मनोरमा का भारद्वाज आश्रम की ओर गमन

श्लोक 1 (devibhagavatam.3.15.1)

व्यास उवाच । संयुगे च सति तत्र भूपयोराहवाय समुपात्तशस्त्रयोः । क्रोधलोभवशयोः समं ततः सम्बभूव तुमुलस्तु विमर्दः

vyāsa uvāca saṁyuge ca sati tatra bhūpayorāhavāya samupāttaśastrayoḥ krodhalobhavaśayoḥ samaṁ tataḥ sambabhūva tumulastu vimardaḥ

व्यास जी ने कहा — जब वहाँ शस्त्र धारण किए हुए दोनों राजाओं के बीच, क्रोध और लोभ के वशीभूत होकर युद्ध आरम्भ हुआ, तब भयंकर संघर्ष उत्पन्न हो गया।

श्लोक 2 (devibhagavatam.3.15.2)

संस्थितः स समरे धृतचापः पार्थिवः पृथुलबाहुयुधाजित् । संयुतः स्वबलवाहनादिकैराहवाय कृतनिश्चयो नृपः

saṁsthitaḥ sa samare dhṛtacāpaḥ pārthivaḥ pṛthulabāhuyudhājit saṁyutaḥ svabalavāhanādikairāhavāya kṛtaniścayo nṛpaḥ

विशाल भुजाओं वाले राजा युधाजित् धनुष धारण किए, अपनी सेना और वाहनों आदि सहित युद्ध के लिए दृढ़ निश्चय करके रणभूमि में खड़े थे।

श्लोक 3 (devibhagavatam.3.15.3)

वीरसेन इह सैन्यसंयुतः क्षात्रधर्ममनुसृत्य सङ्गरे । पुत्रिकात्मजहिताय पार्थिवः संस्थितः सुरपतेः समतेजाः

vīrasena iha sainyasaṁyutaḥ kṣātradharmamanusṛtya saṅgare putrikātmajahitāya pārthivaḥ saṁsthitaḥ surapateḥ samatejāḥ

वीरसेन भी अपनी सेना सहित, क्षत्रिय-धर्म का पालन करते हुए, अपनी पुत्री के पुत्र के हित के लिए, इन्द्र के समान तेजस्वी होकर युद्धभूमि में खड़े थे।

श्लोक 4 (devibhagavatam.3.15.4)

स बाणवृष्टिं विससर्ज पार्थिवो युधाजितं वीक्ष्य रणे स्थितञ्च । गिरिं तडित्वानिव तोयवृष्टिभिः क्रोधान्वितः सत्यपराक्रमोऽसौ

sa bāṇavṛṣṭiṁ visasarja pārthivo yudhājitaṁ vīkṣya raṇe sthitañca giriṁ taḍitvāniva toyavṛṣṭibhiḥ krodhānvitaḥ satyaparākramo'sau

सत्य-पराक्रमी वह राजा क्रोध से भरकर, युधाजित् को रणभूमि में खड़ा देखकर, बादल द्वारा पर्वत पर जल-वृष्टि के समान, बाणों की वर्षा करने लगा।

श्लोक 5 (devibhagavatam.3.15.5)

तं वीरसेनो विशिखैः शिलाशितैः समावृणोदाशुगमैरजिह्मगैः । चिच्छेद बाणैश्च शिलीमुखानसौ तेनैव मुक्तानतिवेगपातिनः

taṁ vīraseno viśikhaiḥ śilāśitaiḥ samāvṛṇodāśugamairajihmagaiḥ ciccheda bāṇaiśca śilīmukhānasau tenaiva muktānativegapātinaḥ

वीरसेन ने उसे तीक्ष्ण, तीव्रगामी, सीधे जाने वाले बाणों से आच्छादित किया; और उसने भी अपने बाणों से अत्यन्त वेगपूर्वक गिरते हुए उन बाणों को काट डाला।

श्लोक 6 (devibhagavatam.3.15.6)

गजरथतुरगाणां सम्बभूवातियुद्धं सुरनरमुनिसङ्घैर्वीक्षितञ्चातिघोरम् । विततविहगवृन्दैरावृतं व्योम सद्यः पिशितमशितुकामैः कामगृध्रादिभिश्च

gajarathaturagāṇāṁ sambabhūvātiyuddhaṁ suranaramunisaṅghairvīkṣitañcātighoram vitatavihagavṛndairāvṛtaṁ vyoma sadyaḥ piśitamaśitukāmaiḥ kāmagṛdhrādibhiśca

हाथियों, रथों और घोड़ों का अत्यन्त घोर युद्ध हुआ, जिसे देवता, मनुष्य और मुनियों के समूह देख रहे थे; आकाश तुरन्त ही मांस खाने की इच्छा रखने वाले गिद्धों आदि विशाल पक्षी-समूहों से आच्छादित हो गया।

श्लोक 7 (devibhagavatam.3.15.7)

तत्राद्भुता क्षतजसिन्धुरुवाह घोरा वृन्देभ्य एव गजवीरतुरङ्गमाणाम् । त्रासावहा नयनमार्गगता नराणां पापात्मनां रविजमार्गभवेव कामम्

tatrādbhutā kṣatajasindhuruvāha ghorā vṛndebhya eva gajavīraturaṅgamāṇām trāsāvahā nayanamārgagatā narāṇāṁ pāpātmanāṁ ravijamārgabhaveva kāmam

वहाँ हाथियों, वीरों और घोड़ों के समूहों से ही एक अद्भुत, भयंकर रक्त-नदी बह चली, जो मनुष्यों के नेत्रों में भय उत्पन्न करती हुई, मानो पापी आत्माओं के यम-मार्ग के समान थी।

श्लोक 8 (devibhagavatam.3.15.8)

कीर्णानि भिन्नपुलिने नरमस्तकानि केशावृतानि च विभान्ति यथैव सिन्धौ । तुम्बीफलानि विहितानि विहर्तुकामैर्बालैर्यथा रविसुताप्रभवैश्च नूनम्

kīrṇāni bhinnapuline naramastakāni keśāvṛtāni ca vibhānti yathaiva sindhau tumbīphalāni vihitāni vihartukāmairbālairyathā ravisutāprabhavaiśca nūnam

टूटे हुए तट पर बिखरे हुए, बालों से ढके मनुष्यों के सिर उस नदी में वैसे ही शोभित हो रहे थे, जैसे क्रीड़ा करने की इच्छा वाले बालक तुम्बी के फल तैराते हैं।

श्लोक 9 (devibhagavatam.3.15.9)

वीरं मृतं भुवि गतं पतितं रथाद्वै गृध्रः पलार्थमुपरि भ्रमतीति मन्ये । जीवोऽप्यसौ निजशरीरमवेक्ष्य कान्तं काङ्क्षत्यहोऽतिविवशोऽपि पुनः प्रवेष्टुम्

vīraṁ mṛtaṁ bhuvi gataṁ patitaṁ rathādvai gṛdhraḥ palārthamupari bhramatīti manye jīvo'pyasau nijaśarīramavekṣya kāntaṁ kāṅkṣatyaho'tivivaśo'pi punaḥ praveṣṭum

मृत होकर पृथ्वी पर, रथ से गिरे हुए वीर के ऊपर मांस के लिए मानो गिद्ध मँडरा रहा है; और वह जीवात्मा भी अपने प्रिय शरीर को देखकर, अत्यन्त विवश होते हुए भी, उसमें पुनः प्रवेश करने की इच्छा रखता है।

श्लोक 10 (devibhagavatam.3.15.10)

आजौ हतोऽपि नृवरः सुविमानरूढः स्वाङ्के स्थितां सुरवधूं प्रवदत्यभीष्टम् । पश्याधुना मम शरीरमिदं पृथिव्यां बाणाहतं निपतितं करभोरु कान्तम्

ājau hato'pi nṛvaraḥ suvimānarūḍhaḥ svāṅke sthitāṁ suravadhūṁ pravadatyabhīṣṭam paśyādhunā mama śarīramidaṁ pṛthivyāṁ bāṇāhataṁ nipatitaṁ karabhoru kāntam

युद्ध में मारा गया श्रेष्ठ पुरुष सुन्दर विमान पर आरूढ़ होकर अपनी गोद में बैठी अभीष्ट देवांगना से कहता है — 'हे करभोरु! देखो, मेरा यह सुन्दर शरीर, बाण से बिंधकर पृथ्वी पर गिरा हुआ है।'

श्लोक 11 (devibhagavatam.3.15.11)

एको हतस्तु रिपुणैव गतोऽन्तरिक्षं देवाङ्गनां समधिगम्य युतो विमाने । तावत्प्रिया हुतवहे सुसमर्प्य देहं जग्राह कान्तमबला सबला स्वकीया

eko hatastu ripuṇaiva gato'ntarikṣaṁ devāṅganāṁ samadhigamya yuto vimāne tāvatpriyā hutavahe susamarpya dehaṁ jagrāha kāntamabalā sabalā svakīyā

शत्रु द्वारा मारा गया एक व्यक्ति आकाश में जाकर देवांगना को पाकर उसके साथ विमान पर संयुक्त हो गया; तभी उसकी प्रिय पत्नी ने अग्नि में अपने शरीर को अर्पित करके, दुर्बल शरीर होते हुए भी, नई शक्ति के साथ अपने प्रियतम को वहाँ जाकर ग्रहण किया।

श्लोक 12 (devibhagavatam.3.15.12)

युद्धे मृतौ च सुभटौ दिवि सङ्गतौ तावन्योन्यशस्त्रनिहतौ सह सम्प्रयातौ । तत्रैव जघ्नतुरलं परमाहितास्त्रावेकाप्सरोऽर्थविहतौ कलहाकुलौ च

yuddhe mṛtau ca subhaṭau divi saṅgatau tāvanyonyaśastranihatau saha samprayātau tatraiva jaghnaturalaṁ paramāhitāstrāvekāpsaro'rthavihatau kalahākulau ca

युद्ध में मरे हुए दो श्रेष्ठ योद्धा, जिन्होंने एक-दूसरे को शस्त्रों से मारा था, स्वर्ग में एक साथ मिले; परन्तु वहाँ भी उन्होंने परम शक्तिशाली अस्त्रों से पुनः एक-दूसरे पर वार किया, केवल एक अप्सरा के लिए विवाद में उलझकर।

श्लोक 13 (devibhagavatam.3.15.13)

कश्चिद्युवा समधिगम्य सुराङ्गनां वै रूपाधिकां गुणवतीं किल भक्तियुक्तः । स्वीयान् गुणान्प्रविततान्प्रवदंस्तदाऽसौ तां प्रेमदामनुचकार च योगयुक्तः

kaścidyuvā samadhigamya surāṅganāṁ vai rūpādhikāṁ guṇavatīṁ kila bhaktiyuktaḥ svīyān guṇānpravitatānpravadaṁstadā'sau tāṁ premadāmanucakāra ca yogayuktaḥ

कोई युवक स्वर्गांगना को पाकर, जो रूप और गुणों में उत्कृष्ट थी, भक्तिपूर्वक अपने गुणों का विस्तार से वर्णन करते हुए योग से युक्त होकर उसे प्रेमपूर्वक अपने वश में कर लेता है।

श्लोक 14 (devibhagavatam.3.15.14)

भौमं रजोऽतिविततं दिवि संस्थितञ्च रात्रिं चकार तरणिञ्च समावृणोद्यत् । मग्नं तदेव रुधिराम्बुनिधावकस्मात् प्रादुर्बभूव रविरप्यतिकान्तियुक्तः

bhaumaṁ rajo'tivitataṁ divi saṁsthitañca rātriṁ cakāra taraṇiñca samāvṛṇodyat magnaṁ tadeva rudhirāmbunidhāvakasmāt prādurbabhūva ravirapyatikāntiyuktaḥ

पृथ्वी की अत्यन्त विस्तृत धूल आकाश में फैलकर रात्रि के समान हो गई और सूर्य को भी ढक दिया; परन्तु वही सूर्य रक्त-सागर में मानो डूबा हुआ भी, अकस्मात् और भी अधिक कान्ति से युक्त होकर पुनः प्रकट हो गया।

श्लोक 15 (devibhagavatam.3.15.15)

कश्चिद्गतस्तु गगनं किल देवकन्यां सम्प्राप्य चारुवदनां किल भक्तियुक्ताम् । नाङ्गीचकार चतुरो व्रतनाशभीतो यास्यत्ययं मम वृथा ह्यनुकूलशब्दः

kaścidgatastu gaganaṁ kila devakanyāṁ samprāpya cāruvadanāṁ kila bhaktiyuktām nāṅgīcakāra caturo vratanāśabhīto yāsyatyayaṁ mama vṛthā hyanukūlaśabdaḥ

कोई योद्धा आकाश में जाकर सुन्दर मुख वाली, भक्तियुक्त देवकन्या को पाकर भी, अपने व्रत के भंग होने के भय से उसे स्वीकार नहीं करता, यह सोचकर — 'यह अनुकूल वचन मेरे लिए व्यर्थ ही चला जाएगा।'

श्लोक 16 (devibhagavatam.3.15.16)

सङ्ग्रामे संवृते तत्र युधाजित्पृथिवीपतिः । जघान वीरसेनं तं बाणैस्तीव्रैः सुदारुणैः

saṅgrāme saṁvṛte tatra yudhājitpṛthivīpatiḥ jaghāna vīrasenaṁ taṁ bāṇaistīvraiḥ sudāruṇaiḥ

जब वहाँ संग्राम अत्यन्त प्रबल हो गया, तब राजा युधाजित् ने तीक्ष्ण, अत्यन्त भयंकर बाणों से उस वीरसेन को मार डाला।

श्लोक 17 (devibhagavatam.3.15.17)

निहतः स पपातोर्व्यां छिन्नमूर्धा महीपतिः । प्रभग्नं तद्बलं सर्वं निर्गतं च चतुर्दिशम्

nihataḥ sa papātorvyāṁ chinnamūrdhā mahīpatiḥ prabhagnaṁ tadbalaṁ sarvaṁ nirgataṁ ca caturdiśam

मारा गया वह राजा सिर कटा हुआ पृथ्वी पर गिर पड़ा; उसकी सम्पूर्ण सेना छिन्न-भिन्न होकर चारों दिशाओं में भाग गई।

श्लोक 18 (devibhagavatam.3.15.18)

मनोरमा हतं श्रुत्वा पितरं रणमूर्धनि । भयत्रस्ताथ सञ्जाता पितुर्वैरमनुस्मरन्

manoramā hataṁ śrutvā pitaraṁ raṇamūrdhani bhayatrastātha sañjātā piturvairamanusmaran

अपने पिता को युद्ध के मध्य मारा गया सुनकर मनोरमा भय से त्रस्त हो गईं, अपने पिता के वैर का स्मरण करते हुए।

श्लोक 19 (devibhagavatam.3.15.19)

हनिष्यति युधाजिद्वै पुत्रं मम दुराशयः । राज्यलोभेन पापात्मा सेति चिन्तापराभवत्

haniṣyati yudhājidvai putraṁ mama durāśayaḥ rājyalobhena pāpātmā seti cintāparābhavat

'वह दुष्ट-हृदय युधाजित् राज्य-लोभ से पापी होकर निश्चय ही मेरे पुत्र को मार डालेगा' — इसी चिन्ता में वे व्याकुल हो गईं।

श्लोक 20 (devibhagavatam.3.15.20)

किं करोमि क्व गच्छामि पिता मे निहतो रणे । भर्ता चापि मृतोऽद्यैव पुत्रोऽयं मम बालकः

kiṁ karomi kva gacchāmi pitā me nihato raṇe bhartā cāpi mṛto'dyaiva putro'yaṁ mama bālakaḥ

'मैं क्या करूँ, कहाँ जाऊँ? मेरे पिता युद्ध में मारे गए; मेरे पति भी अभी-अभी मर गए; और यह मेरा पुत्र अभी बालक ही है।

श्लोक 21 (devibhagavatam.3.15.21)

लोभोऽतीव च पापिष्ठस्तेन को न वशीकृतः । किं न कुर्यात्तदाविष्टः पापं पार्थिवसत्तमः

lobho'tīva ca pāpiṣṭhastena ko na vaśīkṛtaḥ kiṁ na kuryāttadāviṣṭaḥ pāpaṁ pārthivasattamaḥ

लोभ अत्यन्त पापिष्ठ है — उसने किसे वश में नहीं किया? श्रेष्ठ राजा भी उससे आविष्ट होकर क्या पाप नहीं करेगा?

श्लोक 22 (devibhagavatam.3.15.22)

पितरं मातरं भ्रातॄन्गुरून्स्वजनबान्धवान् । हन्ति लोभसमाविष्टो जनो नात्र विचारणा

pitaraṁ mātaraṁ bhrātṝngurūnsvajanabāndhavān hanti lobhasamāviṣṭo jano nātra vicāraṇā

लोभ से आविष्ट व्यक्ति पिता, माता, भाई, गुरु, स्वजन और बन्धुओं को भी मार डालता है — इसमें कोई विचार की आवश्यकता नहीं।

श्लोक 23 (devibhagavatam.3.15.23)

अभक्ष्यभक्षणं लोभादगम्यागमनं तथा । करोति किल तृष्णार्तो धर्मत्यागं तथा पुनः

abhakṣyabhakṣaṇaṁ lobhādagamyāgamanaṁ tathā karoti kila tṛṣṇārto dharmatyāgaṁ tathā punaḥ

तृष्णा से पीड़ित व्यक्ति लोभ के कारण अभक्ष्य भक्षण करता है, अगम्य के पास जाता है, और उसी प्रकार धर्म का त्याग भी कर देता है।

श्लोक 24 (devibhagavatam.3.15.24)

न सहायोऽस्ति मे कश्चिन्नगरेऽत्र महाबलः । यदाधारे स्थिता चाहं पालयामि सुतं शुभम्

na sahāyo'sti me kaścinnagare'tra mahābalaḥ yadādhāre sthitā cāhaṁ pālayāmi sutaṁ śubham

इस नगर में मेरा कोई महाबली सहायक नहीं है, जिसके सहारे रहकर मैं अपने शुभ पुत्र की रक्षा कर सकूँ।

श्लोक 25 (devibhagavatam.3.15.25)

हते पुत्रे नृपेणाद्य किं करिष्याम्यहं पुनः । न मे त्राताऽस्ति भुवने येन वै सुस्थिता ह्यहम्

hate putre nṛpeṇādya kiṁ kariṣyāmyahaṁ punaḥ na me trātā'sti bhuvane yena vai susthitā hyaham

यदि राजा द्वारा आज मेरा पुत्र मार डाला गया, तो मैं फिर क्या करूँगी? इस लोक में मेरा कोई रक्षक नहीं है जिससे मैं सुरक्षित रह सकूँ।

श्लोक 26 (devibhagavatam.3.15.26)

सापि वैरयुता कामं सपत्नी सर्वदा भवेत् । लीलावती न मे पुत्रे भविष्यति दयावती

sāpi vairayutā kāmaṁ sapatnī sarvadā bhavet līlāvatī na me putre bhaviṣyati dayāvatī

वह मेरी सौत भी सदा वैरभाव से युक्त ही रहेगी; लीलावती मेरे पुत्र के प्रति कभी दयावान् नहीं होगी।

श्लोक 27 (devibhagavatam.3.15.27)

युधाजिति समायाते न मे निःसरणं भवेत् । ज्ञात्वा बालं सुतं सोऽद्य कारागारं नयिष्यति

yudhājiti samāyāte na me niḥsaraṇaṁ bhavet jñātvā bālaṁ sutaṁ so'dya kārāgāraṁ nayiṣyati

युधाजित् के आने पर मेरे लिए कोई निकास नहीं रहेगा; वह मेरे पुत्र को बालक जानकर आज ही उसे कारागार ले जाएगा।

श्लोक 28 (devibhagavatam.3.15.28)

श्रूयते हि पुरेन्द्रेण मातुर्गर्भगतः शिशुः । कृन्तितः सप्तधा पश्चात्कृतास्ते सप्त सप्तधा

śrūyate hi purendreṇa māturgarbhagataḥ śiśuḥ kṛntitaḥ saptadhā paścātkṛtāste sapta saptadhā

सुना जाता है कि पूर्वकाल में इन्द्र ने माता के गर्भ में स्थित शिशु को सात भागों में काट दिया था, और फिर उन सातों को भी सात-सात भागों में कर दिया था —

श्लोक 29 (devibhagavatam.3.15.29)

प्रविश्य चोदरं मातुः करे कृत्वाल्पकं पविम् । एकोनपञ्चाशदपि तेऽभवन्मरुतो दिवि

praviśya codaraṁ mātuḥ kare kṛtvālpakaṁ pavim ekonapañcāśadapi te'bhavanmaruto divi

माता के उदर में प्रवेश करके, हाथ में एक छोटा वज्र लेकर; और वे उनचास ही स्वर्ग में मरुत् बन गए।

श्लोक 30 (devibhagavatam.3.15.30)

सपत्न्यै गरलं दत्तं सपत्न्या नृपभार्यया । गर्भनाशार्थमुद्दिश्य पुरैतद्वै मया श्रुतम्

sapatnyai garalaṁ dattaṁ sapatnyā nṛpabhāryayā garbhanāśārthamuddiśya puraitadvai mayā śrutam

एक सौत को दूसरी सौत, जो राजा की पत्नी थी, ने गर्भ नष्ट करने के उद्देश्य से विष दे दिया था — यह भी मैंने पूर्व में सुना है।

श्लोक 31 (devibhagavatam.3.15.31)

जातस्तु बालकः पश्चाद्देहे विषयुतः किल । तेनासौ सगरो नाम विख्यातो भुवि मण्डले

jātastu bālakaḥ paścāddehe viṣayutaḥ kila tenāsau sagaro nāma vikhyāto bhuvi maṇḍale

फिर भी वह बालक जन्मा, यद्यपि उसके शरीर में विष विद्यमान था; इसलिए वह भूमण्डल में 'सगर' नाम से विख्यात हुआ।

श्लोक 32 (devibhagavatam.3.15.32)

जीवमानोऽथ भर्ता वै कैकेय्या नृपभार्यया । रामः प्रव्राजितो ज्येष्ठो मृतो दशरथो नृपः

jīvamāno'tha bhartā vai kaikeyyā nṛpabhāryayā rāmaḥ pravrājito jyeṣṭho mṛto daśaratho nṛpaḥ

और अपने पति के जीवित रहते हुए भी, राजा की पत्नी कैकेयी द्वारा ज्येष्ठ पुत्र राम को वनवास दिया गया, और राजा दशरथ मर गए।

श्लोक 33 (devibhagavatam.3.15.33)

मन्त्रिणस्त्ववशाः कामं ये मे पुत्रं सुदर्शनम् । राजानं कर्तुकामा वै युधाजिद्वशगाश्च ते

mantriṇastvavaśāḥ kāmaṁ ye me putraṁ sudarśanam rājānaṁ kartukāmā vai yudhājidvaśagāśca te

मेरे मन्त्री भी, जो निश्चय ही मेरे पुत्र सुदर्शन को राजा बनाना चाहते थे, अब असहाय होकर युधाजित् के वश में हो गए हैं।

श्लोक 34 (devibhagavatam.3.15.34)

न मे भ्राता तथा शूरो यो मां बन्धात्प्रमोचयेत् । महत्कष्टञ्च सम्प्राप्तं मया वै दैवयोगतः

na me bhrātā tathā śūro yo māṁ bandhātpramocayet mahatkaṣṭañca samprāptaṁ mayā vai daivayogataḥ

मेरा न कोई भाई है, न कोई शूरवीर है जो मुझे बन्धन से मुक्त कर सके; दैवयोग से मुझ पर यह बड़ा कष्ट आ पड़ा है।

श्लोक 35 (devibhagavatam.3.15.35)

उद्यमः सर्वथा कार्यः सिद्धिर्दैवाद्धि जायते । उपायं पुत्ररक्षार्थं करोम्यद्य त्वरान्विता

udyamaḥ sarvathā kāryaḥ siddhirdaivāddhi jāyate upāyaṁ putrarakṣārthaṁ karomyadya tvarānvitā

प्रयत्न सर्वथा करना चाहिए, सिद्धि तो भाग्य से ही होती है; मैं आज शीघ्रता से पुत्र की रक्षा का उपाय करती हूँ।'

श्लोक 36 (devibhagavatam.3.15.36)

इति सञ्चिन्त्य सा बाला विदल्लं चातिमानिनम् । निपुणं सर्वकार्येषु चिन्त्यं मन्त्रिवरोत्तमम्

iti sañcintya sā bālā vidallaṁ cātimāninam nipuṇaṁ sarvakāryeṣu cintyaṁ mantrivarottamam

इस प्रकार विचार करके उस बाला ने अत्यन्त स्वाभिमानी, समस्त कार्यों में निपुण, विचारणीय, श्रेष्ठ मन्त्री विदल्ल को —

श्लोक 37 (devibhagavatam.3.15.37)

समाहूय तमेकान्ते प्रोवाच बहुदुःखिता । गृहीत्वा बालकं हस्ते रुदती दीनमानसा

samāhūya tamekānte provāca bahuduḥkhitā gṛhītvā bālakaṁ haste rudatī dīnamānasā

एकान्त में बुलाकर, हाथ में बालक को पकड़े हुए रोती हुई, दीन-चित्त होकर अत्यन्त दुःखी होकर उससे कहा —

श्लोक 38 (devibhagavatam.3.15.38)

पिता मे निहतः सङ्ख्ये पुत्रोऽयं बालकस्तथा । युधाजिद्बलवान् राजा किं विधेयं वदस्व मे

pitā me nihataḥ saṅkhye putro'yaṁ bālakastathā yudhājidbalavān rājā kiṁ vidheyaṁ vadasva me

'मेरे पिता युद्ध में मारे गए हैं; यह मेरा पुत्र भी बालक है; और राजा युधाजित् बलवान् है — क्या करना चाहिए, मुझे बताओ।'

श्लोक 39 (devibhagavatam.3.15.39)

तामुवाच विदल्लोऽसौ नात्र स्थातव्यमेव च । गमिष्यामो वने कामं वाराणस्याः पुनः किल

tāmuvāca vidallo'sau nātra sthātavyameva ca gamiṣyāmo vane kāmaṁ vārāṇasyāḥ punaḥ kila

विदल्ल ने उससे कहा — 'यहाँ रुकना उचित नहीं है; हम निश्चय ही वाराणसी की ओर वन में चलेंगे।

श्लोक 40 (devibhagavatam.3.15.40)

तत्र मे मातुलः श्रीमान्वर्तते बलवत्तरः । सुबाहुरिति विख्यातो रक्षिता स भविष्यति

tatra me mātulaḥ śrīmānvartate balavattaraḥ subāhuriti vikhyāto rakṣitā sa bhaviṣyati

वहाँ मेरे श्रीमान्, अत्यन्त बलशाली मामा हैं, जो सुबाहु नाम से विख्यात हैं; वे ही रक्षक बनेंगे।

श्लोक 41 (devibhagavatam.3.15.41)

युधाजिद्दर्शनोत्कण्ठमनसा नगराद्बहिः । निर्गत्य रथमारुह्य गन्तव्यं नात्र संशयः

yudhājiddarśanotkaṇṭhamanasā nagarādbahiḥ nirgatya rathamāruhya gantavyaṁ nātra saṁśayaḥ

युधाजित् से मिलने की उत्सुकता का बहाना बनाकर नगर से बाहर निकलकर, रथ पर चढ़कर हमें जाना चाहिए, इसमें कोई संशय नहीं।'

श्लोक 42 (devibhagavatam.3.15.42)

इत्युक्ता तेन सा राज्ञी गत्वा लीलावतीं प्रति । उवाच पितरं द्रष्टुं गच्छाम्यद्य सुलोचने

ityuktā tena sā rājñī gatvā līlāvatīṁ prati uvāca pitaraṁ draṣṭuṁ gacchāmyadya sulocane

इस प्रकार उससे कहे जाने पर वह रानी लीलावती के पास जाकर बोली — 'हे सुलोचने! मैं आज पिता से मिलने जा रही हूँ।'

श्लोक 43 (devibhagavatam.3.15.43)

इत्युक्त्वा रथमारुह्य सैरन्ध्रीसंयुता तदा । विदल्लेन च संयुक्ता निःसृता नगराद्बहिः

ityuktvā rathamāruhya sairandhrīsaṁyutā tadā vidallena ca saṁyuktā niḥsṛtā nagarādbahiḥ

यह कहकर वे उस समय अपनी दासी सहित तथा विदल्ल के साथ रथ पर चढ़कर नगर से बाहर निकल गईं।

श्लोक 44 (devibhagavatam.3.15.44)

त्रस्ता ह्यार्तातिकृपणा पितुः शोकसमाकुला । दृष्ट्वा युधाजितं भूपं पितरं गतजीवितम्

trastā hyārtātikṛpaṇā pituḥ śokasamākulā dṛṣṭvā yudhājitaṁ bhūpaṁ pitaraṁ gatajīvitam

भयभीत, अत्यन्त दयनीय, पिता के शोक से व्याकुल, युधाजित् राजा को तथा प्राणहीन पिता को देखकर,

श्लोक 45 (devibhagavatam.3.15.45)

संस्कार्य च त्वरायुक्ता वेपमाना भयाकुला । दिनद्वयेन सम्प्राप्ता राज्ञी भागीरथीतटम्

saṁskārya ca tvarāyuktā vepamānā bhayākulā dinadvayena samprāptā rājñī bhāgīrathītaṭam

उनका शीघ्रतापूर्वक अन्त्येष्टि-संस्कार करके, काँपती हुई, भय से व्याकुल रानी दो दिनों में गंगा-तट पर पहुँच गईं।

श्लोक 46 (devibhagavatam.3.15.46)

निषादैलुण्ठिता तत्र गृहीतं सकलं वसु । रथञ्चापि गृहीत्वा ते निर्गता दस्यवः शठाः

niṣādailuṇṭhitā tatra gṛhītaṁ sakalaṁ vasu rathañcāpi gṛhītvā te nirgatā dasyavaḥ śaṭhāḥ

वहाँ निषादों द्वारा लूटी गईं, उनका सम्पूर्ण धन ले लिया गया, और उनका रथ भी लेकर वे धूर्त डाकू चले गए।

श्लोक 47 (devibhagavatam.3.15.47)

रुदती सुतमादाय चारुवस्त्रा मनोरमा । निर्ययौ जाह्नवीतीरे सैरन्ध्रीकरलम्बिता

rudatī sutamādāya cāruvastrā manoramā niryayau jāhnavītīre sairandhrīkaralambitā

रोती हुई, सुन्दर वस्त्र पहने मनोरमा, अपने पुत्र को लेकर, दासी के हाथ का सहारा लेकर जाह्नवी के तट पर निकल पड़ीं।

श्लोक 48 (devibhagavatam.3.15.48)

आरुह्य च भयाच्छीघ्रमुडुपं सा भयाकुला । तीर्त्वा भागीरथीं पुण्यां ययौ त्रिकूटपर्वतम्

āruhya ca bhayācchīghramuḍupaṁ sā bhayākulā tīrtvā bhāgīrathīṁ puṇyāṁ yayau trikūṭaparvatam

भय से व्याकुल होकर शीघ्रता से एक नौका पर चढ़कर उन्होंने पवित्र गंगा को पार किया और त्रिकूट पर्वत की ओर चलीं गईं।

श्लोक 49 (devibhagavatam.3.15.49)

भारद्वाजाश्रमं प्राप्ता त्वरया च भयाकुला । संवीक्ष्य तापसांस्तत्र सञ्जाता निर्भया तदा

bhāradvājāśramaṁ prāptā tvarayā ca bhayākulā saṁvīkṣya tāpasāṁstatra sañjātā nirbhayā tadā

शीघ्रता से भय से व्याकुल होकर भारद्वाज के आश्रम पहुँचकर, वहाँ तपस्वियों को देखकर वे तब निर्भय हो गईं।

श्लोक 50 (devibhagavatam.3.15.50)

मुनिना सा ततः पृष्टा काऽसि कस्य परिग्रहः । कष्टेनात्र कथं प्राप्ता सत्यं ब्रूहि शुचिस्मिते

muninā sā tataḥ pṛṣṭā kā'si kasya parigrahaḥ kaṣṭenātra kathaṁ prāptā satyaṁ brūhi śucismite

मुनि ने तब उनसे पूछा — 'तुम कौन हो, किसकी पत्नी हो? इस कष्ट में यहाँ कैसे पहुँचीं? हे पवित्र मुस्कान वाली! सत्य बताओ।

श्लोक 51 (devibhagavatam.3.15.51)

देवी वा मानुषी वासि बालपुत्रा वने कथम् । राज्यभ्रष्टेव वामोरु भासि त्वं कमलेक्षणे

devī vā mānuṣī vāsi bālaputrā vane katham rājyabhraṣṭeva vāmoru bhāsi tvaṁ kamalekṣaṇe

क्या तुम देवी हो या मानवी, बालक-पुत्र सहित वन में यहाँ कैसे? हे वामोरु! हे कमलनयने! तुम राज्यभ्रष्ट के समान दिखाई देती हो।'

श्लोक 52 (devibhagavatam.3.15.52)

एवं सा मुनिना पृष्टा नोवाच वरवर्णिनी । रुदती दुःखसन्तप्ता विदल्लं च समादिशत्

evaṁ sā muninā pṛṣṭā novāca varavarṇinī rudatī duḥkhasantaptā vidallaṁ ca samādiśat

इस प्रकार मुनि द्वारा पूछे जाने पर वह श्रेष्ठ वर्ण वाली स्त्री कुछ नहीं बोलीं, दुःख से संतप्त होकर रोती रहीं, और विदल्ल को उत्तर देने का संकेत किया।

श्लोक 53 (devibhagavatam.3.15.53)

विदल्लस्तमुवाचेदं ध्रुवसन्धिर्नृपोत्तमः । तस्य भार्या धर्मपत्नी नाम्ना चेयं मनोरमा

vidallastamuvācedaṁ dhruvasandhirnṛpottamaḥ tasya bhāryā dharmapatnī nāmnā ceyaṁ manoramā

विदल्ल ने उनसे कहा — 'श्रेष्ठ राजा ध्रुवसन्धि थे; उनकी धर्मपत्नी, जिनका नाम मनोरमा है, यही हैं।

श्लोक 54 (devibhagavatam.3.15.54)

सिंहेन निहतो राजा सूर्यवंशी महाबलः । पुत्रोऽयं नृपतेस्तस्य नाम्ना चैव सुदर्शनः

siṁhena nihato rājā sūryavaṁśī mahābalaḥ putro'yaṁ nṛpatestasya nāmnā caiva sudarśanaḥ

सूर्यवंशी महाबली राजा सिंह द्वारा मारे गए; यह उन्हीं राजा का पुत्र है, जिसका नाम सुदर्शन है।

श्लोक 55 (devibhagavatam.3.15.55)

अस्याः पितातिधर्मात्मा दौहित्रार्थं मृतो रणे । युधाजिद्भयसन्त्रस्ता सम्प्राप्ता विजने वने

asyāḥ pitātidharmātmā dauhitrārthaṁ mṛto raṇe yudhājidbhayasantrastā samprāptā vijane vane

इनके अत्यन्त धर्मात्मा पिता अपने दौहित्र के लिए युद्ध में मारे गए; युधाजित् के भय से त्रस्त होकर वे इस निर्जन वन में पहुँची हैं।

श्लोक 56 (devibhagavatam.3.15.56)

त्वामेव शरणं प्राप्ता बालपुत्रा नृपात्मजा । त्राता भव महाभाग त्वमस्या मुनिसत्तम

tvāmeva śaraṇaṁ prāptā bālaputrā nṛpātmajā trātā bhava mahābhāga tvamasyā munisattama

बालक-पुत्र सहित यह राजकुमारी केवल आपकी शरण में आई है; हे महाभाग्यशाली मुनिश्रेष्ठ! आप ही इनके रक्षक बनिए।

श्लोक 57 (devibhagavatam.3.15.57)

आर्तस्य रक्षणे पुण्यं यज्ञाधिकमुदाहृतम् । भयतस्तस्य दीनस्य विशेषफलदं स्मृतम्

ārtasya rakṣaṇe puṇyaṁ yajñādhikamudāhṛtam bhayatastasya dīnasya viśeṣaphaladaṁ smṛtam

दुःखी की रक्षा करने में यज्ञ से भी अधिक पुण्य कहा गया है; भय से पीड़ित दीन की रक्षा को विशेष फल देने वाला माना गया है।'

श्लोक 58 (devibhagavatam.3.15.58)

ऋषिरुवाच । निर्भया वस कल्याणि पुत्रं पालय सुव्रते । न ते भयं विशालाक्षि कर्तव्यं शत्रुसम्भवम्

ṛṣiruvāca nirbhayā vasa kalyāṇi putraṁ pālaya suvrate na te bhayaṁ viśālākṣi kartavyaṁ śatrusambhavam

ऋषि ने कहा — 'हे कल्याणी! निर्भय होकर रहो, अपने पुत्र की रक्षा करो, हे सुव्रते! हे विशालाक्षी! तुम्हें शत्रु से उत्पन्न कोई भय नहीं करना चाहिए।

श्लोक 59 (devibhagavatam.3.15.59)

पालयस्व सुतं कान्तं राजा तेऽयं भविष्यति । नात्र दुःखं तथा शोकः कदाचित्सम्भविष्यति

pālayasva sutaṁ kāntaṁ rājā te'yaṁ bhaviṣyati nātra duḥkhaṁ tathā śokaḥ kadācitsambhaviṣyati

अपने प्रिय पुत्र का पालन करो, यह राजा बनेगा; यहाँ न कभी दुःख होगा और न ही शोक कभी होगा।'

श्लोक 60 (devibhagavatam.3.15.60)

व्यास उवाच । इत्युक्ता मुनिना राज्ञी स्वस्था सा सम्बभूव ह । उटजे मुनिना दत्ते वीतशोका तदावसत्

vyāsa uvāca ityuktā muninā rājñī svasthā sā sambabhūva ha uṭaje muninā datte vītaśokā tadāvasat

व्यास जी ने कहा — मुनि द्वारा इस प्रकार कहे जाने पर वह रानी स्वस्थ हो गईं; मुनि द्वारा दी गई कुटिया में वे शोकरहित होकर रहने लगीं।

श्लोक 61 (devibhagavatam.3.15.61)

सैरन्ध्रीसहिता तत्र विदल्लेन च संयुता । सुदर्शनं पालयाना न्यवसत्सा मनोरमा

sairandhrīsahitā tatra vidallena ca saṁyutā sudarśanaṁ pālayānā nyavasatsā manoramā

वहाँ दासी सहित और विदल्ल के साथ, सुदर्शन का पालन करती हुई वह मनोरमा निवास करने लगीं।