विष्णु द्वारा अम्बिका-यज्ञ का अनुष्ठान

श्लोक 1 (devibhagavatam.3.13.1)

राजोवाच । हरिणा तु कथं यज्ञः कृतः पूर्वं पितामह । जगत्कारणरूपेण विष्णुना प्रभविष्णुना

rājovāca hariṇā tu kathaṁ yajñaḥ kṛtaḥ pūrvaṁ pitāmaha jagatkāraṇarūpeṇa viṣṇunā prabhaviṣṇunā

राजा ने कहा — हे पितामह! पूर्वकाल में जगत् के कारण-स्वरूप, सर्वशक्तिमान् विष्णु ने हरि के रूप में वह यज्ञ कैसे किया था?

श्लोक 2 (devibhagavatam.3.13.2)

के सहायास्तु तत्रासन्ब्राह्मणाः के महामते । ऋत्विजो वेदतत्त्वज्ञास्तन्मे ब्रूहि परन्तप

ke sahāyāstu tatrāsanbrāhmaṇāḥ ke mahāmate ṛtvijo vedatattvajñāstanme brūhi parantapa

हे महामते! वहाँ उनके सहायक कौन थे? वेदतत्त्वज्ञ ऋत्विज कौन थे? हे परन्तप! यह मुझे बताइए।

श्लोक 3 (devibhagavatam.3.13.3)

पश्चात्करोम्यहं यज्ञं विधिदृष्टेन कर्मणा । श्रुत्वा विष्णुकृतं यागमम्बिकायाः समाहितः

paścātkaromyahaṁ yajñaṁ vidhidṛṣṭena karmaṇā śrutvā viṣṇukṛtaṁ yāgamambikāyāḥ samāhitaḥ

विष्णु द्वारा किए गए अम्बिका के यज्ञ को एकाग्रचित्त होकर सुनकर, उसके पश्चात् मैं भी विधिशास्त्र-दृष्ट कर्म द्वारा यज्ञ करूँगा।'

श्लोक 4 (devibhagavatam.3.13.4)

व्यास उवाच । राजञ्छृणु महाभाग विस्तरं परमाद्भुतम् । यथा भगवता यज्ञः कृतश्च विधिपूर्वकः

vyāsa uvāca rājañchṛṇu mahābhāga vistaraṁ paramādbhutam yathā bhagavatā yajñaḥ kṛtaśca vidhipūrvakaḥ

व्यास जी ने कहा — हे राजन्! हे महाभाग्यशाली! सुनो, यह परम अद्भुत विवरण, कि किस प्रकार भगवान् द्वारा विधिपूर्वक यज्ञ किया गया।

श्लोक 5 (devibhagavatam.3.13.5)

विसर्जिता यदा देव्या दत्त्वा शक्तीश्च तास्त्रयः । काजेशाः पुरुषा जाता विमानवरमास्थिताः

visarjitā yadā devyā dattvā śaktīśca tāstrayaḥ kājeśāḥ puruṣā jātā vimānavaramāsthitāḥ

जब देवी द्वारा वे तीनों शक्तियाँ देकर उन्हें विदा किया गया, तब वे स्वामी पुनः पुरुष बनकर उस श्रेष्ठ विमान पर सवार हुए।

श्लोक 6 (devibhagavatam.3.13.6)

प्राप्ता महार्णवं घोरं त्रयस्ते विबुधोत्तमाः । चक्रुः स्थानानि वासार्थं समुत्पाद्य धरां स्थिताः

prāptā mahārṇavaṁ ghoraṁ trayaste vibudhottamāḥ cakruḥ sthānāni vāsārthaṁ samutpādya dharāṁ sthitāḥ

वे तीनों श्रेष्ठ विद्वान् उस भयंकर महासमुद्र में पहुँचे; पृथ्वी को उत्पन्न करके, उस पर स्थित होकर, उन्होंने निवास के लिए स्थान बनाए।

श्लोक 7 (devibhagavatam.3.13.7)

आधारशक्तिरचला मुक्ता देव्या स्वयं ततः । तदाधारा स्थिता जाता धरा मेदःसमन्विता

ādhāraśaktiracalā muktā devyā svayaṁ tataḥ tadādhārā sthitā jātā dharā medaḥsamanvitā

देवी द्वारा स्वयं छोड़ी गई अचल आधार-शक्ति के आधार पर मेद (चर्बी) से युक्त पृथ्वी उत्पन्न हुई और उसी पर स्थित हो गई।

श्लोक 8 (devibhagavatam.3.13.8)

मधुकैटभयोर्मेदः संयोगान्मेदिनी स्मृता । धारणाच्च धरा प्रोक्ता पृथ्वी विस्तारयोगतः

madhukaiṭabhayormedaḥ saṁyogānmedinī smṛtā dhāraṇācca dharā proktā pṛthvī vistārayogataḥ

मधु और कैटभ के मेद (चर्बी) के संयोग से यह 'मेदिनी' कहलाई; धारण करने के कारण 'धरा' कही गई, तथा विस्तार के कारण 'पृथ्वी' कहलाई।

श्लोक 9 (devibhagavatam.3.13.9)

मही चापि महीयस्त्वाद्धृता सा शेषमस्तके । गिरयश्च कृताः सर्वे धारणार्थ प्रविस्तराः

mahī cāpi mahīyastvāddhṛtā sā śeṣamastake girayaśca kṛtāḥ sarve dhāraṇārtha pravistarāḥ

अपनी महिमा के कारण यह 'मही' भी कहलाती है; यह शेषनाग के मस्तक पर धारण की गई है; तथा इसे स्थिर करने के लिए सभी विशाल पर्वत बनाए गए।

श्लोक 10 (devibhagavatam.3.13.10)

लोहकीलं यथा काष्टे तथा ते गिरयः कृताः । महीधरो महाराज प्रोच्यते विबुधैर्जनैः

lohakīlaṁ yathā kāṣṭe tathā te girayaḥ kṛtāḥ mahīdharo mahārāja procyate vibudhairjanaiḥ

जैसे लकड़ी में लोहे की कील गाड़ी जाती है, वैसे ही ये पर्वत गाड़े गए; इसलिए, हे महाराज! विद्वानों द्वारा पृथ्वी को 'महीधरा' कहा जाता है।

श्लोक 11 (devibhagavatam.3.13.11)

जातरूपमयो मेरुर्बहुयोजनविस्तरः । कृतो मणिमयैः शृङ्गैः शोभितः परमाद्भुतः

jātarūpamayo merurbahuyojanavistaraḥ kṛto maṇimayaiḥ śṛṅgaiḥ śobhitaḥ paramādbhutaḥ

अनेक योजन विस्तृत, स्वर्णमय मेरु पर्वत बनाया गया, जो मणिमय शिखरों से सुशोभित तथा परम अद्भुत था।

श्लोक 12 (devibhagavatam.3.13.12)

मरीचिर्नारदोऽत्रिश्च पुलस्त्यः पुलहः क्रतुः । दक्षो वसिष्ठ इत्येते ब्रह्मणः प्रथिताः सुताः

marīcirnārado'triśca pulastyaḥ pulahaḥ kratuḥ dakṣo vasiṣṭha ityete brahmaṇaḥ prathitāḥ sutāḥ

मरीचि, नारद, अत्रि, पुलस्त्य, पुलह, क्रतु, दक्ष तथा वसिष्ठ — ये ब्रह्मा के विख्यात पुत्र हैं।

श्लोक 13 (devibhagavatam.3.13.13)

मरीचेः कश्यपो जातो दक्षकन्यास्त्रयोदश । ताभ्यो देवाश्च दैत्याश्च समुत्पन्ना ह्यनेकशः

marīceḥ kaśyapo jāto dakṣakanyāstrayodaśa tābhyo devāśca daityāśca samutpannā hyanekaśaḥ

मरीचि से कश्यप उत्पन्न हुए; दक्ष की तेरह कन्याएँ थीं; उनसे अनेक प्रकार के देवता और दैत्य उत्पन्न हुए।

श्लोक 14 (devibhagavatam.3.13.14)

ततस्तु काश्यपी सृष्टिः प्रवृत्ता चातिविस्तरा । मनुष्यपशुसर्पादिजातिभेदैरनेकधा

tatastu kāśyapī sṛṣṭiḥ pravṛttā cātivistarā manuṣyapaśusarpādijātibhedairanekadhā

इसके बाद कश्यप से उत्पन्न सृष्टि अत्यन्त विस्तार से आगे बढ़ी — मनुष्य, पशु, सर्प आदि अनेक जाति-भेदों में।

श्लोक 15 (devibhagavatam.3.13.15)

ब्रह्मणश्चार्धदेहात्तु मनुः स्वायम्भुवोऽभवत् । शतरूपा तथा नारी सञ्जाता वामभागतः

brahmaṇaścārdhadehāttu manuḥ svāyambhuvo'bhavat śatarūpā tathā nārī sañjātā vāmabhāgataḥ

ब्रह्मा के आधे शरीर से स्वायम्भुव मनु उत्पन्न हुए, और उसी प्रकार उनके बाएँ भाग से शतरूपा नामक स्त्री उत्पन्न हुई।

श्लोक 16 (devibhagavatam.3.13.16)

प्रियव्रतोत्तानपादौ सुतौ तस्या बभूवतुः । तिस्त्रः कन्या वरारोहा ह्यभवन्नतिसुन्दरीः

priyavratottānapādau sutau tasyā babhūvatuḥ tistraḥ kanyā varārohā hyabhavannatisundarīḥ

प्रियव्रत और उत्तानपाद उनके दो पुत्र हुए, तथा तीन अत्यन्त सुन्दर, उत्तम रूप वाली कन्याएँ भी उत्पन्न हुईं।

श्लोक 17 (devibhagavatam.3.13.17)

एवं सृष्टिं समुत्पाद्य भगवान्कमलोद्भवः । चकार ब्रह्मलोकञ्च मेरुशृङ्गे मनोहरम्

evaṁ sṛṣṭiṁ samutpādya bhagavānkamalodbhavaḥ cakāra brahmalokañca meruśṛṅge manoharam

इस प्रकार सृष्टि उत्पन्न करके भगवान् कमलजन्मा ने मेरु के शिखर पर मनोहर ब्रह्मलोक बनाया।

श्लोक 18 (devibhagavatam.3.13.18)

वैकुण्ठं भगवान्विष्णू रमारमणमुत्तमम् । क्रीडास्थानं सुरम्यञ्च सर्वलोकोपरिस्थितम्

vaikuṇṭhaṁ bhagavānviṣṇū ramāramaṇamuttamam krīḍāsthānaṁ suramyañca sarvalokoparisthitam

रमा के प्रियतम भगवान् विष्णु ने समस्त लोकों से ऊपर स्थित, अत्यन्त रमणीय क्रीड़ा-स्थान वैकुण्ठ बनाया।

श्लोक 19 (devibhagavatam.3.13.19)

शिवोऽपि परमं स्थानं कैलासाख्यं चकार ह । समासाद्य भूतगणं विजहार यथारुचि

śivo'pi paramaṁ sthānaṁ kailāsākhyaṁ cakāra ha samāsādya bhūtagaṇaṁ vijahāra yathāruci

शिव ने भी कैलास नामक परम स्थान बनाया; अपने भूतगणों को एकत्र करके वे वहाँ इच्छानुसार विहार करने लगे।

श्लोक 20 (devibhagavatam.3.13.20)

स्वर्गस्त्रिविष्टपो मेरुशिखरोपरि कल्पितः । तच्च स्थानं सुरेन्द्रस्य नानारत्नविराजितम्

svargastriviṣṭapo meruśikharopari kalpitaḥ tacca sthānaṁ surendrasya nānāratnavirājitam

मेरु के शिखर पर त्रिविष्टप स्वर्ग बनाया गया; इन्द्र का वह निवास-स्थान नाना रत्नों से सुशोभित था।

श्लोक 21 (devibhagavatam.3.13.21)

समुद्रमथनात्प्राप्तः पारिजातस्तरुत्तमः । चतुर्दन्तस्तथा नागः कामधेनुश्च कामदा

samudramathanātprāptaḥ pārijātastaruttamaḥ caturdantastathā nāgaḥ kāmadhenuśca kāmadā

समुद्र-मंथन से प्राप्त उत्तम पारिजात वृक्ष, चार दाँतों वाला ऐरावत गज, तथा इच्छाएँ पूर्ण करने वाली कामधेनु —

श्लोक 22 (devibhagavatam.3.13.22)

उच्चैःश्रवास्तथाश्वो वै रम्भाद्यप्सरसस्तथा । इन्द्रेणोपात्तमखिलं जातं वै स्वर्गभूषणम्

uccaiḥśravāstathāśvo vai rambhādyapsarasastathā indreṇopāttamakhilaṁ jātaṁ vai svargabhūṣaṇam

और उच्चैःश्रवा नामक अश्व, तथा रम्भा आदि अप्सराएँ — ये सब समुद्र से उत्पन्न होकर इन्द्र द्वारा स्वर्ग के आभूषण के रूप में ग्रहण किए गए।

श्लोक 23 (devibhagavatam.3.13.23)

धन्वन्तरिश्चन्द्रमाश्च सागराच्च समुद्बभौ । स्वर्गस्थितौ विराजेते देवौ बहुगणैर्वृतौ

dhanvantariścandramāśca sāgarācca samudbabhau svargasthitau virājete devau bahugaṇairvṛtau

धन्वन्तरि और चन्द्रमा भी समुद्र से उत्पन्न हुए; वे दोनों देवता स्वर्ग में स्थित होकर अनेक गणों से घिरे हुए शोभायमान हैं।

श्लोक 24 (devibhagavatam.3.13.24)

एवं सृष्टिः समुत्पन्ना त्रिविधा नृपसत्तम । देवतिर्यङ्मनुष्यादिभेदैर्विविधकल्पिता

evaṁ sṛṣṭiḥ samutpannā trividhā nṛpasattama devatiryaṅmanuṣyādibhedairvividhakalpitā

हे नृपसत्तम! इस प्रकार यह त्रिविध सृष्टि उत्पन्न हुई — देव, तिर्यक् और मनुष्य आदि भेदों से विविध रूप में रची गई।

श्लोक 25 (devibhagavatam.3.13.25)

अण्डजाः स्वेदजाश्चैव चोद्भिज्जाश्च जरायुजाः । चतुर्भेदैः समुत्पन्ना जीवाः कर्मयुताः किल

aṇḍajāḥ svedajāścaiva codbhijjāśca jarāyujāḥ caturbhedaiḥ samutpannā jīvāḥ karmayutāḥ kila

अण्डज, स्वेदज, उद्भिज्ज तथा जरायुज — इन चार भेदों से ही कर्मयुक्त जीव उत्पन्न होते हैं।

श्लोक 26 (devibhagavatam.3.13.26)

एवं सृष्टिं समासाद्य ब्रह्मविष्णुमहेश्वराः । विहारं स्वेषु स्थानेषु चक्रुः सर्वे यथेप्सितम्

evaṁ sṛṣṭiṁ samāsādya brahmaviṣṇumaheśvarāḥ vihāraṁ sveṣu sthāneṣu cakruḥ sarve yathepsitam

इस प्रकार सृष्टि को सम्पन्न करके ब्रह्मा, विष्णु और महेश्वर — तीनों — अपने-अपने स्थानों में इच्छानुसार विहार करने लगे।

श्लोक 27 (devibhagavatam.3.13.27)

एवं प्रवर्तिते सर्गे भगवान्प्रभुरच्युतः । महालक्ष्म्या समं तत्र चिक्रीड भुवने स्वके

evaṁ pravartite sarge bhagavānprabhuracyutaḥ mahālakṣmyā samaṁ tatra cikrīḍa bhuvane svake

इस प्रकार सृष्टि के आगे बढ़ने पर, भगवान् अच्युत प्रभु ने वहाँ अपने ही लोक में महालक्ष्मी के साथ क्रीड़ा की।

श्लोक 28 (devibhagavatam.3.13.28)

एकस्मिन्समये विष्णुर्वैकुण्ठे संस्थितः पुरा । सुधासिन्धुस्थितं द्वीपं सस्मार मणिमण्डितम्

ekasminsamaye viṣṇurvaikuṇṭhe saṁsthitaḥ purā sudhāsindhusthitaṁ dvīpaṁ sasmāra maṇimaṇḍitam

एक बार वैकुण्ठ में स्थित विष्णु ने पूर्वकाल में सुधा-सागर में स्थित उस मणि-सुशोभित द्वीप का स्मरण किया,

श्लोक 29 (devibhagavatam.3.13.29)

यत्र दृष्ट्वा महामायां मन्त्रश्चासादितः शुभः । स्मृत्वा तां परमां शक्तिं स्त्रीभावं गमितो यथा

yatra dṛṣṭvā mahāmāyāṁ mantraścāsāditaḥ śubhaḥ smṛtvā tāṁ paramāṁ śaktiṁ strībhāvaṁ gamito yathā

जहाँ महामाया को देखकर वह शुभ मन्त्र प्राप्त हुआ था, और जहाँ उस परम शक्ति का स्मरण करते हुए वे स्त्री-रूप को प्राप्त हुए थे।

श्लोक 30 (devibhagavatam.3.13.30)

यज्ञं कर्तुं मनश्चक्रे अम्बिकाया रमापतिः । उत्तीर्य भुवनात्तस्मात्समाहूय महेश्वरम्

yajñaṁ kartuṁ manaścakre ambikāyā ramāpatiḥ uttīrya bhuvanāttasmātsamāhūya maheśvaram

रमा के पति ने अम्बिका का यज्ञ करने का संकल्प किया; उस लोक से ऊपर उठकर उन्होंने महेश्वर को बुलाया,

श्लोक 31 (devibhagavatam.3.13.31)

ब्रह्माणं वरुणं शक्रं कुबेरं पावकं यमम् । वसिष्ठं कश्यपं दक्षं वामदेवं बृहस्पतिम्

brahmāṇaṁ varuṇaṁ śakraṁ kuberaṁ pāvakaṁ yamam vasiṣṭhaṁ kaśyapaṁ dakṣaṁ vāmadevaṁ bṛhaspatim

तथा ब्रह्मा, वरुण, इन्द्र, कुबेर, अग्नि, यम, वसिष्ठ, कश्यप, दक्ष, वामदेव और बृहस्पति को भी बुलाया।

श्लोक 32 (devibhagavatam.3.13.32)

सम्भारं कल्पयामास यज्ञार्थं चातिविस्तरम् । महाविभवसंयुक्तं सात्त्विकञ्च मनोहरम्

sambhāraṁ kalpayāmāsa yajñārthaṁ cātivistaram mahāvibhavasaṁyuktaṁ sāttvikañca manoharam

उन्होंने महान् वैभव से युक्त, सात्त्विक तथा मनोहर यज्ञ-सामग्री का अत्यन्त विस्तृत संग्रह किया।

श्लोक 33 (devibhagavatam.3.13.33)

मण्डपं विततं तत्र कारयामास शिल्पिभिः । ऋत्विजो वरयामास सप्तविंशतिसुव्रतान्

maṇḍapaṁ vitataṁ tatra kārayāmāsa śilpibhiḥ ṛtvijo varayāmāsa saptaviṁśatisuvratān

उन्होंने वहाँ शिल्पियों द्वारा विशाल मण्डप बनवाया; उत्तम व्रत वाले सत्ताईस ऋत्विजों का वरण किया।

श्लोक 34 (devibhagavatam.3.13.34)

चितिञ्च कारयामास वेदीश्चैव सुविस्तराः । प्रजेपुर्ब्राह्मणा मन्त्रान्देव्या बीजसमन्वितान्

citiñca kārayāmāsa vedīścaiva suvistarāḥ prajepurbrāhmaṇā mantrāndevyā bījasamanvitān

उन्होंने चिति और विस्तृत वेदियाँ बनवाईं; ब्राह्मणों ने देवी के बीज-मन्त्र से युक्त मन्त्रों का जप किया।

श्लोक 35 (devibhagavatam.3.13.35)

जुहुवुस्ते हविः कामं विधिवत्परिकल्पिते । कृते तु वितते होमे वागुवाचाशरीरिणी

juhuvuste haviḥ kāmaṁ vidhivatparikalpite kṛte tu vitate home vāguvācāśarīriṇī

उन्होंने विधिपूर्वक स्थापित अग्नि में हवि की आहुति दी; जब यह विस्तृत होम सम्पन्न हो गया, तब एक अशरीरी वाणी सुनाई दी।

श्लोक 36 (devibhagavatam.3.13.36)

विष्णुं तदा समाभाष्य सुस्वरा मधुराक्षरा । विष्णो त्वं भव देवानां हरे श्रेष्ठतमः सदा

viṣṇuṁ tadā samābhāṣya susvarā madhurākṣarā viṣṇo tvaṁ bhava devānāṁ hare śreṣṭhatamaḥ sadā

मधुर स्वर और मीठे अक्षरों वाली उस वाणी ने विष्णु को सम्बोधित करते हुए कहा — 'हे विष्णु! हे हरि! तुम सदा देवताओं में सर्वश्रेष्ठ बनो,

श्लोक 37 (devibhagavatam.3.13.37)

मान्यश्च पूजनीयश्च समर्थश्च सुरेष्वपि । सर्वे त्वामर्चयिष्यन्ति ब्रह्माद्याश्च सवासवाः

mānyaśca pūjanīyaśca samarthaśca sureṣvapi sarve tvāmarcayiṣyanti brahmādyāśca savāsavāḥ

देवताओं में भी माननीय, पूजनीय तथा समर्थ बनो। ब्रह्मा आदि तथा वासव सहित सब तुम्हारी पूजा करेंगे।

श्लोक 38 (devibhagavatam.3.13.38)

प्रभविष्यन्ति भो भक्त्या मानवा भुवि सर्वतः । वरदस्त्वं च सर्वेषां भविता मानवेषु वै

prabhaviṣyanti bho bhaktyā mānavā bhuvi sarvataḥ varadastvaṁ ca sarveṣāṁ bhavitā mānaveṣu vai

पृथ्वी पर मनुष्य सर्वत्र भक्ति से समर्थ होंगे; और तुम मनुष्यों के लिए सबको वर देने वाले बनोगे।

श्लोक 39 (devibhagavatam.3.13.39)

कामदः सर्वदेवानां परमः परमेश्वरः । सर्वयज्ञेषु मुख्यस्त्वं पूज्यः सर्वैश्च याज्ञिकैः

kāmadaḥ sarvadevānāṁ paramaḥ parameśvaraḥ sarvayajñeṣu mukhyastvaṁ pūjyaḥ sarvaiśca yājñikaiḥ

तुम समस्त देवताओं की कामनाओं को पूर्ण करने वाले, परम परमेश्वर बनोगे; समस्त यज्ञों में तुम मुख्य होगे, सभी याज्ञिकों द्वारा पूजनीय होगे।

श्लोक 40 (devibhagavatam.3.13.40)

त्वां जनाः पूजयिष्यन्ति वरदस्त्वं भविष्यसि । श्रयिष्यन्ति च देवास्त्वां दानवैरतिपीडिताः

tvāṁ janāḥ pūjayiṣyanti varadastvaṁ bhaviṣyasi śrayiṣyanti ca devāstvāṁ dānavairatipīḍitāḥ

लोग तुम्हारी पूजा करेंगे, तुम वरदाता बनोगे; और दानवों से अत्यन्त पीड़ित देवता भी तुम्हारी शरण लेंगे।

श्लोक 41 (devibhagavatam.3.13.41)

शरणस्त्वञ्च सर्वेषां भविता पुरुषोत्तम । पुराणेषु च सर्वेषु वेदेषु विततेषु च

śaraṇastvañca sarveṣāṁ bhavitā puruṣottama purāṇeṣu ca sarveṣu vedeṣu vitateṣu ca

हे पुरुषोत्तम! तुम सबके शरण्य बनोगे, समस्त पुराणों में तथा विस्तृत वेदों में भी।

श्लोक 42 (devibhagavatam.3.13.42)

त्वं वै पूज्यतमः कामं कीर्तिस्तव भविष्यति । यदा यदा हि धर्मस्य ग्लानिर्भवति भूतले

tvaṁ vai pūjyatamaḥ kāmaṁ kīrtistava bhaviṣyati yadā yadā hi dharmasya glānirbhavati bhūtale

तुम निश्चय ही परम पूज्य बनोगे, तुम्हारी कीर्ति फैलेगी; और जब-जब पृथ्वी पर धर्म की हानि होगी,

श्लोक 43 (devibhagavatam.3.13.43)

तदांशेनावतीर्याशु कर्तव्यं धर्मरक्षणम् । अवताराः सुविख्याताः पृथिव्यां तव भागशः

tadāṁśenāvatīryāśu kartavyaṁ dharmarakṣaṇam avatārāḥ suvikhyātāḥ pṛthivyāṁ tava bhāgaśaḥ

तब-तब अपने अंश से शीघ्र अवतार लेकर तुम्हें धर्म की रक्षा करनी होगी; तुम्हारे अत्यन्त विख्यात अवतार पृथ्वी पर अंश-अंश में प्रकट होंगे,

श्लोक 44 (devibhagavatam.3.13.44)

भविष्यन्ति धरायां वै माननीया महात्मनाम् । अवतारेषु सर्वेषु नानायोनिषु माधव

bhaviṣyanti dharāyāṁ vai mānanīyā mahātmanām avatāreṣu sarveṣu nānāyoniṣu mādhava

जो पृथ्वी पर महात्माओं द्वारा माननीय होंगे; समस्त अवतारों में, विभिन्न योनियों में, हे माधव!

श्लोक 45 (devibhagavatam.3.13.45)

विख्यातः सर्वलोकेषु भविता मधुसूदन । अवतारेषु सर्वेषु शक्तिस्ते सहचारिणी

vikhyātaḥ sarvalokeṣu bhavitā madhusūdana avatāreṣu sarveṣu śaktiste sahacāriṇī

हे मधुसूदन! तुम समस्त लोकों में विख्यात होगे। समस्त अवतारों में तुम्हारी शक्ति तुम्हारी सदा साथ रहने वाली सहचरी होगी,

श्लोक 46 (devibhagavatam.3.13.46)

भविष्यति ममांशेन सर्वकार्यप्रसाधिनी । वाराही नारसिंही च नानाभेदैरनेकधा

bhaviṣyati mamāṁśena sarvakāryaprasādhinī vārāhī nārasiṁhī ca nānābhedairanekadhā

जो मेरे ही अंश से उत्पन्न होकर सभी कार्य सिद्ध करने वाली होगी — वाराही, नारसिंही तथा नाना रूपों में अनेक प्रकार से,

श्लोक 47 (devibhagavatam.3.13.47)

नानायुधाः शुभाकाराः सर्वाभरणमण्डीताः । ताभिर्युक्तः सदा विष्णो सुरकार्याणि माधव

nānāyudhāḥ śubhākārāḥ sarvābharaṇamaṇḍītāḥ tābhiryuktaḥ sadā viṣṇo surakāryāṇi mādhava

नाना आयुधों से युक्त, शुभ आकार वाली, सर्वालंकार-भूषित। हे विष्णु! हे माधव! इनसे युक्त होकर तुम सदा —

श्लोक 48 (devibhagavatam.3.13.48)

साधयिष्यसि तत्सर्वं मद्दत्तवरदानतः । तास्त्वया नावमन्तव्याः सर्वदा गर्वलेशतः

sādhayiṣyasi tatsarvaṁ maddattavaradānataḥ tāstvayā nāvamantavyāḥ sarvadā garvaleśataḥ

मेरे द्वारा दिए गए वरदान से देवताओं के वे समस्त कार्य सिद्ध करोगे। तुम्हें इन्हें कभी भी तनिक भी गर्व से अवमानित नहीं करना चाहिए;

श्लोक 49 (devibhagavatam.3.13.49)

पूजनीयाः प्रयत्नेन माननीयाश्च सर्वथा । नूनं ता भारते खण्डे शक्तयः सर्वकामदाः

pūjanīyāḥ prayatnena mānanīyāśca sarvathā nūnaṁ tā bhārate khaṇḍe śaktayaḥ sarvakāmadāḥ

इन्हें यत्नपूर्वक पूजनीय और सर्वथा माननीय समझना चाहिए। निश्चय ही भारतखण्ड में ये समस्त कामनाओं को पूर्ण करने वाली शक्तियाँ,

श्लोक 50 (devibhagavatam.3.13.50)

भविष्यन्ति मनुष्याणां पूजिताः प्रतिमासु च । तासां तव च देवेश कीर्तिः स्यान्दखिलेष्वपि

bhaviṣyanti manuṣyāṇāṁ pūjitāḥ pratimāsu ca tāsāṁ tava ca deveśa kīrtiḥ syāndakhileṣvapi

मनुष्यों द्वारा प्रतिमाओं में पूजित होंगी; हे देवेश! तुम्हारी तथा उनकी कीर्ति सभी स्थानों में भी फैलेगी,

श्लोक 51 (devibhagavatam.3.13.51)

द्वीपेषु सप्तस्वपि च विख्याता भुवि मण्डले । ताश्च त्वां वै महाभाग मानवा भुवि मण्डले

dvīpeṣu saptasvapi ca vikhyātā bhuvi maṇḍale tāśca tvāṁ vai mahābhāga mānavā bhuvi maṇḍale

सातों द्वीपों में भी, इस भूमण्डल में विख्यात होगी। हे महाभाग्यशाली! इस भूमण्डल में मनुष्य तुम्हें और उन्हें दोनों को —

श्लोक 52 (devibhagavatam.3.13.52)

अर्चयिष्यन्ति वाञ्छार्थं सकामाः सततं हरे । अर्चासु चोपहारैश्च नानाभावसमन्विताः

arcayiṣyanti vāñchārthaṁ sakāmāḥ satataṁ hare arcāsu copahāraiśca nānābhāvasamanvitāḥ

हे हरि! सदा इच्छित फल की कामना से, अपनी-अपनी इच्छाओं से युक्त होकर, प्रतिमाओं और उपहारों से, नाना भावों से पूजेंगे।

श्लोक 53 (devibhagavatam.3.13.53)

पूजयिष्यन्ति वेदोक्तैर्मन्त्रैर्नामजपैस्तथा । महिमा तव भूर्लोके स्वर्गे च मधुसूदन

pūjayiṣyanti vedoktairmantrairnāmajapaistathā mahimā tava bhūrloke svarge ca madhusūdana

वे वेदोक्त मन्त्रों तथा नाम-जप द्वारा भी पूजेंगे; हे मधुसूदन! भूलोक और स्वर्ग दोनों में तुम्हारी महिमा,

श्लोक 54 (devibhagavatam.3.13.54)

पूजनाद्देवदेवेश वृद्धिमेष्यति मानवैः । व्यास उवाच । इति दत्त्वा वरान्वाणी विरराम खसम्भवा

pūjanāddevadeveśa vṛddhimeṣyati mānavaiḥ vyāsa uvāca iti dattvā varānvāṇī virarāma khasambhavā

हे देवाधिदेव! मनुष्यों की पूजा से बढ़ती रहेगी।' व्यास जी ने कहा — इस प्रकार वर देकर वह आकाश से उत्पन्न वाणी शान्त हो गई।

श्लोक 55 (devibhagavatam.3.13.55)

भगवानपि प्रीतात्मा ह्यभवच्छ्रवणादिव । समाप्य विधिवद्यज्ञं भगवान्हरिरीश्वरः

bhagavānapi prītātmā hyabhavacchravaṇādiva samāpya vidhivadyajñaṁ bhagavānharirīśvaraḥ

भगवान् भी उसे सुनकर मानो प्रसन्नचित्त हो गए; भगवान् हरि ईश्वर ने विधिपूर्वक यज्ञ को पूर्ण करके,

श्लोक 56 (devibhagavatam.3.13.56)

विसर्जयित्वा तान्देवान्ब्रह्मपुत्रान्मुनीनथ । जगामानुचरैः सार्धं वैकुण्ठं गरुडध्वजः

visarjayitvā tāndevānbrahmaputrānmunīnatha jagāmānucaraiḥ sārdhaṁ vaikuṇṭhaṁ garuḍadhvajaḥ

उन देवताओं, ब्रह्म-पुत्रों तथा मुनियों को विदा करके, अपने अनुचरों सहित गरुड़ध्वज विष्णु वैकुण्ठ चले गए।

श्लोक 57 (devibhagavatam.3.13.57)

स्वानि स्वानि च धिष्ण्यानि पुनः सर्वे सुरास्ततः । मुनयो विस्मिता वार्तां कुर्वन्तस्ते परस्परं

svāni svāni ca dhiṣṇyāni punaḥ sarve surāstataḥ munayo vismitā vārtāṁ kurvantaste parasparaṁ

तब सभी देवता भी पुनः अपने-अपने स्थानों को गए; विस्मित मुनि आपस में इस समाचार की चर्चा करने लगे।

श्लोक 58 (devibhagavatam.3.13.58)

ययुः प्रमुदिताः कामं स्वाश्रमान्पावनानथ

yayuḥ pramuditāḥ kāmaṁ svāśramānpāvanānatha

वे अत्यन्त प्रसन्न होकर इच्छानुसार अपने-अपने पवित्र आश्रमों को चले गए।

श्लोक 59 (devibhagavatam.3.13.59)

श्रुत्वा वाणीं परमविशदां व्योमजां श्रोत्ररम्यां सर्वेषां वै प्रकृतिविषये भक्तिभावश्च जातः । चक्रुः सर्वे द्विजमुनिगणाः पूजनं भक्तियुक्तास्तस्याः कामं निखिलफलदं चागमोक्तं मुनीन्द्राः

śrutvā vāṇīṁ paramaviśadāṁ vyomajāṁ śrotraramyāṁ sarveṣāṁ vai prakṛtiviṣaye bhaktibhāvaśca jātaḥ cakruḥ sarve dvijamunigaṇāḥ pūjanaṁ bhaktiyuktāstasyāḥ kāmaṁ nikhilaphaladaṁ cāgamoktaṁ munīndrāḥ

उस परम स्वच्छ, आकाश से उत्पन्न, कानों को मधुर लगने वाली वाणी को सुनकर सबके मन में प्रकृति (देवी) के प्रति भक्ति-भाव उत्पन्न हुआ; हे मुनीन्द्रो! सभी ब्राह्मण और मुनिगण भक्तिपूर्वक उन समस्त फल देने वाली देवी की, शास्त्रोक्त विधि से पूजा करने लगे।