai varṣāṇi tatra navapañca gatāni kāmam nārādhanaṁ na ca japaṁ na viveda mantraṁ kālātivāhanamasau kṛtavān vane vai

इस प्रकार निर्मल जल वाले उस वन में रहते हुए उसके पूरे चौदह वर्ष बीत गए; न कोई आराधना, न जप, न ही मन्त्र जानते हुए, वह वन में केवल समय व्यतीत करता रहा।

श्लोक 22 (devibhagavatam.3.11.22)

जानाति तस्य विततं व्रतमेव लोकः सत्यं वदत्यपि मुनिः किल नामजातम् । जातं यशश्च सकलेषु जनेषु कामं सत्यव्रतोऽयमनिशं न मृषाभिभाषी

jānāti tasya vitataṁ vratameva lokaḥ satyaṁ vadatyapi muniḥ kila nāmajātam jātaṁ yaśaśca sakaleṣu janeṣu kāmaṁ satyavrato'yamaniśaṁ na mṛṣābhibhāṣī

लोग केवल उसके विस्तृत सत्य-व्रत को ही जानते थे; वह मुनि सदा सत्य ही बोलता था, इसी से उसका नाम प्रसिद्ध हुआ। समस्त लोगों में उसकी यह कीर्ति फैल गई — 'यह सत्यव्रत है, जो रात-दिन कभी असत्य नहीं बोलता।'

श्लोक 23 (devibhagavatam.3.11.23)

तत्रैकदा तु मृगयां रममाण एव प्राप्तो निषादनिशठो धृतचापबाणः । क्रीडन् वनेऽतिविपुले यमतुल्यदेहः क्रूराकृतिर्हननकर्मणि चातिदक्षः

tatraikadā tu mṛgayāṁ ramamāṇa eva prāpto niṣādaniśaṭho dhṛtacāpabāṇaḥ krīḍan vane'tivipule yamatulyadehaḥ krūrākṛtirhananakarmaṇi cātidakṣaḥ

एक दिन वहाँ शिकार खेलते हुए, धनुष-बाण धारण किए, यमराज के समान शरीर वाला, क्रूर आकृति वाला, वध-कर्म में अत्यन्त निपुण एक धूर्त निषाद उस विशाल वन में क्रीड़ा करता हुआ आ पहुँचा।

श्लोक 24 (devibhagavatam.3.11.24)

तेनातिकृष्टेन शरेण विद्धः कोलः किरातेन धनुर्धरेण । पलायमानो भयविह्वलश्च मुनेः समीपं विद्रुतो जगाम

tenātikṛṣṭena śareṇa viddhaḥ kolaḥ kirātena dhanurdhareṇa palāyamāno bhayavihvalaśca muneḥ samīpaṁ vidruto jagāma

उस धनुर्धारी किरात द्वारा अत्यन्त कसकर छोड़े गए बाण से बिंधा हुआ एक सूअर भाग निकला, भय से व्याकुल होकर वेगपूर्वक मुनि के समीप जा पहुँचा।

श्लोक 25 (devibhagavatam.3.11.25)

विकम्पमानो रुधिरार्द्रदेहो यदा जगामाश्रममण्डलं वै । कालस्तदातीव दयार्द्रभावं प्राप्तो मुनिस्तत्र समीक्ष्य दीनम्

vikampamāno rudhirārdradeho yadā jagāmāśramamaṇḍalaṁ vai kālastadātīva dayārdrabhāvaṁ prāpto munistatra samīkṣya dīnam

काँपता हुआ, रक्त से भीगे शरीर वाला, जब वह आश्रम-मण्डल में पहुँचा, तब उसे दीन अवस्था में देखकर मुनि उस समय अत्यन्त दयार्द्र हो गए।

श्लोक 26 (devibhagavatam.3.11.26)

अग्रे व्रजन्तं रुधिरार्द्रदेहं दृष्ट्वा मुनिः सूकरमाशु विद्धम् । दयाभिवेशादतिकम्पमानः सारस्वतं बीजमथोच्चचार

agre vrajantaṁ rudhirārdradehaṁ dṛṣṭvā muniḥ sūkaramāśu viddham dayābhiveśādatikampamānaḥ sārasvataṁ bījamathoccacāra

आगे जाते हुए, रक्त से भीगे शरीर वाले, शीघ्र बिंधे हुए उस सूअर को देखकर, दया से आविष्ट होकर अत्यन्त काँपते हुए मुनि ने सरस्वती-बीज का उच्चारण किया।

श्लोक 27 (devibhagavatam.3.11.27)

अज्ञातपूर्वं च तथाश्रुतञ्च दैवान्मुखे वै समुपागतञ्च । न ज्ञातवान्बीजमसौ विमूढो ममज्ज शोके स मुनिर्महात्मा

ajñātapūrvaṁ ca tathāśrutañca daivānmukhe vai samupāgatañca na jñātavānbījamasau vimūḍho mamajja śoke sa munirmahātmā

पहले कभी न जाना गया, न सुना गया वह बीज-मन्त्र दैवयोग से ही उनके मुख में आ गया; वह मूढ़ मुनि उस बीज को जान भी नहीं पाया, और वह महात्मा शोक में डूब गया।

श्लोक 28 (devibhagavatam.3.11.28)

कोलः प्रविश्याश्रममण्डलं तद् गतो निकुञ्जे प्रविलीय गूढम् । अप्राप्तमार्गो दृढनिर्विण्णचेताः प्रवेपमानः शरपीडितत्वात्

kolaḥ praviśyāśramamaṇḍalaṁ tad gato nikuñje pravilīya gūḍham aprāptamārgo dṛḍhanirviṇṇacetāḥ pravepamānaḥ śarapīḍitatvāt

सूअर उस आश्रम-मण्डल में प्रविष्ट होकर, झाड़ी में गहराई से छिपकर विलीन हो गया — मार्ग न पाकर, अत्यन्त व्यथित चित्त वाला, बाण की पीड़ा से काँपता हुआ।

श्लोक 29 (devibhagavatam.3.11.29)

ततः क्षणादाकरणान्तकृष्टं चापं दधानोऽतिकरालदेहः । प्राप्तस्तदन्ते स च मृग्यमाणो निषादराजः किल काल एव

tataḥ kṣaṇādākaraṇāntakṛṣṭaṁ cāpaṁ dadhāno'tikarāladehaḥ prāptastadante sa ca mṛgyamāṇo niṣādarājaḥ kila kāla eva

फिर क्षणभर में ही कान तक खींचे हुए धनुष को धारण किए, अत्यन्त भयंकर शरीर वाला वह निषादराज उसी क्षेत्र में खोजते हुए वहाँ आ पहुँचा — साक्षात् काल के समान।

श्लोक 30 (devibhagavatam.3.11.30)

दृष्ट्वा मुनिं तत्र कुशासने स्थितं नाम्ना तु सत्यव्रतमद्वितीयम् । व्याधः प्रणम्य प्रमुखे स्थितोऽसौ पप्रच्छ कोलः क्व गतो द्विजेश

dṛṣṭvā muniṁ tatra kuśāsane sthitaṁ nāmnā tu satyavratamadvitīyam vyādhaḥ praṇamya pramukhe sthito'sau papraccha kolaḥ kva gato dvijeśa

वहाँ कुशासन पर बैठे उस अद्वितीय सत्यव्रत नामक मुनि को देखकर, उस व्याध ने प्रणाम करके उनके सामने खड़े होकर पूछा — 'हे द्विजेश! सूअर कहाँ गया?

श्लोक 31 (devibhagavatam.3.11.31)

जानामि तेऽहं सुव्रतं प्रसिद्धं तेनाद्य पृच्छे मम बाणविद्धः । क्षुधार्दितं मे सकलं कुटुम्बं विभर्तुकामः किल आगतोऽस्मि

jānāmi te'haṁ suvrataṁ prasiddhaṁ tenādya pṛcche mama bāṇaviddhaḥ kṣudhārditaṁ me sakalaṁ kuṭumbaṁ vibhartukāmaḥ kila āgato'smi

मैं आपके प्रसिद्ध सुव्रत को जानता हूँ, इसीलिए आज मैं आपसे अपने बाण से बिंधे हुए उस सूअर के बारे में पूछता हूँ। भूख से पीड़ित मेरे पूरे परिवार का पालन करने की इच्छा से ही मैं यहाँ आया हूँ।

श्लोक 32 (devibhagavatam.3.11.32)

वृत्तिर्ममैषा विहिता विधात्रा नान्याऽस्ति विप्रेन्द्र ऋतं ब्रवीमि । भर्तव्यमेवेह कुटुम्बमञ्जसा केनाप्युपायेन शुभाशुभेन

vṛttirmamaiṣā vihitā vidhātrā nānyā'sti viprendra ṛtaṁ bravīmi bhartavyameveha kuṭumbamañjasā kenāpyupāyena śubhāśubhena

यही आजीविका विधाता द्वारा मेरे लिए निर्धारित की गई है, हे विप्रेन्द्र! और कोई नहीं है — मैं सत्य कहता हूँ। इस परिवार का पालन तो, हे भला हो या बुरा, किसी न किसी उपाय से करना ही होगा।

श्लोक 33 (devibhagavatam.3.11.33)

सत्यं ब्रवीत्वद्य सत्यव्रतोऽसि क्षुधातुरो वर्तते पोष्यवर्गः । क्वासो गतः सूकरो बाणविद्धः पृच्छाम्यहं वाडव ब्रूहि तूर्णम्

satyaṁ bravītvadya satyavrato'si kṣudhāturo vartate poṣyavargaḥ kvāso gataḥ sūkaro bāṇaviddhaḥ pṛcchāmyahaṁ vāḍava brūhi tūrṇam

आज सत्य बोलिए, आप सत्यव्रत हैं ही! मेरा भूख से पीड़ित परिवार यहाँ है। वह बाण-बिंधा सूअर कहाँ गया? हे ब्राह्मण! मैं पूछता हूँ, शीघ्र बताइए।'

श्लोक 34 (devibhagavatam.3.11.34)

तेनेति पृष्टः स मुनिर्महात्मा वितर्कमग्नः प्रबभूव कामम् । सत्यव्रतं मेऽद्य भवेन्न भग्नं न दृष्ट इत्युच्चरितेन किं वै

teneti pṛṣṭaḥ sa munirmahātmā vitarkamagnaḥ prababhūva kāmam satyavrataṁ me'dya bhavenna bhagnaṁ na dṛṣṭa ityuccaritena kiṁ vai

इस प्रकार उसके द्वारा पूछे जाने पर वह महात्मा मुनि गहरे विचार में डूब गया — 'आज मेरा सत्य-व्रत भंग न हो — परन्तु "मैंने नहीं देखा" कहने में भी क्या हानि है?

श्लोक 35 (devibhagavatam.3.11.35)

गतोऽत्र कोलः शरविद्धदेहः कथं ब्रवीम्यद्य मृषाऽमृषा वा । क्षुधार्दितोऽयं परिपृच्छतीव दृष्ट्वा हनिष्यत्यपि सूकरं वै

gato'tra kolaḥ śaraviddhadehaḥ kathaṁ bravīmyadya mṛṣā'mṛṣā vā kṣudhārdito'yaṁ paripṛcchatīva dṛṣṭvā haniṣyatyapi sūkaraṁ vai

यहाँ वह बाण-बिंधे शरीर वाला सूअर गया है — आज मैं कैसे बोलूँ, सत्य या असत्य? यह भूख से पीड़ित व्यक्ति सचमुच पूछ रहा है; और यदि देख लेगा तो सूअर को मार भी डालेगा।

श्लोक 36 (devibhagavatam.3.11.36)

सत्यं न सत्यं खलु यत्र हिंसा दयान्वितं चानृतमेव सत्यम् । हितं नराणां भवतीह येन तदेव सत्यं न तथाऽन्यथैव

satyaṁ na satyaṁ khalu yatra hiṁsā dayānvitaṁ cānṛtameva satyam hitaṁ narāṇāṁ bhavatīha yena tadeva satyaṁ na tathā'nyathaiva

जहाँ हिंसा हो, वहाँ सत्य भी वास्तव में सत्य नहीं है; और दया से युक्त असत्य ही वास्तव में सत्य है। जिससे मनुष्यों का यहाँ हित होता है, वही सत्य है, अन्य प्रकार से नहीं।

श्लोक 37 (devibhagavatam.3.11.37)

हितं कथं स्यादुभयोर्विरुद्धयोस्तदुत्तरं किं न यथा मृषा वचः । विचारयन्वाडव धर्मसङ्कटे न प्राप वक्तुं वचनं यथोचितम्

hitaṁ kathaṁ syādubhayorviruddhayostaduttaraṁ kiṁ na yathā mṛṣā vacaḥ vicārayanvāḍava dharmasaṅkaṭe na prāpa vaktuṁ vacanaṁ yathocitam

इन दोनों विरोधी पक्षों का हित कैसे हो? इसका ऐसा कौन-सा उत्तर है जो असत्य वचन न हो?' — इस प्रकार धर्म-संकट में विचार करते हुए वह ब्राह्मण उचित वचन कहने में असमर्थ रहा।

श्लोक 38 (devibhagavatam.3.11.38)

बाणाहतं वीक्ष्य दयान्वितञ्च कोलं तदन्ते समुदाहृतं वचः । तेन प्रसन्ना निजबीजतः शिवा विद्यां दुरापां प्रददौ च तस्मै

bāṇāhataṁ vīkṣya dayānvitañca kolaṁ tadante samudāhṛtaṁ vacaḥ tena prasannā nijabījataḥ śivā vidyāṁ durāpāṁ pradadau ca tasmai

बाण से आहत उस सूअर को दयापूर्वक देखकर उसने तब वह वचन कहा (जो आगे बताया गया)। उससे प्रसन्न होकर देवी शिवा ने अपने ही बीज-मन्त्र से प्रसन्न होकर उसे दुर्लभ विद्या प्रदान की।

श्लोक 39 (devibhagavatam.3.11.39)

बीजोच्चारणतो देव्या विद्या प्रस्फुरिताखिला । वाल्मीकेश्च यथापूर्वं तथा स ह्यभवत्कविः

bījoccāraṇato devyā vidyā prasphuritākhilā vālmīkeśca yathāpūrvaṁ tathā sa hyabhavatkaviḥ

देवी के बीज-मन्त्र के उच्चारण से समस्त विद्या स्फुरित हो गई; जैसे पहले वाल्मीकि के साथ हुआ था, वैसे ही वह भी कवि बन गया।

श्लोक 40 (devibhagavatam.3.11.40)

तमुवाच द्विजो व्याधं सम्मुखस्थं धनुर्धरम् । सत्यकामस्तु धर्मात्मा श्लोकमेकं दयापरः

tamuvāca dvijo vyādhaṁ sammukhasthaṁ dhanurdharam satyakāmastu dharmātmā ślokamekaṁ dayāparaḥ

सत्य से प्रेम रखने वाले, धर्मात्मा, दयापर उस ब्राह्मण ने अपने सामने खड़े उस धनुर्धारी व्याध से एक श्लोक कहा —

श्लोक 41 (devibhagavatam.3.11.41)

या पश्यति न सा ब्रूते या ब्रूते सा न पश्यति । अहो व्याध स्वकार्यार्थिन् किं पृच्छसि पुनः पुनः

yā paśyati na sā brūte yā brūte sā na paśyati aho vyādha svakāryārthin kiṁ pṛcchasi punaḥ punaḥ

'जो देखती है वह बोलती नहीं, जो बोलती है वह देखती नहीं। हे व्याध! अपने कार्य में तत्पर, तुम बार-बार क्या पूछते हो?'

श्लोक 42 (devibhagavatam.3.11.42)

इत्युक्तस्तु तदा तेन गतोऽसौ पशुहा पुनः । निराशः सूकरे तस्मिन्परावृत्तो निजालये

ityuktastu tadā tena gato'sau paśuhā punaḥ nirāśaḥ sūkare tasminparāvṛtto nijālaye

इस प्रकार उससे कहे जाने पर वह पशुघाती व्याध, सूअर के विषय में निराश होकर पुनः अपने निवास की ओर लौट गया।

श्लोक 43 (devibhagavatam.3.11.43)

ब्राह्मणस्तु कविर्जातः प्राचेतस इवापरः । प्रसिद्धः सर्वलोकेषु नाम्ना सत्यव्रतो द्विजः

brāhmaṇastu kavirjātaḥ prācetasa ivāparaḥ prasiddhaḥ sarvalokeṣu nāmnā satyavrato dvijaḥ

वह ब्राह्मण दूसरे प्राचेतस (वाल्मीकि) के समान कवि बन गया; वह ब्राह्मण सत्यव्रत नाम से सम्पूर्ण लोक में प्रसिद्ध हो गया।

श्लोक 44 (devibhagavatam.3.11.44)

सारस्वतं ततो बीजं जजाप विधिपूर्वकम् । पण्डितश्चातिविख्यातो द्विजोऽसौ धरणीतले

sārasvataṁ tato bījaṁ jajāpa vidhipūrvakam paṇḍitaścātivikhyāto dvijo'sau dharaṇītale

उसने तब विधिपूर्वक सरस्वती-बीज का जप किया; वह ब्राह्मण पृथ्वी पर अत्यन्त विख्यात पण्डित बन गया।

श्लोक 45 (devibhagavatam.3.11.45)

प्रतिपर्वसु गायन्ति ब्राह्मणा यद्यशः सदा । आख्यानं चातिविस्तीर्ण स्तुवन्ति मुनयः किल

pratiparvasu gāyanti brāhmaṇā yadyaśaḥ sadā ākhyānaṁ cātivistīrṇa stuvanti munayaḥ kila

प्रत्येक पर्व पर ब्राह्मण सदा उसकी कीर्ति गाते हैं; मुनिजन इस अत्यन्त विस्तृत आख्यान की प्रशंसा करते हैं।

श्लोक 46 (devibhagavatam.3.11.46)

तच्छ्रुत्वा सदनं तस्य समागम्य तदाश्रमे । येन त्यक्तः पुरा तेन गृहं नीतोऽतिमानितः

tacchrutvā sadanaṁ tasya samāgamya tadāśrame yena tyaktaḥ purā tena gṛhaṁ nīto'timānitaḥ

यह सुनकर, उसके पिता, जिसने पहले उसे त्याग दिया था, उसके आश्रम में आकर उसे अत्यन्त सम्मानपूर्वक घर ले गया।

श्लोक 47 (devibhagavatam.3.11.47)

तस्माद्राजन्सदा सेव्या पूजनीया च भक्तितः । आदिशक्तिः परा देवी जगतां कारणं हि सा

tasmādrājansadā sevyā pūjanīyā ca bhaktitaḥ ādiśaktiḥ parā devī jagatāṁ kāraṇaṁ hi sā

इसलिए, हे राजन्! वह आदि-शक्ति, परम देवी सदा सेवा और भक्तिपूर्वक पूजा के योग्य हैं, क्योंकि वे ही सम्पूर्ण जगतों का कारण हैं।

श्लोक 48 (devibhagavatam.3.11.48)

तस्या यज्ञं महाराज कुरु वेदविधानतः । सर्वकामप्रदं नित्यं निश्चयं कथितं पुरा

tasyā yajñaṁ mahārāja kuru vedavidhānataḥ sarvakāmapradaṁ nityaṁ niścayaṁ kathitaṁ purā

हे महाराज! वेद-विधान के अनुसार उनका यज्ञ कीजिए; यह पूर्वकाल से कहा गया निश्चित सत्य है कि वे सदा समस्त कामनाओं को पूर्ण करती हैं।

श्लोक 49 (devibhagavatam.3.11.49)

स्मृता सम्पूजिता भक्त्या ध्याता चोच्चारिता स्तुता । ददाति वाञ्छितानर्थान्कार्यदा तेन कीर्त्यते

smṛtā sampūjitā bhaktyā dhyātā coccāritā stutā dadāti vāñchitānarthānkāryadā tena kīrtyate

स्मरण की गई, भक्तिपूर्वक पूजित, ध्यान की गई, उच्चारित तथा स्तुत होकर वे इच्छित पदार्थ देती हैं; इसीलिए वे 'कार्यदा' (कार्य सिद्ध करने वाली) कहलाती हैं।

श्लोक 50 (devibhagavatam.3.11.50)

अनुभावमिदं राजन् कर्तव्यं सर्वथा बुधैः । दृष्ट्वा रोगयुतान्दीनान्क्षुधितान्निर्धनाञ्छठान्

anubhāvamidaṁ rājan kartavyaṁ sarvathā budhaiḥ dṛṣṭvā rogayutāndīnānkṣudhitānnirdhanāñchaṭhān

हे राजन्! उनका यह प्रभाव ज्ञानी पुरुषों द्वारा सर्वथा जानना चाहिए — रोगी, दीन, भूखे, निर्धन, मूर्ख को देखकर,

श्लोक 51 (devibhagavatam.3.11.51)

जनानार्तांस्तथा मूर्खान्पीडितान्वैरिभिः सदा । दासानाज्ञाकरान्क्षुद्रान्विकलान्विह्वलानथ

janānārtāṁstathā mūrkhānpīḍitānvairibhiḥ sadā dāsānājñākarānkṣudrānvikalānvihvalānatha

दुःखी, मूर्ख, शत्रुओं द्वारा सदा पीड़ित, दास, आज्ञाकारी, तुच्छ, विकलांग तथा व्याकुल जनों को देखकर,

श्लोक 52 (devibhagavatam.3.11.52)

अतृप्तान्भोजने भोगे सदार्तानजितेन्द्रियान् । तृष्णाधिकानशक्तांश्च सदाधिपरिपीडितान्

atṛptānbhojane bhoge sadārtānajitendriyān tṛṣṇādhikānaśaktāṁśca sadādhiparipīḍitān

जो भोजन और भोग में असंतुष्ट, सदा दुःखी, इन्द्रियों पर विजय न पाने वाले, तृष्णा से अधिक भरे परन्तु असमर्थ, सदा मानसिक चिन्ता से पीड़ित हैं,

श्लोक 53 (devibhagavatam.3.11.53)

तथा विभवसम्पन्नान् पुत्रपौत्रविवर्धनान् । पुष्टदेहांश्च सम्भोगैः संयुतान्वेदवादिनः

tathā vibhavasampannān putrapautravivardhanān puṣṭadehāṁśca sambhogaiḥ saṁyutānvedavādinaḥ

और इसके विपरीत जो ऐश्वर्य-सम्पन्न, पुत्र-पौत्रों से वृद्धिंगत, सुपुष्ट शरीर वाले, भोगों से युक्त तथा वेदवादी हैं,

श्लोक 54 (devibhagavatam.3.11.54)

राजलक्ष्म्या युताञ्छूरान्वशीकृतजनानथ । स्वजनैरवियुक्तांश्च सर्वलक्षणलक्षितान्

rājalakṣmyā yutāñchūrānvaśīkṛtajanānatha svajanairaviyuktāṁśca sarvalakṣaṇalakṣitān

राजलक्ष्मी से युक्त, शूरवीर, दूसरों को वश में करने वाले, स्वजनों से कभी न बिछड़ने वाले तथा सभी शुभ लक्षणों से युक्त हैं —

श्लोक 55 (devibhagavatam.3.11.55)

व्यतिरेकान्वयाभ्यां च विचेतव्यं विचक्षणैः । एभिर्न पूजिता देवी सर्वार्थफलदा शिवा

vyatirekānvayābhyāṁ ca vicetavyaṁ vicakṣaṇaiḥ ebhirna pūjitā devī sarvārthaphaladā śivā

इन नकारात्मक और सकारात्मक दृष्टान्तों से ज्ञानी पुरुषों को यह समझना चाहिए — जिन लोगों ने समस्त फल देने वाली कल्याणकारी देवी की पूजा नहीं की,

श्लोक 56 (devibhagavatam.3.11.56)

समाराधिता च तथा नृभिरेभिः सदाम्बिका । यतोऽमी सुखिनः सर्वे संसारेऽस्मिन्न संशयः

samārādhitā ca tathā nṛbhirebhiḥ sadāmbikā yato'mī sukhinaḥ sarve saṁsāre'sminna saṁśayaḥ

और जिन लोगों ने अम्बिका की सदा भलीभाँति आराधना की — इसीलिए ये सभी इस संसार में सुखी हैं, इसमें कोई संशय नहीं।'

श्लोक 57 (devibhagavatam.3.11.57)

व्यास उवाच । इति राजञ्छ्रुतं तत्र मया मुनिसमागमे । लोमशस्य मुखात्कामं देवीमाहात्म्यमुत्तमम्

vyāsa uvāca iti rājañchrutaṁ tatra mayā munisamāgame lomaśasya mukhātkāmaṁ devīmāhātmyamuttamam

व्यास जी ने कहा — हे राजन्! इस प्रकार मैंने उस मुनि-समागम में लोमश के मुख से देवी का यह उत्तम माहात्म्य पूर्ण रूप से सुना।

श्लोक 58 (devibhagavatam.3.11.58)

इति सञ्चिन्त्य राजेन्द्र कर्तव्यं च सदार्चनम् । भक्त्या परमया देव्याः प्रीत्या च पुरुषर्षभ

iti sañcintya rājendra kartavyaṁ ca sadārcanam bhaktyā paramayā devyāḥ prītyā ca puruṣarṣabha

इस प्रकार विचार करके, हे राजेन्द्र! हे पुरुषश्रेष्ठ! परम भक्ति और प्रेम से देवी की सदा पूजा करनी चाहिए।